رواية على درب الأمل ارسم خطاوي ضحكتي -3
كان راكب سيارته ويسمع صمت القلب للجسمي
حلووووووووووووه وايد هذي الاغنيه ^-^
نوع سيارته افلون سلفر وعليها مخفي كامل
تــركتني يا صاحبي من بعد صمت
ويا شين صمت القلب لااا صرت ضايق
ابعدت عني ومن بعادك تعلمت
اني وحيد وانتا كل الحبايب
اسرفت في صدي وتدري تندمت
وعرفت من فرقاك معنا الصعايب
ودي تسامحني اذا انتا امنت
ان العفو يعطى لمن كان تـــايب
ازعلك والله حرم
شلون ازعل قلب انا فيه ذايب
حاولت انا نسى والحين ما رمت
اسرفت في صدي وتدري تندمت
وعرفت من فرقاك معنى الصعايب
ودي تسامحني اذا انتا امنت
ان العفو يعطى لمن كان تايب
تعــــال يا الغالي تراني تـألمت
من صدتك للهم انا ادفع ضرايب
لكن ليتك قبل صدك تكـــلمت
اكفيت في صمتك وشفت العجايب
اسرفت في صدي وتدري تندمت
وعرفت من فرقاك معنى الصعايب
ودي تسامحني اذا انتا امنت
ان العفو يعطى لمن كان تايب
وصل بيتهم وقبل لا يدخل شاف اخته يالسه في الحديقه وشكلها سرحانه
ابتسم وتقرب صوبها بهدوء وحضنها ومن ورى وقال : بلاهم الحلوين سرحانين
ابتسمت له وقاالت : سلامتك
محمد : شحالج جوجو
جمانه : بخير الحمدلله ولاحظ سكوتها وشرودها
محمد : عسى ما شر فيج شي
جمانه وهي شويه بتصيح : ما فيني شي سلامتك
قرب منها ولاحظ ويها محمر وقال : جوجو تعبانه اوديج المستشفى
جمانه : لاء انا ابيكم انتو وحضنت اخوها
محمد :ومنو قالج احنا ما نبيج
جمانه : ما ابي اتركم ، مــــــــــابي ( ويلست تصيح )
محمد : هذا كله علشان بتعرسين ، اصلا حتى لو عرستي منو قالج منخليج افا عليج بس
جمانه : ايهي ايهي ، خلاص قولوله ما بي اعرس
محمد :ههههههه جوجو حبيبتي هذي سنه الحياه شفتي منه شي مو زين او من اهله
جمانه: لاء ( اصلا انا ما شفته الا يوم الملجه بالعكس كان رزين ومبين عليه طيوووب) وعمي ما شاء الله عليه يتحطى على الجرح يبرا وكل ما ايي مع ابوي يطلبني واسلم عليه ودوم يسال عني
محمد : وانا اشهد ، وهم ناس ما عليهم كلام
وخوفج حبيبتي ما له وجود انتي توكلي على الله واحنا معاج دوووم ، وافا عليج اذا في يوم من الايام تبي فزعه عليه نادبه لج انا حاضر
جمانه :خخخخخخخ الله يقطع ابليسك
محمد : هيه هذا اللي ابيه اضحكي وفرفشي ولا تحطي بخاطرج شي
جمانه : تسلملي يا احن وارق اخووووو
محمد : طبعا طبعا خخخخخخ
جمانه : خخخخخخخخ
منى وتقرب صوبهم : خير بلاكم ضحكونا معاكم
محمد : لاااا حول يات النشبه
جمانه :خخخخخخخخخ
منى: الحين انا النشبه ما عليه وتقرب صوبه وهو واقف عند النافورة اللي قي وسط الحديقه وتدفره شوي ( تدفعه خخخ) وبغي يطيح بس تمسك
منى وجمانه :خخخخخخخ
محمد : ما عليه اصبري وركض صوبهاااا
منى من شافته ركضت تبي تنخش بس هيهااات خخخخخ
محمد مسكها وشالها وقرب صوب النافورة: هاااا تجربي الماي يمدحونه هني ( ويسوي حركات اونه يبي يطيحها )
منى وهي تتمسك فيه : لالالااااااااااا محمد توبه تــــــــــــــــوبه ما بعيدهااااا لا تطيحني
(محمد طوله 180 ووزنه 75 يعني بنيته تساعد )
محمد : وتوج تبي تطيحيني عيل
منى : خلاص كنت امزح معاك واعرف ما شاء الله عليك فطين بتدارك الموضوع وبتتمسك وهذي بوسه اسمحلي يا خوي بس هدنــــي
محمد : ههههههه اخص على التقردين ههههه
ونزلهااااا
منى : اه الحمدلله ، عيل شو تبيني امرض
جمانه : خخخخ تحاتي نفسهاااااااااااا
محمد : افا عليج تمرضي ، له له له ان شاء الله فيج ولا فيني
منى :لاااااااااااااااااااااااه
جمانه ومحمد:ههههههههههههههههههه
منى :ههههههههههههههههههههههه
يلا اشوفكم في البارت الجاي
ولا تنسو ردودكم الحلوة ^^
السلام عليكم
انتهى البارت الخامس
ونبدا بالبارت السادس
نكمــــل
البارت السادس
في بيت ابو احمد
ابو احمد : ها يا بوك كل شي جاهز تراه ما شي وقت باجر العرس
احمد : لا تحاتي كل شي تمام
ابو احمد : وشو اخبار العروس عساها بخير ترا ما وصيك عليها بنت ناس اجاويد وتنحط فوق الراس
ارتبك احمد : هي والنعم فيهم بس.....
ابو احمد : بس شو
احمد : ما عرف شي عنهااااا
ابو احمد وهو مستغرب : كيف ما تعرف شي عنها ، ليكون ما رمستهاااا
احمد : هيه انشغلت بالشركه ونسيتها
ابو احمد : افا وشو بيقولو الناس عنا ، سير اتصل بمحمد وخذ رقم زوجتك باجر اعرس وما تدري عنهاااا
احمد : ان شاء الله يبى ( ابوي مهتم فيها اكثر مني جنها هي بنته مو انا ولده)
اتصل احمد على محمد وخذ رقم جمانه
جمانه اتصل عليها اكثر من مرة رقم غريب استغربت بس ما ردت وقالت غريبه الساعه 11 في الليل منو بيتصل
مل من كثر ما يدق وما ردت وكتب لها مسج
سمعت صوت مسج وافتحته
>>>>> انا احمد ردي علي <<<<
استغربت وتوها سكرت المسج والا هو داق
جمانه : السلام عليكم
احمد : وعليكم السلام بلاج ما تردي
جمانه: هااا لا بس الرقم ما عرفه ( يعني من كثر ما تدق )
احمد : اهاا انزين اخبارج
جمانه : يسرك الحال ، وانتااا
احمد : الحمدلله ، لاتطمني انا بخير
وسكتو شويه
جمانه : اخبار عمي عساه طيب
احمد : الحمدلله بصحه وسهاله ، بعدين بتسكنين عندنا وانتي اللي بتخبريني عن حاله مب انا
جمانه :..................
احمد اخليج عيل والموعد باجر
جمانه مستحيه :.........
احمد: يلا في امان الله
جمانه : في امان الكريم
يوم العرس
الكل مرتبش في بيت ابو محمد
الا العروس مخلينها ترتاح لين الظهر
طبعا علشان راحه العروس والمكياج ما يخترب الممكيجه بتيها القاعه وومتفقين منى ولولوه بيتمكيجون في القاعه بعد بس م ممكيجه غير
طبعا في القاعه فيها استراحه شوي كبيرة وفي ممر صغير بعدين غرفه العروس وفيها حمام خاص ^^
في الاستراحه كانت منى ولولوة يتمكيجن وخلصو الميك اب وكانت منى لابسه فستان بنفسجي ماسك من فوق وينربط على الرقبه ومن تحت كسرات شكله روماني والمكياج بنفسجي سموكي
لولوه كانت لابسه مثل منى بس الفستان لونه فوشيي وطالع عليها خبال علشانها بيضى ومكياجها سموكي وفي لون فوشيا
طبعا الممكيجه ما خلت حد يدخل عليها لين ما خلصت العروس
لما دخلت امها واختها منى ولولوة سمو عليها
ام محمد : ما شاء الله عليج اقرئ على عمرج يمه وحضتن بينها وباركت لها وما خلتها لين ما قرت عليها المعوذات وحصنتهااااا
منى : الله الله ماشاء الله عليج عيني عليج بارده ، الله يعيني اللي في بالي
لولوة : هههههههههه صدقتي
جمانه : الحين بدال ما تهونون علي يالسين تغثوني هاااا طلعو وخلوني ومدت بوزها اونها زعلانه
منى : يا عيني على الزعلانــــــــــــــين ، ما نقدر احنا ويات وحضنتها وباستها شفيج نسويلج جو علشان تنسي وتسنانسي
لولوه : هيه وبصراحه ما شاء كان القمر قطعه منج هب انتي قطعه منه ، مــــــــــــا شاء الله عليج
جمانه : الله لا يحرمني منكم ، ولولو انتي بعد اختي ووقفتج معاي الحين تسوي الدنيا وما فيها
لولوة : تسلميلي
وتاثرو كلهم
منى : الحين زين جي قلبناها حزن يله فرفشوووو
جمانه : خخخخخ اقول
منى ولولوة : قولي
جمانه : شكلكن اليوم الناس ما بيخلوكن ما شاء الله عليكن اقرن على نفسكن
لولوة ومنى : افا عليج هذا اهم شي
منى : وبعدين شوفيها خليهم يشوفو جمال ربنا واثقه الاخت
لولوة وجمانه : ما تيووز عن طبعها هههههههه
منى : هههههههههههه
طبعا ام محمد ورفيجاتها يستقبلون الضيوف في ممر الصاله وبعدين يدشون القاعه ( القاعه كانت واااااايد حلوة ممزوجه بلون التركواز واللون البني الخشبي** العودي**)
والكوشه حلوة وفخمه وبسيطه وبتعرفون ليش بسيطه بعدين ^^
طبعا منى ولولوة يدورون في القاعه ويسلمون على ربيعاتهن وربع جمانه وقالبينها فله مسويين ادوار رقص يعني تحدي خخخخ
ووناسه وشوي سارت منى عند العروس وقالو بتدخل العروس
كانت الساعه12:30
طبعا وقت دخول العروس هدووووء بنتظار ...........
دخلت على زفه محمد جمعه (الله اكبر وبسم الله ابتديت كل الحيى والزين .......)** اسمحولي ما اعرف اسمها ** بس طبعا معدله باسم جمانه مو مريم ^^ ظلمى ما تشوفو الا بقعه الضوء اللي تمشي مع حركه العروس
كانت لابسه فستان سكري تصميمه مثل الهندي لانه في شغل وااايد خاصه صوب الصدر ومن تحت وهو من فوق فكتوري ( له مثل القبه ) ومن ورى فتحه على الظهر محطاي وراها قطعه شيفووون على شكل معين بس بانسيااااااااب ^^ والطرحه كلها زينه بالولو (اللي في الفستان) وليها مسكه تلبسها العروس على معصمها علشان ما تعوق الطرحه حركه العروس ^^
دخلت العروس مع بدا الموسيقى الكلاسيكيه
دخلت من اخر القاعه من غرفه وفيها ستيج طويله شوي _____علشان تمشي العروس طلعت العروس وتمشي على الاستيج اللي في اخر القاعه وطبعا منى وراها تعدل الفستان من وري والطرحه والمصوره جدامها تصورها
لما وصلت العروس جدام الدرج الصغير علشان تنزل منه نزلت العروس بهدوء وثقه ورزانه تالقت فيها
وبعدين بدات العروس تمشي بروحها يم الضيوف وماسكه بيدها مجموعه ورود كل وحده مغلفه بروحها ** كانت العروس تمشي خطوتين وتوقف يم الطاوله اللي حذالها وتعطي ورده وحدة بس للي يالس على الطاوله** ويحضو اللي يكون جريب من العروس علشان يحصل على الورده فال خير ** وتكمل وتمشي وبعدين توقف وتعطي وحده من الطاوله ورده حتى و كانت كبيرة بالسن تتجدم مرة الطاوله اليمين ومرة للطاوله اللي على اليسار &&
^^
لين ما وصلت جدام الكوشه والحين تصعد بروحها بدون اي مساعده بهدوء وفي نص الاستيج اللي جدام الكوشه لولوة ماسكه مسكه العروس وصلت جمانه عند لولو وابتسمت ابتسامه جذابه وردتها الابتسامه لولو وباستها على خدها وقالتلها :مبروك يا احلى عروس . وعطتها المسكه (باقه العروس ) وخذت مجموعه الورود الباجيه من عندها ونزلت من الكوشه وكملت جمانه المشي ..... وبعدين تقول لها المصورة اوقفي ... سوي جذي وبعدين يلست العروس وكملت المصورة شغلها .......
الحين تبو تعرفون ليش الكوشه ديزاينها بسيط شوفو لما يات تبي تيلس العروس ساعدتها منى ولولوة وغطو الكوشه بفستانها يعني استوى ديزاين الكوشه هو فستان العروس خاسه فستانها مليان كله شغل وفكتوري وطلعت الكوشه جنان ** جربوها والله حلوة --اسال مجرب **
وبعد ما خلصت يات امها وسلمت عليها ومنى ولولو وتصورو وبعدين يوو ربع جمانه المها وفرح والمها
المها ( لابسه فستان اصفر لين الركبه ورافعه شعرها ومسويه كيرلي وطالعه حلللوة على بياضها وميكياجها بسيط والعين مرسومه رسم)
فرح ( لابسه فستان اخضر زيتي طويل مسويه شعرها ستريت وطالعه نعومه وحلوة ومسويه مكياج طاووس)
المها ( لابسه فستان مدموج الذهبي والموف معاه وهو طويل من ورى وقصير من جدام ومسويه تسريحه على شكل امواج ومكياجها ذهبي مع مووف وحلوو)
وطبعا بوسات على اطاير علشان مكياج العروس ما يخترب وهلكتهم المصورة وهي تنبههم ودهم يذبحونهـــــــــــا
وبعدين يات وحده لابسه فستان تركواز نعومي وهادي قصير من جدام وطويل من ورى له ذيل
ومكياجها ازرق ثلجي بس احلى شي الكحال اللي مبرز جمال العين >>><<<<<<< وشعرها مثل جمانه طويل لين نص الفخد اسود فحمي ( يا عيني بس) وفاتحتنه وجنه حرير ما شاء الله
لما شافتها جمانه دمعت عينها وحتى هي وسلمت عليها وباركت لها <<<<<<<منو هذي؟؟؟؟؟؟؟؟
نكمل البارت السابع
وبعدين يات وحده لابسه فستان تركواز نعومي وهادي قصير من جدام وطويل من ورى له ذيل
ومكياجها ازرق ثلجي بس احلى شي الكحال اللي مبرز جمال العين >>><<<<<<< وشعرها مثل جمانه طويل لين نص الفخد اسود فحمي ( يا عيني بس) وفاتحتنه وجنه حرير ما شاء الله
لما شافتها جمانه دمعت عينها وحتى هي وسلمت عليها وباركت لها <<<<<<<منو هذي؟؟؟؟؟؟؟؟
صح شمسه ^^
شمسه : مبروك يا اغلى اخت
جمانه وهي مستانسه وتبجي : الله يبارج بحياتج وعقبالج وعطتها ورده من باقتها
شمسه : ان شاء الله خير ، والا تبي تسيري عني هاااا بس ما بخليج وراج وراج ^^
جمانه : حياتي انتي وانا منو قالج بوردج ما بخليج
منى : الله الله ، نتغزل له له له وين احمد عنج
الجميع : ههههههههههههههههههههههههههه
وبعد رقص البنات واستهبالهم جدام العروس اللي يعرفونها واللي ما يعرفونها شابكين بالخط خخخخخ
اعلنو دخول المعرس على 1:30
دخل المعرس مع ابوه
طبعا كان المعرس لابس بشت ويمشي بثقه ورزانه وبصراحه يخق^^ كانو يطالعوه وكل واحد يقول الله يهنيهم ببعض لايقين ببعض
تقدم المعرس ورفع الطرحه وانصدم بجمالها بس بسرعه اتدارك الموقف وحبها على الراس وسلم عليها ابو أحمد
وبعد شوي دخل ابو العروس واخوهاا
وطببعا بعد البنات خقو على محمد ^^
وسلمو وتصورو مع انه ما كان او محمد يبي يتصور بس لزم عليه ابو أحمد وتصورو وخلصو
وبعدين يا الوقت اللي بيسيرون المعاريس
بس ما هدتهم المصوره لين ما تصورو بروحهم ^^
وبعد مناحه وتوصيات ما لها اول ولا اخر <<<<<< و سارو المعاريس الفندق
اول موقف في ليلة عرس جمانة احمد طلع شوي علشان جمانة تاخذ راحتها
كان طالع جدام الفندق يتاكد اذا ناسي شي بالسيارة والا يسمع صوت وحدة تناديه
احمد : نعم اختي ناديتيني
.....: امممم انت احمد ال ... ( وهي تناظره والله انه مزيون بس ما يستاهل جمانوه )
احمد : ايه نعم انا هو ، نعم بغيتي شي ، وهو بعده مستغرب منو هذي
......: اسفة اعرف انه وقت غير مناسب ، بس ابي اعطيك شي مهم علشان ما نتخدع من زوجتك
احمد وهو شوي وبيعصب : شو قصدج وبعدين احترمي نفسج وثمني كلامج احسن لج
......: على العموم ما بطول عليك انتا خذ هذا الظرف وبتعرف ( ومدته له وراحت
احمد وعلامات الاستفهام على راسه : شنو سالفة هذا الظرف ، اسير السيارة وافتحه واشوف
لمــــــــــــا فتحه انصدم من الرسالة اللي موجودة ولا صورة منو فيها صورة زوجته اللي ما كمل لهم 24 ساعة من عرسو
وهو يضرب الدركسون ( السكان ) : ليش دوم حظي جي ......... ليــــــــــــــــــــــــــــــــــــــــــش
بس انا بادبها وبعلمها
وصل الغرفة وفتحها
والا يحصل جمانة يالسة وتنتظره والاكل جدامها ( لانه طلب لهم عشى قبل لا يطلع )
وقفت جمانة مستحية : تعال ... الع...شى جاهز
وشوي ما تحس جمانة بنفسها والا هي طايحة وهي مستغربة شو اللي استوى وفي نفس الوقت تحس خدها شاب نار ، لما رفعت راسها تبي تتاكد من اللي شاكه منو حصلت حمد رافع ايده ويطالعها بنظرة حقد
جمانه واهي تصيح: ليش سويت جذي
احمد واهو قرب لها : اصلا انتو ما ايي معاكم الا جذي علشان تتادبون
جمانه واهي لامة راسها عند ريلها : حراااااااااااام عليك ...... حرااااااااااام ردني بيتنا انا ما ابيك ردني
احمد واهو يضحك : ههههههههههه مستحيل يا قمر اذا هلج ما قدرو يربونج فانا اللي بربيج
جمانة : ما اسمحلك تغلط على هلي هم احسن ....( وبعدها ما كملت كلامها
والا اييها طراق ثاني من احمد ويكمل : ثمني كلامج عن اييج الاسوء يا ....... وهدها وسار الغرفة يرقد وخلاها
كملت صياح وبعدين سارت صوب الصوفى اللي في الصالة وضمت عمرها وكملت صياح لين ما نامت
احمد بدل وما قدر ينام وهو يلوم نفسه ليش شد معاها بالرمسة بس اهي نرفزتني ، وبعدين ما لازم اصدق اي احد بهاذي السهولة .... بس عندي الدليل .... بس كنت قبل لازم اسالها وتم كتضارب مع نفسه لين ما غلبه النوم ورقد
نش احمد على الساعة 10 الصبح ( بدري^^) وما حصلها حذاله فقام واتسبح ولبس وصلى بعدين طلع الصالة وشاف جمانة نايمة
قرب منها وشاف ملامحها اللي للحين اتدل على اثار صياحها بس مع ذلك سرح في تقاسيم ويهها وهو يقول لنفسه : انتي ايه من الجمال والرقة بس ليش سويتي فيني جذيه..... اه بس ادري يا الحريم انتو مثل الشي
واهو يصحيها : جمانة قومي صلي ورقدي داخل
جمانة لما فتحت عيونها وتفاجات من قربه ابتعدت عنه شوي واهي تتطالعه
احمد قومي صلي ورقدي داخل وهذي اخر مرة ترقدين فيها
جمانه : ............... قامت واهي ساكتة ودخلت الغرفة هني تسبحت وصلت وراحت في سابع نومه
وبعدين على المغرب سافرو باريس شهر العسل ( شهر عسل اونه الله يستر عن يسير بصل ^^ )
يا دمع عيني خف جرحت عيني
والعين تبكي خوف تفقد بصرهـــا
كف يا دمع ما ودي انك تجيني
بنسى عسى نفسي تدارك خطرها
ودي الصبر والوقت يرحم انيني
والنفس من ذا الصبر تجني ثمرها
يا دمع عيني جرحت عيني والعين تبكي
اااااه تفقد بصرها
شو توقعاتكم وكيف بتمون حيات جمـــــــــــــــــــــــانه مع أحمد ؟؟؟؟؟؟؟؟؟؟؟؟
وهل جمـــــــــــــــــــأنه بالفعل خانته والا في قصه يديده ^^
انتظروني ^^( وارجو انكم نتتقدو اي شي ما يعجبكم او تعلقو على الروايه بدووووووووون مجاملة وتسلــــــــــــــــــــــــــــــــــــــــــــــ ــــــــــمو يا الغلاااااااااااااااااااااااااااااااااااااااااااااا اااااا)
بصراحه انتن أكثر ثنتيتن اقدم لهن مليوووووووووووووون شكر وبوووووووووووووووووووووووووووووووووووووووووووووووو وووووسه من القلب على متابعتكن لروايتي وتعليقاتكن افتخر انكن تتابعن روايتي ^^
والسموحه على الاطاله
تكملة البارت السابع:
نرجع لمنى
منى في الجامعه تنتظر محمد ايي ياخذها من الجامعه
في مكانها المعتاد
منى قطع حبل افكارها نداء حد
...: شووو تسوي هني
منى : ما شي اتريا اخوي وانتي
لولوة: لاء انا فديته كل يوم ايي بدري ^^
منى : اها يلا عيل سيري عن تتاخري عليه
وسارت ركبه سيارة كابرس سوداء
استغربت منى وشوي وصل محمد وركبت ولما مشى محمد من السياره الكابرس ضرب هرن ( طوط طوط ^^)
منى ومستغربه : تعرف منو صاحب السياره
محمد : هيه هذا رفيجي ضاري
منى :........؟؟؟؟( الحين هذا اللي كل يوم اشوفه موقف سيارته رفيج اخوي .... لحـــــــــــــــــظه واخو لولو)
في سيارة ضاري
ركبت لولو: السلام عليكم
ضاري : وعليكم السلام ........ لولو منو هاذيك اللي سلمتي عليها
لولو: هذي توامي .... اوه نسيت اخبرها انك هني علشان تغسل شراعك خخخخخخخ
ضاري : خخ .............
وبعد ما شاف رفيجه محمد انصدم
قال الحين البنت اللي كل يوم اشوفها وتكون سرحانه وغايصه في كتاباتها تطلع وتوام اختي ( على قولتها ) تطلع اخت اعز ربعي شو ربعي الاااااااااااااااااااااااااااااااااااااااا اخوي
سبحـــــــــــــــــــــــان الله
طول الطريج كان محمد محطي اغنيه حلوة لمشعل العروج ( روحي خطبيلي)
يايمه روحي خطبيلي
قمر صبحني في ليلي
ياويلي اذا ردوج
يـــأ ويلي
كانت منى شويه سرحانه بس انتبهت على محمد
منى : بلاه يعيد الاغنيه ؟؟؟؟؟؟
ما عليه بسويله مقلب ... اصبر شوي
لما وصلو البيت سلمو على امهم ويلسو
منى : يما ما سمعتي اليوم شوووو صار
ام محمد : شو صار
محمد : ؟؟؟
منى : اليوم بعض الناس محطيين اغنيه ويقوقون لج يا يمه روحي خطبيلي( وتاشر على محمد )
ام محمد : هذي الساعه المباركه بس هو الله يهديه بس
منى : لا يمه انتي سيري خطبيله وبيرتاااح
محمد: خخخخخخخخخخخخخخخ
ام محمد : بلاك ابوي انهبلت
محمد: ومنو قالج يا الغاليه انا ما ابي او اني رافض
ام محمد : انتا ما قلتلي ولا لمحت لي في يوم انك تبي تتزوج
محمد: لانج ما سالتيني يا الغاليه ....... ويحبها على الراس
منى : اهااااااا شوفي طلعت صاجه يلا يما نبي نفرح
محمد : خخخخخخخخخ ما تيووزي
منى : بلاك منو قدك ابي ادلع حرمتك وبنتامر عليك خخخخخخ
محمد ويكش عليها : فال الله ولا فالج ، يمه ابيها عاجل مو مثل بنتج
ام محمد : انتا تامر امر وان شاء الله بدور لك بس تدري ، لبنت موجوده وان شاء الله تكون من نصيبك
منى : منووووووووووو
محمد : امين يلا الحين انا بسير ارتاح اسمحولي
منى : منومنوووووووووووو يمه
او محمد : بتعرفين بعدين .........
------------------------------------
البارت الثامن :
عند العرسان
سارو باريس شهر العسل
( غرفه حلوة وجبيرة وفخمه واااااايد لونها عودي وديكورها مثل الرومانيين ورهيبـــــه تتحسب عمرك في مجان ثاني وحمام ( الله يكرمكم ^^) وصاله وسيعه فيها تلفزيون لونها افتح شوي وملكيه
احمد وهو داخل من برع ( كل يوم يطلع من الصبح ويرد على 7 عنده شغل ( بسبس مان ^^)
أحمد: السلام عليكم
جمانه وهي متلهفه تشوفه : وعليكم السلام ( حليلها بروحها في بلاد غريبه ومحد عندها طول اليوم )
جمانه بتردد : أحمد امممم......
أحمد صد عليها وعليه نظره جديه ( مو متفيج طبعا ) : نعم
جمانه تخرعت شوي من جفائه بس كملت : اممممم احنى من يومين هني ، يعني لو ممكن .......... ابي اكلم اهلي
أحمد : الحين انتي متزوجه يعني انا هلج والا.......
جمانه وهي مو متوقعه يرمس جي: ها لا طبعا انا ما قصدي جي ، بس ابي ( وتغير صوتها نبرة حزن بس ما تبي تبجي جدامه ) اكلم هلي متولهة ( مشتاقه ) لهم.......( واتركم تتخيلو حالتها
أحمد : انزين هاج خذي تلفوني واتصلي بيهم على العموم اليوم ابوج متصل يسال عنج وقلت له بخير وما حب يزعجك .....وراح عنها.........
دخل الغرفه وسكر الباب واستند على الباب : اااااااااااااااااااه , ليش اعذبها انا بروحي ما متحمل اني ازعلها ،،، بس لااااا هي خانتني وهذا شي م.......... لا يمكن ما خانتني يمكن هذيج قصت ( تلعب) على .......... لا شو مصلحتها .... ما في ناس جي ؟؟؟؟؟؟؟؟؟؟ لا انا عندي دليل على خيانتها وانا بربيها اذا هلها ما ربوها ، وسار يرتاح ):
اتصلت على تلفون امها وما ردت
بعدين اتصلت على رقم محمد
جمانه : الو
محمد : الو منو
جمانه : وهي فرحانه نسيت صوتي
محمد : هلا والله براعيه الصوت وكيف انسى قلبي انا
جمانه وهي تداري دموعها: هلا بقلبي وعمري وحياتي
( في هذا الوقت تذكر أحمد شي يبي يقوله لها ولما سمعها انصدم ....................................
ورجع داخل الغرفه ويلس يتحلف .....,,,,
( يعني هي وشدخلها دام لسانها حلوووووو &&)
سلمت على اخوها وامها ومنى رجتها وصيحتها شوي وقالت لها على الخبر الحلو بس تبي تعرف منو العروسه ....... ولحد الان محد يعرف اللي في بال أم محمد ^^ انتو تعرفوهــــــــــــــــــــــــــــــــــــــــــــ ـــــا؟؟؟؟؟؟؟؟
( خبروني اذا تعرفوهااا ............ ههههه المهم نرجع للروايه )
أم محمد : صدقني بتناسبك وبترتاح معاها وهي اعرفها واعرف اصلهم وتربيتهم واذا عرفتهم بتفرح كثري
محمد : يمـــــــــــــأ قولي شوقتيني نشف دمي ، دامها منك اكيد حلـــــــــوة مزيوووونه ^^
أم محمد : بس المشكله كيف بقنع ابوك ادري لو خبرته بيرفض بدون مناقشه وبدون ليش
محمد : ابوي بيرفض ........... منو هم ومن اي عيله
أم محمد : عيله عبيد ال ........
محمد وهو منصدم : عيله ضـــــــــــــــــــــــــــاري
ام محمد : ايه وانتا اكثر واحد تعرفهم
محمد : ايه يمه بس ليش ما قلتيلي من الاول ، يعني علقتيني وبعدين كسرتي مجاديفي ما يصير ):
ام محمد : ما قصدي يا ولدي بس البنت داشه خاطري وهي بتناسبك صدقني
محمد : اااه يصير خير يمه ، الحين اخليج وطلع برع
محمد كان ضايق وما عارف وين يسير وما يقدر يتصل على ربيع عمره علشان الموضوع خاص بيهم ....... شو بيقول له
تنهد وقام دق على نفس الرقم
صحى أحمد وقال لجمانه بيطلعو يتعشون برع استانست ولبست وكشخت طبعا ما تطلع الا بالعبايه ^^
تشوفه مضايج بس ما تعرف ليش
جمانه : احمد احمد
احمد انتبه لها وقال : لبيه بعدين انتبه
جمانه والابتسامه ما فارقت ويهها : تلفونك وتاشر عليه
أحمد انتبه للتلفون يرن
احمد : الو
محمد : هلا يا النسيب اخبارك شو نسيتناااا
أحمد وهو يبتسم : منو قال انساك انا ، هلا بابو الشباب اخبارك
جمانه خقت على ابتسامته
محمد: أحمد انتا حذال جمانه
أحمد : هيه
محمد : ممكن تسير مكان ثاني ابي ارمسك بشي ضايج لو انتا فاضي
أحمد : من عيوني لحظه
وقال لجمانه انه بيسير وبيرجع
أحمد : هلا محمد بلاك
محمد : اااااااااااااااااه بس شو اقول والا شو
أحمد : قول افا عليك ، مو انا مثل اخوك
محمد : مثل اخوي واكثر
احمد : يلا قول ما يردك الا لسانك
محمد : شو اقولك امي تبي تخطبلي
أحمد : وهذي الساعه المباركه ، الحين انتا زعلان من هذا الشي ( تذكر لما خبرته جمانه انه امها تبي تخطب له وكانت طايره من الفرح )
يا ليت ان هذي هي المشكله بس
أحمد : عيل شو محمد قول نشفت ريقي بلاااااك
محمد : المشكله انه اللي امي تبيني اخطبها اخت رفيق دربي ضاري ربيعي
احمد : هيه ، وشو فيهاا
محمد : بس الوالد مشكله تدري تعصبه تفكيره تفكيــــــــر بدو وهم عيله والنعم فيها بس مشكلتهم انه امه كويتيه الله يرحمها ، وابوي علشان جي ما بيرضـــــــــــــــــــــــــــــــــــــــى
احمد : انتا تعوذ بالله ولا تشيل بخاطرك
محمد : كيف ما اشل بخاطري ، لا والقهر امي ما قالتلي الا لما تعلقت بيها
أحمد : ان شاء الله خير خلى الموضوع على
محمد : يعني شو بتسوي بتكلم ابوي ........... لا تكلمه لا
أحمد : لا افا عليك الشواب ما يعرف لهم الا الشواب
ما عليك ابوي يعرف يقنعه هم من نفس الطينه
محمد : صج بيقدر يعني
أحمد : افا عليك خلى الموضوع على ، وابوي لا تحاتي ما في احد ما يقدر عليه
محمد : مشكووووور والله ريحتني ، هذا العشم فيك يا بو محمد
أحمد : ما سويت الا الواجب ^^
شو بيصير وهل بيقدر أبو محمد يقنع بو محمد والا لااااااااااااااااااااا
وشو بيصير بعدين ؟؟؟؟؟؟؟؟؟؟؟؟؟؟؟؟؟؟؟؟
انتظروا الجزء الثاني من البارت ^^
أحمد كلم ابوه وفهمه اول شي انه عيله ابو ضاري معروفين باصلهم وفصلهم وهم ............ ويلس يتمدح ووافق بصعوبه لانه ما يخب يتدخل بخصوصيات احد
ابو احمد يالس بمجلس ابو محمد
ابو احمد : واخبارك بعد يا بو محمد
ابو محمد : يسرك الحال يا خوي
ابو أحمد : مدامك تعتبرني مثل اخوك ياينك بطلبه بس قول تم
ابو محمد : افا عليك وانا اخوك اللي تباه بيصير
ابو احمد : هذا العشم فيك ، يا خوي ابي اخطب لمحمد تراه بحسبت ولدي والا شرايك
ابو محمد : الا بحسبت ولدك افا عليك
ومحمد يالس يسمع كلام ابوه وعمه ابو أحمد ^^( يحترق حليله )
ابو أحمد : هذا العشم فيك ، انا حصلت له ناس اجاويد وما يعيبهم شي قلت هذول اللي ابيهم لمحمد وولدي محمد يستاهل وابتسم لمحمد
محمد رد الابتسامه وهو قلق شوي من ردت الفعل
ابو محمد : والنعم فيهم بس منو هم اعرفهم
ابو أحمد : الا تعرفهم ، عبيد ال .........
ابو محمد وهو مصدوم : بس يا بوك...
ابو أحمد قاطعه : ما فيها بس هم ناس ما ينعابون وانا مثل اخوك واحنا عيله وحده والله يتمم على خير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك