رواية اعطني حريتي اطلق يديا -10
منى .. أووف بلشه .. كيف بستعد لهم .. لازم أطلع ..
سمعت صوت الباب يتسكرر ..
طلعت .. نظفت الشقه بدقه ..
فتحت الثلاجه وتفقدت الناقص ..
طيب مدري .. بيجون اليوم وألا بكره ..
.. بيتعشون وألا لا .. يلعن أم الحاله ..
سويت حلا سريع بالكورن فليكس ..
مع سلة شوكولاتات مشكله ..
بس وهقه .. مافي قهوه ألا تركيه ..
هم خليجيين .. أكيد يبون قهوتنا العربيه ..
لزقت ورقة الأغراض بالكليب حقي في باب الثلاجه .. ودخلت أسبح ..
..فهد .. دخلت بعد ساعتين .. خليت عزوز مع فهود ولد أحمد .. بسبح والبس وأجيب الأغراض .. بعدها نطلع أنا وأحمد وعيالنا ..
مريت المطبخ .. شفت ورقة علآ الثلآجه .. سحبتهآ ..
.. جيك حليب
.. جيك عصير برتقال ومشكل
.. بطاطا جاهزه للقلي
زبده
ذره معلبه
.. .. .. ..
1شآمبوو ..
1 معجون وفرشآه
1غرض نسآئي ..
ضحك بشده ههههههههه عارف قصدهآ .. وكغيره من الشباب مآبعمره فكر أنه يشتريها لو لزوجته ..
.. وكمل يقرا باقي أغراضها ..
" ملاحظه "
ماعندنا قهوه عربي ..
وهم بيتعشون وألا لأ ؟؟
.. بيجون اليوم وبكره ؟؟
سرح بخطهآ .. آللي رجعه خطها لذكريات ناسيهآ ..
.. لان خطها حلو .. يجيب لها كتبه تكتب اسمه عليها .. لانها كانت خطاطة العآئله .. وهو خطه مخربش ماينقرآ ..
شاله من سرحانه صوت بغرفتها ..
وبخبث مغلف ببرآءه دق بابها ..
ردت لانها شايله هم هالعزيمه ..
منى : نعم
فهد : ترآ ضيوفك بيجوون بعد المغرب .. ولاتسوين شي ..
جايبين لك قهوه بيقهوونك .. بس بجيب أغراض للعشا .. وأنتي لزمي عليهم يتعشون ..
منى .. آهآا طيب
ابتسم بخبث .. وتعمد اظهار الجهل والبلاهه في سؤاله ..
فهد : أم عزوز .. وشي أغراض نسائيه .. روج وكحل ؟؟ وألا ملابس داخليه ؟؟
وكتم ضحكته ..
منى : سبت نفسها ألف مرره على جرأتها .. عزوبي وش دراه ؟؟
بس كانت مضطره ..
وقالت بالمره دام قطيت وجهي .. خل اطلب أغراضي ..
لو طالعه معه وجايبتها بنفسي كان أهوون .. سكتت ماردت .. جدا جدا محرجه ..
فهد يرفع حاجبه باستمتاع :
هآ أم عزوز .. بطلع الحين ماقلتي لي ..
منى كحت بحرج ..
آآه خلاص خلاص لاتجيب شي ..
فهد بلؤم : طيب وشو آللي ماجيبه ..
منى : أووف نشبه ذا .. لا أنا قصدي الشامبو والمعجون بس ..
ضحك فهد بعد ماسكر باب غرفته .. سبح ولبس وطلع يجيب لها أغراضهآ .. وشرآ لها الأغراض الخاصه آللي تبيهآ .. يبي يحرجها ..
ويعرفها أنه فاهم بس يستعبط عليهآ ..
بعد الفطور سنترن البنات عند التلفزيون .. والشباب طلعو لخوياهم ..
عدا بدر .. يبي يريح بعد الفطور ..
غمزت له أمه بعد ماشافت البنات لاهيآت .. عشان يلحقها فوق ..
استغرب بدر .. وش تبي ؟؟
توقع ياعريس لبدور .. وألا صدقه سريه لأحد من معارفها .. لحقها بعد ماطلعت ..
وجلس مقابل لها .. هي على سريرهآ وهو على الكنبه ..
بدر .. خير يمه ..
أم بدر وجهت سؤال مباشر كان كفيل بانه يبدل انفعالات بدر ..
أم بدر بصوت ثقيل :
انت ممسي مع منتهى حرمتك ..
كح بدر بحرج .. كح كح ..
يمه ليش تقولين كذا ؟؟
صدمته بسؤال أقوى من الأول ؟؟
منتهى حامل ؟؟
فتح عيونه بصدمه ..
وهي مازالت مركزه نظرآتها فيه ..
مافي فايده من الأنكار .. واضح أنها كاشفته .. بس كيف ؟؟
ابتسم بحررج .. وحك عارضه بتوترر ..
.. آيه ممسي معها ..
وهي حامل ألحين ..
حس بخجل وسعاده لاعترافه لأمه .. على الأقل أحد يشاركه فرحته ..
كان ودهآ أنه ينكر ويكذب شكها .. بس مافي فايده من التمني الحين ..
شدت راسها تحوقل وتسترجع ..
لاحول ولاقوة ألا بالله ..
أنا لله وأنا إليه راجعون ..
ردت فعل أمه ضحكته أكثر مما زعلته ..
بدر باستنكآر : يممممممه وشفيك .. تراها حلالي ..
أم بدر بغضب : حلك بطنك .. حلالك مايخالف بس مهوب ألحين ..
والله لو يدري عمك أن يروح فيها ..
وهي راضيه ؟؟
بدر بنفي : لا لا .. وبحرج أنا غصبتها .. مره وبس ..
أم بدر : عيب وعليه شهود .. ذا اللي في بطنها كلن بسأل لاجابته .. كم مدت حمله ..
بدر يشغلها .. ألا ماقلتي لي وشلون عرفتي .. ومحد يدري ألا أنا ويآهآ ..
أم بدر بفراسه : لاحظت مشيتها .. وصدرها تغير .. ونظرت عينها ساهيه .. وهدبها متبررم ..
بدر يضحك : هههههه آلله كل ذا فيهآ ..
أم بدر : وش السوات الحين ؟؟
بدر : سوات الله أبررك .. خليهآ علآ الله ..
بس تكفين يالغاليه .. وسعي صدري .. ابي اسمع مبروك منك ..
أم بدر باستسلام ..
.. أمرر الله شق القرربه ..
.. مبروك .. وجعله عبدن صالح ..
باس يدها وراسها بدر .. آيه هذا ألحكي اللي يفتح النفس ويوسع الصدر ..
* * *
جابر : ول ذا رادار مهوب رجال .. صقر علآ اسمه .. حتى لو بينزل البقاله نزلني معه ..
ياجعل تكررن الحررم يتخاطفنه .. كتم نفسي .. كني بمدرسه ..
بووص أودآآامك .. ماتبصش وراك ..
يابو عين زايغه ..
صقر : يمه ذلحين قدنآ على ظلم بنحول نتعشى .. ونصلي ونريح شوي عقب نمغطهآ للسيل ..
جابر : رحت استاجر غرفه وحده بالعآني باستراحه عشان نتعشا فيها .. وقلت لصقر .. مالقيت غير هالغرفه هي كلها ساعه أو حولهآ نتعشا ونمشي ..
صقر .. ماعليه .. نزل الفرأش من ورآ .. أنا وأنت بنتعشا قدام سيارتنا والحريم سوآ ..
جابرر .. ياليل ماأطولك ..
أجل مابي عشا .. بانثبرر وأرقد .. وانت تقلع تعشا مع النسوان ..
صقر : هههههه ماعليه هآنت ترا حلات الشي بقلته .. وتركه وراح
جابر يتهزآ به : هه طول الطريق وجواله يرزف برسايل .. ولاوقفنا دندن .. ويقول هآنت ..
بس والله والله لين كنت ولد مبارك .. لاطرب عمرري بشوفتها من ورا خشمك ..
// البآااارت آلثلآثوون //
جوزآ اللي كانت العمرره قايمه عشآنها .. سوت فيهآ الدوره حركت نذآله كعآدتهآ في رمضآن ..
.. وهونت عن روحتها بعد ماكانت مجهزه شنطتهآ وسآبحه .. بس لله حكمه في ذلك .. وذكرت الله عليهم لأن نفسها فيهآ ..
بكت وبكت قهرر .. بعد ماطلعت مابخاطرهآ .. تعوذت من الشيطان ..
راحت تشغل نفسها .. وتدور شي يوسع صدرهآ ..
.. جهزت قهوه وشاهي ونعنعنآع .. وقلت سمبوسة جبن .. حطت باقي اللقيمآت بصحن .. والفطاير بصحن .. أمآ السمبوسه خلتها بالفرن عشان لاتبرد ..
دقت على حريم أخوانها ينزلن يتقهون معها .. وبلغت نوف تجي لاخلصت من صلآة التراويح ..
ولشيخه أختها آللي يوم عند أهلها .. ويوم عند أهله .. ويوم في بيتها ..
.. نظام بيتهم .. كان فوق مقسوم 3 أقسام .. شقه لماجد .. وشقه لنهار .. والنص الباقي تابع لبيت أبو صقرر .. وساعدهم في هالتقسيمه كبر مساحه البيت ..
.. نزلن البنآت .. وسوالف وجمعه وسعة صدر نستها غبنها شوي ..
.. دق جوال هيآ اللي علآ المركى ..
تناولته جوزا .. وكان كأنه توأم لجوالها في نوعه وشكله ولونه .. وحتى النغمه .. نوكيا العاديه ..
شافت اسمه يبرق بالشاشه ..
" سالم "
.. دق قلبها .. وأرتعشت يديها .. وجف حلقها بثوآني ..
درت أنه مهوب جوآلها ..
هي مخزنه اسمه ..
" سلووومي "
سوت رفض للرد قبل لاحد ينتبه .. ورجعته مكآنه بهدوء .. ومزاجها تعكرر ..
هيآ اللي كانت نازله بكيسه فخمه معها .. حطتها ورا باب المقلط .. وطفت لمباته لايشوفونها البزارين ..
استدرجت نوف لين دخلت المطبخ .. بعد ماشافت البنات مندمجين بالسوالف .. ولحقتها تسحبها وتدخلها المقلط .. قفلت الباب عليهم .. وجلستها .. مدت لها الكيسه ..
هيآ : هذي كسوة العيد .. لس من عقآب .. قالي أوصلها لس .. يخاف ينشغل مع ذوده وينسآ ..
نوف بخجل من هيآ .. وقهر من عقاب ..
هيوونه رجعيها له .. ماقاصرني شي .. قدني في بيت أبوي وهو اللي ملزوم بي مهوب حضرت جنآبه ..
شهقت هيآ وضربت صدرهآ .. من صدقس أنتي تبين أرجعهآ له .. عشآن يكفخني بها لين أفقد الذاكره ..
تبين ترجعينها رجعيها له بنفسس ..
أنآ ورآي عروس وعيد .. ورجآل أن تشوهت بيحذفني بهديمآتي ..
ضحكت نوف ..
يمه منس قومس مشوهه والله كنس خوآنس ..
كل أمرن عندس عظيم .. ألا كانس مهتويته صغرتيه ..
هيآ .. بلآس مآشفتي عوينآت العقآب لاقده مطنقرر >> معصب يعني
يقول ياشرر أشترر ..
نوف بتطنيش .. أنتم آللي رازينه على الفآضي .. موذي ومعطينه علم وقآله ومشيخينه لين ما أستقوى عليكم ..
هيآ بفزعه لاخوهآ .. والله هو آللي مشيخن حآله بافعآله ..
والعلم وآلقآله ماتعطى ألا للي هو قدهآ ..
ماردت نوف احترامآ لمرت أخوهآ .. ومدآرت لمشاعرهآ .. لأنها حست أنها خذت في خاطرها عليها ..
نوف .. بآخذهآ عشآن عوينآتس .. مهوب عوينآت أخوس .. ورأفتن بحآلس من الأصآبات المتوقعه ..
طلعتها فوق تفتشها .. وبنيتها كيف بتردهآ له .. ومع من ؟؟
* * *
منى .. طلعت بنقآبها وطرحتها .. ولابسه شآل شتوي سآتر جسمهآ ..
خذت الأغراض .. يآالله يمديهآ ترتبهآ ..
فهد كان بيطلع .. بس من شآفهآ طلعت من صومعتها هوون ..
لحقها في المطبخ وشافها ترتب بذمه .. شآل الكيسه الثانيه وتعمد يطررح غرضها وهو يمد لها الكيس تآخذه ..
منى .. آووووف أحراج .. يعني ماطاح من بد الأغرآض ألآذآ ..
وكأن مخها نبههآ .. يآالحيوآااان .. يستغفلني ويضحك علي ؟؟
عطته ظهرهآ عشان ماينتبه للي طآح .. بس هو مصرر يحرجهآ ..
لقطه ومده لهآ .. هذا غرضك ؟؟
لقيته طآاايح ..
هنآ مآعآد استحملت الاحرآج .. دفته عن طريقها .. وطآارت لغرفتها ..
ضحك فهد وطلع ..
* * *
موضي .. وصلنآ السيل وخذينآ غرفه .. عشان نتسحر سحور خفيف .. ونتقهوى .. ونريح .. ثم نحرم وننوي ..
حطيت ترامس القهوه .. والمقاديع ..
وباقي الكنافه والبسبوسه اللي جابها صقرر ..
.. ويله من ربه صقير أن طرد جوويبر .. ماتعشا بعد بيحرمه من السحور وآلقهوه ..
مامداني أكمل هرجتي بخاطري .. ألاوصقر يتنحنح .. يآولد ..
تغطوو جابر بيدخل ..
نزلت برقعي .. وأضفيت عبآتي .. وتواسيت جنب أمي ..
سلمو وقعدو .. صبيت لصقرر فنجآل ومديته ..
صقر مده لجابر .. أللي حلف ..
علي بالحرآاام ماذوقه .. في يدك .. أنا باخذ آلثاني ..
صقر بغضب .. انطم طمك الله .. ذلحين أنهآك من الطلآق تجيب الحرام بعد ..
والله لولا حشيمت هالعجيزات لكب فنجآلي في وجهك ..
جآبر بسعت صدر ..
آسفين أستاذ .. ماعاد نعودها ..
كان ودي أقولك أمسحها بذآ آللحيه بس ماعندي غير هالشنب .. ينفع ههههه
موضي .. ياوسع حلم صقور عليه .. لوه ماجد كان قدهم متذابحين ..
صبيت ثاني ومديته لصقرر .. بس ..
يمه وش ذآ آليد .. يآطووولهآ كنهآ عصآ مكنسه ..
جآبر .. مديت يدي قبل صقرر .. وأنا أطبق علآ أطراف أصابعها مع الفنجآل ..
وتكلمت .. عآد آنآ شهوتي للقهوه .. من صبآبهآ .. وآ...
قطعه صقر يكزه برجله ويتوعده ..
قسم أن ماأستعدلت ياجويبر لعدلك ..
وأن أشتلك بخلآقينك وأحذفك في آلخلآ ..
جآبر يستعبط .. يآلعررب وش فيكم علي .. ماشين في دربي .. وتنآكدوني على ذا الفنجآل .. ونزل فجآله .. مآعآدهوب حآدر وأنت منشبه في زوري ..
.. انفضت جلست القهوه ..
طلع جابر للبقاله يجيب بارد وخبز وجبن ومويه قبل لايذن ..
وصقرر دخل يسبح لانه ماسبح في ظلم ..
والعجيزات .. كبررن يصلن وتررهن ..
وموضي تقرآ قرآن لين يخلصن أمها وخالتها من السجاجيد ..
دخل جابر محمل بالاغراض .. شاف العجز يصلن .. سألها بأشاره عن صقرر .. أشرت له .. بأنه يسبح بالحمام ..
بسرعة البرق .. نزل مابيده بهدوء .. يستغل الفرصه قبل لايسلمن العجيزات .. وقبل لايطلع صقير وينآكده ..
قرب لها بثواني .. تراجعت بخوف من سرعته ..
رفع برقعهآ .. وطبع بووسه علآ شفآيفهآ .. بردت خآطرره .. بس ولعت قلبه ..
أمه اللي كانت تصلي .. حاسه بدخوله .. شآفته من طرف عينها بعد ما أشغلها عن صلآتها .. طقت يدهآ بفخذها مرات ورا بعض تحذره وتنهآه .. وهي قاعده تقرا التشهد الاخير .. وكل شوي تعيده من قلة تركيزهآ ..
أختها أم صقر كانت تقرا بصوت عالي شوي .. ومتقدمه عن أختها ماحست باللي حولها ..
سلمت أمه .. وفي نفس الوقت طلع صقرر ..
دنق جابرر علآ راس أمه يحبه وهمس بأذنها .. أستري علآ وليدس ربي يستر عورآتس في دنيآس وآخرتس ..
ابتسمت أم سالم وقرصت ولدهآ في يده ..
حاكاها صقر .. وشفيس ياخاله .. تطقين رجلس تبين شي ؟؟
ام سالم .. آبد أبيكم تسحرون قبل لايذن ..
جابر اللي وقف ورا صقر وكأنه بدي قصد .. أشر لموضي ينبهها .. حط يده على شفايفه .. بعدها رجعها لقلبه وهو يمثل لها أنه ذآاايب ..
نزلت أمه اللي تشوفه برقعها .. خوف أن ولدها ينفضح من ضحكها المكتوم ..
التفت صقر فجأه لجابرر اللي وراه .. بيسأله عن الشاحن .. شآفه مسكرر عيونه ويديه على قلبه ..
موضي هنآ طاح قلبها .. خافت لايتهمها صقر أن تغازله بعد ..
بسرعه فتحت مصحفها ونزلت نظرهآ فيه ..
صقر باهتمام .. وش فيك ؟؟
تنس شي ؟؟
جابرر أنصدم من الصوت الخشن آللي قاطع أحلآمه .. وبتمثيل ..
أبد ياخييك .. حسيت نغزه بقلبي ..
حاولت آكل مسكن وزاده وجعه وجع ..
ام سالم فهمت قصده ..
ذكرت آلله عشان تغطي حرجها من سوآيا ولدهآ ..
لآ أله ألآ الله .. وببتسامه من تحت برقعهآ جابر يمك .. تسحر وأسبح وأن شآء الله بيرتاح قليبك ..
.صقر باهتمام وحسن نيه وهو ماخذ الامر على ظاهره ..
اجل خل نمر بك مستشفى فيذا .. أخاف ماتحمل تعتمرر ..
بس من متى تنسه ؟؟ ماخبرتك راعي قلوب ؟؟
جابر بنفسه .. ياليل أم البعارين .. بدا التحقيق ..
تربع في الأرض وهو يفتح كيسة الخبز .. ويحشا له ساندويتش جبن مع شطه ..
هو كذا يجي ويروح حسب النفسيه ..
* * *
بدر : منتهى تجهزي .. أنا جآي باخذك .. عشان تتابعين حملك عند طبيبه ..
منتهى .. لأ لأ .. يآخي ماله داعي ..
أخاف يشوفنا أحد بالعياده ويعرفنآ ..
تكفى بدر ..
بدر بغيظ وسلطه .. وأنا ماعندي استعداد أضيع ولدي عشان نآس ماهمهم ألا نقل الحكي ..
مالأحدن عندي شي .. تجهزي بس .. وسكر بدون لايودعهآ حتى ..
// آلباااارت آلحادي وآلثلآثون //
جابر .. الله حفيك ياصقيرر .. أنت تسعى بمطرق الريحآن ..
وآنآ أسعى بذآ آلعجيزآت ..
بس وكآد أنهآ عقوبتي .. طاريني أزحلقهن مع صقور .. وأنا اسعى بمضيوي علآ عربه عشان نقضآ بسرعه قبل لايدرون .. ونروح نتقهوى سوآ .. وألا نتسوق سوآ ..
بس ربي دقمني .. مالي غير أبر بذا العجيزات من ورآ آلخشم ..
نوف .. تفتح الهديه .. وهي لآويه خشتهآ .. خل نشوف وش جآب " يآمآ جآب الغرآب لامه "
وأول حاجه صادفتهآ .. ضرف صغير أحمرر .. رفعت حاجبها تزرآ عليه ..
يآوجه آلله .. وش ذآ بعد ..
ههههه لآيكون كاتبن غزل بس !!
فتحت الظرف .. طلعت خمسميآت جدد .. عدتهن باستغرآب 4 آلآف ..
حطتها على جنب وفتحت آللي تحتهآ .. طقم ذهب عيار 24 من الذهب الخآلص عدآ فصوص ملونه متدليه بسلآسل من آلعقد آللي يطوق رقبتهآ ..
ومعه توابعه من خاتم وحلق وسوآره .. بهرهآ نعومته وذوقه وفخامته بنفس ألوقت .. تحاكي نفسهآ ..
.. بيطلع خيال مع الجلآبيآت .. وفصوصه الملونه بتناسب أي جلابيه تلبسها معها ..
هه أكيد ذآ ذوق هويآ وألآ هو لو عنده ذرت ذوق ماسحبني بالسكيك قدام خلق الله ..
سكرت علبته وبجنب الظرف حطته .. ومابقا غير قطعتين حرير وحده ساده والثآنيه مشجره .. أحتارت بينهن من أحلى ؟؟
وتخيلت موديلآت تنآسب قماشهن ..
بس بالأخيرر تذكرت أنها بترجعهن قبل لايشوفهن أحد بس كيف ؟؟
سالم .. هويآ وينس أمس بغيت أسير عليس وأتعشا عندس بس مآرديتي ..
هيآ .. غريبه ماشفت لك أتصال .. متى ؟؟
سالم .. عقب التراويح ..
هيآ .. أيه .. عند الجوز عازمتنا للسهره عندهآ ..
تنهد سالم .. وش علومهآ .. آربهآ طيبه ..
هيآ .. بكت البآرحه لين صفى رآسهآ ..
سآلم عدل قعدته واستقآم ..
آفآااا .. وش قومهم عليهآ .. أحدن حآس خآطررهآ ..
هيآ .. لآ نفدآك .. مغير مشتهيتن العمرره ولا حصلت لها ..
سالم .. قومي أدعيهآ .. قولي لها بنمشي ذلحين لمكه والسياره وراعيها تحت أمررهآ ..
هيآ .. ريح عمررك .. السياره ماشيتن على حسابها .. غير ظروفها ماناسبت ..
سالم .. هويآ .. تحبين أخيس .. وودس تخدمينه ؟؟
سالم .. آبي أشوف جوزآ وأحاكيهآ عندس في بيتس .. ولا أبي أحدن يدري ولآحتى هي ..
* * *
جالس يتحررق .. يسمع حكي الدكتوره ولا يقدر يجي يشوف ..
مآحب يجي ويحرجهآ ..
تسطحت على سرير الكشف .. وسحبت الستاره ورآهآ ..
ضغطت النيرس آلجل آلبآرد على بطنهآ .. والدكتوره مررت جهآز الاشعه على بطنهآ .. وبدت تشرح لها عن وضعه .. وعمره .. وحجمه آلآن ..
وقفت فجأه الدكتوره .. أستاذ بدر ..
مآتبي تشوف ولدك ؟؟
ربي رأف بحآله .. وجآه الفررج .. فز واقف وبخطوآت سريعه .. صآر عندهم وكأنه ماصدق أحد ينآديه ..
سكررت منتهى عيونها بيده بحررج .. وصوت طنين بأذآنهآ شوش السمع عندهآ .. كآن ضغطهآ منخفض ..
لهآ أيام ضآغطه على نفسهآ .. وماكلت شي .. ترجع أي حاجه .. وحاولت تجلس بغرفتها قدر الأمكان عشان محد ينتبه لنفسيتها الزفت ..
..بدر .. كان بعالم ثاني .. فرحآن وصدره منشرح .. ومركز بكل كلمه تقولها الدكتوره ..
نزلت بعد مآانتهى الكشف .. وطآحت مغمى عليهآ ..
فادي .. عرفت أن أم لسان بتسهر مع خوآتي .. قلت لبدور عمدا أني طالع للاستراحه .. وأنا حقيقه ضبطت وضعي عشان اطل عليهآ ..
جالسين بالصاله آللي فووق .. جلستهم مقابل باب غرفتي .. اساسا أغلب غرفنا تطل على هالصآله ..
الأخت مآخذه رآحتهآ وشايله كل شي بعد ماحلفو لهآ خواتي أن محد في آلبيت من آلعيآل .. ولو جوو بيعلمونهم لأن كلنآ عارفين بوجود السنيوره ..
صفرر بخفووت باعجآب ..
آووووف .. طلققققققه .. والله أنها طلقه .. بس لو تطول كشتها شوي .. كآن أحلآااا ..
عورتني رجولي وآنآ وأقف أرآقب .. جبت كرسي وجلست عليه .. وأنآ مآسك البآب .. قلبي على يدي أذا قربت روزه .. أخاف تفتح آلبآب وتفضحني ..
حفظت أغلب حركآتهآ تقريبآ .. وطريقتهآ في آلكلآم ..
ويوم شفتهم نزلو تحت .. سكرت غرفتي وقفلتها .. طلعت صورتهآ وأنآ أقآرن بين شكلهآ حآليآ وسآبقآ ..
خذتني آلهوآجيس والأفكآر لين نمت ..
* * *
فستان كت أحمرر من الصوف آلنآعم .. مع بووت نصف الساق ..
ولأنه بهآي نك .. مآاحتآجت تلبس عقد .. اكتفت بحلق أحمر وخآتم ..
روجهآ الأحمر آلصآرخ .. عكس أناقتهآ وأبرز جمآلهآ ..
شعرهآ بخصلآته آلشقرآ وآلبنيه .. وطوله لأسفل ظهرهآ كمل ستايلهآ .. وعطآهآ حلآ فوق حلآ ..
تعطررت .. ودق آلجررس .. تنهدت وطلعت تفتح .. شآيله هم آلمقآبله ..
هي خجووله جدا .. عكس خوآتهآ بجرأتهن .. هن لهن أستقبآل الضيوف وهي كانت تهررب للمطبخ ..
سآرونه .. آلسلآم عليكم ..
أنآ سآرونه .. زوجة أحمد رفيج فهد ..
وهآي خآلتي أم زوجي ..
منى بخجل .. هلآ والله ..
زارتنآ آلبرركه ..
أم أحمد .. هلآ فيج بنتي ..
دخلتهم .. وجلستهم .. واستأذنت تاخذ قهوتهم ترتبهآ ..
سآرونه .. بعد أذنج .. بخآويج للمطبخ .. قطوت مطابخ آنآ ترآ ..
منى .. ههههه حيآك تفضلي ..
سارونه .. وآآآآي منه فهود .. أتصدقين كآن خآش عنآ أنه متزوج ..
وعنده ولد بعد ؟؟
جد تفاجأنآ ؟؟
بس انتي شكلج صقيره .. جنج بعدج مآتزوجتي .. اللي يشوفج يقول أخته مو زوجته !!
وبحيآج يظن أنكم توكم متزوجين ..
وآنآ أقول ليش فهود مآاتزوج ويقول محد تارس عيني .. آمبيه آثاري شآيف هآلبيآض والشقآر ..
منى بخجل .. تسلمين ..
أم أحمد .. هذا السنع .. جوفي حيآهآ شحلآته ..
سآرونه : مآجن هذي على رآسي !!
منى .. هههههه
أم أحمد .. منوو غيرج عيل ..
سآرونه .. وي وي وي خآلتي .. هذا وأنا أقول شحيلآلتج عشان جبتي لي هالأحمدوه .. ومآفاطني أطرر الزواج وعنست ..
.. ترا بطلع المستخبي .. وأقول عن آلخآله الشريره .. آللي تنوم جنتها يوعآنه .. بعد مآكرفتهآ كرآف ..
تأملت منى سارونه لثواني .. شقاوتها .. مرحها .. خفة دمها .. حركآتهآ .. أحيت فيهآ ذكرى منى القديمه .. منى أم 16 سنه .. بشقآوت المرآهقه وخفتهم ..
.. أحمد .. أبوعزوز .. اسمح لي بروح شقتي ابدل هدومي .. وأطلع آسلم على أم عزوز وآخذ آهلي ..
فهد .. ياابن الحلال اطلع كذا بس ..
احمد .. لا وين أطلع جذي .. تبي أم فهود تزنطني ..
ضحكووو .. وتفرقووو
فهد طلع فوق .. وأحمد لشقته ..
منى كانت بغرفتها .. تطلع لسارونه صورت أمها .. اللي تمنت تشوفها لأنها دايم ببوكها .. هي وصورة أبوها وعزوز ولدها وحمد أخوهآ ..
اندق الباب باليد مو الجرس .. لبست سارونه حجآبهآ .. وفتحت ..
فهد لحآله والعيال مع أحمد ..
جلس وهو يرحب ويهلي ..
ومنى طلعت باندفاع ..
هآه مو تقولين أمي مو حلووه ترآ ....
تفاجأ فهد .. ووقف من شآفهآ .. حآوطهآ من خصرهآ وهو يقول .. انتي الحلوه والله وسحبها معه يجلسها بجنبه ..
انحرجو .. أم احمد وسارونه .. ومنى ..
آما هو لو كان في غير هالوضع .. أكيد ماسوآ اللي سوآه ..
بس الحيآه فرص .. ولو ما استغل هالفرصه .. يمكن مايحصل غيرهآ ..
آخذ يسوي لهآ حركآت بدون لايحسس أحد .. ويده ورآهآ تتحرك بهدوء ..
كان جدا مستمتع .. بأحراجها .. وخجلها .. وحمرة خدودهآ وحتآ أذآنهآ ..
وهو ويآها تركيزهم مشتت مو مع أم احمد اللي تسولف ..
دق الجررس وأنقذهآ .. بس لغرفته الأقررب ..
// آلبآاارت آلثآااني وآلثلآثوون //
رجعوو أهل العمرره .. وجابر دب في روحه اليأس يشوف زول موضي عقب هالمرره .. خص بعد ماقبض عليه صقر متلبس بالجريمه .. وهو يشبك يده بيدهآ بدون لا حد يلاحظهم وهم يركبون الأغرآض .. وعيون صقور قفشته ..
ومن شآف ماجد في استقبالهم .. يأس غسل يده ..
نهار سوآ عشا صغيرر لأهل العمره .. ذبيحه على قدهم ..
وعزم عيال عمه .. سالم ، وعقاب ، وسفر ، وأبوهم ..
.. نوف علآوي تبي 50 ريآل
علي .. من شآور مآعطى ..
نوف : شف سيارة عقاب هو جآي على الشآص .. لآقد العرب يتعشوون .. حط هالكيس في صندوقه .. وفي ذمتك ماتفتحه ..
علي .. وش يدريس أن معه الشآص ..
.. نوف .. وآيقتن عليه أخلص بس ..
* * *
.. بدر اللي كآن ملآحظ صفار وجههآ .. وعيونهآ الذبلآنه .. مسكها قبل لآتوصل آلأرض ..
.. بدر بخوف .. دكتوررره ألحقينآ .. مغمى عليهآ ..
بسرعه جت الدكتوره والنيرس .. وجلسوهآ ..
الدكتوره توجه سؤالها لبدر بعد ماقاست ضغطها المنخفض ..
.. هي ترجع كثيرر ؟؟
.. كيف أكلهآ ؟؟
ارتبك بدر .. وردت منتهى بضعف ..
.. دكتوره أنا أرجع أي حاجه آكلهآ ..
والصباح بالذات .. لازم أرجع ..
.. وألأكل مآأشتهي أبد ..
أن مت جوع .. أكلت خيآره ..
كآنت جالسه .. وبدر واقف حولهآ .. ويمسح بيده على شعرهآ وهو منصت ..
الدكتور : بكتب لك فيتامين .. وكالسيوم .. وحمض فوليك .. وحبوب للوحآم ..
وأهتمي بأكلك .. البيبي مآحينقصه حآجه .. مآخذ حآجته مآخذها .. بس على حساب صحتك ..
وتراجعيني بنفس هالوقت الشهر الجآي ..
وقبل لايطلعون ..
بدر .. طيب ماقلتي لنا نوعه ؟؟
الدكتوره .. ههههه لسآ كتكوت مابين .. دوبو شهرونص .. مستعجل ليش ؟؟
في السيآره .. كان يغلي من الغيض .. بس ساكت .. ماقآلهآ شي .. لأن حآلتهآ مآتسمح .. يحس أنهآ مستقصده عشان ينزل البيبي ..
أو عشان تعآنده ..
نسآ نفسه .. ومكآنه .. ومن معه ..
وطلع زقآرته تروق مزآجه وولعهآ ..
منتهى .. كانت مريحه جسمها على المرتبه .. ومسكره عيونهآ تعب .. وأول ماشمت الريحه .. انفعلت ..
رفعت جسمهآ وسحبت زقارته من فمه بعصبيه .. وفتحت شباكهآ وقطتهآ بالشآرع وهي تقول بعصبيه وقررف ..
يآخي أحتررم وجودي ع الأقل ..
عيب وعليه شهود .. يآخي أذا بليتم فاستترو .. مو على عينك يآتآجرر ..
بدر .. اساسا ماقد دخن عند أحد من أهله .. بس هي وترت أعصابه .. ونسآ نفسه ..
سفط سيآرته علآ جنب .. والتفت لهآ بغضب وعيونه جحضت غيض ..
مسك يدهآ وضغطها بقووته ..
هآلحرركه بعديهآ لك هآلمرره .. عشان تعبك .. بس تعيدينهآ مآتشوفين طيب .. آنآ مآنيب أصغرر عيآلك ..
.. حرك سيآرته متوجه للمطعم بعد مآشآف سآكته ومآردت ..
.. أول وآحد كررم وأستأذنهم هوو .. يبي يسرري و يمسي عند نيآقه ..
فتح بآب سيآررته يبي يركب .. بس استوقفه الكيس اللي بالصندوق .. وواضح مكآنه ..
كآن علآوي شخط قبله من سمعه يستأذن .. حط الكيس بسرعه قبل لايشوفه عقاب ..
وجلس يرآقب ردة فعله ..
صفق باب سيآررته بجنوون .. وطلع جوآله من مخبآه وهو حآس أنه مآيشووف الأرقام من آلغضب ..
عقاب .. هويآ تعآلي بسررعه أفتحي لي باب شقتس .. وسكرها قبل لايسمع ردها أو يودعهآ ..
فزت هيآ .. حست أن الأمر مهوب هين .. خذت جلآلهآ وأنسحبت قبل لآيحس بهآ أحد ..
* * *
منتهى .. بدر رجعني آلبيت تكفى .. مآلي نفس بشي ..
بدر .. أغديك أول بعدهآ أرجعك ..
طلب لها عصير برتقآل وأجبرهآ تشرربه .. وبعدهآ تبوله بجهآد معهآ لحد مآكلتهآ .. ومن شمت ريحة طبق آلمشآوي مآقدرت تستحمل ..
.رمت طرف طرحتها علآ وجههآ .. وتوجهت لدورات الميآه ترجع مآكلت ..
ضررب آلطآوله بقهرر .. يعني مآ استفادت شي من آللي كلته ..
.. فيه من يستغل برآءة الأطفآل .. ويستخدمهم وسيله لتحقيق أهدآفه آلدنيئه ..
له يومين يدرب روزه أخته كيف تصور بجوآله .. وخلآهآ تلتقط كذآ صوره لأي حآجه ..
عشان تتقن التصويرر بدقه ..
فآدي .. هآ روزه .. طيب خوذي لي صوره بدون لا انتبه لك .. أن ضبطت وديتك الملآهي أنتي وسوزي بنت عمك ..
تشيييييييك شوف حلو كذآ ..
فادي .. نسيت اسكر الفلآش .. يعني دريت يآغبيه ..
واستمرر يحآول معهآ ..
منى .. يآربي يآربي يآاااربي .. وش هآلمزبله .. صحيح آلمعفن طوول عمرره معفن ..
خبيت آلغرفه أنظفهآ ع السريع .. آخآف تنط لي سآرونه ألحين .. وتجي الفشله بوجهي ..
انتهت ووقفت تضبط شكلهآ .. وتلتقط أنفآسهآ .. آووف تعب ..
انفتح آلبآب .. وشهقت بخفه ..
نزلت رآسهآ بخجل ..
الله أكبرر .. أمس بنقابي وغطاي .. وآليوم كآشفه وقصير بعد ..
استغل هدوئهآ .. قرب منهآ .. وهي نفس وضعهآ .. تجاهلته وكأنها مآشآفته .. صآرر آلهروب من آلموآجهه حله عندها التجآهل ..
.. حضبنهآ من ورآ .. ودفن رآسه برقبتهآ ..
جسمهآ كله كش عليهآ .. ولو شعرر جسمهآ تحسه وقف .. وقلبهآ دق بجنوون .. وخوف آلذكرى يرجع لهآ بقووه ..
رفسته برجلهآ من ورآ .. وحررت يدينه منهآ بقووه .. بعدت عنه بغضب .. وبتهديد خافت عشان لاتنفضح ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك