رواية لين متى والحال ماتغير -9
ليان " حامل .... يعني بيصير عندي عيال ... كيف و انا ما اعرف منو انا ولا اقدر اجوف " : عبدالله بسوي العمليه بأقرب وقت
عبدالله : خلاص الحين اهلج بييون انا بروح المطار
ليان : هااااا ليش المطار
عبدالله : عشان احجز علا اقرب طياره
ليان و هي ترتجف : طياره
سكرت عينها بخوف و هي ترتجف
عبدالله : ليان ... حبيبتي شو فيج
ليان : ماا اقدر .... ما اقد اركب الطياره اخاف
عبدالله : عادي انزين سوي العمليه هنا انا بس كنت ابا اوديج مستشفى ممتااااز
ليان : و أي دكتور هو الي بيسويلي العمليه
عبدالله : دكتور اعتقد اماراتي اسمه حسام
ليان : اهااا
عبدالله : الا تعاااالي ليش تسألين
ليان : هاا ... بس جذا اسأل
عصب عبدالله بس تمالك نفسه و سحب الكرسي ح1الها : انا بأكلج
ليان : لالا انا باكل بروحي
قرب منها عبدالله اكثر و قال : لا انا بأكلج ... فتحي ثمج
قامت ليان بسرعه فالصوب الثاني و بعدت عنه لين لصقت فاليدار
عبدالله : شو فيج حبيبتي
تمت ليان تمشي و هي تتحسس الايدار بايدها لين وصلت للباب الي يطلع برا
عبدالله : ليان وين رايحه
طلعت بسرعه و سكرت الباب و راحت ركض بسرعه لين ما تعبت و قعدت علا واحد من الكراسي
فجأه سمعت حد يناديها
..........: ليان حبيبتي ليش قاعده هني
لفت ليان لمكان الصوت و قالت : منو انتي
........: انا رنيم
فكرت ليان شوي و وقفت
مسكتها رنيم بسرعه
ليان : رنيم منو هاذا الي معاي بالغرفه ( كانت تريد تتأكد )
رنيم : حبيبتي هاذا ريرلج
ليان : انزين كيف اتأكد انه ريلي و انا ما اعرفه ولا حتا اقدر اجوفه
رنيم سكتت شوي و قالت : انتي عندج فقدان ذاكره مؤقت يعني بترجعلج الذاكره و بترجعين اتجوفين ..
ليان : انزين اممم ... انا قررت اسوي العمليه فأقرب وقت
ابتسمت رنيم : يعني اقتنعتي ... علا فكره كلهم ينتضرونج فالغرفه
ليان مسكت ايد رنيم بقوه : رنيم ... ما اريد ادخل ... انا طلعت من هني و..
رنيم : عادي حبيبتي عبدالله عاذرج ... تعالي يالله
ليان : رنيم ... لين ما نوصل ذكريني اي شي من الماضي
رنيم فكرت شوي عقب تمت تضحك : تذكرين يوم ابوي كان يقولنا الي بياكل حلويات قبل الاكل بيموت ... عقب يوم انتي كليتي حلويات قبل الاكل يبتي ورقه و كتبتي وصيتج و انسدحتي عالكنبه ... عقب طبعا كنا صغار .. جاسم دخل و جافج جذا جان ييخاف عليج تحراج متتي ... ههههههه عقب تمينا انا و انتي نضحك عليه
ليان كانت تسمع و راسها يعورها تحس بأحساس غريب : قوليلي موقف قريب ... وين كنا قبل ما هنا
رنيم : كننا فالمزرعه .. يقولون انج كنتي بتركبين حصانج اشقر بس طحتي منه
ليان زاد الم راسها : كملي ... اسمعج
رنيم : اممم بس هاذا الي صار ... و كان في شي اذكر كل ما نروح المزرعه تروحين مع شقرا عند الجبال ... مادري ليش و احيانا تاخذين معاج ربيعتج مروى
ليان حست ان الالم يزيد و مقاطع تمر من جدامها بس ما فهمت شي و ما قدرت تتحمل الالم اكثر فقعدت عند اقرب كرسي
رنيم : حبيبتي ليان شو فيج ... تتسمعيني
ليان كانت حاسه بدوخه و ألم ببطنها : همم
رنيم : تعالي الحين بنوصل
مسكت ايدها و كملت الطريق للغرفه
اول ما وصلت قعدت تسولف معاهم شوي عقب دخل دكتور
الدكتور حسام : السلام عليكم ... انا الدكتور حسام
رنيم حست انها سمعت هاذا الصوت من قبل بس كانت مشغوله فالموبايل
الدكتور : العمليه اتقرر موعدها بعد اسبوع ان شاء الله
ليان : ان شاء الله
طلع الدكتور
عبدالله : بقولكم خبر حلو
الكل طالع عبدالله
عبدالله : لالا خلاص ما بقول
الكل مره وحده : قوووول
عبدالله : ليان بتقولكم
الكل صار يطالعها
حست انهم يطالعونها : مادري
قرب منها عبدالله و همس فاذنها
ابتسمت و قالت : لا انت قول
عبدالله : انزين .. احم احم ... اسمعو ترا عندي خبر مررررره حلو
الكل يطالع بعصبيه
عبدالله : اممم بصراحه ما اعرف وين ابدا ... اقولها باختصار .. قريب بصير اب ان شاء الله
رنيم بابتسامه : صدددق
عبدالله : اكيد
قامت ساره و ضمت ليان مره ثانيه : مبووووك حبيبتي
ليان : الله يبارك فيج ...
رجعت ساره مكانها و الكل بارك لهم و الخ
بعد اسبوع
كانت قاعده و هي ترتجف .. اليوم العمليه و هي خايفه ما تجوف ابدا
في هذا الاسبوع اكث من مره حاولت تتذكر ايامها قبل بس دايما راسها يعورها عقب ترقد
دخل عليها عبدالله و قال : ليان حبيبتي تعالي الحين العمليه
طالعته ليان بخوف
عبدالله مسك ايدها : لا تخافين حبيبتي ان شاء الله بتجوفين ... لا تخافين حبيبتي
شدت علا ايده و وقفت معاه و راحو هم الاثنين لغرفت العمليات
دخلت الغرفه و بعد ساعتين طلعت منها
طبعا كانو رابطين عيونها بقطعت قماش و بيفتحونها بعد اسبوع
رجعو علاطول من المزرعه للبيت لنه الجامعه بدأت
اول يوم لبست ليان العباه و الشيله و نضارات شمسيه عشان تغطي عيونها و اتصلت بمريم
ليان : هلا مريم انا عند الباب
مريم : الحين وصلت ... لا تتحركين انا الحين بي
نزلت مريم و مسكت ليان من ايدها و راحو السياره
مريم : كيف حالج ليان
ليان : الحمدلله بخير
مريم : انزين يالله وصلنا الجامعه
ابتسمت ليان : انزين
مسكت ايدها و انزلو مع بعض للجامعه
دخلو المحاضره متأخر
الابله : يااا بنت ليش متأخره
مريم : ابله اسفه بس الطريق زحمه شوي
الابله : خلاص قعدو ... المهم خلونا نكمل شرح ... وين وصلنا ....
مروى كانت قاعده ورا ليان الي دخلت مع مريم
مروى : ليااان
ليان و هي تكلم مريم : منو هاذي
مريم : هاذي ربيعتج مروى ردي عليها
ليان : هااا مروى
مروى : ليش قاعده مع مريم و ليش لابسه نضارات شمسيه
استغربت ليان من سؤالها و خافت من السؤال الثاني فقالت : بعدين بقولج ... بعدين
............
رنيم و جاسم فالمستشفى
جاسم : رنيم ... الدكتوره هنديه
رنيم : هي هاذي نفسها
جاسم : ما يصير ما اريدها ببدل الدكتوره
رنيم : لا جاسم هاذي احسها زينه
جاسم : لا والله عيل انا بيبلج نحول مثلا
رنيم : ههههه جاسم اقولك هاذي الدكتوره زينه
جاسم : تعالي انا بجوف فالة التصوير
رنيم : لالا جاسم لا تدخل معاي
جاسم : ليش
رنيم : لا ما اريد استحي
جاسم : هههههه تعالي عن العياره بدخل يعني بدخل ابا اجوف البيبي فالكمبيوتر
...........
ساره : فهد
فهد : امري حبيبتي
ساره : انت تحب غاده
فهد : ليش
ساره : لنه يوم انت راقد ( بدت تصيح ) كنت تقول اسمها
فهد و هو يحاول يتذكر : انا اقول اسمها ... مستحيل ... انا احبج انتي مب هي
ساره : انزين ليش تقول اسمها
فهد : جوفي ساره انا عمري ما كذبت ولا بكذب بعدين انتي تحاسبيني عالكلام الي اقوله و انا راقد ولا و انا قايم
ساره و هي تبتسم : خلاص اسفه
...................
غاده و هي تكلم صديقتها : اقولج من يوم اتزوج هاذي البزر ما قام يكلمني و كل ما يكلمني يكلمني بطريقه غريبه جنه كالرهني
احلام : اسمعي انا عندي فكره
غاده : وش هي
احلام : تذكرين ام خلوف
غاده : هاذي مال الاسحار
احلام : هي هاذي الي تسوي الاسحار
غاده : شو فيها ام خلوف
احلام : شو رايج تسوينله سحر عشان يحبج و سحر عشان يكره زوجته
غاده : يعني اسويله عمل
احلام : هي انتي قوليله انج تبين تقابلينه اخر مره في حياتج في مطعم و حطي السحر الي بتسويه في عصيره مثلا
غاده : فكره والله ... خلاص اليوم بنروح
احلام : تصدقين كنت حاسه انج بتوافقين فأخذت معها موعد اليوم فنص الليل
غاده : خلاص مع السلامه
احلام : مع السلامه
.............
البارت 21 الجزء 1 من 2
مريم و هي تكلم ليان بهمس : ليان شو بتسوين عقب الحصه ... شو بتقوليلها
ليان : اصلا انا ما اعرفها عشان اقولها
مريم ( بعدها ما عرفت ان ليان فقدت الذاكره ) : كيف ما تعرفينها .. هاذي ربيعتج الروح بالروح
ليان و هي تفكر : صدق !.... اممم اذا كانت صدق ربيعتي الروح بالروح ليش تسالني ليش قاعده مع مريم ... ما احس اني اعرفها
مريم : كيف ما تحسين هههه ليان الضاهر انج فقدتي ذاكرتج
ليان بدهشه : كيف عرفتي
مريم بغباء : هااا .. كنت امزح
ليان : انا صدق فقدت ذاكرتي
مريم : هههه ليان انتي شو تقولين
ليان : اقول اني صدق فقدت ذاكرتي
مريم بدهشه : ليش ما قلتيلي
ليان : لنه فقدان ذاكره مؤقت
مريم : انزين عقب الحصه في بريك انتي لا تطلعين من القاعه انا بروح و بي بسرعه و اذا مروى كلمتج لا تردين عليها
ليان : انزين بس لا تتأخرين
بعد الحصه راحت مريم الحمام ( الله يكرم القراء ) و حطت لها مكياج خفيييف و رجعت الصف
اما ليان تمت قاعده مثل ما قالتلها مريم و فجأه حست بيد علا يبهتها .. ابتعدت بسرعه و هي منزله راسها
مروى : ليان فيج شي ... تعبانه ... ليش قاعده مع مريم البويه
انصدمت ليان .. بويه ... يعني انا كنت قاعده مع وحده شاذه ... قالت بسرعه : مريم بويه !
مروى : هههه ليان عن الاستهبال الحين احن نعرفها من الاعداديه
ليان و هي مازالت تجوف تحت : مستحيل
فهاذي اللحضه رجعت مريم
كانت القاعه ما فيها غير ليان و مروى
مريم بصوتها العادي : تعالي ليان
رفعت ليان راسها " مستحيل تكون مريم بويه "
مروى انصدمت من شكل مريم ... كان مختلف 180 درجه مع المكياج .. قالت عشان تتأكد : منو انتي
ابتسمت مريم : هلا مروى شحالج
مروى كررت سؤالها: منو انتي
مريم : ما عرفتيني ... انا مريم
ليان تكلم مروى : شكلج انتي الي فقدتي الذاكره
مريم مسكت ايدها بسرعه و نزلت معاها
لحقتها مروى علا طول : ليان صبري
وقفت ليان و لفت ورا
مروى : تعالي ابا اقولج شي
ليان : قوليلي الحين
مروى : بصراحه مب من عادتج تلبسين نضاره شمسيه مادري احس ان فيج شي ... عيل ليش لابسه نضاره شمسيه
ليان و هي مب عارفه شو تقول : هااا
مريم تبا ترقع الموضوع : انا قلتلها تجربها و عجبتها .... تعالي امشي معانا
مروى : لالا ما اريد انا بتم فالكلاس
طلعو مريم و ليان
قالت ليان بسرعه : مريم انتي بويه
مريم الي انصدمت من السؤال و في نفس الوقت استغربت قالت بهدوء : منو قالج اني بويه
ليان تركت ايدها و قالت : يعني انتي بويه صدق
مريم : لالا ليان انا مب بويه
ليان : عيل كيف مروى الي تقولين انها ربيعتي الروح بالروح تجذب علي ... تتحريني لني ما اجوفج تقدرين تلعبين علي
مريم : ليان صبري بقولج كل شي
وقفت ليان
مريم : انا كنت اكلمج منزمان عالموبايل ... ليان انا كنت بويه بس بعد ما كلمتج تغيرت ... صدقيني تغيرت عقب كلامج الي قلتيلي اياه
ليان حست ان راسها يعورها " كلمتني ... و تغيرت ... مريم بويه .. هي صح مريم البويه " حست انها تذكرت شوي بس زاد الم راسها
مريم حست بها و مسكتها بسرعه قعدتها علا كرسي : ليان ...
ليان : كملي كلامج
مريم : قلتيلي كلمات غيرتني ... و لين الحين ما نسييتها .. قلتيلي : مريم .... مريـ ـم لا تستسلمين ... تكفين لا تستسلمين ... الحل عمره ما كان التهرب .. لازم تحاولين تتغلبين علا نفسج قبل ما تتغلبين علا مشاكلج
حست ان راسها بينفجر .. عضت علا شفاتها التحتيه بقوه
مريم : ليان .. انتي بخير
ليان : مريم ... ااااه راسي
و طاحت مغمى عليها
مريم و هي تمسكها : ليان ... ليان بليز قومي
..................
رجعت رنيم من المستشفى مع جاسم
جاسم : رنيم المره اليايه ما اريد هاذي الدكتوره ما تفهم اقولها بنت ولا ولد تقول خرابيط تقهرررررر
رنيم : انت ليش تبا تعرف بنت ولا ولد و واااايد متحمس
جاسم : لازم اعرف لاااازم
رنيم : انت تريد ولد!
جاسم : عادي أي شي بس ابا اعرف
رنيم : جاسم .... انا ما اريد اعرف اذا بنت ولا ولد
جاسم : ليش
رنيم : لني احس انك تريد ولد ... و اذا يبت بنت ...
قاطعها جاسم : رنيم شو هالكلام .. بنت ولا ولد بيكونون عيالي يعني مستحيل افرق بينهم ..
.....
ساره : فهد انا خايفه على ليان ... بتروح الجامعه
فهد : لا تخافين حبي ما بيصير الا الخير ان شاء الله
دق موبايل فهد
فهد : الو
غاده : هلا فهودي حبيبي
فهد : غاده ... لا تتصلين مه ثانيه
غاده : يعني انت ما تحبني
فهد : حبتج القراده
غاده : انزين خلاص اذا انت تبا تفتك مني ولا تجوفني مره ثانيه ... ابا اقولك شي اخير
فهد : نعم
غاده : لالالا ما اقدر اقولك عالموبايل ... لازم اقابلك بمكان اذا انت صدق ما تبا تجوفني
فهد : وين و متا
غاده : اممم مثلا باجر فمطعم ........
فهد :انزين
سكر التيلفون و اتنهد براحه : خلاص ان شاء الله قريب بتطلع من حياتي
ساره : صدق ؟
فهد : ان شاء الله
..........
مسكتها مريم و حطت جدام خشمها عطر من عطورها و حست انها تحركت
ابتسمت بفرح : ليااان ... قومي يا ليان
ليان: هااا
مريم : قومي الحين بتبدأ المحاضره
ليان : مريم !
مسكت ايدها و وقفتها : يالله ما نريد نتأخر
( مرت المحاضره الثانيه و الثالثه و الرابعه بعدين رجعت ليان البيت
............
غاده : هلا احلام
احلام : توها خلصت الحين بيبلج العمل انتضريني برا
غاده :: انا انتضرج برا
وقفت احلام جدام البيت و عطت غاده العمل و راحت
غاده : بنجوف منو الي بيفوز .. انا ولا انتي يالبزر
.........
في اليوم الثاني و في المطعم
قاعده تنتضره بعد ما حطت العمل في العصير
لمحت حد ياي من بعيد
ابتسمت بخبث " بنجوف يا فهد انا ولا البزر"
تقدم منها و قعد : نعم شو تريدين
قالت و هي تشرب العصير : هدي اعصابك .. اشرب العصير عشان تهدى شوي
طالع العصير و شربه كله مره و حده و قال : ترا ما عندي وقت حقج
قالت بفرح : فهد انا احبك ما يصير تسوي جذا فيني
قال : هههههههه حبتج القراده اففف يايبتني لين هني عشان تقوللي احبك ... انا ما احبج
طالعته بتوسل : انزين فهد انا احبك و انت وعدتني انك بتخطبني .. احبك
فهد بعد ما وقف : مع السلامه
وقف و رجع البيت
..................
الجامعه
قعدت ليان مره ثانيه عدال مريم و قالت بصوت واطي : مريم
مريم : همم
ليان : امممم بعد 5 ايام يمكن اجوف .... " و سكتت شوي عقب كملت : و يمكن لاء
مريم حطت ايدها علا كتف ليان : لا تخافين ... ان شاء الله بترجعين اتجوفين و بترجعلج الذاكره عقب بترجعين نفس قبل
ليان : و يمكن ما اجوف مره ثانيه
مريم : اتوكلي علا الله
ليان حست انها بترجع ( تستفرغ , تزوع ) : مريم وديني الحمام
وقفت مريم و قالت : ابله ليان تعبانه بوديها الدكتوره
مسكت ايد ليان و طلعت معاها بسرعه عالحمام
دخلت ليان و رجعت كل الي فمعدتها ... عقب غسلت ويهها و ايدينها و طلعت
مريم : ليان .. شو فيج تعبانه ولا فيج شي
ابتسمت ليان بتعب : لا ما فيني شي
مريم : ليان متأكده انه فيج شي
ليان : تعالي نرجع الكلاس
مسكت ايدها و رجعو
مريم : اقص ايدي اذا ما فيج شي
ليان : خلاص مريم
مروى قالت من واهم : ليوون
ليان : نعم
مروى : ليش ما تردين علي يوم اتصل
ليان : هاا
مروى : تعالي اقعدي حذالي كرسي فاضي ابا اسولف معاج شوي
ليان : مروى ما اقدر
مروى : ليش
ليان قرت تخبر مروى عن كل الي صار : بقولج كا شي فالبيك
مريم بصوت واطي ما يسمعه الا ليان : شو بتقوليلها
ليان : الحقيقه
مريم : ليان ... لا تقوليلها شي الا بعد ما تنجح العمليه و ترجعين تجوفين
ليان : ليش
مريم : لنه مروى معروف عنها انها لو انصدمت تتكلم بصوت عالي .. كل حد بيسمعها المهم لا تقوليلها الا بعد ما تنجح العمليه و بعد عشان ما تشغلين بالها عن الدراسه
ليان : اهااا انزين .. اليوم عبدالله بيشلني للبيت ... وصليني بس لين السياره و انا بروح بروحي
مريم : انزين ... اقول ليان عندج اخو غير عبدالله
ليان : عبدالله مــ ـ ـــ
قاطع ليان صوت الجرس
" ترررررررن تررررررررن"
ليان : يالله نروح البيت
مسكت مريم ايدها : تعالي انا بوصلج
وقفت ليان و قالت : طيب
طلعو مريم و ليان و وقفو عند الباب
مريم : شو لون السياره
ليان بحزن : ما اعرف .... بس اكيد يوم يوصل عبدالله ينزل
مريم : شو كنتي بتقولين فالكلاس قبل ما يدق الجرس
ليان : كنت بقول ان عبدالله مـ ـــ
قطع عليها صوت الهرن
بييب بييييييب
لفو اثنينتهم و طالعو سيلرت عبدالله
مريم : هاذا عبدالله وصل
مشت نرين نع ليان صوب السياره
فتح عبدالله الباب و قال بفرح : لياان
مريم : يالله انا استأذن
ليان : مع السلامه
مريم : مع السلامه
راحت مريم
اما ليان ركبت السياره : عبدالله
عبدالله : عيون عبدالله
ليان : ذكرني .. امم اقصد قول لي عن ايام قبل عشان احاول اتذكر
عبدالله قعد يقولها و هي تحاول تتذكر
.........
جاسم : رنيم ...
رنيم : هممم...
جاسم : اتخيل يكون الي فبطنج يشبهني
رنيم و هي تتخيل : هههه
جاسم : شو يضحك الحين
رنيم : ولا شي ههه
جاسم : اقول اعقلي ... اممم رنيم
رنيم : همم
جاسم : اذا ربيتي بنت ... بتسمينها روعه صح
رنيم بحزن : هي روعه
جاسم : و اذا ولد ؟
رنيم : انت قلت حمدان .. و حمدان اسم حلو
جاسم ابتسم : يعني انتي راضيه
رنيم باستغراب : ليش انا قلت اني مب راضيه
جاسم : ما تريدين يكون اسم ولدنا عصام ؟
رنيم : ليش
جاسم : علا اسم ابوج
رنيم ابتسمت : لا عادي
جاسم : عيل ليش امس كنتي تتكلمين و انتي راقده و تقولين ما اريد حمدان اريد عصام
رنيم : اكيد كنت احلم
............
ساره كانت قاعده تطالع التيلفزيون و هي تنتضر فهد الي تأخر... كانت بتقولله انها حامل
سمعت صوت الباب
ابتسمت و قامت : فهد!
فهد " عيونه ... ليش ما اقدر اقول لها هالكلمه .. صعبه ": خييير
ساره اتجاهلت رده و قالت : فهد سوويت الغدا
فهد : ماني مشتهي اكل من ايدج
ساره حز بخاطرها و قالت ببرائه : ليش؟
فهد : بس جذا لنه الاكل من ايدج ايلوع الجبد ... ذلفي علا غرفتج
ساره بحزن و استغراب : فهد انا شو سويت لك ؟
فهد بعصبيه : قلتلج علا الغرفه
دخلت ساره الغرفه و هي تصيح
اما فهد قعد عالكرسي و حط ايده علا راسه : انا ليش قلت لها جي ... مب مهم .. غاده ... شو الي ياب غاده فبالي ... فديت غاده احلى من هاذي التيسه الي عندي
مسك التيلفون و دق علا غاده : الو حبيبتي
غاده بفرح لا يوصف : هلا حبي
فهد :اشتقتلج
غاده : و انا بعد ... فهد .. في واحد قال لأبوي بيخطبني الاسبوع الجاي
فهد بعصبيه : بيخطبج .. انا الحين بيي اخطبج حبي
غاده : صدق حبيبي .. بس ساره يا حرااام بتتكها فالبيت بروحها
فهد : تنجلع هاذي والله افففف تيسه ما تفهم
غاده : انزين حبي انا انتضرك
فهد : يعني بتوافقين
غاده : اكيد حبي
......
مرت 4 ايام
ليان رجعت لها ذاكرتها بس باقي بعض الاشياء الي لحد الحين ما تقدر تتذكرها
عبدالله : يساعد ليان علا انها تنسى و يحاول يرفع معنوياتها
مريم : كل يوم تروح مع ليان للجامعه و ما خبرو مروى لين الحين
رنيم : صارت بالشهر السادس و بطنها وااايد كبييير
حمده : تتجهز للملكه الي بعد اسبوع
خالد : كل يوم يتصل بس حمده ما ترد
ساره : كل يوم علا نفس الحال فهد يطلع الصبح و يرجع فليل
فهد : خطب غاده و الملكه بعد اسبوع يعني فنفس وقت زواج خالد و حمده
..........
فالمستشفى
ليان مسكت ايد عبدالله بقوه : انا خايفه عبدالله
عبدالله : لا تخافين حبيبتي ان شاء الله ترجعين تجوفيني
ليان : خايفه ما ارجع اجوف مره ثانيه ...... ابدا
رنيم : استعيذي بالشيطان ... بعدين قال لج الدكتور ان نسبت نجاح العمليه بس 40% و انتي وافقتي بس لا تخافين ترا اذا ما نجحت قال الدكتور بيعيدها
دخل الدكتور حسام : السلام عليكم
التفتت رنيم و انصدمت " الدكتور حسام ... اخو روعه " ابتسمت بشوق " روعه ... اههه يا روعه لو اعرف وينج و اكلمج "
نزلت راسها بحزن
قرب حسام لرنيم و قال لها : انا بفتح الرباط و انتي انتضري شوي عقب افتحي عينج ... و قوليلي اذا جفتي ولا لا .. لا تخافين اذا ما جفتي نقدر نعيد العمليه مره ثانيه ... و ان شاء الله تنجح
الممرضه : لا تخافيش اصلو الدكتور حسام عملياتو كولوهم نجحو و لله الحمد و هو افضل دكتور للعيون
اقتب حسام لها و فتحت الرباط و انتضر ردت فعلها
اما ليان حست انه فتحه .. ما قدرت تفتح عينها ... تخاف تفتحها و ما تجوف شي و تخاف ما تفتحها و ما تجوف .. كانت بحاجه للتشجيع من احد .. حسن بايد مسكت ايدها و ضغطت عليها عشان اتطمنها
فتحت عينها ببطئ و...........
ادري ان البارت قصير و ما فيه وايد احداث بس ترا هاذا الجزء الثاني و البارت القادم غدا ان شاء الله
انتضر توقعاتكم
فهد و ساره .. هل بتقوله ساره انها حامل و هل بتعرف انه سحر ؟؟ و هل بيتزوج غاده ..
ليان و عبدالله .. هل بترجع ليان تجوف و هل بترد علاقتها مع مروى ؟؟ و هل بتستمر علاقتها مع مريم ..
رنيم و جاسم .. بتلقى رنيم روعه و بترد علاقتهم وو شو سر روعه ؟؟ هل بتعرف رنيم سبب ابتعاد روعه عنها ولا بيضل السبب غامض ..
حمده و خالد .. كيف بتكون علاقتهم و هل بينفذ خالد تهديده ؟؟ هل بيستمر العرس ولا في حدث بيأجل أو بيبلغي العرس ..
انتضروني باجر او ورا باجر
البارت 22 الجزء 1
فتحت عيونها ببطئ و حست بنور خفيف ... بس ........
الدكتور حسام : اممم تقدرين اتجوفيني ( فتح اصبعين و قال ) : كم الرقم
نزلت دموعها و حطت ايدها علا ويهها و هي تشاهق
الدكتور حسام : لا تصيحين ان شاء الله بعيد العمليه بس مب زين تصيحين
حركت راسها بمعنى لا و قالت : رقم اثنين
ابتسم : انزين خليني افحص عينج
مسحت دموعها بحركه طفوليه و طالعت عبدالله الي قاعد عدالها ( اشتقتله و اشتقت لكل شي ااااه الحمدلله الحمدلله )
رجعت التفتت عالدكتور و فحص عيونها : الحمدلله ما في شي تقدرين تطلعين الحين بس تعالي اذا حسيتي بألم
حركت راسها بمعنى هي و لفت صوب رنيم و ابتسمت
قامت رنيم و لمتها بقووووه
طالعت كل الي حولها بفرح ( عبدالله ... رنيم ... الدكتور ... الممرضه ... كلهم اجوفهم ... انا في حلم ولا في علم )
رنيم : دكتور
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك