بداية

رواية تحملت كثير يا قلبي -10

رواية تحملت كثير يا قلبي - غرام

رواية تحملت كثير يا قلبي -10

قامت هدى وحطوا الغدى وتغدوا كلهم .. وبعدها راحوا ينامون .. وكان فهد جالس بالصاله مع سلطان .. سلطان جالس يلعب قيم بوي .. وفهد يطالع التلفزيون .. جتهم رغد وجلست جنب فهد .. وحط فهد يده ورا كتفها وضمها ..
فهد : تيبن شي حبيبتي ..
رغد : لا ..
فهد : والله ..
رغد : ايه ..والله ما ابي شي ..
فهد : طيب .....( يطالع سلطان ).. سلطان حبيبي شوي شوي على روحك لا تتحمس ..
سلطان : افففففففف يا خي لاتتكلم ........ اففففف خسرت ..
فهد : ههههههههه اححححححسن ..
سلطان : يوووووه الحين بعيد اللعبه من اول ..
فهد : والله انك فااااضي .. انا بطلع تطلعون معاي ..
رغد : ايه ..
سلطان : ايه والله ياليت ..
فهد : يلا طيب .. بسرعه ولا بمشي ..
راحت رغد بسرعه تلبس .. ولحقها سلطان غيروا ملابسهم وركبو السياره مع فهد .. حرك فهد روراحوا سنابل السلام .. اخذوا قاتوه صغار على طلب رغد .. وبعدها راحوا كارفور .. دخلو .. وراحوا قسم الحلويات .. سلطان ماقصر شال اللي يبيه واللي ما يبيه .. وحتى رغد .. وفهد .. سلطان يحط من جهه وفهد يرجع .. شاف فهد صديقه ووقف يسولف معاه ..
فهد : وش الدنيا فيك يا شيخ ..
عمر : والله اشغال .. انت وينك .. من زمان عنك ..
فهد : انا موجود انت اللي ما تجي ولا تنشاف ..
عمر : لين الحين .. نفس الاستراحه ..
فهد : لا غيرناها ..
عمر : انا اقول قبل اسبوع رحت ولا لقيت احد ..
فهد : ايه وين عايش فيه انت .. صار لنا شهر مغيرينها ..
عمر : يؤ يؤ يؤ .. تصدق خساره كانت فلللله ..
فهد : صحيح كانت فله بس .. اخذنا وحده احسن منها واكبر .. فيها كل شي .. شرايك تروح لهم الاسبوع الجاي ..
عمر : اي يوم ..
فهد : كالعاده من الاربعاء لين الجمعه ..
عمر : حلو .. وينها فيه طيب ..
وصف له فهد مكان الاستراحه .. وتفرقوا .. رجع فهد لاخوانه ..
فهد : ما خلصتوا ..
سلطان : الا خلاص ..
رغد : ابي ايس كريم ..
فهد : ايس كريم بالشتا .. بتمرضين علينا ..
رغد : لا عادي ..
فهد : لا مو عادي .. يلا امشوا خلونا نروح .. بيأذن العصر ..
راحوا يحاسبون وطلعوا بعربيه ملياااانه .. ركبوا السياره ..
فهد : وين تبون تروحون ..
رغد : اي مكان عادي ..
فهد : اممممممممم شرايكم نروح البيت ..
سلطان : لا نبي نتمشى شوي ..
فهد : لا بتطلعون مع امي يمكن بعد شوي السوق ..
رغد : ايه انا بروح معاها ..
سلطان : انا ماراح اروح ..
فهد : خلاص نوصل رغد البيت .. وباخذك معاي عندي شغل ..
سلطان : خلاص ..
رغد : ابي اروح معكم ..
فهد : حبيبتي انتي .. مو تقولين بتروحين مع امي السوق .. ما ينفع انا يمكن اطول ..
رغد : طيب ..
راح فهد البيت وحطوا رغد ونزلوا الاغراض .. اذن العصر .. صلوا بمسجد .. وراحوا الكتروا .. يوم وقفوا ..
سلطان : ليه جينا هنا ..
فهد : انت انزل الحين ..
نزلوا ودخلو .. راح فهد وقام يسأل عن احسن آيبود .. اخذ واحد وردي مره يخقق ..
فهد : يلا سلطان خذ لك اللي تبي ..
سلطان منصدم : اللي ابي ..
فهد : ههههههههههه ايه ليه منصدم ..
سلطان : لا مو منصدم .. بس متأكد اللي ابيه ..
فهد : ايه اخلص علي بنرجع .. واذا ما تبي عادي توفر ..
سلطان : لا خلاص ابي .. Psp ..
فهد : طيب يلا تعال ..
اخذله فهد psp واخذ له كم شريط .. استااااانس عليه سلطان .. طلعوا من الكتروا ..
فهد : يلا الحين تخليه يشحن لين ينفقع ..
سلطان : لا تكفى ما ابيه ينفقع ..
فهد : هههههههههههههه .. بتحطه بعيونك اجل ..
سلطان : بخليه كنه بيضه .. اداريه بقوه ..
فهد : لا عاد مو كذا يا غبي .. لو مره مره حافظت عليه بيخرب بسرعه .. لو خليته على القدر .. يجلس معاك ..
سلطان : طيب لمين الآيبود ..
فهد : لرغود ..
سلطان : ليه طيب ..
فهد : هي تبي ..
سلطان : قالت لك ..
فهد : لا سمعتها تكلم صديقتها امس .. وتقولها اتمنى عندي آيبود بس استحي اقول لابوي .. فديت روحها السنعه .. مو مثلك تنشب بالواحد لين يسوي لك اللي تبيه ..
سلطان : طيب ..
وصلوا البيت ولا كان فيه احد .. سلطان على طول راح غرفته وشبك الـpsp .. وجلس يطالع فيه وهو يشحن مبسوط عليه .. وفهد .. راح لغرفته .. وحط الايبود بدولابه وانسدح ونام ..


!??ٍ??? فبيتـ فارس (ابو رائد) ??????
كانت جوري لابسه عبايتها بتطلع مع امها للسوق .. ورائد جالسه بالصاله .. وريان فوق بغرفته .. وفارس نايم ..
امل : ياربيه بس .. وينه هالسواق ..
جوري : مدري انتي ما قلتي له يروح بيت خالتي ندى يجيب منها اغراض ..
امل : ايه قلت له بس عاد مو كل هذا اغراض .. اففففففففف ..
رائد : وين بتروحون ..
امل : بنروح السوق .. والسواق الغبي مدري وينه ..
رائد : تبوني اوديكم ..
امل : فديتك والله يالله ..
رائد : اوكي .. خذي المفتاح بطلع اغير ملابسي وانزل ..
اخذت امل المفتاح وركبت هي وجوري .. وطلع رائد يغير ملابسه .. يوم تكشخ وخلص وتروش بالعطر .. فتح الباب لقى ريان واقف عند الباب توه كان بيطق الباب..
رائد : هلا .. صح النوم ..
ريان : هلا فيك .. وين بهالكشخه ..
رائد : بروح السوق ..
ريان : مع مين ..
رائد : مع امي وجوري ..
ريان : بروح ..
رائد : ما انزل الدرج الا وانت قدامي .. هذا كانك تبي تروح ..
راين : هوى ..
راح ريان بسرعه يغير ملابسه .. ورائد رجع غرفته يتأكد من شكله .. نزلوا الاثنين مع بعض ركبوا السياره وحركوا ..
امل : انت شجايبك ..
ريان : يمه بروح ..
امل : وليه تروح ..
ريان : بس مافيه غيري بالبيت ..
امل : لا فيه ابوك ..
ريان : طيب بروح معكم السوق ..
رائد : خلاص ياخي ..
امل : الله يعينك يا ريان مني لو تتطنز على احد .. مالي خلق فشايل ..
ريان : ههههههههههههه لا خلاص حرمت ..
جوري : اشوى لان من جد فشلتنا انت وولاء ذيك المره ..
رائد : ليه وش سوو ..
جوري : قل وش ما سوو ..
رائد : الله يهديك يا ريان .. لين متى وانت بزر ..
ريان : لاتكفى يالكبير انت ..
رائد : ههههههههههههههههههه لو سمحت تراني كبر منك بـ8 سنوات ..
ريان : عادي ..
رائد : طيب عادي .. اعقل ..
ريان : ياااارب ..
جوري : هههههههههههه .. تموت فيك هيفا اذا قلتها ..
ريان : انا فيه احد ما يموت فيني ..
رائد : ياكره اللي مآخذ مقلب فروحه ..
ريان : انت اساسا غيران لانهم يحبوني ..
رائد : ايه مره غيران .. اهم شي ان امي تحبني اكثر منك .. صح يمه ..
امل كانت لاهيه بالجوال وما سمعت الا صح يمه : ايه صح ..
جوري ورائد : هههههههههههههههههههههه ..
ريان : يمااااااااااااه .. وش ذا ليه التفرقه .. على الاقل قوليها من وراي مو قدامي ..
امل : وشفيك انت ..؟؟..
ريان : وش مافيني ..
امل : رائد وش فيه انهبل ..
رائد : لا بس غيران عشانك تحبيني اكثر منه ..
امل : ومن قال احبك اكثر منه ..
رائد : توك قايله ..
امل : ما قلت ..
رائد : يمكه تكفين ركزي .. سألتك صح تحبيني اكثر منه قلتي ايه صح ..
امل : ههههههههههههه كنت لاهيه بالجوال مدري وش تقول .. قلت كذا بسكتك بس ..
جوري : هههههههههههههههه راحت عليك يا رائد ..
رائد : ماراحت .. يمه انا البكر لازم تحبيني اكثر ..
امل : طيب طيب ..
ريان : يمه من تحبين اكثر انا ولا رائد ..؟؟..
امل : جوري ..
جوري : هههههههههه فديتك يمه ..
رائد : عادي .. جوري الوحيده اكيد بتحبينها ..
جوري : انا فيه احد ما يحبني .. " وطالعت ريان "
رائد : وانا اشهد ..
جوري : فديتك انت ..
وصلو السوق ونزلوا .. جلسوا يشترون لييين تعبوا .. جلسو بستار بكس .. ورائد راح يطلب .. جاه واحد من وراه وغمض عيونه .. حاول رائد يفكه بس ماقدر واللي وراه جالس يضحك ..
رائد : ياخي مين ..
فكه حمد : خخخخخخخخخ اول مره ادري انك ما تقاوم ..
رائد : هلا والله ..
حمد : هلابك .. وشجابك انت هنا ..ترقم هاه ..
رائد : ههههههههههه ارقم مع امي واخواني ..
حمد : ياحبيلك جايب اهلك .. حتى انا معي امي ورغووود ..
رائد : وينهم ..
حمد : جوا تعبنا من اول العصر وحنا ندور ..
رائد : من جد حريم ما ينعطون وجه .. فهد وينه ..
حمد : فهد مدري يوم نطلع ماكان بالبيت .. تقول رغد انه طالع هو وسلطان مدري وين رايحين ..
رائد : وش عنده ..
حمد : مدري عنه استغربت يوم قالت مع سلطان ..
رائد : من جد .. .. تعال تعال اودي الاوردر .. ونجلس انا وياك ..
حمد : حتى انا بوديه ..
رائد : اهلك وينهم ..
حمد : جوا ..
راح حمد وقال لامه ان امل موجوده .. وراحت لها هي ورغد .. جلسوا مع بعض .. ورائد وريان وحمد مع بعض ..
امل : ماخلصتوا ..
هدى : لا والله .. ياحياتي يا حمد من اول العصر وهو يدور معنا ..
امل : رائد انهبل كل شوي يقول يلا خلصو مانبي نطول ..
جلسوا الثنتين يسولفون .. ورغد تسولف مع جوري ..
جوري : يعني ماراح يروح ..
رغد : لا يقول ابوي يمكن يجي من بكرى ..
جوري : اهممممممم ..
رغد : بس يقول حمد انه انتظار ..
جوري : يعني فيه امل يروح ..
رغد : ايه فيه امك ..
جوري تقبصها مع خدها : هههههههههه فديتك .. يماه .. بروح انا ورغد كليرز شوي ..
امل : لا تطولون ..
هدى : خلك معها رغود لا تتركينها ..
جوري : لاتخافين خالتي بعيوني ..
هدى : فديتك سالمه عيونك ..
طلعت جوري وشافها ريان وجالها : وين ..؟؟..
جوري : وش تبي .. بروح مكان انا ورغد ..
ريان : بروح معكم ..
جوري : لا مكان حق بنات بس ..
ريان : لاسنزا ولا نعومي ..
طقته جوري بالشنطه : عيب .. يلا انقلع ..
راحت عنه جوري .. رجع للشباب ..
رائد : ههههههههههه شفيها طقتك ..
ريان : اختك همجيه .. ماشافت النعومه ..
رائد : تستاهل اكيد محارشها ..
ريان : لا بس قلت وين بتروحون قالت مكان بنات .. قلت لها لاسنزا ولا نعومي طقتني ..
حمد : هههههههههههههههههههههه بالله عليك .. اجل تبيها تبوسك على راسك ..
راين : المفروض .. لاني كنت بروح اوصلهم .. بس هي الخسرانه راحت عليها ..
رائد : احسن لها اللي ما رحت معها ..
ريان : الحمد لله والشكر بس ..
حمد : دريت ..
رائد : وشو ..
حمد : فهد مهب رايح ..
رائد : لاااااااااا .. اجل انا منب رايح ..
حمد : تستهبل .. ياخي بكيفه ..
رائد : وشو بكيفه .. لا حبيبي اذا ما راح فهد انا منب رايح ..
حمد : تكفى .. الحمد لله والشكر من زينه خله .. يمكن يجي مع ابوي ..
رائد : يوووووووه بيطولون هم ..
حمد : عادي .. اصبر ..
رائد : مقدر ..
حمد : مو فهد زوجتك على هالحب ..
رائد : فديته محد يسواه ..
ريان : ليتني فهد ..
رائد : انت شي ثاني غير هالعالم كلهم ..
ريان تشقق من كلامه وجلس مبسوووووط ..
حمد : ههههههههههه شف خشته .. هي شوي شوي على براطمك لا تنشق ..
رائد : ههههههههههههههه خله ما عليك منه .. ليه فهد ماراح يجي ..
حمد : مالقيت له حجز ..
رائد : تستهبل انت .. كان حطيته انتظار ..
حمد : هو الحين انتظار ..
رائد : يعني فيه امل يجي .. يوه روعتني ..
حمد : لا لا تأمل .. لان قبله 3 انتظار ..
رائد : يوووووووووووه .. طيب مافيه رحله ثانيه ..
حمد : كله فل .. مافيه الا مع عماني ..
رائد : يلعن اوم الحظ ..
حمد : لا تلعن ..
رائد : استغفر الله ... بس والله قهر .. روحه بدونه ماتسوى ..
حمد : انا موجود ..
رائد : لا فهد غير ..
حمد : انت تبي الكوب الحين ينكسر براسك ..
رائد : ههههههههههههههه فديتك والله بس فهد غير ..
حمد : فاهم فاهم ..
ريان كان يطالع قدامه .. وكانت وحده تأشر له .. تعال .. قربت البنت ووصلت قريب من طاولتهم .. التفتوا عليها رائد وحمد ورجعوا يطالعون ريان ..
رائد : ريان من هذي تطالعك ..
ريان : مدري لها ساعه تأشر لي ..
حمد : رح شف وش تبي ..
ريان : لا تكفى فكنا ..
جت البنت : انا والله العظيم ما راح اكلك .. قلت لك تعال ليه ما جيت ..
ريان : هههههههههههههههههههه ياحمااااره خوفتيني ..
ولاء : بسم الله عليك .. كيفكم شباب ..
حمد : الحمد لله مين ..
ولاء : انا ولاء ..
حمد : اهلا وسهلا .. كيفك ..
ولاء : تمام .. كيفك رائد ..
رائد : تمام انتي شخبارك ..
ولاء : انا بخير .. ياويلي من امي .. قم انت ابيك .. اخلص علي ..
حمد : اسحبيه مع شعره احسن ..
ولاء : ودي بس اخاف افشله عند العالم ..
رائد : ههههههههههههههههه قم لها ريان لا تسويها من جد ..
ريان : يلا قمت لا تاكليني ..
قام ريان وراح مع ولاء ..
حمد : ياحليلها والله ياهي منخرشه ..
رائد : ههههههههههه توسع الصدر ..
عند ريان وولاء .. اخذته ولاء لامها وشافته امها وسلمت عليه ..
ساره : ريان مع مين جاي ..
ريان : مع امي وجوري ورائد ..
ولاء : جوري فيه ..
ريان : ايه ..
ولاء : وتوك تتكلم يالفالح ..
ريان : ماسألتيني ..
ولاء : يا زينك وانت دلخ يا شيخ ..
ريان : ههههههههههههههههه وانتي ادلخ ..
بيان : اففففففف مطولين .. ابي اخلص ..
ساره : روحي مع امي طيب ..
بيان : احسن بعد ..
راحت بيان عنهم وتركتهم .. ريان كان يطالعها بنظرات استحقااااار .. وولاء جالسه تضحك على نظرات ريان ..
ولاء : فدييتك وفديت نظراتك يا شيخه .. تعجبتني يا قوي ..
ريان : هذي ليه نفسيتها دايم خايسه ..
ساره : ماعليك منها .. هي كذا دايم .. وين امك وجوري ..
ريان : امي مع خالتي هدى وجوري مع رغد مدري وين رايحين ..
ولاء : مع مين جايه خالتي هدى ؟؟
ريان : مع حمد .. ليه تسألين شايفته انتي ..
ولاء : لا بس اسأل ..
ساره : هههههههههههه عرفت وش تقصدين .. والله انك حماره ..
ولاء : خخخخخخخخخ لا تعلمين ..
ريان : وش تقصد ..؟؟..
ولاء : خلك على عماك احسن ..
ريان : يا سخفك يا شيخه ..
كانت جوري ورغد يمشون .. وشافوا ريان واقف مع بنتين .. وساره وولاء عرفوا رغد وراحوا لهم ..
ولاء : هااااااااي ..
جوري : هلا وغلا ..
ساره : الحمد لله والشكر .. الناس يسلمون .. السلام ..
جوري : وعليكم السلام ..
ساره : كيفك رغووود ..
رغد : الحمد لله ..
ساره : دوم .. وينكم ..
جوري تطالع ريان : ماقالكم ريان ..
ولاء : لا يقول مدري ..
جوري : ايه اشوى .. كنا بكليرز ..
ولاء : احسك ساكنه هناك ..
جوري : احبه اموت فيه ..
ساره : احم وبعض الناس ..
جوري : سوير .. اعقلي ..
ريان : هي انتي وياها وش عندكم ..
ولاء : ولا شي .. بس ساره مرتفعه حرارتها شوي وتخربط ..
ساره : ايه .. آآآآهـ رااااااسي ..
جوري : هههههههههههه .. جايين بلحالكم ..
ساره : لا امي وبيان معنا ..
ولاء : بيان الغبيه ما تبي تجلس تسولف .. تبي تخلص اغراضها عمتي ..
جوري : ههههههههههههههه خل تخلص وش عليك منها ..
ريان : رغد تعالي نرجع حمد دق يقول جيبوا رغد بتروحون ..
ولاء : يوه خساره .. كنت بجيب لها شي .. بس ماعليك .. اذا شفتك عطيتك اياه ..
ابتسمت رغد وراحت مع ريان .. راحت مع حمد ورائد دق على جوري تجي .. اخذت ولاء الجوال ..
ولاء : حنا بنرجعها معنا .. انتم روحوا ..
رائد : لا نبي اختنا .. هاتيها ..
ولاء : يا سلام من قالك بناكلها ..
رائد : مو بعيده عليك ..
ولاء : طيب يا رائد .. اذا شفتها زين ..
رائد : هههههههه نشوف ..
راحوا الثلاثه لفوزيه وسلمت جوري عليها .. ودخلوا ايتام .. وشافت جوري امها هناك مع اخوانها .. جاها رائد هي وولاء ..
رائد : اجل اذا شفتها .. انتي اللي جبتيها برجلينك ..
ولاء : من غبائي والله ..
رائد : توك تدرين ..
ولاء : افاااااا .. ترى بس انا اسب روحي ..
رائد : الله يعينك على روحك ..
بيان كانت تطالع فرائد من بعيد : يووه وش جابه هذا هنا ..
دق جوال بيان وكانت غيدا .. لانهم كانوا ناوين يتقابلون بالسوق ..
بيان : تعالي قلبي لايتام انا هناك ..
دخلت غيدا ايتام ومرت من عند ولاء وجوري ورائد بس بدون ماتنتبه لهم .. راحت لبيان ووقفوا مع بعض يسولفون شوي ..
ولاء : يووووه جت غيدا عز الله انا ماراح نطلع من السوق الا بكرى ..
رائد : واذا جت .. انتي وش عليك ..؟؟..
ولاء : جت لبيان .. وهي وياها اذا دخلوا سوق ماعاد طلعوا ..
جوري : وينها ..
ولاء : شوفيها واقفه مع بيان ..
التفتت عليها جوري : هذاهي .. توها ماره من عندنا..
رائد : يمكن ما شافتكم ..
ولاء : اي انت لا تدافع ..
رائد : ما ادافع .. يلا جوري بسرعه ابي ارجع البيت ..
ولاء : ياكره الشباب .. اشوى ما عندي اخو كبير يعلني ..
جوري : لا خلا ولا عدم .. احمد ربي عندي اخو كبير ..
رائد : فديتك والله ..
راح عنهم رائد ووقف مع امه ..
ولاء : ياحليه اول مره اشوفه كذا ..
جوري : ترى وربي رائد طيووووووب ..
ولاء : ايه طيب .. تعالي برفع ضغط بيان ..
جوري : لا تكفون ..
سحبتها ولاء وراحوا لبيان وغيدا .. غيدا كانت واقفه ووراها الخداه حقتها ..
ولاء : يعني تمرين من جنبنا ولا تسلمين والله مايصير كذا ..
لفت غيدا عليها : هههههههههه .. هلا والله معليه قلبي ما شفتكم ..
جوري : كيفكم ..
غيدا : تمام مين ..
جوري : جوري ..
غيدا : هلا وغلا .. كيفك انتي ..
جوري : الحمد لله .. شلونك بيان ..
بيان : الحمد بخير.. انتي شلونك ..
جوري : زينه ..
ولاء : كلكم الحمد لله طيبين ..
بيان : ياشين اللقافه ..
ولاء : محد كلمك..
غيدا : تكفون مو بالسوق ..
ولاء : مدري عنها تحارش ..
جوري : خلاص ولاء ..
غيدا : انا بروح اشتري لي شي اشربه اذا خلصتوا متهاوشين نادوني طيب ..
راحت غيدا عنهم مع الخدامه ..
بيان : يا غبيه شفتي خليتيها تروح ..
ولاء : مو انا منك انتي ..
بيان : افففففففففف ..
راحت غيدا تشتريلها مويه .. وكانت واقفه وجا واحد وقف جنبها وبعدت عنه وهو يقرب وهي تبعد .. شافها رائد من بعيد .. انجن .. وراح لها .. تنحنح والتفتت له يوم شافته ابتسمت .. طبعا هو مايشوفها من ورى النقاب .. بعّد شوي الرجال بيده .. التفت عليه الرجال ..
الرجال : خير ..
رائد : الخير بوجهك .. بس ابعد شوي ..
الرجال : تبي شي ..
رائد : ايه ابعد شوي اقولك .. "واشر على غيدا" .. اهلي ..
الرجال : او آسف .. استحى الرجال وراح ..
وقف رائد عندها : تيبن شي ..
غيدا : بس مويه ..
رائد ابتسم : بس ..
غيدا : ايه ..
رائد : بغيت اذبح الرجال عشان مويه ..
غيدا نزلت راسها مستحيه ..
رائد : اوكي مومشكله عشان غيدا .. طلب لها مويه وعطاها ..
غيدا : شكرا ..
رائد : العفوا ..
غيدا : يلا تينا .. مشكور مره ثانيه ..
رائد : ولو .. ماسوينا شي كلها مويه ..
رجعت غيدا لبيان وكانت واقفه بلحالها .. مسكتها مع عبايتها ..
غيدا : يجنن يجنن يجنن يجنن ..
بيان : بسم الله عليك .. وش فيك ..
غيدا : يجنن يا بيان والله ..
بيان : مين ..
غيدا : رائد ..
بيان : وين شفتيه ..
قالت لها غيدا : شرايك ..
بيان : عادي بنت خالته ..
غيدا : انقلعي لا تحبطيني ..
بيان : ما ابيك تتعلقين فيه .. ترى والله ما يصلح لك ..
غيدا : ماعليك .. امشي مشي وانتي ساكته ..
اذن المغرب .. وراحوا الحريم بالمصلى يصلون وريان ورائد بالمسجد حق الرجال .. وبعدها طلعوا وكان رائد يضحك مع ريان وشافته غيدا من بعيد وانجنت على ضحكته ..
غيدا : طالعي كيف يضحك ..
بيان : هي انتي خلاص ..
ولاء : شفيكم ..
بيان : ياشين اللقافه ..
ولاء : ماعليك انتي اسأل غيدا ..
غيدا : مافينا شي حبيبتي ..
ولاء : ياحبيلك والله يالنعووومه ..
رجعوا جوري بيتهم .. وفوزيه وبناتها رجعوا بعد العشا كله من بيان .. وغيدا بعد ماراحت بيان البيت خلصت شغلها بسرعه ورجعت البيت ..

!??ٍ??? فبيتـ حصه ( ام ماهر ) ??????

كانوا جالسي بغرفة الجلوس يطالعون التلفزيون ..
اميره : يمه اي وقت الروحه ..
حصه : الصباح ..
اميره : والله حمد ما يعرف يحجز .. الصباح عاد ..
ماهر : انتي احمدي ربك انه حجز لك .. زين لو انه حاطك انتي انتظار مو فهد ..
اميره : ليه فهد انتظار ..؟؟..
ماهر : ايه ..
اميره : يووووووووه يا قليبي يا جو..... احم ..
ماهر : هههههههههه كملي كملي ..
اميره : وشو ..
ماهر : كملي الاسم ..
محمد : انتم معليه تسكتون خلونا نطالع البرنامج ..
حصه : اطلعوا سولفوا برى ..
طلع ماهر وسحب اميره ..
ماهر : بسرعه وش كنتي بتقولين ..
اميره : ولا شي ..
ماهر : ياقليبي يا مين ..
اميره : ولا احد .. ياقليبي يا فهد .. رحمته ..
ماهر : يا قليبي يا جوري اجل هاه ..
اميره طيرت عيونها : وش دراك .. أأأأأ لا من قال جوري ..
ماهر : ههههههههههههههه يالفضيحه .. محد يقولك شي انتي ..
اميره : انت لا تجرجرني بالحكي ..
ماهر : تحبه صح ..
اميره : لا عادي ..
ماهر : كذابه ..
اميره : ايه تحبه انت شعليك ..
ماهر : عادي حتى هو يحبها ..
اميره عدلت جلستها : قل والله ..
ماهر : ههههههههههه .. يا شيخه اركدي .. اساسا ما فيه احد ما يدري .. اشك حتى رائد يدري ..
اميره : يؤ يؤ يؤ .. مهب سهل فهد والله .. وناسه عندنا روميو وجولييت بالعايله ..
ماهر : ههههههههه اميره تكفين اهجدي .. وش روميو وجولييت ..
اميره : والله جد .. وناسه تصدق ..
ماهر : ايه .. مشاري وتهاني .. وفهد وجوري ..
اميره : اييييييه مشاري وتهاني كلنا ندري .. هذولا عاد شي ثاني .. يلا العقبالك تحب ..
ماهر : لا يع ..
اميره : وشو يع .. والله حلو ..
ماهر : ليه مجربه .. ؟؟..
اميره : لا بس كذا ..
ماهر : اعقلي طيب .. انا بطلع ..
اميره : وين الساعه 8 الحين وين بتروح ..
ماهر : بروح ادور شوي .. ضايق خلقي ..
اميره : بروح معاك ..
ماهر : يلا طيب ..
راحت اميره قالت لامها انها بتطلع مع ماهر .. اخذت عبايتها وطلعت .. لقت ماهر يسولف مع ياسر ولد الجيران .. ركبت السياره وشغلت المسجل وكان الصوت مره عالي من الروعه ما عرفت كيف تسكره .. قامت تضربه وعيا يسكت .. ماهر يطالع بالسياره .. ويضحك ..
ماهر : ههههههه شكلها خافت ..
ياسر : هههههههههههههههههه رح لا يصير فيها شي ..
ماهر : يلا فمان الله ..
ركب ماهر السياره وسكر المسجل ..
ماهر : ليه اللعب ..
اميره : عليك مسجل .. اعوووووذ بالله اللي اخر الحاره يسمعه ..
ماهر : قولي ما شاء الله تبارك الله .. تفلي عليه لا يصير فيه شي ..
اميره : ماشاء الله تبارك الله .. تفو تفو من الحسد ..
ماهر : ايه كذا ..
راحوا يدورون بالسياره وقفوا عند كوفي اخذولهم وجلسوا يدورون ويسولفون لين الساعه 12 بالليل ..

????…¤_¤… فيوم السفر …¤_¤…????
كان حمد قايل لهم انهم يجتمعون كلهم ببيت الجد عشان يمشون كلهم من هناك ..
كانوا كلهم مجتمعين .. وجالسين بالصاله .. والرجال بالمجلس .. وكان حمد توه مابعد جا ولا يقدرون يروحون من دونه لا كل شي هو اللي مجهزه .. راحت عايشه للرجال ( اخوانها بس) ..
عايشه : حمد وينه ..
عبد العزيز : الحين بيجي .. وش فيكم مستعجلين .. توها الرحله باقي عليها ساعتين ونص ..
عايشه : لا مو على مستعجلين بس على مانركب والاغراض والله شغله ..
ابراهيم : خلاص ماعليكم كل شي بيكون اوكي ..
عايشه : طيب شلون الترتيب ..
فارس : البنات مع فهد ورائد بالجمس .. والحريم مع حمد ومشاري بالفان .. وماهر معاه ريان ونايف والشناط ..
نايف : حنا دايم مع العفش ..
ريان : احمد ربك لا يركبونا بالشنطه بعد ..
الكل : هههههههههههههههههه ..
ابراهيم : لو ركبوكم بالشنطه ما يلومون الا انفسهم .. انا بشيلكم واحطكم بسياره خاصه ويودونكم المطار ..
ريان : كفو يا عمي ... شرايكم ما نركب بالشنطه ..
الكل : ههههههههههههه ..


? فــيـ .. الصالهـ .. عند .. الحريمـ .. ?
الجده : وينه حمد ..
هدى : ياخالتي بالطريق ..
الجده : وليش ما يجي ..
هدى : عنده شغل بيخلصه وبيجي ..
الجده : ووش هالشغل الا ما جا الا هالحين ..
هدى : والله مدري عنه يقول بخلص شغلي واجيكم ..
الجده : وليه ما نروح وهو يلحقنا ..
هدى : هو معاه التذاكر والفان مانقدر نروح بدونه ..
شيخه : فديته والله .. خلاص يمه بيجي ..
الجده : لووووولووووو .. لووووووولوووووو ..
لولو : سمي يمه ليه تصارخين قريبه انا ..
الجده : ياربيه بس .. جيبيلي مويه ..
لولو : من عيوني ..
راحت لولو تجيب مويه من المطبخ ..
الجده : يارب .. هي انتي وياها وش تسوون ..
نوره : ولا شي يمه ..
الجده : وشو هاللي تلعبون فيه ..
نوره : ما نلعب يمه ..
الجده : اجل ..
الجوهره : نطالع ..
الجده : افلام كرتون ..
الكل : هههههههههههههههههههههههه ..
اميره : ايه يمه افلام كرتون .."بصوت واطي" .. اسكتوا لو تعلمونها وش تشوفون بعصاها بتكسر الدي في دي ..
ولاء : يطالعون توم وجيري يمه ..
عايشه : هي انتي وياها لا تعلبون على امي ..
هيفا : يمه لو قالو لها نطالع فلم بتكسره ..

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -