رواية قتلهن الطيش وأحياهن الحب -8
حنان سكتت شوي وقالت : شرايك تمددها كم يوم واروح معك
سعود: وين تروحين يابنت الحلال
حنان : مايخالف تغير جو لي ولك خلص شغلك بكره والكم يوم الثانيه نتمشى فيهم شوي
سعود: والعيال من بيجلس معهم بالبيت
حنان: ماعليهم خوف البنات ومعهم عبدالرحمن وعبدالعزيز بالبلد
سعود: يسير خير خليني اتصل على الخطوط
اتصل وحجز له ولحنان ,,, وحنان كلمت واعتذرت على العزيمه وسعود بعد اعتذر للرجال
......................
ضي : نور خلينا نركب لعبه الفناجيل
نور : لا لا نبي الشوايه
ضي: لا والله اخاف اركبها
لوجين : عادي لا تخافي اركبي بالنص بيني وبين نور
ضي: لا بركب الفناجيل وانتو اركبوا هذي
نور: خلاص يلا روحي اركبيها ولا خلصت اللعبه تعالي هنا انتظرينا اوكي
ضي : اوكي
ضي راحت ونور ولوجين ينتظروا اللعبه توقف عشان يركبوا ولما ركبوا وقبل تبدى اللعبه قالت لوجين : اتصلي على هنوده خلينا نقهرها شوي
نور: يوووه جوالي بعيد بجيبي انت اتصلي
لوجين : انا جوالي بالبيت ماجبته
نور: ليش نسيتيه يعني
لوجين : لا والله انا مخليته
نور تطالع باستغراب: غريبه
لوجين : ليش غريبه عادي برتاح منه اليوم ماابي احد يزعجني
نور: منو بيزعجك يعني
لوجين : أي احد
نور: اهاااا ,, طيب لولو ممكن سؤال
لوجين : اكيد ممكن اسألي
نور: شخبار وعد صديقتك
لوجين : أي وعد
نور: هذيك الجديده
لوجين بلعت ريقها: ايه ايه بخير الحمدلله
نور: ووليد وش اخباره
دارت لها لوجين بسرعه : مين وليد؟
نور تغمز لها : مين وليد انت ادرى مين وليد
لوجين : اقول بلا استهبال
نور : مااستهبل اعترفي احسن
لوجين : اعترف بوش
بدت اللعبه تشتغل وقالت نور: خلي اللعبه تخلص ونتفاهم لا نزلنا ياحلوه
......................................
وليد بالاستراحه مع الشباب طلع جواله واتصل على لوجين بس محد رد عليه وارسل لها رساله
(تذكرتك ولا ادري ليه لامني ذكرتك ابتسم واشتاق واحن لشوفتك واوله على صادق سواليفك ترى والله لك وحشه مثل مالك غلا فيني مثل ماتكتب الذكرى من الذكرى عناويني)
..........................
لازال الرقم الغريب يدق على هند وردت بعصييه : وبعدين يعني
....: طيب ليه معصبه
هند: موب شغلك وش تبي
.......: ابي اتعرف ممكن
هند : هههه يامصخك لا مو ممكن وتقفل الجوال بوجهه
بعد عشر اتصالات ردت : خير
.... : الخير بوجهك يابعدي والله والله شوفي ترى انا ماعندي سوالف حب وخرابيط يعني بس نسولف ونضحك وش قلتي
هند: لا نضحك ولا نبكي ولا عاد تتصل لو سمحت
.....: لا والله بتصل
هند: لا ياشيخ تمون وانا ماادري
....: من اليووم لا زم تدري انا اكثر واحد يمون عليك
هند: الاخ واثق بالحيل
....: ههههههههههههه عادي الثقه بالنفس حلوه
هند: احلف
.....: والله
هند: طيب اذلف وقفلت
بعد ربع ساعه رجع اتصل هند: نعم
....: الله ينعم عليك قولي امين
هند: امين وغيرو
.....: امانه الله يخليك خليني اسولف معك وربي طفشان قسم بالله لحالي جالس من يوم رجعت من الدوام الظهر وشوفي الحين الساعه كم قريبه لـ 12 وانا لحالي تقولي جني
هند: اتصل على وحده ثانيه تتسلى معها
....: لا والله ماابي اتصل وفيها تتطلع بنت وفيها لا انا ماصدقت انك رديتي علي
هند: لا ياشيخ
.....: يعني اهون عليك اتعب مره ثانيه اللين اللقى احد يعطيني وجه
هند: والله لا انت اخوي ولا ابوي عشان ماتهون علي
....: ياخي قلنا الله يخليك ماابي اترجاك
هند:ياخي انت ماعندك كرامه
......: افا عليك شلون ماعندي كرامه بس لاكان لك حاجه عند الكلب قله ياسيدي
هند: كلب بعينك ياحقير
....: ههههههههههههههه والله امزح انا اسف وبعدين هذا مثل وانا احب اقول امثال وحكم
هند باستهزاء: ماشاءالله عليك مبين عليك
.....: الله يسلمك من ذوقك بس ماتعرفنا على الاسم
هند طخ قفلت بوجهه وقفلت الجوال ,,,,
لوجين وضي ونور جالسين على الطاوله وعبدالرحمن وفهد ماكانوا موجودين على طاولتهم
نور: ضيو قومي حبيبتي اطلبيلنا شي نتعشى
ضي: وش تبون طيب
لوجين : انا أي شي وسحبت الشنطه تبي تتطلع فلوس
نور: لا لا تطلعي على حسابي
لوجين : لا على حسابي انا
ضي: النص بالنص
نور: اوكي
ضي جابت لهم المنيو وطلبوا اللي يبون وراحت ضي تنتظر الطلبات وبقي لوجين ونور لحالهم
نور: ايه لولو قوليلي كم لك تكلمين وليد
لوجين : من اللي قايلك وصدقتي
نور: اول شي قوليلي من متى وبعدين بقولك
لوجين سكتت ودارت عيونها
نور: لولو قولي اصلا انال حاسه من زمان
لوجين : من ايام ابو طربوش بس كيف عرفتي
نور: خالد قالي
لوجين : ليش انت تكلمين خالد
نور: كنت متوقعه هالسؤال منك لا طبعا مااكلمه بس قالي بالمسن لولو ممكن سؤال
لوجين : ايه
نور: ليش تخبين علينا مو احنا من زمان متفقين على الصراحه
لوجين : صدقيني كنت بقولكم قريب بس ماني عارفه شلون
نور: حنا أي خطوه سواء غلط او صح نخطيها مع بعض بس انت كذا بتخلينا نغير القاعده
لوجين : الموضوع ماصار له شهر ترى يعني توني
نور: حتى لو كان له يوم واحد دامنا متفقين على شي نمشي عليه
لوجين : اوكي وحكتها على كل شي من طقطق لسلام عليكم
اتصل عبدالرحمن على نور: هلا دحوم
عبدالرحمن : وينكم
نور: على الطاوله
عبدالرحمن : يلا تراني تعبان ابي اروح انام
نور:اوكي تونا طالبين العشا بس نخلص ونمشي انت وينك
عبدالرحمن : الحين جاي انا وفهد
نور: اوكي وقفلت
تعشوا البنات وهم طالعين سوا قال فهد وقفي يالوجين هنا اقرب السياره
لوجين : اوكي
ووقفوا كلهم الا فهد راح وعبدالرحمن على نار وده يكلم لوجين كلمه وحده بس موب عارف كيف ولوجين تسولف مع نور انتبهت لوجين لرباط الجزمه منفك ودنقت تربطها وهي قايمه طاحت الشيله وانتبه عبدالرحمن لها طالع فيها من وقت طيحه الشيله اللين رفعت راسها وعدلتها وهي مرتبكه وشال عيونه وهومو متخيل انه شاف وجهها وصل فهد وركبت لوجين وراحو ووراهم عبدالرحمن وخواته
,,,,,,,,,,,,,,,,,,,,,,,,
فهد ولوجين وصلوا البيت وطلعوا وكل واحد متجه لغرفته طلع عبدالله من الغرفه : جيتوا
فهد : ايه تونا واصلين
عبدالله : تأخرتوا الله يهديكم انا كنت طالع اشوف جيتو ولا لا
فهد: قابلنا عبدالرحمن سعود وخواته وجلسوا البنات مع بعضهم وانا عبدالرحمن جلسنا وتعشينا
عبدالله : اهم شي استانستوا
فهد ولوجين : الحمدلله
دخلت لوجين الغرفه وفصخت عباتها وناظرت في الكومدينا تذكرت الجوال بس قالت مابشوفه اللحين وسحبت بجامتها من الدولاب ودخلت تاخذ لها شور
,,,,,,,,,,,,,,,,,,,,
عبدالرحمن وخواته دخلوا البيت وحنان كانت بالصاله وسعود توه قايم بيطلع ينام : السلام عليكم
حنان وسعود: وعليكم السلام
عبدالرحمن راح لأبوه على طول وسلم على راسه شلونك يبه
سعود: بخير الحمدلله
عبدالرحمن : الحمدلله
سعود: اسمع انا وامك بكره مسافرين لم الرياض ماابيك تاخذ البيت فندق
نور: ليش مسافرين
سعود: عندي اجتماع مهم هناك وبنمدد السفره كم يوم نغير جو انا وامك
نور: والعزيمه اللي بكره
حنان : خلاص اعتذرنا واجلناها
نور: خساااره
سعود : لا تتاخر عن خواتك سامع
عبدالرحمن : ان شاءالله
ضي: كم بتجلسون هناك
سعود وهو طالع : اربع ايام ان شاءالله
طلع سعود ووراه عياله كل واحد لغرفته...
,,,,,,,,,,,,,,,,,,,,,,,,,,,,,,,,,,
وليد وهو طالع من الاستراحه بالسياره ارسل للوجين رساله انا ابي ادخل النت بعد نص ساعه ادخلي وبفهمك كل شي اتمنى الاقيك
,,,,,,,,,,,,,,,,
هند فتحت جوالها تبي تشوف نور ومتحمسه تعرف السالفه اللي عندها جاتها موجود 30 مره من الرقم الغريب واتصلت على نور
نور ماردت لأنها كانت تستحم بس حطت الجوال رد الرقم الغريب يتصل هند استانست على هباله ردت : لا حول ولا قوه الا بالله
....: ياربي الحمدلله ليش تقفلين الجوال
هند: لأن في ناس مزعجين ومملين مثلك لازم اقفل الجوال
.....: والله انا اسف اذا ازعجتك
هند: اوكي حصل خير
.......: خير بوجهك من معاي ممكن اعرف اسمك
هند: انت منو بالاول
.........: معك الاخ الكريم عبدالكريم
هند: تستهبل انت
....: لا مااستهبل موب حلو اسمي صح انا متعقد منه كل يوم اقول لأمي الله يسامحكم على هالاسم
هند: لا عادي موب شين وبعدين خير الاسماء ماعبد وحمد
....: ياشيخه روحي الله يرفع من معنوياتك
هند تضحك: شكرا
,,,,,,,,,,,,,,,,,
طلعت لوجين من الحمام وقفت قدام التسريحه تطالع بالمرايا مشطت شعرها البوي وبعدين دخلت ايديها وسطه وحركته وصار كريزي تعطرت وراحت تشوف جوالها ولقته منور فتحته لقت 6 مكالمات ورسالتين ثلاث او اربع مكالمات من وليد واستغربت حيل وباقي المكالمات من جودي والرساليل من وليد راحت ركض شغلت اللاب توب ودخلت المسن لقت وليد اون لاين وحطت حالتها بالخارج عشان محد يزعجها
وليد: ولكموووو
لوجين : يسلمووو
وليد : كيفك ياقلبي
لوجين : الحمدلله انت كيفك
وليد : انا الحمدلله بخير
لوجين : دامك بخير وينك لك اسبوع عني
وليد : اعذريني ياقلبي والله ظروف
لوجين : ظروف وش اللي تبعدك هالمده ولا حتى رساله تقولي فيها شي
وليد انا اسف ياحبي خلاص اخر مره ومشيها عشاني
لوجين : انت تعرف اني حتى النوم ماكنت انام بسببك قلت اكيد صاير فيك شي
وليد : يابعد عمري كل هذا خوف علي
لوجين ودمعت عيونها : ايه انت مو حاس فيني لو تحبني على الاقل تتطمني
وليد : يالب قلب لولو لهالدرجه تحبيني
لوجين : يعني لو مااحبك ماكان صار كل هذا
وليد : فديتك وفديت قلبك واحلى اغنيه ارسلها لك
لوجين : وشهي
وليد الحين بتسمعيها
ارسلها اغنيه لأحمد الهرمي ميت عليه ( مشتاق له ميت عليه وينه بعد عمري ابيه )
لوجين : يسلموو على الاغنيه مررره حلوه
وليد : تستاهليناه يعني خلاص رضيتي علي
لوجين : وانا اقدر ازعل عليك بس كنت خايفه صاير لك شي شين
وليد : الله يخليك لي ,,, لولو برسلك الحين مقطع فديوا استقبليه اوكي
لوجين : اوكي
,,,,,,,,,,,,,,,,,,,,,,,,,,,
نور بعد ماطلعت من الحمام داخت بعد الشوراللي اخذته وراحت للسرير اخذت الجوال من الشنطه لقت هند متصله واتصلت عليها لقته انتظار
,,,,,,,,,,,,,,,,,
هند: طيب ياعبدالكريم مع السلامه اللحين
عبدالكريم : وين وين بدري
هند : الحين صديقتي جالسه تدق علي بكلمها
عبدالكريم : اوكي لا خلصتي منها اعطيني رنه
هند : يصير خير
عبدالكريم : يصير خير يعني ايه ولا بتسحيبن علي
هند تضحك : مدري والله
عبدالكريم : اوكي باي
هند: باي
واتصلت على نور: الوووو
نور: اهلين كنتي تكلمين من
هند : واحد جدااااا غبي
نور: من هالواحد
هند : واحد قلتله وش اسمك قال معك الاخ الكريم عبدالريم
نور ضحكت : من جد
هند : ايه والله
نور: وش السالفه طيب
هند قالتلها كل السالفه نور: طيب هند مايصير انتبهي منه لايكون احد يعرفك وراسله لك
هند : من يعني
نور: أي احد يقربلك يبي يختبرك
هند : لا ماعليك معطيته معلومات كلها غلط
نور : كيف يعني
هند : بس اسمي اللي صح والباقي غلط يعني عمري ووين اسكن ووش ادرس
نور : اهاااا زين
هند : وبعد قالي ترى انا ما احب بس استانس ورديت عليه حتى انا لا تفكر في يوم اني احبك واتفقنا على كذا
نور : اهاا والله مدري عنك
هند: تعالي ماقلتيلي السالفه الخطيره
نور: ايييه والله شي ختييير
هند: يلا قولي اسمعك
نور: وش رايك بكره اقولها لك
هند : اقول انقلعي يلا قولي من اليوم انتظرك
نور تضحك : طيب بسم الله اكلتينا
هند /: يلا قولي
نور: شفتي لولو
هند: وش فيها
نور: تكلم وليد الحيوانه
هند : من وليد
نور: هذاك اللي بابوطربوش مع الشله
هند شهقت : كذااااااااااااابه وش دراكي
نور: دريت بالغلط
هند : شلون
وتقولها نور كل السالفه
هند: تحت السواهي دواهي كل هذا وحنا ماندري
نور: بس هزئتها
هند: ايه بس خليني اشوفها ياويلها مني
نور: ماعليك ماقصرت فيها ... طيب يلا انا ابي انام
هند: اوكي يلا باي
نور : صح صح كلمتكم ماما
هند : مدري ليه
نور: اجلنا العزيمه ترى
هند: ليه
نور: بابا وماما مسافرين بكره
هند: اهااا ماادري يمكن كلمت ماما
نور: اكيد كلمتها لأنها قالتلي اعتذرت عن الجيه
هند : اوكي نامي اللحين
نور: اوكي على تطولي السهره مع عبدالكريم
هند تضحك : لا بنام يلا باي
نور باي
,,,,,,,,,,,,,,,,,,,,,,,,,,,,,,,,,,,,,,,,,,
يتبع...
وصل المقطع الفديو اللي من وليد للوجين ومتحمسه لوجين تشوفه وضغطت بلاي وبدى المقطع ,,,,,
انصدمت لوجين من اللي تشوفه مو مصدقه وليد يرسل لها مقطع اباحي مستحيل وقفت المقطع وكلمت وليد
لوجين : وش اللي راسله هذا
وليد: وصل
لوجين : ايه ممكن تفهمني ليش راسله
وليد : بس كذا ابيك تشوفينه
لوجين بعصبيه : ايه اشوفه وبعدين
وليد ولا شي بس تشوفينه وبعدين دليت
لوجين : من جد وليد ماادري شقول فيك طحت من عيني
وليد : افااا ليش يالولو عادي مافيها شي
لوجين : شلون مافيها شي انت صاحي ولا فيك شي
وليد : وكي اوكي قلبي احذفيه خلاص وانا اسف
لوجين : لا والله اسف تعبت نفسك الصراحه
وليد : خلاص لولو قلتلك ماتبين تشوفينه احذفيه بس اهم شي ماتزعلين علي وانا اسف مره ثانيه
لوجين : اوكي انا طالعه تبي شي
وليد : قبل لا تطلعين زعلانه
لوجين : لا
وليد : الحمدلله اجل نوم العوافي ياقلبوا
لوجين : الله يعافيك باي
وليد : بااايااات
لوجين ذبحها الفضول ارسلت المقطع على جوالها ومسحت اللي باللاب توب وقفلت الجهاز وراحت لسرير انسدحت وشافت المقطع قفلت الجوال وقامت تجيب كاسه المويه اللي على التسريحه تبي تشرب قبل تنام حطت المويه على الكومدينا وهي تتحرك تبي تتطلع على السرير وتنفض لحافها صقعت ايدها بالابجوره طاحت وطيحت كاسه المويه على الجوال شهقت لوجين وقامت فتحت النور بسرعه سحبت الجوال وهو خلاص غرقان بالمويه راحت للتسريحه طلعت الاستشورا وشغلته عليه وبحركه غبيه من لوجين شبكت الجوال على الشاحن وبهالحركه انحرقت البطاريه اخذت الشريحه وحطتها بجهاز عادي ونامت ,,, قامت ثاني يوم ومحتاره شلون تصلح الجهاز وخايفه تعطيه فهد يوديه للصيانه وبعد مايصلح يشوف اللي فيه اتصلت على نور الظهر
نور كانت صاحيه من ساعه تقريبا لأن سفرة امها وابوها على العصر شافت اتصال لوجين وردت : الوو
لوجين : السلام عليكم
نور: وهليكم السلام هلا لولو
لوجين : كيفك يابطه
نور: تمام الحمدلله كيفك انت
لوجين : الحقي يانونو صارت مصيبه
نور عقدت حواجبها: خير وش صاير
لوجين تقولها كل السالفه
نور: وانت صاحيه ترسلي شي على جوالك مثل هذا
لوجين : لا وفي رسايل من وليد مابعد مسحتها وبعدين والله والله انا كنت ناويه امسح كل شي قبل لا انام بس انكبت المويه
نور: ياااربي يالولو الله يهديكي بس طيب خلاص عطيه هند تصلحه لك هند لها حريتها اكثر مننا
لوجين : بس كيف هند ماتدري عن السالفه ولو قلت لها بتسألني من وين لك
نور: لا عادي انا قلت لها امس
لوجين : ووش قالت
نور: ماتوقعت وقالت تحت السواهي دواهي وياويلها مني
لوجين : امممم طيب المهم وش اسوي الحين
نور: خلاص نكلم هند ونشوف
لوجين : اوكي كلميها وردي علي
اتصلت نور على هند
هند: هلا نونو
نور : اهلين ازيك ياجميل
هند: تمام عم نحمدالله اخبارك انت
نور: اما عندي لكي خبرين انما ايه
هند: بشري
نور : وش تبين اقولك اول
هند: وانا وش دراني قولي يلا
نور: اول شي لوجين
هند: وش مسويه بعد
نور تقولها السالفه كلها
هند: هذي بعقلها ولا وش سالفتها
نور: مدري عنها
هند : خلاص الله يعينني بس قبل بكلمها واعطيها الدش اللي مجهزته لها
نور: وثاني شي ياطويله العمر امي وابوي مسافرين بعد ساعات ان شاءالله وش رايك تجين عندنا ونعيش العزوبيه يومين
هند: من جد والله بس وين مسافرين
نور: بابا عنده شغل بالرياض وبيجلسون كم يوم يجددو ايام زمان
هند تضحك : واللله وناسه طيب شرايك انت تجين عندنا احسن
نور: لا مااقدر اخاف يرفضون
هند: طيب عبدالرحمن اخوك موجود ولا بيسافر معهم
نور: لا جالس معنا
هند: طيب يالفالحه كيف تبيني اجي لمكم لو جيتي انت احسن لأن ماجد موب موجود مسافر
نور: طيب فيه ابوكي
هند: والله بابا طول الوقت برا واللي يعافيك انت تعالي وبعدين ياغبيه لوو انت جيتي يلعن ام الوناسه بنطلع على مزاجنا اما لو جيت انا بيحكرنا اخوك
نور تفكر: خلاص بقولهم وارد عليك يلا باي خليني انزل اجلس معهم قبل يسافرون
هند: اوكي باي
نور: تعالي تعالي وش صار مع عبدالكريم
هند: لما نتقابل اقولك بس تراه فلااااااوي موت
نور: اهم شي يلا سلام
هند: مع السلامه
نور تقفل من هند وتنزل تحت وتلاقي كل العايله جالسه بالصاله ودخلت : السلام
الكل وعليكم السلام
حنان: نور انتبهي لأختك ومابي نسافر من هنا وتسحبون على مدارسكم والكليه من هنا
سعود: انا كلمت عبدالعزيز قلتله مسافر تبون تروحون عنده
عبدالرحمن : لا وش له داعي
نور: لا لا ماله داعي
ضي : الا انا ودي اروح عنده
حنان: على العموم حنا قلنا له اذا بيجون عندك خلاص واذا لا يمركم كل يوم
عبدالرحمن : ايه عادي خله يجي الله يحيه
سعود: وانت موب من الكليه للشوارع هياته مع ربعك وتنسى خواتك
عبدالرحمن : ان شاءالله
ضي: يمه انا بروح بيت عبدالعزيز اجلس عندهم
سعود : والمدرسه
ضي: عادي هو يوديني
سعود : بكيفكم عاد
نور تفكر كيف تقولهم تبي تروح بيت هند وحنان ملاحظه نور وان في بلسانها كلام تعرف عيالها لابغو شي
نور: يمه يبه
سعود وحنان : نعم
نور تبلع : هند كلمتني قبل شوي تقول اروح لهم
سعود: روحي ليه اول مره تروحين لهم
نور: لا مو كذا
حنان: اجل
نور: تبيني اجلس عندها الين ترجعون من السفر وانا قلت لها انت تعالي قالت لا عشان عبدالرحمن بالبيت
عبدالرحمن : ليه وانت يعني ماقلتي ماجد اخوها بالبيت
نور: لا قالت انه مسافر
سعود : لا تروحين مايصير ماشاءالله وش تقول الناس سافر ووزع عياله
نور: تكفى بابا ماما قوليله
حنان: وش اقوله صادق ابوك
نور: طيب عادي تذكري هي لما سافروا اهلها جات ونامت عندنا اسبوع موب يومين ولا ثلاث
سعود: وبعدين عيب ابوها موجود بتضيقين على العالم
نور: بابا عمي صالح موب غريب علينا
سعود: واخوك عبدالرحمن بيقعد لحاله بالبيت
نور استغربت : عبدالرحمن مو بزر وياما سافرنا كلنا وجلس لحاله
سعود: بكيفكم سوو اللي تبونه بس اهم شي نرجع نلاقيكم بالبيت
نور وطارت من الفرحه : اكيد بنستقبلكم بالمطار بعد
ضي: بس لا تتأخرون وتتركونا هنا
حنان: لا ان شاءالله ماحنا متأخرين
نور قامت ركض للغرفه وكلمت هند وعطتها الموافقه
..........................
لوجين اخفت جوالها وطلعت لها جهاز قديم وحطت فيه الشريحه وخلته بالغرفه ونزلت الصاله مافي احد جلست على الكنب اللي قرب التلفزيون وجلست تقلب القنوات نزلت هدى من فوق ودخلت : السلام عليكم
لوجين : وعليكم السلام
هدى : قايمه بدري اليوم غريبه
لوجين : موب بدري خلاص ظهر
لحظه صمت قطعتها لوجين : ماما متى بنروح بيت خاله حنان
هدى : محنا رايحين اتصلوا واعتذرو عن العزيمه لأنهم مسافرين
لوجين استغربت يعني نونو ماقالت لها هالشي : متى كلمتك
هدى : امس بالليل
لوجين : خسااااره
هدى: لا خساره ولا شي
.....................................
سعود وحنان وعيالهم بالمطار يودعونهم
سعود: انتبه لخواتك
عبدالرحمن : ان شاءالله
ضي وعيونها مدمعه : ماما كلميني كل يوم
حنان: ان شاءالله
سعود دخل يده بجيبه وطله محفظته وسحب مبلغ وقدره واعطاه عبدالرحمن : تقاسموها انت واخواتك بالتساوي سامع
عبدالرحمن: ابشر
نور: تسلم بابا
سعود: الله يسلمك
سمعوا النداء على الرحله وتوجهوا سعود وحنان للطياره والعيال للخارج المطار وكانت النفسيه شوي تعبانه بالتسبه لضي بحكم انهم اول مره يسافرون ويخلونهم,, ركبوا السياره عبدالرحمن وصل خواته كل وحده للمكان اللي بتجلس فيه هالكم يوم
,,,,,,,,,,,,,,,,,,,,,,,,,,,,,,,و
على قرب العصر رن الانتر كم في بيت ابو ماجد جات الخادمه وفحت الباب
نور: وين هند
الخادمه: داخل
قبل لا توصل للباب الداخلي للبيت الا هذي هند طالعه مصفيه الطبلون وصرخت : الله وناااااااااااااااااااااااااسه
بتامين عندي كم يوم يلا خلنا نحسبهم
نور تضحك : بس يالخبله وش هالرجه
هند : مستانسه على الاخر اشوف وترفع ايدها وتحسب الايام خميس جمعه سبت احد اثنين وناااااااااااسه اسبوع
نور: والله وناسه من جد
هند سكتت شوي : الا ضي وينها ؟
نور: راحت بيت عزيز
هند : اها خسارتها بس يلا انت اهم
ودخلو البنات داخل الصاله وسلمت نور على سعاد
نور: يلا ياخاله تحملوني هاليومين
سعاد : عيب يانور انت مثل هند مافي فرق البيت بيتك خذي راحتك
نور: تسلمين
دق جوال نور وطلعته من الشنطه
نور: هذي لولو
هند : جيبي انا برد عليها
تعطيها نور الجوال : الووو
لولو: هلا نونو ها كلمتي هنوده
هند : ايه كلمتني وقلت قبل أي شي اطلع حرتي اخ يالنذله تسوين كذا من ورانا جزاء لك زردع لأمثالك ماني مصلحته لك ودوري عاد ويلا تبين شي تراك غلطانه هذا موب جوال نور عطتني اياه
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك