رواية غراميات مجنونة -24
البنت: انا اشواق وسنه ثانيه وانتو
نور: انا نور وسنه اولى انجلش وهذي صديقتي هنا
اشواق: تشرفنا
هنا: احنا اكثر ..
اشواق: هنا ممكن اسألك سؤال شخصي شوي
هنا وهي مستغربه: سألــي ..
اشواق: انتي بـويا ؟
هنا ومافهمتها بس صرفتها وقالت: احتفظ بالجواب لنفسي
اشواق وانحرجت: سوري اذا ازعجتك .. و
هنا: لالا .. عادي
اشواق: اممم وشرايكم بالكليه
هنا: زينه ماعليها
اشواق: عموما اذا احتجتوا اي شي انا حاضره ))
نصـــور الانسآآآنــة اللي تأأثرت فيهـآآ وبأفكـاره واعتبرتهآآآ اعز صديقاتها وماكانت تقول لها لا مو خوف منها بــل احتـراآآم كانت تشوف نصور
اعظم بويآآآ وكلمتها وحده وماتغيرها صحيح ماكان يعجبها سلوك نصور واكثر من مره قالت لهآآآ هالشي بس كـ صداقه ماكانت تظن انها رح تلاقي حد يحبها ويخاف
عليهآآآ مثل نصور فـ اي كلمـة تقولهآآآ نصــور بالنسبــة لهآآآ مسموعــة وبقووه واهم شي بدون تردد لانها وبأأختصآآآر " نصـور "
أول لـقــأأأء واصبـحـنا اصدقــاء فـكـآآآن الوادع وعـــآآآد اللقــآآء ..
آآول لــقـــ ـ ـ ــــاء ..
(تجي بويا طويله بيضا ومره جذابه اول ماشافوها البنات شقهوورا
البنات: نصوووووري .. (( ويسلمو عليها ))
نصور: هلا والله وحشتوووني ياكيوتاتي .. اوه اوه فيه كائنات جديده هنااا
جنا: افاا عليكم اعرفك على هشوم ونور
نصور ويسلم عليها: هلا هشوووم .. بويا جديده بالشله
هشوم: هلا بك .. )
وآصـبحـنــآآآ اصــدقــآء
(هشوم وترجع لشلتها اللي كانوا رايحين للكافيترا اصلا .. وتمشي بالوسط بين جنا ونصور
نصور: وشتبي ذي ؟
هشوم: رقمتني
جنا: وبتعطيها وجـه ؟
هشوم: ولاتحلم
نصور: ولا لا تحلم ( ويضحكون ضحـكه سخريه .. ))
فــكآآآن الوادع ..
((هشوم: من جدك .. شــســالفه حرام عليك مابقى شي ع اخر السنه ليش بتطلع
نصور: انت عارف اني مومال دارسه واصلا انا طلعت من الجامعه وخلاص.. انا واهلي بنسـافر برى ومارح نقعد بالسعوديه
هشوم: بتسافرون والا بتهاجرون ؟
نصور: تقدر تقول كذا .. عموما انا توني ساحب ملفى حبيت اسلم عليك ورح توحشني خشتك وماابي حد يدري بغيابي ماتدري يمكن اسجل من جديد السنه الجايه
انا مثل الطير اللي يحوم يحوم وبالاخير يرجع لعشـه .. انا احب هالجامعه واحب بناتها ومااقدر على بعدها وحافظ كل شبر فيها .. انا مثل السمكه لوطلعت من هالجامعه
بموت !! المهم هشوم انت احسن صديق عرفته بحياتي انت الوحيد اللي كنت مرايتي اللي تصحح لي اخطائي .. انت الوحيد اللي ماكنت تنافقني والوحيد اللي يقدر
يقول لنصورلا او اي .. انت الوحيد اللي افتخر بصداقته وانت اللي فعلا كنت صديقي لذاتي وبس .. اكثر شي زعلان عليه اني بفارقك وان شاء الله الايام ترجع تجمعنا
هشوم: نصور وشفيك خوفتني يعني مارح ترجع ابد؟
نصور: لا ان شاء الله بس مااقدر اتكهن بــشــي انتبه لنفســك ورح توحشني .. ))
وعآآآد اللقــآآآء ..
(( وقالت بذهول: نصــور !!
نصور بأحراج : هشوم ..هنو وحشتيني ( وتسلم على يدها بس هنو مو قادره تصدق من الذهول
هشوم: شللي سوى فيك كذا
نصور وسكرت باب المكتب وقالت بصوت منخفض: قصري صوتك ياهنو .. انا الحمدلله تزوجت والله رزقني بالزوج الصـآلح اللي عوضني عن كل اللي كنت فيه ورجعت لاصـلى وحقيقتي
رجعت بنت مثل الاول .. ومثل ماانتي شايفه هذا انا حامل وان شاء الله بعد فتره بصير ام
هشوم وحست ماهي قادره تستوعب اللي تسمعه وجلست ع اقرب كرسي شافته وقالت: لييييييييييئئئئش !!
نورا وجلست مقابل هنو وقالت: هنو فيه اشياء كثيره مااقدر اشرحها لك الحيين وصدقيني انا من يوم رجعت للشرقيه كان ببالي اتواصل معك ومع بنات ثانين بس موالحين لمى اولد وسبحان الله
هذي الصدفه اللي رجعتنا وشفنا بعض وانا مره فرحانه اني شفتك انتي احسن صديقه عرفتها بحياتي بس انا زعلانه وزعلانه حيييل اني شفتك بهالشكل .. انا السبب باللي انتي فيه واي كلمه اسف
رح اقولها مارح تعبر ولاحتى تعالج شي من الاشياء اللي سويتها بحيآآآتي .. هنو انا اشكر ربي اني شفتك وبما اني شفتك اتمنى ان هالمره ماتكون اخر مره نلتقي فيها مع بعض))
شـخصيه ضعيفه مـهتزه من الداخل ومتـظاهره بالقوه من الخآآرج ..
فــهـــد ..
((ويتمشون ويشوفون فهد البويا وتصدم فيها نصور متعمده ..
نصور: وجع
فهد وتمد يدها تبي تسلم : هلا والله نصور شلونك
نصور بدون نفس: الحمدلله والشـكر (( وتمشي وتخليهاا ))
هشوم: ههههههه حلوووه الفشـله ..
نصور: هذي البويا اسمها فهد كانت بشلتنا اللعام وكانت خويه جنا وع اخر السنه تهاوشنا معه وصرنا اعداء بس هو بالمره خووواف ولو امشي من عنده اوتفل بوجهه بيقول لي شكرا
هشوم: افااا ماعنده شخصيه ))
ياكثر ناس تحاول تنتقص قدري تظهر لي الطيب وتخفي لي عدواتها
حـنــآآآن
((هناء: شفيك شللي سوى فيك كذا ؟
حنان: هشوم خلك مني واسمعني زين ..
هناء: حنان انا مشتاق لك كثير وشصاير معك وشللي وصلك لهنا وكيف !!
حنان : مووقت هالكلام الحين .. هشوم الكلام اللي رح اقوله لك اكبر من كذا
هشوم : حنان خوفتيني وشفيك .. تكلمي قولي ..
حنان بعد تردد: انا .. انا رح اتزوج
هنا وانصدمت وقالت بعد صمت : حتى انتي ؟
حنان ووتصنع القوه والجرأه: لو سمحت لاتشبهني بغيري لاتشبهني بالغبيه جـنا .. اصلا انا رح اتزوج وانساك وتطلع من حيـاتي .. بصراحه انا
عمري ماحبيتك انا اكرهك اناحبيت اقهر جنا وبس وكنت ماخذتك عناد فيها و قهرتها وسويت اللي براسي وخلاص والحين بتزوج وابيك تنساني وتروح
لها او تعيش حياتك بعيد عنها مايهمني ...انا مااصلح لك واصلا ماابيك
هنا وانصدمت من كلامها اكثر واكثر: انتي شتقولين
حنان:اللي سمعته .. وياليت لو تطلع الحين
وقالت بنبره غرور: لا مارح اطلع موبكيفك تنهين اللي بيننا بسرعه انا مولعبه بيدك فاهمـه .. وبعدين لاتسوين لي فيها اصلا انا اللي ماابيك ووحده مثلك ماتلزمني
انا كنت اشفق عليك انا مااحبك وكنت اسلي نفسي فيك .. جنا هي الوحيده اللي بقلبي وهي حبي الاول والاخير وع فكره ترى لاانتي ولاعشره مثلك يلعبون فيني
فاهمـه وترى انتي كنتي لعبه في يدي ... وانتهى وقتك وخلاص قضيت وقت حلو معك ونسيتك .. وهذي مكافئاه نهايه الخدمه ))
وفــكرت بنفســهآآ شوي وماتـدري ليش فـكرت بنآآآآيــف اللي ادعت انها تنســآآتــة ..هم كآآنـوااا اصدقآء او حتى زملآء لمى كانت هشام بس لمى عرف انها هـنو تغير كل شـي ..
هشــووومـ ..
((نايف: على ويـــن يـابوالشبــأأب !!
هنا والابتسامه شاقه فهمها وهي معطته ظهرها .. اخفت ابتسامها ولفت عليه وقالت بلا مباله : هلا بـ نايف
نايف: هلا بك ( ويسلم عليها بيد واليد الثانيه كان شايل معه كيس
هنا وتسارعت ضربات قلبها لمى سلم عليها واخفت توترها وقالت: وشفيك تأخرت اليوم
نايف: ليه كنت تنتظرني !!
هنا( اووف ابي اكحلها عميتها) : لابس لك وحشه
نايف: عاد امس نمت من بدري وشوفه عينك توني اصحى وجبت لنا فطور خلينا نروح ونفطر ع الكراسي اللي هـناك ولاتقول لي شبعان ومدري شنو انا جاي هنا وافطر عشانك
هنا( اصلا انا ابيها من الله ) : مين قالك بقولك شبعااان الا مييييت من الجوع
نايف: خسى الجوع والله ( ويروحون ويجلسون ع احدى الطاولات اللي مقابله للبحـر ويفطرون ) .. ))
هـنو البويآآآ
((نايف بعصبيه مشى لعند شله الانس ولجهه هـنا وقال : هشـوم !!
هشوم وتفاجأت لمى شافت نايف وماعرفت شتقول : ........
نايف: ماكنت ادري انك مزيف عموما كل عام وانت بخير وياليت تنسى اني بيوم عرفتك ( ويطلع من المطعم وهو محتقر نفسه انه كان يسولف مع ذيك الاشكال )
اما هـنا فـ وجهها صار يعطي ميه لون ولون والكل يطالع فيها وينـتظر مـنها جـواب ماعرفت شتـقول ولاحتى شنو تبرر وخصوصا جنا اللي عيونها مليانه اسئله .. حاولت تسترجع
بعض ثقتها بنفسها وقالت: ياهوووه ياجماعه .. أهدى من كذا شوي وشفيكم تطالعوني كاني مسوي جريمه
بازوكا: موهذا اللي شفناه بالسوبر ماركت
هنا وتوهقت وماتوقعت انهم يتذكرونه : اي هو بذاته وشكله كان يفكرني ولد والحين انصدم اني بويـأأ عموما هو كله على بعضه مايهمني
سعود : اي والله صح عليك هشوم))
بيــن " الـوهـم " و " الــواقــع " هـنـآآآك زواج ..
يامعيريــس عين الله تــرآآك القمر والنـجوم تمشــي ورآآك .. هي الاغنيــة اللي آنـزفـت عليـهآآ كـ زوج ولكـن هالزواج كـآآآن وهمي .. او بآلآحرى
كان مــوضـة دارجة وحبت ان تسويـهآآ وماتقدر تواجـه اي حد فيـهآآ ..
نــور عينــي ويـآآقمـر هالكـون .. هو الشـعر اللي انزفت فيه نـور وهـنآآ هي اللي كآآنـت زافتـهآآ بـ بزواج حقيقي وليس وهـمي !!
آحـلآ ايآآآمي مع شــلة الانـس .. يمكن الشي الوحيد اللي مانـدمت عليه هو وجـود شـلة الانس بحيـآآتها صحيح ان هالشلـة فيهآآ نقاط كثيره ماتحبـهآآ بس
بنفس الوقت لقت صديقآآآت تعتبرهـم خواتـهآآ ووقفوا معها بمواقف ماتوقعت وقفتهم فيـهآآ .. مارح تقدر تلاقي مثلهم ولاحتى تنسـآآهم شـله الانس هالشي تعتبره احلا شي
صـآآآر بحـيــآتهـآآ وبنفس الوقـت كـآآآنت معرفتهم بــداية لوصمه عآآآر رح تلازمـهآآ طول عمــرهآآآ !!
كم ثــقيــل انت يــأأدخيــل ولو كنت " صـائب بـرأيك " تـظل الدخيل الثقيل ..
طبعآآآ نقصد محـمد .. هـنا كانت تفكر بكلآمه صحيح انه معه حق بــس طريقته غلط وهي آآصـلا ماكانت تتقبل منه ولاكلمـة .. ومن بعد اللي صـآآر
بينهم ولمـى طلعت من عـنـدة كرهتــة اكثر وفكرت انها تستمر بالغلط علشآآآن تعانده وتعاند شخص يستفزه شـكلـهآآ واسمه يتبع اسمـهآآ وينادونه النآآآس ابـوهآآآ
صدمتيني بحـنانك يا"يمـة " ..
فعلا هـنو فكرت بلحظه انها تقهر امـهآآ وتحسسها ان تربيتها غلط من الاول وانـهآآ ماتحبـهآآ او بالاحرى قررت تقهرهـآآآ لمى اعترفت لهآآ انها شـاذه لكنها قهرت نفسـهآآ
ونـدمت انها كانت تعصـي امـهاآآ وبالاحـرى تمنت لو انهآآ عطت امها ونفسها فــرصه يقربون من بعض .. مهما قالت وسوت امـهآآ رح تسـامحها وهي الوحيده اللي
رح تفهمها وماتقسى عليـهآآ وببــساطه لانها امـهآآ ..
بعد كل هالتفكير راسهــآآآ المـهآآ وحست انها فكـرت بأأأشيــآآء كثيره ماعدا اهم شـي تحس ان فيه شي ناقصـها شنو ماتدري .. قطع عليها تفكيرها حركـه سيارتهم الغريبه
لمـى سواقـهآآ ماقدر يتحـكم بالسيـآآآره وفلتت منـة .. ومن حسن حظهـآآ انها وع غير عاآآده كانت حاطه حزام الامآآن ومع ذلك حست انها تحركـت من مكأنها وبسـرعه بسبب
وزنـهآآآ النحيف .. سمعت اصوآآت سيــآآرات هـنا وهـنآآآكـ ..وصراخ الناس من حوالها وشكل سواقها المرعب مع الدم اللي مغطيه بس ماميزت وين مصدر هالدم هذا كله
وهي تحس بأألام بأمآكن متفرقه من جسمها بسبب الصدمـة مومستوعبه الموقف وخصوصـآآ السيـآآره اللي جات وفجأأأه صدمت فيــهم حتى ماميزت صدمت وين لانها بوقتـهآآآ
اغمى عليها وغمضت عيـونـهآآ وهي ماتدري لو كانت رح ترجع تفتحـهآآآ أو لآ ..
.
أدويــه .. معقمــآآت .. منظفــآآت .. غرفه بيضــآآ .. وسـرير ابيض .. بدله المستـشفى وجفـآآف موطبيعي تحس فيه .. كآآن ودهـآآ بس بموويه تبل ريقها الجاف فيهآآ
صوتهآآ مخنوق .. تبي تتكلم وتقول شي ماتقدر .. هي كانت تتكلم بس صوتها مخنوق ومااحد يسمعهاآآ .. لفتت نظرها الستستر الفلبينه اللي تتكلم معها بكلماآآت انجليزيه وتستفر منهآآ
ماكانت تقدر ترد او حتى ماتبي ترد ولاتفهم عليهم تبي بس مووي وقالت : ووتر ووتر
الستستر فهمتها بسرعه وعطتها مويه وشربتها وعدلت جلستها وطالعتها بتمعن وهي تبي تقولها شي وقبل ماتتكلم دخلت الدكتوره المصريه وطلعت الستستر وطالعتها الدكتوره
وقالت: الحمدلله على سلامتك ياقميله .. الحمدلله العمليه تمت ومن احسن مايكون بصي هي صحيح كانت صعبه أوي وخصوصآ انك بمراحل متئدمه قدا ولكن احنا ادها وادود ..
انتي تئدري تمشي من دي الوئتي وازا عازوه تعدي اكتر مافيش مشكله بس طبعا حتزيد عليكي المهله
وبعد مابلعت ريقها وقالت بصوت مخنوق بالكاد ينسمع وماقدر تعلي صوتـهآآ اكثر لان هذا كل اللي طلع معها وقالت: آنـآآ ابي اطلع الحيـ ئـ ـ ـيـن .. اكتبلي خـ ـ ـ روجـ ـ
الدكتوره: حادر ياستي ولو عاوزه تيقي معاكي ستسر من عندنا تطمئن عليكي مفيش مشاكل
واشـرت لخدامتـها اللي معها بنفس الغرفه واعطتها شنطتها وطلعت منها مبلغ وقدره للدكـتوره اللي اخذته بدون تردد وقالت بنفس النبره: ماقصرتي يادكـتـ ـ ـوره انا ابي اطلع ولو
بغيت أي شي بتصـ ـ ـل فيــ ـ ـ كـ
الدكتوره وهي تعد الفلوس وتحطهم بجيبها قالت ببرود: ماتحرمشي منك ياست الكل .. (وبعد صمت: ونسيت ائولك انك بعد عمليه الاجهاض ديه مش حتقدري تخلفي تـآآني
نزلت دموعها بدون ماتحس فيهآآآ صحيح انها تحب الاطفال وحلم كل امراءه متزوجـة انها تجيب اعيآآآل وهي حرمت نفسها وبيدهـآآ من هالشـي .. مسحت دموعها بيدهآآ وماقدرت
تمسح دموع القهر اللي نزفت من قلبهآآ وروحـها على انوثتها الناقصه وعلى الآمومة اللي صـآآرت بالنسبــة لهـآآآ مجـرد حلـم .. وهي كل همـهآآ ان هـنا تظـل معهــآآ وبس ..
وفـكرت طول ماهي مع هـنا ماتهتم لاي شــي ثــآآآني يمكن هالكـلآم يــكون صدق ويمـكن تكذب على نفسـهآآ وتواسيـهآآآ بهالكـلآآآم ..
انــتــهى الفصــل العشــرون
واعذروني احبتي على قصــر البآآآرت لانه كان اطول من كذا بس انمسح وانقهررررت كثييييييييير ورجعت كتبته لكم من جديد وبساعتين واضطريت اختصرته لكم عشان انزله اليوم
وكنت مصره اني انزله لكم قبل رمضـآآن وان شاء الله التقى ويآآكم بعد العييييد بالفصل الاخير واتمنى انه يعجبكم .. واشكر لكم متابعتكم
اتــمنى انكم ماتحرموني من متابعتكم وتعقيباتكم الحـلووة اللي عودتوني عليهآآآ .. واشتقت لهآآ كثيرر
وهذي مقتطفآآت من الفصل الاخيـر لعيــوونـكم .. وموعدنآآ بعد الشهر الكريم ان شاء الله وكل عام وانتو بخير ..وتقبل الله صيـآآمكم ..
بــآلفــصــل الاخيــر ..
شـنو وشتــقولون انتــو .. لا مومعقوله الكلام هذا يكون صحيح ايش يعني مافيه هـنو خلآآآآص!!
رأأح زمـن الديموقراطيه وجــآآء وقت الدكتاتوريه !!
يعني انا معآآآي الخبيــث .. !!
اللي قاعد يصير لي جـزاء من رب العالمين بكل اللي سويته اصلا انا ماادري لو انا تبت او لآ او يمكن هذا عقـآآب على المـاضـي الوسخ اللي كنت فيه !!
لين متى رح تضلين على هالـحآآل شوفي نفسك شلون صــرتي .. الحيـآآه تستمر والنآآس تنسـى وتتغير !!
مشيت بخطوات ثابته لنفس المـكآآن اللي كل يوم نكون فيه شـفت الكل متجمع فيــة واللي يبكي واللي يستـفسر ماهمني اعرف شللي صـآآير او حتى خفت اني اعرفــ !!
أنــأأ اكثر وحده احبك واعرف مصلحتـك ومصلحتك انك تسوين اللي اقولك عليه .. وعلى فكره انا موقاعده اخذ رايك هذا آمر ولازم يتنفذ ..
معقوله فيه نآآس ماتفهم بعد كل اللي صـآآر ماتغيرت ولآ حتى اتعضت .. لكن صدق من قـآآل لاغآآأأب القطو العب يــآآ " فــآآر "
تحــيآآآتي لكم ..اختــكم اميــره الروح 18 ..
الفصل الواحد والعشرون (ألآخــيـــر)
النــــهــــآآآيــــــة
.
.
.
!×!×! وصلت معآآآكم لآخـر المشـوار وحانت لحظه النـهآآيه لن اقـول وداعـآآ بــل سأكتفي بــ قراءه ممتعــة .. مااعجبني حقآآآ هو قرائتكم واعجابكم بقلمي ..
وماآآلمني فعلا هو تنآآقل البعض روايتي دون ذكر اسمـي ..والبعض الاخـر نسبـهــآآآ لنفسه .. انـآآ لـن احـلل ولـن ابيـح من يسرق روايتي وينسبـهآآآ لنفســه ..
واتمنى من البعض الاخـر ذكر اسمي عند نقل روايتي لآن ذكر اسمـي عليها يسعدني اكثر من تنــآآآقلهـآآ .. أتركممـ مع الجـزء الاول من الفصــل الآخـير
واتـمنى ان ينـآآآل اعجابكم اختكم اميـره الـــروح 18 ×!×!×!×!
الفصل الواحد والعشرون والآخيــر
الــجـــزء الآول ..
يـعيــشون فــي حـب .. ويتــعـاهدون عـلى الوفــآء
ثـم تـهب ريــاح " الـفـقـد " وتقتـلع احــدهـم !
يغيــبــون يغيــبون
.. فــجـأه ودون ســآآبق آنــذآآآر
يتــدخـل ]آلــقــدر [ ... فـ يلتــقو
ل يكتـشـفو بعد كـل هـذآ ,
أن آحــدهـم عـآآش عمــرأأ .. وآلآخــر ]فـــآتــة العـمر كـلـة [
كــآنت تعبـآآنه بالحيـل ولكنـهآآ اصـرت انها ماتجلس بالمستـشفى اكثر يعني تسوي العمليه وتطلع بسرعه وكانت جالسه على الكرسي المتحرك وخدامتـها تدفهآآ .. صحيح كانت تقدر تمشي
بس تمشي خطوتين وتدوخ وهذا شي طبيعي لانهآآ توهـآآ قايمه من عمليه خطيره انكتب لها فيها عمر جديد .. عمر جديد على حسـآآب وفـآآه جنين ماله ذنب غير ان امـة اختارت انها تخسره
بس ماتخسـر اللي تحبـهآآ او حتى تزعلهـآآآ .. وهي طالعه للمسـتشـفى كانت فيه سيـآآآرة اسـعاف جـآآيه واول ماركبت جـنآآ سيارتها ومشـت جـآآت سياره الاسـعاف وفيهـآآ حالتيــن ونقلوهم لداخل
بسـرعة ..
موظف الاستـقبال وهو يكلم احد المسعفين : لو سمحت اخوي معك هوايتهم او شي نقدر نتعرف عليهم فيـة ..
المسعف : اخوي الحين بنـآآدي الشرطي يعطيك كل البيانات احنا نقلناهم هـنا ومانعرف عنهم اي شي بس اتوقع الشرطي اللي مغطي الحادث يقدر يخدمـك ..(ويروح )
جــآآلس بغرفتــه .. وكان توه جاي من الشغل ويبي يحط راسه وينـآآم قاطعه اتصال ع جواله وظن انه من خطيبته لانها متعوده تكمله بنفس الوقت مسك جواله بأأبتسـآمـه ورد وقال
هشام: هلا والله .. اي نعم مين حضرتـك !! اي ليش .. شنو شتقول انت متأكد متى ووين خلاص صـآآر انا جاي الحين ( سكر من جواله وهو يظن انه بحلم للحين مومصدق
الكلام اللي سمعـة ياترى هو جد والا لا .. على طول وبدون تردد راح لغرفه اختـه وشافهآآ فاضيه وراح لغرفه السواق ومافيه حد .. لاالسواق ولا السيـآآره .. تعوذ من الشيطان وراح
لغرفته وخذ شماغه ومفتاح سيارته وقبل مايطلع شاف عبود نايم بغرفته وراح للخدامه ووصـآآها ماتصحيه ولاحتى تفتح لحد البآآب ولاصـآآر اي شي تتصل فيه وطلع وهو محتار وخصوصا ان امه
اليوم عند زوجـهآآ وماعرف شسوي يروح لامه يقول لها والا يروح المستـشفى يشوف وش السـالفه .. كان يسوق سيارته بكل هدوء مع انه متوتر بس ماحب انه يسرع او حتى يتصرف تصرف
يندم عليه بعدين فضل انه يتوجـة للمسـتشفى ويشوف وش يصير بنفسه .. وصل للمستـشفى وراح سيديآآ للأستـقبـآآل يسأل
هشام: لو سمحت اخوي ابي اسألك عن الحاله اللي وصلتكم من شوي لبنت مع سواقها
الموظف: اي تقصد هناء الـ ـ ـ ـ
هشام : اي نعم وش صآآر معها !!
الموظف: اخوي تقدر تروح لمكتب الدكتور وتسأله اذا طلع من العنايه المركـزة
هشام وخاف والظنون صارت تروح وتجي ببـآله وقال: العنـآيه المركـزه !! ليه وشصـآآير
الموظف: علمي علمك اخوي انا سجلت البيانات بس روح لمكتب الدكتور صفوان وانت تعرف كل شي
هشام : صـآآر (ويجي يروح ويرجع : وين مكتبه !!
( ويروح للمكتب بسرعه وهو مايفكر بغير انه يشوف اختـة وتؤامـه بخيـر ودخل حتى مادق البـآآب ..
الدكتور: مرحبا خيو فيك شي !!
هشام: لو سمحت دكتور انا اخو هنا اللي جات قبل شوي مع السواق بحادث سيارة اختي فيها شي صاير شي اقدر اشوفها يادكتـور
.
.
.
بيــن قســوة أنثى وتمرد مراهقه ..
*/
فـآلدنيـآ لآتـأتي عـلـى مـقـآس قـلـوبـنـآ ..!
أما ان تضيق ..، !
فـ تجبرنـآ على التنازل عن كثـيـر من الآشيأء الثمينـة
أو ان تـكبـر ...!
فـ نضيع ونتـوة ونفـقـد الكثـيـر ...!
*/
فــزت من نــومـهآآ مختـرعه وماتدري ليش قلبها كان قارصـهآآ .. قامت على طول وطلعت من غرفتهآآ وخذت جوالها واتصـلت بأعيأألها واللي خوفها اكثر انهم مايردون ع البيت
اتصلت اكثر من مره ومااحد رد واللي زاد خوفها اكثر انهم ماردوا .. بس بعدين ردت الخدامـة وياليتـهآآ ماردتـ ..
ام هـنآ: الو هلا
الخدامه: يس مدام
ام هنا: عطيني هنو بسرعه
الخدامه: she net here (مش موجودة )
ام هنا: للحين ماجات من برى .. طيب هشام وينه
الخدامه : idont new .. he come to home but than he live and was worry and fast
( ماادري هو جاء للبيت بس طلع وكان خايف ومستعجل )
ام هنا:ووين راح !!
الخدامه : he dont tell me idont new
(مااعرف ماقال لي )
ام هنا وخافت اكثر واتصلت فيه ومارد واتصلت بهـنا وجوالها مقفل وخااافت اكثر وراح لزوجـهآآ اللي كان نايم
نوال وهي داخله غرفتها وفاتحه النور وراحت بسرعه لزوجها وصحته: محمد .. محمد اصحى
محمد وصحى بسرعه لان نومه خفيف: هاااه نوال وشفيك
نوال وهي ماسكه دمعتها: مدري شفيني قمت من النوم مفزوعه واتصلت بأعيالي مو بالبيت وجوالتهم مقفله والخدامه تقول انهم موموجودين
محمد: لاحول ولاقوه الابالله انتي الحين هدي اعصابك وتعوذي من الشيطان
نوال: اعوذ بالله من الشيطان الرجيم .. بس انا مستحيل اقعد كذا انا مومرتاحه قلبي حاسسني ان اعيالي فيهم شي
محمد: ان شاء الله مافيهم شي انتي هدي اعصابك الحييييين
نوال بزمره مع نبره باكيه: اهدي اعصابي وانا ماادري عن اعيالي !! محمد انت تقوم معاي الحين ندورهم ونشوف وينهم
محمد: ان شاء الله مايصير الا اللي تبينه بس قومي غيري ملابسك وخليني اغير ونطلع ندورهم ( وقام بدون تردد وهو خايف على زوجـته واعيالها وعاذرها لان اللي تمر فيه موسهل ابدا )
نوال بخاطرها: الله يستر الله يستر ليكون اعيالي فيهم شي
.
.
.
.
.
.
" يووووه مافيني شي هذا انا قدامك مثل ماشفتني مافيني شي " قالتها لاخوها وهي تطمنه بعد ماسألها هالسؤال ميه مرة ..
هنا : وبعدين هشوم لوفيني شي كان الدكتور ماخلاني وقال لي بس انتبه ليدي وماارهقها كثير لانها مجبسه ..وشويه رضوض عاديه بجسمي بس ..
هشوم اقولك ترى الجبس يأألم ..
هشام وهو يطالع باخته اللي شكلها كسر خاطره بس تعمد انه مايطالعها بنظرات العطف اللي تقهرها وتستفزها وقال: الحمدلله .. انتي قطو بسبع ارواح
هنا اكتفت بأبتسامه صفراء وقالت: وش صار مع السواق !!
هشـآم ونـزل راسه وقال : الدكتـور يقول انه تجاوز مرحـلة الخطر وبيحطونه تحت العنايه المركـزه 48ساعه يراقبوان حالته ادعيله ياهنو
هنو وخافت وحست بالذنب لان هي السبب باللي هو فيه وقالت: الله يشفيه (وماحست بدمتعها اللي على خدهـآآ وهشوم جاه اتصال من امه وطلع بـرى ..
اما هنو جلست تفكر بينها وبين نفسها انها هي ممكن تكون مكـآآن السواق وهي اللي كان ممكن تكون بالعنايه المركزة وياعالم وقتها كانت رح تصحى او لآ ,, ووقتها مارح ينفعها شي
لاجنآآ ولاشلتها اللي كانت سهرانه معاهم ولاحتى شخصيتها اللي تظن انها قويه واقوى من اي حد .. وقتهآآ مارح ينفعها الا دعاء اقرب النـآآس لها .. شكرت ربها انها ماكانت مكانه
وبنفس الوقت خافت .. خافت ان هذا يكون لها مثل الانذار من رب العالمين .. تمنت لو تكون عندها القوه والشجاعه انها تترك صديقاتها وجـنآآ والمحيط الوسخ اللي هي عايشه فيه
تمنت انها تنساهم وتبدء من جديد حياه جديده .. حتى تمنت انها مادخلت الجامعه وشافت اللي شافته وسوت اللي سوته .. تمنت انها لو ظلت هناء البنت البلهاء اللي ماتدري اللي وين الله
قاطعها .. أقلها كانت بنت سويه ماعصت ربهـآآ ودينها واهلها ومجمتعها .. انقهرت كثير على اللي وصلت له .. بس القهر ماينفع ولامنه فايدة بس هي عندهآآ فرصه الحين عندها
فرصـة انها تغير كل شي .. تغير حيـآآتها وصديقاتها وشذوذها وكل شي حولها عندها فرصه تتوب وتتغير .. بس هل هي تبي تتغير وتصير انسآآنـة ثـانيه .. قطع عليها تفكيرها صوت
امها وهي داخله للغرفه من هشوم واول ماشافت بنتها ضمتها وبوستها كانها بنت الثلاث سـنوات موكـآنها بعد فتره صغيره بتدخل العشـرين !!
ام هنا: بسم الله عليك يمه ان شاء الله فيني ولافيك
هنا وبخوف وبدون شعود وتردد قالت: لا يمه .. بسم الله عليك .. بعدين ماصآآر شي انا مافيني شي شوفه عينك
نوال وتمسح دموعها بأصابعها وتقول: انتي ليش سويتي كذا يايمه ليه طلعتي من البيت بدون ماتاخذين رايي ليش
هنا وهي تطالع بالارض : قلت بغير جو ورحت لصديقتي ورسلت لك مسج
نوال: مسسسج .. تستأذنين مني بمسـج .. صادقه انتي .. انا حتى المسج اللي ارسلتيه لي ماشفته .. هنو انا امك واحبك واخاف عليك ومن يوم ورايح مارح اتركك ولالحظه
.. انا خلاص من يوم ورايح رح اصير امك موصديقتك ..
هنا واستغربت من كلام امها وقالت: وش قصدك يمه !!
نوال: حبيبتي الحمدلله على سلامتك لاطلعتي من المستـشفى نتفاهم ..
بــعد مــرور أسـبوعين .. سواقهم طلع من المستـشـفى وكانت رجوله متجبسه وطول هذيك الفتره ماكان يقدر يسوق وكانوا مدلعينه اخر دلع ولآكـآنه سواق وشكروا ربهم انه ماصار معه شي وخاصه
وانه بذمتـهم .. اما هنو من ذاك اليوم ماطلعت من البيت وامـهآآ تركت بيت زوجـهآآ مؤقتا وحتى الجمعيه وجلست مع بنتـهآآ وتراقب كل تصرفـآآتها وتحاول تغيرهـآآ ولو انـها قست عليها احيـآنـآ لكن
نوال عرفت ان بنتهـآآ محتاجه لام توقف بجنبها وتوعيها مو صـديقه .. اما هـنو ماكانت متضايقه كثير من امها او حتى زعلانه لانها هي اصلا تبي تبتعد عن اللي هي فيه بس موعارفه شلون ويمكن
تصرفات امها معها مع انها تكرهها كثير ودايم يتهاوشون ويتزاعلون الا انـهآآ كانت شبه عاجبتها هالتصرفات اقلها ماتطلع من البيت وتقابل الشله اللي تبي تبتعد عنها وماتبي .. وخلال هاليومين هنو
ماصارت تقطع صلآتها وحست براحـة كبيره .. وحتى جنـآآ لها فتره ماتكلمها وان كلموا بعض اطول مكالمه لهم ماتتعدى الخمس دقايق ويتطمنون على بعض وبس .. وجنا حالتها الصحيه تحسنت
بشكل ملحوظ جدا ولكن حالتها النفسيه بدت تسوء وبشكل ملحوظ ايضــآآآ ... اما نوال فـ أحيـآآنـا تعصب من بنتـها وتقسى عليها واحيـآآنـآ تحن عليها لكن ماتبين لهآآآ ..
وكانت جالسه بصـآله بيتـهم ومعها كيس ومستانسه فيه كثير وراحت لغرفه بنتها ودخلت بدون ماتدق الباب وبنتها كانت جالسه على اللأب توب ومنشغله ..
نوال: هنو .. للحين جالسه وماقمتي
هنو وهي مالها خلق قالت وهي منشغله باللاب بدون ماتطالع امها: مثل ماانتي شايفه ماعندي شي اسويه
نوال: تستعبطين والحلفه
هنو وبنفس الجلسه: ماما انا مااحب حفلات من هالنوع كلها حريم وكبار بعد ولا كل وحده ترفع الضغط اكثر من الثانيه وماانا مااحب المطاوعه والا بنـآتهم يقهرون ومااحبهم
نوال: مو لازم تحبين انا قلت تروحين يعني تروحين فاهمه ولما اكلمك تطالعيني وتتركين عنك هالزفت (وتروح للاب توب وتسكره
هنو: ماما وبعدين
نوال: بعدين تقومين وتلبس اللي جبت لك اياه ؟
هنو: اوووف (وتاخذ الكيس : انا البس هذا ( وتطلع الفستآآن من الكيس !!
نوال بعصبية وحمق: اي وبتلبسينه الحين مع كامل اكسكوراته وماابي اسمع اي اعتراض
هنو وهي خايفه من امها وماحبت تكبر الموضوع وقالت : طيب اطلعي عشان البسه
نوال: لا ماني طالعه ادخلي حمام غرفتك ولبسيه وانا بنتظرك هـنا
هنو: اوووف اوووف
نوال: لبسيه وانتي ساكته
هنو : ان شاء الله ..انا انسانه مهضوم حقي بهالبيت (وتاخذ الكيس وهي تتحلطم وتروح للحمام ..
اما نوال ماهان عليها شكل بنتها لكن هي قررت انها تكمل اللي بدت فيه وماتحن عليهآآ ابدآآ ..
هنو وبعد 7 دقايق بالضبط طلعت من الحمام وهي ماسكه الفستان بيدهآآ
نوال: خير ليه مالبستيه ان شاء الله !!
هنو: والله يوم جيت البسه هو مابغاني .. الظاهر انه فستان اي شي وماركته اي كلام .. لانه انشق (تمزق)
نوال وخذت الفستـآآن منها وطالعته والمشكله انه مايتصلح ولو تصلح يبي له وقت وهالشي اللي ماتملكه نوال وانقهرت كثير من حركه بنتها وهي متأكده انه ماانشق من نفسه
هنو: قلت لك ماما مافيه نصيب اني اروح معك للحفله روحي لحالك وتروح وتجلس على لابتوبها اما نوال انقهرت من حركه بنتها وطلعت من الغرفه وهي عارفه شنو رح تسوي بالضبط ..
ورجعت ومعها علبه كبيره لعصير مانجو طبيعي وبنتها مااتبتهت لها وفتحت العصير وكبته على لاب بنتها اللي بسرعه ابتعدت عن اللأب وقالت بعصبيه
هنو: ماما وشفيك .. انتي تبين تقتليني يعني !!
نوال: بسم الله عليك ياروح ماما .. لاتخافين اللأب موموصل بالشاحن وبعدين سوري ماانتبهت ياعمري
هنو بكل قهرها: والله أشـك ..
نوال: مايهمني .. الظاهر اللأب طلع اي كلام وماركته اي شي لانه اخترب
(وتقفل اللأب وترميه بالزباله : ومصيره مصير الفستـأن بالزباله .. لان الاشياء الخربانه مصيرها الزباله .. والحفله بتروحينها
غصب عنك وانا رح اسوي لك شعرك ومكياجك
هنو: لاوالله اصلا شعري قصير
نوال: صحيح انه قصير بس يتصلح ومومشكله لونتأخر ع الحفله ساعه او ساعتين .. واحسن شي بشعرك انه يطول بسرعه وصحيح قصير بس على بالي تسريحه تلبق له ورح تحطين ميك اب وبدون
مااسمع اعتراض ورح اسمح لك تلبسين بنطلون لكن انا رح اختار لك البدله وهذا امر مو طلب
هنو وعصبت من امها وحركاتها اللي قهرتها كثيروحست انها هالمره بالذات تمادت ولان هنو ماتقدر تمنعها لكن رح تخليها تندم انها خذتها معها للحفلة
هنو وبنظره غامضه : ان شاء الله ماما .. ماطلبتي شي ..
( اما نوال فـسرحت لبنتها تسريحه ناعمه بالاستشوار واصلا يدوب سرحته لان التسريحه صـآآير مو حلوه كثير لان شعرها قصير .. وحطت لها ميك اب خفيف من اساس وبلاشور وروج
واختارت لها بنطلون جينز سكيني وبلوزه بيضـآآ رسميه جدا .. وطلعوا .. الحفله كانت عشــآآ بـأحد المطاعم ومع مجموعه من صديقاتها بالنادي اللي كانت مشتركه فيه لانها عارفه ان بنتها
رح تسوي شي بهالحفله وماطلعت مع المدرسات او حتى حريم الجمعيه ..
كانوا جالسين على طاوله وحده وكل وحده فيهم تتكلم وتسولف عن زوجها واعيالها اما البنات فـ كل همهم الازياء والفاشن بشكل عآآآم ولااحد شك ان هنو بويه وهنو طفشانه للاأخر وقامت
نوال: وين !!
هنو من بين اسنانها قالت: بروح الحمام شوي
نوال وبنظره حادة: لاتتأخرين لآن العشـآآ الحين بيوصل
هنو : اوووف طيييييب ( وراحت للحمام وطلعت مشطها وسرحت شعرها مثل السبايكي وثبتته بالماي والجل اللي جابته معها ونزلت بنطلونها طيحني ومسحت الميك آب بس الروج ماراح لان
مده 48 ساعه انقهرت بس مشت الموضوع ورجعت وهي تمشي مشيتها العربجيه المعتاده والكل انبهر من شكلها راحت بشكل ورجعت بثـآآني ..
ام فواز: يووه .. نوال وشفيها بنتك تغير شكلها كذا
نوال وهي متوقعه حركه بنتها وتطالعها بنظرات توعد اما هنو فـ رغم خوفها من امها الا انهـآآ فضلت تتحداهآآ : مافيها شي ياام فواز بس تعرفين بنـآآت هاليومين كل ماهبوا الناس بشي هبوا فيه
ام اسامه: وش الهبه اللي بنتك هابه فيها الحين !!
نوال وهي تطالعها بنص عين: نفس الهبه اللي هبت فيها بنتك اسيل مو تقول ستايل السبور وماادري شنو بنتي كذا ستايلها سبور بس ماتتخلى عن المكيأأج .. مو هالممثلات ماخلوا شي
ماسووه وبناتنا اللهم ياكافي ماغير يقلدونهم
وحده من البنات: اي ياخاله معك حق انا احيانا تدق براسي واسوي ستايلي سبور والسنه اللي طافت كنت قاصه شعري كله مثل فرح بسيسو والحين مليت من هالستايل وغيرته
ام فواز وانقهرت من بنتها اللي تكلمت وقالت وهي ترقع الموضوع: ههههه الله يهديهم بنات هاليومين كل شي يبون يجربونه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك