رواية لين متى والحال ماتغير -8
رجعت ترقد ... اما فهد فكان قاعد يتأملها " كيف اقارن غاده بهاذي الملاك البريئه ... غاده المتسلطه المتكبره المغروره بساره البريءه الي تحب الكل ... عاد هاذي ما تصير
سمع صوت الموبايل " غاده يتصل بك "
رد بضيج : هلا
غاده : هلا حبيبي
فهد : شحالج غدوي
غاده : بخير ... ليش صوتك متغير
.
فتحت عينها و سمعت فهد يكلم " يحبها .... و تحبه .. يعني هي تحبه و هو يحبها انا ليش احرمه منها انا لازم اوقف هالمهزله .. حرام يحليلها تحبه و مب قادره تاخذه "
.
سمع فهد صوت صياح ساره ... علاطووول فز من مكانه و سكر الموبايل عقب قال بخوف : ساره فيج شي ... تعبانه
قالت و هي معطيتنه و قالت بحزن : فهد انت ليش ما تتزوج غاده ... انت تحبها و هي تحبك يعني انا ما ابا اكون الحاجز الي بينكم
فهد بهدوء : اهدئي ساره شو تقولين ..... يعني انتي راضيه اني اتزوجها عليج
ساره : اذا كان هاذا الشي يسعدك و يريحك انا ما عندي مانع منه
فهد : ساره مستحيل اتزوج عليج و لو خلصو حريم العالم
ساره : لهاذي الدرجه انا بشعت صوت كل الحريم بنضرك
فهد : ساره بقولج شي .... انا ااحبج و ابا اعيد كل حياتي معاج من اول يوم تزوجنا
ساره بيأس : صعبه يا فهد ... صدقني صعبه
فهد : صعبه اذا انتي كنتي تريدينها صعبه
ابتسمت ساره و قالت : خلاص و انا موافقه
........
قرب منها زجاجة عطر ريحته قويه و حس بحركتها
ابتسم و قرب العطر اكثر
اما هي شمت ريحت عطر " اكيد هاذا عبد الله ... اففف وين مريم اريد اكلمها "
فتحت عينها بهدوء و ابتسمت ابتسامه صفرا يوم جافت عبد الله
عبد الله : ليان انتي تحسين انج بخير
ليان بتعب : الحمدلله .... ( و سكتت شوي ) مريم ما اتصلت
عبد الله : الا اتصلت بس ليش
ليان : ابا اكلمها
عبد الله : انتي اول قومي و ارتاحي عقب فكري فيها
ليان : عبد الله و الي يرحم والديك عطني ابا اتطمن عليها
عبد الله : لاااااا الضاهر علاقتكم مع بعض اكثر من مجرد صداقه ..... لا يكون هاذي اختج و انا ما ادري
ابتسمت : مريم صديقتي و بس
مسك الموبايل و مده لها : خذي ...
دقت علا مريم و عقب دقايق ردت
مريم : يا هلا بلونه
ليان بصوت واضح عليه التعب : هلا ... شحالج
مريم : ليان حبيبتي شو فيج .. .تعبانه او مريضه او اي شي
ليان : لا فديتج ما فيني الا كل خير
مريم : الحمدلله
ليان : و انتي شحالج
مريم : الحمدلله .. اقول ليان متا تخلص الاجازه
ليان : امممم اعتقد عقب اسبوع
مريم : وااااو اتصدقين اشتقت للجامعه
ليان : تراج انتي نورها ههههه
......................
باجر بكمل لني ابا ارقد الحين
GOOD MORNING
تكملت البارت
...........
مريم : هههه لا انتي نورها ... شمسها و قمرها
ليان : شمسها و قمرها مره وحده هههههههه فديتج والله
مريم : ليان قولي الصدق فيج شي احسج تعبانه
ليان : لا الحمدلله انا بخير
مريم : انزين شو رايج ترقدين الحين
ليان : توني ناشه من الرقاد
مريم : هاااااااااه ... يعني فيج شي
ليان : لالالا صدقيني ما فيني شي
مريم : انزين خلاص عيل علا الاقل روحي كلي
ليان : شبعانه
مريم : بليز ليان انتي تقولين توج قايمه يعني ما تغديتي بلييييييييز
ابتسمت ليان و قالت : بعد شوي بيزهبون العشا
مريم : خلاص ... اقول ليان امممم شو احلى لون عندج
ليان : امممم احلى لون عندي الفوشي
مريم : خلاص مع السلامه اكلمج بعدين
ليان : مع السلامه
سكرت التيلفون و طالعت عبد الله .... كان سرحاااان و يفكر ... قالتله بهمس : عبد الله تفكر بشو
ابتسم و قال : محد غيرج
عقب وقف بسرعه كأنه تذكر شي و جاف الساعه : صااادقه الحين بيحطون العشا تعالي كلي ... ولا اقول انتي تمي مني انا بييب لج العشا و بأكلج عشان اتأكد انج كليتي
ليان : لالا عبدالله انا تعبانه و برقد
قال عبدالله بسرعه : لالالالالا خلاص يعني لازم اشيلج معاي
ليان : عبدالله تكفى انا تعبانه برقد
عبدالله : انزين اول ما تقومين لازم تاكلين
ليان : انزين
...............
قعدت عاللاب و رجعت تقرا مواضيع
دخل جاسم بهدوء و قال : رنيم ... ما رقدتي
رنيم : ما فيني رقاد ... يالسه أقرأ
جاسم : اقرأ هههه دخيلج لا تقولين اقرأ قولي اقرى
رنيم : اي بس انا اقرأ ما اقرى
جاسم : انزين علشان خاطري
رنيم : خلاص انا اقر ـــــى
جاسم : انزين تعالي بنروح نتعشا
رنيم : انزين باقرأ هاذا الموضوع و .... اممم اقصد باقرى هاذا الموضوع عقب بلحقك
جاسم بابتسامه : لا انا بنتضرج لين تخلصين عقب تيين معاي
رنيم : انزين
...........
بعد يومين
نزلو نيم و ساره و ليان و حمده للمجلس عشان يسولفون
رنيم : منزماااان ما اجتمعنا
حمده : هي صح منزمااان
ساره : رنيم انتي بأي شهر
رنيم : امممم i dont know exactly
ساره : هههه اجوف صرتي تتكلمين انجليزي
رنيم : لالا صدق مال اعرف كم بالضبط بس المهم اني فالخامس
ساره : الخاااامس ... بصراحه الوقت يمر بسرعه ما شاء الله .. انزين بنت ولا ولد
رنيم : انتم ليش كلكم تسألوني هالسؤال .... انا ما ادري بنت ولا ولد
ساره و هي تقرب من رنيم : رنيم بطنج واايد كبير
رنيم : ههههههههه
حطت يدها علا بطن رنيم و قالت : فديتك تعال عند خالوه
حمده : هههههه ... ( لاحضت سكوت ليان ) ليان حبيبتي شو فيج
ليان : هاا .. لالا ولا شي
حمده : اممم ما قلتيلنا في شي فالطريج
ليان هزت راسها بمعنى لا
حمده : لا تخافين حبيبتي و لا تستعجلين عاد لاحقه عالعيال و الغثه
ليان ابتسمت و قالت : لا بس كنت افكر اذا كانت رنيم حامل بتوأم كيف بيكون شكلهم .. اتخيلتهم يشبهونها بالضبط هههههه ... الا ما قلتيلي شو بتسمونهم
رنيم الي فرحت انه اختها مب متضايجه : اذا بنت طيف و اذا ولد ححمدان
ليان : امممم خلاص انا زعلانه منج ليش ما تسمينها ليان
رنيم : هههههههه كان خاطري بس شو اسوي عاجبني اسم طيف
حمده : انزين ليش حمدان
رنيم : جاسم يريد هالاسم
حمده : اهاااا قولي من اول ... امممم ساروووه قوليلي في مشروع حمل تراني اتخيل البيت يكون متروس بزارين ههههه
ساره ويهها استوا احمر و قالت : لا
حمده : ههههههه تستحين من اختج ... الله يسامحج
رنيم : حمده ... خالد اتصل لج
حمده بدون مبالات : هي اتصل
رنيم : انزين انتي كلمتيه !
حمده : طبعا يعني حد بيتصل ما بكلمه
رنيم : طيب شو قلتيله
حمده : قلتله لا تتصل الا بعد الملكه
رنيم : انزين صدق لا تكلمينه الا بعد الملكه ولا تردين عليه
حمده بصوت واطي : انزين
.......
رجعت كل وحده جناحها
ليان : عبدالله بروح عند اشقر
عبدالله و هو يحس بصداع : انا بروح معاج مستحيل اخليج بروحج عند هاذا الحصان
طلعت ليان و معاها عبد الله للأسطبل
اول ما وصلو ركبت ليان شقرا و خلتها تمشي ببطئ بس اتفاجأت يوم سمعت صوت وراها
لفت راسها و جافت عبدالله قاعد عالارض و ماسك راسه بقوووه
صرخت بسرعه : عبدالله شو فيك
عبدالله كان يحس انه راسه يعووووره و مب قادر يتحمل
ارتبكت و ما عرفت شو تسوي و نزلت من شقرا بتهور بس شقرا ضربتها بقوه علا ريلها و صقعت في الارض بقوه
خف الم عبد الله شوي و خاف يوم سمع صوت شقرا .... رفع اسها ببطئ و انفجع من المنضر الي قدامه
كانت شقرا تركض و تبتعد عنهم ... و ليان طايحه عالارض نفس الميته
قال بصوت عالي : لياااااااااااااااااااااااااااااااااااااان
راح لها و هو يقاوم المه و جاف تحت راسها بقعت دم
خاف عليها و قرب منها علاطول مسك يدها و قال بخوف : ليان .... ليااان تسمعيني ... ليان ارجوج ردي علي حبيبتي تسمعيني
طلع موبايله من جيبه و اتصل عالاسعاف : الو تعال بسرعه مزرعت ..... جنب الشارع الخامس يمين عقب كمل الطريج لين تبتعد شوي و بتلاقي المزرعه .... بليز تعال بسرعه لا تتأخر فيه حاله طارئه بسرررررعه
سكر الموبايل و قب من ليان
قال لها بخوف : حبيبتي الله يخليج لا تتركيني ما اقدر اعيش بدونج ابدا ... قومي الله يخليج قومي حبيبتي قومي
..........
رنيم : جاسم ... بقولك شي
جاسم : هاااه
رنيم : اذا بنت لا تسميها طيف
جاسم باستغراب : ليش ... طيف اسم حلو
ابتسمت رنيم بألم و نزلت منها دمعه رجعت تفتح ابواب الماضي ... قالت بحزن : ابا تسميها " روعه"
جاسم باستغراب : روعه .... بس طيف احلى
هزت راسها بلا : روعه احلى
جاسم : انزين خلاص لا تصيحين بسميعا روعه ... بس اخاف تروع الناس ااذ سميتها روعه ... المهم لا تصيحين ترا دموعج غاليه
رنيم : بس اوعدني انك اتسميها اذا بنت .... روعه
جاسم : خلاص اوعدج وعد
.................
حمده الي ملت من المكالمات ردت و قالت بضجر : خالد لا تتصل علي
خالد : حمده ما اقدر اشتقتلج
حمده : افففف انت صدق مللتبي خلاص يا اخي اثقل شوي
خالد : ما اقدر احبج والله احبج
حمده : اسمعني يا خالد ... انا شعاري فالدنيا ( بلا حب بلا وجع قلب ) يعني لا تتعب نفسك لن يما اعتف بالحب بعدين انت متا بتوقف اتصالات كسر خاطري موبايلي تعب من كثر الاتصالات
خالد : يعني الموبايل كسر خاطج و انا ما كسرت خاطرج
حمده : لا انت ما كسرت خاطري .. طيب الحين بقولك كلمه و ما بعيدها
خالد : اتفضلي
سكرت حمده الموبايل و حطته عالسايلنت و فتحت البلاك بيري و ... الخ
................
ساره : فهد انا رجعت
فهد : تعالي حبيبتي
ساره : امممم .. فهد
فهد : عبون فهد
ساره : ابا اطلع برا اجوف ليان و هي تركب الحصان
فهد : انزين تعالي
مسك يدها برقه و راح معاها برا
....
اول ما طلعو انصدمت من المنضر الي شل كل حركتها
كانت ليان عالارض و عبدالله ماسك يدها و يصيح و صوت الاسعاف
تقربت بسرعه من ليان و جافت ويهها الازرق .... قالت بهمس : ليان ... قومي ليان ... الله يخليج قومي قومي
و بدت تصيح و هي تطالع ليان
اما فهد الي كان يطالعهم و هو مب عارف شو السالفه بس قاعد يسمعهم
....
وصلو الاسعاف و اخذو ليان علا السرير الابيض و ركب عبدالله معاها و هو ما وقف صياح
البارت الـ20 الجزء 1 من2
..................
في المستشفى
وقع عبدالله علا عمليه بسرعه و قعد ينتضر عدام الباب و دموعه تنزل بصمت
بس فاجأه فهد و ساره الي متوجهين صوبه
قعدت ساره حذال فهد و هي ما وقفت صياح و دموعها تنزل ورا النقاب
بعد ساعه كامله مرت نفس السنين طلع الدكتور
ركض عبدالله للدكتور و هو خايف : شو فيها دكتور هي بخير
الدكتور : الحمدلله العمليه نجحت بس ...
قاطعه عبدالله : اقدر اجوفها
الدكتور : هي الحين فالعنايه لين ما يتحسن حلاها و يستقر عقب بننقلها غرفه
عبدالله : انقلوها احسن و اكبر غرفه عندكم حطولها كل شي يريحها و انا بدفع كل الي تبونه
مسح دموعه و راح يقعد
اتنهد براحه و ابتسم بس اختفت ابتسامته يوم رن تيلفونه
عبدالله : الو
عصام : يا ولدي ليان بخي
عبدالله : هااا
عصام : طلعت من العمليات
عبدالله : هي الحمدلله بخير
عصام : احم كلنا جايين فالطريج
عبدالله : حياكم
ضحك عصام علا عبدالله و سكر و هو يحس بالراحه
بعد ساعتين دخل عبدالله علا ليان الي نقلوها غرفه خاصه قبل ما يعطي الدكتور فرصه يتكلم سكر الباب
قرب منها بهدوء و قعد عدالها
....
سمعت صوت تنفس قريب منها .. حاولت تفتح عينها بس حست انها مخدره ...
عبدالله : ليان حبيبتي تسمعيني .... الحمدلله عالسلامه حبيبتي
" حبيبتي ! " حاولت تفتح عينها بس بدون فايده
...
عبدالله جافها تفتح عينها و تسكرها قال لها مستغرب : حبيبتي فيج شي
" بعد مره حبيبتي .. منو هاذا !؟"
فتحت عينها مره ثانيه بس حست انها مغمضه عينها " انا متأكده اني فاتحه عيوني ... بس أنا ... انا منو و ليش انا هني و منو هاذا الي يقولي حبيبتي من الصبح
عبدالله مستغرب منها انها من اول ما فتحت عيونها و هي تطالع الفراغ : قلبي فيج شي ... حبيبتي اخواتج يريدون يجوفونج
" خواتي ؟؟؟؟؟؟ منو خواتي " قالت بتعب : انت منو ... و انا ...
قاطعها عبدالله يوم قام و فتح الباب
دخلت حنين و عصام و حنين تصيح
حنين : الحمدلله عالسلامه ... خوفتيني عليج
قالت لها و هي مب فاهمه شي : الله يسلمج
عبدالله " بعدها تطالع الفراغ ... ليش ما تلتفت و تجوف امها "
عصام : الحمدلله عالسلامه يا بنتي و ما تجوفين ش ان شاء الله
ليان ما تحركت من مكانها : الله يسلمك
ساره : الحمدلله عالسلامه ليان
ليان : الله يسلمج
قعدو يباركولها عالسلامه و هي ما ترد الا بكلمه وحده و هي " الله يسلمك "
طلع عبدالله يدور الدكتور اول ما جافه قال له : دكتور شو فيها ليان
الدكتور : انت منو
عبدالله : انا زوجها
الدكتور : معاك الدكتور حسام ... تفضل علا مكتبي
لحقه عبدالله للمكتب
الدكتور حسام : امممم للأسف زوجتك اصابها فقدان ذاكره مؤقت و ...
قاطعه عبدالله : شوووووو فقدان ذاكره مؤقت
الدكتور : استعيذ بالله من الشيطان .... هاذا قضاء و قدر
عبدالله : اعوذ بالله من الشيطان .... كمل
الدكتور حسام : و بعد زوجتك جاها ضربه علا مكان فالمخ مختص بوضيفت العين خلاها تفقد البصر
عبدالله بخوف : طيب ما فيه علاج
الدكتور حسام : نسيت اقولك شي ... مبروك زوجتك حامل و الجنين الحمدلله بخير
عبد الله : حاااامل
تلخبطت المعلومات عند عبدالله ( فقدان ذاكره .. فقدان حاست البص ... حامل ... ) : طيب دكتور ما في حل يرجع لها حاست البصر علا قولتك
الدكتور حسام : في عمليه نسبت نجاحها 40% بس لازم موافقت المريضه ... خذ وقتك و اقنعها لنه نسبت النجاح طال الزمن ولا قصر بتضل 40%
عبدالله : مشكور دكتور
جع عبدالله ركض لغرفتها و فتح الباب بسرعه
فزت ليان يوم سمعت صوت الباب يتفتح بقوه
عبدالله : ليان حبيبتي
سمعته ليان بس ما ردت
عبدالله : ليان ... حبيبتي ردي علي
ليان " منو ليان "
عبدالله : حبيبتي لياااان
ليان بعصبيه : لا تصرخ
الكل انصدم من ردها
عبدالله : ليش ما تردين علي
سكتت ليان و حست انه يكلمها ... قالت بصوت واطي : انا ليان ؟
طالعها الكل بذهول
رنيم : حبيبتي ليان شو تطالعين ... في شي مضايقج
كانت ليان تطالع الايدار
لفت ليان باتجاه الصوت و صوبت نضرها فوق رنيم بشوي و قالت بعد ما تغطت بلحاف المستشفى : انتو منو و شو تبون فيني
نزلت دموع رنيم : ليان حبيبتي شو فيج ... بشو تحسين
ليان لفت راسها فالغرفه يمين و يسار بس ما كانت اتجوف الا اللون الاسود حست انها تحلم ... حست انها ضايعه ما تعرف شي عن نفسها ولا عن المكان الي هي فيه ولا عن الاشخاص الي حولها
سمعت عبدالله يقول : ليان انتي تقدريت تجوفين .. انتي تتذكريني
رنيم : عبدالله شو فيها ليان
عبدالله : يقول الطبيب انه عندها فقدان ذاكره مؤقت و ( نزل راسه ) ما تجوف
انصدمت رنيم من كلام عبدالله
اما ساره الي ما وقفت صياح من اول ما جافت ليان فالمزرعه راحت لها بسرعه و ضمتها
حست ليان انه في حد انقذها من الضياع الي تحس فيه يوم ضمها
حطت يدها علا ضهر ساره و قربتها منها اكثر و هي مغمضه عيونها
ساره : ليان ... لا تمزحين معاي الله يخليج
ليان بهمس : امزح ؟ ليش امزح و انا ما اعرف منو انا ولا منو انتي
ساره : ليان انا اختج ساره
ليان : انزين كيف اتأكد انج اختي .... مب وحده تلعب علي و تقول كلام كذب عشان بصلحتها
ساره من سمعت هالجمله ما قدرت تتحمل اكثر و طاحت مغمي عليها
حست ليان ان ساره فيها شي و قالت بسرعه : ساره ... ساره
جاف فهد ساره و بسرعه راح لها و شالها و طلع و هو يناديها ... ساره ... ساره قومي حبيبتي
ساره بصوت واطي : مب وحده تلعب علي ... انا العب عليها
فهد فرح يوم سمعها تتكلم و قال بسرعه : ساره حبيبتي انتي بخير
ساره و هي ترتجف و تكرر نفس الجمله ( مب وحده تلعب علي )
رجع فهد للغرفه و قعد ساره علا واحد من الكراسي و هي مازالت تكرر الجمله بصوت واطي و دموعها تنزل
ليان عست بالذنب و قال : انا اااا اسفه ما كنت اقصد.... بس حطي نفسج مكاني ... انا ما اعرفكم ولا اقدر اجوفكم يعني ...
سكتت ليان شوي عقب قالت عقب ما انسدحت : ابا ماي
حط لها عبدالله ماي و عطاها
اما هي فشربته و رقدت
البارت الـ20 الجزء 2 من 2
اليوم الثاني
قامت من النوم علا صوت الموبايل
حركت يدها علا الطاوله اتدوره لين ما مسكته و ردت
ليان : الو ..من معاي
مريم : هلاااا ليان شحالج
ليان : منو انتي
مريم : ما عرفتيني ... انا مريم
ليان : مريم .... انتي شو تقربيلي
مريم : ليان ... شو فيج انا ربيعتج .. ليان تعبانه
ليان ما كانت عارفه شو تسوي فقالت : صبري شوي
حست بحد راقد عدالها هزته خفيف ( كان عبدالله )
عبدالله : همممم
ليان : امم انت منو
رفع عبدالله راسه و قال : صباح الخير
ليان : في وحده اسمها مريم متصله و ... ما اعرف شو اقولها اممم ... ما اعرف
مسك عبد الله الموبايل و قال : لا تخافين حبيبتي انا بكلمها
مريم : الو ... الووووو
عبدالله : الو ... هلا مريم اممم
مريم : شو صاير
عبدالله : ليان ... ليان تعبانه شوي و ما تقدر تكلمج
مريم : وين هي الحين
عبدالله : في المستشفى
مريم : أي مستشفى
عبدالله : مستشفى ال.......
سكرت مريم بسرعه و لبست لبس بنات و عباه و شيله و نقاب عقب طلعت بسرعه مع السايق للمستشفى مع انه كان بعيد
...
بعد دقايق وصلت مريم و طقت الباب
عبدالله كان في الكافيتيريا و كانت ليان بروحها داخل
قالت ليان بتعب : تفضل
دخلت مريم و سكرت الباب بهدوء : ليان ... شو فيج و ليش داخله المستشفى
كانت ليان قاعده و اتطالع تحت : ما اذكر
مريم : انزين كيف حالج
ليان : الحمدلله
حطت مريم باقة ورد علا الطاوله و هي مستغربه " اكيد ما عرفتني ... اصلا اذا عرفتني بتطردني علاطول
ليان : منو انتي
مريم : انا مريم
ليان : الي اتصلتي
مريم : هي انا الي اتصلت ...
ليان طول الوقت كانت تطالع تحت و منزله راسها : مشكوره عالورود
مريم : والله تستاهلين كل خير ... اقول ليان كم بتتمين فالمستشفى ترا الجامعه بعد 4 ايام
ليان : جامعه ! اي جامعه
مريم حست ان ليان مب طبيعيه : ليان فيج شي .. طالعيني و قوليلي فيج شي
اتوهقت ليان ... " كيف اطالعها الحين " : مريم انا تعبانه برقد
مريم : اول قوليلي شو فيج بعدين ارقدي
ليان طالعت جدامها و قالت : ما فيني شي
فهاذي اللحضه دخل عبدالله و ما جاف مريم قال : شحالج حبيبتي .. يبت لج أكـــــــ ــــ ( ما كمل كلامه يوم جاف وحده قاعده حذالها
قال : اااا اسف تحريت انج بروحج ... انا بطلع
طلع عبدالله بسرعه
لفت مريم علا ليان : منو هاذا
ما عرفت شو تقول " اقول لها ما اعرف و خلاص" : ااا ما اعرف
مريم " هاذا الي شلها قبل من المدرسه و قالتلي اخوها : هاذا اخوج صح
ابتسمت ليان و قالت : هههههه هي هاذا اخوي .... اسفه... المهم اااا مريم ..
مريم و هي شاكه بالي قالته ليان : انتي متأكده ان هاذا اخوووج ؟
لفت ليان بسرعه صوب مريم ( او بالاحرى صوت مريم ) و قالت : هي هاذا اخوي ... اخوي
مريم انصدمت لنه ليان كانت تطالع شوي يمين
مريم حطت يدها جدام عين ليان : ليان
ليان : هممم
مريم : انتي تطالعيني
ليان " كيف عرفت " رجعت تطالع تحت مره ثانيه
مريم : ليان لا تجذبين علي انتي ما كنتي اتطالعيني
ليان : هااا ....
مريم : قوليلي دخيلج ليان
ليان هزت راسها بمعنى لا
مريم نزلت دمعه من عينها و قالت : يعني انتي ما تجوفين ...
ليان : ما اعرف .. بس ما اقدر اجوف
مريم :ليان يعني ما فيه امل ترجعين تجوفين
ليان : مادري
مريم : انزين ليان امممم
ليان : هاا
مريم : عادي ليان تعالي الجامعه و انا بتم معاج .. لا تخافين تعالي معاي هاذا الكورس الاخير و تخلصين
ليان : مشكوره بس... ما اقدر اي معاج
مريم : ليش
ليان " يعني اقولج اني مب واثقه فيج ولا فأي احد " : ما اقدر
رن موبايل مريم : الو ..... لا ..... هيه انزين الحين بطلع بس دقايق ... مع السلامه
مريم : ليان بتيين معاي يعني بتيين ما يصير تضيعين عليج كورس ....
ليان و هي منزله راسها و دموعها اربع اربع : ما اقدر ...
مريم مسكت راسها و رفعته شوي و جافتها تصيح : ليان ليش اتصيحين ... لا تصيحين خلاص ان شاء الله ترجعين تجوفين نفس قبل .. يالله ليان انا استأذن
ليان : مع السلامه
طلعت مريم و دخل عبدالله : ليان يوعانه
ابتسمت ليان : لا ... اول شي تعال اقعد حذالي
استغرب عبدالله من طلبها بس قعد عدالها
ليان : شو اسمك.؟
عبدالله : انا عبدالله
ليان :ابا اعرف شو اسامي خواتي كلهم و امي و ابوي
عبدالله ابتسم : امج حنين و ابوج عصام .. و خواتج ساره و رنيم و حمده و ما عندج اخوان
ليان باستغاب : امبلى عندي
عبدالله : منو
ليان : انت اخوي ...
عبدالله : ليش انا بالذات اخوج
ليان ابتسمت : تتحراني غبيه ..
عبدالله : لا انا مب اخوج
اختفت ابتسامت ليان و قالت : عيل انت منو؟؟؟؟؟
عبدالله : انا ريلج
ليان بعدم استوعاب : هااااااا
عبدالله : شو تريدين تاكلين
ليان و هي مب فاهمه شي : عادي اي شي
طلع عبدالله
انسدحت و هي تفكر ... و فجأه يوم استوعبت شهقت و قالت : ريلي ... يعني انا متزوجه .... و يمكن يكون عندي عيال ... لالالا اكيد يمزح معاي عيل كيف مريم تقول اني قلتلها انه اخوي ... السالفه صدق معقده بس انا ارتحت لهالمريم و بروح معاها الجامعه .. و خواتي رنيم و ساره و امممم منو بعد .. حمده و امي حنين و ابوي عصام ... انا من متا ما اجوف من يوم انولدت ولا بس الحين ؟؟؟؟؟
الف سؤال و سؤال كان يدور فبالها و فرحت يوم رجع عبدالله و قالت بسرعه : تعال اقعد هني
قعد عبدالله و قال لها : ليش كل ما ادخل تقوليلي اقعد
ليان : ابا اسألك كمن سؤال
عبدالله : تفضلي !
ابتسمت ليان " اكيد كان يمزح " : انت كنت تمزح يوم قلت انك ريلي صح .... انت اخوي ؟
عبدالله : لنتي ليش مصره اني اخوج .. ليان انا ما امزح
ليان : انزين انا شو صار لي عشان افقد الذاكره
عبدالله : كنتي راكبه حصانج حقب طحتي و رفسج ... بس
ليان : انزين انا من متا ما اجوف
عبدالله : من قبل امس ... منزمان كنتي تجوفين عادي ... الدكتور قال انه في عمليه نسبة نجاحها 40%
ليان : 40% ... انزين امممم ...
عبدالله : حبيبتي ... فكري عدل قبل ما تقررين ( اتذكر كلام الدكتور ) هي صح بعد كنت بباركلج
ليان : ليش
عبدالله : لنج حامل .. مبروك
ليان " حامل .... يعني بيصير عندي عيال ... كيف و انا ما اعرف منو انا ولا اقدر اجوف " : عبدالله بسوي العمليه بأقرب وقت
عبدالله : خلاص الحين اهلج بييون انا بروح المطار
ليان : هااااا ليش المطار
عبدالله : عشان احجز علا اقرب طياره
ليان و هي ترتجف : طياره
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك