رواية ياليتك ما كنت أخوي -37
طلال:بوصل أختك لنوف..ليه؟؟
مرام:لا بس..ملانه أبي أطلع
طلال:صحيح..أجل بوصلها..وبمر عليك وبنطلع
مرام:صحيح..بتطلع معاي
طلال:أيوا
مرام:أجل بقول أجهز عن أذنك
طلال:أذنك معك
عند نوف كانت بالمستشفى عند جواد
...
..
.
{{الجزء الواحد والثلاثون}}
عند نوف كانت بالمستشفى عند جواد
نوف{في نفسها}:أبي أدخل لجواد..يمكن يصير بخير لما يحس إن في أحد جنبه..لقيتها
وراحت للدكتور
نوف:لو سمحت دكتور
الدكتور:نعم
نوف:أبي أدخل لجواد
الدكتور:بس حالته ماتسمح
نوف:تكفى..يمكن يتحسن لما يحس إن في أحد جنبه
الدكتور:بس أهو مايحس..أهو بغيبوبه
نوف:يعني لما يصير بغيبوبه مايحس؟؟
الدكتور:أيوا
نوف:ياالله..لكنه بيعيش صح دكتور؟؟
الدكتور:أن شاء الله..كل شيء بيد الله
نوف:دكتور..أنت سوي كل شيء عشان يعيش..لأنه إذا مات علي بيزعل كثير
الدكتور:مين علي؟؟
نوف:واحد..أنت مو مهم تعرفه
الدكتور:هههه..أنتي أخت جواد؟؟
نوف:وش اللي يضحك..وبعدبن انت ملقوف كثير..كل شيء تبي تعرفه
الدكتور:والله
وإجا نور
نور:هلا دكتور فهد..نوف وش تسوين هنا؟؟
نوف:تعرفه؟؟
نور:أيوا
الدكتور فهد:تعرفها ذي؟؟
نور:أيوا بنت خالي..وش صاير؟؟
فهد:تقول لي ملقوف وكل شيء أبي أعرفه
نور:وماكذبت صحيح اللي قالته
نوف:هههههه
نور:نوف وش تبي منه؟؟
نوف:أنا كنت ابي أدخل لجواد..لكنه مايخليني
نور:أيه مايصير تدخلين له لانه تعبان وإذا دخلتي مابيستفيد شيء غير أنه بيتعب زياده
نوف:أيه قال لي الدكتور كذا..بس أهو كل شيء يسال عنه..ملقوف{ومشت عنهم}
نور:ليه وش سألتها عنه؟؟
فهد:قالت لي أنت سوي كل شيء عشان جواد يعيش لأنه إذا مات علي بيزعل..قلت لها مين علي..قالت لي مو مهم تعرف..قلت لها أنتي أخت جواد..قالت لي أنت ملقوف..إلا تعال علي مين؟؟
نور:أخوي..واخوها
فهد:بس توك تقول أنها بنت خالك..كيف يصير أخوك واخوها؟؟
نور:سالفه طويله..ومادخلك فيها..صدقت نوف يوم تقول عنك ملقوف..ماعلينا أنا جاي أسألك عن جواد..وش ممكن يصير له
فهد:أهو داخل بغيبوبه ألحين..ومصيره بيد الله
نور:ماأتوقع أنه يعيش
فهد:تبي الصراحه..ولا أنا
نور:أنا بداوم..ألحين
فهد:بس أنت في إجازه
نور:وماأقدر أترك ولد خالي بين الحياه والموت
فهد:بكيفك
ومضى أسبوع
وصحا جواد
دخل أبو جواد عنده
أبو جواد:الحمد لله على سلامتك
جواد{بتعب}:الله يسلمك
أبو جواد:أحمد ربك جت على كذا
جواد{نفس الشيء}:الحمد لله
ودمعت عين جواد
أبو جواد:لا تخاف..أمك تراجعت عن قرارها
وإبتسم بتعب
ودخل له ريان
ريان:جواد..صحيت...الحمد لله
جواد{بتعب}:ليه كم يوم صار لي هنا؟؟
ريان:أسبوع تقريباً
جواد:أووف..كثير
ريان:يلا الحمد لله أنك بخير
ودخل الدكتور
الدكتور:أبو جواد ممكن تجي شوي
وطلع أبو جواد معه
أبو جواد:وش صاير..جواد فيه شيء؟؟
الدكتور:بصراحه..إيه
أبو جواد:وش فيه..قول أنا مسلم أمري لله
الدكتور:بصراحه ياأبو جواد وماأبي أخوفك..يمكن ولدك مايمشي بعد الحادث..هذا أحتمال كبير..بس في أمل أنه يمشي
أبو جواد:هآآ..أن شاء الله خير
ودخل عند جواد
جواد:بابا وش قال الدكتور؟؟
أبو جواد جلس جنبه ومسك يده
جواد:وش فيه..وش صاير..وش فيني؟؟
أبو جواد:حبيبي أنت موكل أمرك لله..صح؟؟
جواد:بابا وش صاير..تكلم وش فيه..قول..لا تخاف مارح يصير فيني شيء
ريان:عمي تكلم وش فيه..وش صاير؟؟
أبو جواد:الدكتور قال لي..أحتمال كبير إن جواد مايمشي..بس في أحتمال انه يمشي
جواد:أكيد مابمشي..لأن الحادث مو صغير..والحمد لله ما مت..معني ماتوقعت أنّي اعيش..لأني شفت شريط حياتي يمر قدام عيني..والله يسامح اللي كان السبب
أبو جواد عرف ان جواد يقصده ومسك يده وقال:جواد حبيبي أدري أنّي السبب في اللي صار لك..بس أنت لسا ماتعرف حياة المتزوجين..لازم تصير بينهم مشاكل..بس تنحل
جواد:إيه تصير..بس مو قدامي..الحمد لله أنّي صرت الضحيه مو شوق ولا داني
أبو جواد:خلاص ألحين أرتاح وإذا شفيت يصير خير
جواد:أي خير ذا اللي بيصير..خليني ساكت أحسن لي
باسه أبو جواد وطلع
بعد ماطلع
جواد:هئ..مشكل
ريان:جواد وش فيك..هذا أبوك كيف تكلمه كذا؟؟
جواد:ريان أنت ماتفهم..أنا بعد هالحادث مارح أمشي..والسبه أمي وأبوي..مقدر أتخيل أنّي مسامحهم..ورح أصير عاجز بسبتهم
ريان:خلاص جواد..صلي على النبي..مارح يصير شيء
جواد:صلى الله عليه وسلم..كيف علي؟؟
ريان:ماقلنا له عن شيء
جواد:إيه أحسن..اللي فيه مكفيه
ودخل ياسر
ياسر:الحمد لله على السلامه
جواد:الله يسلمك
ياسر:ماتوقعت أنّي أشوفك بعد الحادث..بس الحمد لله أنك بخير
جواد:ليه مادريت؟؟
ياسر:وشو؟؟
جواد:أنا خلاص مارح أمشي
ياسر:لا تقولها ياشيخ
ريان:صحيح مايكذب
ياسر:الله يعافيك..وأن شاء الله تمشي
في بيت أبو نواف
نايف:نواف
نواف:هلا
نايف:من زمان ماشفتك تكلم اللي خبري خبرك
نواف:تبي الصراحه وإلا بنت عمها
نايف:لا الصراحه
نواف:متعمد أنّي ماأكلمها
نايف:ليه؟؟
نواف:كل ما أكلمها تسألني عن جواد..وبصراحه مره من المرات شفتها تبوسه..أحس إن في بينهم شيء
نايف:لا تقولها عاد
نواف:والله
نايف:لالا..مااتوقع..وسالفة البوسه..يعني أنت ماتعرف جواد كل شيء يبالغ فيه..طيب ليه ماتسألها؟؟
نواف:أسألها عن وشو؟؟
نايف:عن البوسه
نواف:سألتها..وقالت لي السالفه..بس وش مدريني أنها ماتكذب
نايف:ماأتوقع أنها تكذب..وبعدين قوم دق عليها
نواف:ماأبي..إذا أهي تحبني صحيح بتدق
وإلا برنت جواله ليلى متصله
نايف:شفت تحبك
نواف أبتسم وقام غرفته
في بيت أبو معاذ
مشاري:هاا..مشاعل..لسا حمد مثل ماأهو؟؟
مشاعل:شوي
أبو معاذ:ليه وش فيه حمد؟؟
مشاري:تقول أنه متضايق من اللي صار لعلي ومضيقها لضيقه
أبو معاذ:أكيد ذا أخوه..متربي معاه..يلا يا بنتي أستحمليه شوي..كلها كم يوم وينسى
مشاري:قلت لها
وإجا معاذ وزوجته وولده
معاذ:وشلونك يبه؟؟
المها:وشلونك عمي؟؟
أبو معاذ:بخير..تفضلوا..مشعل حبيبي تعال سوي سلام لجدوو
مشعل راح عند أبو معاذ
مشعل:جدوو..وين حالوو محمد أنا ماأسوفه من ذمان<<<جدوو..وين خالوو محمد أنا ماأشوفه من زمان
أبو معاذ:أهو ألحين مسافر بس قريب بيجي
مشعل:أحاا..يعني أحو مسافر..أنا أحسبه مليض<<<أهاا..يعني أهو مسافر أنا أحسبه مريض
في بيت أبو ماجد
أم ماجد:نوف..قومي تغذي
نوف:ماأبي مالي خلق
أم ماجد:كيف مالك خلق..أنتي من دخل علي السجن..ماحطيتي لقمه في حلقك..وقليل تاكلي شيء
نوف:أقول لك ماأبي خلاص..يعني السالفه غصب
أم ماجد:بكيفك
ونزلت عنها
نوف{في نفسها}:أوووف..متى تمضي هالسنه
ودق جوالها
نوف:ألوو...........هلا..............صحيح.......... .الحمد لله على السلامه..............مدري.............طيب..طيب.... .................أوكي خلاص دقائق وأكون جاهزه...............ههههههه.............طيب باي.......
ولبست وجهزت ونزلت
نوف:ماما..أنا طالعه
أم ماجد:لوين؟؟
نوف:بيمر عليّ ياسر..وبروح لجواد..يقول صحا
أم ماجد:طيب..سلمي عليه
نوف:أوكي
في بيت أبو وليد
أم وليد:أبو وليد..وش رايك نروح لوليد
أبو وليد:ليه حنا ندري وينه عشان نروح له..!؟
أم وليد:بنسأله..وأكيد لما نقول له إن بنروح عنده بيقول لنا
أبو وليد:طيب بكلمه بعدين..متى رح تجي رغد؟؟
أم وليد:تقول في الطريق
أبو وليد:أمممم
في بيت أبو حمد
حمد:أووف..ملل
نور:من زمان
وإجت نوره
نوره:السلام عليكم
الكل:وعليكم السلام
نوره:نور
نور:هلا
نوره:السياره اللي وعدتك فيها..برا
نور:صحيح!!
نوره:أيوا..أطلع وبتشوفها
وطلع نور ركض
نور:وااااو..تهبل..والله وطلعت عندك ذوق يانوره
ودخل وجلس جنب نوره وباسها
نور:مشكوره ياأحلى أخت في الدنيا
نوره:وش دعوه ياخوي
أبو حمد:يعني ألحين خلاص..مافيه حنه..مثل البزارين
نور:أبي أسأل سؤال..ممكن؟؟
الكل:أسأل
نور:ليه الكل لما اتكلم يسكتني..وليه الكل مايحبني؟؟
أبو حمد:ومين قال إن مانحبك..حنا نسوي لك كذا..عشان تنسى دلع برا..حنا هنا بالسعوديه..دار الشيم..والابطال
نور:مالت على السعوديه..اللي يشوف من حلاوتها ألحين..خليني أقوم أحسن لي{وقام غرفته}
الهنوف:الا صحيح متى بترجع ريم؟؟
أم حمد:بكره ان شاء الله
الهنوف:أحسها طولت
نوره:بالعكس ماطولت ولا شيء
الهنوف:عندك بس
عند نوف مر ياسر عليها وراحوا عند جواد
ودخلوا
ياسر:شوفوا مين معي
جواد وريان:نوف!!
جواد:تفضلي
نوف:جواد..وشلونك؟؟
جواد:خليها على الله
نوف:وش صاير..وش فيك؟؟
ياسر:مافيه شيء..بس جواد يبالغ
جواد:أبالغ..لا انا ماأبالغ..نوف بسألك سؤال
نوف:أسأل
جواد:لو كنتي مكاني وقالوا لك..أنك أحتمال كبير ماتمشي وش بتسوين؟؟
نوف:مارح تمشي..!؟
جواد:أيوا..بس ماجاوبتيني على سؤالي
نوف:بصراحه مدري..بس يمكن ماأسامح اللي كان السبب..إلا إذا كان غالي..مثل علي
جواد:شفتوا حتى نوف مثلي..مارح تسامح اللي كان السبب..وأنا واحد لو وش يصير مارح أسامح اللي كانوا السبب
نوف:ليه مين السبب؟؟
جواد:امي وأبوي
نوف:بس حرام..هذول أمك وأبوك..لو كنت مكانك ماأسوي كذا..أنت عندك ام وأبو..ومنت حاس فيهم..بس أكيد إذا فقدتهم بحس بقيمتهم..أنا أتمنى..وحلمي الوحيد في الحياه..إن يصير عندي أم وأبو حقيقيين..حتى لو ماكانوا يحبوني
جواد نزل راسه..وحس إن نوف مفتقده هالشيء عن جد..وقال في نفسه..صحيح اللي تقوله نوف..لكني مقدر
ريان:نوف..وش مسويه..بدون علي؟؟
نوف:بخير..رغم أنّي مفتقدته كثير..ومكانه في حياتي لسا موجود
ريان:الله يرجعه لك بالسلامه
نوف:الله يسمع منك
بعد كم أسبوع طلع جواد وراح بيتهم
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
بعد 10 شهور
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
نوف رجعت من المدرسه ومعاها ليلى
ليلى:ملل
نوف:حدده..باقي شهرين ويطلع علي..وناسه
ليلى:أحس إن الأيام مضت بسرعه
نوف:عندك بس..لكنها عندي طولت كثير
ليلى:يلا يرجع بالسلامه أن شاء الله
نوف:أن شاء الله..الأمس دق عليّ شخص ماتتوقعيه
ليلى:مين؟؟
نوف:خمني
ليلى:أنتي قلتي ماتتوقعيه..قولي مين؟؟
نوف:وليد
ليلى:والله..وش قال؟؟
نوف:يقول أشتاق لي..ويبي يسمع صوتي..ومادرى عن اللي صار لعلي..وبالغلط قلت له..بس قال لي يلا كلها كم يوم ويطلع..وسلمي عليه
ليلى:أمممم..وماقال لك في أي بلد أهو؟؟
نوف:لا..مارضي يقول
ليلى:أهاا..كيف يستحمل مايقول للكل..حتى اهله ماقال لهم
نوف:لأنه عنيد..ومحد يقدر عليه..أتمنى انّي أكون مثله..في يوم من الأيام..بس شيء واحد ماأبي أكون مثله فيه
ليلى:وشو هو؟؟
نوف:الجرح اللي بقلبه ماأبيه
ليلى:ههههه..مسكين هالوليد
نوف:حدده
ليلى:تصوري
نوف:وشو؟؟
ليلى:نواف..صار يشك انّي أحب جواد
نوف:كيف؟؟
ليلى:يسألني..وش فيه بينك وبين جواد..ودايم هالسؤال على لسانه
نوف:ليه..وش قايله له انتي؟؟
ليلى:لا ماقلت له شيء..بس صرت لما أكلمه أقول له كيف جواد..زرته..كلمته..ويعني
نوف:أحس ماعنده سالفه يشك فيك..لا هذا وانتي قايله له بنفسك أنك تحبيه
ليلى:وش مدريني عنه..أيه اتركينا منه
نوف:مااقول غير الله يخلف عليه
ليلى:ماأسمح لك هاا
نوف:هههه..يلا قومي ننزل نتغذى
ليلى:يلا
في بيت أبو حمد
في غرفة حمد
كان يكلم مشاعل
حمد:أيوا...........بسوي................أكيد....... ......أنا قلت لأبوي عن كل شيء.............بس مقدر أسوي كل شيء بدون مساعتك ياحياتي..............كيف..كيف..................... ..........ليه طيب........................أممم دلاعه يعني......................مدري والله..............أوكي...................بمر عليك اليوم أوكي............................طيب..طيب.......... ............ولا يهمك..................أحبك..باي
وسكر
ونزل تحت
حمد:بابا..وش صار على موضوعي؟؟
أبو حمد:لا تاكل هم..أنا بسوي كل شيء
حمد:لا..بابا أتركها لي..أنا ومشاعل بنتكلف بكل شيء..أنت بس عليك تدفع
أبو حمد:يعني عطيتوني اصعب شيء..الفلوس
حمد:ههههه..أيه
أبو حمد:ولا يهمك..كل اللي تبيه بيكون عندك
نور:وش صاير..وش بتسون؟؟
حمد:اللقافه الزايده مو حلووه يانور
نور:طيب..هاا.بسكت
أبو حمد:أيوا شاطر
أم حمد:مسكين ولدي..ولا في الروضه تعاملوه كذا..قريب بيصير دكتور أحسن منك ومنه
حمد:والدكاتره..لازم ملاقيف يعني؟؟
نور:يمه ماعليك..خليهم يتكلمون على راحتهم..تحسبوني بزعل..مارح أزعل..تعودت عليكم..وعلى سخافتكم
أم حمد:نور..وش هالكلام عيب..ذا أخوك الكبير وأبوك مايكلمونهم كذا
نور:أجل كيف..!؟
أم حمد:شوف..كذا..
نور{يقاطعها}:أيه مره ثانيه بسوي اللي تقولونه{وقام عنهم}
الهنوف:مسكين أخوي..ليه تسون فيه كذا؟؟
أبو حمد:ماعليك منه..قريب بيتعود
طبعاً نوره جابت بنت وسمتها..وله
نوره:يمه شوفي وله..تبكي من اول ماجلست..مدري وش فيها
أم حمد:يمكن أذنها..خلي اخوك يشوفها
نوره:طيب
أم حمد:هاا..ريم ماسويتي لنا بيبي
ريم:لا لسا..وبعدين..انتي كل ماتشوفيني تساليني نفس السؤال..وش أسوي في نفسي..ليه الحمل بكيفي..!؟
أم حمد:لا مو بكيفك..بس أسألك..يمكن مسويه واحد بس ماتبين تخبرينا
ريم:لا تطمني..إذا حملت أنتي أول وحده بخبرك
دانه:جدوو..متى رح يجي خالوو علي؟؟
أبو حمد:قريب
أم حمد:وش اللي ناوي عليه انت و ولدك؟؟
أبو حمد:أخبرها؟؟
حمد:لالا..مفاجأه للجميع<<<حتى انتوا
ريم:لكن لازم أنا أعرف..بسرعه قول
حمد:مستحيل..يلا أنا طالع
ريم:وقف..قول لي..وش المفاجأه؟؟
حمد:سلام{وطلع}
ريم راحت عند أبوها
أبو حمد:مادخلني..مدري وشو المفاجأه
ريم:يبه قول تكفى
أبو حمد:ريم..قومي عني
ريم:طيب
في بيت أبو جواد
شوق:جواد قوم الغذاء جاهز
جواد:مالي خلق..تغذوا أنتوا
شوق:جواد مايصير كذا..أنت لازم تاكل..عشان تتعافى
جواد:أوووه..قلت لك ماأبي..خلاص روحي
شوق:طيب
وراحت
أبو جواد:وين أخوك؟؟
شوق:ماله خلق كالعاده
أم جواد:أنا بروح وبأكله بنفسي
وقامت أم جواد وأخذت معاها غذاء جواد
طقت الباب ودخلت
جواد:وشو ذا؟؟
أم جواد:غذاك
جواد:أنتوا ماتفهمون عربي..قلت لكم مالي خلق
أم جواد:تغذى عشاني
جواد:ماأبي..لعشانك ولا عشان غيرك..ماأبي..السالفه غصب يعني
أم جواد:يلا حبيبي لا تسوي بنفسك كذا{وبنبرة ترجي}يلا
جواد{يصرخ}:أووف..خلاص أتركيني في حالي..ماأبي..ماتفهمين..قلت لك ماأبي
وإجوا أبو جواد وشوق ودانيال
أبو جواد:وش صاير؟؟
جواد:خلاص أتركوني في حالي..كفايه اللي فيني..خلاص روحوا عني{وقام يبكي}
أم جواد{ضمته}:لاحبيبي لا تبكي..خلاص..إذا ماتبي بكيفك..أنا ألحين قايمه أشيله عنك{وأخذت الغذاء وطلعت}
أبو جواد:خلاص جواد لا تبكي..وعندي لك مفاجأه بعد..يلا أمسح دموعك
شوق:أيوا البابا مسوي لك مفاجأه حلووه..أمسح دموعك عشان يقولها لك
جواد مسح دموعه
أبو جواد:أنا شريت لك سياره
جواد:هههههههه..وليه أن شاء الله بتخليها تغبر في الكراج حتى أخف..وإلا شريت معاها سواق..جالس تنكت أنت يبه وإلا وشو..من متى العاجز يسوق سياره..ههههههههه..بس أقول شكراً لأنك ضحكتني
أبو جواد{في نفسه}:مأثر فيه الحادث كثير..وكل اللي صار بسبتي مثل ماقال..الله يسامحني ويسامح أمك على اللي سويناه فيك{وطلع}
شوق:جواد..ليه تقول كذا لأبوي؟؟
جواد:خليه..خليه يحس أنه وأمي السبب في اللي صار لي..أنا نفسيتي تعبت..ومشكلة المشي مارح تنحل..رح أظل عاجز طول عمري
دانيال:إذا ماتبي السياره أنا باخذها
جواد وشوق:ههههههههه
جواد:خذها عليك بالعافيه..هههههههه
دانيال:يلا أجل بطلع بسيارتي الجديده
جواد:بشويش لا تكسرها
دانيال:أفا عليك{وطلع}
شوق:حتى لو كانوا أمي وأبوي السبب..أنت لازم تسامحهم لأنهم امك وأبوك..جواد انت مشكلتك ماتحب..أو تحب بس ماتعرف وش معنى الحب..وماتحس فيه..جواد لازم أعلمك كيف تحب..لأنك في يوم من الأيام لازم تحب شريكة حياتك..ولازم تحب أولادك
جواد:وأي بنت ذي اللي بتاخذ واحد مثلي..!؟
شوق:جواد أنت محسب أنك بتظل كذا طول عمرك..لكن لا..بيجي يوم وبتمشي فيه..صدقني
جواد:أيه..قلتي لي..لو هاليوم بيجي مثل ماتقولي كان إجا من زمان
شوق:كل شيء بيد الله..وأنت موكل أمرك لله صح؟؟
جواد:أيه..طيب..أنا موافق علميني كيف يكون الحب
شوق:خلاص بعلمك..بروح شوي وبجي..طيب
جواد:طيب
وعلى ماترجع شوق خلينا نروح بيت أبو طلال
أم طلال:هاا طلال..ولا قررتوا متى العرس؟؟
طلال:لسا يمه..لما يطلع علي يصير خير
أم طلال:أمممم
طلال:رح نتزوج أنا وحمد في نفس اليوم..وناسه يمه صح؟؟
أم طلال:أيه..أحسن كذا..عن التعب
مرام:وأدعي لي أنخطب وأتزوج معاكم في نفس اليوم..وش رايك؟؟
طلال:لا والله..شكراً..مانبي يشاركونا هبلان في العرس
مرام:مين الأهبل..أنا لو أنت؟؟
طلال:انتي
مرام ناظرت فيه بنصف عين
طلال:أقصد أنا
مرام:أيه خلك كذا
نرجع عند جواد وشوق
إجت شوق
جواد:يلا قولي
شوق:أنت تحب أمي وأبوي..صح؟؟
جواد:ماأحس كذا
شوق:طيب بسألك وجاوبني
جواد:طيب
شوق:لما مثلاً لا سمح الله امي تطيح علينا..وش بيكون ردة فعلك؟؟
جواد:يمكن أنا صحيح مالي خلقها..بس ببكي على فرقها..وعلى حنانها..معنها يمكن مرره وحده بعمرها عطتني حنان
شوق:طيب قلت لي بتبكي..هذا يدل على أنك تحبها..لما تحب الشخص..بتخاف عليه لما يصيبه شيء..ولما يحزن بتحزن معاه..وإذا فرح بتفرح له..وإذا غلط عليك بتسامحه..وإذا أهانك بتمشيها له..وإذا غلطت أنت عليه بتروح بدون شعور وبتعتذر له..ولما تشوفه بتبتسم في وجهه تلقائياً..وإذا كنت تبي تعرف الشخص يحبك وإلا لا..أبتسم في وجهه وإذا رد لك الأبتسامه..بيكون يحبك..وإذا نزل عينه بالأرض..هذا معناه مستحي منك..وإذا ناظر فيك بدون مايسوي شيء..فبكون مستغرب..أو يبي يعرف وش تقصد بهالأبتسامه..فهمت قصدي جواد؟؟
جواد:إيوا..كل اللي تبين توصلينه لي وتقولينه..أنك تبيني أسامح أمي وأبوي لأني احبهم..واللي يحب شخص لازم يسامحه..ذا قصدك صح؟؟
شوق:أيوا تقريباً..تحس أنك بتطبق اللي قلته لك في حياتك؟؟
جواد:بجرب..مابيضرني شيء
شوق:أحياناً إذا حبيت شخص..لما تشوفه تزيد دقات قلبك بدون سابق أنذار..ولما ماتشوفه أيام تشتاق له كثير..تحس أنك تبيه يضمك..أو حتى تحس أنك تبي تسمع صوته..ويعني من كذا
جواد:أحس أنّي احب أحد
شوق:مين؟؟
جواد{باسها}:أنتي..ههههههههه
شوق:هههههههه..وأنا بعد احبك..لان لازم كل بنت تحب أخوها..وكل ولد يحب أخته
جواد:مثلي ومثلك..ومثل علي ونوف
شوق:بالضبط
جواد وشوق:ههههههههههههههههه
جواد:بس بعد مقدر أسامحهم..بسيطه
وصار يغني
***
بسيطه..لوريكم وأشوفكم..عذابي
بسيطه..ظلمتوني وحرمتوني..شبابي
جرحتوني وانا المجروح أسامح
وظلمكم صار عندي شيء واضح
بسيطه..لخليكم تنوحون على..بابي
بسيطه..لخليكم تونون على..بابي
بسيطه..لخليكم تعضون الأصابع
بسيطه..لأن حظي معاكم صار ضايع
ألوم الناس لو حظي ونصيبي
وأنا اللي جرحي مايشفي طبيبي
شسوي..وأنا صار الحزن زادي..وشرابي
بسيطه..لخليكم تنوحون على..بابي
عليّ بلاوي الناس والدنيا..عليّ
شبدي على المكتوب يادنيا..شبدي
كفايه اللي إجا منكم كفايه
معاكم عندي وصلت للنهايه
بسيطه..لصفي اليوم وياكم حسابي
بسيطه..لخليكم تنوحون على..بابي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك