رواية قتلهن الطيش وأحياهن الحب -5
التفتت نور مستغربه وابتسمت: وش فيكي؟
ضي: ولا شي بس الحمدلله انك رجعتي البيت
على نزله عبدالرحمن من الدرج :ليته سرقها وريحنا
نور: ليش ان شاءالله اذا انت ماتبيني غيرك ملايين يموتون على تراب رجولي
عبدالرحمن: هههههههههههههه ارحميني ... وجلس : وين ابوي
نور: طلع قبل شوي
اذن المغرب وقالت نور: يالله يالله قوم ورنا عرض اكتافك بيجونا ضيوف
عبدالرحمن :هي احترمي نفسك ترى لسانك طولان
نور: طيب اسفين قوم اطلع بيجونا ضيوف
عبدالرحمن: من جايكم
نور: ان ماجد وام فهد
عبدالرحمن: اهااا اصلا انا طالع مواعد الشباب اليوم
نور: انت طول عمرك مواعد الشباب اصلاً
عبدالرحمن : ليه عندك مانع
نور: لا .. وقامت تصلي قبل يجون البنات
.......................
سعاد وهند بالسياره وماجد بيوصلهم
ماجد: ماتبون تاخذون لهم شي معكم
سعاد: لا مايحتاج
ماجد: وشلون مايحتاج يمه لازم مايصير تدخلون لهم فاضيين
سعاد : والله ماحسبت حساب مامعي فلوس
ماجد: انا معاي بس وش تبون تاخذون لهم
هند في قمه دهشتها: انت وش سالفتك
ماجد: وش سالفتي يعني رايحين لهم عشان سلامه البنت لازم تاخذون شي معكم
هند: اهااا طيب ياراعي الواجب وتطالع بالمرايا ... وش بتاخذين ماما
سعاد: أي شي صحن فطاير ولا حلاوه
هند: انا باخذ لها تشكيله طبعا على حسابك ياراعي الواجب اوكي
ماجد: اوكي
وقفوا عند بن داود ونزلو كلهم ... في هالوقت طلعت لوجين وامها مع السواق رايحين لبيت ام عبدالعزيز على جية فهد .. تفتح امه الشباك حق السياره
فهد : وين رايحين
هدى: بيت ام عبدالعزيز
ناظر فهد في لوجين : لوجين تغطي زين
لوجين: متغطيه
فهد : خفيف
لوجين : طيب .. وثقلت غطاها .. وخر فهد عن السياره ومشوا
.................
تطالع نور بالساعه وتكلم امها تأخروا صح؟
حنان: تلاقينهم بالطريق
يرن التلفون وقامت رفعته ضي: الو
عبدالزيز: السلام عليكم
ضي: وعليكم السلام
عبدالعزيز: شخبارك ضي
ضي: الحمدلله بخير
عبدالعزيز: وين وابوي موجودين
ضي : بابا طالع من زمان بس ماما عندي
عبدالعزيز: طيب عطيني امي
ضي: طيب ............ يمه تعالي كلمي هذا عبدالعزيز
حنان قامت واخذت السماعه : نعم
عبدالعزيز: السلام عليكم
حنان: وعليكم السلام ياهلا
عبدالعزيز : شخبارك يالغاليه ان شاءالله بخير
حنان: وينك يالقاطع توك تسأل
عبدالعزيز: والله وقتي ضيق دوامي فترتين ضغط هالايام بالحيل
حنان: الله يعينك ومرتك وينها ماتتصل ولا تسأل
عبدالعزيز: هذي هي تبي تسلم عليكي.. بس وش اخبار ابوي
حنان: ابوك كسر جوالك البارح وانت نايم بالعسل
عبدالعزيز: شفت اتصالاته قبل شوي قمت لأني كنت مواصل بس دقيت عليه مايرد وش كان يبي
حنان: وش كان يبي توك تسأل
عبدالعزيز: خلاص يمه حقكم علي
حنان تقوله اللي صار البارح مع نور
عبدالعزيز: كل ذا يصير وانا ماادري
حنان: اسأل نفسك
عبدالعزيز: خلاص انا بمركم اليوم خذي عبير تبيك
غبير: السلام عليكم
حنان: هلا يمه هلا وينك اعوذ بالله
عبير: حقك علي ياخالتي شخبارك انت
حنان: بخير الحمدلله ... انت شلونك وشلون جنان
عبير: بخير والله الحمدلله
حنان: تعالي مع عبدالعزيز لا جى واحسبي حسابك ترا بيجوني الجيران
عبير: ان شاءالله من عيوني .. تامرين شي الحين
حنان: سلامتك .. مع السلامه
عبير : مع السلامه
تقفل الخط عبدالعزيز: والله اني مقصر بس وش اسوي
عبير: ماعليه ياقلبي الدنيا مشاغل وش اللي صار معهم
قالها عبدالعزيز السالفه وراحت تتجهز ...
هند وماجد وسعاد مابعد طلعوا من بن داود ماجد وامه عند قسم الفطاير وهند راحت جهه الحلاوه والعصير تختار الاشياء اللي تحبها نور ..... دق جوالها وكان ماجد : الو
ماجد: وينك ماخلصتي
هند: الا خلاص انا رايحه للكاشير وينكم انتو؟
ماجد: حنا هناك
وقفلت منه وهي ماشيه الا تشوف خالد وبندر وحاولت تختفي عنهم عشان مايعرفونها وتصير مصيبه وصلت عند الكاشير وكانت امها واخوها واقفين ينتظرون السرى ..ماجد تذكر شي: دقايق لا تتحركوا بجيب غرض واجي
سعاد وهند: طيب
راح ماجد جاب له دخان ملبوروا احمر وهو راجع طلع بوجهه خالد وبندر...ماجد: هلااااا واللله
خالد: هذا انت هلا والله
بندر : هلااا
ويسلمو على بعض وهند تراقب الوضع من بعيد وقلبها بين رجولها
خالد: وينك يارجال
ماجد: والله الدنيا تلاهي ياابن الحلال
بندر: والله السفر اللي اكل راسك صاير ابن بطوطه على غفله
ماجد: هههههههه وش اسوي ياشيخ اغير جو
خالد: تكفى يالجو اللي تغيره تسافر من المدينه تروح جده من حر لرطوبه وقرف استغفر الله
ماجد: المهم سغر
بندر: عاد انت ماتعرفه ياخلود يحب السفر
ماجد: وانت صادق يابندر قلتها .. يالله شباب الاهل ينتظروني تامروني شي
الشباب : سلامتك
خالد: تعال الاستراحه يوم الخميش الشباب كلهم يجتمعون هناك
ماجد: اشوف ان شاءالله .. يلا مع السلامه
الشباب: هلا والله مع السلامه
هند من يوم شافت اللي صار خافت من قلب وصارت تداري نفسها بأمها وقلبها يرقع يعني الشباب اللي تعرفوا عليهم طلعوا اخويا ماجد يامصيبه ... وصل لهم ماجد وحاسبوا وطلعوا ,,,هدى ولوجين وصلوا لبيت حنان واستقبلتهم نور: هلا والله تفضلو
هدى: يزيد فضلك الحمدلله على رجعتك سالمه
نور: الله يسلمك تفضلي .. هلا والله لولو
لوجين تضم نور بقوه: هلا فيك شلونك
نور: تمام الحمدلله ادخلي
دخلتهم للصاله للصالون وراحت تجيب العصير على دخلت حنان: السلام عليكم ياهلا والله ياهلا تو مانور البيت
قامت هدى ومعها لوجين : ياهلا فيك منور باهله
سلمت عليهم وجلست ونور طلعت تجيب العصير ,,, هدى سلمات على نور والله لوجين خوفتنا عليها
حنان الله يسلمك يارب الحمدلله ماصار شي كبير
هدى: والله ماعاد لهم امان هالاجانب
حنان: وانت صادقه والله ,, وش اخبارك لوجين
لوجين والله الحمدلله
حنان: كيف التوجيهي معك شاده حيلك
لوجين تبتسم: ماشي حالي الله يعديها على خير
دخلت نور وبيدها تبسي العصير وتوجهت لهدى: تفضلي
هدى اخذت فراوله فرش: تسلمين
نور الله يسلمك وراحت للوجين وثنت ظهرها : تفضلي لولو
لوجين : اممممم وش اطعم شي
نور: بالنسبه لي المانجو
لوجين : لا ثقيل
نور: طيب خذي فراوله
لوجين : لا مااشتهيه
نور: بسرعه ياحيوانه ظهري انكسر
لوجين : هههه طيب هذا وشو؟
نور: هذا جوافه وهذا ليمون وهذا كوكتيل بسرعه ولا اروح
لوجين اخذت كوكتيل: شكرا معليش تعبتك ههههههههه
نور: العفو ولا تنعاد
راحت لأمها وباشرتها وطلعت وهي طالعه رن الانتر كم بس مارفعته لأن التبسي بعد بيدها راحت للمطبخ بسرعه حطته ورجعت تشوف من عند الباب
نور: منو؟
هند: انا هند افتحي
فتحت نور الباب وانتظرتهم عنده ,, ماجد يناولهم الاغراض وقرب من هند: سلمي عليها
هند التفتت عليه : هلا
ماجد: قوليلها الحمدلله عدت سليمه
هند: وبصفتك مين
ماجد: يوووووووه خلاص لا تقولين شي استغفر الله حتى الواجب ماتعرفونه
هند وهي رايحه من عنده : غثيتنا بالواجب اللي تعرفه ودخلت وامها سابقتها.. عند الباب : ياهلا والله
سعاد: السلام عليكم
نور: وعليكم السلام ياهلا والله تفضلي
سعاد: زاد فضلك الحمدلله على سلامتك وتعطيها الصحن اللي جابته معها
نور: الله يسلمك ياخاله ليش الكلافه
سعاد: لاكلافه ولا شي الواجب... هند من ورى امها: هاااااااااااي نونو
نور ابتسمت: هلا والله هنو
هند تسلم عليها وتضمها بقوه : شلونك ياويل قلبي لو صارلك شي اروح فيها وتعطيعا كيس الحلاوه وتهمس لها : لزم الجلسه وتغمز
نور:ههههههههههههههههه احسكم مكبرين السالفه بالحيل هذا انا مافيني شي
تفضلي من هنا خاله سعاد تتقدمهم نور لين دخلو.. سعاد : السلام عليكم وراها هند
حنان قامت لها : وعليكم السلام ياهلا والله وتسلم عليها وهلى هند
وتروح تسلم على هدى : شلونك
هدى : بخير الله يسلمك شلونك انت
سعاد بخير يالغاليه
وسلمت على لوجين : كيف حالك
لوجين الحمدلله
هند تسلم على لوجين : ازيك ياقصيره
لوجين :انقلعي
هند: ههههه امزح
جلسن الحريم والبنات وقبل تروح نور تجيب الدفعه الثانيه من العصير قالت حنان: اجل يبيلنا كل يوم نقول نور انخطفت عشان نجتمع هالجمعات الحلوه
نور فتحت عيونها : ياسلام وانا اروح فيها
لوجين : ههههه خاله حنان قولي تنخطب احلى
هند: أي والله
نور انحرجت: لا والله انت وياها
الحريم : ههههههههههههههههههههه
يتبع..
قامت نور تجيب العصير وباشرت هند وامها وطبعا الهنوف ماجات معهم لأن عندها مدرسه وضي نزلت سلمت وطلعت مره ثانيه
نور تكلم هند ولوجين: بنات تعالو فوق الغرفه
هند ولوجين : اوكي
طلعوا البنات فوق ولوجين ارسلت لوليد رساله انها موبالبيت عشان مايدق وهم مع بعض وهي للحين ماقالت لهم انها تكلمه اوبمعنى ثاني تحبه ..
هند: تدرون من شفت اليوم ببن داود؟!
لوجين ونور: من؟
هند: خالد وبندر
نور بأهتمام: وش صار كلمتيهم كلموك
لوجين : والله جد
هند: أي والله جد ..بلاكم ماتدرون
نور ولوجين: وشو
هند : طلعوا يعرفون ماجد
نور: احلفي
لوجين : لا ياشيخه
هند: قسم بالله وشكلهم معرفه قديمه ياويلنا الله يستر علينا بس
نور: طيب عادي وش عليك منهم
هند: شلون وش علي منهم الشباب يقولون لبعض كل شي يعني لو واحد منهم قال اسمائنا بننعرف
لوجين مغصتها بطنها: لا ياشيخه الله لا يقولها
نور : عادي يابنات وبعدين هم مايعرفون لا ارقامنا ولا كلمناهم بس بالمسن يعني مافي شي يخوف
هند: ايه صح
لوجين: بس حتى لو يابنات سبحان الله كيف الصدفه تعرفوا على ثلاث بنات بنفس اسمائنا
نور: لا ان شاءالله مايصير شي
:::::::::::::::::::
عبدالعزيز وعبير وجنان بالسياره متجهين لبيت ابو عبدالعزيز
عبدالعزيز: ودي بس اشوفه الحقير
عبير : خلاص الرجال مسجون الله لايرده
جنان: مسدون( مسجون)
عبير: ايه ماما مسجون
جنان: ليس ماما حلامي؟( ليش ماما حرامي)
عبير: ايه حبيبتي
وصلوا ونزلو دقو الانتر كم وفتحت لهم الشغاله
عبدالعزيز: وين ماما
سمياتي: جوا في حرمه
عبدالعزيز: طيب روحي ناديها
عبير تفصخ عباتها وعبدالعزيز جلس بالصاله وهذي حنان جايه : هلا والله بالقاطعين
قام عبدالعزيز وحب راس امه: هلا يمه شلونك
عبير : شلونك خالتي وتسلم عليها
حنان: بخير الحمدلله وتشيل جنان : شلونك ياحلوه
جنان: يمه انا احبت( يمه انا احبك)
وتحبها حنان بقوه : وانا بعد احبك
عبدالعزيز : وينها نور؟
حنان: فوق مع البنات
يدق عبدالعزيز عليها جوال .. البنات يسولون ورن جوال نور واستغربت : هذا عبدالعزيز غريبه
هند: اخوك؟
نور : لا ولد الجيران
لوجين : هههههههههههههه
نور: الووو
عبدالعزيز: السلام عليكم
نور: اهلين وعليكم السلام شلونك
عبدالعزيز: انزلي انا تحت
نور: اوكي,,,, بنات شوي وارجع عزيز تحت بسلم عليه
هند ولوجين : اوكي
نزلت نور لعبدالعزيز تسلم عليه وعبدالعزيز ومرته بالصاله :السلام عليكم
عبدالعزيز وعبير: وعليكم السلام ورحمه الله وبركاته
سلمت على اخوها وعلى عبير واول ماشافتها تذكرت ابو طربوش وشوي الا جنان تجرها من البنطلون
وتناظرها: امه امه (عمه عمه)
شالتها نور: ياعيون عمه انت وتبوسها
عبدالعزيز: وش اخبارك
نور: الحمدلله تمام
عبير : وش اللي صار
نور قالت لهم السالفه , عبدالعزيز: يلا اهم شي انك طلعتي سالمه
نور: الحمدلله
عبير قامت تبي تدخل لعند الحريم ,عبدالعزيز: على وين .
عبير: بدخل اسلم على الحريم ليش وش تبي
عبدالعزيز: لا ولا شي انا طالع تبون شي
نور وعبير: سلامتك
دخلت عبير للحريم ونور شالت جنان واخذتها للبنات, نور رفعت جنان لمستوى وجهها بحيث انها تتغطى فيها ودخلت على البنات وهي رافعه ايدين جنان وبصوت طفولي: ملحبا ( مرحبا)
تناقزو البنات عليها وهم يحبونها لأن كلامها فصيح وتصرفاتها اكبر من عمرها
اخذتها لوجين وتبوسها: شلونك دنونه
جنان: تيبه
لوجين: حبيني
جنان: ماغبى ( ماابغى)
كشرت لوجين : ليش دنونه انا احبك انت ماتحبيني
جنان: لأ
ضحكن هند ونور واخذتها هند: وانا تحبيني
لوجين تتطالع فيها وماردت
نور: خليها تفكر
لوجين : صايره كشره
نور: ههييي احترمي نفسك ههههههههههه ترى ماارضى عليها
لوجين تبتسم : ياربي
هند: انا احبك دنونه وانت تحبيني
لوجين : ايه
صرخت هند وطيرتها فوق وحبتها وجنان مستانسه على الوضع
لوجين: خلاص هنوده ازعجتينا انت وهذي انزلي اللعبي تحت
نورههههههههههههههههههههههه
هند: لا والله ماني نازله
............................
منيره تكلم حسن : انت وينك من زمان
حسن: مشغول ياقلبي
منيره : اهااا طيب وش صار باللي وصيتك عليه
حسن : البنت طلعت ثقيله ويبيلها وقت
منيره: ليش وش صار
حسن : بالبدايه ماكانت ترد على اتصالاتي وبعدها قفلت الجوال وبعدها عطت اخوها وهو اللي رد علي وقفلت بوجهه بس لا تشيلين هم جايبها جايبها
منيره: بعدي والله
حسن : افا عليكي انا حسن مابعد عرفتيني اللي جابك وجاب غيرك يجيبها
منيره: وش قصدك
حسن يضحك: ابد سلامتك
منيره: طيب الحين تبي شي انا لازم قفل
حسن : لا ابد سلامتك
منيره : الله يسلمك يلا مع السلامه
حسن : مع السلامه .. قفلت منه وابتسمت بخبث والله لااجيبك ياهند
.........................
عبدالرحمن بالاستراحه وكان معهم فهد هالمره وهو ماله معرفه زود بالشباب بس يجي مع عبدالرحمن احيانا
طلال : هااا كلمت الحلوه اليوم
وليد : لا والله
طلال غريبه
وليد: ماغريب الا الشيطان
عبدالرحمن: أي حلوه تقصدون الحلوات كثير هالايام
بندر: اللي من الشله اللي قلنالك عنها
عبدالرحمن: اهاااااا
فهد: وش السالفه شباب؟
عبدالرحمن: ابد طال عمرك بس متعرفين على شويه بنات صايعات
فهد: ووشلون عرفتوهم
عبدالرحمن: تقابلو بأبوطربوش مره وشبكوهم
فهد ضاق خلقه صحيح هو ولد ولابد من هذي الامور بحياته بس هو يحاول يتجنبها لأنه يخاف على لوجين كثير وحاط في باله اللي مايخاف الله في بنات الناس ربي يرسله احد يلعب في بناته
وليد: وش بلاك تنحت
فهد: لا الا ابد ولا شي سلامتك
..............................
هدى تتصل على لوجين . الوو
لوجين : هلا ماما
هدى يلا انزلي بنمشي
لوجين: طيب وتقفل من امها وتقوم : يلا بنات انا بروح
نوور: لا لاااا بدري
لوجين: خلاص ماما تقول يلا اكيد السواق تحت وبعدين انا عندي مدرسه بكره
نور: ايوا صح انت مدرسه مابعد كبرتي
هند:ههههههههههههههههههههههههه
لوجين: وجع كلهاهالسنه ولاحقتك
نور: هذا اذا عديتي من هالسنه
لوجين: ليش ان شاءالله مااعدي
نور: انت وجه وحده بتوجيهي انت اللي يشوفك يقول متوسط
هند : ايه صح اقول لولو ليش ماتسوين رياضه عشان تتطولي شوي
لوجين انقهرت: اللحين وش دخل الطول في الدراسه
نور: ههههههههههههههههههه اثنين في واحد انت داجه يعني مارح تفلحي وثانيا طولك مايعطيكي تتدخلي كليه
هند:هههههههههههههههههههههههههههههههههههه
لوجين : اقول انقلعو يلا باي
نور: لحظه بننزل معاكي
نزلو البنات تحت وسلمو على عبير للأنهم ماشافوها هدى ولوجين راحو وباقي سعاد وهند
دق جوال هند: يوووه هذا ماجد
نور: بدري قوليله شوي
سعاد: لا لا خلاص اذا هو قوليله يلا بكره دوامات
حنان: بدري يابنت الحلال
سعاد: لا والله مره ثانزيه ان شاءالله
حنان: ايه صح ترى ابو عبدالعزيز عازمكم يوم الخميس على العشا كلكم لا تتأخروا
نور: ماما قلتي لخاله هدى
حنان: يوووه لا والله نسيت خلاص بكلمها
هند: الو
ماجد : السلام عليكم
هند: وعليكم السلام
ماجد: من عندك
هند: سلامات في شي
ماجد: لا ابد بس انت وينك
هند: بسطح القمر وش تبي اخلص
ماجد: لاتنافخين طيب يلا انا بالطريق اجهزو
هند: طيب
ماجد : نور عندك
هند: ليش
ماجد: بس سؤال
هند: ايه
ماجد: طيب سلمي عليها
هند: ههههههه عسى ماشر
ماجد: يلا اجهزو
هند: طيب باي
ماجد: باي
نور: هاا جى ولا بعده
هند: قريب .... ماما ماجد يقول اجهزي هو قريب
نور: هنوده تعالي الكليه يوم الربوع
هند: يووه والله مالي نفس
نوره : يخس هنوده من بدايه الاسبوع وانا اقولك
هند: لعيونك بس
نور: هههههههههه
عبير: نور وين جنان
نور: ماادري والله تركتها فوق تلعب بالدبدوب
هند: يااااااااااااازينها هالبنت بسم الله عليها
عبير: ههه الله يسلمك مجننتني الله يهديها
نور: اكيد يازينها طالعه على عمتها المصون
طالعتها هند ورفعت حواجبها: لا والله من زينك عاد
سعاد: والله نور الزين كله
انحرجت نور: الله يسلمك ياخاله
عبير: وين ضي ماشفناها اليوم
نور: نااايمه من زمان
عبير: نايمه بدري دجاجه
نولا: لا لأن مانامت اليوم بعد المدرسه عشان كذا
عبير: اها
دق ماجد: الو
هند: هلا
ماجد: يلا انا بره بسرعه اطلعو
هند تقول بنفسها ياسرعه: طيب
ماجد: هند وصلتي السلام
هند: لا
ماجد: ليش
هند: خلاص لا تغثنا باي
ماجد: هههههههه باي
لبسو عبيهم ونور طلعت معاهم لحد الباب هدى: يلا مع السلامه
نور: ياهلا مع السلامه خالتي
هند: يلا مع السلامه نونو وتقرب منها : ماجد يسلم عليكي
نور ماسمعت زين : وشو
هند: مااااجد يسلللم عليكي
نور حست انها بوخت : الله يسلمه
هند: وش فيكي ههههههههههههههههههه
نور: لا ولا شي
بيب بيبيبيبيب ماجد يدق بوري لهند
هند: يلا يلا لا ياكلنا هذا مع السلامه
نور:هههه مع السلامه
دخلت وهي تقول بنفسها ههههه هذا وش سالفته
على دخلتها هذي جنان نازله من الدرج: امه وينت ( عمه وينك؟)
راحت لها وشالتها :انا هنا حبيبتي مارحت ودخلت على امها وعبير
راحت جنان لأمها..عبير: وين كنتي دنونه
جنان: فود(فوق)
عبير : وش تسوين
جنان: النونو اكل الننا ونام ( النونو اكل الننا ونام)
عبير: أي نونو
جنان؛ فود عند امه ( فوق عند عمه)
دق جوال عبير وردت: هلا عبدالعزيز
عبدالعزيز: يلا اطلعي انا بره
عبير: طيب وقامت تلبس عباتها
حنان: وينه مابيدخل
عبير: لا ياخالتي قالي اطلع
حنان: الله يهديه ويحفظه
عبير: يلا مع السلامه واخذت جنان وطلعوا
حنان ونور: مع السلامه
عبير ركبت السياره: السلام عليكم
عبدالعزيز : وعليكم السلام
عبير: رحت عند ابوك سلمت عليه
عبدالعزيز: ايه رحت وماخلى ولا بقى علي
عبير: ليش
عبدالعزيز : يخانق على ذاك اليوم لما بغى الملعون يخطف نور ويقولي اعوذ بالله قاطع .يعني كانه مايعرف شغلي شلون
عبير:معليش لاتشيل هم حبيبي تحمله ابوك هذا
........................................
مضت الاسبوع عادي نور تداوم في الكليه بس اللي يوصلها عبدالرحمن ولوجين كل يوم يزيد مللها من المدرسه و حبها لوليد وماجد تفكيره مع نور ووده يوصلها بس مو عارف كيف ومنيره ناويه النيه على هند
...............
نور بالكليه وعندها محاضره بعد ربع ساعه وهي واقفه مع مها وريم وتهاني يسولوفون ويضحكون وتحس بأحد يدقها من كتفها ويدين غمضت على عيونها
نور مسكت اليدين اللي على عيونها وتتحسسها: من
تهاني وريم ومها يضحكو تهاني: من تتوقعين
نور: هههه ماادري
قربت البنت وباست نور من خدها
نور صرخت بضحكه: من بسررررررررررعه
منيره فكتها : هههههههههههههههههههههه كيفك
نور: هذي انت ياحماره ههههههههههههههههه
منيره: ايه انا اخبارك وينك ماصرت اشوفك
نور: داااجه مااداوم دايم
منيره : بتغيبين الربوع
نور: ماادري والله على حسب هنوده اذا بتجي بداوم واذا الا بغيب
انبسطت منيره جايه برجولها: زين والله خليها تجي حبيتها هالبنت
نور: قلتلها والله اكثر من مره وماادري عنها عاد
منيره: لا اجل انا بكلمها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك