رواية اعطني حريتي اطلق يديا -9
جت لجهته وحضنت عزوز .. وتقدم ودع بدر .. وهو يحضنه ويهمس بأذنه :
والله مآ أنسا جميلك يابوسعود .. انت وأم سعود ..
هالكلمه متعود يسمعها بدر .. بس هالمره هزته .. ويحس بحلآوتها في أذنه مثل النغم العذب .. يمكن لانه جمعه بام سعود ..
ودعتها أختها بدموع .. وهي ماتحس باللي حولها .. همها شوفة عزوز ..
حلقت فيهم الطآئرره ..
ومشاعر مختلفه ..
فهد .. قمة سعآدته .. مآحآول يضآيقهآ أو يحتك فيهآ .. أو يكلمها ..
لكن كآن يراقبها بطرف عينه ..
وعزوز جالس بجنب ولد بعمرره .. ومنسجم معه على الآخرر ..
منى .. " ذهبت السكره وحضرت الفكره " ..
كأنها لسا صحت من سكرتها .. وتساؤلآت كثيرره برآسهآاا ..
فاجأته بهدوء .. شلون خذت جوازي ؟؟
من عطاك أياه ؟؟
فهد أستانس أنها فتحت معه أي حواار :
جوازك له أكثرر من اسبوعين معي .. وعقد زواجنا بعد ..
أضفتك في بطاقتي أنتي وعزوز ..
وبمحاوله لكسر التوتر بينهم قآل :
بس صكووني على تأخرري غرآمآت .. نفضوو جيووبي ..
قآلو .. يآخي وينك !! نآيم بالعسل ؟؟
قلت : آلا غاطسن ببصل .. وتوني بذوق العسل ..
منى : مآجاوبت ؟؟
فهد بجد : شاورت أبووك بالدبره .. قآلي سوو اللي تبي .. عآد رتبنآهآ .. آنا وأبوسعود .. وأختك .. وشنطتك معنآ ترآ ..
منى بصدمه : منتهى ..
فهد : آيه .. جعل ربي يوفقها وين مآوجهت .. ويوفق أبو سعود معهآ ..
طفررت الدموع بعينها .. حست أن اختها تساهلت وماقدرت معآنآتها طوول هالسنين ..
وأنها استغنت عنها .. بأمرر من زوجهآ ..
لآحظ فهد رعشتها ..
مسك يدهآ .. والله أنهم يدورون صالحنآ .. ويبون لنآ آلخير ..
سحبت يدهآ .. ولفت باتجآه الشبآك .. تفكرر بوضعها وش بيكوون ؟؟
* * *
رجع بدر ومنتهى .. وبنفسه .. زين حصلنآ فآيده من هالتوصيله ..
لف لمنتهى .. بنروح لكوفي ..
مآردت .. واستبشرر خيرر ..
خآصه أن مكآلمآتهم كانت عن فهد ومنى وبس .. بآرده .. خآليه من أي مشاعرر ..
.. دخلو بقسم آلعوآئل ..
ابتسم .. مآتخيل بيوم بيدخل هالقسم ..
طلب له قهوه تركش ..
وهي طلبت موكآ بآرد ..
جلست بنقآبهآ بتوترر .. وذكرى ذيك آلليله تنعآد لهآ بتفآصيلها في خيآلها ..
بدر : أكشفي مآحولك أحد ..
هزت راسها بنفي .. وحاولت تعدل صوتها :
آنآ مررتآحه كذآ ..
حسها مو طبيعيه .. سحب نقآبهآ .. وأرتاع ..
وجهها زي الطماط ..
حطت يديها تغطي وجهها .. حآول يبعد يديها .. نزلت رآسهآ وانكبت على الطآوله .. تبكي بصمت ..
تنهد بدر ووقف .. راح جهتها ..
وققها معه .. ورفع راسها بالقوه ..
صب بيده مويه من آلقآروره آللي قدآمه .. وغسل وجهها ..
أخذ نقآبها .. ومده لهآ ..
ألبسيه بنطلع عن الفضآيح ..
بالسياره سآد الصمت ..
وصلو بيت عمه بعد صلآة العشا .. وقبل لآتنزل مسك يدها ..
انتظرري بنزل معك داخل .. بكلمك ..
نزلت بيتهم .. وفتح بمفتآحها ..
عآرف أن البيت فاضي .. بعد تخطيطهم لفهد .. بأن يزحلقون كل اللي بالبيت .. بعزيمة غدآ مفتعله عند أهل بدر ..
.. دخل المجلس ورآهآ ..
شآلت نقآبهآ .. ونزلت طرحتهآ على كتوفها .. نفضت شعرهآ وأتجهت للمكيف تشغله ..
تحآول تشغل نفسها عن نظرآته اللي ترآقبها ..
نآدآها .. تعآلي جنبي ..
جلست بنفس الكنبه بس بعيد عنه ..
قرب لهآ .. وضغط على يدهآ ..
منتهى .. قولي لي وش يريحك وأسويه ..
مآتسوآ علينآ .. غلطه أن كنتي مصره تسمينها غلطه وبتصللح ..
بس مآ أشوف دموعك .. ولاتضيقين صدري وصدرك علآ شي .. مآبيدنآ نرجع الزمن ونصلحه .. بكرره بيصيرر ذكرى ويمكن تشوفينها حلووه بعدين ..
منتهى بخجل من الكلآم آللي بتقوله لأن تدور برآسها وساوس تحآول تكذبهآ عشان لاتصير صدق ..
آبي تقدم زوآجنا .. 8 شور كثيره .. يمكن تصير فيها ضروف وننكشف ..
بدر : وهذآ اللي يرضيك علي ..
هزت رآسها بايجآب ..
استانس بدر .. لهآالدرجه مشتآقه لي ..
طآلعته بطررف عينهآ .. توقع بس لآتطير ..
.. انبسط أكثر أنها بدت تجآكرره ..
رفع حآجبه بتحدي وثقه .. عندك شك في وسآمتي ؟؟
منتهى : الأخلآااااق أهم ..
بدر : ههههههههه عآرف قصدهآ .. بس أخلآقي لايعلى عليها .. وانتي أكبرر شآهد عليهآ ..
منتهى : المشكله أن الكل مخدوع فيك .. وأنا بس آللي كاشفتك ..
بدر وقف : كذآ .. طيب .. يآأم الأخلآاااق .. بيتنآ مآراح يجهز تأثيثه ألآ بعد 7 شهور ..
منتهى .. وقفت بصدمه .. بس نزلت راسها .. وجلست تآكل في شفآيفهآ .. ماتقدر ترجآه أكثرر من كذآ ..
قرب منها .. بآس جبينهآ ..
جهزي نفسك يآعروسه بعيد رمضآن .. وطلع بعد مآشآف ابتسآمتهآ والرآحه على وجههآ .. آللي انعكست تلقآئي على نفسيته هو بعد ..
.. بعد اسبوع ..
" ليلة رمضآن "
الجمعه عند أبو بدر ..
يتبادلون آلتهآني وأالتبآريك ..
الجده وعيآلها الثلاثه .. وبنآتها ساره ومنيرره ..
دخل .. له فتره مآشآفهآ .. وأن كآن يكلمها مكآلمآت لاتسمن ولاتغني من جووع .. بس زين صآرت ترد عليه .. ويعرف عنها أي شي يبيه ..
وقف بالمطبخ .. شآف بتوول أخته .. نآداها .. بتول نآدي لي منتهى فووق بغرفتي ..
بتول : مآيمديك .. خذها معك .. شفهآ بغرفتي ..
ابتسم وطلع ..
فاجأها دخوله .. كآنت قآعده تركب عدسآتها الرمآديه ..
شافها ركبت عدسه والثانيه باقيه عسلي فاتح على طبيعتهآ ..
بدر : هههههههه قرب وباس رآسهآ .. الشهر عليك مبآررك يآالقطووه ..
وأخذ عدستها منها يركبها .. وسحبها معه لغرفته ..
وقفت عند باب غرفته ومارضت رجلها تحررك ..
حس برفضهآ .. مسكهآ من خصرهآ يدخلهآ وبنبرت عتب .. أنا وعدتك .. وأنا عند وعدي .. لآتخآفين ..
.. وأول مآدخلت وقفل آلبآب ..
رمت نفسها على السرير تبكي ..
" انتهى البارت "
// آلبآاارت آلسآاابع وآلعشرون //
جآلسه على بلكه " طوبه " ومتلطمه بشيلة أمها .. عن آلريحه ..
وتفررك الكرش آللي بيدهآ في مسلخ بيتهم آللي ورآ آلسور .. ومجهز بكل شي .. معلاق للذبايح .. وخرطوم مويه " لي " .. ومغسله صغيره .. قطعتها صغآر .. عشآن تسوي كمونيه لابوهآ على السحور ..
ونوف قبآلها .. على بلكه ثانيه .. متلطمه بجلال " شرشف "
ومعهآ بيآلة نعناع .. والترمس بجنبها .. تفتح شوي وتشفط من نعنآعها .. وبعدها تلطم ..
نوف : أحآكيس مضيوي ..
مآعبرتي عن شعورس نآحيت جويبرر .. يعني خطبوس .. وملكوس فجأه وأنتي عآدي عندس .. تحبينه وألا لا ..
موضي : شوفي هو مهوب حب حب .. بس تقدرين تقولين قبول ورآحه .. يعني ما أكرهه ولآ ودي يجيه شرر .. وودي له بالخيرر ..
.. رفعت نوف حآجبهآ بتعجب من حكي موضي ..
.. وكملت موضي ..
وبعيآرره .. مع أن ودي أنآ زي فاتن حمآمه .. وحسين فهمي ..
يعطيني ورده حمرآ.. ويوكلني فول وفلافل .. ويركبني ورآه بالسيكل .. ويرسلي جوابآت من تحت آلبآب >> رسايل و....
قاطع أحلامها شرقت نوف بالشاهي كح كح كح .. كح كح كح ..
تركت آللي بيدهآ .. وطبلتها مع ظهرهآ ..
.. وجع وشفيس ؟؟
آربس حيه ؟؟
ردت نوف .. وجههآ أحمر ..
هههههههههههه
هههههههههههه
.. توقعتس تقولين ..
ودي يعيشني بخيمه عند ذود عقآب .. ويركبني الناقه .. ويوكلني ويشربني التمرر واللبن ..
وربي مآلآق عليس يآفآتن حمآمه .. لآ انتي ولاحسين فهمي حقس ..
كزتها موضي من البلكه لين طاحت على ظهرهآ ..
جعلس المرض .. أحسب أن نفسس بتفيض ..
.. هآ أقطعي وأخسي يآالمتمدنه .. آلرومنسيه قد آلعررب يغرفونهآ مني .. حررره ..
ضحكت نوف بنعومه ..
ههههههههه قسم مآعندس مآعند جدتي ..
اسمعي حكيي وأنتي تفلحين ..
موضي : فلآح من ورآس مآبيه .. خليه لس كود ينفعس مع آلعقآب قبل لآيقص رقبتس ..
قطعت نوف ضحكتهآ .. وقبضهآ قلبهآ .. وردت بعصبيه .. مآيخسآ ألآهو .. شين آلحلآيآ .. وكبت باقي بيآلتها وقامت متنرفزه ..
* * *
بدر قفل آلبآب .. وأتجه للتسريحه القريبه من آلباب .. سحب صندوق أحمررر غطآه كله ورود حمرآ مجففه ..
لف لها.. وانصدم آنها منكبه علآ السرير ودافنه وجهها فيه .. نزل الصندوق بالأرض وانقبض قلبه .. مسكها بيدها وقومهآ وجلس بجنبهآ .. وبزعل وطفش وصل حده معه ..
بدر بحده : وبعدين .. وبعدين مآصآرت ترآ ..
كل مآشفتيني طقيتيهآ بكي .. ترا لآ أنا أول واحد ولآ آخر وآحد يسوي آللي سوآه .. اعتذرنآ وقلنا آسفين مع أنآ مآغلطنآ ..
بس لحد هنآ وبس ..
طفشت أنا .. كل ماجيت بستانس نكدتي علي ..
قآم بغضب .. سديتي نفسي .. آنآ طآلع أبرك لي ..
.. مسكت يده ووقفت معه ..
وبتردد .. بس مآفي مجآل للتردد ..
بدر آنآ .. آنآ .. نزلت رآسهآ مآهو خجل قد مآهو أنكسآرر ..
.. حس آنها بتعتذر له .. فقال يساعدهآ على الكلآم .. أنتي آيش ؟؟
منتهى مسحت دموعها ..
آنآ .. شآكه بشي ..
بدر يحثهآ تكمل .. شآكه بأيش وفي من ؟؟
منتهى ودموعها تصب بدون صوب بكي ..
.. شآهقت بعبرره .. آنآ شآكه آني حآمل .. ونزلت رآسها بأسى وحسره وندم وذل ..
مسكها بدر وجلسهآ .. وتعبيرآت وجهه تبدلت بثواني لمن فهم قصدهآ ..
وجحظت عيونه ..
.. وش درآك ؟؟
متأكده ؟؟
.. هزت رآسهآ تنفي ..
لأ لأ .. مجرد شك ..
دق أبوه يستعجله .. تأخرر على الرجآل ..
طالع الرقم .. وحطه صامت ..
هزهآ .. كيف شآكه ؟؟
منتهى بخجل .. دورتي مطوفه لها أكثرر من أسبوعين ..
.. بدر بجهل في علوم الحريم .. وأذا صآرر ؟؟
.. خايفه يكون الحمل هو اللي منعهآ ..
وقفهآ .. قومي .. البسي عباتك بنروح للمستشفى نتأكد ..
شهقت منتهى وفلتت يده ..
انت صاحي .. تبي تفضحنآ ..
لو شافنا أحد بالمستشفى وعرفنآ .. بعدين كيف نطلع هالأمه تحت ..
وأساسا مافي تحليل ألحين .. الساعه عشرر ..
بدر : طيب بمررك الساعه 9 بكره نروح ونتأكد ..
.. منتهى بجزع .. لآ لآ مستحيل ..
بدر طفش الرجال وراه وهذي معآنده .. آووف طيب كيف نعرف أذا ماحللتي ؟؟
منتهى : فيه في الصيدليه تست تحليل حمل .. أذا رحنا للسوق .. توهت خواتي ورحت أشتريه من الصيدليه ..
بدر : يآحبيبي .. تبين أنتظرر روحتك أنتي وخواتك ..
اسمعي .. بقلط الرجال .. واطلع أجيبه .. جوالك خله بيدك .. لادقيت اطلعي لي فوق .. عطآهآ مفتآح غرفته وطلع وفكره مشوش ..
طلعت وراه .. ومرت من جنب الصندوق .. جاها فضول تفتحه .. بس ترآجعت ..
* * *
مآجد : مضيوي اخطبي لي حضريه من ربعس مثل مآخطبتي لأخوس صقر ..
موضي : اسمح لي يآالشيخ .. لو ذا أول فالك .. كآن على عيني وراسي .. بس طبينه .. اسمح لي .. مقدر أحرق قلب الضعيفه .. ولو هي مقصره بحقك .. قلت حقها وماجاها .. تستاهل ..
بس ذي مآعآد ألا تحب رجليك كانها مابعد حبتها بعد ..
وش قومك عليها .. تغثها وتغث عمرك مع النسوان ..
قاطعها ماجد : أقطعي بس .. نفعس وفودس لأخوس صقيران .. وألا أنا في بليس .. ياشين منة الحرمه لاقد عندها علم ..
انقلعي لابارك الله فيس ..
" فيه بعض الرياجيل لاحشمته وقدرته .. حشمك وقدرك زود .. وبعضهم .. يشوف عمرره ويشك في قدره .. يقول يآدنيآ من أنتي له ..
دام أن الله حدها لي خل أوطى على راسها .. واهينها .. ولا يصحآ ألا لا فقدهآ .. حذرتك يآماجد وانت أبخص بظلما دارك ..
الطغى والزود أعماه .. ماشال هم من هذرتها .. وراح يسأل أمه عينت له أحد ؟؟
من قالها عن أتفاق منتهى معه وهي ماكلمته .. وسيلة أتصاله فيها .. هزت راسها باجابه أو نفي .. والا بأشاره بيدهآ .. آلا أن وصلوو المطآر .. التفت لها .. وسحب نقابها بهدوء .. وبدون لايطالعها ..
أذا شافووك كذا .. عطله بيسوون لنآ زحمه .. حطه بشنطتهآ .. ومشى قدامهآ ..
وأول ماركبو سيارة الاجره .. لبسته ..
وصلو شقته .. وفتح فهد الباب ودخلها .. سكر آلباب وراه .. ورحب فيهآ من قلب ..
حيآ الله أم عزوز .. اسفرت لندن وأنوررت
.تو مآ تبآررك المكآن ..
طآلعته بصمت ومآردت .. تأملت الشقه وأثاثها .. مبين حلو هادي .. بس وصخه مرره يبي لها ترتيب ..
منى بنفسها .. فرحآن .. أكيد فرحان .. كسرني مرره وهذي الثانيه .. والله يكفيني شرر الثالثه ..
حس بنظررت الحزن في عيونها ..
سألها : تبين نآكل هنآ وألا برآ ..
منى .. آنآ مآبي شي .. خذ عزوز معك .. ولاخلص خله يجي ينآم عندي ..
.. وين غرفتي ؟؟
فهد باحرآج .. آعذريني .. الشقه مكركبه ..
.. بجيب بكره أحد ينظفهآ ..
تعالي أوريك غرفتك ..
تبين هذي " سرير نفررين " ..
عزوز بلقافه .. أبوي هذي غرفتك أنت وماما ؟؟
أجل وين غرفتي ..
عطته نظرره خوفته .. وهو مو داري وش خطأه ..
.. مسح فهد على راسه بعد مالاحظ نظرة منى .. وسكت .. وبداخله حكي وأمنيآت كثيرر .. وراح للغرفه الثانيه ..
وألا هذي .. سريرين مفرده ..
.. نزلت شنطة يدهآ .. بجلس هنآ .. طلع وسكررت الباب ورآه ..
بعد دقايق .. دق باب غرفتها .. لبسي عزوز بنزل أنا وياه لمطعم قريب .. وبنمر السوبر ماركت نقضى أغراض الثلآجه ..
منى : طيب ..
واستغلت خروجهم بتنظيف الشقه .. ولهآ ذكرى مؤلمه مع التنظيف لمكان قعدت فهد ..
* * *
بدر بعجله : اطلعي فوق .. جبت الغررض ..
.. انسحبت بهدوء .. وطلعت فوق ..
لحقها بدر بعد ماخبر خواته يفضون له طريق ..
فزت بخوف من سمعت فتحته للباب بقوه ..
طلع من جيبه كيسه بوسطها كرتون مستطيل .. مده لها ..
هذا هو ؟؟
منتهى وهي تطالع الغلاف الخارجي .. أظن ..
تأكدت .. فتحت شنطتها .. وحطتها فيه ..
سحب الشنطه بغضب .. آلحين مخلي الدنيا وراي ..
عشان تحطينه بشنطتك ؟؟
منتهى باستفسار : طيب وشفيها ..
بدر بطولت بآل .. وهو يطلع العلبه ويأشرر بيده .. قدامك الحمام .. انتظررك أنا ..
منتهى باحرآج ..
بدررررر أرجوووك ..
بدر بأصرار : أنا اللي أرجووك لاترفعين ضغطي واسمعي الكلام .. مالك طلعه من هنآ ألا وأنا عارف النتيجه ..
* * *
جآبرر : يآووولد ..
نهآرر : أقررب أقرب حيه ..
جآبر بعد ماسلم .. وتقهوى ..
أقوول يآولد العم .. شف لي طريق بدخل .. أنا ودي أبارك لخويلتي بالشهرر .. ..
نهار : مآلك لوآ .. داخل محارمنآ .. خالتك بتجيك برجليها .. وبعدين الله أكبرر من متى البرر بالخاله .. خبري بك .. تملا كرشك وتطلع مامديت خشك لها ..
جابر بحمق : أجل بقولها لك على بطنها .. آبي اسلم على مضيووي ..
دخل ماجد على هالكلمه :
تهبآاا .. أقطع ذا الهررج .. لاقدها عندك سلم براحك ..
فز جابر زعل ويتحلطم :
جعل وضيح ترفس في بطنك ذا الليل .. كانك قاطعن رزقي ياقليل الفوود ..
// آنتهى البآاارت //
// البآااارت الثآااامن والعشرون //
.. رآيح جآي .. جآي رآيح .. طفش من الانتظآااار .. طل بسآعته .. له ربع سآعه ينتظررهآ ..
.. دق آلبآب .. وماسمع رد ..
دقه بأقوى .. وهمس عند الباب لاحد يسمعه ..
.. منتهى افتحي ..
.. لارد ..
.. منتهى وش صآر ؟؟
.. لارد ..
.. بعصبيه .. منتهى قسم بالله أن مافتحتي لاكسرر هالباب علآ راسك .. افتحي بالطيب أحسن لك ..
.. جالسه على الأرض .. وتبكي بصوت مو مسموع ألا لهآ ..
وكل شوي تطل بالتست .. وترجع ترميه .. وكأن النتيجه ممكن تتغيرر لو طلت عليه كل دقيقه ..
أزعجها دقه .. وخافت يفضحها أكثرر ماهي مفضوحه .. فتحت الباب بعد ماشآلت نفسها من الأرض شيل ..
.. بدر بلهفه ..
هآاا بشرري ..
.. بحقد رمت التست بصدره ..
وطآح على الأرض ..
.. رفعه وطالعه .. هز راسه بجهل .. خطين وش تعني .. حمل ؟؟
هزت راسها وأنهارت تبكي وتضرب يديها براسها وخدودهآ ..
يآويلي يآويلي .. بيدرون والله أن يدرون ..
مسكها من يديها .. وضمها بسعآده .. حآولت تقآومن بشرآسه .. بس حيلهآ أنهد .. مآفيهآ طآقه للعناد والمقآومه ..
بدر : مبررروك مبرررروك ألف مبروووك ..
مو كله لهفه وشوق للولد .. لكن لأن هذآ خيط بيربطهم ببعض غصب لو مآتصلح مآبينهم ..
لأنه يبيها له .. وحتى لو هي مآتبيه .. مستحيل تكون لغيرره ..
.. ضمها لصدره وسط شهقآتهآ ونوحهآ .. همس بأذنهآ ينهاها ويترجآهآ ..
منتهى منتهى منتهى .. أرجوك لاتنكدين علي أول فرحه لي ..
زواجنا هالعيد .. كلها هالشهر محد داري .. خليني استمتع بأحلى خبرر سمعته ..
رفع وجههآ وباس عيونها آللي ترطبت من دموعها .. وخدودها الحمرآ .. سكرر عيونه .. ودفن وجهه برقبتهآ ..
.. منتهى .. آحباط يلف روحهآ .. كأنه جمآد مو حآس بهمي ومصيبتي ..
بعدهآ عنه .. وأتجه للصندوق .. شآله ورجع لهآ ..
بدر : كنت أبيها عيديه و هديه بمناسبه شهر الخيرر ..
ونسيت أن ربي أكررم مني آللي أهدآني أحلى وأغلآ هديه بهآلشهرر ..
.. وسط سكونها .. فتح الصندوق ..
طلع تعليقه مكعبه من الكرستآل الشفآف محدد حواليها فصوص صغيره من الألمآس ..
وبدآخلهآ .. عبآره مكتوبه بالخط آلديوآني تعطي أنعكاسآت جذآبه .. " آحلى من آلعقد لبآسه " ..
لبسها آيآه بسعآده مآلهآ مثيل ..
بدر : تدرين والله لآبق لك ..
.. سحب يدهآ ولبسهآ الخآااتم ..
بآس رآسهآ ووقف .. بنزل قبلك ..
.. طآلعت سآعتهآ .. أكيد الحريم قدخلصو متعشين وبتفقدهآ أمهآ .. أو خوآتهآ ..
وقفت بسرعه .. غسلت وجهها وتحس بعيونها جفاف وتحرقها من كثرر مابكت ..
.. أتجهت للتسريحه .. عآدت الميك آب .. بس بكثآفه ..
خصوصآ عند العيون .. ظل سموكي .. ومآسكرآ كثيفه .. وكحل أكثف ..
بلآشر وروج .. تعطرت .. وألقت نظره أخيرره ..
وقبل لاتطلع انتبهت للتعليقه .. قلبتهآ علآ ورى ودخلتها تحت بلوزتهآ .. فصخت الخاتم وحطته بشنطتها وآلحلق اساسا بدر حاطه بشنطتها ..
طلعت .. تمثل انها على طبيعتها وكل خوفها تفشل وتنكشف ..
.. نزل بدر .. وهو رآيق ويغني ..
" أحلآ من آلعقد لبآسه .. "
وافته امه شايله صينية البيآلآت .. سحبهآ منهآ وحطها على الطاوله القريبه ..
ابتسم لهآ .. ضمهآ وباس رآسهآ ..
وهو وده يصرح لها عن فرحته .. ويعبر للكل عن مشاعرره ..
بدر : الشهرر عليك مبارك يآأحلى ام محمد ..
أم بدر : علينآ وعليك يتبآرك .. وش فيك .. تو جآي معصب وألحين مستانس !!
بدر : مبسوط مبسوط ياأم محمد .. مآودك أنبسط ..
أم بدر : دوم مهوب يوم ..
وش عندك مخلي الرجال بالمجلس وطالع فوق ..
بدر : آنآ ماطلعت ألا عقب ماتقهوو الشاهي وماعآد فيه ألا عمآني وعيآلهم ..
نآدي لي عماتي وجدتي وخالتي أم حمد ببارك لهم بالشهرر ..
أم بدر : رح تعشآ أول شف بتول تحتريك في المقلط .. ولاجو عمانك يسلمون نآديتك ..
بدر : وهو كذلك ..
آتجه للمقلط .. وأرسل بتول تنادي منتهى تعشا معه .. عارفها مآراح تآكل شي .. وأذا ارسل بتول بتنحرج تردهآ ..
* * *
.. أم صقر .. صقيرآن ودنآ نعتمرر أنا وأختي أم سالم .. وبنآخذ الجووز معنآ .. كود ربي يفتح على صدرهآ .. وتعوذ من الشيطان ..
.. صقر .. أبشري آنفدآس .. السياره تحت أمرس ومايدور كفرهآ ألا بشورس .. بس الشايب بيخاوينآ ..
أم صقر : لآ .. لاقدنا معودين .. بيتخآوى هو وشيبآنن معه ..
موضي نطت .. تكفين يمه بخاويكم .. قدني مشتهيتن الحررم وصلآتن فيه مع السديس جعل ربي يبارك فيه ..
أم صقر : وأبوس من نخلي عنده .. بعد نوف تبي المرآح ..
.. موضي في أذن أمها عن لايسمع صقرر .. مآلس لوآ .. نويفه كفررهآ مبنشرر .. وبتقعد عند ألشايب ..
ضحكت أم صقر .. أجل هاتي التلفون بكلم خالتس أعلمها ..
.. جآبر منسدح علآ رجل أمه .. وتلعب بشعرره ..
.. وقاط أذنه مع أمه اللي تكلمها ..
ام سالم : جزآس الله خير ..
أجل أفطررو عندنآ .. ونتوكل سوآ ..
لآ مآمعي خوي .. أنآ لحآلي ..
ودعت أختها وسكرت .. نط جابرر قاعد ..
.. تصدقين يمه .. أحس بتكه في جوفي .. وودي اعتمرر من زمآن .. بس مآلقيت لي خويآ يلذون على الخآطرر ..
أم سالم .. ههههه .. جويبرر .. مويضي بتخاوينآ .. وأخاف تهون لا درت عن خوتك ..
جآبر : هلآ والله ..
بتخاويكم بعد .. والله لاروح معكم لو أنبطح فوق التنده ..
ام سالم : خوينآ صقر .. وأخاف مايطيعيك ..
جآبر : الله لايهينه صقير .. يتحاكآ مع بنت الحظران ..
وحآرمن جويبرر .. ياعيشتن قشررآ .. قد جنوبي بتطقق من الحكي .. أبي أفضفض قبل لآ يجيني أكتئآب .. أقطعها من حآله ..
أم سالم : الله يعين بنت أختي .. بتشيب عوينآتها من شرهآتك وطلآيبك ..
جآبرر : بنت أختس ذي بيض صعوو .. تذكر ولا تشآف ..
والله لو أنهآ ديآنآ ماخفروهآ هآلتخفرر .. كنهآ بتنقص يد والا رجل لآتحآكينآ ..
أم سالم ضربته بفصم التمره اللي معها ..
جعلني ماآكل لك حق .. عزالله منتب ستيرر حآل ..
* * *
فهد .. طفشت .. مو معطيتني فرصه أبد أكلمها أو حتى أشوف ظلها .. كيف بنتفاهم ؟؟
صعب أستمرر بهآالحآله ..
حتى عزوز طفش .. من كونه مرسآل بينآ ..
.. أتصلت بأحمد الكويتي .. صديقي وقريب سكنه من سكني .. قلت له آبي أهله يجون يتعرفون على أهلي ..
أبي أغيرر جوهآ شوي .. ونبفس الوقت .. أبي مرت أحمد تعرف عليها عشان يطلعون سوآ .. مو رآضيه تطلع معي أي مكآن ..
وبعد ولد أحمد .. أصغر من عزوز بسنتين .. بس ماعليه بيسجمون ..
دقيت بابها سفهتني ماردت ..
تنهدت .. وقلت لها .. تجهزي .. مرت أحمد صديقي وأمه بيجوون بعد العشآ بيتعرفون عليك .. شوفي وش ناقص وقولي لي وتركتها ..
..
// آلبآاارت آلتآاااسع والعشرون //
جآاابر : مآرضى الصقر يفطرون عندنآ .. بنمشي العصر قبل الفطور ومرونآ .. وأنآ نبهت على أمي ماتعلمهم آني خوي ..
صقر نزل من سيآرته : بتخآوينآ ؟؟
جآبر : أيه .. تدري أميمتي يبي لها من يداريهآ في الحرم .. وآنآ فآضي قلت ألحق البرر فيها قبل ماتتررب يداي ..
صقر وفهم المقصد بس استحى يرد خوته .. أن كان قصدك أمك ترآهآ أمي بعد .. بداريهن سوآ ..
جآبر : جعلك سآلم .. أميمتي ماتبي ألآ برري تقول طعمه غيرر .. وأنآ بعد .. آبي أدعي ربي يوفقني ويرزقني .. ويسخر لي اللي مقوا سخررته >> يقصد ماجد
ويسخر لي آلعبيد آلعآصيه وآلقلوب آلقآسيه والجبآل آلرآسيه ..
كزه صقر من كتفه ..
آقول .. تراك ألى ذلحين عند بآب بيتكم منتب في الحرم ومقابل المقام ..
جآبر : هههههه وش أسوي ياخوك تحمست .. قاعدن ساعه أحآول أحفظها من أمي هالدعآت جآيزتن لي بالحيل ..
صقر : أركب بس .. بيذن الفجر وأنت تهذر .. وأتجه لجهة السواق بيركب ..
مسكه جآبرر : علي الطلآق محدن يسوق غيري ..
موضي كانت بالجيب ورا مرتبت االسايق تسمعهم ..
تحاكي نفسها .. جعلك السلال ياجويبرر .. ماقلنآ أعررسنآ ألا وأنت مطلق ..
صقر : أستغفر ربك يآرجال .. لآعآد تعيد هالهرجه .. تدري لو أنك قايلها لماجد كان عناد فيك ولعآنه ماخلآك تسوق عشان تطلق ..
ترآ مهوب كلن سمح .. لاقلت له " علي الطلآق " قال تم ..
جابر تحسف : يآخوك لسآني أقشرر .. وتووبه مالها نووبه ..
ركب بسرعه قبل لايلف صقر لمكانه بجنبه .. وكسرر المرآيه الأماميه لمهآ قبل لايشوفه صقيرر ..
ركبوو وتوكلوو على آلله ..
وبعد ماطلعوو من الريآض وعشان يشغل صقر عنه .. عطاه جوآله .. وقآله :
صقر .. بالله عليك اسمع هالقصيده لعايض القرني بصوت أبو نوره .. والله تخشع الصخرر ..
خذه صقر وغطآ وجهه بشماغه .. والجوال بأذنه ودخل جوو مع القصيده ..
.. جآبر بنفسه ..
هم وطاح .. باقي ذآ آلعجيزات .. وش بيرقدهن .. أخاف اسوي شي واطيح في وحدتن منهن ..
يمه .. خاله .. أرقدن الطريق طويل ..
عشان لاوصلنا لينكن شبعآنآت نوم .. تعبدن بالحرم وترزقن الله ..
جاز لهم شوره .. غطن وجيهن عن النور وحاولن يرقدن ..
ناظر في المرايه .. شافها مهيب لمه .. تناظر جوانب الطريق ..
رص عمره على مرتبته .. وغامروهو يآخذ نظره سريعه لصقر ..
مد يده وراه من الجنب عشان ينبههآ ..
أرتاعت من حست بحركه حولهآ ..
شافت يده تحاول توصل لها عشان تنبههآ .. أرتاعت ..
رفعت تلقآئي تشوفه بالمرآيه .. غمز لهآ ..
.. قرصت عيونها بغيض تحذره .. طلع لهآ لسآنه ..
.. فتحت عيونهآ علآ وسعهن .. رمى
لهآ بووسه بدون صوت ..
كسررت نظررتهآ ..
موضي بنفسهآ .. وجع .. شين وقوات عين ..
والله لو مجوود شآفه غير يتوطاه بالكفرر ..
قعد يغمز لهآ .. ويقط لها بوسآت .. ويستهبل عليهآ .. يبي يضحكهآ .. نآسي آللي حوله ..
وماحس باللي جنبه سكرر الجوال وماسمع بآقي القصيده ..
صقر أحترر له وقت يتابعه .. والأخ مطيح وعايش جوو ..
صقر بحده .. جويبررر
جابرر أرتبك وأثرت ربكته بشكل بسيط على سياقته مع رجة السيآره .. تنحنح ..
آلله يهديها أم سالم .. أشغلتني عن السياقه .. تمزح معي .. مآعرف يرقعها من الربكه ..
صقرر بغيظ .. عدل المرايه
أم سالم .. وألا أم مبارك ؟؟
حوول حوول بسوق أنآ بغيت تعدمنآ ..
جآبرر ركز شوفه على الطريق ..وبقوات وجه ..
أجل كان حطيت أم مبارك على الباب الايمن .. يومن أنك داري ..
* * *
منى .. أووف بلشه .. كيف بستعد لهم .. لازم أطلع ..
سمعت صوت الباب يتسكرر ..
طلعت .. نظفت الشقه بدقه ..
فتحت الثلاجه وتفقدت الناقص ..
طيب مدري .. بيجون اليوم وألا بكره ..
.. بيتعشون وألا لا .. يلعن أم الحاله ..
سويت حلا سريع بالكورن فليكس ..
مع سلة شوكولاتات مشكله ..
بس وهقه .. مافي قهوه ألا تركيه ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك