بداية

رواية بعد كذبك لا ترتجي مني نظره -24

رواية بعد كذبك لا ترتجي مني نظره - غرام

رواية بعد كذبك لا ترتجي مني نظره -24

وقف سياره في مواقف السيارت ونزل من سيارته الى القصر وهو تعبان متنرفز .. دخل حصل امه واخوانه ماعدا زوجته
ماجد: السلام
الكل:وعليكم السلام
امه: ماجد وشفيك طولت
ماجد: رحت مع نواف في حاجه موفاهمه فهمته وصليت بالمسجد وجيت امري في شي
امه: لا بس جوعت البنت هذي صخت لك الغدا وسوت لك شاورما الي تحبها
ماجد: وينها فيه
امه :بالمطبخ الحقني نفاجأها
دخلوا بالمطبخ ..كانت هيفاء تحط الاكل في الصحون والشغاله توديعم لغرفة الطعام..ابتسمت لمى شافت
ام ماجد داخله عليه بس بسرعه ماخفت هالابتسامه لمى شافت نظرات ماجد الي ماتوعد بخير" جاك الموت ياتارك الصلاه"
ام ماجد: خلصتي ..
هيفاء: ايه خلصت (تعطي مريلة الطبخ الشغاله ) يلا نتغدا جوعانه حدي
ماجديناظر فيها بحده: تسلم هالايادي ..زوجه مرضيه الله يرضى عليه
ام ماجد على نياتها:اي والله الله يرزق باقي اخوانك بوحده زيها
هيفاء بضحكه: الله يعين زوجة حمود على حمووودههههههههههههههه
ام ماجد: امها مدعيه عليه ..اذا انا واطلب من ربي الصبر شلون هي المسكينه
هيفاء بمزح: طالع على اخوه الكبير
ماجد: لا وانتي صادقه طالعه على زوجة اخوه الكبير
ام ماجد+هيفاء: ههههههههههههههههههههههه ههههههههههههههههه
ماجد: انا في غرفة الطعام .. وراح عنهم
ام ماجد: تبينه يضحك مايضحك بيذبح عمره ابتسم
هيفاء بهبال: الحمدلله .. ابتسم الحمدلله
ام ماجد:ههههههههههههههههههههههههههههههههههه ..روحي له لايخلص الاكل
راحت له هيفاء وقفل غرفة الطعام عشان مايدخل احد بالغلط وافصخت عبايتها ..
ماجد كان يناظر فيها طول الوقت ولمى شافها جلست على الكرسي : ممكن افهم ليه مادقيتي او رسلتي
انك وصلتي ..
هيفاء طنشته وجلست تاكل:.......................
ماجد يناظرفيها: اكلمك مدام هيفاء
هيفاء تناظرفيه: نعم
ماجد: ليه ماعطيتني خبر انك وصلتي
هيفاء بكذب: ماجاني شي
ماجد: اهاا ..مره ثانيه الله يخليك اذا ماجاك شي دقي وقوليلي طيب
هيفاء: طيب ممكن اكل
ماجد: سوي لي شاورما بعدين اكلي
هيفاء: اف طيب
ماجد يضربها على يدها بخفيف: يقولون ان شاء الله مواف طيب
هيفاء طنشته وجلست تسوي له شاورما" والله لو امك ماقالت لي ماكان سويتها لك ..مالت عليك "
ماجد وهو يشرب ماي: اول مره تشوفيني على هالمناظر
هيفاء بتريقه: شوي زوجي جميل ماقدر ابعد عيوني عنك حدك وسيم يارب يطلع ولدي على جمالك
ماجديحط الكاس على الطاوله ويتكلم على نفس نبرة صوتها: يابعدقلبي كذا هذا شكلي مسويه فيك(يعدل صوته)
كلي وانتي ساكته ولايكثر مابقى الاهي مبزر ويتريقون
هيفاء بصوت واطي: ما البزر الا انت
ماجد: قلتي شي
هيفاء: قلت طيب ..
$$$$$$$$$$$$$$$$$$ &
نفس فخامة الطاوله الي جالسين عليها هيفاء وماجد بس اصغر وانوار هاديه ..في المطعم اياد وعلي جالسين
علي: والله من زمان عن طلعاتي معك يبغالها نتجمع ونروح رحله
اياد: ان شاء الله ..علي في موضوع ابي اتكلم معك بس ابيك تكون هادي
علي: امر ..وشفيك
اياد يتنهد : والله موعارف كيف اقول لك بس انا ودي من زمان اتكلم معك بس موعارف كيف؟؟
علي: شدعوه يااياد حنا اخوان قط الكلمه ولا تهتم ترى انا مازعل وانت عارف لايكون محتاج شي بس
اياد " ليتني ماقلت": لالا مومحتاج شي ..الموضوع ومافيه انوو والله موعارف وش اقول
علي : اياد وشفيك تكلم
اياد سكت " وش هالموقف كيف اقوله واذا قال كيف شفت؟؟ ياغبائك يااياد الله ياخذك ياسعود "
وفي وسط الهدوء ارتفع صوت نغمة كلاسيكيه من جوال اياد..
اياد: الله يستر هذا المستشفى دقيقه.. الو ... وشوووووو.. وسعود وينه .. خلاص ثواني وانا جايكم
علي: وشو وش صاير
اياد: ابراهيم عطاك عمره وسعود هناك مسوي سالفه بروح اشوف وش صار
علي: بروح وياك
*
×
*
في المستشفى ..
تركي ماسك سعود: اذكر الله ياسعود
سعود بشكل جنوني يصيح ويضرب في شكله : ابراهيم مااات وخلاني مااات الغالي ياعمي مااااااااات
تركي يمسك يده: سعوووود خلاص اذكر الله
رياض يركض لسعود ويضمه: خلاص ياخوي خلااص
سعود: مات ذبحه ابوه وماات وانا صرت لحالي مات ابراهيم (واغمى عليه في حظن اخوه )
ابو رياض بصرخه: تــــــــــــركي ولدي بيروح
اتجمعوا حوله الرجال واخذا سعود داخل الغرفه .. بعد دقايق جا اياد وعلي وهويركضون
اياد: وش صار كيف مات
ابو رياض :مدري انا ماجيت الاسعود يضرب فيه روحه ويبغى يدخل الغرفه وهم موراضين له
علي: انا بروح اشوف كيف مات الرجال
اياد: وينه الحين؟؟
ابورياض: طاح علينا ..
اياد: الحين بروح له
ابورياض يمسك يد اياد: طمني على سعودولاتعلمون احدوبلغوا اهل ابراهيم ان ولدهم مات
بس عن طيحت سعود لايدري والله امه تجي هنا مع امي
اياد: ان شاء الله
علي يطلع من العنايه: انا لله وانا اليه راجعون..
اياد: كيف مات ؟؟
علي: اصلا هوعايش على الاجهزه خلاص توقف القلب ودع الدنيا حرام الولد توه صغير
يلا الله يرحمه
ابو رياض : الله يرحمه ويصبر الله
تركي يجي لهم : انا لله وانا اليه راجعون..
ابو رياض بلهفه: ولدي صار فيه شي
تركي : انيهار عطينه ابرة مهدء
ابورياض : بلغ رياض انه مايقول لاامه
تركي: قلت له
وماصارت ربع ساعه الا والمستشفى مزحوم اهل ابراهيم وعمام سعود ..
سعود يصحى ويحرك راسه بشويش.. رياض انتبه له..
رياض :سعود كيفك ؟؟
سعود يرفع نفسه : وين ابراهيم ؟؟
رياض: الله يرحمه ..
سعود بصرخه: دفنتوا قبل مااودعه ..وحاول يقوم بس شهق لمى حس بالم ابرة المغذي
رياض بصرخه: مجنووووون وين رايح ..(يمسك سعود) عمي يبه يا ايــــــــــــــــاد
سعود يبعد: وخر انا موجنون ولا بياهل عشان تمسكني هالمسكه ابد عني بروح لابراهيم رياض بعد
تركي يدخل الغرفه مع ممرضين ويمسكون سعود ويعطونه ابراه مهدأه ثانيه وينام سعود من جديد
رياض: عمي مايصير له شي
تركي: لا وانا عمك اصلا اخوه متوقع يصير له كذا لااكل وسهر وصياح اكيد بتنهار النفسيه
رياض يقوم:امي تدق من الصباح حاسه قلبها ان سعود فيه شي..
تركي: الله يكون بالعون قول انه بالعنايه عند ابراهيم وممنوع انه يكلم احد
الفيصل: متى بتدفنونه
خال ابراهيم الكبيرحمدي: بكره الصباح ان شاء الله
الفيصل: والله لو اشوف ابوه اذبح حسبي الله عليه من ابو ذبح الولد
حمدي:القهر انه مسوي فيها رجال متدين ..وينصح الناس بعد والله حتى الارهابي مايذبح ولده بهالطريق
الفيصل: حسبي الله ونعم الوكيل
بونايف: خلونا نروح المسجد ونصلي ونروح بيوتنا نرتاح وبكره الصباح نجي
بورياض: كيف اروح وسعود هنا
الفيصل :بنرجع له ان شاء الله لازم نقول لامه
بورياض: ولو روحوا انتم وانا بصلي بمسجد المستشفى
الفيصل : على رحتك بونايف قول للعيال نمشي مابقى شي وياذن
$$$$$$$$$$$$$$$$$$ &
في البيت الاجواء متكهربه ..
خلود : طيب كيف جاتك الرسايل
عهود: مدري يقول واحد اسمه معاذ وصوري مع واحد مره ثوب ومره بدله
خلود: تركيب اكيد هاتي الصور
عهود: عنده موعندي
خلود: طيب وينه اخوك واكلمه لك
عهود: طالع ..خلود ساعديني تكفين ساعديني اسبوع الجاي بيزوجوني عبد الملك وانا مابيه
خلود بصدمه: وشووووووو
لجين تحط يدها على فمها: يوم الخميس من الاحد الى الخميس دبري حالك تذبحين اميره وتقتلينها
خلود: والرسايل عندك
عهود: ايه عندي
خلود :هاتها
عهود افتحت الدرج وعطتها : هذا يقول خطه
لجين: هذا خط وعد
خلود: جد وشدراك
لجين: تذكرين لحظه (تفتح شنطتهاوطلع منها دفتر ارقام) هنا اذكر مره وعد اكتبت لي حاجه اعطي اياها
وتريت على خطها (تفتح الدفتر وتوريهم الخط) مونفسه
عهود: ايه هوو
خلود: الحقيره انا اوريك فيها
لجين: نواف يدق
خلود: يلا باي
عهود بفرحه ضمتها: شكرا خلود
خلود تمسك وجهه وتهمس: اسمي خالد موخلود (وتبوس خدها) باي
عهود تبعد عنها: الله معكم
وطلعوا من البيت .. لجين ترد على نواف..
نواف بصراخ: ابسرعه تعالوا وقولي للحماره خلود تقرا على روحها الفاتحه قوف بلاويها طالعه من دون اذن
لجين بخوف وهي تسكر الباب: طيب
خلود: وشيبي بعد
لجين: معصب ليه طلعتوا من دون اذن
خلود: شنووو انتي ماقلتي لامي رايحين المغربي
لجين: لا قلت لشغاله
خلود: الزبده انه عطينا احد خبر
ووصلوا الى البيت ..الكل كان مولع..
خلود بنفسيه: السلام
لجين من الخوف ماقالت شي :..................
خلود كملت طريقها ..
نواف وهوماسك الظرف: خلـــــــــــــود
$$$$$$$$$$ $$$$$$$
ماراح اكتب شي ابي توقعاتكم ..
واسفه بس اليوم جلست جلسه محترمه من سبع الين 11 واااي ظهري انكسر والله عندي ظروف
البارت الجاي بحطه على الاحد والاثنين الجاي بس لعيونكم هذا استعجلته ان شاء الله يعجبكم
وفديتك غروومه لبى قلبكم كانك حاسه فيني .. وفديتكم لاتنسون التوقعااااات ياحلوين افتح الروايه
وماشوف توقعات طقيت بنت اختي الصغير عشان تتادبون <<< ياربي على خفة الدم هههههههههه
تحياتي لكم ..
بنت الخزاعي
..


..*&*..(الـــــــبـــارت والعـشـ الرابع ـــرين )..*&*..

ــــــــــــــــــــــــــــــــــــــــــــــــــ ـــــــــــــــــ
وصلوا الى القصر .. لجين خايفه من نواف ودقات قلبها قويه ..عكس خلود الي كانت معصبه وفكره
توديها وتجيبها عشان تادب اميره .. فتحت الباب خلود وراها لجين ..
خلود بنفسيه: السلام
لجين من الخوف ماقالت شي :..................
خلود كملت طريقها ..لمى ماسمعت اي رد
نواف وهوماسك الظرف: خلـــــــــــــود
خلود لفت عليه وانتبهت على لاب حقها والاي بود : نعم
نواف: وين كنتي فيه
خلود: كنت عند عهود خويتي ..ولجين راحت المغربي (وترفع اكاس المغربي)
نواف رافع حواجبه: وعسى انبسطتي بس
خلود عقدت حواجبها بزياده: نعم نواف وليه ماخذ اغراضي من دون استأذان
نواف يمد يده: هاتي الجوال دام النفس طيبه.. وتعالي معي الى المكتب
خلود تناظر القصر: وين امي مالك داخل
نواف يقرب منها ويمسكها من رقبتها: مابي اطق هاتي الجوال ..ومن بكره بوديك دكتور نفسي
خلود : آآآآه وش تخربط انت انا مالي دخل
نواف يرمها على الكنب: اسألك اليوم اقولك في شي تقولين لا تكذبين عليّ
خلود بصراخ: مالك دخل فيني ولا طلع مراجلك عليّ
نواف يضربها كف ويفصخ العقال ويجلس يضرب فيها : انا اوريك كيف المراجل على اصول يا الشاذه
لجين من الخوف راحت تركض الى امها راحت الى الغرفه ماشافت احد.. طلعت من الغرفه
شافت ساميه طالعه من غرفتها ..متروعه على هالصراخ
ساميه بصوت كله نوم : وش هالصراخ
لجين وهي تبكي: نواف يضرب خلود تحت وين امي
ساميه بعدم استيعاب: امي مع تارا طالـ... (بعد مااستوعبت فتحت عيونها على الاخر)شنووووووووو وتجلس تركض
وتشهق لمى شافت نواف يضرب خلود ..(صرخت) نـــــــــــــواف جنيت بعد عنها
وراحت تسحب فيه وهو الى الان يضرب : خليني اربيها..خلينـــــــــــي مفشلتنا قليلة الادب
لجين تمسك خلود الى تتاوه من الالم:آآآآآآآآه والله لا اقول لابوي
نواف بعصبيه وصراخ: وقوليله انك شاذه .. (يناظر لساميه المصدومه) اتركيني عليها اتركيني
ساميه :خلاااص نواف خلاص...لجين خذي خلود وديها غرفتها
نواف يرجفه من العصبيه ومستمر على صراخه: لا قبل تعطيني جوالها ومفتاح غرفتها..الظاهر ابوي ماعرف يربي بس وراسك تربيتك على يدي
ساميه تحاول تجلسه: طيب نواف
ام نواف تدخل البيت مع تارا وتشهق من منظر خلود شفايفها تنزف دم وجهها احمر : خلود من الي طاقك
نواف: قليلة الادب بنتك يايمه شاذه راعية بنات وفوق كذا ادخن (ياخذ الظرف ويعطه امه) شوفي
شوفي يايمه وش جاني الين مكتبي الحمدلله اني مااصيرت على السكرتير انه يفتح الظروف الي جاتني
ولا كان فضيحتنا على كل لسان ..
ام نواف تاخذ الظرف وتناظر الصور: ماقلت لك هالبنت ماوراها الا المصايب شفتي وش سوت لك
(قربت منها ونزلت الى مستواها لان خلود جالسه على الارض ولجين رافعتها) وش اقول لابوك
هاه وش اقوله بنتك محتاجه دكتور نفسي ..
خلود تحاول تقوم : لاتقولون شي..
ام نواف تمد يدها وتعطي خلود كف طيحها على الارض مره ثانيه: شين وقواية عين .. احمدي ربك ابوك
ماكان موجود كان صار له شي من فعايلك حسبي عليك من بنت مسوده وجيهنا حسبي عليك
تارا تمسك رجل امها: ماما ليه الحنونه تظرب حاله حلود
" تظرب خاله خلود "
ساميه تاخذ تارا وتنادي الشغاله وتعطيها اياه وترجع الى الصاله ..
نواف : لجين شليها من وجهي لا اذبحها ..
قامت خلود مع لجين ..وراحوا عنهم ..
ساميه: ايمان كانت حاسه فيها
ام نواف تناظر الصور وهي عاقده حواجبها: والله ماعرفت اربي (وترمي الصوره على الطاوله)
ساميه: لا يمه انتي عرفتي تربي بس هي صاحبة ناس اللعبوا عليها
نواف بعصبيه: ماعليك اربيها من جد وجيد
ام نواف تغطي وجهها وتبكي: شقول لــ ابوكم شقوله
نواف قام من العصبيه وراح لخلود .. وساميه مسكت امها تهديها..
$$$$$$$$$$$$$$$$&& $$$$$$$$&
بعد صلاة المغرب
في القسم ..
تولع هيفاء انوار غرفة النوم وتكمل مشيها الى السرير لعند ماجد النايم ..
هيفاء تحرك بخفه : ماجد ماجد
ماجد :هممم هيفاء اتركيني ابي انام
هيفاء تجلس على الكنب : ماجد قوم جدك الفيصل يبك
ماجد يرفع راسه: شنو
هيفاء تبعد شوي عنه : عمي الفيصل داق يبك
ماجد يقربها منه :قصدك جدك الفيصل ياحلوه
هيفاء: ماعلينا المهم قوم يبغاك
ماجد يبعد شعره عن وجهه: طيب بعدي
هيفاء تقوم : بجهز ملابسك
*
×
*
في الصاله ..
مها : الله يرحمه مسكين سعود
ام ماجد بضيقه: ايه الله يرحمه ويصبر امه..
مها: وسعود كيفه الحين؟؟
ام ماجد: تلاقينه ميت ذاك من الصياح معروف ابراهيم صديقه من يوم صغار
مها تحط يدها على بطنها: الله يحفظ ولدي لي مع انور.. وماجد نايم
ام ماجد: ايه
مها كشرت: من عرس وهومتغير مغيرته .. قبل كنت اقول حنونه وطيوبه بس عمتي ام جهاد قالت لايغرك
المظاهر جد شوفي الناس كلهم عند سعود ومابقى شي على اذان العشاء والاخ نايم
ام ماجد: الحين انتي شايفه البنت طول الوقت معنا توها قايمه له امدها بتغيره .. لاتخافين ماجد تربيت جدك
يغير مايتغير بوطبيع مايترك طبعه
مها تحط رجل على رجل: هااه يمه اشوف اطباعنا موعاجبتك بعد ست الحسن والدلال جات ..
ام ماجد: انا اقوم احسن بروح عند ام رياض الله العالم عن حالها الحين ..
مها: انا بروح عند عمتي ام جهاد
ام ماجد تهز راسها يأست من حركات بنتها ...
*
×
*
نرجع الى القسم ماجد وهيفاء..
ماجد وهويلبس ثوبه: شنو مااات ..انا لله وان اليه راجعون .. لااا والله زعلت ..وسعود ..خلاص ثواني
وانا جاي ..
هيفاء تمد له شماغه وهي عاقده حواجبها: من الي مات
ماجد: ابراهيم صديق ولد عمي سعود
هيفاء تشهق: مـــــــات كيف ياحرام ؟؟
ماجد وهو يسكر ثوبه: هوسالفته ساله وسعود جاه انهيار والله حوسه
هيفاء بعفويه تساعده بسكيرة الثوب: طيب انتبه لحالك لاتسرع ..طمني على سعود والله كسر خاطري
ماجد يناظر فيها وهوساكت "هذي هيفاء ولا منوو":.....................
هيفاء حست على عمرها وبعدت عنه: انا بنزل باي
ماجد اخذ جواله ونزل وراها ..
$$$$$$$$$$$$$$$$&& $$$$$$$$&
بعد صلاة العشاء ..
شهد على كرسي التسريحه: وااااو حلووووو
منيره تلف بالفستان الخطوبه وهي تضحك: وكذا ههههههههههههههه
شهد : لا جد جنان ..وشراح تسوي شعرك
منيره تجلس على السرير: مدري ياشهد بشوف سوسن هي خبيرها بالحركات وينها سوسن
شهد :راحت تنادي امي
منيره: فرحانه لي شهد( تبتسم )
شهدتبادلها الابتسامه: ايه
سوسن من ورى: كلللللللللللللوووللللووووووووش
شهد تطبل على التسريحه: وقولوا بسم الله على قرد طب قولوا بسم الله
ام ضاحي: الا قمر طل مبرووك يالغاليه مبروك (وتضم منيره بقوه)
ناصريدخل: احلى اختي عروس
شهد: لا هذي بروفوه يوم الخميس اكيد عروس ههههههه
مشعل يدخل وهويرقص : وعاااشوو وصار عندنا عرس
شهد تطبل ..ومشعل يرقص وناصر يدخل معه هبال .. وامهم تصفق وتضحك
شهد توقف : الحمدلله والشكر .. مشفوحين اول ناس تعرس
ضاحي يدخل التعب باين عليه : السلام ..الله على اختي العروسه الحلوه
منيره بخجل: الله يبارك فيك
ضاحي يناظر شهد ويرفع يده وهويناظر فوق : يارب انك ترزقها واحد يستحمل اخبالها ..اللهم مدد عمر زوجها
صحيح انه بيجيه الضغط والسكر وانزلاق في معده وهبوط في البنكرياس وانحرفات في الامعاء.. اللهم مدد في عمره
الكل ماعد شهد الي تكش عليه:هههههههههههههههههههههههههههههه ههههههههههههههههههههههههههههه
ضاحي :يوم الاربعاء الناس بتجي بس بيسكنون في شقه
شهد: احسن ..بس يخلون مها هنا
ضاحي: هذا الي همك مها
ام ضاحي: يمكن تشوفها وتعجبك
شهد: لاااا مها لا
ضاحي: منو تبين اخذ رهف
شهد بصرخه:لااااااااااااااا ..
ضاحي: يمه ابي رهف
ام ضاحي: وهذي بتظل معك .. تبيها تموت من دفاشتك البنت ناعمه وحلوه
شهد: اصلا مع ضاحي محد بيظل
ضاحي يقرب منها: انتي بتظلين معي ..(يمسح على شعره)اصلا انا ابي وحده زيك حلوه وبيضه وشعرها طويل وحلو
شهد تبعد يده: وخر عني اترك شعري
سوسن: الحمدلله وشكر ماتحب احد يمسكها
ضاحي بهبال: الا انا شهد داعبيني بشعرك (ويحوس بشعرها)
شهد: ضــــــــاااااحي بعد ولعنه (وتبعده عنها وهوميت ضحك)
منيره: شهد بتعزمين خوياتك
شهد: اكيد
منيره: انا بسويها عائليه الحفله
ضاحي: الا خطيبتي رهوفه اعزمها
شهد: والله واثق خطيبتك قم بس قم
ام ضاحي: حاصلك انتي وخويتك ولدي ضاحي رجال مالي ثيابه
ضاحي ينبطح على سرير شهد: اي والله ثيابي دايم مقاسي هههههههههههههه
الكل: ههههههههههههههههههههههه ههههههههههههههههههههههه ههههههههه
ناصر: متى بتملكون الصباح ولا العصر
منيره تحط اصبعها على فمها: ايه صح يمه شنو رايك متى نملك
سوسن: بالليل احسن عشان مايمديه يشوفك الا بكره في الليل
ام ضاحي: كلام اختك عدل الاربعاء بالليل الملكه والخميس الحفله
ضاحي يناظر فيها : الله يوفقك يلا انا بروح انام تعبان من جيت من الدوم وانا ما نمت
شهد: ماتبي عشاء شي تاكله قبل لاتنام
ضاحي ببتسامه لاخته: مابي زعلت
شهد: ليه زعلت ؟؟
ضاحي : ماتبيني اخذ رهوفه حبيبتي
شهد تاخذ روج من الي على التسريحه وترميها عليه ..وهويضحك ..
$$$$$$$$$$$$$$$$&& $$$$$$$$&&
في المستشفى .. الكل صار متواجد بعد مانتشر الخبر حتى نواف وصل المستشفى ..خلصوا اجراءات ابراهيم
وبكره الصباح بيدفنونه .. في غرفة الي جالس فيها سعود ..
نواف : شد حيلك ياسعود مايصير كذا
سعود: بس اشوفه ما طلبت شي كبير
نواف : انت ماشفته وصار فيك كذا ..كيف لو شفته ..وبعدين لو شفته هل بيرجع مثلا خلاص هوراح
وماينفعه الا الدعاء ادعيله هو الحين محتاج الدعاء الادموع ماتنفع
سعود يبكي : الله ياخذ ابوه هو الي فرقنا انا بس بطلع من هنا بذبحه
نواف : اذكر الله ياسعود وبلاهالكلام الي يضر ماينفع .. خلاص بسك وانت تبكي ريح نفسك شوي
سعود: وين ارتاح وام ابراهيم وخواته مالهم اي احد بعد ابراهيم احس ضايع من دونه
نواف : الله يرحمه والله ماينسى احد .. بس انت ارتاح الحين (يساعده عشان ينام )
بعد ما ساعد سعود انه ينبطح وينام طلع من الغرفه .. واستقبله ابو رياض ..
بورياض: بشر تحسن حالته
نواف: هدى شوي ..هم ماراح يطلعونه
بورياض: خله يخف من الي هوفيه ..
نواف: الله يكون بالعون
ماجد لــ اياد: وليه ماقلتولي الناس كلها موجوده الا انا
اياد: عاد مدري بتعزي الحين اهل النبي ..كله اهل ابراهيم صديق سعود
ماجد بنظره حاده: اياد وشفيك استخفيت ..الموت مافي شماته ولاتتريق على سعود .. ترى الدنيا دواره
انت ماتدري ابراهيم غالي على سعود ماتدري يمكن ربي يردها في اغلى انسان تعزه ..وساعتها سعود يشمت فيك
اياد: يااا الله بدت محاظرات ماجد اقول فكني بس (ويقوم ويجلس مكانه نواف )
نواف وهويناظر اياد: اشفيه الحبيب اشفيه
ماجد:وربي توني اكتشف ان اياد انسان حقود
نواف: بالحيل زي الجمل ماينسى من ضره
ماجد: لاحوله ولاقوة الا بالله.. الله يهديه
نواف: الكل دخل واساه الا هو ماعطى سعود خبر ولا حشم حتى عمه ..حتى انا الي مالي دخل واسيته
وهوولافتكر حتى خويه علي دخل وكلمه الا هو
ماجد: الله يخزي العدو ماودي ادعي عليه ..
*
×
*
بونايف: بعد صلاة الصبح بيدفنونه .. انا اشوف مالها داعي جلستنا بالمستشفى خلونا نروح بيوتنا احسن
الفيصل: وسعود ولد ولدي نتركه
بورياض: روح هو بعد شوي بيرخصونه هومايبغى يطول شوفت عينك ينام ثانيه وعشر ساعات قاعد وابي ارجع البيت طلعوني من هنا
الفيصل : يالله اجل قول للعيال ان انا بمشي البيت
والكل لحق الفيصل ومابقى بالمستشفى غير رياض ونواف الي اخذها حجه عشان ما يرجع البيت ..
$$$$$$$$$$$$$$$$&& $$$$$$$$$$
من المستشفى وجمعة الرجال الى بيت في حي متوسط العيشه .. في صاله باثاثها البسيط ..
كريمه : انا اشوف السواق ماله داعي زايدة فلوس عندنا ثلاث اولاد ليه السواق
نوره: حتى انا اقول ماله داعي
رهف : لا له داعي احيانا مايوصلونا السواق له نفع وش تغير الحين
كريمه: حسي في ابوي راتب لشغاله وراتب سواق ومصرف البيت وفواتر الجوالات واقساط السياره
حسي فيه شوي
رهف: يعني السواق الي بيخفف المصاريف
امها: ايه بدال هالالف الي نعطيه ايه نحطها في اقساط السياره
رهف: لا السواق لا
كريمه بعصبيه: ايه واحسن عشان موكل عصريه حاطه العبايه على راسك وتحوسين في هالمجمعات
ولا بيت خوياتك
رهف توقف : انا الحين عرفت من وين ابوي جايب فكرة تسفيرة السواق منك
امها: وانتي وشحارق رزقك مكان الي تبينه بتروحينه
رهف : اففففففف ماهي حياه هذي كل شي بنتك تتحكم فيه اف (وتطلع من الصاله وتروح الى غرفتها )
سكرت الباب بقوه وشافت جوالها يدق راحت له وردت : هلا هيفاء
هيفاء : رهف عندي لك خبر بتنصدمين منه
رهف تجلس على السرير وبطفش : وش بعد
هيفاء: اول وشفيك؟؟
رهف: الغبيه السخيفه كريمموووه بتسفر السواق بحجة ايش مافي فلوس
هيفاء: عليها سخافه ..ماعلينا اذا تبين شي جيتك براس الخدمه انا والسواق
رهف: جد .. يلا قولي وش الخبر
هيفاء: سعود عنده خويي
رهف: ايه اسمه ابراهيم على مااظن.. ليه؟؟
هيفاء: ابراهيم مات
رهف تشهق: مااات وشلون وكيف ؟؟ ياحياتي توه شباب
هيفاء: مدري بس الي اعرفه كان بغيبوبه
رهف: ياقلبي ومتى مات
هيفاء: مدري بس يقولون لك سعود منهار لان ابراهيم حيل حيل خويه
رهف: ايه بتعلميني فيه اصلا كل مااكلمه ابراهيم معه انتي شفتيه بعد يوم بالراشد
هيفاء: ماتذكر شكله عدل
رهف: بتروحين العزا
هيفاء: ايه
رهف: عادي تمرين عليّ او انا امر عليك ونروح مع بعض
هيفاء : ماعندي مشكله
رهف: بدق على شهد نسوي جماعي دقيقه
ثواني ويجي لهم صوت شهد : هاااااااه ..
شهد: وشتبون انتم
رهف: ابراهيم مات
شهد: اووف من ابراهيم الله يرحمه
هيفاء: ابراهيم خوي سعود ياشهد
شهد تشهق: هاذاك الي الحلو
هيفاء: مااخبره ابراهيم حلو
رهف بضيقه : والله انتم ناس فاضيه الرجال مات وانتم حلو موحلو الله يخلف بس
هيفاء: ههههههههه من جد فاضين .. بنات اكلمك بعدين ماجد شكله جا اسمع الباب يتسكر
شهد: تكفين ابي اسمع صوته يدوخ
هيفاء: موصاحيه هههههههههه
رهف تحاول تبين انها طبيعيه: انا بسكر امي تناديني ..
شهد: لالا خلك رهيف بس اسمعي صوته رهف تكفين
هيفاء: ماراح يتكلم دام اني اكلم تلفون ..وبعدين شتبين بصوت زوجي ياقليلة الادب
شهد:توك ماتحبينه وماتبينه اشوف الناس تغيرت قامت تغار
هيفاء: ههههههههههههههههههه مالت عليك دقيقه وتسمعين الصوت البلبل
شهد: قلت صوت ماجد ماقلت نبيل شعيل نبيل سامعته وشايفته ومتخرعه منه هههههه
هيفاء:هههههههههههههه رهيف اشوف حنينه
رهف بضيقه : ماحنيت ولا شي بس ابراهيم كسر خاطري الله يرحمه
شهد: من قالك لايكون هيفاء
رهف: ايه
شهد: وانتي حماره ليه تقولين لها
هيفاء: وانا شدراني ان بتزعل كذا خلاص رهف انا اسفه
رهف سكرت في وجههم اثنينهم ..ماقدرت تستحمل هو شوق هوعتاب كل المشاعر انفجرت لمى سمعت طاريه
دقت هيفاء عليها وشهد ماردت واخر شي قفلت جوالها..
كل ماجيت بنساك ..
مر طيفك قدامي ورجعني لهواك..
ولاجا ذكراك يفز قلبي من مكان ويتمنى لقياك ..
ماهو بيدي نسياك ولابيدي محي ذكراك..
اشتاق لك كل لحظه ..واتمنى القاك هنا ولاهناك ..


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -