بداية

رواية قتلهن الطيش وأحياهن الحب -6

رواية قتلهن الطيش وأحياهن الحب - غرام

رواية قتلهن الطيش وأحياهن الحب -6

نور بالكليه وعندها محاضره بعد ربع ساعه وهي واقفه مع مها وريم وتهاني يسولوفون ويضحكون وتحس بأحد يدقها من كتفها ويدين غمضت على عيونها
نور مسكت اليدين اللي على عيونها وتتحسسها: من
تهاني وريم ومها يضحكو تهاني: من تتوقعين
نور: هههه ماادري
قربت البنت وباست نور من خدها
نور صرخت بضحكه: من بسررررررررررعه
منيره فكتها : هههههههههههههههههههههه كيفك
نور: هذي انت ياحماره ههههههههههههههههه
منيره: ايه انا اخبارك وينك ماصرت اشوفك
نور: داااجه مااداوم دايم
منيره : بتغيبين الربوع
نور: ماادري والله على حسب هنوده اذا بتجي بداوم واذا الا بغيب
انبسطت منيره جايه برجولها: زين والله خليها تجي حبيتها هالبنت
نور: قلتلها والله اكثر من مره وماادري عنها عاد
منيره: لا اجل انا بكلمها
نور: اوكي والله ياليت تجي
منيره: اوكي اخليكم الحين باي
البنات : باي
نور وصديقاتها طالعين الدرج ريم: اوووف مااحبها
مها: منهي
ريم: هذي اللي مسويه حالها تمون علينا
تهاني: منهي
ريم : منيروه في غيرها
نور: ليش وش سوتلك
ريم ولا شي بس كذا ماهضمتها
مها: اشربي اكتيفيا
مها ونور وتهاني : ههههههههههههههههههههههههههههه
..................................
لوجين بالمدرسه وكانت حصه رياضيات وهي تسولف مع صديقتها جود بالمذكره الصغيره اللي معاها دايم
ومندمجه بالسوالف
الاستاذه:لوجين
لوجين ارتبكت: نعم
الاستاذه: قومي اوقفي
لوجين وقفت: نعم
الاستاذه: وش كنت اقول توني
طبعا لوجين ماكانت معاها ......
الاستاذه: تعالي وهاتي اللي بيدك وحليلي المسأله اللي على الصبوره
لوجين مابعد تحركت
الاستاذه : بسررررررررررررعه تحركي
لوجين راحت وتركت الدفتر وقاصده هالحركه
الاستاذه: جيبي الدفتر الصغير معاكي
لوجين: مافيه شي ياابله
الاستاذه : جيبيه طيب ابي اشوفه
لوجين تبي تبكي : مافيه شي طيب انا كاتبه بدفتر الصف
الاستاذه: لوجين لاتستهبلين من اول الحصه وانت مشغوله بهالدفتر
لوجين: انا اسفه ياابله اخر مره
الاستاذه: لوجين وقت الحصه راح وانت تماطلين تعالي بسرعه وهاتي الدفتر معك
لوجين كانت تقول لجود عن وليد وحبها له عشان كذا ماتبي تعطي الاستاذه الدفتر خايفه تقرا وش اللي كاتبته
الاستاذه: يلااا ولا انا اجي
من حسن حظ لوجين ان هي وجود عندهم نفس الدفتر وجود قربت الدفتر من لوجين وقالت بصوت واطي خذي هذا... لوجين اخذت الدتر والاستاذه مانتبهت تبادل الدفاتر وقربت منها: تفضلي
الاستاذه اخذته وقلبت فيه مالقت شي مهم قفلته : حلي المسأله اللي على الصبوره
اخذت قلم الصبوره ووقفت تناظر المسأله ماعرفت وش تسوي كانت غايبه بهالدرس واليوم حل تمارين عامه على الفصل وماراحت للمدرسه الخصوصيه
الاستاذه: هاا لوجين مطوله على هالحال
لوجين: ماحظرت الدرس هذا
الاستاذه: ليش
لوجين كنت غايبه
الاستاذه: طيب ارجعي ... هايابنات من تتطلع تحل؟
....................................
يوم الثلاثاء الساعه 11 بالليل نور توها قافله الجوال من هند عشان تتأكد من روحتها للكليه ,, قامت هند فتحت دولابها تبي تشوف وش تلبس طولت وهي واقفه قدام الدولاب ومحتاره قالت بنفسها خلني اخذ شور ولاطلعت اشوف وش اللبس ودخلت الحمام...
................
لوجين تدق على وليد لها يومين ومايرد عليها وقلقت عليه بالحيل وضاق خلقها وماهيب عارفه تقول لمنو لأن نور وهند مايعرفون بالسالفه انسدحت على السرير ورجعت دقت على وليد بس مافي رد دارت نفسها على الجنب اليمين واخذت الخداديه وضغطت فيها على راسها بقوه وصارت تبكي بحرقه بعد مارمت الجوال بعيد عنها .. نبه لوجين من الجو اللي هي فيه دقات الباب
لوجين : منو
فهد: انا
لوجين: وش تبي .......... ماتبي تفتح الباب لأن نفسيتها زفت وماتبي فهد يشوفها بهالوضع لأنه بيشتغل محقق عشان يعرف وش فيها
فهد: ولا شي بسولف معاكي
لوجين: فهود انا الحين مااقدر افتح مشغوله شوي وراسي مصدع
فهد: بوش مشغوله
لوجين : يااااربي موب شغلك......... لوجين عارفه ان كلامها مو مقنع بس مافي أي مجال تفتح الباب وهي بهالحاله
فهد راح من غير مايرد عليها ,,,,
..................
نور بعد ماكلمت هند قامت واخذت اللاب توب ودخلت النت شغلت الماسنجر ولقت خالد متصل
خالد: ولكمووووووووو
نور: يسلموووو
خالد: كيفك
نور: تمام الحمدلله ..كيفك انت
خالد: دوم موب يوم يارب .. انا بخير الحمدلله
نور: دوم ان شاءالله
خالد: لكم وحشه ماتدخلون النت الايام اللي فاتت
نور: أي والله مشغولين مافي وقت
خالد: الله على البزنس ومن
نور: ههههههه ايه وش على بالك كل الناس فاضين مثلكم
خالد: وش قصدك؟
نور:ههههههههههه ولا شي سلامتك .. الا شخبار الشله
خالد: يسلمون عليكم
نور الله يسلمهم يارب
خالد: وش اخيار هنوده ولولو
نور: ماشي حالهم عم يزأحو
خالد: ههههههههههههه حلوه يزأحو هذي
نور: ايه حركات ماتعرني انا ختيررره مرره
خالد: ههههههه مبين عليك الخطاره
نور: لا مو خطاره ختااااره
خالد: ههههههههههههههههه طيب ياختيره
...............
منيره بهالحظه تدق على هند ,, هند على طلعتها من الجمام شافت الجوال يدق راحت له بسرعه وطالعت يوووووه هذي وش تبي
هند: الو
منيره : هلا هلا والله بهالصوت
هند: هلافيك
منيره: كيفك ياقلبي
هند وهي تلوي بفمها: الحمدلله بخير شخبارك انت
منيره : تمام والله ... وينك يالقاطعه كأنك اخذه رقمي زياده عدد بجوالك بس
هند: سوووري والله مو القصد اطنش بس الوقت اعوذ بالله ماتعرفين كيف يمر
منيره: وانت صادقه ... هنوده حبيبتي
هند ورفعت حواجبها حبها برص : هلا
منيره : طالبتك طلب
هند وعقدت حواجبها: تفضلي
منيره: بس شرط تلبينه لي
هند: اذا قادره ابشري
منيره : تجين الكليه بكره الطبق الخيري والله اني مشتاااقه اشوفك حيل
هند: ههههه ان شاءالله انا كلمتني نور وان شاءااللله بجي
منيره : صدق والله
هند: ايه والله
منيره: زين الحمدلله ... يالله عاد اشوفك بكره ان شاءالله
هند: ان شاءالله
منيره : مع السلامه
هند: مع السلامه ..... وقفلت ورمت الجوال على السرير : هذي وش سالفتها
وراحت فتحت الدولاب تبي تشوف وش تلبس وبعد ساعه من هالوقفه طلعت لها تنوره مدي لونها بيج ويلوزه حمرا وراحت تستشور شعرها
......
خالد: اقول نونو
نور: قول ولا تكثر
خالد: ههههههههههههههههههههه مانيب مكثر
نور: ههههههههه نعم
خالد : وراه مانترك المسن ونسولف على الجول احسن
نور: اقول وراه ماتقفل هالموضوع احسن
خالد: والله يابنت الحلال ازين حنا مانتقابل دايم على المسن
نور: طيب حلو مانتقابل دايم عشان نشتاق لبعض وراسله وجه يمد لسانه
خالد: تتريقين انتي
نور: لا والله
خالد: نونو الله يخليك يعني وش بيصير اذا كلمنا بالجوال طيب خلاص لا تكلمين بس في المناسبات نراسل بعض ولا اذا بدخل النت اعطيك خبر يعني اذا رح يضايقك الاتصالات بلاش منها
نور: لا حول ولا قوه الا بالله خالد انت ماتفهم كم مره تكلمنا بهالموضوع ( نور صحيح انها تكلم اهات بس مو أي شخص تكلمه ولا كل من هب ودب يعني توزن وتفكر قبل تكلم الشخص )
خالد: طيب هذا وليد ولوجين يكلمون بعض وش صار؟
نور طالعت بالشاشه ومو مستوعبه اللي تقراه وتعيد وتقراه مره ثانيه وتقول بنفسها لا مستحيل
نور: وش تقول انت
خالد: وش اقول اللي تقرينه يعني ماتعرفين ان لوجين تكلم وليد
نور وتحاول ترقع السالفه : الا ادري بس انا غير ولولو غير
خالد: ليش غير وش الفرق مو انتو صديقات وتسون مثل مثل بعض
نور: ايه بس مو كل شي نسويه مثل بعض
خالد: بس اللي يشوفكم قالبين البحر طحين مايقول بترفضين مكالمه جوال
نور وعصبت على الاخر: مو شغلك والله نقلبه طحين ولا مانقلبه هذا الشي مايخصك ويلا انا بطلع باي
خالد: وش فيك عصبتي
خالد مالقى أي رد من نور لأنها طلعت وخلته .....
نور قفلت المسن وهي مصدومه لوجين تكلم وليد وماتقول هذ1ا وهم مايخبون شي على بعض وتذكرت يوم دق جوالها في بيت هنوده وقامت كلمت بعيد عنها هي وهند ولما دخلت عليها ارتبكت وسألتها قالد صديقتها وعد ووعد هذي جديده واصلا اسم وعد قريب من اسم وليد.. وقالت بنفسها خير يالولو شغلك عندي


............
انتهى الجزء الثالث...
وش رح يصير مع هند ومنيره ؟؟
ووش رح تسوي نور مع لوجين ؟؟

الجزء الـرابع.

...........

مدخل


الثقه الزائده سذاجه
ليس من العدل ان نثق بكل من حولنا
وليس كل الاصدقاء اصدقاء
فلنأخذ حذرنا دائماً
.........


يوم الاربعاء ترن الساعه 6 ونص الصباح في غرفه هند وبكسل تسحب الجوال من الكومادينا تقفل المنبه قامت من السرير على الحمام غسلت وتوضت وصلت الفجر وبدت تلبس اختارت من الليله اللي قبل تنوره بيج مدي وبلوزه حمرا فكت شعرها المستشور بدت تحركه بيدها عشان يستعيد حيويته وفتحت درج التسريحه واخذت الكحل وتكحلت وحطت مسكرا وروج احمر فاتح وفوقه قلوز شفاف عشان يعطي شفايفها لمعه حلوه لبست اكسسوار التعليقه كانت مجرد سلسله وداخل فيها فص احمر والحلق طويل شوي ونهايته فص احمر والخاتم بعد ناعم فيه فص احمر ولبست في رجلها خلخال ذهبي وصندل كعبه واطي لونه احمر ببيج واخذت بيدها شنطه بنفس الالوان ومعلقه فيها اكسسوار خلصت لبسها واتصلت على نور ,, نور كانت توها فاصخه شرشف الصلاه وقامت بسرعه على الجوال : هلا
هند: صباح الخير للناس الغير
نور: ياصباح الورد والياسمين للناس الحلوين وش هالنشاط ؟
هند: ابدا بس ماهان علي تروحين الكليه قبل مااكلمك واقولك ماني بجايه
نور بقهر: ليييييييش؟
هند: نور مالي نفس وبعدين بطني وراسي يعوروني
نور: هنووده بلادلع وبعدين الصوت مايقول فيكي شي
هنو تضحك: لا لا امزح بس خلصت لبس وقلت اصبح عليكي
نور: عمى والله قهرتيني تعشمين الواحد وبعدين تخلينه
هند: وانا اقدر اقهرك
نور: هههههههههه ايه احسب طيب يلا بقوم البس مابعد سويت شي
هند: هااااا اللين الحين مالبستي
نور: لا والله توني مخلصه صلاه الا انتي دقيتي
هند: اوكي بييننا الو اذا وصلنا هناك
نور: اكيد يلا باي
هند: باي تقفل الجوال وتاخذ عباتها وتنزل راحت المطبخ وسوت لها كوفي الا هذي امها داخله وجاهزه بتطلع لعملها
سعاد مستغربه : بسم الله وش مصحيكي
هند: اهلين ماما تبين اسويلك معي
سعاد: وش هالكشخه على الصبح
هند: بروح للكليه مع نور اليوم عندهم طبق خيري وصليني معك
سعاد: اهااا طيب قولي من البارح كذا على راسك ماكأن بالبيت احد
هند: سوري مام .... على طلعتها من المطبخ الا هذا صالح نازل وبنفس علامات التعجب اللي كانت بوجه سعاد: غريبه وش عندك وليش كاشخه ؟
هند: هههههه وش فيكم مستغربين ولا شي بس بروح للكليه
صالح : وش عند هناك
هند: ولا شي بس اليوم عندهم طبق خيري ونونو قالتلي اجي
صالح : اهاااا
هند تكلم امها: الا وين الهنوف مابعد صحت ؟
سعاد : موب رايحه اليوم
هند: ليش؟
سعاد: كذا بس ملت البنت كل يوم كل يوم مدرسه خليها تريح انا بالعاني مامريت صحيتها
صالح: يلا انا طالع مع السلامه
هند وسعاد : مع السلامه
................
من جهه ثانيه في بيت ابو عبدالعزيز نور تجهزت ولبست بالصدفه نفس الوان هند بلوزه حمرا وتنوره بيج بس كانت طويله نزلت نور للصاله وكانت امها جالسه وابوها وعبدالرحمن وضي يفطرون
نور: السلام عليكم
الكل: وعليكم السلام
راحت وصبت لنفسها كوب حليب بالنسكافي وناظرت في عبدالرحمن: من بيوديني انت ولا بابا
سعود: لا انا بوديك يلا افطري بسرعه عشان مااتاخر
ضي: وانا من بيوديني
عبدالرحمن: انا عشان مدرستك على طريقي
..............
الشوارع زحمه الصبح واشارات وبواري وناس رايحه وناس جايه وصلت هند للكليه ونزلت وفصخت عباتها وطلعت مرايتها وشافت شكلها مرتب ولا لأ..جلست تتلفت بس ماعرفت احد وطلعت جوالها تتصل على نور ,, نور بالسياره مع ابوها وجوالها يدق
سعود: من اللي يتصل على هالصبح
نور: اكيد هنوده .. وطلعت جوالها وردت : هلا
هند: اهلين هاا وينك
نور: بالطريق انت رحتي ولا باقي
هند: انا بالكليه انتظرك عند الباب
نور: اوكي يلا باي
هند باي وتقفل وترجع الجوال بالشنطه .... جلست هند تنتظر نور عند الباب وشوي دخلت وحده ومن يوم ماكشفت دارت هند وجهها عشان ماتعرفها منيره وقالت بنفسها يوووه مافي الا هذي اصبح عليها وجلست دايره اللين مامرت منيره من جنبها ومانتبهت لها ربع ساعه الا دخلت نور ومن قبل تفك الثام اتلفتت عشان تشوف وين هند شافتها واقفه على جنب وابستمت بعد ماكشفت وراحت لها
نور من وراها: صباح الخييييييييييييير
هند دارت بسرعه وابتسمت كأنها ارتاحت : هلااااااااا
نور: الله يالصدف نفس البسي
هنو تفتح عباتها : أي والله يالقلاده
نور: مو قلاده احسن بنطلع كشخى اليوم
هند: يلا يلا فصخي عباتك تعبت من الوقفه هنا
فصخت نور عباتها وعدلت نفسها ومشت هي وهند لداخل الكليه وهي مبسوطه ان هند اليوم معها توجهوا لجهة ادراج الطالبات وحطت اغراضهم بالدرج حقها وراحت للطالوله اللي تجلس عليها هي وصديقاتها شافت تهاني وريم جالسين ومها مابعد جات وكانت هند وراها وبنفس الوقت قالوا : السلام عليكم
البنات وقفوا لهم : هلا والله وعليكم السلام
تهاني: هنوووده اهلين واخيرا تواضعتي وجيتينا
هند تضحك: لا والله مو تكبر بس ياحلاة نومه الصبح
ريم : وحشتينا يالدبه وش هالحلا يبيلنا نجلس بالبيت عشان نحلو مثلك
نور تضربها على كتفها: قولي ماشاءالله لا تحسدين صديقتي
هند انحرجت : ايش دعوه نونو عادي
جلسوا البنات على الطاوله وسوالف وضحك
..................
من جهه ثانيه لوجين بالمدرسه والحصه الاولى وكالعاده سوالف هي وجود بالدفتر الصغير لوجين تكتب لجود: ياااربي ياجودي مرررره متضايقه وطفشانه خلاص مليت
جود: ليش ياقلبي
لوجين وعيونها دمعت وهي تكتب : ماادري من كل شي كل شي
جود: ليش وش صاير مابتتضايقين كذا من الباب للطاقه قولي فضفضي
لوجين : تصدقين وليد له اسبوع تقريبا مايرد علي وماادري وش فيه اخاف صاير له شي وانا ماادري
جود: اهااااا قولي كذا عشان حبيب القلب ماكلمك صايره كذا
لوجين: جود من جد اتكلم مااضحك معك ماادري مو بالعاده يغيب عني كذا وحتى لو مايقدر يكلمني يرسلي رساله او أي شي يعلمني فيه بس هالمره ولا شي ابدا اخاف صاير فيه شي
جود: يحق لك والله طيب ماتعرفين احد يعرفه
لوجين : لا ولا احد حتى المسن مايدخل
جود: طيب انت قلتي انهم كلهم عندك على المسن حتى اصحابه
لوجين : لا بعد ماصارت علاقتي معاه حذفت كل الشباب اللي عندي
حود: ياعيني على الحب والوفاء
لوجين : جووود مو بوقت مزح
جود: ههه اسفه طيب وش بتسوين ؟
لوجين : ماادري
....................................
مضت ساعات على وجود الناس بمقرات عملهم والطلاب بمدارسهم وجامعاتهم البنات بالكليه بعد ماتمشو بالكليه وافطروا رجعوا للطاوله جلسو وهم يضحكون على نكته قالتها نور شوي وجابوا البنات طاري ايام زمان ايام الطفوله والمدرسه قالت هند: اما وانا بأول ثانوي كنت بايعه الدنيا
مها: ليش
هند: والله انواع الدجه تخيلو مره اتفقت انا وشلتي اللي نتكون من 9 بنات
قاطعتها ريم : اما 9 بنات كل الفصل يعني
ضحكو البنات وقالت هند: تقريبا تقدري تقولي كذا بس كنا شله فلااااااااااااويه مجننين الابلات مره قطينا فلوس وعطيناها وحده من البنات تجيب لنا مكسرات وفصفص وحمر
ريم : ايوووه
هند تضحك : والله وجابت البنت ثاني يوم من كل نوع كيلو تخيلوا عاد يابنات كيف الوضع بالفصل انواع القرف وريحه الفصل معفنه والبنات تضايقو منا
تهاني: الله يقرفكم كان كليتو بالفسحه طيب
هند: الوقت ضيق والكميه كبيره مانقدر نلحق
مها: وبعدين
هند: والله وتدخل ابله الرياضيات الفصل ومسكينه ماشفنا الا العيون تبي تتطلع وعقدت حواجبها من المنظر اللي شافته
نور: ههههههههههههههههههههههه
هند: وبعدين قالت ( ايش هذا يااولى وش القرف اللي جالسين فيه وليش ريحه الفصل كذا والله والله بطلع شوي وارجع لو مالقيت الفصل نظيف بروح وانادي لكم المديره ) وحنا نناظر بعضنا وميتين ضحك بس اللي شفع لنا كانت صديقتنا بنت المديره ورجعت الابله وهي مشتكيه علينا الاداره بس عدت سهلات الحمدلله
البنات : ههههههههههههههههههههههههههههههههههههههههه
ريم تكلم تهاني : قوليلها سالفه نمشط شعورنا
تهاني بعد كلمه ريم ماتت ضحك
هند: وش السالفه
تهاني : لما كنت بصف اول ابتدائي قالت الابله ايش شعوركم يابنات مع اول يوم دراسه وانا بكل فلاحه رفعت ايدي وقالت الابله هاا وش شعورك مع اول يوم
وتقطع تهاني السالفه وتضحك ويضحكو البنات على ضحكها
هند: يلا كملي
تهاني صوتها راح من الضحك وقالت: قمت انا وقلت شعورنا نمشطها ونرتبها ونلبس شرايط
وتقطعها هند بضحكه عاليه لفتت الانظار عليها حاولت تسكت بس ماقدرت
نور: خلاص هنوده
هند لازالت تضحك: هههههه من جد هبله
البنات : هههههههههههههههههههههههههههههههههه
وقفت هند من الضحك بعد ماحست بيدين قفلت على عيونها وتحسستها بس ماعرفت : منو؟
نور: وحده بس من تتوقعين
هند: اكيد وحده اجل واحد
البنات كلهم الا مها لوت بفمها وتصطنع الابتسامه : ههههههههههههههههههههههههههههههه
فكتها منيره ومسكتها من خصرها : منورتنا اليوم
انصدمت هند من حركتها : هلا والله منيره ويسلمون على بعض
منيره : كيفك وحشتيني والله
هند: والله الحمدلله ماشي الحال انت اخبارك
منيره: الحمدلله اذا شفتك تأكدي اني بخير .. وش هالجمال يابنت
هند: الله يخليك تسلمين
مها بأبتسامه كذابه ومزحه برزحه : قولي ماشاءالله
منيره : ماشاءالله حولها وحواليها
ريم : اجلسوا وش فيكم
جلسوا البنات الا منيره قالت : دقايق بروح وارجع لكم
نور: اوكي حياك
راحت منيره وقالت هند: سلمااااااااااااااااات هذي وش فيها
مها بقهر: ماادري عنها
مها تدق ريم بكوعها: وانت بعد تعزمينها على الجلسه معنا
ريم : ماعزمتها
نور: اششششش هذي هي جايه
منيره من بعيد شوي : هنوووووووده
التفتت هند لها : هلا
منيره وحاطه ايدينها ورى ظهرها: تعالي ابيك شوي
هند وهي قايمه تقول للبنات : وش سالفتها هذي
نور: ههههههههههه مدري روحي شوفي
راحت لها هند : هلا منيره
منيره : تعالي معي شوي بعطيك شي
هند خافت : وين ؟
منيره : هنا تعالي الحمامات عشان محد يشوف من المشرفات
هند: وينها الحمامات
منيره : هناك وتأشر لها
وراحوا الحمامات وهند على اعصابها ودخلوا ....
منيره تسحب ايدينها من ورى ظهرها وتقدملها علبه صغيره مغلفه بغلاف احمر : تفضلي
هند: وش هذا
منيره : هديه صغيره لأحلى بنت
هند ابتسمت وهي خايفه : ليش منوره
منيره : بس كذا ممكن تقبليننها
هند: بس
منيره : هااا هنوده بتردين هديتي .. وتحطها بأيد هند : اتمنى تعجبك
هند: مشكوره
منيره : تحبين نمشي مع بعض ولا تروحين للبنات
هند: لا بروح للبنات
رجعت هند للبنات وبيدها العلبه
نور اول ماشفتها: وين رحتوا
هند : الحمامات
ريم : ليش ان شاءالله
هند وتضحك بصوت عالي : هههههههههههههههه
نور: وش صار ؟
هند تحط العلبه على الطاوله وتضحك من قلب ... منيره كانت تتابع الوضع من بعيد
هند: مدري وش تبي هذي على بالها شاذه
نور: وجع هنوده وش صار
قالت لهم اللي صار كله ومسكت العلبه وتفكها والبنات مستحقرين منيره ومتحمسين يعرفون وش الهديه ومنيره لازالت مراقبه الوضع.. اول مافكت الغلاف الخارجي طاحت ورقه صغيره مكتوب عليها الى حبيبتي هنوده ومرسوم قلب احمر حطت الورقه على الطاوله وفتحت العلبه لقت خاتم من الابلتين وشكله فخم بالحيل رفعت نظرها للبنات وقالت : وش اسوي معها
مها: ههههههههههه اخس اخس منتي هينه معجبات وحركات وانت ماتدرسين معنا
هند: اقول اسكتي مهاوي احسن
طالعت هتد في نور: وش اسوي
نور : رجعيه لها
هند: شلون استحي
نور: مافي حيا بهالامور اذا ماوقفتيها عند حدها بتتمادا معك
مها: صدق كلام نونو
هند: طيب قومي معاي مابروح لحالي
نور : اوكي يلا قمنا يابنات
طبعا هم مايدرون انها واقفه تشوف رده الفعل من بعيد عشان كذا هم قاموا عادي يمشون ويدورون عليها وهند مرتبكه كيف بترد الهديه بعد ماقاموا البنات من مكانهم منيره راحت لعند صديقاتها وعلى بالها قبلت هند الهديه منها ,, بعد فتره من قومه البنات وبحثهم عن منيره لمحتها تهاني: بنات هذيك هي جالسه مع شلتها
وتأشر لهم
نور: يلا هنو روحي ناديها وعطيها الهديه
هند: والله صعبه نونو اخاف
نور: ميب صعبه ولا شي ولا كيفك بتشوفين اكثر من كذا
هند: والله احراج
ريم : هند والله بكرا تندمين وتقولين ياليتني وقفتها عند حدها والله البنات اللي من هالنوعيه ماينعطون وجه
نور تدفها بخفيف : يلا روحي بسرعه
راحت هند ووقفت بعيد عن طاولة منيره وشلتها ونادت: منيييره
التفتت منيره وهي مبتسمه : هلا والله
جواهر: من هذي
منيره تقوم : موب شغلك
راحت لها : هلا والله قلبي فتحتي الهديه ولا باقي
هند صوتها يرجف وايديها بارده وترجف: ايه يسلمو منيره بس
منيره : بس ايش
هند سحبت ايد منيره وحطت الهديه فيها : اسفه مااقدر اقبلها
منيره باستغراب : ليش هنو
هند: اسفه منيره حنا مابينا شي عشان تهديني
منيره انقهرت وحرارتها ارتفعت 180 درجه : بس انا احبك
هند وكأن احد ضربها كف : وشو
منيره : احبك
هند: بس حنا بنات
منيره : واذا بنات وش يعني مانحب
هند: لا نحب بس موب ذي الطريقه
منيره : شلون اجل
هند: ماادري شلون وعطتها ظهرها ومشت
منيره سحبت هند من ايدها ولفتها عليها : صدقيني بتندمين
هند فكت نفسها بسرعه وراحت للبنات وهي بقمه الرعب من اللي صار وصلت للبنات
نور: هااا وش قالت لك
هند : تقول ايش ترى بتندمين
مها: على وش تندمين
هند: ماادري عنها
تهاني: ماتخافين تسويلك شي؟
ريم: وش بتسويلها يعني هند ماهي بالكليه دايم ومااظن لكي علاقه فيها برى الكليه صح هنوده
هند: اقول اعلى مابخيلها تركبه خليها تولي ماناقص الا هذي بعد
نور: ههههههههههههههههههههههههههههههههههههههههههههههههه ههههههههههههه
طالعتها هند بأستغراب : وش اللي يضحك الحين انت
نور: ههههه بس اتخيل اشكالكم لو انكم تحبون بعض
هند: والله لو خلصو رجال الدنيا ماحبيتها بلا قرف
منيره رجعت للطاوله معصبه وجلست : قسم بالله لأجيبها
عايشه : وش السالفه
منيره : هندوه ردت الهديه اللي جبتها لي ,, وتقلدها بصوت مايع ( اسفه )
عايشه : قلت لك منوره البنت ماهي راعيه هالحركات
جواهر: هيي انت وهي وش السالفه
لفت عليها منيره بسرعه وبعصبيه : موب شغلك فهمتي
وقالت بينها وبين نفسها : ماعاش من يرد منيره وانت ياهند جبتيها على راسك
.......................................

انتهت الدوامات والكل رج بيته طبعا هند مو متعوده على نظام القومه بدري عشان كذا رجعت الببيت ونامت على طول ,,,, ونور بعد رجعت ونامت ,,, اما لوجين هي الوحيده اللي ماقدرت تنام من القلق وليد بيكمل اسبوع ماتصل عليها ولا يرد على اتصالاتها بعد مارجعت من المدرسه وبدلت ملابسها انسدحت على السرير تبي تشوف طريقه توصل فيها لوليد او لربعه لكنها محتاره انطق باب الغرفه
لوجين : منو؟
هدى تفتح الباب وتلقاه مقفل بالمفتاح : انا افتحي
قامت لوجين وفتحت الباب : هلا ماما
هدى : انت وش سالفتك


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -