رواية اضحك وانا في داخلي مجروح -12
بندت عنه ومشيت ساير صووب الريااايييل جفت امل يايه صووبي
امل : احمد فديتك طـــلبتك
احمد : اممم عطيييتج امـري
امل : اباا العب بالدرااجهـ
احمد : امممم بس الحين فليييل
امل : انزيين اردفني هع هع
احمد : اممم اذا جـي اوكـي
امل : يلاااا احمدووو بـسرعه
احمد : هههههههههه بلاج مستعيله
امل : هههه بس جي متحمسه
سـرت عنهاآآ ويبت دراجتي وقف صووبها
امل : حموود عندك غتره ف سياارتك عادي اخذها بتلثم فيها عسب البرد
احمد : اوكـيه سـيري ايبييها بـسرعهـ
سـآرت صوب السيااره وطلعتها وقفت جدام المنظره ووتلثمت فيها شكلها طلع كيووت رفتع عباتها كانت لابسه بنطون وردي .. ربطت العباااه عسب ماتحترق ولا تنخش تحت التوااير ويت ركبت ورااي
امل : يلا انا مستعده انطلق
احمد : يلا 1 2 3
مشيت بسرعه وشوحت ويلاات فيها وهييه مستاانسه ماشاء الله عليها .... لفيت فيها كم لفه وعـقب وقفت قبل لاننزل
امل : احمد اصـبر اصـبر شويه ...
احمد : هاه شو تبين لاتقوولييين بعد لاني تعبت
امل: صـح اني ابا بــ عد بس خيـرها ف غيرها بس صـبر
يسلت تصاارخ تزقر ريمو شويه ويت ريمو
الريم : هاااه امووووووووول بلاج تبااغميين ؟
امل : يودي الكييمرا صورينا
وقفت ريم وصورتنا كم صوره عقب عطت امول الكاام ونزلت
سقت الدراجه ووديتها وين باجي الدراجاات وعـقب نـزلت كانو
توهم حاطين العشـآآ تعـشينا ويلسنآ شويه وعــٌقب كل واحد ركبـ سـيآرته وروحـ ..
.................................................. .................................
المكاان : بيت بواحمد
الساعه : 8 ونـص الصبـح
امـــــل
.................................................. .................................
نااشه من وقت عسب اذااكـر شليت كتاابي وملاازمي وقلم ونزلت تحت طلعت برع ف الحديقه حطييت ع الطاوله اورااقي وسـٍرت المطبخ سويتلي هوت شوكلت وطلعت يلست ف الحدييقه اممم وااايد بـــرد االله ع الجــو يلــست اذاااكـر لين السااآعهـ 9 ونـص
نشـيت وسـرت دااخل الصااله جفت اماايه وابويه : صبااح الخـير
: صباااح النور
اماايه : امول وين كنتي ؟
امل : امايه كنت اذاكـر بـرع
ابويه : بـٍرد علـيج عن تمرضيين
امل : لا عادي ابويه بعديين لابسه غليض انا
اماايه : تعالي تريقي
امل : انزين الحييين يااايه
سـرت تريقت وعـقب يلست ويا قوم اماايه وعقب سرت فـوق غرفه ريم فتحت البااب جفتها ترمس ف الفون بندت البااب بدون ماقوول شي .... سـرت غرفتي فريت اوراقي ع السرير سرت الكبت خذتلي ثيااب وسرت اتســبح ....
طلعت من الحمام بعد ماتسبحت وانا احــس بالانتعااش والحيويه ههه .. لبست لي بجاامه غليضه زرقه لبست دلاغ لاني كنت برداانه وسـٍرت نشفت شعري بالاستشواار خلييته مفتوح ع جفتي حسيييييته طولان... تعطرت شويه وسرت فتحت كتابي اذاااكـــر
.................................................. .................................
المكاان : بيت بو حمـيد
الساعه : 10 ونـص
حمـيد
بندت الفون عن ريمـ وسـرت تحت جفت كلهم ف الصاله : السلام عليكمـ
: علييييكم السلااااااااااااام
حمـــيد : ماشاء الله كلكمـ ف الصااله
ميره : ههههه ماناقصنا الا انت والحيين ييت
ام حميد : حميد ماتبا ريووق
حميد : لالا امايه مابا
ام حمييد : براحتك يوم تبا اكو الريووق محطووط
حميد : ان شاء الله
سولفت وياهم وعقب طلعت ركـبت سيارتي وسـرت صووب الحلاق وعقب كنتـ جـريب من بيـت يدؤوه ـ .. مـرييييييت علييها اسـلم .... حلفت عليه الا اتغدى عندها ماحبيت اردها
.................................................. .................................
المكان : بيت بو احمد
الساعه: 11 الصـبح
الـريم
.................................................. .................................
كنت يالسه ويا اماايه اسوولف وياها تباااني من الحين ابدى تجهزاات العــٍرس واناا اقولها لا توه الناس
امايه : يارييم عقب بتنشغلين من الحييين خلـصي تجهيزاتج
الـريم :اماايه الحين عندي امتحاناات وبعدييين العـرس ف الصيف شـي وقـت واآيد
اماايه : انتي خلصي ف اجاازه الـربيع الاشياء المهمه لان عـقب بيكون دواماات واول الاجاازه عـرسج يعنـيي مـآشيـ وُقت ..
الـريم : ان شاء الله بحـآول .. اماايه اليوم ابا اسـير الـسووق بفصـلي عبـاه
امايه : الحيين امتحاناات عقب فصلي
الـريم : لا لا اباها الحين ضرووري
اماايه : بجووف ابووج اذا فاضيـ بنـسير اليوم
الـريم : ان شاء الله ... الا اماايه العـيد متى بيكون ؟
امااايه : العيـد بيكوون
شهـقت امايه صديت عليها بسـرعه
الـريم: شوفيج اماايه
اماايه : العييييد بيكووون يوم الخمـيس ونحنا مازهبنا شيـ
الـريم : اويي مابيمدينا نفصـل عـبي
امايه : امبلا العباه بتخـلص اعرف محل دووم اتعاامل وياه بيخلصها ف اسبووع
الـريم: اوكـي متى بنطلع ؟
امايه : تجـهزو اوول العــصر بنـسير
الـريم: ان شاءالله
امايه : يلا انا بقوم اصـلي اذن
الـريم: انا بعد الحـين بـنش اصـلي
قمت وسـرت غرفتـي صـليييت الـظهـر واتسبحت نشفت شعـري وبدلت ثياابي وسـرت غرفة امـول دقـيييت الـبآب ودشـيت
: هااي
امل :هلا
الـريم : بقوووووولج شـي خـطيــــــــر
امل : اممممممم شو يعـني ؟
الـريم : يوم الخـميس اليااي العـيد
شهقت امول
امل : العييييييييييييد اوي نـسيت يعني نحنا بنداوم لين الاثنين وعقب بنأجر عسب الامتحاناات والعيـد
الـٍريم: هيييه
شهقت امل مره ثاانيه
الريم : بلاج
امل : ماخذتلي شي حق العـيييييييييد
الـريم : انــزيييين حتـى انآ ماخـذت الـيوم العـًصر بنـسير نفـصل عـبي وبنـسير نتشرآ بعـد
امل : اوكـيه عـــيل زيــن
يلست اسوولف ويااها شويه وعـقب زقرووونا كانو حاآطـين الغدآ
تغديينا وكل واحد ساآآر غرفته انا سرت غرفتي ارمس حمـيد لانه اتصل فيني وانا اتغدى مارديييت عليه
.................................................. .................................
المكاان : بيت بو حميد
الساعه : 2 ونـص
مـيره
.................................................. .................................
كنت يالسه ف الصاله وميوده ملزمتي مال الجامعه سمعت تلفون البيت يرن قمت صوب التلفوون جفت ف الكاشف رقم بيت عميـ شليته : الو
امل : السلام عليكم
ميره :هلا امول وعليكم السلام
امل : شحاآلج ميروه ؟
ميره : بخـير الله يسلمج وانتي شحالج.؟
امل : تماام ..الا اقوووول ميره تعرفين متى العيد
ميره : اي عيـيد
امل : عيد الاضحـــــــى
ميـره : اممممم ماعرف والله
امل : شرايج لو اقوولج الخـميييس الياي
مـيره: عادي
شويه واستوعبت الخميس اليياااي يعني اليوم السبت وانا ماجهزت شي
ميره : متـــــــــــــــــــــــــى الخـميييييييييييس
امل : الخـميييس هيه الخميس
مـيره : اويييي امووووووووووووووووول ماجهزت شـي موول
امل : مب احس مني مول ماجـهزت
مـيره : شو بنسوي ؟
امل : نحنا اليوم العـصر بنـسيرر
مـيره : يااحييكم عيل بخلييج امول بـسير اجوف اماايه متى بتجهز
امل : اوكــيه
مـيره : الا وين ريمو القاطعه
امل : ماعرف ف غرفتها يمكن
ميٍره : هيه من لقى احباابه نسى اصحااااااابه
امل : ههههههههه يلا عـيل باي
مـيره : باي
بندت عنهاا وسرت تحت جفت اماايه ويلست ارمسها
.................................................. .................................
المكان : بيت بو احمد
الساعه : 4
امل
.................................................. .................................
تونـي بندت عن مـيره قالتلي ان همـ بيتلااقوون ويانا ف المول
المهم غـيرت ثياابي لبست تنووره بني فاتح وقميصها بعد بني وعليه جاكيت قصيير فييه بني فااتح رفعت شعـري بتوكه وتجحلت ع الخفيف سرت تحت جفت امايه ف الصااله
امل : اماايه ترا قوم ميره بيتلاقون ويانا هنااك اوكـيه
امايه : ان شاء الله
امل: انتو اي موول تبوون تسيروون؟
اماايه : مادرييبكم بس اول بنمر عند راعي العـبي
امل : اوكـيه شراايج نسير العربي سنتر يمدحونه يقولون حلو
اماايه : ان شاء الله
امل : متى بنـسير ؟
امايه : يوم بيون من الصلاه
امل :خلاص انا بسير بصلي وبلبس عباتي وبي
امايه : انزيين ومري ع ريم
نشيت وسرت غرفتي صـليت العـصر لبست عباتي والشيله شليت شنطتي وطلعت من غرفتي سرت صوب غرفه ريم دقييت البااب
جفتها توها مخلصه صلاه ولابسه ومخلصه
امل : يلا ريمو تعالي تحـت
الـريم : اوكــيييه بلبس عبااتي تـريني
امل : اوكـيه
لبست عباااتهاااا ونزلنا تحـــت ف الصاله جفت احمد يالس ويا اماايه : هاه خلصتو
:هييه خلصنا
احمد : يلا عيل سرينا
قمنا كلنا وطلعناآ ركبنا السيااره وسرنا محل العبي فصلنا وقال بيخلصهم يوم الاربعاء المغرب يعني ليله العيد المهم عقب سرنا صوب العربي سنتر قلت حق ريم تتصل ف ميره عسب تقوولها
وصلنا ونزلنا شويه ويو قوم مييره وكاان حميد ياايبنهـ ...
سرنا نحنا نشرى
.................................................. .................................
المكان : العـــربي سـنتر
الساعه : 5
الـريم
.................................................. .................................
طلعنا من زاراا سايرين الصووب الثااني نحنا كلنا اشترينا نفس البدل تنوووره وبدي المهمـ .. تذكرت ان ماقلنا حق هند خفت انها تزعل بس بعديين قلت لا شو يزعلها اصلا نحنا ماكنا يعني متفقيين من زماان المهم ونحنا نمشي جفنا شلت شباب سوينا طاف وسرنا الصووب الثااني جفت ثنين من الشله يو صووبنا سويتلهم طااف ومشيت ويا الباجياات يلست امشي وحذالي امول
الريم : اموول الحقي هاييل من الصبح يلاحقوونا
امل : ماعليج منهم سوي طااف يخسوون يسوون شـي
مـيره : اقوولكم اذا رمسوووكم سو طاف لاتردوون وتغشن
تغشينا كلنا وانا اسمع الي ورانا يستتهبلووون مستكت ايييد اموول ادرييبها ماتقبض لسانها خااصه فهالمواقف كانو وراانا واايد ونحن كل مانسرع وهمـ بعد يسرعوون وانا ملييت منهم خلااص المهم حست انهم ملوو من الحواطه ورانا فجأه احـس ايد ع جفتيي يوم صدييت الجــــــــــــلب حاط ايده ع جفتي من صوب واحد ماحسييييييينا الااااااااا الولد ميود خشمه من البوكس الي يااه
حميد : ياحمااااااااااااااار انجلع ولا والله بتجوف شي عمرك ماجفته
الاول : انت منو وترا انا اول جفتها
حمييد صفعه هاك الطرااق
حميد : يااجلب هااي حرمتييييي وانجلع ولا اليوم بتباات ف السجن
ماجفنا الا غبااار الولد عااد اناا ميته من الزيييغه
الريم : حمييد والله العظييم مايخصني هوه من متى يلاحقنا نحنا مسوييله طااف والله العظيم
جفت حمييد طالعني بنظره وروح اففف ياربي ماابااه يزعل انزيين انا شو يخصني
ميره : يلا تعالي ريم بنـسييير هالمحلـ
الـريم : سيروو رووحكـم
امل : يعني انتي اونج واايد متأثره عادي ترا وخـلصي شغلج لان العيد جـرب وبعدييين نسيتي ان مابني مره ثانيه
الـريـم : اوكــيه
سـرنا اشترينا الي نباه وعـقب نزلنا تحت حميد خذ ميره وامه وساوالي طااف اففف يـآربي ردييت البيت واناا موووووول منقهره حتى عشا قلتلهمـ ماآبا دخلـت الغـرفه وبدلت ثيااابي
ولبست بجامه وطحـت ع سريري شليت مبايلي جفت ولا مس كوول ولا مسج طـرشتله مـسج
[,بالقلـب مكـانك وعينـي تـرعـاااك ..
و إن زعلـت منـي أجـي لـ رضـاااك ..
مـاعنـدي بهالدنيـا أحـد مثـلك و شـروواك ..
و إن بـاعـووك كـل النـاااس يـالـ غ ــالي
تـرىى عمـري يفـداك,]
شويه ورد عليه بمسج بعـد
تلومني فيك يوم أغليك..
ياأغلى جروحي ومشقيها..
أبيع كل البشر وأشتريك..
حاضر سنيني وماضيها..
ياغايب صرت أفكر فيك..
ياأول همومي وتاليها..
أطلب حياتي وأنا بعطيك..
تستاهل الروح ومهديها..
استاانست وايد ع المـــسج فدييتك يااحمييد
قررت اتـصل فيـــه
اتصـلت رن رن رن رن
حميـد : الو
ارتجفت وانا اسمع صووته جنه اول مره ارمسه
الـريم : السلام عليكمـ
حميـد : عليكم السلام
الريم : امممم حمـيد انا اسفه
حميد : ع شو ؟
الريم : ع الي صار اليوم
حميد : الي صار اليوم مالج ذنب فييه
الـريم : يعني مب زعلان؟
حميد : لا والله ازعل من الدنيا كلها بس مازعل منج
ويلست ارمـسه
............................
مـــرن ثلاث ايام والمدارس اجزو حق الامتحاناات
امل ذاابحه عمرها مذااكره وتجهز حق العيد
الـريم بعد تذااكـٍر وتـرمسـ حمـيد
والباجيين ع حاالهم
.................................................. .................................
المكان : بيت بو احمد
الساعه : 3 ونـص الفـجر
امل
.................................................. .................................
رقدت امس الساعه 12 ونشيت توه عسب اراجع واذااكر سرت سويتلي كووفي عســب اصحصح يلست اشرب واذااآآكــٍر فالصاله الي فوووق ليـــن تقريباا عقب ساعه ابويه ظهر من غرفته سااير يصلي واحمد ويااه : صبااح الخــير
امل : صبااح النور
ساارو يصلون ذاكرت شويه وعقب قمت سرت صللييت وتسبحت لبست مريوولي مال المدرسه وعـقب شليت اورااقي وسرت الصااله جفت اماايه : صباح الخـير
امايه : صباح الفـل
امل : شحالج مامي ؟
امايه : الحمدالله ..متى نااشه؟
امل : يمكن 3
اماايه : ليش جان رقدي شويه ف الامتحان مابتروومين تركزين
امل : لا لا امايه عادي انا متعوده اواصـل
امايه : ع راحتج تعالي تريقي
امل : ان شاء الله
تريقت شويه وعقب يودت كتاابي ويلست اذااكر
امل :امايه اليوم ابا اسير معهد باجر انجليزي
امايه: ان شاء الله
يلست اذااكـــــر لين تقريبااا7 عقب يت ريمو واحمد
يلسو يتريقوون نشيت انا سرت لبست جوتي وشيلتي مال الاسكوول وتعطرت لبست ساعتي عسب اعرف متى بيخلص الامتحاان رديت الصااله يلست اذااكر شويه وسمعت صوت البااص ســرت ركـبت البااص سرنا المدرسه مارديت اراجع لان اصلاا سمعت يقولوون مب زين ....
دخلـت قااعه الامتحاان بسم الله الرحمن الرحيييم ....
ويلست ادعــي واسـمي يلست ع طااولتـي خمـس دقاايق وبداا الامتـحـآآآن مــرت سـآعه سـآعتــين نــص سااعهـ .. طلعنا من الامتحاان
نووف : هاه امول شورايج بالامتحان
امل : يعني نـص ونص .. كبداايه زيينن
سرنا صوب المقصف اشرينا وعقب تمشينا شويه وروحنا البيييت
دخـــلت البــيت جفت اماايه : السلام عليكم
امايه : عليكم السلام هاه شو سويتي ف الامتحان
امل : الحمدالله زين
امايه :الحمدالله
امل : انا بسير ارقد تعبانه الساعه 3 وعووني
امايه : ان شااء الله ومتى بتسيرين المعهد
امل : اممم الساعه خمـس
امايه : اوكي عـيل
سرت فووق بدلت ثياااابي وحـطيييت رااسـي ورقدت
.................................................. ...............
المكان : جامعه الشاارجه
الساعه : 11
مــيـــره
.................................................. ...............
طلعت من الامتحاان وانا مستاانسه كان وايد سـهل سـرت صوب الكفتيريا شويه ويت ربيعتي مهره يـلست اسـولف ويـآهاا عـــقب ياني ابويه ورديت البيت رقــدت شويه لين الغدى نشـيت وتغدييت ويلسـت اذاآآكـــٍر حـق بـآجر
.................................................. ...............
مـر اسبووع الامتحااناات بسرعه وكل واحد مشغول بالامتحاناات والمذاااكــره
بجى يومييين ع امتحانات امول والريم وميره خلـصو
.................................................. ...............
المكاان : بيت بو احمد
الساعه: 11 ونـًص فليل
امـل
.................................................. ...............
مــر اسبووع الامتحانات بسرعه نصها زينه ونصها صـعبه
ونصها سـم بس الحمدالله الحين ماباجي غير امتحاان باجـر علـيه فـيزيـآ حسيت عيني برووحها تغمض من التعب قمت من مكاني وسرت غرفتي بدلت ثياابي وحطييت المنبه ع الساعه
4 ورقدت ...
عـــقب كم سااعه سمعت صوت المنبه يرن رفعت راسي بتعب وبندته ورقــدت
عقب كم ساعه سمعت صوت اماايه تزقرني : امووول بعدج مانشيتي يلاااا نـشي
امل بتعب : الساعه كم
امايه : سبع الاربع
امل: هاه شووويه واستوعب قمت من فرااشي بسرعه ماراجعت ياااربي دشيت الحمام تغسلت بسرعه طلعت ولبست مريووولي ورفعت شعـري بتوكه لبست دلاغـي وجوتي وشلييت شيلتي وكتابي وقـلمي وبسـرعه افف ع اخـر يوم بخووورها جفت السااعه كانت 7 وعـشر البااص ماباقي عنهـ شـي ركضت نزلت تحت : السلام يلا مع السلام
اماايه : امووول تعالي تريقي
امل: امااااااااااااايه البااص مابااجي شي عنه وانا مول ماراجعت
وطلعت ع طوول من الباااب وسرت
صوب البااب العود وقفت ورا البااب توني بفتح كتابي سمعت صووت هـرن البااص يالله سرت ركبت الباص يلست مكااني ارااجــع وصلنا المدرسه وع طوول دخلنا قاعه الامتحاناات الامتحاان مادري شقاا حلييته حسيييت اني لخبطت ف نفس الوقت حليت عدل طلعت من القاعه وانا اتناافض
يتني ربيعتي نوف : امول بلاج
امل : لا لا مااشي
نوف: انزيين بلاج ترتجفيين
امل : لا لا عادي
سرت المقصف واشتريت ماي وعقب سلمت ع ربيعااتي وسرت صوب الباصات لانهم اليوم بيمشون من وقت لانه اخـر يـوم
وصـلت بيتنا ودخـلت الصااله جفت اماايه وريمو
: السلام علــيكم
:عليكم السلام
اماايه : هااه امول شو سويتي ف الامتحاان اليوم
امل :الحمدالله
الـريم: مبروووووووووك اخيرا خلصتوو
امل : الله يباارك فيييج هيه والله مابغيناا
الريم : هههههه حليلكم
امل : يلا عيل انا بسيير ارقد لاتوعوني ع الغدا
الريم : اوكـيه
.................................................. ...............
المكاان : بيت بو حميد
الساعه : 4 الـعصـر
مـيره
.................................................. ...............
كنت يالسه ع الاب ملااانه دشت عليه اماايه
ميره : هلا هلا والله باماايه اسفرت وانورت
امايه : ههههه شو تسوين؟
ميره : مااشي ملانه
اماايه : انزيين انا ابااج بموضووع
ميره : تفضلي امايه
امايه : تعرفيين يابنتي انج كبرتي وماشاء الله عليج مب ناقصنج شي والي كبرج معرساات اكي ريم بنت عمـج وانتي ماينقصج شيـ عنهمـ... خطبج اليوم اخو ربيعتج شيخه واتوقع انج تعرفيينه ماشاء الله ناس زيينين ومايتعوضوون
نزلت رااسي ورديت عليها : ان شاء الله امايه
امايه : بارك الله فيج
قامت عني وطلعت من الغرفه طحت عالسرير افـكر بـصٍراحه محتااااااااااااره ماعرف شو اسوي اناا ابااه ومواافقه عليه بس بعد امممـ قررت اتوكل ع الله واوافق لان اكيد يبااني وواثق فييني عسب جــي خطـبني
.................................................. ...............
المكاان : سيااره احمد
السااعه : 8
احمد
.................................................. ...............
كنت ملاان يالس اتحووط الشوااارع رن فوووني كانت اليااازيه
الياازيه : هلا والله
احمد : اهليين وسهلييييييييين
اليازيه : شحالك يالقااطع
احمد : ههههه بخـير وانتي شحالج .؟
الياازيه : الحمدالله
يسلت ارمس وياها شويه وعقب اتصلت ف خلييفه عسب اظـهر ويـآه
.................................................. ...............
المكان : بيت بو احمد
الساعه : 11
امل
.................................................. ...............
كنت يالسه ويا ريم نسولف
امل : اقووول ريمو والله ملل يباالنا نسير مكاان
الريم: هييه والله بس وين ياحــسره
امل : مااعرف
الريم: متى بتطلع نتايجكمـ
امل : امممم الخميس
الريم : بعد يوميين يعني
امل : هييه
الريم : زيين زيين
امل : وانتوو ؟
الريم : نحنا لين الحين ماحددو
امل: انزيين انا بسير غرفتي بتيين ويايه ؟
الـريم: لا لا بتصل ف حميد
امل : اوكـيه
طلعت عنها وســرت غــرفتـي فتـحت الاب توب والمسن
ركبت السماعات ويلست اسمع اغنيه واغني وياه
بــصبر على فرقاكمـ مهمااا تـمـر سنيين بتخيل محيااكم
...... الخ
عقب بندت الاب وحطييت راسي ورقــدت
.................................................. ...............
المكان : بيت بو احمد
الساعه : 9 ونـص الصبح
الــريم
.................................................. ...............
نشييت ع صووت اماايه الله يحفظها
اماييه : ريم فدييتج نشي
الريم : هاه امايه؟ ا
امايه : نشي فدييتج لان اليوم قوم خالج كلهم ف بيتنا
الريم : متـى
اماايه : ع الغدا نشي بسير اوعي اختج تعالو ساعدوني
الريم : ان شاء الله
نشيت وسرت الحمام اتغسل وعقـب طلعت سرت بدلت ثيابي ونزلت تحت .. شويه ونزلت امول ساعدتنا
سويت كم سوييت و وساعدت اماايه وامول ويانا عقب فتره خلصنا قبل لانسير فوق
الريم: امايه منو بي ؟
اماايه : قوم خالج وخالتج وقوم امايه
الريم : اهاا
امل: كلهم بيوون خالو بتيب البنات
امايه: هيه كلهم بيون
سـرت فوق غرفتي تسبحت ورتبت الغرفه وعقب تجهزت واتلبست واتصلت ف حمـيــد
.................................................. .............
المكان : بيت بو احمد
الساعه : 1
امل
.................................................. ...............
تسبحت وتلبست ويلست ورتبت غرفتي وسرت دخنت البيت ويا امايه وعقب يلست ملانه اتريااهم سمعت الجــرس يـرن
قلت حق تينا تسير تفتحه شـويه ودخلت خالو فاطمه وبناتها سلمت عليهم ويلسوو يت امايه وريمو ويلسنا نسولف وعـقب
ربــع سـآعه يو قوم خالي دخلت حرمته هنيه وهو سار الميلـس عــٌقـب يو قوم امي من راك شـويه وحـطو الغداا تغدوو وجـي عقب يأ خالي يلس وياناا عادي وجـي
تمـو عندنا ليين تقريبا ثمان وعقب سـارو الاشيااء الحلوه ف هااي المره اني ماجفت هزاعوو وان اتفقو ان مره من المراات بيسروون عزبة خالي ف عواافيـ ...
رقددت من وقت عسب بااجر انش واجووف النتيييجه
نشـيتت ع السااعه 8 سـرت بدلت ثيابي ولبست شي غليظ عن البرد وعقب سرت شليت الاب وسرت الحديقه البيت تقريبا فااضيـ .. يلست ف الحديقه وبطلت الاب شبكت النت وشغلت الموقع ماطااع يفتح افف انحبط يلست ع النت ملانه احوووط
عقب تقريبا ساعه يت اماايه صوبي ويلست وياايه
امايه : الجووحلو اليوم بخلي تينا تحطي الريوق اهني
امل : هيه اماايه ماشي وايد بــٍرد
ساارت اماايه وعقب ردت تيلس فتحت صفحه الموقع وخليته مجابلتني اطاالعها كل شويه ويلست اتريق ويااماايه
شويه وجفت شي سرت صوب الاب
امل : اماايه فتح فتح الموقع
امايه : يلا دووري اسمج
يسلت ادوور لين لقيت امل سلطان .. الخ 92 .5
امل : امااااااااااايه نجحت نجـحت
اماايه : مبرووك فدييتج كم مجمووعج
امل : 92 . 5
امايه : مبرووك فدييتج تستاهليين
والله حسييت عمري بطيير من الفرحه مب قادره اصدق اه ياربي الحمدالله نسبتي وايد اوكي لان الامتحانات كانت صـعبه
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك