رواية ياليتك ما كنت أخوي -36
نوف:لا والله..خلينا نروح بيوتنا ونبدل ونروح المزرعه..وش رايكم؟؟
الكل:موافقين
عند ياسر وعلي وصلوا المستشفى
نروح عند الشباب
سالم:وينه ذا راح ولا رجع؟؟
جواد:مدري عنه..اكيد جالسين بره ضحك وسوالف وحنا ياغافلين لكم الله
سالم:أمش نروح لهم
جواد:يلا..ريان..ريانوا
ريان:نعم
جواد:تعال
ريان:وين؟؟
جواد:بنروح نطلع بره لعلي وياسر
ريان:بجلس هنا أطلعوا أنتوا
جواد وسالم:ليه؟؟
ريان:الجو بارد بره
جواد:بالعكس..المهم يلا سالم نطلع
وطلعوا
سالم:وينهم ذول..!؟
جواد:دق عليه
ودق سالم عليه
سالم:ألوو وينك................بالمستشفى!!ليه؟؟.............. ........أمممم مايشوف شر....................سلم عليه.............باي
جواد:وش صاير..سمعتك تقول مستشفى..!؟
وقاله سالم السالفه ودخلوا
المهم راحوا نايف ونواف المزرعه والساعه 4 الفجر رجع علي وناموا الشباب
والساعه 6 طلعوا البنات والحريم من الصاله
البنات كل وحده بدلت وبعدين مشاعل أخذت السايق ومرت على كل وحده وراحوا المزرعه
دخلوا وكانوا الشباب نايمين طبعاً
مشاعل:شوفوا كيف حموودي نايم..يهبل
نوف:أقول أنطمي..وأمشوا نروح الغرفه الثانيه..تراني أبي أنام
الكل:وانا بعد
وراحوا الغرفه الثانيه وناموا
وعلى الساعه 2 الظهر صحا سالم
سالم:شباب يلا قوموا..وصلت الساعه 2 وأنتوا لسا نايمين..يلا أصحوا
ومحد رد عليه طلع برا عن انه بيتمشى وشاف وحده لابسه عباه..أخترع
سالم{في نفسه}:بسم الله..مين ذي..يمه جنيه..يمه
طبعاً ذي كانت مرام
وقرب منها وصار وراها
لفت مرام وراها
مرام وسالم:يمه
سالم:بسم الله عليك..أخترعتي
مرام:شوي
سالم:وش جابك هنا؟؟
مرام:انا والبنات..جينا الصبح
سالم:أمممم..حسبتك جنيه..ههههه
مرام:والله..أنت الجني مو بأنا
سالم:والبنات لسا نايمين؟؟
مرام:أيوا..مانمنا إلا الساعه 7 الصبح
سالم:بل..بل..طيب أنتي ليه صاحيه من ألحين؟؟
مرام:مدري..صحيت وماقدرت أنام
سالم:أهاا..أنتي مرام وإلا أنا غلطان؟؟
مرام:أيوا..أنت..لحظه لا تقول..أممم..أنت أخو فرح..سالم صح؟؟
سالم:جبتيها
مرام:ههههه..يلا بروح عن اذنك
سالم:أذنك معك
وراحت عند البنات وراح سالم للشباب
سالم:يلا قوموا..شباب..أوووف..تمللون..شباب البنات هنا
وقاموا كلهم
طلال:حتى خطيبتي هنا؟؟
سالم:مدري
حمد:وأنا؟؟
سالم:مدري..قوموا انتوا
علي:ونوف بعد؟؟
سالم:أوووف..قلت لكم مدري..أنتوا قوموا وشوفوا
وقاموا كلهم
عند البنات
مرام:يلا بنات..أصحوا..بنات..قوموا
مشاعل:وشو؟؟
مرام:يلا الساعه 2 ألحين
مشاعل:ويعني؟؟
مرام:يعني يلا قوموا
مشاعل:بقوم..بس عشان حموود مو عشان احد
وقامت
مرام:مالت..صحي البنات معاي
مشاعل:والله..مارح أصحي أحد
مرام:بقره..صحيح
وبعد شوي صحوا البنات
وراحوا عند الشباب
طلال:أنتوا..كيف أجيتوا هنا؟؟
مرام:يعني كيف..بالسياره
طلال:وليه ان شاء الله جاين؟؟
مريم:عشان نجلس معاكم وإلا ماتبونا
طلال:إلا..إلا نبيكم
شوق:يلا واحد منكم يروح يجيب الغذاء
علي:شوف ذي..قرعه وتتشرط
شوق:أسكت أحسن لك..لا أوريك
نوف:هيء أنتي..ماأرضى على أخوي انا فاهمه
شوق:مالت عليك وعليه
نوف:أسكتي..الناس يتكلموا بحترام مو بكذا
شوق:يلا تكلمي ياأم الأحترام
نوف:أقول شباب وش رايكم نطلع نتغذى في مطعم
حمد:أنا موافق..دام نوف اللي طالبه
مشاعل:هيء..أنا هنا
حمد:أووه..ماشفتك..عادي لكن غير نوف
مشاعل:لا نوف ولا غيرها..مادخلني أغار
الكل:هههههههههههههه
جواد:أقول..يلا أمشوا..معني ماأتوقع نحصل على غذا هالوقت
الكل:يلا
وطلعوا وراحوا مطعم وخلوا البنات لحال والشباب لحال
عند المعاريس
سعود:ريووم..وش رايك وين نروح شهر العسل؟؟
ريم:مدري اللي تشوفه
سعود:وش رايك بلندن
ريم:لندن!!لالا..شوف غيرها<<<طبعاً اهي ماتبي تروح لندن لأنها تتوقع إن وليد هناك
سعود:طيب..فرنسا
ريم:بكيفك
سعود:أجل خلاص فرنسا..أن شاء الله بكره يكونوا التذاكر موجودين..وألحين يلا قومي أجهزي عشان بنروح بيت أهلي أمي عزمتنا
ريم:طيب
نرجع عند الشباب والبنات
خلصوا غذاء وطلعوا وقبل لا يركبوا السياره
حمد:وألحين وين تبون نروح؟؟
جواد:وش رايكم في..
ودق جوال علي
علي:ألوو................حنا طالعين مع البنات.................إيوا الكل معانا......................طيب............أوكي جاي
وسكر
نور:وشو؟؟
علي:لازم أروح مع أبوي مركز الشرطه
حمد:ليه؟؟
علي:مدري..خلاص..أنتوا روحوا..جواد تعطيني سيارتك؟؟
جواد:عادي
وراح علي لنوف
علي:نوف..أنتي ظلي معاهم أنا لازم أروح
نوف:وين؟؟
علي:الشرطه
نوف:طيب..طمني عليك
علي:أوكي..يلا{باسها}أنتبهي لنفسك..وبندر وفراس جايين بالطريق
نوف:أوكي
ومشى
حمد:يلا أركبوا
وركبوا وراحوا السوق
وصل علي بيت أبو حمد
علي:السلام عليكم
أبو حمد{في نفسه}:الحمد لله..الحمد لله إن علي صار عاقل..اشكرك يارب أنك رديته لي..وأدعيك يارب انك تحفظه لي
علي:بابا..أنا هنا
أبو حمد:آسف ماانتبهت لك..يلا مشينا
علي:يلا
وركبوا السياره
أبو حمد:أنا كلمت المحامي..وقال أنه متأكد انك ماتسويها..وبيحاول وأن شاء الله تطلع براءه
علي:أن شاء الله
وبعد شوي وصلوا المركز ونزلوا
دخل علي وأبو حمد عند الضابط وكان معاه خالد
الضابط:أجلسوا
وجلسوا
الضابط:عندي لكم خبر
أبو حمد:وشو؟؟
الضابط:خالد قرر يتنازل بس بشرط
أبو حمد:وشو شرطك؟؟
خالد:أنا بتنازل عن علي لكن بشرط..إلا هو..
خلونا نروح للبنات والشباب ونرجع نشوف وش شرط خالد
سالم:نوف مادق علي؟؟
نوف:لا..جواد
جواد:هلا
نوف:غريبه ياسر مو مع علي ليه..متهاوشين؟؟
جواد:لا..بس البارحه دقوا على ياسر وقالوا له إن أبوه بالمستشفى وراح عنده
نوف:أمممم
نور:بنات
البنات:نعم
نور:وش رايكم فيني البارحه
مريم:بصراحه تبي رايي وراي البنات؟؟
نور:أيوا
مريم:ماكأنك واحد من البلد..سودت وجهنا
نور:نعم..نعم!!
مريم:قلت تبي راينا وعطيناك
حمد:قلت لك..كأنك أهبل بس ماتصدق
شوق:يعني أنت اللي حلوو
حمد:أيه وش فيني..!؟
ليلى:وع..أسكت بس
ديما:بصراحه..أثنينكم رايحين فيها
نور:مين ذي الرقيقه اللي تتكلم
ديما:أنا
نور:ومين أنتي؟؟
نواف ونايف:أختي
نور:جهزوا حالكم بخطبها
ديما:نعم..وش قلت!!
نور:بخطبك..حرام يعني
ديما:للأسف ماأستقبل مهبلين مثلك..وبعدين تعال..أنت شفت وجهك بالمرايه..كأنك..أستغفر الله بس
نواف:تعجبيني
نور:وش كأني..مافيني شيء..أنتي اللي كأنك..أعوذ بالله
ليلى:ممكن تنطمون
ديما:لا خليني أوري هالغبي ذا شغله
شوق:ألحين طلعت لك الجرئه
نوف:أفا عليك جالسه معي
نواف ونايف:نوف ممنوعه عن ديما..إكس عليها
نوف:والله..أقول أسكتوا..مو كفايه أنّا أسمائكم تشبه أسمي
حمد:أيه والله..توني منتبه
طلال:تو الناس..صباح الخير
سالم لريان:ريان..وش فيك هالايام..مالك حس
ريان:هاا..مافيني شيء
سالم:أنا متأكد إن فيك أشياء مو بس شيء..قول لي أنا ولد عمتك
ريان:أوووه..قلت لك مافيني شيء{وقام عنه}
نوف:سالم وين بيروح ريان؟؟
سالم:مدري عنه..شكله متضايق من شيء
نوف:أمممم{وفي نفسها}صدقت يا ياسر في أحد زعلان مني وبقوه..مسكين أنت يا ريان..يمكن ألحين أقدر أحبك..وماأوعدك..بس أحاول
نرجع عند خالد والباقي
خالد:شرطي هو..أنّي أتزوج نوف
علي{وقف}:تتزوج نوف!!
خالد:وذا الشيء الوحيد اللي أبيه
علي:مستحيل..عساني أنسجن للأبد ولا أزوجك نوف
الضابط:طيب هدوا..علي أجلس
وجلس
علي:أنا مو موافق على الشرط
الضابط:فكر عدل
علي:ماعندي قرار غير هالقرار..ونوف مستحيل تاخذ هذا
أبو حمد:علي صحيح فكر عدل
علي:مستحيل..وبعدين السجن كلها كم شهر وأطلع..لكنه إذا تزوج نوف بياخذها مني للأبد
أبو حمد:طيب خلاص أسكت
علي:طيب{وسكت}
وجلسوا شوي وطلعوا
عند البنات والشباب
سالم:يلا مامليتوا من السوق
نوف:لا لسا..ليه؟؟
سالم:بس..لأن أنا مليت
نوف:وأن شاء الله تبينا نطلع لانك مليت..!؟
سالم:أيوا
نوف:أقول ضف وجهك
سالم:يلا شباب مشينا
الشباب:يلا
سالم:بنمشي..غلبتك
نوف:أول مرره..عادي..لسا في أيام جايه
سالم:إذا جت..سلمي عليها
نوف:سخيف
وطلعوا وراحوا بيت أبو حمد
دخلوا وكان علي جالس على الكنبه ومنزل راسه وأم حمد جالسه جنبه..وتداعب شعره
والكل دخل مستغرب..ويقول وش صاير..!؟
حمد:وش صاير؟؟
أبو حمد:أجلسوا..مو صاير شيء
نوف راحت وجلست جنب علي
نوف:علي وش صاير؟؟
علي تنهد
نوف:علي كلمني وش فيك؟؟
علي:مافيني شيء{وقام}
أبو حمد{مسكه}:علي{وعطاه مفتاح السياره}هاك
علي:وشو ذا؟؟
أبو حمد:مفتاح سيارتك..موقفه في الكراج
ومشى وقبل لا يطلع
نوف{بنبرة ترجي}:علي
علي ناظر فيها ودمعت عينه وطلع
نوف{قامت}:لوين..تعال..لا تتركني..علي{وبكت}
ليلى{قامت لها وضمتها}:تعالي أجلسي
نوف{وأهي تبكي}:خايفه يصير له شيء
أبو حمد:لا تخافي مابيصير شيء
حمد:بابا..وش فيه..وش صاير؟؟
أبو حمد قال لهم اللي صار
نوف:وليه ماوافق..أنا موافقه..المهم علي ماينسجن{وزادت في البكي}
جواد:خلاص..الموضوع مايستاهل كل هذا
نوف:جواد..تكفى دق على علي..قوله يجي
جواد:مابيوافق..خليه يمكن ينسى شوي
عند علي
علي:وين أروح..آاااااه..ياسر..أيه بروح لياسر
ودق على ياسر
علي:هلا ياسر..............وينك؟؟................أمممم..أنا جاي لك.................إذا جيت بخبرك..............أوكي باي.........{وسكر}
وراح عند ياسر المستشفى ودق عليه وقال له يطلع
طلع ياسر وركب السياره
ياسر:سيارة مين ذي؟؟
علي:سيارتي
ياسر:تهبل
علي:من ذوقك
ياسر:علي..وش فيك..شكلك متضايق..وش اللي مضيقك؟؟
علي:تصدق ياسر..تصدق..إن{وقال له شرط خالد البايخ والسالفه}
ياسر:ياالله حقير..وأنت ليه مكدر نفسك عشانه..ماعليك منه
علي:تعبان يا ياسر ومدري وش أسوي..عادي عندي أنسجن بس على نوف
ياسر:لا أن شاء الله تنحل القضيه بدون سجن
علي:مستحيل..أنا قاتل واحد مو أي شيء
ياسر:خلاص علي..أضحك ماأحب أشوفك كذا
علي:لو اقدر ضحكت..تركت نوف وأنا بهالحاله..أكيد خايفه عليّ ألحين
ياسر:دق طمنها
علي:طيب
ودق
ورفعته نوف على طول
نوف:علي..أنت بخير؟؟
علي:ليه تبكين ياعمري..أمسحي دموعك أنا بخير..لا تخافين مافيني شيء
نوف:علي تعال..خذني معك..ماأبيك تظل لوحدك وأنت بهالحاله..تعال تكفى
علي:لا..لآ تخافين..وبعدين انا مو وحدي أنا مع ياسر
نوف:علي..حبيبي أنت..تعال أبيك..يهون عليك أترجاك وماتجي
علي:خلاص ياقلبي أمسحي دموعك أنا جاي
نوف{مسحت دموعها}:أنتظرك..لا تطول..وأنتبه لنفسك
علي:طيب..يلا باي حياتي
نوف:باي
جواد:وش قال؟؟
نوف:أهو مع ياسر..وألحين بيجي
جواد:امممم
وبعد شوي جاء علي ودخل
علي:يلا نوف
نوف:لوين؟؟
علي:بنطلع شوي
نوف:طيب
وقامت وطلعت معه ومع ياسر
نور:يعني بيسجنوه؟؟
أبو حمد:للحين مدري
حمد:أهو صحيح قتله؟؟
أبو حمد:ايوا..أهو قال لي..بس يقول أنه بدون قصد
طلال:حرام..صايره المصايب تجي فوق راسه وحده وراء الثانيه
أبو حمد:هالسنه مو سنة خير عليه..الله يكفيه شر اللي جاي
حمد:أن شاء الله
جواد:يلا عن أذنكم حنا بنطلع
أبو حمد:وين لسا بدري
جواد:لالا..بنروح
أبو حمد:بكيفكم
جواد:يلا فمان الله
الكل:فمان الكريم
وطلع أهو وشوق
طلال:وحنا بعد نستأذن..يلا مرام وليلى مشينا
مرام وليلى:يلا
وطلعوا
وطلعوا الواحد وراء الثاني
وراح كل واحد على بيته ونام الكل..طبعاً نوف وعلي راحوا الشقه
بعد سبوعين
ريم وسعود سافروا فرنسا
وخالد بيسجنوه شهر وشوي بتهمة خطف نوف
وحكموا على علي بالسجن سنتين لكن بعد محاولات كثيره من المحامي صاروا سنه
واليوم أهو اليوم اللي بيدخل علي فيه السجن
الكل متجمع في بيت أبو حمد
نوف جالسه مع علي وتبكي..والكل يودعه من جهه
وعلى لساعه 1 الظهر إجا الوقت
أبو حمد:يلا علي مشينا
علي:يلا
نوف{وأهي تبكي}:مو قادره أتخيل حالي بدونك
علي{يمسح دموعها}:خلاص كافي تبكي..كذا تحسسيني أنّي مذنب
نوف:بتفج عليّ
علي:كلها سنه وتعدي
وودع الكل ولما وصل لريان
علي:ريان كنت تبي تقول لي شيء من زمان..وشو؟؟
ريان:اللي فيك مكفيك..خليها لوقت ثاني
علي:لا قول لي
ريان:خلاص أنسى
علي:بكيفك
وودع الكل والجميع وطلع
نوف:الله يحفظك
ومضى اليوم بكي وقليل إذا أحد ضحك
بعد سبوعين ثانين
في بيت أبو معاذ
مشاعل:أوووف
مشاري:وش فيك؟؟
مشاعل:حمد
مشاري:وش فيه حمد؟؟
مشاعل:متضايق من اللي صار لعلي..ومقدر أسوي له شيء..يروح عنه هالضيق
مشاري:يلا كلها كم يوم وينسى
مشاعل:أن شاء الله
في بيت أبو جواد
شوق:داني قوم نلعب الصيدا
دانيال:طيب
وصاروا يلعبون وطاحت شوق على رجلها
شوق:آاااااااااااه رجلي آاااااااااه
وأجا جواد
جواد:وش فيك؟؟
شوق:رجلي{وتبكي}
وأجا أبو جواد
أبو جواد:وش فيك؟؟
جواد:رجلها
وأخذها أبو جواد المستشفى طبعاً ام جواد مو معاهم طايره مع صاحباتها
ودوها المستشفى وتطمنوا عليها ورجعوا البيت وظلت شوق في المستشفى وجلست معاها ذوق بنت خالها
في بيت أبو جواد
وصلوا أبو جواد وجواد البيت
أم جواد:وش فيها شوق؟؟
أبو جواد:لا ولا شيء بس كسر بسيط
أم جواد:كل بسبتك كيف تترك الأطفال لوحدهم
أبو جواد:ألزمي حدودك ياأم جواد وتراك أنتي بعد طلعتي وماأنتبهتي لها..ولحد ألحين انا ساكت عنك
أم جواد:اووه..اووه..أشوف طلع لك لسان يا..عبد العزيز
أبو جواد:شوفي تراني محترمك لأنك زوجتي لا تخليني أتهور
جواد:بابا..ماما..هدوا ماصار شيء
أبو جواد:جواد أتركنا لوحدنا
أم جواد:طلقني
جواد:لا..ماما..لا..فكري فينا
أم جواد:طلقني يا عبد العزيز
أبو جواد:أستغفر الله..أستغفري ربك ياحرمه
جواد:لا{وطلع ركب سيارته وقام يبكي}
دانيال:ماما ليه تصرخون؟؟
أبو جواد:زين لك كذا خوفتي العيال
أم جواد دخلت غرفتها وقفلت الباب
نروح لجواد
صار يمشي بدون مايفكر وين بيروح..فكر في أمه وأنها كيف تطلب هالطلب وفكر في أبوه هل بيسمع كلمها وفكر في أخوانه كيف بيعشوا إذا صار هالشيء وأخر شيء فكر في حاله..خاف للحظه يتصل للبيت ويقول له أبوه انه طلق أمه..مشى ومشى..وفجأه..طلعت قدامه تريله حاول يلف سيارته بأقوى ماعنده لكن تقلبت السياره أكثر من قلبه..أستغفر جواد ربه وقال الشهادتين وغمض عينه وصار يشوف شريط حياته..نزلت منه دمعه تعلن نهاية حياته..وقال بخافض صوته:الله يسامحكم ياهلي{وأغمي عليه}
أخذوه بسرعه على المستشفى أتصلوا لأهله والكل صار عنده
طلع من عنده الدكتور
وراح أبو جواد عنده
أبو جواد:هاا دكتور
الدكتور:الحمد لله الله لطف في حاله وأن شاء الله إذا صحا من الغيبوبه بيعيش
أبو جواد:في غيبوبه!!
الدكتور:أيوا..بس أحمد ربك ما مات
أبو جواد:الحمد لله..اللهم أننا لانسألك رد القضاء ولكن نسألك اللطف فيه
الدكتور:مايشوف شر
أبو جواد:طيب يصير ندخل له؟؟
الدكتور:لا حالته ماتسمح
وراح أبو جواد وخبر الكل بحالة جواد
ريان:لا..جواد مارح يموت..أنا أعرفه قوي
أبو ريان{يضمه}:لا تخاف مابيصير له شيء..أن شاء الله
دانيال{يبكي}:بابا وش فيه جواد؟؟
أبو جواد:أدعي له..أدعي لأخوك الله يقومه بالسلامه
أم جواد:أنا السبب..كل اللي صار بسبتي..إذا صار بولدي شيء مابسامح حالي
أبو جواد:خلاص هدي..وأدعي له..دعاء الأم لولدها مستجاب
أم جواد:يارب..قوم ولدي بالسلامه..ورجعه لي..والله إذا رجع مارح أتركه
وإجا ياسر
ياسر:وش صاير؟؟..سالم وش فيه جواد؟؟
سالم:أدعي له..هذا اللي بيقومه بالسلامه
ياسر:لهدرجه حالته خطره؟؟
سالم:وأكثر مما تتصور
ياسر:الله يقومك بالسلامه ياجواد
سالم:ياسر..إذا رحت لعلي لا تخبره بشيء
ياسر:أكيد
وعلى طاري علي خلينا نروح له شوي
كان جالس بزاوية السجن ويفكر ويقول في نفسه:ياترى وش جالسه تسوي يانوف..أشتقت لك..آاااه..متى..متى بس أطلع من هنا..وينك ووين لسا بدري..كل اللي مضوا اسبوعين..أحس إن صاير شيء..الله يستر
نروح بيت أبو طلال
ليلى كانت جالسه على سريرها وتفكر وتقول:مسكين جواد..حتى لو ماأحبه لازم أكون جنبه لأنه أنسان حبني ولازم أحترمه..بس مقدر..وش بيقول نواف لما يشوفني خايفه عليه..أخاف يحسبني ماأحبه..أوووف..ألحين حسيت فيك يانوف..ريان من جهه وعلي من جهه ثانيه
ودخل عليها طلال
طلال:وش تسوين ياحلووه؟؟
ليلى:أووف..طلعه ماأبي أطلع مالي خلق
طلال:لا مارح نطلع..ليلى وش فيك..وش اللي مضيق خلقك؟؟
ليلى:ولا شيء..توديني لنوف؟؟
طلال:ولا تملين منها؟؟
ليلى:لا
طلال:يلا..أنتظرك
ليلى:دقائق وأكون عندك
ونزل تحت
مرام:بتطلع؟؟
طلال:بوصل أختك لنوف..ليه؟؟
مرام:لا بس..ملانه أبي أطلع
طلال:صحيح..أجل بوصلها..وبمر عليك وبنطلع
مرام:صحيح..بتطلع معاي
طلال:أيوا
مرام:أجل بقول أجهز عن أذنك
طلال:أذنك معك
عند نوف كانت بالمستشفى عند جواد
...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك