رواية غراميات مجنونة -20
هشام: والله .. الله يبشرك بالخير اختي انتي وين ساكنه انا بجيك الحييين
سمر: معليه هشام بس قدر موقفها هي للحين معصبه وحالتها النفسيه زفت وانا خايفه لو تدري اني اتصلت فيكم تطلع من بيتي وماترجع.. انا عارفه ان الموضوع صعب عليكم
لكن اخوي عطني يوم والا يومين بالكثير واخليها تكلمكم واصالحكم على بعض بس والله هي الحين معصبه ولوتدري عن اللي سويته تطلع وماعاد ترجع وبكذا لاانا ولاانتو بنعرف مكانها ؟
هشام: معك حق اختي ومشكوره وماقصرتي بس ياليت لو تستعجلين واي شي يصير علميني مشكوره والله ( ويسكر)
ام هـنا: هاااه هشام وشفيها اختك عرفت عنها شي ؟
هشام: يمه هنا عند وحده من صديقاتها اسمها سمر
ام هنا: يلا اجل خلينا نروح لها بسرعه وش تنتظر ؟
هشام: يمه واللي يعافيك بنتك للحين معصبه وحالتها حاله لو رحنا لها بتسوي لنا سالفه وبالاخير بتتهاوش من صديقتها وبتتركها وتطلع من بيتها وذاك الوقت مارح ندل لها طريق
ام هنا: يعني شنو نخليها عند الناس على راحتها؟
هشام: لا طبعا .. بس يمه انا اكثر واحد افهم هنا خليها علي وخلي هالموضوع علي وخاصه ان موقفك حسـأأس وصعب ومارح تسمع منك شي ويمكن تعادنك بعد خلي هالموضوع كله علي
وانا رح احله وان شاء الله مايجي اخر الاسبوع الا وهنا راجعه معنا
ام هنا: البيت انا صرت اكره هالبيت .. هشوم حبيبي واللي يعافيك خلينا نروح لاقرب شقق مفروشه ونبات فيها كم يوم ماني قادر ادخل البيت وهنا موفيه
هشام : وعمي محمد
ام هنا: ماابي اسمع اسمه هو السبب بللي وصلت له انا وبنتي .. انا ابي بنتي ومااابي شي ثاني
هشام( وماحب يضغط على امه وهو قلبه على امه واخته اولا واخيرا ولكـن ماحب يظلم عمه محمد وقرر يسمع من الطرفين ولكنه احترم رغبه امـة وراح وحجز له ولامه واخوه بأقرب
شقق مفروشه شافها.. )
/
" نــســافر .. من جدك انت وليشششش "
بو عبدالله: مو انتي اللي كنتي تحنين وتبين نسافر وحلمك تروحين لباريس وعلى قد ماتروحينها ماتشبعين منها يلا هذا انا حققت لك حلمك ..
جنا: اي بس مو .. اقصد مووقته ( وكنت اتمنى اكون مع هشوم مو معك )
بو عبدالله : وليش يعني مو وقته .. وش عندك من عذر ولاتقولين لي جامعتي .. لانك طول هالاسبوع وانا عندك ماشفتك تدوامين ولاتشيلين هم الجامعه
ابد .. أصلآ انا من قبل مانسافر رح اجهز لك عذر طبي من احسن المستشفيات ولو تغيبين سنه مااحد يقدر يكلمك وماابي اسمع اعتراض لاني رتبت كل شي وخليته مفاجـأه لعيونك ياعيوني انتي
جنا(جعل عيونك العمى قول امييين ) : طيب متى بنسافر ؟
بوعبدالله : اليوم بالليل جهـزي نفسك للسـفر انا بروح الشـركه اخلص كم شغله وارجع الاقيك جاهزه طيب
جنا هزت رأسها بالايـجـأأأب واول ماطلع من عندها اتصلت بـ هشوم لانها بالمـرآآآ مشتـاقه بس للأسف جواله مقفل واتصـلت اكثر من مره ومالقتـه فـ قررت تروح له البيت .. بس للأسف
مثل ماراحت جات لان بيتهم مافيه ولاحـد وانتظرت عند الباب اكثر من نص ســآآعـه ولااحد عطاهـآآ خبـر اوحتى حن عليها وفتح لها الباب ورجعت لبيتـها وهي ميييييته من القهر ..
وتـوهــأأأ دخلت بيتـها وشافت زوجـها بوجـهها ..
جنا : متى جيت؟
بوعبدالله: توني من شوي وشللي طلعك يامدام
جنا ومالها خلقه: اقول عاد لاتكبر الموضوع ترى قافله معي ..
بوعبدالله : وشللي مقفلها
جنا وتوهقت بس صرفت الموضوع وقالت: رحت للسوق ادور على فستـان معين ومالقيته هذا هو اللي قفلها معي ارتحت الحين اوووف ( وسوت نفسها زعلانه)
بوعبدالله: بس هذا اللي مضيق خاطر حبيبي الحين اول مانروح باريس اوديك لاشهر دور الازياء وتختارين اللي تحبينه واللي تأشرين عليه بثواني يكون عندك
جنا : شكـرا .. بروح اقولهم ينزلون اغراضي وبجي ( وراحت لغرفتـها .. وفتحـت جوالها واتصلت بـ هشوم ومافيه رد وبألاخير ارسلت له رسـاله وهذا كل اللي قدرت عليه ..
تـــوحشني كلمـه " يبـة " وأشـتاق لحـنانك حتى لو ماعشتـه ..
بنفس هالاثناء ببيت سعود كان هشوم جالس مع سعود وابوهااا بالخيمه اللي بالحديقه وقاعدين يتقهون ويسولفون ..
بو سعود: هههههه والله القعده معك يابنتي ماتنمل
هشوم: والله هذا من طيب اصلك ياعمي ..
بوسعود: عاد انا بصراحه يعجبني مبدأك انتي وبنتي بالحياه .. صحيح انكم بنات بس تعرفون شلون تعتمدون على نفسكم وماينخاف عليكم والله هاليومين الاولاد هم اللي ينـخاف
عليهم مو البنـأأتـ .. وانا بنتي من اول ماجبتها وانا احسها مثل اخوانها يعتمد عليها واكثر بعد وحتى دايم اناديها سعود لانها تذكرني بالمرحوم اخوي وفيه شبه كبير منه .. واحب
اناديها بأسمـه وماشاء الله عليها هالبيت عن الف رجال وماينخاف عليها .. وحتى صديقاتها مثلها وشرواها ماينخاف عليهم .. يعني انتي وصديقتها بازوكا ماشاء الله عليكم كلكم
هشوم ( والله الوالد وضعه فري .. الله يرزقنا مثل مارزقك ) : وانا بعد ياعمي احسك مثل الوالد
بوسعود: الا على طاري ابوك ماقلتي لي وش يشتغل ؟
هشوم وتغيرت ملامحها شوي لانها من زمان ماتكلمت عن ابوها قدام احد : ابوي دكتور .. بس امي وابوي منفصلين وانا ساكنه مع امي واخواني ..
بوسعود: ان شاء الله انتي واخوانك تعوضون امك عن اللي شافته بحياتها اكيد هي تعبت لين ماوصلتكم لهالمرحله وربتكم وان شاء الله بكره تتخرجين من الجامعه وتجبين الشهاده
اللي ترفع راسها وراس ابوك بعد
هشوم بخيبه امل لانها تذكرت امها وحست بالذنب بس كابرت وقالت: ان شاء الله تفرح بـ سعود ياعمي
بوسعود: اميييين الله يسمع منك انا اطالع الله ثم اطالع هالبنت يارب الله يمدني عمر واشوفها متخرجه من الثانويه وتدرس بكليه الطب عشان اموت وانا مرتاح
سمر وخافت على ابوها: بسم الله عليك يبه انت الخير والبركه ان شاء الله تشوفني متخرجه من كليه الطب واشتغل وترفع راسك فيني بين الناس
بوسعود: الله يرضى عليك يايبه مثل ماترضيني .. والله يوفقك دنيا واخره
هنو وحست بغبطه بقلبها وقعدت تفكر وتتسـأل هل ابوها يفكر فيهم او حتى يشتاق لهم فـ ضحكت على نفسها لمى فكرت هالتفكير اصلا ابوها من طلق امها وتزوج نســأأأهـم ولازراهم الا مرتين
او ثلاث ببدايه الطلآآق وبعدين نسـى انه خلف اعيال آصــلآ او بالاحـرى تنسـاهم وعــأأش حيـاته هـنا بعمرها ماحست بحـنان ابوها .. امها وابوها تطلقوا بالوقت اللي كانت فيه ببدايه مراهقتهاا
ماتدري شنو يعني حـنان الاب واستغربت من العلاقه اللي بين سعود وابوها .. وتمنت لو انـهآآ كانت مثلها تمنت لو ابوها عايش معاهم او ع الاقل يسأأل عنـهم الفضول دفعها وتبي تعرف أي شي
عن ابـوها أي شـي خاطرها ترتمي بحـضنه وتقوله كل اللي بخـاطرها بدون قيود مثل سـعود واكثر مثل كل البنــأأأت ليش الكل عنده اب يشكي له ويحكي له وهـي لآ فكـرت انها تقابله وتكلمه او حتى
على الاقل تشوفه وتلمـحه ولو من بعيـــد .. كانت خايفه من فـكرتها بس مصـره عليـهــآآآ ..كملت سهرتها مع سعود وابـوهـآآ وراحت نااامـت من بدري لانها من بكره تبي تروح لمشـوار مهم
يمكن لو راحته من زمــآآآن كان ماوصـلت للي وصلـته له الحيــن ..
اليــــوم التـــأألــي ..
صحت من نـومـهآآ بــدري راحت للمسـتشـفى الـعــآآم .. خذت لها موعد وتحججت بــمـرض وهـمي من عقلـهــأأأ .. دخلت لقـاعآآتـ انتـظار النسـاء .. ولان حالتها عاديه او حتى يمكن
اقل من عــآآديه انتـظرت وانتـظرت وانتـظرت كثيـــررر .. أوووف ملـت من الانتـظار هـذا حال المستـشـفيـآآتـ الحـكوميـه كثـره الانتـظار على قل سـنع .. قاعه الانتـظار لوحدها مكان لنقل
العدوى وزياده الامـراض هذا يكـح وذاك يعطس واللي جنبه حالتـه حالـه .. اوووف وبالاخيـر على هالانتـظار شويه ادويـه ومسكـنآآتـ مامـنـهــآآآ فـايـدة .. وش هالحـآآلـه .. أصلا انا ليش
هـنا كل اللي جيت عشـانه ماله داعي مايسوى على هالانتـظار كلـه اقوم احسـن لي اقـلهـآآآ مااكون سبب بتأخير المـرضى الحقيقيــن .. وقفت بكل هيـبه وشـموخ متـجهه تبي تطلع من غرفه الانتـظار
شد انتـباههـأ صوت الممـرضه وهـي تنـادي اسمـهآآ .. " واخيــرآآ جــآآتـ اللحظـه " تراجعت ومشـت ورى الممرضـه لعند غرفه الدكـتور .. طالعت بأسمـه على بـآآب الغرفه بحيـره ..
بداخل هالغرفه انسـآآن مايربطـها فيه غير اسـمـه وبسسس .. ترددت من الدخول او حتى ليش تدخل وشنو تقوله نست كل اللي حضرته وكل اللي تبي تقوله وتراجعت بس فكرت وقالت بما اني
قررت ووصلت لـهـنـآآ لازم اكمل اللي بـديت فيـه دخـلت الغرفه بـدون ماتدق البـاب وجلسـت ع الكرسي مقابله الدكتور ..
الدكتور وهو منشغل يقرى ملفها بدون مايطالعها: السلام عليكم اختي قولي لي من شنو تشكين ..
هنا وطالعته بحيره تغير كثير او بالاحرى كبـر وملامحـه تغيرت مع الزمـن ماتدري ليش بس ماحسـت بشي لمى شافته : تقصد من شنو مااشتكي
الدكتور وعدل نظارته بطرف اصابعه وطالعتها وقال: نعم اختي
هنا: دكتور انا اعاني من مشكله من زمان من بدايه مراهقتي
الدكتور: طيب كملي
هنا وهي مستغربه ان ابوها ماعرفها .. شلوووون ماعرفها: ابوي ترك امي ومن يومها انا اعاني من مشـاكل مو بس مشكله
الدكتور: اختي انا مودكتور امراض نفسيه انا طبيب نساء وولاده والظاهر انك غلطانه بالعنوان انا رح اكتب لك عياده دكتور نفسي شاطر وتقدرين تقولين له عن اللي بخاطرك
هنا بسخريه: بدل ماتحل مشاكل الناس وتوصف لهم اطباء اشكال والوان ياليت لو كان عندك وقت تسأل عن اعيالك وتشوفهم لو عندهم مشاكل او لا
الدكتور وجلس يطالع فيها نضره مطوله هالنبره موغريبه عليه وهالشكل بعد مشبه عليها بس مومتأكـد .. معقوله ابو ماعرف شكل بنته ولاحتى صوتها .. طالع ملفها وشاف اسمـها نفس اسمـه
واستغرب وشفيه شكلها كذا وشفيها كذا شكلها اسود بأسود وكأنها ولد صحيح انها من وهي صغيره كذا بس كان فيها برائه ماصار يشوفها الحين وقال بأستنكار: هـنآ
هنا: الحمدلله انك عرفتني توقعتك تعرفني من اول ماادخل عليك
ابوها: فيك شي صاير معك شي ؟
هنا/ مشكور ع سؤالك ماقصرت والله كفيت ووفيت
ابوها: هنا انا ابوك احترمي نفسك وتكلمي معي بأدب ..
هنا: انا عارفه انك ابوي بس الظاهر انك انت ناسي ان عندك اعيآآل ولاحتى تسأل عننا ولاتدري انا كم عمري الحين او حتى بأي سنه ادرس ؟
ابوها: انتي وشتبين الحين ..؟
هنا: شكلي غلطانه بالعنوان انا كنت جايه ازورك واشوفك وكنت ابي
ابوها: الظاهر هذي لعبه جديده من العاب امك .. تبيني ارجع لها وشافت ان موضوع زواجها مااثر فيني وقالت يلا رح ادخل اعياله هالمره بالموضوع يمكن يحس ويرجع لي
هنا وعصبت: لو سمحت لاتدخل امي بالموضوع على الاقل امي الحرمه الضعيفه جابت اعيال وتحملت مسؤوليتهم مارمتهم ولاسألت عنهم
ابوها: اهااا .. الظاهر امك ماقالت لك عن المصروف الشهري اللي ارسله لكم والا تبون زياده بعد ؟
هنا: المصروف الشهري اللي ترسله كل شهر بعد ماتطلع عيننا واللي مكافئته الجامعه احسن منه مشكور وماقصرت ..
يقاطعها ابوها: هيييي اخلصي علي موناقصني وحده مسترجله مثلك تتكلم على راسي وتضيع علي يومي
هنا وعصبت من كلمته هالكلمه اللي ترفزها كثير واغلب اللي يبي يستفزها يقولها لها ردت عليه بكل برود وقالت : تدري ماتوقعت ردك كذا يادكتور يامتعلم انت حتى ماتستاهل اني اقولك يبه
ابوها وعصب وجن جنونه يكرهم من كرهه لامـهم .. مايحس بأي مشاعر تجاهم كل همه زوجـته الجديده واعياله منهم وبس : والله لو ماكنت بمكان شغلي كان عرفت شلون اربيك ياقليله
التربيه والا اللوم مو عليك اللوم على امك واخوك اللي خسـاره الشنب بوجـهه مطلعك كذا للشارع حتى شيله مافيه على كتفك ومسترجله ومسويه لي فيها ولد على فكره لاانتي ولااخوانك تشرفوني
تكونون اعيالي ويلا اطلعي برى قبل مااتصرف تصرف اخليك ماتنسينه طول عمرك
هنا وخانقتها العبره اهانها ايه اهانها اذا هذي نظره ابوها لها ماتلوم بقيه الناس بكلامهم لكن لا انا هشوم ومستحيل ابين ضعفي لاحد حتى لو كان ابوي اللي مايربطني فيه الا اسمه اللي يتبع اسمي ..
من اليوم ورايح مارح اسمح لحد انه يهيني او حتى يطول لسـآآنه علي ويحتقر شكلي : اصلا انا طالعه مولانك طردتني لا .. لان مايشرفني اجلس عن انسآآن مايتحمل مسؤوليه اعياله لكن الله كبير
وان شاء الله اعيالك اللي من مرتك الاجنبيه يسوون فيك نفس اللي تسويه فينا ووقتها انا اول الشامتين ولاتتكلم على اخوي لو سمحت اخوي رجال وغصب عن اللي يرضى واللي مايرضى .. واذا شكلي
موعاجبك ترى اللوم مو على هشـام اللوم على الدكتور المحترم اللي الكل يناديه بو هشام بس تدري من جد خسـارة الشنب اللي على وجـهك اذا انت تشوف بنتك قدامك وماتعرف شكـلها ولاقدرت تتعرف عليها ..
ماكملت كلماتها الا وجـآهـآآ كف طيحها من طووولهااا ووحست بالدم اللي يطلع من شفتها من قوه الكف قامت ودموعها للأسف خانتها ويدها على وجـهها ومقهووره ودموعها ع خدها مثل النهر الجاري
مااستحت من دموعها بس قالت له وبكل حقد .. حقد ملى قلبها الصغير حقد وكره لهالانسآآن اللي عمره ماحسسها بحضنه ولاحنيته يمكن لو كلمها وقالها كلمتين طيبين قدر يساعدها ويرجعها عن الضياع
اللي هي فيه .. هالبنت محتاجه كلمه طيبه من الناس المقربين لها .. ضايعه وحاسه بضياعها وتبي احد يساعدها ويطلعها من اللي هي فيه مو يجرها للغلط اكثر واكثر .. محتاجه صدر حنون تبي
عليه وتشتكي له وتقوله عن كل اللي بخاطرها بس خلاص من يوم ورايح رح تبطل غبائها وسذاجتها ورح تقوي قلبـهآآ وتـسكـره ورح تقفل قلبها عن الكل ودام الدنيا كلها تحتقرها وهي بداخلها شي من الطيبه
بداخلها استعداد للتغير للاحسن بس مااحد حاس فيها ولااحد ناوي يساعدها من يوم ورايح رح تسوي الغلط كلـة دام الناس شايفينها غلط رح تتمادى بالغلط اكثر واكثر .. حطت يدها على خدها ودموعها
تنزل وقامت له بكل كبريأء وغرور وهي تصفق له : كفوا والله كفووا .. الحييين بسس اثبت لي انك رجال تمد يدك على حرمـه والله كفو .. ورجعت وحطت يدها ع خدها تدراي الحراره اللي
بخدها وقالت : لكن بالنسبه لي ماهو برجـال اللي يمـد يديه على حرمـه .. (( وطلعت بسرعه وركضضض قبل مايتمادى ابـوها ويضربها او يتصرف معها اي تصرف ثاني ..
اما ابوها فـ عصب واتـصل على امـها وبسرررعه وهي ردت عليه : الو نوال .. اسمعي انا من طلقتك ماخلصت من مشاكلك انتي واعيالك .. مين بعد غير بنتك هالخايسه هنا المسترجله
اللي ماعرفتي تربينها شوفي عاد من اليوم ورايح انتي واعيالك مالكم دخل فيني انا بري منكم ليوم الدين حسبي الله عليكم .. ماابيكم بحياتي فهموا عاد انتي واعيالك اكبر غلطه بحياتي .. الظاهر ان
ورقه التنازل اللي تنازلت لك فيها عن اعيالك المعفنين مافهمتوها زين انا برى منكم حسبي الله عليكم ولو اقدر افصل اسمي عن اسم اعيالي ماقصرت وسويتها من زمـآآن .. شوفي ولاخر مره اقولك
ماابي اشوف ولااسمع خبر عنك ولاعن الزفت اعيالك وان سمعت شي عنكم ولو بالغلط ماتلومون الا انفسكم ( وسكر السماااعه بسرررعه وماعطاها فرصه ترد عليه او حتى تتكلم وهي يندب حظه
واليوم اللي تزوج فيه نوال وجاب مـنها اعيـآآل ويعتبره من اسوء ايام عمره ))
/
* أنــا ماآسـترجلـت لأجل اجـذب انتـبـاه .. ولآجل احب وانـحب ..
{ أنــا تــمــرجـلـت
// لآجـل أوطـي عـلـى خشـوم شـباب ..
راحـت الرجـولــه منــهـآآآ //
\
ركـبت السـيـارة بـكل ثقه وهي تعتز بنفسـهآآ وصحيح انها ماتمنت المقابله بينها وبين ابوها تتم بهالشـكل لكنـها طلعت وهي راضيه عن نفسها ع الاقل قالت اللي بخاطرها بدون خجل
وطلعت بعد مابردت حرتها وشفت غليلها من ابوها ...من يـوم ورايح رح توريـهم مين هشـوم مين هالمستـرجله اللي الكل يسـتخف فيـهآآ .. مافيه شي يسحتق انها تضحى
او حتى تسكـت عشـانها هي آصـلا طايحـه من عيـون الكل مايهمـهااا المهم انـهآآ تـكون راضيه عن نفسـها .. مافيه شـي رح ينفعها لا أمـها ولاابـوها ولااي شي .. اذا
اهلها مانفعوها حتى صديقـاتها مارح ينفعوها مارح ينفعها الا شــي واحـد شــهــادتــهآآ .. قـررت تهتـم بدراستـها اللي اهـملتـها كثيررر وخصوصا بعد مستـواهـآآ النـازل مررره
بالاختـبارات الشـهريه .. قررت انـها تـهتـم بـ مستـقبلها ودراستها وخصوصا انهم على وجـه اختبارات .. تبي تنجح بكل المواد وتتخرج بسـرعه وتعتمد على نفسـها وماتحتاج
لمـنه احد عليـها لامحمد زوج امـها وحتى ابــوهآآآ بتـعتـمـد على نفسـها وبسسس .. رجعت للبيت وراحت لغرفتــها .. تطالع بكـتبـها ولآ تـدري وش السـآالفـه او حتى شالموضوع ..
رتبت كتبــها .. وفتـحت جـوالها وانـهآآلت عليها الرسـايل مااهـتمت ولافتحت ولاوحده مـنهم واتصلت بـفـتوش .. وبعد رنه وثنتين وثـلآث ردت ..
هشوم: هلا فتـوش وينك
فتوش وتوها طالعه من كلاسـها : بـالجـامعه ليش ؟
هشوم: اسمعني بسألك انا بكم كلاس معك ؟
فتوش : بـ 3 كلاسـآآت النثر والادب الانجليزي و كلاس الدين ماادري شسـمه ؟
هشـوم : المهم فتوش انا مااحضر ابي اعرف نزل لي حرمان والا لا ؟
فتوش: ههههأأي لاتطمن انتي حبايبك كثار وانا واحد منهم من حظك اليوم الصبح علقوا بلوحه الاعلانآآت اسماء المحرومات واسمك موفيه ..
نيالك عندك مين يحضرك ..
هشوم: اي زين .. طيب بقولك انا ابي الملخصات حق الكلاسـآآت اللي انت معي فيـها زين مابقى ع الاختبارات شي
فتوش وهي مومصدقه اللي تسمعه: بــجـد .. تتكلم جد هشوم
هشوم: فتوش والله مورايق لك اتكلم جد
فتوش: خلاص يالغالي صـآآر تبي امرك البيت واعطيك اياهم
هشوم: لالا ماله داعي بكره بجي الجامعه وبالمره اخذ ملخصآآت المواد كلـها ابي انجح هالسمستر ..
فتوش: اوكيه صــآآر انا بكره عندي اووف بس بجي عشـآنـك وبـالمره نكلم بقيه البنات اللي معك بالكلاسـآآت الثانيه وناخذ منهم الملخصـآآت
هشوم: ماتقصر يالغالي ..
فتوش : ولو حاضرين للطيبين باي حبيبي ( وتسـكر وتشوف احدى الدكتورات وسيدااا تروح لـهآآ ..
فتوش: دكتوره هذا البحث حقي اللي طلبتيه
الدكتوره: طيب والبحث انتي لحـالك فيه والا معك حد
فتوش: لا معي هشو.. معي صديقتي هـنا اشتغلنا عليه سوا ..
الدكتوره: وليش ماجبتيه من الاول ؟
فتوش: دكتوره شدعوى انتي قلتي اليوم اخر يوم وهو كان جاهز عندي من الاول بس بما انه فيه فرصه قلت انا وصديقتي نعدل فيه احسن نسلمه بأخر يوم ويكون كامل احسن من اننا
نسلمه بدري وناقص
الدكتوره وتاخذ البحث : طيب وانا رح اراعيكم بالتصحيح لانك من الطالبات المتميزات عندي
فتوش: ماتقصرين دكتوره ولو اني متأكده ان البحث رح يعجبك ..
الدكتوره ابتسمت لها وراحت .. اما فتوش فـ ارتاحت من ماده الدين اللي ماتذكر اسمـها وكل همها تركز على مواد التخصص .. (( صحيح فتوش تحب الدجه مع شلتها وصديقاتها لكن
هي هدفها الاول والاخير من هالجامعه الدراسه وبسسسس .. يعني تدرس وتستانس بنفس الوقت .. أمـا هـنا فـ من حسن حظها انها تعرف نص بنات الجامعه فـ عندها مين يحضرها ومين
يعطيها ملخصاتها ويساعدها بأختبارتها هذا احلى شي لمى يكون الشخص مشهور ومحبوب بالمكان اللي يدرس فيه فـ الكل يتمنى يساعده .. ))
.
.
سـكـرت من عند فتـوش وارسـلت لآخـوهـآآ رسـاله بـالجـوال وبعد ماارسلتها بدقيقه بالضبط اتصل فيـها وماترددت بالرد عليــه ..
هـنا: هلا والله .. هلآ الحمدلله على سـلآمـتـك .. نورت الشرقيه ياقلبي هههأأأي والله وانت اكثر .. متـى الحين !! هاااه ماعندي مانع
هشوم: خلاص اجل انا بمـرك انتي وين
هنا: أنـا عـنـد صديقتي الحين لالا .. شوف انا اللي بمرك .. خلاص ياهشوم لو كنت ابي اقولك انا وين ساكنه كان خليتك تمر علي .. يوووه هشوم لاتعقدها
هشام: طيب طيب براحتـك .. وين اوكيه بس ترى امي وعبود بيكونون معي .. هنو وشفيك لاتعقدينها هذي امك ومن حقها عليك انك تسمعينها .. هنو وبعدين
هنو: اوووف خلاص خلاص موافقه .. مع اني كنت ابي اطلع ويـآآآك لحـالنا بس الله يـهداك ياهشـوم خلاص اوكيه الحييين بطلع بآآي .._ وتسـكر من عند اخوها وتلبس
عبايتـها وتطلع مع السواق للمكان اللي اتفقوا عليــــة )
دخلـت للكـافي اللي اتفقت مع اخـوها انها تلقتي معه فيه .. وشـافت امـهـآ واخـوانها .. سلمت على يدهم بطريقه عاديه جدا وجلست
ام هنا: كذا تسوين فيني ياهنو تطلعين ولاحتى تسألين فيني والله انك من تركتي البيت انا ماجاني نوم وادور عليك بكل مكان مثل المجنونه
هنا: ........
هشام: هنو متى ناويه ترجعين للبيت ؟
هنا ابتسمت بسـخريه: اي بيت واللي يعافيك انا ماعندي بيت ارجعله
هشام: وش قصدك ؟
هنا: قصدي اني ماابي اعيش عند احد يذلني بفلوسـه .. وماني مضطره اقعد عنده اذا كل شوي يقعد يعايرني على الريال اللي يصرفه علي ..
ام هنا: يعني شنو !!
هنا: يعني انا مرتاحه كذا
هشام: وليش رحتي لابـوي ؟
هنا: أنـت تـحـاسـب بـنـت ليش تزور أبـوهـآ ؟
هشام: هنو بلا عبط ابوي غاسل يده مننا من زمان ومايبي اي شي يربطنا فيه
هنا: اقول هشام هالموضوع بالذات يخصني وماابي اتكلم فيه اوكي .. المهم الحين ايش المطلوب مني ؟
هشام: هنو مالاحظتي انك وقحه ..
هنا وعصبت بس تمالكت نفسها وقالت: مشكور
هشام: اقول هـنو لاتسوين لي فيها دور الضحيه ويلا قومي معي نروح للبيت
هنا وعدلت جلستها: هشام مافيه شي يجبرني اروح معك للبيت تبيني اروح لواحد يكرهني ويشوف الموت ولايشوفني وطول ماانا عنده رح يذلني .. أذا انت ترضى ان
اختك تنذل انا ماعندي مشكله بس ذنبي برقبتك
هشام وحن على اخته مهما كان الظفر مايطلع من اللحم ومايحب انه يذلها وقال: طيب لين متى بتجلسين عن صديقتك ؟
هنا : لين ماادور لي شغل واستقل بنفسي
هشام: اي شغل وانتي لسى تدرسين وليكون بعد ناويه تسكنين لحـأألك
هنا : هذا انت لقيت شغل وانت بعدك تدرس وبعدين اذا ع السكن يعني مين بيسكن معي (وقالت بسخريه : امي والا ابوي
هشام: ليكون تفكرين نفسك بشيكاغو والا المكسيك
نوال: خلاص يااعيـال انا باخذ لكم شقه ايجـار وتسكنون فيها وش قلتوا ؟
هنا: لا اي شي من زوجك ماابيـه
نوال: زوجي ماله دخل .. انا باخذ لكم شقه من عندي من فلوسي
هشام: وخلاص انا بسكن بهالشقه حتى بعد زواجي وبالمره نكون انا وانتي وعبود مع بعض
عبدالله : وماما معنا
هنا وقالت بحيره: مدري اسألها لو تبي تجلس معنا والا مع زوجـها؟
نوال :خلونا بالاول نلقى شقه زينه وبعدين نهتم بهالتفاصيل ..
هشام: اجل يلا هنو تعالي معنا للبيت
هنا: هشوم وشقلنا بنرجع على يطير يللي
هشوم: لالا .. احنا الحين ساكنين بشقه مفروشه لين مانلاقي لنا شقه ايجـار زينـه
هنا: طيب ماما .. انا مااخرب حياتك واي قرار رح تتخذينه مارح اعارضك فيه بس انا واخواني نبي نسكن لحـالنـآآ وبعدين عن زوجك وهمه
هشوم: وانا معك ياهـنو .. انا بعد اللي صـآر ماابي ادخل بموقف اخسر فيه عمي او اختي وعشـآآن كذا انا رح اسكن مع اخواني لحـألنـآآ وبعيد عن المشـاكل ويمه احنا
مانطلب منك تتركين زوجك او تزعلين منه بس ياليت لو مايتدخل بعلاقتك فيننا
هنا واستانست ماتوقعت رد اخوها يكون كذا وانبسطت انه واقف معها وقالت: ماما فكري بالموضوع على راحتك ..
نوال: طيب خلونا نروح للبيت الحين ونتفاهم بهالموضوع بعدين
هنا: معليه انا خلوني هالفتره عند صديقتي بيتهم هدوء ومابقى ع الاختبارات شي وابي اركز واول ماتخلص الاختبارات برجع وشرايكم
نوال وماحبت تضغط على بنتها وقالت: طيب حبيبتي براحتك بس هناء مهما يصير ابيك تعرفين اني امك واحبك واثق فيك ومهما صار بيننا لاتزعلين مني
هنا هزت راسها بالايجـاب وماعلقت ..
/
/
رجـعت للبيـت وراحـت على طول للغـرفه وبدلـت ملآبسـها واختـارت لها بيجـامـة رجاليه هااااديــة .. وسوت لهآآ كابتشينوو عشـآآن تروق وكانت جالسه بالمطبخ وقطع
عليها روقـانـهأأ صـوت سعود ..
سعود: وينك يابو الشباب متى جيت البيت ؟
هشوم: من شوي .. انت اللي متى جيت من المدرسه
سعود وترمي شنطتها ع الارض وتتجه لعند هشوم وهي لابسه مريولها اللي كأنـها ثوب ولد لكن بـزي مدرستهم الرسمي وقالت بعربجيه وهي تفسخ نظارتها وتعدل شعرها الكدش : لا
انا اليوم استأذنت مالي خلق الدوام
هشوم: ليه وش الطاري ؟
سعود: لا بس الوالد عنده مراجـعه وكان عندي اختبار رحت للسكول اختبرت وطلـعت .. وبعدين رحت مع الوالد للمستشفى ورجعنااا
هشوم: وشلونه الوالد الحييين
سعود: لا الحمدلله بخير صحته متحسنه كثير .. هو موعد للسكـر وكذا وشيك الدكتور وكل شي تمآآآم
هشوم: الحمدلله ع كل حال .. سعود
سعود: سم ..
هشوم: هالسنه اخر سنه بالثانويه .. شنو ناوي تدرس بعد الثانوي ؟
سعود: ان شاء الله بدرس طب بشري .. ماتشوفني شاد على نفسي بالدراسـه عشآآن الطب
هشوم: الله يوفقك .. وان شاء الله اشوفك احسن دكتوره بالمملكـة
سعود: الله يسـمع منـك .. اقول هشـوم بما انك انجلش وانا دراستي كلها انجلش وعندي مدرسين طالعين جايين لو بغيت اي مدرس منهم علمني
هشوم وابتسمت: لا ياعمري انا مناهجي كلها فـهم ولاتحـآآتي انت خلك بدراستك وانا فيه مليووون كيوت دفره تبي تشرح لي ومضبطه مع كم وحده وبذاكر عندها ..
سعود: بالتوفيق ..
هشوم: الله يسـمع منـك ..
سعود: طيب هشوم وشرايك نتغدى الحييين ؟
هشوم: لا مالي خلق ماني بجوعان تغدى انت وبالعافيه ..
سعود: الله يعافيك بس ترى الغدا وايد متى مابغيت قول لساندي (الخدامه) تحط لك اوكي
هشوم : اوكي ( وتطلع لغرفتها المشتركـه مع سعود وتفـتح كتبـها ويجيهآآ آتصـال من أبـرار ( احد الطالبات الشاطرات اللي معها بالكلاس ) وردت بدون تردد
هشوم: الو هلا
آبرار: هلا هشوم .. الحمدلله وانت شلونك .. اي اي .. خلاص انا ابي اخلص معك المنهج اليوم وبكره وبعطيك ملخصـآآت تذاكر منهم .. تجي الحين
هشوم: اوكي ماعندي اي مشـكله يلا بآآآي _ اما هنو فـ كانت هالمره بجد ناويه تعتمد على نفسهـا وعلى طول بدلت ملآبسـهآ وراحت لآبرار وجلست تذاكر لها وهنا من
كثر المذاكره حست روحها ماتدري الله وين قاطها وخصوصا انها اشياء اول مره تسمع فيها وقرروا يخلصون المنهج على 3 أيـآآم .. ورجعت للبيت وراسـها مصدع بشكل
مو طبيييييعي بسبب الكمييييه الكبيره من المعلومااات اللي ذاكرتها ..ودخلت سعود الغرفه لعند هنو اللي كانت منسدحـه ع السـرير وحاطه المخده فوق رآسـهآآآ ..
سعود دخلت الغرفه تاخذ كتابها بهدوء وجات بتطلع نادتها هنو : سعود
سعود ولف على هشوم: هلآ
هشوم: سعود عندك حبوب للصداع احس راسي بنفجر من المعلومآآتـ اللي ذاكرتها
سعود: طيب تبي بنادول اكسترا ؟
هشوم: ماتفرق اي شي يهدي الصداع
سعود: دقايق بس اجيبه واجي _ وراحت وعطتـها الحبوب وخذتهم هـنو وحاولت تنام تركتها سعود وبعدين رجعت لها ودخلت الغرفه وفتحت اللمبات
سعود: هييي بوالشباب
هشوم وراسها تحت المخده: هآآه وشعندك يالله خف راسي
سعود: يالحبيب انت ماكلت شي من الصبح وبطنك فاضي عشأأن كذا تعبآآن .. وبعدين حلو انك تذاكر بس موتشد على نفسك بزيـآآده حبه حبه ياهشوم .. والحين
ماابي اي اعتراض وقوم معاي تعشى طبخت لكم ذاك العشـآآ اللي تأكلون اصابعكم وراه
هشوم وكانت فعلآآآآ ميته من الجووع ومحتاجـه تآكل قامت بدون تردد وراحت لسعود وقالت : يلآ وريـنا آخـر ابـداعتـك ..
انــتــهــى الفصــل الثــامـن عشــر .. واتــمنـى ان يــكون نآآل على رضـاكم واستـحسانـكم ..
ولاتـحرمونــي من تعليــقاتـكم الحــلـوة .. ونلـتقـى على خـيـرة ان شـاء الله بالفصـل القـادم ..
تحيــآآآتي لكـم .. اخـتـكم اميـره الروح 18 ..
الفصل الـــ 19 ـتـاسع عشر ..
₪●» دروس وعبر من الماضي «●₪
لكل آنسـان بحـيـآآآته ماضـي .. ويختلف هذا المـاضي من شخص لآخر ..
قد يكون ماضي سئ او جيد .. جميل او قـبـيـح .. و" لكـن "
الاهم ان نتعلم مما فـآآتنـاا .. وبـهذا الفصـل يعود لنــآآآ المـاضـي ..
لـ نعيش معه ونتعلم منة عـده دورس وعبــر من المـاضي ..
\\ اتمنى لكم قراءه ممتعه آحبتــي \\
ببيــت ســعود .. كانت ســعود جالســه مع آبــوهــآآ بـالمـجلس وعندهـا مدرس الرياضيـات يذاكر لهآآ آمـآآ هـنو فـ كـانت جالسه تذاكر بغرفتـهاا اللي مع سـعود ..
وسمر وهنو مرهقييين نفسهم بالدراســه .. لان الاختبـارآآت يـوم السبت وهم بالخـميـس فقرروا انـهم مايـطلعووون ولآ مـكان عشـآآن يذاكرون .. اما هـنو فـ كانت
تذاكر من قلب بسس توصـل حد معييين وتتعب فـ تأخذ بريك .. لانها اصلآ من دخلت الجـامعه اول مره تذاكر بجـديه وبهالطريقـة .. فـ قررت تاخذ لها بريك وراحت للثلاجه طلعت
لها شي خفيف وصحى تأكله وبعدها راحت لجـوالهآآ تشوف وش فيــة ومين اتصل ومين ماآتـصـل .. وع طول شـافت مكالمه فتوش ودقت عليها وماردت عليها الا بعد ثاني اتصال
هشوم: فتوش وينج عن الجوال
فتوش: انت اللي وينك انا قاعده اذاكر ..
هشوم: المهم وشفيك داقه !!
فتوش: بقولك جبت لك ملخص النثر .. والدكتوره خططت معنا الكتاب كلــة بسس آنـا مااحب الفرفره بالكتاب لخصتهم ع روق لي ولك تبينهم ؟
هشوم: اكييييد ياروحي ابيهم .. بس شوفي عطيني ايآآآهم السبت مره وحده اوكي يلااا بآآآي .. ( وتسكر من عندهـآآ ويجيـهآآ اتصـال من جـنا ..
مسكت الجوال بيدهآآ متردده ترد والا لا .. ماتدري شنو تسوي بس قررت ترد وتشوف وش عندهآآ خصوصا بعد غيبتها طول ذيك المده ردت وقالت بنبره حاده : نعم !!
جنا بشوق: قلبوو وينك .. وين كنت طول ذيك المده ادق عليك جوالك مفقل او حتى ماترد وش صاير !!
هشوم: ويني .. موجود
جنا: بس مريت عليك البيت وقالوا لي انك موفيه ؟
هشوم: انا موبالبيت
جنا: حبي ويـنـكـ .. طيب علمني انت وين وانا اجيك الحين
هشوم: صـآآرت معي اشياء كثيره .. ومااقدر اقولها كلها الحين
جنا: ليش طيب .. حبي شسالفه هشوم احسك موعلى بعضك
هشوم: جنوو ترى مالي خلق هذرتك سلكي بس ( وتقفل من عندها وهي معصبه وينها طول ذيك المده تغيب وتبيها تسآآل عنـها ولا بعد جايه بعد كل اللي صآآر وبكل برود وتقول
وينـك .. أأأكيد زوجـها موعندها عشان كذا افتكرتني واتصـلت .. وهي تفكر بحـآلها وبجـنا شافت جوالها اللي اتصالات جـنا ماوقفت منـة .. ماهان عليها قلبـهآآ تخليها كذا
ودها تشوفها وتكلمـها وتقولها بكل اللي بخـاطرها .. اللي صـار معهـآآ حمل كبيــر وماتقدر تتحملـه تتمنى تشـاركـها جنا فيه او حتى ترتمي بحضنها وتقولها انها مشتاقه لها وتعاتبها على
غيـآآبها حست انها غلطانه وجاها شعور بالذنب موطبيعي .. جلست تفكر ليش هي سوت كذا ع الاقل كان سمعتها .. رجعت ومسكت جوالها اللي ماوقف من اتصالات جـنا وردت
عليها وقالت بنبره حاده: جـنا .. تقدرين تجيني الحييئئئئن انا ببيت سعود وآبي اشوفك ..
/
/
تــوهــآآآ جايــه من الســفر .. ســفرتـها كانت طويــلة بالمـرآآ وكانت مقرره انو السفره تـكون شـهر بس .. لكن شهر ورى شـهر ليييين صــآآروا 3 شـهور .. وبعد هالثـلآث
شهـور رجعت وهي مشتــآآآقه بقــووه لآرض وطنـهـآآ وبنفس الوقت قضت احلآ 3 شـهور مارح تنســآآهــآآ بـ كـندآآ وكانت من زمآآن تتـمـنى انـهآآآ تزور هالبـلد وتحقق حلمـهاآآ ولمـى تحقق
عآشت هـناك احلأ ايآآم عمرهـآآ .. وبالاخير رجعت .. حست نفسها كبرت كثير واعتمدت على نفسها بآشيـاء كثيره .. والاهم من هـذا كلـة انـهآآ صـآآرت متعلقه بزوجـهأ بشكـل
آكبـر .. واخيررررا ركبت السيـآآره وهي جالسه بجنب النافذه وعيونـها على الشوارع اللي يمرون فيـهآآ وتطالع بكل فضول وهي مشتاقه لبلدها واهلها وكل شي يذكرها فيه
زوجـها اللي جالس بجنبها ع المقعد الخلفي بالسياره اللي مسـتأجرينها مع سواقها من المـطار طالعها بحب وقال: نور وشفيك مقربه من الشباك بهالشكل اللي يشوفك يقول اول مره تجين للسعوديه
نور وهي تعدل جلستها وتلتف على زوجـها: لا بس وحشتني السعوديه من زمـآآآن عنـها ..
زوجـها : بس السعوديه مااشتقتي لاحد ثاني
نور بعفويه: اي اشتقت لاهلـي وصديقاتي و
زوجها يقاطعها ومسوي زعلان: ياسلام يعني مااشتقتي لي ؟
نور وانحرجت بس قالت: لا انت معاي يعني مايمديني اشتاق لك لآنـك معي دووم يا بدر
بدر: بس انا اشتاق لك وانتي معي
نور وانحرجت وقالت هي تغير الموضوع: بدر تتوقع اهلي وصلوا ؟
بدر: اي عمي كلمني بالمطار وقلت لك انهم وصلوا وقبلنا الله يهديك يانور يعني ماخليتنا نروح لهم جده بعدين نرجع لهنا
نور: لا خلاص انا تعبت من السفر وبعدين كلها طياآآره سـاعه يجوون وينبسطون معنا .. والله اشتقت لهم بالمرآآ ..
/
/
/
الحيــآه صفحــات وانت احلى صفحـه فيـهآآ ..
يمكن اخبيها بس المستـحيــل اني امحيــهآآآ ..
:
:
:
خلــونــآآ نـرجع لـجنا وهشـوم .. وصلت جـنا لبيت سـعود وجلست مع هشوم بـالخيمـة اللي بــرى ..
جـنا: هشوم حبيبي والله آسفه ع القطيعه اللي صـآرت بس والله غصب عني انا رح اقول لك كل شي وانت احكم .. انا كنت كل يوم اتصل فيك وانتي ماتردين
هشوم بحمق: لا والله صدقتك .. جنوو انا كنت اتصل فيك وانتي كلا تصرفين وتقولين زوجي عندي وماادري شنو .. ع الاقل راعي شعوري يكفي ان زوجك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك