رواية تحملت كثير يا قلبي -11

رواية تحملت كثير يا قلبي -11

اميره : ايه يمه افلام كرتون .."بصوت واطي" .. اسكتوا لو تعلمونها وش تشوفون بعصاها بتكسر الدي في دي ..

ولاء : يطالعون توم وجيري يمه ..

عايشه : هي انتي وياها لا تعلبون على امي ..

هيفا : يمه لو قالو لها نطالع فلم بتكسره ..

شيخه : ومن حقه الدي في دي ..

نوره : حقي ياعمتي ..

اميره : فيه شحن ..

نوره : يعني ..

اميره : روحي اشحنيه طيب ..

الجوهر : لا خل يخلص هالمقطع وبعدين روحي ..

اميره : ماعليك انتي .. روحي اشحنيه ترى بتندمين ..

راحت نوره وحطته بالشاحن ..

? فــيـ .. الحديقهـ .. عند .. الشبابـ .. ?

كانوا كلهم موجودين ماغير حمد .. فهد جالس ومقهوور ويهز رجوله ..

فهد : مابي مابي .. ابروح معكم ..

مشاري : هههههههههههههه ياشيخ اعقل .. وش حركات البزران هذي ..

فهد : انت بس لو تحس باللي احس فيه كان ما قلت كذا ..

ماهر : فهد حبيبي .. تبيني اجلس تروح بدالي ..

فهد : يالييييييت ..

ماهر : ههههههههههه ماصدقت .. اقول اقعد بس ..

فهد : ياربييييييييه كله من العجيز الله يهديها ..

مشاري : ماعليه على اجر ان شاء الله ..

رائد : شكلي بجلس معاك ..

فهد : لا والله ما تجلس .. ماعليك .. لو اروح بالشحن .. ولا اركب فوق الطياره .. او على رحلة الطايف .. حجزت امس عليها .. بس قل ان شاء الله اروح ..

رائد : ان شاء الله ..

جاهم حمد يمشي بسررررعه ..

حمد : يوووووه اكيد العالم ينتظروني ..

ماهر : لا ابد بس امي لولو كل شوي تسأل عنك ومتوعدتك .. تقول بتروح الطياره عنا ..

حمد : ههههههههههه فديتها انا العجوز .. ابروح اشرب مويه عطشان .. ويلا انتم قولو للحريم يطلعون .. قم سلطان قلهم يلا ..

راح سلطان للحريم وقالهم .. وحمد راح المطبخ وفتح الباب الخلفي وجا بيدخل .. لقى انسانه واقفه وتضحك مع رغد اخته .. هو على طول طلع .. انتبهت له لولو وبعدت عن الباب شوي ..

لولو : رغوودتي حياتي .. روحي قولي لحمد يدخل انا بطلع طيب ..

باستها لولو وطلعت .. راحت رغد فتحت الباب وقالت لحمد انه يدخل .. دخل حمد وشرب مويه وجلس على الكرسي ..

حمد : مين اللي كانت واقفه معاك ..

رغد : هذي لولو بنت عمتي شيخه ..

حمد : هذي لولو ..

رغد : ايه .. حلوه صح ..

حمد : ايه ماشاء الله .. وش كانت تقولك ..

رغد : تسولف معاي .. مره حبوبه وعسل ..

حمد : ياحليلها .. يلا يلا بنروح .. روحي قولي لامي يلا ..

رجع حمد للشباب ورغد راحت لامها ..

رغد : يماه ..

هدى : هلا حبيبتي ..

رغد : يمه بقولك شي ..

هدى : وشو ..

قالت لها رغد ان حمد سأل عن لولو وكل شي .. بإذنها .. انبسطت هدى اول مره يسأل عن احد ..

هدى : فديته .. قال حلوه ..

رغد : انا قلت له حلوه صح .. قال ايه ..

هدى : يارب تحقق اللي ببالي ..

رغد : يمه وشو اللي ببالك ..

طلعوا الحريم كلهم برى مع البنات .. والشباب واقفين يركبون الشنط ..

فهد : مو رايحين اسبوع .. مهاجرين انتم على هالعفش ..

مشاعل : هذي اغراض البنات ..

فهد : الحمد لله والشكر .. ترى مو رايحين زواج .. رايحين يتمشون بس ..

حصه : وانت وش حارق رزك .. بتشيلهم على ظهرك ..

فهد : لا بس يمكن يقولون حموله زايده ..

عايشه : مافيه شي عادي .. يلا ركبوا بس ..

رائد : يمه .. يماااااه ..

امل : هلا ابوي ..

رائد : يلا ورا ما تركبون ..

امل : وين نركب ..

رائد : على راسي .. وين تركبون بعد السياره ..

امل : هههههههههه فاضي قسم بالله .. يلا بأي سياره ..

حمد : الحريم معاي والبنات مع فهد ورائد ..

شيخه : ما اركب بناتي مع فهد ..

فهد : ليه فهد بياكل بناتكم ..

شيخه : لا يا قلبي انت .. بس انت تسرع اخاف تروحهم علي ..

فهد : كش برى وبعيد .. وش هالفال .. الله يهديك يا عمتي ..

شيخه : هههههههه يا حبيلك يا فهد ..

فهد : ياربيه انا ما تذبحني غير هالعمه فديت روحها .. راح لها وباس راسها ..

مشاري : وش رايك ما تجلس تغازلها وتتفداها لين تطير الطياره ..

فهد : لا تكفى لا تطير عاد اروح بلحالي .. يلا يلا ..

ركبو البنات بالسياره والحريم والجده مع مشاري وحمد ..

بسيارة البنات فهد اللي يسوق ورائد جنبه .. وكل البنات موجودات ومتراصييين .. وبسيارة الحريم حمد هو اللي يسوق ومشاري جنبه .. قبل لا يركب مشاري راح لسيارة فهد .. طق القزازه وفتح له ..

فهد : شف شف بيقعد يوصي .. ها شتبي ..

مشاري : لا تسرع ..تراهم امانه زين ..

فهد : هههههههههههه شفت .. شعليك يا عمي الحب معنا .. لا تخاف ماراح اسرع .. انا احرص منك ..

مشاري : اسكت لا اخليك تنزل الحين وتركض كنك مجنون ..

فهد فهم قصده وسكت ..

مشاري : هههههههههه ياحبيلك يا فهيد .. اثرك خواف ..

فهد : ما اخاف بس احترم شعورك عشانك اكبر مني .. يلا انقلع جدتي بتلين جلدك بعصاها ..

مشاري : يووووووه نسيت العجووز الله يعين عليها .. يلا فمان الله .. هالله هالله بالسواقه .. خواتي معاك .. ترى احبهم .. وغمز له ..

فهد : بس تحب خواتك انت .. يلا يلا تقلع ..

سكر الشباك وقفل البيبان .. ومشاري يحاول يفتح الباب .. ويأشر له .. (اوريك اوريك) ..

رائد : ههههههههههه يا ويلك يا فهد ..

فهد : من جد .. شكله بينلعن خيري اليوم ..

رائد : ههههههههههههههه ما تشوف وجهه شلون صار ..

فهد : هههههههههههههه شف شف عصا العجوووز .. ههههههههههه يا حبيلها .. بنات ..

البنات : نعم ..

فهد : بسم الله الرحمن الرحميم .. فيه كلمه احلى من نعم .. يقولون العالم المتحضره .. لبيه .. هلا .. سم .. مو نعم ..

هيفا : هلا .. لبيه .. امر ..

فهد : منهي هذي ..

هيفا : انا ..

فهد : لا ماشاء الله عرفتك .. مين .. آآآآآآ عرفتك مافيه غير هيفا اطول لسان ..

هيفا : لو سمحت ..

فهد : احم احم .. الشيخه هيفا شلونها ..

هيفا : ايه كذا ..

فهد : ياربيه رائد ابنزل من السياره خاااايف ..

رائد : ههههههههه خلاص ياخي امش ..

فهد : يلا كل وحده تقول اسمها عشان اعرف انكم موجودين كلكم لا ننسى احد وابتلش انا اجيبكم معاي ..

البنات : ابرار .. تهاني .. ليلى .. غيدا .. بيان .. ولاااء .. الشيخه هيفا ..نوره .. الجوهره .. ساره .. لولو .. الاميره اميره .. رغد ..

فهد : مقدر انا على الشيخه والاميره .. الحمد لله والشكر على العقل .. ناقص وحده ..

رائد : جوري وين ..

جوري : انا هنا ورى ..

رائد : وليه ما تتكلمين ..

جوري : محد عطاني فرصه ..

فهد : طيب يلا قولي اسمك ..

الكل : هههههههههههههههه ..

رائد : يلا امش وبلا خفت دم ..

فهد : لا اخاف اننا ناسينها .. خل تقول اسمها .. يلا جوري ..

جوري بحيا : جوري ..

فهد : ايه خلاص كذا كاملين بسم الله عليكم ..

حركو كلهم .. وراحوا المطار ..

رائد : رغد حبيبتي .. تعالي عندي قدام ..

فهد : وش تبي باختي انت .. اعقل ..

رائد : منب ماكلها .. زحمه ورى خل تجي قدام بيفغصونها ..

اخذها رائد وجلسها معاه قدام .. وقام يقبص خدودها ويبوسها ..

فهد : هي انت عيب عليك .. اذا جت زوجتك سو فيها اللي تبيه اترك اختي ..

رائد : ماعليك .. تجنن هالانسانه .. تعطونا اياها ..

فهد : رغوده تبين تروحين مع رائد ..

رغد : ابيكم وابي رائد ..

رائد : خلاص اجل .. بنتسلفك يوم كامل ..

فهد : لا سياره مو اخت ..

رائد : ياخي شفيك انت .. ماناكل اوادم حنا .. بعدين رغود مثل اختي .. صح قلبو ..

هزت راغد راسها بشكل يجنن .. مسكها رائد وضمها ..

رائد : يا ربيييييييييه فديت الدلوعين يا ناس بتجنني هالادميه ..

فهد : مو بس انت .. مآكله عقل حمد ..

رائد : بعذره .. فديت روحها ..

فهد : رغوده حبيبتي .. اذا ما جيت اليوم معكم .. انتبهي لرائد .. لا يروح من هنا وهنا الا وانت معاه .. ما نبيه يصيع ..

رائد : اخرتها انا اصيع ..

فهد : لا انت خلقه صايع بتصيع زياده ليه ..

رائد : ما جربت نعله بوجهك مقاس 40 الساعه 9 الصباح ..

فهد : هههههههههههه لا ما جربت ..

رائد : اعقل عشان ما تجربها ..

فهد : ياحبيلك والله .. ياخي مدري ليش احبك .. ياخي ليش احبك هاه ليش ..

رائد : عشانك تحبني ..

فهد : ماشاء الله عطيتني الجواب الشافي ..

رائد : احم ادري ..

? فــيـ .. سيارة .. حمد .. عند .. الحريمـ .. ?

كانوا ساكتين كلهم ..

مشاري : اقول حمد ..

حمد : هاه ..

مشاري : انت اخذت الشنطه السودا اللي عند مدخل الرجال ..

حمد : اية شنطه ..

مشاري : السودا ..

حمد : اللي عليها ستكر احمر ..

مشاري : ايه ..

حمد : لا .. شفتها قلت يمكن ماراح ياخذونها ..

مشاري : يووووووه .. انا وش البس الحين ..

حمد : ههههههههههه حقتك ..

مشاري : بالله عليك ما جبتها ..

حمد : لا والله ..

مشاري : ياخي وربي انك فالح .. ياربيه وش بسوي الحين ..

حمد : عادي دق على ابوي ولا ابوك قلهم يرسلونها المطار مع السواق .. وبما ان فهد بيقعد نقوله يجيبها معه ..

مشاري : افرض فهد طلع معنا .. من اللي بيتورط غيري ..

حمد : عاد مشكلتك كان حطيتها مع الاغراض ..

مشاري : والله كنت شايلها بس نادتني جدتي ورحت لها ..

حمد : تهون يارجال اشوى اللي ما نسيناك انت مو الشنطه ..

مشاري : فااااااضي انت تنكت ..

حمد : ههههههههههههههه ياخي عادي لو ما جبتها .. لك مني .. ملابسك كلها علي بما اني انا اللي مااخذتها ..

مشاري : لاشكرا اعرف اشتري ..

حمد : وش دعوى حبيبي عصبت ..

مشاري : ماعصبت ..

حمد : لا والله مبين عليك معصب .. حبيبي مشاري ..

مشاري : هاه ..

حمد : هاه .. لا لا لا هذي اكبر زعله .. ولا يهمك انت خذ شنطتي وانا ادبر روحي ..

مشاري : مو كذا انت افهم ..

حمد : وشو ..

مشاري : فيها شي ضروري ..

حمد : وشو ..

مشاري : خلاص شي بعدين اقولك ..

حمد : طيب ياقلبي انت لايضيق صدرك بتجيك الشنطه ..

طلّع حمد جواله ودق على تلفون بيت جده ورد فارس وقاله انهم نسو شنطة مشاري وانه فيها اغراض ضروريه ولازم يجيبونها .. راح فارس وعطى السواق الشنطه وقاله يوديها المطار بسرعه ..

حمد : خلاص عمي فارس يقول ماتوصلون المطار الا الشنطه معكم ..

مشاري : ان شاء الله ..

حمد : ياخي لاتسوي كذا عشان شنطه ..

مشاري : طيب خلاص والله ..

حمد : ما احب اشوف حبايبي زعلانين .. يلا ابتسم ..

ابتسم مشاري ابتسامه تجنن ..

حمد ظرب الدركسون بيده : ياربي فديت هالضحكه .. ياعلني ما خلا منها ..

مشاري : ههههههههههه انتبه لا نقلب بس ..

عايشه : الله يخليكم لبعض ولا يفرقكم .. وقولو امين ..

الكل : آآمـــييييــــن ..

????…¤_¤… وصلو المطار …¤_¤…????

نزلوا كلهم وراحوا جلسوا بالانتظار الحريم .. والشباب راحوا يدخلون الشناط .. وكانوا جايين بدري .. وطبعا اخذوا عليهم فرق على الحموله الزايده .. كان الانتظار مليان كله اهلهم وكنه المطار لهم .. رجع فهد لهم ..

فهد : شفتوا ما قلت لكم بياخذون عليكم ..

مشاعل : وانت ليه محترق ..

فهد : ياعمتي ياقلبي وش ذا العفش .. كل وحده تاخذ لبس او 2 لكل يوم مو لازم تضف الدولاب كله ..

شيخه : خلاص يافهد ..

فهد : يااااارب .. انا بروح طيب ..

الجده : فهيد ..

فهد : الله لا يفضحنا يمه .. تكفين لو مره ناديني فهد على الاقل بس قدام العالم تكفين يمه تكفين .. ابوس رجولك ..

الجده : اها بس .. يلا خلونا نركب بيمشون عننا ..

فهد : لا ابشرك الطيار .. حالف ما يمشي الا وانتي معاه ..

الجده : ايه يا حبيله الله يعطيه العافيه ..

فهد : يمه بعلم الشايب ..

الجده : وه بس .. رح رح لا بهالعصا ..

فهد : اووو عاد العصا .. سلاحك الوحيد ..

رفعت الجده العصا وراح عنها فهد ..

شيخه : ياحبيله والله ..

حصه : فديته ..

ركبوا الشنط كلها .. ودق السواق على حمد وطلع حمد واخذ شنطة مشاري ودخلها .. شافه مشاري وابتسم ابتسامه تخقق .. راح وباس حمد ..

مشاري : ياخي فديت روحك ..

حمد : ولو .. انا اشوف مشاري متضايق ولا اسوي اللي يبيه .. ما يصيييييير .. يلا يلا ركبها ..

مشاري : اشوى ما شافوني معكم تو ..

حمد : من جد ولا ترى بيحسبونك معنا ..

مشاري : الله يفشل حريمكم ..

حمد : زوجتك معنا ترى ..

مشاري : لا زوجتي بيحطونها على راسهم ..

حمد : اذا صارت زوجتك تكلم .. رح ركب الشنطه بينادون على الرحله ..

مشاري : يلا ..

راحوا كلهم ودخلوا جوا .. وجلسوا بالانتظار .. فهد واقف معهم وماسك شنطته ويطالع فيها ..

فهد : شكلي برجع فيك البيت ..

ماهر : هههههههههههه انهبلت تكلم شنطه ..

فهد : وش اسوي ..

ماهر : شكلك مستااااء ..

فهد : يارب ..

جتهم رغد : فهد تبيك امي لولو ..

فهد : الله يعنا على عجوزكم ..

ماهر : لا تسمعك بس تطيرك بعصاها وتوصل قبلنا ..

راح لها فهد وجلس عند رجلينها : سمي ..

الجده : سم الله عدوك .. متى بنركب ..

فهد : والله لين الحين اصبري ..

جاهم حمد : السلام ..

الجده : يله ..

حمد : هههههههههه لا يالغاليه اصبري شوي شفيك مستعجله ..

الجده : طيب حنا نركب ويلحقونا الباقين بعدين مولازم كلنا مره وحده ..

فهد : طيارة ابوك هي ..

حمد : لا تكسيها الخاص ..

حمد وفهد : ههههههههههههههههههههههه ..

الجده : تتطنزون علي انت وياه .. رفعت عصاها وانحاشوا عنها الاثنين ..

مشاري : بسم الله شفيكم ..

فهد : ههههههههههه ياخي جدتك ذي تحفه ..

مشاري : جدتي بلحالي ..

فهد : تخيل .. تقول .. خلونا نروح حنا اول والباقي يلحقونا ..

ماهر : ههههههههههههههه ياحبيلها والله ..

مشاري : شعندها ..

حمد : عجلة حريم ..

ماهر : تشوف اذا ما ركبت واذا طارة الطياره قالت نزلوني ..

فهد : هههههههههه اتحداك ماتقولها ما تصير امي لولو ..

مشاري : ههههههههه دايم مستعجله ..

حمد : لو قالتها بفقع ضحك عليها ..

مشاري : لا بتقولها وافقع ضحك من الحين ..

نادوا على الرحله .. ودخلوا كلهم ..

وكان نصهم بالدرجه الاولى والباقي بدرجة رجال الاعمال ..

كانو بالترتيب هذا ..

الجده_عايشه

شيخه_فوزيه

حصه_خلود

امل_هدى

مشاعل_جنبها حرمه

والدرجه الي بعدهم كانوا الشباب والبنات ..

سلطان_نايف

ماهر_رجال

رائد_رجال

حمد_مشاري

لولو_تهاني

اميره_ليلى

ابرار_ساره

بيان_غيدا

ولاء_الجوهره

نوره_بنت

جوري_شغاله

رغد_حرمه

ريان_شايب

وهيفا حاطينها جنب رجال .. هي ما رضت تجلس .. قالت والله ما اجلس ..

راحت لحمد ..

هيفا : حمد لو سمحت ..

التفت عليها حمد : هلا ..

هيفا : وش ذا حاطيني جنب رجال وتبوني اجلس ..

حمد : وين ..

هيفا : ورى بآخر الدنيا ..

قام حمد معها : تعالي ..

وهم يمشون : جوري وينها ..

هيفا تأشر عليها : هناك مجلسينها جنب شغاله .. وشذا ابي اجلس جنبها ..

حمد : طيب خلاص لا تعصبين ..

راح حمد للمضيف وقاله ان اخته جنب رجال ولا يبيها تجلس بيبدلها مع الخدامه .. راح المضيف وحاس الاماكن وجاب رجال يجلس جنب رجال وحط الشغاله مكان ثاني .. راحت هيفا وجلست جنب جوري ..

هيفا : شفتي اسوي المستحيل عشان اجلس جنبك ..

جوري : فديتك انا ..

هيفا : قومي بجلس عند الشباك ..

جوري : بلا مبزره ..

جاهم حمد : الله يهديك حستي الطياره يا هيفا ..

هيفا : محد قالك حطني جنب رجال ..

حمد : لا الي يسمعك يقول انا الي مختار مكانك .. انا قلت له ابي ورى بعض عطاني كذا ..

هيفا : مشكور والله ما تقصر ..

حمد : ولو .. يلا بلا ازعاج انتي وياها ..

هيفا : بيجي فهد ..

حمد : وش تبين بفهد ..

هيفا : لا مو انا اللي ابيه ..

حمد ابتسم وطالع جوري : ايه بيجي بس يمكن مو على رحلتنا ..

هيفا : اييييييييه .. التفتت على جوري .. الحمد لله اهم شي يجي ..

حمد : هي انتي .. اركدي .. شوفي يدينها حمرة من التفريك ..

هيفا : اعصابك جوري ..

راح عنهم حمد وهو يضحك .. اول ماراح مسكت جوري هيفا وهزأتها تهزيئه محترمه ..

مشاري : حطيتها جنب خويتها ..

حمد : ايه .. ياربيه هالانسانه تحفه ..

مشاري : من جوري ..

حمد : لا .. هيفا .. ياخي توسع الصدر ..

مشاري : ههههههههه تعلمني فيها .. من يومها صغيره وهي ام لسان وتوسع الصدر ..

حمد : الله يحفظها ..

مشاري : شوي وتقول فديتها ..

حمد : انت بس لو تدري وش قلت للمضيف ..

مشاري : وش قلت ..؟؟..

حمد : قلت له اختي ما تجلس جنب رجال .. قالت هيفا .. ايه اخته انا عرضه ..

مشاري : هههههههههههههههههههه .. مهب صاحيه ..

حمد : تدري رغد مدري وينها ..

مشاري : قم شف ..

قام حمد وراح يدور رغد ولها جنب حرمه ..

حمد : رغوده حبيبي .. اذا تبين شي انا قدام زين ..

رغد : ان شاء الله ..

الحرمه : لاتخاف ماراح تحتاج شي بحطها بعيوني ..

حمد : ماتقصرين مشكوره .. يعطيك العافيه ..

رجع حمد : جالسه جنب حرمه ..

مشاري : زين اللي ماحطوها جنب هندي ..

حمد : ههههههههههه .. لا مبين ان الحرمه طيبه ..

مشاري : ماشاء الله امداك طقيت صداقه مع الحرمه ..

حمد : لا بس كنت اقول لرغد اذا تبين شي تعالي لي قدام .. قالت ماراح تحتاج شي وبتحطها بعيونها ..

مشاري : جزاها الله خير ..

????…¤_¤…اقلعت الطياره …¤_¤…????

.. انطفت اشارة ربط احزمة الامان ..

جت عايشه لحمد : قسم بالله انهبلت من امي .. رح لها ياحمد الله يعافيك ..

حمد : هههههههههههه ان شاء الله ..

جلست عايشه جنب مشاري وجلسوا يسولفون ..

عند اميره .. كانت طايحه تطنز بالعالم .. وليلى ميته ضحك عليها لدرجة عيونها قامت تدمع ..

ليلى : هههههههه خلاص يرحم امك مقدر ..

اميره : ههههههههههه شوفي شوفي هذاك وجهه كنه مصفوق بمقلاة ..

ليلى : ههههههههههه ياربي بس خلاص الله يعافيك ..

اميره : وش في العالم اشكالهم خياس استغفر الله ..

ليلى : خلقت ربك يا كلبه لا تتطنزين خلاص ..

اميره : الكلبه انتي ..

ليلى : انا بغير مكاني خلاص بنهبل منك ..

قامت ليلى وراحت بتغير مكانها بتبدل مع وحده من البنات ..

راحت لنوره وقالت روحي عند اميره .. وجلست ليلى مع البنت وتعرفت عليها .. رجعت عايشيه لامها ورجع حمد مكانه .. وهم جالسين جاهم واحد مع ورا .. وطق حمد مع راسه ..التفت حمد كان ناوي هواش لان الطقه قويه شوي ..

فهد : اجل بتخلوني بالرياض ..

حمد : هههههههههه وش جابك ..

فهد : الله يعافيه .. الطيار حلف اني اركب معاه .. وانا قلت لا لا .. قال الا يا طويل العمر لازم تركب معاي .. ما يصير نمشي بدونك ومدري ايش .. عاد تواضعت وركبت .. بلاش كبر يا اخي ..

مشاري : هههههههههههه لا تكفى ..

فهد : مو مصدق اروح اسحب الطيار مع حلقه وتسمع باذنك ..

مشاري : كان بامك خير سوها .. ههههههههههههه ..

فهد : لا ما يصلح الرجال ركبني واسوي فيه كذا .. واخزياه مو من عادات العرب ..

مشاري : ههههههههههههه لا ماشاء الله باين انه حالف عليك ..

فهد : على تراب بس .. وين رغد ..

حمد : ورى ..

راح فهد ورجع ورى ووقف عند جوري يكلم رغد .. جوري انهبلت يوم شافته .. وهي كانت مبدله مع هيفا ..

فهد : رغوده حبيبتي تبين شي ..

رغد : لا .. متى جيت ..

فهد : محد قالك اني نايم بالطياره ..

رغد : لا والله محد قالي ..

فهد : هههههههههه فديت الدلاخه ياناس .. تجين عندي ولا تجلسين هنا ..

رغد : ليه انت وينك ..

فهد : انا جالس ورى .. جنبي ولد صغير يجنن .. تجين تشوفينه ..

رغد : ايه ..

قامت رغد وراحت مع فهد ..

جوري : متى جا ..

هيفا : مايقدر يروح بدونك ..

جوري : فديته والله ..

هيفا : الحمد لله الشكر ..

جتهم ولاء : جوري شفتيه ..

هيفا : لا عميان ..

ولاء : محد كلمك ..

هيفا : انقلعي يلا بننزل ..

ولاء : طيب هيفوه .. وعدنا اذا وصلنا .. ان ما دبغتك ..

هيفا : انا الي بوريك حركتك امس تشوفين ..

ولاء : افففففف .. بعير ما تنسى ..

راحت ولاء ورجعت مكانها .. الكل رجع مكانه ووصلت الطياره مطار جده ..ونزلوا .. وركبوا الباص على دفعات .. لين اجتمعوا كلهم .. اخر من جا كان فهد .. الحريم ما يدرون طبعا ..

هدى : فديتك فهودي .. اشوى اللي جيت .. والله ان قلبي معاك ..

فهد : فديتك يمه .. شفتي ان قلبك معي مارضيت تروحين بدون قلبك جبته معي ..

حمد : ياخفة دمك .. تعال نشيل عفشهم ..

فهد : الله يعين بس .. انوااع تكسير الظهور الحين ..

حصه : وين ماهر ومشاري ..

حمد :راحوا يستأجرون سيارات ..

شيخه : ليه كم سياره ..

حمد : 2 .. وحده للحريم ووحده للبنات ..

عايشه : مايكفينا ..

حمد : عاد وش نسوي .. يمكن بعد ما اطلع الشناط .. اروح استأجر سياره ..

رائد : فهوووووووود ..

فهد : ههههههههههه فديتك ما قدرت اقعد وانت رايح قلت الحقكم ..

رائد : والله صاكه فيني الدنيا تو ما احلوت الروحه ..

فهد : يالبى قلبك والله ..

رائد : حمد مشاري يقول ان سيارتين ما تكفي ..

حمد : طيب .. ابروح استأجر وانتم طلعوا الشناط ..

رائد : طيب ..

راحوا فهد ورائد يطلعون الشناط .. طبعا معروفه شناطهم كلها حاطين عليها علامه فوشيه عشان يميزونها .. افكار ولاء طبعا .. ومنها اللزاق .. جابوا الشناط وطلعوها برى .. وركبوها بالسيارات .. وكانوا جايبين 3 سيارات جمسيين وسياره صغيره .. الجده مع حمد وبناتها وبيان وغيدا .. وباقي الحريم مع مشاري ونايف وريان وسلطان بالسياره الثانيه مع ابرار وساره وتهاني .. والسياره الثالثه كانت زحمه .. مايدرون وين يركبون .. رائد يسوق .. وماهر قدام .. جابيركب معاه فهد ماقدر مايكفي ..

فهد : ياربي يعني فهد دايم يضيق على خلق الله ..

ماهر : محد قالك لا تخفف ..

فهد : اسكت انت يالعوووود .. قم اركب جنب اختك ورا وخلني اركب قدام ..

رجع ماهر وركب جنب اميره وكفاه المكان بالراحه .. ومشوا ..

وكان ترتيبهم ..

ماهر - اميره - ليلى - الجوهره - لولو

.. ورى ..

رغد - جوري - هيفا - نوره - ولاء ..

فهد : هههههههههه ماهر .. شرايك بالجلسه مع البنات ورى ..

ماهر : تتطنز هاه .. احمد ربي واشكره ان السياره مظلله ..

رائد : هههههههههه ياخي مع البنات ولا فوق التنده ..

فهد : رغد حياااااتي ..

رغد : لبيه ..

فهد : يالبى قلبك انتي .. وين جالسه ورى عند ماهر ولا ورى ماهر ..

رغد : لا ورى ماهر .. جنب جوري ..

فهد : ايه زين .. تمسكي فيها لا تطيحين ..

رائد : قل والله ..

فهد : ايه .. اختي صغيره فديتها .. اخاف نفتح الشباك تطير .. من وين لي اخت ثانيه انا ..

ماهر : ههههههههههههههههه يارب ..

فهد : هههههههههههههههههه ..

رائد : ههههههههههههههههههههههه ..

فهد : انلحسنا والله من قلب .. اقول اقول قبل لا نمسك الخط بنمر سوبر ماركت ولا بقاله ولا بسطه ..

رائد : ههههههههههههه اوما بسطه ..

فهد : بسطة تكرونيه .. زوجت حمد اخوي ..

ماهر : هههههههههههههههههه تكرونيه عاد ..

فهد : انا قايل له بزوجك من بساطات جده ولا الحرم ..

رائد : يععععععععععع ..

فهد : من زين حمد عشان ياخذ وحده حلوه .. بس فهودي الحلو .. ياخذ انسانه قمر..

ماهر : ههههههههههههههههههههه ..

رائد : معليش توضح .. وش تقصد بقمر ..

فهد : لا بس قمر .. يعني حلوه موت .. تخقق ..

رائد : لاتاخذ راحتك طيب ..

فهد : ان شاء الله .. التفت على ماهر .. بنجلد اليوم ..

ماهر : ههههههههههههههههههههههه .. محد قالك تكلم .. خل اللي بقلبك بقلبك ..

فهد : يااااااارب .. انا لمين اشكي بس ..

ماهر : هموم الدنيا على راسك انت ..

فهد : اكبر هم عندي حمد ..

ماهر : وليه ان شاء الله حرام عليك .. حمد هم ..

فهد : ابيه يتزوج يفتح لي مجال مو قادر ..

ماهر : هو ما يبي .. بكيفه .. مولازم ..

فهد : لا حبيبي وانا شكلي بشيب وانا انتظر حمد ..

ماهر : ماعليك منه .. تزوج .. هو مافتح لك مجال ..

فهد : الا .. يقول تزوج ماعليك مني ..

ماهر : خلاص طيب ..

رائد : انا بعرف ليه مطيور على الزواج انت .. اركد شوي ..

فهد : اخاف تطير علي البنت ..

رائد : لاتخاف ماراح تروح .. لك ..

فهد : وه بس خلاص بدوووووخ .. وينا فيه .. انا مين .. انت مين .. انتم كلكم مين ..

الكل : هههههههههههههههههههههههههههههههههه ..

ماهر : الله يرجك ياخي .. خلاص بطني .. اركد قالك اركد ..

فهد : ما اقدر ما اقدر ..

رائد : هههههههههههههههههه ياخي شفيك انت .. الا تعال من سعيدة الحظ اللي بتاخذها ..

فهد : وحده .. فديتها وفديت امن جابتها ..

رائد : افدها هي بس ماعليك من امها ..

فهد : طيب . فديتها وفديت ابوها واخوانها .. لا يع وش ابي بخوانها .. فديتها وفديت ابوها ..

رائد : واخوها الكبير ..

فهد : لا عاد هذا شي ثاني يالبى قلبه .. اموت فيه .. سبب سعادتي بالدنيا هو ..

ماهر : بدى يقردن ..

رائد : هههههههههههههههههههههه . فهد لا تفلها ..

فهد : من عيوني .. تامر امر ..

ماهر : ههههههههههههههههههه .. خلاص فهد يرحم امك .. مقدر بطني ..

فهد : انت بس لو تحس باللي احس فيه .. كان ما قلت بطني وبس .. الا قلت الله يرحمني من زود الوناسه .. شكلي بطب من الدريشه الحين ..

الكل : ههههههههههههههههههههههههههههه ..

وقفوا عند محطه يعبون بنزين .. ونزلوا الشباب البقاله ..

اميره : اوووووو جوري .. شعليييييييييييك ..

جوري : قسم بالله اني خلاص بموت .. ياربيه حرانه ..

ليلى : ههههههههههههههههههههههه .. كل هذا حيا ..

جوري : تكفين ليلى .. افتحوا الشباك ياناااااااااس ..

البنات : ههههههههههههههه ..

لولو : هذا وهو بس كلام .. اجل لو صدق وش بتسوين ..

هيفا : بتطب من الشباك وراه ..

البنات : هههههههههههههههههه ..

الجوهره : بنات السياره تهز اركدو ..

فتح فهد الباب : بنات تبون شي ..

اميره : الله لا يهينك .. ابي ببسي وعلك بس ..

فهد : كثرتي .. كل وحده ريال ..

هيفا : وش ذا البخل ..

فهد : لا الله يعافيك .. بنخلي الباقي حق المهر ..

ولاء : ايه دام كذا .. خلاص .. ابي ببسي وبطاطس .. وعلك .. وجلكسي ..

فهد : ياااااااااارب .. وش ذا لا اله الا الله محمد رسول الله .. ولاؤووه اذكري ربك ..

البنات : ههههههههههههههههه ..

فهد : يلا جد .. قولوا اللي تبون .. وكل وحده ما تتعدى ريال ونص ..

الجوهره : كثير ريال ونص ..

فهد : لا بس رحمتكم .. يلا اللي تبونه بنجيبه .. رغد حياتي .. تعالي انزلي ..

رغد : مولازم ..

فهد : لا لازم .. خذي اللي يبونه وتعال انزلي ..

رغد : طيب ..

طلع فهد من السياره .. كتبوا البنات اللي يبونه بجوال جوري وعطوه رغد .. نزلت رغد وراحت لفهد وعطته الجوال ..

فهد : جوال مين هذا ..

رغد : جوال جوري ..

فهد : يالبى قلبك وقلبها .. يلا تعالي ..

اخذ لهم فهد اللي يبونه .. ورائد رجع للبنات بالسياره ..

رائد : بنات تبون كوفي ..

جوري : لا خلاص بيجيب لنا فهد من البقاله ..

رائد : لا فهد حقه غير .. انا بجيب لنا كوفي .. يلا شتبون ..

هيفا : موكا ..

رائد : كلكم ..

ولاء : ايه ..

رائد : متأكدين كلكم .. يمكن اجيب وفيه احد مايبي ..

لولو : اميره ليلى تبون ..

اميره : ايه عادي ..

ليلى : ايه مو مشكله ..

لولو : الجوهره .. تبين ..

الجوهره : ايه الموت مع الجماعه ابرك ..

لولو : فال الله ولا فالك .. نواري تبين ..

نوره : ايه ..

يتبع ,,,,,

👇👇👇

تعديل المقال