بداية

رواية تحياتي لمن دمر حياتي -19 البارت الاخير

رواية تحياتي لمن دمر حياتي - غرام

رواية تحياتي لمن دمر حياتي -19

نورة :فديتك طول عمرك فاهمني ..اممممممم .. احم .. باجر .. عندني حفلة وحدة من ربيعاتي .. تعرفها أمل اللي يت ذاك اليوم ووصلت لي كتابي ..
أبوها: هيه ..
نورة :المهم اني خاطري أروح ..بعد اذنك يعني ..
أبوها : اوكي روحي ....
نورة (بطلت عيونها ) : هااااااااا ؟!
أبوها : روحي الحفلة
نورة :يعني ما شي أفكر و 3 مرا ت لأ عقب اوكي و هالحركات ؟!
أبوها : بغير رايي ترا !!
نورة : له ..وين تغير رايك فديتك ..لاااا خلااص تامر على راسي انت ..
أبوها: أي ساعه أوصلج ووين بيتها ؟!
نورة : لااا هي بتمرني لا اتعب عمرك يبه
و بسرعــــــــــــه راحت على غرفتها ودقت على أمووووول و خبرتها .. وعقب على كبتها تشوف شو بتلبس .. وهني كانت الصدمــــــة ... نورة ما عندها شي تلبسه !! من ورا السنتين اللي مضتهم في وحدة و كآبة كانت ما تهتم انها تشتري شي حق عمرها والحين ثياب الحفلات اللي عندها ما تنفع !!!!
اكتأبت شوي وراحت قعدت على الصوفا وهي زعلانه ......
بس اتذكرت انها ما قالت حق شموووووووه ..راحت وكلمتها و هي تناقز و الثانية تناقز معاها بعــــــــــد ...
طبعا ً كان ودها شمووه تكون معاها و عزمتها بس شمووه رفضــــــت ..ما عندها أحد تروح معاه .... و ما تعرف أحد ..يعني ما لها لازمة تروح ...نورة أصرت بس شمووه مقررة خلاص ...
ردت حق كبتها و ملابسها و هي محتارة .... ما تدري شو تلبس وما شي وقت تروح تشتري ..يعني أزمة من الخااااطر !!!
شوي ولا سمعت الباب يدق ....
نورة: تفضــــــــل
عليوي : نورة الخدامه عطتني هالأكياس تقول من وحدة ربيعتج ..
نورة : امممممم ..عطني بشووف ..
بطلت الأكياس ..و لقت فيها ملابس يديدة ... و كشـــــــــخه !!
بنطلون جينز رمادي فاتــــــــح ... و توب رماديه فاتحة وفوشـــــــي (شبه توب بالأحرى ) لأنها مفصخة بطريقة مب طبيعية ..بس فيها حبل يلف على الرقبـــــــة ومفتووحة لين آخرالظهر و من ورا في فيونكة فوشــــــية و بس !!
و شوز بكعب لونها فوشي تينن !!!
و شافت معاها علب الأكسسوريز .. يعني جاهزة من كله !!
راحت جربت الثياب ..و ما تصدقووووون !! لو نورة رايحة و شارية الثياب بنفسها ما طلعت على مقاسها بالضبط !!!
وقفت جدام المنظرة .. شكلها كان واايد حلوووو .. لولا كشتها المنفوشة ..ههههههههههه


المهم ... لقت فونها يدق صارله ساعه وهي لهت ويا الثياب ... راحت و ردت عليه
أمل: صارلي ساعه أدق وينج ؟!
نورة:سوري حبي بس .......
أمل:(قاطعتها ) المرة اليايه تردين من أول مرة
نورة (ابتسمت ) : حاضر ..
أمل: المهم ..بشريني ..وصلتج الأغراض ولا بعدها
نورة : انتي ؟!
أمل: ههههههه هيه أنا ..(و تكلمت بجدية ) ليش في أحد غيري اييبلج ؟!
نورة : لاا لاا والله ما شي ..بس انصدمت ..الا قوليلي كيف عرفتي قياسي ؟! لو شاريتهم أنا ما اطلعوا جيه ..
أمل: هذا أنا الله يسلمج ..يوم كنت أضمج ولا أحظنج ..أشوف قياس التوب والبنطلون مالج ..
نورة : يما منج انتي ..!!!!
أمل: أخرع لااااا ..المهم باجر الساعه 6 بمرج اوكي
نورة: من عيوني يا عيوني
أمل:فديــــــتج وفديت عيونج الحلوين ..شسوي أنا لو أحبج و دنيتي كلها انتي ؟!
نورة: (استحت) تدرين يا أمل ..أخاف انتي الشخص اللي قعدت أتريااه كل عمري ..و ياه على آخره
أمل: (بنبرة شك) شو تقصدين ؟؟
نورة: هاا ؟؟؟ لاا ولا شي ولا شي ...خلاص باجر 6 أكون جاهزة
أمل: انزين .. يالله بااي ..
يلست نورة على الصوفـــــا ...وهي متضايقة من الخاطر ...
أموول لازم تدري بسالفة مرضــــها .. بس لو درت بتروح عنها للأبد ...
ما يصير تخش عنها هالشي بس محتاجتها أكثر من اي وقــــت ...
نورة كانت تحبها صدق ...ومب عارفة شو تسوي ...هالسالفة خربت عليها يومها بكبره وهي تفكـــــــر فيها ..
حتى في الليل ما قدرت ترقد ..
على الســــــت بالضبط أمل كانت تتريا نورة تحت بيتهم ... وهالشي خلاها تكبر في عيونها أكــــــثر ... نورة تحب الشخص اللي يلتزم بمواعيــــــده ...
نورة(وهي تدش السيارة ): هاااااي حبيبي
أمــــــل: هلا بعيوني ...(وحبتها من خدها) ...أقوووول نوووورووو ..ليش كاشفة ويهج ؟!
نورة: نعــــــــم !!؟!
أمل: يالله تغشي بسرعه ..ما أحب أحد يشوفج وانتي بالميكب
نورة : انزين ....(ومن داخلها ميته من الوناسه !!!)
و سادت فترة صمـــــت بالسيارة ... حست خلالها أمل انه نورة زعلت ....
أمل: حبيبتي زعلتي ؟!
نورة : لا يا عيوني .. ليش أزعل
أمل: انتي حقي أنا وبس ولازم أحافظ عليج ...
نورة: تدرين ... ترييت عمري كله عشان أسمع هالجملة ...
أمل: ليش انتي تحبين هالأسلوب بالمعاملة ؟
نورة: اهااا .. واااااااااااايد !!
أمل: كنت أتحراج نفس اللي عرفتهم قبلج ...
نورة: لو لفيتي هالعالم مليون مرة ما بتلاقين نفسي ...
أمــــــل: ويــــه فديت الثقة بس !!
نورة: مب ثقة ..بس باجر تعرفين ...
أمــــل: يالله حبي وصلنــــــــا ...
رفعت نورة راسها ولقت عمرها جدام بيت مرتــــب و حلـــــو تصميمه من برع ...
الفيلا لونها أبيض و فيها شوية أخضر على الأطراف ...
ولقت أنوااااع الزحمة وأنوااااع السيارات برع !!
و كل اللي يطلعون منها ستايل واحــــــد .. بوية لابسة جينز و توب ملونه ... وبنية لابسة عباه (وما خفي أعظم ) !!!
أمل: يالله قلبي نزلي من السيارة و خل ندش .. البنات كلهم وصلوااا !!
نورة (بنبرة خووف ): اوكي ...
ما كانت تعرف شو اللي يترياها داخل ..يعني هم يسمعون وايد عن هالحفلات بس اللي يصير فيها مجهول نوعـا ً ما !!
دشوا من الباب بصعوووبة ... لأنه البنات كلهم متيمعيين على المدخل و يسولفون و اللي تعدل عمرها على المنظرة وحالـــــــــــه !!
مشوا مسافة عشان يوصلون على مكان الحفلة ..أو الصالة (مع انهم كانوا واقفين بعيد شوي )...كانت عوووووووودة و كلها ليتات الديسكو اللي تدور وتطلع ألوان ...و مزينه زينة خفيفة ..و الديجي حاطينلها طاولة على صوب ..والأغاني شغـــالة على أعلى صوت و رقص و بنات وبويات و تلصق وحركات الله لا يوريكم ....
أمل: نورو حبي يالله روحي فصخي عباتج وحطيها بغرفتي اللي فووق ..
نورة: انزين ما أعرف أي وحدة غرفتج ؟!
أمل: شوو ما أسمعج ؟؟؟؟؟
نورة:(بصوت أعلى ) أي وحدة غرفتــــــج ؟؟؟؟؟؟
أمل: تعالي بطلع وياج ....
ومسكتها من ايدها وركبوا الدري اللي يوصل على فوووق ...
كان المكان هادي نوعــــا ً ما ..يعني كل اللي فوق كانوا بس واقفين ويسولفون ...
أموول كانت مقفلة كل الغرف وحاطة المفاتيح بجيبها ... ما تبي يصير ببيتها مصيبة بعد ....
وقعدت تجرب مفتاح مفتاح ... وولا واحد فيهم كان صح ..
وردت مرة ثانية جربت مفتاح مفتاح ..
نورة كان الوضع عايبنها ومرتاحه انها بعيد عن الربشة والحفلة اللي تحت ..
أمـل : يـــــــــس !!!! أخيرا تبطل الباب ...يالله حبي دشي ..بريولج اليمين
نورة: ههههههههههههههههههههههههه هههه
أمل: آآآآآآخ حتى ضحكتها تينن ...
نورة :( مستحية ) ........................
دشوا هم الثنتين .. و نورة وقفت تتأمل بغرفة أمل ... كانت مرتبة وااايد .. صابغتها أزرق و معلقة صور سيارات وأشياء دفاشة ومصارعة ...
نورة: غرفتج وااااااااااااااو !!
أمل: والله ؟! أحسها عادية
نورة: بالعكس واايد مرتبة ... وكشخة
أمل: فديتج والله ...يالله أتحفيني ..راويني شكلج ..
نورة فصخت العباه و تمت ماسكتها وهي مستحية من شكلها ..يعني هي بعمرها ما لبست شي مفصخ بهالطريــــــــقه !!!
أمل: شلي العباه أشوووف ..
نورة : نــــــــأ (لأ )
أمل: يالله شليها بشوووووووووووف !!!!
راحت نورة وبعدت ايدها ....
أمـــــــل : (بطلت عيونها و عقب صفرت ) ...وااااااااااااااااااو !!!
نورة: شو اللي واااااو ؟!
أمل: طالعي شكلج بالمنظرة بعدين سألي ...على فكرة مستحيل تنزلين تحت بهاللبس ..
نورة : (بطلت عيونها على الآاااااااخر ) عيل شو بلبس !!!!
أمل: ما أدري ... والله لو واحدة فيها طالعتج لأتهاوش وياها و أطردها برع بعد
نورة: هههههههههههههههههه ...هدي أعصابج يبه
أمل: انزين .. بحاول .. المهم يالله يا قمر تعالي ننزل وعقب نطلع هني مرة ثانية (وغمزتها) ...
نزلوا ثنتينهم ..وبالطريج الكل صار يسلم على أمووول و نورة ..لين وصلوا عند الديجي ...
أمل: هااااااااي عبووووود ..
عبود: هلا والله ..وينك يالخايس صارلي مدة هني ما شفتك
أمل: كنت فوووق ..المهم أعرفك ..نورة ...(ولفت على نورة ) نورة هذا عبوود .. ربيعي وأخوي اللي أثق فيه
نورة: هاااااي ...
عبود: هاي يالحلوة .. (لفت على أمل) معقوولة هذي حبيبتج اللي كلمتيني عنها ..
أمل: هيه ..
عبود: بسم الله ما شاء الله ما توقعتج جيه ..حسبت حميييدووه يبالغ ..
نورة (بكل براءة ): من حميدوووه ؟!
أمل: احم احم .. أنا يا قلبي ..
نورة : (تفشلت) اهاااا ..
عبوود : يالله ..انخرطوا مع الرعيــــــــة ..
أمل: هههههههههههههههه يالله اوكي ..باااي ..
وراحوا عند تجمع البنات والبويات .. ومن شافوهم بعدوا كلهم عن الدرب بطريقة سحريــــــة و صاروا نورة و أمل بالنص ...
أمل أشرت حق عبوود انه يقصر على صوت الأغاني ...
نورة اللي كانت متعلقة فيها وماسكتها بدلـــــــع فراحت أمل مسكتها بايد ورفعت ايدها عشان تسلم على الجمع الغفير بالايد الثانية ...
أمل:( وهي ترفع ايدها ) هاااااااي صبايا وشباب ...
الكل: هاااااي حميد
أمل: هذي حبيبتي و عمري نووورة ..عالعموم يالله استانسوا ...
و رد صوت الأغاني ارتفع مرة ثانية ... و رد الكل يرقــــــص ... ونورة تمت ترقص هي واموووول ... و بين المعجب فيهم و بشكلهم ويا بعض .. واللي يحسدون أمــــــــل .. والمقهورين من نووورة ..كان في 3 بنات واقفين على صوب ويطالعون ...
موزة: أمووووووول الحقيرة ..!!
سارة : شو تبين فيهم خليهم ..
موزة: والله !!
سارة: انتي كنتي تلعبين عليها ..بعدين طلعت هالبنية غير عن البنات كلهم ..والله وطحتي يا موزوووو ...(ولفت على ايمان ) يالله حبيبتي نرقـــــــص ..
إيمان: يالله .. جاااااو مووزة
موزة: الله وياكم ..
وتمت في مكانها تطالع و تتحـــــسر ...
مرت نص ساعه على هالوضــــــع ..تصوروا ورقصوا واستانسوا بس أمل بدت تمــــــــل ...مسكت نورة وسحبتها من إيدها ...
نورة : على ويــــــــــــن ؟!
أمل: بنروح فوووق ..يالله ..
وطلعوا ثنيناتهم للغرفة مرة ثانــــــية ...
[ و في الغرفــــــــة ]
نورة: اوووووووووف يا ربي تعبت .. هالكعب كسر ظهري ..
أمل (مشغولة بالميوزيك اللي تحطها ) : فديتج .يا ليته فيني ولا فيج ..
نورة: لا حياتي ..بعيد الشر عنج
وبدى صوت السوفت ميوزيك يصدح في المكان ... يت أمل صوب نورة ..وسحبتها وياها ... وصاروا يرقصون slow ...
أمل كانت تمسكها وتتمايل معاها بكل حنيــــــه .. وعينها بعين نوووورة ....
اللي كانت مستحيــــــــه بس بنفس الوقت مستانسة ...
أنفاسهم الحارة تلاقت ويا بعـــــــــض ...
لحظاتهم مع بعض مرت خيالية .. مثالية ...
الوقت وقف .. مثل الأساطير
اللحظات مركزة عليهم وبــــــــــس ..
راحت أمل و شلتها وحبتها من خدودها ...
و حطتها على الصوفا ..ويلست عدالها ...
أمل( وهي تحضن نورة بكل حنية ) : اترييت كل عمري عشانج يا نورة .. عمري ما حبيت هالكثر ولا بحب أبدا ً
نورة: انتي يا أمل .. بتكونين أمل عمري ...الأمل اللي قعدت أحلم فيه من 6 سنين ..
أمل: نورة بسألج سؤال بس بتجاوين عليه ..
نورة: من عيوني ..
أمل: أنا من زمان هالشي ببالي ... أنا يا نورة فقدت الأمل اني أرد بنية مرة ثانية .....لو رحت وحولـــت عند دكتور .. وييت خطبتج بتوافقين ؟!
نورة (مصدووووووومــــــــة) : شووووووووووو ؟!
أمل: اللي سمعتيــــــه ...
نورة (تلخطبت فوق تحت ): أمل في شي كان لازم أقولج ياه من زمااان ..أمـــــل أنا ...أنــــــا .......................(وغابت عن الوعي )
أمل: نووورة ..نورة قومي ....نووووووووورة !!!!
ألو ..عبوود ..اطلع لي فووق بنودي نورة المستشفى ..يالله الحين ......................
وشلتها أمل بمساعدة عبود اللي جهز السيارة .. وراحت تراكض فيها من مستشفى لمستشفى
:::::::::::::::::::::::::::::::::::::
فتحت عيونها و دخل وهج الليتات القوي بعيونها ..
ردت صكتهم ...تسمع أصوات الألات اللي موصلة فيها ... تشوف طيف أمل اللي واقفة برع و تطالعها بكل أسى ..نظرات أمل ذاك اليوم كسرت قلب نورة من داخــــــــل ... ما تعرف شي ... كان لازم تقولها من زمااان .. ما تجرأت تقولها ..خافت تتركها ...اوووووووه ردينا لنفس الدوامة ؟!
الدكتوور: هاا نورة كيف صرتي الحين ؟!
نورة: بخير دكتور ...(واتذكرت شي ) .....و حسست جسمها بايدها .......(ويــــــه الحمدلله انها لبستني عباتي !!)
الدكتور: أنا بكون صريح معاج يا نورة ... الورم انتشر وما نقدر نسيطر عليه .. واحتمال كبير تفقدين البصر ...ووظايف القلب كلها مختلة وما ندري متى يوقف بعد عمر طويل ان شاء
نورة (تتماسك بصعوبة ) : القلب مختل من زماان يا دكتووور ...هههههههههههههه
الدكتور: ههههههههههههههههههههههههه .... عمري ما شفت أحد على مشا.......
نورة: قولها دكتور ..على مشارف الموت ..خلاص أنا متأقلمة مع هالفكرة من زمااان ...
الدكتور: الله يكتب اللي فيه الخير ..أخليج ترتاحين ...
طلع الدكتور ومن عقبه دشت أمل ... بنظراتها المكسورة المهزووزة .. اللي نورة عمرها ما شافت مثلها ...
أمل: ليت التعب فيني يا بعد عمري ...
نورة: بعيد الشر عنج حياتي .....(وسكتت ) .....أمل في شي لازم تعرفينه ..
أمل: انزين الدكتور شقاال ؟
نورة: أمل ركزي معاي ..... أنا مريضة .. وعندي ورم بالدماغ وما كنت آخذ أدوية ..وخلاص قربت أموت ..بس حبج خلاني أتحسف مليوون مرة على القرار اللي خذيته بخصوص الأدوية ..أدري انه هذا قدري ولازم أتقبله .. بس أنا أحبج يا أمل ..انتي كنتي الشخص اللي ما حبني عشان مصلحة ولا شي من حب بويات هالأيام ....
أنا ما عندي أي سبب يخليني معترضة على قدري ...!!!!!!!
أمل: (تسمع وهي مصدومة ) ............................. نورة أنا بروح ....
وطلعت .. على الرغم من محاولت نورة انها تناديها ..بس ما شي فايدة .. أمل راحت ..ويمكن للأبـــــــــد !!!
نورة دشت بحالة صياح هستيرية ....خذت فونها ودقت على شما ....: شموووه ..شمووه الله يخليج دقي عليها خليها ترد .. شمووه أحبها أنا أحبها ... شما أنا قربت أمووووووت .... وطاح التلفون من ايدها ...
شما : نووووورة ..نووووووووووووورة !!!!
شما سمعت هالجمله من صووووب .. واتيننت ....راحت قومت أبوها من النوووم وهي تصاارخ ..: يبه يبه الله يخليك ودني عندها الحين ... يبه نورة في المستشفى .....بسرعه يبـــــــــــــــــــــــ ـــــه !!
أبوها: انزين انزين ..بس ألبس ثيابي ..صلي على النبي يبه
وركــض على المستشفى......
وصلت شما لغرفة نورة ولقتها بحالة هستيرية من الخاطـــــــر ...
شما: حبيبتي نورة بليز لا اتصيحين
نورة: شمووه أمل راحت ..راحت ..
شما: اهدي وخبريني شصار
نورة: شما أنا طحت واغمى علي يوم كنت في غرفتها ..(تشاهق ) شلتني ويابتني هني ...تمت تتريا برع و كلها نظرات خووف ..نظراتها موتتني مليوون مرة يا شما ...ويوم خبرتها ..قالت لي نورة انا بطلع وراحت ....
شما: ما دقيتي عليــــــــها ؟!
نورة: لأ يا شما لأ ...
شما: انزين دقي وشوفي ..
نورة ......(دقت عليها وايد بس ما احد يشيله ) ....ما احد يرد علي ...
شما: دقي مرة ثانية ......
نورة ................(الهاتف المتحرك الذي طلبته مغلق أو خارج نطاق الخدمة حاليا ً ..........) آآآآآآآآآآآآآه يا ربي ..مغلق يا شما مغلق .... أمل راحت عني ..للأبد !!!!!
ودشت في نوبة الصياح مرة ثانية ..........و صارت هي وشما يصيحون ويا بعض ......و تموا جيه لين رقدوا الثنتين ..والدموع بعدها ما نشفت على خدودهم ...
//\\
ثاني يوم كان كئيــــــــب .. شما يالسة على الكرسي وساكته ... ونورة مالها خلق أحد ...وأهلها كل شوي يدشون ويطمنون عليها ...
اتصلت عليها عمتها من سوريــــا (أم العنود تذكرونها ؟! ) وبدت تكلم نورة وتتطمن عليها ...
عمتها: حبيبتي نورة انتي بخير الحين ؟!
نورة: الحمدلله ..
عمتها: يالله شدي الهمه نبيج تطلعين من المستشفى
نورة: شادة الهمة .. بس الموت أبطــــــى شوفولي حل
عمتها: نورة شو هالكلام ؟! يا ويلي عليج يمــــه ..ما أبيج تتضايقين ولا تزعلين ..
ما يصير تقولين هالكلام يمه انتي باجر بتطلعين وبتيين لنا وكله بيكون تمام ...
نورة : ان شاء الله ...
عمتها: انزين العنود تبي تكلمج ..
نورة: أكيد هاتيها ...
العنوود: نووووووورة حبيبتي سلامتج ما تشوفين شــــر يالغالية
نورة : الشر ما اييج يا قلبي
العنود: انتي طلعي من المستشفى ولج علي باارتي ما حصلش
نورة: هههههههههههههههه ولا يهمج ...
العنود: انزين يالله انتبهي على عمرج اوكــــــي
نورة: ان شاء الله ....سلااام
العنود: باي
صكت الخط وردت حق الجموع اللي في غرفتها ...
خلاص طفرت ما تقدر تستحمل أكثــــــر ...
نورة: يمه حبيبتي ...ردي البيت انتي واللي وياج ..ما له داعي قاعدين هني ..
أمها: كيف يمه ؟! مستحيل أتركج ..
نورة (تهدي عمرها لا تنفجر ) : أبي أموت بروحي يصير ولا لأ ؟!
أمها: (بدت تصيح ) خلاص انزين ..(ولفت على شما) يما شما ..لو تعبت ولا شي دقي علي ..
شما: ان شاء الله ....
أمها: (بدت تحبها و تصيح بحضنها ) الله يشفيج يماا ...
نورة : الله لا يسمع منج ..
وطلعت أمها .......
نورة : (تقلد امها ) الله يشفيج يا رب ....نااااااااااااااا !!! أقول شمووه دقي على فطوم ومنووه وهجور ومي خلهم ايوون ..
شما: ان شاء الله ....
نص ساعه والبنات كانوا عندهــــــا ..وحالتهم حالة من سمعوا الخبر ...
نورة شافتهم وبدت تصيح ....وهم يصيحون معاها ....
نورة : (تمسح دموعها ) سمعوني الحين .. ما عندي وقـت ... بوصيكم بشي ... انتبهوا على أعماركم عدل ..(لفت على فطوم ومنوه وهاجر ) وما أوصيكم على بعـــــــض ..تماو مع بعض طول ما انتوا عايشين ...
وقووا علاقتكم برب العالمين عشان يغفر لكم ونلتقي في الجنه ...
(بدوا يصيحون ) ....
واتذكروووني ..اتذكرووني بخير ...
فطوم: نووورة أحبج .....(ضمتها وبدت تصيح ) ....
منووه: ما توقعت اني بفارقج يا نورة ...
نورة :( تتمسايك وتمسح دموعها ) الفراق شي الله كتبه على البني آدم وما نقدر نهرب منه ...
ما أبي ولا وحدة فيكم اتييني المستشفى سمعتوا ...خلاص هذي آخر مرة تشوفوني فيها ...
مي : لاااااا مب على كيفج ..!!!
هجوور: ما نقدر يا نورة
نورة : ميووي حبيبتي لا تصعبين الموضوع أكثر مما اهوه صعب ....طلبتكم بآخر طلب لي ...
الكل: ان شاء الله ...
وقعدوا مع بعضهم اللحظات الأخيـــــــرة ...اللي بتنحفر في الذاكرة للأبد ...
صار وقت ردتهم للبيت ...ما يبون يهدونها بس هذا أحسن لهم ولها ....
منووه: الله يغفرلج ويتجاوز عنج ...و يدخلنا الجنه اللي ما بعدها فراق ...
نورة (دمعت ) : آميـــــــن ...
فطوم: الله معاج حبيبتي ...
نورة: الله وياكم حبايبي .. انتبهوا على أعماركم ...
ودعوها كلهم واتركوهـــــــا مع شما ....
وبدت الناس تتوافد .. سبحان الله كأنهم بيودعونها الوداع الأخير .. غالية وحنان ومريوم .. ميرا ودانه ..ربيعاتها ..وناس ما تعرفهــــــــــم ...
يلست معاهم .. وصار لازم تقول كل اللي بخاطرها ولا تخبي عليهم شي ...
نورة : مريوووم ...
مريم: آمري يالغاليــــــــة..
نورة : حافظي على ريلج لأنه الرياييل اللي مثله في هالزمن انقرضوا ...وماأوصيج على عمرج ...
مريم(بدت تصيح ) : ان شاء الله ....
نورة: حنووون .. تعالي عندي ...حنوون ما أوصيج على غالية .. غالية هذي اسم على مسمى ..قطعة من روحي ...انتبهي عليها ولا تزعلينها ...
حنان: ان شاء الله ...
نورة: وانتبهي على عمرج وعلى حامد و اذكروا الله واايد ....
حنوون: من عيوني يالغالية ...
نورة: ميرا ودانه .. يا ويلكم لو نسيتوني ...(وضحكوا كلهم ...) وانتبهوا على اعماركم .. وذاكروا عدل ..
دانه: تامرين حبيبتي ..
ميرا : بنشتاق لج نورة ....
ياه الدكتور فجأة وقطع عليهم أحاديثهم ..
الدكتور : آسف يا جماعه بس لازم نورة ترتاح ....
الكل تذمر لأنه يبونها وقت أطول ... بس لازم يسمعون تعالم الدكتور ..وبدوا يودعونها وحدة وحدة .. وهم يصيحون .....
لين فضت الغرفة الا من شما ونورة .......
شما : نورة بدق حق أمووول مرة ثانية ...
نورة: لأ ...
شما: نووورة !!
نورة:قلت لأ !! لأ !!
شما: خلاص اللي تبينه ....
ورقدت على السرير...وهي تحاول تودع هالدنيا بكل ما فيهــــــــا ....
يت حرمــــــــه عمها ..ونورة عفست ويهها (اوهوووووو الواحد ما يعرف حتى يموت بروحه ؟!)
قعدت معاها هي وأمها شوي ..بس هي ما تبيهم ..تبي تقعد بروحها وبــــــــــــس ....
نورة: يمه ..ردي البيت الحين تتعبين ..
أمها: لأ يا نورة لأ ..
نورة: الحين انتي بتردين عني الموت ؟!
أمها: لأ ..
نورة:عيل روحي ريحي صارلج من الصبح هنــــــيه ..
عليا: هيه ردي ريحي وعقب تعاليلها ...
أمها:(مترددة ) ..ما أدري .... انزين يمكن تحتاجيني
شما: خالتي انا معاها لا تحاتين
أمها: ان شاء الله ..يالله يما انتبهي على عمرج ....
نورة: اوكي ...
::::::::::::::::::::::
كانت قاعدة تقرا قرآن ..وشما كانت في بيتهم عشان تغير وترتاح شوي بعد إصرار من نورة ...و ترد لها الصبـــــح ..
كانت تقرا وتصيح ..وتدعي الله يتقبل منها ويدخلها الجنــــــه ..
دموعها غرقت كل شي حوالينها ....
وفجأة شافت خيال شخص عند الباب ..مسحت دموعها بسرعه بحكم انها ما تحب تصيح جدام أحد ...
دشت ببطأ .. نورة ما رفعت راسها عشان تشوف ..كانت تحاول تخبي دموعها لأطول فترة ممكنه ...
شافت بوكيه ورد حمر عووووووود انحط على سريرها ...رفعت راسها وكانت المفاجأة ..!!!!! أمــــــــــــــــل !!
أمل: سلامتج ..
نورة: الله يسلمج ....
(وسادت فترة صمــــــــت طويـــــــله قطعها كلام نورة ) ...
نورة: أموول أنا آسفة
أمل: (سكتت) .......أنا مب زعلانه يا نورة . أنا مصدومة ...ما توقعت انج تكونين مريضة ..كل شي كان يدل انج بخير وصحة ..ما كان في أي دلالات على انج مريضة ....
نورة: عشان جيه رفضت أتعالج ....
أمل: نورة أنا فكرت زين البارحة ..واستنتجت اني ما أقدر أعيــــــش من دونـــــــج ...وبتم معاج حتى آخر لحظة ....
نورة كانت تسمع ومصدومة ...أمل ما تقدر تعيش من دونها ...؟! هي تدري انه أمل تحبها بس ما توقعت انها حبتها لهالدرجـــــــــة ......
بدت الدموع تنهمر من عيونها ...
أمل: نورة الله يخليج لا تصيحين ...نورة ما أقدر أشوف دموعج ....
نورة : (الدموع والمفاجأة ربطت لسانها ) ..............
أمل: وسعيلي مكان ....
نورة: ويـــــــــــن ؟!
أمل: عدالج ..أبي أرقد عدالج ....
وسعت لها المكان و يت و رقدت عدالها ... و حضنتها بكل قوة ...وتمواساكتين ....بس حاضنين بعض وراقدـــــــــين ....
شكلهم كان روعـــــه .... ثنتينهم مستانسين وما يبون من الدنيا غير انه يكونون ويا بعض ...و يدرون انه هالشي صار مستحــــــيل ...
//\\
ثاني يوم الصبـــــح قامت نورة ..ولقت الغرفــــة فاضيـــــــه ...
الا من شما اللي كانت قاعدة على صوب .....
شما:صباح الخير ..
نورة:صباح النور ....متى ييتي ؟!
شما: من الساعه 8 ...
نورة: انزين وأمل ؟!
شما:راحت اتييب شي ضروري ورادة بعد شوي ...
وهم يتكلمون ويسولفون دشت وحدة على غرفة نورة ....وتمت واقفة في زاوية بعيدة .....
هم ما انتبهوا لها أبدا ً ....لين ما قطع صوتها عليهم : صباح الخير ...
(نورة وشما لفوا بوقت واحد وانصدموا) ...
شما: صباح النور
هند: (قربت عند نورة ) سلامات يالغالية ...
نورة: لا تقولين يالغالية ...من قالج اني هني ؟!
هند(مصدومة من ردة فعلها ) : دقيت على بيتكم وقالولي ...نورة حبيبتي شو تحسين فيه ؟!
نورة :(بكل هدوء أعصاب ) أحس اني مالي خاطر أشوفج ...
هند: نورة ليش تقولين هالكلام ؟! شسويت لج أنا
نورة : (باستهزاء) هه هه هه هه هه...نسيتي يا هند ؟! سمعيني عدل ...أنا عمري ما نسيت ولا بنسى اللي سويتيه فيني ..وأدري ليش سويتيه مع انج ما خبرتيني ..ويكفي انج رديتي لي وأنا ما أبيج ..هذا عشان تعرفين ان الله حق ...
والحين طلعي برع ... ما أبيج هني يالله ...
هند: (بترجي)نورة بـــــــس ......
نورة: انتي ما تفهمين ؟! برع يالله ..يالله !!!
شما : نورة اهدي ما يصير جيــــــــه ...(لفت على هند) لو سمحتي هند طلعي برع .....
طلعت هند بخاطر مكسور وعيون متروسه دمووووع ....
ونورة بدت ترتجف وتشاهق ..وتصيح ....
شما: نورة شفيج حبيبتي ما صار شي ...
نورة: صار الشي اللي صارلي أحلم فيه سنتين ...سنتين .....(وسكتت وعيونها تبطلت على الآخر )
شما(بخوف ) : نوورة ..نورة ردي علي .....
نورة (وكأنها رجعت للحياه ) : شما ...(بضعف ) شما ييبي ورقة بنقلج وصيتي ....
شما راحت ركض ويابت ورقة وقلم .. والدموع شلت حركاتها ....
شما: قولي يالغالية قولي ...
نورة : شما ...استسمحي من كل اللي أذيتهم ...(تشاهق) وخبري أهلي انه أي ثياب وفلوس وذهب وكل شي يوزعونه على الجمعيات الخيرية ....
(وبدى الكلام يصير أصعب وأصعب ..) والبوكس الأحمر اللي في غرفتي اخذيه ..هذا فيه كل ذكرياتي .......
شما: من عيوني ...
نورة: ووصيتج على أمل وغالية .....وصيتج على أمل وغالية .....
وبدت أعصابها ترتخي شوي شوي ...
و بدت تزفر بطريقه مخيفــــــة مر عليها شريط حياتها كله من أول يوم لين آخر لحظـــــــــــــة ......
شما في هاللحظات كان ميته من الرعب .. تصيح و هي ساكتــــــــه .....مب عارفة شو تسوي ..أول مرة تشوف روح أحد تطلع جدامها .....
(بعدين تذكرت فجأة ) : نورة قولي لا اله الا الله .... وحدي ربج ....
نورة : لا ...أله ..الا الله (وتزفر ) .......
وارتخت ايدها فجأة ......
شما (نزلت على حافة السرير بكل ضعف وبدت تصيح ) : نوووورة ..نوووورة ردي علي ....لا تروحين ....... (و سكتت فجأة وطالعتها ) ..الله يرحمج يا نورة ..الله يرحمج .........
و تمت تصيح .........
دشت أمل عليهم فجأة ......وشافت المنظر وارتعبت ....!!
أمل: نورة ..نورة شفيج ....نورة ردي علي ...شما وين نورة هذي مب نورة ...
شما(أشرت لها على فوق ): .............
أمـــــــل (الصدمة ربطتها ...بدت الدموع تترس عيونها .....) : نورة غبت عنج شوي ...ليش رحتي يا نورة ليش ........ليش .....
حطت راسها على سرير نورة وبدت تصيح ........
كانوا واقفين عند الباب ومب مستوعبين شصاير .........يشوفون دموع وصياح ..ونورة ممدة على السرير و عيونها كأنها فراغ طويـــــــــل ..عميـــــــــق ....
غالية : نورة قومي قومي ..يبتلج كاكاو ....
ليش نورة ما ترد علي ؟!
أمها : (انهارت تحت الصدمــــــــة ) نورة ..نورة ....نووووووووووووووووووووور ة !!!!!!!!!!!!!!!!!!
:::::::::::::::::::::::::::::::::::::::
بعد حفلة الصياح والصدمات اللي صارت .. دشوا وخذوا نورة على غرفة باردة .. وغطوها بغطاء أبيض ...و بدوا الناس يدشون عليها ويودعونها ........
مريووم ..حنوون ..علي ...دانه وميرا ..مب وهجور وفطوم ومنووه وأسماء وعويــــــــش ..وشما وأمل .....حتى عمتها والعنود يوا بنفس اليوم اللي سمعوا فيه الخبــر بطيارة خاصـــــــة ... كلهم يحسون بالانكسار ..والحزن .....
دشوا ودعوها الوداع الأخير وحدة وحدة ....و هم منهاريــــــــن من الخاطــــــــر ....
حنوون: (تمسح دموعها ) الله يرحمج يا نورة ....
(مريم يت صوبها ومسكتها )....: آميــــــــــن .....
فطوم ومي وهاجر ومنى وشما كانوا واقفين على صوب ...وساكتين ..يحاولون يستوعبون مقدار الصدمة اللي هم فيها ...
ووحدة بس اللي كانت مب قادرة تواجه أحد ....تحس انه روحها تتكسر مليون قطعة في الدقيقة ....رحلت عنها نورة ..وتركتها في هالدنيا اللي ما ترحم
...............................
::::::::::::::::::::::
مرت أيام العزاء حزينة ..سودا ..كئيبة ....
الكل فيها مفجوع برحيــــل نورة ... ما احد قادر يصدق انها راحت عنهم للأبـــــــد ...
قربت وحدة صوب أمها وقالت : عظم الله أجرج خالتي ...
أمها : أجرنا وأجرج حبيبتي ...
وراحت قعدت عند البنات .......
هند: عظم الله أجركم بنات ....
فطوم: ( بقرف ) أجرنا وأجرج .....(ولفت )
همست منووه لشما : هذي شو يايه تسوي ؟!
شما: تعزي ...حسبالها انه أحد يبيها اهني ...البارحة يت حق نورة وطردتها من المستشفى .....
منووه: أحســــــــــن ....
ويت أمل بعدها بشوي ....وتوجهت صوب أم سعيد وعزتها : عظم الله أجرج خالتي
أمها: أجرنا وأجرج....
شما قامت وخذت أمل عندهم ......الكل كان متعاطف معاها و يهديها عن تنهار وتصيح ....ويحاولون ينسونها السالفة ...بس هم يدرون انه مستحيل تنسى ...نورة ما كانت الشخص اللي يقدرون ينسونه بسهولـــــــــه ......
نورة رحلت وتركت أرواحهم بحاجة لمين يهديها ويطمنها ...ويحسسها بالأمان ...
نورة راحت وتركتهم بدونها ....بدون نورة
//\\

5 سنين مرت على وفاة نورة .....وتغيرت حياه وايد ناس من ذاك اليوم ....
نبدا بربعها ...شما واصلت حياتها غصبا ً عنها ..تخرجت بمعدل ممتاز ودشت كلية علوم ... أسووم ردت لها في الآخر ..بس هي أخيرا ً تعلمت و سمعت الكلام اللي كانت نورة تقولــــــه ...و تركتها إلى غير رجعـــــــه ...
فطوم تشتغل بدوام حكومي ...و متزوجـــــــة من شخص يحبها ويخاف عليها وحاطها بعيونــــــــه ...منووه الحين في سنه رابعه طب ..وناوية تكمل هالمشوار الصعب وتصير الشخص اللي كانت نورة تتخيلها عليــــــــه ..
هجوور ومي الحيـــــــن قربوا يتخرجون من الجامعه (كلية تربيـــــــة ) وهجوور مخطوبـــــــه وعرسها بعد شهريــــن ...
أسما تزوجت من شخص تقي ويخاف الله نفس ما كانت تتمنى ....وعندها كتكوتين صغار طالعين حلوين على أمهم ....
ميرا الحين في سنه ثانية صيدلة ..وقربت تحقق الحلم اللي ما قدرت نورة تحققه ...وهذا كان عزاءها الوحيـــــــــد في وفاة نورة ....دانووه تزوجت نفس ما كانت نورة تدعيلها ...وكملت الحين سنه مع ريلها ....
العنود في سنه أولى جامعـــــــــه ..تدرس بزنـــــــس وناوية تأسس شركتها الخاصـــــة ان شاء الله .. و مخطوبة من سنتين حق ولد عمهـــا و الزواج يوم تتخرج ..
هند ما احد يعرف عنها شي .. بعد وفاة نورة انتقلت مدرسة ثانية واختفت للأبد ...
سعيد أخذ عاقبته بالأخيــــــــر وطلع متزوج من ورا أهله وعنده ولد عمره 10 سنين ..هالصدمة كانت كفيلة انه تخلي أمه تنهار وتقعد في المستشفى .....
مريووم صار عندها ولد صغيرون اينن .. وكملت دراسة في الجامعه وخذت الشهادة اللي كانت تتمناها ...
وغاليــــــــه ...غالــــــيه اللي كانت قطعه من روح نورة ...
كبرت وهي الحيــــــن في صف خامس ...والكل متوقع لها المستقبل المشرق ...
أمـــــــا أمـــــــل .. أو حميــــــــد ...يشتغل الحين في شركه عوووودة ...ومتزوج من بنت عمه ..وعنده بنية حلوة وكتكوته اسمها نورة !!!
وبعده للحيــــــن كل ما ينادي على بنته يغص و يتكدر .. بس مصيره ايي يوم وينسى ....
النهايـــــــــــــــــــ ـــه
تجميع ورد الجوري



يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -