رواية بعد كذبك لا ترتجي مني نظره -29
اياد " يارب كيف اقوله": شوف انا عندي موضوع من زمان ابي افاتحك فيه ..بس موعارف
علي: انت من زمان تقول بس مرتبك يا اياد حنا اخوان ومابينا حواجر
اياد: لان اول مره يصير وانا ماابيك تزعل عليّ ولا نخسر صداقتنا
علي: طيب يلا قول انا اسمعك
اياد: الموضوع يخص بنت اخوك رهف
علي بصدمه: وشفيها بنت اخوي رهف ؟؟
$$$$$$$$$$ $$$$$$$$$$ $$$$$$
المره الي فاتت وافات ابراهيم انقذت رهف تتوقعون في شي بينقذ رهف من الفضيحه
ولا لا؟؟؟
هيفاء ومشاعرها وفقدها لماجد تتوقعون بيدري فيها ماجد؟؟؟!!
في الجزء الجاي هيفاء زعلانه ليه؟؟
خلود ورجعت ابوها تتوقعون ابوها بيدري بسوالفها؟؟
في شخصيه من شخصيات بتعصب وبتثور في وجه شخصيه ثانيه مين وليه ؟؟
ابي التوقعات ..
×*××*××*××*××*×
يسلموووو على الردود والله لا يحرمني من هالطله ..بغيب اسبوع من الجمعه وبرجع لكم الجمعه الجاي
زواج اخواني وعقبال اخوانكم وعقبالكم ..
وبعدين بفضى لكم والي تامرون فيه انا حاظره بس بعد مارجع متعمده اسوي لكم البارتين طوال
لاني بغيب فتره .. ولبى قلوبكم وراااااااح توحشوني كثير..
تحياتي الحاره والبارده والوسط هع هع
بنت الخزاعي ..
كاني جيت فديتكم يلا جهزوا الفوشار والعصير << فلم موروايه خخخخ
..*&*.. (الــــبــــارت الســابع والعشــــــروون ) ..*&*..
ــــــــــــــــــــــــــــــــــــــــــــــــــ ـــــــــــــــــــــــــــــــــ
في غرفة دكتور الاسنان .. جالس يسولف ويضحك من ورى قلبه معه ولا معه يسولف معه وباله مشغول
كيف يصارحه بالموضوع ..
اياد وعيونه تناظر كل شي في المكتب غير علي: علي
علي : امر
اياد " يارب كيف اقوله": شوف انا عندي موضوع من زمان ابي افاتحك فيه ..بس موعارف
علي: انت من زمان تقول بس مرتبك يا اياد حنا اخوان ومابينا حواجر
اياد: لان اول مره يصير وانا ماابيك تزعل عليّ ولا نخسر صداقتنا
علي: طيب يلا قول انا اسمعك
اياد: الموضوع يخص بنت اخوك رهف
علي بصدمه: وشفيها بنت اخوي رهف ؟؟
اياد: مافيها شي بس انا
علي يقوم يجلس قدامه بحده : وشفيك ماتتكلم رهف بنت اخوي وش فيها؟؟
اياد توهق وقال بسرعه:انا ابي اخطبها " ياغبائك يااياد ..وشقلت "
علي سكت ورجع لورى وبعد ثواني :هههههههههههههههههههههههههههههههههههههه
اياد جلس يناظر فيه مومستوعب الغباء الي سواها.." انا كيف قلت كذا ..كيف اقبل بنت زيها.. ياربي
وش هالغباء"
علي: صار لك ساعه وتحك في اذنك وتعفس وجهك وفي النهايه تبي تخطب بنت اخوي
اياد فشل: مدري
علي بجديه: والله لو رهف بنتي عطيتك اياها هديه لان مابلقى زيك رجال كفو لها..بس الراي المهم
ابوها والاهم راي رهف
اياد يتنهد: اصبر لاتكلم ابوها اول شي بكلم اهلي انا ماقلت لحد
علي: اجل جاي ومسوي لي فلم ليه ؟؟
اياد: ابي اتاكد مخطوبه ولا لا
علي: لا مومخطوبه .. بس اياد
اياد كان بيوقف: وش
علي: اهلك بيوافقون ياخذون منا
اياد: ماجد اخذ وحده من نفس مستواكم .. يا علي حنا ندور اخلاق مو فلوس وخرابيط
علي: تسلم
اياد "الله واخلاق بنت اخوك عاد": الله يسلمك.. (ويوقف) يلا انا بروح اشوف شغلي
علي: الله معك
اياد: بصير نسيبك ان شاء الله
علي يسوي روحه متضايق: اووف لزقه في كل مكان
اياد ابتسم" والله لجلك سويت كذا": مالت يلا سلام ..(وطلع من المكتب وهويحس بضيقه)
" عهد عليّ اني لا اربيك من جد وجديد..يارهف"
$$$$$$$$$$$$$$$$&& $$$$$$$$
دخلت القسم وهي تناظر في كل مكان " ياحياتي وربي وحشتني " فصخت عبايتها ودخلت غرفة نومها
وعلقتها وبسرعه راحت على الجوال مالقت رساله ولا اتصال غير من اخونها وامها .. جلست على السرير
وهي زعلانه تعودت من ايام الخطوبه الين ماتزوج وهي يرسل لها رساله لاوصلت تطمنه ..مدت شفايفها زعلانه
" معقوله الشغل ينسيه موكافي قال بدق ولا دق " سمعت صوت الباب ينطق راحت له وفتحت الباب
الشغاله: مدام في مدام كبير يقول تعال يلا غدا
هيفاء: ان شاء الله اغير واصلي واجي ..سكرت الباب
*
×
مطلق: يمه كلي هذي مطوله
ام ماجد: لا باكل معها انت كل وخلص عشان وراك دوام
حمود: انا مدري ليه مسوين زحمه عشانها
راكان: اكل وانت ساكت
مطلق يترك الملعقه: حبيبي حمود من تبي نسوي له زحمه اختك موعاجبتك زوجة اخوك موعاجبتك
حتى ماجد موعاجبك منو تبي نسوي له زحمه
حمود: انا وامي بس
ام ماجد تناظر فيه : اسكت وكمل اكلك .. هذا اخوكم مدري على مين طالع اناني مايحب الان نفسه
حمود: يمه احبك انتي بس
ام ماجد تعوج فمها: لا صج شكرا
جات الخدامه: ماما في مدام هيفاء ينزل
ام ماجد تلف عليها: زين يلا انا جايه ( وتوقف وتناظر فيهم)
خالد: امري
ام ماجد: تخلصون غداكم وكل واحد على غرفته
خالد: ابي شاهي اخضر
ام ماجد: دقوا على الخدم ويجيبون لكم الي تبون الي اشوفه نازل وهيفاء تحت ذبحته
راكان: شنو قطاوه حنا تحبسينا
ام ماجد: ايه (وتتركهم )
راكان: افففففففف
مطلق: بتغدا وبروح عند جدي
خالد: حتى انا
راكان: افففففففففف
حمود يناظر فيه: لاتتافأف تراك لوعت كبدي (الكل ناظر فيه ) لا احد يناظر فيني وشتبون مني
خالد: ماتلاحظ لسانك طولان
حمود: مالك دخل فيني
راكان: انت هييه تراك بزر هاه لاطول لسانك لا اتوطاك هنا
حمود يناظر فيه ويكمل اكله:.....................
خالد: مستفز درجه اولى ودي اصفقه
حمود يترك الشوكه ويسمح فمه بالمنديل: الحمدلله ( ويقوم بكل ثقه ولا كانه يسمع احد يتكلم عنه وراح عنهم)
مطلق يرفع حواجبه: والله لو مو هيفاء في البيت لاسويته عشاء اليوم
خالد: اتركك منه الغذر
$$$$$$$$$$$$$$$$&& $$$$$$$$&
في العصر ..
جلست من النوم شهد .. على صوت الاستشوار
ارفعت اللحاف : وش هالازعاج
منيره: اسفه بس اليوم بيسافر حمتو لــ الرياض
شهد ترفع حواجبها: منو الي بيسافر
منيره بخجل: حمتو حمدان
شهد كشرت : وييييييييييييييييييييييع حمتوووو ويــــــــــــــــــــــــــع
منيره : طيب وش تبين ادلعه حميدان مثلا
شهد: ياساتر هذا اسمه مايدلع ..وعسى بس تقولين له كملتو مدري سميتووو
منيره فشلت : لا ماقول بس اقول قدامك
شهد: طيب انا فيني النوم
منيره: روحي غرفة ضاحي
شهد اخذت لحافها ومخدتها : مابي راح اروح مجلس الحريم
وراحت عنها..اما اختها اجهزت وعدلت نفسها وراحت لزوجها الي موجود في مجلس الرجال ..
حمدان وقف لمى شافها داخلها: هلا والله
منيره ببتسامه: هلابك ليه واقف اجلس
حمدان: سبحان من سواك كل يوم اشوف تتحلين اكثر
منيره تظرب يده وهي تجلس: بس والله استحي
حمدان يجلس جنبها حيل: زين انك وافقتي عليّ ولا قلبتي ذاك
منيره لفت عنه ينقال زعلانه: ايه شفت ناس عافوني قلت اقبل في الناس الي يبغوني
حمدان يدفها بكتفه: وانتي ماصدقتي على طول قلتي موافقه
منيره: ماقلت مواقف لو قلت موافقه شايفني جالسه جنبك
حمدان:انتي صدمتيني بحركتك لي
منيره فشلت: طيب خلاص اسفين
حمدان قام وجلس قدامها : لالا انا الي اعتذر انا الي ماعندي سالفه ولا هالقمر احد يعوفه
منيره ابتسمت :طيب قوم من قدامي
حمدان: ابي اشوفك زين ابي اشبع منك
منيره بدلع: حمداااااان خلاص
واندمجوا بالسوالف موحاسين بالعيون والي تناظر من وراى الشباك .. شهد واقفه على كرسي قصير وماسكه
في يدها مكنسه من خشم ..
شهد بهمس: مالت عليها هذا الي بتقهره وبدوخه مالت عليها .. صدقت رهف يوم قالت هذي بس تشوفه
تصيبها غباء الكون.. ( فتح عيونها على الاخر) وي وي وش تسوي ذي( سمعت تسكريت باب الشارع)
وي وي احد جا ..(ومن الخوف طات على ركبتها ) آآآآآآآه
عمها عبد الرحمن جا وشافها طايحه: اووف سلامتك شهووود وشفيك
شهدتقوم: هااه ولا شي جالسه انظف الحوش ومانتبهت للكرسي وطحت (تمسك ركبتها) آآآه ياركبتي
عبد الرحمن: عاد حنا ياسعودين خلقه ركبنا سود بعد نطيح
شهد بعصبيه: والله اذا ركبتك سوده انا موسوده وانــــــا سعوديه..
( وترفع بنطلونها) هاه شفت بيضه والله اف قطع
عبدالرحمن: اعوذ انتي محد يكلمك الا ورديتي عليه بالعشر كلمات
شهد: انت شتبي بالظبط شتبي هاه مالت عليك يلا مناك انقلع(وتمشي وهي تعرج من الالم )
عبدالرحمن: خوياتها كيف مستحملينها هي ولسانها هالطويل
$$$$$$$$$$$$$$$$&& $$$$$$$$
وقفت السياره ونزل منها اليوم بعد عن البيت كثير وبس ماكان مع الشخص المطلوب وحبيب قلبه
سكر الباب السياره وهو مبتسم الى الي قضه نص يومه معه :شكرا نواف
نواف ياشر على القصر: روح لبيتكم قبل لا اذبحك قال ايش قال شكرا
سعود:ههههه طيب انا اسف انتبه لنفسك
نواف: ايوه خليك كذا شاطر سلام
سعود لف ودخل البيت وهو يتنهد : ..........
ام رياض لمى شافه: سعــــود يمه اشفيك طولت
سعود ببتسامه: خفتي عليّ
ام رياض: اكيد الكل جا الا انت
سعود: الله يخليك لي كنت مع نواف
ام رياض: تغديت
سعود بكذب: ايه ... ترى غيرت رقمي الحين بدق عليك دقه
ام رياض: طيب روح ارتاح
زينه من الدرج: اووه سمعنا الاخ قام يشتغل
سعود يكشر: انطمي ومالك دخل
زينه: ياشينك روح لقوقعتك روح
سعود صعد لمى شاف اخته بقى درجه وتخلص الدرج دفها بالخفيف وكانت بالطيح بس تماسكت : انا اخوك الكبير
واحترمي نفسك
زينه من الخوف بكت : ياسخيف
سعود كمل طريقه وطنش كلامها ..ودخل الى غرفته فصخ شماغه وثوبه ولبس بجامته ورمى نفسه
على السرير .." اليوم راح كله وانا مومعك يا ابراهيم .. حتى البنات تركتهم غيرت رقمي ..
الله يرحمك وغفر لك كل ذنب سويته ..وان شاء الله يتقبل توبتي " رفع جواله ودق على امه دقه
وحط جواله ونـــام
$$$$$$$$$$$$$$$$&& $$$$$$$$
عيون سعود نامت وعيون اياد وقلبه حايرين " يارب وش اسوي يارب انا قلت كذا مابي يصير فيه شي
انا يارب قصدي موافضحه انا قصدي استر عليها ..يارب وش اسوي " سمع باب غرفة ينطق ..: مفتوح الباب
دخلت اريج : تسمح لي ولا المزاج متعكر ماتبي احد
اياد: لا تعالي مقدر اردك انتي غاليه وعارفه غلاتك عندي
اريج تجلس: دامني غاليه عندك قولي وشفيك وش الي شاغل بالك اليوم ماكلت عدل
اياد ابتسم وهويتنهد: مافيني شي ياختي
اريج: يااربي تنهيدتك من قلب ..اياد صحيح اني تزوج وانشغلت بعيالي بس مومعناتها تخبي عني شي
او اني ماعرفك متى تكون متضايق او فرحان
اياد: انا قررت اتزوج
اريج بفرح: جد ..بس ليه زعلان متضايق
اياد: مابي عبير ..وخايف تصير مشاكل
اريج: شوف لمى انت تكلم ابوي بنفسه عمتي ماراح تتكلم بعدين هي الي قالت اياد لعبير
محد فينا تكلم قال عبير لاياد هي الي الف الموضوع من راسها
اياد: والله ياختي محتار
اريج: انت حاط وحده في بالك
اياد وهويناظر سقف غرفته: ايه
اريج: حنا نعرفهم
اياد: لا بس ابوي وعمامي يعرفون اهلها
اريج: من وين تعرفهم
اياد: عم البنت معي ودارس معي
اريج: لاتقول علي
اياد: ايه
اريج: والله زوجته حبوبه كثير تذكر يوم نروح زواجهم ولمى زرتها في شقتهم مره حبوبه ..
اياد: ايه ادري وصجيتي الامه فيها ..ماعلينا انا ابي بنت اخوه
اريج: وانت شعرفك في بنت اخوه
اياد: كله يسولف عنها
اريج: كيف يعني يسولف عنها؟؟!!
اياد توهق وكمل بكذب: هي تدق عليه تتطمن.. تسوي فيه مقالب كانه اخته موبنت اخوه وهويعزها حيل
ودخلت راسي ..(وبضيقه كمل )بعدين هم ناس على نياتهم وطيبين يوم رحنا بيت ابوها.. ابوها حطنا على راسه
اريج:اهااا..طيب متى ناوي تكلم ابوي
اياد: والله مدري يااريج محتار متى اكلمه الحين ..ولابعدين ...ولابعد اسبوع ..مدري مدري
اريج جلست جنبه : اذكر الله
اياد: لا اله الا الله
اريج: الحين ابوي في مكتبه روح فاتحه في الموضوع
اياد بصدمه: الحين !!!...وامي وعمتي ام جهاد
اريج: امي انا امهد لك الموضوع ..وعمتي بتزعل وبترضى
اياد: يعني اخذ بشورك واتكل على الله
اريج: ايه وانا بنتظرك وبنظف غرفتك ..
ملاحظه : اياد مايحب الشغالات تلمس اغراضه .. فدايم امه هي الي تشوف طلاباته ..
اياد: طيب يلا عن اذنك
*
×
*
طق الباب وهوموقتنع بالي يسويه ابد .. جا صوت ابوه دخل وهو ساكت وملامحه جامده ..
وقف مكانه بعد ماسكر الباب: يبه ابي اكلمك في موضوع
ابوه يفصخ نظارته وتحطها على الاوراق: امر ياولدي (وياشر على الكرسي الي قدامه) اجلس
اياد يجلس مكان ماشر له ابوه: يبه انا جيت وابغى اقولك
ابوه بهتمام: ايه امر
اياد: انا جيت اكلمك اني ابي اتزوج
ابوه بفرح قام من مكانه وجلس جنبه: هذي الساعه المباركه ياولدي.. منو تبي عبير
اياد: لا ..ابي وحده ثانيه
ابوه: منو؟؟
اياد: تذكر الي رحنا بيتهم وتعشينا ..
ابوه: ياولدي سته وستين بيت رحنا وتعشينا فيه
اياد: طيب تعرف تعرف عايلة الــ........ الي اشتغلتوا معاهم يوصلون لكم بضاعات الشركه
ابوه: ايه ايه اذكرهم ناس زينه
اياد: اخو الصغير يشتغل معي وانسان طيب
ابوه: تبي تاخذ اختهم يعني
اياد: لاااا .. عند اخوهم الكبير بنت انا ابيه
ابوه: والله هم ناس طيبه بس امك لازم تشوف البنت فاهم
اياد:ابي رايك
ابوه: لازم نسال عنهم
اياد بصدمه: هااه بتسال ليه ..ليه تسال الناس طيبه يايبه
ابوه: ترى تصير الاخوان الصغار ناس عدله والكبير موزين
اياد: يبه ماكلين عندهم وشايفهم زين
ابوه: لاتغرك المظاهر ياولدي لاتغرك
اياد" ايه والله": طيب شرايك انا اسال عنهم ..
ابوه: طيب .. بس امك لازم تدري
اياد: اكيد
ابوه: بس تعال حنا موكانهم ناس على قدهم
اياد بخبث: صحيح ناس على قدهم ..بس لاتنسى حنا كله ناخذهم يشحنون لنا ..لا اخذنا بنتهم
نص الفلوس بتنزل صح ولا لا وشدراك يمكن نشاركهم في المكتب ونزيد في الخير
ابوه بعجاب في ولده: ماشاء الله عليك من ولد .. انت لو داخل تجاره احسن من الطب وخرابيطه
اياد ابتسم: عاد هذا الي صار
ابوه: مومشكله اهم شي افتخر فيك وعارف انت شنو تبي وطريق عدل ..
اياد "والله لو عارف منو باخذ عدل كان شلت المكتب على راسي يابوي وكسرته ":...........
ابوه يمكل :انا بقول لجدك وامك والي فيه الخير ربك بيسويه
اياد يرفع حواجبه ببطء وينزلهم بنفس الشي : طيب ...بس يبه عمتي ام جهاد وبنته
ابوه: الزواج ماهو غصب ياولدي وماعليك منها
اياد ارتاح لمى سمع من ابوه هالكلام: تسلم (وقام باس راسه )
ابوه: تحب الكعبه ان شاء الله ..يلا روح وخلني اكمل شغلي تراك عطلتني
اياد: طيب مع السلامه.. وطلع من المكتب وراح ركض الى الغرفه
شاف اخته اريج تعدل سريره : اريج
اريج تلف :هلا حبيبي هااه وش قال
اياد: وافق
اريج: طيب ليه زعلان
اياد: بقى امي قال هو بيكلمها
اريج: زين مبروك (وابتسمت)
اياد رد الابتسامه وهو مو راضي .. كلمه طلعت منه وهقته قصده يستر بس من بعيد .. بعد فتره انتبه
انه في الغرفه لحاله اريج طلعت سكر عيونه وخذ نفس وبعدين طلعه وكانه يبغى يطلع الهم الي نزل فجأه
عليه ..
$$$$$$$$$$$$$$$$&& $$$$$$$$
: قووومي قووومي
خلود تقوم من قومها بفزع..:نعم
نواف وهويخز فيها: اسمي ابوي اليوم بيجي كلمه منك ياويلك واذا سالك قولي طايحه فاهمه
خلود بخوف :طيب طيب
نواف: واذا قلت لك شي على طول تقولي ان شاء الله فاهمه
خلود تهز راسه بــ نعم:.............
نواف يناظر فيها وكانه يشوف شي مقرف: ودي امحيك لانك شي مقرف الي مثلك مفروض ماتعيش
خلود نزلت راسها منزله راسها ..:..............
نواف : انا بروح اريح وبعدين بجيب ابوي بس قبل كل شي بتروش وبغسل نفسي بـ ديتول لان جلست
بمكان وصخ (وقام وتركها)
خلود اول مره تحس بالذنب اول مره تنزل دمعة ندم اول مره تحس انها منبوذه من بين الناس.. جلست
تناظر في مكان نواف وعيونها تدمع .. صحيح امها تعتني فيها بس ماتكلمها ولجين تهتم فيها كثير
اما نواف وساميه وايمان يدخلون ويقولون لها كلام يجرح ويطلعون .. انهارت تبكي ندم وحسره
$$$$$$$$$$$$$$$$&& $$$$$$$$
راح النور واختفا اللون الارزق وطلع القمر والالون الاسود غطا ارجاء المملكه والنجوم تبرق في كل مكان
الساعه ثمان ونص دخلت هيفاء القسم .. فكت شعرها وغيرت ملابسها.. ورمت نفسها على السرير
لفت على جهة ماجد ومسحت على مخدته " وحشتني ..مر يوم واحس اني فاقده شي كبير باقي على جيتك
كثير .. الله يحفظك " قامت واخذت واحد من عطور ماجد وبخت على مخدته ..وضمته نص المخده
ونصها حطتها تحت راسها ... انتبهت ان جوالها يدق .. شافت الاسم رهف وردت:هلا رهوف
رهف بضحكه: هلا بالطفشانه اشفيك ياختي اشفيك
هيفاء: مادق ولا رسل وشوفي الساعه كم ؟؟
رهف: هذا شكله عرس على وحده ثانيه
هيفاءبحده: رهــــــــــيف
رهف:هههههههههههههههه امزح امزح والله كان اذبحه خير يعرس عليك ..انا لو زوجي يعرس عليّ
كان قتلته
هيفاء: رهف
رهف: ياعيونها امري
هيفاء: مادق
رهف تحاول تخش صوتها: هلا هيفاء احبك انا (تعدل صوتها) هذا انا صرت لك ماجد
هيفاء: هههههههههه رهــــــف جد وش اسوي
رهف: سوي حركاتي الغبيه الي كنت اسويها مع الشباب اذا احد زعلان عليّ
هيفاء: يلا هاتي وش
رهف: ارسلي راون سلمي على خلود وقولي لها انو دفترها عندي
هيفاء: رهف وش هالغباء
رهف: عشان يدق عليك
هيفاء : ارسله يعني
رهف: ايه يلا يلا انا بسكر عشان تفكري وش تقولين لا دق
هيفاء بفرح: الله لايحرمني منك ياقلبي الله يزوج ياشيخه
رهف:امـــــــــين ههههههههههههههههههههه
هيفاء: سكري ياخبله سكري هههههه (سكرت من رهف) وراحت عند الرسايل واكتبت
|| رهووف جيبي دفتري معك لاتنسين || وارسلت لماجد وهي تضحك ..وبعد ثواني انفجرت ضحك
:وش هالغباء رهف علمي وانا ادبي صج العقل نعمه .. (ناظرت الجوال ) وهالغبي مادق بعد افففف
وبعد دقيقه جاها رنت مسج وفتحتها على طول طلعت من ماجد كاتب فيها
|| ان شاء الله .. بس انتي شخبارك انتي وزوجك عساك فرحانه في بعده||
هيفاء : ياكرهك صج انك سخيف مالت عليّ انا الي مشتاقه لك ولا هالاشكال احد يشتاق لها (رمت الجوال
على السرير ورجعت انبطحت على المخده وسكر عيونها بس مسرع مافتحتها لمى سمعت نغمه الي مخصصتها
لماجت اشتغلت .. راحت على الجوال وبلهفه :الووووو
ماجد:هلاا هيفاء
هيفاء نست الزعل: مــــاجد شخبارك ؟؟
ماجد: انا بخير ..انتي كيفك؟؟
هيفاء: انا بخير دامك بخير.. وينك اليوم كله مادقيت عليّ ولا رسلت
ماجد: لهدرجه مشتاقه لي ترى كذا اطنش الشغل واجيك
هيفاء حست على عمره وسكتت:....................
ماجد: اجل انتي فاقدتني زين ماانا فاقدتك اليوم
هيفاء: ماجد انت فقدتني
ماجد: فقدت يااعز الناس عاش الجسمي
هيفاء سكت " هذا يستخف دمه ولا ايش ":..............
ماجد يحاول يرفع ضغطها: الا رهف هذي خويتك
هيفاء: ايه ليه تسأل
ماجد: حلوه لا لا
هيفاء بعصبيه: خـــــــــييير اخ ماجد خير
ماجد: انا حاب اخفف من العنوسه
هيفاء: اقول بس ريحنا قال ايش قال اخفف ..تخفف في عينك
ماجد: هههههههههههههههههههههههههه ... ليه عيوني مو حلوه كله تقولين في عيني
هيفاء: لانك ترفع الضغط ..
ماجد:آآآآآآآآآخ ودي اجي الشرقيه اشتقت لــ اهلي
هيفاء: وانا
ماجد: انا اشتاق حق الي يشتاقون لي ويدقووون(شدت على كلمته) ويسألون عني
هيفاء تحطمت من رده: طيب توصي على شي
ماجد حس فيها انها تضايقت: لا سلامتك ..ليه مانمتي في بيتكم امي تقول تنامين في القسم
هيفاء" مالت على الاحساس الي عندك": بس هنا ارتاح
ماجد: غريبه توقتك تنامين بيت اهلك ..لانك ماتحبين
هيفاء :ياربي ماجد خلاص ذليتني
ماجد: وش ذليتك فيه ..هذا كلامك موكلامي
هيفاء: طيب خلاص شكرا على المعلومه.. انا بكسر تبي شي
ماجد: ايه اجلسي انا طفشان وابي اسولف
هيفاء اسكتت لانها زعلت كل مره بيكلمها قال ماتحبني وماتحبني :.....................
ماجد سكت هو لان حس الجو خرب :..............
هيفاء بصوت خانقته بالعبره : انا ادري جرحتك وطفشتك وضايقتك كثير .. بس ماتوقعتك انك غالي
عليّ كثير مكان كبير في حياتي .. صحيح مر يوم بس انا فقدتك وكثير بعد وراح صوتها تبكي
ماجد : طيب ليه تبكي ؟؟
هيفاء: لانك تقهرني ..كله تقولي ماتحبني ماتبين
ماجد: انتي سكتني بكلمه وحده
هيفاء وقفت صياح من الصدمه : وووش وش وش اقول
ماجد : وشفيك جاك عقربقر وقمتي ماتعرفين تتكلمين
هيفاء حمرت خدوها وجلست عدل : وشتبي اقول عشان اسكتك
ماجد: انتي ادرى ويلا انا قايم عن الشباب وجالسك اكلمك
هيفاء: ليه انت وين
ماجد: بالمطعم
هيفاء: اهــ....(وتستوعب الكلمه الي قالها) شنو مطعم وليه ماجلستوا في الفندق وجابوا لكم الاكل الين غرفكم
ماجد: لاتخافين كلنا معرسين محد عزومي يخربنا
هياء نست نفسها: هذا الدمــــــــار نفسه .. انكم معرسين
ماجد: ههههههههههههه انزين انا مابيك الان انتي ولا مليون بنت تفرني عنك
هيفاء: ياخوفي عشر وراسي
ماجد: كانك تعرفين
هيفاء: مـــــــــــــاجد
ماجد: ههههههههههههههههههههه امزح يابنت اخرتيني يلا سلام
هيفاء: الله معك يحفظك (وسكرت منه ) آآآآآآه وربي وحشتني متى تجي (حطت راسها على المخده
وباقي ضمته وهي تشم ريحة عطر ماجد .. ونـــامت
$$$$$$$$$$$$$$$$&& $$$$$$$$
: كللللللللللللللللللللللللووووللللووووووووش
دخل البيت وهو مبسوط ومشتاق لعياله ...
لجين تكب على راس ابوها الحلاو والفلوس: كلللللللللللللوووولوووووووووووش
ساميه تلسم على ابوها وتبوس راسه: الحمدلله على السلامه .. ومن بعدها ايمان ولجين وامهم
نواف راح وسط عماته يسصفقون له وهويرقص بخبال .. والكل اتركه وراح يسلم على ابو نواف
وبعد السلام ..جلس بو نواف : وين خلود بنتي
نواف: لجين روحي عجليها.. خلود تعبت شوي
بونواف: ادق على جوالها مقفل ومافيها خير تتصل عليّ اول مارحت تتصل وتسأل والحين ولا شي
ايمان: ايه جوالها انسرق
بونواف: نسرق وكيف انسرق
ساميه: لان هي طاحت من درجة الجامعه وطاحت اغراضها وزحمه وانسرق الجوال
بو نواف بخوف: وصار لها شي
خلود تطلع من الاصنصير: الحمدلله على السلامه يالغالي
بو نواف بفزع: خلــــــــود شنو هذا
خلود تضمه بيد لان اليد الثانيه مكسوره: حطيه خفيف لاتخاف انت اخبارك يالغالي
نواف ياشر لها تجلس جنبه:...............
خلود طنشته وجلست جنب ابوها: وحشتني بابا
بونواف: الله يحفظك يا بنتي
لفت خلود على خوانها ناظرت شافت بعيون ايمان وساميه ونواف الكره ..ابتسمت ولفت على ابوها
$$$$$$$$$$$$$$$$&& $$$$$$$$
انطق الباب.. وفتحته لقت ولدها الغالي جالس على الكنب ويناظر التلفزيون..
قلت بحنان ام : اياد
اياد لف عليها: هلا يمه تفضلي
ام نايف تجلس جنبه وهي مبتسمه: يمه اياد ابوك كلمني ..وانا موافقه عى البنت بس ودي اشوفه هي وامها
اياد يطفي التلفزيون: يمه خذي رحتك افحصيها فحص .. وسوي الي تبين
ام نايف تناظر فيه: يمه ليه هي بالذات
اياد: مدري من كثر عمها يهذر عنها دخلت راسي
ام نايف: وعبير كل نسولف عنها
اياد: شوفي يمه عبير ماتتغطى وبيضه و جريئه شوي وانا ابي وحده سمرا او حنطاويه
وتتغطى ومادق لثمه زي عبير ..
ام نايف تخز فيه: وانت شايف البنت
اياد ببتسامه: يمه لاتفهميني غلط انا موراعي بنات .. بس صادفتها مره بسيارة عمها
وجات المستشفى مع عمها
ام نايف تناظر فيه: انزين حنا بنروح ونشوف (كانت بتقوم بس ارجعت واجلست) الا عندك رقمها
ولا رقم بيت اهلها
اياد فتح عيونه على الاخر: يمــــــــه اشفيك قلبتي عليّ ايش قالوا لك سعود ولد عمي بورياض
ام نايف: والله ماجبتها من بعيد ولد عمك هااه
اياد: خذي جوالي فتشي فيه اذا لقيتي بنات غير خواتي كسري فوق راسي.. تراني ماني سعود
ام نايف تضرب كتفه: لاتحش بالرجال ..وعلى طاريه قام يشتغل مع نواف صديقك ابوك لمى شافه
طار من الفرح
اياد: ادري ادق على نواف قالي مقدر مشغول مع سعود بس رديت عليه مالت عليك وعليه
ام نايف: وماقلت له بصير معرس
اياد: لا .. ماقلتي لي متى بتروحين لهم
ام نايف: هات رقم بيت البنت اكلم امها
اياد: بكره اكلم عمها
ام نايف تظرب فخده بخفيف:سلم على عمها اجل (وتقوم)
اياد يبتسم: يمـــــــــــه بلا حركات مالها داعي
ام نايف تناظر فيه وهي مبتسمه على جنب: اجل سمرا مدري حنطاويه هاااه
اياد: هههههههههههههههههههههههههههههه هههههههههههه
ام نايف: مسوي روحك عاقل وتفشل بنات عماتك وفي النهايه سمرا مدري حنطاويه.. الا وش اسمها
ست الحسن والدلال
اياد"ان قلت اكدت الشك": مدري مع الرقم اجيب لك اسمها
ام نايف:شكلك دخت مع اللون ونسيت الاسم
اياد: يادين النبي يمه وشفيك
ام نايف: اوص ولا كلمه..(وتطلع من الغرفه)
اياد: وشفيها امي عليّ
$$$$$$$$$$$$$$$$&& $$$$$$$$
يوم جديد الاحـــــــــــد .. الساعه سبع الصبح
دخل الغرفه من دون اذن .. مالقى خلود على فراشها .. راح جهة الحمام لقاه مقفل .. طق الباب بخفيف
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك