رواية بعد كذبك لا ترتجي مني نظره -22
في احد الاسواق الشعبيه ...
ام ضاحي : شوفي هالساعه حلوه
شهد: مدري .. خل نشوف غيرها
ضاحي : والله انك انتي مع خويتك سامجين لازم هدايا مفروض هي الي تجيب موانتم
شهد: اليوم عيد ميلادها ...وبعدين لايكثر ..
في مكان ثاني بنفس المحل...
منيره: اي وحده حلوه هذي ولا الثانيه
سوسن: من جدك بتشترين طقم ساعات
منيره: ايه يوم الملكه نلبسها مع بعض ..
سوسن: الرمادي احلى لان غامق وانتم فاتحين ..
منيره تلف ونتاظر الكل مشغول مع شهد: كم ذول لو سمحت
البايع: بالف ريال
سوسن: اف غاليه
منيره تطلع الفلوس وتعطيه:خذ ..عادي انا وهوالي بلبس
*
*
في مكان ثاني بسوق ...
احمد يدخل المحل وهو مستحي لان محل اقمصت نوم :خلصتي ..
رهف بدون ماتناظر فيه: منو احلى الاسود ولا الوردي
احمد " وشفيها اختي استخفت" :مدري اشتري اي شي بسرعه
رهف: لا شنو اي شي هذا حق هيوف لازم ادور لها احسن شي
احمد:طيب لاخلصتي ناديني
رهف تهز راسها وهي الى الان محتاره في الروبات نوم ..
$$$$$$$$$$$$$$$$&& $$$$$$$$
انفتحت باب القصر ..وبدات الصراخ والتليلش (يعني كلللوللوش هههه) ..والكل لف على ماجد واول من ضمه
امه واخته ..اما بنات عم ماجد واقفين يناظرون هيفاء .. لان موكلهم احضروا الزواج ..
دخلت هيفاء وهي تركض لامها : وحشتني يالغاليه احبك وربي احبك (وتبوس راسها ويدها وترجع تضمها)
نجلاء وهي تخز في هيفاء: شوفي مسوي فيها البنت الباره
بشاير: مالت عليها مااخذ وحده منا عشانها من حلتها الحين
عبير : الحمدلله خطيبي اياد احس ماجد مايناسبني
شمايل : دخيلك كانك جد خطب موبس كلام حريم كبار
عبير تخز فيها :انطمي محد كلمك جد ملقوفه(والكل يلف على صرخة مها)
مها بضحكه: مااااجد اتركني
ماجد ببتسامه يترك يدها لان ضاغط عليها بقوه: روحي
بعد ماسلموا الكل دخل في الصاله ..والكل جلس ماجد وهيفاء متوسطين اماتهم ..
هيفاءتناظرالكل وتلف على ام ماجد: ماما وين جدتي ؟؟
ام ماجد : اي صح ذكرتيني الله يذكرك بشهاده هي نايمه لان تعبت شوي بروح اصحيها
ماجد: لالا حنا نروح لها قومي هيو ..(سكت لان كان بيدلعها) هيفاء يلا
هيفاء تقوم وتلف على امها: لاتروحين خلك بسلم على جدتي وبرجع
ام ماجد بضحكها: امسكها لك
هيفاء: هههههههه ايه ..وتروح عنهم هي وماجد ..
نجلاء بصوت عالي وتحط راسها على يدها: فكرتها طويله طلعت قصيره
ام بدر على نيتها: ايه هيفاء طالعه علي قصيره
ام رياض : دايم الرجال اطول نوادر ماتشوفين طول بعض
ام جهاد: عبير قريب طولها من طول اياد
عبير تنزل راسها ينقال مستحيه..
ضحى (زوجةرياض) تناظر عبير : انتي مخطوبه؟؟
ام نايف تصرف السالفه : متى العشاء
ام ماجد :تقومين نشوف
اريج تهمس لنوال: ياحياتي شفتي كيف امي انحرجت وصرفت
نوال: ودي اصفقه اخوك وشفيها عبير والله حلوه
لمياء : اسكتي وربي ترفع الضغط قطع
×
*
في الغرفه ..
ام جابر الجده : حيا الله بعيال
هيفاء ببتسامه اول مره تكون فرحانه كلام الجده وضمتها ودعوتها تريحها الله حرمها من ام امها وام ابوها
بس عطها جدة زوجها : الله يحيك كذا تتعبين وماتقولين اخر الناس ندري
ام جابر: مابي اخرب عليهم سفرتكم
ماجد جالس على السرير ويهمز رجولها ويرفع صوته: وحشتني يايمه
ام جابر بنزعاج: ولد لاتصارخ اسمعك (تلف على هيفاء) اذا زعلك قولي لي اعرفه عنيد تربيت يدي
هيفاء تناظر فيه : هو جا على الزعل
ماجد يناظر فيها: هيفووه انا متى زعلتك
ام جابر تلف يمين ويسار ... هيفاء لاحظت عليها تدور شي : امري جدتي تبين شي
ام جابر :عصاتي ابيها
ماجد يقوم بسرعه من السرير وهي تضحك ..
ام جابر: اجل مزعلها انت مسفرها عشان تونسها ولا تستفرد فيها هاااه وانا اقول ورها كذا عصن قاعد
ماجد: والله من اخذتها وهي ضعيفه احس الضعيفه يايمه احسن
ام جابرتلف وتضرب هيفاء بخفيف: وانتي مصدقته كلي تراى ان مرضتي بيدور غيرك
هيفاء:بكيفه هو كان كسرت عصاتك على راسه
ام جابر :كفوووووو هذي الحرمه السنعه الرجاجيل ماتادبهم الا العين الحمره
ماجد :يمه اشفيك قلبتي زوجتي عليّ
ام جابر :اسكت ولا كلمه واطلع ابي بنتي لحالي ..
ماجد :طيب بس انا زعلان
ام جابر: ازعل وانت برى اخلص على بهالعصا على راسك
ماجد طلع وهومسوي روحه زعلان .. وهيفاء تضحك..
$$$$$$$$$$$$$$$$&& $$$$$$&
في جناح فخم ..اللوانه ازرق غامق واسود قريب من تصاميم الياباني.. لون غرفة انوم ابيض واضاءتها زرقه ومحدده بالاسود
في كل مكان يدل على البساطه بس فخامه .. السرير ابيض واطي ومن تحت اضاؤه ازرق والفراش اسود .. والخلفيه السرير صورته ..
نواف واقف قدام المرايا يعدل شماغه وهويدندن (ينطق الباب ): ادخلي
ايمان تدخل وراها ساميه ولجين ..وهم مبتسمين ..
نواف يناظر فيها ويسوي روحه زعلان: يارب افقد هالابتسامه قولوا امين
ايمان بعد ثواني تشهق: وجع زوجي يبغاني
ساميه: جمعا ان شاء الله
نواف يبخ عطر :شتبون جاين عندي
ايمان: وش هالكشخه اخوي
لجين تعلك بعبط وتتكلم بسرعه: كشخه كشخه (وتفرب منه ولتمسه) شحلوووووووووه اخوي
ساميه تلمسه بصبعها وتمص اصبعها : حلو والله
ايمان تشاركهم الخبال: اذوق
نواف يرفع نعاله : حتى انا ابي اذوق نعالي من ظهوركم
والكل يركض يبعد عنه في الجنــــــــاح الواسع ..
نواف يناظر ساميه: الحمدلله وشكر الكل يمشي لحاله الا انتي مجموعة ناس تمشي مع بعض
ايمان ولجين: ههههههههههههههههههههه ههههههههههههههههههه
ساميه: يا السخيف انا توني والد بس اطلع من الاربعين بتشوف الرشاقه
نواف يناظر نفسه في المرايا : نشوف يلا (ياخذ المفتاح والمحفظه) يلا سلااام طفوا النور
وينزل ويشوف امه وخلود في الصاله .. نواف يركض لامه ويضمها بقووه..
امه تبعد عنها: نوااااف بعد عن الخبال
نواف: الله لايحرمني منك (يكمل بخبال)اووومي احووووبك كاااثير
امه تضربه :تكلم عدل
نواف يناظرايمان ويناظر في خلود الي تناظر الجوال وهي عاقده حواجبها وسرحانه..
ايمان تهز كتوفها بمعنى مدري..نواف يعدل جلسته:خلود
خلود تناظر فيه وكانه متروعه: هاااه (حست على عمرها وغيرت من جلستها ) احم هلا نواف
الكل حس ان فيها شي واولهم لجيـــن..
نواف بجده: وشفيك ؟؟
خلود: مافيني شي ..
نواف : انا ما سالتك عشان تردين عليّ بهالسؤال انا عارف ان فيك شي ومشان كذا سالتك وش هو الي شاغل بالك
صار لك على حالك اكثر من اسبوعين
خلود توقف: قلت مافيني شي يعني مافيني
ايمان تحط رجل على رجل وتتكلم بطريقه مليانه سخريه: الا وين صديقتك الحلوه اميره
خلود تخز فيها وتروح عنهم .. وتلحقها لجين..
ام نواف تلف على ايمان: انت شايفه اختك متضايقه تروحين تستخفين دمك ليه ؟؟
نواف يوقف : غبيه طول عمرها غبيه وهمجيه ماتفهم ولا تحس انا بروح ماجد وصل السعوديه
ولارجعت ولقيتها صاحيه بتفاهم معها ..انتم اتركوها لحاله
×
*
×
لجين تسكر الباب: وشفيك
خلود: افكر بعهود اميره ناويه على الشر
لجين: كيف يعني؟؟
خلود: اميره راعية فضايح ..البنت الي ماتعجبها تفضحها وانتي تعرفين اهل عهوود
لجين تشهق: حرام عهود.. تعالي ونواف انعرف عنك ذبحك على طول
خلود بتكشريه: تجرب حظها وقسم اني احطها بغسالتنا وانشرها على بلكونتي واخلي الي مايشتري يتفرج
لجين: ههههههههههه وربي تهبلين على عصبتي
خلود: فاضيه على مغازلك انا اخلصي ..اعطيني حل
لجين: مدري راسي مقفل
خلود: وانا بعد..
لجين: ان شاء الله موصاير شي
خلود قريب الى الهمس : ان شاء الله
*
×
*
..×× تـــ الفصــــ الاول ـــم××..
*
×
*
$$$$$$$$$$ $$$$$$$$$$ $$$$$$
وهذا البارت كنت بنزله امس بس النت توه يصطلح .. بناااااات مبروك الاجازه <<متروعه الاخت هههههه
..*&*..( الـــــــبـــارت والعـشـ الـثــاني ـــرين )..*&*..
ــــــــــــــــــــــــــــــــــــــــــــــــــ ـــــــــــــــــ
’..*&.. الفصــــــــــل الـــثانـــــــي ..&*..’
يوم جديد الجمعه .. الساعه وحده .. صحت وقامت على طول الحمام تروشت وصلت .. وهو الى لان نايم
هيفاء بعد ماخلصت الصلاه والى الان عليها حجاب الصلاه : ماااااجد قوووم الساعه وحده قوووووم
ماجد يتقلب بثقل: طيب طيب
هيفاء ترفع عن راسه اللحاف: ماجد ساعه وحده وحنا في بيت جدك عن الفضايح كافي مارحت المسجد
واليوم الجمعه قوم فشلتنا
ماجد يفتح عيونه: شتبين مع هالابسته كانك حجاج مصر شتبين
هيفاء تتخصر: اقول قوم عن الطنازه اذا انا حجاج مصر انت من حجاج افريقا الطوال ذوليك
ماجد يضربها بالمخده: اوص يا قزومه
هيفاء تشيل المخده وتضربه بقوه : لاتضرب يا دب (وتبعد عنه بسرعه)
ماجد : الحمدلله وشكر قزمه خوافه... وماخوفيه اعظم ..نفسي اكتشف فيك شي زين مافيه كله شين
هيفاء وهي تصفط الحجاب: دخليك يا الكامل .. اصلا قولبتك كلك مافيك شي زين لاشكل لا اخلاق
ماجد يرفع حاجبه: اوص اسكتي
هيفاء تطنشه وتطلع عباتها : ماراح ارد عليك
ماجد: وين مطلعه العبايه وين بتروحين
واثنينهم يتروعون على طق الباب ..ماجد عقد حواجبه وقام من فراشه : هاتي ملابسي الى الحمام(ودخل الحمام)
هيفاء" شغالة ابوك انا " ابتسمت وفتحت الباب: هلا
دلال ببتسامه : طحت عليكم وشتسون
هيفاء: ههههههه ولا شي
دلال تدخل: وين ماجد
هيفاء: بالحمام تكرمين
دلال: تسلمين حبيبتي ..طيب متى ناوين تنزلون
هيفاء: الحين بنزل بس يجهز ماجد
دلال تجلس على الاريكه :امس فقدتوني صح
هيفاء تطلع ملابس لماجد: هههههههههههه لاعشان مره ثانيه تجين
دلال: شسوي في اهل زوجي اوقاتهم مره غبي
هيفاء تطق باب الحمام : عندك اولاد( ماجد طلع ايده وطق ايدها..و هفياء رمت عليه الملابس وابعدت
عنه قبل لاتحس دلال)
دلال اسكت وبان عليها الحزن: لا
هيفاءعقد حواجبها: الله يرزقك ..
دلال توقف: يلا انا بنزل نشوفك على الغدا
هيفاء: خلك
يطلع ماجد وشوي في ملابسه مويه : هلا بعمتي
دلال تضمه: وحشتني يالغالي
ماجد يبعدها عنه: مايوحشك غالي ..اخبارك واخبار زوجك؟
دلال ببتسامه: ماشي الحال
ماجديناظر فيها: يارب يركض هالحال
دلال:ههههههههههههههههههه لاطولون انزل واخيرا شفتك معرس
ماجد:شفتي عقبال كل العوانس
دلال: ههههههههههه اياد متى بعرس
ماجد ببتسامه: هذا شكله مع محمد اخوه بيعرس
دلال:هههههههههههههههههههههههههه الله يرجك يلا انا بنزل (وطلعت عنهم )
ماجد يسكر الباب ويناظر فيه هيفاء الي تناظر فيه: وشتنتظرين ماطلعين لي ثوب تاخرت على الناس
هيفاء تقوم الى التسريحه : انا بجهز عمري انت طلع اغراضك بنفسك شنو صغير انت لازم انا اسوي لك
اغراضك
ماجد يرمي عليها الفوطه : زوجه فاشله وبزره وقزمه بعد
هيفاء" مريض نفسي ..وربي اكرهك"..عدلت شكلها ونزلت
$$$$$$$$$$$$$$$$&& $$$$$$$$
واقف في البلكونه يناظر المسبح والمساحه الخضراء .. والحزن كاسيه .. صار هادي ومايهتم في نفسه
شعره طال وماحلق وجهه ..وصار من المستشفى الى البيت ومن البيت الى المستشفى .. حس بايد تلمس
كتفه ..
لف سعود جهة اليد: رياض!
رياض يوقف جنبه: امس جا ماجد
سعود يتنهد: مالي دخل فيه
رياض: اليوم الكل متجمع عشانه
سعود: انا بروح اشوف اهل ابراهيم ..ابوهم طلق امهم
رياض بصدمه: وش هالحقاره ..يذبح عيالها ويطلقها بعد
سعود: ماتركته في حاله رسلت له ناس ادبوه شوي ..وعطيت ام ابراهيم فلوس وقلت لها اي شي تحتاجينه
انا تحت امرك وعطيتهم سواق من حقينا ..
رياض:الله يعطيك العافيه ..المهم خلنا نروح الحلاق ضبط شكلك ونروح حق الناس
سعود بملل: رياض طفشتني كل مره تقولي حلاق مالي خلق اشوف احد مابي اروح
رياض: عشان خاطري ولا مالي خاطر
سعود: طيب الحين بغير ملابسي ..بس حلاق لا مالي خلق شي وقبل بيت جدي بمر عند اهل ابراهيم
*
×
*
طلع من الغرفة اخوه وصادف زوجته ..وابتسم لها ..
ضحى: هلا حبيبي بشر رضى يمشي معنا
رياض ضيقه: ايه
ضحى: الله يفرجها.. لاتتضايق انت حاول تغير جوه شوي.. يعني طلعه من البيت غير جو الكائبه الي هوفيه
رياض يمسك يدها: عادي ماتزعلين اطلع معه واترك لحالك
ضحى تبوس يده: كل شي يصير عندي عادي الا اني اشوفك حبيبي رياض متضايق ..وبعدين انا مولحالي
في عمتي واختك ..
رياض: الحمدلله اني عطاني زوجه طيوبه وحبوبه زيك ..
:احم احم
ضحى تبعد عن رياض وجهها احمر..
سعود : ممكن انزل
رياض ينقال زعلان: خرب علينا جونا ويقول ممكن (يمسك ضحى ويوفقهاجنبه) يلا مر خلصنا
سعود يبتسم: عناد بنزل من الاصنصير
رياض يمسك ضحى الا تضحك: تعالي نكمل جونا تحت
سعود ابتسم وراح عنهم.. الكل صار تحت ..سعود جلس على الكنب وزينه جنبه ورياض جنبه زوجته
والكل وقف من شافوا ابورياض وام رياض ينزلون ..سعود تقدم بيطلع لكن وقفه صوت ابوه..
:سعـــــــــود
سعود لف : هلا يبه
ابورياض وهو ينزل: بتروح لناس وانت كذا
سعود واقف :ايه بروح كذا
ام رياض تهمس له وهي عاقده حواجبه: اتركه بحاله كافي الا فيه.. احمد ربك انا رضى وجا معنا
ابورياض عوج فمه: طيب طيب يلا نمشي ..
والكل طلع الى بيت الفيصــــــــــــــــــــــل ..
$$$$$$$$$$$$$$$$&& $$$$$$$$
نفس الوقت بالظهر لكن المكان موفي قصور ولا حي راقي .. في بيت متواضع ..
في احد الغرف يدخل ضاحي وهو يصارخ : حبيـــــــــبي صباااح الخير (ويرفع اللحاف عن شهد ويسحب
المخده من تحت راسها ويضربها فيها وهو يغني بصراخ) حبيبي صبـــــاااااح الخير
شهد بصراخ: ضــــــــــــــــــــــــــــاحي ولعنه تلعنك بعد عنــــــــي
ضاحي يرفع المخده: يلا قومي لا اسوي شي تحبينه اكثر من الضرب قومي الحين وقت غدا
شهد: مابي غدا
ضاحي: ماعرف اكل الا انتي معي يا اختي الصغير
شهد: ضاحي الله يرحم امك فكني مابي ياخي اكل مابي ابي اناااااااام
ضاحي ضربها بالمخده: مالت عليك وعلى وجهك وهذا انا اغني لك بعد
منيره تطلع من الحمام: دخيلك على هالصوت يافيروز
ضاحي : تكلمت النعجه التائه
شهد:هههههههههههههههه حرم فتى البراري
ضاحي ياشر على منيره: مصخره ههههههههههههههههههههههههههههه
منيره : جيبوا نص جماله بعدين تكلموووا
ضاحي: قليلة ادب تتغزل فيه قدامه
شهد :الو الو بنات اخر زمن
ضاحي يحط يده على جبهة اخته شهد: مريضه اختي اسم الله عليك وش الو الو بنات اخر زمن
منيره: هذي اغنية بندر سعد بس تعرف اختك تغير اللحن والكلمات
ضاحي يناظر في شهد: خذي راحتك يااختي الصغيره
شهد: انزين قوم طس بنام ..
منيره: وش نومه الحين الظهر الناس تتغدا
ضاحي بهبال: والعصر وشتسوي
شهد: تتعشى وبالليل تنام هاااا هاها
ضاحي يفتح فمه على الاخر يعني تقدرون تشوفون البنكرياس لاطليتوا ويحط يده على بطنه ..وبعدين يسكر
ويلف على شهد: من كثر السماجه موطالعه الضحكه (شال المخده ورماها على وجهه شهد وقام وقبل مايطلع
رمى علبة المنديل )
شهد: غبي طيّر النوم
منيره: وش اخذ لملكتي الفستان والوردي ولا السماوي
شهد: وانا وش دخلني ان شاء الله تلبسين خيشه
منيره: وه فديته هالمزيون يهبل حيل
شهد: قطع وش هذا مالت ثقلي ثقلي ترى الرجال يحب الحرمه الثقيله
منيره تلف عليها: وربي لا اوريه الويل يصبر لاخليه يندم ان قال بكون نفسي
شهد: الزبده انا اليوم بروح عند هيوف حجزت ضاحي قبلكم ..
$$$$$$$$$$$$$$$$&& $$$$$$$$
في السياره قدام احد البيوت الفقيره..
:هذا بيتهم ياوعد متاكده؟؟
وعد: ايه ..لاغيرك الكشخه ترى حالتهم حاله ..اميره من الحين انا مالي دخل
اميره:لاتاخفين ماراح اجيب سيرتك اصلا من يتوقع انك انتي سويتي شي ..
وعد : يلا وين الكيس هاتيه
اميره تطلع الكيس من الشنطه: لحظه اتاكد من وجود الصوره فيها ولا لا
وعد بصدمه: غير الرساله بعد فيه صوره من وين لك؟؟
اميره: من جوالي صورتها بجوالي والله يخلي الفوتشوب وطقته يضبطون هههههههههههههههههههههههههه
وعد:وربي انك خبيثه ينخاف منك
اميره: ههههههههههههههههههههههههههه مرره يلا روحي حطي الكيس عند الباب وانا بدق على الغبيه
خلوود
وعد اخذت الكيس وانزلت ..ورفعت اميره جوالها ودقت على خلود ..
*
×
*
كانت جالسه جنب اهلها وشافت جوالها يرن قامت وردت وهي مكشره: نعم اميره
اميره بكل غرور : اميرتك واميرة اهلك وتاج على راسك ..
خلود: تخسين وشتبين داقه
اميره: داقه اقولك ودعي حبيبتك قلبك عهـــود لا بعد شوي اهلها يمكن يذبحونها هههههههههههههه
خلود بعصبيه: والله ان سويتي شي لها بذبحك
اميره: هههههههههههههههههههههههههه ياااي على الحب يلا انقلعي ياخلوووووود اذا قدرتي تساعدينها
لاتبخلين ياحلوه هههههههههههههه بااااي (وتسكر التلفون في وجهها)
خلود بصرخه :الحقيــــــــــــره الوااطيه
$$$$$$$$$$$$$$$$&& $$$$$$$$
بعد الغدا على العصر دخل سعود المجلس ..الكل شافه ورد السلام الا ماجد رده وهو منصدم من شكل سعود
ماجد يناظر في سعود الي يسلم على جده وعمامه: وش هذا ..وين سعود الكشيخ الحلو
اياد مكنشر : جعله في هالحاله وارده مالي دخل فيه
قرب سعود من ماجد ..ماجد قام وسلم عليه: وش هالحزن ياسعود اهملت نفسك كثير موزين عليك
سعود بصوت مبحوح: الله يقومه بالسلامه
الفيصل: تغديت الحين انت
سعود: العمه ام ابراهيم غدتني غصب
الفيصل: وش صار على ابراهيم
سعود: ماتغير شي نفس ماهو ياجدي
الفيصل : الله يشفيه ..اهل محتاجين شي على خبري ابوهم ماهوب صاحي
سعود: انا مومخلي عليهم قاصر
الفيصل: الله يكملك بعقلك
ماجد يناظر في سعود ويهمس لــ اياد: مسكين والله جد الصديق لا طاح مريض ينكسر الظهر تحسه روحك
موخويك
اياد وهو يشرب الشاي: والله حنون الاخ من وين هالحينه جايبها من بنت عبد المنعم ولا وين
ماجد يحط يده على فخذ اياد ويقوي المسكه :طاري زوجتي لاتجيبه مزح ولا جد لا والله يصير شي موطيب
والشماته موزين يا ولد العم (ويقوم من دون مايسمع رد من اياد)
*
×
*
في الصاله الكل مجتمع والسوالف في كل مكان الا هي تحس بالوحده وكل شوي تناظر في الساعه متى يجي
الليل عشان تشوف خوياتها ..مشتاقه لهم حيل صحيح كلمتهم بس المكالمات ماتغني على لمة صديقاتها
البنات في صاله والحريم الكبارفي صاله..
انتبه لصوت الناعم الي جاها : هيفاء
هيفاء ابتسمت لها: هلا اروى ولا ايش
:اريج وش اروى ههههههههههههههه
هيفاء ببتسامه: كلهم اسامي بنات ههههههههههههههه
اريج: وشفيك ساكته تبين ماجد (وتغمز لها)
هيفاء" ويييع من حلاته" :لا موكذا بس محد يسولف معي
اريج تجلس جنبها وهي حاملها بنتها النايمه: لازم نبتدي حنا ماتعرفين تسولفين
هيفاء: ماعرفكم زين اخاف احد حنا متضايق مني
اريج: انا عادي ماتضايق واحب اتعرف على الكل حدي اجتماعيه
هيفاء ابتسمت لها: هذي بنتك ؟؟
اريج: ايه بس لاتعلمين احد هههههههههههههههه
هيفاء: ههههههههههههههههههههههه
من جهه الثانيه ثلاث بنات يناظرون هيفاء واريج ..مها وعبير ونجلاء علاقتهم قويه مره تربيت عمتهم
ام جهاد .. مها فيها شوي طيبه من امها بس صفات عمتها ام جهاد كثيره ..
عبير: يالله اريج بتتقطع من الضحك معاها وانا ولا احد معبرني ولاكاني خطيبة اخوها
مها: متى راح يخطبون رسمي الى متى وهو بس كلام حريم
نجلاء:مالت وربي مغرور وشايف حاله من متى وانتم مسمين لبعض
عبير: ماما من حلاته بس هو الوحيد الي يليق بمستواي فاهمه ولاتنسي ابوه يتكل عليه كثير وزيادة الخير
حلووو
نجلاء: يلعنك داخله على طمع هههههههههههههه
مها+ عبير:ههههههههههههههههههههههههههههههههه ههههههههههههههههههه
نجلاء ترفع صوتها: الا ياهيفاء بتكملين الثنويه بعد ماتزوجتي
هيفاء" مدري ليه هالبنت اكرهه" : الا بكمل
مها: ليه تكملين اخلي اخوي ماجد يشترها لك شرى
هيفاء: لا مابي اتعب زوجي وانا بعدين اهلي معلميني ان الشهاده سلاح وتنفع وبس اخلص الثنويه
بكمل جامعه
عبير: بس اخلص الجامعه وبجلس في البيت انتظر زوجي ايدوو
هيفاء :انتي مخطوبه؟؟
عبير بفخر وغرور: ليه تتوقعين هالحلا ماينخطب
اريج: امي تبيها لاخوي اياد
لمياء تخز في عبير: قصدك عمتي ام جهاد خاطبتها لاخوي
عبير انحرجت وسكتت ..
نجلاء ترقع السالفه: اقول اسكتي انتي وشعرفك مابقي الا بزران يتكلمون في هالسالفه
هيفاء تكتم الضحكه: مومشكله الله يوفقك انتي وخطيبك (تناظر نجلاء) وانتي محد خطبك؟؟
اريج تصرف الضحكه وتبوس بنتها لان صار وجه عبير ونجلاء اللوان من الاحراج...
مها توقف :عبير نجلاء قوموا نطلع لبرى نتمشى شوي (وهي تخز في هيفاء )
$$$$$$$$$$$$$$$$&& $$$$$$$$
×كل الحكايه اني انولد فقير وربي وهبني جمال امير .. وطحت في يد ماترحم الصغير×
: آآآآآآآآآآآآآآآآآآآآآآآآآآيييييييييييييييييييييييي يييي والله مااعرف والله مهند شيل يدك شعري
مهند: صورتك من وين جات له دامك ماتعرفينه ولا مسويه يها حبيبه وتاركته والله لا اكسر راسك
امهم: ياقليلة الادب الحين حنا وش قصرنا فيه عشان تروحين تكلمين شباب هاااه
عهود تضرب بيده وهي تبكي: والله ماكلم والله
مهند يعطيها كف: كذابه يرمي الصور عليها : وهذي شنو شنـــــــــوو قولي كم مره شفتيه كم مره
عهود تصارخ وهي تبكي : ماشفت احد ولا كلمت احد حرام انا ماطلع ولا ادخل وين اشوف واحد واكلمه
مهند يرفسها في الارض: من اليوم ورايح طلعات مافيه تلفونات مافيه حتى الجامعه مافيه
عهود: حرام عليكم والله انا ماكلم احد والله وشسويت لكم عشان تعاملوني كذا ..والله ماعرفه اكيد يكذب
مهند: لا انا ولا اخواني يماشون ناس صايعين ابوي يوم مات رباني انا واخواني على الاخلاق ياعديمة الاخلاق
عهود: ابوس رجولك لاتحرمني من مستقبلي وبعدين هذي وصية ابوي اني اكمل دراستي
مهند: لو عارف اخلاق الوسخه ماوصانه ماخلاك تكملين ..(يناظر امه) يمه جوالها معك يمه
امه: ايه وفقلته
مهند :يلانطلع واكلها وشربها يوصل الين مكانها وماتطلع الا اذا بغت حمام بس
عهود تلحق اخوها: لالالا الله يخليك ابوسك روجلك لاتحبسني مهند لا
مهند لفها ورمها على الارض وراج الى جهة الباب: لمى تقولين منهو اخليك تطلعين
$$$$$$$$$$$$$$$$&& $$$$$$$$
خلود تضرب رجلها : مقفل جولها كان يرن وردت امها وقالت نايمه نايمه وقفلت في وجهي
سعاد: روووق روق انا مدري ليه احس السالفه فيها اميره
خلود: سعوود بمووت من القهر البنت مالها ذنب
سعاد تشهق: تعاااال لاتسوي لك شي
خلود: وش بتسوي
سعاد: والله اذا سوت لك شي تقراء على روحها الفاتحه
خلود: ابي اعرف وشصار عليها
سعاد: الساعه على الحين 5 وشرايك نروح لها
خلود: لالا خلها بكره نكلمها في الجامعه
سعاد: من وين جايه هالمصبيه لنا ..تعال لو صار لك شي وش يعرفني
خلود: اختي لجين انا اعرف ادبر عمري هي كيف ؟؟
سعاد: الله ياخذك يا اميره ..
خلود: امين ..
$$$$$$$$$$$$$$$$&& $$$$$$$$
×*× والله لو يمر على غيابك سنين غيرك ياحبيبي ماحبيت ..مالي قلب ينسى غلا احباب ×*×
دخلت القسم مخصص لهم وهي تتأمل هالفخامه .. وراها ماجد يمشي .. دخلت غرفة ورى غرفه وعلى
وجهه الاعجاب والابتسامه .. وعند غرفة النوم وفقة منصدمه وتغرت الملامح من فرح الى حزن
ماجد لاحظ تغيرات ملامح وجهه: ماعجبتك الغرفه
هيفاء تتنهد: الا شفت وحده زيها بس هذي احلى منها بواجد
ماجد لف عليها وهو مكتف ايدها: وليه متضايقه وانتي تتكلمين
هيفاء حست على عمرها : انا لا مومتضايقه
ماجد: موعاجبتك اغيرها (كمل كلامه بتريقه) كل شي ولا زعل زوجتي الغاليه
هيفاء لفت تناظر فيه " اكرهك " راحت عنه وهو لحقها ومسكها بيدها .. شهقت من الالم: نعم
ماجد بحده: لمى اكلمك ماتصفطين وبعدين وش هالنظرات الي تناظريني فيها هااه
هيفاء برجا: ماجد الله يخليك اتركني ابي اجهز عمري خوياتي بيجون
ماجد يبعدها عنه بقوه ويطلع من القسم وهومعصب .. هيفاء انهارت وبكت " وينك ياوليد اكيد حياتي
بتكون معك احلى الله يسامحك يا بابا "
$$$$$$$$$$$$$$$$&& $$$$$$&
في الليل..ثمان الليل
الكل دخل القصروهو هلكان ..
.. اياد كل العاده بعد مايطلع ابوه الى غرفته ينبطح على الكنب بعد مايفصخ شماغه..ويغطي وجهه بايده
امه: اياد
اياد : همممممم
امه: وصمه يقولون نعم
اياد: طيب نعم امري يالغاليه
اريج: يمه مانبغى عبير ..نبي وحده زي هيفاء لـه كافي الي اخذناهم لفيصل وعبد العزيز
نوال: على الاقل نشوف زوجة فيصل زوجة عبد العزيز من النوادر وحسوبه علينا زوجة اخو على الفاضي
امهم: كل حريم العيال كذا لا كبرتوا بتفهمون
لمياء: ولا وتعال على الدلع والمياعه وربي فرق بين هيفاء وعبير هيفاء تحسينها دلعها رباني
موهذي قليلة ادب
امهم بصرخه: انتي مالك دخل وانقلعي لغرفتك بسرعه
جواد يلطف الجو: شفتوا زوجتي الحلوه
اياد يرفع يده عن وجهه ويناظر فيه وهورافع حاجبه ..
جواد يحرك راسه: نعم اشفيك تناظر اسأل عن احوال زوجتي
امهم: يرحك بالك ماجات عليها اختبار
جواد: ياروحي الله يوفقها وينجحها زوجتي الغاليه
اياديمدد رجله اكثر وهو مغطي يده وجهه : استحى ياقليل الادب
امهم: عمتك كلمتي عنك
اياد بتريقه: مهري مايقل عن نص مليون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك