رواية غراميات مجنونة -21
خلــونــآآ نـرجع لـجنا وهشـوم .. وصلت جـنا لبيت سـعود وجلست مع هشوم بـالخيمـة اللي بــرى ..
جـنا: هشوم حبيبي والله آسفه ع القطيعه اللي صـآرت بس والله غصب عني انا رح اقول لك كل شي وانت احكم .. انا كنت كل يوم اتصل فيك وانتي ماتردين
هشوم بحمق: لا والله صدقتك .. جنوو انا كنت اتصل فيك وانتي كلا تصرفين وتقولين زوجي عندي وماادري شنو .. ع الاقل راعي شعوري يكفي ان زوجك
هالعله اهتمامك صاير كله فيييه وانا صفر ع الشمآآل وياخوفي بعد بكره تروحين وتحملين منه وخلآأأص تنسين شي اسمـه هشوم
جنا : هشوم وشفيك .. ليش تكلمني كذا ؟
هشوم: مافيني شي والا موعاجبك كلامي بعد
جنا: طيب اسمعني
هشوم بزمره: وشتبين تقولين هااه اخلصي ؟
اما جنا حست بالاهآنه من كلام هشوم ماتدري ليش تكلمها بهالطريقه درات دموعها بسرعه من قبل ماتنزل وقالت: طيب لاتحكمين علي بدون ماتسمعيني ممكن تسمعيني الله يخليك عطيني
فرصه وحييييده واسمعيني !!
هنو وحنت عليها بس تصنعت القوه وقالت بنبره حاده : يلآ بسرعه تكلمي وقولي وش عندك واخصلي
جنا: بنفس اليوم اللي اتصلتي علي فيه كان زوجي عندي وذاك اليوم اذكر تهاوشنا لانه يدقق ع الموبايل ويقولي 24 ساعه موبايلك بيدك اضطريت احط صامت وماارد ع اتصـالك .. وبعدين
من ثاآآني يوم وانا اتصل وجوالك مقفل وبعدها جاء زوجي وقالي اننا بنـسافر وطولت بسفرتي وحتى كان ناوي يطول اكثررر وتهاوشت مـعـة ورجعت بسرعه وقبل مااسافر رحت لبيتكم ومالقيت
حد منكم فيه وحتى اليوم بعد مريت بيتكم ومالقيت حد .. وشوفي جوالك كله رسايل مني وانت مطنشتي ياهنووو حتى لمى كنت برى كنت اتصل عليك من الفندق وارسللك ايميلااات وحتى ماتهنيت
بسفرتي طول الوقت اكلملك وتهاوشت مع بوعبدالله ورجعت بسرررعه والله ماابي من الدنيا غيرك ياهنوو ( ومسحت دمعتها بطرف عبايتها وماحبت ان هنو تشوفوهآآ )
اما هنو حن قلبها ع جـنا مهما صآآر بينـهم تضل جـنا حبها الاول البنت اللي تفهمها من نظره واللي ضحت عشآآنها والانسـانه اللي عشقتها بكل ماتعني هالكلمه من معني قالت : جنوو
انا شوي مشوشه صـآآرت معي آشـياء كثيره وتمنيت وقفتك معي ومالقيتك ياعمري جنآآآ انا ابيك معي ع طووول وزوجك هالحـيـ ... يشاركني فيك وهذا اللي ماارضى فيه
جنا وراحت لها وحطت يدها ع مقدمه شعر هنو تبعد الخصلات المتمرده اللي نزلت على وجهها وقالت: هنو قوليلي وش صآآر معك
هنو هزت راسها بايجاب وبعدت عن جـنا وجلست مقابلتها وقالت بتردد: انا . انـ ـ ـ ا بقولك السالفه كلها وقوليلي رأيك جنونتي انا ضايعه وربي ماني عارفه اللي سويته صح
والا غلط اللي قاهرني اكثر اني مااقدر اخبي هالشي بقلبي .. والله تعبت من كثر ماانا افكر بهالموضوع رح اقولك كل شي وانتي احكمي
جنا هزت راسها بالايجاب وعطت هنو نضره حسستها بالامآآن اما هنو فـ قالت لها السالفه كلها مثل ماصـآآآرت بدون قيود ..
جـنا : يآآ عمري انتي كل هذا صـار معك وانا موموجوده .. انا اسفه حبيبتي ( وتروح تجلس جنبها : والله ماكنت ادري انو
تقاطعها هنو: انا عاذرتك بس قوليلي اللي سويته صح والا غلط ؟
جنـا من بعد صمت قالت: مومهم اللي سويته يكون صح او غلط اللي صآر صـآر ياهنو والمهم تفكرين ببكـره .. وهنو انا مااقول انك كنتي صح او غلط كلكم غلطانين انتي غلطتي وهو غلط بعد
يعني ياعمري زوج امك جايز كان خايف عليك او حتى يتقرب منـكـ بس طريقته غلط بـ غلط .. وانتي كنتي معصبه وبنفس الوقت رديتي عليه بآسلوب استفز رجولته ياهنو ..
وموقف امك صعب واصعب من الصعب مابينك وبين زوجـهآآ من جد موقف لاتـحسـد عليـه بس ياهنو امك تحبك وشاريتك والدليل انها ماخلت زوجـها يتدخل ويتمادى اكثر واخوك وامك
واثقين فيك ويبون لك الافضل وحتى ماجروك من شعرك وخذوك معهم غصب خلوك عند صديقتك ع راحـتك وماقالوا اي شي .. بس اللي صآآر صار ومهما صار بينك وبين اهلك
لاتنسين ان الظفر مايطلع من اللحم ولاتتركين اهلك لان محد بيخاف عليك وبينفعك مثلهم .. تفكيرك صح ياهنو دراستك هي الوحيده اللي رح تنفعك واللي سويته صح .. بس
حاولي تنسين موضوع ابوك ولاتحسين بالذنب تجاهه او حتى انسي هالاحسآآس وعيشي حياتك مثل ماهو عايش حياته بعيد عنكم ..
هنا وحست بالراحه من كلام جنا وقالت: انا مدري ليش رحت له
جنا: قلنا اللي صار صار وماله داعي نفكر فيه صح
هنا هزت راسها بالايجـاب وقالت: جنوو انا فيه موضوع ابي اكلمك فيه واتمنى تفهميني زين وماتزعلين مني
جنا: انا لو زعلت من عيوني بتحرمني نظرها وشلون لو ازعل من عمري كله
هنا: لا بجد ابي تجاوبني بصراحه
جنا: طيب قولي
هنا: احنا لين متى رح نظل مع بعض
جنا بحيره ماتوقعت هالسؤال وقالت: وش قصدك
هنا: قصدي اني انا وانتي نحب بعض بس لين متى !
جنا واستغربت من سؤالهآ لانها ولامره سآلتها هالسؤال وهي حتى مافكرت فيه وقالت: بس انا ياهنو مااتصور حياتي بدونك
هنا: مااتصور حياتي بدونك ومااعيش بدونك وانتي كل حياتي وعمرك كله فداك وغيره وغيره هذا كله كلآم .. آنـا سألتك سؤال واحد وابي جواب محدد
جنا وهي مستغربه من هنو ومزاجـها المتعكر وهي تحسـهآ شوي تكون معها وشوي ضدها وقالت: انا قلت لك ايآها من قبل ورح اقولك اياها الف مره انا مارح اتخلى عنك ولو صار بيننا
شي الله لايقولها تأكدي ان الفراق مارح يجي مني ياهنو ..
هنا بسخريه : يعني بيجي مني
جنا وهي مستغربه منها: هنو وشفيك ؟
هنا وطنشتها وقالت: جنـا انتي انسانه متزوجـه وكل بنت تتزوج مصيرها يوم من الايـآآم تصير ام والا انا غلطان ؟
جنا: طيب الحيييين انت مسوي كل هذا عشان تقول هالكلمتين
هنا: انا للحين ماسويت شي .. بس انا ماابي انتظر اللحظه اللي انتي تتركيني فيـهآآ وتقولين لي بآآي
جنا: هنو وشفيك ترى جننتيني قلت لك مارح اتركك خلاص عاد
هنا: طيب واذا حملتي وصرتي ام .. شوفي جنا انا موانانيه وبنفس الوقت ماني مثاليه زياده عن اللزوم من الحييين اقولك انا صحيح اني تحملت انك متزوجـه وظروف
زواجك وتطنيشك لي بس الفكره اللي بتجنني ومااقدر اتحملها انك تجبين ولد والا بنت من زوجـك اللي حتى مااحب اذكر اسمه
جنا: يعني ماتبيني احمل ؟
هنا: قلت لك انا موانآنيه وماابي اضغط عليك .. بس تأكدي باليوم اللي تكونين فيه حآآمل انسيني احسن .. سوري بس هالفكره تجنني وصدقيني حتى لو حملتي وقلتي رح تضلين
معي كلها كم شهر وتولدين وبعدها تنسيني .. يمكن اكون بنظرك انانيه وسخيفه وسطحيه حتى بس انا ماقلت هالكلام الا من بعد تفكير عميق .. موعشآآني ابيك لي لحالي وبس .. لكن
انا ماارضـآهآآ لك ولااحب اخاوي وحده عندهـا اعيـال انا حتى مااحب ان حبيبتي تكون متزوجـه .. جنا فكره وجودك معه تجنني وتذبحني وانا لازم اجمد علاقتنا لفتره عشآآن افكر ..
جنا وعيونها مدمعه بس ماسكه نفسها قالت بنبره مبحوحه: بس ياهشووم انا ابيك وزواجي صـآر غضب عني .. وانا اصلا ماافكر بموضوع الاعيال ماافكر فيه الحين وهو اصلا عنده اعيال ومايهمه
هالموضوع ولاحتى فتحنا الموضوع وانا ماابي من الدنيا غيرك
هنو وحنت علي وراحت لها وجلست جنبها ومسكت يدها وحطت عينها بعينها وقالت: جنا وربي احبك بس انا خايفه عليك واليوم اللي رح تكونين فيه ام بكون جنبك كـ أعز صديقاتك وبس مااقدر اكون
لك شي ثاني ..
جنا وخانتها دموعها: بس انا ماابي اعيال ماابي احد ابيك انتي وبس
هنو وضمتها وقالت بهمس : الله لايحرمني منك ياجنووونتي .. بس انتي فكري بالموضوع ومهما كان قرارك رح احترمـه ..
جنا: انا فكرت ولو افكر مليون مره رح اقولك اني ماابي غيرك من هالدنيا .. ماابي غيرك وبسس
هنو ارتسمت على شفايفها ابتسامه نصر وهي فرحآآآنه ان جنا رح تضل معها على طول بس كانت تفكر وخايفه من المستقبل .. خايفه يجي يوم وتنسآآهآآ جنا وماتتمنى انها تشوف هاليوم ابـد ..
.
.
.
.
.
.
.
وبــعــد مـــرور آسـبـــوعـيـــن .. مـرت الاخـتـبـآآآرات بطـيئه وثقيله على الكل والاهم من هـذا كلـه انهآآآ مرت بســلآم وبأخر يــوم اختبــارات ..
كانت هـنو تـوهآآ طالعه من قـاعة الاختبــآآرات وكانت تقريبآ اخر وحده طلعت بعد ماتأكدت من حلها عدل .. ووجـههآ كان اصفر بالمرررآآ وشاحب .. وبعد ماطلعت من قاعه الاختبارات
شافت مجموعه من صديقاتها يتجمعون حولها ويسآلونها عن الاختبار وليش طولت ويتسآلون اما هي ماقدرت تجاوبهم عن تسآولاتهم وماقدرت تميز من اللي يكلمها ومين لا فـ طاحت من طولـهآآ من
كثر التعب ... بعدها بفتـره فتـحت عيـونـهااا بصعوبه .. وهي تشوف قدامها جـنا وبعض صديقاتها بالاضـافه لوجه جديد عليها وكانت لابسـه بالطوا ابيض وعرفت انـهآ الدكتـوره ..
جنا: هنوو حبيبتي شلونك الحين
هنا وهزت راسها بالايجـاب بدون ماتتكلم
الدكتوره: هي معها ارهاق كبير بسبب الاختبارات وهالشي واضح من عيونـها .. وبسألكم هي معها ربو صح ؟
جنا: اي يادكتوره بس الربو يروح ويجي يعني مو دايم
الدكتوره: هي محتاجـه بخــآآآر وع السريع .. انا انصحكم تنقلونها ع المستشـفى الحين اول ماتصحى .. انا بسوي لها بخار الحين بس لازم تراجع المستـشفى وبسرعه
عشان تتطمن اكثر .. والحين بنات اتمنى انكم تطلعون عشآن اسوي لها البخار
اما البنات طلعوا بدون جدال ...
الدكتوره وهي تطالع هنا قالت: هنا بسألك انتي تدخنين
هنا هزت راسها بالايجـاب بدون ماتعلق
الدكتوره: مثل ماكنت متوقعه .. هنا صحتك هاليومين ماتتحمل ومارح اتكلم عن مضار التدخين لانك اكيييد عارفتها بس بقولك اتركي الدخان وبآسرع وقت ممكن عشان صحتك ..
وياليت لو طلعتي من هنا تراجعين المستشفى وتسوين تحاليل بخصوص حالتك مع الربو .. لان حالتك الصحيه مو مره ..
هنا سمعت كلامها وطنشته لسى تحس بالتعب وموقاده تتحمل .. اما الدكتوره فـ سوت لها البخار وجلست معها ..
وبرى غرفه الدكتور كانت جنا جالسه مع البنات ينتظرون
جنا من بين دموعها: لا صراحه مايحق لها تطلعني ليش اطلع من عندهم انا ابي اروح عندها
فتوش: جنو الله يهداك الدكتوره تعرف مصلحه مرضاها ووجودك لارح يقدم ولايأخر
زينه: وبعدين ياجنا لاتنسين ان الغرفه صغيره وهي تسوي لها بخار ومومحتاجين انفاش زياده
جنا وتطالع زينه: يعني الحين نفسي اللي رح يخنق الغرفه
روعه: يوووه جنو لاتعقدينها خلاص عاد بتسوي لها بخار وبتطلع
اشواق: بجد جنا بدل ماتقعدين تبكين وتقلبينها مناحـه انتظريها احسن لك
جنا: انتو ماعندكم سالفه انا بروح اقعد معها احسن
اشواق: بس الدكتوره مارح تدخلك
جنا بعناد وهي تمسح دموعها بطرف اصابعها: مو بكيفها بروح يعني بروح ..
( وراحت جنا ودخلت غرفه الدكتوره وقالت: دكتوره ابي اقعد معها شوي
الدكتوره: قلت لك انتظري برى احسن ووجودك هـنآ ماله داعي
جنا وجلست بالكرسي المقابل لسرير هنا ومسكت يد هنا وقالت: لا وجودي له داعي ومارح اطلع
هنا وابتسمت لها وهي تمسك يدها بقوه ..اما الدكتوره طالعت فيها وماعلقت ولاقالت اي شي ..
وبعد ماخلصت هـنا من بخـارها .. قامت وطلعت من غرفه الدكتوره هي وجنا وصحتها احسن بس التعب والارهاق باين عليها وكان صديقاتها ينتظرونها عند باب الغرفه واول
ماطلعت سلمووا عليهآآ وتحمدوا لها بالسـلآمـه .. وقعدت تسولف مع شلتها شوي وودعوا بعض وبعدها راحـت لبيتـهـآآ اللي هو بيت سـعود وكانت بغرفتها ترتب اغراضـها عشان تروح
لبيتـهم وع دخله سعود ..
سعود اول مادخل رمت شنطتها وعبايتها وجلست تنطط ع السرير : واووووووووووووووووو
هنو وهي ميته ضحك : هههههههههآآآآي .. فيك شي لالا اكييييد انهبلت
سعود: واخيرااااااااااااااااااااااا عطلنآآآآآآآ وخلصنااااا وانتهت ايام الثانوووووي
هنو: مبرووووك عقباااال كليه الطب
سعود: الله يسمع منك .. عااااد انا ابي انآآآم واخذ راحتي من قلب .. والا تدري مارح انام ابداااا بواصل مافي شغل هههههه
هنو: ههههههههههه الله يهنيك
سعود: وش قاعد تسوي ؟
هنو: ابد سلامـتـكـ .. بس اجهز اغراضي
سعود: تمزحين صح .. توا الناس ليش تونا معطلين
هنو: اهلي كل شوي واتصلوا سووا لي قلق الدور الجاي عليك انتي تجين عندي
سعود: والله تعرفين وضعي والشايب مااقدر اخليه لحـآآله
هنو : الله يخليه لج ..
سعود: طيب شوفي تكفيييين ع الاقل اليوم بس اسهري عندي وروحي بكره الصبح بليزززز
هنو: ياعمري تفكرين اني ميته بروح البيت والله مااهتميت بس اهلي
سعود: ماعليك انا اكلم اهلك وشرايك ؟
هنو : اوكي كلمي ماما وشوفي وش تقولك
سعود وتروح لها وتضمهاااا : لبىىىى صديقتي .. (وتروح ..
اما هنو فـ آبتسـمت لـها وطالعتها بحب .. بالايـآآم الاخيره تعودت عليها كثير وماتتصور حيآتها بدونها وصـآرت مثل اختـها .. وحست نفسها من اهل
هالبيت وحتى ابو سعود حسـتـها مثل ابوهآآ وهي حتى لو رجعت بيت اهلها رح تجي وتبات عندهم كم يوم ومافيه شي بيتغير بالمـرآآ بس تبي ترجع بسرعه لان اخوها
معصب منها وتغير عليها هاليومين وخصوصا بعد ماانتهت هالاختبارات مالها اي حجـه .. وقطع عليها تفكيرها صوت جوالها يرن وردت بدون تردد وبسرعه
هشوم: هلا والله بنور عيني ..
نور: نور عينك هآآه اقول وينك يالقاطعه
هشوم: هههههه لا والله انا وانتي اللي من تزوجتي ماشفناك !!
نور: انا معي عذري انا مره متزوجه بنشوفك انتي لاتزوجتي
هشوم وغيرت الموضوع وقالت: طيب يالمتزوجه قوليلي وشلون طريت على بالك واتصلتي
نور وانحرجت لانها بالفتره الاخيره انشغلت كثير عنها: والله انك دوم على بالي .. وخصوصا الحين اني رجعت وسكنت بالشرقيه ورح ارجع الجامعه معك مره ثانيه
هشوم واستانست: والله .. يعني اخيرا بتنور جامعتنا .. الا نور انتي وين
نور: هههههههههههه ياعمري اهم شي انا متصله اقولج اني رجعت وخذتنا السوالف
هشوم: والله رجعتي .. متى رجعتي وماقلتي لي ..
نور: المهم اني رجعت وابي اشووفك ضروري ..
هشوم: اممم شوفي انا بكره بكون ببيت اهلي وشرايك نتقابل بكره
نور: ليش انتي وينك الحين ؟
هشوم: انا ببيت وحده من البنات وبكره بروح البيت
نور: مين جنا ؟
هشوم: لالا وحده ثانيه ماتعرفينها
نور: من شلتنا
هشوم: لا مو معنا بالجامعه ونور خلي عنك اللقافه بكره بتعرفين كل شي .. اوكي باااي ( وتسكر وتجيها سعود
سعود: هشوم تعال الغدا ينطرك
هشوم: يلا جاي ...
/
/
/
/
جالســه بمـكتبـها ومهمـومـه ع الاخيــر .. واليوم ع غيـــر عاده جات للجمعيــه من بــدري من مللـها .. لها فتره تبــات يوم ببيـت زوجـها وعشـره مع اعيالهـآآ ..
وهي مقرره انها تبات يوميا عند اعيالها لـ جات بنتها للبيت .. ماهي قادره تصدق اللي هي فيه معقوله موقادره تربي بنتها او حتى تتحكم فيها هالبنت شيبت لها راسها
عنيده اكثر من اخوانها والادهى من كذا انها ماتبي تدخل حد بالموضوع وخصوصا زوجـها اللي تدخله زاد الطين بله بنظرها والا ابو بنتها اللي مايبي يعرف شي عنهم .. تحس
ان هموم الدنيا كلها على رآسـها وخصوصا وهي شـاكه الا عارفه بس تحاول تنكر او ماتصدق وماتبي تصدق ان بنتها بويه مع ان كل شي يدل على كذا صحيح انها من زمان صبيك
بس ماكانت كذا وهي شاكه بالهالشي بس مكذبته للحين تشوف بنتها ذيك الصغيره البريئه اللي ماتسوي الغلط وراحت بذكرياتها لمكـآآن بعيد بالمرا .. لشقه صغيره تتكون من
غرفتين نوم وصـاله ومطبخ صغير .. وكانت حامل بأخر شهورها وجالسه بالصـآآله الصغيره ترتب ملابس ودخلت بنتها اللي ماتعدت العشر سنوات وهي لابسه بنطلون جينز وبلوزه
عليها سوبر مان وكانت لابسه مثل هشوم وشعرها بوي ومعصبه وجايه مع السيكل حقها
نوال: هنو حبيببتي وشفيك ؟
هنو: يمه انا معصبه من بنات الحاره الغبيات السخيفات كلا ينادوني ولد مللوني
نوال: ههههههههه الحين هذا اللي معصبك ماعليك منهم خليهم يولون
هنو: اصلا هم معصبين لانهم مايعرفون يلعبون كوره مثلي ولاعندهم سيكل مثلي عشان كذا يسمونني ولد مالت عليها ( وتدخل لغرفتها وهي تتحلطم
اما امها فـ كانت تضحك على شـكلها وعصبيتها .. وكلمه ولد كانت من اكثر الكلمات اللي تستفزها
قطعت عليها تفكيرها وحده من صديقاتها اللي معها بالمكتب وهي تسلم عليها
نوال: وعليكم السلام ياام فارس من متى وانتي هنا ؟
ام فارس: توني جايه انتي الظاهر مااخذتي بالك مني
نوال: معليه ياام فارس بس ماانتهبت لك .. غريبه اليوم جايه بدري ع غير عاده
ام فارس: ماعندي شي وبوفارس توه طالع من البيت فـ قلت يمرني الجمعيه احسن هاليومين الشغل كثير وموملحقين وبوفارس يعطيه العافيه عطاني اسماء
عائلات كثيره ومحتاجه ومازال يدور الله يعطيه العافيه
نوال: الله يعافيه .. بس اختي خفي على نفسك بالشغل ولاتنسين انك حامل
ام فارس: ياام هشام محد يعاف الاجر ولاتخافين علي مافيني الا كل خير ان شاء الله
/
/
/
كــآآنت جالســه بالصــآاله تـطالع التلفزيون ومندمجـه مع الفليم وتتابع بكل هـدوء ومعصبه من سعود اللي قالت لها قعدي عندي اليوم ومن بعد الغدا حطت راسها ونامت وهي ودهآ
تنام بس مافيها نوم .. طنشت وقعدت تـطالع التلفزيون والمشـكله حتى الشـايب (بوسعود) نايم يعني كذا والا كذا جالسـه لحـآآلها .. ملت من الفليم الكوميدي لانها تابعتها
الف مره قبل كذا وراحت للمرايــآآآ اللي موجوده بمدخل الصـآله وقعدت تتأمل شـكلها وشلون متغير وصـآيره غير وجهها شاحب ومصفر و صايره تتعب كثير هاليومين بسبب التدخين
الكثير وقررت بينها وبين نفسها تترك الدخان وتترك كل شي يضر بصحتـها .. طالعت بشعرها اللي طول بالمرررآآ ومن زماان ماقصته وصاير طويل يوصل لمقدمه كتفها وموعاجبها
بالمرا " لازم اقصه " فسخت اسواره من الاسورات اللي بيدها ورفعت شعرها ولمته كله لورى وربطته وصار صغير بس ينربط .. ضحكت ع شـكلها صايره بنوته بالمرااا
وخصوصا مع شفايفها الحمرا من بعد مااكلت الايس كريم وجلست تضحك ع شـكلها .. قطع عليها وقتها صوت سعود وهي تناديها بس لمى شافتها استغربت من شكلها
سعود: خير بوالشباب بتقلب كيوت !!
هشوم: مستحييييل
سعود: شوف شكلك بالمرايا
هشوم: شفته خلك من شكلي وقول وش عندك!!
سعود: آنـا مارح اقولك تعال معي ( وتمسـكها من يدهآ ويطلعون للخيمـه اللى بـرى واول مادخلوا كل البنآت قـالوا بصوت واحد
سبـرايــززز ..
هشوم واستـانست عليهم ومفاجآتهم الحلوه اللي ماتخلص وقالت: oh my god
الكل يصفق لها ومسانس فيها وهي مبسوطه من عفويتهم والبارتي كان مختصر ع اقرب المقربين وهم شله الانس
جنا .. روعه.. زينه .. اشواق.. فتوش .. بآزوكـآ .. شمه
جنـآ: شلونك حبيبي الحين
هنا: الحمدلله مثل ماانتي شايفه
بازوكا وتوقف بينهم: والله اللي شايفته وحده كيوتـ واقفه بيننـآ
هنا: لاتقولين كيوت
فتوش: جد ليش رابطه شعرك
هنا: يعني شعري الحين صار قضيه الموسم !!
فتوش: والله الروج هو قضيه الموسم
البنآآتـ كلهم بصوت واحد تصفيق : واوووووو
هنا وتسكتهم: هيييي هييي انا موحاطه روج ولاشي هذا آيـس كـريـم
سعود: اممم ايس كريم شخباري هالكذبه هذي اخر واحد كان يقولها مآت
الكل: ههههههه
هشوم ومسويه معصبه: والله ماعندكم سـآلفه زين الشرهه علي انا اللي اعطيكم وجه صدقتوا والا بسلامتـكم ..
الكل: هههههه
زينه: هشوم وشدعوه ماتتحمل مزح
اما هنوو مدت لها لسـآنها علامه عن زعلها
اشواق: يالبى لسآنك بس والله ودي انـ
جنا: يووووه وبعدين اشواق لاتزعليني منك زين
روعه: خلاااص لااحد يمزح ولايقرب من هشوم الاخت غيوره
جنا: اي غيوره ولااحد يقرب من هشومي فاهمين
هشوم: واصلا انا ماابي غير جنونتي واللي بيقرب بيتعب نفسه ع الفاضي
سعود: ههههه يعني نطلع منـهآ
شمه ومسويه زعلانه: شي طبيعي تطلع منها ليش وين ناوي تدخل يعني !!
سعود: هاااه انا ابي ادخل قلبك ومااطلع منه
الكل : هههههههههههههه
بآزوكآ : ياعيني ع الحب والله .. اقووول ياحلوووين خلونا من غراميتـكم وشغلوا لنآآآ شي نسمـعه ونرقص عليه
زينه: افآآآ عليكم الحييئئين اشغل لكم انا دي جي الشــلـة ( وتشغل لهم الاغآآني )
وبجهه جـنـآ وهشـوم ..
جنا: حبي شلونج الـحيـن .. من بعد اليوم ؟
هـنا: الحمدلله تمآآم
جنا: ومتى بتروحين المستـشفى ؟
هنا: مستـشفى ليش ماله داعي
جنا بجديه: بس الدكتوره قالت لازم تمرين المستـشفى و
هنا تقاطعها: الدكتوره هذي ماعندها ماعند جدي كل مااحد دخل عندها قالت مستـشفى وتحاليل وكـلآم فـاضـي
جنا: اي كلام فـاضـي يـاهـنو .. هذي صحتك
هنا: حبي مثل ماقلتي صحتي وانا ادرى بعمري .. يعني الوضع اللي انا فيه طبيعي ومو جديد علي .. لاني ولاول مره اذاكر بهالكميه الكبيره وبهالجهد الكبير
وكنت احيآآنـا اواصل وانا اصلا بوقت الاختبارات نومي قليل واكلي بعد فـ شكلي طبيعي .. اما بالنسبه للأغماء لاني اخر الايام مثل ماقلت لك اسهر ومااكل وادخن كثير
فـ آثر ع الربو عندي عشـآن كذا بس ..
جـنا: اممم طيب ياعمري ولو لازم تروحين للمستـشفى وتراجعين
هنا: انا ادرى بعمري تبين تمرضيني غصب وعموما انا معي مراجعه الاسبوع الجاي وكذا والا كذا بروح وبعدين لاتخافين علي انا خوافه ومااحد يخآف على صحته كثري
جنا : لبىىىى صحتـك والله .. بس ماقلت لي اي يوم موعدك
هنا: مدري .. بس ع بدايه الاسبوع الجآآي
جنا: طيب من الحيييين احسب حسآبي بجي معك ..
هنا هزت راسـهآ بالايجـاب .. وارتآآحت كثير من رده فعل جنـآ ومن خوفها عليها .. كل يوم يمر تحس انها تقرب من جنا اكثر وحتى لو كانت تقسى عليها فـ هذا من خوفها
عليها فـ هـنا تخاف انها تقوم من نومها بيوم من الايآم وماتشوف جنا معها او حتى ماتسمع لهآ خبر او اي شـي .. يعني كل شي بحياتها ممكن تتصور انـه يصير الا غيـآب جنا عنها
هذا الشي اللي موقادره تتصوره وهالفكره ماتحب تفكر فيها لانها تجننها وتقتلها بـعد .. وبالاخيــر آنـتــهـت السـهره على خيــر والكل بالنـهايه راح لبيته ماعدا جـنا اللي قررت تبـات
مع هشـوم بهاليـوم ..
اليــوم التـــآآلي ..
صحت هنا من نومـها من بدري وهي تجهز اغراضـها وجنا كانت صاحيه معها لانها مقرره ان جنا تبات عندها اليوم بشقتهم الجديده ..
سعود وتوها داخله الغرفه: يعني خلاص بتروحين ؟
هنا وتطالع فيها: شسوي بعد والله الود ودي اسكن هنا بس تعرفين الاهل ..
سعود: طيب انتي وعدتيني انك ترجعين وتباتين عندي بالصيفيه صح
هنا: آكيييييد (وتضمهااا وتسلم عليها)
سعود: طيب تعالي معي الشايب اقلقني يبي يسلم عليـك
هنا: والله يعز علي افآآآرقه مدري شلون بودعه بس اكيييد مارح تكون اخر مره يشوفني فيها
سعود: طيب تعال معي عشان نسلم عليه
جنـا: طيب انا بطلع الحييين على ماتجين عشآآن هشام اخوك برى وبالمرا يلهى ومايقول شي لانه له ربع سآعه ينتظر
سعود: اوكي انتي اطلعي وهشوم بيلحقك .. ( وطلعت جـنا وركبت السـياره اما هشوم فـ راحت عشان تودع ابو سعود ووداعهم اختلط بالدموع وبالمشـاعر الجياشه
ماتدري ليش هنا حبت هالرجال كثير وتعلقت فيه وحسته مثل ابوها يمكن لانها حست معه بحنان بحـنآآن الاب اللي عمره ماذاقته .. وبعد ماخصلت وسلمت عليهم طلعت وركبت
مع اخوها بالسـياره وبكل صمـت ولآول مره ركبت مع اخوها وهي متحجبه وكانت لابسه نظاره شسميه اما اخوها فـكـآن مستانس من انها فكرت تتحجب ولكن اللي براسه هو وامه
انهم يغيرونها للآحسن ورح يبدون معها شوي شوي وحتى لو يقسون عليها عشآن تعرف انها غلطآنه .. واما جنا فـ من شافت هنا متحجبه قلدتها يعني اي شي تسويه هنا تقلدها فيه بدون تفكير ..
ووصـلوا لبيـتهم اللي كان عباره عن شقه بالدور الارضـى بأحد الاحيـاء المتوسطه والهاديه وكانت شقه كبيـره فيـهآ 4 غـرف نوم بالاضـافه للصآله والمجـلس واستغربت هنا لمى شـافتها متأثثه واثاثها
كامل ..
هشوم : هنا انا الحين طالع بروح للدوام وامي وشوي تجي من المدرسـة وعبود نايم بغرفته .. غرفتك اللي داخل واللي لونـهآآ فوشي انا اللي اخترت لك ايآها بنفسي اتمنى تعجبك عن اذنك ..
( ويطلع )
هنا: غرفتي لونها فوشي .. شـالطاري يعني !!
جنا: طيب يلا نشوفها ( ويروحون للغرفه كانت رايقه وهاديه بالمرآآ تصلح للبنـآت وتعجب اي بنت .. اما هنو مافرقت معها المهم مكان تنام فيه وبس )
جنا وتمددت ع السرير: واوووو غرفتك تجنن وسريرك مريييييح
هـنا ابتسمت لها وماعلقت : .....
ودق جرس البآآب واستـغربوا مين اللي يدق الباب
جنا: يمكن هشوم رجع
هنا/ مااتوقع اكيييد معه مفتاح
( وتجي الخدامه وتدخل بعد مادقت الباب
الخدامه: مس هنا you have avister (عندج ضيوف )
هنا: اوكي ( وتجي تطلع و تناديها جنا: مين جاي
هنا: علمي علمك بروح اشـوف .. ( وتطلع للصـآله وماصدقت اللي شافته عيونهـآآ كانت نور عينهآ وتلعب مع اخـوهآ عبدالله واول ماشافتها هنو
ضمتها وبآستها بكل شوووق وسلمت عليهااا
نور: وحشتيني
هنا: والله انتي اللي وحشتيني خليني اشوف شكلج عدل ( وتمسك يدها اما نور فـ درات حول محورها عشان تشوفها هنو عدل
هنا: تغيرتي حييييل
نور: والله حتى انتي تغيرتي
هنا: خلينا مني الحين وخليني فيـك بجد بجد تغيرتي ياسلام هالقد الزواج يغير
نور وانحرجت وقالت: هنو وبعدين ( اما نور فـ كانت قاصه شعرها مدرجات ع طوله اللي واصل لنص ظهرها وصابغته احمر كله بس طالع عليها رايق ومبيضها بالاضـافه
الى نحافتها الملحوظه وصايره احلى ..
هنا: لحظه لحظه موكآنك طولتي
نور: من وين ياحسره الله يخلي الكعب مابقى كعب مالبسته ..
هنا: ههههههههههههه نور تلبس كعب شالطاري !! وين اللي كانت قنوعه وتقول طولي حلو ومومحتاجه للكعب
نور : يعني تعرفين بعد ابو العيال طويل ولازم طولنا يكون متناسق ..
هنا ورفعت احد حاجبينها : بو العيال ( وتمسك بطن صديقتها : فيه شي ع الطريق !
نور: لا وين توا النآآس
هنا : مدري عنك قلتي بو العيال والله مومنك من شهور العسل مدري كم قعدتي بكندا مابغينا نشوفك
نور وانحرجت وضحكت \ ههههه هنو وبعدين ( وطلعت ع اصواتهم وضحكتهم جنا اللي استغربت لمى شافت نور وماتدري من وين جات
جنا: هاي نور
نور وهي تطالع بجـنا ومستغربه وجودها ومستغربه انها كانت داخل: هلا جنا ( وتسلم عليها )
هنا: تفضلوا ليش واقفين بنتكلم واحنا واقفين
نور: اي والله خذتنا السوالف ولهينا
عبدالله : هنا ليش ماسلمتي علي مثل نور
هنا وابتسمت لاخوها وشالتها وضمته بحب: انت حيآآآتي واسلم عليك غير كل النآآس
عبدالله وهو لسى بحضن اخته: بتروحين عننا مره ثانيه
هنا: لا مستحيييييل انا رح اظل معاكم وحتى لو رحت رح اخذكم معاي
عبدالله: طيب اوعديني انك ماتتركينا مره ثانيه
هنا: ان شاء الله حبيبي
عبدالله: طيب بقول اخر طلب
هنا وهي لسى شاليته: قول ياروح اختك
عبدالله: عادي نروح بيتنا القديم عند بابا محمد
هنا وعفست وجهها ونزلت اخوها من حضنها وقالت: انا ماابي اروح هناك تبي تروح انت روح بس انا لا .. ولاتسآلني اكثر
عبدالله خاف من كلام اخته وماحبت ياخذ ويعطي وياها وراح وجلس جنب الصوفا اللي فيها نور ويسولف معها اما هنا فـ راحت قالت للخدامه تحط لهم شي
ياكلونه ورجعت وجلست مع البنآآآتـ ..
نور: وانتي ياجـنا اخبارك وشمسويه ؟
جنا: الحمدلله بخير نسآل عنك ؟
نور: سمعت انك تزوجتي
جنا هزت راسها بالايجاب
نور: وشلون زوجك معك
هنا عفست وجهها
جنا : .......
نور: وشفيج ماتردين .. طيب ماقلتي لي مستانسه بزواجك
جنا: المهم الحين انتي قوليلي استانستي بشهر العسل
نور: الحمدلله تقصدين شهور العسل موشهر واحد والله استانست بالمرا ومابغيت ارجع
جنا: الله لايغير عليك
نور: امييين واجمعين ان شاء الله ..
جنا ابتسمت لها وهي ماتدري شنو اللي يدور براس نور
نور: واقول الحييين انتي للحين علاقتك مع هـنو مثل اول
جنا ومسكت يد هنا وقالت: الحين مثل اول واكثر بعد
نور واستغربت: حتى بعد زواجك
جنا: بعد زواجي علاقتنا صـآرت اقوى
نور: طيب وزوجك .. يدري عن هالعلاقه وشنو دروه يعني انتي متزوجه وش لك بهالسوالف ؟
جنا وعصبت ووقفت وقالت: انا وهنو مارح يفرقنا الا الموت ( وطالعتها بأحتقار ومشت)
نور: وشفيها ذي
هنا/ مدري عنها
نور: ليكون زعلت انا اسآلها عادي لاني وبصراحه استغربت لمى عرفت انهآ متزوجه ولسى باقي معك وحبيت استفسر لااقل ولااكثر
هنا: طيب ماصآآر شي .. المهم خلينا من كل هالكلام وقولي لي اخبـآآرك ..
نور وهـنا جلسوا يسولفون ولاعليهم من جـنآآ اللي كانت ميتــه قهـر داخل وحالتهـآآ حاله ولاحتى عبروها وبعد ربع سـاعه دخلت لعندها هنا
هنا: حبي يلا غيري بنروح نتغدى بـرى ..
جنا وترفع حاجبها علامه عن الاستياء وحاطه يدها على خصرها: لا والله .. نطلع برى وجاي تقولها بكل برود ..
هنا: جنونتي ليش تتخصرين لي انا وشقلت لك يعني .. الحين موعاجبك نطلع برى
جنا: الا حبي عاجبني بس كلام نور موعاجبني
هنا\ كلام نور .. ليش نور وش قالت
جنا: كل هذا وماقالت شي هنو وشفيج
هنا: مافيني شي .. نور ترى ماتقصد شي واسئلتها كانت عاديه جدا اهم شي انا صح
جنا ومقهوره من برود هنا وقاهرها اكثر ان الموقف عادي عندها وتطالع فيها بكل استغراب
( وتدخل نور : هنوو يلا السياره تنتظر برى .. انا وعبود طالعين سابقينكم
هنا: اوكي ياعمري جاييين ( وتروح نور وهي مع عبود
جنا: ياسلام وتقولها عمري بعد
هنا: جنا فيك شي .. عادي هذي كلمه وتنقال
جنا: هالكلام ماينقال الا لي فاهمه ؟
هنا: الحين بتقعدين تعلقين ع الكلمه .. المهم عاد الناس تنتظرنا برى لبسي بسرعه
جنا: يعني بعد موطالعين لحآلنا وهالنور قاطه وجه بعد
هنا: لاتقولين هالنور .. اسمها نور وبعدين لاقاطه وجه ولاشي هي عازمتنا ع الغدا ولبسي وبلآ كثره حكي
جنا: بعد تآمريني شوفي عاد دام الطلعه فيها نور انا ماني جايه يانطلع انا وانتي لحآلنا يا بلآهآآ ..
هنا: البنت جايه من السفر ومن زمان ماشفتها وابي اقعد معها وخلي عنك هالغيره اللي مالها داعي
جنا تقاطعها: مالها داعي
هنا بزمره: اووووه ترى طفشتيني بتجين والا لا
جنا: وتزامرين بعد ماني بجايه ( وتجلس ع اقرب صوفا تشوفها.. اما هنا طنشتها وماعلقت عشان مايكبر الموضوع بينهـم وخذت عبايتها وطلعت ولااهتمت بـجنا
اللي ماتت من القهر بسبب رده فعل هنا البارده وزاد قهرها من نور ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك