رواية تحياتي لمن دمر حياتي -18
{ مب انت اللي ما تبيني أطلع .. كاني سويت اللي تباه .. بس حسبي الله عليك وعلى كل من ظلمني .. حسبي الله عليكم بــــــــــس ....} و بدت تصيــــــــح بقهـــــــــر ....
و حست راسها يعورها ... والدنيا تدور فيها ... عرفت انه بسبة الصياح والزعـــــــل ..
تذكرت انها مب ماخذه المسكنات من مدة .. أصلا ما عادوا ينفعون يتعبونها على الفاضي ..
جسمها وقلبها خلاص ما عادوا يتحملون من هالدنيا .... و تبي الموت من الله بس الله بعده ما أمر بأخذ روحهـــــــا ...
بعد ما خلص المسلسل دقت على أمها ......خاطرها بتشوكليت بتموووووت من بعد صيام اليوم كامـــــــل ...و عليو مخلص كل اللي في البيت .. درت انه أهلها متأخرين .. وعليوي يلعب برع .. وما شي غيرها في البيت ....
راحت وشبكت مسن لا تموت من الوحدة ...لأنها فعلا حست انها بروحها في هالدنيــــــا ... طبعا مسجات أمــــــل توصلها من الصبح .. بس نورة خلاص تبي تعرف شو السالفة ... ما تبي لعب بعد اليوم .. الوقت ما يسمح لها تلعب ..أو ينلعب فيها بالأحرى ...
ما لقت شمووه ..ولا هنوود ربيعتها بالمســـــــن ..عنود بنت عمتها شابكه بس حاطة busy ...
ضاق صدرها أكثر .... خطرت ببالها فكرة ... اذا ما بادرت هي أموول بتم تمط بالسالفة ... راحت عند فونها وطرشــــت لها مسج .. { صبااحج حلو .. أموول بسألج سؤال ..شو طلعج فحياتي فجأة ؟؟ لأني أنا بروحي مستغربة ..وليش انتي ؟؟ وليش أنا ؟؟ }
و يلست تتريا الرد على أحر من الجمر ...تبي تعرف هي شو بالنسبه لها ....
و يوم ضوى فونها نطت عليه و بطلت المسج { صباحج أحلى حبيبتي .. نورة أنا بقولج اللي انتي صارلج ساعه تلفين وتدورين عشان تعرفينه .. نورة أنا أحبج .. أحبج وربي .. أول مرة يصير وياي هالشي .. ما أدري بس أحبج } ..
نورة : حبيبتي ؟؟ عااشوا .. بدينا ... و تحبني بعد ؟؟ زين زين
ردت عليها { أمول انتي تتحريني بصدق هالكلام ؟؟ أنا شايفة و عارفة ناس بكثر شعر راسي ...وأعرف أميز بين الأشياء عدل .. ما مداج تعرفيني عشان تحبيني }
قامت وطرشت لها أمل .. { أدري انج مب غبية شرات بنات هالأيام .. وربي يشهد اني أحبج ..طلبي اللي تبينه عشان تتأكدين اني أحبج }
نورة ما مشى عليها الكلام ... و قالت خلها تلعب لو تبي ..خلاص هي محصنه بلقاح ضد الفراق .... { ما أبي شي .. الأيام بتثبت أكثر ..يالله تصبحين على خير } ...
و سمعت صوت أهلها داشين البيت .. ركــــــــض راحت عندهم وخذت الكيـــس اللي فيه الحلاوة مالها ..
نورة: هلا بالحامل والمحموول .. وأهم شي المحمووول
أبوها: ههههههههههههههههه ....
نورة: عجبتك يبه ؟؟
أبوها: هيه والله .. كثري منها كثري منها ..
أمها: سعيد وينه ؟؟
نورة: قلبج على سعيد اللي 24 ساعه برع و لا قلبج علي أنا المريضة واللي قاعدة بروحي ..ما عليه باجر تشتاقين لي
أمها: انتي ما رضيتي تطلعين ..
نورة: ما شاء الله الرد على طرف اللسان ... خير يما خير .. تدرين البارحة بعد ما خلص هياته وطلعاته شقالي ؟؟ يقولي سويلي سحور ما فيني حيـــــل ..
أمها: (بدون اهتمام) كنتي قوليله سوي انت ...
نورة: حسبي الله عليكم يما .. انتوا اللي سويتوه جيه ... (تصارخ ) حسبي الله عليـــــــــكم ...
كانت سهرانه على اللاب في غرفتها ...تكلم شمووه وهنوود ربعها في المســــــــن ...
انتبهت انه يالها مسج على فونها فراحت وفتحته ...
{ هاي يا حلوة شحاالج شو وينج ما تبينين ؟! تصدقين حلمت فيج اليوم } ...
وقفت وهي مصدومة من الرقــــــــم .. هالرقم محفور في قلبها حفروتعرفه زيــــــــن !!!
ردت عليها { هلا والله ..أنا بخير الحمدلله ..والله شو كان الحلم ؟!
على فكررة بتشوفيني في السكول } ...
شوي ولا وصلها مســـــج { الحلم حلو بس ما بقولج ..
والله يا ليت أشوفج ..ان شاء الله نتلاقى ....}
راحــــت سيدا و دقت على شمووه ....
شما: (وهي خايفة )ألـــــو ؟!
نورة: هاااااي شمااا
شما: هلا والله ..نورة شفيج داقة علي خرعتيني
نورة:أبي أسولف ما يصير يعني ؟!
شما:لاا لاا يصير ليش ما يصير ...
نورة: تدرين من توه مطرش لي مسج ؟
شما: اممممممممممم ....
نورة: هنــــــــــــد !!!!
شما: حلفي !!!
نورة: والله ..أونه حلمت فيني وما أدي شو ووينج ما تبينين
شما: مب قادرة أفهم هالبنية ...
نورة: ولا أنـــــــا ..
شما: انزين باجر دقي عليها
نورة: لأ !!
شما: ليـــــــــــــــــــش ؟؟؟!!!!
نورة: خذت 3 شهور علشان تتذكرني ؟! فيها الخير والله ...خلاص يا شمووه هند is out of my life للأبد !!
شما: يا ليت أصير نفسج ...
نورة: ان شاء الله ..عن قريب ...يالله حبي بروح ..شو تبين أدعليج ؟!
شما: اممممم ...انه الله يدلني على الدرب اللي لازم أمشي فيه لأني صدق ملخبطة ...
نورة: من عيوني ..يالله سلااام
شما: بااي
مرت أيام رمضان عاديـــــــة ... وباجر أول يوم العيد ..
طبعا ً هذا مب أول عيد يمر عليها ... بس تحس انها ما بتعيش و يمر عليها عيد الفطر مرة ثانــــــــية ..و تضخمها بهالاحساس كان مخوفها .. ما تبي تفقدهم ... ما تبي تروح عنهم .....
طبعا تعرفون الحالة قبل العيد كله حايس واللي يطرش مسجات واللي تجهز اللي ما خلصته حق العيـــــــــد ....
الا نورة ..كانت قاعدة بغرفتها وتصيــــــح .....
خلاص تبي تموت .. ما تبي تعيش أكثر ... كم مرة دعت و دعت .. بس الله ما أراد ...تذكرت كيف هند هدتها قبل العيد بيوم .... التاريخ مب نفسه بس الحدث نفســـــه
بعدها مب قادرة تنسى اللي صار ولا حتى تتناسى ...ما تدري لو الله كاتبلها تفرح قبل ما تموت ولا لأ ...و خايفة تحب أمل ..أول مرة نورة تخاف من الحب .. ما تبي تتعلق باحد و عقب يطلع نفس 8 اللي راحوا ..
قلبها يبي بس عقلها ما يبي ... ودشت نفس الدوامة .. هالموضوع كان متعب أعصابها واااايد ..
تلفونها كان يدق وهي ما ترد عليه .. و يرد يدق مرة ثانية وثالثة ورابعـــــــة ..آخر شي عصبت وراحت ردت ..
نورة: ألووووووووو !!
أمل: (خافت يوم شافتها معصبه ) سوري أزعجتج
نورة: (هدت شوي ) لأ عادي
أمل: كل عام وانتي بخير حبيبتي
نورة: وانتي بخيــــــر ..
أمل: ها شو قاعدة تسوين ؟؟
نورة: ما شي ...يالسة بس
(نورة طبيعتها يوم تصيح ما تقدر تتكلم ..و أمل لاحظت انه نورة فيها شي )
أمل: حبيبتي شفيج شصاير ....
نورة: ................. (ساكته)
أمل: نورة يالله عاد لا تخوفيني عليج
نورة :)شهقت ) ما شي ... (و شهقت بعد مرة ) بس شوي مب بالمووود
أمل: أفاااا !! زعلانه و ما تقولين لي ..
نورة: ما أحب أضايقج ...
أمل: دقيقتين وأنا عندج
و سكرت عنها ...
نورة تمت ماسكة الفون وتطالع فيه مصدوومة ... وايد كانوا حبايبها يسوون نفس الشي يوم تزعل بس ما توقعت أمل جيه .. بعدين هي ما طلبت منها تشوفها ولا تطلع معها من تحت لتحت ...
يمكن أمل تكون الشخص اللي قعدت نورة تترياه طول عمرها ؟!
5 دقايق وتلفون نورة رد يدق مرة ثانية .... و كانت أمل ...
أمل :(بلهجة أمر ) انزلي لي الحين ...
نورة: بـــــس ..
أمل :(قاطعتها ) الحيـــــن !!!!
راحت ولبست عباتها و حطت الشيلة على راسها أي كلام ... وقالت حق أمها انها بتشوف شمووه على الباب ...
وطلعت من الباب لقت سيارة أمل بويهها ..يوم أمل شافتها نزلت و فتحت لها الباب و دشت السيارة ....
أمل: حبيبتي شفيج ويهج جيه ؟؟
نورة: ما شي أمووول ...
أمل: تخشين علي يعني ؟!
نورة: لأ بس ...... (بدت الدموع تنزل من عيونها ...... ) .......وسكتت
أمل(مصدومه ) : يا قلبي شفيج ؟! ما أتحمل أشوف الدموع بعيونـــــــج ...
و خذتها بحضنها .. ماسكتها بايد و تمسح دموعها بالإيد الثانية ... و تمسح على شعرها ...
لين ما هدت نورة ...و فعلا كانت مرتاحـــــــه لأنها طلعت كل اللي فخاطرها
سعيد ومرضها وأمها وفكرة انها بتفارق اللي تحبهم .. جراح الماضي اللي بعدها ما انبرت ... حب أمول اللي قاعدة تصده ...كله بوقت واحد ...
أمول كانت تسمعها ...و تمسح دموعها ... و مهتمة فيها ...
و يوم خلصت كلامها ..مسكتها أمل من أكتافها وواجهتها بالفيـــــــس ...
أمل: أنا أدري انج قاعدة تصدين حبي .. وأدري انج خايفة و يحق لج يا عمري ..لأنه كل الناس جيه تحب و تخون و تروح ..أنا ما بوعدج اني بتم وياج للأبد ...بس بوعدج اني ما أأذيج طول ما أنا عايشة ...
نورة كانت مصدومة من اللي تسمعه ..أخيرا لقت احد يفكر بمنطقية وواقعية ..!!!!
حست انه قلبها قاعد يدق يدق يدق يدق ....و تغيرت حالتها 180 درجـــــــه ....
أمل: والحين يالله ردي بيتكم لأنج تأخرتي ...
نورة :أموول حبيبتي حياج دشي ..
أمل: (انتبهت لكلمة حبيبتي و ضحكت) لاا قلبي وراي شغلة ضروورية ...يالله باي ..
نورة:(انتبهت على عمرها واستحت) باي ...
وردت نورة للبيت وهي مستانســـــــــه !! ما كنها من شوي كانت تصيح و تنتحب .....
غريبه كيف قالت لها حبيبتي !!!
نورة مب فاهمة شي بس اللي تعرفه انها مرتاحة ويا أمل وانتهينا ....
ذاك اليوم .. نورة قررت تغير حياتها للأبـــــــــد .. حست انها فعلا ما عندها وقت تزعل وتتضايق ..مرضها كان بمثابة الكف اللي صحاها بعد 6 سنين حزن
::::::::::::::::::::::
اليوم أول يوم ... كعادتهم كل عيد راحوا يعيدون على عمتها وعمها وكباريـــــه العايلة ..
بعدين يردون ويتغدون عند عمها كل العايلة طبعا َ ....
الروتين المعروف ....
نورة كانت تحاول تعوض على عمرها الأيام اللي فاتت وهي بعيدة عن الدنيا والعالم ...و تاخذ الأخبار و تسولف وتضحك .. الكل ملاحظ انه نورة متغيـــــــــرة ...و كلهم يتغامزون و يتكلمون عنها ....
هي ما همها ..المهم انها تحاول تطرد الحزن بأي طريقة .. صحيح انها صعبه لأنها تعودت خلاص ..بس لازم ما تسمح لمشاعرها انه تحطمها ....
ردوا البيت و ضيوف وزوار يعني كلكم تعرفون حال العيـــــــد ....
نورة كانت تقعد معاهم شوي و تروح تريح بروحها شوي .. بعدها مب متعودة على اليلسات والناس ...
وكانت مشتاقه حق أمــــــــل وااايد ... خطر فبالها انه تطرش لها مسج ...
راحت وطرشت لها { اشتقت لج ؟! } ...
شوي ولا أمل داقــــــــة لها ...
أمل:فديتج وفديت عمرج أنا !!
نورة: فديت من تفداني والله
أمل: انا تولهت عليج مووت بس استحيت أدق عليج
نورة: لاا يا قلبي متى ما بغيتي تدقين انا موجودة ...
أمل: لو بيدي لأتم عندج نهار وليل ..بس شسوي عاااد ؟!
نورة: الله كريم ...
أمل:يالله الحب الربع ينادوني ...
نورة: خلاص يا عمري روحي لهم ...
سكرت عنها وكلمت ربعها اللي صارلها مدة ما تعرف عنهم شي ...و خبرت فطيــــم عن سالفة أموووول لأنها ما تخش عنها شــــــــي ...
نورة: فطيم يالدبة اشتقت لج وربـــــــــــــي !!!
فطووم: وأنا أكثر ...يالله أربع أيام ونشوف بعض ان شاء الله .
نورة: والله قاعدة أعدهم باليوووم ...
فطوم: حتى أنا ..المهم شو عندج بشاير يديدة حق العيد ...؟!
نورة: خخخخخخخ شدرااااج ؟! تقرين أفكااري
فطوم: ههههههههه يمكن ..المهم حمستيني قولي شعندج
نورة: هذا الله يسلمج ..أختج وحبيبتج نورة عندها احد نيوووو
فطوووم: حلفي !!! يالله الحمدلله
نورة: ههههههههه والله العظيم ..وهالمرة يا فطوم غير عن باجي المرات ..ما عندها حركات البويات ..أحسها تبيني عشاني أنا وبــــــس ..
فطوم: مبروووك خبلوووه
نورة: الله يبارك فيج يالدبة ..
فطوم: أنا دبة ؟! شوفيني ضعيفونه شحلاتي أهبل
نورة: ههههههه شوي شوي ..خفي علينا
فطوم: ههههههههههه ...يالله يوم أشوفج أبي كل التفاصيل سامعه
نورة: من عيونــــــــــــــي ..
\\//
خلصت أيام العيد ولازم يردون حق السكووووووول !!!
الكل ما كان مصدق انها بتكون آخر سنه من حياتهم في المدرســـــــة
لأنه فعلا التعب اللي تعبوه مب شوي ...
نورة كانت كاشخة بأول يوم ... كليبسات حمرا على شعرها و رابطته كعكه وقصتها مسشورتها ...
و الأي لاينر الأسود الخفيف ... شكلها كان فعلا شكل وحدة رايحة مدرســـة بس بنفس الوقت كاشخــــــــه ...
دشت المدرســـــة اليدية وكانت نفس الضايعة وتدور صفها طبعا ً .. لفت ولفت ..وبالطريــــــج شافت كل ربعها اللي كانوا معاها في الاعدادية ..
و شما و هجوور و فطوم ومنووه وعنودي و عهود وكل البنات ...
وطلعت في نفس الصف مع فطوم ومنووه و شمووه !!!!
هذا كان أحلى شي الصراحــــــــة
كانت وايد مستانســـه لأنها طلعت مع احد تعرفــــــــه ....
يلسوا أول حصة كله يسولفون عن الاجازة و رمضان والعيد والسكول اليديدة و بنات السكول ...
خلصت الحصة الأولى و صارت الحصة الثانية ...و دشت عليهم مس الكيميا الجديمة مالتهم ..نورة و فطوم قعدوا يناقزوون من الفرحة ..وراحوا عند المس وتموا يسولفون معاها لأنه واايد يحبونها ..
و تموا كل الحصة وهم وياها و يضحكون وسوالف ...كانوا مستانسين لأنهم لقوا ربعهم اللي يعرفونهم ....و المسات أغلبيتهم انتقلوا وياهم .. ويعرفون نص بنات السكول اليديدة .. يعني ما كان الوضع غريب عليهم ...
مرت الحصة الثانية والحصة الثالثة و صار وقت الفسحـــــــــة ... شمووه راحت تدور ربعها و نورة وفطوم ومنوه راحوا عشان يشوفون هجووور ...طلعوا صفوف 3 أدبي صف صف ... وانه يلاقونها ..أبدا ً !!
شكوا انها تكون غايبة ولا شي فكملوا ممر أدبي وردوا تحت .....
نزلوا على الساحه كلهم .. وكل شوي اتيي بنت وتسلم عليهم و لا شلة يسلمون عليهم .. استانسوا على شوفة البنات اللي ما شافوهم من زمااااان ....
وهم مارين من عدال الكافتيريا ويسولفون وكله عادي ... رفعت نورة راسها و طالعت على زاوية من الزوايا ... و ردت نزلت راسها وهي متضايقة .....
فطوم طالعت نفس المكان .. و تادااااااااا !!! هند و فاطمة و غزلان و بنات ثانيات يالسين هناك...
طبعا ً فطوم فهمت على نورة ..و عرفت انها تضايقت من شوفة هند .. لفوا الثنتين ويوههم و كملوا مشي مع منوه اللي كانت مشغولة بالكلام مع زنووب بنت عمتها ...
نورة كانت من داخل تغلي .. يوم شافتها تذكرت كل شي .. و رد لها ذاك الشعور اللي تحرت انها نسته ...كانت تبيها تشوفها و اتيي اهيا وتسلم عليها ...تبي تعطيها طااااف معتبر ... فطوم ترمسها و هذيك ما ترد عليها .... و تطالع من تحت لتحت بطرف عيونها ....
يوم خلصوا من الكافتيريا يوا بيطلعون ولا نورة رفعت راسها بالغلط و يت عينها بعين فاطمة !!!!
أشرت لها نورة من بعيد بس فاطمة قامت وراحت سلمت عليها
فاطمة: هلا نوووورة (و سلمت عليها )
نورة :هلايات ..شخباار ؟؟؟
فاطمة: تمام حمدلله وانتي ؟؟
نورة: تمام .. فاطمة هذي فطوم ما عرفتيها ؟!
فاطمة: امبلى .. شحاالج فطوووم ؟!
فطوم: بخير .. (ولفت ويهها )...
فاطمة : تعالي سلمي على الشلة يالله
نورة : اوكي (تفشلت )
راحت لهم وعرفتها فاطمة عليهم ...
فاطمة : هند وغزلان تعرفينهم ..و مريم و علايا و حصيص و ريما و وعد
نورة : هااااي ..
الكل: هاااي ...
غزلان: شخبارج نوورة ؟!
نورة: تماام ..انتوا شخباركـــــم ؟!
هند ووريما : الحمدلله ...
حصة : ربيعتكم من الاعدادية صح
هند ):تطالعها وبابتسامه خبث) هيه ربيعتنا من زمان ..
نورة :يالله عن اذنكم
وراحت حق فطوم مرة ثانية و مشوا ....
هند كانت محترقة من داخــــل .. تبي تعرف ليش نورة ما كلمتها ولا طالعت فيها ...{ مب من عوايد نورة تسوي جيه .. الظاهر انها صدق نست السالفة } ...
و عند نورة ..
نورة كانت ترجـــــف و تهتز ... و فطوم تهدي فيها ...و هذيك مب قادرة تمسك أعصابها ...و ترتجف ...
فطوم: هدي أعصابج نووورة !!
نورة: ما أقدر فطوم .. ما أقدر ... مب مصدقة اني رحت و ما كلمتها ولا عبرتها ... الظاهر اني فعلا صرت قاسية نفس ما يقولون ..كيف ما طالعت فيها ... ما أدري ما أدري
و فجأة طلعت بويههم وحدة من زمان ما سمعنا عنها ... موزة ..!!
كانت تمشي وتعمدت تطلع بويه نورة والظاهر انها سمعت كل الكلام ..عطتها ابتسامه على الطايـــــر وراحـــــت ....
فطوم: نورة شفتي مووزة ؟!
نورة: وليـــــــــه أنا ناقصتها الحين ؟!!! الظاهر هذي ما نست السالفة ...فطيم واللي يسلمج بسير الصف مالي خلق أحد ..
فطوم: امشي ...
راحوا صفهم بسرعه علشان ما احد يشوف دموعها اللي على وشك تغرق الدنيا ....
وهناك كانوا يالسين و ساكتين ..فطوم مب عارفة شو تقول ونورة تطالع في الطزفة ودموعها أربع أربع على ويهها ...
فطوم: (تكلمت أخيرا ) نورة حبيبتي هدي أعصابج ما صار شي ...
نورة: أدري ..بس مقهوووورة ..مقهوورة يا فطومـ ...
وفجأة دشــــــت عليهم أماني ربيعه نوورة من زماااااااااااااااااااااان تذكرونها ؟!
أماني: أفااا نواااري تصيح ؟! شفيج يا قلبي ؟؟
نورة: ما شي أموون بس شوي تعبانه فديتج
أماني: (تحاول تصدق) ما تشوفين شر حبيبتي ..
نورة: الشر ما اييج ...
وطلعت مع ريووووم .....
خلصت حصصهم بسرعه ..ما احد حس بالوقت وهو يمشي ...دق جرس نهاية الدوااام وعلمـــــــــي كلهم طيرااان عشان يسيرون بيوتهم ...
كانوا واقفين يتريون زنووب ويسولفون عن امتحان الفيزياء باجـــــــر ..
و منووه ضايق خلقها من الدوام ومب طايقة أحــــــد ...
زنووب: هاااي بنات ..
فطوم: هلا والله ...
زنووب: شفيكم متضايقين ؟!
منوه: عندنا امتحان فيزياء زفت باااااااجر
زنووب:هدي أعصابج هدي أعصابج .. ما عليه امتحان وبيمر ....
منوه: يا خي والله مب حالة ..متى نخلص ونفتك
نورة: آآآآآه ..قولتج ..
زنووب : انزين يالله مشينــــــا ....
وهم قاعدين يمشون عشان يوصلون مواقف السيارات ...كانت موزة مجابلهم وتمشي شوي شوي وتطالع بنوورة من تحت لتحت كالعادة ....
نورة كانت ملاحظتها ..و نبهت فطوم بحركة خفيفة : فطيم شوفيها ..ههههههه كسرت خاطري والله ..
فطوم: هههههه بعدها مصرة ..خلاص ياخي ما تبينها
منووه: (بدت تصارخ ) واللي يسلمكم أحد يوصل لها انه نورة ما تباها خلاااااااص خل تفكنــــــا من هالسالفة ..
(نورة نقزت عليها ) : منوووووووووه الله ياخذج سكتس بس !!!
منوه: خلها تولي ياخي قرفتنا بسوالفها هذي ..يوم تطالع وعشر لأ
زنووب: هههههههه منوه اليوم صدق معصبة ...
نورة: ههههههه هيه ..الله يعيننا يا رب ..يالله بنات سلااام
:::::::::::::::
ثاني يوم كانوا في المدرســـه كلهم قاعدين ويسولفون .. و نورة مب عاطية أحد فيس بالمرة ..مع انه اكثر من وحدة يت تسلم عليهم بس ما عبرت ... و فجأة اتيي وحدة و تغمض عيون نورة من ورآ ..
نورة : مـــــــــــن ؟!!!!
؟؟؟؟: ما عرفتيني خيووووس
نورة : هجووووووووووووور !!!!!! (وراحت نطت عليها )
و الكل يضحك على خبالهم ...
نورة : هجوور يالحمارة اشتقت لج !!
هجوور : هههههههههه وأنا بعد غلاي ..شخباركم بنات ؟!
الكل: بخير الحمدلله ...
نورة : تعالي يلسي يالله ...
منووه: ها هجور شو كان الصيف وياج
هجوور: سكتوا ساروا قطر مليون مرة وما خذوني
نورة : صفي النية وياخذونج معاهم ثاني مرة ..صفي النية صفيها
الكل: ههههههههههههههههههههههههه هه
هجوور : نوروووووووووو !!!
وتموا جيه على سوالفهم و ضحكهم لين خلصت الفسحة وكلن طلع صفه ..
راحوا نورة وفطيم و منووه يوصلون هجور صفها ..ويوم وصلوا عند باب الصف تكلموا شوي ...
؟؟؟؟؟؟؟؟؟: لو سمحتي ..درب بمر ..
نورة : سوووري (و يت بتلف وانصدمت !!! ) آسفة !!
هند: لا عادي ... (وابتسمت ) شحالج نورة ؟
نورة : بخير الله يسلمج ...
هند: دوووم ...
و دشت الصف ...
نورة هالمرة ما ارتجفت ولا شي .. تقبلت فكرة انها بتضطر تتعامل معاها كل يوم .. وخصوصي انها في صف هجووور !!!
نورة : يالله فطيـــــــم تعالي
فطوم:باااي هجووور
هجور: الله وياكم
ردوا كلهم حق الصف وكملوا يومهم عادي ...
//\\
مرت عليهم الأيام عادـــــيه ..دراسة وقرف وهم كالعادة ..الأوضاع في المدرسة عاديـــــة ..و هند بعدها تعاملهم بتكبر كعادتها من يوم ما تغيرت .. بس نورة بعد كانت ما تعطي فيـــــــس
كانوا كلهم ماشيين في الفسحــــــة ... طبعا ً موزة تلف وتدور من حوالينهم .. وأكثر من بنية عيونها على فطوم ..
و هم لايعه جبدهم من المواد والدراسة والضغط اللي عليهم ... و نورة هالأيام زايدة عليها الآلام و تكابر وما خبرت أحد ....
قعدوا يتمشون والفسحة كانت بأولها .. مروا على منووه وخذوها بطرقهم .. و هجوور لقوها في الممر ..اجتمعت الشلة كلها و مشوا مع بعـــــــض ...
وقفوا بزاويـــــة من الزوايا و هم يتكلمون .. ونورة كانت معطيــــــة ظهرها للساحة ومب شايفة شي ...و على سوالف وضحك و خبال هجوور اللي ما يخلص ..
في وحدة كانت يايـــه شوي شوي ..و رايحة صوب نورة ... الكل في الساحه فعد يطالع هالبنية ..فطوم كانت شايفتها و تطالعها بس أشرت لها انه (شششششششش !! ) ... و يت و مرة وحدة رفعت نورة وشلتها فوووووق !!
نورة : أموووووووووول !!!! تكفين نزليني ..نزلينــــــــــــــــــي !!!
أمل : (وهي تنزلها على الأرض )خلاص يالله بعفي عنج
والكل يضحك على نورة كيف خافـــــــت ...
نورة: (تنافخ) أمووول حرام عليج !!!
أمل: كيفي كيفي ..
نورة (لفت على ربعها ) : بنات أعرفكم .. أموووول
الكل: هاااي أموووول
أمل: هلا والله ..شحالكم ..
فطوم: تمام الحمدلله ..وانتي ؟!
أمل: بخير ...بنآت عادي أسرقها منكم شوي ؟
منووه: أفا عليج طبعا عادي .. تفكينا منها شوي عالأقل ..
(نورة سوت عمرها زعلانه)
أمل : زعلووج حبيبتي ؟!(نورة هزت راسها بايه ).. لاا عاد ما أرضى عليها !!
و كلهم صاروا يضحكون ....
أمل: يالله جااااااااااو ...
الكل: الله وياكم ...
ويوم بعدوا شوي ...
منوه: تدروون حبيت أمـــل وايد
هجوور: هيه طيووبة والله ..
فطوم: بعدين ما شكلها تلعب على نورة .....
أمل كانت ماسكة نورة بدلع ..و لفوا عشان يروحون من الجهة الثانيـــــة ...
و شافت المنظر اللي غير حياتها للأبد !!
هند ..واقفة من بعيد .. و تطالع فيهم نظرة المصدومة .. كان شكلها مكسورة واااايد .. عيونها كانت تكشف عن وحدة كبرت 10 سنين مرة وحدة ...!!
نورة طالعتها بنظرة سريعه و كملت مشي هي وأمل .. و بحكم انه أمل و هند كانوا متهاوشين فما كلمتها ولا سلمت عليها ....
ذيج اللحظة .. و بالنظرة اللي طالعتها فيهـــــــا .. وشافت حجم الانكسار على ويهها .. انبرت كل الجروح مرة وحدــــــــــة ..مرة وحدة !!.. و عذاب السنتين اللي مروا كأنه انمحى من ذاكرتـــــها للأبد ... مليون شعور و شعور يخبطون براسها ..مب قادرة تركز الا على اللي شافته ...
أمل: شفيها طالعتج جيه ؟!
نورة: ما أدري ....يمكن مقهورة ..
أمل: لأني وياج ؟!
نورة : ما أعرف أي شي ..غيري الموضوع بليز
أمل: نورة انتي بعدج تحبينها ؟
نورة: اممم .. ما أدري شقولج .. هند كانت حب حياتي ..ما أعتقد اني بحب احد مثل ما حبيت هند .. بليز لا تفهميني غلط ولا تزعلين
أمل : ( تضايقت ) لا ما باخذ على خاطري ولا شي ...
نورة: بس الحين كل ما أطالع فيها أتذكر حجم الألم اللي سببته و أكرهها ..
أمل : أهــــــــــا .. نويرة خلنا فينا الحين ... (ابتسمت لها بطريقة طيحتها من طولــــها ) اشتقت لج !!
نورة : (نزلت راسها بحكم انها ما تحب أحد يطالعها عن قريب ) .............. وأنا أكثر ...
وقفوا بمكان معزول شوي .. يت صوبها وتمت لاصقة فيها و حاضنتها بطريقة ملفتــــــــه ايدين نورة على رقبة أموول وأمل ماسكتها من خصرها .. وكل من يمر يتم يطالعهم و يضحك ...
نورة:( يوم شافت نظرات البنات ) حبي بس خلاص !!!
(ودفتها بعيد عنها )
أمل : شو خلاص شو خلاص .؟؟ كيفهم خلاص .. أنا أبيج واشتقت لج .. ولو نحن بروحنا بتشوفين شسويت ..
نورة :):استحــــــــــت )...
أمل: شفيج يبه ما قلت شي بعدني .....خلاص ما بعيدها حرمــــــت .. كل ما بقول شي بتستحين يعني ..
نورة : (ساكته ) .......
كل اللي تفكر فيه هالتغييرات الغريبه اللي صايرة لها .. نورة بعمرها ما استحيت يوم أحد يدلعها ولا يقول شي ..اشمعنى الحيـــــــــن ؟!
أمل خذت نورة و راحوا قعدوا في مكان بعيد و يلست نورة بحضنها ... و تمت تدلعها و تغازلها و تسولف وياها و تدرون كيــــــــــف ...
وموزة تلف وتدور من ناحيتــــــهم .. وشكلها careless كالعادة بس نورة تدري انها ميته قهر ...
أمل(لاحظت انها تطالع نورة وايـــــــد ) : هي انتي ..خير عندج شي ؟!
موزة: لاا ما شي ..
أمـــــل (وقفت ) : بالله تعالي قعدي معانا ..حياااج !!!
نورة: (تهديها ) بس حبيبي بس ..خلها تولي ..
أمل: قولتج ... المهم وين كنـــا ؟!
(تررررررررررررررررن !!! ) للأسف وقتهم خلــــــــص ..وصار لازم ترد نورة لصفها قبل لا المس اتيي و تسويلها سالفة عالتأخير ..و حتى أمــــــــل صار لازم ترد الدوام لأنها تأخرت .....
أمـــــــــل: يالله يا قمر روحي الصف وأكلمج اليوم اوكي ..
نورة : حاضر ... (نزلت راسها ) ......بشتاق لــــج ..
أمل: آآآآخ يا ربي ..و تلوموني في حبها ؟!
نورة : (استانست ) ...انزين يالله بااااي
و ردت صفها .... و أمل ما تحركت من مكانها الا عقب ما تأكدت انه نورة صارت في الصف ...
نورة من دشـــــــت الصف نطت عند فطووم ومنووه وشما وقالت لهم كل شي صار ...
منووه: يعني الحين هي تهاوشت وياها ؟!
نورة: شو قاعدة أقول من ساعه أنا ؟!
فطوم: برااافو برااااافو ....بردت حرتي والله ..
شما: زين سوت فيها ...على فكرة أنا مب فاهمة شتبي الزفتة موزة ...
نورة: أنـــــا أقولـــــــج ..هم يسوون حركة و يتريوون انه نتعلق فيهم ونروح لهم ...بس على ميـــــــــن ..أنا نوورة يختشي !!
شما: ههههههههههههه ...صح هم كانوا يسوون جيه العام
فطوم: علـــــــيج نوووووووور ..يعني حركاتها مفهومـــــــــه ..
منووه: خلها تولي .. يالله تعالوا يلسوا لا اتيي المس وتسود عيشتنا أكثر ما هي سودة ....
بنفس اليوم على العصريات تقريبا ً كانت أمل رادة البيت بعد الدوام ... ومن وصلت غرفتها على طووووووول دقت على نورة ...
أمل: تدرين اني اليوم استانست بشوفتج في السكوول ؟!
نورة: حتى أنا والله ..
أمل: شكلج حلو وانتي في المدرســـــة .. اللي يشوفج ما يقول دحيحة وحركاااات
نورة: ههههههههه كلهم يقولون جيه ...
(و سكتوا شوي )
أمل: نورة بطلب منج شي بس تقولين تم
نورة: تحت أمرج يا عيوني ..
أمل: فديتج وفديت كلامج العســــــل يا ربي !! سمعيني حبي .. باجر عندنا حفلة بنات وبويات و تدرين الكــــــل بايي و حبيباتهم معاهم ..وأبيج تنورين الحفلة يا عمري .....
نورة : (ارتعبت صح ) هااااااااااا ؟! الحفلة انتي مسويتها ...ليش ؟!
أمل: شفيج خفتي ؟! ....... هيه مسويتها بس جيه خاطري ببارتي
نورة : انزين ....
أمل: ليش خفتي ؟!
نورة : لااا بس طول عمرنا نسمع عن هالحفلاات ولا عمرنـــــا رحناها .. و ما أعرف عنها شي
أمل: حبي هي حفلة عادية .. بنات يرقصون ويستانسون و انتي بتكونين وياي بتتعرفين على الربع و بس
نورة : انزين .. بحاول ان شاء الله ..
أمل: تحاولين بأي طريـــــقه اوكي
نورة : من عيوني .....
أمل: يالله روحي ارتاحي يا عمري ..
نورة : اوكي .. سلااام ..
و على طوووول ركض عند أبوها في مكتبه .... و بأسلوبها الجذاب في التمصلح والتمسكن ..بدت تتكلم ..
نورة : يبه حبيبي عيوني انت ... خاطرك في شي يالغالي قولي بس قولي الحين أييبه
أبوها:هههههههههههههه نورة فكينا شو تبين ؟!
نورة :فديتك طول عمرك فاهمني ..اممممممم .. احم .. باجر .. عندني حفلة وحدة من ربيعاتي .. تعرفها أمل اللي يت ذاك اليوم ووصلت لي كتابي ..
أبوها: هيه ..
نورة :المهم اني خاطري أروح ..بعد اذنك يعني ..
أبوها : اوكي روحي ....
نورة (بطلت عيونها ) : هااااااااا ؟!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك