رواية بعد كذبك لا ترتجي مني نظره -26
شهد: والله ماضحك على حال اهل ابراهيم ولا سعود ضحكتي رهف تاكل وهي زعلانه هههههههههه
هيفاء: ههههههههه انطمي فكرت عندك سالفه
رهف: اليوم بيسافر السواق (وتشرب عصير)
هيفاء: ماعليك انا كلمت ماجد .. وقال نجي ناخذه
رهف: ماقال ليه
هيفاء: الا قال قلت امي بتروح من العصر وانا العصر نايمه واسحتي اروح في الليل لحالي
باخذ رهف
شهد تسوي روحها زعلانه: وانا ماسال عني
هيفاء تسوي روحها تغار: لالا ياعيوني كان اذبحه .. انا اغار عليك( وتضرب رهف )
رهف تجاريها في الهبال: ايه يابعد قلبي ياشهد حنا نغار عليك ونحبك
هيفاء تقرب من شهد: امووت فيك انا ( تمسك وجهه وتبوسها)
شهد بصرخه: انتي هيييييييييييييييييييييه ياخبله وخري عني
رهف تبعد الخلطه: بوسه لشهووود بووسه (وتطب على شهد وتبوسها وتقوم عنها وركض لهيفاء)
شهد تقوم من الارض وخدودها حمر: طيب طيب اوريكم ياحماره انتي وياها (تمسح خدوها )
رهف وهيفاء من بعيد :هههههههههههههههههههههههههههه ههههههههههههههههههههههه
شهد لفت يمين يسار مالقت غير المويه اخذته وقبل ماترميه فتحت الغطا عشان وهويطيح عليهم ينكب الماي عليهم ..
رهف وهيفاء لمى شافوها بترمي الماي ابعدوا عنها اكثر وهو يضحكون ..
$$$$$$$$$$$$$$$$&& &&
في الدوام ..
ماجد :نواف وشفيك
نواف بضيقه: لا مافيني شي بس تعبان شوي
ماجد: ابوك متى بيجي
نواف يتنهد: السبت يوصل
ماجد: اكيد مشتاقين له
نواف: بنسوي له عزيمه
ماجد: طيب وشفيك اذا تعبان روح البيت
نواف: لا .. بتروح اليوم بعد العزاء
ماجد: ايه .. وانت
نواف: بروح اكيد ..
ماجد يرن جواله ويطلع من المكتب .. ونواف يرخي نفسه على الكرسي.. ويسكر عيونه
" آآآخ يانواف وش هالمصيبه الي طاحت على راسك ..ان اخذتها دكتور نفسي .. الناس بتدري ولا بترحم
وانا ماخذتها حالتها بتزيد ..حسبي عليك من بنت خربتي اختي .." وقام وفتح ثلاجته
وطلع منها ماي وحبوب بندول ..
في الجامعه .. عند الكفتيريا ..الساعه 11 الظهر
اميره : نعم خير ست سعاد
سعاد بصراخ: يوم انك راعية شباب تروحين ترسلين شبابك علينا ليه هااه ياقليلة الادب
اميره بصدمه: انا
سعاد تعلي صوتها اكثر عشان اميره تفتشل اكثر: ايه انتي .. بنات من يوم رايح لا احد يتمشى معها
تراها جرارة بنات الي تعجبها تقلبها بويه ولا ماتعجبها ترسل لها شبـــــــــاب ..
اميره شوي وهي تبكي من الفشله: ياكذابه انا مارسلت لك احد
سعاد: لاتكذبين قولي وين عهوود وين خلود .. هااه وينهم
اميره تناظر في البنات: تكذب
مشاعل صديقة عهود : كذابه انتي وكلام سعاد جد انتي الي كلمت اهل عهود وقلتي لهم انها راعية شباب
عهود قالت لي بكل شي
اميره تروح تضرب مشاعل كف: ياكذابه متى كلمت وسويت
سعاد تروح وتضربها وتصير هوشه كبيره.. ويجي حارسات الامن وتفرقهم ويتوجهون الى الاداره..
$$$$$$$$$$$$$$$$&& &
في الدوام ..
يطفي النور: فيك حساسيه استخدمي معجون ضد الحساسيه
البنت :طيب متى اجي لك دكتور اياد
اياد: بعد شهر .. وان شاء الله الاقيك زينه تفضلي( يعطيها ورقه)
البنت: شكرا (وتطلع )
اياد يرخي نفسه على الكرسي : آآآآخ ظهري ..
الممرضه: الله يعطيك العافيه ..دكتور
اياد: في مرضى او مراجعين ..
الممرضه: ماجات ملفات
يرن جوال اياد .. يعطيه مشغول: خلاص روحي افطري
ويرن جواله وهو يعطيه مشغول ..
اياد: وشفيه هالرقم مايفهم مابي ارد عليه .. (وحط جواله على الصامت) دق الين مايطق راسك
وتدخل الممرضه .. وبيدها ملفين لمرضى: تفضل دكتور
اياد :يلا نادي اول مريض
$$$$$$$$$$$$$$$$&& &&&
في ادارة الجامعه ..
المديره: صح هالكلام يااميره
اميره بخوف: كذابه انا ماعندي هالسوالف ابوي شيخ كيف اسوي هالشغلات
مشاعل: يطلع من ظهرالطيب خبيث ومن الخبيث طيب
اميره: وش قصدك
المديره: وشدليلكم ان هي كذا
سعاد: دقي على بيت اهل عهود وكلمي امها .. ساعدينا في الخير ..عهود بنت يتيمه
اميره : انا مالي دخل
سعاد:بس وعد لها دخل .. ترى وعد قالت لي كل شي
المديره: وهذي من تكون وعد
سعاد: وحده كانت متفقه معاها ..حسبي عليهم دمروا حيات البنت المسكينه
المديره: طيب مشاعل روحي ..و سعاد واميره خلكم
مشاعل: طيب
سعاد تهمس لمشاعل: دقي على خلود
مشاعل تهز راسها :طيب
المديره: وش تقولون
سعاد بسرعه: اغراضي طايحه عند الكفتيريا
المديره : طيب
*
×
*
طلعت مشاعل من المكتب ودقت على خلود بعد ما بعدت عن المكتب .. دقت مره مرتين ماردت
بعدها ارسلت رساله
|| انا مشاعل صديقة عهود||
وانتظرت شوي ورجعت دقت .. وجاها صوت خلود مليان نوم : هلا
مشاعل: خلود كشفنا كل شي .. الحين المديره بتنادي ام عهود وعهود .. واميره هناك وبيجيبون الاغراض
خلود بفرحه: جد ..
مشاعل: ايه .. والله ماتوقعت الحقاره توصل الى هالدرجه في اميره عهود وشدخلها
خلود: ماعليك انا لها
مشاعل: شكرا ..عهود لو تدري انك سويتي كل هذا لها بيغمى عليها ههههههههههه
خلود: هههههه ماعلينا سعاد وينها
مشاعل: داخل عند المديره ..
خلود : طيب لاطلعت قولها تدق علي ّ
مشاعل: طيب ..باي
قفلت منها وراحت جلست في الساحه .. بعد ربع ساعه لمحت عهود وامها ومعها وحده من حارسات الامن ..
مشاعل تروح لها ركض ..: عهوووووووووود عهوود
الحرمه تمسك مشاعل: اسفه هذي اوامر المديره ..
مشاعل : طيب
عهود وهي تبكي: عمري لاطلعت بكلمك
*
×
*
دخلت عهود مع امها وشافت اميره وسعاد والمديره .. عهود طارت على سعاد تبكي ..
ام اعهود: نعم وش الحقيقه
المديره: هاتي الكيس
ام عهود تعطيها: خذي
المديره توقف وتاخذها : وتشوف البطاقات وتشوف الرسايل..(وتناظر اميره وتعطيها ورق وقلم )
اكتبي مساء الخير عهود
اميره: ليه
المديره: اكتبي بسرعه
اميره تاخذ ورق وقلم وتكتب ولمى خلصت عطت الورقه المديره..
من سوء حظ اميره خطها يشبه كثير خط وعد .. فــ على طول طاحت السالفه كلها على راسها.. من بعد
ماطابقت المديره بين الاوراق
ام عهود: هاه وش سالفه
المديره: بنتك بريئه ..
ام عهود: والصور
المديره تناظر اميره: بتقولين شسالفة الصور ولا دقيت على الهيئه تتصرف معك
اميره: انا سويتها في الكمبيوتر
ام عهود: يعني انتي الي الي فاضحه بنتي ومشوهه سمعتها
اميره وهي تبكي : ايه
ام عهود تفصخ انعال وترميها عليها: ايا عديمة التربيه
اميره تصارخ من الالم لان جا الضربه على وجهها..
المديره تمسك ام عهود: مايصير كذا يا ام عهود مايصير
ام عهود: وبنتي وش سوت لك عشان تسوي لها كذا هااه صج بنات اخر زمن روحي الله لايوفقك
لا في دنيا ولا في اخره ..
المديره: خلاص حنا بنتصرف معها
ام عهود: بنشوف كيف تتصرفون معها .. يلا يابنيتي نمشي
المديره: خلي بنتك تداوم
ام عهود تلبس نعالها: مو قبل ماتشلين(تاشر على اميره) هالوصاخه من الجامعه
المديره: طيب بس خليها تداوم
ام عهود: طيب ..يلا يا عهود
عهود تهمس لسعاد: اشكري خلود .. والله لو اقدر ارد لها هالجميل كان رديته ..
سعاد: طيب
وراحت عهود مع امها ..
سعاد: تامرين شي يااستاذه
المديره:سلامتك غيري رقمك عن اهلهك يشكون فيك .. خلاص روحي لمحاظراتك
سعاد: ان شاء الله
اميره بعد ماطلعت سعاد: اروح بعد انا
المديره: لا انتي تجلسين هنا والحين بكلم اهلك ياحلوه
اميره بسرعه: لالالا الله يخليك لا اخصمي من درجاتي حمليني كل المواد اهلي لايدرون
اعترف لك بكل الي سويته في كل البنات بس اهلي لايدرون
المديره: من امن العقاب ساءه الادب.. انتي لازم تتادبين شفتي غلطه منك بسيطه رحتي فيها
زين ماصار في ام البنت شي ..
اميره وهي تبكي: خلاص والله ماراح اسوي شي ..
المديره: اسفه انتي مفصوله واهلك لازم يدرون بالي صار ..(وتدق على اهل اميره)
×
*
×
في السياره ..
مهند مستحي: انا اسف ياعهود
عهود تبكي من تحت الغطا :.......................
امها: وشفيك ماتردين خلاص حنا اسفين عن الدلع
مهند: عهود
عهود:..................
امها: وين ترد عليك وانت الله يهداك مصحيها ومسيها بكف
مهند: وش اسوي من القهر ..تعرفين يايمه كل شي ولا السمعه
امها: اتركها يامهند الحين
*
×
*
سعاد تجلس على الكراسي: هذا الي صار كله ..
خلود: اميره شنو كان وجهها ..
سعاد: تصيح صياح .. انت لو شايف كيف انا صفقتها وجهها صاير شوارع من كثر الطراقات الي اخذتها
خلود: ههههههههههه ياليتني انا مكانك ..والله ان ما خليتها تبوس رجلي من كثر الالم
سعاد: انا ماقصرت فيها ..
خلود: وينها الحين هي ؟؟
سعاد: لسى عند المديره .. ياشيخ فيني طرب من الوناسه ..اخيرا بتنمحي من الحياه
خلود: هههههههههههههه اي والله
سعاد: خلود المديره نادت ام اميره ..هذي انا اشوفها تمشي بسرعه
خلود: اكيد جاها الخبر
سعاد: دقيت
خلود: لا بالليل الساعه تسع جمعة اخوانها وخواتها مع ابوها بدق
سعاد: اخاف يطلع رقمك
خلود: لاتخافين انا عرف كيف اخلي رقم مايطلع في كاشفهم
سعاد: والله ماشاء الله عليك كل شي مجهزته ..
خلود: هههههههههههههههههههههههه افا عليك انا خـــــالد
سعاد: ونعم ..يلا بدات محاظرتي اكلمك بعدين
خلود: طيب فمان الله
$$$$$$$$$$$$$$$$&& &&
في العصر ..
علي: نروح سوا العزاء في الليل
اياد يلبس النظاره الشمسيه : ان شاء الله
علي: خلاص امر عليك ولاتمر عليّ
اياد: لا مر عليّ انتظرك
علي:وشفيك؟؟
اياد يرويه جوالها: هالرقم ازعجني ازعاج مش طبيعي
علي: رد عليه طيب
اياد: انا مارد على رقم غريب .. اخاف بنت وتنشب او ولد حاب يستهبل وانا مالي خلق
علي: هات الجوال
اياد: بترد لا
علي: والله ماراح ارد هات
اياد: خذ
علي ياخذ الجوال ويقفله: وسلامت راسك
اياد: هههههههه ماجا ع بالي اقفله
علي: انا افكر عنك يااخوي
اياد بدهشه: اخوك
علي: واغلى من الاخو.. ليه عندك شك
اياد ببتسامه: لا وانت بعد غالي علي كثير .. يلا لاتتاخر على زوجتك مجوعها
علي: لا تلاقيها ماكله صايره تاكل كثير ..انا اخاف يوم اصحى مااشوف يدي
اياد: هههههههههههه قول ماشاء الله
علي: ههههههههه ماشاء الله بس الحق ينقال
اياد: يرجك ربي اشوفك في الليل
والكل راح الى السياره ..
اياد يحرك السياره وفي نص الطريق يصرخ: يوووووووه نسيت ماجد قال دق بعد مااخلص
يفتح الجوال .. ويشوف كم اتصال من الرقم ورساله ...
|| اياد افتح ابيك في موضوع ||
اياد: من هذا .. (ورجع رن الجوال هنا استسلم اياد للازعاج ورد).. الوووو
جاه صوت دلع : الووو
اياد كشر " والله كنت حاس انها بنت": هلا من معي
: ماعرفتني معقوله؟؟
اياد: والله لمى اصير مغازلجي بعرفك بس حاليا مااعرف بنات
: حشاك من هالسوالف انا اعرفك زين ..
اياد: خلصي شتبين
: اياد انا عبير
اياد بتريقه: صدقين وانا اياد ..ومن عبير انا ماعرف احد بهالاسم
عبير: انا عبير بنت عمتك
اياد بعصبيه: وتتفخرين بهالشي .. وشتبين داقه تمونين انتي داقه عليّ
عبير تصرف: انا حبيت اطمن على سعود ولد خالي
اياد وصل عنده الطابلون الف من العصبيه: ماشاء الله حنونه .. بتطمنين تدقين عليّ ليه ماعنده جوال ..
وبعدين ليه تكلمينه من الاساس
عبير عصبت من عصبيته: وانت ليه تصارخ عليّ (هدت لمى حست على نفسها) لايكون تغار
اياد بصرخه خافت منها عبير: انتــــــــــــي شتخربطين ..انا خايف من بلاوي تصير .. وشبينك
وبين سعود هااه
عبير من الخوف اسكتت:.............................
اياد: لايكون بعد انتي قاص عليك .. هذا انتم اي واحد قال احبك فكرتوه خاق عليكم مالت عليكم
وهو عنده من اشكالكم عشره ..
عبير: لاتفسر الامور على كيفك؟؟ انــ...
اياد يقاطعها: ياشيخه حلي عن سماي اف ( ويسكر في وجهه ويقفل الجوال )
*
×
*
من الطرف الثاني .. عبير مولعه كثير
نجلاء بحماس: وش صار
عبير: الحيوان مولع صارخ علي ولا بعد يفكر ان بيني وبين سعود علاقه
نجلاء: متخلف
عبير: انا اوريه ..مرده لي والله لاخليه يترجاني ترجي موصاحي
نجلاء: هذي عبير الي اعرفها
عبير: هههههههههههه افاا عليك
نجلاء: طفشت .. ابي اغير جو
عبير: تقومين نسوي شوبنق
نجلاء: اي مول
عبير: اي مول الزبده نغير جو ..دقي على مها
نجلاء: طيب روحي جهزي
ينطق باب الغرفه .. عبير تفتح الباب وتدخل ليان وهي تبتسم: هاااااي نجوول
نجلاء: هلابك حياتو زين جيتي تروحين معنا نتسوق
ليان : مومشكله بشاير بتجي
نجلاء: ادق عليها ولاتزعلين
ليان: يلا ثواني وجيكم
عبير تلبس عبايتها وهي مقهوره..
نجلاء: انتي ليه زعلانه ..عشان خضر هالعيون ماعليك منه مفكر روحه مهند
عبير: مهند عيونه زرق وشعره اشقر هذا غير واحلى
نجلاء: والله ماله شبيه غير محمد نور ههههههههههههههههه
عبير: هههههههههههههههههه من جد لايق التشبيه
$$$$$$$$$$$$$$$$&& $$$$$$$$
في بعد صلاة العشاء ..
هيفاء جاهزه تنتظر ماجد واول مادخل وقفت مبتسمه .. ماجد ابتسم لابتسامتها
ماجد: جاهزه
هيفاء: ايه ..بس قبل لاتنسى ناخذ خويتي معي
ماجد : لالا دقي وعتذري
هيفاء تقرب منه: الله يخليك توني مسكره منها
ماجد: وش هو عرس لازم تدخل معك
هيفاء: الله يخليك ماجد ..
ماجد: الله يخليني بدون هالطلب
هيفاء بعفويه تمسك يده: مااااجد حبيبي والي يسلمك خل ناخذها
ماجد يبعد يدها: الحين عشان خويتك صرت حبيبك وتمسكين يدك.. لو اني موافق من البدايه وش بتسوين
هيفاء بخبال تضمه وتبوسه مابين عيونه : مااطول كان بست جبهتك
ماجد : نصابه .. موعشاني تبوسيني عشان خويتك
هيفاء كسر خاطرها: الي يسمعك يقول انا اكرهك
ماجد بخبث: يعني تحبيني
هيفاء تبعد عنه وتلبس حجابها: والله ماخذ مقلب يلا تاخرنا على البنت
ماجد حزت بخاطره اخذ نفس ولف عنها : انتظرك في السياره
هيفاء بعد ماطلع مدت شفايفها: عاشو مجود زعل ..عسى عمرك مارضيت
$$$$$$$$$$$$$$$$&& $$$$$$$$
دقت الساعه تسع بالليل
طلعت من الحمام وهي تنشف شعرها :ناظرت ساعتها اووه صارت ساعه تسع
تاكدت ان الباب مقفل .. رجعت على فراشها .. ومسكت جوالها .. ودقت على الرقم
رن مره ..مرتين ..ثلاث ..اربع .. خامس مره جاه صوت بنت معصبه
خلود تقلد صوت الرجال: الووو اسف يا اميره راحت عليّ نومه بس كاني دقيت عليك كيفك يااميره
: منو تبي انت
خلود الى الان على صوت الرجالي: اميره بلا هبال انا خويك خالد توك مكلمتني من شوي وتقولي اهلك
شاكين فيك اميرتي
: وانت وشعرفك ياقليل الادب بنتي
خلود تسوي روحها خايفه: اسف لاتضرون اميره ماعاد اكلمها خلاص (وتقفل الجوال) وهي تضحك
"خلاص يااميره انتي انمحيتي من الدنيا .. اجل انا تنكبين فيني وفي عهود" وقامت تنشف شعرها
$$$$$$$$$$$$$$$$&& $$$$$$$$
وصلت العزا وهي تتلفت على امل تشوف زوله اهم شي تطمن عليه .. ماحصلته على كثر الرجال الي واقفين
دخلت وشافات الحريم يبكون .. اول مره تحظر هالاشياء عشان بس تشوفه سلمت على ام ابراهيم واخواته
وعزتهم .. وجلست جنب ام ماجد وهيفاء ..
رهف بخوف من هالاجواء: هيوف مانطول طيب
هيفاء: ربع ساعه وبنقوم لان ماجد تعبان وام ماجد بتروح لاهلها
ام ماجد تكلم هيفاء: هذي خويتك
هيفاء: ايه
ام ماجد تناظر فيها: لاطولين هنا عشان خويتك احساها مومتعوده
هيفاء:ان شاء الله ..
وبعد ربع ساعه من الوقت دق ماجد على هيفاء ..
ماجد بكل هدوء: انا عند السياره اطلعوا ..
هيفاء: ان شاء الله (وسكرت) استغربت من هدوءه بالعاده يستفزها او يتريق هالمره هادي .. طنشت الموضوع
وقالت لرهف وام ماجد مشينا .. وطلعوا الى الشارع
رهف تشهق : يوه عمي هنا
هيفاء: بتروحين معه
رهف: ايه
هيفاء: وان سألك ليه جايه
رهف: اصرف
هيفاء: بكيفك ..اخلي ماجد يناديه
رهف: ايه
هيفاء تروح لماجد: ماجد
ماجد : وشتبين
هيفاء طنشت اسلوبه:شفت الرجال بوشماغ احمر اسمه علي عم خويتي قوله تبيك
ماجد: طيب
وراح وجا علي لرهف وهومستغرب: وش جابك؟؟
رهف ارتبكت: هااه اخت الرجال صديقتي
علي :ترى خويي معي
رهف: مومشكله
علي يلف: ايـــــــاد مشينا
والكل ركب السياره ..
اياد :وصلني قبل
علي: رهوف عادي ولا لا
اياد بدهشه: بنت اخوك
علي: ايه تفكرها زوجتي ..رهف ماقلتي ايه ولا لا
رهف: وصله عادي
اياد" اصبر يمكن موهي..بس نفس نقشت العبايه ":.....................
وكلها دقايق وصلوا رهف عند باب بيتهم..
علي: سلمي على اخوي
رهف: يوصل .. (وانزلت)
اياد: مافي الا هالبنت احسك حيل مدلعها
علي: يوم امها تولدت فيها انا وصلتها..وبعدين هي حبوبه وخفيفة دم تنحب
اياد: يعني مافي غيرها
علي: كلهم ثلاث وحده متزوجه ..ثنتين باقين بس رهوف اصغر وحده من الاولاد والبنات
اياد: اهااا هذي الي بثنوي
علي:ايه.. ليه تسأل انا سالت عن اهلك
اياد فشل: اسف" بس هذي هي .. ودي اكسر راسها"
$$$$$$$$$$$$$$$$&& $$$$$$$$
بعد يوم من هالاحداث ..
خلص ايام العزاء .. ولاتغير شي على ابطالنا .. في العصر يوم الاربعاء بيت شهد المسجل شايل الصاله
من صوته الكل كان جالس يتحنى
شهد تناظر في يدها الي منقشه بالحنه وهي ترقص: حلو مهيص على يدي
مها: اكيد
شهد تقوم ترقص ..
ام ضاحي وهي تضحك: عااااااااشت بنتي
منيره تناظر فيها وتضحك
سوسن تصفق: ورى عليهم ياختي
مها تصفر لها : ايوووووه
شهد تجلس: واي تعبت
ام ضاحي :عوافي
الحنايه: حلو ياعروس
منيره: تسلم يدك ..مره حلوو
الحنايه: يلا اجل انا بمشي ...
ام ضاحي بدهشه: جا زوجك ..
الحنايه: ايوه صار من زمان
ام ضاحي توقف: يلا تعالي اوصلك
راحت ام ضاحي وفقت شهد :كلللللللللللللللللووووولوووووووش
رجعت ام ضاحي : مها تغطي ضاحي يبغى يشوف خواته
مها تغطت ودخل ضاحي ..
شهد تعلي على الصوت المسجل على ياناس صلوا على من درى بالصعوده على صوت طقاقه: عليهم
ياضاحي عليهم
ضاحي يتلثم ويرقص ويصفق .. وتجي معه شهد
سوسن: يمين يسار عليهم
ام ضاحي تصفق وهي تضحك..
مها : عاش ضاحي
ضاحي يهز كتف بخبال وتشاركه شهد اخر شي واحد وقف نهاية الصاله والثاني بداية الصاله
وكل واحد يروح الي الجهه الثانيه وهو يرقص على جنب بخبال .. والكل ميت ضحك
ضاحي يجلس: والله تعبت وانا ارقص
منيره: لا الصراحه كفيت وفيت ..خبال الى هنا (وتاشر الى جبهتها)
ضاحي: حلو حناك حتى امي وسوسن ... ياخبله ليه كذا حناك اسود
شهد: مااحب الحنه
ضاحي: مالت عليك بس ليه احلى وحده فيكم منيره وطويل
ام ضاحي: لانها عروس
ضاحي: يعني زوجتي بكون كذا حلو
منيره: ماتوقع
ضاحي: ليه بالله
منيره: لان مافي زي حلاتي وه بس فديتني
ضاحي : اسكتي يانعجه
الكل: ههههههههههههههههههههههههه هههههههههههههههههههههههههه
ضاحي: تجهزا ترى الساعه ثمان بيجي الشيخ يملك
منيره استحت ..
شهد تصور منيره المستحيه : ياحليل النعجه لاستحت
ضاحي:جيبي الكميرا بكبر الصوره وبكتب تحتها يازين النعجات لا ستحوا
الكل:هههههههههههههههههه ههههههههههههههههههههههههه
$$$$$$$$$$$$$$$$&& $$$$$$$$
دخل بيت ولده وهو ماسك في يده اليمين عصاه لونها اسود وفضي ..بيده الثانيه سبحه.. وشعر الابيض
مالي وجهه ..
ام رياض: حيالله بعمي
الفيصل: انا سالت ابوه عنه قال في البيت.. انا متعمد اجيله لحالي وينه الي حابس نفسه في البيت
كانه حرمه وينه
ام رياض: قصدك سعود بغرفته
الفيصل: وديني له
ام رياض تاشر لها على الاصنصير: حياك عمي
الفيصل يدخل: بسم الله.. هو وراه كذا عنيد
ام رياض: مدري على مين طالع
الفيصل: لافي صغره لا كبره وهو متعب ولدي
ام رياض تطلع من الاصنصير: كل شي بأجره ياعمي
الفيصل يطلع وراها: الله يعينكم ويصبركم .. وين غرفته
ام رياض تاشر عليها: هذي هي..بس طلبتك لاتزعله
الفيصل: انا موجاي اطبطب عليه انا جاي اصحيه وانا ولدي حرين وخري عن طريقي
طق الباب وعلى طول افتحه من دون مايسمع صوت سعود..
سعود اول ماشاف جده فز من مكانه خايف: جدي
الفيصل بعصاته يشيل ملابس سعود ويرمها ويجلس على الكنبه: وش هالغرفه العفسه.. وراك واقف
اجلس
سعود يجلس على سريره: امر ياجدي
الفيصل: انا موجاي اهزئ ولا اصارخ عليك انا جاي انصحك نصحيه بتفيدك طول العمر ياولدي
سعود نزل راسه ..
الفيصل: ماابيك تنزل راسك ياولدي لا انت ولدي ارفع راسك..انا افتخر فيك مافي احد مثلك قام
باهل خويه بعد وفاته انت انسان نشمي .. بس مثل ماتهتم في ام ابراهيم الله يرحمه .. اهتم في امك
وابوك ..
سعود بصوت خانقته العبره: وش تبي اسوي لهم ياجدي
الفيصل: ابيك تشد اعضامك وتقوي نفسك ..الدنيا ماتوقف لموت احد تمشي ولاتفتكر لحد.. جلستك
في غرفتك وصياحك على ابراهيم ماراح تفيدك ولا تفيده .. ولا تفرح ابوك لا امك
سعود يبكي: بس انا احس روحي ضايع بدونه ..
الفيصل: الدنيا بتنسيك .. وبتخليه ذكرى في البال .. لاتخلي الحزن ينسيك نفسك.. بعدين تندم على
كل يوم قضيته ..
سعود: وش اسوي
الفيصل: تعال واشتغل ..ماتبي تدرس لاتدرس..بس اشتغلك ..وانسى همك
سعود:بس ياجدي
الفيصل: لاتبسبس لي .. ماجد وش احسن منك شوف ماسك حلال ابوه والكل يهابه في السوق
وكاهو متزوج ومتهني .. ماقال ابوي متوفي ولاامي من عايله متوسطه .. ولا بعد في رقبته اخوانه
وانت الي عندك كل شي .. موحامد ربك ..
سعود يروح لجده يحط راسه على رجله ويبكي..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك