رواية اضحك وانا في داخلي مجروح -13
ساارت اماايه وعقب ردت تيلس فتحت صفحه الموقع وخليته مجابلتني اطاالعها كل شويه ويلست اتريق ويااماايه
شويه وجفت شي سرت صوب الاب
امل : اماايه فتح فتح الموقع
امايه : يلا دووري اسمج
يسلت ادوور لين لقيت امل سلطان .. الخ 92 .5
امل : امااااااااااايه نجحت نجـحت
اماايه : مبرووك فدييتج كم مجمووعج
امل : 92 . 5
امايه : مبرووك فدييتج تستاهليين
والله حسييت عمري بطيير من الفرحه مب قادره اصدق اه ياربي الحمدالله نسبتي وايد اوكي لان الامتحانات كانت صـعبه
عقب تلفون البيت وتلفون اماايه ماسكت كل شويه حد يتصل يباااركلي بالنتيجه حتى ربيعاتي فدييتهن ماقصـرن كلهن اتصلو
.................................................. ...............
ننتىمنى ببم نؤىزررمنى المكان : بيت يدوه
تنىلانتيرنؤمؤي تنؤىرنت الساعه: 7
نؤى زونرتءىئؤمن رىئنت الـريم
.................................................. ...............
ف ببيت يدوه الكل يباارك حق امول وهيه مستانسه عـقب ساعه روحنا البيت سـرت غـــرفــتي وبـدلـت ثـيــابي واتصلت ف حميد
كـآآآن عنــد ربعــه بندت عنه ورقــدت
.................................................. .................................
مـــرن اسبووعين الاجازه بــسرعهـ ماحسيينا فيييها سرنا البر كم مره وسرنا بعد رااك
احمد مستعيل يبا يملج بس محد موااافق
ميره وافقت ع محمد وبيملجون بعد اسبوعين والعـرس
بيكوون قبل عرس ريم بشهر
.................................................. ...............................
المكان :بيت بواحمد
الساعه: 8
امـل
.................................................. ................................
افف الاجاازه مرت ولا حسينا فيها يارب الدراسه تمر بعد ولا نحس فيها قمت سرت تحت تعشييت ورديت فووق فتحت المسن ويلست اسولف وياربيعااااتي وعــقب بندته ورقـدت
اليوم الي عقبه نشيت ع صوت اماايه توعيني حق الاسكوول تجهزت وتلببست وسرت المدرسه
رديييت من الاسكووول موول مب متفيجه حق شي
تعب من اول يـوم وكـراف حطييت رااسي ورقـدت
.................................................. ............
مرن اسبوعين عالدراسه ومشغوليين انجهز لملجهـ ميره
وميره معتفسه ويا الملجه والجامعه
حميد بعد معتفس ويا ملجه اخته ويسااعدها ويوديها واييبها
.................................................. ................................
المكان : بيت بو حميد
الساعه :12
مــيره
اليوم ملجتي انا موول زايغه ملجتي بيسونها ف البيت لان الجو حلو وبيحطون البوفيه ف الحوي حوينا كبيير يعـني اوكـي
مجـهزيـن كـل شـي خـلاص انا موول خاايفه اخاف ان محمد يطلع وايد شكااك اوعصـبي مع اني اعرفه بس بعد مو معناته اني اعرف عنه كل شيـ يااربي عقب جـي شويه ين بنات عمي ويت مال الصاالوون اتعدلناا اول شي بدت فييهن عقب اناا ع السااعه
7 ونص كنت مخلصه وكـل شي عاد بدت الاغااني والعفسه من الحين ف الحـوي عقب ماخلصت لبست فستاني ويت المصوره تصورني تصورن وياايه بنات عمي ماشاء الله عليهم اشكالهم حلوه وعــقب بدو النااس ايـوووؤن عقب تقريبا ساعه قالوولي انزل نزلت وانا ارتجف من الزييغه يلست بدو الناس يسلمووون عليه وعقب قاالو المعرس بيدخل حسييت ان بيغمى علييه من الزييغه وقفت وشويه ودش المعرس وابويه وحميد باسني ع راسي ووقف حذالي وعقب سلمت ع ابويه وحميد وعقب طلعو
محمد : اخيرا جفتج قمر ماشاء الله
ويهي حسييته احمـــر من الخاطر ههه
محمد : مبرووك الغلا
ميره : الله يبارك فيك
وعقب لبسني الدبله والشبكه وسوالف كل ملجه وطلعنا سرنا المـيلس
.................................................. ................................
المكان : بيت بو احمد
الساعه : 7 فـليل
امل
.................................................. .................................
كنت يالسه اذكر سوالف ملجه ميره امس ... ملل بس بعد مب باجي شي ع المدرسه وبتخلص دخلنا شهـر 2 وعرس ريمو بعد اربع شهوور وعرس ميره بعد ثـــلاث شهوور اباا افـصلي فستان حق عرس ريمو وعـٍرس ميره بشتري جااهز احسن
............................
مــرن شهـريين ع الاحداث الساابقه وكل واحد لاهي بشي ميره وريم بدن يزهبن حق اعراسهم
وامل مشغوله تتجهز حق عرس ريم وميره وتذااكر وتسااعد ريم ف الترتييب
احمد متحرقص يتريا هالشهريين يمـرن بسرعه عسب يملج
حميد يراكض حق عـرسه واحمد وخليفه وياه يساعدوونه مابقى ع العرس غــير اسبوعـين
.................................................. .................................
المكان : بيت بو حميد
الساعه : 7
حميد
.................................................. .................................
توني ياايب ميره من السووق طلعت من البيت سرت صوب الممزر نزلت صووب الكووفي جفت سيااره احمد ولد عمـي
دخلت جفت احمد وخليفه عياال عمـي اشرلي احمد يوم جافني سرت صووبهم يلست وياااهـــــــــم يلسنا انسوولف عقب قمنا سـرنا صوووب سيااره خليييفه يلسناا نتحووط سرنا صوب جميراا ونحنا نتحووط جفنا سياره بنات حذالنا عاد عوذ بالله منهم كل وحده اخـس من الثاانيه كل شويه ايون صوووبنا ويسيرون
اففف صدق هالزمن الحرمه تلاحق الريال
رديينا صوب الممزر خذت سياارتي وسرت صووب البيت دخلت كان هادي مافيه حد كلهم رقود سرت غرفتي بدلت ثياابي وطحت برقد اتصلت ريم يلست ارمسها شويه وعقب رقدت
.................................................. .................................
المكاان : بيت بو احمد
الساعه : 7 الصبح
امل
.................................................. .................................
قمت ع صوت المنبه يرن توني ياايه ببنده جفت السااعه 7 فجيت عيني ونقزت ع الحمام بسرعه ويت لبست مريوولي ولبست جوتيه ولفيت شعري اي كلام ولبست شيلتيه وسـرت تحت
جفت اماايه يالسه
امااايه : هاه امول بتسيرين تحريت انج مابتسيرين
امل : امااااااااايه ليش ماوعيتيني الحين اكييد البااص راح
امايه : انا مادرييبج تحريييتج بتغيبيين
امل : الحيين شو اسوي عندي امتحااان الابله جلبه مول مابتعييد هيه قايله وبعد اليوم تسلييم المشاارييع شو اسوي مايستوي اغيب
امايه: الحين شو بتسويين انزيين
امل : ابويه وين
امايه : ابووج من الصبح سااير بوظـبي
امل : واحمد
امايه : بعد ساير دوامه ف دبي وزحمه مابيلحق يرد
امل : امايه الحين 7 ونـص شو اسوي الحصه بتبتدي
اماييه : انزيين اصبـري
جفت امايه تتصل ف حد شويه ورد
امايه : يلا تجـهزي خليفه بيمر عليج
امل : اي خليفه
اماايه : اي خليفه ولد عمــج زين ان لين الحين ماسار دوامه
امل : انزيين اوكي
صح اني ماكنت ابا اعبل ع الريال بس شو اسوي وبعديين عادي هوه الا شرات اخوويه شويه وسمعت صووت هـٍرن
سـرت بـرع جفت سياارته ركبت ورا
امل : السلام عليكم
خليفه : هلا وعلييكم السلام
امل :اسمحلي خليفه بعبل علييك
خليفه : لالا افاا عليج بنت العـم
ساار صووب مدرستنا
خليفه :هنييه مدرستكم ولا
امل : هيه هنيه امش سييده ولف يساار
خليفه :هيه عرفتها
فخاطري اقوول اكيد نص ربيعاته من مدرستنا هع اعرف مغازلجي هع
وصلنا المدرسه
امل : مشكوور خليييييفه نخدمك ف عـرسك
خليفه : ههه ان شاء الله
بطلت البااب بنزل سمعت صووته
خليفه : امــل
امل : هلا
جفته ماد ايده فيها ورقه عقدت حواجبي
امل : شو هاي
خليفه : خذييها وامااانه ماتقرينها الا ف البيت وماتراوينها حد
حسييت بفضوول شليت الورقه
امل : انشاء الله باي
صكييت الباب وســٍرت داخل خشيت الورقه ف الشنطه وسرت بسرعه دااخل المدرسه سرت صوب صفنا جفت الابله توها دااشه دشيت بسرعه والحمدالله ماقاالت شـي
نهآآـيه البـآآرت..
توقعااتكم؟؟
شوهيه الورقه الي عطاها خليفه امل؟!
.................................................. .................................
المكان : سياره خلييفه
الساعه : 7 ونـص
خلييفه
.................................................. .................................
تونـي نفذت وصيه المرحوم اخويه... اخويه قبل لايتوفى عطاني هالورقه امني اني اعطيها امل وقالي امانه ماتفتحها انا مالقييت انسب من هالفرصه اعطيها اياها فيها اممـم الله يعيينج ياامــل والله يرحمــك ياخـآآآآآآلد ..
.................................................. .................................
المكان : جاامعه الشاارجه
الساعه : 10
مـــيره
.................................................. ..................................
اليوم خلصت اخـٍر امتحان وخــلصت هالسنه عـرسي مابقى ع العـٍررس غـــــير اسبوووع واربع اياام .... نحنا جامعتنا تخلص قبل المداارس المداارس امتحاناتهم عـقب اسبوووعـييين تقريبا
... ماشاء الله عليه محمد حبووب وطيووب والصرااحه من ملجت
ندمت ع تفكـــيري اني ممكن ارفضه ف يووم وعـمري ماندمت ع موافقتي من ملجت الله يدووووووووووووووم المحــبه
.................................................. .................................
المكان: بيت بو احمد
الساعه : 2 ونـًص
امـــــــــــل
.................................................. .................................
رديت من المدرسه وانا تعباانه تغدييت سـرت فـووق حطييت راسي برقد يلست استرجع احداث اليوم نفس كل مره برقد فيها
اتذكـرت الورقه الي عطااني اياها خليفه نشـييت بـسرعهـ ســرت صووب شنطتي فتحتها يلست ادور الورقه لقييتها فتحتها
فجيييت عيني وانا اقـرا الكلاام معقووله خليفه يكتب جي
تصدق كلمة اغليك واحبك حيل ماتكفي..!!
انا ودي بكلمة مالفظها بالبشر غيري..
تعبرلك عن احساسي تبين منتهى وصفي..
تبين لك غلاك اللي مايكفية تعبيري..
{دخيلك} شق صدري شف وش لك داخل ضلوعي..
{وربي} بتدمع عيونك بحب عنه ماتدري..!!
انـصدمت من الكلام الـي اجوووووفه معقووله نزلت عيني تحت
وليتني مانزلتها جفت مكتوووووووووووب
كل عام وانتي دكتووورتي نزلت عيني اكثر جفت جفــــت توقـــيعه انا متأكده توقييييييييييييييعه كيــــــــــف فتحت عيني وشفياايفي ترتجفــ جفت تحت التوقييع تاارييخ 13 .9 2005
هالورقه من من قبـــــــــل اربـــع سنــين اليوووم الي توفى فييه خاالد معقوووووووووووووله ... دموووعـي نـزلت شليت الورقه وحطييتها ف السده طحت ع سريري ودمووعـي تنزل خالد كااان يحبــني كــــــــــــــــــــــــــــــيف حــرآآآم علييكم حراام حراام
انا احبه لــيش .ياربي ابااه
حســيييت اني مب قااااااااادره اتنفس من الضييجه يلست اشـهق مب قاادره سمعت حد يدق بااب غــرفتي دشت ريمو علـيه
امل : اطلعييي بـــــــــــــــــــــــــرع
الريم : بسم الله امووول بلااااااج
امل : اقوووووووولج اطلعي بــــــــــــــــــــــــــــرع ماتفهميين اطلعوو خلوووني بروووووووووووووحي مابا حد مابا حد
جفتها صكرت بااب الغرفه ودشت يلست حذالي
الريم : امل فديتج شو فييج
امل : خلووني برووحي سيري سيري انتي حق حميد يعني شو الحين يااايين انا مابا حد اطلعو
حسيت ان وييها اتغير يت صووبي وحظنتني
الريم : بسم الله عليج شو فييج
امل : الريم احببببه ليش راح عني ليش الحيين رد يوم قدرت انسااه خلاص مااقدر ماقدر والله بسويله الي يبااه بستوي دكتووره بحبه بعطييه الي يباا بس يرد مابا شي ثااني
الريم : بسم الله اموول منو هاذاا شو فيج
امل: اهئ اهئ خالد والله احبه ليش هدني حرام عليه ع الاقل بنساه اذا ماكان يحبني لييش ليش
.................................................. .................................
المكاان : بيت بو احمد
الساعه : 3
الـريم
.................................................. .................................
حسييت بصدمه يوم سمعت كلام امل عـــمري ماتوقعت انها كانت تحب خاالد ولد عمـي الله يرحمه عسب جي لمحة الحزن ف عيوونها .. حليلج باختي كل هاذا فيج ونحنا هب حاسين نقول هاي هي عاايشه حياتها وماتحااتي شـي صـدق الي قال كل الناس عندها همووم
الريم : بس بس فديييتج انتي ادعيله بتلقيييينه ف الجنه ان شاء الله
امل : انـآآ محد وياايه انتو كل واحد ف صوب انتي وياحميد
عمرج مافتكرتي فيني ربيعاتي علاقتي فيهم محدووده محد يسأل عني انتي عندج امون ميره وبعد فوق هاذا كله يا حمييد واربع وعشرين ساعه ترمسينه محد يفتكر فيني واحمد من خطب وهو متغير باجر انتي بتعرسين وبتخلووني برووحي دوومي اكتم ف قلبيي محد يحــس تجوفوني اضحك يعني خلااص اناا اضحك لاكن في دااخلي مجرووووووووووووووووووووحه قلبي مجرووح بس محد يــــحس وعـمركم مابتحسوون
الريم : بس فدييتج نحنا اسفيين والله ماكنت ادري ان هاه الي ف قلبج اسمحيلي
نزلت دموووعــي وانا اسمع رمستها حسييت شقد نحنا مقصرين ف حقها الحين بس يلست استرجع كل الي صاار دومها عندها ربع واايد بس ربيعه الرووح بالرووح يعني ماشي عمري ماحاولت اتقرب منها احسها دوم غاامضه اه بس والله خاطري اعرف شو الي عفسها مره وحده خلييتها تصييح واتطلع الي ف دااخلها عسب ترتاح شويه عقب ربع سااعه هدت شويه
الريم : فدييتج امل مب زين تسويين ف عمرج جـي واان شاء الله خالد تجوفينه ف الجنه قومي فدييتج توضي الحين بأذن العـًصر
جفتها قامت وسارت صوب الحماام قمت من مكااني سـرت غرفتي اصلي الـعـصر
.................................................. .................................
المكان : بيت بو احمد
الساعه : 4
امل
.................................................. .................................
صليت العـًصر ودعيييييت حق خالد وقمت يلست ع سريري تذكرت الي صاار حليلها الريم مالها دخل وبعد وايد حطييت عليها امم هيه مايخصها اصلا عادي كل واحد مشغوول ف حياته شليت القراان ويلست اقرااا قرييت صوره كامله بندت القران سرت صوب شنطتي وشليت كتاابي يلست اذاكر شويه مع ان مووول مالي خلق ذااكرت شويه وبندت الكتااب وسرت صوب غرفة ريــم
دقييت البااب ودخلت : مشغووله
الريم : لا لا عادي تعالي
امل : امممم سوووري الريم ع الي استوى قبل شويه انتي مالج خص
الريم : لا لا عادي فدييتج نحنا خواات ومابينا هالرسمييات
امل : شو تسوين؟
الريم: ماشي والله يالسه
امل: اها
الريم : متى امتحانااتكم
امل : عــقب اسبووعيين
الريم : شدي حييلج نبا نسبه ترفع الراس
امل : ان شاء الله افا عليج
الريم: اممممم ناقصنج شـي عــرس ريـم جـــــرب
امل : ماشتريييت نعال
الريم : باجر عليج شي
امل : لا بس امتحان شفوي ذاكرته قبل شويه
الريم:خلاص عيل بقول حق احمد يطلعنا انا بعد ناقصني كمـ شـي
امل : متى عــــرس ميره؟ اي يوم بيكون
الريم : بيكووون اممممم الخميس اليااي
امل : امتحانااتنا بتبدى الاثنييين تاريييخ 24.5 وبتخلص الاربعا تاريخ 3 .6
الرييم : اممممم انا عـرسي تارييييخ 10 6 الخميس الي عقبه
امل :اهاا زيين
الريم : صبري بتصل ف احمد
اتصلت ريم ف احمد
احمد : الو
الريم : هلاا
احمد : اهلين
الريم : انت ويييين ؟
احمد : جريب البيت
الريم : نبا نطلع ابا اسير السوق ناقصني كم شي
احمد : اوكي الحين انا بي بدق هـٍرن اطلعو
الريم : اوكــــي باي
احمد : باي
بندت عنه
الريم : اموووووووول بسرعه تلبسي لان الحيين يااي
قمت وسرت حجرتي بسرعه مابدلت ثياابي كنت لابسه بجامه
لبست عبااتي المصكره لبست سكاارف وردي ولبست سلسله فوووق العبااه وحطيييت جحال خفيف وشليت الايبد والوصله وشنطتي ولبست نعاالي طلعــــت من غرفتي جفت ريم جدامي
الريم : الله الله شو هالكشخه
امل :اي كشخه الله يخليج
الريم:خخخخخ.. بالعكس كاشخه .. تعاالي اكو احمد يـأ
طلعنا انا وريموو من البااب ويلست ريمو جدام وانا يلست ورا
سرنا صوب الفستفل تحــوطنـآآ واشترينا الي نباه رديت البيت
تعشييت وحطييت رااسي ورقدت
بعــــد يووومـــييييين
.................................................. ............................
المدرااس اجزوعـسب الامتحااناات
ميره معتفسه عرسها مابااجي عنه شـي
الريم بعد ويا ميره تساعدها وتسوي وياها
امل تذااكر وشااده حيلها تبااا تييب نسبه اعلى من الفصل الاول
احمد يترياا تخلص الاعراس عسب يملج
.................................................. .................................
المكان : بيت يدوه
الساعه : 7
الــــريييم
.................................................. ..............................
اليووووم كلهم مجتمعيين بيت يدوه قبل عــرس ميره ونحنا البناات يالسيين ف الحووي الجو بدى يحــــر
هنــد : وي كلكم بتعرسوون وبتخلوووني برووحـي
امل : هههه نسيتي انا وييااج
هند : خخخخ ًصـح نـسييييت هع
الريم : ههه انتو شكلكم ناوين تصيحوونا
ميره :هيه والله برووحي موول مب ناقصه باجي ع عرسي اسبووع
امل: الله كششخه هاه شو ترتيباتكم حث العـرس
هند : انا من الحيين اقووولكم مابرقص اماايه هاك اليوم هززبتني
الريم : هههههههههه انا بستخف قبل عرسي بــرقص هع
امل : انا بعد مابفوت هالفرصه وبرقــص هع
هند :هههه شكلي بتهور والسبه انتو
امل : هههه تصدقوون افكر اقص شعري واصبغه
ميره : لا لا امووول مب زيين تصبغييينه و خليييه دامه طوويل
هند : اقول افتحييه بجوفه لين وين
فتحت اموول شعرها ماشاء الله وصل تقريباا عقب النص
الريم : ماشاء الله شعرج طول خلييه وافتحييه ف عــرسي
امل : ان شااء الله
ميره : هييه واناا بعد افتحييه
امل : بجووف ان شاااء الله
الريم : تعرفوون انا محتااره مادري اتحنى ولا
هند : تحني عرسج انتي عقب بثلاث اساابييع بيطير
امل : اي يوم بتسيروون تتحنوون؟
ميره : يوم الاربعا بنسير نتحنا فصالون """"
امل : ليش ماتيبوون حنايه البيت احسن
هند : هيه احس احسن تيبوونها البيت
ميره : ماادري بجوف ان شاء الله
الريم : شرايكم يعني بما ان اخــر يوم نتيمع فيه قبل العرس تبااتوووون بيتناا عادي
ميره : لا لا وين نباا
امل : عاااااااااااادي بلييز
هند : ههههه انا انساانه بطااليه ماوراي شي عادي عندي
ميره : خخخخ اممم بشااور محمد وبجوووف
ســآآرت ميره رمست محمد وردت شكلها كاان يبين انها حزينه افف يقهر شكله ماوافق
ميره : بنات تعرفوون انا شوري مب بيدي وشو اسوي
امل : افففففففففف يقهر سوييله طاف
هند : اي شو تسوووييله طااف هاذا ريلها
ميره : هههههههههههههههههههههههههههههآي قصييت عليكم
الريم : يعني وافق
ميره : يس يس الشييخه ميره ترمسه ماتبينه يواافق
امل : ويا هالفييس تعالو بنرمس الحــريم
سرناا دااخـــل صـوب الحـريم وكل وحده قالت حق امها ام ميره ف البداايه ماوافقت بس بعدييين قالتلها ان محمد وافق خلتها هع
اتصلت ف ابويه وقتلته بنرد البيت ... كنا بعد نبا نمر الجمعيه نتشرا حق السهره هع
.................................................. .................................
المكان: جمعييه الشاارجهـ
الساعه : 8
امـــل
.................................................. .................................
كنت واااقفه اطالع الككاوات واتشرى الي يعيبني لفييت بطلع من هالممر ... مااااحسيييت الا بعمــري ع الارض
امل : وعــمى ماتجووف
الولد : اووه سووري اختي مانتبهت
شليت بعمري وسحبت القااري وانا اطاالعه بنظرات صاارووخيه مدمره حسبي الله ع ابلييسه كســرني.... لفييت وسرت الصوب الثااني اشتريييت الي ابااه هههه الحمدالله الجمعيه خاليه ولا بستوي حدييث المجتمع وياهاطييحه الرياال شكله متلوم حليله انا الغلطاانه واهزبه بعد هـــ ع سرت صووب الحساب جفت قوم ريم محااسبيين حاااسبت اغرااضي وشلييت الجيس يوم لفيت الصوب الثااني جفت الي دعمته وياه واحد شكله ربييعه طلعنا من الجمعيه وسرنـآآآآ البيت دخلت غــٍرفتي بدلت ثيااابي ولبست بجامه وسرت الصااله كانت وياايه هند بندنا الليتاات وشغلنا التلفزيوون سوينالنا جو فرينا كل الموااسد ع الارض لان دايما يوم نطالع فلم نيلس ع الارض نحـــــــــس بحماااااااس
شويه ويوم قوم ريم وميره ويلسنا شغلنا الفلم ومووول مندمجاات تقريباا السااعه 12 ونـــص خلـص الفلم
امل : اناا يوووعااااااااااانه
ميره : حتى انااا
الريم : ههه شورايكم نطلب من الكفتيريا
امل : خااطري ف بيزا
الريم : خلاص بنطلب بيزا
اتصلت ريمو وقالو بيوصلوون بعد 45 دقييقه
يلسنا نفكــٍر شو نسوي شو نسوي
اتفقنا نلعب حــرف اســم << نسترجع ايام الطفووله ههه
يلسنا نلعب مندمجيين شويه ورن مباايل رييم قامت ترمس
وعــــقب ميره بعد نشـت
امل : هههه تميينا برووحنا انا وانتي
هند : ههههههههـ هيه والله
يلسناا انا وهند نسوووولف شويه وعقب يا راع المطعم نشييت انا وهند وسرنا خذنا عنه الاغراض نفس كل مره هع ردينا الصااله
وسرت زقرتهم ييينا تعشيينا وسرنا انا وهند غرفتي وميره وريم غرفة ريم
سولفت شويه وياها ورقدنا عـــقب
.. الـصــبح خليفه يا خذ هند وحميد خذ مـــيره
....................................
طوول الاسبوووع اموول تذااكر وشاادييين حيلهمـ وبعد يجهزوون حق عـرس ميــره
قبل العـرس بيووم كلهم مجتمعيين ف بيت بو خليفه ياايبيين حناااايه تحنوو كلهمـ
.................................................. ................................
المكاان : بيت بواحمد
الساعه : 2
الريم
.................................................. ................................
اليوووم عــــرس ميــٍره
الريم : امووووووووووول يلا بنتـأخـر
امل : اوكـي صبري بيييب فستاني
شللت اموووول فستااانها والسله مال التوزيعاات وسرنا ركبنا السياااره سرنا صووب الفندق الي فيه عرس ريم دخلنا الغرفه الي تكوون حق العروس وكانت ريم هناك ويتنا رااعيه الصاالون حطت ف البداايه حق اموول كاان فستانها اسود واحمر كان شكلها حلو بالمكيااج وياها بعد كم وحده حطولي وسو شعري وعقب بدوو ف مـــيررره عـــٌالسااااعه 7 خـــلـصت مــيره ماشاآآء الله عــلييها طاالعه قــمـــر عقب ربع سااعه يت هند وام حميد كل شوي تي عند ميره ترمسها وتروح نجووف باجي الاشغال لبست امول فستانها وكل شي اتجهزت بعد شكلها طـــلع وااو بالاسوود لبست انا فستااني التركوااز
امل : الله ريم شكلج حــلو
الريم : عيوونج الحلوه
حتـى هند طاالعه حلــــووه ع .... ميييييره متوتره موول وحالتها حاله كل شوي تدمع والحرمه تهزبها ونحنا نهدييها ع السااعه 9 انترست الصااله نزلت اموول وياها هند وانا تميت اهدي ميره
.................................................. .................................
المكان : فندق
السااعه :9 ونص
امــل
.................................................. .................................
نزلت من عند ميره سرت سلمت ع النااس الي اعرفهم وطبعااا وياايه هند بنت عمـــي كنت بسير ارقص بس بعديين قلت لا بتريا
يوم تدخــل ميــره تميناا نوزع التوزيعاات ونسلم ونسااعدهمـ ليين الساعه تقريباا 10 ونـص حطوو العــشآ وبــعد العـشآ قالو بيدخلوون مـــيره تميينا نتريااها .... شويه ودشــت ماشاء الله عاليها قمــــــــــــر 14 ....عقب يلست ع الكوووشه حطووو اغنيه ترقص قمت انا وهند رقصنا عليها هههه مانتووب وعقب
قلنا حق ريم ترقص ماطااعت اونه عيب انا عروووس هع المهم
عقـــب تموو الحريييم ايوون يسلموون عليها ويتصوروون وياها لييين عــــقب الساعه 12 ونـص دخــلو المعرس وكان وياه حميد وعمـي حسييت ميره حلييلها تتناافض من الزييغه سلمت عليمها وحميد ياال حق اخته وياه زيوود عــقب شويه يلسو يتصوروون وطلعوو من القااعه تمو قووم ميره شويه وطلعو همـ بعد لانهم بيساافرون ع السااعه 3 بيسيرووون ايطاليا يتــني اماايه
اماايه : امل سيري برع ازقري الشبااب
امل : اوكـيه
طلعت برع صوب البااب جفت جاسم واحمد واقفيين
امل : احمد
احمد : هلا
امل : جاان بتدخلوون ادخلـلو
احمد : اوكـي
دخـلوو الشبااب كلهم وياالو يواله ماخلو شي ماسووه عقب يو تعشوو وع السااعه 1 ونـص ظهـرنا رديينا البييييت حطييت رااسي ورقـــدت
اليوم الي عقبه طووول اليوم اذااكر ابا ايب نسبه عسب ادخلني الطب ...........
.................................................. ......................
عــقب اسبووع ويووميين
اموول شااده حيلها بالمذاكره والامتحانااات مره سهله ومره صبعه ومره اوكي باقلها يوميين وبتخلص امتحانااتها
وتساعد اختها تجهز حق العرس
الريم تجهز حق عـرسها وموول زاايغه ومتوتره
احمد يتريا عـرس الريم عــــسب يملـج
حميد يتريااا عرسه ويجهز حقه ومعتفس
ميره مستانسه ويا ريلها الحمدالله
.................................................. .................................
المكان : بيت بو احمد
الساعه : 7
الـــــريــــــــم
.................................................. .................................
توني طاالعه عن امول مودتلها عــصيير حلييلها مهلكه عمرها بالمذااكـــره وضعفااانه موول مانجووووفها طوول الوقت ف حجرتها ..... ســرت غرفتي واتصلت ف الحرمه الي بتمكيجني واكدت عليها عسب يوم العـرس بقى عليه اسبووع .... حمــيييد هالاياام مول مارمسه .. هع .. عسب يشتاااقلي المهم سرت الغرفه اتصلت ف امووووووووون ربيعتي فديتها يلست اسوولف ويااهاا عـــقب بندت عنهاا حليلها ميره تولهت عليها يوم السبت بتــوصل البلااد فتحت الاب تووب والمســن يلست ارمس شــويه ورقــدت عقب ....
اليووووم الثااني نشييت السااعه 10 ونــًص سـرت خذتلي شور
وســرت الصااله جفت اموول توها واصله من المدرسه
الريم : هاه اموول شو سويتي
امل : الحمدالله اوكـي
الريم : الحمدالله يلا هااانت ماباجي شي وبتفتكيين من المدرسه بكبرها ..
امل : هاذا ترااه الي مصبرنـــــي
الريم : ههههههه
امل : الا اقوولج احمد بيسوي ملجه عووده ولا ف البيت
الريم : لاا لاا بس عاائليه واصلا انا مابحظرها لاني بكوون مساافره
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك