رواية بعد كذبك لا ترتجي مني نظره -56
ام نايف : لا سد نفسي عبدالعزيز بدق على اياد
بونايف: يمزح ماعليك منه
وبعد دقايق يدخل اياد وهو دايخ في النوم: السلام عليكم
ام نايف توقف وهي معصبه: وينك انت فيه هاااه وينك
اياد :موجود يايمه وشفيك
ام نايف: من طلعت من الصباح توك ترد
اياد يجلس على الكنب: آآآخ اسف يالغاليه
ام نايف تجلس جنبك: متى بتجيبها
اياد: مين رهف ..بكره
ام نايف: غريبه مو اليوم
اياد: باخذها اليوم بس بكره بجيبها هنا ..حاجز لنا فندق
ام نايف: عشتو ...طيب قوم تغدا مع اخوانك
اياد: تغديت هم وهوا وكل شي
ام نايف: وبالليل شنو بتتعشى
اياد: رومنسيه ههههههه يابعدهم(يحط يده على اكتافها) ليه زعلانه
ام نايف توخر يده: بعد عندي (وتقوم عنده)
بونايف: معصبه
اياد يفصخ شماعه: شسوي لها.. بعد الله ماراد تتطابق التحاليل
بونايف: ليه شسبب
اياد: ماسالت ولا ابي اسأل عندي حرمه ليه اروح اتزوج
بونايف: ولا اوصيك خذها واللعن اسلاف اجدادها ورجعها بيت اهلها
اياد فشل:.............
بونايف: اخر مره تفشلني قدام الناس
اياد: ان شاء الله ..عن اذنك بروح انام
وراح الى غرفته ..
$$$$$$$$$$$$$$$$&&&
في قصر ام جهاد..
عبير معصبه: اصلا انا مومتيه عليه مالت عليه.. اجل انا يرفضني
ام جهاد: مالت ميت على بنت الفقر
ام عبدالعزيز: طيب ليه ماعاد التحاليل
ليان: ياخالتي يقولون لك مارضى قال خايف على عياله
عبير: مالت عليه وعلى عياله اجل انا ارفض ..الناس تتمنى اشاره مني وهو يرفض آآآه ودي اذبحه
ام سطام: هذي اكيد امه مشيشته او رهييف تلاقينها دقه عليه
عبير: هين اذا تهنت فيه
ام سطام: لالالا تنزلين نفسك لهم ..بتاخذين الي احسن منه مالت عليه من زينه
نجلاء: على ايش ميت فيها عبــده مفكره نفسها هيفاء وهبي ولا منى امارشا
ليان:مصيبه الي مفكر نفسه جميل وهو اقبح ماخلق ربي
ام عبدالعزيز: اقول كبووه وكبو قدره فوقه مالت عليه ..
ام سطام: يلا في خطوبة سارا ان شاء الله تتخطبون ..
ام جهاد: متى خلهم يملكون بالاول
ام سطام: لهم الين الخميس هذا ..ماحددو الملكه اي احد يخطبها بوافق
ام جهاد: عين العقل ..خطبو واجلسوا ولمى فضى الي بالهم حللو وارجعوا واسكتو
عبير: مايحمدون ربهم ماخذين من عندك بنتين
ام سطام : انا لقت لـ ام ماجد باقي لـ ام نايف
بشاير تصرف: شرايكم نروح شاطئ الغروب .. نغير جو
ام جهاد: روحوا وانتم انا مالي نفس
ام عبدالعزيز: لالا كلنا بروح الشاليه يلا بنات روحوا جهزو عمركم ..
فــي اللـــيل ..
ثــوب حجـــازي
شمــــاغ احمـــر
سبــحــه زرقـــه
ســـاعــه زرقـــه
وريحة العطر ألــور هــــــــوم سبـــــــورت من شانيل
............
<< العطر هذا يذبح حيل امسكي بس زجاجة العطر الريحه تمسك بيدك مرره يجنن بنات العطر رجالي
لحد يتهور ويبخ منه ينقال يجرب زي وحده انا ماعرفها لاتفكرون انها انا لاتفكرون ههههههههه
>>>انطمي وكملي
...........
رتب الورد وحطه على الكرسي الي جنبه .. طفى سيارته ونزل ودق جرس باب البيت ..
.....: مين
اياد ياخذ نفس: انا اياد
.......: دقيقه
اياد شبك ايده ببعض وصرقعهم (يعني طلع صوت منهم): يارب
انفتح الباب وطلع احمد :........
اياد يناظر فيه: السلام عليكم
احمد: وعليكم السلام ..حياك ادخل
ودخل الى المجلس معه احمد ..وهويحس بتوتر موطبيعي ..
احمد: حي الله من جانا
اياد: الله يحيك .. عمي وينه
احمد: في الدوام .. دقيقه اقولهم يجهزون الشاهي لك
اياد: لالا مايحتاج انا جاي اسمع راي رهف اذا تبيني ولا مصره على الطلاق
احمد ناظر فيه :........
اياد: ادري جاي من دون موعد ..بس رهف لحد الحين على ذمتي تراها زوجتي وابي اسمع رايها
احمد: طيب بسالها اذا تبي تجي ولا لا
اياد: طيب
وراح احمد الى الصاله .. وماشاف غير رهف وام احمد الباقي كانو طالعين ..
ام احمد: منو الي جاي
احمد: اياد (وناظر رهف)
رهف صار وجهها احمر :...............
احمد: اياد يبغاك بتجين ولا لا
رهف: طيب بس اغير لبسي
احمد: جيبي معك شي نشربه ..
رهف: طيب ..
* * *
× ×
وبعد دقايق انفتح باب المجلس وادخلت رهف ..وقف اياد وهومبتسم ..
×*×يا هلا باللي لفاني يا هلا بـــــــــــــه
عدد دقات قلبي في غيابـــــــــــــه
ياهلا باللي بعد الشوق جابــــــــــه
عليم الله قلبي ما صخى بـــــــــــه×*×
ادخلت ودقات قلبها تدق بقوه مدت الصحن له :تفضل
اياد ياخذ الماي:تسلمين
وراحت لـ اخوها عطته ماي واجلست جنبه وعيونها بالارض ..ليه خايفه ماتدري بس جا
احمد: وهذي رهف جاتك قول الي تبي
اياد: رهف ماراح اطول السالفه تبين ترجعين معي ولا لا
رهف قربت من احمد: ايه بس لي شروط
اياد رفع حاجبه: وش هي
رهف: الحمل يتاخر شوي ..
اياد: من عيوني
رهف: مابي تزوج عليّ وحده ثانيه واذا تبي طلقني
اياد: لاتخافين مابي غيرك
رهف ابتسمت: خلاص خلصوا شروطي
اياد: اجل يلا نرجع بيتنا
رهف تناظر احمد: اروح معه
احمد: ايه بقول لـ ابوي لاتخافين
رهف: طيب دقايق اجهز
اياد: انا بالسياره انتظرك
وبعد ربع ساعه اطلعت مع اخوها ومعها شنطها .. نزل اياد وحطهم وبعد ماخلص لف على احمد
: يلا مع السلامه
احمد: انتبه على اختي واخر مره تجي زعلانه ..لو جات ماعاد تطلع الا مع زوج ثاني ولا على قبرها
لك ماراح ترجع .. فاهم
اياد انصدم من الرد: طيب مع السلامه
وتركه وراح الى السياره ..
اياد يحرك السياره: هلا بالزين ..اوووه لبستي عباية الراس
رهف: هلابك.. ايه دامك تحب كذا بسوي لك
اياد ابتسم: تعشيتي ولا اعشيك
رهف: لاشبعانه
اياد: يعني ماتعشيتي
رهف: قلت شبعانه يعني مالي نفس
اياد يناظربخبث: تبين تنامين صح
رهف لفت وجهها: لا ..ابي اشوف امي ام نايف
اياد: بكره ياقلبي
رهف: شنو ادخل من الباب الوراني مثلا
اياد: لا ..بروح الفندق
رهف: ليه
اياد: عشان اتوحدك فيك واكلك هم هم
رهف: هههههههههههههههههه خبل
$$$$$$$$$$$$$$$$&&&
بعد مرور اسبوعين..
رهف تسامحت من ام نايف وابونايف وارجعت العلاقه زي قبل ..
هيفاء ادخلت الشهر الثامن ..ومها الشهر التاسع ..
مطلق ملك على بشاير..وجواد على سارا ..
شهد حالتها النفسيه تعبانه وبان الضعف عليها كثير ..بسبب نواف الي مومعروف ميت ولا عايش
بسبب الغيبوبه الي داخل فيها ..
اياد.. تصالح مع علي وبدا يتقرب من سعود ..
سعود طلع من المستشفى وترك الكرسي وصار يمشي على العكاز بسبب الجبس الي برجوله
وصار يزور نواف كل يوم ..لكن علاقته في ابوه ماتحسنت
.. اليوم يوم الخميس ..
في المستشفى .. الصباح
ماجد واياد وسعود واقفين قدام نواف ...
سعود جالس جنب نواف وماسك يده: طول حيل يارب متى يصحى
اياد واقف ويناظر في نواف: كان نفسه حيل ان يشوفنا ثلاثتنا متصالحين
ماجد يمسح على شعر نواف: الله يشفيه ويرجعه لنا
سعود: بس يقوم بعاتبه كذا يسوي فينا
اياد: لاتصارخ عليه بيكون تعبان
ماجد: خلوه يصحى ويصير خير
اياد: يلا نمشي
سعود كان بيقوم وحس بشي يضغط على يده وشهق ولف:نـــواف
نواف فتح عيونه بطء شديد وابتسم ورجع سكرها ..
ماجد فرح :صحى صحى اياد صحى
اياد: اطلعوا وانا بروح انادي الدكاتره
ماجد من الفرحه موعارف يتكلم زين: آآآ...ان شاء الله
راح اياد ونادوا الى الدكاتره وسعود وماجد برى ..
سعود يطلع جواله :بدق على عمي بونواف
ماجد: ايه دق عليه يارب يصحى
سعود: يوه دقيت على رياض من الربكه
ماجد ابتسم..مومصدق اخيرا صحى نواف ..:.........
من الجهه الثانيه سعود دق على بو نواف مره مرتين ثلاث واربع ولا في اي رد
سعود: يووه مايرد شكله نايم
اياد طلع من عند نواف: يوه الحمدلله صحى
ماجد: متى بيطلع
اياد: لسى بيحطونه في الملاحظه بيسون له بعض التحاليل والاشعات وبعدين يطلعونه في غرفه عاديه
سعود: اهم شي صحى .. وهوبخير..متى ماطلع طلع ..اهم شي صحى..
اياد: ان شاء الله مايكون له اضرار بسبب الحادث
سعود بصدمه ناظر اياد: شنو
اياد: في بعضهم بعد الحادث يفقدون الذاكره بعضهم يصيبــ...
سعود يقاطعه:وبعضهم يازينهم والله يشفيهم ويخليهم وان شاء الله نواف منهم لاتفاول بالشر
اياد سكت وهوعاقد حواجبه:............
$$$$$$$$$$$$$$$$&&&
طاوله طويله وعريضه فيها فطور راقي .. جالسها لحالها وتاكل بشويش وتفكر في حال اخوها رن
تلفون البيت وقامت بترد شافت الشغاله بترد اركضت: لا تردين انا برد(وترفع السماعه )الو
...: السلام عليكم
خلود عقدت حواجبها:وعليكم السلام
......: انا سعود صديق نواف
خلود ارتبكت ليه ماتدري كحت تحاول تضبط نفسها" الثقل يابنت": ايوه عرفتك اخوي فيه شي
سعود بفرح: ايه صحى نواف من الغيبوبه قولي لـ ابوك وتعالوا بسرعه
خلود بفرح: جد مشكووووووووور مشكور يالغالي
سعود ابتسم: العفو لاتتاخرون وصحي كل خواتك طيب
خلود: ان شاء الله يلا سكر بقول لـ اهلي
سعود كتم الضحكه: طيب باي
خلود تسكر السماعه :الله ياخذ العدو عليك صوت ياويلي ..(اصرخت صوت قوي) .. نواااااااااف صحى
يمـــــــــــــــــــه
وتصعد الدرج بسرعه وتركض جهة غرفة امها بنشاط وتدق الباب: يمـــه يبه بونواف ام نواف اصحوا اصحوا
ام نواف تفتح الباب: الله ياخذ ابليسك من بنت ..عمى روعتينا وشفيك
خلود تضمها: نوااااااف صحى يمه صحى (تبوس فيها) ولدك صحى
ام نواف: الحمدلله ربي استجاب دعاي وصحى ولد (بعدها كشرت) وخري عني ذبحتني تبوس وضم
خلود: ههههههههههههههه احبك
ام نواف تدخل وتصحى زوجها: قووم بونواف ولدي صحى قوووم ابي اشوفه
بونواف :صج نواف صحى من الغيبوبه من قالكم
خلود وهي على باب الجناح: تو سعود دق على تلفون البيت
بونواف يرفع اللحاف: يلا يلا نلبس ونروح له
خلود بضحكه: اجلس الدبه ونمشي
ام نواف تعلي صوته: قووووولوا لشهد لاتنسون
$$$$$$$$$$$$$$$$&&&
على الظهر ..
انتشر الخبر والكل جا لعند نواف ..
اياد يطلع لهم: واحد واحد يدخل ومايطول حدكم خمس دقايق
بونواف: دخلو زوجته انا وامه شفناه الصباح
خلود تهمس حق لجين: ياختي هو وحرمته يشفون الولد عاتي ويدخلون شهيد بعد عاتي مدري متى
يحسون ويخلونا نشوفه
لجين: ياكثر زحمه الرجال .. مافي حريم غيرحنا انا وامي وانتي وشهد مدري متى بيجون خواتك
ايمان وساميه
خلود: انا قلت لهم
لجين: ياربي ناسيه اسمه هذا الي مع نواف بالحادث كل شوي يناظر فيك
خلود ابتسمت: هو طول عمره يناظر جديد عليه ..احسه صايع
لجين: تدرين مره جاي مدرستنا واخذ مدرسة الانقليزي قدام عينا
خلود: يمكن اخته
لجين تظرب على فخذ اختها: ياختي لاتنخدعين بشكله اخته من سنك ومدرسة الانقلش حقتنا كبيره سته وعشرين
او سبع وعشرين اكبر منك..الله يرجه مابقى بنت مالعب عليها
خلود: بسك حش
لجين: بس الشهاده لله الولد مزيون مزيون جرح
خلود لفت عليها:حبيبتي لجين روحي رقميه
لجين: ودي بس ابوي موجود ههههههههه
خلود :خبله
" اثاريك مغازلجي ياسعود ..مافي امل احبك ..بس ياهو عليك جمال صوت وشكل"
× × ×
× ×
×*×انت مثل نسمة الهوا تنعش حياتــي
انت مثل المطر يروي الورد الضامي
بـختصــار انــت كـل شـي بحياتـي
ولا ابي فرقاك واطلبك تكون قربي
حبيبي خلك قربي ولاتغيب عن عيني
شنو دنياي من دونك ماتسمى دنياي×*×
ادخلت شهد وهي كاشفه ..لمى شافها نواف ابتسم ونزل الاكسجين من وجهه: .......
شهد تجلس جنبه: خله عليك ..كذا يادب تخوفني عليك
نواف: تــ ... (سكت شوي بعد كمل كلامه بشكل متقطع من التعب)تـ..حـ..ـبنــ...ـي
شهد بكت وحطت راسها على يده: حيل احبك.. نواف وحشتني
نواف يمسح على راسها: خــ...ــلاص
شهد ترفع راسها وتمسح دموعها: ماعاد تتعب كذا مره ثانيه
نواف يسكر عيونه بمعنى ايـه:.........
شهد ترجع الاكسجين عليه: خلاص بالليل اجيك ارتاح الحين
نواف مسك يدها ولف وجهه وهو مبتسم واشر بيده الثانيه على خده:...........
شهد صارت خدودها حمره: تعبان وحالتك حاله ولاتترك خبالك مافيه
نواف ناظرها بنظرات تكسر الخاطر:................
شهد خدودها حمره: حياااتي بعد الزواج
نواف يبعد الاكسجين: كـ...ـذابـــ...ه
شهد قامت وباسته على خده وجهها صار احمر واطلعت من الغرفه بعد ماتغطت ..
سعود نقز في وجهها: كلمك
شهد تحولت من 180 درجه من البنت الخجوله الناعمه الي الحاقده الشريره: موشغلك انقلع عن وجهي
لا العصاه الي بيدك شغلتها على ظهرك (وتروح عنه)
سعود:اعوذ بالله موبنت
ماجد يجي لسعود: وش تخربط عليك
اياد: انا خايف يوم تاكل نواف من شراستها
سعود: ليه جاكم منها طشار
اياد: سفلت فيني انا وماجد يوم زوجتي طايحه في المستشفى
ماجد: خلونا ندخل نفرحه
سعود :يلا
$$$$$$$$$$$$$$$$&&&
في بيت بونايف ..
رهف انزلت من الدرج ولابسه عباتها الكتف ومتحجبه زين وماسكه طرف الغطى عشان من تشوف
احد بسرعه تغطي وجهها.. صارت عباتها الكتف للقصر اسهل لها في الحركه:......
لمياء متوجهه الى غرفة الطعام وشافت رهف في نازله: مافي احد تعالي نتغدا
رهف : وينهم
لمياء: راحوا الرجال لعند نواف البيت كله مافي غيري انا وامي وانتي
رهف تفك الحجاب : وامي وينها
لمياء: تقول بتتغدا مع الاولاد لاجاو..ماقلت لك نواف صحى
رهف بفرح: جد ..الحمدلله لك يارب
لمياء: رسلي رساله تنبيه لايغمى على شهد
رهف: ههههههههه من جد يبغالي.. دقيقه اكلمها
لمياء: لاطولين شوفة عينك جالسين يحطون لنا الاكل
رهف: تيب (واطلعت ودقت على شهد) قرت عينك كلللللللوولووووش واخيرا صحى
شهد: رهف اسكتي بطير من الفرح طلبني ابوسه خقيت تعبان ويبغى ابوسه وه بس ..قلبي رهف بيوقف
رهيييييييف وحشني مووت
رهف: حيلك حيلك لايغمى عليك ..روقي حبيبتي ايادوه موجود انتبهي عليه من البنات
شهد: ايه المليق توني ادقق فيه وجع وش هالبياض ولعنه ابيض مني
رهف: اقولك لا جلس جنبي ..احس روحي عبايه ..ابيض حيل
شهد: ولا شفايفه ورديه حيل حيل ياختي انا جنبه شفايفي سوده
رهف: مالت على هالحظ
شهد: الحمدلله اني ابيض من نواف كان مت قهر ماعلينا شفت النعجه العرجى
رهف جلست تضحك بشكل هستري لدرجه موقادره تتكلم:ههههههههههههههههههههههههههههههههه
شهد : والله رهف شفت سعود مكسوره رجله وعنده عكازات..اول ماطلعت نقز في وجهي
رهف: شافك احد
شهد: باب الغرفه صاد عن الرجال..وكان بعاد عنهم محد شاف
رهف: ايه كملي
شهد: جا وقال بس كلمك وانا طبيت فيه
رهف:ههههههههههههههههههه حرام
شهد: ماطيقه ماطيقه من جد اكرهه
رهف: عاد نواف صديقه
شهد: بخليه يقطع علاقته معه اكرهه
رهف: من جد نذله
شهد: ماعلينا وه بس رهف سحت وذبت لمى شفت نواف احلامي
رهف: فارس احلامي مونواف احلامي
شهد: كيفي انا احب اعبر عن تلك الفحاسيس
رهف:ههههههههههههههههههههههه احاسيس موفحاسيس
شهد: مين اقوى تعبيرا في وجهة نظرك
رهف: شهد انتي حالتك صعبه وانا جوعانه ولمياء بتذبحني اكلمك بعدين
شهد بضحكه:ههه طيب باي..
$$$$$$$$$$$$$$$$&&&
في الليل
دخل الى القصر وهو متضايق " ليتك ماقلت لي يااياد انهد حيلي ..يارب ارحمني " فتح باب القصر وسمع
صوت بنات وقف مكانه ورفع صوته: هيفاء ياهيفاء
جاه صوت من الصاله :تعال يمه هنا بس بنت عمتك
ماجد : لابروح القسم تعبان
نزل راسه ومشى وصعد الاصنصير وراح لقسم هيفاء ..
هيفاء كانت تصفط ملابس البنت وتحطها في الشنطه عشان ترسلها لبيت اهلها
ابتسمت لمى شافته داخل: هلاحبيبي
ماجد جلس على السرير:هلا ياعيون حبيبك ليه تصفطين ملابس البنت
هيفاء تحط اخر قطعه وتسكر الشنطه: عشان برسلهم بيت اهلي انت ناسي اني في الشهر الثامن
ماجد: جد بتجلسين اربيعين يوم هناك
هيفاء: ايه وانت بيكون عندكم بيبي ولد
ماجد: بنتي غلاتها غير عن ولد مها
هيفاء : لايكون تعزها اكثر مني اغار انا
ماجد يفصخ شماغه: بكرهك انتي وبنتك طيب
هيفاء: هههههههه (تروح لعنده وتجلس على السرير) وشفيك احسك طفشان
ماجد يحط راسه على رجولها: احس اني تعبان وطفشان وملان من هالدنيا
هيفاء:ليه وشفيك مفروض تكون فرحان نواف صحى من الغيبوبه
ماجد تنهد: الدكاتره خايفين على نواف انو
هيفاء: انو ايش ..ماجد شنو فيه تكلم
ماجد: اوعديني ماتقولي لشهد او اي احد لمى يصير اكيد
هيفاء: وعد يلا قول
ماجد قام من على رجلها: الدكاتره تقول يمكن مواكيد نواف بعد الحادث جاه عقم
هيفاء تناظر فيه مصدومه : يعني
ماجد: لازم يتزوج
هيفاء: واذا طلع عقيم
ماجد: يطلق
هيفاء: انت تفكر الطلاق عند الحرمه سهل.. ماجد شنو نظام تفكيرك
ماجد: نواف يحبها
هيفاء: تكفى الي شهد تكره ..حتى هي تحبه
ماجد: بس مواكيد انه عقيم
هيفاء:ولا اكيد انه سليم ..ماجد انا لازم اقولها
ماجد بحده: هييفاء ان قلتي ياويلك ..اصلا نواف لحاله مايدري خله يدري وبعدين يمكن احتمال
الدكاتره غلط ..هيفاء لاتقولين لها
هيفاء: ياربي ماقدر ماقولها هذا زوجها
ماجد يرفع الفراش وينبطح وينام: هيفاء هو نفسه مايدري وشفيك ماتفهمين
هيفاء: طيب
ماجد: انا بنام
هيفاء: والعشاء
ماجد: من سده نفسي مالي خلق اكل
هيفاء :موعلى كيفك يلا قوم بروح اجيب لك شي تاكله
ماجد: مابي بنام
هيفاء: ماراح اسمع كلامك ثواني والاكل جاي
$$$$$$$$$$$$$$$$&&&
يوم جديد ..
طلع نواف من غرفة الملاحظه الى جناح خاص .. وصل له سعود بس جلس في الكراسي الاتنظار لان
خوات نواف موجودات.. كان يفكر في حياته قبل وبعد الحادث ويناظرفي الارض " في سنه وحده صارت لي اشياء كثيره
يالله احس اني بوحده" حس في ظل ورفع راسه : في شي
: لا بس حنا طلعنا وانت الى لان منزل راسك
سعود عرفها: يضايقك وانا منزل راسي
:لا..بس ادخل نواف لحاله
سعود يقوم وهو يعتمدم على العكازات: طيب
:اساعدك
سعود ناظر فيها وابتسم على جنب: لاشكرا خلود
خلود بربكه: وش عررفك باسمي
سعود يمشي الى باب الجناح ناظر فيها نظره غيرهالمره: من العصفوره يلا روحي وغطي عيونك لحد يغازلك
خلود لفت وراحت بدون اي رد ..نظرته كانت تربك :ولعنه وشهالنظرات
اما سعود انتظراها الين ماختفت ودخل الغرفه .. وهومروق :هلا وغلا هلا بهالزين نوافي
نواف:ويييع لاتقول نوافي قول نواف
سعود: يصحلك واحد مثلي يقول لك نوافي
نواف: ينقال الحين زوجتي طس بس ..متى يجي العصر بس ابي اشوفها
سعودبهبال: اروح اجيبها لك والله اني عاقل
نواف: شفت العصاه الي بيدك كسرتها على رجولك
سعود: ادري ذابحك الشوق هههههههههههه
نواف ابتسم: خبل
$$$$$$$$$$$$$$$$&&&
في نفس المستشفى في قسم ثاني
اياد يغسل يده :يلا دخل الي المريض الي بعده
الممرض :طيب ويطلع
اياد يشوف الملف :عبيــر يالله هذي ماتوب
عبير تدخل وعلى طول تتحجب وتناظر بغرور : اسناني تالمني
اياد ياشر لها تجلس ووده يشيل اكبر شي بالمكتب ويرميه عليه : اجلسي على الكرسي اشوف
عبيرتجلس وتناظر الممرض الي طلع من المكتب: طيب
اياد يكشف عليها وهو مكشربعد دقايق يبعد عنها: لازم تسوي اشعه عن اسنانك
عبير: طيب بس ابي تحولني على دكتوره مابيك
اياد لف عليها: شدعوه انا الميت ..ماعلينا هذا موعد للاشعه وسلمي على عمتي
عبيرتسوي لثمتها: اذا مانسيت بقول لها
اياد: تغطي زين ولاعاد تحطي مكياج..
عبيرتاخذ الورقه: تراني موزوجتك واوامرك حطها على زوجتك موعليّ باي
اياد: استغفر الله مريضه نفسيه مسوي انها زعلانه مني وين رهف وين انتي ..فرق السما عن الارض
يارب رحمتك بس
$$$$$$$$$$$$$$$$&&&
بعد شهر
يطلع نواف من المستشفى ولا يردي عن احتمال الدكاتره لان اياد موصيهم ..
سعود يفك الجبس.. وهيفاء تدخل الشهر التاسع ..ومها اولدت وجابت ولد وسمته خالد..
وشهد ترجع زي قبل .. واياد اي وقف فراغ في دوامه يسال الدكاتره عن حالة نواف ..
.. ورهف مشغول بالها بسبب تغير اسلوب اياد ..
*
×
*
اليوم يوم الاثنين..
في القسم رهف واقفه تناظر روحها في المرايا : يالله اخذت شهر ونص ولا حملت ..واياد مدري وشفيه
(جلست على الكرسي وجلست تمشط شعرها) طفش حالتي صعبه قمت اكلم نفسي بنهبل
انفتح باب الغرفه : السلام عليكم
رهف اوقفت: وعليكم السلام تاخرت
اياد يفك ازارر بلوزته : لهدرجه مشتاقه
رهف: ايه ههههه ..ماعلينا ابي اروح السوق بالليل قرب زواج اخوك
اياد يلبس بجامة النوم: طيب بس بشرط
رهف: شنو
اياد: فستان عاري مافيه
رهف بستهزاء: شرايك اللبس جلابيه
اياد: حلو
رهف: اياد ليه احسك متغير
اياديرفع اللحاف وينبطح: مافيني شي ..ودي انام ..
رهف: طيب اخليك خلاص و مابي اروح السوق
اياد: طيب براحتك
رهف مدت شفايفها"عديم احساس": بنزل تحت لعند اختك
اياد:طفي النور وانتي طالعه
رهف تناظر فيه مصدومه متغير عليها حيل قبل لا جا من الدوام يسمعها كلام حلو ويضمها
"معقوله سعود قال له شي تيب هو يدري وشايف بعيونه.. ياربي شنو شاغل باله"
انتبهت على صوت اياد: نعم
اياد: وشفيك ساعه اناديك انصمختي فجاء
رهف بحزن: اياد لاتعاملني كذا
اياد: وشفيك طيب واقفه كذا مانزلتي ولا طفيتي النور
رهف راحت وهي معصبه وطفت النور واجلس على الاريكه الي بالغرفه:نام
اياد غطى راسه ولا رد عليها:...........
رهف" تافه وسخيف عيشني بايام حلوه والحين اعوذ بالله هذا هم مايعرفون الرومنسيه
واجد يموتون لاصاروا رومنسين اكثر من شهر" قامت واطلعت تناظر التلفزيون
وبعد دقايق طلع اياد يناظر فيها: ليه مانزلتي
رهف: كيفي مابي روح نام
اياد يجلس: مابي كيفي
رهف: طيب اسكت ابي اشوف الفلم
اياد يعرف انها تكذب وزعلانه لان ماتحب الافلام الاجنبيه:طيب شنو سالفة الفلم
رهف توهقت: هذا فلم اجنبي
اياد ينبطح ويحط راسه على رجولها: ادري انه فلم اجنبي شنو قصته
رهف:آآآآآآآ ..هذا شسمه
اياد يحسب الريوموت: من سمعت الـ آآآآآ ..عرفت انك موفاهم شي
رهف تاخذ الريوموت: موانت بتنام روح نام
اياد: طيب رهف انا احبك
رهف تحاول تفخي بسمتها:شكرا
اياد رفع نفسه ولف عليها: الحين اقولك احبك تقولين شكرا
رهف تقوم: زعلانه منك لاتكلمني
اياد: ليه وشفيك
رهف: متغير ..حيل متغير شنو شاغل بالك.. صاير شي.. لاتخبي قولي اياد
اياد وقف: مافيني شي بس صاير ضغط عليّ بالدوام
رهف تضمه: لهدرجه الدوام ياثر على علاقتنا
اياد: اسف
رهف ترفع راسها وتناظره: لاتقول اسف ماحبك تقولها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك