رواية غراميات مجنونة -19
بجهه هشوم وفتوش ..
فتوش: والله رايقيييين هم ومحاضراتهم الفاشله يضيعون وقت ع الفاضي ويعيدون ويزدون بكلام ملل ونعرفه ومانحب نسمعه
هشوم ودفعها الفضول تحضر وخصوصا انها ولامره حضرت مثل هالمحاضرات ولاتعرف وش اللي يصير فيها ودها تحضر وتشوف شنو اللي يصير وكذا وقالت بثقه : ابي احضر
فتوش وعلى وجهها ميه علامه استفهام: أيييئئئئيييش !!
هشوم: والله بدل الزهق اللي احنا قاعدين فيه خلينا نروح ونحضر ونشوف هالمطاوعه وش عندهم
فتوش وعجبتها الفكره: اوكيي بس لو ماعجبنا الوضع نطلع طيب
هشوم: افاااا عليك اصلا انا وش يجلسني بينهم والوضع موعاجبني ..
فتوش : اوكييي يلااا
( ويروحون لقاعه المحاضره وكانت من القاعات الكبيره بالجامعه واللي يخصصون لها الاجتماعات الهامه والمحاضرات الضروريه .. كانت المحاضره فيها عدد لابأس فيه من البويااات
وفيه عدد قليل من الكيوتااات واغلبهم خويات البويات وفيها عدد ملحوظ من الايمـوو .. يعني القاعه مليااانه طالبات متنوعااات والكل اندهش لمى هشوم دخل مع فتوش ولااا الادهى انه دخلوا
وجلسوا بالصفوف الآماميـه .. ودخل بعدهم عدد كبير من البويأأتـ وكان فيها المحاضره عدد من الدكتورات والاساتذات والمعيدات .. بالاضافه لبعض الموظفات الادرايات بالجامعه وطبعا
العميده فضت نفسها وحضرت هالمحاضره .. وهشوم مستغرب من هالاهتمام وش اللي صاير عشـان الكـل يهتـم بهالمحـاضـره .. ولمى اكتمل العدد جلست المحاضره تتكلم وتلقى محاضرتها
فتوش: هشوم الله يهداك ماجلستنا الا هـنـا يعني حتى مايمدينا نطلع وننحاش من هالمسخره
هشوم: هههههههه والله مافرقت معي ولو زهقنا بنطلع حتى لو كننا جالسين جنب العميده ..
فتوش: هههههههههههآآآي لبى والله هشوومي
المحاضره : خلوونا من جوا النصايح والمواعظ اللي كلكم تعرفونها ومليتوا منها ..
هشوم بهمس لفتوش: هذي هي ملت من نفسها
فتوش :اي والله ههههههه
المحاضره: طيب يا بنااات انا ابي بويا او ثنتين جرئتين .. اتمنى لو كانوا فعلا مقتنعين بللي يسويه وعندهم الجراءه انهم يطلعون لهـنا ويتكلمون معي ويجاوبون على اسئلتي واسئله
غيري اتمنى انهم يجون لهـنا ويعرفون عن نفسهم ..
امـأأ البويااات كانوا مستغربين منها ومن عفويتها وبنفس الوقت جرئتها ولاوحده تجرأت وقامت لعندهاا وكلهم مترددات او حتى ماعندهم الجراءه انهم يطلعون قدام هالكم الهائل ويقولون اللي بخاطرهم
فتوش بهمس لهشوم: من جدها ذي مين اللي بيقوم لهاااا
هشوم: تدرين انا بقوم لها ابي اعرف وشللي يدور ببالها وشنو الاسئله اللي تفكر فيها
فتوش: من جدك
اما هشوم عطت فتوش بولباس وقامت بكل جراءه والكل استغرب منـها وراحت لعند المحاضره اللي سلمت عليها بالبدايه وجلستها بالكرسي اللي جنبها ..
المحاضره : طبعا بالبدايه اشكرك على جرائتك وانك جيتي وجلستي هـنا عشان تجاوبين على اسئلتي
هشوم بصوتها الخشن اللي تعمدت ماتغيره قالت: ولو حاضرين للطيبييين
القاعه كلهااا تصفيققق حاآآآآآر ويقولوووون بصوووت واحــد هشــووووم
هشوم ابتسم ابتسامـة صفراء وماعلق
المحاضره: واوو الظاهر ان محبينك كثير
هشوم :الحمدلله هذا فضل من ربي ..
المحاضره: طيب ممكن تعرفيننا بنفسك واي سنه تدرسين وشنو تخصصك
هشوم: أنـا سنـه أولى انجلش وتقدرين تناديني هشـوم
(( هـنا الكل تفاجئ من العميده والدكتورات وكل المتواجدين ماعدا الطالبــآآآتـ اللي الابتسااامات شقت فمهم واستانسوا من جرئتهاا )
البويا اللي جنب فتوش: اوووه هشوم داخل بقوه ولاهمه حد
فتوش بفخر: اكيد عشـأأن تعرف ان هشوم مايلاعب ولاعنده ياامي ارحميني ..
المحاضره: طيب ياهشوم انا حابه اسألك كم سؤال واتمنى انك ماتزعلين وتجاوبيني بكل صراحه ولو كنتي بتزعلين او حتى تنحرجين تجاوبين على بعض الاسئله تقدرين ترجعين من الحين
هشوم بثقه: اصلا انا مستعده لكل انواع اسئلتك ولو ماكنت مستعده ماكنت جيت من الاصـل لهـنا .. وبعدين أنـا مقتنعه بكل اللي اسويه وماعندي شي اخـآآف مـنه وخذي راحتك بالاسئله
المحاضره : يعجبني تفكيرك وتعجبني اكثر ثقتك من بنفسك .. طيب ياهشوم تحبين اكلمك بصفه ذكر والا انثى ؟
هشوم: اللي يريحك
المحاضره: بما ان محاضرتنا بأسم " أعتـز بأنوثتي " رح اكلمك بصفه انثى موافقه
هشوم : قلت لك اللي يريحك ..
المحاضره : حابه ابدء من الاول قوليلي ياهشوم من متى بدت معك هالظاهره ؟
هشوم: من زمـآآن من وانا صغيره
المحاضره: من وانتي صغيره ليش تتكلمين عن نفسك بصفه انك انثى ؟
هشوم: لاني انثى وهذي حقيقه مااقدر انكرها انا بس بويه يعني بنت لكن مسترجله لااقل ولااكثر
المحاضره : طيب وليش انتي صرتي بويا او حتى مسترجله ؟
هشوم : انا ماصرت بين يوم وليله مثل ماالكل يفكر .. أنـا كذا من زمـآآن يعني انا بنت بين ولدين واكثر يومي مع اخواني واهتمامتي مثل اهتمامتهم
وبالنسبه لشكلي فـ أنـا كذا من زمااان ولامره غيرت او حتى بالاحرى مااحب اغيره لاني مقتنعه بشكلي وعلى فكره الكل يعاملني على اني ولد امي واخواني
وكل من يعرفني ..
المحاضره وعجبتها ثقه هشوم وخلتها تسألها اكثر واكثر بدون حواجز وقالت : خلينا نطلع من جو الاسئله التقليديه وخلينا بالاسئله الثانيه اللي تهم الكثير
مننا تسمحين اسئلك اسئله شخصيه
هشوم: اسئلي بدون استئذان
المحاضره: شنو رايك بالرجال بشكل عام ؟
هشوم: رايي فيهم من اي ناحيه يعني ؟
المحاضره : يعني شنو وجود الرجال بحياتك
هشوم وفجأه مر عليها طيف نايف وماتدري ليش تذكرته وقالت : الرجال هم ابوي واخوي و بسس
المحاضره: انتي تحسين نفسك انثى او
هشوم تقاطعها: قلت لك من البدايه انا موبس احس انا عارفه ومتـأكده اني بنت ومثل ماتقولون اعتز بأنوثني بس بطريقه ترى الانوثه مو بشويه ميك اب
ودلع ومياعه .. عمر الشكل الخارجي مايدل على اللي يفكر فيه الانسأأن ..
المحاضره : طيب شنو يعنون لك البنات
هشوم: البنات صديقاتي و لهم وجود كبير بحياتي ..
المحاضره: صديقاتك بس مافيه وحده من صديقاتك مقربه منك وتفهمك وتفهمينها
هشوم: قوليها عادي تقصدين عندي حبيبه والا لا ..
(( الكل هنـا اندهش وركز اهتمامه مع هشوم ))
المحاضره: انتي فهمتيني
هشوم بأبتسامه صفراء : اي عندي ..
المحاضره : وتحبينها ؟
هشوم وانحرجت لانها تذكرت جنا وقالت: شي طبيعي هي نصفي الثاني ..
المحاضره: تغارين عليها وتتحكمين فيها وتفرضين رايك عليها
هشوم: الغيره شي طبيعي بين اي اثنين يحبون بعض .. بس مااحب افرض رايي عليها ولاحتى اتحكم فيها كل وحده لها شخصيتها المستقله عن الثانيه
لكن ماانكر اني احب ادلعها واهتم فيهااا ومهما صار بيني وبينها من خلاااف مااحب ازعلها قلبي مايطاوعني
( هنااا البوياأأأتــ قاموووا يصفقووون ويصرخووون بأسم " هشوووم " )
المحاضره: الظاهر الحضور مؤيد لك وبقوووه بعد
هشوم: لانهم حاسين باللي احسه
المحاضره: طيب وشنو نهايه علاقتكم الزواج مثلآ ؟
هشوم وسكتت برهه لانها ولامره سألت نفسها هالسؤال وقالت بعفويه : أنـا مااتـكهن بللي يصير بعدين او حتى ماحطيت نهايه معينه لعلاقتنا بس علاقتنا مافيها نهايه
وانا مااقدر اتكهن بشي او حتى اقولك وش اللي يصير بعدين محد ضامن عمره انتي بنفسك ماتضمنين انك تطلعين من هنا والا لا .. يعني انا كل تفكيري الحين
واللي شاغلني اني اسعدها وان شاء الله اظل معها على طول واسعدها بللي اقدر عليه
المحاضره : تفكيرك عاجبني بس انتي قلتي ان محد ضامن عمره انتي بما انك مؤمنه لهدرجـه وتعرفين الصح من الغلط انا مارح اقولك اللي تسوينه صح والا
غلط بس بسألك انتي ماتحسين ان الله غضبان عليك ؟
هشوم وعدلت جلستها : يمكن تنفهم وقاحه بس انا افكر بطريقه معينـه كل شخص فينا فيه الخير والشر او على قولتهم فيه الزين والشين .. انتي لاتحكمين
على شكلي الخارجي او شي مثل كذا انا يومي كله 24 ساعه وبهالوقت كله مااقضيه بس مع حبيبتي لو كان هذا اللي تلمحين له انا عندي حسنات والحمدلله يمكن
هي اللي تشفع لي عند رب العالمين ولاتنسين انه غفور رحيم يعني انا اصلي و اصوم و اسوي اشياء كثيره وانا متأكده ان الله رح يحاسبني على كل شي وبالنهايه
اعمالنا تعرض على ميزان والحسنات بكفه والسيئات بكفه والكفه اللي ترجع بالميزان هي اللي رح تدخلني للجنه او النار المفروض انكم ماتحاسبوني على ساعه
او ساعتين اقضيهم بطريقه انتو تشوفهم غلط لا جيتوا تحاسبون او حتى تفكرون توضعون ياليت تحاسبون على كل شي مو شي معين
المحاضره واندهشت من هنا واسلوبها كانت متوقعتها من اللي ماعندهم سالفه وكل همها الشهره وبس لكن طلعت غير كل توقعاتها وقالت : طيب لو يجيك
زوج فيه كل الموصفات اللي تبينها وتتمنينها ممكن تتزوجينه؟
هشوم : انا مارح اقولك ماابي وماادري شنو .. حاليا ماافكر بالزواج بس الله واعلم وش يصير بعدين
المحاضره: يعني متقبله موضوع الزواج
هشوم: لا ماافكر فيه ولاحتى ادير له بآآآل بس ماادري وش يصير بعدين
المحاضره : طيب .. بسألك انتي دايم تخشنين صوتك والا هو كذا ؟
هشوم: هههههه لا صوتي كذا من الله مااخشنه ولاشي ..
المحاضره: طيب رح اسألك اخر سؤال واتمنى تفكرين فيه قبل ماتجاوبين وتقولين اللي بخاطرك
هشوم : امري
المحاضره: مرتاحه لوضعك كذا كونك بويا ومقتنعه بتصرفاتك واللي تسوينه ؟
هشوم وموعارفه شتقول او حتى شترد لانها ماتدري هل هي مقتنعه او لا بس كابرت وقالت اجابه سريعه وعيونها متعلقه بكل الحضور اللي معجبين فيها ويعتبرونها مثل
اعلى: الحمدلله ولو مو مرتاحه ماكان ضليت على حالي ..
المحاضره :انا اهنيك على صراحتك وجرئتك واتمنى من البنات او اي حد بهالقاعه عنده اسئله لهشوم يسألها اذا هشوم ماعنده مانع طبعا
هشوم: خذوا راحتكم ..
وقامت وحده من بنات الايمو وخذت المايك وسألت هشوم : هأأي هشوم .. انا بصراحه من المعجبات بستايلاتك واحب اسألك من وين تحب
تشتري ملابسك وشنو ماركاتك المفضله واي العطر اللي تحب تسخدمه دايم
المحاضره انصدمت من سؤالها وماتوقعت انها تسأل كذا
هشوم: اشكرك على اعجابك وهذا من ذوقك يالغلا .. وانا بغض النظر عن الماركه احب اشتري اللي يعجبني من الماركات المختلفه مافي شي معين
لكن العطر اللي احب استخدمه دايم هو قوتشي ..
الايمو بغمزه: ذوقك فنن
هشوم : مشكوره
المحاضره : فيه حد ثاني يحب يسأل ..
وقامت وحده من البويات وقالت : هشوم يالبىىى .. الحين لو خويتك زعلت تمد يدك عليها والا ماتسويها ( شله البويآآآت اللي معها قامووا يصفقون )
هشوم : لا وين مااحب امد يدي عليها والله لايجيب الزعل بيننا .. أنـا اللي احبه مااحب ازعله ..
اما المحاضره استغربت من اسئله البنات اللي ولاكـأأنها اثرت فيهم او حتى قالت شي وضلوا يسألون عن التشبيكات واما المحاضره خلصت من هشوم
وكلمت محاضرتها وهي تحاول انها توصل لهم وجهه نظرها ولمى انتـهت المحاضره التمووا البويات ع هشوم وطلعوا من القاعــة وهات ياسوالف وضحك
وكأنهم يعرفون بعض من زماااان يعني كأنك يابو زيد ماغزيت ..
/
/
رجعت للبيت زهقــأأنـه وملااانه ع الاخر وتبي تنااام وتفاجــآآت لمى شافت امها بوجهها وتنتظرها بالصـاله
هنا: هاي ماما
ام هـنا : هلا حبيبتي يعطيك العافيه
هنا: الله يعافيـكـ ..
ام هنا : طيب حبيبتي ابيك بموضوع مهم
هنا: ماما خليه بعدين فيني نووم
ام هنا : حبيبتي صدقيني مااقدر اؤجله اليوم مارحت المدرسه عشان اجلس معك واصلا عندي موعد بالجمعيه بعد شوي وابي اتكلم معك بهالموضوع الحييين
مارح اطول كلها الا ربع ساعه
هنا وملت وتبي تسمع امها وش عندها وقالت : اوكي ماما دقايق اغير ملابس الجامعه واجييييك ..
( وبدلت ملابسها وخذت لها بيجامه رجاليه رايقه وراحت وجلست عند امها )
ام هـنا ومو عارفه وشلون تبدء والا حتى شتقول بس قالت: هنو ياماما أنـا ودي افرح فيك
هنا: ان شاء الله تفرحين فيني بعد 3 سنين
ام هنا وهي مستغربه : وليه يعني 3 سنين وشمعني ؟
هنا: ماما مايبلها كلام بعد 3 سنين لو تخرجت من الجامعه وجبت لك الشهاده ذاك الوقت رح تفرحين فيني ..
ام هنا: ان شاء الله تتخرجين وترفعين راسنـا كلنا فيك .. بس انا ابي افرح فيك الحين .. شوفي حبيبتي كل بنت مهما وصلت وراحت وجات ودرست وتعلمت ووصلت
بالاخير مردها ببيت زوجـها وانا ياماما يوم المنى اللي اشوفك ببيت زوجـك واشوفك عروس مثلك مثل نور وكل البنات
هنا: مامي الحين مناديتني عشان تبيني اتزوج وبس هذا هو الموضوع ؟
ام هنا: اي وهالموضوع هذا كل ام تحب تكلم بنتها فيه وتشوفها عروس و مسؤوله عن زوجها وبيتها
هنا: طيب فيه احد متقدم لي والا بس كذا
ام هنا: لا فيه .. ناس زينين ومن عايله محترمه وعمك بو محمد يعرفهم زين ويمدح فيهم
هنا ووقفت: اهااا يعني السالفه من تدبير زوجك المحترم .. اقووول خليه يزوج هشوم وواييييد عليه ومشكور وماقصر واذا ناوي يطيرنا واحد ورى الثاني انا بالذات مايتدخل فيني
اتزوج والا اعنس مايتدخل زين ..
ام هنا: هنو هذا مو اسلوب حوار وانا ماربيتك على كذا
هنا: ماما انا موفاضيه طيب .. بروح انام وقولي لزوجك يعطي روحـه العافيـة وتمسين ع خيرر ( وراحت تنام بغرفتها وهي مرااا متضايقه انها متكلمه مع امها بهالطريقه ..
بس بنفس الوقت هي ماتبي تتزوج ولاتفكر بالزواج اصلا بس كانت تجاري امها وتتكلم معها ولمى عرفت ان محمد له دخل بالموضوع جن جنووونـهــأأأ وتضايقت بالمــررآآ
واتصلت بجـنا لانها ماكلمتها من فتره وخصوصــآآ ان زوجهـا عندها هاليومين وردت بعد 4 رنـأأتـ وقالت : هشوم حبيبي حدي مشغوووله هالعله عندي وبيقضي طوال الاسبوع
هنا اول مااحصل فرصه بكلمك اوكيه حبيبي
هشوم عصبت من حركتها وسكرت بوجهها وماقالت ولا كلمـة وحست بغيرررره شديده من زوجـهآآ وجلست تفكر ان جنا الحين معاه وتقضي وقتـها معاه وهالفكره اللي كل مره تتهرب
منها تجننها ومومخليتها تفكر عدل .. جنا بحضن غيرها ولا رجال بعد واللي يقهر اكثر انه زوجـهاآآ ماتقدر تتحمل اكثر هالشي مجننها ومومخليها على بعضها .. تذكرت كلام امها
عن الزواج ومحاضره اليوم اللي اثرت فيها بس كانت تكابر وبالاخير مكالمه جنا السريعه وانها ماتقدر تفضى لها بسبب زوجـها آنقـهرت من كثر التفكير وجاااهــأأ صداع قووي من كثر التفكير
وحطت راسها ع مخدتها وهي تتغصب النــوووم ..ولكن بالاخير وبكــل هـدوء نــآآآآمــت ..
صدمــات عمري زودتني {قناعهـ}
كلـ شي احبهـ اتوقعـ ضياعه
السـاعه العاشـره بشقه ام هـنا .. كانت توهـا جايه من الجمعيه وتأخرت شوي عشـأأن اجتـماعتهم كثرت هاليومين ..
ام هنا اول مادخلت شافت زوجـها قدامها وابتسمت له وقالت : احط لك العشــآآ
محمد: لا ماله داعي تعشيت مع عبدالله ونــأأم ..
ام هنـا : اهـآآ بالعافيه
محمد: انتي تعشيتي ؟
ام هنا : اي الحمدلله .. ( وتروح وتغير ملابسهـا وتجلس عند زوجـها اللي كان ينتظرها بالصـاله وهي حاسه ان بوجهه ميه سؤال وسؤال ..
محمد: كلمتيها
ام هنا: هي ماتفكر بالزواج الحين وماحبيت اضغط عليها
محمد: من جدك نوال .. الحين تأكدتي اللي قلت لك اياه صحيح
نوال: لا موصحيح ومحمد تراك زودتها .. هذي بنتي وانا عارفتها زين وانا مربيتها عدل وعارفه انها موبويا هي كذا شكلها وحركاتها من زمااان
محمد: نوال انا موقاعد اجيب هالكلام من فراغ .. انا مااتدخل بتربيتك لاعيالك وخصوصا هنا لان علاقتي فيها حساسه ومااحب اني اقول اي شي عشان ماينفهم غلط بس
الموضوع زاد عن حده بنتك لمى كانت بالشاليه سوت هوشه كبيره عريضه من شله بنات عشان تحرشوا بصديقتها ومدير الشاليه وقالي كل السالفه بنفسه و
نوال تقاطعه: بنتي مواول ولااخر وحده تتهاوش مع بنات تحرشوا في صديقتها مافيها شي
محمد: نوال اسمحيلي لو بنتك ماكانت مثل مااظن مارفضت الزواج
نوال: بنتي مارفضته رفضت العريس المعييين
محمد: طيب انا ابي اتكلم معها واتفاهم وياها
نوال: تتكلم معها ع اي اساس
محمد: نوال بنتك كل مالها تتمادى اكثر لان محد يردها بنتك محتاجه رجال يكون مسؤول عنهـا ويفهمها الصح من الغلط وصدقيني مابضلمـها و بكلمها بأسلوب وعقل وانتي اكيد بتكونين معنا
نوال وحست زوجها صادق بكل كلمه يقولها وخصوصا ان هنا اخر الايام ماصارت تحترم امها وتمشي رايها عليها وحتى شيلتها احيانا ماتلبسها والا تحطها ع كتفها ولاتهتم لراي أحـد وتطلع وتدخل
وماتعطي امها خبر الا اذا هي اتصلت يعني بالعربي بنتها تمردت ومحتاجه رجال يقسى عليها ويعلمها الصح من الغلط ويعلمها ان وراها حد وقالت: طيب تكلمها بس بكون معك ..
محمد : مثل ماتحبين ..
_ وطلعوا وراحوا لشـقه هـنا وكانت لحـالها وجالسه بالمجلس تطالع التلفزيون وطفشاااانه ع الاخر وخصوصا ان هشوم مسافر عنده دوره عمل وعشان كذا صارت جلساتها بالبيت
قليللله وطفشأأأأنــه من الجلســة لحـآآآآلــهــآآآآ ..وفجــأأه دخل زوج امـها ومع امـها وهي مالها خلقهم ع الاخـــررر ..
هنا وكانت حاطه رجل ع رجل ولابسه شورت رجالي وبلوزه كآآت سودا وشعرها سبايكي مثل ماهو من رجعت من الجامعه بس خف شوي واول ماشافتهم قالت: غلطانين بالعنوان !!
نوال: هنا حبيببتي انا وعمو نبيك بموضوع
هنا ووقفت وقالت بحمق: انا ماعندي عم .. ولاناقصني اعمام ماادري من وين يطلعون !!
نوال: هنو وبعدين
محمد: عادي نوال خليها على راحـتها .. بس هـنا انا ابي اكلمك بموضوع
هنا: والله انك فاضي انا ماابي اتكلم معك اوكيه (وتجي تمشي ويقول : أفـآآآ ماتوقعت تنسحبين بسهـولـة ياهشـوم
هنا وانصدمت وحست بموويا بارده انكبت على راسها قالها قال هشوم معقوله يدري عنها وعن تصرفاتها يالله الموقف مرررا محرج لكن لا لعبته اللي بداها انا اللي رح انهيها بطريقتي
لفت عليه بتعالي وغرور وتعمدت تخشن صوتها وقاالت: اي هشوم وين المشكله يعني .. والا مسوي لي فيها كولمبوا وتحقق وتفتش من وراي
نوال وهي مصدومه لحد هاللحظه موقادره تصدق الكلام اللي زوجها قاله عن بنتها بصفه انها بويا ولقبها هشوم ومن هالكلام: بس انتي هنو موهشوم
هنا: ماما وشفيك ليش مين هنو ومين هشوم احنا اخوان وتؤام بعد ونشبه بعض بكل شي ومافيها شي لو بأخذ اسم اخوي وكثير من ربعي ينادوني هشوم
نوال بصدمه: بس اني ماقلتي لي هالشي قبل
هنا: ماما وبعدين واصلآآ متى تبين اقولك وانتي من تزوجتي مافضيتي لي الا مره او مرتين حتى وكلهم جاووا بالغلط ماتفضين لي الا لمى هالمحروس يكون مسافر والا بحضوره
انا ماتدرين حيه او ميته اكل او لا والحييين جايه تحاسبيني على ان صديقاتي وكل ربعي ينادوني بأسم تؤامي ..
محمد: احنا موجاين نحاسبك بس امك تبي تعرف اذا انتي بويا والا لا
هنا: انت هيي لاتسوي لي فيها كولمبوا وتحلل وتستنتج على كيفك وبما انك استنتجت هالاستنتاجات السخيفه التافهه وحطيت جواسيس يعرفون اخر اخباري يلا كمل جميلك ومعروفك
وقول لجواسيسك يعلمونك كل اللي تبيه وزيد عليه بهارات (أكاذيب )وقوله لامي وفرق بيني وبينه وبيني وبين اخواني لااوصيك هاااه ..
محمد: ياهنا انا مثل ابوك وخايف على مصلحتك ومافيها شي لو اقول لامك عن تصرفاتك اللي موعاجبتني ولاعاجبتها
هنا: هيييي اصحى من حلمك انت لا ابوي ولاحتى مثل ابوي فـآهـم وتصرفاتي عاجبتني ومايهمني رايك ابد
محمد: بس طول ماانتي وحده من اللي ساكنين بهالبيت يعني ساكنه عندي ومسؤوله مني
هنا: يرحم والديك لاتصدق نفسك لاانت مسؤول عني ولاشي وترى انا ساكنه هنا عشـأن مامي واخواني وبس والا انت انا مااعدك شي انت وهالجدار عندي واحد
محمد: لا انتي الظاهر يبيلك حد يربيك من جديد
هنا: مو كأنك زودتها .. هييي رجولتك ماتطلعها علي واذا انت حاب تربي حد لاتربي اعيال الناس ربي اعيالك احسن لك .. اووه سوري نسيت انك ماتجيب شي يمكن حتى ماتبيض بيضه
سوري بس انت مو طالع بيدك تجيب شي عشان كذا تطلع رجولتك ع الحريم تصدق عاد اخوي عبود بعد كم سنه بيكبر ويجيب اعيأأل وانت ماتجيب حتى بيضـه ههههههههههه
وماحسسست الا بذاك الكف اللي انمد عليها وطيحـها من طولها من كثر قوته ضـربهأأأ ايه ضربهآآآ الحقير ولاول مره حد يمد يده عليها ولا ميييين محمد زوج امها عدوها اللدود لكن لا والله ماتنزل
دموعها وتوريه وتعلمه شغله عدل ورح تدفعه ثمن هالكف غآآآلي ووقفت بصعوبه وقالت بكل حقد : هيييي أنتتتت خييييير مين مصدق نفسك عشان تمد يدك علي موناقص الا انت ماانت بولي امري
مااسمح لك تمد يدك علي فاهم انت حيلك على امي وبس فاهم
محمد بحزم: موبكيفك انتي الظاهر ماتربيتي ويبي لك اعاده تربيه من جديد وانا ماعندي شي بربيك مره ومرتين وثلاااث
هنا: اتخسسسي الا انت .. يااخي انت ماتفهم انت موولي امري ولاحتى مسؤول عني
محمد: طول ماانتي بهالبيت وساكنه عندي وانا اصرف عليك معناه انو انا مسؤول عنك غصب عنك وكل اللي بهالبيت رح يمشون على نظامي ومن اليوم ورايح ماتطلعين
او تدخلين الا بآمري وشوري وحتى شكلك هذا وتصرفاتك كلها تتغير فاهمـة
هنا وعلا صوتها وقالت بووقاحـه : ههههههههههأأأي .. هييي اصحى من حلمك الوردي .. اقوول اذا مفكر انك تستعبدني او حتى اني اسمع كلامك عشانك تصرف علي عشاني ساكنه عندك
فـ ولاتحلم انك توصل لهالشي ودقايق هاااه ( وتروح لغرفتها وهي تلبس عبايتها وتاخذ كم شغله وتطلع ..
هنا: تفضل هذا بطاقه الصراف اللي عطتني اياها ماما المحترمه واللي فكرتها من عندها .. واما هذي بطاقتي اللي تنزل فيها مكافئه الجامعه مارح اعطيك ايـاهآآآ وبخليها معي وهذا موبايلي جابته لي
صديقتي ومالك دخل فيه وبالنسبه لكل اغراضي اللي داخل ماتهمني مع ان اغلبها انت مادفعت فيها ولاريال واحلللللم تعاريني بعد اليووم انا طالعه ومخليه لك عمارتك المحترمه يا نص محترم
(وتمشي وتناديها امها : هنوو حبيبتي وين رايحه بهالليل
هنا والتفت على امها وقالت بقهر: مو شغلك .. واذا كنتي فعلا تحبيني وتخافين علي تعالي معي ورقمي عندك تقدرين تتصلين فيني وانا ابيك تختارين يابنتك اللي من لحمك ودمك ياهالمعفن زوجك
اللي حتى اعيال مافيه .. ولاتخـأأف مارح اخذ سواقك ولارح تشوفني بعد اليوم ( وتطلع من البيت ومعها شنطه صغيره فيها كتبها واغراض مهمه لها للجامعه واغراض شخصيه تحتاجها وطلعت
وهي موعارفه وين تروح
أبي ابكي من الضيقة وابعزف للهموم ألحان .
أبي اطلق مواويل الحزن وبطرح كل دواويني .
أبي أشكي أبي احكي ابوصف للبشر حرمان .
أبيهم كلهم يدرون أبيهم يشعرون فيني .
أبي أصرخ وأبلغهم وأقول أن الفرح خوّان .
يجي مرة معاي و هو طول العمر ناسيني .
أبي اترك لهم قصة وأخيّرهم على العنوان .
يسمّون "حزن "يحطون "دمع" ..ما عاد يعنيني.
نزلت للشــارع مو مهـتمه بأمـها اللي كانت تناديها وتصارخ وتبكي وراهــآآ ولآول مره دموعها خانتها وكانت تبكي مثل الاطفـآل ماحبت تضعف اكثر او حتى ماحبت حد يشوفها بهالحاله
لفت غطاتها على وجـههـآ وتغطت بسـرعه قبل ماآحـد يشـوفـهـآ وينتبـة لهـآ ومشت ومشـت وهي موعـآرفه ويـن تروح طالعت بـالسـاعه وكانت 1 بالليل .. خافت اكثر واتـصلت بجـنا
ولكـن للأسف ماردت عليها زاد حست بغيره وحقد موطبيعين منـهآ جالسه مع زوجـها وناسيتـها واخر همـها هي بـ موفاضيه لها الحين الوقت متأخر وهي موعارفه وين تروح فـكرت بصديقاتها
الكثار اللي ماينعدون فـكرت ببـآزوكـا بس على طول شالتها من راسها وخصوصا ان اهلهاا مطاوعه وماعندهم هالسوالف تـذكرت نصور وقالت بخاطرها: اااااااااااااااه وينـك ياصديق عمري
جاء على بــآلها شلتها مين فيهم اللي تقدر تروح وتبات عندها كم يوم او اقلها بس اليــووم فـجآه رن جـوالـهـآآ وكان المتصـل " سعود وماكان لها خلقها بس ردت وقالت بصوت مخنوق: الو
سعود: هلا هشووم .. هشوم وشفيه صوتك كذا ؟
هشوم: مافيني شي .. انت وشفيك
سعود: لا بجد فيك شي صح .. صوتك موعاجبني
هشوم: سعود اقدر امرك البيت الحين
سعود: اي حياك البيت بيتك
هشوم: مارح امرك وبس ابي مكان ابات فيه اليوم؟
سعود : تبات فيه اليوم .. لا الظاهر السالفه كبيره .. انت وينـك انا بمرك الحين مع سواقنا .. أي أي عرفته لاتتحرك الحين جايك باي ..
حطت جوالها بجيبها وهي تحس باليتم على الرغم من ان امها وابوها موجـودين .. حست بغصه بغربـه .. حسـت بألم وحسـره .. ماتدري شنو توصف شعورها بسسس
حست بتـشرد وضــيــآآآآع .. و فـجأأه تحجرت هالدمعتين اللي ماتدري اصلا وشلون نزلوا .. كان ودها تصرخ تبكي بس ماقدرت .. وبعد ربع سـآآعـة اتصلت فيها سعود
وكلمتـها ووجاتها لنفس المكـآن اللي كانت فيه وخذتها معهـآآ للبــيــت ..
ببيـت سـعـود .. بيتهم كان شقه تميلك دور ارضي وهم شقتين وفاتحينهم ع بعض وكان كبير .. يعني كانه فيلا دور واحد مافيه الا سعود وابوها والخدامه والسواق بسسس ..
راحت سعود وجهزت غرفه فاضيه من غرف الضيوف ونادت هناء ..
سعود راحت لهشوم اللي جالس بالصاله : هشوم تعال معي وارتاح داخل
هشوم : داخل وين !!
سعود: جهزت لك غرفه تخلي اغراضك فيها وترتاح فيهااا
هشوم: لا سعود انا ماابي اقعد بروحي ... ابي انام عندك بالغرفه مااقدر اقعد لحالي
سعود: تآمر يالغالي ماطلبتك شي غرفتي وغرفتك واحد ( وراحت هنا مع سعود بالغرفه وكان عندها سريرين بالغرفه ونامت هنا بأحد الاسره وحطت راسـهآ ع سريرها
واستــلسمت للنـوومـ .. )
بــاليــومـ التــالــي ..
صـحت هـنا من النـوم بـوقت متــأأخر وشافت جوالها وكان مغلق من كثر الاتـصـآلآلآلآت .. وقامت وراحت تتمشـى بالشـقه وتدور سعود .. ولفتت نظرها احدى غرف النـوم مفتوحـه
وسمعت صوت سعود بداخـلها ..
وبداخل الغرفه سعود حاطه الفطور لابـوهـآآ الكبير بالسـن اللي بالكـاد يمشـي واغلب وقته على كرسيه ويمشي لكن خطواتـه بطيئه وبمسـاعده بنتـه ..
سعود وتـآكل ابوها: يبه يلا عاااد تكفى اكل هذي بعد
بوسعود: لا يايبه مالي خلق كثرت اليوم
سعود وفتحت عيونها: يبه حرام عليك ماكليت شي .. توك ماكلت الا لقمتين وتقولي كترث .. يبه لو تـأكل هذا من يدي بزعل والله لازعل
بوسعود: لايبه سعود انا كله ولازعلك
هشوم من ورى الباب( معقوله ابوها يناديها بـ سعود ... شسالفه .. الا جد هي وشسمها انا لي فتره امشي معها واناديها سعود ولااعرف حتى اسمـها .._ انحرجت
ومشت وراحت للغرفه وجلست ع أقرب صوفـآآ شـافتها وغمضت عيونـها ماتبي تتذكر مشهد امس ماتبي ترجع وتتذكر اللي صـآآر وللحين مو مستوعبه اللي صـآآآر كلـة )
قطع عليها تفكيرها المشوش دخول سعود : بو الشباب موناوي تروح الجامعه اليوم!!
هشوم: لالا مالي خلق .. وانت ماعندك دوام
سعود: لا اليوم ماعندي شـي .. سوري كنت لاهي مع الوالد يااخي اوكله غصب عشان اعطيه الدواء ..
هشوم: الله يخليه لك .. بسألك ليه غرفتك فيها سريرين ؟
سعود: للأمـانـة كان فيها سرير واحد بس بازوكا كان يجي عندي وصارت هالغرفه لنـآآآ كلـنــآآ .. وكل مايجي حد من ربعي ينام معي بنفس الغرفه
هشوم ووجه مليآآآن كأبـه : أهـأأ
سعود ويجلس جنب هشوم بالصـوفآ: هشوم حبيبي وشفيـكـ .. وشصاير شللي مكدر خاطرك .. وليش طلعت من بيتكم بالليل
هشوم: سعود حصل سوء تفاهم ومااحب اتكلم فيه بس خلافااااتي مع زوج امي هالعله زادت عن حدها
سعود: هشوم انا ماابي اضغط عليك ولارح اقولك شي اي قرار تتخذه انا معك وبيتي هو بيتك وابوي هو ابوك وخذ راحتك واي قرار رح تقرره انا واقف معك
هشوم وحست براحه نفسيه من بعد كلآم سعود وحست ان فيه احد واقف معها وذكرتها بنصور اللي كان دايـم واقف معهآآ ويؤديها بكل شي تقوله وكان مثل السند لها ..
وابتسمت لسعود وقالت: مشـكور يااخـوي ..
سعود: طيب قوم خلينا نروح ونفطر ميييييت من الجـؤؤؤوووع ومسوي لك فطور رح تأكـل اصابعك وراه
هشوم وقامت وهي تمشي جنب سعود: يوووه يعني انت تطبـخ ..؟!
سعود: أفـأأأ عليــك اعجبك انـأأ .. مو قبل ماتجي الخدامـه انا اللي كنت اطبخ ولاتنسـى ان احسن طبايخين العالم رجـآآآآآل ..
هشوم: يالبى والله
/
ببيـت نــوال ومحمد .. نوال من امس مانامت ودمعتها على خدها .. ومن بعد ماطلعت هـنا بثواني طلعت هي ومحمد وراها بالسياره يدورنها بكل مـكـأأن .. وللأسف
مالقوها ونوال طوال أمـس تتصـل بجـوال هـنا وماترد عليهـا وآخـر شـي اتـصلت بتـلفون جـنا بعد مالقته بالموووتـ من بين اغراض هـنا وبالاخيـر جوالها كان مفصول من الخدمـة ..
محمد: هاااه بشري صار شي
نوال ودموعها ع خدها وقالت بقهر: لا ماصار وصدقني يامحمد لو بنتي صار لها اي شي مارح اسـامحك .. انت السبب بللي يصير لها انا مدري وشلون طاوعتك وسمعت كلامك انت
ضيعيت بنتي من يدي ..
محمد: نوال وشفيك الله يهداك انتي تقولين هالكلام لانك معصبه هدي اعصابك ولكل حادث حديث
نوال: اهدي اعصابي وشلون اهديها لو انها بنتك اللي ضايعه كان ماوقفت هالوقفه وقلت هالكلام .. أنـا خلاص جن جنوني وماني قادره اتحمل اكثر .. انا بروح ابلغ عليها
محمد: حتى لو بلغتي مارح تستفيدين شي غير الفضايح وكذا والا كذا بيقولون لك انتظري 24 ساعه وبالاخير رح يقولون لازم يجي ولي امرها
نوال : ايش يعني انت قاعد تقفلها بوجـهي وبسس .. تبيني اسكت واشوف بنتي تضيع قدامي ومااقول شي .. خلاص انا مارح اقعد اكثر مما قعدت
محمد: لحظه يعني ايش رح تسوين ...
نوال: هشام ولدي وصل من السفر والحين بيجي من المطار وبطلع انا ويـآآه ومارح نرجع الا وهنـو معنا ( ويرن جوالها : الو هلا يمه هشام انت برى انا جايه باي
( وتروح وتلبس عبايتها وتاخذ معها ولدها عبدالله وتاخذ شنطتها وتطلع ونادها زوجها
محمد: نوال انتظري بجي معك او على الاقل خلي عبدالله هـنا توه جاي من المدرسه وتعبان فيه نوم
نوال ودمعتها ع خدها وماسكه ولدها بيدها وقالت بدون ماتلفت له : محمد لو سمحت ماابيك تتدخل بيني وبين اعيالي يكفي اللي سويته خلاااآآص طول عمري انا واعيالي نحل مشاكلنا لحالنا
وماوصلنا للي وصلنا له لمى حضرتك تدخلت بأول مشـكله واجهناها انا الغلطانه اللي استعنت فيك ,, من يوم ورايح مالك دخل بأعيالي هذولي اعيالي وانا اعرف شلون اربيهم بطريقتي ..( وطلعت وصكت
الباب وراها وراحت لولدها هشام اللي ينتظرها بسيـارتـة )
هشـام :يمه معقوله هنو مااتصلت من امس
نوال: من آمـس وانا ادق عليـهآآ وهي ماترد اخر شي قفلت جوالها
هشام: طيب صديقاتها وشلتها ماتعرفين حد منهم ؟
نوال: لاوالله مااعرف الا جنا وجوالها مقفل ماادري مفصول ماادري وشسالفته ..
هشام: طيب الله يعيننا ندور عليها اليوم كلـه وان شاء الله نلقاها
نوال: الله يسمع منك
عبدالله: ماما هنو مارح ترجع ؟
نوال: لاحبيبي ان شاء الله ترجع .. بس هي زعلانه شوي ورح ترجع بعدين ..
عبدالله ويرفع يده ويدعي الله : يارب ترجع اختي ( وجلسووا يدورن بكل الشوارع طول اليوم ومابقى مكان مادوروا فيــه ومازالو يدورن )
ببيت سعود .. كانت هـنو جالسـه بغرفتهـا ولحـالـهـآآ ونادتـها سعود ..
سعود: هشوم كلمت اهلك ؟
هشوم: يوووه سعود من الصبح وانت تكلمني بهالموضوع قلت لك خلاص ماابي اتكلم بهالشي واذا رح تضل تكلمني بهالموضوع انا رح امشي من هنا
سعود: لالا خلاااص لاتعصب بو الشباب كله ولازعلك .. طيب تعال معي نطلع للخيمه ونتقهوى مع الوالد خلني اعرفك عليه كلمته عنك ويبي يشوفك
هشوم : طيب اوكي جاي ( وتقوم .. اما سعود فـ اختفت عن انظار هـنا شوي واتصلت بـ جـنا وخذت منـها رقم اخو هنا وطبعا بدون ماتقولها عن اي شي وتحايلت بكذبه
وصدقتها جنا وعطتها الرقم وعلى طول ماصدقت خبر واتصلت بهشوم
سعود: الو هلا الاخ هشـام الـ ....
هشام وهو لسى بالسياره مع امه واخوه: اي هلا اختي آمري ..
سعود: انا سعـ .. انا سمـر صديقه هـنا اختك .. واحب اطمنك واقولك ان هـنا ساكنه عندي وهي عندي من امس
هشام: والله .. الله يبشرك بالخير اختي انتي وين ساكنه انا بجيك الحييين
سمر: معليه هشام بس قدر موقفها هي للحين معصبه وحالتها النفسيه زفت وانا خايفه لو تدري اني اتصلت فيكم تطلع من بيتي وماترجع.. انا عارفه ان الموضوع صعب عليكم
لكن اخوي عطني يوم والا يومين بالكثير واخليها تكلمكم واصالحكم على بعض بس والله هي الحين معصبه ولوتدري عن اللي سويته تطلع وماعاد ترجع وبكذا لاانا ولاانتو بنعرف مكانها ؟
هشام: معك حق اختي ومشكوره وماقصرتي بس ياليت لو تستعجلين واي شي يصير علميني مشكوره والله ( ويسكر)
ام هـنا: هاااه هشام وشفيها اختك عرفت عنها شي ؟
هشام: يمه هنا عند وحده من صديقاتها اسمها سمر
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك