رواية بعد كذبك لا ترتجي مني نظره -49
نواف: وانت شدراك اياد ياما ناس تتاخر بالحمل اياد ناس تجلس سنيين يا اياد بعدين تجيب عيال لاتظلم
ترى دعوة المظلوم مابينها وبين ربك حجاب مستجابه يا اياد
اياد: ابي عيال وهي قالت بنفسها انا ماجيب
نواف: تيب روحوا تعاجلوا اياد توكم متزوجين
اياد: عاد انا وامي حسمنا الامر
نواف: حرام عليكم .. والله حرررام
اياد: ماسويت شي ماقصرت عليها
نواف: اياد الحرمه عندها الرجال امان والحنان وكل شي انت كذا تظلمها حتى ست شهور ماخذت معها
اياد: خلاص نواف حنا متفقين
نواف: الكلام معك ضايع..وربي ضيقت صدري خلنا نمشي
اياد :يلا
$$$$$$$$$$$$$$$$
طلعت من الحمام ..وارفعت سماعة التلفون الي كانت ترن
:الوووو
:ليه مقفله جوالك ست رهف
رهف بتعب: اخلاقي تبن
هيفاء: جهزي عمرك بخلي شهد تمر عليك مع نواف وتعالوا عندي نجلس انا عطيت خبر امي ام ماجد
رهف: مالي خلق
هيفاء بحده: قلت اجهزي بسرعه والاخ المليق ان مارضى وربي صفقته قليل ادب
رهف :تيب.. يلا باااي
سكر وراحت الى جوالها ولقت مكلمات واجد من اهلها وخصوصا امها .. ورساله من شهد افتحت
|| رهييييييييف جهزي الحين انا ونوافي بنمر
عليك ||
ارسلت لـ اياد رساله ..
|| انا بروح مع شهد ونواف بيت هيفاء ||
رمت الجوال وراحت .. تجهز عمرها ..
*
×
*
عند اياد في السياره
نواف: في احد يعرف بنات زي هالبنات من عوايل طيبه ويتزوج عليهم
اياد: بس كلام لاصار الجد تبي
نواف: شوف بدون حلف لوشهد ماتجيب عيال وقلبي حبها ..لو يجبون لي اجمل الحريم ماعطيتها وجه
انا ارتحت لها وابيها هي .. حط نفسك مكانها انت ماتجيب عيال بتقبل فيك ولا ترفضك
اياد: نواف خلاص سكر السالفه
نواف: الزبده قبل لا انسى شهوود كلمتني وتقول امر على زوجتك ويرحون لعند بيت ماجد
اياد يطلع جواله من جيبه كان محطوط على الصامت شاف في رساله رهف وناظر فيها ورجعه
الى جيبه:......
نواف: شفت كيف جرحتها البنت تبيك وتحب ياشيخ طز بالاهل دامك مرتاح معها وش لك بالعيال
يارجال انت ماتدري ربك كريم يمكن تحمل ..
اياد: وشدراك انك منها الرساله
نواف: من وجهك عرفت امر عليها ولا لا
اياد: مر
على الساعه ثمان اجهزت وتكشخت ورتبت قسمها والريحه الحلوه بكل مكان .. انزلت تحت وانصدمت
بالي شافته ..
هيفاء: السلام عليكم
مها: وعليكم السلام
هيفاء: اليوم مارحتوا بيت جدي
عبير:قصدك جدنا كيفنا حابين نجلس مع بنت خالنا الله يرحمه
هيفاء: الله يرحم الجميع عن اذنكم بفتح الباب لخوياتي وتروح عنهم
شهد تدخل :السلام
هيفاء: وعليكم السلام
رهف تضمها: السلام
هيفاء: حياتي وعليكم السلات تكشفوا مافي احد
شهد: انتي عازمه احد كاني اسمه صوت بنات
هيفاء: لا مها جايبه عبير وبشاير ونجلاء وليان هنا
شهد: عبير هناا زين (ترفع اكمام العبايه) انا اوريها
رهف ابتسمت: مابي مشاكل شهوود
هيفاء: وانتي شدخلك شهد الي بتتكلم وحنا بندافع يلا ادخلوا
وادخلوا ومروا على الي بالصاله ولا سلموا..
بشاير: على فكره حنا موجودين
هيفاء: يوه نسيت اعرفكم على بنات عماتك ماجد..(تاشر على شهد) هذي خويتي شهد
..شهوود(تاشر عليهم) بشاير ونجلاء وليان وعبير
شهد تعقد حواجبها: بعيير حرام ليه يسمونها اهلها كذا
عبير عصبت: بعير في عينك اسمي عبير
شهد: اهاا اعصابك انتي مره دفشه
عبير: انا الدفشه ولا انتي ماينعرف شنو جنسك
شهد: على الاقل لي عيون وجمال موحظرتك ..بليز عيونك وينها
بشاير: انطمي وحدك عن عبير
شهد تلف على هيفاء: هيوف سكتي شغالتكم الحبشيه
نجلاء: بتلمين لسانك ولا كيف
رهف: نمشي عن حثالة المجتمع
شهد: انا خصوصا بعير مدري خروف وفي روايه اخرى سلحيه تافها
ويرحون عنهم وهي ميتين ضحك ..
اما عند عبير وبشاير والابقي كامو مولعين
مها :هين والله لا اقول لماجد
نجلاء: لا لاتقولين هم ماسوا شي كله من راس السوسه شهييد
بشاير: الله ياخذهم
$$$$$$$$$$$$$$$$&
بعد مرور يومين يوم الاحد يوم النتايج ..
رهف اعتزلت مكان عن اياد وصارت تنام في غرفه وهو بغرفه .. ولا يشوفون بعض لا اذا انزلوا تحت
نواف وشهد العلاقه اكبرت وتطورت ..ماجد الى لان عقله مشغول بأياد وحياته وهيفاء تبعدد الشكوك
دروا اخوان وخوات اياد ان رهف ماتجيب عيال .. اريج ولمياء ازعلوا لان عبير بتكون في الزوجه
الثانيه لا اياد ....,
اليوم يوم الاحد اطلعت نتايج الثانويه العامه.. وهيفاء ورهف وشهد بالمدرسه ..
هيفاء: نجحت ونااسه
رهف: كم نسبتك
هيفاء: 92فاصله 9
رهف: انا 77باقي شهد
هيفاء:وشفيك وجهك اصفر وحالتك حاله
رهف: بطني يوجعني وظهري ودي اروح عند امي
شهد تجي وفي فاطسه ضحك: رهف هيوف توقعوا كم نسبتي
رهف و هيفاء: كم؟؟
شهد: مميزه 66
رهف : ههههههههههههههه انا 77
هيفاء: انتم وجه علمي
شهد: ياشيخه اهم شي اني ناجحه
رهف: اي من جد
هيفاء: بالله خلونا نطلع لا انقرف من هالمدرسه
رهف: من جد اهم شي سلامة البيبي
شهد: وناسه اطلع معه ادخل معه لبى نواف
هيفاء: لبى مجوودي
رهف ببتسامه : لبى قلبي ههههه
شهد وهيفاء عضوا على شفايهم متحسفين .. والكل طلع الى السيارة زوجه ..
*
×
*
سيارة نواف..
اركبت شهد: نجحت قل لي مبروووووووك
نواف : مبروووووووك مبرووك ياقلبي
شهد: يلا هديتي
نواف: عطيني بوسه على خدي اعطيك هديه
شهد: مابي
نواف يطلع علبه صغيره فيها ويفتها كانت ساعه من ماركت جفنشي كان لونها ابيض ومحدده بفضي: شرايك
شهد اشهقت: اح حلووه حييل (تشهق) جفنشي وناااسه
نواف يسكر العلبه وياشر على خده: بوسي
شهد: عيب حنا بالسياره
نواف: اوكيه: لا رحنا البيت عطيني بوسه على خدي واخذيها
شهد: انت طفل ابوسك عيب كبرت على هالسوالف
نواف يحط العلبه في باب الساره الي جنبه ويحرك السياره: وانتي بعد كبرتي على الهدايا
شهد: نواف حقتي مايصير
نواف يوقف في مكان معزل : يلا تبين سوي الي اقول عنه
شهد باسه بسرعه وبعدت وجهه احمر:..........
نواف مسك يدها ولبسها الساعه وباس يدها: الساعه في يدك طاالعه فضيعه
شهد اسحبت يدها: ولعنه بس وترتني
نواف: هههههههههه
*
×
*
عند مااجد..
هيفاء: يجنن ماجد حبي الورد
ماجد: ولسى ماشفتي عزيمه لعيونك راح تصير اليوم
هيفاء تبوس يده: الله لايحرمني منك
ماجد: ولو انتي هيووف زوجتي
هيفاء: يارب بنتي تطلع زيك
ماجد: لا ابيها زيك عشان رحتي صورتك تصير قدامي
هيفاء: يااقلبي تسلم ونااااااسه ماجد ونااسه انا ناحجه
ماجد: نسبتك كم
هيفاء: 92
ماجد: نفسي بالضبط 100
هيفاء: ههههههههه كم نسبتك
ماجد: وشهالسؤال الغبي انا خصلت ومالك شغل
هيفاء: لا جد كم
ماجد: في الثمانين
هيفاء: زين
ماجد: رهف انحجت
هيفاء: كلنا كلنا نجحنا
ماجد:يلا عقبال الجامعه
هيفاء: ناخذ استراحه سنه بعدين نكمل
ماجد : براحتكم
*
×
*
واخيرا سيارة اياد.. لكن موزي ماجد رومنسيه..ولا زي نواف كومديه ..كان الهدوء سيد الموقف
ركبت وهي ساكته ..وهو ولافكر ان يكلمها او يفتح معها اي موضوع.. رهف ماكانت فرحانه بالنجاح
الم البطن الي تحس فيه كان يوجعها ..لفت عليه وكسرت بصوتها جو الهدوء
رهف: ابي اروح عند اهلي ممكن
اياد هز راسه ولف على جهة بيت رهف وبعد عشر دقايق وصلت رهق بيتهم..
اياد :رهف
رهف بدون ماتلف عليه: نعم
اياد:نجحتي
رهف: ايه تعال لي ساعه خمسه المغرب تيب
اياد: طيب (ظل يناظر فيها الين مادخلت البيت وراح وهويحس كل ماله والضيقه الي فيه تزيد)
$$$$$$$$$$$$$$&&
في الليل ..
بونايف: ياحرمه لاتستعجلين يمكن تحمل
ام نايف: اي استعجال سمعت ولدك بثمه يقول ماتجيب عيال ماتجييب
بونايف: اهلها ناس طيبه حرام بيزعلون
ام نايف: انا وصويتها ماتعلم اهلها الااذا تطابقت تحاليل عبير واياد
بونايف: الله يستر ماتصير في لمياء زي مانسويها في رهف
ام نايف: ماهو ولدي اخر رجال يتزوج على حرمته عشان العيال لا تقوم تسوي سالفه على ولدي
بونايف: ياحرمه البنت ماخذت اربع شهور من تزوجت خافي ربك
ام نايف: انسى انا ابي اشوف عيال ولدي قبل لا امووت ..
بونايف: الكلام معك ضايع انام ابرك لي ..
$$$$$$$$$$$$&&&
في الليل...
شهد تضمه: لاتروح نواف خلك معي
نواف: والله ودي اجلس بس لازم اروح
شهد تناظر فيه: كلمني كل يووم
نواف: ان شاء الله
شهد: خلص شغلك بسرعه عشان تجي لي بسرعه
نواف ياشر على عيونه: من عيوني امري بعد
شهد: بس يلا روح وراك جلسه من الفجر
نواف يضمهابقوه: راح اشتااااااق لك حيييييييييل
شهد تبعد عنه وتبكي: ولعنه وربي احبك ليه كذا انت قلت بتروح بكره ويوم الثلاثاء بترجع
ليه تغير الوضع
نواف: اوامر ابوي وش اسوي
شهد: طيب خلاص روح عشان تشبع نووم
نواف: طيب شوفي من الحين روحي بكره لعزمية ماجد واكشخي بس ان سمعت ان ناسه الدبله
شلت اكبر حبل وربطته فيك واخذت راحتي فيك
شهد وجهها حمر: طس لعند اهلك لو سمحت
نواف: ههههههههههههه من عيووني
$$$$$$$$$$$$$$&
الساعه ثلاث الفجر ..
: ياربي بطني يوجعني
فزت من فراشها وراحت الحمام تستفرغ .. غسلت وجهها وناظرت نفسها لقت لونه وجهها شاحب
والتعب واضح" لايكون حملت.. لا لا ان شاء الله لا" وارجعت مره ثانيه استفرغت.. حست شوي هدى
بطنها غسلت وجهها واطلعت .. وشهقت لمى شافت اياد طالع وكانه ينتظرها..
اياد: وشفيك
رهف : شكل الاكل ثقل عليّ بطني يوجعني حيل ابي امي اياد
اياد يناظر الساعه: الحين الساعه ثلاث الفجر
رهف تنبطح على الكنب: خلاص انا بنام هنا وبس بتروح الداوم جلسني عشان اروح معك وصلني
لعند امي
اياد: تعالي نامي جنبي وبصحيك شكلك مره تعبانه
رهف: لا بزعجك انت وراك دام خلاص روح تسلم ياقلبي
اياد"قلبها !!!":رهف اسمعي كلامي لو مره ..
رهف تمد يدها له:تيب
$$$$$$$$$$$$$$&
في الصباح ..
جالس في الكفتريا وهوسرحان " معقوله رهف حبتني امس خايف تزعجني وكله تقول لي ياقلبي..
طيب عبير من اشوفها كله تقول احبك حبيبي..ماتاثر فيني ليه هي كلمة قلبي اشغلتي .. خلني ادق عليها"
طلع الجوال من جيبه...
:على ميين تدق على مييين هااه
اياد: هلا علي.. ادق على بنت اخوك تعبانه
علي عقد حواجبه: رهف تعبانه
اياد:ايه امس مانمت ولا هي نامت بالموت خمس ونص نامت حاولت فيها اخذتها المستشفى مارضت
علي: ادق عليها جوالها مقفل
اياد: في البيت تاركته بدون شحن ..
$$$$$$$$$$$$$$$$&
في السياره..
رهف تبكي وتظرب وجهها: حااامل انا حاااامل
هيفاء: رهف انهبلتي خلاص روقي عشان البيبي
رهف: مابي يتربى كانه يتيم وربي عبير بتلحس عقل اياد ولا بيفتكر فيه( تظرب فخذها )
هيفاء تمسك يدها: ياهبله خلااااااااص
رهف: اخاف ياخذ مني
هيفاء: لاتعلمينه
رهف: مردى راح يكبر بطني
هيفاء: بس قبل الخطوبه بيوم قولي لعمك وفركشي سالفه واطلقي ولدك عندك وابوك ماراح يقصر
رهف: ماقدر ياخذه
هيفاء: لا ان شاء الله رووقي بس انتي رووقي
رهف: وش قالت شهد لمى درت اني حامل
هيفاء: انصدمت وفوق كذا اخوها ضاحي كان ناشب وقفلت بسرعه
رهف: امانه هيوف لحد يدري اني حامل
هيفاء: طيب بس اوعديني انك تهتمي بنفسك عشان البيبي
رهف: ان شاءالله
$$$$$$$$$$$$$$
في الحوش تتمشى ..
:نواف عادي اكلمك بعدين
نواف:ليه وشفيك موعلى بعض
شهد: اقولك بس ماتقول لـ اياد
نواف: ايه قولي
شهد: رهف حامل
نواف بصدمه: كـــــــــــــــــيف؟؟!! حامل هو قايل لي ماتجيب عيال
شهد: شنووووووووو بالله البيبي الي في بطنها مزور
نواف: ليه انتي ماتدرين انه بيتزوج
شهد: ايه ادري عسهامايقى الي تقبل فيه وان لقى التحاليل ماتتطابق
نواف: ليه طيب يبغى يعرس عليها دامها تجيب عيال
شهد توهقت: مدري اساله هو ..
نواف :انفك راسي وش هالانسان انا لازم اتفاهم معه
شهد باندفاع: لالالالالا طلبتك لا اذا عندي لك غلا لا تسويها
نواف: والبنت
شهد: شوف مهما حاولنا نغطي السالفه بتكبر اليوم حفلة عشاء هيوف ولا نبي نخربها
نواف: طيب بس امانه طمنيني اول باول
شهد: طيب
$$$$$$$$$$$$$$$$
×*× جربت الحزن والقسى .. بس قسى قلبك ماجربت..
يهون عندي تخون وتجرح وتتجاهلني من الوجود..
بس دخيلك لاتبعد عن هالعيون وخلك جنبي قريب..
ماعاد لي قلب يقوى فرقا وربي ماعدت احس اني موجود..
تكفى طلبتك حبيبي خل عنك العناد وخلك جنبي قريب...×*×
في العصر ..
وقفت السياره اياد عند باب بيت رهف ..واطلعت له رهف .. نزل اياد وفتح لها الباب ولمى اركبت
سكره ..
رهف" وشفيه لايكون درى اني حامل":............
اياد يسكر باب السياره ويبعد عن بيتهم: هااه بشري وش طلع
رهف: ماخذه برد
اياد: وين علاجك
رهف: ماصرفته ..امي اسلم عليك
اياد: الله يسلمك ويسلمها ..تروشتي بيت عمي
رهف: ايه شدراك
اياد: من الكيسه الي بيدك.. اوصلك المشغل تتجهزين للحفله
رهف: لا مابي.. متى امك بتخطب عبير
اياد: اليوم
رهف نزلت راسها: اذا (سكتت حست صوتها راح ..سكر عيونها ) اذا اطلبوا الطلاق بطلق
اياد: لا ..
رهف: تيب
اياد: نفسي يوم يمر علي ّ تقولي طيب
رهف: ولا تزعل طيب كذا زين
اياد: لا احلى من تيب
رهف: شكرا
اياد: زعلانه
رهف: لا
اياد: ابيك اليوم تلبسين ابيض
رهف: ودي اللبس اسود
اياد: لا وين حفله واسود ابي ابيض
رهف: طيب
$$$$$$$$$$$$$$$$$$
بالليل ..
الكل اتجمع شهد ومع اهل ام نواف موجودين ..ماعدا رهف ماجات
عبير تكلم نجلاء: الكلبه ماجات
حوريه: عبير عبير
عبير: نعم وشتبين
حوريه: الحقي امي وام اياد يتكلمون عنك بالمطبخ
نجلاء : يلا قوومي وش تنتظرين
ويرحون عند المطبخ ويقفون عند الباب..
*
×
*
ام جهاد: امري
ام نايف: ماراح الف وادور ترى اياد يبغى بنتكم عبير
ام جهاد: ورهف
ام نايف: ماتجيب عيال
ام جهاد: دام انها كذا ليه ماخذها اصلا هي مومن ثوبنا ..ماعليناطلقوا البنت واخذوا بنتي
ام نايف: مانقدر البنت سنعه وهذا شرط اياد
ام جهاد: اسأل عبير وارد لكم
ام نايف: طيب يلا نروح لعند الحريم
*
×
*
في هالوقت نفسه تدخل رهف باكمل اناقتها وجمالها بس واضح عليها شوية التعب ..
عبير توها ترجع من المطبخ تشهق: العبده شوفيها طالعه حلووه
نجلاء: العبده ماعليك منها
ام نايف تستقبلها: مبروك يمه على النجاح
شهد: رهوف تعالي جنبي
رهف بعد ماسلمت اجلست جنبه شهد..: وين هيوف
شهد: ماجد طلبها ..طالعه فضيعه
رهف: اسكتي كنت ماراح اجي بالموت فكني
شهد: اياد
رهف: ايه يا انا اتخيل ياهو جد حنون
شهد: ليه وش سوى
رهف:اليوم فتح لي باب السياره صاير حنون شكيت انو عرف
شهد: من جد هههههههههه
رهف: ليه احس الكل يناظرني
شهد: لا اليوم بصراحه زايد حلاك
رهف ابتسمت: تسلمين
$$$$$$$$$$$$$$$$&& &
دخل المجلس وهو يحس بضيقه موطبيعيه مايبغى عبير تكون زوجته سلم على الكل وهو يحس قلبه مال
لها " معقوله انا تاسرني كلمه من رهف.. بس حلوها منها" لف على ماجد ..
ماجد وهو معصب: وشالخرابيط الي اسمعها اليوم بتخطب عبير
اياد: ادعي ان التحاليل ماتظبط
ماجد: لو قلت اهلك اغصبوك اعرف انك كذاب .. لان يوم رهف تحديت الكل
اياد: ابي عيال
ماجد: سخافه انا اقوم احسن مانفجر ..
رياض من على الباب: يلا على العشاء ياجماعه ..
والكل قام..
$$$$$$$$$$$$$$$$&&
عند الحريم
قدام الدرج...
اريج ماسكه رهف: موزعلانه
رهف: لا هي لازم يجيب عيال ودامه موطلقني خلاص انا مرتاحه كذا
اريج: لاتزعلين على امي
رهف: لا والله بالعكس
اريج: طيب بروح اشوف وش صار على العشاء حق الحريم..
راحت عنها وقبل لا تمشي رهف من مكانها جاتها عبير..
عبير توقف جنبها بغرور: شفتي اياد خطبني
رهف : والله شفتك ميته عليه رسلته لك ..خذه تراني شبعت منه
عبير: انتي ليه مقهوره مني
رهف: قصدك انتي المقهوره ..لو سمحتي بعدي ياحثاله
عبير: انا حثاله يالعبده ..يابنت الفقر يالي اهلك ماربوك خلوك تتطاولين على عمـــ... (كملت كلامها
بصرخه من الالم بسبب كف رهف القوي لها)
رهف تناظر فيها: انا اهلي ربوني زين مارميت نفسي على رجال ورسلت له صوري ياوااطيه
ام جهااد سمعت صراخ بنتها وقامت وبالوسط الصاله اصراخ : هذا الي ناقص تطولين لسانك على بنتي
عبير تدفها: على ادرج انا اويك يا العبده
رهف طاحت على ظهرها على الدرج واصرخة من الالم القوي الي جهاها ..
هيفاء: هيييه رهف حاااامل
شهد بعصبيه: ان رهف صار لها شي دم بنتك مايكفيني
ام نايف تظرب على صدرها: رهف حــــــــــــــامل
$$$$$$$$$$ $$$$$$$
ابي الردوود والتوقعات وكل شي
ويلا خميس ممتع ان شاء الله ..
..&&"..{الـبـارت الخــامس والـثـلاثـون}.."&&..
ــــــــــــــــــــــــــــــــــــــــــــــــــ ــ
*×|| الفصـــل الاول ||×*
رهف طاحت على ظهرها على الدرج واصرخة من الالم القوي الي جهاها ..
هيفاء اوقفت : هيييه رهف حاااامل
شهد بعصبيه وهي تقوم من الكنب: ان رهف صار لها شي دم بنتك مايكفيني
ام نايف تظرب على صدرها: رهف حــــــــــــــامل
عبير من الخوف ابعدت عن رهف ..
نوال اخذت عباتها وعباية رهف: غطوها بروح انادي اياد ..
شهد تحط رهف بحظنها: عمري رهف رهف تسمعيني
رهف شبه اغماء: البيبي شهود احسه يروح مني
هيفاء تمسح على شعرها: لاتخافين الحين اياد بيجي ..
شهد: حسبي عليهم
`
*
×
*
انطق باب المجلس بقوه..والكل تروع ..
الفيصل: بسم الله مين ذا المهبول
خالد يقوم :هذا اكيد البزارين بروح اشوف..(ويطلع برى المجلس بس شاف عبايه نزل عيونه ) مين
نوال بسرعه تتكلم: ناد اياد رهف طاحت على الدرج وهي حامل
خالد رجع لهم وهوشبه مومستوعب الكلام ناظر في اياد والكل : يقولون زوجة اياد طاحت وهي حامل
اياد فز من مكانه يركض ولحقه بونايف والفيصل ..
*
×
*
وصل اياد الى الصاله الداخليه وهو يركض من الخوف انصدم بالي شافه..ومتجاهل كل كلام الحريم والرجال
شال زوجته وطار فيها مع اخته اريج المستشفى .. وسيارة ماجد فيها هيفاء مع شهد تلحقهم..
طول الوقت كان اياد يلف على رهف الي كانت بحضن اريج وهويصرخ على السواق انه يسرع ..
وبعد دقايق كانها ساعات على الكل وصلت رهف المستشفى ودخلت غرفة العمليات...
اياد جلس وهو متضايق حيل .. اريج وشهد وهيفاء كانوا يبكون .. ماجد كان مابين التايه والمتضايق ..
راح لـ اياد وجلس جنبه : ادعي لها وان شاء الله تتعوض
اياد يحط راسه بين يدينه : وش اقول لـ اهلي واهلها وش الحل احس حطيت روحي بورطه انا غبي
ومافهم .. وكل شي يارب اخذني وريحني
ماجد: روق ربك كريم يااياد
اياد وهو يتنهد: ونعم بالله
طلع الدكتور ..
اياد راح له: هاه بشر
الدكتور: انا اسف الجنين راح كان عمر اربع اسابيع
اياد: ماهمني الجنين رهف كيفها
الدكتور: حالتها مستقرها بعد شوي راح نصعدها في غرفه لحالها
شهد بعد مارح الدكتور: بدق على اهلها ولا انا ادق
اياد وماجد ناظروا فيها:..............
شهد: وشفيك انصمخت بدق على اهلها ولا كيف
اياد: الحين تبين
شهد: لا بكره ..ايه الحين ولا خايف
ماجد: بندق بس ناظري الوقت تاخر لانروع اهلها بكره الصباح ندق
شهد :نشووف
وتروح عنهم وهي تلحطم ..
ماجد: وربي اذا صار فيك شي منهم..ياخي كبوا دعاوي عليك الين ماقالوا بس
$$$$$$$$$$$$$$$$&&&
بعد مرور ساعتين من الاحداث ..
فتحت عيونها وهي تحس بجسمها تعبان.. لفت راسها قلت اياد يناظر فيها وماسك يدها
بعدت يدها بخفيف..وقالت بصووت تعبان : ابي امي
اياد: تبين مااي
رهف: لا امـي
اياد: ان شاء الله.. انتي وش تسحين الحين
رهف: احس اكرهك اكثر من اول ..ابي امي
اياد سكر عيونه من قوه الكلمه: طيب بقولها بس الحين وقت متاخر
رهف قالت بصوت خانقته العبره: البيبي حقي راح
اياد يهز راسه : ايه
رهف: الله لايوفقها اخذت ولدي مني
اياد يمسك يدها: كل شي يتعوض لاتضايقين عمرك
رهف تبعد يدها:لاتصدق عمرك انك انت زوجي ..انا بس اطلع من هنا بطلق منك مابيك
اياد: رهف ترى الي راح بعد ولدي مثل ماحز بخاطرك حز بخاطري ...ليه ماقلتي لي انك حامل
رهف بنبره استهزاء: لانو ياقلبي ماحبيت اخرب عليك خطوبتك..
اياد: انا ماراح ارد عليك لان نفسيتك تعبانه
رهف: ابي امي مابيك
اياد: الحين الساعه 2 الفجر اصبري الين صباح واجيبها لك
رهف لفت وجهها :تيب ..
اياد وقف: تبين شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك