رواية بعد كذبك لا ترتجي مني نظره -57
رهف: متغير ..حيل متغير شنو شاغل بالك.. صاير شي.. لاتخبي قولي اياد
اياد وقف: مافيني شي بس صاير ضغط عليّ بالدوام
رهف تضمه: لهدرجه الدوام ياثر على علاقتنا
اياد: اسف
رهف ترفع راسها وتناظره: لاتقول اسف ماحبك تقولها
اياد: طيب ماراح اقول
رهف: اياد انا مايعه
اياد ابتسم: كثير
رهف: ههههههههههههههههه
اياد: اليوم شفت عبير
رهف ماتت الضحكه في وجههاوابعد عنه:.......
اياد: ماكان ودي اقولك بس خايف تشوف في زواج اخوي وتخربط من راسها
شفتها وزعلانه معصبه مني ..الحمدلله ان ماتتطابقت التحاليل كنت راح اظلمها لان ماحبها
ولا احب اسلوبها
رهف: طيب اياد ليه ماتغير شغلك
اياد: شنو غرتي
رهف: ايه اليوم عبير بكره مدري منو..غير شغلك
اياد: هههههههه رهف من جدك
رهف لفت زعلانه:ايه
اياد جلست من كثر الضحك:ههههههههههههههههههههههههههههههه
رهف: ماقلت شي يضحك
اياد: انا دكتور وتخصص حقي اسنان.. كيف اغيره اشتغل سباك مثلا
رهف: مدري اغاار عليك
اياد: تحبيني
رهف: ايه
اياديمسك يدها: تعالي روني حبك كيف
رهف تسحب يدها: صلاه صلاه الحين
اياد: عن الكذب باقي ساااعتين ونص على الصلاه
رهف:هههههههههههههههههه خلاص صرت اكرهك ههههه
في قصر نواف ..
ام نواف: يالله حي من جانا
ام ضاحي:الله يحيك
ام نواف تضم شهد: ياهلا بالعروسه
شهد: هلا بك
ام نواف: ياهلا بالزين سوسن
سوسن ابتسمت: هلافيك
ام نواف: ادخلو تفضلوا..بقول للبنات خبر
ويدخلون الصاله الداخليه ..
ام ضاحي: اللهم صلي عليك يانبي وسلم ..شفتي العز الي بتعشين فيه
شهد: هههههههه حسيت متزوجه امير ههههههههه
سوسن: وربي ماعمري كنت اتخيل ادخل بيت كذا
شهد: يالحجيه قصر قصر عقبال مااسكن في قلعه
سوسن: تخسين انا ابي قلعه
ام ضاحي: الغناء الكثير موزين تراها يكثر الحريم
شهد: شنو بيعرس عليّ نواف
سوسن: يازين الفقير هههههههههههههههههه
ام ضاحي: يمه البنت بتوسوس الحين لالا ماراح يعرس
شهد تلف على جنب: شوفي تلفونهم كشخه
سوسن: رفعي السماعه بصورك معه
شهد ترفعه:مافي حراره (تشهق) جد بنات فقر هذا زينه
سوسن:هههههههههههههههههه زين محد شافنا
شهد: ياشين عيال الفقر لادخلوا بيت عز هههههههههههه
سوسن: ههههههههههههههههههه
ام ضاحي ابتسمت: اهم شي مرتاحين فيه وصحتنا زينه
ام نواف تجيهم وراها البنات ..
ساميه: كللللللللللللوولوووووووووش شهد هنا
ايمان حامله ولد ساميه: الف الصلاه والسلام عليك ياحبيب الله محمد كللللللللللللللووولللللوش
خلود ولجين يصفقوا :ايوه عاااشوو
شهد حمرت خدودها :.............
وبعد السلام الكل جلس ..
ام نواف:شفتي ياشهد عليك حميات خبلات
شهد: منو اخوهم
ام نواف: هههههههههههههههههه على قولتك توه تعبان وحالته حاله بس سمع انك بتجين
طلع يحلق وخله الخدم تنظف جناحه ولا طلب مني ابخره هو وجناحه
ايمان: وتوصيات فينا حنا الاربعه
ام ضاحي: اهم شي لاتتوحدون فيه
ايمان: الله يهداك شنو نتوحد فيه هو لامسكنا مانقدر عليه ..عنده لسان عن عشر حريم ورجال
شهد: قولي ماشاء الله على زوجي
ام نواف: ايييه كل شي ولا زوجها
* * *
× ×
وبعد مرور ساعه ونص من السوالف والضحك ..نواف دق على اخته خلود
خلود تلف على شهد: تعالي ابيك في موضوع شهود
شهد تبعد لها: تعالي اجلسي
خلود: لا ..تعالي معي يلا قومي
شهد: يلا
واقامو واطلعوا برى ..
خلود: شرايك في بيتنا
شهد: ماشاء الله تبارك الله
خلود: ترى ماعندي شي بس حابه اسولف معك بهدوء
شهد: خذي راحتك
خلود :لفي راسك على جهة اليسار
شهد: نواااااف
نواف يناظر فيها: تعالي تدرفي معي
شهد: ههههههههههههههه طيب
وتروح تجلس جنبه .. وخلود تجي معاهم وهي تضحك..
نواف : شفتي هالعصاه خلود
خلود: ايه هههههههههههههههههههههههه
شهد على ضحكتها ضحكت:هههههههههههههههههههه
نواف ببتسامه: بكسرها كسر على ظهرك
خلود: شفتي اخوي عنيف هههههههههههه
شهد:ياقسي ههههههههههههههههههههههههه
نواف يحاول يقوم من الارجوحه لان تتحرك : انا مقدر اجلس عند ناس سامجه
خلود وشهد: ههههههههههههههههههههههههههه
شهد: جايه انا علشانك خلك نوافي
خلود: انا بروح نوافي تبي شي مني
نواف ابتسم: لا طسي اعوذ بالله متى افتك منك انتي واختك لجين
شهد: حرام وربي انها عسل
خلود: وانتي سكر
نواف :وانا اشوف ملتب هنا نمل وذبان اثاري انتم هنا
شهدو خلود: ههههههههههههههههههههههههههههه
خلود :خلاص بمشي بااي
نواف بعد ماراحت خلود:واخيرا حست هلا بهالزين
شهد: والله كانت مسويه جو حلو
نواف: جوي احلى جو صدقيني
شهد: ماقلت لي شنو صار على رجلك
نواف :الحمدلله زينه
شهد: انتبه لنفسك ولاهمل علاجك
نواف: ايه بس اخلص على طول زواج
شهد: هههههههههه متحمس حيل
نواف:اكثر من ماتصورين ودي اصحى واشوفك اجي من التعبان ارمي بحضنك
جد شهد انا احبك
شهد تمسك يده: حياتي وانا احبك
ايمان: وانا امووووت فيكم
شهد تبعد عن نواف وجهها احمر :..........
نواف معصب: خييير شتبين
ايمان: ابي اتمرجح
شهد توقف: تعالي اجلسي انا بدخل داخل
نواف: لالا ابيك توني شايفك
شهد: مقدر امي بتذبحني يلا ايمان رجعني
نواف: نطلع مع بعض الكورنيش
شهد: لمى تقدر تسوق نطلع
نواف حز بخاطره :..............
شهد تقرب منه وتهمس في اذنه :لاتزعل حبيبي احب اكون لحاله ومحد يقول كلمه
انت تعبان او اي شي
ايمان: قولي لي السر
نواف:تعالي قربي اقولك(ويرفع العصاه)
ايمان: هههههههههههههههههههههههههه مع السلامه
نواف:خلاص راحت شهد اجلسي
شهد: طيب بس حركاتك اتركه
نواف: اذا صرتي موحلوه بوقف حركاتي(ويجلسها جنبه)
$$$$$$$$$$$$$$$$&&&
خلصوا صلاه المغرب في المسجد.. وجلسوا على جنب..
اياد: بدا يبان اني بالي مشغول وافكر ..زوجتي اليوم سوت سالفه وازعلت
ماجد: حالتي حاله انا قلت لها ..بس يعور قلبي لا سمعت صوته وجاب طاري العيال
اياد: شوف اليوم نمر عليه ونقوله لازم يدري ويتخذ قرار
ماجد: بيزعل خله بعدين
اياد: متى لمى يتزوج لا خلها الحين عشان يتخذ يايكمل يالا
ماجد: يحبها حيل
اياد: هنا مربط الفرس اذا تبيه لذاته بتوافق على عيبه ماتبيه بتقوله توكل
ماجد: مدري يا اياد انا راسي منفك
اياد: اليوم ثمان بنمر عليه
* * *
× ×
وعلى الساعه ثمان راحوا لعند نواف ..
نواف يركب السياره: السلام عليكم
اياد وماجد: وعليكم السلام
نواف: مروا على سعود حققوا امنيتي
اياد يحرك السياره ويطلع من القصر: المره الجايه هنا بنروح مشوار
نواف رجع لورى وسند ظهره على السيت:ياساتر ... وشفيكم
ماجد: ولا شي
نواف: طيب وين بروح
اياد:المستشفى
نواف: سعود فيه شي اليوم انا ماكلمته
ماجد: لا ..اذا رحت هناك بتعرف
نواف: حشى راكب مع مباحث حنا..
$$$$$$$$$$$$$$$$&&&
في السوق ..
رهف مع لمياء واريج يشفون فساتين السهره
رهف وهي تناظر الملابس تكلم تلفون شهد:اي قالي بيطلعون مع بعض
شهد: وش هالصجه الي انتي فيها
رهف: بشتري لي فستان واريج ولمياء يساعدوني لانهم بيجبون طلبيه
شهد: ويالخبله انتي ليه ماتسوي زيهم
رهف: مابي..ماعلينا ماقال لك ليه نواف هم طالعين مع بعض
شهد: لا .. بس هو كان فرحان
رهف: انا كان اياد متضايق ..شهد احسه حيل متضايق فيه شي شاغل باله
شهد: اذا نام اقري عليه
رهف: قلت لك متضايق من شي مو مسكون اسم الله عليه
شهد: والي يقرون عليه بس المسكون ايات ربك ذي ..الابذكر الله تطمئن القلوب..
رهف: ونعم بالله ..لارجعت البيت بسوي الي تقولين عليه
شهد: فيني لقافه ودي ادق و اشوف وش يسون
*
×
*
وش يسون نواف واياد وماجد .. كانو في غرفة الدكتور وشرح لهم حالة نواف ..
نواف بحزن: يعني احتمال مااجيب عيال
الدكتور: هذا شي مانقدر نحكم الا لمن تتزوج
نواف بعصبيه: تفكر بنات الناس لعبه اهلهم بيرضون يزوجوني
الدكتورالاردني: وانا يانواف وشبيدي هيك بتصيح عليّ
نواف: لان كلامك غبي وين تطور الطب
الدكتور: شومالوا ياجماعه
اياد: نواف وشفيك روق
نواف يوقف: ماتسمع كلامه الغبي
ماجد يمسكه:اذكر الله نواف هو جد شدخله
الدكتور: شوعملك دام هيك حالتك شو بيدي انا
نواف: بيدك انك تسكت يلا نمشي
ماجد بحده: نـــواف
نواف يترك الكل ويطلع وماجد يلحقه
اياد :سامحنا دكتور
الدكتور: لاعادي على هيك كلام كتير بسمعو
اياد: الله يعين
ويطلع برى الغرفه: وشفيك نواف انهبلت
نواف بصراخ: مسوي فيها دكتور وموعارف يعالجني
اياد يمسك يده: خلاص بس فضحتنا نواف وشفيه
نواف بعصبيه: انا انصحى ينقلع ويفنش دكتور فــــــــــاشل
ماجد يسحبه: نـــــــواف خلاص تعال معي
اياد يدف نواف قدام: امش اخلص فضحتنا
واطلعوا برى المستشفى..
اياد يسكر الباب بعد مانواف ركب: فضحنا(ويركب السياره)
ماجد يشغل السياره: الحين اذا مانعرفنا بنعرف بسبتك وشهالخبال
نواف بعصبيه: ماجد اسكت مالي خلق صوت واحد فيكم
ماجد عصب: بــــــــــس تراك مصختنا فضحتنا هناك لا تحط الحره فينا ..كانا حنا السبب نواف كبر
عقلك
اياد: ياااارب تكبر عقلك ترى كلامه مواكيد روح كذا دكتور وشف وشيقولون بلا خبال وحركات همج
نواف : ماني رايح مكان ودني البيت
ماجد يمشي بسرعه :......................
اياد يلف على ماجد: انت بعد روق لاتروح فينا
*×* في بعضــ (وليس الكل) ..الاشخاص يفكرون الشفاء بيد الدكتور .. واذا مافي حل لحالتهم سو فوضى
طيب ..ماعرف يعالجك الدكتور في رب كريم ..يشفي مليون حاله عجز الدكاتره عن حلها دعاء منهم
صادق لرب العالمين شفاهم .. بس مين يحس ومين يتعض!!×*×
$$$$$$$$$$$$$$$$&&&
في قصرام نواف ..
لجين: شوفي يمه هالفستان
ام نواف: لك ولا لي
لجين: لا لك
ام نواف: استحي على وجهك بتلبسيني هالفستان انا جده ماني بزر كبرك
لجين تغير لها الفستان: وهذا
ام نواف: ايه هذا حلو نشوف غيره
لجين: شرايك بهذا انا بطلبه
ام نواف تناظر فيه : هات الجهاز(وتاخذ لاب توب وتناظر الفستان زين) حسبي الله عليك من بنت
وش مستره انتي
لجين: يمه حلو
ام نواف: حلك بطنك في ليلة عرسك مافيه دوري غيرك توك صغيره
انفتح الباب القصر بقوه الكل تروع ويدخل نواف معصب..
ام نواف: وشفيك نواف
نواف يوقف: مافيني شي ..دقي على بيت اهل شهد وقولي خلاص نواف مايبغى بنتكم
ام نواف تحط لاب على الطاوله: انهبت انت شنو صاير
نواف: ولدك مايجيب عيال كذا قال الدكتور
ام نواف تشهق: من قال
لجين: مستحيل
نواف:انتي طسي غرفتك بسرعه (بصراخ) يــــــــــــــلا
لجين اخذت الجهاز وطارات الغرفه..
في نفس الوقت خلود تطلع من الصنصير: يمــه وش فيه
ام نواف تطنشها: من قال وشدراك
نواف: اقولك الدكتور قال كذا
ام نواف: وماله العلاج الطب تطور
نواف: ماسألته ولا ابي اساله قولي لشهد خلاص نتهي السالفه
ام نواف: خاف ربك اليوم كانت عندك وبحضنك وتقول ماتبيها استجنيت
خلود: انت تفكر بنات الناس لعبه ..ماتخاف يصير لنا زي ماتسوي في بنت الناس كذا
نواف: فكينـــــــا زين
ويمشي ويروح عنهم .. ويصعد غرفته معصب .. بعد ربع ساعه دقت شهد عطاها مشغول
ارسلت له ||اشتقت لك|| ..جلس يناظر في الرساله ولف وجهه مقهوور "مابي احرمك من شي شهد
انا احبك " حط الجوال وبعد ساعه شهد دقت ولارد واخر شي حط جواله صامت ..موقادر يرد ولاهو
قادر يقفل جواله ..يحبها هي اول بنت في حياتها وفجا ينحرم منها يارب وش اسوي انا احبها..
* × *
*×* *×*
ام نواف: ياربي وش اسوي وش اقول للبنت
خلود: انا مومصدقه نواف بهالقسى
ام نواف: احس مافي الهواء.. ياربي شسوي
خلود: يمه لاتسوين بروح كذا ماعليك منه
ام نواف: يافشيلتي قدام الناس
خلود: خلاص يمه اذكري الله ..قومي ارتاحي
ام نواف :شنام واخوك قط مصيبته وراح غرفته حسبي عليك من ولد
خلود: يمه لاتدعين عليه ماعندنا الا هوو
ام نواف تقوم: يارب اللطف بحالي وحال هالبنت المسكينه
$$$$$$$$$$$$$$$$&&&
في قصر ايـــــــــاد ..
رهف تشهق: من جدك وليه ماقلت لي
اياد: مدري اليوم بسياره قال اشياء واشياء من العصبيه
رهف: اياد ..شهد حرام تحبه
اياد بضيقه:رهف لاتزيدين عليّ حتى هو يحبها
رهف: تيب اقولها يمكن تبيه وهومايجيب عيال
اياد: يابنت افهم يمكن يمكن مايجيب
رهف اسكتت شوي: مواكيد السالفه
اياد: ايه
رهف: يعني في احتماال يجيب
اياد: ايه
رهف: طيب يمكن صابه عقم بس له علاج
اياد: خليه يتزوج وذيك الساعه ينعرف
رهف: ولاينعرف الا بزواج
اياد: هنا الكلام الي موعاجبنا
رهف:يتزوج وحده مسيار
اياد: ناقصين بلاوي حنا اسكتي دام حلولك كذا
رهف: شنو شهد ماهي فران تجارب
اياد: انا اقول نمشي السالفه وعلى البركه احملت كذا ماحملت يتعالجون
رهف: يالله بالعقل وبالله ما من خويك رجى شنو تظل شهد بدون عيال
اياد: عيال ورجال مايحبها مامنه فايده ..بس رجال يحبها ويعزها وبدون عيال مافي اي اشكال
رهف: حلفتك بالله لو انا ماجيب عيال بتتزوج علي ولا لا
اياد ناظر فيها وسكت:..............
رهف: عليكم حلال وعلى الحريم حرام ..تفكر الموضوع سهل جد انانين بعد عن وجهي
اياد رح ورها ومسكها:وقفي تراني سكت ماقلت ايه
رهف: بعد عني اياد ردك جاني من عيونك
اياد: انا انصدمت.. مابي عيال ولا ابي شي ابيك انتي ..عفت الدنيا عشانك ..رهف تكفين لاتزعلين
كافي الي فيني
رهف: طيب خلنا ننام وبكره يصير خير بكره
$$$$$$$$$$$$$$$$&&&
صباح يوم جديد ..
نواف في السياره مع السواق قدام بيت شهد..اطلعت له شهد واركبت جنبه ..
شهد بخوف: ايش صاير خوفتني
نواف: روح عند الكورنيش
شهد: نواف كلمني
نواف: مالي خلق اتكلم الحين
شهد: ليه ماخذني وليه مارديت على اتصالاتي نواف وشفيك
نواف بحده : شهد اسكتي
شهد اسكتت :............
وبعد دقايق اوصلوا الى الكورنيش ..
نواف فتح الباب: انزلي
شهدتنزل:.........
نواف يمسك يدها ويمشون الين ماوصلوا الى الكرسي ..ويجلسون
شهد اسحبت يدها: نواف شسالفه
نواف يفصخ نظارته ويبان الارهاق على وجهه وبدون مايناظر فيها يحط نظارته في جيبه العلوي
: شفت اتصالك ورسالتك ..بس موقادر انام ولاقادراكلمك..
شهد: ليه شفت شي مني يزعلك ..نواف انا احبك واسفه لو غلطت عليك
نواف يفك غطاها: تحجبي في الصباح مافي احد
شهد: اترك غطاي نواف ليه انت كذا فيك شي
نواف: الدكتور يقول احتمال مايجيب عيال
شهد: طيب
نواف: شنو طيب اقولك مااجيب عيال
شهد: ليه الدكتور عالم غيب وانت قلت لها احتمال مواكيد نواف لايكون ماتبيني
نواف: الا ابيك
شهد: لو انا كنت مكانك بتتركني نواف
نواف: لا طبعا
شهد: اخذني وقول العيب فيني موفيك .. نواف انا حبيتك لذاتك لاهمني عيال ولامال ولا شي
من يحصل لها رجال زيك يحبها ويصونها ولايعرف ولايشوف غيرها
نواف: واهلك
شهد: شدخل اهلي نواف انا الي بتزوجك موهم
نواف : لاتشفقين عليّ
شهد تمسك وجهه وتناظر فيه:افدي روحي وكل مااملك يانواف ولا اشوفك بهالحال
نواف ضمها وجلس يبكي: مابي اترك ولابي احرمك من حنان الامومه شهد والله احبك
شهد: وانا بعد احبك نواف ليه تبكي لاتبكي مافي شي يحزن انا لك وانت لي ولو شنو قالوا اهلك واهلي
طنش ..انا اخترتك وافقت عليك من بين الخطاب الي جوني .. ولاراح افرط فيك مهما صار
نواف يبعد عنها ويمسح دموعها: اسف بس ضغط صار عليّ ..بس ولو فكري هذي حياتك
شهد: نواف هذي مايبغالها تفكير
نواف: لا جد فكري وكلمي اهلك
شهد: خذها اهلي لو قلت ماراح يوافقون
نواف: ولو خلينا نفكر بعيد عن بعض
شهد:بس يــ...
نواف يقاطعها ويحط اصبعه على شفايفها: اوووش هذي حياة العمر كله مويوم ولا شهر فكري
شهد دمعت عيونها: مابي غيرك طيب
نواف: ولا انا يلا نتمشى
شهد: كم مدة العقاب قصدي التفكير
نواف يوقف ويمد لها يده:يومين وقولي لـ اهلك
شهدتمسك يده : طيب
$$$$$$$$$$$$$$$$&&&
الساعه تسع الصباح..
ام نواف تكلم ايمان تلفون ..
ايمان: وهو وينه الحين
ام نواف: طلع قالي لاتكلمينهم خلاص وطلع ولاراضي يتفاهم مع احد
ايمان: وابوي وشرايه
ام نواف: ماقلت له مونقص هم المسكين
ايمان: والي خلق هالدكتور ماخلق غير ..وش هالغباء يروح دكتور ثاني
ام نواف: هو راضي يسمع او يفهم ..الله يستربس
ايمان: ياربي ..شوفي يمه سكري وانا بعزمه على غدا عندي وبتفاهم معه
ام نواف :طيب
$$$$$$$$$$$$$$$$&&&
في قصر بورياض
بعد الغدا الكل جلس يحلي ويتقهوى .. ماعدا بورياض صعد ينام ..
سعود: طيب انتي دوري لي على وحده سنعه وانا بحاول اقنع نفسي على الزواج
ام رياض: لمى تدخل الاربع وعشرين بعرسك
سعود: انزين لو انا عجبتني وحده الحين انتظرها لمى اخذ سنه
ام رياض: اول شي اشوفها .. تعجبتي وشوف اهلها
سعود: طيب انتي دوري وانا بدور والكل بيدور.. سجى دوري
سجى ابتسمت وبسرعه اختفت بسمتها وسكر عيونها بقووه :.............
ام نواف: جاك الطلق سجى
سجى: الحقيني يمه بمووت
ام نواف: زينه روحي عباتها ..وانت (وتناظر رياض)جهز السياره
وصار القصر في حالة ربكه ناس رايحه وجايه وصرخات سجى من الالم كل مالها وتزيد..
*
×
*
عكس حالة العصبيه الي في بيت شهد.. وناس معارضه وناس مأيده ..
شهد تمسح دموعه: يمه مابي عيال اهم شي زوجي ياعمه
ام ضاحي: انا ابي اشوف احفادي ومن حقي عليك وانا ابوك نزوجك زواجه عدله ..انت توك صغيره
ولك خطابك
شهد: هذا قبل ما يخطبني نواف الحين محد بيوافق على مطلقه
ضاحي: يمه هذي حياته
بوضاحي: ماقلنا شي بس ليه تحرمنا وتحرم نفسها من العيال
شهد: الي يسمعكم يقول بطلق منها وثاني يوم بنخطب ..منو يبغى وحده مطلقه وطالعه وداخله
مع خطيبها.. يمه يبه فصل من نواف مابي
ام ضاحي: موعلى كيفك
شهدتوقف: والله والي خلق سبع سموات ان طلقتوا من نواف جهزوا قبري ثاني اليوم لان بذبح نفسي
بوضاحي: انهبلتي ياشهد
شهد: ايه واكثر.. ياخي انا حره ..انا راضيه بالي ربي عطاني ياه.. ليه تبون الطلاق والنكد في حياتي ليه
بوضاحي: مايجيب عيال
شهد: احتمااااااال مواكيد والطب تطور اكيد في له علاج لحالته وربي كريم يايبه
ام ضاحي: لا مافيه ..
شهد: انا الي عندي قلت له وانتم بكيفكم
وتطلع وتصعد غرفتها ...
$$$$$$$$$$$$$$$$&&&
في قصـــر ماجد ..
هيفاء: جد ولدت وش جابت
مها ترضع ولدها خالد: بنت
هيفاء: اهم شي صحتها زينه وسليمه ..وعقبالي اولد
ماجد: البنت اول وحده اريح من الولد الولد متعب احس
ام ماجد: على حسب الولد اذا زي ولد اختك اعوذ بالله
ماجد: انا كنت هادي يوم كنت صغير
ام ماجد: حيل موكنت تاكل وتبكي من كثر هدوءك
هيفاء: ههههههههههههههههههههههههه
مها: شنو بتلبيسن في زواج اخوي
هيفاء: فستان حمل شنو بلبس
مها: خذي فساتين نانسي يوم كانت حامل
هيفاء: انا احب اللبسي شي ..من اختياري موفنانه لابسته ولا اميره ..احب استايلي الخاص
مها: الزبده نبيط تطلعين حلوه
هيفاء يرن جوالها: عن اذنكم
ماجد بعد ماراحت هيفاء: انتي ماراح تتادبين الا لمى يجيك شي جامد مني صح
مها: وشقلت انا (تروع ولدها من الصوت العالي) يمه ولدي تروع (وطت صوتها) وش قلت انا
هذا جزاي انو ابيها تكون كشخه
ماجد:شكرا على النصايح خليها لك
× × ×
* *
في مكان ثاني في القصر..
هيفاء: وشفيك شهد
شهد: يبغوني فرقوني هيوف
هيفاء: يفرقوني عن منو شسالفه روقي شهد
شهد: نواف يقول احتمال مايجيب ..وهم من اسمعوا اطلقي
هيفاء: ياربي شالاهل اي شي اطلقي لارهف الا اطلقي والحين انتي اطلقي.. خيييييررر مفكرين
الطلاق سهل ..
شهد: مابي وربي بمووت لو طلقوني ابي نواف
هيفاء: متى قالك
شهد:اليوم وحالته حاله سهران مانام..لوتشوفين حالته وربي تكرهين العيال
هيفاء: الله يعين ..
شهد:هو عطاني يومين
هيفاء: يومين شنو
شهد: افكر فيهم ..واقول لـ اهلي عن حالته
هيفاء: فكرتي..
شهد: بدون ماافكر شفتي حالته وهوفي غيبوبه ..كيف استحمل انا بمكان وهو بمكان وربي تصير بلاوي
لو بعدوني عنه
هيفاء: خلاص اصري على رايك واظربي عن كل شي
شهد: هذا الي بسويه
$$$$$$$$$$$$$$$$&&&
بعد مرور اسبوع على الاحداث ..
نواف كلم شهد وقالت له عن رايها وراي اهلها .. شهد اظربت عن الطعام والاكل واغلب يومها كله نوم..
امها وابوها مصرين على موقفهم من جهة الطلاق .. هيفاء ورهف واقفين معها.. اياد وماجد وسعود يحاولون
يطلعون نواف من الحاله الي هو فيه ....،
****
***
*
***
****
اليوم زواج مطلق على بشاير وجواد على سارا.. والكل فرحان وبسوط بالزواج ..
العصر الساعه اربع ونص ..في الحلاق
اياد: اول مره نحظر حلاق بدون نواف وبوجود سعود
سعود: ترى ماعندي مشكله ارجع الى البيت
ماجد: لاخلك..عشان نصير الشله المطروده
سعود: اول مره اشوفه بهالحال
اياد: صدمني بطرده لنا
ماجد: بصراحه ماتخيل نفسي بدون زوجتي
اياد: ولا انا
سعود: تصدقون عاد ماعمري شفت ناس سامجه زيكم
اياد: جاك العانس الغيور
ماجد ابتسم: ياخي تزوج ولاتقلقنا
سعود جا بيتكلم ..
ماجد قاطعه: اووش ياعانس ههههههههههه
اياد وسعود: ههههههههههههههههههههههههههههه هههههههههههههههه
$$$$$$$$$$$$$$$$&&&
من حلاق رجال الى مشغل حريم..
هيفاء تطلع من الحمام : رهــــــــف
رهف تركض لها: شنو فيه
هيفاء: ينزل عندي ماي شكلي بولد دقي على ماجد
رهف تركض وتاخذ جوال هيفاء من الشنطه وتدق على ماجد وهي ترجف من الخوف
: الوو ..ياشيخ ماني حبيبتك انا رهف .. ايه فيها تولد اخلص تعال المشغل
وترمي الجوال وتركض لهيفاء:حبيبي هيووف لاتخافين الحين بيجي ماجد بسرعه
وبعد دقايق جا ماجد وراحتك رهف معاهم... وانتشر خبر ولادت هيفاء..
× ×
* *
في المستشفى..
رهف وماجد ينتظرون ولاده هيفاء.. مرت على ولادتها ساعه ونص
ولا في اي دكتور طلع يطمن احد فيهم ..
ماجد بتوتر: وشفيهم ذول تاخروا
رهف: تراها ولاده مو شي سهل يطلعون روح من روح اهجد مكانك
ماجد : لاتكلميني
رهف:شدعوه انا الميته عليك
شوي تطلع الدكتوره: الف الف مبروك بنتكم حلوه ومافيها الا العافيه
ماجد: وهيفاء
الدكتوره: انت زوجها لاتخاف بخير بس تعبت شوي في الولاده بس الحمدلله البنت وامها بخير
ماجد: الله يطمنك
الدكتوره: عن اذنكم
يرفع الجوال ماجد ويبشر امه واهله .. اما رهف دقت على شهد تبشرها..
: شهووووود جا بيبي لنا هيوف ولدت
شهد بفرحه: اماااااانه جد
رهف: ههههههههههههه ايه
شهد: اي مستشفى بحاول اجي
رهف: مستشفى؟؟؟؟؟؟؟؟؟
شهد: بحاول اجي معنى ماظن
رهف: صورها لك وشوفيها
شهد: حياتي نفسي اشوفها
رهف: ان شاء الله تشوفينها
شهد: يلا بقفل بحاول في ضاحي يجيبني
وتقفل من رهف.. وتروح الى ضاحي جالس في الصاله ..وتوقف قدام باب الصاله..
: ضاحي ابي اروح المستشفى
ضاحي: ليه
شهد: عشان هيفاء ولدت
ام ضاحي: شفتي هيفاء اولدت ورهف بتحمل ان شاء الله وانتي
شهد: انا محرومه انا طول عمري كذااذا نفسي بشي بالموت اخذه نفسي يوم اقول ابي
تعطيني اياه يايمه من نفس وبدون هواش وصراخ
ام ضاحي: تبين روحي لعند خوتيك
شهد: انتي عارفه انا شنو ابي ..ابوس رجولك يايمه لاتحرمني
ام ضاحي بحزن: يابنت حسي انا ابي اشوف عيالك
شهد: في علاج..وبعدين قالوا احتمال مواكيد يمه طلبتك وبعدها ماراح اطلبك بشي
تكفين قولي موافقه ..شوفي حالتي يمه في غيابه
ام ضاحي اسكتت وناظرت فيها: خلاص براحتك سوي الي تبين
شهد: ابي رضاك يمه
ام ضاحي: خلاص بالليل اخلي ابوك يكلم ابوه ويقول متى الزواج
شهد انقزت وراحت الى امها وضمتها وبوستها: الله يخليك لي ياغلى واعز ام بالدنيا
$$$$$$$$$$$$$$$$&&&
في الزواج..
ام رياض تسلم على خوات نواف ..
ام رياض: وين امكم
ايمان: نواف تعبان واجلست جنبه
ام رياض تناظرهم: اي وحده فيكم خلود
ساميه تسحب خلود: هذي هي
ام رياض: ياهلا فيك انتي بالجامعه صح خلود
خلود: ايه بالجامعه
ام رياض: سلمي على امك يلا عن اذنكم
وتبعد عنهم وتدق على سعود: والله تعرف تختار
سعود: هااه زينه اقول حق عمري مبروك
ام رياض: والله لو موعارفه اخلاق اهلها كان شكيت فيها
سعود: والله ماعرف شكلها بس سامع صوتها واسمها
ام رياض: خلاص بخطبها لك ياقليل الادب..ولاعاد تقز في بنات الناس
سعود: احبك يمه وربي انتي احسن ام في الكون
ام رياض: لا ..زين بشرها لااخذتها
سعود: ههههههههههههههههههههه..عاد لا اوصيك مدحيني قدامها
ام رياض: بقول لها كان خير في البنات
سعود: هههههههههههههههههههههههههههههههههههههههههه
ام رياض: سكر لوعت كبدي
سعود: ان شاء الله بسكر.. جد يمه راح تخطبينها
ام رياض: اييه وبسوي زواجك مع اخوها خلاص ارتحت
سعود: اكيد ..
ام رياض: اجل فكني..تسكر التلفون في وجهه
$$$$$$$$$$$$$$$$&&&
بعد مرور اربع شهور من هالاحداث ..
احملت رهف.. وخطب سعود خلود.. كبرت بنت واسمهاروان ماجد وهيفاء.. وعبير ونجلاء انخطبوا لعيال تجار
وتحدد زواج شهـــد ونواف مع سعـــود وخلود..
تتسكر انوار القاعه .. ولافيه غير انوار صفره خافته .. وعلى موسيقى كلاسك يفتح الباب وتنزف شهد
عروس..
على طاولات المعازيم ..
عبير: شوفوا يعنني حامل الاخت رهف وخايفه على البيبي
نجلاء تفصخ دبلتها وتحطها بالشنطه : هم ياخذون جمال وفلوس وحنا استغفر الله
عبير: انتي شفتي خطيبي سيف وع قرف..كله من جهاد اخوي غصبني عليه
قال ايش كثر رفضك على الفاضي
نجلاء: دخيلك الي جمال طلال خطيبي يطيح الطير من السماء..
مالت عليها بنت الفقر تدلع بنتها من حلات بنتك..
بشاير: خلاص اتركوهم بحالهم موتزوجتوا خلاص خلوهم بحالهم
عبير: انطمي مواخذتي الي تبين وارتحتي قمتي تسوين علينا محاظرات
بشاير: انا اقوم احسن لي
×*× في عيون مايشبعها غير التراب.. لو يكنون اغنى ناس في العالم ..الي عند الغير يحلالهم .. هذا
ماقدر عليهم غير ربك ..حتى علاج ماظن في لهم!!×*×
× × ×
* *
على الكوشه..
شهد:رهف قلبي يدق بقوه خايفه
رهف: لاتخافين هذا دلع الزواج
شهد: رهييف مو وقت خبالك
رهف: لاجد .. كل العروسات يخافون من هالليله
شهد: انزين انا احس ارجف حيل
هيفاء تجي وهي حامله بنتها: فال لك تجيبين بنت كذا ..ماعلينا ليه ترجفين
شهد: خايفه حيل
هيفاء :سكر عيونك واخذي نفس عميـــــق وطلعيه
شهد تسوي زي ماقالت: يوه خف الخوف شوي
هيفاء: شلي من راسك نواف وتصيري بخير
شهد: مقدر متوصي فيني
رهف: ههههههههههههههه
هيفاء :رهف قريتي على عمرك
رهف: ايه
هيفاء: في وحده جات تكلم ام نايف وتقول زوجة اياد حامل ولا كانها حامل الي يشوفها يقول توها بنت
شهد: حسبي عليهم ناقصين عيون حنا
رهف: اي والله
جات لهم ..ايمان: حياتي رهف هيوف ساعدوها تغطي روحها بالطرف بيدخل نواف الحين
رهف: ماطولت
ايمان: وراها سفر وسعود وخلود
هيفاء يلا نلبس العبايات
×
*
*
دخل الصاله على صوت يبااب امه( او زغروطه او تلوولش او كلللوولووش هع) وراها خواته ماعدا خلود
لانها عروسه.. وبعدها بدت الطقاقه تدق ..هو مو حول كل هالعفسه كلها هو مركز على الي لابسه
فستان ابيض على سكري .. والطرحه مغطيتها .." ياطول الجسر" واخيرا وصل الى شهد
ورفع الغطى عنها: وحشتني يا اغلى هديه من ربي
شهد لفت وجهه مستحيه وترجف بقوه خايفه منه :...............
ايمان: الثقل فشلتنا صاير لك مفجوع
نواف: ايمان شوفيها طالعه قمر صاير تذبح
ساميه تظربه بكتفها: بسك فضايح اثقل
نواف :احاول
* * *
× ×
في المسرح بس على جنب ..
هيفاء: يارب ترزقهم باولاد
رهف: وتسعدهم يارب
هيفاء: واخيرا تزوجنا
رهف: ههههههههههههه وجبنا عيال
هيفاء: يارب ماتفرقنا..
$$$$$$$$$$$$$$$$&&&
وعلى الساعه 3 الفجر بعد ماخصل الزواج وسافر نواف وشهد .. وسعود وخلود راحوا الفندق يقضون
اول ليله مع بعض ..
كان سعودفي صاله جناحهم ينتظر خلود تغير ملابسها وبعد دقايق اطلعت له..
سعود رفع عيون وابتسم:واخيرا صرنا لحاله تعالي اجلسي جنبني
خلود اجلس على طرف الكنب من الخوف " ياربي هالمزاين يخفون حلاتهم بس تناظرين فيهم من بعيد"
سعود :قبل مااشوفك ابوي اكلمي لحم ودجاج.. يعني شبعان ماراح اكلك
خلود من الخوف ابتسمت واوقفت:.............
سعود قام ومسكها من يدها وجلسها جنبه: شفتي مافي شي يخوف ليه مرتبكه
خلود:ابي امي
سعود: شنو تبين منو
خلود: لاتصارخ عليّ تخوفني
سعود يناظر فيها بحنان ويقربها منه: ماصارخ ..في احد جنبه زوجه حبيبه ويقول يبغى امه ..
خلود تبعد: سعود انت قلت ماراح تسوي شي
سعود: وانا قلت لك شي ..تعالي عندي لك مفجأه حلوه
ويشيلها ويدخلها الغرفه..
$$$$$$$$$$$$$$$$&&&
وبعد مرووور ثلاث سنين
في قصر نواف بالعصر ...
نواف معصب واولاده التوأم يناظرون فيه واقفين جنب بعض وفهمهم كله شوكلاته واياديهم فيها شوكلاته
وشعرهم مورتب: ليت الدكتور طالع صادق في كلامه وماجبت عيال ..اعوذ بالله موتوأم عصابه
شهد: توك جاي استقبلهم بوجه بشوش.. لاتصارخ وتخرعهم
نواف: ولا اول ماجبتهم اشكال بريئه نسميهم عامر وياسر.. هذول لابق لهم بو صاطول بو خنجر
موعامر وياسر
شهد: هيييييه انت عيالي مارضى عليهم
نواف: توني جاي ابي ارتاح وصخوا الثوب.. نفسي يوم اطلع مع ربعي ارجع البيت مااعصب فيه
شهد: في مليون ثوب في الدولاب لاتصارخ عليهم
نواف: شليهم هالاغبيه
شهد تشليهم: تعالوا ماما اغسل فمكم ويدكم
ياسر يناظر ابوه يتفل عليه وعامر يضحك
نواف: غبي الي جيب عيال بعدكم
$$$$$$$$$$$$$$$$&&&
عند اياد ..
رهف : اياد خلنا نطلع بنايف و رنيم
اياد يتثاوب: رهف: توني جاي من عند الشباب ولا لي خلق اطلع مكان بكره اطلعك
رهف: كل مره بكره ..طفش
اياد: تبين اخذي العيال والشغاله مع السواق
رهف: الله يرحم ايام قبل تذبحني لاركبت مع السواق الحين روحي
اياد: يالليل رهف عن الحنه قلت بكره
رهف: اوووف نام هذا الي تعودت منك
نايف: ماما ماراح نطلع
رهف بخبث تهمس: بابا موراضي روح بوسه بقوه وقوله
نايف يروح لعند ابوه يصعد السرير ويرفع الغطى..ويجلس يبوس فيه ابوه ..
: بابا دووم يلا ابي اتلع الكورنيث
اياد يحسب نايف لحظه وضمه: نام بابا وبالليل اطلعك ودوى امك عندي
نايف: وحلللللل عني بابا مابعى انااام وحللللللل
اياد يبعد يده ويستسلم لنوم:.....
$$$$$$$$$$$$$$$$&
عند مـــــــاجد..
هيفاء تصحى من النوم:اوووووووف ..ماما روحي لبابا يفهم
روان: موراضي يفهمني اللعبه
هيفاء: طيب انا فني النوم .. ( تقوم تطلع من الغرفه) اووووووف ماجد لعبها سولها الي تبي
ماجد يلف عليها: ماني فاضي مشغول
هيفاء: ماجد انا ماصدقت جابر نام عشان انام وراه حس فيني شوي
ماجد: طيب طيب بعدين
هيفاء تدخل الغرفه وتقفلها ..
$$$$$$$$$$$$$$$$&&&
...سعــــــود
خلود رافعه وتلاعبها :حيات مااما انتي احبك انا
سعود يطلع منغرفة التبديل: ترى اسمعك انا لاتتحمسين على البنت
خلود تحط غلا على بطنها: ههههههههههه بعد حتى من البنت تغار
سعود: من كل شي عليك انتي من كل شي اغار
خلود: اجل بتتعب
سعود: كأن امي تبي غلا بسالفه
خلود: لا غلا تبيك بسالفه (تمد له البنت) امسك غلا وانا بنام تعبانه
سعود: ربي كنت حاس مالت تعالي يابنتي نطلع
خلود: حدك القصر .. تعدي القصرمن دوني قصيت رجولك
سعود: انخمدي
$$$$&$$$$$$$$$$$$&&
في الليل
اتفقوا يطلعون لحالهم زعلانات من ازواجهم تكشخوا وتزيون وراحوا مطعم لحالهم..
شهد: ههههههههههه احس رجعنا لـ ايام الدجه
هيفاء: من جد
رهف: نقفل الجوالات ولا نحطها صامت
هيفاء: لالا خلوها عادي واذا احد دق نعطيه مشغول
رهف: تذكرون منيره الولد الي لابس طوق ههههههههههههههههه
شهد: وجاب اخته منيره ههههههههههههههههههههه
هيفاء: كله قوم ورحتنا لراشد ونشوف الاماراتي خوزي عن طريجي هههههههههههه
شهد: شو هالرمسه ..جلس يخربط ولا ندري وين االله قاطنا
رهف: ويوم ندفع سعود قميه الجكت
هيفاء: تذكرون يوم ناخذ رقم زوج الاستاذه حق الرياضيات ونقوله تكفى عطنى الاسئله وقال لنا
سكروا لا اقول لـ استاذتكم
شهد: هههههههههههههههههههه احلى شي سواق باصنا شكري الشتاره
رهف: ههههههههه السين عنده محذوف ههههههههههههه
هيفاء: هههههههههههههههه
رهف : اياد يتصل .. يلا اووش (وتطعي اياد مشغول) هالمليق الابيض يزعلني ويتصل
شهد: احس بياضه هاليومين زايد زوجك
هيفاء: حتى ماجد هالدب
شهد: حلات رجلي الشوكلاته هههههههههههه
وقضة السهره على الضحك والسوالف ...
$$$$$$$$$$ $$$$$$$
وبذاك انتهت روايتي في الخميس..
12/ 12 / 1431هــ..
الموافق 18/11/2010
تمت ..،
تجميع
شموووخهــ
اللهم لك الحمد حتى ترضى وإذا رضيت وبعد الرضى ,,, اضف تعليقك