رواية عذبتني باسباب فرقاك -13

رواية عذبتني باسباب فرقاك -13

قاعده يمها وحاضنتها من جتوفها خلاص يا مريم خليها تولي هذي مريضة بالغيرة والحسد .. انتي مافيج الا العافية واليوم المفروض ما تزعلين وتصيحين .. ترى بعدين يهونون وما يرخصونج

مريم بضييق ما احبها .. ما احبها تكرهني وتكره لي الخير .. جرحتني يا مي

صوت من عند الباب ما عاش اللي يجرح بنت عمي الغالية

ابتسمت مريم بطيب قلب هلا بدر .. انت من متى هني ؟؟

بدر راح وقرب منهم مي استحت وبعدت عن مريم وقعدت على الكرسي اللي يمها

مد يده وسحب يد مريم وحط يده الثانية على يدها من لما كانت بنت خالتج هني

مريم استحت وسحبت يدها وعيونها تتنقل من بدر لمي ومن مي لبدر متفاجئة يعني انت سمعتها شقالت ؟؟؟

بدر اي سمعتها واشتكيت عليها عند الدكتور المسؤول عنها

مي تستاهل .. ان شاءالله يرسبها

مريم وهي عاضة على شفايفها حرااااااااام .. ميووو لاتقولين جذي ..

مي وبدر بصوت واحد مـــــــــــــــــريـــــــــــــم ..

مريم طالعتهم وضحكت وهم لما شافوها ضحكوا بعد بصوت واحد هههههههههههههههههههااااااااااااااااااييييييييييي

مريم وهي ميتة ضحك بس .. خلاص دمعت عيني من كثر ما ضحكت ... بدور خلاص والله ما اقدر ههههههههههاااااااااااااااااااااااييييييييييييي

بدر هذا اللي انا ابيه .. ضحكي واستانسي .. ولا شرايج يا مي

مي بفرحة تموت ما تتحمل لما يكلمها اي .. اي صح

بدر مي شفيييج .. صرتي مهبولة وكل شوي تخترعين

مي انحرجت ونزلت راسها وبان عليها الزعل

مريم شافت صديقتها اشلون تضايقت وحبت تنبه بدر بدوووور شفيييك .. زعلت رفيجتي

بدر لا هذا اختي والاخت ما تزعل من اخوها .. صح يا مي

مي ملت من هالكلمة مو قادره تتحملها اكثر شالت عمرها وطلعت من الغرفة

مريم انقهرت منه ودارت ويهها عنه

بدر مو فاهم شي مريوم شفيييج ؟؟؟ ليش درت ويهج عني ..

مريم ما ردت عليه كانت مقهوره منه

بدر راح قعد يمها على طرف السرير مريم انتي متى بتفهميني .. انا شاريج .. وأحبج وابيج لي .. مريم انا تعبت متى بتحسين فيني وفي قلبي

مريم بعدها ساكتة وما تبي ترد عليه وطبعا هذا هدوء ما يسبق العاصفة

بدر مصر على إلحاحه مريم انا عارف انج ما تحبيني بس صدقيني انا احبج .. وما اقدر اعيش من غيرج ... مستعد اضحي بكل شي عشانج بس انتي ارضي .. وعطيني فرصة

مريم طفشت وما قدرت تتحمل بدر انت شفيييك .. انت اللي ما تحس ولا تفهم .. مي تحبك .. تحبك من زمان وانت مو دراي عنها وطايح فيها تعذيب اختي واختي .. البنت تموت فيك تشتاق لك بكل لحظة ودقيقة .. تتعذب عشانك تنجرح وتصيح بس كاتمة بقلبها ..

بدر مصدووووووووم هاااااا .. مريم انتي شتقولين ؟؟؟

مريم اي يا بدر .. مي تحبك وانت تحبني بس انت بالنسبة لي مثل اخوي اللي ماما وبابا ما يابوه لي .. وانا بصراحة ما اقدر اخون صديقتي .. ولا ممكن ايي يوم من الايام تكون فيها حبيبي لانك حبيب رفيجتي

مي كانت واقفة يم الباب وهو مفتوح وسمعت كل اللي صار حست بقلبها ينزف وجرح كبير مستحيل احد يقدر يداويه هو الوحيد اللي بيده العلاج بس بيمنعه عنها كانت كل ماتنزل دمعة تمسحة بطرف كمها وتشاهق بدون صوت

بدر بس انا يا مريم .. احبج انتي

مريم ومي تحبك انت يا بدر

بدر زين انا شذنبي ؟؟؟

مريم ومي شذنبها ؟؟؟

بدر حط يدينه على راسه وصار يهزه بعصبيه وطلع عند الباب لقى مي واقفة وتصيح بصمت مشى عنها وهو بحالة ما يعلم فيها غير رب العالمين

نزلت مريم من على سريرها وحضنت مي تحاول تهدئها شوي وتخف من حزنها

هذي ثالث مره يطلب الدكتوره لجين وهي تحقره ولا تروح له بحجة انها مشغولة بجولة على المرضى

رن تلفون لجين ألو

............... بعد جم ساعة ناوية تشرفيني ؟؟؟

شتتوقعون علي بسوي في لجين عشان خاطر مريم ؟؟

لاحظتون ان علي بدت تنكشف أوراقه وتبين حقيقته ؟؟

رايكم وتوقعاتكم ؟؟

اتمنى لكم قراءه ممتعه

الجزء الثاني والعشرين

هذي ثالث مره يطلب الدكتوره لجين وهي تحقره ولا تروح بحجة انها مشغولة بجولة على المرضى

رن تلفون لجين وهي طبعا ما تعرف الرقم ألو

............... بعد جم ساعة ناوية تشرفيني ؟؟؟

لجين نست سالفة الدكتور هيييييي .. انت شفييك تصرخ .. احترم نفسك أحسنلك ... ولا باخذ رقمك وبشتكي عليك في الشرطة .. صج قليل ادب

سكرته في ويهه طوووووووووطططط

كان منصدم منها ومن سوء اخلاقها ما عطته فرصة يتكلم ومستغرب من جرأتها معقولة تعرف انه استاذها وتكلمه جذي

اتصل مره ثانية وثالثة ما ردت

عصب أكثر وراح لمركز الممرضات داخل الجناح واخذ التلفون واتصل عليها

لجين شافت رقم الجناح ردت بسرعة ألو ..

حاول يضبط أعصابه هذا اخر انذار لج انا انطرج هني بالجناح .. دقيقة اذا عدت الدقيقة وما ييتي بيصير اللي ما يسرج

لجين تغير صوتها تذكرت انه طالبها وهي ما راحت له وحبت ترقع السالفة دكتور أمير .. قصدي دكتور محمد أمير .. محد قال لي انك طالبني

محمد أمير اسمه الحقيقي اللي عائلة أكبري ماتدري عنه وجاهلة هويته الحقيقية

قاطعها بنفاذ صبر قلتلج اذا عدت الدقيقة بتشوفين اللي ما يسرج ....

وسكر التلفون في ويهها

لجين جاها مغص من شدة الخوف وكانت معاها زميلتها ومحمد أمير أستاذها ومعاهم زميل بس تخصص ثاني

لجين بخوف امبيييييييييييه .. صوته يخرع .. ما ادري شفيييه علي .. تقولين راجع من اجازته ومستحلف فيني وماعنده غيري .. اكا انتي ليش ما يتصلج

سمر زميلة لجين فاتحة عيونها ومستغربة من كلام لجين شنوووووو .. وانا شسويت عشان يتصلي .. مو تقولين انتي اللي مو مخلية مريض في حالة

لجين اقول امشي .. امشي خلينا نروح اصلا شكله شايب وضروسه طايحة شوية دلع مني وبيسكت

سمر متفاجئة يعني انتي للحين ما شفتييييه ؟؟؟

لجين لا ما شفته وانتي ؟؟؟؟؟

سمر توها بتتكلم الا شافت أمير واقف جدامها نزلت عيونها وسكتت

لجين عكسها رفعت راسها لان اطول منها طبعا وطالعته بعيون مليانه جرأه وتحدي وغرور لانها طبعا ما شافته ولا تعرفه ما تعرف غير اسمه بس شكله ولا مره شافته من داوم بالمستشفى

بس لما شافت جمال عيونه سرحت فيه وسكتت وهذا مو طبعها

هو كان ينتظر منها كلمة تدافع عن نفسها

بس هي لا ساكته وعيونها في عيونه وفمها مفتوح وصافنه فيه

هو مستغرب من سكوتها وقرر يصحيها من سرحانها ويحكم اعصابه عاجبج اللي سويتييييييه .. هذي مو أول شكوى تييني عنج ... انا مضطر اتخذ فيج الاجراء اللازم ..

لجين ساكته وهيمانه فيه ولا على بالها تهديداته

أمير جوووفي انا بصراحة ما يعجبني هالتصرف .. واللي سويتيه اليوم مستحيل يعدي على خير .. واعتبري نفسج من هاللحظة عايده سنة التدريب لاني نويت ارسبج

ومشى عنها وهو مصمم ان يكتب فيها تقرير يبين فيه أسباب تقييمه لها

اما لجين للحين ساكته ورايحة في عالم ثاني

سمر تهزها بقوه لولو شفييييييييج ... ليش سكتيله .. بيرسبج جان اعتذرتي قلتي اي شي .. جان ترجيتيه

لجين لفت ويهها وطالعتها سمر هذا استاذنا ؟؟؟؟؟

سمر مصدومة لجين انتي توج منتبهة .. لجين هدد انه بيرسبج

لجين اذا بيصير استاذي السنة الياية راضية بالرسوب

سمر انتي ينيتي .. شنو راضية

لجين بسعادة حلو .. ابيييييييييييه .. ابييييييييه لي بروحي .. لازم اطيحه بأسرع وقت ممكن .. حلو وغني وولد أكابر وفلوس وفوق هذا كله دكتور وعيونه جنان وشعره .. آآآآآآآآآآآه يا قلبي سموووووور ابييييييييييه

سمر بديتي بالاحلام .. انتي ما شفتيه اشلون مو مشتهي يكلمج .. وبعدين يمكن يطلع متزوج وعنده عيال

لجين خزتها هذي مو احلام .. هذي طموح يالذكية .. وبعدين مايهمني اذا متزوج ولا لاء .. ومو بكيفه بيشتهي يكلمني غصبا عنه

سمر شنو ما يهمج اذا متزوج هو غصب

لجين اي غصب اخذه من يد زوجته ولا اهتم ... مستحيل اطيره من يدي .. شهادتي بصوب وهو بصوب ثاني .. لازم اخذه لي لازم

سمر ما ردت ولا علقت لانها كانت مصدومة من كلام لجين كانت تتكلم بثقة وانانية فكرت بنفسها وما فكرت بأمير ولا وضعه وحالته

أمير مر على غرفة مريم بس ما دخل لان مي كانت هناك وهو لابس لبس المستشفى

راح مكتبة وغير ثيابه ولبس ثياب شغله في بيت أكبري واتصل لسكرتيره الخاص عشان ايي ياخذ سيارته وطلع بخطوات سريعة نزل اشترى لها بوكيه ورد جوري أحمر كبير ووصل للجناح اللي فيه غرفة مريم ووقف في الممر أكثر من ربع ساعة ينتظر مي تطلع عشان يدخل ويشوف مريم على أساس ان علي السيكيورتي

ولحسن حظه بعدها بدقايق طلعت مي لانها كانت تتكلم بالتلفون وبالغرف مافي تغطية

أمير استغل طلعة مي من الغرفة وراح بسرعة ودخل بدون حتى ما يطق الباب

مريم كانت واقفة وتطالع الرايح والياي كالعاده ما انتبهت لدخوله الغرفة

أمير حط البوكيه على الطاولة ومشى بخطوات هادية ووقف وراها

هي ما كانت حاسة فيه بس يتها رعشة بروده ضمت يدينها مع بعض وطلعت صوت من داخلها

ما قدر يتحمل أكثر قرب منها أكثر وضمها من وراها يحاول يدفيها

مريم عرفته من ريحته ما تحركت كانت محتاجة لحضنه بس حاولت تكون هادية

أمير كان مغمض عيونه ويتنفس هواها

مريم كانت دمعتها حارقة عيونها خصوصا لما نزلت خصلات من شعره على رقبتها وانفاسها صارت تتسارع

صار صوتها يرجف شـــ ــــتـــ بـــ ـــي مـــ نـــ ـــي .. انـــ ــــتــ .. مــ ـــو رحــ ـــت وتــ ـــ ــــركـــ ـــتـــ ــنـــ ـــي .. خــ ــــلــ ـــ ـــنــ ـــي فــ ــــ ــــي حــ ـــ ـــــالــ ـــ ــــي .. حـــ ـــ ــــرااااام لا تــ ـــ ــــعــ ـــذبــ ـــ فـــ ــــ ـــي قـــــ ـــــلـــ ـــبــ ــــي أكــ ـــثــ ـــر أنــ ـــ ـــاااا مــ ـــ ـــريــ ـــ ـــضة

أمير شد في ضمته مريم انا ما رحت انا يمج .. مستحيل ابعد عنج

وخف حضنته ومسكها من جتوفها ودار جسمها وصار ويهه قريب من ويهها وجسمه قريب من جسمها وعيونه في عيونها

مريم انا أحبج .. اي حبيبتي أحبج .. انا سمعت لقلبي وتركت عقلي .. قلبي وروحي يبونج بس عقلي كان رافض .. مريم شوفي يدي وشوفي جسمي شوفيني اشلون ارجف .. شوفي لمعة عيني هذا حبج يا مريم

اخذ يدها وحطاها على صدره حسي بنبضات قلبي شوفيها اشلون يدق .. مريم كل دقيقة فيها حلم وأمل يديد وحياه حلوه ما تسوى اعيش فيها دقيقة بعيد عنج .. صدقيني حاولت انساج واشيلج من عقلي وقلبي لكن حتى لو شلتج من عقلي بس من قلبي وروحي مستحيل .. انتي ياروحي سكنتي الروح والقلب .. انا مستحيل اتنازل عنج لو شنو يصير اتنازل عن روحي ولا اتنازل عنج انتي حياتي ومستقبلي .. انتي احلى هدية ربي رزقني فيها ....

مريم غرقت عيونها بالدموع فرحانة وزعلانة بنفس الوقت فرحانة بتغييره واعترافه بحبه لها وزعلانة لان كلامه بذاك اليوم يتردد ويرن بإذنها

رفعت ذراعها وحررت نفسها منه انساني يا علي .. انساني

أمير مصدوم شنوووووو .. انساااااج .. مريم انتي شتقولين اشلون تبيني انساج ... لييييش يا مريم

مريم ما كانت تبي تقوله عن اللي سمعته بذاك اليوم بس سكتت وغيرت أسبابها انا ما اصلح لشي .. علي انا مريضة .. وعمري قصير

أمير كل شي مستعد يتحمله الا الموت ما يقدر يتحمل طاري الموت حط أصابعه على فمها وبصوت رايح وغالبة عليه بحة الحزن اصصصصصصصصصص .. ما ابي اسمع منج كلمة موت .. ربي يجعل يومي قبل يومج .. انتي مو مريضة ..

مريم بدى يعلى صوتها انا مريضة يا علي .. قلبي ضعيف مشوه .. بمووووووووت ابعد عني ..

أمير اخذها وضماها لصدره قلبج بيطيب بعملية وحده بتصيرين أحسن من قبل .. حبيبتي لا تستسلمين وترضيين بالمرض .. قلبج مو ضعيييف .. قلبج قوي وعمرج أطول من عمري

مريم بعدت عنه وبهستيريا انت شدراك بقلبي ليكون عبالك دكتور وانا ما ادري

أمير تغير لونه انا صح مو دكتور .. بس صدقيني احساسي يقول انج بخير وربي بيحفظج ويحميج لي ...

مريم كانت تبي تفهمه بس مو قادره انا ما احبك ولا ابيك اطلع برى .. روح وخلني بحالي

أمير جذااااااااااااااااابة .. لو شنو تقولين ما اصدق .. انا عارف انتي شقد تحبيني .. لاتكابرين يا مريم .. انا مستحيل اتنازل عنج .. أنا أحبج وأبيييييج

مريم خلاص مو قادره تتحمل اكثر وسااااااااااااره يا علي

أمير مو فاهم شي اي سااره ؟؟ قصدج بنت عمج ؟؟

مريم وهي معصبة اي .. ساره بنت عمي

أمير اي اشفييها ساااااااره .. شدخلها فينا ؟؟

مريم متفاجئة منه بعد تستهبل ؟؟ ولا اقولك تتناسى احسن .. وتسوي روحك ما تعرفها

أمير مصدوم منها ومن اتهامها له والله حبيبتي انا ما اعرفهم بنات عمج .. اعرف اشكالهم اي بس اسمائهم ما اعرفهم .. ما افرق بينهم .. انا ما اعرف الا مي

مريم اي عشان تكمل التمثيلية وأصدقك .. بس انا مو غبية يا علي انا ادري انك تحبها وهي تحبك

أمير كأنه احد راشه بماي بارد فتح فمه وعينه يبي يستوعب الكلام اللي قالته مريم انتي صاحية ؟؟؟؟ عارفة شتقولين ؟؟ لا أكيد ما تقصدينه

مريم اقصده يا علي انت تحبها هي ما تحبني انا .. سمعتك بإذني تقولها هالحجي

أمير ضحك بخفة وكأنه يبيها توضحله أكثر متى ؟؟؟؟؟؟؟؟؟

مريم ليلة الباربيكووو .. بعد ما عزفت على البيانوو انت وياها اختفيتوا مره وحده

أمير اي .. وبعدين ؟؟؟؟؟؟؟؟؟؟؟؟؟؟؟!!!!!!!!!!!!

مريم تمسح دموعها بظهر يدها وهي تشاهق اي رحت وراكم الملحق لقيت الباب مفتوح وانت معاها بالغرفة وتكلمها وتشكيلها

أمير كان ساكت يتذكر اللي صار

مريم شافت سكوته عصبت أكثر وزادت شهقاتها وتأكدت ان كلامها صح لانه ما نطق ودافع عن نفسه

أمير ما كان متذكر شي اللي كان يحظره انه دخل الحمام واتسبح وكان عقله وقلبه معاها بس محد غيرها في حضورها وفي غيابها معاه من ذيك الليلة وحياته كلها متغيره احاسيس ومشاعر يديده تتدافع وتتداخل مع بعضها

ابتسم بهدوء واخذها في حضنه بس مريم مسرع ما دفعته بيدنها على صدره وبعدته عنها

ابتسم مره ثانية وقال اوكي .. اوكي .. اذا انتي مصدقة اني ممكن اخونج مع بنت عمج .. انا ما بيدي شي .. ولا أقدر أدافع عن نفسي .. وكل اللي أقدر أقوله لج .. انج ما توثقين في قلبج .. وحمدلله على سلامتج مره ثانية

ودار جسمه عشان يمشي اتفاجأ بمي واقفة تسمعهم وتشوفهم لف ويهه بضيييق وطلع من الغرفة

مي كانت حاطة يدها على فمها وعلى ويهها أكبر علامة تعجب

مريم حست انه راح دارت ويهها لقت مي في ويهها وفاتحة ذراعها لها ضمتها بقوه وصارت تصيح من قلب

مي تمسح على ظهرها خلاص حبيبتي .. لاتصيحين هدي أعصابج ...

مريم تشاهق وتصيح بصوت عالي أحبه يا مي .. أحبه موت ... أحبه .. أحبه .. هاههئئئ

مي خلاص مريوم ان شاءالله خييير .. هدي نفسج .. انتي متى حبيتيه ما كان يبين عليكم

مريم هدأت وابتسمت من بين دموعها انا حبيته من اول يوم .. من لما شفته بدمه .. من لما مسك يدي بعد ما دخلتكم عليه تشوفونه .. من اول مره حضنته .. من لما انقذنا من اللي كانوا خاطفينا انا وانتي بذاك اليوم .. قربنا من بعض أكثر وأعترفت له بس هو رفضني عشان انا بنت أكبري وهو سكيورتي فاقد هويته .. مي بذاك اليوم وداني البحر ونزلت امشي على الحصى داخل البحر لين ما حاشني جزاز شق ريلي ودخل داخل .. حملني ووداني المستشفى وكان قريب مني بس مو عشان انا حبيبته لا عشان انا مريم بنت محمد أكبري اللي يشتغل عنده .. تعبت وانا احاول معاه بس هو رافض .. ولما حس بغلطته وراح ورى قلبه فات الفوت سمعته وهو يكلم ساره ويقولها انه ما يقدر يعيش بدونها وانه يحبها ويبيها ...................

مي قاطعتها بتساؤل انتي شفتيهم مع بعض ؟؟؟؟

مريم لا ما شفتهم سمعتهم ..

مي يعني سمعتي ساره وهي تكلمه ؟؟

مريم لا سمعته هو .. هي كانت ساكته

مي يعني مو أكيد كانت موجوده .. ولا كانت بتتكلم معاه وبتسمعينها

مريم لا اكيد .. وبعدين ليش تتكلم وهو قاعد يقولها مثل هالكلام

مي مريووووووووم .. حبيبتي لا تستعيلين في حكمج عليهم .. انا سمعته مبين عليه صادق في كلامه

مريم عشان يبرئ نفسه .. ويطلعني غلطانة وشكاكة .. انتي نسيتي لما كنت ادور عليها ما لقيتها دورت عليها بكل مكان ما لقيتها وسالتج وسألت فاطمة محد كان يدري عنها وكنا بنص الليل يعني وين بتروح

مي مريوم يمكن كانت بالمطبخ ولا بالحمام مو شرط يعني

مريم اقولج دورت عليها بكل مكان بالفيلا وبالحديقة ما لقيتها حتى بغرفة السكيورتيز ما لقيتها وهو بعد ما كان هناك ولما رحت الملحق سمعته يصرخ .. وبصراحة مو معقولة يصرخ بروحه

مي حبيبتي علي باين عليه ان يحبج وانتي تحبينه ليش ما تعطينه فرصة يفهمج اللي صار

مريم ما ابي خله يتهنى معاها .. وانا ما ابي اخسر بنت عمي عشانه .. وهي معجبة فيه وحابته .. انتو يا مي اهلي انتي وساره وفاطمة وبدر بعد ماما وبابا ما عندي غيركم ما ابي اخسركم .. انا ما بعيش وايد .. صرتوا كلكم تعرفون عن مرضي .. انا عمري مو طويل

مي ما قدرت تتحمل صاحت مريوم لاتقولين جذي .. انتي وعدتيني بتحضرين زواجي .. وانا وعدتج احضر زواجج .. انتي ما شفتيني كنت بموووت خفت يصير فيج شي .. واصير وحيده بدون اخت

مريم حضنتها ان شاءالله اوفي بوعدي حبيبتي لا تخافين

مي بتحضرين زواجي وبترقصين فيه ؟؟؟؟

مريم ان شاءالله

مي وانا بعد بحضر زواجج انتي وعلي

مريم لفت ويهها وما عجبها كلام مي

مي مريم سمعيني .. الحب ايي مره وحده بالعمر .. لاتضيعين علي من يدينج انتي تحبينه وهو يحبج حرام تسوين في عمرج جذي .. والله باين عليه انه صادق .. انا شفته وهو طالع عيونه كانت تدمع وهو يكابر كل هذا عشانج يا مريم .. اسمعي مني انا اختج مو بس رفيجتج .. انتي تعذبتي وهو تعذب .. بس الحين كل شي تغيير .. حمدي ربج ان صحى وحس على روحه وتلحق هالحب قبل ما يضيع من بين يده .. ساعديه وقفي يمه .. عمري هالحب لا تهدمينه .. كافي صياح .. كافي دمووع .. كافي حزن وهموم .. اليوم اللي يروح بالعمر ما يرجع .. عيشي اللحظة بلحظتها .. ارمي كل شي ورى ظهرج .. لا ساره ولا غيرها بتنفعج اذا علي راح من يدج .. وشفتيه مع غيرج .. صدقيني بتتمنين الموت ألف مره ولا تشوفينه مع غيرج

مريم كانت تسمع كلام مي وتفكر فيه زين بين رضى وقبول وبين رفض وزعل عايشة أكبر حيرة في حياتها

تتوقعون مريم بتغيير رايها وبتسامحه ؟؟

وشنو سالفة محمد أمير ؟؟ ليش شخصيته الحقيقية مجهولة جدام مريم وأهلها ؟؟

الجزء الثالث والعشرين

مي مريم سمعيني .. الحب ايي مره وحده بالعمر .. لاتضيعين علي من يدينج انتي تحبينه وهو يحبج حرام تسوين في عمرج جذي .. والله باين عليه انه صادق .. انا شفته وهو طالع عيونه كان تدمع وهو يكابر كل هذا عشانج يا مريم .. اسمعي مني انا اختج مو بس رفيجتج .. انتي تعذبتي وهو تعذب .. بس الحين كل شي تغير .. حمدي ربج ان صحى وحس على روحه وتلحق هالحب قبل ما يضيع من بين يده .. ساعديه وقفي يمه .. عمري هالحب لا تهدمينه .. كافي صياح .. كافي دمووع .. كافي حزن وهموم .. اليوم اللي يروح بالعمر ما يرجع .. عيشي اللحظة بلحظتها .. ارمي كل شي ورى ظهرج .. لا ساره ولا غيرها بتنفعج اذا علي راح من يدج .. وشفتيه مع غيرج .. صدقيني بتتمنين الموت ألف مره ولا تشوفينه مع غيرج

مريم كانت تسمع كلام مي وتفكر فيه زين بين رضى وقبول وبين رفض وزعل عايشة أكبر حيرة في حياتها

مي مريوم صدقيني .. الفرصة تيي بالعمر مره وحده لا تضيعينها من يدينج

مريم قامت وقفت يا الله مي مليت متى بنرد البيت

مي الحين بنمشي .. وقع دكتورج على الرخصة .. بس ننطر الادوية بروح اشوفهم اذا جهزوا

مريم دكتوري ودكتوري وانا ولا مره شفته

مي مريوم مناوباته كان بالليل لما تكونين نايمة .. انا بعد استغربت بس قالو لي ان يمرج بنص الليل

مريم شهالدكتور الغريب احد يزور مريض بنص الليل لما يكون نايم

مي بعد حظج جذي .. انا بروح اشوف ادويتج

طلعت مي وخلت مريم تفكر في كلامها افففففففففف .. شهالحالة .. انا متى بنساك يا علي .. اطلع من راسي وقلبي .. حبك صار حمل ثقيل على قلبي .. واخاف اني ما اقدر اتحمله أكثر .. لازم انساك انت مو لي .. مو لي ياعلي .. أحبك بس مو على حساب ساره .. انا كل اللي ابيه اعيش اللي بقى من عمري بسلام .. ما ابي اخسر احد ابي اهلي كلهم حوالي ..انت بتكون مع ساره ومي مع بدر .. انا بكون مرتاحة جذي .. انا ما ابيك تتعلق فيني وبعدها اموت وتزعل علي .. أحبك يا جرح قلبي ودواه .. أحبك يا عذاب روحي ورضاها .. أحبك يا دمعة عيني وحزنها .. يا بسمة شفاتي .. يا ألمي وفرحتي .. آآآآآآآآآآآآآه يا علي .. مشتاقة لك .. ابي اموت بين يديك وفي احضانك ..

مسحت دمعتها بسرعة لما حست بخبطات كعب مي وابتسمت لها وينج تأخرتي ؟؟؟

مي يالله قومي .. لبسي العباية اللي يبتها لج على بجامتج ما يحتاج تغيرين بكبرج تعبانة .. الادوية جاهزه ناخذها واحنا طالعين

مي ساعدتها في لبس العباية وطلعت شعرها ونشرته برى العباية وصارت تمشطه بأصابعها وبعدها راحت للمنظره اللي على المغسل ورفعت حواجبها بيدها ومسحت خدودها بهدوء ورطبت شفايفها بلسانها وابتسمت بحزن وطلعت من الغرفة اللي كانت تجمعها فيه طول الليل وهي ما تدري

ركبت سيارة مي وسندت راسها على السيت وغمضت عينها

مي ابتسمت وكملت طريقها لبيت ابو مريم

على البحر

كان قاعد على صندوق سيارة ابراهيم وعيونه على موج البحر والهوى يطير خصلات شعره وهو حاط يده على شعره يحاول يلم خصلاته

ابراهيم وانت عاجبك حالك جذي ...

زفر زفرة ألم أكيد لا ..

ابراهيم زين لمتى .. لمتى يا أمير .. شكلك نسيت انت من وولد من ...............

قاطعه بصرااااخ لا ما نسيت يا ابراهيم ..

ابراهيم لا احب اذكرك لان اللي اشوفه انا العكس انت يا دكتور محمد أمير سلمان كراشي .. مو علي السكيورتي واللي صار فيك مو شوي .. انت يا أمير نسيت نفسك وشغلك وحياتك وأهلك وناسك من رحت بيت محمد أكبري .. حتى الهدف اللي انت رحت عشانه نسيته

أمير قام ونط من على الصندوق ما نسيت .. والله ما نسيت .. واللي صار غصبا عني اللي صار .. يا اخي قلبي مو بيدي حاولت احكمه بس ما طاعني .. احبها واحب كل شي فيها .. صدقني مريم غير .. صافيه.. قلبها طيب انسانة هادية وصادقة وروحها حلوه ..

ابراهيم اي وبعدين .. درينا انك تحبها وحلوه وقلبها طيب .. الخطوة الثانية

أمير لا تضغط عليّ أكثر يا ابراهيم انت رفيجي الوحيد .. وما اقدر اشكي همي لغيرك

نزل ابراهيم وراح وقف وراه انا يا امير ما قلت لك لا تشكي همك لي .. بالعكس انا اللي ابيك تشكي همك لي .. بالعكس انا اللي فاهمك .. وحاس فيك .. صدقني قلبك بالمكان الغلط ..انت نسيت قبل ما يجبرني ابوي اتزوج بنت عمتي ..شكثر تعذبت وصحت وصرخت وحاولت اذبح عمري بس ابوي ما غير رايه وزوجني صاغر .. وشوفة عينك عايش بتعاسة وكل ما اشوف حبيبتي مع غيري اموت ألف موته .. حتى بعد ما يابت لي زوجتي آيه ما تغير شي ..بس بنتي غيرت حياتي وخلتني اتعايش مع وضعي اليديد واتعود على حياتي مع صاغر

أمير وانت الحين قاعد تعيد علي قصة حياتك اللي حافظها ليش ؟؟؟؟؟؟

ابراهيم عشان ما تحلم على الفاضي

أمير بس انا مو مثلك .. محد يقدر يجبرني على شي ..

ابراهيم انا ما قلتلك قصتي عشان احد بيجبرك على الزواج لا .. انا قلتها عشان ما تدمر حياتك وتمشي ورى حب بيضيع عمرك بالحزن والنوح والدموع

أمير اي انت ليش تحكم على حبي بالموت ؟؟؟؟؟؟؟؟؟

ابراهيم لان اللي مثلك ما يصير يحب اللي مثل مريم

أمير مريم كل شي حلو بحياتي .. مستحيل افرط فيها .. حتى لو كانت زعلانة انا مستعد اراضيها .. وامشي ورى قلبي .. انا يا ابراهيم مو صغيير عديت 29 هذا حبي الاول والاخير

ابراهيم بس هذي بنت محمد تقي أكبري ..

أمير هي شي وابوها شي ثاني ..

ابراهيم بس انت تقول انها شاكة فيك تخونها مع بنت عمها

أمير مو شاكة هي متأكده .. لو على الشك جان مقدور عليه .. بس هي مو مصدقتني

ابراهيم اشلون مو مصدقتك .. شافتك يعني ؟؟؟

أمير جانزين ..

ابراهيم عيل شنو ..

أمير تقول سمعتني وانا احاجي بنت عمها داخل الغرفة والباب مسكر علينا

ابراهيم وانت من صجك سويت جذي؟؟؟؟؟؟؟

أمير عصب ابراهيم شفيييك .. اقولك سمعتني ما سمعت بنت عمها .. من وين يابت بنت عمها في غرفتي ما ادري ..

ابراهيم يضحك على أمير يعني دكتور محمد أمير ين وصار يحاجي روحه ... هههههههههااااااااااااااايييييييي .. والله ما قصرت فيك بنت أكبري ..

أمير تدري انك سخيف وما ينقالك شي .. وانا حمار اذا اتصلك مره ثانية وراح يتمشى عنه

ابراهيم مو قادر يسكت شكل أمير وهو زعلان يموت ضحك لانه انسان جدي ومو بسهولة يضحك ودمعته عزيزه عليه بس محد غيرها قدرت عليه ونزلت دموع عيونه

راح ابراهيم ولحق أمير أمييييييييييييييير .. وقف .. أمير تعبت وانا اركض وراك .. زين وقف خلاص

أمير وقف تبي تطنز بعد .. ما شبعت طناز

ابراهيم افاااا .. مو انا يا أمير اللي اتطنز على اخوي .. زين تعال خلنا نشوف حل لسالفتك

أمير ما علق رجع معاه للسياره

ابراهيم وهو حابس ضحكته صدقني ما كان قصدي .. بس لو قبل 5 سنين احد قالي ان رفيجي دكتور أمراض القلب اللي يداوي قلوب الناس صار يحب ويدور من يداويه ويداوي قلبه ماكنت بصدق

أمير ابتسم وفي عيونه صوره مريم اي والله محد قدر على قلبي غيرها ..دواي عندها .. يارب يحنن قلبها علي

ابراهيم زين خلنا في الجد الحين .. قولي انت من صجك تحبها وتبيها

أمير وانت كل شوي تلف وتدور وتسأل نفس السؤال

ابراهيم زين عمي .. بس قولي اشلون كنت تحاجي نفسك

أمير ردينا ابراهيم ؟؟؟؟؟؟؟؟؟؟

ابراهيم زين خلاص .. لاتعصب .. قولي انت شكنت تقول يمكن فهمت غلط

أمير ما اذكر .. بس كنت ألوم نفسي اني قربت منها وحبيتها

ابراهيم اييييييييي .. قول جذي .. وهي يت وسمعت اللي تبي تسمعه وراحت .. عبالها انك كنت تقول هالحجي لبنت عمها

أمير شاطر والله .. ما قلت شي يديد .. مسوي روحك فاهم وبتساعدني .. اقول اسكت احسن والله لو تسمعك تكبر السالفة براسها وتكرهني

ابراهيم زين .. كلم بنت عمها .. خلها تفهمها السالفة

أمير لا مستحيل أكلم بنت عمها .. يعني جان ماتعرف بالموضوع اقوم اقول لها .. وارش الملح على الجرح

ابراهيم يعني قصدك اني غبي

أمير والله اللي على راسه بطحه يتحسسها

ابراهيم اصلا انا لو مو غبي جان ما روحت جنات من يدي ..

أمير انت ما تتعب من هالسالفة البنت تزوجت وصار عندها عيال .. انساها يا ابراهيم ترتاح وتريح

ابراهيم بلاك ما دريت بعلتي يا امير

وبنبرة حزن الحب الحقيقي ما ايي الا مره وحده بالعمر .. وغييرها كلها محاولات للنسيان .. وأكبر مثال زواجي من صاغر ما غير فيني شي للحين أحب جنات برغم انها مع غيري

أمير ابراهيم انا آسف ..

ابراهيم ابتسم من بين دموعه وهو يحاول يمسحهم ولا يهمك ..

أمير يعني انا بيصير فيني جذي .. لا مستحيل انا ما ابي اصير مثلك ابراهيم .. ما ابي اخسر مريم واظل اتحسر عليها طول عمري .. ما اقدر .. ما اقدر احكم على نفسي بالتعاسه .. مريم لي انا

ابراهيم اي ابيك تكون جذي جدم قلبك على كل الناس وروح مع اللي قلبك اختارها .. لا تدمر حياتك وتضيع عمرك بالصياح والندم والحسره .. كل شي الواحد يقدر يتحمله .. صدقني الواحد مستعد يتحمل الزعل والبعد والفراق الا انه يشوف حبيبته اللي حملها بروحه وسكنها قلبه وعاش معاها احلى لحظات عمره بيد واحد غريب غيره .. صدقني بتتمنى تموت وما تشوف هالشي

أمير تذكر بدر وصراخه وكلامه عن مريم بدى الخوف يتملكه ويده صارت ترجف ويهه انقلب احمر

ابراهيم خاف عليه أمير شفييييك ؟؟؟

امير بصوت رايح ما فيني شي .. مافيني شي .. انا لازم .. اي لازم اتزوجها بأسرع وقت ممكن

ابراهيم ما كان متفاجأ لان هذا طبع أمير اذا اصر على شي لازم يسويه عمره ما تنازل على شي في اعتقاده ان له وملكه ومن حقه ياخذه .. مو تملك بس طموح .. ولا مره وصل لنص دربه وتراجع عمره ما ترك شي الا وواصل فيه للنهاية

ابتسم وهو يربت على جتفه ان شاءالله .. ان شاءالله تاخذها وتكون من نصيبك

أمير حس بروح الامل ودعم صديقه له زاد من عزيمته يالله وصلني بيت أكبري .. الحين

ابراهيم مسرع ما تغيرت ابتسامته الى ملامح باهته بس يا أمير انت نسيت شي مهم

أمير نسيت شنو ؟؟؟؟؟؟؟؟؟؟؟

ابراهيم باي اسم بتتزوجها ؟؟ واي هوية ؟؟؟؟ علي السكيورتي ولا الدكتور محمد أمير كراشي

أمير تغيرت ملامحه وبصوت رايح ودني بيت أكبري .. حتى لو كنت علي السكيورتي ما يهمني .. أهم شي اكون يمها .. وتكون تحت عيني ..

يتبع ,,,,

👇👇👇

تعديل المقال