رواية تحملت كثير يا قلبي -24

رواية تحملت كثير يا قلبي -24

نايف : انا حلال اسب .. ماعلييك ..

ريان : مره مره حلال ..

وصلوا عند الشباب ..

حمد : هلا ..

ماهر : هلا مليون ..

سلطان : حمد .. ابوي دق علي .. يقول يدق على جوالك مقفل ..

حمد طلع جواله : والله .. ايه والله مقفل .. يوه يمكن مافيه شحن ...... لا والله مليان .. شفيه قفل اجل .. يلا انا بروح اشوفه واجيكم ..

مشاري : حنا بنروح نتمشى انت الحقنا ..

جواهر : نبي نروح للحريم ..

فهد : روحوا مع حمد .. حمد خذهم ..

حمد : يلا ..

راحوا مع حمد والشباب قاموا وراحوا يدورون ويلعبون لهم كم لعبه .. خلص حمد من ابوه وقالو له .. يناديهم عشان يمشون .. خلاص الساعه 11 .. راح عنهم حمد وهو يمشي .. دق على الشباب وقالهم انهم بيمشون .. وجو الشباب وشالوا الاغراض وطلعوا برى ..دقت عليه شيخه وقالت له انت ورائد جيبوا معكم البنات وحنا بنرجع .. كان رائد يستنى عند المدخل ..وقف حمد يفكر شلون يدق على البنات .. ولقاها فرصه يدق على لولو .. قام ودق عليها ..

لولو : اول ما شافت رقمه ورت الجوال غيدا وسحبتها معها وبعدوا شوي عن البنات ..

غيدا : ردي ..

لولو : خايف ..

غيدا : ردي بس .. ردت غيدا وحطت الجوال فإذنها ..

حمد : الو ..

لولو : الو ..

حمد : الوو ..

لولو : الوو ..

حمد : ههههههههه بنطول كل واحد يقول للثاني الو ..

لولو : ............ << لاتعلييييق ..

حمد : وينكم ..

لولو : موجودين ..

غيدا : وش هالرد .. قوليله حنا وين بلا عبط ..

لولو : حنا عند لعبة الشوايه ..

حمد : اوكي .. تعالوا عشان بنمشي ..

لولو : تونا بدري ..

حمد : وين بدري يابنت الحلال .. خلاص تعبنا ..

لولو : اوكي خلاص بنجي ..

حمد : يلا الله يرضى عليك قوليلهم ويلا .. انا بستانكم بتروحون معاي .. كلهم طلعوا ما بقى الا انتم ..

لولو : كلنا ..

حمد : ايه ..

لولو : اوكي الحين جايين ..

حمد : يلا ..

سكرت منه : وشلون اقول للبنات .. اننا بنروح بيقولون من قالك ..

غيدا : انا بقولهم .. بقول امي قالت لي .. يلا امشي ..

لولو : فديتك والله ..

قدموا عند البنات ..

غيدا : يلا بنات بنروح ..

البنات : يوووووووووه .. بدري .. تونا .

لولو : يقولون طلعوا ما بقى الا حنا ..

اميره : من اللي قالك ..

غيدا : امي ..

ساره : اففففففففف .. ماودي ..

لولو : يلا بلا سخافه ..

مشوا البنات وراحوا وقابلوا حمد بالطريق ومشوا معاه لين البوابه .. وشافوا رائد واقف يستناهم ..

حمد : هاه طلعوا ..

رائد : ايه .. شفيكم طولتوا ..

حمد : البنات يالله جو ..

رائد : طيب .. يلا نمشي ..

غيدا مسكت لولو : نسيت بوكي ..

لولو : وين ..

غيدا : عند هذاك المحل اللي تو ..

لولو : طيب روحي بسرعه جيبيه ..

غيدا : يوه ياويلي ..

لولو : وش ياويلك روحي خذي بوكك ..

حمد : يلا ماتبون تمشون ..

لولو : الا ..

غيدا : نسيت بوكي ..

رائد : وين ..

غيدا : عند محل كنا واقفين عنده نشتري قبل شوي ..

رائد : خلاص حمد انتم اركبوا .. وانتي تعالي ..

حمد : يلا جيبوه وتعالوا نستناكم.. بس بسرعه ..

رائد : اوكي ..

مشت غيدا ورائد مره وراها , ومره جنبها , ومره قدامها .. يوم بعدوا عن البوابه .. صار يمشي جنبها ..

رائد : الله يهديك .. احد ينسى بوكه ..

غيدا منزله راسها : وش اسوي نسيته ..

رائد : يلا مو مشكله .. فيه شي مهم ..

غيدا : ايه .. مليان فلوس وبطاقتي حقت البنك والمستشفى وبطاقات ضمان .. وارقام مهمه ..

رائد : يؤ يؤ يؤ .. وش حاطه فيه انتي ..

غيدا : كل شي .."تأشر على المحل " .. هذا هو ..

رائد وقف يكلم اللي بالمحل ويقوله عن البوك .. طلع له بوك ووراه غيدا ..

رائد : هذا ؟.

غيدا : ايه ..

رائد : اوكي . يلا .. مشكور ..

اللي يبيع : العفو ..

وقف رائد يطالع بالمحل .. كان تحفه ..

رائد : شريتي من هنا ..

غيدا : ايه ..

رائد : ذوق ..

غيدا : ........... يلا نروح ..

رائد : اوكيك . يلا .

راحوا يمشون .. وهم ماشين فيه واحد مار وطق غيدا مع كتفها وعورها ..

غيدا : آآي ..

رائد : اعمى انت ماتشوف ..

الرجال : ياخي آسف ماشفتها ..

رائد : اي آسف كسرت البنت .. حاسب ..

الرجال : قلنا لك سف ما تسمع وش ذا البلشه ..

رائد : لا ما اسمع ..

الرجال : شي راجع لك والله ..

رائد عصب : شين وقوات عين ..

قرب منه رائد ووقف قدامه وكلمه منه وكلمه من الرجال لين سحبته لاشعوري غيدا من يده ..

غيدا : خلاص رائد تكفى ..

رائد : لا بشوف وش بيسوي ..

الرجال : انت اللي وش بتسوي .. قلنا لك آسف وما قبلتها .. ياخي كيفك وبالطقاق ..

رائد : تدري انك قليل ادب وسافل ..

الرجال : لاتقول سافل لا يصير فيك شي مو زين ..

رائد : لا سافل واكبر سافل بعد .. وش بتسوي ..

قدم منه الرجال ومسكه مع بلوزته .. دفه رائد وبغى يطيح .. غيدا واقفه جتها الصيحه ماتحب تشوف شي زي كذا .. قدم له الرجال وعطاه بقس مع كتفه .. ورجعه له رائد ..

رائد : ابن امك وابوك ارجع مد يدك مره ثانيه ..

رجع الرجال وعطى رائد بقس ثاني .. مسكه رائد وكفخه مع وجهه .. طاح الرجال على الارض .. تفل عليه رائد ومشى .. غيدا صاحت .. وقفت ووقف معها رائد ..

رائد : شفيك ..

غيدا : ليه تسوي كذا ..

رائد : ماسويت شي ..

غيدا : قلت لك خلاص مو لازم ..

رائد : ماشفتي كيف دفك .. وبعدين مايشوف اعمى يمشي وهو مغمض ..

غيدا : ..............

رائد يطالع فيها : يعورك ..

غيدا : ايه ..

رائد ابتسم لها : اجل يستاهل اللي جاه ..

مشوا وراحو السياره ..

حمد : وينكم ..

رائد : هذانا جينا ..

حمد : طولتوا ..

رائد : ادري .. يلا ..

ركبت غيدا وركب رائد واول ما جوا بيحركون .. كان واحد يطق قزازة السياره .. التفت رائد وشافه نفس الرجال اللي تو .. غيدا خافت مره ..

حمد : خير وش يبي ..

رائد بيفتح الباب وبينزل ..

غيدا : رائد تكفى لا .. الله يعافيك ..

رائد : ماعليك بشوف وش بيسوي ..

حمد : شفيك ..

رائد فتح الباب ونزل وخلاه مفتوح .. وقف مع الرجال ..

الرجال : قد الحركه اللي تو ..

رائد : قدها وقدود .. وفراسك شي طلعه ..

الرجال : فراسي اشياء مو شي ..

رائد : ابن ابوك ارجع مد يدك مره ثانيه ..

الرجال قام وضرب رائد .. ومره منه ومره من رائد ..

حمد : وش السالفه ..

غيدا : تكفى حمد لا يذبحه ..

نزل حمد وحاول يفكهم .. بس ماقدر عليهم كل واحد اقوى من الثاني .. غيدا قامت تصيح ..

لولو : شفيكم .. ليه يتطاقون ..

غيدا : كله مني ..

ساره : ليه وش صاير ..

غيدا وهي تصيح : كنت امشي ومر من عندي هذا وطقني مع كتفي وعورني .. قام راح له رائد وقاموا يتهاوشون لين تطاقوا ..

جوري : يمه اخوي لا يصير فيه شي ..

ابرار : الله يستر ..

عند الهوشه .. حمد ماقدر عليهم .. طاح الرجال بالارض وطاح فيه رائد تشويت .. الرجال طلع سكينه من جيبه بس ماشافها رائد .. البنات شافوها قاموا يصرخون .. قام الرجال وضرب رائد مع يده من عند كتفه وشقها .. وانحاش .. جلس رائد على الارض وماسك يده .. جاه حمد ..

حمد : الله يآآآآآخذه .. اقولك خلاص ما تسمع الكلام ..

نزلت ابرار وكان معها شاش بشنطتها عشان يدها .. قامت على طول طلعته وحطته على يد رائد ..

ابرار : قم بسرعه على المستشفى ..

قومه حمد وشاله وحطه بالسياره .. جلس رائد وسكر له حمد الباب وركب .. كان مغمض عيون ويتألم .. والدم ينزف .. وغيدا تصيح بدون صوت .. وحتى جوري .. البنات كانوا مره خايفين ..

ابرار : حمد تكفى بسرعه .. شكل الجرح كبير ..

حمد : طيب يلا ما اقدر اسرع اكثر من كذا ..

رائد بصوت واطي : آآآآآآآآآآه ..

جوري : رائد يعورك ..

رائد : ايه ..

حمد : الله يهديك بس .. من قالك تطاق معاه ..

غيدا : كله مني ..

رائد بنفاخ : مالك شغل انتي .. هو اللي فيه حرش ..

غيدا : انا قلت لك خلاص بس ماتسمع الكلام ..

رائد : يعني غصب تدخلين نفسك بالموضوع اقولك مو منك خلاص ..

وصلوا المستشفى ونزلوا رائد وحمد وابرار .. دخلت ابرار وطلعت بطاقتها للاستقبال ..

ابرار : الدكتوره ابرار .. ابغى غرفة طوارئ لو سمحتوا ..

الموظف : تفضلي تفضلي ..

دخلوهم غرفة طوارئ .. وجوها ممرضتين يساعدونها .. طلبت منهم ابره وخيوط ومعقم .. جابولها .. وعقمت المكان وقامت تخيطه .. ورائد يتألم ..

رائد : تكفين شوي شوي .

ابرار : لو ما تطاقيت معاه . كان ماصار فيك كل هذا ..

رائد : هو اللي بدا ..

حمد : كان تركته ..

رائد : كسر كتف البنت وتلفظ علي والله ما اسكت له ..

حمد : ليس الشديد بالصرعه انما الشديد من يملك نفسه وقت الغضب .. ولا مايعني لك شي هالحديث ..

رائد : ................ اي ..

ابرار : يلا خلاص خلصنا .. " تكلم الممرضه " .. لزاق ضد المويه وشاش ..

جابتهم لها الممرضه وزينت يده ..

ابرار : طهور ان شاء الله ..

رائد : تسلمين يابنت العمه ..

ابرار : ولو .. واجبي .. ليه صرت دكتوره طيب .. يلا بلا كلام فاضي وخلونا نطلع البنت بتموت صياح ..

رائد : اي بنت ..

ابرار : مين يعني .. غيدا وجوري .. من اول ما طلع السكينه وهم يصيحون ..

رائد : فديتهم ..

حمد : اختك بس ..

رائد يعانده : فديييييييييتهم ..

ابرار : ههههههههههههه .. حتى وانت مريض تعاند ..

رائد : اكيد ..

ابتسم لها رائد وراحوا الاستقبال .. ودفعوا الحساب وطلعوا .. فتح حمد لرائد الباب وركب وسكره له .. راح وركب وابرار ركبت ..

البنات : سلامتك رائد ماتشوف شر ..

رائد : الله يسلمكم .. الشر ما يجيكم ..

جوري : سلامتك ..

رائد : من هذي اللي صوتها خايس وهي تصيح ..

جوري : انا ..

رائد : يااااااااع . جوري عدلي صوتك مو حلو ..

جوري : خوفتني عليك ..

رائد : يلا حصل خير ..

حمد : درس .. عشان ما تتطاق مع احد مره ثانيه ..

رائد : لو سوى زي كذا بتطاق معاه ما يهمني ..

حمد : لا حووووووووووول .. ما تتوب انت ..

رائد يبتسم : لا ..

غيدا كانت تصيح بدون صوت وماكان فيه احد حاس فيها غير لولو لانها جنبها .. تضغط على يدها وتهمس لها انها تسكت بس البنت مافيه امل .. وصلوا الشاليه .. ودخلوا كلهم .. وكانو كلهم بالصاله مجتمعين ماعدا الجده كانت نايمه وحريم العمان .. دخلت غيدا وعلى طول رقت فوق وهي تصيح .. انفجعت مشاعل .. دخلوا البنات بعدها ..

مشاعل : شفيها تصيح ..

دخل حمد .. ورائد واقف برى يدق على غيدا بس ما ترد عليه ..

ساره : مافيها شي ..

مشاعل : ليه تصيح طيب .. من اللي صيحها ..

حمد : مافيه شي ياخالتي خلاص هدي شوي وتسكت ..

مشاعل : حمد وش فيها ..

لولو : خالتي خلاص انا بطلع اشوفها ..

طلعت لولو لها وجلسوا البنات وهم ساكتين .. وجلس حمد جنب مشاري ,,

مشاري : وش فيها ..

حمد يبتسم : ولاشي ..

فهد : وين رائد ..؟؟..

حمد : واقف برى ..

فارس : ليش ما يدخل ..

حمد : شوي بس ..

كان رائد يدق عليها ولا ترد .. اخيرا ردت ..

رائد : يعني ليش ما تردين ابي افهم ..

غيدا : بس ما ابي ارد عليك ..

رائد ضحك بخفيف عرف انها معصبه عليه : افاااا ليه طيب ..

غيدا : اقولك خلاص ما تسمع الكلام طالع وش سويت بنفسك انت ..

رائد يبتسم : وربي كل شي عشانك يهون .. خلاص يا شيخه ..

غيدا : ما ابي .. له تسوي كذا ..

رائد : غيدا فديتك اهدي .. ماصار الا الخير ..

غيدا : اي خير وانت كم غرزه بيدك ..

رائد : خلاص هانت ..

جلست تصيح ورائد ييحاول يسكتها ماقدر ..

رائد : ان ما سكتي ترى برقى عليك فوق واسكتك غصب ..

غيدا : ماتقدر ..

رائد : ههههههههه لا اقدر ..

غيدا : ماتقدر ..

رائد : لا تتحديني ارقى .. خلاص اسكتي ..

غيدا : طيب خلاص ..

سكر منها ودخل عليهم كلهم انفجوا من شكله .. كانت بلوزته وبنطلونه كلها دم ويده ملفوفه ..

فارس : شفيك ..؟؟!!!!!!!!!!!!!!!!!!!!!!!!

رائد يبتسم : ولا شي .. بسيطه ..

ابرار : اي بسيطه يا شيخ .. 6 غرز وتقول بسيطه ..

فارس : 6 غرز على ايش .. وش الي صاير ..

رائد : مطاقه يبه .. تطاقيت مع واحد وشق يدي .. خلاص حصل خير ..

فارس : اي حصل خير .. طالع يدك شلون .. بعدين انت ماتعرف تمسك نفسك يعني .. لازم العصبيه الزايده ..

حمد : قلت له يا عمي حاولت افكهم بس ما طاعوا ..

عبد العزيز : ووش سبب هالمطاقه طيب ..

ابتسم رائد وطالع حمد : ولا شي عادي ..

ابراهيم : اي عادي .. ماتشوف نفسك مبهذل .. وحالتك حاله ..

رائد : عادي خلاص يا جماعه حصل خير ..

فارس : الله يهديك بس ..

فهد : آآآه بس لو اني معاك وربي على طول لا اروحه لقبره ..

الكل : ههههههههههههههههههههه ..

ابراهيم : اشوى انك منتب معاه .. كان زدت الطين بله ..

فهد : اجل يسوي كذا برائد واسكت له ..

رائد : فديت روحك .. المره الجايه بآخذك معاي ..

فهد : ايه .. خلاص ..

عايشه : سلامتك يا عمري ماتشوف شر ..

رائد : الله يسلمك يالغلا ..

مشاعل : سلامتك رائد ..

رائد : الله يسلمك ..

شيخه : ماتشوف شر يا عمري ..

رائد : الشر ما يجيك .. البركه فالدكتوره ابرار .. هي اللي خيطة لي الجرح ..

ابرار : واجبي وش هالكلام ..

فهد : كفو والله يابنت عبد الرحمن ..

فارس : يعطيك العافيه ابرار ..

ابرار : الله يعافيكم ..

رائد : دكتوره .. اقدر اتروش ..

ابرار : تقدر لان عليها لزاق ضد المويه .. بس لا تحط عليها صابون عشان ما يطيح ..

رائد : اوكيك .. يسلمووووو ..

ابرار : الله يسلمك ..

قام فهد وراح مع رائد .. طلّع شنطته فوق ودخلو وحده من الغرف الفاضيه وجلسوا فيها ..

فهد : وش سبب المطاقه ..

رائد : ولا شي ..

فهد : لا شفتك يوم قال ابوي وش سببها ابتسمت لحمد .. وش السالفه .. تكلم ..

رائد : واحد مره وطق غيدا مع كتفها وتلفظ علي بكم كلمه تطاقينا وطاح بالارض وتفلت عليه ورحت للسياره .. لحقنا للسياره ونزلت له وتطاقينا وصار اللي صار ..

فهد : يعني كل اللي صار بسبت غيدا ..

رائد : مو بسبتها .. انا عصبت منه طريقته وقحه ..

فهد : بس لو ماكان طقها كان ما صار اللي صار ..

رائد : اللي تبي توصل له ..

فهد : لا ولا شي ..

رائد ابتسم له : متأكد ..

فهد : ايه وش فيك ..

رائد : اوكي .. بدخل اتروش انا .. تعشيتوا ..

فهد : لا .. عماني وعماتي يقولون مو لازم ننام خفيف احسن ..

رائد : انا عني جووووووعااااااااااااااان ..

فهد : حتى انا .. خلاص ابشوف من يبي عشى وبروح اجيب ..

دخل رائد يتروش وفهد جلس بالغرفه ..

? عــنـد .. الليـ .. بالصالهـ .. ?

الرجال والحريم قاموا كلهم وراحوا ينامون .. ومابقى غير البنات والشباب بالصاله ..

مشاري : ابعرف وش السبب .. الحين تقول ..

حمد : ياخي شفيك صاير حرمه .. اذا جا رائد اسأله .. انا مدري ليش ..

ولاء : وش فيهم الحريم ..

حمد : هههههههههه يعني ما مسكتي من الكلام الا هالكلمه ..

ولاء : ايه تسبنا وانا ساكته ..

ماهر : ماشاء الله .. ولاء تعتبرين من الحريم انتي ..؟؟..

ولاء : ليه ما مليت عينك ..

ماهر : لا والله مو قصدي .. بس انتي بنوته مو حرمه ..

ولاء : اهم شي اني انثى ..

نايف : هههههههههه انثى .. وين الانوثه طيب ما شفنى شي .

ولاء : تصدق ماودي احط عقلي بعقلك ..

هيفا : ههههههههههههه انت اللي جايب الكلام لنفسك ..

نايف : عادي .. خل تسبني من اليوم لبكرى .. مقبوله منها .. ماعليك انتي ..

ريان : وش ذا القوه ..

ولاء : ياشين البزرااااااااان

نايف : كلن يتكلم عن نفسه لو سمحتي ..

ولاء : اففففففففف .. وش تبي انت الحين .. ليه دايم تناشبني ..

نايف : كذا بس لعانه .. وش عندك ..

ولاء : اففففففففففففففففف ..

? عــنـد .. لولو .. وغيدا .. بالغرفهـ .. ?

لولو : خلاص هديتي عقب ما كلمتيه ..

غيدا تبتسم لها : ايه .. غصبن علي ما قدرت امسك روحي ..

لولو : الله لا يلومك .. تحسين ان الذنب عليك ..

غيدا : ايه والله ..

دخلت عليهم مشاعل وجلست تتكلم مع غيدا ولولو طلعت ونزلت تحت ..

ساره : سكتت ..

لولو : من زمااااااان ..

ساره : اخيرا ..

لولو تجلس جنب اميره : تحس انها شايله ذنبه ..

جوري : خلاص هو اساسا عصبي هي مو بيدها ..

نزل فهد : ماتبون تتعشون .. .

الكل : الا ..

فهد : طيب انا بطلع اجيب .. من وين تبون ..

جوري : نبي سندوتشات من البيك ..

فهد يبتسم : بس ..

جوري : بس ..

فهد : اوكي .. كلكم تبون ..

مشاري : لو قلنا لك غيره بتجيب ..

فهد يضحك : لا ..

مشاري : هههههههههههه خلاص اجل ليش تسأل ؟؟

فهد : عبط .. ماهر حبيبي .. المفتاح الله لا يهينك ..

ماهر طلع له المفتاح وعطاه : لو سمحت لاتسرع ترى تأمينها الفين مو ناقص ..

فهد : احد قالك تآخذ سياره كشخه ..

ماهر يأشر بيده : هات المفتاح هاته ..

فهد : لا خلاص .. رغودتي تروحين معاي ..

رغد : ايه ..

فهد : يلا ..

طلعوا وراحوا يجيبون العشى لهم كلهم .. الشباب قاموا والبنات بعد .. راحوا الشباب ولبسوا بجامات .. وطالعين يخققون .. والبنات بعد لبسوا بجاماتهم ونزلوا تحت جلسوا بالصاله .. طق حمد الباب وتنحنح ودخل ..

حمد : فيه مويه ولا اروح اجيب ..

ولاء : لا فيه ..

حمد : الله لا يهينك .. عطيني كاس طيب ..

ولاء : كاس فاضي ولا فيه مويه .. خخخخخخخ استهبل ..

راحت ولاء وجابت له مويه .. وطلع .. راح لشنطته وطلع منها علبة دوى اخذه وشرب المويه ..جا واحد من وراه .. واخذ منه العبله وجلس يقراها .. ورجعها له ..

ماهر : ليه طيب المسكن القوي هذا ..

حمد : ولا شي راسي يعورني ..

ماهر : هذا مو حق راس ياحمد .. اللي راسه يعوره يآكل بندول ...

نزل حمد راسه واخذ العلبه ورجعها شنطته .. قام ووقف ومشى .. مشى وراه ماهر .. لين وصلوا عند البحر وجلسوا عنده ..

ماهر : حمد شفيك ..

حمد : ولا شي ..

ماهر : لا فيه شي .. المسكن اللي تآخذه مره قوي .. مو معقول حق صداع ..

حمد : وربي حق صداع .. وربي ..

ماهر : صداع ومسكن قوي ..

حمد : ايه ..

ماهر : شمنه طيب ..

حمد : بقولك يا ماهر .. بس طلبتك .. ما تقول لاحد يرحم اهلك ..

ماهر : خير .. خوفتني ..

حمد : عند صداع فضييع ..

ماهر : وش سببه ..

حمد : فيه ورم براسي ويضغط على المنطقه ومره يعور يسبب لي صداع فضيع .. وعشان كذا آكل مسكنات مره قويه ..

ماهر : عمي يدري ..

حمد : محد يدري .. مايدري الا انت . بليز لا يطلع ..

ماهر : رحت المستشفى ..

حمد : ايه ..

ماهر : وما قالو لك انهم بيشيلون هالورم ..

حمد : ورم حميد يعني عادي ..

ماهر : بس اللي اعرفه .. ان الورم الحميد مع الاهمال يكون خبيث يا حمد ..

حمد : اسكت تكفى لا تخوفني ..

ماهر : ياخي شفيك انت ما تعرف تداري صحتك .. ليه ما خليتهم يشيلونه لك ..

حمد : خفت .. نسبة نجاح العميله مره ضعيف .. لانه بمكان مره خطر .. ما ابي اخاطر بعمري ..

ماهر : حمد حرام عليك تسوي بروحك كذا ..

حمد : خلاص يا ماهر ..

ماهر : عشان كذا ما تبي تتزوج يعني ..

حمد : ايه .. ما ابي اعذب بنت الناس معاي ..

ماهر : ياربيه يا حمد .. اي قلب اللي عندك ..

حمد : ..................

ماهر : امك ابوك .. يتمنون يشوفونك متزوج ومعاك عيالك .. ليه ما قلت لهم انك تعبان .. ليه ما عالجت الموضوع من البدايه ليه ..

حمد : خلاص يا ماهر ما ابي احد يلومني .. ما ادري .. صدقني كنت خايف مو عارف كيف اتصرف ..

ماهر : انت لو قلت لواحد من خوالي .. او واحد مننا صدقني راح تلقى اللي يساعدك .. بس تكتم على الموضوع كذا ما ينفع ..

حمد : ماهر .. خلاص ..

ماهر : لا مو خلاص .. انت غالي علي ياحمد .. ما ابي اشوفك كذا واسكت ..

حمد : تسلم والله ما تقصر ..

ماهر : ما ابي الحين تشكرني .. ليه ما قلت من قبل ليه ..

حمد : خلاص ياماهر خلااااااص ..

ماهر : الحين بسكت .. بس صدقني راح ارجع افتح الموضوع ..

حمد : بس ما احد يدري طلبتك ..

ماهر : خلاص ولا يهمك .. ماراح يدري احد ..

حمد : قم خلنا ندخل ..

ماهر : يلا ..

قاموا الاثنين ودخلوا جوى لقوهم كلهم مجتمعين وجالسين بالصاله .. حتى لولو وغيدا .. وكان فهد ومشاري معاهم موجودين ..

حمد : جيت ..

فهد : ايه .. وينكم ..

ماهر ابتسم لحمد : جالسين جلسه رومنسيه على البحر نسولف ..

مشاري : افا يا حمد تخوني ..

حمد : ما قاومت لسانه الحلو ..

مشاري : آآآهـ خنتني يعني ..

حمد : وش اسوي .. يلا عندك غيري ..

مشاري : الله يعوضني ..

نزل رائد وهو يكلم بالجوال ..

رائد : هلا فمان الله .. مرحباااااا ..

الشباب : مراااحب ..

فهد : هلا وغلا .. تعال تعال ..

رائد : الله .. البيك ..

فهد : ايه شفت ذوقي حلو ..

رائد : مو حلو وبس الا يخقق ..

ولاء : مو ذوقه ذوق جوري .. هي اللي قالت نبي البيك ..

فهد : فضيحه انتي ..

الكل : هههههههههههههههههههههههه ..

رائد : حتى لو .. ذوقه حلو ..

فهد : اححححححححسسسسسسسسسسسسسن .. فشلوها .. كـكـكـكـكـكـ ..

الكل : ههههههههههههههههههه ..

ماهر : يلا انا جوعااااااان ..

مشاري : حتى انا ..

ماهر : لحظه عندي سؤال للدكتوره ابرار ..

ابرار : هلا ..

ماهر : امممممممممم .. عندي واحد من اخوياي غالي علي مره ..

ابرار : ايوه ..

ماهر : امممممممم .. عنده ورم براسه ومسبب له صداع مره قوي ..

ابرار : ماكشف ..

ماهر : الا .. اسمعي ..

ابرار : ايوه اسمعك ..

ماهر : يقول ان الورم بمكان مره خطير .. وان نسبة نجاح العمليه مو مضمون .. وهو خايف يسوي العمليه ..

ابرار : لازم يسويها بأسرع وقت .. وش نوع الورم طيب ..

ماهر : ورم حميد ..

ابرار : آهـآآآآآ .. بس الورم الحميد مع الاهمال يمكن يكون خبيث .. لازم يشيله بسرعه ..

ماهر : اقولك نسبة نجاح العمليه مره ضعيف ..

ابرار : يتوكل على ربه .. طيب الورم وينه فيه ..

ماهر : براسه .. بس وين ما ادري .. بس يقول بمكان حساس ..

ابرار : اممممممم ..

ماهر : لو اجيبلك صوره من الاشعه حقته .. تشوفينه لي ..

ابرار : اوكي عادي .. بس راح تروح لدكتور ثاني ..

ماهر : ابي احسن دكتور ..

ابرار : اوكيك .. انت بس جب صور الاشعه ومايكون الا كل خير . وان شاء الله تتطمن عليه ..

ماهر : آميــــــن .. مشكوره ..

ابرار : العفو .. ولــوووو ..

حمد : جوعان ..

ماهر : هههههههه .. يلا وكلوه لا يموت علينا ..

اخذوا الشباب سندوتشاتهم وطلعوا برى ياكلون .. والبنات جوى ..

ابرار : اميره .. منهو خويه هذا ..

اميره : اول مره اسمع فيه .. مدري والله ..

لولو : الله يشفيه ..

البنات : آمين ..

? عــنـد .. الشبابـ .. ?

مشاري : منهو خويك هذا ..

ماهر : واحد ماتعرفونه ..

مشاري : وش اسمه طيب ..

ماهر : محمد ..

مشاري : الـ الايش ..

ماهر : محمد .. الفراغ .. خلاص تكفون حتى اهله مايدرون .. بس اخوياه ..

مشاري : الله يشفيه يارب ..

ماهر : آآمين .. دعائكم شباب ..

فهد : الله يشفيه يارب .. ياخي وش بيسوون اهله لو يدرون ..

ماهر : الله يعينهم .. خاصه انه مره طيب وحنين معهم ..

رائد : يووووووه .. ياربيه احس انا ضاق صدري .. الله يشفيه ..

ماهر : آمين ..

حمد : الله يشفيه يارب .. ويقومه بالسلامه .. ويرجع لاهله سالم ..

ماهر : آمين آمين .. هذا الدعاء الزين .. فديتك والله ..

حمد : ههههههههههههه .. كل وانت ساكت طيب ..

خلصوا متعشين وراحوا ينامون .. فهد ورائد رقوا ينامون بالغرفه اللي فوق .. وباقي الشباب ناموا تحت .. وحتى البنات .. خلصوا عشاهم وشالوا اللي عقبهم حطوه بالمطبخ .. ورتبوا المطبخ وطلعوا ينامون ..

نهاية الجزء العاشر ..

الجـــ،،ــزء (( 11 ))

? ? اليـــومـ .. الـليـ .. بعـــــدهـ .. ? ?

.

.

.

قاموا كلهم على الساعه 9 .. ماكان فيه احد نايم .. الجده درت بسالفة رائد وقامت تصيح .. وامه يوم درت انهبلت .. قالت جيبوه الحين .. طلعوا اللي بالصاله .. ونادوا رائد ودخل عند جدته وامه .. وقامت تصيح يوم شافت يده ..

الجده :وش اللي خلاك تتطاق معاه يا ابوي ..

رائد : يااميمتي .. وش هالدموع اللي مالها سنع ..

الجده : فديتك تراك غالي والله ..

رائد : بس وشوله الصياح ما يحتاج ..

امل : وانت ما تعرف تمسك عصابك لازم تتهاوش مع خلق الله يعني ..

رائد : يمه الله يهديك .. اعصابك ..

امل : وانت خليت فيني اعصاب .. يعني من تطلع الين تدخل .. وانا قلبي على نار كله من عصبيتك اخاف تتهاوش مع اي احد ..

رائد : يمه خلاص حصل خير ..

امل : اي حصل خير .. شف وش مسوي فيك .. احمد ربك اللي ما جاتك بمكان ثاني .. عاد يصير شي لاتحمد عقباه ..

رائد يقوم ويحب راسها : خلاص يمه .. هدي ..

امل : ياوليدي امسك اعصابك .. خل الدنيا تولي مو لازم تعصب على كل شي ..

رائد : خلاص ابشري .. بس لا تسوون كذا ..

امل : تحكم باعصابك ..

رائد : انشااااااااء الله .. اروح خلاص ..

امل : فديتك والله خلاص رح ..

قام رائد .. وباسها على راسها هي وجدته .. وطلع راح جلس مع الشباب برى يسولفون .. نزلوا البنات كالعاده بالبرمودات .. على طول على البحر .. ماكانوا يدرون ان الشباب مو جودين .. ماكان عليهم غير طرح بس .. قاموا يلعبون بالمويه ويطافشون .. قامت جوري سحبت طرحة ليلى وطلع شعرها وصارت تركض ورى جوري وجوري تنحاش منها .. اخر شي مسكتها واخذت الطرحه منها وسدحتها بالارض وطقتها .. وراحت عنها .. جوري جلست وهي تضحك وكان شكلها يذوووووووب .. فهد مره خق على شكلها .. ونزل عيونه .. طالعه رائد .. وابتسم لما شافه منزل عيونه .. تجمعوا البنات وسوو حلقه .. قاموا يلعبون لعبة الاوامر .. كل وحده تأمر الثانيه وانواع الهبال ..

ابرار : ما ابي احد يأمرني ..

ساره : خلاص اوكي .. نخير اللي تبي صراحه واللي تبي امر ..

ابرار : ايه كذا حلو .. اما عليكم اوامر .. مره خطيره .. انسدحي على بطنك واسبحي بالرمل .. ولا روحي الطمي خدودك وانت جوى البحر .. ولا امسكي طرحتك وارقصي فيها .. وين عايشين ..

البنات : هههههههههههههههههههه ..

هيفا : ههههههههههههههه هذا الموجود ..

ابرار : لا خلاص .. غيروا ..

هيفا : اوكي يلا ..

يتبع ,,,,

👇👇👇

تعديل المقال