رواية غراميات مجنونة -18
لو كنت مقتنعه باللي اسويه او عناد لغيري .. مو مهم الحين مو مهم هالافكار اللي توديني
وتجيبني .. طالعت الساعه وقالت .. أأوف جالسه ساعتين تفكر وهالافكار توديها وتجيبها وللأسف هالنايف للحين ماشـرف .. ملت من الانتـظار وطوال وقت الانتظار كانت تفكر فيه وبحالها
وماتوصلت لنتيجـه وقررت تقوم لان الوقت تأخر وخافت ان البنات يدورن عليها مثل امس وخصوصا انها ماجابت جوالها ولاحتى احد يدري عن طلعتها قامت ومسحت التراب من ملابسها ومشت
مشيتها العربجيه اللي كانت تكرهها وحبتها لمى الكل صار يحبها ويقلدها فيهاا .. وماكملت خمس خطوات الا وسمعت صوت اشتاقت له وهي اصلا جايه عشانه وتسارعت دقات قلبها وهي تسمعه يقول
نايف: على ويـــن يـابوالشبــأأب !!
هنا والابتسامه شاقه فهمها وهي معطته ظهرها .. اخفت ابتسامها ولفت عليه وقالت بلا مباله : هلا بـ نايف
نايف: هلا بك ( ويسلم عليها بيد واليد الثانيه كان شايل معه كيس
هنا وتسارعت ضربات قلبها لمى سلم عليها واخفت توترها وقالت: وشفيك تأخرت اليوم
نايف: ليه كنت تنتظرني !!
هنا( اووف ابي اكحلها عميتها) : لابس لك وحشه
نايف: عاد امس نمت من بدري وشوفه عينك توني اصحى وجبت لنا فطور خلينا نروح ونفطر ع الكراسي اللي هـناك ولاتقول لي شبعان ومدري شنو انا جاي هنا وافطر عشانك
هنا( اصلا انا ابيها من الله ) : مين قالك بقولك شبعااان الا مييييت من الجوع
نايف: خسى الجوع والله ( ويروحون ويجلسون ع احدى الطاولات اللي مقابله للبحـر ويفطرون ) ..
هشوم: اقول نايف ماقلت لي انت تدرس والا تشتغل والا شنو !!
نايف: والله حاليااا عاطل ماعندي شي ..
هشوم: افااا ليش
نايف: لا ما فيه شي بس كنت ادرس اللعام بسعود محاماه واعتذرت فتره كنت مسافر مع الوالده برى نكمل علاجـها
هشوم: وهااه وش صار مع الوالده الحيين؟
نايف: والله الوالده عطاك عمرها وماقدرت تكمل علاج .. فـ عشان كذا تأخرت برى عشان اكمل اجراءات المستشفى ونقلنا جثتها للرياض
هنا وانحرجت: سوري والله يرحمها
نايف: لا عادي .. الله يرحمها ويسكنها فسيح جناته ..
هنا: والحين وش ناوي تسوي مع جامعتك
نايف: ان شاء الله برجع ع السنه الجايه واصلا مابقى لي الا ترم اخير وان شاء الله اكمله على السنه الجايه .. وانت ياهشام تدرس !!
هنا: اي .. توني اول سنه بالجامعه
نايف: وشنو تدرس
هنا وتوهقت وقالت بدون تفكير: ادراه اعمال
نايف: بالتوفيق ان شاء الله ..
هنا: اجمعين ان شاء الله .. الا نايف ماقلت لي انت انت ساكن هنا والا بالرياض
نايف: انتقل بين الرياض وهـنا يعني اهلي هـنا بس ادرس بالرياض
هنا: اهاا حلو والله (( ويكـملون ســووووأألــف وكالعاده اخذهم الوقت وهم مايدرون عن انفسهم وجلست مع نايف اغلب وقتها وهي موحاسه بالوقت وحتى
نايف كان مستمع بالسوالف مع هشام طبعااا موهنا .. وبعد ماانتهوا من السوالف رجعت هـنا للشـاليه على السـاعه 7 بالليل وهي هلكانه وفيها نوووم .. واول
مادخلت للشاليه راحت لغرفتها بسررررعه ..
جنا : ليش تأخرت؟
هنا: معليه .. بس حبيت اختلي بنفسي شوي
جنا: اي شوي طول النهار برى
هنا: جنا لاتسوين لي فيها قصه كبيره حيااتي انتي ..
جنا: بس ماجلسنا مع بعض و
هنا تركتها وراحت تبدل ملابسها ولبست بيجامتها الرجاليه وطلعت من الحمام .. وهي تتثاوب
جنا: هشوم من جدك ليش لابس البيجاامه
هنا: استعرض بس لااقل ولااكثر
جنا: ليش تكلمني بهالطريقه !!
هنا وحنت على جنا اللي شوي وتصيح من طريقه تعامل هنا معها وراحت لها وباستها على راسها : حبيبتي معليه سوري بس والله مصدع وفيني نوم
جنـا: بس احـنا بنطلع الحيين وبنروح نتعشـى بـرى
هـنا: روحوا بدوني مااقدر بنــأأأم مواصل ومانمت من أمس
جـنا : لاوالله .. بس انت امس وعدتني تجي
هنا وهي متفاجئه: انا متى !!
جنا: هشوم وشفيك اليوم مو طبيعي مو امس قبل ماتنام قلت لك بكره رح نطلع ونتعشى بالمطعم ونحتفل بعيد ميلاد سعود ومسوينه مفاجأه له وخصوصا ان شمه مسويه هالعيدميلاد مفاجأه له
هنا وتذكرت : اييييي سوري نسيت
جنا: حبيبي الناس ينتظروننا تحت وترى عيب ومو حلوه اننا مانحضر ولاتنسى انك انت وبازوكا وفتوش مقربين حيل لسعود .. وسعود رح يزعل لو ماجيت و
هنا وتقاطعها : خلاص الحين بغير بيجامتي وبنزل مرتاحه الحيييين
جنا: حبيبي وشفيك
هنا( من جد وشفيني وليش اتكلم مع حبيبتي كذا وشنو ذنبها هي ) وتروح لجنا وتبوس راسها وقالت: اسفه بس شويه متوتره عشان راسي مصدع وانتي مالك ذنب انتظريني خمس دقايق واجهز
جنا وحست بالذنب: خلاص اذا تعبانه قلبي ماله داعي نروح وانا رح اعتذر لهم واقعد ومـ
تقاطعها هنا: لا شدعوى نعتذر لهم .. هذا يوم سعود يوم عيدميلاد اخوي ولازم اكون بجنبه ..
بغرفه ايــمأأن دق الباب وسمحت لها بالدخول بعد ماعرفت انها شوشو
شوشو: امونتي حبيبتي انا حبيت اوضح لك بخصوص اللي سمعتيه
ايمان: كنتي تكلمين حصه صح ؟
شوشو وهي منحرجه قالت: اي
ايمان وتصنعت القوه وقالت: اوكي
شوشو: انا اسفه
ايمان( اسفه على جرحك لي والا كذبك وغدرك وللأسف مهما تسوين ومهما اشوف منك واسمع ارجع لك مثل الاول واكثر للاسف هالقلب مااتعض من كثر
طعناتك له ولاحتى حاول يقسى عليك وينساك هالقلب يزين لي كل اخطائك واغلاطك هالقلب عايش لك ومايقدر يعيش بدونك وانا مااقدر اعاند قلبي ولو كنت اقدر ماكنت
معك للحين ولاحتى كنت سامحتك على كثر زلاتك )
شوشو: حبيبي وشفيك ماترديني
ايمان: مافيني شي يلا نمشي لانتأخر على البنات
شوشو بترجي: سامحتيني
ايمان: انا مااقدر ازعل منك اصلا ولو بغيت ازعل قلبي مايطاوعني
شوشو : فديتك وفديت قلبك ( انتي احلا هديه لي من السما .. عفويتك وبرائتك وطيبتك جبرتني احبك واحترمك .. انتي انسانه ماشفت ولارح اشوف مثلها
انتي جوهره ثمنيه ماابي اضيعها من يدي .. انتي اللي ابيـها وادور عليها من زمآآآن .. اتمنى انك تضلين معي على طول وماتتركيني لان اليوم اللي بتتركيني فيه بيكون يوم وفاتي )
ايمان وطالعت شوشو وقالت بحب : شوشو امس وين نمتى!!
شوشو: نمت عند بازوكا لاني كنت متأكد انك مارح تفتحين لي الباب وبالمرا قلت اخليك تفكرين براحتك
ايمان: سوري حبيبي انا ماكان قصدي اني ا
شوشو تقاطعها: لاعادي ياقلبي .. انا اللي سوري وان شاء الله مابضايقك مره ثانيه ..
ايمان: شوشو تحبيني
شوشو قالت بكل حب : انتي كل حيـأأتي انتي حبيبه روحي
ايمان اكتفت بالابتسامه وحبت تسمع منها هالكلمه ولو لاخر مره ... وهي حاسه انها رح تخسرها بسبب خطتها المجنونه اللي نفذتها بـ لحظه غضب .. ماندمت على اللي سوته
الا خافت من اللي جـأأأي ..
(( وراحــوا كلـهم للمطعم اللي كان مختلط ولـكن فيها بعض البارتشن للي يبي .. وطبعا هم ماودهم بالبارتشن اللي لايسمن ولايغني من جـوع ..
وكانوا جالسين على طاوله كبيره تكفيـهم كلـهم .. ويسولفوون بــأأنــتـظار العشــأأأ ...
فــجــأأأه جاء الجرســوون لجـهه الشـله وشغلوا اغنيه عيد الميلاد والجرسون كان شايل كيكه كبيرررررره وفيها صوره سعود ومكتوب فيها
hapeey barthday soso
سعود وانحرج وبنفس الوقت انبسط انو الكل مانسوا هاليوم وكان مستانس بالمفاجــأأه هذي وكانوا البنات مستأجرين مصور يصور لهم الحفله ..
هشوم: سعود بلحظاااات شنو شعورك
سعود بكل فرح: اكيييييد مستانس يعني شمه حبيبتي على يميني وانتو معي يااحلا شله .. شله الانس واليوم عيد ميلادي لازم اكوون مستانس
الكل تصفيييييييق حاااار وتشجيييييع ولااهتموا للمتواجدين بالمطعم اللي كلهم كانت عيونهم على الطاوله اللي فيها البويات وصديقاتهم ويشوفون شنو قاعدين يسوون ..
وعند باب المطعم جاء هو واثنين من ربعه يبي يدخل ومنعه حارس الامن اللي عند باب المطعم وقال له الدخول بعد ربع ســاااعه .. عصب وبغى يتهاوش معه
بس اللي معه منعوه
الاول: وشفيك انت بعد بس تبي تتهاوش
نايف: ماشفت وشلون يتكلم يفكر المعطم مطعم ابوه وينافخ ولا لااازم ننتظر ربع ساعه برى مع اننا حاجزين طاوله هـنا ولا المشكله اخوينا داخل بعد
الثاني : دقيقه ادق على بوصلوح واخذ السالفه منه( ويتصل : الو هلا بوصلوح .. احنا برى بس مادخلوننا شسالفه .. اما عاااد صدق ماعندهم سالفه .. طيب باي(ويسكر)
نايف: وشصاير
الولد: هذولي المسترجلات الله يقرفهم داخل ويحتفلون بعيد ميلاد وحده منهم ولا شكلهم واصلين وكلمتهم مسموعه ويقولون ان اهلهم من اكبر المساهمين بهالشاليه عشان
كذا يسرحون ويمرحون على كيفهم لاحسيب ولارقيب
نايف وتغيرت ملامح وجهه للأسوا: وجع يوجعهم .. فوق شينهم قواه عينهم ولااا مسوين عيد ميلاد عيني عينك قدام الناس لاحيا ولامستحى صدق قله ادب
الولد: اصلا هم لو يدلون طريق الادب ماسووا اللي يسونه الحين ولاخلوا اشكالها كذا..
(( وبــداخل المطعم بعد ماخلصوا احتفاااال وتصويررر .. قعدوا يتعشون ويحتفلون بسعووود ويعطونه هدايااااه وبعدهااا فتحوا باب المطعم للي حاجزين بسس )
دخل وهو معصب واتجه للطاوله اللي فيها ربعه ..
بوصلوح: فاتكم نص عمركم ياجماعه تموتون ضحك على هالبويات السخيفات
نايف: لا فاتني ولاشي زين ماكنت موجود عشان اقلب الدنيا على راسهم
بوصلوح: بايع عمرك انت ماتدري ذولي بنات مين
نايف: مايهموني وانا ولـد الــ **** مافيه احد يخوفني
بوصلوح: نيووف لايفوتك ذيك البويا شوف حركاتها الماسخه
نايف ويلتفت لجهه البويات وينصدم لمى شاف هشوم معهم وقال بخاطره: وش مجلسه معاهم ( وبعد صمت : معقوله هشوم يكون
ويلتفت لبوصلوح: بوصلوح ذولي كلهم بويات متأكد
بوصلوح: يوووه وشقولك من الصبح اصلا باين
واحد من الشباب: لا باين ولاشي .. انا اصلا ماعرفت انهم بويات الا منك ولو ماقلت لي كان فكرتهم رجال
بوصلوح: انت وشعرفك بهالسوالف
الولد: خليناها لك
نايف : بوصلوح تشوف ذاك اللي لابس بدله رسميه سودا منتبه له زين اللي مسوي شعره ديك
بوصلوح: هذي بويا
نايف وعصب: متأكد انت
بوصلوح: روح اسـألها اذا مومصدقني
نايف عصب وقام
واحد من الشله: وييييه هذا وين راح مع وجهه
بوصلوح: مدري عنه الظاهر بيسـألها
نايف بعصبيه مشى لعند شله الانس ولجهه هـنا وقال : هشـوم !!
هشوم وتفاجأت لمى شافت نايف وماعرفت شتقول : ........
نايف: ماكنت ادري انك مزيف عموما كل عام وانت بخير وياليت تنسى اني بيوم عرفتك ( ويطلع من المطعم وهو محتقر نفسه انه كان يسولف مع ذيك الاشكال )
اما هـنا فـ وجهها صار يعطي ميه لون ولون والكل يطالع فيها وينـتظر مـنها جـواب ماعرفت شتـقول ولاحتى شنو تبرر وخصوصا جنا اللي عيونها مليانه اسئله .. حاولت تسترجع
بعض ثقتها بنفسها وقالت: ياهوووه ياجماعه .. أهدى من كذا شوي وشفيكم تطالعوني كاني مسوي جريمه
بازوكا: موهذا اللي شفناه بالسوبر ماركت
هنا وتوهقت وماتوقعت انهم يتذكرونه : اي هو بذاته وشكله كان يفكرني ولد والحين انصدم اني بويـأأ عموما هو كله على بعضه مايهمني
سعود : اي والله صح عليك هشوم
الكل تصفييييييييق حاأأأأر .. اما جنا كانت تغلي من الداخل وتبي تعرف وش السالفه وخصوصا ان قلبها يقولها ان فيه شي وقررت تكلم هشوم بهالموضوع بس مووقته الحين
وكملووا البارتي وطول الليل سوالف وونــأأأســهـ لين انتــهت السهره ورجعوا للشــاليــه ...
بــغرفه جـنا وهشوم كان هشوم توه طالع من الحمام ( اكرمكم الله بعد مااخذ شور سريع .. ولبس بيجامه الرماديه الرايقه .. وبالواقع هنا ماكانت تبي تاخذ شور الا كانت
تبي تجلس تفكر لحالها شوي وبالسخافه اللي كانت فيها وشلون كانت تفكر بنايف ولهت عن جـنا واحتقرت نفسها على هالتفكير السطحي الساذج )
ولمى طلعت من الحمام كانت جنا جالسه تنتظرها ..
هنا رمت نفسها ع السرير .. اما جنا راحت لها وشالت عنها البطانيه وقالت\ مو وقت النوم ياهشوم فيه موضوع مهم ابيك فيه
هشوم: اجليه لبكره
جنا: وش علاقتك بنايف
هشوم وانصدم من السؤال اللي كان يتهرب منه وماتوقع ان جنا تشك فيه بلحظه : خير وش قلتي
جنا: اللي سمعته
هشوم: جنا انتي جنيتي صار لعقلك شي
جنا: وليش عصبت .. انا سألت سؤال بس ماله داعي لكل هالعصبيه
هشوم: سؤالك سخيف وماله داعي قلت لكم كل السالفه صار بيني وبينه تاتش بالماركات وبعدين عطاني كرته وعزمني ع بارتي بشاليهه وسحبت عليه وكان يفكرني ولد وبس هذي كل
الحكايه
جنا : بس انت ماقلت لي اي شي من هذا كله .. معقوله هذا كله يصير ياهشام وانا ماادري عنه .. من جدك انت وشلون قدرت تخبى علي هالموضوع و
يقاطعها هشوم: الموضوع تافه وسخيف ومايستحق انك تفكرين فيه وتتوقعين اني انجذب له او حتى فكرت فيه .. انا مستحيل انجذب لولد يكفي انا .. وبجد عصبيتي منك لو غرتي من بنت
كنت بقول الموضوع طبيعي بس تغارين من ولد من جد الموضوع هنا مش طبيعي .. جنا انتي اكثر وحده تعرفيني كيف تظنين اني ممكن افكر بولد كيف سمحتي لنفسك تفكرين هالتفكير
جنا وانحرجت من اللي قالت وقالت بنبره باكيه: هشوم انت كل حياتي انا ماابيك تضيع مني او حتى تتركني بيوم ومن كثر مااحبك ماابيك تفكر بغيري لابنت ولاولد ولاحتى اي حد انا ابي اكون الوحيده بحياتك
لانك انت حبيبي ولي لحالي وبس واليومين اللي فاتوا انت كنت متغير علي وبعد اللي شفته اليوم ظنيت انك تغيرت بسبب هالولد الحقير اللي شفناه بالمعطم
هشوم: قلتيها ولد وحقير وانا اصلا مشاعري عمرها ماتحركت لولد .. لمى اشوف الاولاد مااحس بأي جاذبيه لهم مشاعري تتحرك مع البنات وبس و
جنا وعصبت: بنـأأأتـ
هشوم ويمسكها من يدها: فهميني حبيبتي انا كذا طبعي كذا مااحب بشعور تجاه الاولاد .. الرجال بحياتي هم ابوي واخوي وبس ومافيه اي شي ثاني لكن انجذابي يكون للبنات وبس وانجذابي
لجنا حبيبتي ومستحيل افكر بغيرها انا ماخنتك مع بنت عشان اخونك مع غيرها
جنا وتضم هنا: أنا اسفه على ظني وتفكيري السطحي والسخيف بس خفت انك تطير من يدي وانا احبك .. هشوم اوعدني انك ماتتخلى عني ولاتتركني مهما صار
هشوم وجنا بين حضنه: قلتها من قبل ورح اقول اليوم وكل يوم وحتى وفاتي اوعدك اني مااتخلى عنك ورح اظل معك لاخر يوم بعمري ياعمري انتي (وبخاطرها: صدق اني
سخيفه شلون سمحت لمشاعري تجريني ورى رجال حقير .. تخلى عني بسهوله واحتقرني لمى عرفت بحقيقتي لمى عرف اني مسترجله انا الغبيه اللي كنت اخون جنا وكنت افكر
بغيرها بـشخص تافه وحقير والمشـكله اني سمحت لانوثتي اقصد انوثتي الناقصه المشوهه سمحت لها انها تجرني ورى مشاعر مزيفه .. وعشت غيبوبه حب غيبه الحمدلله اني وعيت
قبل فوات الامأأأن ... جنا انسانه حساسه وروحها فيني ولو اتركها بيوم او حتى افكر بغيرها رح تروح فيهااا .. وانا امووت ولااكون السبب بزعل جـنا .. انا كل همي سعاده
جنا وبس ومن اليوم ورايح رح اسكر قلبي للناس وافتحـه لجـنا وبس ..
جنا وبعدت عن هنا وحطت عينها بعيونها وقالت : اصلا انا من زود غيرتي عليك قمت اهلوس واشك و
هشوم: انا حلالك وربي حلالك واللي تبي تسوينه فيني سويه عسل على قلبي ..
(( ويسمعون صوت ازعاج جاي من تحت وصراااخ وكان احد يتهاووش وينزلون بسرعه لتحت .. ويشوفون شوشو مع وحده سمرا وملامحـها اقل من عاديه الا موجميله بالمرااا ووجهها
موباين من كثر الميك اب كأنها مهرج وكانت عشرينيه وجالسه تصارخ على شوشو وشوشو ساكته وايمان مصدومه وموقادره تتكلم
جنا: خير ان شاء الله مين انتي وعلى اي اساس تصارخين
حصه: انا حصه خويه شوشو وجايه اخذ خويتي اللي تفكرون تسروقنها مني
هشوم: هييي انتي تكلمي بأدب وحسني الفاظك واعرفي انتي قاعده تتكلمين مع مين .. وبعدين شوشو خويه ايمان
حصه بسخريه: ههههههههههههههههههههههه خويه ايمان اصلا شوشو كانت تتسلى بايمان وتضحك عليها وبسسس
جنا: انتي وشتقولين .. مصدقه نفسك والله انتي قبل ماتقولين هالكلام شفتي نفسك بالمرايا .. ولابكل وثوق قاعده تقولين ان شوشو تتسلى بأيـمان .. اقول طلعي برى
بكرامتك احسن
حصه: اقول هييي انا مارح ارد عليك وكلامي مومعك كلامي مع خويتي حبيبتي شوشو
هشوم: شوشو حبيبتك انتي وشتقولين !!
الكل مندهش ويطالع بـ شوشو ينتظر كلمه منها وخصوصا ايمان اللي دموعها خانتها وماقدرت تكتمها اكثر وانقهرت جنا عليها وماحبت انها تضعف قدام هالبنت اللي ماتعرف وش سالفتها
وقالت جنا بكل حزم: انتي هييي ومن الاخير اطلعي برى الحين والا انا اعرف كيف اطلعك بأسلوبي
حصه بغرور وتعالي: انتي اللي هيي انا اسمي حصه وترى تهديداك ماتخوفيني ولايهمني انتي بنت مين والا وش سالفتك انا جايه اخذ خويتي منكم وامشي وقبل مانمشي شوشو حابه تقولكم شي ...
شوشو : .....
حصه بنفاذ صبر : شوشو اخلصي وقوليها مالي خلق اقعد بهالمكان اكثر ..
شوشو وعينها ع الارض وقالت بكل ذل ومن ورى قلبها : ايمان انا مضطره امشي مع حصه الحين واخليك
حصه : لا والله هذاك اللي قدرتي عليه قولي كلام احسن من كذا والا انتي عارفه انا وش ممكن اسوي
شوشو انذلت اكثر وقالت من ورى قلبها عشان مصلحه ايمان لانها عارفه انها لو ماقالت اللي تبيه حصه ايمان رح تروح فيها: ايمان انتي كنتي لعبه حلوه بيدي وتسليت فيك
بس الحب كله لحصه .. انتي مثلك مثل غيرك يجون ويروحون و قضيت وقت حلو معك وخلاص انتي بالنسبه لي كرت وحرقته وماابي ارجع له ابد .. انا مثل الطير اللي يحوم
يحوم وبالاخير ارجع لحبيبتي حصه اللي مااقدر اعيش بدونها ..
حصه: هههههههههأأأي زين عرفتي مكانك بقلبها وعلى فكره ياايمان انا كنت ادري عنك من الاول بس سكتت بمزاجي ولمى دريت انك فكرتي تحطين راسك براسي كسرت لك راسك وياليت
تنسين شوشو لان هذي اخر مره تشوفينها فيها بأأأي ( وتطلع هي مع شوشو .. اما ايمـاااان فـ حست بذل كبير وماتوقعت ان هالشي يصير وخصوصا انها هي اللي نادت حصه ودليتها على
طريقها يعني هي اللي جابت هذا كله لنفسها.. وجنا وهنا مثل المصدومين من اللي صار )
انـــتـــهــى الفــصــل السـابع عـشـر واتـمنى انه يكـون نال على اعجابـكم ورضــاكم ..
اشوفـكم على خـيـر بالفصـل القادم ولاتحرموني من ردودكم الحـلووه
تحياتي لكم .. اختكم اميره الروح 18
الفـصــل الــثــامـــن عــشـــر
..×..قـلــوب مــغــلــقــة..×..
بعد مرور عده أسـابيـع ..
..بــلآ رقــيـب ..
ببيت هنـاء كانت جالسه بغرفتها ترتب كتب الجامعه اللي من شرتهم مافتحهم ومن باب الفضول والملل جلست ترتبهم وتقراهم وهي موعارفه وش السالفه ..وبهالاثناء
رن جوالها وردت بدون تردد: الو هلا يالغالي .. متى اوكيه صار غلاااي خلاص شوي واكون عندك افااا عليك كم سعود عندي (وتسكر ..
وتروح لدولابها وتطلع لها احدى البدلات الجديده اللي شرتهم وعباره عن بنطلون جينز اسود وبلوزه بيضا واسعه وعليها كتابات ابيض واسود .. وشعرها عنابي وكان
اطول من السابق وطولت غرتها بشكل ملحوظ وشعرها صاير اقرب للكاريه القصير وخلته على طوله وصاير تحت اذنها بشوي .. خلته مثل ماهو وخصوصا انه معطيها
جاذبيه ووسامه .. وبعد مااكتملت اناقتها لبست عبايتها اللي كأنها ثوب قطري وواسعه وعليها تطريزات جذابه مثل ثوب الرجال وهالعبايه كانت مفصلتها هي وسعود وبازوكا
وطالبينها من الخليج .. ويتميزون فيها رمت الشيله ع كتفها بأهمال ولبست نظارتها الشمسيه وخذت بوكـها وجوالها ونزلت بالدرج وصادفت امها ..
ام هنا: هنو حبيبتي وين رايحه
هنا: مشوار عند وحده من الربع
ام هنا: وبتتأخرين ؟
هنا : مدري بس اذا كنت بتأخر بعطيك خبر
ام هنا: زين حبيبتي حاولي ماتتأخرين ابي اكلمك بموضوع مهم طيب
هنا: ان شاء الله ماما .. فمان الله ( وتروح .. وشافت زوج امها عند باب عمارتهم وعطته بولباس وطلعت حتى بدون ماتحط الشيله ع راسها واول ماشافها رجع لداخل لبيته وشاف
زوجتـه ..
محمد: بنتك وين رايحه ؟
ام هنا: عند صديقتها
محمد: واستأذنت منك
ام هنا: اي اكيد
محمد: وصديقتها هذي مين بنته
ام هنا: محمد وشفيك .. انا عارفه بنتي وكل صديقاتها والف مره قلت لك لاتتدخل بطريقه تربيتي لهنا
محمد: حبيبتي انا هالموضوع بالذات مااحب اتدخل فيه لان سبب خلافتنا لكن كلمتيها بالموضوع اللي قلت لك عليه
ام هنا: بعدين يامحمد الحين هي طالعه ولارجعت ان شاء الله اكلمها
محمد: يصير خير ..
وصـلت للعنـوان اللي عطـتهــأأ ايــأأه واستغربت انهـا سـاكنـه بشـقه من الشقق التميلك بس دور ارضـي .. دق الباب وفتحت لها سعود وسلموا ع بعض ودخلت بداخل
واول مادخلت حسست فعلااا بالانتماء او بالاحرى حست انها بمكانها الطبيعي .. الديوانيه كانت بالحديقه وشقتهم كانت عباره عن شقتين جنب بعض وفاتحينهم ع بعض
وفيها مساااحه كبيره للحديقه ومسوين بالحديقه خيمـه للضيوف واستغلتها سعود وسوتها ديوانيه لها ولصديقاتها .. ويوم وصلت للديوانيه الا البويات قالبينها فلللله واريجيله
وسوالف وضحك وفيه مجموعه منهم قاعدين بزاويه يلعبون ورق .. دخلت هشوم وسوالف معاهم وضحـك ودخلت بجـوهم ع طول وماحصلت اي صعوبه ابد ..
هنا كانت تسولف مع احد البويااات وتسمع لها ولكن كان فيه بويات جالسين وراها وشدتها سوالفهم ..
بويا 1 : والله عاد اللي يشوف سعود وحالته الحين مايصدق انه هذا هو نفسه سعود اللي كان معي بالاعداديه
بويا2 : ليه وشفيه يعني
بويا 1 : ماتدرين ان ابوه خسر كل اللي وراه وقدامه وكان مديون للبنوك وحجزوا على املاكـه وحالتهم الماديه تردت كثيررر
بويا2 : الا سمعت بهالسالفه بس انا اشوف حالتهم زينه
بويا1: حالتهم زينه بس مو اغنياء او بالاحرى فقراء بالنسبه لقبل .. شفتي هالعماره اللي ساكنين فيها كان مشروع من مشاريع ابوها في اخر
ايام عزه وكان مسجلها بأسم سعود وكان بانيها وخالص على انه بيبيع الشقق اللي فيها كـ شقق تمليلك بس لمى جات الازمه خربطت كل نظام شغله وحجزوا
على اللي وراه وقدامه حتى قصرهم حجزوا عليه وفلسوا وماكان موجود لهم الا هالعماره وسكنوا بهالشقه والباقي اجروه ويعيشون منـه
بويا 2 : اوووف انت متأكد ماعندهم الا هالعماره ؟ ياشيخ شوف سعود وشلون حالته زينه ويلبس احسن الماركات ولاكـأن فيه شي تغير وبعدين يمكن عندهم دخل ثاني
ولاتنسى ان سعود للحين يدرس بمدرسته الاجنبيه اللي تكلفه الترم الواحد فيها يكلفهم دخلهم السنوي هذا لو كانوا فعلا معتمدين على العماره هذي بس ..
بويا 1 : طيب وش المشكله .. سعود طول عمره مايلبس الا ماركات وبعدين هذي عمارته وكل دخلها يرجع لها ومايصرف ع حد غير راتب الخادمه والسايق حتى ابوه
شايب وطلباته مو كثير وملتطلباتهم يصرفونها من اللي يطلع لهم من العماره وبالنسبه للمدرسه فـ شمه خويه سعود هي اللي متكفله بتكاليف دراسته يعني سعود مريح نفسه وكل شي جايه
على الجاهز
بويا2 : والله موباين عليه حظه يكسر الصخر .. مايجيني مثل هالشمه وارتاح من مدراس الحكومه وقرفها .. ياشيخ ماابي مدرسه اجنبيه اي اهليه عاديه ماتفرق معي
بويا 1 : ههههههههههههههههه
اما هشووم فـ كان مندهش من كل اللي سمعه وتتسـأل بخاطرها هل هم يتكلمون جد والا لا .. بس تذكرت ان بازوكا قالت لها مره ان سعود كانت مره بتطلع من المدرسه لو ماتدخلت
شمه ورجعتها فـ هل كانت تقصد انها ماكانت تقدر ع مصرف هالمدرسه وان شمه تكفلت بكل التكاليف .. فعلا قصه غريبه .. والاغرب ان سعود ماقال لها شي عن هالموضوع ..
وفجأه دخلت بويا كانت سمرا غامق بالمرررا وطويله ونحيفه وشعرها بالحييييل خفيف يعني محلقته وتوه طالع خفيفه وملامحها مو حلوه بالمرا كأنها رجال اول مادخلت قام السلااام والترحيب
والكل يسلم عليها ويتحمد لها بالسلامه .. وفجأأه جات سعود ومعها هالبويا
سعود: هشوم اعرفك على عبادي .. وعبادي هذا خويننا هشوم
عبادي بصوتها الخشن اللي لايق على شكلها : هلا بهشوم سمعنا عنك كثير
هشوم: هلا بك عبااادي عسى بس سمعت كل خير
عبادي : اكييييد كل خير .. وهو نصور يقول عنك غير الخير
هشوم: يالبى نصور .. ووين شفته ؟
عبادي: يوووه من زماااان خبري فيه من كم شهر .. وكلمني عنك وقالي انك معه بالجامعه المفروض انا اسألك عنه
هشوم: من كثر ماادوام انا بهالجامعه .. والا نصور كملها وسحب ع الجامعه
عبادي : هههههه لاتحاتي نصور يموووت على جامعه البنات وعلى كثر مايطلع يرجع
هشوم: اي عارف خويي وادري عنه ..
سعود: طيب شباب وشرايكم نلعب ورق
هشوم/ والله مالي خلق انا بأخذ لي نفس ارجيله احسن لي
عبادي: لا وشدعوى هشوم طلبتك عاد يقولون محد يغلبك بالورق
هشوم بثقه : انا محد يغلبني بشي
عبادي: ههههههههه يلا اجــل وريني شطارتك ..
هشوم: يلا ارويك
سعود: يلا امشوو نلعب
(( وكلمووا السهره لعب ورق وسوالف وسالفه ورى سالفه لين ماتأخر الوقت بعدها تعشوا وكل واحد راح لبيتــه .. اما هـنا مادخلت البيت الا الساعه 12 وعلى طول
حطت راسها ع مخدتها وناااامت .. ))
وبشقه ام هنا كان زوجـها توه جاي من برى وشاف هنا توها جايه وراح يكلم زوجته
محمد: بنتك وين ؟
ام هنا: بنتي فوق بشقتهم
محمد: ومتى جات ؟
ام هنا: لحظه ليش تسأل وبعدين موكـأنك كثرت الكلام بموضوع بنتي
محمد: يا ام هشام انا مو عاجبني اللي يصير وصدقيني لو كان عندي بنت كنت بعاملها مثل مااعامل هنو واكثر
ام هنا: طيب خلاص انا قلت لك رح اكلمها بالموضوع بس الحييين مووقته وان شاء الله بكره بكلمها
محمد: لك اسبوع تقولين بكلمها وكل يوم تقولين بكره تدرين شكلي انا بكلمها احسن
ام هنا: لا تكلمها ولا شي .. اصلا انت وياها ماتتفقون ابد وهالموضوع بالذات المفروض انا اللي اكلمها فيه
محمد: بس
ام هنا تقاطعها: محمد خلاص قلت لك بكلمها وبكره واللي يعافيك ابي انااام عشان بكره عندي ضغط بالدوام ومالي خلق اسهر .. تصبح على خير ( وتروح لغرفتها وتخليه )
اليـــوم التـــالي .. صـحت من نومــهـأأأ متأأخره كالعاده .. راحت لدولابها واختارت لها لبس للجامعه وخذت شور سريع ولبست اللي طلعته للجامعه وسوت شعرها
سبايكي بطريقه مبالغ فيهاا وخصوصا ان اخر الايــأأم شكلها صاير بوي بزياده .. ولآول مره فكرت انها تطلع ع جدول محاضراتها ومن حسن حظها كان عندها محاضره وحده
بسس وكانت المحاضره ع الساعه عشر ونص .. طالعت ساعتها توهـأأ تـسع .. لبست عبايتـها وطلعت مع السـواق وراحت لاقرب كافي وخذت فطور ع السررريع ..
وبعدها راحت للجـامـعـهـ وكان لها فتره طووويله مادوامت وماتدري لو عندها حرمااان او لا ..
وبـالجـامعــه ..
حيـن تنهـار القيـم .. وتتسـاوى الـخطا مع الصحيـح ..
وقفـه حيـرة .. ماهو الصحيح ..
حين يؤيدك الجميع .. على كل ماتفعل وكل ماتقـول ..
حين تكون مثلآ اعلـى .. حين يقلدونك ويتشبهون فيـك ..
حينـها تفـكر .. وتقول " حتى عيـوبي يعتبرونـها مزايـآ "
دخلت بكل وثوق وهي تمشي بمشيتها العربجيه الملفته للانظار .. ماتدري هل الجامعه تغيرت والا فيها بنات جدد كثير اللي توهم مسجلين السمتستر الثاني مشت ولاعطتهم اهتمام وشافت
شله بنـأأتـ ايمـوو تعرفهم واول ماشافوها راحووا لها ركض وسلموووا عليها وسوالف وضحك لين وصـلـوا لمكـان شله هناء وهااات ياسلااااام وسوالف وكانت هـنا جالسه تسولف مع بنات
من شلتها وتضحك معاهم كأنهم تعرفهم من زمااان وهي حتى اساميهم ناسيتهم !! مـر الوقت بسرعه وجاء وقت المحاضره وقررت تروح لقسمها وتشوف محاضرتها .. ودخلت ع الكلاس
بدري ع غيرر عاااده .. وهي جالسه تنتظر ملللت من الانتظار شغلت الاي فوون وجلست تسمع لاغاني ايكوون اللي تعشقهااا .. وماحست الا بحد يمسكها من كتفها والتفت له
هنا وهي تشيل السماعات من اذنها : هلااااا والله ( وتسلم عليهااا )
فتوش: هلا بك .. شالطاري .. جاي الجامعه ولاااا حاضر المحاضره بعد !!
هنا: يااخي قلنا نجرب شي جديد ..
فتوش : لبى جديدك بس عاد تدري المحاضره هذي ملغيه
هنا : اووومااا عاد
فتوش : شفت حظك شلون
هنا: ههههههههههه أنـا مع هالدراسه ان تركتها لحقتني وان لحقتها تركتني ..
فتوش : ههههههههههه من جد الحظ مو شي هاليومين ..
هنا: اجل قوم يابوالشباب خلينا نغير جو برى ..
فتوش: يلا ( ويطلعون ويتمشون بالساحـه الداخليه وكل مامشوا شوي وقفت هـنا وسلمت على البنات وفتوش ملت من كثر السلام ..
وتجي بنت ايموو وكانت اول مره تشوفها هنا وسلمت على هنا بحراره
الايمو: هشوم ممكن تعطيني ايميلك ؟
هشوم : ايميلي .. بصراحه موحافظته
الايمو: طيب انا ابي اتواصل معك وانت ماتجي الجامعه دايم كيف اتواصل معك غير الايميل
هشوم: طيب عطيني البن حقك ؟
الايمو واستانست: والله اووووكي ( وتطلع ورقه وتعطيها اياهااا) فيها رقمي وايميلي والبيبي حقي
هشوم: يوووه هذي عنواينك كلهااا
الايمو: اختار وسيله التعارف اللي تعجبك ( وتبوسها ع خدها وتهمس لها بأذنها.. اتمنى اشوفك قريب .. وتروح )
فتوش: يووووه هشوم البنات كلهم خاقيييين عليك لو جنا هنا قومت الدنيا وقعدتها
هشوم: ههههههه وانت امانه يعني تحط بنات الجامعه بمكانه جنا .. اقول بسس ذولي وين وجنا وين
فتوش: الا بجد وينها جنا بالعاده تداومون سووى
هشوم: مدري اليوم طقت براسي ادوام من كيفي وبالاخير لغوا المحاضره
فتوش: يلااا معلييييه المهم كسبنا شوفتك ..
وفــجــأأه يجــوون الامـن وماسكين شله بويااات ويمشون معهم ويجون ثنتين منهم لجهه فتوش وهشوم
الامن1 : يلا تعالوا معنا
هشوم بتعالي : خير وش تبين ان شاء الله
الامن 2: فيه محاضره الحييين وباليت تحضرونها
فتوش: ومين قالكم نبي نحضرهااا
الامن 1: هالمحاضره اجباريه مو اختياريه
هشوم وهي رافعه حواجبها: اجباريه والله مااشوف احد قام من البنات انتو اللي تمشون وتختارون يعني على كيفكم ما خذتوا رايننا حتى
الامن2 : بأختصار المحاضره عن البويات ولو حبيتوا تحضرونها حياكم ولو ماحبيتوا احنا مانقدر نجبركم بس المحاضره للفايده والكل رح يستانس فيها حتى فيه
دكتورات حاضرينها والمحاضره بأسم اعتز بآنوثتي وهذا بوستر عن مكان المحاضره وموعدها ومتى ماحبيتوا تحضرون حيااكم وحتى لو ماعجبتكم المحاضره تقدرون تطلعون عن اذنكم
( وتروح مع الامن الثانيه)
الامن 1 : وليش ان شاء الله خليتهم ع راحتهم المفروض نمسكهم من شعورهم السبايكي المقززه ونجرهم للمحاضره غصب
الامن 2 : وشدعوى يعني وين قاعدين .. هم بنات كبار ويفهمون بالعقل واسلوب اللي نجرهم وماادري ايش مايمشي معهم ولو سوينها هي وحده من الثنتين ياانها تقوم هوشه
طويله عريضه لها اول مالها تالي او انهم يجون المحاضره غصب ومايستفيدون منها وهذا ترى مو غرض المحاضره وع فكره المحاضره اختياريه مواجباريه
الامن1 : الا اجباريه وغصب عنهم احنا نبي نقللهم مونزيدهم
الامن 2 : الله يهديك اذا هذا تفكيرك ( وتروح لشله بويات وتتكلم معهم بنفس الاسلوب
بجهه هشوم وفتوش ..
فتوش: والله رايقيييين هم ومحاضراتهم الفاشله يضيعون وقت ع الفاضي ويعيدون ويزدون بكلام ملل ونعرفه ومانحب نسمعه
هشوم ودفعها الفضول تحضر وخصوصا انها ولامره حضرت مثل هالمحاضرات ولاتعرف وش اللي يصير فيها ودها تحضر وتشوف شنو اللي يصير وكذا وقالت بثقه : ابي احضر
فتوش وعلى وجهها ميه علامه استفهام: أيييئئئئيييش !!
هشوم: والله بدل الزهق اللي احنا قاعدين فيه خلينا نروح ونحضر ونشوف هالمطاوعه وش عندهم
فتوش وعجبتها الفكره: اوكيي بس لو ماعجبنا الوضع نطلع طيب
هشوم: افاااا عليك اصلا انا وش يجلسني بينهم والوضع موعاجبني ..
فتوش : اوكييي يلااا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك