رواية قتلهن الطيش وأحياهن الحب -22

رواية قتلهن الطيش وأحياهن الحب -22

في الجزء الحادي عشر .. هند وش تبي بصوره منيره ؟؟!

وهل خطوبه وليد للوجين رح تتم ..وان تمت وش بيسوي عبدالرحمن؟!

الـــــجزء الـحـــادي عشــــر ,,,

..................

مدخل

سأثبت لكـ حبي ... بكل الطرق

حتى تثق تماما بأني اهواكـ ..

..........

الاوضاع مستتبه في كل العوايل .. الايام ماشيه بأحلى مايكون بالاجازه .. والحب زايد حبتين مع العشاق ..

بعد كم يوم من جمعه البنات في بيت نور .. اتصل حسن على هند ..وهند كانت جالسه بالصاله ومعها الهنوف ..يوم شافت رقمه نقزت وراحت ركض وطلعت الغرفه لأنها كانت متأكده ان حسن مارح يتصل الا لأنه نفذ طلبها .. حسن من اول ماطلب منيره الصوره ارسلتها له بس ماكلم هند وبلغها على طول لأنه كان خايف من تصرف هند ومو متأكد هي وش غرضها من هالطلب ..

هند : الوو

حسن : الوو .. السلام عليكم ..

هند: وعليكم السلام ..

حسن : كيفك هنوده ..

هند: بخير الحمدلله .. انت شلونك

حسن : بخير ياحياتي .. مدام انك رجعتي لي اكيد بكون بألف خير

هند: ومن قال اني رجعت لك ؟!

حسن : انا اللي قلت

هند: ههههه لا اشاعه

ضحك حسن : وان قلت لك ان اللي تبيه صار .. والصوره الحين بجوالي..

هند فرحت : والله ؟!

حسن : ايه والله ..

هند: طيب يالله ارسلها لي

حسن : بس مو قبل مااعرف وش تبين فيها

هند : ارسلها وبتعرف

حسن : لا والله ماارسلها وانا ماادري وش تبين فيها

هند: انا قلت لك اني مابضرها .. فلا تخاف عليها .. انا بس بسوي شي معين .. وبمسحها

حسن : هند اعذريني .. مااقدر ارسلها وانا ماادري وش تبين تسوين

هند حست انه جاد بكلامه وممكن انه مايرسلها : اوكي .. بقولك بس توعدني ترسلها

حسن : اوعدك

,,,,,,,,,,,,,,,,,,,,,,,,,,,,,,,

لوجين جالسه بغرفتها وسارحه بعالم ثاني .. يالله وش صار لي بأسباب اورنج الحقير .. توبه ماعاد اغلط مثل هالغلط .. اصلا انا الغبيه ماتبت بعد ضربه فهد .. بس الله طيحني بيد اورنج عشان اتوب زين .. ياعمري يانور ..لو ماكلمته وش كان رح يصير فيني اللحين .. يمكن اكون خلاص مت .. ومطيحه راس اهلي بالارض .. الله يهديني ..الله يهديني ..ويهدي صديقاتي يارب .. ومسكت جوالها وارسلت لنور وهند رساله فيها كلمه وحده ( احبك ).. وخلت جوالها ونزلت للصاله وشافت ابوها جالس بالصاله ..وقالت بنفسها غريبه ..راحت له وسلمت عليه : الغالي موجود بالبيت

..وتجلس جنبه

عبدالله : ايه بالبيت

لوجين : عشان كذا البيت منور

عبدالله ابتسم لها : منور بأهله

لوجين : وانت تاج روسهم

الا هذي هدى جايه من المطبخ بيدها تبسي القهوه ..وشافت لوجين : انت صاحيه ؟؟ كنت احسبك نايمه

لوجين تقوم تاخذ من امها التبسي عشان تقهويهم : لا ماما وش ينومني هالوقت .. وين فهود

هدى تعطيها وتجلس : الظاهر انه طالع من البيت

عبدالله : متى تبين اسويلك العشا .. ولا ماتبين

لوجين تناظره : لا لا شلون مااابي .. خليها الخميس هذا .. انا اخرتها عشان جود صديقتي ماكانت بتقدر تجي لو كانت الاسبوع اللي راح

عبدالله : على خير

لوجين تصب القهوه لأبوها : سم

عبدالله سم الله عدوك

هدى : وش تبين تسوين .. وش بتجيبين .. من بتعزمين ؟!

لوجين : مابعزم كثير .. بس كم وحده من صديقاتي بالمدرسه ..وطبعا واكيدا وبلا شك نور وهند ..

وتصب لأمها : تفضلي ماما ..

هدى تاخذ منها بدون أي كلمه .. وهي مبتسمه

عبدالله يضحك: وطبعا واكيدا وبلا شك..

لوجين تضحك : ايه هذول اساس الحفله ..بعدي طبعا

قطع كلامهم رنه التلفون ..

وتقوم لوجين وترد : الوو

ام وليد : السلام عليكم ورحمه الله وبركاته

لوجين : وعليكم السلام ورحمه الله .. من معاي

ام وليد : معك ام وليد .. من انت

لوجين استغربت ماتذكر ان امها تعرف وحده اسمها ام وليد : من بغيتي

ام وليد : انت لوجين

لوجين وزادت دهشه : ايه .. من انت لو سمحتي

ام وليد : شخبارك يابنتي

لوجين : الحمدلله ..

ام وليد: امك موجوده

لوجين : ايه ..لحظه ..

لوجين تروح لأمها : وحده تقول ام وليد وتبيك

هدى : من ام وليد

لوجين : والله ماادري ماقالت

عبدالله : قومي شوفي من

هدى تقوم : يالله قايمه .. وتروح تكلم ام وليد: اللوو

ام وليد: السلام عليكم

هدى : ياهلا ومرحبا وعليكم السلام ورحمه الله وبركاته

ام وليد : معك ام وليد خوي ولدك فهد اذا تعرفينه

هدى وتعرف وليد خوي فهد : اوووه ياهلا ومرحبا .. اعذريني والله ماعرفتك .. شخبارك عساك بخير

ام وليد : بخير الله يسلمك .. انت شخبارك ..شلون عيالك عساكم مبسوطين

هدى: والله الحمدلله كل الامور بخير ..

ام وليد : والله بغيت اخذ منك موعد ..وازورك بالبيت .. اذا كنت فاضيه هاليومين ..

هدى : الله يحيك هذي الساعه المباركه وان ماشالك البيت تشيلك عيونا .. الله يحيك متى ماتحبين

ام وليد : الله يسلمك .. ماتقصرين .. اجل يصير الخميس هذا ..؟!

هدى : لا والله الخميس هذا حفل تخرج لوجين .. وبيكونون صديقاتها عندنا ولا بناخذ راحتنا .. شوفي يابعدها ولا قبلها اللي يريحك

ام وليد : ماشالله .. تخرجت .. على البركه ان شالله .. عقبال كل سنه .. ومن أي مرحله متخرجه

هدى : من الثانويه العامه

ام وليد : ماشالله ماشالله .. مبروك الف مبروك

هدى : الله يبارك فيك

ام وليد : اجل نخليها الاسبوع اللي عقبه ..شرايك

هدى : يصير مثل ماتحبين .. الله يحيك

ام وليد : الله يسلمك .. يالله عاد استأذنك الحين ..

هدى : هلا والله مع السلامه

ام وليد مع السلامه ..

قفلت هدى وراحت لهم وهم ينتظرونها وطبيعي يبون يعرفون من ام وليد هذي ..

عبدالله : هاا عرفتيها ؟!

هدى تجلس : أي طلعت ام خوي فهد ..تبي تزورنا وتتعرف علينا

لوجين ناظرت امها ومو مستوعبه هالكلام وخافت وتلون وجهها وقالت بنفسها : يمه وش تبي ؟! ليه بتزورنا

عبدالله : الله يحيها

لوجين : وليش يعني وش تبي تزرونا ؟!

هدى : هاه .. عمرك شفتي احد يزور الناس ويسألونه ليش تزورنا ..

لوجين ارتبكت : لا مو قصدي كذا .. بس يعني غريبه ليش زايرتنا وتبي تتعرف

هدى: والله ماادري .. لا جات بنعرف

,,,,,,,,,,,,,,,,,,,,,,,,,,,,,,,,,,,,,,,,,,,,,,,

نور كانت بالحمام تاخذ لها شور .. وضي كانت تحوس بغرفتها كالعاده يا بالتسريحه ولا باللاب توب .. دخل عبدالرحمن الغرفه وشاف ضي فاتحه اللاب وتقرا قصه ..

عبدالرحمن : وين نور؟!

ضي: تتروش

عبدالرحمن جى بيطلع من الغرفه ..

ضي: وش تبي منها

عبدالرحمن : ولا شي لا طلعت بكلمها ..

الا هذي نور تفتح باب الحمام وتطلع لا بسه الديشمبر ولافه المنشفه على راسها ويوم شافتهم شهقت : يوووه .. ورجعت الحمام تكلمهم من ورا الباب: وش تبون كلكم بالغرفه .. اطلعوا ابي اللبس

عبدالرحمن : طيب لاطلعتي ناديني ..ابيك

نور: طيب اطلع الحين

طلع عبدالرحمن وضي من الغرفه .. ونور طلعت من الحمام ..وبعد مالبست ووقفت تمشط شعرها نادتهم ..لكن عبدالرحمن نزل للصاله وضي بقت .. ويوم نادت عليهم نور دخلت ضي ..

نور: وين عبدالرحمن

ضي : نزل للصاله

نور: وش يبي

ضي: ماادري ..

نور: انت وش جالسه تسوين بالجهاز؟!

ضي: اقرا

نور خلصت ونزلت للصاله ولقت عبدالرحمن وابوها : السلام عليكم ..وتدخل تجلس

سعود وعبدالرحمن : وعليكم السلام

عبدالرحمن : نعيما

نور: الله ينعم عليك ..

سعود: وينها اختك؟!

نور: فوق على الكمبيوتر تقرا قصه ..

سكتوا شوي ويناظرون التلفزيون .. وعبدالرحمن يأشر لنور من غير لاينتبه ابوه .. وقالها اطلعي برا ابيك

قام عبدالرحمن يبي يطلع ..

سعود: وين رايح ؟!

عبدالرحمن : المطبخ .. وراح

دقايق ولحقته نور .. دخلت لقته ينتظرها : هاا وش بغيت ؟!

عبدالرحمن : تعالي ابيك شوي ..

نور توقف قدامه : نعم

عبدالرحمن : اسمعي نور ..امانه ابي اسألك

نور بأهتمام : اسأل

عبدالرحمن : امانه نور لوجين باقي تحب وليد ولا لأ

نور انصدمت : هااه .. ليش تسأل؟!

عبدالرحمن : ابي اعرف بس

نور: وليش تبي تعرف ؟!

عبدالرحمن : نوووور .. خلاص بس ابي اعرف

نور وابتسمت : ليش تحبها انت ؟!

عبدالرحمن ارتبك: وشو احبها مااحبها .. لا طبعا مااحبها

نور ترفع له حاجبها : اجل وشوله تسأل ؟!

عبدالرحمن : كذا .. سؤال .. فضول

نور : اهااا قلت لي فضول .. اجل اللقافه ماهيب زينه .. وتدير له ظهرها تبي تمشي

وقفها عبدالرحمن : نور لا بزرنه عاد

نور : اجل قول لي وشوله السؤال..ناظرت عيونه وقالت له : دحوووم ترى هالحركات نعرفها كلنا .. بس اعترف احسن عشان نقطع الشك باليقين

عبدالرحمن ابتسم ومارد عليها ..

نور: بتقول ولا امشي

عبدالرحمن : ايه احبها .. خلاص ارتحتي

نور تنقز وتضحك : صدق ؟!

عبدالرحمن يضحك : وش فيك كذا فرحانه .. ايه احبها واموت عليها

نور: اماااانه .. احلف .. قل والله

عبدالرحمن : خلاص عاد .. يالله جاوبي

نور: لا والله ماتحبه خلاص وليد ماضي وانتهى من زمان ..

عبدالرحمن : يعني متأكده انها ماتحبه ولا في شي بقلبها له ؟!

نور: ايه متأكده .. وش فيك هذي اختي واعرفها زين مازين

عبدالرحمن فرحان : طيب شكرا شكرا على الخدمات

نور: العفو ..

وطلعوا لأبوهم مره ثانيه

سعود : وين رحتوا انتو ؟!

نور: كنا بالمطبخ .. تبيني اجيب لك تشربه

سعود : ايه والله ياليت ..

عبدالرحمن : وانا بعد جيبي لي

نور: من عيوني الحلوين .. بس وش تبون بارد ولا حار؟!

سعود: أي شي

عبدالرحمن : ياريت تسوين شاهي وتزودين الحلا شوي.. ويغمز لها

,,,,,,,,,,,,,,,,,,,,,,,,

حسن : بس هذا اللي بتسوينه

هند : ايه والله

حسن : اجل يالله اقفل منك عشان ارسلها

هند: اوكي

وتقفل منه .. وهي بقمه سعادتها واخيرا بتنتقم من منيره .. وبنفس الوقت تأكدت من صدق مشاعر حسن ..

,,,,,,,,,,,,,,,,,,,,,,,

وليد دخل البيت .. وينادي على امه : يمه ..يمه

تطلع امه من غرفتها: نعم

وليد : هاا يمه وش صار اتصلتي ولا باقي

ام وليد : ايه اتصلت

وليد فرح : والله .. وش صار وش قلتي لها

ام وليد : وش فيك كذا تبي تطير .. ماصار شي بس اخذت منها موعد على الاسبوع الجاي

وليد : لييه يمه انت قلتي الاسبوع هذا

ام وليد : قلت لها الاسبوع هذا قالت انت لوجين مسويه حفل تخرجها الخميس وبيكون عندهم صديقاتها

وليد : صدق

ام وليد : ايه .. بس تصدق ياولييدي ..

وليد : وشو

ام وليد : امها ماشالله عليها وش زين لسانها تقول انها تعرفني من زمان .. هلت فيني ورحبت ..

وليد مبتسم : ايه .. هذول الناس الاجاويد

ام وليد : عاد يبيلي اكلم نوف اختك عشان تروح معاي

وليد : ايه كلميها لازم تكون معك

ام وليد ملاحظه فرحت ولدها الكبيره بالموضوع هذا ..فقالت له : وليد ياوليدي لا تعشم نفسك كثير ولا تفرح واجد ..لازم تحط احتمالين لهالموضوع

اختفت ابتسامه وليد : ليش يمه

ام وليد: لأن الزواج قسمه و نصيب .. فيها تكون لك وفيها لأ .. عشان كذا ماابيك تفرح واجد وبعدين تنكسر هالفرحه

وليد : لا يمه ان شالله تكون من نصيبي

ام وليد: ان شالله ... عطني التلفون خلني اتصل على بيت اختك عشان اقولها تستعد..

,,,,,,,,,,,,,,,,,,,,,

لوجين طلعت غرفتها ومنسدحه على السرير وتفكر بام وليد وعبدالرحمن .. وتقول.. يالله ام وليد وش تبي عشان تجي لمنا ..وليد صديق فهد من زمان ولا عمرها اتصلت وقالت تبي تتعرف .. معقوله يكون اللي في بالي .. لا لا مستحيل .. وتنقلب على جنبها وتبتسم .. وعبدالرحمن .. بس عبدالرحمن مو معقوله يحبني وهو يدري بسالفتي مع وليد .. من جد غريبه .. بس يمكن يكون عبدالرحمن احسن من وليد .. مو يمكن الا اكيد احسن .. ناظرت جوالها اللي له مدى مارن .. وابتسمت .. ايه كذا صرت بنت مؤديه ..

,,,,,,,,,,,,,,,,,,,,

منيره جالسه بغرفتها الصغيره المتواضعه وفرحانه : الحمدلله واخيرا حسن رجع مثل اول . . كنت فاقده الامل انه يرجعلي .. قطع تفكيرها رنه جوالها برساله وابتسمت ..قالت يمكن من حسن .. سحبته وفتحت الرساله... وانصدمت ... ضلت تناظر الجوال لفتره.. مو مصدقه اللي تشوفه ..رساله من هند وصورتها اللي ارسلتها لحسن موجوده فيها وكاتبه تحتها رح اضيعك مثل مانويتي تضيعيني .. وكاتبه بيت شعر .. ( من تعرض لي لو بنظره عين **برد له عينه وبيدي بصرها)

لحظات ورقم هند يتصل عليها .. منيره شافته والدموع بعيونها والخوف تملكها ..ردت : الوو

هند : اعتقد وصلت الرساله لحظره جنابك .. منيره انت احقر انسانه شفتها بحياتي

منيره تبكي: هند .. والله انا اسفه .. والله اسفه ..لك مني اللي تبين بس لا تسوين لي فضيحه

هند تضحك بستهزاء: لا اسوي لك فضيحه .. على بالك كل الناس طيبه وتسامح .. لا ياحبيتي مستحيل اسامحك على اللي سويتيه فيني .. هذا وانا ماسويت لك شي ارسلتي لي واحد اجل لو ضريتك بيوم وش بتسون فيني.!!

منيره : هند خلاص سامحيني واللي يخليك لأهلك سامحيني .. خلاص اصلا انا اللي منعت حسن من انه يضرك

حسن تكلم وهو على الخط من بدايه المكالمه : بلا كذب ياكذابه ياحقيره .. انا اللي ماتركت لك المجال تضرينها لأنها حبيبتي

منيره متفاجئه : حبيبتك؟!

حسن : ايه حبيبتي .. اللي ماتعرفينه ياست منيره انك انت ولا شي بالنسبه لي .. وقلبي مايملكه غير هند

منيره وزادت صياح : لا كذب اللي تقوله انا اللي احبك من زمان

حسن : تحبيني بس انا مااحبك ولا عمري رح احبك .. ولا ابي احب وحده مثلك

هند: اسمعي ياا.... ,, ترى هالحركه اللي سويتها لك قرصه اذن عشان تعرفين ان اللي يدوس على طرفي مابيحصل خير ..فاهمه اللي اقوله .. وهالصوره بتبقى عندي على طول عشان اعرف اتعامل معك وتأكدي لو جاني أي ضرر منك مره ثانيه بتكونين منتهيه ... وتقفل الخط بوجهها .. منيره انهارت انهيار تام من اللي صار ومومصدقه ان مصيرها اللحين صار متعلق بيدين هند ... وقالت .. ياليتني ماعرفتك ياهند ولا شفتك في حياتي..

هند لازالت على الخط مع حسن وتضحك ...: الحمدلله بردت ناري

حسن : اخس والله انك موب هينه

هند مبسوطه : ايه موب هينه اجل وش على بالك .. تسوي فيني هالحركه واسكت لها .؟؟!

حسن : احسن شي منيره سوته بحياتها هالحركه ..

هند: ايش ايش ايش؟!

حسن يضحك : يعني لو ماسوتها كان ماعرفتك اللين الحين

هند ابتسمت : اهااا .. احسب شي ثاني

حسن : طيب ياقلبي خلاص عاد امسحي صورتها

هند : وانت وش فيك مهتم فيها بزياده

حسن : تغارين ؟!

هند ارتبكت : هاه .. لا مو قصه غيره .. بس كل شوي وانت امسحي وامسحي

حسن : لا ياقلبي .. بس خلاص اللي تبينه صار وبعدين مايصير تجلس الصوره بجوالك مو حلوه يمكن احد يشوفها.. انت ترضينها على نفسك ؟؟!

هند : لا والله ماارضاها .. خلاص بمسحها اصلا وش ابي فيها يعني ..انا مابغيتها الا عشان اخوفها بس

حسن : هنوده ..

هند: نعم

حسن : لا ماابي نعم .. ابي ياعيونها

هند استحت : كلها واحد

حسن : لا مو واحد .. يالله ابي اناديك وتردي علي مثل اول ..هنوده

هند ساكته ...

حسن : هنوده

هند ساكته

حسن رفع صوته: هنوووده

هند: ياعيونها ..

حسن : الله.... ياحياتي والله مشتاق لكلامك الحلو .. هنوده تحبيني؟!

هند: لا مااحبك

حسن : بعد كل اللي سويته عشانك وبعدك تقولين لأ.. ماتقولين لي وش اسوي بعمري عشان تحبيني .. اذبح نفسي .. انتحر ..

هند: لا بسم الله عليك

حسن : اجل حبيني ..

هند : انا مو احبك بس .. انا اموووووت فيك

,,,,,,,,,,,,,,,,,,,,,,,,

فهد بسيارته وراجع للبيت ويفكر بهند .. صدق اعجبته بس حاس بشي يرده عنها .. وده يحبها لكنه متردد وبقوه .. لما شاف هالاحاسيس المتضاربه بداخله قال يمكن مالي نصيب بهالانسانه او انها ماتناسبني .. وبما ان شخصيه فهد تختلف عن ماجد وكمان عبدالرحمن وامور دراسته وافكاره وتخطيطاته لمستقبله كلها امور تشغله عن امور الحب .. وحياه فهد بهالاسلوب هي اللي ممكن تفتح مجال اكثر بين هند وحسن ومايكون في حياتهم عقبات بعد منيره..

,,,,,,,,,,,,,,,,,,,,,,,

اليوم الخميس حفل تخرج لوجين اللي كان بالبيت طبعا ..لوجين كان شكلها بالحيل حلو كانت لابسه فستان اسود عريان ماسك على جسمها ومن عند الخصر يبدا يوسع اللين يوصل تحت الركب واطرافه مطرزه بوردات فوشيا بأشكال مره روعه كأنها منثوره .. ولابسه صندل اسود كعبه عالي شوي وسيور تنربط على الساق وطالعه طويله شوي .. وحاطه مناكير على اصابيع ايدينها ورجلينها فوشيا وبعد روج فوشي عليه قلوز عشان يعطيه لمعه وطبعا كحل ومسكرا ورافعه شعرها من قدام مسويه نفخه بسيطه ومنزله غرتها.. ومع باقي الكماليات وكانت بالفعل نجمه الحفل .. اما هند فكانت لابسه فستان قصير تحت الركب لونه ابيض وفيه نقط سودا والياقه من فوق صينيه والازارير نازله من الياقه اللين حد الصدر طبعا من الجنب وفيه ربطه من تحت الصدر لونها اسود ولابسه صندل اسود سيور وحاطه روج احمر ومكياج خفيف ورافعه شعرها من قدام وبحركه من ورا طالع شكلها صيني بس روعه.. اما نور كانت لابسه الفستان اللي ورته صديقاتها كان لونه بني محروق قصير لحد الركب وبدون اكمام لكن امتداد من حرده الصدر اللين فوق ويلف على الرقبه من ورى مثل القبه ..والظهر مفتوح لنصه .. ومطرز اطرافه بشكل ناعم باللون الذهبي ,, ولابسه عليه صندل ذهبي عالي وخلخال .. وفاكه شعرها على طوله وحاطه مكياج خفيف وطالع شكلها وااااااو

الكل مجتمع ومبسوط ولوجين طبعا طايره من الفرحه .. جود جالسه بالصالون مع نور وهم تعبانين من الرقص من يوم بدت الحفله ماجلسوا ابدا ...

جود: ياقلبي اكيد بتوحشني الدووبه لولو

نور: تتقابلون اهم شي انكم في نفس المنطقه ومو مهم المكان اللي بتدرسون فيه

جود: صح صادقه .. هي وين اختفت

نور: هي وهند راحو يتصورون ..

جود: وانت ليش ماتصورتي ؟!

نور: والله مافيني اوقف تصورت كم صوره وتركتهم.. اليوم كله وانا حايسه بالسوق ولا عارفه وش اجيب لها هديه

جود: صح ذكرتيني .. خلني اقوم اعطيها هديتها

نور: حركات وش جبتي لها ؟!

جود: تحف للغرفه حقتها ...

نور: الله ونااااسه ...

جود تقوم : يالله عن اذنك شوي ..

نور: تفضلي .. ونور تنتظر اتصال عبدالرحمن ..

هند ولوجين مسطحين ضحك على الحركات اللي جالسين يتصورون فيها وسعاد وهدى يناظرونهم .. ومبسوطين عليهم

سعاد: ماشالله شكل بنتك طالع يجنن باين انها صاحبه الحفل اليوم

هدى : الله يسلمك .. والله انها تعبتني ورجتني كل يوم جايه لي وش اللبس هذا الفستان ولا هذا الطقم ولا ولا ..اللين نزلت السوق وجابت اللي عليها .. وراحت للكوافير بعد العصر سوت لها هالحركه بشعرها

سعاد: يابنت الحلال اليوم يومها اتركيها تنبسط ..

هند ميته ضحك وتبي تكتم الضحكه و ميب قادره .. : خلاص لولو خليها تتطلع زينه

لوجين بعد تضحك : يوم اشوف وجهك اضحك غصب

هند وتموت على نفسها ضحك: لأني اشبهك

جود واقفه : لولو

لوجين لفت عليها : هلا جوجو .. بالله تعالي تصوري معانا صوره تذكاريه

جود : لا والله مااقدر اتصور اخاف

هند ولوجين ضحكوا بصوت عالي.. لوجين : ليش تخافين

جود انحرجت : ماادري

هند ولوجين حسو بسخافه الحركه والضحكه اللي ضحكوها على جود .. رجعوا وقفوا زين .. وقالت هند: وين نور

جود: بالصالون

هند: طيب انا بروح لها .. وراحت

لوجين : ايه يابطه .. ان شالله انبسطتي عندنا

جود مبسوطه : والله اخر بسط .. ماشالله نور وهند يجننو رهيبات

لوجين : مثل صديقتهم

جود ضحكت : ايه بالحيل .. تعالي بعطيك شغله

لوجين : شغله وش؟!

جود تسحبها من يدها وتدخلها للصالون : اللحين تشوفينها ..

دخلو على هند ونور وهم جالسين يسولفون عن شي معين .. لكن يوم دخلو قطعوا السالفه

لوجين : وش كنتم تقولون بسرعه اعترفو؟!

نور وهند بنفس اللحظه " ولا شي ... ويوم انتبهوا انهم تكلموا بنفس الوقت .. قالت نور: خشب خشب .. وتبي تضرب أي خشبه

هند : تدور أي شي خشب وتتلفت بسرعه تبي تسبق نور ..

بس نور قامت بسرعه ومسكت دولاب الشيفونيه اللي بالصالون : خلااااص سبقت بتزوج قبلك

هند : انقلعي

لوجين وجود يضحكون عليهم ,, راحت جود جابت الكيس اللي فيه الهديه وردت للوجين : تفضلي ياقلبي هذي هديه بسيطه عشان تخرجك .. رغم ان تخرجك بهالنسبه الحلوه معجزه الصراحه وكان يبيلها شي احسن من كذا .. بس يالله اهم شي تعجبك

لوجين انبسطت وضمتها : ياقلبي انت .. تسلمين ياعمري .. وبعدت عنها: انتظري شوي حتى انا جبت لك هديه .. بطلع اجيبها من الغرفه ..وراحت ركض لفوق نزلت معها الهديه مغلفه بشكل مره حلو .. كانت جايبه لها عطرين من ماركه جفنشي .. : تفضلي : ان شالله تعجبك .. ومبروك تخرجنا مره ثانيه وتبوسها

جود : الله يبارك فيك ياحياتي .. شكرا ..

رن جوال نور.. وكان عبدالرحمن : الووو

عبدالرحمن : سلام .. يالله انا عند الباب والاغراض معاي انت اطلعي افتحي لي الباب اللي برا وحاولي ان محد يحس فيك عشان ادخل اضبطها بالحوش ولا اقول مايحتاج فهد معه مفتاح بس اطلعوا يمكن نحتاج شي .. لا تنسين البسي شي على راسك

نور: اوكي اوكي ..

لوجين : لا تقولين بتروحين ترا مافي طلعه اليوم الا الفجر

نور تألف لها سالفه : لا ماني رايحه بس هذا دحوم يقول انه برا جايب لي مفتاح البيت عشان ابي ارجع مع هند ..وبابا اليوم في بيت عزيز .. وتقوم وهي تسحب هند .. يالله قومي معاي

لوجين : اهاا .. حسبت بيقول لك ترجعين

هند عارفه بالموضوع .. وقامت معاها اما لوجين وجود ضلو بالصالون يسولفون .. جود: وين ..ريم وخلود ..ماعزمتيهم؟!

لوجين : لا والله عزمتهم بس ماادري عنهم .. ليش ماجو

جود: وقلتي لأحد غيرنا .. من بنات الفصل ..

لوجين : لا ياشيخه تعرفين انا مالي ميانه غير عليك وريم وخلود بعد مو بالحيل بس عشان هالترم اللي عدا كنا مع بعض كثير .. اما الباقي ماعزمت احد

,,,,,,,,,,,,,,,,,,

سعاد وهدى شافوا نور وهند وهم طالعين .. سعاد : وين رايحين يابنات ؟!

هند ونور يخبون الشيل اللي بيدهم ..نور : دحوم برا جايب لي اغراض باخذهم ...

هدى: نور عبير وراها ماجت للحفله

نور: والله ياخله تقول ان عندهم عزيمه ثانيه في بيت اهلها ولازم تكون موجوده

هدى: اهااا والله تمنيناها معنا .. يالله خيرها بغيرها ان شالله

نور.: ان شالله..وطلعوا .. لقوا الهنوف وضي برا يتمشون ويسولفون وبيد كل وحده كاسه عصير ..

هند شافتهم : يووووه .. هذول شيسون هنا

نور: ماعليك .. عادي .. بنحرص عليهم مايقولن شي

هند: ضي الهنوف .. تعالوا شوي

هنوف: وش تبين ؟!

هند: الحين بنسوي شغله بالحوش ..بس لا احد يدري ..سامعين

الهنوف : اوكي

نور: ضيو انت ادخلي جوا وراقبي لنا الوضع عشان محد يطلع ويشوف اللي نسويه

الهنوف: وش بتسوون ؟!

هند: شغله .. شوي بتشوفونها

نور: يالله ضيو ادخلي راقبي

ضي تحمست وراحت بسرعه : اوكي

نور: اذا أي احد بيطلع حاولي تشغليه

ضي : طااايب

وراحت نور وهند لعند الباب .. والشباب دخلوا..

اول مادخل ماجد ناظر نور .. ونور لسه مانست اللي صار بالبر ..

دخلو معاهم اغراض كثيره .. نور صارت تاخذ الاكياس اللي بيد عبدالرحمن وتتجنب ماجد .. وماجد اغراض بيده ومحتاس فيهم يبي احد ياخذ شي منها شاف نور قدامه على طول ...

ماجد: نور لوسمحت خذي شي من اللي معي بروح اجيب الباقي مع الشباب

الا هذي هند مدخله اعراض وراده لهم عشان الباقي وصارت واقفه ورا نور ..

نور لفت على هند: هنوده خذي من اخوك الاغراض ..انا باخذ اللي مع عبدالرحمن..الا على دخله عبدالرحمن .. واخذت اللي بيده وراحت .ز

ماجد حس بقهر منها ..ليش تعامله كذا ..اما هند اخذت اللي بيده ولا انتبهت لشي..

,,,,,,,,,,,,,,,,,,,,,,

بعد وقت لوجين وجود طلعوا من الصالون ..ولوجين لاحظت غياب البنات طول .. ضي كانت جالسه على الدرج اللي يطلع على الدور الثاني وقدام المدخل حق الصاله ومراقبه زين اللي يبي يطلع واللي يبي يدخل ..

لوجين تتلفت بالصاله : وين هنوده ونور؟!

ضي قامت وقفت بسرعه : هاااه .. مدري يمكن انهم داخل .. بالمطبخ

لوجين وتروح تشوف هي وجود ومايلاقون احد وترجع للصاله : مافي احد بالمطبخ

ضي وتوقف عند الباب حق الحوش: اممم ايه ايه فوق فوق صح طلعوا فوق يبون غرفتك ..

لوجين : طيب ..وتطلع وتسحب جود معها ..: جود لا تضحكين علي غرفتي مقلوبه قلب ..

جود تضحك : عادي عندك وعندنا خير .. وصلو للغرفه فتحوها مافي احد

ضي بالهحظه طلعت الحوش وتقول لهم : بسرررررررررعه ترا لوجين تدور عليكم

الشباب والبنات : يالله يالله خلصنا

نور: دحوم مثل مااتفقنا

عبدالرحمن : ايه

هند: ماجد انتبه يوم اصفر انت ابدا .. بس هاا لا تطلعون ترا في وحده غريبه

فهد : من ؟!

نور: جود صديقتها ..

..

دخلوا البنات للصاله على نزلت لوجين وجود من فوق .. لوجين : انتو وين رحتوا ؟!

نور: ولا مكان بس كنا بالحوش .. وتدخل الصاله وهند وراها وضي والهنوف بعدهم ويقفلون الباب ..

راحت نور للصاله وقالت : خاله سعاد خاله هدى ممكن تجون معانا شوي

هند راحت بسرعه تجيب كاميرا الفيديو .. دقايق وهي وراجعه وواقفه معاهم

.. هدى: على وين ؟!

نور: هنا قريب للحوش

سعاد ضحكت : وش وراكم انتو الثنتين ؟!

يتبع ,,,,

👇👇👇

تعديل المقال