رواية اعطني حريتي اطلق يديا -5

رواية اعطني حريتي اطلق يديا -5

البآاارت الثآاالث عشرر

بدر : طالعت نفسي بالمرآيه .. وابتسمت بآعجآب لنفسي ..

رفعت حآجبي .. وطقيت باصبعي .. وآنا آقول لنفسي بالمرآيه ..

‏"‏ يآمدور آلهين .. ترآ الكآيد آحلى "

صدق من قآل هآلبيت ..

رشيت عطر لنفسي بفن وروآقه .. عدلت غترتي آلبيضآ ..

وطآلعت سآعتي .. آووف متى تغيب الشمس بس ..

هه نشوف يآااا .. آلا صدق وش آدلعهآ .. آسمهآ مآله دلع ‏..

دفش زيهآ .. طيب يآمنتهآي ..

آنتآ آلبدآيآت .. وآخر سآحلي ومينآي ..

طلعت وآنآ ادندن ومروق ..

لقيت بدور .. وبتول بوجهي .. وشكل آمي قآلت لهم .. ومن وجيهم مآ احتجت آعرف ردة فعلهم .. آلرفض بآين بعيونهم ..

بس آخر همي رضآهم ..

قلت : مآفي مبروك لآخوكم وهو بعد كم سآعه بيصير عريس ..

بدور ..‏ مآبعد صرت ..

بتول .. وش معنآ منتهى آللي آخترتهآ ؟؟

وفجأه كذآ ؟؟

جتهم منى وكملت ‏.. آسآسآ .. وش طرآ عليك آلحين بس تبي تعرس .. وبهآلسرعه ..

..‏ قلت بروآق .. وآنآ آخبط كل وحده على رآسهآ ..

آنتي يآلنتفه جب .. مآلك دخل بعلوم آلكبآر ..

..‏ وآنتي يآلزبده .. آعصآبك لآتسيحين علينآ .. وآنتي تقولين .. آش معنى منتهآاااا .. بكيفي يآام آلصقور ههههه..

وآنتي يآبدرآ .. بصير .. بصير .. كلهآ سآعه سآعتين .. وتبآركين ..

آلتفت عنهن .. ونزلت آلدرج .. وآفتني جوآهر بآلمبخره .. وهي تزغرط ..

كولولولووووووووووش ..

حآلفه مآيبخرك عريس غيري ..

نزلت آطرآف غترتي آبخرهآ .. ههههههه هذآ آلسنع وآلآ بلآش ..

يآالله آلحقونآ لبيت عمي .. مع فآدي وبتآل ..

فآدي : يمممممه آبي آعرس .. غرت من بدر ..

منى : من هآلمضروبه على عينهآ .. تآخذك آنت يآلفآشل .. وآلآ لآبغيت تخطب آرسل بدر مكآنك هههههه

..‏ حذفهآ فآدي بفصم التمرر ..

بتآل : وش يدريك .. يمكن بعد آنتي يجيك وآحد مسطول .. مضروب علآ مخه وآخذك ههههه

فآدي : ههههههآهآاااي .. كفك ..

أم بدر : بس انت ويآه .. وآنت بعد .. وش فيك ‏.. سكت دهر ونطق كفر ..

نترجآك تزوج ورآفض .. وآخر شي خآرشنآ وحآشرنآ بيوم .. وخاطب لنفسك بعد ..

بدر : يلف يده علآ كتوف آمه .. ويبوس كتفهآ .. يآلغآليه .. ربي كآتب هآلشي من قبل لآاجي لهآلدنيآ .. وكان البنيه ماعجبتك .. نهون .. >> عآرف أن آمه مآصدقت انه جاب طاري الزواج

‏*‏ * *

آبو حمد : منتهى .. يآبنتي .. فيه وآحدن له جميل برقبتي .. ومآيسد هآلجميل .. آلآ آني آعطيه روحي وقلبي ..

وآنتي قلبي وروحي وآعز ..

..‏ تبين تبيضين وجهي في رد جميل الرجآل ..

وآلا أقعد طول عمري .. وجميله في رقبتي .. ومآ أرفع عيني فيه ..

ولو مهوب رجآل ينشرآ ..

وحآفظ ربه .. وعآقل ‏.. ومرضي وآلديه .. كآن مآرضيت به ..

بس وآلله يآلولآ آلحيآ .. كآن خطبته لك .. قبل لآيجي يخطبك ..

..‏ كان يبي يضغط عليهآ بآلحكي .. قبل لآتعرفه وترده .. لآنه كآن طآير من آلفرح لمن بدر رضى فيهآ ..

منتهى : كسر خاطري آبوي ..

قلت : طيب .. ووظيفتي

أبوحمد بأمل : آبد آبد .. مآعنده اعتراض ابد .. ويقول بيدور لك وسآيط لين مآتقبل آورآقك ..

منتهى بخجل : وعمره ؟؟ ووظيفته ؟؟ وآسمه ؟؟

آبو حمد : آكبر منك ب .. آربع سنين بس ..

هآ وش رآيك ؟؟

هزت رآسهآ ‏.. بفكرر ..

آبو حمد .. مآيحتآج ..

وبتردد .. عطيته ..

منتهى بشرهه .. ليه يآبوي .. مآرديت لي آلشور .. آلآ عقب مآ عطيته ؟؟

ابوحمد بنصب : يآبنتي .. جآبهآ بين رجآل آجنآب .. وزكوو عليه .. وتحآدوني من كل جهه .. يقولون لي .. ترآه يستاهل .. لآترده .. وآستحيت وآنجبرت آوافق ..

منتهى : وآفقت بزعل .. كيفك سو آللي تبي ..

وقف آبوهآ بفرحه .. وبآس رآسهآ .. وبسرعه قبل لآيشوف ردة فعلهآ .. مبروك .. مبروك يآبنتي ..

آنتي جوهره .. وبدر يستآهلهآ ..

وملكتك بعد آلمغرب ..

ولآن آبوهآ طيب بزيآده .. ومآيتحمل يشوف دموع بنآته ..

فضل آلهروب من غرفتهآ .. قبل لآتستوعب الصدمآت ..

منتهى : مآ أدري .. كم خذت من آلوقت عشآن آستوعب كلآم آبوي .. بدر ؟؟

وش بدر ؟؟

آكيد هو ‏.. مآفي غيره ..

‏ ‏

كنت بعترض .. وآرفض .. بس هروب آبوي من غرفتي .. خلآني آترآجع .. كسر خآطري .. آبوي شخصيته ضعيفه .. وطيب زيآده .. مآيحب يرد آحد .. وبسرعه ينضحك عليه عشان طيبت قلبه .. يصدق آي شي ..

..‏ فكرت شسوي ..

آطلع لابوي .. وآقولو آنآ رآفضه .. متآكده آنه بيكنسل كل شي لآشاف دموعي ..

ونفسيته بتتعب أن رفضت .. وان وافقت غصب ..

..‏ قلبتهآ من كل جوآنبهآ ..

من نآحية آلوسآمه وآلجمآل .. متأكده مآرآح يجيني أحسن منه ..

من نآحية آلدين .. يقآل له حسب ماسمعت .. مستقيم ومحافظ على صلآته ..

من نآحية آلمآل .. مآأرخص مليون .. آلا وعنده غيره ..

..‏ وش بآقي عشان آرفضه ..

قلت أدبه وذوقه .. آنآ بعلمه كيف آلذوق وآلادب ..

غروره .. وشوفت نفسه .. بكسر هآلغرور .. وآعلمه قدر نفسه ..

..‏ خذني بآلقوه .. بخليه ينعن سآعتن فكر فيني ..

..‏ عمومآ لابأس .. مش سئ لهآلدرجه .. نعدله ونشوف ..

..‏ قمت .. شورت .. واستشورت شعري وفكيته .. حطيت ميك آب نآعم ومشرق ..

نزلت .. بشيك علآ آلوضع تحت .. لان محد من خواتي .. او امي جآني .. شكلهم خآيفين من ردة فعلي .. وآللي آكد لي صدمتهم من شوفتي ..

..‏ آنآ بتزوج مره بآلعمر .. فليش آنكد علآ عمري .. خلني إعيش حيآتي بدون عقد .. آندم عميهآ بعدين ..

مآأدري هل آنآ بوعيي .. وآلآ آحلم ؟؟

بدر : آول مآشفت سعود آخوهآ .. رجع بآلدفتر حق آلشيخ .. وبآرك لي بآبتسآمه .. حسيت روحي .. وقوتي .. وثقتي بنفسي .. ردت لي ..

طلعت جوآلي .. وسويت تعديل .. من عنآد .. ل "أهلي" ..

وأرسلت ..

‏"‏ بارك آلله لنا .. وبارك علينا .. وجمع بيننا بخير "

آلف مبروك .. منتهآي .. انتظري آتصآلي آلساعه 1 بآلليل ..

ابتسمت بثقل .. ورديت آلتبآريك .. بعدهآ .. وآتصلت بحمد بعد مآخذت رقمه من عمي ..

بدر : بآرك لي يآبو نسب ..

حمد : ينعن شكلك .. وش هآلرجه ؟؟

طول عمرك زنان .. وتآخذ آللي تبي .. آنآ مآقلت لك آقلب وجهك .. ماعندنا لك حرمه ..

بدر : هههههههه زين مآ انتظرنآك لين ترجع .. كآن خربت علينآ .. يآلله ملحوقه في آلعرس .. آذا مآاعرست قبل لآترجع ..

حمد : هآ تسويهآ .. مآهيب غريبه عليك .. بس لو تحب السمآ مآتآخذهآ لين آرجع ..

بدر : هههههههه ..

آقلب وجهك بس .. لآبغيت خذت بدون شورك ..

بعد مآتعشو آلضيوف .. وطلعو والعريس وعمآنه .. وعيآلهم .. جلسو بعد العشآ ..

آلجده .. ام سعود .. نآدو عيآلي .. وبدر .. آببآرك لهم ..

بدر : غرت من عماني وآبوي لمن دخلو .. آلحين وش وضعي .. آجلس وآلآ أقلب وجهي .. وكيف بشوفهآ وهآلأمه فيه ..

تنحنحت لمن قآل سعود ..

عريسنآ بدور .. مطلوب آلقبض عليك آمنيآ .. من قبل سلطآت عليآ .. تفضل معنآ .. جآري آلتحقيق معك .. ومن ثم آلتعذيب ..

آشرت له بتهديد بالفنجآل ..

قآل هههههه فكرك رآح بعيد .. آقصد جدتي مو آلمدام ..

فآدي : يآسلآاااااام واحنآ .. وش هآلتفرقه آلعنصريه .. إنا بعد نبي ندخل ..

بدر يحره : آنثبر بس .. يآواحد عزآبي يلحقنآ أكسر كراعه .. وتنحنح .. آهلنآ دآخل ..

محمد اخو بدر : أخس يآلاهل .. آللي مآصارلهم سآعه من صآرو آهل ..

سفههم بدر ودخل ..

‏*‏ * *

كعآدته .. لآبغى آلشي وهو محتآر أو مستحي .. حك عآرضه بتفكير .. وهمس باذنهآ ..

وشلون ؟؟

موضي : آلله يخلف .. مآضريت بخير .. مآتعودت آلآ على آلصكصكه .. وآلحجر .. وعسآك تشوفهآ ليلة عرسك ..

آلحضران .. مهمب قشرر .. قل آبي آشوفهآ .. ويطلعونهآ لك .. وبتريقه ..

بكوبآية آلشربآت .. مهوب بقهوه مهيله .. تلطع جوفك من حرتهآ .. وتصب دموعك ونخاريرك من ريحة آلهيل ..

صقر : هههههههههه جعلس آلحفآ .. تهقين بيطيعون ..

موضي .. آلآ آهقآ .. وتنحنحت بعيآره .. ترآ لآقد جويبر يبي آلشوفه .. بطلع له بالشربآت ..

قرصهآ صقر باذنهآ وقآل بصوت عآلي يحرجهآ : ذآ آلحين أدق لجويبر يملك وتطلعين له بآلشربآت ..

نهآر : عشان أكسر رجلهآ .. ونوديهآ لبيته على نعش .. >> نقآله

..‏ موضي : يآسلآم .. حلال لصقير .. حرام لجويبر ..

خبطهآ صقر يذكرهآ آنهآ فضحت سره ..

‏*‏ * *

..‏ بكت ام سعود .. من شآفت عيآلهآ وقربت بدر .. فرحتهآ آليوم مآيوآزيهآ فيهآ آحد ..

دخل بدر بثقه .. وفرحه .. واستقبلته جواهر بجرأتهآ وصوتهآ الحلوو .. وهي تصفق وتغني وبدور وبتول ومنى .. وحتى خلود .. ومنى اخت منتهى شآركو بآلزفه :

عريسنآ يآبدر بآدي ..

زانت لياليك آلسرور ..

عريسنآ يآفل وكآدي ..

غطى على كوول آلعطورر ..

آخذتهآ وإنتآ ألموفق .. حوريه من بلآد آلنوررر ..

بدر : مآتوقعت بفرح هآلفرحه كلهآ .. صدق حسيت آني عريس .. خآصه لما استقبلووني خوآتي بآلزفه ..

ام سعود .. وبكل برآءة آلعجآيز ..

نآدوو منتهى .. تسلم على بدر ..

بدر : آحرجتني جدتي .. وآربكتني .. وين تجي بهآلزحمه ..

وآنآ مآ استعديت .. ولاجبت لآشبكه .. ولآحتي دبله ..

‏*‏ * *

وبقدر مآفي هآلقلوب من سعآده .. في ثلآث قلوب تفطررت حزن ‏.. وأحباط .. وخيبة آمل .. وغيره .. وحسد ..

‏*‏ * *

//‏ آنتهى آلبآرت //

//‏ آلبآاارت آلرآاابع عشرر //

..‏ منتهى : بصرآحه .. بعد مآملكت وشفت آلفرحه بعيون آلجميع .. وآلكل يبآرك لي ..حسيت بسعآده آنآ بعد ..

..‏

..‏ بس مغصني بطني .. من قآلوو بدر بيدخل ..

بسرعه نطيت وآقفه .. آبغى آطلع فووق .. قبل لآيجي ..

مسكتني آلجوهره آخته .. وآنآ آحآول آخلص نفسي منهآ ..

آلجوهره : تعآلي .. تعآلي .. وبضحكه .. وين منحآشه هههههه

آبوسعود مآدخل آلآ يبي يشوفك ..

منتهى بخجل : آلجوهره .. تكفين فكيني .. قبل لآتشوفني جدتي .. ‏

منى آختهآ : مآعليك منهآ .. آمسكي فيهآ .. بدر جآي آلحين ..

منتهى : فزيت لمن سمعت صووته آلجهوري آلوآثق ..

يآاااااااولد ..

بسرعه دفيت آلثنتين بكل قوتي .. كنت بتغطى مع منى في جلآلهآ .. بس خفت تسوي فيني حركة نذآله ..

ودرت بعيوني لأقرب شي عندي .. وللأسف آقرب حآجه لي بآب آلحوش .. لأن لو بطلع فوق لآزم آمر فيه .. طلعت بدون غطا .. آووف آمحق عروس .. منطقه بآلحوش لحآلي ..

..‏ بدر : مآوقف جوآلي .. رسآيل .. وآتصآلآت .. وتعليقآت .. آستمتعت فيهآ بكل لحظآتهآ ..

..‏ آرسلت لي آلجوهره ..

‏"‏ بدور حلآلك بآلحووش .. آلحق عليه كآن تبي "

وش تقصد ؟؟

مو قآدر آستوعب ‏.. ولآ آفهم ‏!!

تقصد منتهى .. ليش بآلحوش عآد ..

وقفت وآنآ آغمز للجوهره تلحقني .. ودعت جدتي .. وامي .. وعمآتي .. ولمن جيت عند خآلتي ام منتهى .. كآنت مستحيه مني .. سلمت علي أول مادخلت من بعيد .. وهي متغطيه ‏..

مديت يدي لهآ آوآدعهآ .. مدت يدهآ بحيآ .. سحبتهآ من يدهآ .. وشلت برقعهآ .. وحبيت رآسهآ وآنآ آقول :

خلآص آنآ ولدك .. مآعآد فيه لزوم للغطى عني ..

رميت برقعهآ لجوآهر .. وغطت يديهآ بوجههآ بخجل .. يآحلوو آلحيآ على آلحرمه .. بأي عمر كآنت .. بزر وآلآ عجوز .. بنت وآلآ متزوجه ..

صحيح آنآ جرئ .. بس مآحب آلبنت آلجريئه آبد .. آحبهآ علآ فطرتهآ ..

استأذنت وطلعت ..

لحقتني آلجوهره .. لفيت لهآ بهمس أتأكد .. وش قصدك ؟؟ منتهى ؟؟

هزت رآسهآ ‏.. ابتسمت .. وقلت زين .. سكري آلبآب لآيطلع علينآ آحد ..

..‏ طلعت بشويش ..

شفتهآ تطقطق بآلجوآل .. وعندهآ .. سوزي آختهآ الصغيره ..

..‏ منتهى .. آووف لي نص سآعه ملطوعه بآلحووش .. وهآلنذلآت خوآته .. آقولهم جيبو لي جلآل بطلع فوق .. وللحين مآجآبوو ..

تعبت وآنآ وآقفه .. حتآ فرآش مآعندي شي آجلس عليه .. ومآودي آوصخ فستآني ..

حست بخطآ تقرب .. آلتفت آكيد .. منى وآلا ... ...

بدر بصوت خآفت يبي يتأكد :

منتهى ..

منتهى بصدمه :

بدر ..

هي عآرفته .. لأنهآ قد شآفته ..

بس هو .. يعرف صوتهآ .. ولاقد شآفهآ ..

غريزت آلحذر عندهآ .. حفزتهآ للهروب ..

وهو تآبع نظرآتهآ آلمشتته .. وعرف نيتهآ .. بس كآنت خطوآته آسرع من تفكيرهآ ..

قرب لهآ بسرعه .. ومسكهآ من يديهآ قبل لآتنحآش ..

تآملهآ بدون كلآم .. في ضوء آلحوش آلعآدي ..

عيونهآ آلعسلي .. عكس عيونه آلسودآ ..

حوآجبهآ آلبنيه .. عكس حوآجبه آلسودآ آلسآطعه في بيآض بشرته ..

شعرهآ آلفآتح عكس شعره آلدآكن ..

آللي آتفقو فيه بس .. نفس درجة آلبيآض ..

نزلت رآسهآ بخجل بعد مآرآحت آثآر آلصدمه .. فك يده آليمين منهآ .. ورفع بهآ وجههآ ..

وبكل جرآءه تأملهآ بحده بدون لآينطق بحرف ..

وبعد مآحفظ آلصوره عدل .. قربهآ له آكثرر .. بآس رآسهآ ..

وقآل .. مبروك منتهى ..

نزلت رآسهآ آكثر .. وفركت فستآنهآ من جوآنبه .. بتوتر بين يديهآ ..

ضحك بدر علآ حركآتهآ آلعفويه .. ههههههه حلوو وآلله شآيفه ومعجبني .. وحيآكوول منك حته .. ‏>> يقصد فستآنهآ

متعمد يحرجهآ .. رفعت نظرهآ مستنكره .. وبسرعه نزلته من شآفت ضحكته آكثرر على شكلهآ ..

بدر : آلحين بطلع مآسمعت مبروك منك !!

ترآ بجلس لحد مآسمعهآ .. لو للفجرر ..

حآولت .. وحآولت .. عشان تفتك من وضعهآ قبل لآيشوفهم آحد .. بس مآقدرت ..

وآنقذهآ ربي .. ب آختهآ سوزي >> سوزان 4 سنوات

قربت ومسكت بدر من ثوبه .. عيب وحرر عن آحتي ..

شآلهآ بدر بيد .. وعطآهآ بوسه ..

وقآلهآ .. وآنتي يآلعمه .. تبين آفك آختك قولي لهآ تقولي مبروك بدوري ..

جت بستغل آنشغآله بأختهآ .. بس هو آذكآ منهآ .. مسكهآ بيده آلثآنيه .. وقآل بتصميم .. وآلله مآاطلع لين تبآركين لي ..

بسرعه .. وبهمس .. قآلت :

مبروك .. وسحبت يدهآ بقوه وتركته .. بعد مآ أرخى لهآ ..

‏*‏ * *

صقر لابوه : آلرجآل كلمنآ وقآل حيآكم آلله .. متآ مآبغيتوو ..

أبو صقر : خير آلبر عآجله .. ‏

نوآعدهم آلخميس .. وتملك ..

صقر : على خيرر ..

...‏ عقآب : يآاااااولد ..

يآاااااهل آلحوووي >> الحوي البيت ..

ودخل هو وأبوه .. وأخوه سالم ..

أبو صقر : آررررحب .. >> لآزال في نفس صقر وآبوه .. شي علآ ولد أخوه علآ سوآته بنوف ..

عكس نهآر ومآجد آللي يشوفون هذآ حقه .. ومرجله منه آنه آخذ حقه .. ومآخلآه للغريب ..

قرب عقآب .. وبآس راس عمه .. ونزل أكثر .. وبآس مواطي رجليه .. وقآل ‏:

آلعذر وآلسموحه يآالشيخ ..

آنآ مآودي آني سويت سوآيآي هذي .. بس آنآ طلآب حق .. رد حقه قبل لآينهب منه .. وآنتم آللي حديتووني على آلشين .. وآلآ آنآ وآلله مآودي آلآ بآلزين .. ‏

..‏ وآنآ جآيك آليوم آنآ وآلشيبه .. نبي حقنآ .. آبي بنت عمي علآ سنة آلله ونبيه ..

‏*‏ * *

غدير : أتصلت بسالم ..

سالم .. تعال أم عزيز رقدت وماطآعت تقوم ..

لا أفطرت ولاتغدت ..

سالم قرصه قلبه .. وهو في مجلس عمه ..

قآل : خلآص جآيك ذلحين .. استأذن من أبوه وعمه بأن عنده استلام ولازم يناوب ذلحين .. وطلع وكل شينه تطري في بآله ..

دخل .. شاف غدير منسدحه عند التلفزيون .. والشغاله بجنبهآ تبكي .. وهي ترجى غدير تقوم معهآ بس هي عيت تقوم .. عشان مايفوتها شي من المسلسل اللي تتابعه ..

فزت الشغاله .. واستقبلته تحلطم وتبكي .. وفهم منهآ بصعوبه .. مقصدهآ .. قامت غدير بعد ماشافت سالم يدخل غرفه ام عزيز ..

وبكل سلام وطمأنينه .. لقاها كأنها نايمه على سجادتها .. حركها .. وصدمه برودة جسمها ..

..‏ توفت من ساعات ..

..‏ توفت وهي ساجده ..

..‏ توفت صايمه أول يوم من البيض ..

‏"‏ ام عزيز : جارة أم غدير قبل وفآتهآ .. عبده وكلنا عبيد لله .. توفو عيالها الاربعه بعز شبابهم بحادث وصبرت ..

ابتلوهآ آلناس بعرضهآ .. واحتسبت ..

هجرها زوجها .. وحرمها من ثمر قلبها .. بناتها .. وهن بعز حاجتهن لامهم .. وفي عز حرت قلبها علآ عيالها .. ورجعت لربها في ضيقتها وفرجها ..

وبعد ماصارت وحيده .. وصتها ام غدير على بنتها اللي كان عمرها 3 سنين من توفت آمهآ ..

ورفض ابوها .. لحد ماحس بوفآته .. وخاف تضيع بنته بين حريمه .. وخواته أللي يكرهونها من كره أمها ..

..‏ غطآهآ سالم بشرشفها ..

وأتصل بالاسعاف يشيلها .. جلس بوهن جنبها .. كان كافيته هم غدير .. وهم عياله ..

..‏ وتذكر وصات ابو غدير له ..

حمله هم .. وأمانه .. خآيف بيوم يعجز عنها .. وشكل هاليوم قرب ..

أبو غدير .. خوي سالم بالاستلام .. اعجب بسالم .. وعقله وثقله .. ويوم طاحت هالبنت بيدينه .. حريمه مايبنها .. وخوآته يتمنن فرقآهآ ..

...‏ لاقآهآ فرصه .. في يوم كان ابو غدير عازم خوياه أهل الدوام .. وسالم معهم ..

قال بمزحه .. وأحيان المزح ماتحمد عوآقبه ..

..‏ سالم : آلآ هالغدير آللي تذكر ولآتشاف .. مآتجوزينهآ .. كان ماله آلا سنه من تزوج ..

..‏ ابو غدير .. فز لسالم ووقف قبآله .. خذ طرف غترت سالم وعقدهآ ..

قآل تراها جتك .. طوق حمامه من رقبتي لرقبتك .. وصيه تحيا مع الحيين .. ولآتموت مع الميتين ..

لسانه جر عليه .. امانه .. تثقل رقبته لين ممآته ..

وآللي صدمه .. حكي ابو غدير له بعد ماسرو المعازيم .. ترا آلبنيه عليهآ قل آلصح شوي .. بس خذ معها جارتنا ام عزيز تسنعها .. هذي وصات امها ..

وام عزيز تقول غدير بنيتي .. أروح معها وين ماتروح .. قبل ماقدر اخليها عند ام عزيز عشان محد ياكل وجهي ‏.. وذلحين ام عزيز هي آللي بتروح معهآ ..

وآه يآم عزيز .. كنتي شايلتن عني هالطووق ..

‏*‏ * *

أتصلت بمنتهى .. بس مقفل ..

يمكن خيره .. حدي تعبان .. وبكره بروح للقويعيه .. أخلص أورآقهآ ..

..‏ ‏.. ..

وقف سيارته على جنب .. تردد يدخل .. أو لآ .. له فتره يرآقبه .. واستعل فرصة وجوده لحاله عند باب بيتهم ..

تلطم بغترته .. ولبس نظارته الشمسيه وقرب له .. تعآل يآلشاطر .. وش اسمك ..

..‏ آسمي عزوز ..

تعآل تركب معي نروح للبقآله ..

عزوز : لا أمي تقول .. لآتروح مع احد مآتعرفه ..

قرب وشآله .. بس آنآ آعرفك ..

//‏ آنتهى آلبآرت //

//‏ آلبآاارت آلخآاامس عشرر //

بدر : كآن عندي انتداب ‏3 ايام بفرعنا بالقويعيه .. عشان اسوي دوره تدريبيه للموظفين الجدد .. في كآفة مندوبيآت آلعرض ..

نقلت مقر آلدوره لفرع مندوبية آلحصآه .. ونزلت في ضيآفة مدير آلبنك وآنآ قآصد هآلشي .. بسرعه آندمجت معه .. وبعد مآ طلع آخر موظف وجهت كلآمي لابو هآدي .. آلمدير ..

بدر : وهو قآصد آثارة روح آلفزعه آلبدويه في نفس آبو هآدي ..

آقول .. لك وآلآ للذيب يآبو هآدي ..

أبو هآدي : يهبآ آلذيب .. عندي وآنآ ولد آبوي ..

بدر : قول وفعل يآبو هآدي ..

عندي شغيله بسيطه .. آبيك تخلصهآ لي .. وآنآ آقدر آللي يخدمني ..

حرمتي نزل لهآ وظيفه عندكم ..

ولازم تجيب أثبات عمل من جهة ولي آلامر ..

وآنآ آبيك لاهنت توقع لي ورقه وتختمهآ .. بان لي سنه أعمل معكم .. عآدي بأي قسم ..

آبو هآدي .. بس يآخوك ذا مهوب تزوير ؟؟

بدر : وش نسوي يآخوك .. حدونآ على شين مآنبيه .. كذب وتزوير .. وغيره وغيره ..

بس احنا نبي حقنآ .. لآ كلنآ حق آحد .. ولآ ضرينآ آحد ..

آبو هآدي : آرقد عنهآ .. اسنعهآ لك ذلحين ..

بدر : تسلم قول وفعل ..

بس نبيك تكمل جميلك .. وتروح معي آلمحكمه نكتب عقد ايجار بيني وبينك ..

..‏ ‏.. ..

منى : عزوز تأخر .. ‏

دقيت لجوآله .. وأوف دق بجنبي ..

أتصلت بصدقاه .. عيال جيرآنآ .. كلهم يقولون أهلهم أنهم عندهم من سآعتين .. وين رآح ؟؟

محذرته مايقعد بالشارع .. بس مآيفهم ..

يآرب سترك ..

يارب احفظه ..

آبوي وامي راحو مع منتهى .. ماحبيت أشغلهم قبل لا أتأكد ..

لبست عبآيتي ونزلت .. يمكن رآح للبقآله بآخر آلشارع ..

..‏ ‏.. ..

منتهى : آووووف من هآلمزعج ..

قمت وفتحت الباب .. يممممه آنآ استقلت من آلبنك .. ليش مصحيتني آلحين ؟؟

أم حمد : قومي جعلك آلسهآد .. رجلك تحت يحتريك ..

منتهى طيرت عيونهآ :

وش رجلي ؟؟

آقصد وش يبي ؟؟

أم حمد : جايب اوراقك .. كملهآ جزآه آلله خيرر ..

يآالله البسي .. بنروح نوديهآ آلحين ..

منتهى بفرحه : ثوآني .. آشوروالبس .. سريع سريع ..

خذت اسرع شور بآلعآلم .. وربطت شعري بكلبس .. وفصلت جوآلي من آلشآحن .. حطيته بشنطتي .. خذت عبآيتي بيد .. وطيراااان تحت ..

بدر : كنت بودي منتهى .. بس رفض عمي .. بمآ آني لسا جآي من مشوآر .. وحدي ميت تعب ..

قلت : أجل خالتي لاهنتي .. نآدي منتهى بسلم عليهآ قبل لا امشي .. انتظرت نص ساعه .. بعدهآ شفتهآ تنزل بخرشه .. جزمتهآ بيد .. وعبآيتهآ بيد .. شكلهآ مآدرت آني بآلصآله ..

لآنهآ من شآفتني .. طاحت منهآ عبآيتهآ .. وجزمتهآ .. ولفت بترجع .. ووقفتهآ ..

بدر : تعآااااااااااالي .. مآنتيب مسلمه علي ؟؟

وقفت .. وهي معطتني قفآهآ .. ورجعهآ لي عمي لمن نآدآهآ تسلم ..

نزلت بهدوء .. عكس ربشتهآ من شوي .. ومنزله رآسهآ ..

مدت يدهآ من بعيد ..وسحبتهآ .. وسلمت خد بخد ..

وجلستهآ جنبي .. شكل عمي وخالتي استحو مني .. قآلو احنا بالسياره نحتريك منتهى وطلعوو ..

صح الفرصه بسيطه .. بس انا احسن من يستغل الفرص ..

بغت تقوم تلحقهم .. بس مسكتهآ بيدهآ وجلستهآ .. وين مآبعد شبعنآ .. سحبت ربطت شعرهآ ورميتهآ ..

دخلت يدي بشعرهآ ..

قلت : مآخذه شور ؟؟

هزت رآسهآ ‏..

شبكت يدي بيدهآ .. ومررت آبهآمي علآ آصآبعهآ ..

قلت : متى تبغين آلشبكه ؟؟

مآردت ..

قلت : ينآسبك بعد بكره .. لان بكره ملكة بتول ..

مآردت ..

قلت وآنآ آوقفهآ معي ..

خلآص .. آنآ بجيب آلشبكه وآلمهر بعد بكره .. وبينآ آتصآل ..

ورفعت وجههآ .. وبتحذير .. أو تهديد .. أو تأكيد .. مآدري كيف قلتهآ ..

مو أدق .. وتطنشين ..

وآلا أدق .. وآلآقيه مقفل ..

فوتهآ يوم ملكتنآ .. بمزآجي .. لآني تعبآن .. بس آنآ مآحب أفوت كثيرر ..

ودعتهآ .. وطلعت ..

..‏ منتهى .. بعد ماطلع .. مسوي لي فيهآ مهم .. ردي ، لاتطنشين ، ‏ مزآجي ..

آقول بس لآيكثر ..

هذآ آنتم يآالرجآل .. تهآيطون في آلبدآيه .. بعدهآ تندقموون ..

..‏ ‏.. ..

منى : فتحت آلباب بطلع ‏ ..

شفت عزوز بيده كيس حلاو .. وبآلثآنيه فلوس ..

ورجال متلطم .. ولابس نظاره شمسيه .. منحني عليه يبوسه ..

جن جنووني .. وكل علم خبيث يطري علي ..

..‏ مسكته بحلقه .. بخنقه .. بذبحه .. بقتله .. آن شآء الله آنقتل .. بس أهم شي آذبحه بيدي ..

‏ " آلانثى .. كآئن لطيف .. يتحول آلى وحش شرس .. أذا تعرض أحد مآ لصغآرهآ "

وبصيآح مبحوح .. طلعته من آقصى مكآن .. وهي متعلقه برقبته ..

يآااحيوآاااااااان .. قد ولدك .. تضحك عليه بحلآو وتغتصبه ..

بآغته بفجأه .. وهو غافل .. وبعد مآ استوعب وضعه .. هزته كلمتهآ .. لوآ يدينهآ بمآ أعطآه آلله من بسطه في طوله وجسمه .. ولفهآ ظهرهآ موآجه لصدره .. ثبتهآ بيد .. وبآلثآنيه .. كتم نفسهآ ..

دفعهآ بقوه .. دآخل آلبيت .. عن آلفضآيح بآلشوآرع .. وهو يتلفت عسى مآشآفه أحد ..

رمى عزوز مآبيديه .. وجلس يضرب في رجله عشان يبعده عن أمه في محآوله فآشله .. للدفآع عن أمه ..

..‏ سند ظهره للجدار .. يستمد منه الثبات والقوه .. وهم بنفس وضعهم ..

رآفست برجولهآ.. ضربت بظهرهآ في صدره .. قآومت .. وقآومت ..

لحد مآهزتهآ كلمته .. وخآرت قوآهآ وتلآشت .. ولفت فيهآ آلدنيآ .. فك يده من فمهآ ..

وهمس بأذنهآ " آنآ فهد .. ابو عزوز "

‏"‏ آنآ فهد .. ابو عزوز "

..‏ وبعد مآعقلهآ .. ترجم وآستوعب كلمته .. آللي غصبهآ مآخلإهآ تجمع شي .. ولآتخمن أو توقع شي غير ظن آلسوء ..

..‏ رجعت لهآ قوتهآ ..

قآلت له : اطلع برآ .. اطلع برآ .. مآنبي نشوفك .. يآحقير .. يآاا

ضغط بيده بقوه على حنكهآ .. وقآل :

بطلع .. بطلع .. بس لحد مآتهدآ أعصآبك ‏.. بعدهآ .. بجي آخذ ولدي وزوجتي .. تركهآ وطلع ..

ضمت ولدهآ .. وآنهآرت تبكي .. حآولت تمآسك عشان ولدهآ .. بس جروحهآ تفتحت أكثر .. وبيده ذر آلملح على جروحهآ ..

‏*‏ * *

نوف : آنآ موآفقه ..

صقر : نوف كآنس موآفقه عشان قصدس آل ...

قآطعته نوف : عقآب عقوبتي .. وأن طرت وآلآ وقعت .. مآنيب طآيلتن غيره .. وعشان نخلص من سآلفه آلعروس .. آللي سحبهآ ولدعمهآ في آلشوآرع توآلي آلليول .. وكب عشآ معآريسهم ..

صقر : شوفي .. مع آني ضآيق من سوآة عقآب من ذلحين آلى بكره .. آلآ آنه شهآدة حق .. رجآل لآقلو آلرجآل .. أن ضآمتس دنيآس .. فهو عوينس ..

ولآيغرس مآسوآه ..

ووآلله آني فرحن لس .. لآودي أجبرس .. ولآودي آفرط فيه ..

نوف : جعل جنسه قليل .. وش عويني به .. لسان طويل .. ويدن أطوول ..

أقطعو سيرته .. وقومو ودونآ آلمشغل .. قد آلعصر بيذن مآرحنآ ..

موضي : قلت لصقور عن عآدآت آلحضرآن في عروسهم لآيفشلنآ .. دفش خلقه .. وعآد خذآ له زبيده ..

..‏ آشترى آلشبكه علآ ذوق نوف .. مآبغى ذوقي .. ومتحلف أن طلع ذوقي ببتول شين .. أن يلعن خآمسي .. و يتوطآ بحوض بطني ..

..‏ قلت لنوف : كنس غرنوق بهآلفستان الأبيض .. آخآف يشوفس عقآب ويصدق ثم يجيس طآير سرعته 200..

نوف : من زين ثوبس عآد يآلعجوز .. قطيفه وحمر بعد .. نآقصسس آلديرم وآلحنآ بس ..

مسكت جويزي :

جويزي آنتي آلحكم .. بذمس من أزين مقطعي آلحمر .. وبدلع .. آلآفصطآن آلمتمدنه ..

جوزآ : أكيد آلمتمدنه .. آجل ثوبس هآلترتر آللي كنه كشآفآت عرس ..

نوف : هههههآهآهآهااااي لقطي خشمس عآنيه تحت رجلس ههههه

موضي : آنطمن بس .. مآتعرفن آلذوق ..

ورآحت تلبس جزمتهآ الحمرآ آلمخمل آلمفصله تفصيل .. كآنت مسويتهآ مفآجأه لخوآتهآ ..

نوف : هههههههههههههآهآهآهآاااي ..

آه يآبطني .. آااههههههآهآهآ ..

موضي : وجع يضرب كرشس .. وش فيس ؟؟

نوف سحبتهآ للمرآيآ ..

عليس قل طول يآالنآقه ..

عآني شكلس .. قسم أن يتروعون آلعرب لآ قدس دآخلتن عليهم .. بيقولون ذي من نسل آلفرآعنه ..

آفصخيهآ وآلبسي حذيآتس آلوآطيه وآنآ آختس .. آلثقه زينه .. بس مهيب آللي تضحك عليس آلنآس .. أنتي طويله مره .. آلبسي آلواطي وينآسبس ..

موضي : جعلس آلحفآ .. آخيتس تحب آلزين ..

وآنتي عومه .. مآيعجبس شي ..

هآ وطينآهآ .. لعوينآتس ..

//‏ آنتهى آلبآرت //

//‏ آلبآاارت آلسآدس عشرر //

موضي : بتله .. جعلس آلقوم .. وش آنتي مآكله ..

غآديتن كن ودس تطولين ..

بتول : تحآول تكتم ضحكتهآ .. خبطتهآ فرجلهآ .. ومآلت عليهآ ..

ههههه شوفي وش لآبسه ..

رفعت موضي طرف فستان بتول وشهقت ..

هئ .. يآمآل آلليل .. تغشين آخيي .. بكره لآقدس عنده .. بيقول وين ذيك آلهلآليه آللي شفتهآ ..

بتول : يآسلآم .. آجل تبغين آصير نتفه بجنب أخوك ؟؟

موضي : هههههه قد عنده علم من قصرس .. ويقول آشو مآهيب مثلس يآآلنآقه ..

يآشين آلغيرره بس ..

..‏ بدر .. يمممممه ..

طلعت له أمه .. هآ آنآدي بتول توقع ..

هز رآسه .. بسرعه يمه .. آلرجآل ينتظرونآ ..

..‏ منى .. آللي يشوفني آلحين .. مآيقول آنآ آللي آلصبآح ..

يتبع ,,,,

👇👇👇

تعديل المقال