رواية اضحك وانا في داخلي مجروح -27
دمييت احووط ف الغرفه وانا اجوف الفستان متحسره على اياآآمـي ..<< حسيت جني بموت.. بسم الله عليه ههه
سرت شلييت الاب توب وفتحت المسن..
يلست اسولف وياربيعاتي شويه اصلا محد كان داش بس وحده اعرفها منزمان تمييت اسولف وياهاآ ..
لين يت السااعه تقرييبا عـــشـر ..
بندت الاب ونزلت تحـت .. جفت امايه يالسه
امل : صباح الخيير
امايه: صبااح النور يالعرووس
اففف كرهته هالكلمـه ..
امل : شصبحتي الغاليه
امايه: الحمدالله انا اكون بخير يوم اجوف عيالي كل واحد مستقر ومرتاح
امل :الحمدالله ع كل حال
امايه: متى بتسيرون الصالون؟
امل : برووح امم عقب الغدا احسن ولا قبل ؟
امايه : اممممم خل نسيير قبل ترا كلهم هناك
امل : اوكييه زيين زييــيـن ..
امايه: يلا تعالي تريقي
امل : ماشتهي
امايه: لا والله انتي من فتره مول ماتاكليين مب زييين تعالي كلي طاعي كيف ضعفانه
امل : احسن انا ابا اضعف
امايه: عن المنكر يلا تعالي
امل: انزيين
يلست اتريق ويا امايه شويـه ..
عقب يلست اسولف وياامايه .. تخبرني شو مسوين حق الملجه
موول ماعرف شي كل شي هم مسوينه .. مسويين بوفيه ف الحوي الجو حلو يعني ينفع والدي جي والتوزيعات وكل شي ريم وامايه متعبليين منه ... حتى زفتي ومسكتي وكل شي..صح محد بي غيير الاهل والمقربين ..حتى ربيعاتي ماعزمتهم ..
مالي خااطر .. حق شي ..
تميييت طول فترت الظهر اسوي اي شي ولا يالسه ويا امايه والاغلب اني اكون سرحاانه افـكـر ..
ع الساعه وحده ظهرنا انا وامايه من البيت وانا ف الدرب اتصلت ف ريم
امل : هلا
الريم: اهليين
امل : شحالج؟
الريم: الحمدالله وانتي ؟
امل : بخير المهم ريم انا الحين سايره الصالون ويايه امايه متى بتيين؟
الريم : مري مري علييه حمييد بعده ف الدوام وانا اابا اسير وياج
امل: اوك يلا بسرعه خلصي انا الحيييين يايه
الريم: باي
بندت عنها
امل : بنمر ع ريم تبا تسير ويانا
امايه: زين عيل قالت قبل لانروح بعييد
امل: هيه والله
سرت صوب بيت ريمو .. وقفت اترياها شويه وويت
الريم: السلام علييكم
: علييكم السلام
سملت عليينا ويلسنا نسولف وجيه
الريم: اوييييه نسييت اقول حق حمييد ياربي بيهزبني
امايه: كيف تتطلعيين من البيت بدون شور ريلج
الريم: نسييت ياربي اخاف ارمسه
امل : هههههههههههههههه تستاهليين
الريم: جب جب ويا فييسج... ادعوولي برمسه
سمعت ريييم اترمسه شويه وبندت
الريم : اشواا الحمدالله ماهزبني وايد
امايه : لوهزبج احسن ماتستحيين تطلعين بدون شوره عيب اصلا اول شوور ريلج وعقب الطلعه
الريم : امايه وربي نسيييت اصلا انا ماطلع بليا شوره مستحييل حتى ايام الملجه ماسوييتها
امل : هههه الله ع الادب
امايه: انتي بعد خلج جييه ولاتطلعييين الا بشور سيف
امل : انا قايله ماباه يتحكم فيني
امايه: لا والله جييه هاذا ريلج شو هالرمسه
امل : اتوقع كان من شورطي هاي
امايه : لاوالله مب ع كيفج ونحنا ماقلنالهم هالشرط احمدي ربج انهم وافقو ع الشروط الباجيه .
امل : عادي ماكان يهمني يعني وافقو ولا آ
امايه : بس عاد صخي صخي
الريم : بتصل ف ميروه بجوفهآ
يلست ريمو ترمس ميره وعقب مابندت عنها
امل : هاه شو قالتلج؟
الريم: الحيين بيسيروون الصاالون
امل: انتو متفقيين عالسااعه ولا
الريم: الحيين كلهم عرفو انا سايريين ونصهم هناك
امايه: مااخبرتو مرة خالج وشوق؟
امل: لا ماظني
امايه: فضييحه رمسووهم قوولوولهم
امل: الحين بتصل ف شوق بس اخافها ف الاسكول
امايه :لالا مب ف المدرسه امس وانا ارمس امها قالتلي انها مابتسير هيه من امس غاايبه
امل: اوكيه عيل بتصل فيها
شليت فوني واتصلت ف شوق ..
شويه وردت عليه
شوق : هلا هلا بالعرووس هلا بمرت اخوي
ياربييييييييييه هاييل الي ناويين يذبحوني
امل: اهلين وسهلين
شوق: شحالج؟
امل : الحمدالله بخـيير وانتي شحالج؟
شوق : والله يسرج الحال
امل: اقول شواقه نحنا سايريين الصالون نتحنى مابتون؟
شوق : مادري والله بسير بقول حق امايه وبرد علييج خـبر
امل: اوكيه عيل
شوق : باي
امل : باي
بندت عنها وحطييت فوني حذالي
امايه: هااه شو قالت؟
امل: بتقول حق امها وبترد عليه
الريم: زيين كشخه لو يو
امايه: هيه والله ماشاء الله عليهم حبووبيين وطيوبين.
شويه ووصلنا الصالون ريم وامايه نزلو قبلي وانا يايه ابند السيااره سمعت فوني يرن شلييته جفت شوق متصله
امل: هلا
شوق : اهلييين اقووول امايه تقول خلاص بني انتو اي صالون ؟
امل: نحنا ف صالون """
شوق : هييه الحيين بني بعد شويه سيف بييبنا
امل:اهاا
شوق : الحبيب من كم يوم ماخذ اجاازه اونه عاد
سكت عنها وماردييت
شوق لييش سكتي من يبنا طاريه
امل: شو تبيني اقول
شوق : اونج عاد تستحيين.؟
امل: مايخصه يلا انا ببند عنج وصلت الصالون.
شوق:اوكيه عيل اانا بعد بسير اتلبس
امل: اوكيه نترياايكم
شوق : اوكيه الغلا باي
امل :باي
بندت عنها وفريت وشليييت فوني ونزلت من السياره ودخلت الصاالون .. جفت هناك قوم هند ومرة عمي سالم وبناتها وعموه تقريبا بس ناقصيينهم قوم ميروه سلمت عليهم وكلهم قابضيلي يالعروس ويالعرووس افففففففففففففففففففففف
يلست شويه اسولف وياهم وعقب يونو هنتييين من مال الصالون عسب يحنوني اناا اقولهم ابا خفييف وريمو تحتشر ولا تقولها سوييلها مترووس وليين جتفها افف مابا ابااه خفيف وف النهاييه سوييته نفس الي تباه ريم ..تمو يحنووني وجييه كل وحده قابضتني من اييد .
عقب ساعه جييه خلصت .. تمييت اطالعهم قوم ميروه يو سلمنا علييهم وجييه يلسو كلهم حوولي يسوولفون وياي .. ريم تحنت ..
وهند بعد ميره كانو يحنوونها حليلها ريم معتفسه ف اليلسه مب قادره تيلس عدل حامل ....
ع الساااعه 5 ونـص تقرييبا خلصنآ
الحنه عيبتني كشخه طلعت
المهم ... روحنا البيت وريم قبل سارت ويا مرت عمي البيت ..
دخلت البيييت وسرت فوق ع طوول مالي خلق شي ..
بااجر بستوي حـرم سيف بن محمد ..اآآه ياقلبي..
حسيييت بغصــه ..ابا شي يبرد الي ف قلبي .. شليييت دفتر دوم كنت اكتب فييه شعوووري وخوااطري يلست اكتب بدون ماحس بعمري .. حسييت اني طلعت الي ف خااطري .. تمييت اطالع الي كتبته استغربت اني كتبت جييه او اني اعرف اكتب بهاي الطريقه
انا بصراحه عيبني الكلام الي كتبته..
اممم صكرت الدفتـر .. وسرت صوب سده ذكريااتي ....
فتحت القراان جفت صوورة خاالد.. قلبي عورني وياكثر مايعورني قلبي اليييوم..
بااجر بكون ملك لغييرك ياخالد ... مايفصلنا عن باجر غيير كم سااعه .. سمعت حد يدق البااب بسرعه بندت المصحف .. وحطييته ف السده
امل : ادخل
دخلت تيينا الغرفه
تينا: ماما يقول تتعالي تعشي
امل : قوليلها مابا
تينا: اوكيه
ظهرت عني وسرت ع شبريتي طحت .. احـسـ انه هالموضوع جلب حياتي 180درجــه ... مادري ليش واافقت انا بصراحه ندمت
ماعرف شو الي خلاني اوافق .. انا كنت اقدر ارفض .. بس الكل كان ضااغط عليه من صووب ..
الله كـرييـم ..
قمت بندت الليتاات وطحت برقد وانا اتمنى انه مايصبح عليه الصبح .. وعقب احس اني سخييفه واستغفر ربي ..
تميييت اتجلب ع الفرااش شويه وماحسيت بعمري من التعب ورقدت
............
نشـيييت الصبح ع السااعه تسع ونــص .... تميييت اتجلب ف الفراش ..
اليوم بودع كل ذكريااتي اليوم بودع كل شي يخص خالد..
حــتى التفكـيير بيستوي حرام عليييه... اه ياقلبي كم ببتتتحمـل ..
بس محد بيحس ... ويينك عني يااخاالد اليوم بستوي ملك حد غيررك ..
استغفر الله... حتى التفكـييير بيحرمووني منــه .... كرهت سيف كرهتهمـ كلهم ... مابااهم خلااص يااربي محد بيفهمني ...
ماباه سيييـــف ..مابا اعـرس .. مابا حد يتحكم فيني .. مابا حد يحرمني من خاالد ... مـآآآآآآآآبآآآآه ... ياليتني ماوافقت ... ليتيني مـــت قبل لااواافق ... ليتني امموت قبببببل ماوقع ع دفـتر موتي...
نزلت دمووعي وانا خلااص احس اني مخنووووووقـه ..
افففففففففففففففففففف نشيييت من مكاني وسرت غسلت ويهيي وبدت ثيابي ونزلت تحت..
جفت امايه ف الصااله بستها ع راسها ويلست مانطقت بشي ..
امايه: وااابوويه بلااج مويمه ولا مرتبكه عسب الملجه
امل: لا مب مرتكبه اصلا لو اقدر جان لغيت كل شي
امايه: عن المنكر الاانتي مب عارفه تتصرفين عسب الملجه هاي الا خرافات كلنا قلناها يوم الملجه
امل : انزيييييين شو الاخباار
امايه: كل شي اوكيه مال البوفيييه بيون الساعه 3 بيحطون الطاولات..
امل : ومال الصالون.
امايه: بتي ع الساعه 1 وشـي ..
امل: زييين ..
امايه: الحيين ابوج واحمد كلهم هني الحين
امل: ليش ماسارو دواماتهم ..
امايه:ويين يسيرووون وانتي اليوم ملجت
فخااطري يعني من زيين الحدث ولا هالسوالف
امايه: تراا برع مجهزييين كل شي محطييين كرسي حقج يوم بتدخليين مرتبييينه بطرييقه حلوه
امل : ترا سييف ماباه يدخل
امايه : لييييييييييييييييييييش .؟
امل: بس ماباه ولله لو جفته يدخل برووح وبسوييله طاف
امايه: ويدي بعد شقا جييه ..مول ماتخيلين..
سمعت صوت ابويه وراي
ابويه :ليش شو سوت .؟
امايه: بنتك متمنكره اون لو جفت سيف يدخل اليوم بروح وبسويله طاف
ابويه: خلييها انزيين براحتها يمكن مستحييه
انقهرت من رد ابويه بس بعد فرحت .. حسيت بايييد ع شعري
لفييت رااسي جفت احمد
امل: اييييييه احمدووه
احمد: ههههه كفو يالعرووس محد قدج اليوم
امل: هييه صح صح
ابويه: خل اختك شوتبابها
احمد : العوزها خخخ
امايه: برووحه فيوزاتها ظااربه خلها عنك
امل: امااااااااااااايه شو فيوزتها ظااربه
احمد : ههههههههههههههههههههـ .. ويييو عطووها والله
امل: جييه شو مسويه ويا فييسك
احمد :بلااج انزيين معصببه هدي ولا هاذا من اثثاار الملجه والتوتر ..
والله هاييييييييييييييل الي ناوييين عليييه بجلطه ..اففف سكت عنه ولا ردييت..
سمعتهم يرمسوون وشويه ويأ عبود وكملت التطنيزاات وانا ساكته عنهم طااااااااااااااااااااااااااااااف شويه ويت ريم..
ركبت ويايه فوق تجوف تجهيزاتي اونهاآ
دخلت غرفتي ..
الريم: ويين فستاانج
امل : اكووه هناك ف الدرسنغ
ساارت يابته حطته ع السرير .
الريم : اذا تبين تاكلين شي سيري ترا الحييين بتي الحرمه قبل شويه متصلتلي ..
امل : بصلي الظهر بس
الريم: كلي شي ماتبين .؟
امل: لا مالي خاطر جان تبين تاكلين سيري بصلي انا ماصليت
الريم:انا مصليه قبل مااي ..
امل : اوكيه بصلي
سرت توضيت وصليييت ..
يوم خلصت صلاتـي .. جفت ريموه تتطالعني
امل : بلاج تتطالعني
الريم : امس كنا انا وانتي واحمد وعبود كلنا ف بيت واحد والحيين انا معرسه وانتي بتعرسين واحمد مالج وعقبال عبود كل واحد سار ف صوب
امل : هاي حال الدنيا محد يتم ع حاله ..
الريم : هييه والله الله يوفقكم ف حيااتكم
امل: الله يسهل عليج وتيبيين اموله الصغيره
الريم: هههههههههههه
امل: ريم ماباا املج شو اسوي .؟؟؟؟؟
الريم : لا والله تتمصخرين انتي ...
امل : من صدقي ارمس مابا املج شواسوي
الريم: ظربي راسج ف اقرب ايداار شو هالرمسه انتي ناويه تفضحييينااا
امل: اففففففففففففف انزيين ..
الريم: يوييلج لو سويتي شي اليوم ولا لعوزتي ولد الناس
امل: انتو مايهمكم الاولد الناس
الريم: جب بس اكييه الحرمه اتصلت بدليها البيت ..
يلست الريم ..ترمس الحـرمـه وعقب نزلت تيييبها آآ ..
الصرااحه حلييلها ريم ماقصرت تعبلت من كل شي ..
روحها حاامل .. وانا مزودتنها عليييها ....
شويه ويت ريم وياها الحرمه يلست الحرمه تسولف وياريم وياها هنتيين..
بدت تسويلي شعري وعقـببب يلست تسوي المييك اب ..
انا اقوولها خلييه خفيييف .. وريم تقوولها كثريييه .. افففف
عقـب اذن العصر.. الحمدالله اني متوضيه صليت العـصر وعـقب تمت تسوي حق ريم ... عقب مايخلصون من ريم.. بيكملوني ..
ع السااعه خمس وشويه .. خلصت ريم... تميينا يالسيين شويه تستريييح الحرمه حلييلهاآآ .. يلست ريم تتصل ف بنات عمي الصراحه الحيين تلوومت ف ربيعاتي ماعزمتهن...
سمعت فوني يرن شليييته .. جفت شوق متصله .
ردييت علييهآآ ..
امل :الوه
شوق : مرحبا
امل: مراحب ..
شوق: شحالج؟؟
امل : الحمدالله يسرج الحال. وانتي
شوق: تمام بخير.. هاه شو التجهييزات
امل : والله اوكـيييه وانتو؟
شوق : ف الصاالون الحين شويه وبخلص
امل: اها زيين عيل
شوق:ع الساعه 8 بنكون عندكم
امل : اوكييه الغلا
شوق: اوكيه فدييتج يلا باآي ..
امل: بااي
بندت عنهاآ .. وفريت الفون ع السرير
الريم:بلااج .؟
امل :مااشي عادي
اففف ريم اشكرا تعرف شوفيني تستهبل بعد افففففف الصراحه مادري اليوم شو بسوي وسيف هاذا كيف بتعاامل وياه..
اففففففففففففففففففففففففففففففففففففففففففففف من خاطري بعد
الريم : يلا تعالي عسب تكمل الحرمه الحييين الساعه 6
امل :زين عـيل ..
الريم : بعد بيون مال الاستيديو.
امل :اوكـيييه ..
الريم : عااد يوم بتدخليين ابتسمي لاتميين جيييه منتفخه
امل : بحاول ..
تمت الحرمه تعدلنـي .. وجـيييه خلصت شعري وكل شـي ..
امل : هاه شورايج فيني ان شاء الله مب حلوه
الحرمه : لا بسم الله علييج قمر
امل : تسملين فدييتج هاه ريمو مارمستي
الريم: قمــر وربي قمـر
قمت من عندهم جفت شكلي ف المنظـره ... انا انـصصصـدمــت بشـكـلي .. اويييه جني مب انا .. غيير غيير غيرر... طالعه حلوه ههه الي يقوول انا خسفه فديتني امبوني حلوه ...جفت ريم يت وراي
الريم: ماشاء الله علييييييج لو بس سيف يدخل بتيييه سكته من هالجمال
سكت عنها ولا ردييت يلست اعدل شكلي
الريم:يلا قومي بدلي ثياابج انا بسير تحت بودي الحرمه وبجييك ع كل شي وبي
امل: اوكيــه
طلعت ريم وياها الحريييم.. سرت بدلت ثيابي ولبست الفستاآن ..
عـقـب مالبست الفستان سرت صوب التواليييت البس الطقـم ..
جفت شكلي .. ماشااااء الله علييه خخخخ ...ياليييتني كنت فرحانه جان كمل كل شي ..ياليتني اقـدر افـرح .. مب قادره احس اني عروس .. سمعت البااب ينفتح جفت امايه .
امايه: ماشااااء الله ماشاء الله قمـر قـمر تعالي فدييتج بقرا عليج
يت امايه ويلست تقرا علييه .. عقب ماخلصت
امايه: فدييتج والله ...الله يوفقكم ..
حبييت اماايه ع راسها بس مارمست مول سكت.. لاني لو رمست احس بصيييح..
امايه: تعالي فدييتج بدخنج ..
تمت امايه تدخني . وتعطرني وجـيييه .. وساعدتني البس الطقم .
عقب ظهرت عنيه سارت تحت تجوف الترتييباات
يلست البس النعاال وجيـه ..
تمييت ياالسه سرحاانه شويه ودشت عليه ريم متجهزه .. لابسه نفس فستاان حلو ينفع حق الحوامـل عيبني لايق عليهاآ ..
الريم: ماشاء الله علييج ...
امل: شكلي اوكيـه
الريم: هييه ماشاء الله علييج قمر قمر
امل :تسلميين..
الريم: هاه خلصتي كل شي
امل:هييه
الريم:توني مطرشه احمد اييلج المسكه من المحـل ..
امل: اوكيه .. تحـت كل شي جآآهـز .؟
الريم : الحمدالله كل شي تمااام...
امل : زيين زيين ..
خاطري افرح شراات العراايس بس مااقدر
شوـيييه ويو هنتيين فلبينيات من الاستيديو يلسو يصورووني وماعرف شو ..
عالساعه 8 يو قوم عمي وقوم شوق وكلهم البنات والحريم عندي فوق .. وعـقب نزلو تحت ..
تمن عندي بس البنات يسولفوون شويه وياب احمد المسكه وجـييه..
شغلو الاغاااني والدق تحت وعـفسه ..
تمييت انا فووق اتناااافض من الزيييغه .. اففف الله يعييين ياربي لين الحيين ماياابوولي الدفتر مابا اوقع اهئ اهئ منو بتوقع بدالي؟<<شرايج بقايا توقعيين بدالها تراج تبينه .؟؟><.
جفــت البناات كلهم ظهرو عنـي .. شويه ودشـ احمـد ..وياه الدفـتر قلبي بغا يووووقف ..مااابي اوووووووووووووقع اهـئ..
احمد : الله ع الكشششخه مانرووم
امل:جب احمد
احمد: وياويييهج انا امدحج ..
امل: زيين شو تبا
احمد: لا لا موول مابا شي خلااص انا برووح بقولهم البنت ماتبا
اجوفه صد صوب البااب اوييه احسن ههههه جفته رد صد صوبي
احمد: انتي مصدقه بعد يلاا خذي الدفـتر وقعي
امل: ماابي
احمد: يلا يلا ياحلوه وقعي بعطييج حلاوه
افففف هاذا متفييج يستخف دمه عليه
شليت الدفتر عنه ويودت القلم بوقع ايدي ترتجـف ..يعني من اوقع اعلى هاذا الدفـتر بستوي حـرررم سيف .. افففففف مابي محد يحس ..كم مره طااح القلم من ايدي واخـر شي.. غمضت عيني ووقعت ... اهـــــــــــ خلآأأأأأآآص ..كـل شـي انتهـى وقعت ع الدفتر .. الله كـريييـم ..
شل احمد الدفتر وطلع من غرفتي ..
من طلع دشت امااايه وام سيف الي هيه عمتي الحيين
كلووللللولولولولولولولولوش كل وحده اكثر عن الثانيه ويباركون حق بعض عقب يت عموه باستني وباركتلي واامااايه بعد ..
.........
مــحد حـآآآآآآآآآآآآآآس بالي فيني مووووووول احس قلبي تحطم من دااخـل ماقمت احس بالي حووولي خلااص احـس قلبي تحطــم ..تميييت يالسه فوق وانا اسمع الحشره الي فوق وشوق ويايه تسولف وانا موول مب وياها ..
ع السااعه 10 ونـص .. يت اماييه والريم..
امايه: يلاا حبيبتي نشي عسب تنزليين
امـل : انا؟؟
شوق: لا انا
الريم: ههههه يلا فدييتج اموول
امل:لييش انزل مب لاازم خليني فوق
الريم: ههه ذكرتيني بيوم ملجـتي..
امايه: لاوالله عيل الناس شحـقـه..ياايين ياايين يجوفوونج
امل: اوهوو ..
شوق: يالله اموله فدييتج انا نشـي ..
وقفت وانا اتنافض من الزييييغه ريلي ترتجف.. شليت المسكه وشوق وامايه نزلن تمييت انا ويايه الريم . عدلت الفستان والمصوره اتجهزت نزلت من ع الدري وسرت وقفت عند باب الصااله ...شويه وبدت الزفـه.. انفتح البااب الي جدامي ونزلت من ع الدري الي برع وانا اتناافض من الزيييغه .. احس يالله يالله وااقفه.. مشييت تحت من بين الطااولاات واناا زااايغه وف نفس الوقت برداانه الجو شويه بارد.. ونحنا نمشي ريم كل شوي تقوولي ابتسمي ابتسمي .. وانا ابتسم شويه وارد شويه اكـشـر
الحمدالله وصلت الكـرسي الي حاطيلي ايااه بسلاام.. يلست علييه وين بنات عمي سلمن وباركن لي..
عقب بدن الحرييم ايون يسلمون عليه .. وجـيييه يتني شوق ويلست حذالي تسوولف
امل : شوق قومي رقصي خاطري اجووووفج ترقصين ..
شوق : لالا اماايه بتهزبني
امل: عاادي قوومي يلااا وشلي بنات عمي وياج
شوق : اممممم اوكـيه عسب خاطرج يالعروس
امل: ههههـ.
امحق عروس فذمتييه .. منو تبا ريل بعطييها ريلي اففف منه قلن بنات البلاد ياخذني انا ..
اجوووف شوق ساارت زقرت هند .. ورمست مال الديجي ..
حطو اغنييه وتمن يرقصن شويه ..وعـقب يوم خلصت الاغنيه ين صووبي
امل: كملن ليش وقفتن
هند: افف تعبنا والجو باارد..
شوق: امايه تطالعني بنظرات
هند:خخخ انا امايه شكلها عيزت مني
شوق : ماتسمعن صوت الويلات الي برع
امل: ماعلييج نحنا دووم جيه حذال بيتنا حشره من هالسياايير
هند:الله يهدي هالشبااب مول مايتوبوون لين مايصكهم شي .. لوفقدو غالي من هالحوادث جان تابو.
انااااا هنـــي سـكت من الي حسيييته خلااااااااااااص بس ..كان لازم تييب طاارييه اه ياقلبي
شوق: شو تقصديين.؟
هند: يعني لو فقدو حد من اهلهم نفس مافقدت اخوي من هالحوادث لتابو
شوق: الله يرحمـه ..
تم قلبي يدق بالقووو .. من اثر الكلمه الي قالتها بدون قصـد ..
عـقب يت عمووه عندي لبستني الشبكه والخاتم وهالسوالف وجـيييه ... وردييت ممكاني ...
ين مجموووعه حريييم من يرانا سلمت علييهم.. وجـييييه ... تمييينا سواالف ويا بنات عمي.. وياابو زيود فدييته ياال شويه ع الساعه 11 وشـي الناس بدو يروحوون... 11 ونـص دخـل احمد وابويه وخوالي وعماامي كلهم.. سلمو علييه وتمو ايولوون مرتبشيين وانا ميييته من البرد دخلووني داخل سرت بدلت ثياابي وغسلت ويهي وشعري وجـيييه.. كلهم روحو حتى ريم راحت بيتها .. صليت العششآ .. وبندت الليتاات برقـد ..
طحت تمييت اتجلب ف الفرااش احس بكتمه ابا اطلعها بشيـ ..
تمييت على هالحاله شـوييـه ورـقدت..
نشــيييت الصبح ع الساعه10 وشـي ..
خذتلي شور وبدلت ثيآآبي .. قـررت شي اليوم ع الصبح ..
انـي اعــييـش حـيآآتي واسوي طااف حق كل شي يكدر خاطري .. لانه مابقى شي يسوى اني اتضاايق عليه ...ملـجت وسويت الي يبونه .. بس خلااص عـآد..
خلني ارد مثل قـبل ملييت من الحزن.. بفرح وبستانس وبعيش يومي .. مابقى من العمر كثر الي رااح.. وسـيف خل يولي ..
بسوييله طاآآف .. يلـست ادور فووني مادري وين نفـد ..
لقييته مفروووور ف السدهـ شليييته وسـٍرت تحـت ..
جفت امايه يالسه بروحها ف الصاله..
امل: صبااح الخييييييييييـرااات
اماايه: صبااح النوووووراات
امل: ههه شخبارج امايه؟
امايه: بخيير الحمدالله وانتي شحاالج يالعرووس
يلست ع الغنفه بالقو ولارديت
امايه: شوي شوي يوم بتيلسييين شوهالدفاشه
امل: هههههه ان شااء الله
امايه: ماتبين تتريقيين
امل: الا اباا ويين الريوق
امايه: ف غرفة الطعاآم.
امل: اوكييه باباتي ويينه؟
امايه: طالع االحيين بيرد
امل: اوكي بسير اتريق انا
امايه: بالعافيه..
امل : الله يعافيـج.
رووحت عنها وسرت صوب غرفه الطعام.. تريقت عـقب .. طلعت من الغرفه سرت الصاله جفت ابووويه فدييته..
امل : السلام عليييكم
ابويه: علييكم السلام
سرت حبيييته ع رااسه..
ابويه: شخبااار بنتي العرووس؟
امل: والله الحمدالله يسرك حالها بس لو تشل كلمه عروس
ابويه: ههههه احييد البنات يستانسن علييها
امل: انا عكس البناات خـخخـ..
امايه: انزييييين مارمستي سيف
امل: لا
امايه: ماتصللج؟
امل: لا ماتصل
ابويه: امس خذ رقمج مني
امل: لييش تعطيه
ابويه: ريلج ماتبييينه يرمسج بعد؟
امل: يااربي ...
امايه: بس بس عن الكلام الفااضي قومي وعي اخوانج..حق الصلاه
امل : انزيييييييـن ..
روحت فووووووق وسرت غرفة احمــد ..بطلت اللييتاات وبندت المكيفف..
امل: احمدوووووووووووه نش نش حرييييييجه
جفته فز من مكاانه
احمد : ويين وين شو محترق ..
امل: ههههههههه ويييو قصييت علييك يالسبااال ..
احمد : مااعلييه انا برااوييج..
جفته نش من مكاانه ياي صووبي طلعت من حجرته ركض وهو وراي
احمد: مااعلييه جان مازخيييتج
امل:ماتروووووووووم
تمييينا نراكض فوق جنا خبايل اخر شي نزلت تحت مريت الصااله وانا اركض اجوف امايه وابوويه مستغربين من خبالنا واحمد ورايه فتحت بااب الصااله وشرررده برع .. تميينا نركض ع الحوي وانا تعباانه بس اركض يالله ياالله.. اخر شي جفت احمد وقف ودخل دااخل وقفت مكاني اخذ نفس شويه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك