رواية غراميات مجنونة -23

رواية غراميات مجنونة -23

هنو: ماما مافي احد يجبرني اسوي اللي اسويه انا سويته من نفسي

نوال: هنو انتي تدرين انك باللي تسوينه تهزين عرش الرحمن

هنو وخافت وفتحت عيونها ع الاخر: هأأأأه !!

نوال: اي تهزين عرش ربك .. تخيلي عاد ليش تسوين هذا كله وعشان مين .. مافيه شي بينفعك لاالبنات اللي معك ولاحتى اي حد يشجعك عللي تسوينه

هنو بكره لاصرتي بقبرك وسألتي عن اعمالك بأي وجه رح تجاوبين وتواجهين ربك .. اللي تسوينه حرام ومايتقبله لاعقل ولامنطق وانا ماربيتك على كذا و لاحتى

هنو ودمعت عيونها وقالت: ماما الله يخليك خلاااص .. اسكتي ماابي اسمعك

نوال: ماتبين تسمعيني !! هنو كلام هذا هو الصدق اللي انتي تتهربين منه واللي محد قدر يواجهك فيه .. صديقاتك هذولي لو كانوا يحبونك بجد كانوا خافوا عليك ماوافقوك ع

اللي تسوينه ولاحتى زينوا الغلط بعينك ومواي غلط اللي تسوينه حرام ومن اكبر الكبائر وعقبالك عندي ربك كبير

هنو وحطت يدهآآ ع اذنـهآآ و جلست ع سريرها و معطيه امها ظهرها وعيونها مدمعه: ماما الله يخليك اطلعي برى وخليني لحاآآآلي تكفين ماما تكفيييين

نوال بحسره وحرقه قلب قالت: حبيبتي انا رح اخليك الحين بس من يوم ورايح بكون معك واي شي بخاطرك علميني انا .. انا امك اللي احبك وبعمري مارح اضرك وانتي اقوى من شيطانيك

اللي بداخلك انتي اللي رح تتغلبين على هالمشكله اللي تواجهك هنو حبيبتي انتي راضيه عن نفسك

هنو ووقفت ولسى معطيه امها ظهرها ومن بين دموعها قالت بقهر: لالا انا موراضيه عن نفسي بس مااقدر مااقدر

نوال\ بأذن الله رح تقدرين وانا معك ومارح اتخلى عنك .. ورح اظل ويـــأأأك على طول ورح نتغلب على هالمشكـله سوى

هنو ومن بين دموعها قالت: ماما الله يخليك ابي اقعد لحالي ممكن تخليني ..

نوال: طيب بخليك الحيييين بس ياليت لو تقومين وتصلين لك ركعتين وتفكرين بنفسك شوي ولحآآآلك وانا هنا غرفتي جنب غرفتك ومتى مااحجتي لي ناديني ..

( وتطلع من غرفه بنتها وراحت ع غرفتها وهي تبكي بحراره ماهي قادره تصدق الكلام اللي سمعته من بنتها شلوووون .. بنتها الصغيره البريئه مسترجله وشاذه بعد ولاااا تعترف بهالشـي بعد ..

حتى مااحترمت امــهآآ وقالتها لها بكل وقــاحه وبنتها اصلا ماخافت من ربها يوم سوت اللي سوته .. بس بنتها الحييين بحاجتـها باكثر من اي وقت ثااااني بنتها ضايعه وتبي احد يساعدها لامت نفسها

كثيرررر بأأأنــهآآآ ابتعدت عن بنتها بهالفتره هذي .. بنتها مرت بمرحله حساسه ومالقت حد جنبها يوجهها للصح او الخطا .. مالقت غير صديقات السوء اللي زينوا لها الغلط .. من يوم ورايح

رح تتفرغ لبنتها بشـكل كلي .. وتتمنى انها تعالجـهآآآ او حتى تدور لها حل من اللي هي فيه بس الاهم من كذا ان هالموضوع مايطلع لاحد وخصوصا هشام اللي لو درى عنها رح يذبحها بدون تفكير

حسسست بحمل كبييييير على صدرها وماعرفت شتسوي او حتى لمين تلجأأ وتشتكي ولكن مالها الا انها تشتكي لربها لان الشكوى لغير الله مذله قررت تشتكي لربهآآآ وتصلى وتدعي عشآآآن تخفف شوي

من الحمل الثقيييييل اللي على صدرهااا وكانت طول الليل تبكي وتدعي لهآآآ ان الله يهديهااا .. )

اليـــوم التـــآآآلـــي ..

صحت من نومـهآآ بدري او بالاحرى مانااامت حتى ماقدرت تغفو من بعد الكلام اللي سمعته عن بنتـهآآ وراحت لغرفه بنتها ودقت البآآبـ وتفأجأتـ لمى شافت الباب مسكر

ودقت الباب ولكن بنتها ماترد ماحبت تضغط عليها وخلتها ظننا منها انهآآآ نايمــه .. آمــآآ هنا فـ كانت منسدحـه ع سـريرها وضامه رجولها حولها وتفكر في كلام امها ماتوقعت ان امها

توقف معها وتفهمها ظنت ان امـهآآ رح تقسى عليها او حتى تعاتبها .. زعلت من وقاحتها ومن الكلام اللي قالته وبنفس الوقت فكرت بحالها وهل هي سعيده باللي تسويه وشنو نهايه علاقتها

مع جنا ياترى شذوذها هذا كان بس مع جنا والا اذا راحت جنا فيه غيرها ... وفكرت اصلا هل هي تحب جـنا وحتى لو كانت تحبها ليش فسرت حبها لجنا بهالطريقه ليش حبها لجـنا ماصار

مثل حبها لنور .. أشياء كثيره تدور ببالها والاهم من هذا كله وين كان عقلها لمى سوت كل اللي سوته .. ماخافت انها تموت وهي على ذيك الحاله ماخافت الله يخسف فيهآآ او حتى يصير

فيها شي حمدت ربها ان الله عطاها فرصه تفكر وتراجع نفسها لكنها تحس روحها مشوشه مخنوووقه .. موعارفه شنو تبي او حتى شنو تفكر فيه !!

:

:

:

وبالصـــآآآلـــــه ..

نوال كانت جالسه تفطر مع عبدالله وقطع عليها فطورها صوت تلفون البيت يرن .. وعلى طول راحت وردت

نوال: الو هلا والله ام فارس .. لامااتوقع اقدر اجي .. عارفه بس مااقدر صعبه والله .. طيب اوكي بجي بس شوي اخلص شغلي واطلع .. لاعادي انا عارفه ان هاليومين

ضغط وكذا .. والله يعيننا مشكوره حبيبتي بآآآي ..

نوال وتروح لولدهآآ : عبدالله حبيبي انا بروح العمل شوي وراجعه .. لاقامت هنو قولها ماما راحت الجمعيه وبترجع بسـرعه طيب ماما حبيبي

عبدالله: ان شاء الله مامآآآ

( وتلبس عبايتها وتطلع وهي قلبها مع بنتها وماكان ودها تطلع لكن عملها محتاج لها وخصوصا ان نشاط الجمعيه يعتمد على جهودهم الفرديه وفيه كثير اسر فقيره ومحتاجه وايتام معتمدين عليهم

بشكل كلي قررت تروح للجمعيه وتكمل شغلها بســرعـه )

نوال وهي بالسـياره فكرت بنور وجات ببالها بسرعه : الو هلآ نـور شـلونك .. حبيبتي اذا فاضيه تقدرين تمريني الجمعيه شوي ..

وبــالجـمعيـــة .. أول مادخلت نـوال كـان الشغل متـراكم عليهم وماشاء الله عليهم كلهم يشتغلون بروح وحده عشان يخلصون كل اشغالهم مع العلم ان الشغل بالجمعيه تطوعي

يعني مجاااني يعني نوال وكل اللي معها بالجمعيه هدفهم من الشغل هـو آنـهم يكسبون اجر من ورى الاعمال الخيريه اللي تقوم فيـهآآآ الجمعيه .. وبعد نص سـآعه من الشغل

اتصلت نـور بنـوال تبلغها انـها جات للجمعيه اما نوال فـ طلعت من مكتبها وراحت تقابل نور بالكافتيرا ..

نور: خير خاله طمنيني فيه شي صـاير شي

نوال بقله حيله: نور انتي مثل بنتي وطول عمري اعدك مثل هنو وماعمري فرقت بينكم واعتبر ان الله عطاني بنتين مو بس بنت

نور وخافت من كلامها: خاله وشفيك .. هنو صاير معها شي !!

نوال: انتي تدرين ان هنو بويه ؟

نور وانصدمت ماتوقعت نوال تدري وبنفس الوقت ماحبت تخبي عليها وقالت: بصراحه اي

نوال: وتدرين انها شاذه بعد ؟

نور: اممم يعني توني ادري بهالموضوع وصدقيني ياخاله ان هالموضوع كله على بعضه مو عاجبني ومن عرفت وانا احاول اني اغير هنو للأحسـن وان شاء الله بكون معها لين ترجع مثل الاول

نوال: اي يابنتي الله يخليك كوني ويـآهآآ وانصحيها ..انا بحاول معها وانتي بعد حاولي وبعدين مهما كان هي بنتي يعني فيه اشياء تحسس انها تقولي أيـآهآآ فـ يمكن تقولك انتي احسن مني و

( ويقاطعهم صوت جوال نوال وترد: الو هلا والله طيب جايه الحييئئين جايه

نور: خالتي مشغوله

نوال: اي والله الشغل عندي متراكم ومااقدر اخذ نفسي اصلا كنت ماخذه اليوم اووف ولو مااتصلوا علي ماجيت .. نور وشرايك تتصلين بهـنو وتطلعين معها تتغدون برى وتاخذين وتعطين وياها

بالكلام انا امس تكلمت معها وكانت متضايقه وماحبت تتكلم معي بالموضوع لكن انتي اختها رح تتكلم معك بصراحه وشفافيه

نور: تكلمتي معها !! هنو اعترفت لك

نوال: اي .. انا امس ماقدرت انام ماادري بـشنو اوصف لج شعوري حسيت اني بحلم والا كابوس والا حتى غيبوبه وممكن اصحى منها ماني قادره اصدق اني بنتي الصغيره تسوي اللي قالته لي

ماني قادره اتصور

نور: خاله هنو انسـانه نظيفه من جوا وهي ماسوت اللي سوته الا لمى التمو عليها بنات ابليس وحلوا هالسوالف بعيونها وصدقيني ياخاله لو وقفنا معها رح ترجع مثل الاول واحسن بعد ترى هنو محتاجه

حد يصحيها من اللي هي فيه بدون مايقرف منها او حتى يحتقرها هنو محتاجه حد قريب لها وتثق فيه عشان يساعدها وان شاء الله انا وانتي بكون معها لين تصحى من اللي هي فيه

( ويرن جوال نوال : طيب حبيبتي انا بمشي الحييين عندي اجتماع وازعجوني اتصالات اشوفك بعدين حبيبتي

نور: ان شاء الله خـآآآله

( وتركتها نوال وراحت للاجتماع وطول الوقت سـآآكـته ومومعاهم يعني موجـوده ولاكآنـها موجوده صـايره مستمعه وبسسس .. وانتـهى اجتماعهم على خير والكل لاحظ شرود نوال بس ماعلق

وتوقعوا انها تعبــآآنـه والا شي ثاني بس ماحبوا يتكلمون وراحت لمكتبها وهي بنفس حاله السـرحآآن)

ام فارس: نوال فيك شي عسـى ماشر ..

نوال: هاااه لا ماشر

ام فارس: نوال الله يهداك وجهك مو على بعضه وحتى بالاجتماع ماكنتي معنا .. قوليلي يااختي يمكن اقدر أسـاعدك .. ترى موزين تشلين الهم بقلبج لحـالج

نوال( وش اقولك وش اخلي .. المشكله محد بيفهمني ) : .....

ام فارس: سلامت نوال زوجك فيه شي .. اعيالك فيهم شي .. قولي وانا اختك

نوال: لا الحمدلله اموري العائليه ( وتطالع بالارض وترجع تطالعها: من احسن مايكون بس فيه مشكله صغيره

ام فارس: عموما ياخيتي متى ماحبيتي تتكلمين انا موجوده بس موزين تشلين بقلبك وتسكتين .. ترى اقسى جريمه نرتكبها بحق انفسنا الكتمآآآنـ ..

نوال وفـكرت بكلامها وبنفس الوقت هي محتاجه نصيحه حد يوجهها وبعدين ام فارس حرمه متدينه والكل يعتمد عليها رغم صغر سنها فـ أم فارس اصغر وحده من اللي يشتغلون بالجمعيه ومع

ذلك ماشاء الله عليها تنحط ع الجرح ويبرى فـكرت تقولها بس بطريقه غير مباشره: ماتقصرين ياام فارس .. بس وحده من صديقآآآتـي وهي بصراحه مرره قريبه لي يعني تقدرين

تقولين اخت دنيـآ .. هي عندها بنت مراهقه بالجامعه واكتشفت ان بنتها بويـآ وشـاذه وموعارفه شتسوي معها .. وطول امس كنت عندها وعورت قلبي والله وماادري حتى بشنو انصحها

ام فـآرس وحزنت لحال صديقه نوال وحز بخاطرها حال بنات هاليومين وقالت: والله الله يصبرها على ماابتلاها .. اول شي قوليلها انها ماتعصب ولاتيأس هذا ابتلآء واختبار من رب العالمين

وذكريها ان الله سبحانه وتعالي اذا احب عبده احب ان يبتليه .. وبالنسبه لبنتها اهم شي ان صديقتك ماتهاوشها ولاتضربها عشآن ماتعاند البنات بهالسن مايحـبون اللي يهاوشوهم لان ان حد هاوشوهم

عاندووا .. خليها تتقرب من بنتها وتكلمها وتحاورها كآنها صديقتها تكلمها بأسلوب وعقل وتذكرها بان الله تسويه حرام وانها تعصي ربها ودينها على وسخ دنيا على متعه لحظيه تهز فيهآآ عرش الرحمن ..

وياليت لو كان عندها وحده من خواتها والا صديقاتها اللي تثق فيهم وتكلمها معك بس بأسلوب مايطفشها ودام امها متفهمه رح تعرف تدخل لها من اي بـآآب المهم ماتقسى عليها وتحسسها بحنااانها وتعرف وش

اصل هالمشكله بالضبط وياليت لو تراجع اخصائيه نفسيه بس تكون شاطره ولها خبره بعلاج مثل هالحالات وطبعا مراهقات كثير يرفضون زياره الاخصائيات النفسيآآت فـ خلي امها تعرفها عليها ع انها صديقتها

او شي عشآآآن تعالجـها وهي ماتدري انها تعالجها او ع الاقل تدرس حالتها وتساعد امها والاهم من هذا كله خليها تتقرب من ربها .. تكثر صلاتها .. تسمع اشرطه دينه وعطيها قصص عن بنآآتـ ماتوا

على هالمعصيه وحببيها بطاعه الله وخوفيها من عقابه .. وانتي بعد يانوال خلك بجنب صديقتك ولاتتركينها بمثل هالوقت

نوال وحست انها ارتاحت شوي من كلام ام فارس وقالت: الله يطمن قلبك مثل ماطمنتي قلبي .. كلامك كله درر ياام فارس والله يقدرني واساعدها

:

:

:

مـآآسـكه جـهآآز التحليل المنزلي بيدهآآ مو مصدقه النتيجه اللي عادتـها لحد الحييئئئين ثلاث مرآآآتـ .. موقادره تصدق النتيجـه او حتى بالاحرى ماتبي تصدق النتيجـه ..

تحس انها بكآبوس مخيف وتبي تصحـى منـه .. لا مومعقوله .. مومعقوله تـكون حــآآمـل .. بس لحظه لحظه التحليل المـنزلي نتيجـه مو موثوقه او حتى يمكن

تكون فيها بعض الاخـطاء بس سوت التحليل 3 مرات وخاصه ان الدوره الشهريه منقطعه عليها لهآآ فتـره .. تفكيرها مشـوش ودموعها على خـدهـآآ مومصدقه اللي تشوفه

لو اي وحده ثانيه بمكانـها بتطيـــر من الفـرحه انها رح تصير أم بس هي ماهي قادره تصدق او حتى تستوعب وخصوصا ان حملها رح يأثر على علاقتها بـ هنو مافرحت ولاحتى

اهتمت بأمومتـها كل همها انـها تـكون غلطـآآنـه بالتـحاليــل .. فـكرت وفـكرت .. وقررت تقطع الشك باليقين وتروح ع المسـتشـفى تحلل .. قامت وبسـرعه وبدلت

ملابسـهآآ ولبست عبـايتها وراحت للمستـشفى بدون تردد عشآآن تسوي تحليل وهي تتمنى انـهآآ ماتـكون حــآآآمـل .. تتـمنى ان تحليل الحمل المنـزلي يطلع كذب ..

ووصلت للمستـشفى وجلست بأنتـظار النسـاء وتوها مالها دقيقتين تنتظر وجات الممرضـه تنادي بأسمـها وراحت معها لغرفتها

الممرضه: مدام جـنا من شنو تشكين

جـنا: ابي اسوي تحليل حمل .. وابي اشوف النتيجه الحيييين ..

الممرضه :اوكي اذا تحليل بس مايحتاج تدخلين عند الدكتور بس النتيجه رح تتأخر شوي

جنا: ماعندي مشكـله انا رح انتـظر ..

**وحــآآنـت اللحـظـه ..

\

\

\

قـد نتـخذ قرار بــلحـظه ويـغيـر حيــاتـنـا ..

وقد تتغير حيــآآتنـا نتيجـه صحـوه جاءت بتـلك اللحظه ..

فـ هنآآآ وهـنـآآكـ .. جاءت اللحظـة ..

جـآآلســه بالكافتيــرا اللي بالجمعيه وماطلعت منـهآآ قطع عليها سرحانها رنه جوالها المميزه وردت وقالت : هلا هـنو .. انتي برى ..

اوكي انا طالعه لا مارح اتأخر جايه جايه بآآآي ..

نور ووقفت وعدلت تنورتها الجينز الميدي ولبست عبــآآيتـها وهي طالعه من الكافتيـرا شـافت ام صديقتها بوجـههـا اللي استغربت انها للحين ماراحت

نوال بتعجب: انتي للحين هـنـآآ .. توقعتك رحتي من زمـآآآن

نور: لا خاله من بعد مامشيتي جلست افطر وجاووا شله بنات وقعدت اسولف معهم والحين بطلع .. واي صح خالتوا بروح مع هـنو لكـآآفي اوكيه

نوال: طيب حبيبتي بس لاتتأخرون

نور: لا خالتي مارح نتأخر ان شاء الله واصلا انا بعد ماودي نتأخر برى ..

_ وتجي احدى نسـاء الجمعيه وتقول لنوال: ماشاء الله نوال هذي بنتك هنا

نوال بـأبتسـامه: لا هذي موهـنا هذي بنتـي الثانيه نور

الحرمه: يعني عندك بنتين

نوال: لا وحده بس نور صديقه بنتي واعتبرها مثل بنتي وبنفس معزتها

الحرمه: الله يخلي لك ايـآآهم وان شاء الله نشوف بنتـك قريب

:

:

ولآنــها بمـسـتشفــى خــآآآص .. استعجلوا لهـآآ بنتيجـه التحليل ولمـى طلعت النتيجــه نادوها على طول

الممرضه وهي شاقه الابتـسامه : مدام جـنا تفضلي عند الدكـتور

_ وجنا راحت لغرفه الدكتور بسرعه وهي تتمنى ان كل ظنـونـهآآ تـخيب .. دخلت وجلست بالكرسي المقابل لمكتب الدكتور وقالت بقلق: هااه دكتور طمني

الدكتور: مدام جـنا الف مبروك انتي حامل وبالشـهر الثاني

جنا ونزل الكلام عليهآآ مثل الصاعقه .. حآآآمـل وبالشهــر الثــآآني بعد شلون ماحست او حتى انتبهت حست روحـهآآ بورطه كبيــره وموعارفه شلون تحلها كل همها

ان هنو ماتزعل منـها وهي تتذكر كلام هـنو وحرفيآآ انها لو حملت رح تتركـها مع حيــآآتها وزوجها واطفالها وهي ماتبي لاحياه وزوج ولااطفال كل اللي تبيه هنو وبس وماتتحمل

فكره بعد هنو عنها وقالت: بس دكتور انت متأكد من النتيجه ..

الدكتور: اي متأكـد وهذي التحاليل قدامي واضحه .. والف مبروك يامدام يتربي بعزك

جنا ووجها صاير الوووان من القهر ودموعها متحجره وموقادره تنزل ومابقلبها او عقلها الاهنو وخايفه تتخلى عنها وقالت: طيب دكتور اقدر انـزل الجنين ..!!

/

/

مللللللللت من الانـتـظــآآآر وطفشـت .. اكثر شي تكرهه بحــيآآتـها الانـتـظار .. واللي زاد الطين بله انها تتصـل بجـوال نــور ومسكـر لاااا جن جنونها .. لها عشر دقايق تنتظر

ولو مالها خاطر بالطلعه كان رجعت البيت من زمآآآن قررت تنزل من السـياره وتروح لها لداخل وفعلا تحجبت زين ونزلت من السـيآآره ونزلت للجمعيه واول مادخلت رمت الشيله ع كتفها بأهمال

وكل عيووون الموجـودين عليـهآآ وهي مالها خلقهم وبداخلها تسب وتلعن بنور وبتأخريها اكثر شي تكرهه نظرااات الناس لها مابين متقزز ومعجب بس هـنا اغلبهم اذا مو كلهم " متـقززين "

مشت بكل وثوق بمشيتها العربجيه اللي يخقون عليها بنات جامعتها .. وراحت لعند موظفه الاستـقبــآآآل وتعمدت تقول بنـبره خشنه ..

هشوم: اقول لوسمحتي وين مكتب نـوال عبدالكريم

الموظفه وهي بنت عشرينه مملوحه جذبها شكل هشوم وقالت وهي تطالع بأعجاب/ المكتب بالدور الثاني .. خذ الاصنصير اللي هـناك وهو اول مكتب ع اليسآآآر ( وتعمدت تكلمها بصيغه المذكر

هشوم وهي عارفه هالنوعيه من البنات اللي يحبون يتلصقون ويتعرفون وقالت وهي تعطيها نضره غامضه / مشـكـوره .. ( ومشـت عنها وهي تروح لـفوق ..

ووصـلت للمكتـب وهي مالها خلق امـهآآ ولاكلامها وميييييته من العصبيه بسبب نـــور ودقت الباب ودخلت وماشافت حد بس كانت موجوده حرمه حامل ومعطيتها ظهرها وهي ترتب بعض الملفاآآتـ بالدرج

هشوم: لو سمحتي .. موهذا مكتب نوال عبدالكريم

ام فارس وبعد ماخلصت من الملفات التفت لمصدر الصوت وقالت: هـلآ اخـتـ ـ ـ ـ

لحظه صمت .. موقادره تصدق اللي تشوفها عيونـها .. نفس الملامح ونفس الوجـه .. بس مع تغيرات طفيفه .. اووه اقصد تغيرررات كثيررره

مهما تغيرت مستحيل تتوه عنـها .. او حتى ماتعرفها .. مومعقوله جاء ببأألها وبسرعه صورتها بآخر مره شافتها بالجـامعه .. وتذكرت كلامها وكانت هذيك اخر

مره شافتها فيها وحتى شكلها كان متغير بالمرآآآآ ..

نصور:.. عموما انا توني ساحب ملفى حبيت اسلم عليك ورح توحشني خشتك وماابي حد يدري بغيابي ماتدري يمكن اسجل من جديد السنه الجايه

انا مثل الطير اللي يحوم يحوم وبالاخير يرجع لعشـه .. انا احب هالجامعه واحب بناتها ومااقدر على بعدها وحافظ كل شبر فيها .. انا مثل السمكه لوطلعت من هالجامعه

بموت !! المهم هشوم انت احسن صديق عرفته بحياتي انت الوحيد اللي كنت مرايتي اللي تصحح لي اخطائي .. انت الوحيد اللي ماكنت تنافقني والوحيد اللي يقدر

يقول لنصورلا او اي .. انت الوحيد اللي افتخر بصداقته وانت اللي فعلا كنت صديقي لذاتي وبس .. اكثر شي زعلان عليه اني بفارقك وان شاء الله الايام ترجع تجمعنا

.

.

.

.

هشوم وموقادره تصدق تشوف نصور قدامها او حتى نورا .. نصور اللي كانت اعظم واطلق بويــآآآ بالجامعه نصور مثلها الاعلى ومثل غيرها كثير احسن بويا عرفتها صـآآرت

كيوت ولا حآآآآمـل بعد يعني متـزوجـه ولااا شكلها متغير بالمرررا .. لابسه لبس الحوامل وشعرهـآآ اللي اطول خلصه فيه كانت لتحت عينها بشوي بسس الحين شعرها طويل

ويعدي كتفها بشوي حاطه مكياج خفيف.. مومعقوله مومعقوله تكون نورا وحتى حواجبها اللي كانت تسويها بالتاتو الحيييين كلش موشايله من حاجبها ولاشـعره ..

معقوله تكون نورا معقوله هذا نصور مثلها الاعلــى واحسن بويآآ بالجامعه تكون اللي قدامها.. معقوله نوره او نصور تغيرت وصار بنت .. توقعت الكل يتغير الا هي " لكن "

سبحانه يغير ومايتغير .. وقالت بذهول: نصــور !!

نصور بأحراج : هشوم ..هنو وحشتيني ( وتسلم على يدها بس هنو مو قادره تصدق من الذهول

هشوم: شللي سوى فيك كذا

نصور وسكرت باب المكتب وقالت بصوت منخفض: قصري صوتك ياهنو .. انا الحمدلله تزوجت والله رزقني بالزوج الصـآلح اللي عوضني عن كل اللي كنت فيه ورجعت لاصـلى وحقيقتي

رجعت بنت مثل الاول .. ومثل ماانتي شايفه هذا انا حامل وان شاء الله بعد فتره بصير ام

هشوم وحست ماهي قادره تستوعب اللي تسمعه وجلست ع اقرب كرسي شافته وقالت: لييييييييييئئئئش !!

نورا وجلست مقابل هنو وقالت: هنو فيه اشياء كثيره مااقدر اشرحها لك الحيين وصدقيني انا من يوم رجعت للشرقيه كان ببالي اتواصل معك ومع بنات ثانين بس موالحين لمى اولد وسبحان الله

هذي الصدفه اللي رجعتنا وشفنا بعض وانا مره فرحانه اني شفتك انتي احسن صديقه عرفتها بحياتي بس انا زعلانه وزعلانه حيييل اني شفتك بهالشكل .. انا السبب باللي انتي فيه واي كلمه اسف

رح اقولها مارح تعبر ولاحتى تعالج شي من الاشياء اللي سويتها بحيآآآتي .. هنو انا اشكر ربي اني شفتك وبما اني شفتك اتمنى ان هالمره ماتكون اخر مره نلتقي فيها مع بعض و

قطع عليها سوالفهم صوت نوال وهي داخله المكتب اللي تفأجأتـ لمى شافت بنتها وتسولف مع ام فارس وقالت باستغراب: هنو انتي هـنا !!

هنو: ......

نوال: هنو حبيبتي نور تنتظرك تحت بالسياره ومسكينه تلاقينها الحين ملت من الانتـظار

هنو وهي لسى مصدومه وقالت وبدون ماتطالع امها: اوكي ماما انا نازله الحيييئئئن ( وطلعت وهي موقادره تصدق او تستوعب اللي صار من شوي .. )

اما نورا فـ ماصدقت الكلمه اللي قالتها هـنو قالت لنـوال ماما .. لحظه لحظه يعني نوال ام هنو يعني نوال قبل شوي كانت تتكلم وبكل اسئ عن بنتها .. بنتها اللي انا السبب باللي وصلت له

الحييين ياربي ياربي انا وشسويت .. هذا اللي شفته واللي عرفته والله واعلم وشصار بغير هـنو من البنآآآتـ اللي ماشفتهم ولاحتى اعرف عنهم شي .. بس لا انا ماارضى ان هنو تعيش اللي عشته

انا لازم اساعدها واوقف بجنبها واكون ويآآآهــآآآ .. وقالت لنوال : نوال هذي بنتك

نوال : اي هذي بنتي وتدرس بالجامعه

نورا وحست بالذنب واستحت من نفسها ولامت نفسها على الحاله النفسيه السيئه اللي نوال فيها بسببها ولامت نفسها اكثر على حاله هنو وهي حاسه فيها وقالت بخيبه امل: الله يخلي لك ايــآآهــآآآ

انتـــهـــى الــفصــل التـــآآســع عشـــر .. واعتــذر عن تأأأخيـــري .. واتمنى ان يكــون نــأأأل

على رضـــاكم واعجابــــكــم .. ولاتحرموني من تعليقــآآتـكم الحــلوووه .. وابشــركم ان الروايه

شارفت على الانتــهــاء وبقى فصــلآن فقــط .. واتمــنى ان تكونون معي حتى موعد انتــهـاءها ..

تــحيآآتــي لكـم .. اختــكم اميره الروح 18

الفصل العشــرون

©•₪₪ وـأآآه من دنيــآآ تــأخــذ ولآ تعطي ₪₪ •©

نــزلــت وركبت الســيآآره وهي بنفس حاله الذهول للحين مومستوعبه اللي صــآآآر وحتى سلام ماردت على صديقتها اللي جنبها

نور وهي موملاحظه شرود هنا: وينج لي نص ساعه انتظر وانتي ولاهنا ولا تقولين لي بعد لاتتأخرين ومدري شنو !!

هنا وبدون ماتكلمها او حتى تلفت لهآآ قالت بصوت حاد للسواق: رجعني للبيت ..

نور واستغربت منها تبي اذا تبي ترجع ليش جات او حتى بالاحرى ليش ماترد عليها وقالت لها بهدوء: هنو فيك شي !!

هنا بدون ماتطالعها وهي تطالع جهه الشباك اللي جنبها وبدون ماتلفت لها رفعت لها يدها بمعنى لا وطنشتـها ..

اما نور فـ عرفت من حركتها ان فيها شي فـ توقعت انها تهاوشت مع أمهـا وماحبت تعلق او حتى تتكلم وظلوا طول الطريق ســآآكتين ووصلت هنو لبيتهم اما نور

فـ راحت لبيتـها .. وهـنو اول ماراحت البيت دخلت غرفتها وفسخت عبايتها و رمت نفسهـآآآ ع سـريرها وجلسـت تفكر بحـآآآلهآآ تفكر بس ماتدري بـشنو تفكر او حتى

وش تقول ..

.

.

.

.

.

.

أمــآآ نـوال فـ خلصت شغلهـآآآ بالجمعيه وراحت للبيت واستغربت من مكالمه نور لها وكلامها عن هـنو وعلى طول راحت لغرفتها وتدق عليها البــآآآب ولكـن مامن مجـيب ..

وجاها ولدها عبدالله وقالها انها نايمـه اما نوال ماحبت تزعجها وخلتهـآآ ظننــآآ منـهآآ انـهآآ نايمه ولكن هـنو النوم ماوصــل لعيونهآآ طول الوقت على نفس جلستها وسرحانها بس بأأيش

ســرحآآآنــة للأسف ماتدري الحاله اللي شــآآفت فيهآآآ نصـور خلتها تسرح فيهآآ مليون سؤال وسؤال يدور برأسها وماتلاقي له جواب بس اهم سؤال هو ليش نصور مثلها الاعلى صـآرت

كذا وهل من الممكن يوم من الايآآآم هي تصير مثل نصور .. وغيرهــآآآ افكار كثيره تدور ببأألها بس هذيك الفكره كانت تروح وتــجي .. ماتدري شلـون غفت وصـحـت اليوم الثـاني

وكانت تتمشـى بشقتهم ومــآآلقت حد فيــهآآ وسـألت الخدامه وقالت لها انهم كلهم طلعوا .. حست بالوحـده ماتدري شنـو تسوي فيهــآآ قهر وبراسها كلام كثير بس لميــن تقوله !!

طـلعت لحـوش شفتهم ..وكانت اول مره تتمشـى فيه .. شافت فيه مكان لكره السـلة اللي حق اخوها عبدالله وعلى طول غيرت ملابسـهآآ ولبست شورت وبدى ابيض وجلست تلعب

كره السله مو من عشقها لهالريـاضه بس تبي تطلع القهر اللي بداخلها باللعب .. لعبت ولعبت ليييئئييين حست بشوي من الراحـة رغم ان طريقه لعبها كانت عنيفه وقطع عليها لعبها الخدامه

جايبه لها جوالها .. عطتها نضره حاده لانها قطعت عليها لعبها والخدامه المسكينه تركت جوالها عندهآآ وراحـت بسرعه خوفآآآ من هنـو ونظراتـهآآ .. وهنو شافت الجوال وماحبت ترد

بس بالاخير استلسمت وردتـ ..

هنو: هلا سعود ,, آآمر ,, متى اوكي خلآآآص صــآآآر ..

وراحت وخذت لها شور وغيرت ملابسـهآآ وخذت لها بنطلون جينز أسود سكيني (ضيق ) وبلوزه بيضـا نص كم وجاكيت اسود جلد ورسمي .. اما شعرها خلته مثل ماهو لانه قصير ومايتحمل

اي تسريحه.. أرسلت لامها مسج انها طالعه مشوار وبسس .. وراحت لبيت ســعود تـحتفــل ببــآآآرتي اخر من بــآآآرتــيتهم .. وكالعاده البــارتي كـآآن بالخيمـه والمدعوات كثر

بويــآآتـ وكيــوتــآآآتـ ..

هـناء ماكان ودهـآآ تروح للبارتي بس راحت كنوع من التغير للجو اللي عايشتـه وماتدري ليش حست روحـهآآ متضـايقه .. ومالها خلق احد وكل من يكلمها ترد عليه من طرف

خشمـهآآ وجالسه بزوايه شوي بعيده عنهم ومالهااا خلق ..

وجووا جلسوا جنبها ثنتين بويـآآت الاولى بـويـآآآ سمرا شعرها بوي والثانيه حنطيه وبويا ع ايمـو ..ويسولفون

الاولى: هييي ترى طفشتيني سويي اللي تبين

الثانيه: اكيييد ياكادي رح اسوي اللي ابي .. مايبلها كلآم

كادي: ودامج بتسوين اللي تبين ليش ازعجتيني انتي كذا دايم ياتومي تسوين اللي براسك

تومي وهي تعدل خصلات شعرها الايموو المتطايره وتنقزها اكثر : بس تعرفيني كدوي مااستغنى عنك ..

كادي : طيب براحتـج سوي اللي تبين ..

تومي : طيب ياعمه مثل ماتحبين ..

هشوم ولفت نظرها كلمه عمه .. واستمعت لهم اكثر ..

كادي: ولو اني عمتج جد وتسمعين كلامي كان ماسويتي اللي تسوينه انتي راضيه عن نفسج

تومي: اووووه كدوي خلاص عاد قفليها من كذا مااحب اتكلم معاك بموضوع

كادي: تبيني انافقج واقولج اللي تسوينه صح !!

تومي: مارح ارد علييييج لانج معصبه الحيييين ( وتجي بنت كيوت وسمرا وطويله وملامحها عاديه لابل اقل من عاديه .. بالعربي مش حلوه وكانت ماشيه لاتجاه

تومي ...

البنت: تومي حبيبي وينج ؟

تومي: انا هـنآآآ يابعد عمري .. انتظرك

البنت: ياحياتي انتي .. هاي كدووي

كادي ومالها خلقها: هلا هلا

البنت: تعالي تومي خلينا نروح وبسرعه بالموت لقيت غرفه فاضيه ..

تومي: يالبى حبيبتي ( وتعطيها كادي نضره قويه وطنشتها تومي وراحت مع حبيبتها اللي كلش موحلوه وتومي ملكه جمال عندها لان تومي اصلا حلوه )

هشوم بفضول راحت وجلست عند كادي وقالت: هذي خويه تومي !!

كادي ومالها خلق: مثل ماانت شايف

هشوم: من جدها وش تبي فيها ؟

كادي: هذا ستايلها

هشوم: اهـآآآ .. طيب انت ليه مارحت لخويتك اقصد ليه جالس لحالك هـنا .. فيك شي !!

كادي: مافيني شـي .. بس هالوقت بالبارتي وقت الذروه وماحد فاضي لحد ( وقت الذروه كل بويا مع حبيبتها )

هشوم: وانت وين حبيبتك !!

كادي: شوي وتجي

هشوم: يعني لاجات مارح تفضى لنـآآ

كادي: لآ طبـعا انا وخويتي رح نجلس مع الكل عادي لايروح بالك بعيد

هشوم: وليش ماتروح معها وتأخذ راحتـك

كادي: لاني وببسـآآآطـه ماني بشاذه ليه اهز عرش ربي على شي مايسوى

هشوم وحزت بخاطرها هالكلمه وكان ودهآ تتكلم مع كادي اكثر بهالمواضيع وبدون قيود وقالت: طيب كدووي بصراحه وبيبني وبينك انت تحب خويتك وهي تحبك وحبكم هذا عذري

كادي باعلا صوتهآآآ : هههههههههآآآآي .. مافيه حب عذري بين البنات معليه هشوم توقعتك اكبر من كذا .. الحب العذري بين بنت وولد ونهايته الزواج لكن حب عذري بين البنات

مااعترف فيه

هشوم: والله انا اللي توقعتك اذكى من كذا .. معقوله ماتعرف مصطلح الحب العذري

كادي: اعرفه بس مااعترف فيه .. يعني احبها وتحبني بس بدون شذوذ .. انا علاقتي فيها كذا بس مااسميها حب عذري لان هالمصطلح ماعجبني بالمرآآآ ..

هشوم: اهآآآ .. طيب ياعمري انتي تعرفين شـبآآآب !!

كادي وفهمت قصد هشوم من سؤالها : لا ..

هشوم: وستايلك كذا بالبيت وبكل مكان

كادي: يب

هشوم: يعني بويا وماتكلمين شباب وتحبين بس بس حب عذري وستايلج صبيك .. اسمحلي خلك عربج احسن لك ..

كادي: سميني اللي تسميني ماتفرق معاي يعني لو كنت بويا او عربج انا بالنهايه بنت .. بنت وبس ..

هشوم وحزت هالكلمه بخاطرهآآ وحبت تتعرف على كادي اكثر وقالت بدون تردد: عطيني رقمج عشان نعمق العلاقات الدبلوماسيه بيننـآآآ ..

كـادي بعد صـمـت: هشوم انت عزيز وغالي لكن خلينا كذا احسن

هشوم: ماتبي تتعرف علي !!

كادي: انا اعرفك كذا وماابي اعرفك اكثر ..

هشوم وانصدمت وماتوقعت ردها بيكون كذا .. وتذكرت موقف قديييييم مرت فييييييه .. وماقدرت تقول لا .. بأول بارتي حضرته لنصـور ..

عبود: هشوم وربي انك فله عطني رقمك عشان نعمق العلاقات الدبلوماسيه فيما بيننا

هشوم وقلبها ناقزها وماتبي تتعرف عليها اكثر بس للأسف هي اضعف من انها تقول لا او تصرف وقالت : سجل عندك _وتعطيها الرقم ))

:

:

صـدمـتـهآآآ كلمه كدووي وماتوقعتها وقامت بسـرعـة وهي تمشي ومومستوعبه ان فيه حد قدر يقولها لا .. معقوله هالبويا اللي ينادونها كدووي واللي اول مره تشوفها قالت لها لا

وماكان ودها تتعرف عليها بنت عمرها 16 سنه بس قدرت تواجهها وتقولها رايها بس يمكن لو هي قدرت تواجه مثلها وتقول لا ماكان وصلت للي وصلت له .. آنا ماقلت لا وبنفس الوقت

مااحد اجبرني على شي ولاحتى فيه حد ردني وقالي اللي تسوينه غلط مع انه غلط كل غلطه كنت اسويها كنت اتباهى فيهـآآآ وياعالم كم بنت وبنت قلدتني وصرت لهآآ مثل أعـلآ .. ليه

وصلت للي انا فييييه وشلون ماخطر ببآآآلي اني كنت اسوي شي غلط ومخالف لفطره الرحمـن انا شــآآآذه سحـاقيـة وعقآآآبي عند ربي كبيــر يكـفي اني هزيت عرشه شلون رح اقابل ربي ..

ولو متت وانا بذيك الحآآله شنو اللي رح ينفعني او حتى بشفع لـي .. انا نسيت نفسي او حتى تناسيت اني بدنياآآ فـآآنيه .. ياربي يآآآربي ليش وصلت نفسي للي انا فيه الحين لييئئييش !!

وهي تمشـى صدمت بسعود بقوة بدون ماتنتبه لهآآ

سعود: بسم الله عليك وشفيك

هشوم وهي تطالعها مثل المستغربه وصايره مثل البلهاء : هآآه مافيني شي ..

سعود: طيب خلينا نرجع لداخل البـآآرتي لسى بأوله

هشوم بدون شعور وبكل عفويه قالت: شمه هـنآآ

سعود: لا مارح تجي ..

هشوم وتمسك من يدها وتسحبها لجهه فاضيه وتهمس بأذنها وتقول: انتي وشمـه ...

سعود: انا وشمه ايش قولي !!

هشوم : علاقتك بشمه علاقـه المتزوجين يعني انتي وياها تـ ـ ـ ـ

سعود وبنفس الهمس لاذن هشوم قالت: هذا شئ يخصني ومااحب اتكلم فيه مع حـ ـ ـ ـد

هشوم واستغربت ردها يعني ماقالت ايه وبنفس الوقت ماقالت لا .. يعني حتى لو كانت ايه ماتحب تتفاخر بمصيتها او حتى تقول للكل انها على خطآ ولو كانت

مش مثل ظن هشوم ماقالت ولاحتى حبت تتكلم واعتبرتها خصوصيه ماتحب تشارك حد فيهآآ .. هشوم انصدمت من كلامـهآآ ومشت عنها وراحت تدور بآزوكـا اللي كانت بالحديقه

مع حبيبتها هـديل .. وراحت لها هشوم ومسكتها بنفس طريقه سعود وكلمتها بنفس الطريقه (الغريبة ان هنا ماتدري لو صديقاتها شاذات مثلها او لا )

بازوكا وهي مستغربه من سؤال هشوم قالت: لا طبـعآآ خير .. هنو شفيك نسيني ان ابوي امام مسجد !!

هشوم وهي مستغربه من اجابتها او بالاحرى ماتوقعتها قالت: بس انتي بويآآ وقلتي لي ان عندك مييييل شديد لبنات جنسك تذكرين

بازوكا: عمري مانسيت اي كلمه قلتها .. وصحيح اني بويآآآ وعندي ميل لبنآآآت جنسي لان مجتمعي كله بنآآآت وماقد تعرفت على ولد اوحتى سمحت لي ظروفي بهالشي ..

وبعدين انا وشلي بالاولاد والهم والقلق .. انا وحده افضل ان اول رجال اعرفه بحيآآآتي هو زوجي ومحد رح يلمسني غيره .. صحيح ان عندي حبيبه بس صديقي هـنو هي

حبيبتي شـكلآ فقط يعني لا انا ولا هي لزلز (شاذات) ولاحتى نفكر بهالشي وهذا اللي عاجبني فيهآآآ وانا اصلا انا اخاف ربي ومهما سويت من ذنوب مااتصور نفسي اهز عرش الرحمن

على اشيآء تافهه ومتعه لحظيه اندم عليها عمري كله .. صدقيني اللي احـنآآ فيه مرحله مراهقه وبتمر .. يعني اضحك واستانس وافلها مع ربعي بس بحـدود ..

نزل جواب بازوكا نفس الصاعقه على راس هـنا ماتوقعت انها مثل كذا او تمنت انها كانت مثل بازوكا تضاربت الافكـآآر براسها وماعرفت بشنو تفكر حست نفسها مخنوقه من المكان اللي فيه ..

طالعت على يمينها ويسـآآرهآآ المكـآآن كله بنـآآت ,, بنـآآت وبس .. هذي تبوس هذي وذيك بوضع مااقدراوصفه او حتى اكتبه.. ومجموعه كل وحده منهم تبي تدخل غرفه نوم وتأأخذ راحتـهآآ

والمصيبه ان اللي مالقى له مكآآن ولاقدر يصبر راآآآح لاقـذر مكـآآآن ومن شده الوقـآآآحـه كتبوا على باب دوره الميآآآه ممنوع الدخول >> يعني حسووا .. والا غيرهم اللي بوسط المجلس ومااحد يهمهم

اوووه سوري نسيت اذكر انهم اختاروا لهم صوووفآآآ كبيره وجلسوا بمكآآن اضائته خفيفه وحطووا فوقهم عبآآآيتهم عشان ماحد يشوف لكن ممكن انهم يسمعونهم مومشكـلة .. هالمشاهد وغيرهاآآآ

كثير مو جديده على هشـوم لـكن يمكنهآآ ولآول مـرة قعدت تتأمل بينها وبين نفسـهآآ وتفكر لييييييئئئيش !! ليش هي هـنآآ وهل رح تموت بهالمكان وشلون رح تقابل ربهآآ وشنو رح تقول .. وحتى

حبيبتها اللي تحبها الحين وماتتصور حيآآآتها من دونـهآآآ ماودها تنحشر معها بيوم الحسآآآب .. ولاول مره سألت نفسها مين هي حست نفسها انسانه ثانيه جديده وماتدري وش تسوي حبت انها تحاسب

نفسها ولو كانت متأأأأخره قررت تحاسب روحـهآآآ قبل ماتتحـآآآسب وكان كل همها انها تطلع من المكان اللي هي فيه وطلعت بسررررعه وبدون تـردد .. وهي راكبــة سيــآآرتهم .. كانت بجهه

الشـبآآك تطالع النـآآآس والشـوارع اللي تـمر فيــهآآآ وبراسها شريط ذكريــآآتـ تحـاول تفسره او حتى تلاقي له حـل

آول يوم بــآآلجـامعه هو اليوم اللي غيــر حيآآتها كلـهآآ ومن اول يوم دخلت صـآآرت مصدر الاهتمام والشغل الشآآآغل للكل .. والكل انبهر فيها وبشخصيتها

وكثير حاولوا يتقربون منـهآآ ويضمونـهآآ لشلتـهم ..

((وتجي بنت : هلا والله (وتسلم عليهم

البنت: انتو مستجدات

نور: اي

البنت: انا اشواق وسنه ثانيه وانتو

نور: انا نور وسنه اولى انجلش وهذي صديقتي هنا

اشواق: تشرفنا

هنا: احنا اكثر ..

اشواق: هنا ممكن اسألك سؤال شخصي شوي

هنا وهي مستغربه: سألــي ..

اشواق: انتي بـويا ؟

هنا ومافهمتها بس صرفتها وقالت: احتفظ بالجواب لنفسي

اشواق وانحرجت: سوري اذا ازعجتك .. و

هنا: لالا .. عادي

اشواق: اممم وشرايكم بالكليه

هنا: زينه ماعليها

اشواق: عموما اذا احتجتوا اي شي انا حاضره ))

يتبع ,,,,

👇👇👇

تعديل المقال