رواية قتلهن الطيش وأحياهن الحب -9
هند : ايه كلمتني وقلت قبل أي شي اطلع حرتي اخ يالنذله تسوين كذا من ورانا جزاء لك زردع لأمثالك ماني مصلحته لك ودوري عاد ويلا تبين شي تراك غلطانه هذا موب جوال نور عطتني اياه
لوجين : بسم الله انت من وين طلعتي وبعدين اصبري اكلتيني
هند: يه احسن
لوجين : والله خلاص اسفه اخر مره اسوي شي من وراكم توبه توبه توبه
هند : توبه مين والناس نايمين يلا تبين شي
لوجين بتوسل: هنوووده عمى ليش كذا تكلميني
هند: يلا معليش يااخت لوجين مقدر اتأخر معك على الخط فيه موضوع مهم بيني وبين نونو حبيبتي
لوجين بصوت عالي شوي وعصبي: هنوووده
هند: نعم ماسمعت وش قلتي من انت عشان تدلعيني تمونين والله
لوجين : ايه اكيد امون اذا مامنت عليكم على منو اجل
هند : ايه هذا زمان اول والاول تحول
نور تأشر لهند انها خلاص زودتها
لوجين : بليز هند خلاص قلنا اسفين
هند : اعطيني مهله افكر فيها
لوجين : ياااربي
هند : قولي اسفه ياعمتي هند والله ماتتكرر
وهنا نور انفجرت من الضحك
لوجين : وش فيها اللي جنبك تضحك تتشمتون فيني ها
هند : مالك شغل باللي جنبي بتنفذين ولا شلون
لوجين : خلاص اسفه ياهند والله ماتتكرر
هند : لا لا وش شايفتني قدك انا قولي عمتي هند
لوجين : خلاص اسفه ياعمتي هند ماتتكرر
هند : ايه كذا ناس ماتجي الا بالعين الحمرا بس ها اسمعي قسم بالله يلولو لو تنعاد بنعطيك دليت من قروبنا المتواضع
لوجين : لا خلاص ماتعاد وبعدين تعالي هنا وينكم انتو؟
هند : احسن يالولو انقهر واحتري نونو رح تجلس عندي خمس ايام يعني اسبوع يعني خمسه بعين العدو والعواذل والمقهورين
لوجين : خير خير ليش ان شاءالله حولتوا البيت فندق
هند : لعيون نونو كل شي يصير
لوجين : لا عاد وينكم
هند : اهلها سافروا وبتجلس عندنا والله ياحنا بنستانس وناس بيموتون قهر عندهم مدرسه ياحرام
لوجين : والله لأجيكم اليوم خميس ترا
هند : ادري اسمعي تعالي وجيبي الجوال
لوجين : افا عليك الجوال بيسبقني
هند تضحك : اوكي تعالي بدري
قفلت هند الجوال وناظر في نور والله قهرتها بس يلا عشان ماتنعاد هالحركه
نور: انا بطول هنا انا وعفشي بالصاله
هند ضحكت : يلا طلعنا
مضت ساعه وبعدها جات لوجين وجلسوا البنات سوالف وضحك دخلت عليهم سعاد : السلام عليكم
البنات : وعليكم السلام
سعاد : انا صايمه وبروح افطر في الحرم تجون معي
لوجين : بس متى نرجع
سعاد بعد العشا
هند : ايه ايه اوكي نبي نروح ,,, هند طالعت في نور: وش فيك ساكته
نور: لا ولا شي
هند: ماتبين تروحين
نور: لا بالعكس احب الحرم
راحت سعاد من عندهم تتجهز والبنات بعد قاموا يتوضون ويتجهزون للحرم وقبل اذان المغرب بنص ساعه تحركوا من عند البيت وصلو الحرم وصلوا تحيه المسجد وضلوا اللين اذن المغرب وصلوا وجلسوا يسولوفون اما سعاد جلست تسولف مع الحرمه اللي بجنبها
هند : لوجين
لوجين : نعم
هند: جوالك الخربان معك
لوجين : ايه
هند طيب يلا قوموا خلنا نطلع من الحرم اللين يأذن العشا ونرجع
نور: وش تقولين لأمك
هند الحين تشوفين
هند تدق امها : ماما ماما
سعاد : نعم
هند : نبي نروح الحمام انا والبنات نجدد وضوئنا
سعاد : ايه بس انتبهوا لا تضيعوا فتحوا عيونكم زين من وين دخلتوا ومن وين طلعتوا
هند : اوكي... يلا بنات وقاموا طلعوا من الحرم
نور: على وين العزم
هندة : قريب بندخل مجمع طيبه نتمشى
لوجين : يلعن ابو الافكار
هند: يالخبله قوليلي شكرا بنشوف محل يصلح الجوال ونمره بعد الصلاه ناخذه
لوجين : يابعد عمري والله
نور: بس مستحيل يصلحه بهالسرعه
هند : نجرب منها نتمشى ومنها نسأل اثنين في واحد
دخلوا البنات المجمع واول محل دخلوه محل جوالات
البنات: السلام عليكم
شاب سعودي واقف والظاهر ان المحل له : وعليكم السلام ورحمه الله
هند: حنا معنا جوال وانكبت عليه مويه وصاحبه الجوال شبكته بالشاحن على بالها بينشف
الولد ضحك من قلب وانتبه لنفسه : وينه
طلعت لوجين الجوال : هذا هو
فتحه الولد وطلع البطاريه وشاف شكلها وابتسم من غباء الحركه اللي صارت
هند : كم ياخذ وقت عشان يتصلح
الولد: يبيله وقت لأنه لازم ينرسل للشركه بس مدري معكم الضمان
لوجين : لا موب معي الحين
الولد : اوكي تبينا نصلحه بياخذ كم يوم عندنا وياليت تجيبين الضمان
لوجين : لا لا خلاص شكرا
هند دقتها : ليش
لوجين : ماسمعتي وش قال
نور كانت تتفرج على الجوالات الجديده وردت لهم
نور: ها وش صار
لوجين بطلت نشوف محل ثاني ولازم الضمان
نور: قلتلكم من اول يلا خلونا نطلع من هالمحل نتمشى قبل العشا
طلعوا البنات ومن محل لمحل واستهبال وغير الشباب اللي يغازل وهم نازلين من الدرج الكهربائي
الا هذا عبدالرحمن طالع وكان مواعد اخوياه فوق
نور: شهقت هذا عبدالرحمن ياويلي
هند: وينه
نور: هذا هو وخري خليني اوقف وراكي لا ينتبه لي
عبدالرحمن ركب وحس بالاصوات والتفت وش هالازعاج اللي على الدرج ويوم ناظر ويشوف بنات شال عيونه عنهم وفي اقل من ثانيه رجع راسه بحركه سريعه بيتأكد من هالبنات الا هذي نور ولوجين وهند
وش راح يصير مع عبدالرحمن والبنات ؟
وكيف بيتصرف مع نور؟
انتــــــــــــــــــــــهى الجزء الرابــــــــــــــع...
الجزء الخامس...
مدخل/
الحياه مفاجئات ..
فهل جميعها تسعدنا ؟!
بالطبع لاااا..
........
ناظر عبدالرحمن في نور وصديقاتها وهو في قمه غضبه وصار ينزل بسرعه بعكس حركه الدرج الكهربائي اما نور وهند ولوجين نزلوا وكملوا طريقهم على انهم ماشافوه لكن الربكه واضحه عليهم لحقهم عبدالرحمن وسحب نور من ايدها :نووور
نور لفت وكان الخوف مسيطر عليها : عبدالرحمن
عبدالرحمن : وش تسون هنا
نور تلعثمت : ولا شي والله والله كنا
عبدالرحمن : بسرعه قدامي على البيت
نور: رخي صوتك حنا بالسوق
عبدالرحمن يدفها قدامه : امشي شغلك بالبيت الشرهه مب عليك على اللي يخليك تتطلعين
نور: لحظه طيب وش فيها الحين
عبدالرحمن : لا والله وش فيها بعد يابرد وجهك تسألين
نور : والله حنا مع خاله سعاد بالحرم بس طلعنا بعد صلاه المغرب عشان جوال لو
عبدالرحمن : خلي المبررات بعدين
عبدالرحمن ماسك ايدها وساحبها لبره المركز وهند ولوجين ماشين وراهم ويبون يتكلمون بس عصبيه عبدالرحمن مخوفتهم
لوجين : عبدالرحمن ,,, ماالتفت ولا رد
لوجين رفعت صوتها شوي: عبدالرحمن لو سمحت اسمعني شوي
عبدالرحمن ماكان مركز ولا عارف ان اللي تبي تكلمه لوجين التفتت بعصبيه : وش عندك
ناظرها وسكت وضل واقف ولازال ماسك يد نور ولوجين مقابلته وجه لوجه وهند خلفها تذكر هيئتها بالعباه وتذكر عيونها الوساع ضل لثواني معدوده يتأملها وقاطعته لوجين : لوسمحت عبدالرحمن
عبدالرحمن بصوت هادي: سمي
استغربت لوجين رده توه معصب : ترى من جد حنا بالحرم مع خاله سعاد ونزلنا عشان جوالي خربان ونبي نوديه محل جوالات يصلحونه وخاله سعاد عندها علم بهالشي ونور اصلاً ماكنت تبي تنزل عشان ماقالت لأمها بس خاله سعاد قالت روحي ولا تشيلي هم
نور وهند مستغربين من الفبركه اللي سوتها لوجين وقالت هند: صدق كلام لوجين ياعبدالرحمن ترى نور ماكانت تبي تروح معنا للمجمع بس ماما قالت لها تروح معنا واصلا حنا كنا راجعين للحرم
ناظر في نور: صدق هالكلام
نور وعيونها مدمعه : ايه
رد وناظر في لوجين : ليه وش فيه جوالك
لوجين : انكبت عليه مويه وخرب
عبدالرحمن : طيب جيبيه انا اصلحه لك بمحل واحد خويي
لوجين ارتبكت : لا لا مشكور وبعدين راعي المحل اللي رحنا له قال لازم الضمان
عبدالرحمن : ماعليك من راعي المحل انت جيبيه ومالك الا يرجعلك مصلح
لوجين : مشكور عبدالرحمن ماابي اكلف عليك خلاص بعطيه فهد يصلحه
عبدالررحمن : انت وش خسرانه الحين
لوجين انحرجت وش تقوله : معليش مشكور وماتقصر بعطيه فهد
عبدالرحمن : اوكي على راحتك ,,, خلا يد نور وقالهم يرجعون الحرم واذا دخلوا داخل يعطونه خبر
رجعوا البنات للحرم وهم ماشيين نور قالت : الله يلعنك يالولو ويلعن جوالك
هند: هههههههههههههههههههههههههههههههههههههههههههه اما انت دايم كذا منحوسه
لوجين : المنحوس منحوس لو حط فوق راسه فانوس
,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
ثالث يوم من وجود نور في بيت هند كانت الساعه 5 العصر وكانوا بالغرفه رن جوال هند وكان جنب نور وهند واقفه بزاويه الغرفه تبدل ملابسها ناظرت نور وقالت : رقم غريب
هند : كم نهايته
نور: 337
هند ضحكت : هذا الغبي عبدالكريم ردي ردي عليه
نور: الوو
حسن : الووووووووو مرحبا كيفك وش اخبارك وحشتيني وين الغيبه حسبتك متي لا عاد تغيبين عني كل هالوقت يالخبله
نورتضحك : اسفه ماكان قصدي
حسن : وينك امس مااتصلتي ولا رديتي على اتصالي
نور: امس اممممم نمت بدري وقمت على على الجوال وهو يدق ويوم شفت رقمك ضغطت صامت
هند تناظر نور وتضحك
حسن : تقولينها بوجهي ياقليله الادب
نور: عادي الصراحه راحه ,, على فكره انت من وين
حسن : قلت لك مسرع نسيتي
نور عضت على شفايفها : نسيت
حسن : من جده
نور : اها حياالله اهل جده اهل الرخا والشده
حسن : عشاوا عاشوا شاعره
جات هند وسحبت الجوال من نور: ياغبي
حسن : بسم الله من انت ؟
هند : انا هند وانت من اول تسولف مع صديقتي صدق انك ماتميز سحبت فيك زين
حسن : شلون اميز وانا ثاني مره اكلمك واصلا اصواتكم قريبه من بعض
هند : اهااا المهم وش اخبارك
حسن : اخباري تمام ,, وانت
هند : ماشي الحال عم نحمد الله
حسن : الاخت سعوديه
هند : لا سودانيه ههههههههههههههههههههههه
حسن : آي يازول لاكن انا دحين لازم اقفل الجوال
هند ونور يضحكون على الهبال اللي يسمعوه
حسن بصوت عالي : بنت
هند سكتت : نعم
حسن : بلا مصخره انت وياها
هند تكتم الضحكه : طيب يلا الحين تبي شي
حسن : ليش بتقفلين ؟!
هند : ايه
حسن : ليش؟
تسحب نور الجوال من هند : ياخي امها تبيها يلا يلا مع السلامه جت
وتقفل بوجهه ويضحكوا
نور: خبل شكله
هند : بالحيل خفيف دم
دق الجوال مره ثانيه ردت نور وبصوت خافت : اششش امي عندي
حسن بنفس الصوت : طيب كيف تكلميني وامك عندك
نور : تحت البطانيه
حسن : طيب وش تبي امك
نور: تبيني اساعدها بالمطبخ
حسن : وين صديقتك
نور هنا ضحكت بصوت عالي واخذت هند الجوال: الوو
حسن : لا اله الا الله وبعدين معاكي انت وهيا انت أي فيهم
هند : هند وهل يخفى القمر
حسن : بس بس ارحميني ياقمر
هند تضحك : كيفك لا تصدق
حسن : اقول هنوده
هند : نعم
حسن : اوصفيلي شكلك
هند : اممممم طيب تخيل معاي اوكي
حسن اوكي
هند: طولي 100 سم , ووزني 150 كيلو , وبشرتي اسود غامق , وعيوني بيضا بيضا بيضا بالحيل واسناني بيضا بعد وشعري كدش واذا جت تناديني امي تناديني سوسو سوسو وطقلي اصبعها
حسن يضحك : حشا قطوه موب انسان
نور ميته ضك على الوصف اللي وصفته هند لنفسها
حسن : اجل اوصفي صديقتك انت بصراحه تخوفي انا ابي انام بالليل ماابي كوابيس
هند : يوووه اخس والعن خليك على قردك لايجيك اللي اقرد منه
حسن : ياربي وش هالمصيبه اللي انا فيها
هند : تحمل عاد ,,, اقول حسن يلا انا ابي اقفل الحين
حسن : اوكي باي
هند : باي
قفلت منه واتصلت على لوجين تبيها تجي معهم عشان الجلسه اذا نقصتها وحده فيهم ماتنفع
,,,,,,,,,,,,,,,,,,,,,,,,,,,,,,,,,,,,,,
من جهه ثانيه الشباب في الاستراحه
عبدالرحمن : اقول فواز
فواز هلا
عبدالرحمن : وش الجوالات الجديده اللي عندك بالمحل
فواز : والله فيه كم واحد جديد انت وش تبي
عبدالرحمن : والله مدري بس فيه جوال انكبت عليه مويه مدري يتصلح ولا لأ
فواز : ايه يتصلح عادي
عبدالرحمن : قلي وش اخر اصدارات نوكيا
فواز: نوكيا امممم فيه ان 95 وان 76 وفي بهد أي 65
وليد : ليه ناوي تجدد
عبدالرحمن : لا والله يمكن اخذه هديه
وليد : اما هديه لمنو
عبدالرحمن : وش دخلك انت اسمع فواز منا الين باكر ان شاءالله واقولك وش ابي
فواز: حاضرين لطيبين
,,,,,,,,,,,,,,,,,,,,,,,,,,,,,,,,,,,,,,,
بعد المغرب لوجين جات وجلسوا بالملحق اللي برا وكانوا مولعين المعسل ويعسلون والتلفزيون والعصير ومره يسولفون ومره يرقصون
نور: وش صار على جوالك
لوجين : ماصار شي عطيته فهد وقلتله يصلحه
نور : طيب لو اتصلح تروح الاشياء اللي داخله ولا تبقى
لوجين والله مدري بس ان شاءالله تروح
نور: خلاص طيب فكي نفسك وجيبي غيره
لوجين : بس هذا بعد جديد ماله مدى معي لو اغيره ماما بتحقق معاي ليش وعشان ايش
هند : ياشيخه امك كلمتين تراضيها ,, بس مااظن تبقى الاشياءاللي داخله لأنه اكيد بيتفرمت
لوجين : والله مدري بس انا امنت فهد لو اتصلح لايدخل على الاستديوا ولا الرسايل وقلتله في صور لصديقاتي واصلا انا حاطه رمز قفل للجهاز
نور : طيب شرايك اتصل على عبدالرحمن اخليه يسأل صديقه
لوجين : ايه اسأليه
نور : طيب هاتي جوالك جوالي بالغرفه فوق
تعطيها لوجين الجوال وتتصل على عبدالرحمن وعبدالرحمن مازال مع ربعه بالاستراحه رن جواله ورفعه رقم غريب : الوو
نور: هلا دحمي انا نور اسمع ابي اسألك
عبدالرحمن : وش اسألي
نور: الحين الجوال اذا تصلح تروح الاشياءاللي داخله
عبدالرحمن : مدري
نور: طيب اسأل خويك اللي عندهم محل
عبدالرحمن : طيب دقيقه
ونادى على فواز
فواز : هلا
عبدالرحمن :/ الجوال اذا خرب واتصلح تروح الاشياءاللي داخله
فواز : اذا حصلت له فرمته تروح واذا لا تبقى
عبدالرحمن : يقول اذا تفرمت تروح واذا لا تبقى
نور: اها طيب شكرا يلا باي
عبدالرحمن : لحظه من جواله هذا ؟
نور: جوال لوجين
عبدالرحمن ابسط : وانت تسألين عشان جوالها
نور: ايه
عبدالرحمن : اها طيب يلا سلام
نور: سلام وتقفل وتقولههم اللي قاله عبدالرحمن
لوجين : يعني انا مارح يتفرمت لأن البطاريه اللي خربت
هند : يمكن
لوجين : الله يستر بس
نور سحبت نفس طويل من المعسل ونفخت واطلقت تنهيته قويه
هند : وش فيك سلامتك من الآه
نور: مدري بسم الله حسيت بضيقه
لوجين : من وش الضيقه
نور : مدري مدري فجئه اعوذ بالله
,,,,,,,,,,,,,,,,,,,,,,,,,,,,,,,,,,,,,
عبدالرحمن بعد ماقفل من تور ضل ماسك جواله ويطالع بالرقم ويقول بداخله اكلمها ولا لأ
طيب حتى وان كلمتها وش اقولها ,, بس اذا سويت هالشي يعتبر عيب بحقي انا جارهم من زمان ومثل اخوها ,, اقول روح بلا جارهم بلا خرابيط
ينببه من تفكيره خالد وهو يدق كتفه : بأي دور وصلت
عبدالرحمن : والله توني بادي مابعد
خالد : يعني المشروع جديد
عبدالرحمن : يعني تقدر تقول
خالد : وش ناوي عليه
عبدالرحمن : عيب اللقافه ياخي
خالد : افا لقافه وانت خويي اجل الغريب وش يسميها
عبدالرحمن : السموحه ماقصدي
خالد : اجل منهي اللي تفكر فيها
عبدالرحمن ناظره باستغراب: وش اللي منهي
خالد يغمز له : علينا يالدحمي
عبدالرحمن يضحك : لا والله جد وحده بس هذي مابفكر اللعب معها
خالد : شلون يعني بتسويلي قيها حب وغراميات
عبدالرحمن : لاموب قصه حب بس اذا ماكانت بالحلال مااقدر اوصلها
خالد : اوف اوف كلام كبير هذا يعني زواج وحركات
وليد شده الكلام : من اللي بيتزوج
عبدالرحمن عطى خالد ضربه قفا : بتفضحنا انت وتطلع اشاعات
خالد يضحك : ابشرك وليدو دحوم صار رجال ويبي يتزوج ويبطل لعب
عبدالرحمن : رجال من قبل اشوفك
وليد : الله الله الله وش هالكلام اللي يشرح الخاطر
عبدالرحمن : وانت بعد يالمخفه لا تصدق
,,,,,,,,,,,,,,,,,,,,,,,,,,,,,,
الساعه وحده ونص لوجين بغرفتها منسدحه على السرير وتستعد للنوم لأن عندها مدرسه بكره بس قبل تنام لازم تتصل على وليد وتقوله تصبح على خير بس هالمره فكرت انها ترسله رساله كتبت فيها <( تصبح على خير ياللي تسكن بقلبي .. عساك تهني بنومك وتهني في حبي .. مقدر اقول غير ياعسى ربي ... يجمع دروبك يالغالي بدربي) محبتك : لولو
ارسلتها وحطت الجوال سايلنت ونامت ..
,,,,,,,,,,,,,,,,,,,,,,,,,,,,,,,
هند ونور لازالوا صاحيين لكنهم بالغرفه على نور الابجوره رن جوال هند وكان حسن المتصل
هند : هلا والله
حسن : اهلين شخبارك
هند : تمام الحمدلله انت اخبارك
حسن : ماشي الحال مابعد نمتي
هند : لا والله نونو عندي والسهره مطوله
حسن : بتنام عندك اليوم
هند : ايه
حسن : غريبه كيف تنام عندك هي صديقتك ولا قريبتك
هند : لا صديقتي بس حنا عادي ننام عند بعض لأننا معرفة من زمان
حسن : اها ماشاءالله الله يخليكم لبعض
هند : امين
حسن : ووينها الثالثه اللي معكم اللي للحين ماسمعت صوتها
هند : لا ذيك عندها دوام ومانامت عندي
نور كانت نص سدحه على السرير وهند كانت تدور بالغرفه قربت هند ونقزت على السرير وفتحت سبكر
حسن : اقول هنوده
هند : هممم
حسن : وش هممم اكلم بقره انا
هند ضحكت : طيب نعم
حسن : ماعندك نكته والله تراي طفشان على الاخر ونوم مافيني
هند : نكته والله ماعندي نور عندك نكته
نور هزت راسها بمعنى لا
حسن : يالله نكته نكته موب اختراع
هند : طيب انت قولنا نكته
حسن : ماعندي
هند تضحك : حتى حنا ماعندنا
حسن : لحظه لحظه تذكرت وحده يقولك محشش وخويه قال الاول ياخي انا بردان من المكيف قال المحشش الثاني انا محمد من الدمام
هند : هههههههههههههههههههههههههههههههههههههههههههه
اما نور ابتسمت وقامت من السرير
هند نزلت الجوال من اذنها : وين رايحها
نور: بروح اتوضا واصلي ركعتين احس صدري ضايق
هند : من وش
نور : ماادري والله ,,, وراحت الحمام
هند : طيب حسونه لازم اقفل الحين
حسن : لا ليش والله اني متملل لحالي
هند : معليش بشوف نونو وش فيها
حسن : ليه وش فيها تعبانه ؟
هند : لا متضايقه
حسن : طيب وسعيها ههههههههههه
هند ابتسمت : اقول يلا باي
حسن : باي
وقفلت وانتظرت نور اللين ماطلعت واخذت الشرشف والسجاده وكبرت وصلت
هند كانت تتابع نور وهي تصلي وتلاحظ انها تطول بسجود خلصت نور وسلمت وضلت جالسه على السجاده
هند : نونو حبيبتي وش فيكي؟
نوردمعت عيونها: مدري احس اني مكتومه بالحيل
هند راحت لها وجلست جنبها : من وش طيب
نور: ماادري احس في شي طابق على صدري وموب قادره اخذ نفسي
هند ضمتها لصدرها : طيب قولي الدعاء حق الحزن والهم حافظته ولا اجيب لك ورقه الاذكار
نور: قلته خلاص
هند : طيب قومي ياقلبي فصخي الشرشف وخلينا ننسدح على السرير يمكن تنامين
نور قامت وسوت اللي قالته هند لكن هند بمجرد انها انسدحت نامت ونور ضلت لين الفجر صلت الفجر وقرأت قرآن ونامت
,,,,,,,,,,,,,,,,,,,,,,,,,,,,,,,,,,,
قام عبدالرحمن على رنات جواله الاخيره وهو موب قادر يفتح عيونه بعد السهر اللي امس وشاف المتصل لقى رقم اخوه عبدالعزيز 8 مرات باوقات متقاربه وقلم جلس وقال خير وش عنده عزيز متصل من الصبح وجى يدق الا يدق مره ثانيه رد عبدالرحمن: هلا عزيز خير وش فيك متصل
عبدالعزيز : قم بسرعه لي ساعه ادق عليك
عبدالرحمن : خير وش فيه
عبدالعزيز:ابوي وامي صار لهم حادث بالرياض
عبدالرحمن بصدمه: وش تقول انت متى وكيف ووينهم الليحن
عبدالعزيز: اتصل علي ابو بندر خوي ابوي وخبرني وهم بالمستشفى اللحين وحالتهم خطيره
عبدالرحمن : وش ناوي عليه الحين
عبدالعزيز : بنسافر لهم
عبدالرحمن : احجزلي معك
عبدالعزيز: طيب ولا تجيب طاري لخواتك ويخافون خلنا اللين نروح لمهم بالرياض ونشوف وش فيهم عساهم بخير بس
عبدالرحمن : ان شالله بس وش بنقول للبنات وين مسافرين وليش
عبدالعزيز: انا بسافر للشغل وانت قول أي شي دبر نفسك
عبدالرحمن : اوكي عطني خبر عن موعد الرحله
عبدالعزيز: خير ان شالله يلا سلام عليك
عبدالرحمن : مع السلامه
قام عبالرحمن من فراشه وهو قلقان وجهز شنطه على السريع واتصل على نور
نور ردت من اول رنه : ايوا
عبدالرحمن : نور
نور: هلا نعم .. في شي صاير شي
عبدالرحمن : لا مو صاير شي اسمعي انا بسافر مع اخوياي لجده وبكره راجع
نور: ليه وش عند
عبدالرحمن : بنتمشى شوي
نور: قلت لبابا وماما
عبدالرحمن : ايه ,,
نور: بتسافر بالسياره
عبدالرحمن : ايه
نور: طيب لا تسرعون بالطريق وانتبه لنفسك تكفى يادحوم
عبدالرحمن : ان شالله يلا سلام انا بمرك شوي اعطيك اغراض
نور طيب
بعد ساعه تقريبا اتصل عبدالعزيز على عبدالرحمن وقاله الرحله بعد الظهر مثل الرحله الللي سافروا بها ابوهم وامهم .. بعدها اتصل عبدالرحمن على نور وقالها اتجهزي بمرك
نزلت نور للصاله تنتظر اتصال اخوها وهي جالسه وجنبها شيله عشان ابو هند لو طلع ولا شي يكون معها احتياطها ,, قالت بنفسها الله يستر من هالضيقه يارب يروح دحيم ويرجع بالسلامه الا هذا الجوال يدق رنهويفصل فهمت انه عبدالرحمن وصل لعند الباب اخذت شيلتها معها وطلعت فتحت الباب وشافت لون وجه اخوها متغير وملامحه ماريحتها : هلا دحوم
عبدالرحمن : هلا شخبارك
نور: طيبه ,, شفيه شكلك كذا انت سهران من امس
عبدالرحمن حس بغصه : وش فيني مافيني شي وقبل شوي قمت من النوم .. طلع يده من جيبه : خلي هالفلوس معاكي اللين ارجع
نور: طيب
عبدالرحمن : يلا مع السلامه ,,وهو رايح
نور: دحوم انتبهو للطريق ولا تسرعون
عبدالرحمن : قلنا لك طيب ان شالله وش فيكي انت تقول بزر قدامك
نور دمعت عيونها: والله اني متضايقه من امس ,, خلاص موب لازم تسافر
عبدالرحمن يداري ملامح وجهه المتغيره : تعوذي من ابليس وانا اذا وصلت بطمنك
نور: اوكي مع السلامه ,, ودخلت
عبدالرحمن يحس الدنيا ضايقه فيه وحس باحساس نور اللي ماتدري وش منه ضايق صدرها ,, وتعمد مايقلها تروح بيت عبدالعزيز لأنها لو عرفت انه بعد مسافر بتشك بالوضع ..
,,,,,,,,,,,,,,,,,,,,,,,,,,,,,,,,,,,,,,,,,,,,,,
نور وهي داخله للصاله ماشيه بهدووء وقفت بالمدخل محتاره تروح تنام ولا تجلس تناظر التلفزيون ولا تصحي هند ولا تفطر ميب عارفه وش تسوي .. نزلت الغطا من راسها على اكتافها وقررت تصحي هند وهي طالعه الدرج بسرعه صدمت بشخص قدامها رفعت راسها ناظرت بربكه الا هذا ماجد قدامها عينها بعيونه .. ماجد مو مستوعب اللي صاير نور عندهم ومن الصبح خير وش عندها .. نور حاولت تمر يمين ماجد بس صقعت فيه مره ثانيه حاولت يساره بعد صقعت فيه من السرعه موب عارفين
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك