بداية

رواية بعد كذبك لا ترتجي مني نظره -25

رواية بعد كذبك لا ترتجي مني نظره - غرام

رواية بعد كذبك لا ترتجي مني نظره -25

مر طيفك قدامي ورجعني لهواك..
ولاجا ذكراك يفز قلبي من مكان ويتمنى لقياك ..
ماهو بيدي نسياك ولابيدي محي ذكراك..
اشتاق لك كل لحظه ..واتمنى القاك هنا ولاهناك ..
الاهم عندي شوف عيناك ..واروي قلب مشتاق لشوفتك..
$$$$$$$$$$$$$$$$&& $$
في قصــــر بـــوريـــاض ..
على الساعه عشر طلع سعود من المستشفى .. دخل القصر واول مانفتح باب القصر ..راحت امه وضمته بقوه
: سلامتك يالغالي والبقى براسك حبيبي
سعود بصوت مبحووح من البكي والصراخ: الله يسلمك
ام رياض تبعد عنه: انا قلت لشغاله جهز لك الحمام وشوي والاكل يجهز
سعود يتوجه للحمام: مابي ابي اكل مالي نفس
رياض: موزين لك تبغى اطيح علينا
سعود: بكره اكل موالحين فكني الحين
ضحى : عظم الله اجرك سعود
سعود بدون مايلف عليها: واجرنا واجرك زوجة اخوي (ويدخل الاصنصير )
بورياض : حطي لي شي اكله
رياض: وانا بعد ميت جوع
ام رياض تلف على زينه: قولي للخدم تجهز الاكل لابوك واخوك انا بروح اشوف سعود
بورياض عوج فمه ..
رياض يصرف : ولدها وخايفه عليه
بورياض: وانا ماقلت شي ..شخبارك يابنتي( يناظر في ضحى)
ضحى:والله بخير ياعمي كيفك؟؟
بورياض: بخير بابنتي
رياض يهمس لها: وشفيك خدودك محمره من احرجك
ضحى: استحي من عمي
رياض: لا والله
ضحى: اي والله.. اليوم جاو بنات عماتك وعمك والكل راح على الساعه تسع ونص
رياض: وفي احد ضايقك
ضحى: لا بس بنات عمك بونايف مره حبوبات
رياض: الحمدلله انك انبسط معاهم
زينه قريب الدرج: بابا رياض الاكل جاهز
بورياض: يلا
رياض يقوم ويسحب ضحى: قومي
ضحى تجلس: لالا روح اكل خل عمي ياخذ راحته انا بجلس هنا انتظرك
رياض: اكلتي
ضحى: ايه الحمدلله روح الحين عمي ينتظرك
رياض: بروح بس انا زعلان
ضحى تضغط على يده: لاتزعل بس والله استحي منه واجلس معك شسوي روح وانا انتظرك فوق
رياض: بتراضيني فوق (ويغمز لها)
ضحى تبعد يدها وتضرب يده: فاضي رووووح
رياض: طيب يلا بروح بس ثواني وبجيلك الغرفه ابي احلي
ضحى تقوم وتلف ودفعه لقدام: روح بس روح
رياض:هههههههههههههههههه هههههههههههههههههه
$$$$$$$$$$$$$$$$&& $$$$$$$$&&
الساعه ست الصباح
صحت من النوم وتروشت اخذت اغراضها وعدلت شكلها في غرفه ثانيه ورجعت الاغراض الى غرفتها
حس عليها ماجد ورفع نفسه .. وشافها تاخذ مريولها ..
ماجد : وين اليوم ماتداومين
هيفاء: ليه
ماجد: روحي مع امي العزاء
هيفاء: انا ماحب سوالف هالعزاء ومومتعوده اروحه
ماجد: ياقلبي هذا الكلام قبل الحين انتي زوجة الكبير لازم تروحين
هيفاء تذكرت رهف: بروح العصر
ماجد: مومشكله بس اليوم ماتداومين وتعالي نامي
هيفاء بنرفزه: مابي انام
ماجد: عادي لاتنامين توسعين السرير مومشكله
هيفاء اخذت جوالها وجلست على الكنبه ..
ماجد: من بتكلمين هالوقت
هيفاء: برسل لخوياتي ماراح اجي المدرسه
ماجد: ايه ارسلي ومره وحده وقتي الجوال على ساعه سبع عشان الدفن (وينقلب على الجهه الثانيه)
هيفاء: اقول نم وانت ساكت
ماجد:....................
هيفاء تلف تناظر فيه : نام ..
قامت وراحت جهة الباب بس اسمعت صوت ماجد:ويـــــــــــــن رايحه
هيفاء: مالك دخل وتطلع وصفطه
ماجد: ام لسان طويل اوريك لاجلست (ويرجع ينام)
$$$$$$$$$$$$$$$$&& $$$$$$$$&
بخار الماي منتشر بالحمام منبطح في الجاكوزي والمويه الدافيه تصب عليه من كل مكان نام عشر والساعه
ثلاث الفجر والدموع على خدوده تسري ..
" اخ ياابراهيم رحت وخليتني لحالي .. مالي غيرك وماعرف اسوي شي بدونك .." قام من الجاكوزي واخذ
روب ولبسه وربطه عدل على جسمه وهو يتذكر كلامه وجلساته مع ابراهيم .. طلع من الحمام وشاف رياض
سعود: ليه جاي وتارك زوجتك مافيني شي
رياض: الحين الساعه سته ونص بعد كم
سعود وهوينشف شعره: عارف عارف (يتنهد ) الله يصبرني قبل الدفن بروح اشوف عمتي
رياض: لااا يمكن نايمه خلها بعد الدفن ومنها ناخذ الاهل هناك
سعود: طيب ممكن تطلع ابي اغير ملابسي يادوب نروح المستشفى والعفسه
رياض: طيب
سعود بعد ماطلع رياض رمى نفسه على السرير يبكي ..
$$$$$$$$$$$$$$$$&& $$$$$$$$&
على الساعه ثمان ونص الصباح ..
صحت من النوم وتحس ان كل شي في جسمها متكسر وقفت قدام المرايا ناظرت وجهه حول عيونها ازرق
من قوة الضرب ..شفتها التحتيه مجروحه .. عقدت حواجبها من الالم لمى لمستها ..
: الله ياخذك يانواف لعنت خيري طق .. لفت على الباب الي انفتح
نواف داخل : اسمعي ياكلبه انا بروح المقبره وراجع لك .. نتصرف نوديك مصحه ولا نذبحك
خلود بكذب: انا مابي اروح المستشفى وهذي الصور كلها تركيب
نواف: ليه قالولك غبي ما افهم.. وديتهم لاجهزتنا وكشفت عليهم طلوا موتركيب
خلود: ماني رايحه مكان فاهم وراي جامعه واختبارات
نواف يمسكها من شعرها: اسكتي ولا كلمه فاهمه ..والله ان ماربيتك ماكون نواف فاهمه
خلود:آآآآآآآآآآآآآآآآي نواف خلاص بروح اي مكان تبيه بس اتركني
نواف يتركها :انقلعي من وجهي (ويرمها على الارض ويطلع من الغرفه ويقفلها ويصرخ باعلى صوت)
يمه يمــــــــــــه
ام نواف تطلع من الغرفه: هلا نعم نواف
نواف يعطيها المفتاح بصراخ: الحماره ذي ماتطلع من البيت وتظل محبوسه في غرفتها الين مارجع
ام نواف: ان شاء الله
نواف: يلا مع السلامه
$$$$$$$$$$$$$$$$&& $$$$$$$$&&&
في المدرسه ..
في الفصل فاتحين الدفتر وكل وحده تكتب لثانيه
رهف تمسك الدفتر وتكتب لشهد: ماظن تجي هيفاء العزاء ثلاث ايام
شهد تاخذ الدفتر وهي عاقده حواجبها: العزاء ثلاث ايام اليوم وبكره والي بعده يوم الاربعاء يخلص الملكه
يوم الخميس يعني بتجي ..وبعدين هي شدخلها فيهم مالت عليهم
رهف تاخذ الدفتر: عليك خط اعوذ بالله الزبده .. ابي اطمن على سعود حرام كاسر خاطري
شهد تاخذ الدفتر: عند هيفاء اطمنك عليه مالت عليك وعليه اف
رهف طفشت وتركت الدفتر والقلم : انا جبت الجوال
شهد بوناسه: جد
رهف: ايه بالفسحه بدق عليه
شهد: وان ازعجك
رهف: سعود مومن هالنوع
شهد :براحتك
الطالبه الي ورى شهد: انتم هيه اسكتوا موعارفه اركز من هذرتكم
شهد بعناد: استاذه شوفي منيره تكلمني مومخليتني اركز في الشرح
الاستاذه: منيره قومي وسحبي كرسيك وتعالي قدام
منيره : والله يا استاذه
شهد ماسكه نفسها لاتضحك: اقول اسكتي واسمعي كلام الاستاذه وش تقول
رهف تناظر في منيره: والله انك قليلة الادب الاستاذه تامرك ولا تسمعين كلامها انا لو تقول اطلعي برى
اطلع جد ناس قليلة الادب
الاستاذه: يلا منيره قومي ولا اطلعي
شهد: يالله الحين بيدق الجرس اخلصي يالله
رهف: شوف شوف لحد الحين جالسه قومي بسرعه
منيره: مالكم دخل اسكتوا
شهد: انا ماراح ارد عليك لاني احترم الاستاذه
رهف: جد قليلة ادب قومي عشان ماتزعجنا ونسمع الشرح زين قومي
شهد: طيب تسمحين لنا استاذه نجلس الجهه الثانيه بعيد عنها
الاستاذه: لا خلكم ..منيره اطلعي عند المراقبه وبعد الحصه اتفاهم معك
شهد تناظر فيها تحرك حواجبها...
رهف تهمس لها: خلي حركات قطة الاذن تنفعك
منيره ناظرتهم بحتقارومشت عنهم .. رهف وشهد حطوا راسهم وجلسوا يضحكون على راحتهم..
$$$$$$$$$$$$$$$$&& $$$$$$$$&&&
رهف وشهد حطوا راسهم على طاوله يضحكون ..وسعود حط راسه على قبر ابراهيم وهويبكي ..
: ليه تروح ليه
نواف يرفع : قوم ياسعود قوم
سعود يضم نواف ويجلس يبكي ويشهق ...
الفيصل يكلم ولده: طلع ولدك من هنا لايموت من كثر هالصياح
ماجد يناظر سعود ويكلم اياد: يالله الي يشوفه على هالصياح يقول اخوه موكانه صديق
رياض من وراهم يبكي : من ابتدائي معه مافارقه الا اليوم
ماجد سكر عيونه ولف وجهه عنهم .. اياد تنهد ..
واحد من خاوال ابراهيم : راح ابراهيم مابقى لأختي ولد ذبحهم ابوهم حسبي عليه
الفيصل: حسبي الله عليه من رجال خلونا نمشي
نواف يمشي سعود الي يبكي :يلا
سعود يناظر القبر: ابراهيم قوووووم ابراهيم بروح عنك قوووم
رياض يمسكه : خلاص سعود خلاااص تعال معي تعال
مطلق :وين بروح الحين
الفيصل: لبيت اهل ابراهيم نساعدهم في العزاء
والكل توجه الى بيت اهل ابراهيم .. ربع ساعه والرجال متجمعه عند مجلس الرجال ..الرجال في الحوش
والمجلس الداخلي والحريم في الصاله بعد عشر دقايق استاذن سعود يشوف ام ابراهيم
واول ماشافت ام ابراهيم جلست تصرخ وتمسك يدها: ولدي راح راح ياسعود راح ماعندي ولد راح ولدي
سعود بصوت خانقته العبره: انا ولدك ولا ماتبيني ياعمتي لا انتي موعمتي انتي امي
ام ابراهيم تبكي وتصيح: مالي لنا احد حتى بيت ابوي مايوسعنا
سعود: شقتي تحت امرك واذا تبين بيت اشتري لك ..وسواق تحت امرك.. وفلوس ابراهيم قبل مايموت فاتح لك حساب
وحاط فلوس فيه ..واي شي تبينه عيوني لك يايمه
ام ابراهيم: ابي عيالي الي راحوا ابيهم
سعود يرفع عيونه يحاول مايبكي قدامها: الله يرحمهم ويحفظ لك بناتك ويحفظك لهم..
ام رياض تجي لهم: اذكري الله كلنا ماشين في هالطريق .. ماالباقي الا ربك سبحانه
سعود: انتبهي لها يايمه بروح عند الرجال
$$$$$$$$$$$$$$$$&& $$$$$$$$$$
في الليل دخلت هيفاء وام ماجد ..
ام ماجد بعصبيه: حسبي عليها من بنت مفشلتني انا بالعزاء وهي بعرس
هيفاء تفضخ غطاها : لا تزعلين يمكن هي ماتحب هالاجواء
ام ماجد تفصخ عبايتها بعصبيه وترمها على الكنب: مافي احد يحب الحزن بس لازم الناس تواسي بعض الناس لناس والكل بالله
هذي صايره زي عماتها مايحبون الا نفسهم ..فشلت ياهيفاء فشلت الناس تسألني عنها وين بنتك
وين بنتك
هيفاء بدلع: يمــــه شنو انا موبنتك ..كان قلتي هذي هي واشرتي عليّ
ام ماجد ببتسامه: ياقلبي انتي ..الله عوضني فيك ياجعلني فداك
هيفاء تسوي روحها تهدى من العصبيه : ايه افكر بعد ههههههههه
ام ماجد: ههههههههههههههههه
انفتح الباب القصر وهيفاء على طول تغطت .. لمى ماجد اشر لها تتغطى .. دخل ماجد واخوانه
مطلق وخالد وراكان .. وكلهم بثياب ..
هيفاء " فديت هالدخله وربي رجاااال ..وينك ياشهد توسيعن صدرك " ...:...................
مطلق: كيفك زوجة اخوي ؟؟
هيفاء: الحمدلله شخبارك مطلق؟؟
مطلق ويروح: الحمدلله
خالد: هلا زوجة اخوي
هيفاء :هلابك
خالد :عن اذنكم ( ويروح عنهم)
راكان يجلس: شخبارك زوجة اخوي عشاك بخير
هيفاء : والله بخير شخبارك انت
راكان يفصخ الشماغه: والله بخير ياوجه الخير ..انتي علمي ولا ادبي
هيفاء: ادبي .. وانت
راكان: لا انا علمي ياكسوله داخله ادبي
هيفاء: هههههههههههههه كل واحد وقدراته
ام ماجد: الله وقدراته عاد
راكان ينقال زعلان: والله نسبتي حلوه 85 موتهبل يازوجة اخي العزيز
هيفاء: نعمة كريم والله ههههههههههههههههه
راكان: ليه انتي كم نسبتك الي تضحكين
هيفاء: 90
راكان بحماس : نفس 85 بالظبط نفسها
هيفاء: كلها ارقام صح هههههههههههههههههههههه
راكان: ايه والله اهم الاخلاق .. نسب بدون اخلاق موزينه
هيفاء:هههههههههههههههههههههههه
ام ماجد: اقول يابو الاخلاق.. قوم طس غرفتك ذبحت البنت متغطيه
راكان يقوم: لا جد توني ادري يلا مع السلامه
ماجد: لاخلك ياتو الناس
راكان يلف عليه : والله ماازعلك اجلس
ماجد: بتروح ولا هالعقال على ظهرك ..
راكان: هيفاء شفتي كيف وجه زوجك الحقيقي دايم هو كذا..
ام ماجد: رااااكـــــــــــان
راكان : طيب بروح مع السلامه
هيفاء: هههههههههههههههه حرام كان خليته عادي مومتضايقه (شالت الغطا عن وجهها )
ام ماجد : راسي مصدع ابي شاهي بقول لشغاله
ماجد بعد ماراح امه : ماشاء الله داقه سوالف مع راكان اخوي( ويناظر فيها بحده)
هيفاء عوجة فمها: حماي زي اخوي وبعدين هوكبري ..وسوالفنا عاديه
ماجد : ولو ضحتك شوفي وين واصله .. بعدين ماتستحين انا زوجك ماتضحكين معي كذا
هيفاء توقف: اففففففف ماجد وربي تعبت معك ومن اسلوبك انا اقوم ارتاح احسن
ماجد بحده : اجلسي مكانك احسن لك ..
هيفاء تجلس : افففففففف
ام ماجد تدخل عليهم معها صينيه الشاهي : تبين هيوف
هيفاء: لا مالي نفس
ماجد: حاصلك شاهي امي الحلو هات يمه خليني اشرب
هيفاء" مالت عليك بس": بتروحين يمه بكره
ام ماجد: ايه بروح
هيفاء: متى
ام ماجد: من العصر
هيفاء: يمكن العصر تجيني خويتي
ماجد: صرفيها
هيفاء بكذب:عندها اختبار نحوو فاااا بنذاكر مع بعض ونروح مع بعض العزاء عادي هي عندها
ماجد: عليكم حركات يالبنات جد نشبه
ام ماجد: اشفيك ماجد طبيت في البنت وخويتها .. (تحط كوب الشاهي وبرفعت صوتها) .. مــــاجد لايكون
كله تعاملها كذا ..وانا اقول البنت تتغير بعد الزواج الا هي حالته حاله الثاريك ساد نفسها على هالمعامله
ماجد: اشفيك يمه قلبتي عليّ شدعوه والله اني اعاملها زين بس الحين عشان تعبان..
ام ماجد بعصبيه: قص عليّ قص عبالك ماعرفك واعرف اسلوبك الخايس مع البنات
هيفاء لمى حست بفشيلته واخذت حقها ام ماجد منها تكلمت: يمه اشفيك عليه ..صدقيني يعاملني زين
بس الحين هو تعبان وتعرفين التعبان ماينخذ على كلامه تعبان (وتكتم ضحكته ببتسامه)
ام ماجد: اي والله ماينخذ على كلامه
ماجد: ليه وش شايفني مجنون
هيفاء: هههههههههههههههههههههههههههه لا اسم الله عليك حشاك
ام ماجد: الله يحفظك لنا
ماجد: وانا يمه
ام ماجد بتكشريه: وانت وانت
ماجد: عز الله راح العز والدلع الي كنا فيه .. بروح انا قبل مانطرد
هيفاء: اي جد روح عندي سوالف خاصه بيني وبين ماماتي
ماجد طنشها ومشى عنها ... وام ماجد وهيفاء يضحكون عليه..
$$$$$$$$$$$$$$$$&& $$$$$$$$&
الساعه 12
تقفل الباب عليها بعد ماخذت جوال اختها الثاني من دون علم اهلها .. انبطحت على السرير .. وغطت نفسها
حطت الجوال على الصامت وبدون اناره بس هزاز .. " هذا اخرتي جوال بسر وانا خالد بس والله لا اوريك
يااميرة ان ماربيتك .. وخليتك تتحسفين على قد شعر راسك .."
دقت على رقم خويتها ماردت ..مره مرتين ماردت .. رسلت رساله ..
|| هييه ردي انا خلود ||
كلها ثواني ويرن جوالها .. وترد
: هلا خلود كيفك؟؟ وينك ياحمار
خلود قريب للهمس: انا ماراح اصير بخير الا لمى اشوف الحماره اميره تعتذر مني
سعاد: ليه هي سوت لك شي
خلود: الحيونه راحت وقالــ... وماكملت كلامها لان...
$$$$$$$$$$ $$$$$$$$$$ $$$$
لان البارت خلص ..
توقعاتكم لـــ
رهف بتشوف سعود ؟؟
هيفاء بتروح لخطوبة اخت شهد؟؟
اياد بيكمل حركته وبقول لعلي عم رهف ؟؟
اتصال مزعج جا لــ اياد من مين وش يبغى؟؟
قلت الاثنين وجبته لكم في الاثنين كنت بحطه الساعه ثمان بس النت ساعه يشبك وعشره
بس يلا قبل 12 جبته لكم فديتكم
تحياتي لكم
بنت الخزاعي ..


..*^*..( الــبارت الخـــامــــ والعشـــريــــن ـــس ) ..*^*..

ــــــــــــــــــــــــــــــــــــــــــــــــــ ـــــــــــــــــــ
في منتصف الليل الساعه 12
تقفل الباب عليها بعد ماخذت جوال اختها الثاني من دون علم اهلها..انبطحت على السرير..وغطت نفسها
حطت الجوال على الصامت وبدون اناره بس هزاز.."هذا اخرتي جوال بسر وانا خالد بس والله لا اوريك
يااميرة ان ماربيتك .. وخليتك تتحسفين على قد شعر راسك.."
دقت على رقم خويتها ماردت ..مره مرتين ماردت .. رسلت رساله ..
|| هييه ردي انا خلود ||
كلها ثواني ويرن جوالها .. وترد
: هلا خلود كيفك؟؟ وينك ياحمار
خلود قريب للهمس: انا ماراح اصير بخير الا لمى اشوف الحماره اميره تعتذر مني
سعاد: ليه هي سوت لك شي
خلود: الحيوانه راحت وقالــ... وماكملت كلامها لان حست في الباب ينفتح..
انصدمة بدخول ساميه اختها.. واقفه ..
خلود حطت الجوال تحت المخده : نعم
ساميه: موجايني نوم من الي صار اليوم .. انتي تعرفين لو احد درى باللي تسوينه شنو بيصير
خلود تعدل المخده: شوي اذا عندك شي اختصري فيني النوم ...(تناظر فيها) طيب
ساميه: صدق ان لم تستحي افعل ماشاءت
خلود تغطي وجهها وتلف على الجهه الثانيه : ....................................
ساميه: والله انك قليلة ادب ..وقليل الي سواه فيك نواف .. تطلع وتقفل الباب وراها..
خلود على طول دقت على سعاد: الووو سعود
وحكت لها كل شي سوته اميره فيها وفي عهود ...
سعاد: الحقيره
خلود: اسمعي ابيك من بكره الصباح تروحين تمسكين وعد وتخرشينها وتخلينها تقول كل شي
وتكلمين مشاعل صديقة عهود .. وتفهمينها السالفه وتروحين تدورين بويات الجامعه
وتدورون اميره .. وتصرخين موتتكلمين هدوء لا تصرخين تسوين انها راسله لك شباب
سعاد: واذا كلموا اهلي
خلود: ماراح يكلموا .. لان ماراح يلفتون لك المديره انسانه حقانيه وطيبه حطي سالفة عهود بالوجه
اي شي قولي عهود سويتي لها كذا ..
سعاد : طيب بعد الصراخ ؟؟ وش اسوي
خلود: اذا ردت عليك وغلطت طبي فيها وفي شلتها الين ما توصلون الى المديره وقولي لها كل شي
ومن هنا اميره يوصل الى اهلها وتنفضح قدام البنات
سعاد: يمكن اهلها مايصدقون
خلود: طلعي لنا واحد يسكت بفلوس يروح الى بيتهم ويطق الجرس واذا رد يقول طلعوا لي اميره
او اقول يدق لان يروح صعبه يدق على بيتهم احسن
سعاد: من وين ادبر لك واحد يكلم بيتهم.. وبعدين وش يضمنك ماينشب لنا بعدين ابي فلوس ولا بقول لاهلكم
خلود: خلاص كلامك صحيح يمكن ينشب خلاص انا الحين بدق على بيتهم واقلب صوتي رجال
سعاد: بلا غباء لاقلتي بكره ماراح تجي بكره في الليل دقي زيدي الطين بلا
خلود: كذا حلو لمى تخلصين دقي علي طمنيني طيب
سعاد: اوكيك .. بس مافي حل لمشكلتك
خلود: مومهم اهم شي اني اكسر خشمها اميره الكلبه
سعاد: مافي امل اشوفك ..
خلود: الا ماعليك ..وقت ماتبي تعال ..ابوي بيجي وماراح يقولون له يخافون عليه انا هنا باخذ راحتي
سعاد: كذا زين اجل يلا والوعد بكره
$$$$$$$$$$$$$$$$&& &&
دخلت قسمها وهي فرحانه انها اقهرته.. فتحت باب الغرفه بشويش وسكرته نفس الشي بهدوء وزادت نور
الاحمر وقبل لاتمكل طريقها.. تروعة على الصوت الي جاها..: بدري
هيفاء حاطه يدها على قلبها: بسم الله ..ماجد روعتني
ماجد يرفع راسها: لا خفتي اسم الله عليك( ويرجع يحط راسه ويغطي وجهه)
هيفاء ماردت عليه طنشته..وراحت طلعت لهاروب نوم اسود .. وراحت غرفة التبديل ..
ماجد حس بهدوء رفع اللحاف عن وجهه يدورها.. ولمى حس في حركه غطى وجهه بسرعه
هيفاء وقفت جنب المرايه فكت شعرها ورتبت الروب وقصرت على النور ..
ماجد رفع اللحاف : انتي بتنامي ولا بتتكشخين رايحه جهة المرايا
هيفاء تنبطح: موشغلك ..
ماجد يسحبها ويحطها على صدره(ظهرها على صدره)ويمسك يدها : انتي ليه لسانك طويل هاه على مين طالعه انتي
هيفاء تحاول تفك روحها منه لان انفاسه على وجهها: ماجد اتركني
ماجد يبعد شعرها عن وجهه ويحطه على جنب: ماني بتاركك من زمان عنك اخر مره قبل مانجي السعوديه
تذكرين ..
هيفاء كشرت: ماجد اتركني موبزره انا على هالمسكه اتركني
ماجد: مافيه ..(يلفها ويصير وجهه في وجهها ويبتسم على جنب ) يالبى هالجمال
هيفاء كانت مكشره اضحكت على طريقة كلامه: ههههه تتريق
ماجد: ليه انتي موحلوه؟؟
هيفاء تتكي يدها على صدره وتحاول تبعد عنه ..: مدري انت شنو تشوف
ماجد يسوي روحه متألم :آآآآآآه
هيفاء تعقد حواجبها: وشفيك
ماجد: مافيني شي بس ماابيك تبعدين بقول لك سر خطير ...
قربها منه كثير غطها معه باللحاف...
$$$$$$$$$$$$$$$$&& &&
صباح يوم الاثنين ...
في الطابور ..
رهف تسحب شهد: شوفي هيوف شكلها مبهدل ههههههههه
شهد: مشكله الي تزوج وهي طالبه ههههههههه
رهف:ودي اروح لها
شهد: الحمام ناشر لهاتروح الحمام
رهف :كيف هي ورى
شهد: خلاص ننتظر لمى نروح الفصل
رهف: اوكيك..
وبعد دقايق راحوا ..الى الفصول ..
شهد: هيوووووووووف
هيفاء تروح لهم: هلا تعالوا الحمام ابي اعدل هالكشه
رهف: هيوف ليه متروشه هههههههههه
هيفاء تكتم ضكتها: انطمي
شهد: مشكله الي حالتهم مظطربه ههههههههههههههههههه
وراحوا الحمام.. وصطفوا قدام المرايا رهف وهيفاء وشهد جلست على جهه من المغاسل مافيها ماي..
هيفاء: يالله شكلي حوسه
رهف : عفسي شعرك ولميه بكله ويصير حلو عليك
هيفاء تسوي زي ماقالت لها رهف: حلوو
رهف:ايه بس طلعي لك غره ايوه كذا حلو ..(تطلع من جيبها روج وكحل ) حطي (تشهق)
هيفاء حمرت خدودها : انطمي لحالي كارهته اقوله لاتسوي زي كذا راح وسوا يحب يعاند
شهد: وش وش (وتنزل لهم)
هيفاء تاركه ازار الاول مومسكرته لمى شافت شهد جايه استحت وسكرته: خلاص خلاص عيب
شهد: شنوو
رهف: حاجه حمره طازجه على الرقبه هههههههههههههههههههههههههههه
شهد:مافهمت
رهف: يووووووه جاتك ذي ..لاتزوجتي بتفهمين
شهد: طيب طيب فهمت
هيفاء وجهها احمر: يلا خلونا نرجع لفصولنا
$$$$$$$$$$$$$$$$&& &&
الساعه سبع ونص الكل جالس يفطر .. في قصر بورياض ..
بورياض: ولدك الى الان نايم
ام رياض بضيقه: مونايم بس ماله خلق اكل
بورياض يناظر ولده: شوف يارياض
رياض يترك الاكل: سم يبه
بورياض:اخوك ماله في الدراسه .. بعد ايام العزاء خذه معاك
رياض: طيب وين اخذه يايبه
ام رياض: اي مكان ..ابيه يطلع من الي هو فيه
زينه: دراسته اهم
ام رياض: انطمي وروحي لجامعتك
زينه عوجة فمها: هذا انتم الي يقول كلمت الحق تسفلون فيه
رياض: زينه خلاص
بورياض: ماعليكم منها..اسمع خذه معك يشتغل او عطه ماجد او نواف جلسته في هالبيت موزينه له ولامك
رياض: عندي مافيه مكان ..بشوف نواف ..لان سعود موصلح مع ماجد
ام رياض: خلاص بكره كلم نواف .. وانا بعد مايخلص العزاء بكلمه
بورياض يمسح يده بالمنديل :الحمدلله .. وان مارضى انا اكلمه (يوقف)
رياض يوقف مع وقفت ابوه:اوصلك يبه في طريقي
بورياض: لا بروح مع السواق ..انتبه لسواقتك ملاحظ انك تسرع
رياض: ان شاء الله
$$$$$$$$$$$$$$$$&& &
تدور الساعه وتوقف عن تسع ونص ..الصباح ..
في الجامعه ..
: هلا وغلا بسعود امر الا وين شيخ الجامعه خالد
سعاد: انا وهو طالبينك طلب يا زيون
اروى وحده من البويات: امر بايعدي امر
سعاد: ابي تجمع البويات كلهم .. وانا بدور الكلبه اميره .. بدق عليك وبقولك انا وين وتجي وهاتك
تلميخ فيها وفي شلتها
اروى: ليه وش صاير ؟؟ وين خالد عنك
سعاد: لا تخاف هذي اوامر خالد نفسه
اروى: ليه هم متزاعلين
سعاد: لا بس اميره انكبت خالد عند اهله
اروى: بالله وش هالحقاره هذي تستاهل الذبح والله
سعاد: لا تخاف الحين انا بنكب فيها هنا وعند اهلها
اروى: كيف ؟؟
سعاد: ماعليك .. انت سو الي قلت لك عليه
اروى :ان شاء الله
$$$$$$$$$$$$$$$$&& &
نفس هالوقت .. لكن باحدى مدارس الحكومه ..
بطاطس ليز بالجبن وحده ثانيه بالخل والملح .. وشيتوز الحار .. وخلطه
×*× هي مشهوره هالخلطه بس الي يحب يسويها هذا الطريقه ×*×
روب او على قولتهم زبادي .. وملعقة جبن كرفت .. ولبنه معقتين .. ونص ليمون .. ونص ملعقه صغيره
فافل .. صماغ احمر .. وخلطوهم مع بعض وبالعافيه ..
شهد تحط البطاطس في الخلطه: كسر خاطري سعود
هيفاء: اسكتي خوات ابراهيم صياح ونياح .. يقولون انه طيب عليهم حيل
رهف: كيف مات
هيفاء: ابوه طاقه طق بالعجرا على راسه
شهد بحماس: وجـــــــــــع جعل يده الكسر ولده
رهف تضرب على صدرها: هذا ابوه هذا
هيفاء: لو تشوفين خواته وامي يقطعون القلب والله وسعود ادمر منهم
رهف وهي تاكل: يالله
شهد تناظر رهف: ههههههههههههههههههههههههههههه
هيفاء ورهف يطالعون فيها :.................
شهد: والله ماضحك على حال اهل ابراهيم ولا سعود ضحكتي رهف تاكل وهي زعلانه هههههههههه
هيفاء: ههههههههه انطمي فكرت عندك سالفه
رهف: اليوم بيسافر السواق (وتشرب عصير)

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -