بداية

رواية بعد كذبك لا ترتجي مني نظره -48

رواية بعد كذبك لا ترتجي مني نظره - غرام

رواية بعد كذبك لا ترتجي مني نظره -48

ايادبضيقه: مافيني شي عن اذنك بروح اخذ رهف تلاقيها الحين تنتظرني
ومانتظر من ماجد رد شغل سيارته وراح .. ودق على جوال رهف
في الصاله الداخليه بقصر الفيصل..
رهف دخلت واخذت عباتها وتدور على جوالها ..:وين جوالي
ام جهاد: بنتي عبير اخذته قالت بتوصله لك ..ياحليها بنتي خدومه
رهف" مررره": مشكوره
ام عبدالعزيز: بتروحين اشوف شايله عفشـ.. قصدي اغراضك
رهف: اياد يبغى يروح يريح
ام جهاد: ورى تغير قبل يمر يسلم (ابتسمت بسخريه) لايكون بس زعلان
رهف: مع السلامه( واطلعت ) " غبيه زي بنتك "
وراحت تدور في القصر على عبير..سمعت ضحكه راحت جهتها وشاافت لمياء مع شمايل ..
رهف: بنات ماشفتوا عبير عندها جوالي
شمايل: لا ..
لمياء: بتروحين
رهف: ايه يلا بااي
$$$$$$$$$$$$$$$$&
في قصر ثاني ..
وصل سعود لعند قصر نواف وهو متضايق حيل .. ناظر في نواف الي كان مع خواته..
نواف طالع فيه وهز راسه : لو متقدم عشر دقايق ماحصلتني
سعود ينزل نافذته: تعال ابيك
نواف: طيب بجيك
سعود لف وجهه لمى شاف وحده من خوات نواف اللزقت في نواف ..
: من هذا نواف
نواف: دخلي داخل لا افقع عيونك دخلي بسرعه
ويتركها ويروح لسعود .. وركبت سيارته: السلام
سعود:وعليكم السلام
نواف: من الوجه باين انك زعلان او متضايق وشفيك
سعود:ابي اروح معك اي كافي مابي دواره بالسياره
نواف: امممممممم نروح ستار بوكس
سعود: طيب
$$$$$$$$$$$$$$&&
واقفه ومنصدمه من الي شافته .. اياد ماسك يد عبير وعبير قريبه منه ..
اياد سكت مصدووم :رهف
عبير تقرب اكثر: آآي ايا رجلي حيل تالمني رهووفه ترى جوالك عطيته اياد
اياد يناظر عبير: تعرفين تصعدين الدرج ولا لا هذي رهف موجوده
عبير: لا حبيـ.. قصدي اياد اعرف يلا بااي (وتقرب من رهف ..وتهمس لها) دام الولد يكرهك ليه ماخذته
شفت كل الرسايل ..عليك نصب موعلى بشر اجل هو الي اختار لك الفستان هااه كذابه
رهف تهمس لها: على الاقل تزوجني مو راميه عليه نفسي بعدي عني لايجيك الي مايرضيك
اياد حس الجو تكهرب: روووفي يلا
رهف تنزل من الدرج وتركب السياره : على حسب علمي انك دكتور اسنان مو رجول
اياد: انا دقيت اكثر من مره عليك الوجال كان عندها ردت علي وجابته لي وهي جايه طاحت
رهف باستهزاء: ياحياااتي وانت الرجل النبيل الشهم الي ساعدتها ..وربي انك نشمي
اياد: لا تتريقين حظرتك الحبيب اليوم وصل
رهف ارتبكت: اي حبيب
اياد: اي حبيب؟! وراك اصرعتي سعود ماشفتيه اليوم
رهف: لا ماشفته ولا ابي اشوفه
اياد: طيب لاتشوفينه .. (ويحرك السياره ويحل الهدوء بينهم)
رهف: اياد
اياد: نعم
رهف: ابي اروح عند اهلي
اياد: مواليوم مالي خلق اوصلك
رهف: لاتوصلني اروح مع السواق
اياد: انسي سعود هنا مااثق فيك
رهف سكتت ماتبي تجادل معه اليوم تعبت نفسيا .. وصلوا الى البيت وراحت على قسمها..
فصخت عباتها ..تمددت على الكنب :آآآآه ياظهري
اياد جلس على الكنبه الي قدامها" لالا انا متزوج عبير متزوجها هذي اجلست معي حملتها وانا مابي عيال
منها": لاتنامين
رهف لفت عليه: كيف انام والميك اب في وجهي
اياد توتر: انا بروح اتروش وبجهز لصلاة المغرب
رهف: تيب وش اسوي لك ؟؟
اياد يرمي المخده عليه: جهزي ملابسي واجلسي زين لبس مايع وانبطحه
رهف :آآآآآي موهذا ذوقك انت الي قلتي اللبسي
اياد: قوومي الحين بيأذن المغرب
رهف تقوم: طيب طيب اوووف منك
وتقووم وهي مقهوره " الله ياخذك انت وعبير"
$$$$$$$$$$$$&
في ستار بوكس..
نواف: نقوم عشان الحين وقت الصلاه
سعود: طيب
نواف: مصر انك مافيك شي الى لان
سعود: لا
نواف: تعرف وش نفسي فيه يا سعود
سعود: وش
نواف: اشوف انت وسعود متصالحين
سعود ابتسم بسخريه: شوف يانواف والله لو شنو تسوي او تلمح الي بيني بين اياد ماينحل ابد
نواف: لهدرجه تكرهه
سعود: هو الي كارهني موانا
نواف: اياد كاره حركاتك النص كم ذي
سعود: كل الشباب كذا
نواف: لا تعم انا موراعي هالسوالف ولا ماجد ولا اياد نفسه ..تبي الصراحه حتى انا ماكنت احبك
بس لمى شفتك عقلت وتركت هالسوالف جيتك لانك صرت وحيد ولا ابيك تضيع
سعود: يعني مومصادقني الا شقفه
نواف: لا والله ..جيتك لاني عزيتك واغليتك واحيانا اتهاوش مع ماجد واياد عشانك
بس عشان خاطري اترك اياد بحاله اعتبر الي اقوله لك وصيه وبكره وفاتي
سعود بعصبيه: انهبلت وش هالكلام
نواف: اترك اياد بحاله
سعود: هو اخذ شي لي قوله يرجعه
نواف: وش اخذ
سعود: حاجه لي
نواف: طيب شنوو وانا اقوله ..او جيب لك احس من الي خذ
سعود: لا مابي ..يلا قوم لايطردونا
$$$$$$$$$$$$&
على الساعه ثمان .. جلس ماجد جنب هيفاء ..
مااجد:هيفاء
هيفاء: ماجد اوش اتابع مسلسل
ماجد قام وطفى التلفزيون : انا لمى اكلمك ماتقولي اوش مانبي بصغير عندك وبعدين واضح من لهجتي
لاسمك اني ابي اكلمك بموضوع ضروري وش هالغباء الي عليك
هيفاء تناظر فيه باستغراب: ماجد وشفيك
ماجد: تستفزيني ..تصدقين احيانا ودي اذبحك
هيفاء تحط يدها على بطنها: هيييه بنتي ابي اشوفها
ماجد: هيــفاء
هيفاء تاشر له يجلس جنبها : تعال وقول الي عندك.. يووه منك عصبي
ماجد يجلس جنبها: ابيك تجلسين مع رهف زوجة اياد.. وتتفاهمين معها اياد موعاجبني ابد حالته حاله
هيفاء: حتى رهف حالتها حال ..شوف حبيبي حنا لاندخل احسن هم يحلون مشاكلهم مع بعض
احسن ..زينا احنا حلينا مشاكلنا لحالنا
ماجد: بفهميني ماقلتي لخوياتك
هيفاء حمر وجهها: لا ..شنو اكذب انا
ماجد: حشاك وربي باين من وجهك انك تقولين لهم كل شي ..عيب تكذبين انتي بتصيرين ام
هيفاء: عيب تصير ملقوف انت بصير ابو ..امحق من ابو عصبي وملقوف
ماجد ابتسم وظربها على جبهتها : مالت عليك .. هيووف تذكرين ايام هاواي
هيفاء: ايه تهبل
ماجد: تبين نعيدها
هيفاء: ايه ومع بنتنا
ماجد: لا مابيها بس انا وانتي
هيفاء: رح زين انا ماترك بنتي بحالها
ماجد: اجل مافي سفر
هيفاء: احسن على قولة شهد يازين مصايف بلادي
ماجد: الاخ ادخل عليه المكتب زوجها الاقيه نايم زين ..سلامات يا اخ العرب ويجلس يتغزل بزوجته
هيفاء: وعسى انت سمعت التغزل ..
ماجد: لا كنت مسكر عيوني ..اييه سمعت كل شي وانقهرت حيل انتي حيل تخرعين
هيفاء فتحت عيونها على الاخر: نعم نعم استاذ ماجد
ماجد: الدين مشرع لي اربع حريم
هيفاء: ماشاء الله ..هذا انتم يالرجال في الزواج تعرفون الدين والحق غيره ماتعرفون
ماجد: صلاه واصلي صيام واصوم وزكاه ازكي واضحي بعد شتبين
هيفاء: بس هذا الي عرفته في حياتك عن الدين
ماجد: ايه وان سامح لي بالزواج من اربـــــع حريم
هيفاء: اقول تلايط قال بتزوج قال
ماجد: تغارين عليّ ادري فيك تموتين عليّ
هيفاء ابتسمت: من زينك وتقوم عنه
ماجد: بنت وين رايحه
هيفاء: بروح عند امي حرام جالسه لحاله من جينا البيت وانا قابله وجهك طفشت منك
ماجد: هين ثلاث في ليله وحده على راسك
هيفاء: تيب تزوج بس ان ماخليت اخواني يندمونك .خصوصا فواازي
ماجد يقلد طريقتها بالكلام: فوازي وييع ياشينك لاتدلعتي تلوعين الكبد
هيفاء: هين بقول لــ امي
وتروح عنه
$$$$$$$$$$$$$$$$$$ &&&
رجع البيت وحصلها نايمه على فراشها بالارض.. ناظر فيها وكانه اول مره يشوفها .. تروع على طقت
الباب ..وجاه جهته وجلسها : رهف رهف
رهف تفتح عيونها بكسل: هلا
اياد: يطقون الباب قومي على السرير
رهف: طيب ..
اياد راح وفتح الباب: هلا ..
امه تعطيه كيف مطعم: طلبت لها تراها ماتغدت خذ
اياد بصدمه: ماتغدت ليه ؟؟
امه: وين تتغدى وبنات عماتك وعمتك قط عليها نغزات وهي ساكته ولا تتكلم عاقله
اياد" لسانها اطويل عليّ وعلى غيري يختفي": طيب
امه: اكلها لاتاكلها البنت عصاقيل
اياد: هههههههه طيب الحين اجلسها
امه: ليه هي نايمه
اياد: ايه
امه: ايه جلسه نايمه على جوع
اياد: طيب بروح الحين تعالي دخلي
امه: مابي بروح اشوف ابوك
اياد: ايه جلسي على قلبه لاتتركينه هالاباء مايتخلون دقيقه
امه: اقبل وجهك (وتروح عنه)
اياد سكر الباب وحط الكيس على الطاوله وراح لعند رهف : اخت رهف يااارهف
رهف تقوم: اوووف مزعج شتبي
اياد: ليه مااكلتي تبين توهقيني كذا فشلتيني قدام امي
رهف: اياد وربي انك فاضي مجلسني عشان تهزئني
اياد: قومي كلي االاكل الي جاك قوومي
رهف :مابي ابي انام وتغطي نفسها
فصخ ثوبه اياد وراح جهت السرير ورفع اللحاف وقبل ماينبطح رهف اجلست ..
اياد:وشفيك؟؟
رهف :انت بتنام جنبي
اياد: لا تحتك اي بنام جنبك
رهف تقوم من السرير: نام لحالك
وتبعد عن السرير وقبل ماتوصل الى الباب الغرفه يمسكها اياد ..
اياد بنرفزه: وش هالحركه الي تنرفز
رهف: اي حركه
اياد :تقومين من السرير كذا
رهف: انت الي ماتبي انام جنبك
اياد:قبل الحين عاتي
رهف تتكتف: اسفه مابي انام جنبك
اياد يمسكها بقوه: انا اوريك كيف ماتبين ..
رهف تشهق: يامجنوون بعد
$$$$$$$$$$$$$$$$$$
صباح يوم الخميس ..
نور الجوال واطلعت منه .. اغنية اليسا
على بالي حبيبي
على بالي حبيبي
اغمرك ما اتركك
اسرقك ما ارجعك
احبسك ما طلعك من قلبي ولا يوم
اخطفلك نظراتك ضحكاتك حركاتك
علقهن بغرفتي نيمن عا فرشتي ,,
احلمن بغفوتي تا يحلي علي النوم
على بالي حبيبي
بليله البسلك الابيض
واصير ملكك والدنيا تشهد
وجيب منك انت طفلك انت متلك انت
*
×
*
صحت من النوم وبدون ماطالع الجوال ردت : هاااااااه مين
: ممكن اكلم شهد انا نواف
تشهق: اسفه حبيبي نواف فكرتك رهف انا شهد
نواف: تيب لك عشر دقايق ترتبي نفسك وتنزلين ابي افطر معك
شهد: مايكفي مايكفي تعال بعد ساعه
نواف: وش ساعته الحين تسع بعد ساعه 11 انتي بتتغدين ولا بتفطرين
شهد :اماا الحين تسع
نواف: ايه تسع
شهد: يالله اخذتني النومه انا متعوده اصحى ثمان نص الصباح ( وتكتم الضحكه )
نواف: وش اسوين
شهد توهقت: هااه اجلس افطر مع امي وابوي وقبل كانت معي اختي منيره قبل لاتزوجت حياتي الحين
هي بالرياض
نواف: تيب قلبي يلا اجهزي انا تحت مع ابوك اسولف ..
شهد: وقال لك عني شي
نواف: لا يلا شهوود
شهد :تيب
وبعد نص ساعه تنزل الى الصاله وتستقبلها امها ..
امها تحط كوب الحليب وتناظر فيها: حسبي عليك شهاللبس
شهد: وش .. بنطلون وبلوزه
ام ضاحي: حسبي عليك من بنت الرجال كاشخ وعطره واصل الى البيوت الى ورى بيتنا وانتي
ببلوزه حقت اولاد وبنطلون يفشل
شهد: يمه احب لبسي
ام ضاحي تسحبها تعالي قدامي ..ويرجعون الى غرفة شهد وتفتح الدولاب واطلع لها بلوزه صفراء
هاادي مرسوم عليها وبنطلون ابيض هذي احلى
شهد: طيب
وبعد دقاايق انزلت معها العبايه وراحت لنواف وابوها..
: صباح الخير
الكل: صباح النور
نواف: يلا عمي توصي على شي
ابو ضاحي: 11 تجيبها طيب
نواف: ان شاء الله يلا مع السلامه انا انتظر بسياره
شهد بعد ماراح نواف: يعني الحين بعد الوحده بتحول
ابو ضاحي: احمدي ربك خليتك تطلعين اختك منيره ماخليتها تطلع معه برى الحوش
شهد: وش بيسوي يعني تراه زوجي
ابوضاحي: تراك قليلة ادب قلبي وجهك لا بالعقال على ظهرك
شهد: سلووم ترى ازعل منك
ابوضاحي: بنت لسانك
شهد تضحك: ماتزعلش يابابا دانا بحبك اوي اوي
ابو ضاحي :طسي لعند رجلك
شهد: طيب
$$$$$$$$$$$$$$&
من شهد نواف الــى ماجد وهيفاء ..
ماجد على الدرج: مشكله الي ياخذ بزره زيك
هيفاء: هههههههه يحصلك هالبزر
ماجد: وين امي ماشوفها
هيفاء: يمكن بالمطبخ
ماجد يروح جهة التلفون : بروح ادق على المطبخ اشوف هي موجوده ولالا
هيفاء: حركات والله ماشاء الله
ماجد: عشان تحسين انك زوجة رجل اعمال كبير
هيفاء: اقول متى بتلعمني السواقه عشان لارحنا البر اسوق
ماجد: الله يفشل العدو قولي البحرين الاماراتي اي مكان بر عاد بر
هيفاء تلعب باطراف شيلتها: عشان تحس اني بنت فقر
ماجد يسكر السماعه: نايمه ماجلست
هيفاء: ماجد جا عبالي اسووق
ماجد: وين تسوقين
هيفاء: هنا بالبيت حول التمثال يلااا عاد تكفى
ماجد : يلا تعالي ..
ويطلعون ويرحون جهة السيارات .. وركبت هيفاء السياره وماجد جنبها..
هيفاء: وااي ظهري انكسر وانا امشي تعبت
ماجد: زين لك المشي انتي قربتي تولدين
هيفاء: توني بالسادس
ماجد: يلا مارتحتي خلصينا
هيفاء :دقيقه ..شنو اسوي الحين
ماجد :حطي رجلك على الدواسات
هيفاء : حطيت
ماجد يدخل المفتاح: الحين بشغل السياره
هيفاء: لا انا بشغلها
ماجد: طيب يلا شغلي
هيفاء تشغل السياره: ونااااااااااسه اشتغلت على قولة حليمه هيــااااا
ماجد: انطمي
هيفاء: هههههههههه يلا شنسوي الحين
ماجد: ادعسي على الطويله بشويش
هيفاء:ههههههههههههههههههههه تتحرك السياره ههههههههههههههههههه
ماجد: بالله مبرووك ياخبله اهجدي
هيفاء: ابي اسرع شوي
ماجد:دوسي اكثر
هيفاء: وناااااااسه ..ماجد وين تبي اوصلك
ماجد : ولا مكان لفي
هيفاء: كيف ؟؟ وبعدين ليه
ماجد: ناويه تدخلينا في التمثال انت لفي
هيفاء: مدري خفت كيف
ماجد يحرك الدركسون: كذا
هيفاء :خلاص مابي اسوق كيف توقفها
ماجد: دوسي على الفرامل الوسطيه ذي وتوقف
هيفاء تسوي زي ماقال ماجد: يووه اطفش السواقه خلاص ماابي السوق
ماجد: نفسيه انتي مساع وناسه وصراخ فقعتي طبلت اذني والحين اطفش
هيفاء تلف عليه : ولد ترى مااوصلك معي البقاله
ماجد: نزلي لا اذبحك الشره موعليك عليّ انا الي سامع كلام بزره زيك
هيفاء: هههههههههههه تيب لاتصارخ بنزل (افتحت الباب وقبل لاتنزل لفت عليه) طف السياره
والحقني تيب يلا كومار
ماجد يعض على شفته ويرفع المندل:........
هيفاءتنزل وتسكر الباب: هههههههههه
$$$$$$$$$$$$$$$$
في لو شاتو كافيه .. بالراشد ..
: حلو هالكفي شهووود
شهد تهز راسها :حيل حلو
نواف: من الاحلى انا ولا هو
شهد: انا هههههههه
نواف: تحبيني
شهد: اكيد
نواف: انا بعد احبك
شهد نزلت راسها ودق جوالها :........
نواف: قفلي الجوال مابقى شي واوصلك بيتكم الحين عشر ونص الله ياخذ هالوقت بسرع يمر معك
شهد: اهم شي حلوو
نواف: جناان موبس حلو
شهد تحط اصبعها على شفايفه: اووص رهف داقه (وترد) هلا رهف
رهف بهمس: هلا بك وش هالصوت
شهد: طالعه مع نوافي
رهف :خلاص اخليك
شهد تلف وجهها: تبين اجيك
رهف: لاا انهبلتي خلك اصلا عندي اياد
شهد تبعد شوي عن نواف: صاير شي
نواف يقرب منها..
رهف:سكري لا رحتي البيت اكلمك
شهد: طيب (تسكر وتلف وتشوف نواف قريب منها حيل) نواف شرايك تجي بعد بحضني
نواف ابتسم:لا بس شفتك تلفين ونتزلين راسك لتحت حبيت اشوف وش تشوفين
شهد: ارجع مكانك يلا
نواف يرجع مكانه وهويمثل الزعل: شنو هذا طالع مع وحده من جمس الهيئه انا كل شي ممنوع
هين بس يصير الزواج وربي لا احبسك حبسه موطبيعيه
شهد ابتسمت له وبالها مومعه تسمع كلامه ولا تسمعه "لا يكون رهف صار لها شي انا امس ماكلمتها
لاهي ولا هيفاء.. يارب وش هالحياه الي هي عايشتها لا خوي لا رجل يارب رحمتك يارب"
نواف يمسك يدها: شهود وشفيك
شهد: اسفه سرحت شوي رهف اخذت الي
نواف: افااا وانا
شهد بدون ماتحس: انت رووحي
نواف: متى النتايج
شهد: يوم الاحد
نواف: ناحجه ولا لا
شهد: ان شاء الله ناجحه

$$$$$$$$$$$$$$&
من الراشد الى القصر اياد ...
بعد الغدا ..
ام نايف: هااه رهووف مافي شي بالطريق
رهف: مابعد الله يكتب لنا ..
ام نايف تناظر لمياء:.........
لمياء افهمت لها : رهف تعالي ابيك في موضوع
اياد: ليه بس رهف
ام نايف: وانا شعليك خلها تروح معها روحوا يمه روحوا ( بعد ماراحوا لفت عليه) اياد سشالفه
اياد: شنو اي سالفه
ام نايف: رهف ماحملت بتدخلون بتكملون الشهرين
اياد: بعد الله ماكتب
ام نايف: هي ماجات لها العاده
اياد: مدري
ام نايف تخز فيها: اياد انت تعاشرها ولا لا
اياد حمر وجهه: يمه وشهالكلام عيب انا بمشي
ام نايف: ايادووه اعترف
اياد: بالله بنت زي هالحلا تتوفوت يمه
ام نايف: اذا ماتجيب عيال وانت تدري احسن لك قول ان دريت بكفخك داري انها ماتجيب وماخذها
اياد: احبها تعلقت فيها شسوي
ام نايف: يعني ماتجيب عيال
اياد: ايه
ام نايف انصدمت: رهف ماتجيب عيال
اياد" سامحني يارب":ايه
ام نايف: بكره تروح تتغدا عند عمتك ام جهاد
اياد: ليه
ام نايف: تصلح الامور عشان عبير وتتزوجها
اياد: طيب ..(وقف)
ام نايف: وين
اياد: بروح غرفتي
ام نايف: زعلت
اياد:اخاف عبير تقول طلق
ام نايف: موعلى كيفها رهف مالها ذنب..هذا الشي من الله
اياد: والنعم بالله يلا بروح اريح ...
ام نايف: متى بتفاتحها
اياد: بعد كم يوم مواليوم يلا عن اذنك
ويروح غرفته وهو شايل الدنيا فوق راسه انبطح على الكنب ..وسكر عيونه" ياالله احس حياتي وكل مالها
وتتعقد اكثر واكثر..يالله وش اسوي " لف وجهه على الباب الي انفتح ..
رهف : لاتنام بعد شوي بياذن العصر
اياد: رهف تعالي اجلسي ابيك
رهف: وش هالذرابه الي نازله عليك
اياد: لسانك رهف ..لاتنرفزيني
رهف تجلست: طيب امر شتبي
اياد: امي اليوم سالت ليه ماحملتي وانا قلت لها انتي ماتجيبين عيال
رهف حزت بخاطرها وتجمعت الدموع بعيونها بس نزلت راسها: تيب احسن تبي شي
اياد: بعد كم اسبوع راح اخطب عبير
رهف ارفعت عيونها: بتزوجها
اياد: ايه
رهف توقف: وربي انك حقير واطي وسافل
اياد يوقف: رهف لسانك
رهف:وربي حثاله زيك ماشــ..... (وماكملت كلامها وطاحت على الكنبه من قوة الكف الي جاها)
اياد ونظراتها العصبيه: الحثاله الي تبيع نفسها وتكلم وتطلع
رهف تحاول تقوم: ياخي نذليتني .. درينا انك ماخذني تستر عليّ ..وانا ماكلمت احد غيرك وفي غيابك
صاينتك اخذت الي تبي باكمل وجه وماقلت شي نومتني على الارض وماقلت شي.. سب واهانات ورى
بعض ماقلت شي ..بس تزوج وترميني كذا لا ..
اياد ضحك ضحكه بسخريا: والدليل سعود شافك ولا قلتي هاه وربي لو ان محنا بيت جدي وخايف
من الفضايح ..كسرت راسك وراسه
رهف تمسح دموعها: تعرف ليه ماقلت لك خفت عليك كافي ذيك المره تهاوشت معه وانجرحت
انا صحيح ماحبك بس بعد ماحب لك انك تنضر انت الي تسويته مايسويه لي اي رجال ..اعترف انك
انسان نشمي والنعم فيك بس ياخي ارحمني انا بشر والله تبت والله
اياد بعدها عن طريقه واخذ اشماغه وطلع .. ورهف انهارات على الكنب تبكي
رن جوالها بس ماردت قفلت الجوال ارجعت تبكي ..
$$$$$$$$$$$$$$$$&&
عند هيفاء الي تكلم شهد ..
هيفاءتصفط الملابس زوجها: حتى انا لقيت منها موجود ودقيت ولا ردت عليّ
شهد: انا دقت عليّ وانا نواف نفطر بكافي ولا عرفت اخذ واعطي معها نواف ناشب الله يسلمه
هيفاء: تدرين امس شافت سعود
شهد: لاا هذا استخف جد استخف وانا بعقله بكف وكم نعال على راسه
هيفاء: تعالوا عندي بالليل اليوم
شهد: دقي عليها
هيفاء: بدق على تلفون القسم حقهم الحين
شهد: وانا بقول لـ اهلي وبخلي نوافوه يوصلني لعندك
هيفاء: ونااااااااسه بتجمعه مع بعض
شهد: هيووف انا خايف
هيفاء: على ايش
شهد: يوم الاحد النتايج
هيفاء: ايييييييييي صح وربي نسيتها
شهد: اخاف اسقط وربي فشله قدام نواف
هيفاء: هههههههههههههههه لا النكته عروسه وساقطه ههههههههههههههه
شهد: من جد شهر العسل اذاكر فيه
هيفاء: لالا نواف بيعطيك درس خصوصا وانتي راح تستمتعين
شهد: هههههههههههههههههههههههههههه يا قليلة الادب
هيفاء:يلا قفلي ادق على رهف وانتي روحي كلمي اهلك
$$$$$$$$$$$$$$
في الكورنيش
: اياد تراك طفشتني جايبني وساكت
اياد: قلت لك مافيني شي
نواف: امس سعود واليوم انت وشفييكم
اياد لف عليه: وشفيه سعود
نواف: مدري مريض نفسي حيل..زيك تدري امس يقول انت ماخذ شي له ويبغاه شنو ماخذ
اياد: قلت لك مريض نفسي ماصدقت.. الله يفكه ولا يبلانا
نواف: لاتسبه مارضى غير السالفه ويلا وشعندك تكلم
اياد: بتزوج
نواف: انت متزوج (يرفع يده) شوف فيك دبله يعني متزوج
اياد: افهم ابتزوج مره ثانيه
نواف بهمس: على رهف
اياد: ايه ماتجيب عيال
نواف: وانت شدراك اياد ياما ناس تتاخر بالحمل اياد ناس تجلس سنيين يا اياد بعدين تجيب عيال لاتظلم
ترى دعوة المظلوم مابينها وبين ربك حجاب مستجابه يا اياد
اياد: ابي عيال وهي قالت بنفسها انا ماجيب
نواف: تيب روحوا تعاجلوا اياد توكم متزوجين
اياد: عاد انا وامي حسمنا الامر
نواف: حرام عليكم .. والله حرررام
اياد: ماسويت شي ماقصرت عليها

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -