رواية تحملت كثير يا قلبي -9
ولاء : حصه وعايشه ..
هيفا : لو سمحت امي ..
ولاء : نسيت ..
امل : يلا خلونا نروح نشتري اي شي ..
جوري : يمه كارفور ..
امل : يلا كارفور كارفور ..
ريان : خلاص انتي يالفيله ..
ولاء : كلن يتكلم عن نفسه ..
هيفا : بدو توم وجيري ..
امل : يلا بلا حركات غباء .. تتضاربون بالسوق ..
ولاء : خالتي انا فيله ..
امل : خليه غيران من جسمك هو يحصله بس ..
ولاء : خخخخخخخ وانتي الصادقه ..
ريان : يمه تراني ولدك ..
امل : ادري وانا قلت شي غلط ..
ريان : لا حشاك ..
راحوا يتمشون امل وهيفا وجوري يسولفون ويعلقون على العالم .. وريان وولاء كل شوي واحد يقط نغزه على الثاني .. ويتهاوشون .. بس بأدب ..
هيفا : ابي كليرز ..
دخلوا ((كليرز)) وشرو .. هيفا شرت 3 سلاسل مع بعض فيها فراشه ورديه وكل سلسال مكتوب عليه شي .. الاول: افضل .. الثاني : صديق .. الثالث: الى الابد .. بالانقليزي طبعا .. واخذت واحد وعطت جوري واحد وولاء واحد .. وجوري شرت 3 اساور نفس الشي كل وحده اخذت وحده .. ولاء شرت خواتم .. امل شرت حلق ملون وسلسال نعوووووم وشرت شبشب .. وبعدا راحوا ((السواني)) .. وبعدين ((قيس)) .. وبعدها محل جلابيات .. شرت امل لام عبد العزيز (الجده) جلابيه فضيييعه .. وطلعوا من السوق ورجعوا البيت على الساعه 11 .. ولاء مرها ابوها وراحت الساعه 1 .. وهيفا بعد راحت الساعه ½,1 ..وام عبد العزيز وابو عبد العزيز رجعوا بيتهم .. على الساعه 3 راحت امل وجوري لبيت اهلها .. وريان دق على نايف وطلعوا التحليه ..
? فــيـ .. المستشفى .. ?
كانت ابرار مره مشغوله .. ورنا توها مخلصه شغلها فراحت تساعد ابرار .. جلسوا يساعدون بعض لين خلصوا كل شي بعدها نزلوا يشربون شي في الكافيتيريا ..
ابرار : افففف تعبت ..
رنا : يعطيك العافيه ..
ابرار : مشكوره يا قلبي تعبتك معاي ..
رنا : مو رنا اللي تشوف صاحبتها محتاجه مساعده ولا تساعدها ..
ابرار : فديتك مشكوره ادري من طبايعك .. مو غريبه عليك ..
رنا : اصلا كل اهل الحجاز كذا .. خدومين ويحبو يساعدوا .. ولا انتي ايش رايك ..
ابرار : صح لسانك ..
رنا تلتفت : طالعي طالعي الخطيب .. عريس المستقبل ..
ابرار : اسكتي تكفين .. مافيني اطالع فوجهه ..
رنا : ياحليلك تستحي منو ..
ابرار : رنااااا .. خلصت من اميره تجين انتي ..
رنا : هادي البنت فضيعه نفسي اشوها من كثر ما تتكلمي عنها .. احسها تحفه ..
ابرار : ما شاء الله عليها انسانه فلللله ..
رنا : ياحليلها ..
الطوارئ : الدكتوره رنا محمد قسم الطوارئ ..
رنا تقوم : يلا انا بروح .. وانتي خلصي قهوتك واطلعي مكتبك .. ابخلص واجيكي ..
ابرار : طيب روحي ..
راحت رنا ,., وجلست ابرار بلحالها .. شافها سعود وعرفها .. هي قامت وراحت مكتبها ولحقها .. طق الباب ودخل .. ما سكر الباب خلاه مفتوح ..
سعود : السلام عليكم ..
ابرار مره مستحيه : وعليكم السلام ..
سعود : كان فيه احراج اطلع ..
ابرار ما تدري وش تقوله ..
سعود : على العموم .. اهلي بيجونكم الاحد بيشوفونك ويتفقون معكم على كل شي ..
ابرار : الله يحييهم ..
سعود : اوكي انا الحين استأذن .. تامرين شي ..
ابرار : سلامتك ..
طلع سعود وماكان يبي يطلع .. اول ماطلع .. تنهدت ابرار بقوه وارتخت على الكرسي .. دخلت عليها رنا ..
رنا : يؤ يؤ يؤ حالتك مستعصيه .. ايش فيكي ..
ابرار : ولا شي ..
رنا : كدابه .. دوبي شايفتو طالع من عندك ..
ابرار : اهله بيجون الاحد ..
رنا : وليه كدا مره مستانسه ..
ابرار : ولا شي ..
رنا : اقص يدي من كتفي اذا ما كنتي تحبيه ..
ابرار عدلت جلستها : اي احبه انتي ووجهك ..
رنا : لا ياشيخه .. ما تشوفي حالتك دحين ..
ابرار : ما عليك مني ..
رنا : ههههههههههههه شفتي قلتلك تحبيه ..
ابرار : رنااااااا وبعدين معاك ..
رنا : يلا العقبالي .. واحد يحبني زي ماتحبيه ..
ابرار : اجل اغسلي يدك يكون يحبك ..
رنا : نشوف ..
!??ٍ??? فبيتـ سليمان (ابومشاري) ??????
كان مشاري توه طالع مع حمد .. وليلى جالسه بالصاله مع امها وابوها واختها نوره .. كانت حاطه يدها على خدها وتحس انها تعباااااانه .. وخدودها شوي محمره .. شافتها امها ..
خلود : ليلى حبيبتي فيك شي ..؟؟..
ليلى : لا يمه بس شوي تعبانه ..
سليمان : شوي بس .. الا كثير قومي اوديك المستشفى ..
ليلى : لا يبه ماله داعي آخذ الدوا الحين وان شاء الله ارتاح ..
سليمان : طيب قومي خذي علاجك ونامي لك شوي ..
ليلى : ان شاء الله ..
سليمان : خلود قومي مع بنتك ..
قامت خلود وليلى وطلعوا فوق .. جلست نوره جنب ابوها ..
نوره : يبه ..
سليمان : هلا ..
نوره : يبه خلنا نطلع ..
سليمان : وين تروحين ..
نوره : اي مكان طفشت من البيت ..
سليمان : امس كنتي ببيت عمك ..
نوره : طيب من بيت لبيت وش استفدنا ..
سليمان : طيب بذمتك .. ما استانستي ..
نوره : اوووووووو شويه استانست ..
سليمان : خلاص اجل ..
نوره : يبه .. ماراح نسافر هالسنه ..
سليمان : وين تبين تروحين ..
نوره : ماليزيا ..
سليمان : ماليزيا رحناها الصيف اللي راح ..
نوره : وش يضر لو رحناها مره ثانيه ..
سليمان : دوري مكان ثاني ..
نوره : بنسافر يعني ..
سليمان : كان تبون تسافرون شوفوا مشاري اذا بيروح معكم ولا لا ..
نوره : وانت يبه ..
سليمان : لا انا عندي شغل ..
نوره : اجل خلاص ماراح نروح مكان ..
سليمان : كيفك ..
نوره : ايه ماصدقت .. لا لا بنروح..
سليمان : ههههههههههههه ..
خلود وهي نازله : وش يضحكك ..
سليمان : وشلون ليلى .؟.
خلود : ياحياتي بنيتي .. حرارتها 39 ..
سليمان : عطيتيها خافض ..
خلود : ايه .. نوير قومي قولي للخدامه تسوي لها كمادات خَلْ بارده ..
سليمان : وليه الخدامه .. قومي انتي سوي لاختك ..
نوره : بس نسافر ..!!!!!..
سليمان : ههههههه بنسافر بس روحي ..
راحت نوره تسوي الكمادات ..
خلود : وين بتسافر له ..
سليمان : بنتك تبي تسافر ..
خلود : ايه والله الاجازه توها باديه نبي نسافر ..
سليمان : من عيوني ياعيوني .. وين تبين تسافرين له ..
خلود : فديت روحك .. اي مكان ..
سليمان : اوكي ..
خلود : بس شرط انت تكون معانا ..
سليمان : والله يالغاليه ما اقدر ..
خلود : لا اجل مو لازم نروح مكان ..
سليمان : روحو انتم ومشاري مو ضروري انا معكم ..
خلود : لا انت حلاة الروحه كلها ..
سليمان : اجل ابشري من عيوني .. انتي قولي بس وين تبين تروحين والتذاكر عندك ..
خلود : الله يخليك لنا ولا يحرمنا منك ..
نوره : احم احم .. لو سمحتوا بدون غزل انا هنا ..
خلود : اطلعي بس ودي الكمادات ..
نوره : ان شاء الله .. يبه وين بنروح ..
سليمان : الشور عند امك ..
نوره : فديتك يمه .. نبي مصر ..
خلود : لا تحلمين فيها .. روحي لاختك يلا ..
نوره : ان شاء الله ان شاء الله ..
طلعت الجوهره لليلى .. وجلست تسوي لها الكمادات ..
نوره : تدرين ليلى ..
ليلى : همممممم ..
نوره : ابوي بيسفرنا ..
ليلى : وين .؟.؟
نوره : مدري ..
ليلى : ليه ما نروح مكه مع عماني ..
نوره : ياليت .. منها نعتمر ومنها نفلها ..
ليلى : تبين تفسقين بعدين تعتمرين عشان تكفرين ..
نوره : لا والله مو كذا .. بس تذكرين يوم ذيك المره نروح مره كانت فله ..
ليلى : ايه والله مره انبسطنا ..
نوره : طيب قولي لامي وابوي ..
ليلى : ابوي قايل بسفركم ولا من عندك ..
نوره : لا انا قلت له بنسافر وقال وين تبون .. قلت مصر .. قالت امي لا تفكرين فيها ..
ليلى : هههههههههه يا حبيلك اي مصر الله يهديك .. لا خلاص اذا صحصحت اقولهم على مكه وناخذ جدي وجدتي معنا ..
نوره : آآآآآآآآآآ .. ونااااااسه ..
ليلى : وجع فجرتي اذني ..
دخلت خلود عليهم : خير ان شاء الله وش هالصراخ ..
ليلى : يمه شوفيها تصرخ بإذني وانا تعبااااانه ..
خلود : قومي اطلعي برى اشوف ..
نوره : يمه آآسفه والله ..
ليلى : الا يمه .. وين بتودونا هالاجازه ..
خلود : اللي تبونه ..
ليلى : شرايكم نروح نآخذ عمره ..
خلود : ايه والله فكره .. ليه لا ..
ليلى : كلنا كلنا .. يعني مع عماني وجدي وجدتي ..
خلود : خلاص اقول لابوك اكيد بيستانس ..
راحت لها نوره وضمتها : فدييييييتك ..
خلود : بسم الله عليك مو كنتي تبين مصر ..
نوره : لا خلاص روحه مع الاهل تسوى كل الروحات ..
خلود : ايه خلك كذا .. يلا بروح .. تبون شي ..
نوره : وين بتروحين يمه .
خلود : بروح اصلي العصر وين بروح .. ويلا انتم كل وحده سجادتها ..
طلعت خلود غرفتها تصلي .. وليلى قامت توضت وصلت وانسدحت على السرير وبحظنها الاب توب وتقرى روايه .. ونوره راحت صلت وجلست على النت ..
!??ٍ??? فبيتـ شيخه ( ام ابرار ) ??????
كانت ابرار توها واصله من المستشفى .. دخلت البيت ولا لقت احد .. طلعت غرفتها غيرت ملابسها .. وطلعت راحت طقت باب غرفة لولو ولا ردت فتحت الغرفه مالقت احد .. راحت غرفة الجوهره .. طقتها ولا لقت احد .. استغربت .. نزلت تحت .. راحت المطبخ ..
ابرار : نعيمه وين امي وخواتي ..
نعيمه : راحوا ..
ابرار : وين راحوا ..
نعيمه : والله مدري .. بس طلعوا بعد ما تغدو .. وعمتي قالت احط لك غداك اذا جيتي ..
ابرار : لا انا ما ابي متغديه ..
نعيمه : بالعافيه ..
ابرار : الله يعافيك يارب .. انا بطلع انام ..
طلعت ابرار من المطبخ وراحت غرفتها تنام ..
( نعيمه .. هذي كانت عند ام عبد الرحمن قبل لا تتوفى .. كانت عندهم من 10 سنين .. ويوم توفت امه قالت انها مالها احد عشان ترجع بلدها انها تبي تجلس تخدمهم .. وطلبت بيت شيخه من بين بيوت اخوانه كلهم لان شيخه الوحيده اللي تعاملها معامله كويسه .. جلست عندهم بعد وفات ام عبد الرحمن 5 سنين .. يعني لها 15سنه بالسعوديه .. ومآخذه على البنات والبيت .. ومرتاحه مره معهم ) ..
بعد ½ ساعه دخلت شيخه مع بناتها ..
شيخه : تيناااااااااا .. تينااااااااااا ..
تينا : نأم مدام ..
شيخه : شيلي الاغراض وحطيها بالمطبخ ..
شالت الخدامه الاغراض وودتها المطبخ .. دخلو لولو والجوهره وكل وحده شايله معاها ..
لولو : آآآآآهـ تعبت يمه ..
شيخه : خليهم الحين تجي تشيلهم تينا ..
لولو : لا انا بودي اللي معاي .. تروح تشيل من الجوهره .. تينا .. شيلي من الجوهره برى ..
دخلت شيخه وفصخت عبايتها وجلست على الكنب .. وجتها لولو وجلست معاها .. دخلت الجوهره وهي مهدوووده ..
الجوهره : يمه وش ذا جايبه مؤووونة سنه ..
شيخه : مو انا انتي واختك تشيلون وتحطون بهالعربيه ..
لولو : يعطيك العافيه يالغاليه .. ما تقصرين ..
شيخه : فديتك انتِ هذا الكلام السنع .. تعلمي منها يالثوره ..
راحت الجوهره وباست امها على راسها : فديت احلى ماما ..
شيخه : توني اصير احلى ماما ..
لولو : ايه ما تجي الا بتهزيئه ..
شيخه : الله يخليكم لي يا رب ..
البنات : امين .. وياك ..
شيخه : نعيماااه ..
جت : هلا ..
شيخه : ابرار جت ..
نعيمه : ايه جت وطلعت تنام ..
شيخه : تغدت طيب ..
نعيمه : لا قالت انها متغديه ..
شيخه : زين الله يعطيك العافيه خلي الخدامات يرتبون الاغراض بالدواليب .. والمغرب نبي كيك وحلا زين ..
نعيمه : ان شاء الله ..
لولو : نعيمه .. ابي حلا نسكافه منك ..
نعيمه : من عيوني ..
جواهر : انا ابي توفي ..
شيخه : اليوم نسكافه وبكرى توفي ..
نعيمه : لا عادي اليوم اسويها كلها ..
شيخه : الله يعافيك ... اجل كثري شوي برسل للجيران ..
نعيمه : ان شاء الله ..
لولو : انا بطلع اريح شوي ..
جواهر : يمه بفتح النت ..
شيخه : روحي بس لا تطولين المغرب تسكرينه .. وتنزلين عندنا سامعه ..
جواهر: ان شاء الله ..
راحت لولو غرفتها جواهر غرفتها .. طلعت شيخه غرفتها غيرت ملابسها وانسدحت بسريرها .. شوي طق بابها .. وفتحت لولو الباب ودخلت راسها ..
لولو : يمه اجي ..
شيخه : تعالي ..
دخلت لولو وسكرت الباب .. راحت المها بالسرير وخرت الحاف وانسدحت جنب امها وتغطت .. وامها حظنتها ..
لولو : ابي انام عندك ..
شيخه : فديتك والله ..
لولو : الله لا يحرمني منك يالغاليه ..
شيخه : ولا منكم ..
نامت لولو كنها طفله بحظن امها .. وكان شكلها مررررره بريئ ..
!??ٍ??? فبيتـ عايشه (ام نايف) ??????
كانت هيفا وتهاني جالسين بالحديقه يسولفون .. ومره منسجمين والدنيا شوي برد يعني فيه هوا بارد .. جا نايف وراح عند مكان الرشاشات بدون ما يشوفونه وشغل الرشاشات عليهم .. وهم قاموا يصرخون ويسبوووونه .. وهو يضحك .. سكر الرشاشات وطلع غرفته وقفل على نفسه وهو يضحك .. دخلو تهاني وهيفا وكانت ثيابهم مره مبلله موووويه .. كانت عايشه تكلم بالصاله ..
عايشه : لحظه حصه .. شفيكم ..؟؟..
تهاني : يمه شفتي الخايس ولدك فتح الرشاشات علينا وحنا جالسين بالحديقه ..
عايشه : حسبي الله على بليسه .. وينه ..
هيفا : دخل يركض القرد .. والله ما اخليه ..
تهاني : خليه والله لا اعلم عليه ابوي يعلمه اصله ..
عايشه : خلاص انتم روحوا غيروا ملابسكم .. الدنيا برد لا تمرضون ..
طلعوا الثنتن يغيرون ونايف نزل عند امه وهزأته .. وجا ابوهم وجلسو .. نزلو تهاني وهيفا .. هيفا تطالع فنايف ونايف يضحك عليها من تحت لتحت عشان ما ينتبه له ابوه ويهزأه .. تهاني شافته يضحك وانقهرت منه .. بس ما تبي تقول قدام ابوها وتنكد عليه .. سكتت وتحلفت لنايف..
عبد الله : هلا والله ..
البنات : هلا بك ..
عبد الله : وش هالزين كله ..
هيفا : فديتك يبه تقصدني .. يالبى قلبك والله ..
نايف : شف الواااااثقه ..
عبد الله : من حقها توثق مو هيفا ..
هيفا : خخخخخخخخخ لقط لقط .. فديتك يبه ..
جلسوا وقامت تهاني تصب لابوها شاهي ..
عبد الله : تسلمين .. وين تبون تسافرون هالسنه ..
هيفا : نبي نروح بريطانيا ..
تهاني : لا نبي فرنسا ..
نايف : انا ابي امريكا ..
عايشه : خلاص كل واحد يروح مكان وانا وابوكم بنروح الصين ..
هيفا : لا يمه تكفون .. بعدين ترجعون لنا عيونكم ممغطه ..
عايشه : ههههههههههههههههههههه .. وش اسوي فيكم كل واحد يبي مكان ..
عبد الله : وش رايكم نروح استراليا .. يمدحونها ..
تهاني : اوكي ..
نايف : مو مشكله ..
هيفا : اممممممممم .. يله استراليا استراليا ..
عبد الله : خلاص .. احجز لكم بكرا ..ولا شرايك يا ام نايف ..؟؟..
عايشه : اللي تبونه انا معكم ..
هيفا : وناسه ..
عبد الله : انت نايف .. وينك الساعه 4 العصر
نايف : مع ريان
عبد الله : ادق عليك ولا ترد ..
نايف : ايه كنت حاطه على السايلنت ..
عبد الله : ماشاء الله عليك : افرض نبيك بشي ضروري وين نحصلك ..
نايف : من الصبح وهو سايلنت ما غيرته ..
عبد الله : يا فلاحتك يا شيخ .. غيره طيب ..
نايف : ان شاء الله : "طلع الجوال وغيره على العام " كذا اوكي ..
عبد الله : ايه كذا ..
عايشه : غريبه رجعت بدري ..
نايف : ايه ريان دقت عليه امه .. حطني بالبيت وراح لها ..
عايشه : انا اقووول نايف مو من عاداته يجي بدري ..
عبد الله : من كثر ما تتأخر على بالي بتنام برى البيت ..
نايف ابتسم لهم .. وهو يدري انه بداية محاظره .. استأذن وقام منهم وراح غرفته جلس على النت ..
عايشه : بعد المغرب بروح لامي .. بتروحون ..
تهاني : انا لا ..
هيفا : ولا انا ..
عبد الله : وليه ما تروحون تشوفون جدتكم ..
هيفا : امس شايفينها يبه ..
عبد الله : حتى لو .. بكرى لين كبرتي وصرتي عجوز مثلها .. تتمنين عيالك حولك وكل يوم يطلون عليك ..
هيفا : الله يطول بأعمارنا ..
الكل : امين ..
دق جوال تهاني وطلعت بالحوش تكلم ..
تهاني : هلا وغلا والله ..
ليلى : هلا فيك يا قلبي ..
تهاني : كيفك الحين ..
ليلى : ان شاء الله احسن .. يا حبيلها نوير سوت لي كمادات ..
تهاني : فديتها .. وان شاء الله احسن بعد الكمادات ..
ليلى : الحمد لله ..
تهاني : دوووووم ان شاء الله ..
ليلى : يسلموووووو
تهاني : اقولك .. ابوي بيروح يحجز لنا بكرى على استراليا ..
ليلى : لااااااااااااااااااا
تهاني : بسم الله ليه ..؟؟..
ليلى : لا تكفين .. تونا قايلين لامي نروح مكه مع بعض ..
تهاني : الله وناسه .. ابروح اقول لاهلي وارجع اكلمك ..
ليلى : استني ما صار شي لين الحين ..
تهاني : يااااااااااارب .. نروح .. خلاص هونت مابي اروح استراليا ..
طلعت هيفا على تهاني : خير شفيك ..
تهاني : تخيلي .. هيووووف .. ليلى تقول انها قايله لامها اننا نروح مع بعض مكه ..
هيفا : وناااااسه .. متى طيب
ليلى : ههههههههههههههههه يا حبيلكم .. ما بعد قلنا لابوي ..
تهاني : من جدك انتي .. طيب قولوله ..
ليلى : بقول له ..
تهاني : يلا روحي قولي له ..
ليلى : ههههههههههههههههههههههههههه ابوي مو موجود طلع ..
تهاني : يووووووووووو يا خالي ما جتك الطلعه الا الحين .. مابي مابي اذا ما رحت بيجيني شي .. دخلتي براسي الفكره ..
ليلى : فدييييييتك .. اصبري بروح اقول لامي تدق على ابوي تقوله وارجع اكلمك ..
سكرت ليلى منها .. وراحت غرفة امها طقت الباب ودخلت ..
ليلى : السلام ... يبه متى جيت ..
ام وابو مشاري : وعليكم السلام ..
سليمان : توني جاي .. شلونك الحين ..
ليلى : الحمد لله بخير .. احسن من قبل ..
سليمان : الحمد لله ..
ليلى تطالع امها : يمه قلتي له ..
خلود : ايه ..
سليمان : والله روحة مكه احسن .. بس انا ما اقدر اروح .. ولا عمانك عندنا شغل مره كثير .. يعني لو رحتوا رحتوا بلحالكم مع الشباب .. وحنا يمكن بعدين نلحقكم ..
ليلى : يعني بتجون ..
سليمان : ايه اكيد .. بس توني ما بعد قلت لعمانك .. بشوف عنهم .. ولازم اكلم امي وابوي ..
خلود : ضرووووري .. اول من يروح ..
ليلى : ايه اكيييييد .. يعني خلاص اكيد بنروح ..
سليمان : ان شاء الله ..
ليلى : خلاص بروح ادق على تهاني تستناني اجيبلها الخبر ..
خلود : ماشاء الله عليك .. امداك تعلمينها ..
ليلى : لانها قالت يمكن نروح استراليا .. وقلت لها ..
سليمان : زين .. روحي قولي لها ..
راحت ليلى ودقت على تهاني وهيفا .. كانوا يستنونها وجاالسين يتذكرون الروحه اللي راحت .. ويتمنون يروحون هالسنه .. اول ما دقت ليلى .. على طول رفعتها ..
تهاني : هاه ..
ليلى : هههههههههههههههه اعصابك .. لا تطلعين علي من التلفون ..
تهاني : ليلووووه يلا عاد ..
ليلى : لا خلاص ابوي بيقول لعماني وابوي حمد بكرى .. يعني خلاص الروحه ان شاء الله شووور .. بس مع الشباب مو مع عماني ..
تهاني : عااااااادي اهم شي نروح ونفلها هناك ..
طقتها هيفا مع كتفها : رايحه تصيعين ولا تكفرين ..
تهاني : هههههههههههههه استغفر الله ..
هيفا : لا خلاص .. انا اول يوم بعتمر .. والباقي بفلها من جد .. بآآآخذ راحتي ..
ليلى : بتروح حسناتها كلها هيوووف ..
تهاني : اذا صار عندها حسنات .. استغفر الله ..
هيفا : الله يتوب علي ..
ليلى : من جد الله يتوب علينا ..
هيفا قامت : انا بروح اقول لابوي يكنسل الروحه ..
تهاني : ركض ..
هيفا : لا ..
راحت هيفا تمشي شوي شوي .. وتهاني تطالعها ..
تهاني : اسرعي شوي ..
هيفا : لاااا ..
دخلت هيفا جوا وراحت قالت لابوها وامها ..
عايشه : ومن اللي قالك ..
هيفا : ليلى توها ساأله خالي سليمان ..
عبد الله : والله حلوه الفكره .. تصير مثل روحة قبل العام ..
عايشه : ايه والله .. خلني ادق على سليمان واشوف ..
اخذت عايشه التلفون ودقت على سليمان وسألته .. وقالها .. واتفقوا .. هي دقت تقول لخواتها ..
هيفا : ياربيه الحريم ما يصدقون يلقون خبر ..
عبد الله : ههههههههههههه تراك من الحريم ..
هيفا : بس منب مثلهم ..
عبد الله : تحسبين منهم ..
هيفا : آآآآآهـ .. شف يبه لو جد بنروح مكه يبيلنا طلعات السوق ..
عبد الله : خلاص اكيد .. ماتشوفين امك استلمت التلفون وقامت تنشر الخبر ..
هيفا : بعدي والله .. اجل يبيلنا روحه بكرى السوق .. وليه بكرى الا اليوم ..
عبدالله : روحو من ماسككم ..
هيفا : طيب نروح انا وتهاني الحين ..
عبد الله : انتي وتهاني ونايف ..
هيفا : لا نايف ما نحاكيه ..
عبد الله : وليه ان شاء الله مو اخوكم ..
هيفا : بلاك ما تدري وش سوى فينا ..
عبد الله : وش سوى ..؟؟..
هيفا : تخيل يبه .. جالسين في امان الله نسولف بالحديقه انا وتهاني .. ما درينا الا فتح علينا الرشاشات .. ورطشششششنا مويه ..
عبد الله : هههههههههههههههههههه ..
هيفا : يبه ما قلت لك عشان تضحك ..
عبد الله : وش اسوي طيب .. تخيلت اشكالكم .. بس اوريه ..
هيفا : خلاص اجل مايروح معنا ..
عبد الله : لا لازم ..
هيفا : يبه يرحم امك .. تكفى ..
عبد الله : هههههههههههه كيفكم ..
سكرت عايشه ..
عبد الله : خلاص كل خواتك عرفوا ..
عايشه : تتطنز هاه ..
عبد الله : هههههههههههههههه لا والله بس من اول ما دريتي واستلمتي التلفون وتدققين على خواتك ..
عايشه : ايه .. عادي اقولهم ..
عبد الله : قوليلهم .. محد ماسكك .. الله يهديك بس ..
بعد صلاة المغرب .. ركبوا السياره كلهم بيروحون .. البنات ونايف السوق .. وعايشه لبيت امها .. وعبد الله بيوصلهم .. وبيروح يخلص له كم شغله ..
!??ٍ??? فبيتـ الجد ( ابو عبد العزيز ) ??????
كانوا جالسين .. مع فارس وعبد العزيز بالحوش .. ويسولفون .. ودخلت عليهم عايشه ..
عايشه : السلام عليكم ..
الكل : وعليكم السلام ..
سلمت على امها وابوها وجلست ..
الجده : وش عندكم اليوم عندنا ..
عايشه : ماتبينا نطلع ..
الجده : وانتي على طول تفهمين غلط .. اعوذ بالله ..
عايشه : عادي يمه نزوركم ..
الجده : امس شايفينا ..
الجد : الحين لو ما جوك تقولين محد يبيني .. واذا جو .. قلتي وش عندكم ..
الجده : ايه ابستغرب مهب من عوايدهم ..
عبد العزيز : افا يمه .. مو من عوايدنا نزورك ..
الجده : ايه انت مهب من عوايدك .. اما عيالك لا والله .. كل يوم والثاني جاييني ..
عبد العزيز : فيهم الخير .. طيب يجونك عننا ..
الجد : لا ما نبي احد يجي عنكم .. تعالو انتم ..
فارس : انا ودي اعرف الحين ليش رجعتوا البيت .. ماعجبتكم القعده عندي يعني ..
الجد : لا يا ابوي .. بس خلاص خل زوجتك تاخذ راحتها يمكن بتطلع ولا شي وحنا باليت ولا تقدر ..
فارس : افا يبه امل ما عندها هالكلام .. وين بتروح بالله .. بعدين هي تقولي اني احاول فيكم انكم ما تروحون ..
عايشه : لا والله يبه .. امل فيها الخير .. وبعدين تدرون قد ايش تغليكم ..
الجده : وانا اشهد .. بس خلاص .. بيتي مقدر استغني عنه انا ..
عبد العزيز : يلا المره الجايه عندي عاد ..
الجده : هذا اللي انا ما ابيه .. كل واحد ياخذنا مره ..
عايشه : اللي بعدها لعبد العزيز ..وبعد عبد العزيز انا ..
الجده : فتح لنا باب يا فارس ..
فارس : عادي يمه .. كل واحد دور ..
عايشه : ايه صح .. ترى سليمان يقول اننا بنروح مكه ..
عبد العزيز : متى ..؟؟..
عايشه : متى ما قررتوا ..
عبد العزيز : بس سليمان يدري اننا ما نقدر نسافر ..
عايشه : ايه نروح مع الشباب وانتم تلحقونا ..
عبد العزيز : حتى الشباب معنا بالدوام ما يقدرون ..
فارس : لا يروحون وحنا ندبر عمرنا وبعدين نلحقهم ..
عبد العزيز : بس انت تعرف يا فارس ان الحين عندنا ضغط بالشغل ..
فارس : كل يوم عندنا ضغط الله يهديك .. خل يروحون .. منها يعتمرون .. و منها يروحون شوي يفكون عن انفسهم من الدوامات ..
عايشه : اي والله ياقليبي هم ..
عبد العزيز : يبه انتم بتروحون اكيد ..
الجد : والله مدري ما ظنتي اروح ..
عايشه : ليه ؟؟ ان شاء الله انت وامي اول الراكبين ..
الجده : انا بدون ما تقولون ابروح ..
فارس : ههههههههههههه انتي الاساس يمه ..
الجده : وانت ليه ما تبي تروح .. تبي تقابل نخلك يعني ..
الجد : وش فيها نخلي بعد ..
الجده : مافيها شي وش زينها .. بس مكه احد يعافها عشان نخل ..
الجد : وانا قايل اني بجلس عشان النخل الله يهديك ..
الجده : اجل عشان ايش ..
الجد : بس كذا مزاج ..
الجده : انت وهالمزاج .. اترك عنك بس بتروح ورجلي على رجلك .. يلا يا عيال قومو احجزو لها بكرى بنمشي ..
عبد العزيز : هههههههههههههههههههه .. يمه اي بكرى .. ما يمدي .. ان شاء الله ابكلم حمد ويحجز لكم ..
فارس : خلاص انت كلم حمد .. وخل يحجز للجميع وبلغهم ان التذاكر معك ..
عبد العزيز : خلاص عشان نضمن ان الكل رايح ..
نهاية الجزء الرابع ..
وان شاء الله يعجبكم ..
انتظروي بالجزء الخامس ..
الجزء الخامس
+""+..+""+..+""+..+""+..+""+..+""+
الكل درى بسالفة السفر .. ومره استانسوا .. وكلن بدى يجهز .. وصار السفر بعد 3 ايام ..
الجده يوم قالوا لها انه بعد ثلاث ايام .. قالت انا بسبقكم وانتوا الحقونا .. فاضيه استنى ثلاث ايام انا .. لين عيالها اقنعوها ان مافيه حجز الابعد 3 ايام ..
+..+""+..+""+..+""+..+""+..+""+..+
!??ٍ??? فبيتـ عبد العزيز (ابو حمد ) ??????
كان حمد توه داخل .. واهله مجتمعين بالصاله ..
حمد : السلام عليكم ..
الكل : وعليكم السلام ..
عبد العزيز : وينك اليوم طلعت بدري ..
جلس حمد جنب فهد : عادي كنت اروح اجيب التذاكر ..
عبد العزيز : وتوك تجيبهم .. على بالي جبتهم انا ..
حمد : لا امس حجزت وقلت لهم يجهزونهم .. واخذتهم اليوم ..
عبد العزيز : زين ..
حمد : يبه فهد ما لقيت له مقعد ..
التفت فهد عليه : نعااااااام ... ان شاء الله بروح بالشحن انا ..
حمد : لا تجي من بكرى ولا مع ابوي ..
فهد : لا حبيبي .. انت اجلس انا اروح .. يا سلام ابوي ماراح يجي الا بعد يومين او 3 ايام من الروحه ..
عبد العزيز : طيب شف اذا فيه مكان بالرحله الثانيه ..
حمد : مافيه .. حنا بنروح على طيارة جده ..
عبد العزيز : طيب خلاص اجل احجز على الطايف ..
حمد : الطايف من بكرى الصبح ..
عبد العزيز : معليه اهم شي ما ينهبل اخوك ولا يصير فيه شي ..
فهد : يبااااه من زين طيارات الطايف اروح فيها .. مابي بروح معهم .. طيب ليه ما حطيتني انتظار ..
حمد : انت اساسا انتظار ..
فهد : يووووووه .. يلعن اوووم الحاله يعني ما جت الا علي ..
حمد : هو ماكان انت كانت امي لولو .. بس قلت لا جدتي متحمسه بتروح حطيتها فيك ..
فهد : يااااااسلاااااااام .. وليه ما دبستها فيك ..
حمد : ههههههههههههه انا اللي معاي التذاكر يا حبيبي ..
فهد : ياخي وش ذا النذاله اللي فيك ..
حمد : توك تدري اني نذل ..
فهد : اففففففففف يا سخفك والله ..
هدى : يبيلي طلعه اليوم السوق ..
حمد : تبيني اوديك يمه ..
هدى : ياليت والله ..
حمد : خلاص اجل ابشري العصر زين ..
هدى : خلاص .. ماتبون تتغدون ..
عبد العزيز : الا والله ذبحنا الجوع ..
قامت هدى وحطوا الغدى وتغدوا كلهم .. وبعدها راحوا ينامون .. وكان فهد جالس بالصاله مع سلطان .. سلطان جالس يلعب قيم بوي .. وفهد يطالع التلفزيون .. جتهم رغد وجلست جنب فهد .. وحط فهد يده ورا كتفها وضمها ..
فهد : تيبن شي حبيبتي ..
رغد : لا ..
فهد : والله ..
رغد : ايه ..والله ما ابي شي ..
فهد : طيب .....( يطالع سلطان ).. سلطان حبيبي شوي شوي على روحك لا تتحمس ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك