رواية تحياتي لمن دمر حياتي -17
شوي ولا دقت لهم ميرا وقالت لهم ايوون عشانهم خلاص بيسيرون البيت ...و فعلا ً راحوا لموا أغراضهم وردوا البيت ...
[وفي البيت ]
كانوا يالسين وهم زعلانين لأنه نورة بترد بيتهم باجر ... حتى هي كانت متضايقة ..الله يعلم بتشوفهم بعدين ولا لأ ...كانوا يحاولون يعوضون عن كل الأيام اللي راحت وما شافوا بعض فيها ... وكل الأيام اللي بتيي و ما بيشوفون بعض فيها .....
وسهروا سهره حلوة ....
ثاني يوم على الساعه 3 تقريبا ً ياه أبوها واخذهم ويا و راحوا كلهم للبيت ...
ردت البيت وغرفتها اللي اشتاقت لها واااااايد .. وربعها في المســــــــن .. كل القعدة في العين كانت قلق في قلق ... وهم ...صحيح انها استانست بس في ناس خربت عليها واااااااااايد .....
بس هذا نصيبها من الدنيا وما تقدر تعترض على قضاء الله سبحانه وتعالى .....
:::::::::::::::::::::::::
مر عليها كم يوم عاديــــين .. نفس قبل يعني ... ما عندها أي شي تسويه وعايشة ليومها وبـــــــــس .. وايد أشياء كانت تقهرها و تموتها بس هي اتعودت ....
و حتى سالفة إختها مريووم بعدها ما خلصت ... وهي كانت فعلا ً تعبانه وما لها خلق أحد
زعلانه على شمووه وااايد ..ليش يا ترى ؟؟ تعالوا نشوف .......
نورة قاعدة بروحها في الغرفة .. وتقرا كتاب لا تحزن .... يمكن تقدر تحارب ألمها شوي ....
ولا سمعت صوت تلفونها يدق ....ردت بدون ما تشوف من على الخط
نورة : ألـــــــــــو ؟؟
شموه: هلا نورة ...
نورة :هلا والله ...
شما: شحالج ؟؟
نورة :بخير وانتي ؟؟
شما :...................................
نورة : شما شفيـــــــــــج ؟؟؟؟؟
شما: البارحة دقت علي سارة وقالت انها شافت أسوم في المعهد .... وشكلها كااان ... كان بنوتـــــه ...!!
نورة : whaaaaaaaaaaat ????
شما : (ضحكت) هي قالت جيه !!
نورة: shit shit shit ....انزين انتي اهدي وطولي بالج .. أدري ما فيها طولة بال بس طولي بالج ..
شما : ...................... (ساكته)
نورة: شموووه ...شمووهردي علي
طلع صوت شما المخنوق : نورة أكلمج بعد شوي اوكي (وصكت الخط)
نورة كان قلبها يحترق على شما .. ما تحب تشوف ؟أحد متضايق وبالذات شما لأنها ما تستاهل
و هي تعرف زين كيف تحس شما الحيــــن .. بس ما تقدر تسوي شي ..لو بيدها شالت عنها كل التعب ورمته على قلبها و يتحمل ....
طرشت لها مسج تخفف عنها فيه وتحاول تلهيها عن التفكيـــــــر ...
وكانت تتص كل شوي تتطمن عليها و حتى اليوم اللي بعده نفس الشي ....
علاقتهم ما كانت صداقة عادية .. كانت نفس الأخوة ....
و بعد يومين ....
اليوم هو يوم عادي ... أواخر شهر 8 تقريبا ً ..بس هاليوم بالنسبه لنورة يعنيلها وايــــــــــــد .. بعدها تعاني تبعات هاليوم لي يومنا هذا ... أكيد عرفتوا ..يوم اللي انفصلت عن هنـــــــــــــد !!!
ما كانت حاسة بأي شعور ..بالعكس عادي .. بس اللي كان قاهرها وحارق دمها انها كانت تعد وتحسب الأشياء اللي صارت لها بسبة هاليوم ..لليوم وهي ما تطلع وتشوف أحد بسبب اللي صارلها .. ثقتها بنفسها انعدمــــــت تقريبا ً ..يوم أحد يطالعها ولا شي ردة فعلها الوحيدة هي (أكيد مب علي ..أكيد على وحدة من اللي أمشي وياهم ) .......
والله انها مب حالـــــــــه !!
كانت يالسة وتطالع تلفزيون و ملانه وحالتها حالة ... بس القعدة في البيت أرحم بمليوون مرة من الطلعه بالنسبه لها ...دقت عليها أمها وخبرتها انه تييب قماشة مريولها وتلحقها عند الخياط اللي عدال بيتهم عشان يلحق يخلصه لها ...
و فعلا ً لبست وخلصت وراحت تييب تلفونها من غرفة و لقت علي قاعد هناك ..
نورة: عليو تعال معاي
علي : ويـــــــن ؟؟
نورة: بروح الخياط وامي هناك
علي: انزين يالله
و قاموا ثنينهم و نزلوا من البيت ......
و في الطريق كانوا يسولفون و يتكلمون وعادي .. وهي ياية بتقطع شارع فرعـــــــي مر واحد بكروزر سودا مخفية و فتح الدريشة وطالعها بالفيس !!!
هي طبعا ً نزلت راسها ومشت وما قالت ولا شي ......
بس بينها وبين نفسها كانت مستاااانسة ... كانت تتحرى انها لو طلعت ما احد يطالعها لأنها مب ذاك الزود حلوة (مع انه الكل كان يقولها انها حلوة ) ..ما كانت تدري انه ما احد يطالعها لأنها أصلا ما تطلع من البيت !!!!
كملت دربها والتقت بامها و كل شي كان اوكي ..قالت له عن الموديل اللي تبيه و خبرهم انه آخر رمضان بيخلــــــــــص ....
[ في البيت ]
كانت بعدها تفكر بذاك المزيون اللي طالعها .. مب تفكر فيه يعني ..لأ ..تفكر باللي صار .. وانها لو ما عجبته ما طالع فيها ..يعني هي حلوة نفس ما يقولون !!
ودشت بنفس الدوامــــــــــــه ...
وعلى طوول طرشت مسج حق شمووه و خبرتها باللي صاااار وهذيك تضحك تضحك .... صدق انهم ميانيين ...
و فالليل يوم شبكت مسن كلمتها عن اللي صار .. و شكوا حق بعض شوي ..ما كانت تبي شمووه تصير نفسها لأنها عبارة عن شي شبه عايش ..يتنفس و ينام و ياكل وبــــــــــــــــــــس ... كانت في خاطرها تتحسب على سعيد مليون مرة في اليوم على اللي يسويه فيها وفيهم كلهم .. وكل ما تبي تشكي ولا شي على طوول تدق حق دانووه و يبدون كل وحدة من طرف تكلم الثانية عن الحالات اللي عندهم ...
كانت ترمس شمووه كالعادة وبنفس الوقت عنوودي ربيعتها تذكرونها ؟؟
و ياخذون الأخبار والعلوم لأنه من زمان مب مكلمين بعــــــــــــض ...
// راضيه بالمكتوب \\ :
انزين قوليلي شو آخر الأخبار ؟؟
(اللي طول بالجفا خــــــله ) :
تدرين انه بيودونا مدرسة ثانية ؟؟؟
// راضيه بالمكتوب \\ :
هيه دريت .. بيودونا ام عمار صح ؟؟
(اللي طول بالجفا خــــــله ) :
لا يالحلوة فلسطيــــــــن !!
// راضيه بالمكتوب \\ :
شوووووووووووو ؟؟؟ حلفي بالله
(اللي طول بالجفا خــــــله ) :
والله العظيم .. بغيت أصيح يوم قالت لنا الأخصائية اللي كانت معانا في الدورة
// راضيه بالمكتوب \\ :
لاااا عاد مصخوها ..كل سنه في مدرسة ؟؟
(اللي طول بالجفا خــــــله ) :
ربج يعين بس ....
// راضيه بالمكتوب \\ :
يمكن أحسن من بنات سكولنا القرف
(اللي طول بالجفا خــــــله ) :
وأنا جيه أقول ..ها اللي مصبرني أصلا ً
// راضيه بالمكتوب \\ :
المهم غيري السالفة ...
(اللي طول بالجفا خــــــله ) :
هيه والله .. امممممم .. وهالفترة قاعدة أحاول أكثف شعري ..
// راضيه بالمكتوب \\ :
وأنا أبيه يطول خخخخخخخخخخخ
(اللي طول بالجفا خــــــله ) :
خذيت لي زيت أملا وأفكر أجربــــه بس الريحة مب طبيعية
// راضيه بالمكتوب \\ :
أقولج جربي الصبار .. اخذي الصبار الطويل و طلعي اللي داخ وحطيه بشعرج رهييييب والله .. أنا ببدا أستعمله ان شاء الله
(اللي طول بالجفا خــــــله ) :
خلاص يالحلوة باجر بسوي ....
// راضيه بالمكتوب \\ :
زين زين .... المهم أنا بروح اوكي
(اللي طول بالجفا خــــــله ) :
خلاص شووفج
// راضيه بالمكتوب \\ :
يالله باااي
(اللي طول بالجفا خــــــله ) :
باااي
و ردت حق شمووه وخبرتها بالسالفــــــــــــــة ....
والخبر اللي يصعق أكثر انها المدرسة اللي فيها هند !!!!
يعني ما شي فايدة نسيناها بنرد نشوفهااااا .......
{ ما هو بــ كفو الوقـــت ..حبكـ يمحيه !!! }
//\\
اليوم أول يوم رمضان ..ياااااه الأيام كيف تمش بسرعه البارحة كانوا في آخر يوم امتحانات !!
خلونا نشوف كيف كان هاليوم بالنسبة لأبطال قصتنا ....
[ بيت نورة ]
الكل حايـــــس .. يرتبون الأكل و البيت عشان اليوم الكل بيفطر عندهم ..يعني بيجتمعون نورة وحنوون و مريوم في مكان واحد من بعد مشكلتهم .. الله يستر بــــــــــــس ....حنون شكلها ما بتعدي السالفة على خير
و قبل الأذان بربع ساعه ... دش علي ريل مريوووم و سلم على الكل
علي: شحالج أم سيف ؟؟
حنان: بخير الله يسلمك ..وانت ؟؟
علي: الحمدلله بخير ..نورو كل عام وانتي بخير
نورة: وانت بخير ...
و راح عند باجي العايلة ....
نورة : شصايــــــــر بالدنيا ؟؟
حنوون: ما أدري والله ....
نورة: خل نروح يالله بيأذن المغرب ....
راحوا و أفطروا ...... و هم على طوول دشوا بسوالف وكله كان عادي ...ما كأنهم صارلهم مدة ما يكلمون بعــــــــــــــض !!
يعني علي بدى وسلم عليهم وكان كافي انه حنوون تتنازل و تسامحهم على اللي صار
............................
و بعد الفطور كانت العايلة كلها متجمعه على التلفزيون وسوالف و ضحك كالعادة ... بس نورة كان بالها مع احد ثاني ..صارلها مدة ما تطمنت على شمووه ... و تدري فيها حاطة أغاني الحزن و يالسة ......و هاتك يا دموووع ...
راحت وطرشت لها مســـــــج عشان تتطمن عنها ..... شوي ولا هي رادة عليها { أنا بخير حبيبتي .. بس تدرين كل ما أفكر انه ايمانوه شافت أسوم برمضان و بدى كل شي .... البقية عندج } ...... قلبها كان يتقطع عليها و خاطرها لو تروح وتشيل عنها كل شي بس ما باليد حيلـــــــــــة ....
ردت حق أهلها و يلست معاهم شوي .... و بدوا خواتها يروحون وحدة ورا الثانية ..... و الكل رد بيته ولا طلع ..وراحت هي لغرفتها ووحدتها .......
و مرت أيام رمضان على هالحال .. من ملل ..لملل ..يعني تقرا قرآن و تتعبـــــد ..تطالع تلفزيون و تشبك مســـــــن ..بس فعلا اشتاقت حق ربعها اللي صارلها مدة ما تدري ..هي زين تدري عن نفسها أصلا ً ... هذا غير سعيد و حركاته على الطالعه والنازلة ....وهي صدق مقهورة منه وواقفلها بنص زورها ....
بس الله كان مخبي لها مفاجأة بتستانس عليها واااايـــــــــــد .... يا ترى ...شو هالمفاجأة ؟؟ و هل الوقت بيكفيها تستانس فيها ولا بعد ما لها حظ بشي ....ز
بيوم من الأيام كانت مطرشــــــــة مسج حق رووضوو ربيعتها تذكرونها ؟؟ و روضو ردت عليها الساعه 3 في الليل لأنها كانت راقدة .. خبرتها بسالفة النقل و سولفت معاها شوي لأنها صدق مشتاقه لها ....
و كعادتها في هالوقت راحت رقدت .....
و ثاني يوم العصر دقت لها رووضوو مرة وثنتين و ثلاث بس نورة ما كانت سامعه فونها .. كان سايلنت نفس كل مرة ...
و قبل المغرب بفترة دشت غرفتها و لقت 5 مس كول من رووضوو ... { بسم الله شفيها ؟؟؟ البارحة مكلمتها و تطمنت عليها .. خل أدق عليها وأشوف .......}
نورة : هلووووووووو
روضه: هلاا والله.. هلا بالقمر ...
نورة: خخخخخ تركي عنج كلام البويات الحين ما احد غريب
روضه: ههههههه شسوي ..فاهمتني
نورة : من يومي ... المهم قوليلي خير شصاير خرعتيني ؟؟
روضة : ليش خرعتج ؟؟
نورة: داقة علي 5 مس كول و تقولين لي ليش خرعتج ؟؟
روضة : ههههههههههههه .. لاا يالحلوة كله اوكي بس بقولج شصار أمس عقب ما سكرت عنج
نورة: قولي ....
روضة : دقت علي وحدة من الربع و كلمتني وجيه .. فسألتني ويا من مشغولة فقلت لها كنت أكلمج .. و سألتني عنج وحكيت لها كل شي عنج وجيه ... فخذت رقمج مني ..الظاااهر انـــــــه.... عجبتيها
نورة: يالله عاااااااااااااااااااااد 5 مس كول عشان تقولين لي هالكلام .... مااااااالت انزين
روضة : والله أمول زينه و ما عليها كلام ... بعدين هي أكبر عنا بوايد
نورة: والله .. كم عمرها ؟؟
روضة : 24 شي جيه
نورة: اها .. والمفروض اني أرد عليها يوم تدق ؟؟
روضة : كيفج والله
نورة: روضوو ترى انتوا معشر البويات كل يوم مع وحدة وانا مالي خلق حق لعب ترااا
روضة : انزين فرندز عادي ما فيها شي ...
نورة : خلاص خلاص يوم تدق بتهاوش معاج ...مب وقته الحين
روضة : هههههههههههههه حلوة هذي ...يالله حبي بسكر عنج اوكي
نورة: يالسة تدق عليج وحدة هاااا ؟؟
روضة : خخخخخخخ يس يس
نورة : حسبي الله عليج شو تسوين ببنات الناس
روضة : هي هي حراام عليج مب زين تتحسبين
نورة : الحين طيري كلميها وأتفاهم معاج عقب .......
و هي سكرت عنها من هني و ردت على الخط الثاني من هني ..: هلا والله ..هلا بالقمر .... لاا حبي لا تزعلين كنت أرمس اختي على الفووون .. والله اني دوم أسأل عنج ريوووووم ... سوري عبير انتي عبير .. لاا ريوم بنت خالتي .... يبه عادي غلطت بالاسم شفيـــــــــــج ................
نورة تمت تفكر بالسالفة .... تحس انه في شي غلط ...بس مب قادرة تعرف .... تحس عمرها تعرف هالبنية و مكلمتها بس وين يا ربي وين .......
{ ويـــــــ !!! هذي أمل دي جي .. ما غيرها .... هيه أكيد هي ... لا الاا مستحيــــــل .... ليش مستحيل كل شي ممكن ....... بس لا أنا مستحيل أكلمها .... } ....
تعالوا أذكركم فيها شوي .....
[ و هم في الطريق نازلين لتحت نورة لفت ويها الا فجأة تيي بوية وتمسك هند من خصرها وتمشي وياها
نورة تمت واقفة تطااااالع وهي معصبـــــــــــــــه!!..بتض ربها بعد شوووي ..
فجأة لفت هند ..: ويييييييييي نورو نسيتهاااا !!!
أمل :منو نورو ؟؟
هند:(ابتسمت ) اللي واقفة تطالعنا هناااك ..
أمـــــــــل : وييييييي شكلنا بنضرب اليووم
وراحت هند عند نورة ..و هي بعدها واقفة تطالع ..
عرفتها هند على أمل : نوااري هذي أمل ربيعتي ..
نورة (طبعا مب عايبنها الوضع) : هلاا والله
أمل : هلاا فيج ..
و سكتت نورة ..
هند: ها أمول كملي شو كنتي تقولين ؟؟
أمل : ما شي بس أقولج يايه هني بروحي
(نورة ساكته و تسمع ... كانت تتحراها حبيبة هند أو شي )
هند: ليش وحبيبتج وين ؟؟
أمل : لااا يبه خلاااص هديتها ..
هند: ليش ؟؟
أمل : ما ادري ..ما عندها اسلوب بالتعامل ..so0o low class !!
نورة اندمجت معاهم ... زال عنها الخطر مثل ما يقولون ..
نورة: عاادي.. لفي ويهج بتلاقين 10 غيرها
هند: نعم نعم ؟؟ وانتي متى لفيتي ويهج ان شاء الله ؟؟
نورة : شوفي انا ما يحتاي الف ويهي ..هم بروحهم ييون
هند : اوكي روحيلهم ..
أمل : هههههههه خلااص شفيج ما قالت شي
هند: والله ؟؟ و شو اللي سمعته من شوي ؟؟؟؟
نورة: هذي الحقيقة ..أحد يزعل منها ؟؟
أمل: لااا
نورة(راحت حق هند و قربت منها) : حبي خلاااااص ...عشااني ..
هند: انزين .....
امل: أدري بها بسرعه ترضى ....
نورة : ههههههه ..انزين أمل نحن بنسير ..يالله سلاام ..
امل : سلاام
و قاموا ..وسلموا على البنات ..و راحوا البيت ...]
طول اليوم ما قدرت ترقـــــد ... مستحيل تكون أمل نفسها مستحيل .. شو هالصدفة الغريبه كانت كل شوي تقول { أنا قفلت قلبي وقطيت المفتاح .... وما أبي أي أحد الحين } ......
بس يا ترى الحين نورة بترفض الفرصة اللي ياتها على طبق من ذهب..... الشي اللي تمنته طول عمرها واللي يمكن يتحقق .....معقولة ترفض لأنها خايفة ....هي خايفة .. تخاف من الحب .. وتخاف من انه يتكرر كل اللي صار من أول و يديد .. خلاص تنازلت عن دور الملعوب فيها والمغدور فيها لوحدة غيرها ... وحدة يمكن تتعلم الدرس قبلها بمراحل ....
::::::::::::::::::::::::::::::
ثاني يوم ..فتحت عيونها و طالعت الغرفة ... الستاير ... مرايتها .... حمدت ربها انها بعدها عايشة و انها في غرفتها .. الحلم ..أقصد الكابوس اللي شافته وهي راقدة شل قدرتها على الحركــــــــة ....شافت نفسها ميته .. والكل واقف حداد على روحها .. وشافت عمرها واقفة عدالهم تودع جسمها اللي احتملها مليون مرة و مرة ........ قامت وهي مفزوووعه .. مب خايفة من الموت لأنها تتمناه مليون مرة في اليوم .. تدري انه هالشي حرام بس ما شي حل الا الموت .....
كانت خايفة من فكرة فراق اللي تحبهم وتدري انهم يحبونها ...... غالية بنت اختها كان أول من طرا على بالها ..... تذكرت انها لها يومين ما تدري عنها شي .. وحنوون أكيد في الدوام ..لازم تتصل تتطمن عليها ......
و فعلا دقت عليها .... و يوم خلصت كلمت شمووه .. ودانه وميرا .. وفطوم .... وحدة ورا الثانية ... كانت تتطمن عليهم و بنفس الوقت تودعهم .. قالت لهم كل شي فخاطرها ..ما احد يدري يمكن ما تلحق تقول هالكلام كله .....
قامت من السرير .. كانت الساعه يمكن 4 العصر ... قامت وصلت العصر والظهر و قعدت على الصوفا اللي بغرفتها تفكر ...... الحلم نساها كل شي عن أمل ربيعه روضوو ..ليش بعدها ما دقت ...؟؟ كانت كل خلية بجسمها تترياها على ما تتصل ...مع انه قلبها ما يبي ...بس كانت تحاول تسكت هالصوت اللي يوهمها انه هند بتزعل لو كلمت أمل .. هند أكيد بعدها تفكر انها مخلصة لها للحين .... و هي أكيد بترد لها بيوم من الأيام ........
و فجأة سمعت أحد يصارخ عليها عليها { غبية غبية غبية غبية .....}
حاولت تسد أذنها عشان ما تسمع هالصوت .. تتلفت حوالينها تشوف ..... ما لقت أحد ... رجع الصوت أقوى ...... لحظة !! هذا صوت عقلها .....{ انتي غبية ورب الكون .. لو هند تبيج ما كانت تركتج تعانين فراقها والوحدة .... نسيتي ولا أذكرج .... يوم سألتيها انتي بتروحين عني وقالت لج يمكن ؟؟؟..... يوم كانت تتريا الفرصة عشان تسكرين الخط عنها ...كم مرة رفضت يوم ضفتيها بالمسن ... وهذاك اللي تكلمه ؟؟ ............... } { بس بس بس بس !!!!!! بس !! خلاص تذكرت .. خلااص .. أنا بعمري ما نسيت أصلا ً ... بس هالقلب اللي بعمره ما بيقدر ينساها شو أسوي فيه ؟؟؟ } ....
راحت بسرعه عشان تنسى .. راحت و كملت هالكتاب اللي بدت فيه من فترة .... نسيانcom . ..... هذا الكتاب اللي خلاها تستوعب كل شي تقريبا ً .. و تعرف انه هند عشان تنساها جربت وايد طرق ... يمكن ما نستها .. { أنا مب من النوع اللي ينتسى بسهولة ... أنا مب وحدة عادية تمر في حياه الناس و بس } .....
كملت قراءتها للكتاب و ضاع الوقت بين صفحاته ... كانت تقرا و تبتسم .. تقرا و تحس بالقوة .... مفعوله عجيب عليها الصراحـــــــــة ......
و بينما هي قاعدة تحس بكل هالأحاسيس ما تدري شو اللي خلاها تلمح فونها وهو يدق .... قامت بسرعه عشان ترد عليه .. مسكته و بتطق answer بس قطع الخط .....
شافت الرقم .. ما تعرفه .. وداق عليها 4 مرات خلال نص ساعه ....
أكيد هذي أمل .. خذت الفون وياها وراحت يلست على الصوفا مرة ثانية ....
و يلست تتريا اتصالها على نااااار ... و هالمرة ما خاب ظنها ..شوي ولا الفون يدق مرة ثانية و ردت عليه .....
نورة : ألو ؟؟
أمل : مســـــــا الخير ....
نورة : مسا النور ...
أمل: شحالج شخبارج شعلومج ؟؟
نورة: بخير الحمدلله .. بس سوري ... امممم ...من معاي ؟؟
أمل: أنا أمل .. روضو ما كلمتج وقالت لج ؟؟
نورة : هيه ... قالت لي .. هلا والله أمل
أمل: هلا فيج يا قمر ...مشغولة ولا شي ؟؟
نورة : لا عادي ...
أمل: انزين عادي أسرق من وقتج شوي وأسمع هالصوت الحلو
نورة (بدى قلبها يدق ) : أكيد ليش لأ ....
أمل: انزين .. قوليلي عنج شوي .. كم عمرج .. شو تحبين شو تكرهين ..يعني ...
نورة : امممم .... عمري 17 ... وووو شو بعد .. أحب أقرا (وضحكت )
أمل: شفيج ؟؟؟
نورة: ما أعرف شقوووول !!!
أمل: انزين ولا يهمج ... (سكتت ) .. تدرين نورة ..أنا كنت أعرف وحدة تذكرني فيج وايد وايد ...بس هي بوية ...
نورة : وين التقيتي فيها ؟؟ و من وين تعرفينها
أمل: مرة كنت في السكيت وهي كانت حبيبة وحدة ربيعتي ...
نورة : هند ؟؟؟
أمل: هيه .... شدراج ؟؟
نورة : مهو أنا نورة !!!!
أمل: انتي نورة ؟؟؟ نورة نفسها البوية ؟؟
نورة : هيه نفسها .. بس الحين بنوته
أمل: ما اصدق !!
نورة : هههههههه والله العظيم ....
أمل: (بصوت واطي )انتي وانتي بوية كنتي واايد حلوة .. الله يستر الحين
نورة : (سمعتها بس تستهبل ) شو قلتي ؟؟
أمل: هاا ؟؟ لا ما شي ..المهم قوليلي عنـ .......
و تمت تسولف معاها ساعه يمكن .... ما كانت ملانه ولا تبيها تسكر عنها ... ثنتينهم كانوا مستانسين ....
صكت نورة الخط لأنها حست انها لازم تروح خلاص ...أمل عارضت واايد بس نورة أصرت انها لازم تروح الحين ... وصكت عنها الخط ...
أمل كانت وايد مستانسة لأنها كلمتها .. و طلعت تعرفها و شايفتها ..يعني ما بتراهن على شي ما تعرف شو هو ....
حتى نورة .. أسلوب أمل وياها كان وايد حلو ...طبعا من سمحت لمشاعرها انها تتمادى بسبب الكلام الحلو .. بس فعلا هي جنتل ... نورة تعرف تقيم الواحد من أول مكالمة وأول لقاء ....
راحت نورة عشان تساعد أمها شوي و أصلا عقب شوي بيأذن المغرب و بيفطرون كلهم ....
جهزت الطاولة و حضرتها .. و قعدت تسولف مع أبوها و تضحك معاه ..... و فجأة دش سعيد من الباب ..... هني هي سكتت ... و لفت ويهها وما قالت ولا كلمة ....
سعيد: نورة ... نورة ..نوووووورة ..(يستهبل )
نورة : نعم ...
سعيد: شفيج متضايقة ؟؟
نورة : لا سلامتك ما شي .....
و يت أمها بعد شوي و بدوا كلهم يسولفون ما عدا نورة اللي تسمع .....
أبوها : يا ربي أستغرب من الناس السخيفة ..اليوم كنت برع وشفت اثنين يتضاربون على باركنغ سيارة .... !!! العن أبووووه ما لقو شي يتهاوشون عليه .. وكل واحد منهم ريال طول بعرض
أمها: الله يعين كل واحد على عقله
سعيد : أنا ما أهتم في الأشياء السخيفة صراحة .....
نورة : (اوهووو بدينا ) يبه البارحة خالد ريل حنوون سأل عن عملية زرع الشعر ..يفكر يتبرع بشعره .. وقلت له انه يشلون الشعرة و يحطونها في المسام اليديد .... بس ما يعرف وين يتبرع فيه
سعيد(قاطعها ) : لا هالطريقة من زماان ما يستخدمونها.. الحين يحطون في كل مسامه 3 شعرات و ما يشلونه من ورا الراس
نورة(بكل برود) : ما شاء الله متخرج دكتووور !!! انزين قولي يوم يعدلون صمام القلب شو يسوون فيه خاطري أعرف من زمان
سعيد( تفشل و غير الموضوع ) : يبه البارحة شفت عامر و يسلم عليك ...
أبوها : الله يسلمه .....
و قامت عن الأكل و هي مستانسة على الخااااااااااع اللي عطته يااااه .... و راحت حجرتها مرة ثانية ......
راح سعيد الغبي على النادي كعادته ... و أمها دشت ترتب المطبخ .. وهي يالسة بروحها تطالع تلفزيوون ...
نص ساعه ولا سعيد رد و دش المطبخ .... و طلع منه يصارخ : أنتي تدرين اني برع ليش ما شلتي لي من الفواكه و الحلو اللي يايبه أبوي ؟؟ ما تعرفين اني صايم من الصبح يعني ؟؟ و قايل لج بطلع بعد لو مب قايل أحسن
أمها: سعيدووه شهالكلام ؟؟ الصحون بعدها في الثلاجه روح و اخذ اللي تباه
سعيد: لا ما بي مشكوورة
و راح و صفق الباب وراه ......
أمها : شفيه هذا الحمدلله والشكر ؟؟؟ كل شي بعده في الثلاجة ما احد مسكه
نورة (وهي تطالع التلفزيون و مبتسمه ابتسامه الانتصار ) : مهو يا يمه اللي اتعود على الدلع ما يشبع
أمها : أي دلع هااااا ..؟؟؟ ليش تتحريني أفرق امبينكم ؟؟
نورة : (تصارخ) يمه الفريج كله يدري انج تفرقين و انتي ما تدرين .. خلاص اتعودنا ما عدنا نحس يما ...
أمها: نورة ليش تقولين هالكلام .. شسويت له انا الحين ؟؟
نورة : هذا اللي تبينه يما .. انتي اخترتي جيه .. بس الله بيراويني فيكم يوم يطلع كل حرتي فيه ......
و راحت غرفتها مرة ثانيـــــــــــــة .....
دش سعيد غرفتها عشان كان بيطلع و يبي يشوف شكله على منظرة نورة العووودة .....
سعيد: ها نورة ليش ما بتطلعين ويا أمي ؟؟
نورة : ما ابي (ما طالعته قاعدة ترمس ربعها على المسن )
سعيد: ليش طلعي شوفي الناس غيري جو
نورة (الحقير .... الله ياخذك ان شاء الله ) ما لي مزااااج ...
سعيد: ليش بتمين على النت ؟؟
نورة : (ما ردت عليه ) ................
و طلع .....
\\//
ثاني يوم الصبح قامت على صوت الألارم مال فونها ..... الساعه 11 الحين ...كسلت وردت رقدت مرة ثانية ..... رد الألارم يدق مرة ثانية ..... هالمرة قامت من النوم و طفته و ردت على سريرها .....وتمت تفكر بمرضها ... بكل شي صار ... كأنه شريط حياتها يمر جدام عيونها .....لاحظت انه في مسج على فونها ففتحته عشان تقراه .. كانت متوقعه انه من مريوووم ....
{ تصدقين اشتقت لج وايـــــد .. من البارحة وأنا مب قادرة أفكر بأي شي ثاني غيرج ... صباحج حلوو :) }
ابتسمت .... آخر مرة احد قالها هالكلام كان من مدة طويـــــــــله ....
آخر احد قالها هالكلام هو حمدة ...... بدت الدموع تنزل من عيونها شوي شوي ....
وحست انها مب قادرة تتنفس أكثر ...تحاول بس في شي يخنقها ..صارلها مدة مخبية نوبة البكاء هذي .... ما قاومت .... ودخلت بوحدة من نوبات البكاء ....
قامت على صوت فونها على الساعه 2:30 ...... انصدمت .. { من شوي كانت 11 !!! } ....
قامت عشان ترد على فونها ....
نورة : هلا مريووم ...
مريم: ها نورة ..بعدج راقدة ؟؟
نورة : لاا والله قايمة من زمان بس ما رمست أحد .. و رقدت مرة ثانية .....
مريم: انزين اليوم بنطلع نشتري ثياب العيد اوكي ..
نورة : اليوووم ؟؟(بخوف )
مريم: هيه ..شفيج خايفة ؟؟
نورة : لاا ما شي ..خلاص بجهز على 8 اوكي
مريم: اوكي
و صكت عنها لخط ....و يلست وهي مصدومة .. مريم حطتها تحت الأمر الواقع و بتطلع اليوم ..بتطلع يعني بتشوف ناس .... وهي تخاف ...!! تحس عمرها كأنها أول مرة تشوف هالدنيا ....
حست بتعب فعلا ً ... راسها ثقيل و يعورها ... ردت على فراشها و كملت باقي اليوم رقاد ....
أفطرت وخلصت و قامت عشان تجهز عمرها ما بقى وقت .... و هي تلبس دق فونها و كانت أمل .....
نورة : ألووو ؟؟
أمل: فديت الألو وراعيتها
نورة : (استحت ) ....... ثاانكس
أمل: يبه والله ما قلنا شي علشان تستحين ...
نورة : ههههههه أدري ... بس المشكلة انه اللي ما احد يغازله يوم يسمع كلمة حلوة يصدق عمره
أمـــــل: ما أصدق ..معقولة كل هالجمال وما احد يغازلج ؟؟
نورة : والله ...
أمل: انزين تسمحين لي .....
نورة : اممممم ..أفكر
أمل: آآآآآآآآآآآآآآي ...آآآآآي
نورة (بخوف ) : بسم الله عليج ..شفيج ؟؟
أمل: قلبي يعورني ...
نورة : من شوووو ؟؟
أمل: من كلمة (أفكر ) .....
نورة سكتت ....... و تمت تضحك عليها ....
أمل: لي هالدرجة عجبتج ؟؟
نورة : ههههههههههههه هيه ...أقول أمووول
أمل: قلب أموول ..عيون أمووول ..
نورة :تسلمين والله ... بس أنا الحين بروح لأني قاعدة ألبس اوكي
أمل: ليش وين بتروحين ؟؟
نورة: طالعه أنا واختي انييب ثياب العيد
أمل: و ما قلتيلي من قبل ؟؟
نورة (انصدمت) : امممممم .. ليش أقولج ؟؟
أمل: لأنه يهمني أعرف وين تروحين ووين تيين .. أطمن عليج أكثر ... سوري لو ضايقتج
نورة : لا ما ضايقتيني ولا شي (وابتسمت ابتسامه عووووودة) ....
أمل:ووين بتروحوون ..؟؟
نورة: الوحدة مول على ما اعتقد ..
أمل: انزين اوكي ..بتطلعون بعد شوي صح ؟؟
نورة:اها ...
أمل:خلاص ..يالله سلام
نورة:باي ....
نورة (تكلم عمرها ) : شفيها هذي ليش تسأل ؟؟ ليكوون ............ لالااا مب معقول
وردت تكمل لبسها و نزلت حق مريووم تترياها جدام الباب ...
مر عليها أيام وهي على نفس الحالة ... ملانه وتعبانه و ما لها خلق أحد ... واللي قاهرها سالفة أمل اللي طلعت بحياتها ..صارلها أسبوعين ولا تدري شصاير ..كل يوم تكلمها و تمر من عدال بيتها ... قلبها مب مقتنع انها تلعب .. وعقلها ما يبيها تحبها ... نورة مصيبتها لا لقت اهتمام .. تتعلق بالشخص بسرعـــــــــه ....
كانت قاعدة بروحها في غرفــــــــة أمها وهي مالها خلق أحد ..تبي سعيد يطلع عشان بالها يرتاح ..تكرهه وتكره وجوده في البيت ..
أهلها كلهم برع وهي قاعدة تتابع المسلسل و متحمسة تبي تعرف شصاار ...
سعيد : نورة شفيج ما تطلعين ويا أهلج ؟؟ ليش ما تشوفين ناس و تطلعين
نورة: لا بس أطالع مسلسل (وعلت الصوت )
سعيد: انتي نطري آخذ الليسن والله لدلعج وأطلعج و نروح و نسوي و ............
نورة: اوكي .... (وما عبرته )
طلع من الغرفة و كملت هي المسلسل .....وشوي ولا تسمع صوتــــه
سعيد: نورة لو بغيتي شي دقيلي
نورة: انزين ....
و طلع وصك الباب وراه ......
{ مب انت اللي ما تبيني أطلع .. كاني سويت اللي تباه .. بس حسبي الله عليك وعلى كل من ظلمني .. حسبي الله عليكم بــــــــــس ....} و بدت تصيــــــــح بقهـــــــــر ....
و حست راسها يعورها ... والدنيا تدور فيها ... عرفت انه بسبة الصياح والزعـــــــل ..
تذكرت انها مب ماخذه المسكنات من مدة .. أصلا ما عادوا ينفعون يتعبونها على الفاضي ..
جسمها وقلبها خلاص ما عادوا يتحملون من هالدنيا .... و تبي الموت من الله بس الله بعده ما أمر بأخذ روحهـــــــا ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك