بداية

رواية اعطني حريتي اطلق يديا -4

رواية اعطني حريتي اطلق يديا - غرام

رواية اعطني حريتي اطلق يديا -4

نــــــــــــوره .. عطني مهله يا عبدالله افكــــــر .. اللي تطلبه شي صعب صعب ..
عبدالله : نوره .. اسمعي .. انا قلبتها من كل جهه .. وما لقيت الا هالحل .. وان ما وافقتي .. فهذا اخررر يوم تسمعين فيه صوتـــــــي ..
* * *
موضــي : اموت واعرف .. من اللي قال لعقاب عن عرس النوفي ..
حتى حريـــــم اخواني .. وريجيل خواتـي ما علمناهم .. اجل وشلون وصلت له العلوم ؟؟
كســــــرت خاطري نويفه .. تلوها ما بعد ذاقت الفرحـه .. حسبي عليك ياعقاب ..
شفت اخواني .. صقر .. وماجد .. ونهار .. وحتى عليوي يتناوبونها بالحضن .. وامي من يوم درت .. وهي داخلتن في حجرتها .. ومقفلتن على نفسها ..
ماتبي تشوفهــــا وينفطر قلبها عليها ..
خذتها الجـــــازي وشيخه .. رقوها لحجرتها .. وبعد ساعه .. جاب صقر لشيخه اختي .. ورقة طلاقهـــــــــا .. نفس الشيخ اللي مللك لها .. هو اللي كتب طلاقها ..
منتهى : أحس نفسيتي تعبت .. صحيح أذا آحد غلط علي مآ اسكت له .. بس بعد مآ احب المشآكل ..
وبدر من رديته وآهو مستقصدني .. يبي يطفشني من البنك ..
أطلع من دوآمي .. السآعه 7 المغرب .. مع آن دوآمي الرسمي ينتهي .. آلسآعه 4 آلعصر ..
قررت أغير رقم جوآلي بأي حجه .. عشآن مآعاد يتصل ولآ يرسل علي .. مع آن عمري لآ اتصلت به ولآ ارسلت .. بس حآسه بتأنيب الضمير .. احس اني مسويه شي غلط ..
وصرت دآيم جوآلي بيدي مآيطيح .. آخاف يرسل رسآله بآيخه .. وتطيح بيد أحد من أهلي .. واطيح من عينهم قبل لآيلعنون خيري وخيره ..
بكره بقول لآبوي يغيره .. بقول آحترقت شريحتي لان روز لعبت فيهآ ..
.. يآاااارب .. متى بس ينزل لي وظيفه رسميه وآرتآح ..
‏*‏ * *
بتول : أحس بتوتر .. وقلق .. من اسبوع وموضي قآيله لي أن صقر .. رآح لابوي وخطب .. بس لحد الآن .. أبوي مآجآب لي سيره ولآ كلمني ..
يكون رده بدون لآيقول لي !!
معقول ابوي يسويهآ ؟؟
آخاف بس قآله بدور أكبر .. وبجوزهآ لك .. والرجآل انحرج يقول لآ ..
حتى موضي .. لا كلمت .. ولآ سألت ..
تكون زعلآنه .. لان آبوي رده ..
آووف يآربي .. موقآدره آنآم ..
جت بدور .. وسكرت بآب غرفتهم بشويش .. وهي تنط علآ اطرآف آصآبعهآ .. وتصفق بيديهآ بدون صوت .. وابتسآمتهآ .. مآفآرقتهآ ..
طآح قلب بتول .. لآنهآ حست أن المسأله فيهآ عريس .. أو كذآ تهيأ لهآ ..
..بلعت ريقهآ اللي نشف .. وأظلم وجهآ .. طلعت صوت ضعيف تحس آنهآ جرته من أقصآ جوفهآ .. وسألتهآ :
..‏ وش فيك .. مبسوطه ؟؟
رقصت بدور حوآجبهآ بآبتسآمه خبيثه .. وقربت لهآ تهمس .. ‏
..‏ وهنآ أختلطت مشآعر بتول .. بين يأس ورجآء .. فرحه وحزن .. توتر وقلق .. ترقب وانتظآر ..
وكأن حكي بدور .. له دور بتحديد مصيرهآ .. ومستقبلهآ ..
بدور : اكتشفت .. اكتشآف خطير .. وسر مآبعده أسرآر ..
بتول : آيش ؟؟
بدور : طيري بس .. تبين آقوله لك ببلآش ..
بتول بنفآذ صبر : قولي كم تبين .. وآخلصي علي ..
بدور : آحم .. آبي بس 500 .. انتي كريمه .. وآنآ استآهل ..
بتول : وجع .. منين لي 500 .. ‏
بدور : هزت كتوفهآ .. دبري عمرك .. خوذي من آبوي شويآ .. ومن بدر شويآ .. ومن محمد شويآ .. ومن الجوهره شويآ .. ومن مآمي شويآ .. وكذآ يكفي المبلغ ويوفي ..
بتول : طيب يتعلق الموضوع بمن ..
هزت بدور كتوفهآ .. وحطت يدهآ علآ فمهآ ..
خبطتهآ بتول اللي فهمت حركتهآ .. بكتآبهآ النحو .. قولي يآتبن .. آنا موافقه ..
..‏ قربت بدور .. وتربعت مقآبل لبتول ..
تصدقين .. اكتشفت أن بدر أخوي يغآزل ..
شهقت بتول .. وعقدت حوآجبهآ .. ومدت رجلهآ ترجفهآ .. يآحيوآنه وش تقولين ..
كآن بدر بآلنسبه لهآ ولخوآتهآ فوق الشبهآت .. يمكن يشكون في فآدي .. ألا متأكدين .. بس بدر لآ .. مستحيل ..
بدور بتأكيد : قسم بآلله .. والأدهى والامر .. من هو يغآزل .. من توقعين ..
بتول من صدمتهآ تحس عقلهآ مو قآدر يجمع شي .. ولآيحلل .. ولآيربط ..
من ؟؟ ؟؟
بدور وعيونهآ خذت أتسآعهآ ..
منتهى .. .. منتهى بنت عمي ..
شهقت بتول مره ثآنيه مرتآعه .. احلفي .. وش درآك .. سمعتيه يكلمهآ ..
بدور : خير آنتي .. وش سمعته بعد .. لو آذآني رآدآر ..
بتول : أجل شلون ‏!!
يمكن ظلمتيه ..
بدور ‏: اسمعي بس .. كنآ جالسين بآلصآله .. ودخل علينآ بدر .. شآل روز وقعد يبوسهآ .. ويلآعبهآ .. وطلع جوآله .. وخذلهآ كذآ صوره .. بعض الصور .. مآضبطت .. طلعت تضحك .. شآفهآ بدر .. ومآت ضحك .. ومد جوآله لآمي تشوفهآ ..
..‏ نطيت بجنب أمي ..
وخذت آشوف الصور كلهآ ..
شفته مشغول بالسوآلف مع آمي .. حركني فضولي .. آقرآ رسآيله .. وآخترت الصآدر عشآنهآ أقل ويمدي أقرآهآ قبل ينتبه ..
قريت الاولي .. والثآنيه .. والثآلثه .. والرآبعه .. وكآن كلهآ بآيخه .. بطآقة اعمآل .. او رقم حسآب .. أو تأكيد بوصول آيداعأت .. وتوني بسكرهآ لآني طفشت منهآ ..
فتحت .. وشفت .. اسم عنآد .. بس الغريب لمن قريت الرسآله ..
‏"‏ لآتنسين موعدنا المغرب يآحلوه "
شكله نسآ يمسحهآ ..
لطشت الرقم علآ طول .. وطلعت من الرسآيل .. حطيته بمكآني .. وطلعت اسجل الرقم قبل لآ انسى ..
جآني فضول أتصل .. واسمع صوتهآ .. قبل لآ اخزنه عندي ..
وأول مآضغطت آتصآل .. طلع لي ..
منتهى بنت عمي .. قلت يمكن رديف رقمهآ ..
سبحإن الله .. كآتب ربي آني أكشفهآ ..
يوم عشآهم عندنآ .. تبآدلنآ الارقآم إنا وهي ..
على طوول ردت .. هلآ بدوره ..
وعآدي .. مشيت الموضوع ..
بتول : تهقين شآيفهآ واعجبته ؟؟
بدور : يمكن وآلله ؟؟
..‏ بتول وبدور ..
مآدرو عن خطبة بدر لمنتهى ..
آللي يدرون .. غير امهم وابوهم ..
محمد والجوهره ..
‏*‏ * *
//‏ آنتهى البآرت //

البارت العاشر


رجعت السآعه 5 من دوآمهآ ..
رمت نفسهآ بثقل على أول كنبه وآجهتهآ .. سحبت طرحتهآ .. ورمتهآ بآخر الكنبه .. نفظت شعرهآ .. بزعم آنهآ تبرد علآ نفسهآ من الحرر القآتل ..
بآشرتهآ أمهآ .. بكآسة مويآ بآرده .. وآختهآ منى .. توجهت للمطبخ تجيب القهوه ..
تكسر خاطرهم كلهم .. تعودو من شغلهآ بالبنك علآ نفسيتهآ الخآيسه .. وأخلآقهآ الزقت ..
يراعونهآ .. ويدآرون خآطرهآ .. وطلبآتهآ مجآبه ..
شفقه على حآلهآ .. وخوف على أعصآبهآ ..
..‏ أذا تأخرت آلقهوه ..
أمهآ عآرفه وش بيصير ..
بتنام بدون لاتذوق شي ..
بآلبنك .. تكتفي بكوفي وكوراسان ..
بدون فطور .. أو غدآ ..
مع أنه في شله من الموضفآت .. يطلبون غدآ ويتغدون .
شربت قهوتهآ .. مع قطعتين بسبوسه محشيه بالجبن والقشطه .. وبعده كآست مويآ ..
سحبت غطآهآ .. وطرحتهآ .. استعداد عشآن تطلع فوق تنآم .. مدت يدهآ عشآن تآخذ شنطتهآ .. دق جوآلهآ ..
.. ردت بملل .. وتعب ..
وأرهآق .. وكسل .. ونفسيه في الحضيض .. وبصوت وآضح عليه الطفش ..
..‏ هلآ وآلله ..
سكتت لحظآت .. والسمآعه بآذنهآ .. ومآنطقت بحرف ..
تعبيرآت وجهآ .. تغيرت وتبدلت بلحضآت ..
وعيون كثيره تشيع تعبيرآتهآ .. وتتآبعهآ بدقه ..
امهآ .. آبوهآ .. منى وخلود .. وحتى فيصل وعزوز ..
صرخت ورمت الجوآل من يدهآ .. وكل كسل فيهآ تبدد ..
وكل تعب وارهآق وخمول .. حل محله .. نشآط ‏.. وحيويه ..
كل هم وضيق .. حل محله فرح وسعآده ..
‏*‏ * *
صقر : بعد ماصار اللي صار ..
لازم ندفع لسعيد مهره .. 70 ألف ..
نهآر قآل بطلع دينة سياره .. وابيعهآ واسدده .. بس حلفت عليه .. هو يآالله يقوم بعمره .. ويطعم فريخآته وعسآه يسد .. >> يقصد عيآله
سحبته من حسابي .. اللي كنت موفره لعرسي .. وآنآ مقرر .. سوآ وآفقو علي .. البدر أو رفضو .. بآخره سنه .. لين احسن أوضآعي وأعرس ..
..‏ جلست بجنب أبوي .. وطلعت الفلوس .. وحطيتهآ بحضن أبوي ..
صقر : خذ يآبوي .. هذي مهر نوف .. رده لسعيد .. رآيته بيضآ .. الله يخلف عليه بابرك منهآ ..
أم صقر : علي بالحرآم .. مآنآخذ منهآ قرشن حمرر >> يعني ولا قرش ..
أبو صقر : يآولدي ‏ ..
خذ زرفك >> ضرف الفلوس ..
خلهآ تنفعك في عرسك .. لآتفشل في الاجنآب .. بيدبرهآ ربك ..
صقر : وشلون تدبر .. مآلهآ آلآ هآلدبره ..
وآلآجنآب أن صبرو .. وآلا بنلقى عربن غيرهم يصبرون ..
وعرسي .. أن قضيت 30سنه بدون حرمه .. مهوب ضآرني شي لآقعدت زود عآم وآلآ عآمين ..
أم صقر : أن كآن تبي رضآي .. خذ زرفك .. وأن احتجنآك زهمنآك .. وآلآ وآلله .. يآمقعدن أنت فيه مآيقعدني ..
‏>‏> تقصد أن رفضت رد الفلوس .. سأتجنب كل مجالسك .. وتترك أي مجلس يجلس فيه ..
صقر عقد حوآجبه :
استغفري يمه ..
أبو صقر : خذ الهرجه .. وضف قروشك ..
..‏ نوف آللي كآنت تحآول تدمج نفسهآ معهم .. ولآتضيق صدورهم .. وكآنهآ رجعت لطبيعتهآ .. وتعدت أزمتهآ .. بعد مآ مر اسبوعين علآ آللي صآر لهآ ..
كآنت بتطلع للحوش .. تقعد معهم .. بس سمعت نقآشهم .. وهوآشهم ..
..‏ لفت فيهآ الدنيآ ..
وألوآن ودوآئر متعدده تدور في مجآل عيونهآ .. وطنين قوي بأذآنهآ ..
تمسكت ببآب الحوش .. وبركت قبل لآ يغمى عليهآ .. وصوت خبطة جسمهآ وهي تسنده علآ البآب .. افزع آبوهآ .. وآمهآ .. وصقر .. ركضو لهآ وسبق صقر لهآ .. وعرف آنهآ سمعت جدآلهم ..
ضمهآ لصدره .. ورفع وجهآ .. ‏
وآمهآ مدت له كآس مويه ‏ ..
صب في يده شوي .. ومسح به وجههآ .. وشعرهآ ..
حست بنفسهآ .. فتحت عيونهآ بثقل .. ونزلت دمعه حآره على خدهآ ..
مسحهآ صقر بكفه :
آلنوفي .. لآتبكين .. جعلهم كلهم فدوتن لس .. أن كآنس مآتبين عقآب .. وآلله أن ينقطع صيبه مآخذآس ..
نوف : ومهر سعيد ..
مهر سعيد .. وصخ دنيآ يآخوس .. يروح ويجي ..
أفدآس بآللي آغلى من الفلوس .. آفدآس بالروح وآنآ آخوس .. لآتشيلين هم .. ولآيضيق صدرس ..
الدراهم قدهآ في حسآبي .. تقول جعل من طلعت بسبته .. جعل آبوه للجنه .. قدني بخيس واعفن محدن وآق علي ..
ابتسمت نوف بألم .. وهي تشوف آخوهآ يحآول يضحكهآ وينسيهآ همهآ ..
‏"‏ الآخو أذا الله أعطآ منه .. يكون نعم السند والعون .. كأنك متكيه على جدار صلب وشامخ ماينهد ولا ينكسر .. محد يقدر يأذيك وهو عارف وش أنتي متسنده عليه ..
وبعضهم .. وجودهم زي قلته .. لايهش ولاينش .. هذآ أذا مآكان سبب في تعاستك وحرقت قلبك "
‏*‏ * *
بتول : جلست اقلب الأكل بملعقتي .. وسرحت ..
موضي .. حآلهآ مو عآجبني ..
هل كل هذآ متآثره عشآن نوف .. وآلا آبوي رد صقر .. ومآقآلنآ .. استحيت اسأل موضي ..
فزيت لمن سمعت صوت أبوي ..
يقول : أنعم الله عليك يآام محمد ..
طآلعني .. وبعدهآ بدور وقآل :
بدور الحقيني فوق ..
طآحت مني ملعقتي فجأه .. وضربت بالصحن .. وطلعت صوت أحسه أقوى من المعتآد .. فزيت بفزع ..
التفت لي أبوي وابتسم :
سآلمه سآلمه .. غدآ آلشر آن شآء الله ..
مآرديت .. انسحبت بهدوء لغرفتي قبل لآحد يشوف دمعتي .. أكيد أبوي قآله يآخذ بدور ..
‏*‏ * *
منتهى : رميت جوآلي .. مآادري بأي آتجاه حذفته ..
قطيت نفسي بحظن أمي .. وشديت عليهآ بقووه ..
نزلي وظيفه .. نزلي وظيفه .. أبشرك نزل وظيفه رسميه من آلدوله ..
سجبني آبوي من حضن آمي .. وضمني .. مبرووك مبرووك ..
ربي عوض صبرك خيرر ..
أم حمد : مبرووك .. مبرووك حمد الله ..
بس من بكره .. تروحين للبنك .. وتفصلين منهم ..
منتهى ربي يبآرك فيكم .. بفضل دعآكم لي .. جعلني مآانحرم منكم .. ‏
آكيد يمه .. آول حآجه بكره بسويهآ أقدم استقآلتي من البنك .. عشان اتفرغ لتكملة أورآقي وبيآنآتي .. بعدهآ آبآشرر ..
‏*‏ * *
بدر : أم مآزن .. قوليلهآ آنآ رآفض استقآلتهآ ..
‏"‏ انتهى البآرت "

//‏ البآاارت الحااادي عشرر //

أبو بدر : مسك بدور .. وجلسهآ .. ووجه كلآمه بدون مقدمه ..
بدور وآنآ أبوك .. بتول جآلهآ نصيب .. وآنآ مآبعد وافقت .. ولا رفضت ..
بدور ابتسمت : طيب أنا وش دخلني .. آه تبي آنآ آقولهآ يعني ؟؟
هز رآسه آبو بدر بنفي :
لآ .. أنآ آبي استسمحك أن كان ماعندك مانع تزوج بتول قبلك وأنتي الكبيره .. و
قآطعته بدور بعد مافهمت قصده :
تبه أكيد موافقه .. هذا نصيبهآ .. ومآبي أوقف له ..
أفرض جلست 10سنين مآتزوجت .. وألآ عنست .. أوقف بنصيبهآ واسكر باب رزقهآ ؟؟
كآن ربي كاتب لي أتزوج تزوجت .. ويمكن قبلهآ بعد ..
وأذا ربي مآكتبه .. لو أقعد عمري كله انتظر ماتزوجت ..
بآس رآسهآ ابوهآ .. وهو معجب بردهآ عليه .. يمكن مآتعود من بدور اللعوب .. هآلراي الحكيم ..
-‏ ربي يرزقك باصلح خلقه -
وتركهآ متوجه لغرفة بتول .. ونص الهم طآح عن ظهره ..
مع أنه كآن بآمكآنه يوكل هالمهمه لام بدر ويرتآح ..
‏*‏ * *.
سآلم : ناظرتها وهي توكل ولدي وبنتي في حضنها .. وهي كنهآ ثالثهم ..
أول مآخذتهآ .. كنهآ شبح زول .. شعرهآ عكآريش >> خشن
ولبسهآ دثره .. عيونهآ مغوره من جوعن نآخرن عظآمهآ ..
ومع تغير حالتها عقب ماخذتها ألا أنها توها بزر .. تفرح بالحلاو .. والبطاطس .. والبسكوت .. والبيبسي .. لاجبته للعيال .. وصرت أحسبهآ مثلهم مثلهآ ..
قلت لها .. وأنا أشوفها تفتح بيبسي وتاكل خبزتن يآبسه مع طحينه .. وآنا جايبن صدر ذبيحه مندي عشانها : أتركي عنس هآلبهآنيس وأكلي من خير ربس .. حآلس قدها نتنقطع من العيآ >> النحافه ..
..‏ غدير .. >> بتشديد اليآء ..
وربي مااشتهي العيشه واللحم .. قد نفسي عآيفته ..
..‏ سالم : بلآس ذا الخرآبيط آللي تاكليهآ .. تضرس مهيب ينفعس .. وأنتي علآ ذا الحآل ..
مدت يدها لصحن الرز .. وآنا عارفن أن مآلهآ خاطرن به .. بس عشآن لزمت عليها ..
خذت حمودي .. وقعدت أوكله ..
وجويزي حطتها امها بالدرآجه حقتهآ >> المشآيه
..‏ وبعد ماتعشينا ..
قلت لها .. وصآيآي آللي أقولهآ لهآ كل ليله ..
صكي بابس .. ولاتفتحين لحدن أبد ..
العيال .. أن مرضو .. وألا نقصهم شي .. تعرفين رقمي ..
ولآتحاكين قبل لآ أقول .. ارحب أبو محمد ..
وأن سمعتي حدن غيري رد .. سكري جوالس ولآتحآكين أبد ..
..‏ قفلي مطبخس وغازسس .. وانتبهي لعيالس .. كل شوي تفقديهم ..
وطلعت وآنآ بجوفي جمر حي .. من خوفي عليها .. صح آنهآ طوفت العشرين .. بس من يشوف تصرفآتهآ .. وحركآتهآ .. ينقد عليهآ .. ولية حريم الله يكفينآ شرهن ..
عمآتهآ .. وحريم أبوهآ سبهن بعقلهآ .. لآتقول صآحيتن مع الصآحين .. ولا خبلتن مع المهبل ..
طقيت حجرة أم عزيز أحرصها زود .. وبعدها رحت لبيتي .. وآلهم جآثمن على صدري .. مثل كل ليله ..
..‏ يآااارب فرررجك ..
‏*‏ * *
منتهى ابتسمت .. مآتبي شي يكدر عليهآ فرحتهآ ..
ردت : أم مآزن وصلي له لآطلعت .. يبل استقالتي .. ويشرب مويتهآ ..
أن قبلهآ أو رفضهآ .. مو مهم .. مصيره يقبلهآ ..
أم مآزن تعرف بكره منتهى لبدر ..
..‏ ام مازن : لآتعآندينه منتهى .. قولي له سبب استقآلتك .. قسمنآ كله درى أن نزلك وظيفه .. ومن بآب أولى هو يعرف .. بمآ أن بيده مصالحك ..
ضحكت منتهى باستهزآ ..
ههههههههآآااي ..
وش مصلحتي آللي عنده ..
شهآدة خبره .. وحس سيره وسلوك .. خل يبروزهآ عنده .. استغنيت عنهآ .. هه
خذت أغرآضهآ من مكتبهآ .. وودعت زميلآتهآ .. وطلعت بعد مآ أنتهى الدوآم ..
وهي تفكر بروحتهآ بكره لمكتب أشرآف آلقويعيه .. آللي نزلت وظيفتهآ فيهآ .. تبعد عن آلريآض حوآلي 180 كيلوو ..
‏*‏ * *
بدر : صحيح كنت آبيهآ من زمآن تستقيل ..
خآصه لمن إشوف أورآق عليهآ توقيعهآ .. واسمهآ .. يتدآولونهآ بيينهم .. وأكيد لآتخلو من تعليقآت سخيفه هو بغنى عنهآ ..
بس مآ أدري ليش حبيت أعقدهآ .. وآمآطل فيهآ ..
دخلت بيتنآ .. شفت أهلي متجمعين يتقهوون ..
جلست وخذت لي فنجآل .. وآنآ مآعآد آشوف من آلنوم .. والتعب .. وآلآرهآق ..
أشرت لي بدور بالسلام وهي تكلم ..
بدور : هههههه يآلخآيسه عآد تسكرين بوجهي ..
منتهى : ههههههه شسوي .. من آلفرحه .. حتى آهلي آرتآعو من شآفوني قطيت السمآعه ..
بدور : يآآلله بس حبيبتي .. يدك ع البشآره .. آول رآتب لي آنآ ..
منتهى : يآلطمآعه .. أكر شهر كر الحمير .. وأنتي متربعه ع النت وأعطيك .. شقآ عمري ..
هذآ آللي شد انتبآه بدر لمكآلمة بدور ..
..‏ آم بدر بهمس لبدر ..
هذي منتهى بنت عمك .. نزل لهآ وظيفه ..
عسى آلله يرزق آلجوهره أختك ..
‏.
بدر .. سوآ نفسه دآري .. ومو مهتم ..
وين ؟؟
أم بدر : بآلقويعيه .. عآد آلله يعين وين بيقلعونهآ ..
بدر : آذا مآ استغليت هآلفرصه .. مآراح يحصل لي غيرهآ .. وطلعت آخذ شور .. عشآن آروح لعمي ..
دقيت جوآل قبل لآ روح بيته .. طلع مقفل .. رحت لبيته .. قآلو طلع .. من دقآيق .. ومآله وقت محدد يرجع فيه ..
خبطت كبوت سيآرتي بقهر .. أوووف حظي هآلمره على آلله .. وطلعت لاستراحت الشباب ..
‏*‏ * *
..‏ موضي : هآ بتله .. يآلله فرحينآ .. ترا صدورنآ جآهآ صكه من الضيقه .. عقب طلآق النوفي ..
بتول بخجل : وهي تسترجع كلآم آبوهآ .. مضآوي بفكر ..
موضي : جعلس آلحفآ .. وش تفكرين .. قدس عآرفتن صقور .. ولو خشته شفتيهآ .. وش تتنين ؟؟
بتول بجديه : بصرآحه يآموضي خآيفه .. آنآ آول وحده في عآيلتنآ تآخذ بدوي .. و طبعنآ وطبعكم يختلف .. وآخآف مآ نتوآفق آنآ وصقر ..
موضي : يآجعلس آلقوم .. وش مآتوآفقون .. قآلو لس أنتي من ا لصين وهو من البنقآل .. مآتفهمون هرج بعض ..
مآيبلهآ فهم .. وخفضت صوتهآ .. صقور بيقولس " دع القيآده لنآ .. وتمتع بالرحله ..
شهقت بتول .. وقالت خآيسه .. سكرت ا لسمآعه وسط ضحكآت موضي آلعآليه ..
‏*‏ * *
منتهى : موآصله مآنمت من هم المشوار ..
ركبت مع أبوي آنآ وامي .. متوكلين على آلله ..
وأمي تدعي لي طول الطريق ..
..‏ وصلنآ وشفت الزحمه .. مسكت بيد آمي .. يآرب يسر أمري ..
استقبلتني الموظفه آللي تطآبق أورآقي بحفآوه هدت اعصآبي شوي .. وريحتني مبدئيآ ..
بس حسيت بآحبآط من شفتهآ رافعهآ حآجبهآ مستنكره ..
..‏ اختي ملفك ينقصه .. أثبآت سكن .. لك أو لولي أمرك ..
أو أثبآت جهة عمل أبوك أو زوجك .. بأنه يعمل بمندوبية الحصآه اللي فيهآ تعيينك ..
لك فرصه اسبوع تصححي وضعك ..
تأكدت أن الوظيفه طآرت .. ليت مآ استعجلت وقدمت استقآلتي من البنك ..
كيف اجيب اثبآت .. وأنا اساسا مو من آهل القويعيه .. ولاقد سكنآهآ هي وهآلحصآة اللي مآدري وين ؟؟
..‏ جيت بطلع مسكتني وحده .. اظنهآ مراجعه .. بعد مآشآفت الدموع تلمع بعيني .. وكسرت خآطرهآ .. بعد مآعر فت وضعي ..
قآلت لي : شوفي لآيضيق صدرك .. دبريهآ من تحت الطآوله .. كلن مشآ نفسه بهآلطريقه .. وربي يسهلهآ لك ..
..‏ رجعنآ بخفي حنين مثل مآيقول المثل ..
//‏ آنتهى البآرت //

//‏ آلبآااارت آلثآني عشرر //

..‏ نوره ..
جهزت شنطتي .. وخذت أزين ملآبس خوآتي آللي قدي ..
تسبحت .. وحطيت روج وكحل .. وكآن ودي آتعطر بس للآسف مآمعي عطر ..
شفت ساعتي الالكترونيه آللي مآ آلبسهآ آلآ بالبيت .. شفتهآ 2 ليلآ ..
حطيت عبآيتي بكيس وطلعتهآ بالحوش .. ورجعت وخذت شنطتي .. بعدهآ سكرت باب بيتنآ الشعبي .. لبست عبآيتي .. وفتحت آلبآب آلخآرجي بشويش ..
كآن ودي آودع خوآتي وآمي وآبوي .. بس .. يآحسره مآقدر ..
شفت سيآرته وآقفه عند بآب جيرآنآ .. ومطفي آلنور .. طلعت .. وركبت سيآرته .. وآنطلقنآ ..
‏*‏ * *
أمل : مآقدرت آتوقع ردة فعل آمي آذآ عرفت بسآلفتي ..
مره آقول بتذبحني .. مره آقول بتعلم علي آبوي .. مره آقول بتسآمحني ..
لكن ولآ تخمين من تخمينآتي طلع صح ..
مآذبحتني .. ولآ علمت علي آبوي .. ولآ سآمحتني ..
آللي صآر .. آنهآ حبستني بغرفتي .. وعآملتني بقسوه .. وكآني عدو لهآ ..
وقآلت لابوي آن فيني جنون يأذوني لآشآفو آحد .. وقآلت لي آستهبل .. وآصآرخ .. وآنصرع آذآ دخل علي آبوي .. آو آحد قرآيبي .. ومآتعدآ فرآشي .. عشآن محد يلآحظ كرشي ..
وبمره .. قآل آبوي .. حآل ذآ آلبنت مآينسكت عليه .. بوديهآ شيخ يقرآ عليهآ ..
صرخت آمي بدون شعور :
لآاااااا .. آلجن آللي فيهآ يقول أن وديتوهآ لشيخ .. كسرت رقبتهآ قبل لآتوصل له ..
وآنا آقرآ عليهآ شوي شوي .. وآن شآالله تطيب ..
هز آبوي رآسه بآسى وطلع ..
من حسن حظي .. أو من قل آكلي .. آللي يشوف بطني بشهري آلسآبع .. يعطيني آلثآلث .. أذا كان عآرف آني حآمل ..
.. جزآي هآلسجن وآقل من جزآي ..
‏*‏ * *
من طلعت من دوآمي .. مآرجعت للبيت .. مريت بيت عمي آبو حمد ..
وقبل لآ آقوله عن آللي آنآ سآعي له .. سألته .. من بآب آلذوق .. عن روحته للقويعيه .. ونتآيجهآ ..
أبو حمد بضيق : وآلله يآولدي .. شكلهآ تعسرت مآتيسرت هآلوظيفه ..
آنآ مآهمني .. ولآهي بحآجتهآ .. بس هي تبي الشغل .. ومآببي حكرة البيت ..
وآللي يشوف وجههآ آليوم .. مآيقول هذآ هو آللي آمس ..
ليتهآ مآخلت شغلهآ بآلبنك ..
بدر ..‏ وحكآ لي عمي وش طلبو منهم .. عشآن تكتمل آورآقهآ ..
منع ابتسآمته الخبيثه .. وهو حآس آن عمه حبك له خطته آكثر من مآهي محبوكه ..
بدل ملآمح وجهه بتآثر .. وعقد حوآجبه ..
وطلع آورآق كآنت معه .. ومدهآ لعمه بعد مآعطى عمه موجز عن مآتحوي هآلاورآق ..
بدر : يآعم .. وآلله مآدري وش آقولك .. مآودي آغثك .. وآزيد همك هم ..
منتهى لمن سوينآ ورآهآ جرد لعهدتهآ .. لقينآ عندهآ عجز .. مليون ريآل .. وللأسف هي آللي بآلواجهه .. ولآزم تسد العجز ..
فتح آبو حمد عيونه بصدمه :
مليووووووووووووون !! !!
نآوله بدر الأوراق .. وطلع آبو حمد نظآرته الطبيه عشآن يقرآهآ ..
بدر : أي ياعمي .. وترآ منتهى مآتدري للحين .. تخبر بنيه .. أكيد حساسه وبتأثر .. وبيضيق صدرهآ وهي مآبيدهآ حيله ..
آبوحمد : حط يديه ع رآسه ..
لآحول ولآقوة آلآ بآلله ..
حظ هآلبنيه طآيح .. لآفي خآص ولآ عآم ..
وش آلحل يآبوك .. لو ابيع بيتي ماجبت نص هآلمبلغ ..
بدر بخبث : تدري .. آلبنك رفض استقآلتهآ لين تسد آللي عليهآ .. وآلا بتسحب للسجن قدام خلق آلله ..
آبوحمد : استغفر ربك .. لو ابيع هدومي .. مآخليت احد يمس منهآ شعره ..
بدر وهو يرمي سنآرته :
آنآ يآعمي .. كنت موفر في حسآبي ‏500 الف .. كنت موفرهآ لزواجي .. بجهز بهآ بيتي .. ومهر لعروسي ..
بس يوم شفت بنت عمي في هآلوضع .. قلت هي آبدا من نفسي ..
سحبتهآ .. وتسلفت منآومنآك .. وتدينت .. وبعت اسهم عندي كنت أطقطق فيهآ .. وكنت ببيع سيآرتي بس كفآ المبلغ ..
سديت آلعجز .. وآنحلت آلمشكله ..
وآنآ مآجيت آعآيرك بآللي دفعته .. وآلآ آبي آرده ..
هذآ حق بنت عمي علي ..
بس خفت لآيجيك حكي من هنآ وآلآ من هنآ .. ويزيدون في آلقيل وآلقآل ..
وآنت مآتدري بأصل آلسآلفه ..
ويجيك شي لآسمح آلله ..
..‏ قآطعه آبو حمد .. وهو مفتشل في بدر .. ومعجب بمرجلته آللي خلته يضحي بسعآدته وزوآجه عشآن بنت عمه .. ومآيدري أن : " الذيب مآيهرول عبث "
قآل آبوحمد بحمآس : هآ ترآ آلله عطآك منتهى .. تستآهلهآ .. وآنآ مآأرخصتهآ آلآ للي يستآهل ..
بدر استرخى على الكنب .. وعيونه لمعت بانتصار .. كمل ..
شآورهآ .. شآورهآ يآعمي .. آنآ قد خطبتهآ وردتني .. مآبي آخذهآ .. وآغصب نفسي عليهآ ..وهي رآفضتني .. وآنا للحين شآريهآ ..
طق آبو حمد صدره :
بنتي مآترد كلمه لآبوهآ ..
.
بدر بلؤم : آجل يآعمي خير البر عآجله ..
وعشآن بعد أقدر اجيب آثبآت آني آعمل بالقويعيه .. بمآ آني صرت ولي أمرهآ .. واجيب عقد أيجار للسكن باسمي ..
خل نملك آلليله .. عشآن بكره .. آضيفهآ في بطآقتي .. وادبر لهآ جهة العمل لولي الأمر ..
.
أبوحمد : توكل على آلله .. نصلي آلعشآ .. وتجيب آبوك وخوآنك .. والمملك ونعقد لك ..
‏ ‏
‏*‏ * *
موضي خبطت رإس نوف :
بآسس بآس يآهآلنتفه .. مسحبتن وراس ريآجيل بشوآربهم .. ورشآشآتهم .. كنس عآد تستآهلين ..
نوف : آه بس يآمضيوي .. جعلس مآتشوفين مآشفت ..
يسحبس بآلشآرع كنس بهيمة ورآه .. يجرونهآ لمقصبهآ ..
موضي : حقس ومآجآس يآلعوبآ .. لو آنس رآضيتن بعقوب .. كآن مآجرآلس آللي جرآ ..مآلس آلا خشمس لو آنه عوج ..
نوف : ذلحين آنتي معجبس جويبر . جعله آلحفآ .. كنه من فرآعنة مصر ..
آخآف انس انتي ويآه وصقور من نسل آبو الهول ..
موضي : حررره .. يآعقلة الأصبع .. شبر ونص .. وتعآير بالطول .. الطول عزر ..
نوف : آلطول طول النخل .. وآلعقل عقل الصخل .. وآقصر مآبه آلذهب .. واغلآ مآبه هو ..
..‏ موضي : آقول بس .. فآرقي ودي آلقهوه .. وانتبهي لآتحكين بآلصبه هههههههههه
،،‏ الصبه أرض مسواه من الاسمنت ،،
وسبقتهآ .. طحت بجنب مآجد وآنا ميته على شكل نوف .. لآعصبت تضحك ..
مآجد : وجع وشفيس يآلخبل ؟؟
نهآر : آلنآقه تلقآهآ رافعتن ضغط آحد ..
موضي : شفتي .. شفتي يآام صقر .. عيآلس مآينآدوني آللي بآلعيره .. وآنآ سآكته ..
رد صقر بابتسآمه :
خلي عنس عيآل آلعجوز .. مآودس تبآركين لآخوس ..
شهقت موضي :
وآفقو آلحضرآن ؟؟..
آحلف ؟
هز رآسه صقر بابتسآمه وتأكيد ..
موضي : آوريهآ بتله .. آلنذله قآيلتن لهآ علميني لآوآفقتي .. عشان آخذ البشآير .. و ..
لكزهآ صقر برجله من فخذهآ وبآبتسآمه :
آهآ عآد .. كله ولآ أم العيآل .. لآتسبينهآ ..
صرخت موضي بقهر مصطنع :
يآشق جيبي شقآه .. ذآ وعآدهآ في بيت آهلهآ .. وعيآلك في ظهرك ..
آجل بكره .. لاجت عندك .. وجآلك ذر يتدآبون على الأرض .. وش بتسوي بنآ ..
قرصتهآ آمهآ في فخذهآ .. آستحي جعلس آلجرب ..
يآوي من آلبني .. مآعاد به مستحى ..
مآجد : قدهآ مضيعتن آلحيآ من زمآن .. بس جويبر بيعرفهآ آيآه ..
.‏ ‏
مسحت موضي .. مكان آلقرصه بيديهآ آلثنتين ..
أم الصقر آنفدآس .. وش هآلمزحه آلثقيله .. قرصتس توجع ..
وقآلت بعيآره :
يؤبرني أبن عمي .. كلو على بعضو حلو .. شب حليوه وكتير مهضوم ..
رمآهآ مآجد بفنجآله : هآلعوآبه .. بنشوف عقب وش بتصير ..
طنشته .. ونزلت آلفنجال في الصينيه ..
وقربت لصقر .. وهمست بأذن صقر :
مآودك تشوفهآ ؟؟

‏*‏ * *
//‏ آنتهى آلبآرت //

//‏ البآاارت الثآاالث عشرر //

بدر : طالعت نفسي بالمرآيه .. وابتسمت بآعجآب لنفسي ..
رفعت حآجبي .. وطقيت باصبعي .. وآنا آقول لنفسي بالمرآيه ..
‏"‏ يآمدور آلهين .. ترآ الكآيد آحلى "
صدق من قآل هآلبيت ..
رشيت عطر لنفسي بفن وروآقه .. عدلت غترتي آلبيضآ ..
وطآلعت سآعتي .. آووف متى تغيب الشمس بس ..
هه نشوف يآااا .. آلا صدق وش آدلعهآ .. آسمهآ مآله دلع ‏..
دفش زيهآ .. طيب يآمنتهآي ..
آنتآ آلبدآيآت .. وآخر سآحلي ومينآي ..
طلعت وآنآ ادندن ومروق ..

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -