رواية تحياتي لمن دمر حياتي -16
عشان علي بعد بيقعد مع منصور إخو ميرا ودانه
ثاني يوم على الساعه 4 تقريبا ً كانوا مجهزين كل شي و يتريون أبوهم على ما يحمي السيارة واييبها تحت البيت على طول ..ثنينهم كانوا مستانسين لانه بيغيرون جو على الاقل ... و القعدة مع ميرا ودانه ما تتفوت بصرااحـــــــــــــــه !!!!
دق تلفون نورة وعرفت انه أبوها صار تحت البيت و نزلوا وهم مستانسين ......
وبالدرب الكل ساكت ..وحاطين أغاني فيروز و يسمعون .... على كل أغنية نورة كانت تغــــــص ... كل هالغاني لها ذكريات ...يوم ساروا دبي ..والعيــــــن ... يوم عيد ميلادها ..... ببساطة كانت عايشة على الذكريـــــــات !!
{ سألتك حبيبي لوين رايحين ,, خلينا خلينا تجمعنــــــا السنيـــــــن .... }
نورة تكلم عمرها .....: آآآآآآه على هالأغنية ...أحسها تشبعني بالحزن ....والله ملــــــــيت ...مليــــت ..مليـــــت ......
علي :نورة نورة وصلنا !!!!!
نورة انصدمت وتمت تطالع حوالينها !!! { غريبه كيف وصلنا بهالسرعه ؟؟؟ ما حسيت على الوقت أبدا ً ....... وناااسة الحين بشوف ميرا ودااااااااانه !!!!! } ....
نورة : يالله عليييييو نزل الشنط معاي ....
علي: انزين هاتي اللي بإيدج ...
نورة: خذها ... والثانية بعد .......يالله يبه توصي شي ؟؟
أبوها: انتبهي على اخوج اوكي ؟؟
نورة: ان شاء الله .....يالله سلاااااام
وطلعوا على البيت ركـــــــــــــــــــــــ ــــــــض !!!!!!
و دقوا الجرس ...فتحت خالتها ...
خالتها: يا هلا والله .. نور البيت ...(و سلمت عليها )
نورة: هلا فيج ...منور باصحاابه والله ...
خالتها: شحاالها امج وشخبارها ؟؟؟
نورة: تسلم عليج خالتي ...
خالتها: يالله دشي بسرعه ميرا فووووق ...
نورة: اوكي الحين أروح لهااا ..
و هي طالعه فالطري تلاقت مع ميرا ..... وصاروا ثنتينهم يناقزون نفس الميانيييين ....
و مليووووووون كلمة وحشتيني صارت تتردد بالمكاااااااان .....
ميرا: يا حمااااااارة يا دبه اشتقت لج !!!
نورة: انتي الحمارة ..اشتقت لج أكثر ...الا وين دانووووه ؟؟
ميرا: بنروح نييبها من عند ربيعتها الحيـــــــــن ....
نورة: اوكييييييك ... المهم تعالي نطلع فوق و نسولف على ما تلبسين ونروح لهااا ...
ميرا : تعالي يالله ......بقولج على سالفة خطيـــــــــرة ....
دشوا الغرفة وصكوا الباب .... و يلست نورة و بدت ميرا تحكي لها .....
ميرا : تحيدين اللي قلنالج عنه كل فترة ايي و يتريانا تحت و كل مكان نروحه نشوفه اهو و ربيعه .....صارله سنتين يلاحقنا وكل مرة يكلم دانووه ويسمعها كلام وهي ما ترد عليـــــــــــه ..
تخيلي سنتين على هالحالـــــــــــه ...!!!
نورة: انزين هي ليش ما هزاته و غسلت شراعه بعــــد ؟؟؟
ميرا: ما تقدر تقول شي ..يعرف كل شي عنا من الزفته ربيعتنا منى اللي مخبرته كل شي ..أصلا تهاوشنا وياها على هالسالفة و من زمان ما نكلمها ...
نورة: شو هالرعب اللي انتوا فيــــــــــه؟؟
ميرا: بالعكس صار الموضوع عادي,,حتى هو كل ما نشوفه فالمول يرفع لنا يده ويسلم علينا ...
نورة: ههههههههههههههههههههههههه ه
ميرا: حتى نحن نسوي شرااتج ..نضحك بس !!!
نورة: والله انتوا حاااااله .....المهم يالله خلصتي ؟؟
ميرا: هيــــــــه يالله ننزل....
و هم نازلين على الدري : يمه نحن بنروح اوكي ؟؟؟
نورة: بيتها بعيد ؟؟
ميرا: لااا الشارع اللي ورانا ....
و مشوا في الشارع وهم يسولفون .. وطبعا سيارات رايحة رادة .. والكل يطالع ويغازل واللي يقط رقمه يعني حاالـــــــــــــــــــــ ـــــه !!!
وصلوا أخيرا لبيت البنية ...بعد جهد جهيــــد طبعا ً ..و لقوا الباب مفتوووح ..
و داخل إزعاااااااااااااااااااااا ااج ....
يحاولون يدقون الجرس بس ماحد يسمع من الأصوات اللي داخـــل ....
نورة: وليــــــــــه الحين من بيسمعنا ؟؟؟
و فجأة شافوا بنية صغيرة مارة من عند الباب ....و على طووووووول
ميرا: دندوووووون تعااالي حبيبتي ....
دانه: نعـــــم ؟؟
ميرا : قلبي نبي دانه اختي من داخل
دانه: دشوا عندهم هم داخل ...
نورة: خلاص اوكي ...
وخذتهم لهم ...
ودشوا الغرفـــــــــه اللي كان أنواع التجمعات اللي فيها .. الصغارية و ربيعات دانه ميرا و الكل يسولف ويضحك ..إزعااااااااااااااااااج !!!!
نورة: هااااي ....
الكل: هاااااي
دانه(ركضت لعندها ) : نووووووووووورة !!!!!!
نورة: ههههههههههه surprise !!
دانه: هذي سارة و مهـــــا و فطوووم ...ربيعاتنا
نورة: هاااي ...
سارة: هلا والله ... تعالوا دشوا
ميرا: اوكي بس ما نبي نتأخر ....
و قعدوا كلهم يسولفون وانتقلوا لموضوع المدارس والبويات .....
دانه: ترى نورة خبرة بهالمواضيـــــــع
سارة: والله اتعرفين بويات ؟؟
نورة: مب كلهم ..يعني منهم سامعة عنهم بس ..حبيبتج شو اسمها ؟؟
سارة: سلطوووون ..
الكل: ههههههههههههههه
نورة الاسم الأنثوي يالحلوة ...
سارة: هييييه ..علياء ..هي قوم دبي
نورة: اممم ما اعرفها والله ...
ميرا : المهم يالله ترا تاخرنــــــا
دانه: خلاص بنات يالله سي يوو
الكل: بااااااي ...
وطلعوا وصلوهم لعند الباب و وودعوهم لأنه مها وسارة بيسافرون بعد كم يوم
:::::::::::::::::
ردو البيت وهم متحمسين لسهرة اليوووم ... وبدوا يقولون لها كل اللي يصير وياهم بالتفصيـــــــــــل و من الحماسة الكل يرمس بوقت وااااحد ولا احد فاهم شي أصلا ...
نورة: هيييييييييي انتي وهي وحدة تتكلم مب فاهمة شي
ميرا : ههههههههههههههههههههههههه ه
دانه: أنا بكمل وانتي اضحكي
نورة: انزين يالله ............................
و طلعوا للغرفة و هم بعدهم مكملين سوالف .... وحطوا الشوكليت والعصير وكل شي و بدوا سواااالف ... حكولها عن كل شي .. وهي قالت لهم عن القصص اللي كانت قاريتها ..قصص الدكتورة ناعمة الهاشمي ... والروايات .... وعطتهم شوية نصايح ومواعظ ....
كانوا ما يملون من كلامها و قصصها ..... حكتلهم شوي عن ماضيها و اللي كان يصير وياها ..موزة و البنات والمدرسة ... و هم قالولها عن آخر السنه و بنات مدرستهم ....
نورة: سمعيني انتي وهي ...الساعه 7 وأنا تعبت .. نكمل باجر ....
ميرا: لاااااااااااااااا
نورة: جـــــــــــــب !!! يالله لازم نرقد ...
دانه: انزين .. يالله تصبحين على خير ...
نورة: وانتي من أهله
\\//
قاموا ثاني يوم على الساعه 4 العصر ..صلت الظهر والعصر و راحت يلست وياهم في الصالة...كلام و سوالف ويا خالاتها وميرا ودانه ... تعلمهم طبخ على شوية سوالف عن زماااااااااان يعني تدروووون ....
نزلوا تحت على المغربيات تقريبا ً .. كانوا يتمشون عدال بيتهم ...والسيارات رايحة رادة و هم ما عطوا أحد فيس ..واللي وقف لهم فترة و قاعد في السيارة ..الوضع ما كان مريح بالمرة ... نزلت لهم ميرا بعد شوي .. و مشت معهم ..
شوي ولا تدش سيارة و ماشي بســــــــــــــــــــرعه و يلف و يفحط .. هم ماتوا رعب ..عمرهم ما شافوا صدق الا في الفلام واليوتيوب ... والأخ مب راضي يتزحزح من مكانه وقف لهم من بعيد .... نورة طق فيها العرج المينون ...و دانه خايفة .....
دانه: خل نمشي من اهني .....
ميرا: بسرعه واللي يسلمكم ...واااايد خايفة ...
يمشون و هو مصر انه يمر من وراهم .. ويلف جدامهم .. وكم مرة راحت ميرووه تموت لو نورة ما مسكتها و بعدتها من طريقه .....
راحوا بسرعه على البيت وهم يمشون بسرعه ..ما يبونه يعرف بيتهم ولا شي .... و اللي سهل الموضوع انه راحوا لمنطقة حيوية شوي وفيها نااااس ..
ميرا: الله ياخذه ان شاء الله
نورة: آميييييييين .. الحيوان .. كم مرة تعمد ايي بويهنا
دانه: ما عليكم منه ... خلاص راح ....
نورة: أحســــــــــــــــن ....
دانه: انزين خل نطلع البيت و نسوي أي شي هناك ...
نورة: والله مليت من البيت!!!
دانه: أدري بس شو نسوي ؟؟؟ تعالي احكي لنا شوية قصص ثانية ترى واااايــــــــد حلوة ...
نورة: خلاص اوكي ..
و قعدت تحكي لهم .. القصص اللي قرتها والمواقف اللي كانت تصير لها في هالدنيا ... بس بعد شوي صدق ملت وتعبت من كثر الكلام ...
نورة: ميرووووووه تعبت وأنا اتكلم ..خلنا نروح شوي نيلس على المســــــن
ميرا: تعالي ....
نورة: دانوه بتيين ولا ؟؟
دانه: بعد شوي ....
و راحوا على اللاب .. بطلوا المسن و قعدت تعلمها على شغلات وحركات .. و فتحت نورة الفيس بوك مالها ...و قعدت تقرا وااايد أشاء وتعليقات على اللي كاتبينه ربعها ... وبينما هي تقرا شافت شي كانت كاتبته هند ...{ ليش يالزمن كانت الفرقا نصيبي ... مالنا ذنب يا قلبي في اللي صار ..........} و كلام كلام واااااااااايد .. نورة ما قدرت تقراه وتكمل .. لأنها فعلا ً ما كانت قادرة تشوف شي ..خيم السواد على أفكارها ..... و عيونها .... كل اللي تشوفه أول جملة ....
الحين عرفت اللي كان غامض بالنسبة لها .. الحين درت ليش هند تركتها ... في أحد ثاني بحياتها !!!!!
ميرا: نورة شفيج ساكته ؟؟؟
نورة : هاا ؟؟ لاا ما شي ... بس أفكر كيف أحذف الناس من الفرندز ليست ...
ميرا: ليش ؟؟
نورة : لأنه في شي كان لازم أسويه من زمااااااااان بس الحين ان شاء الله بنفذه
و راحت لليست .. ويت عند اسم هند .. و طقت ديليت !!!!!
و ردت لغرفة دانه وميرا بروحها ...وهي متضااااايقه من اللي صار ... عرفت وفهمت كل شي أخيرا ً .... راحت على طول وبدت ترمس شمووه و قالت لها كل شي ..وهذيك بدت فيها البراءة { يمكن كاتبته عشانج } !!!! { شموووووووووه لا تخليني أعصب الحين !! لو تبيني ما خلتني من الأول .. و تعرف رقمي !! }
صكت عنها بعد ما استسلمت ... ما شي فايدة من هالحوار .. هي قلبها قاعد يتكسر الحين ... مع انها كانت شاكة من قبل بس الحيـــــــــن غيــــــــر ....
وراحت لفونها.. وسمعت أغنية إذا ناوي اللي نزلتها لها ميرا البارحة .... ودخلت في حالة الحزن مرة ثانية
أذا ناوي تروح .. أبفهم وين أروح
تخليني أعيش بعدك بألم وجروح ..
وإذا عني مشيت .. وإذا غيري لقيت ..
منو غيرك أنا بلقى يا روح الروح ..
يعني ترضاها علي ..تترك إيدينك إيدي
تنسى من عايش عشانك كان ميت و حي
طمني عليك إذا ..حسيت بأي أذى
بتلقاني معا قلبك إذا بكى
منو يحس فيني أنا ..إذا ذقت العنا
منو يداري قلبي بيوم إذا شكى
يعني ما أشوفك بعد .. ولا أسمع صوتك أبد ..
و لو ضاقت علي دنياي ..مالي غيرك أي أحد
واذا نويت تعشق تحب ثاني ..أمانه لا تنساني ..إني أحبك موووووت ...........
ميرا من بعيـــــــــد : نووووووورااا تعالي شووووفي
نورة راحت لهم وهي حالتها بالويل بس ما حبي تضايقهم معاها ..: هاااا شتبين ؟؟
ميرا: تعالي شوفي مايكل جاكسون يوم يغني ومترجمين الأغنية ..هههههههههههه
و قعدت تشوف معاها .. وهي تضحك بس مب من قلبها .. تجاملها بـــــــــس ...
بعدها دانه أصرت انه نورة اتيي وتحكي لها رواية ثانية .. وكانت هذي فرصة نورة عشان تنسى حزنها ... و تمت تسولف تسولفو تتكلم بدون ما تفكر بأي شي ثااااني .....
::::::::::::::::::::::::::::::::::
ثاني يوم قاموا متأخرين بعد السهرة اللي سهروها البارحة مع قصة (اللي يبينا عيت النفس تبيه و اللي نبيه عيا البخت لا يجيبه ) اللي قعدت نورة تحكيها لهم بالتفاصيـــــــــــــــــ ل و هم متشوقين يبون يعرفون النهايـــــــــــــة ...
كانوا ناويين اليوم انه يطلعون على الموول ...و أكيد بيكون وناسة يعني ناس وحركة غير عن الوحدة اللي قعدت فيها شهوووور طويلــــــــــة
على الساعه 4 تقريبا ً دقت عليها مريووم
مريم: هااااااي
نورة: هلااااا والله
مريم: ها شخبااار ؟؟
نورة: الحمدلله ...انتي شو صار وياج عند الدكتور ؟؟
مريم :ما شي يقول في التهاب بسيط وعطاني أدوية و بس
نورة: سلامات سلامات
مريم: الله يسلمج ...اقولج ..اليوم بنطلع انا ومحمد عشان نشوف خالوو ترى من زمان مب شايفينها عيب ...
نورة: أها ..خلاص أنا بخبرها ..
مريم: و يمكن ناخذج ويانا ...
نورة: ( ما عجبها الكلام بس مشت وياها) بشوف ...
مريم: خلاص يالله سلمي ...
نورة: اوكي باااااي ...
مريم: باي ....
ردت حق ميرا ودانــــــــــه و قالت لهم عن اللي صار ... وردوا حق لبسهم و قعدوا يتجهزون عشان يطلعون .. وكل وحدة تعدل لبس الثانية و يشوفون الاكسسوارات ..تدرون يعني بنات ...
ميرا: اووووووووووف الساعه بعدها 6:30 !!
دانه: حلفي !! أمي قايلة 8 بنطلع
نورة: اوووووف والله ملل ...
دانه: الله يعين ... يلسوا ودقوا سوالف بيمر الوقت ....
ميرا: ان شاء الله ..
و فعلا ً بدوا يسولفون و يتكلمون .. ربعهم والسفر والملل والاجازة و ضيوفهم
دق فون نورة و عرفت انه أبوها ....قامت على طووول عشان ترد عليه
نورة: ألوووو
أبوها: هلا بنيتي ...شحااالج ؟؟
نورة: بخير يبه ...
أبوها : وعلي شحاله ؟؟
نورة: بخير ..يلعب ويا منصور ...
أبوها: انزين ... سمعي بعد شوي مريم ومحمد بييون العين فردوا البيت معاهم اوكي ؟؟؟
نورة(انصدمت ) : اوكي ...
أبوها: يالله نترياكم ..
نورة: ان شاء الله ....
و صكت الخط ولونها مخطووف .....و بنفس اللحظة دشت دانه
دانه: نورة شفيج ؟؟؟
نورة: هااا ؟؟ ما شي
ميرا: شوفي ويهج كيف أصفر
نورة: (راحت عند المنظرة ) هـــيه ... لاا بس عادي يمكن بردانه ولا شي
ميرا: شقالج أبوج
نورة:(سكتت ) ...مريم وريلها بيوون بعد شوي و بنسير البيت معااهم ..
ميرا: شوووووووووووووووووووووووو و ؟؟؟
دانه: تو الناس ..ما قعدتي عندنا !!!!
ميرا: لج يومين بس !!
نورة: أدري .....(فكرت شوي )خل أتصل على علي يجهز أغراضه
راحت تجهز أغراضها بعــــــــــــــد ... كانت واااااااايد مقهورة بس مب مبين عليها ....تمشي وتروح واتيي و تلم أغراضها ... وعلي دش من برع وبدا يجهز هو بعد ......
دشت خالتها عشان تشوف لو خلصوا ولا لأ .......
خالتها: ها نورة خلصتوا ؟؟؟
ميرا: يمه نورة بترد البيت
خالتها : ؟؟؟؟؟؟؟؟؟؟؟؟؟؟؟ شو مسويين لها ؟؟
نورة: ههههههههههههههههههههههههه ههههههههه لااا حرام هههههههههههه ما سوو شي ...
خالتها: عيل شو ؟؟
نورة: ما أدري ابوي دق علي وقال ردي البيت وياهم
خالتها: ما صارلج يوم عندنا ...
نورة: عاادي والله .. المهم شفتكم و يلست وياكم
خالتها: المهم يالله خل نطلع قبل لا اييون ...
نورة: أنا بنزل ويا خالووه وانتوا لحقونا ...
ميرا: اوكي ....
نزلت وياها ... ويلسوا يتريونهم في السيارة .. ويسولفون شوي عن الدراسة و رمضــــــــان .....
و لا فجأة دقت مريم و تقول انهم وصلوا !!!!!!!
نورة اهني راح لونها صدق هالمرة .. بعدهم ما اطلعوا !!!!
ولا طلعت الإخت تمزح وياها .... الله يهداها هذا مزح ؟؟!!!
تمت كل الطلعة متنكدة .... و مب قادرة تركز على أي شي يقولونه .. هي مب راضيه على انها ترد البيت بس ما تبي تسوي مشاكل ويا أبوها لأنها تعرف أنه عصبي ....
نزلت خالتها تشوف شي على السريع و ترد مرة ثانية عشان تاخذهم الملو ...و بينما هم في السيارة ...دقت لها امها وكلمتها ....
أمها: هلاا نورة ..شخباارج ؟؟
نورة: تمام ...
أمها: سمعي حنوون تبي تكلمج ...
نورة: هاتيها ...ها حنووون ؟؟
حنوون: نورة انتي دقيتي على مريم وقلتي لها تعالي اخذيني ؟؟
نورة: لأ ... أبوي دق علي وقالي ردي وياهم ..
حنوون: وهي جيه على كيفها (و بدت تصارخ ) ليش يعني الدنيا كلها متمحورة حوالينها وبــــــــــــــس !!سألتج تردين البيت ولا لأ ..... أنا الحين أروايها باااي باي ...
نورة : الله يهداها بس ... عصبت
دانه: شصاير ؟؟
نورة: حنون معصبه لأنه مريم تصرفت على كيفها و بتيي تاخذني ..وما سألتني حتى لو أبي أسير ولا لأ
ميرا: هيه لأنه مب على كيفها .....
شوي ودقت مريم ... وتصارخ .. وتصيــــــــــــــح ..(وانتي اللي دقيتي حق حنان وقلتي لها ) و ما عطت نورة أي فرصة انها ترمس .. راحت نورة و صكت الخط في ويهها ..... و حنان نفس الشي ... و نورة عصبت وتنرفزت واايد منها ....
ردت خالتها السيارة ومعاها الأغراض ......: نورة شفيج معصبة ؟؟؟
نورة : حنون عصبت على مريم وصكت الخط في ويهها لأنها تصرفت على كيفها وما خذت رأيي ..و أنا بعد صكيت الخط في ويهها يالسة تصيح وتصارخ ....
خالتها: الله يهداها هي الثانية لازم تسوي مشكلة يعني
نورة: أنا ما أبي أسوي مشاكل ويا أبوي ...
خالتها: أدري والله ...خلاص اهدي و انسي كل شي ...طالعين نستانس .....
وصلوا للمول اللي شافوا فيه أنواع الزحمة ...وناس وأصوات ومهرجانات ومحد عارف يمشي عدل ... و طبعا ً الشباب اللي يطالع واللي يرقم .... و نورة متضايــــــقة من الموضوع و بالها مب وياهم أبـــــــــــــد ..
كل شوي تكلم أمها عشان تعرف شو صار ...
{ يمه ما بسير وياهم .. ما أبي أسمع أي كلمة منهم مب طايقنهم الاثنين ...كلمي أبوي وقوليله اوكي .....}
خالتها: نورة حبيبتي خلاص اكسري الشر و لاتزيدين المشكلة ....
نورة: خالووه خلاص أنا اكتفيت من اللي تسويه كل يوم والثاني ....حتى طلعتي ما تهنيت فيها ..
و ميرا ودانه يهدونها ..وهي مقهوورة خلااااااص ...مب قادرة تستحمل أي شي .. اللي فيها يكفيها ...
قضتها على الفون .. شوي تكلم امها وشوي حنان و ترد حق أمها ..و مريم تطرش مسجات و تتكلم كلاام كلاام كلاام .... و نورة ما ترد .. آخر شي طرشت لها مسج انه ما بييون خلاص .... !!!
يعني كل هالمشكلة و الصراخ وآخر شي ما بييون !!!!
ردت كلمت أبوها وقالت له انهم ما بييون و فكت عمرها من كل هالسالفة ....
قعدوا شوي بعدين ردوا البيت عشان ما يروح عليهم مسلسل كانوا متابعينه .....
و هي بعدها مقهورة من اللي صار بس ما تقدر تسوي شي ...
والله حاله .. مكتوب لها ما تتهنى بولا شي تسويــــــــــــــه .. مسكينه ...
{ رضينا بالهم ,,
والهم ما رضى فينا !!! }
[ في البيت ]
كانت نورة يالسة بروحها و ضاربة بووز محترم .. أول شي ملل ..و ما يلست على النت صارلها مدة ... و ما في شي يسوونـــــه ... خاطرها تيلس ويا ميرا بس ما عندها شي تقولها ياه ... يعني من كلــــــــه !!
دشت عليها ميرا وشافتها شوي متضايـــــقه ....
ميرا: نورة يالله عاد بسج زعل
نورة: خلااص اوكي ..بس عشانج تراا !!
ميرا: ههههههههه يا حظي يا حظي
نورة: ههههههه تعالي خل نقعد بالمطبخ ....
و نزلوا تحت و يلسوا بروحهم في المطبخ .... و سوولهم شي ياكلونه و قعدوا يسولفون ......
نورة: أحسها بتكون سخيفة نفس هالسنه ..
ميرا: حتى نحن .. مدرسة ما نعرف فيها أحد !!
نورة: أذكر أول يوم في الثانوية ..كنا نفس الضايعين .بعدها تعودنــــــأ ..و صرنا نعرف بعض ....
ميرا: كنتي تعرفين كل المجمع وياج صح ؟؟
نورة: أهااا ..بس كلهم تغيروا الحين
ميرا: يوم سرتوا المدرسة اليديدة ؟؟
نورة: يس ... ما أدري شو السالفة والله بس ماحد مرتاااح ...
(دشت عليهم دانـــــه ) : هاااا شو تسوون بدوني ؟؟
نورة: نسووووووولف ...تعالي قعدي معانا
دانه: انزين ... يالله كملوا شو كنتوا تقولون ...
ميرا: كنا نسولف عن ربيعات نورة و السكول اليديدة
دانه: قرف صـــــح ؟؟
نورة: واااااااااااااااايـــــــ ــــد !!!
دانــــه: نحن الصراحة ربيعاتنا نااايس
نورة: هيه حبيبتي ..اتريي للسنه الياية وبعدها خبريني ...
دانه: خخخخخخخخ اللي ما يسمع كلام نورة ........
نورة : يدوســـــون علـــــيه !!!
ميرا: خخخخخخ فوزية الدريع
نورة: شو تتطنزين يعني ؟؟
ميرا: لــــه !! من قاااااال
نورة: حسبــــــــــت ....
دانه: بسكم انتي وهي .. نورة خبريني عن أول يوم لج فالثانوية
نورة: آآآآآآآآآآآه .. بتقلبين المواجع ترا
ميرا: لالااااا ما نبي مواجع الحين
نورة: هههههههه من عيوني .....أول يوم سرنا المدرسة و نحنا ما نعرف شي ...ضايعين ..ندور من مكان لمكان ..بس اللي سهل الموضوع انه مجمعات مب نفس هالسنه ..
ميرا: ليش انتوا مب مجمعات
نورة: لاا يالحلوة .. الستايل الجديم ..كل صف بروحه .... هو مجمع بس مب مسكر ومكيف ... في الهواء الطلق !!!
دانــــــــــه: هههههههههه تعابيرج تموت من الضحك
نورة: هههههههههههههههههه ...... هالسنه يلست نص ساعه أدور صفي بس .. والغباء طلع كله ..ما كنا ندري انه فوق و لفينا من عند المنطقة مرتين ..مرتين !!!!!!!!!
ميرا: ههههههههههههههه الحر يسوي بلاوي تراااا
نورة: هيــــه والله ... المهم انتوا قولولي خايفين من الثانوية ؟؟؟؟
دانه: واااايد
ميرا: بس البنات كلهم نعرفهم من زمااان .. المشكلة انه البنات الزبالة اللي افتكينا منهم ردينا لهم الحين
نورة: ما عليكم منهم ..... عليكم بربيعاتكم وبس
دانه: الله يعين بس .....
ميرا: تدرين نورة انه أول يوم بنروح السكول مالت الاعدادي ؟؟
نورة: امممممممم ..ليش ؟؟؟
دانه: يصفونا طابور وعقب يودونا بباص
نورة : المدرستين عدال بعض ..في امبينهم سور بس ..صح ؟؟؟
دانه: أهـــــــــا ...بس هم جيـــــه
نورة: ههههههههههههههههههههههههه ههههههههههههههااااااااااا اي
ههههههههههههههههههههه
خخخخخخخخخخخخخخخخخخخخخخخخخ خخخخخ ...آه آه ...ههههههههههههههههههههههه
ميراو دانه: هههههههههههههه شفيج ؟؟؟
نورة: ما أدري ...ههههههههههههههههه ..باااااص هههههههههههههههههههه
ميرا: هههههههههههههههههه أدري الموضوع غبي بس هم جيــــــــــــه
نورة :خخخخخخخخخ لاا الصراحة إبداااااااااااع .......
دانه: بسج ضحك عورتي رااااااسي !!!!
نورة: سوري ... هههههه .. (طالعت فيها دانه بنظرة) خلاص والله سوري ها سكت ......والله سكت خلااااااص!!!
دانه: انزيــــــــــن ...
:::::::::::::::::::
ثاني يوم دقت لها أمها من الصبح ..وقالت لها تجهز أغراضها عشان اييون ياخذونهم ..
طبعا ً هي ما اعترضت لأنها ما استانست من أول ما راحت ..صدق نكدوا عليها ....
راحت و جهزت الشنط و كل شي و ردت يلست مع ميروووووه .....
نورة : ميرا شعرج رووعـــــه
ميرا (طالعت في المنظرة و عدلت شعرها ) : والله ..ثاانكس
نورة: حلو لونه و قصته ...
ميرا: بقصره أكثر بس صبري لأول المدرسة ....
نورة: ميروووه لا تكونين بتحولين بويــــــة ؟؟؟
ميرا: بس حركة ....
نورة: يالخبلـــــــــــــــــــ ــــــــــــة !!!!! كيف يعني بس حركة ....
ميرا: يعني بس بالسكول
نورة: ما يصير .... شوي شوي بتبدين تحولين من داخل ...
ميرا : لأ ..
نورة: كيفج !!
نورة : يالخبلة بتكونين ملعونه ... ملعونه ... والواحد يا يدش النار على شي يستاهل أو من أولها ما يدش ....
ميرا: صدقيني بس حركـــــــة ..
نورة: انزين كيفج بس أنا أقولج يعني .....
(دشت دانه الغرفة فجأة و مرة وحدة صارخــــــــت ): ماما بتطلعنا اليووووووم !!!!!
ميرا: اهدي اهدي ... اوكي ...بس وين بنسير ؟؟
دانه: ما أدري .....
نورة: بس أنا برد البيت اليوووم ...
ميرا: ياخي يالله عااااااااااد
نورة: أنا شو يخصني ؟؟
دانه: مستحيل ايوون الحين
نورة: ما في شي مستحيل .. كل شي ممكن !!!
ميرا: فوزية بســــــــــج
نورة: انزين .. أنا بتريا يتصلون فيني ....
دانه: اوكي ... بس أنا أقولج ما بيوون
نورة: والله ما احد يدري
ميرا: المهم يالله تعالوا نتغدى أول شي عقب نرد نسولف أو نطلع أو شي
نورة: ما لي نفس بس يالله ....
وراحوا ياكلون لأنه ميرا كانت ميته من الجووووووووع و دانه بعـــــــــد ... كانوا وايد مستانسين باليلسة معاها و هي بعد .. فعلا ً تحبهم و ما تقدر تستغني عنهم ..
و شعور انها بتفقدهم كان يشل تفكيرها ...تغــــــــــــص و ما تقدر تفكر بأي شي ثاني .. وتتضخم بالحزن
نفس ايوم اتصلت فيها أمها و قالت لها انهم ما بييون اليوم .... على قد ما فرحت .. بس بنفس الوقت اتضايقت ..لأنه خلاص يعني مصخوها كل يوم والثاني تعالي لأ لا اتيين .... تعب أعصاب على الفاضي ....
جهزوا أعمارهم و لبسوا ونزلت هي ودانه تحت .. نفس المكان اللي راحوه ذاك اليوم .. وتمشوا شوي ...و سولفت لها عن فطوم اللي كانت معجبه فيها بالسكوووول ..شكت لها عن ربيعاتها وكيف انهم ما كانوا يفهمونها ..والكل اتحر انها تحبها بس هي ما كانت تحبها ....
نورة: كلنا نبي اهتمام واعرف هالشعور عدل دانوووه .. نفس الشي صار وياي ..ربيعاتي كانوا نفس الشي .. فطوم كانت دوم تقول انتي ليش تخفين مشاعرج الحقيقية ..تتصرفين شي وتقولين شي ثاني ... وأنا ما كنت أحبها وربي .. أبي اهتمام بس .....
دقت ميرا حق دانه و خبرتها انهم اييبون ماااي و يتريونهم تحت ....
وفعلا راحوا عشان اييبون ماي ... و دشوا بصراع ثاني ..يسألون وما احد يعرف وين وكل واحد يدلهم مكان غير عن الثاني ....غير اللي كان يلاحق دانه و يطالعها ... نورة صدق عصبت يعني مب وقتــــــــــــه أبد .. وتأخروا ... وحالــــــــــــــــــه ...
آخر شي سارت نورة وخبرت واحد من اللي يشتغلون انه اييب لها غرشتين ماي الحين الحين !! وتحت التهديد راح ويابلها ماي من تحت الأرض .... دفعت هي ودانه و ساروا صوب البيت و اتريووهم تحت ....
وقفوا عدال السيارة و شوي ولا كلهم يايين ..
ميرا: هاا نوروو يبتوا الماي ؟؟
نورة: بعد جهد جهيــــــــــــــد ..هيه ..
خالتها: يالله ركبوا يالحلوين ...
و حركت باتجاه المكان اللي كانت ناوية توديهم عليـــــــــــه .... وراحت خذت لهم عشـــــــــاء عشان بالمرة يتعشون ويردون البيت بس يرقدون ....
ووصلوا لباب الحديقة ..... طبعا ً ميروووه ما عجبها الوضع لأنها تكره هالحديقة .. وبدت تبوز ... أصلا هي كانت تعبانه عشان جيه ما لها خلق تسوي شي ...
دانووه عادي مب فارق معاها .. المهم انهم برع البيت وخلاص ... دشوه وقعدوا .. المكان كان هادي .. والجو حلو مع انه صيف وحر بس يومها كان ما شي حاله ..
و طبعا ً السوالف اللي مالهم غنى عنها ..و تعشوا وخلصوا عشان اللي يبي يتمشى يتمشى ..واللي يلعب يلعب ...طبعا عليوي و منصور راحوا للعب .. و دانه ونورة راحوا يتمشون عشان تراويها الحديقة ...و بقت ميرا و خالتها يالسين لأنه ما فيهم حيـــــل يروحون معاهم ....
كان في شله على السكيت و هم صغار يعني الواحد ما يتعدى 15 سنه بس عليهم غروور مب طبيعي .... نورة انقهرت منهم وايد ..يعني شلة مفاعيص و مغترين بعمرهم بعد ؟؟!!
نورة: اوووووووووف شفيه هذا كل شوي يلف من عندنا ...؟؟
دانه: هههههه عيسى يتحرى كل الناس تموت عليه ..
نورة: اسمه عيسى .... غوووووود ..
دانه: لو تشوفين يوم كنا انيي نحن وربيعاتنا .... يتمون يروحون واييون و كلام و حركاااااااات
نورة: مفاعيـــــــــــص ..
و تموا يمشون وكل شوي يمرون من عند منصور وعلي عشان يتطمنون عليهم ...
و يسولفون وهم عدال الماي وتحكي لها شو كان يصير في الشتاء ....
ولا نورة شافت منظر يموت من الضحك .. ولد وبنية واقفين وهو يعطيها وردة وهي طاااااااااااااااااااااف ...... وقفت و ما مسكت أعصابها ..... { ههههههههههههههههههههههههه ههههههه شوفيهم كيف ههههههههههههههههههه آآآآخ يا ربي ... هف ..هف ..هههههههههههه }
ولا فجاة سمعت أحد يقول لها { إنتي ................ } و راح بعيد عنها .....
هي رفعت راسها لقته عيسى ....
دانه: شو اللي توه صاار ؟؟
نورة: والله ما أدري .. واقفة وأضحك سمعته يقولي انتي ...... وراح
دانه: يعني كلمج ؟؟
نورة: لااا لاا شكله يغني ... يألف اعنية راب يديدة ...
دانه: اها ..اوكي ..
و ردوا يتمشون .. وكل شوي ايي واحد و يقط الرقم .. ولا يطالع .. ولا يرمسهم ويبي يتعرف .... والوضع ما كان مريح أبدا ً ..بس دانه متعودة عادي ....نورة اللي كانت متضايقة لأنها ما تطلع وايد وحتى يوم تطلع ما احد يكلمها ....
شوي ولا دقت لهم ميرا وقالت لهم ايوون عشانهم خلاص بيسيرون البيت ...و فعلا ً راحوا لموا أغراضهم وردوا البيت ...
[وفي البيت ]
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك