أقسام الوصول السريع ( مربع البحث )

بداية

رواية تحملت كثير يا قلبي -25

رواية تحملت كثير يا قلبي - غرام

رواية تحملت كثير يا قلبي -25

ابرار : ايه كذا حلو .. اما عليكم اوامر .. مره خطيره .. انسدحي على بطنك واسبحي بالرمل .. ولا روحي الطمي خدودك وانت جوى البحر .. ولا امسكي طرحتك وارقصي فيها .. وين عايشين ..
البنات : هههههههههههههههههههه ..
هيفا : ههههههههههههههه هذا الموجود ..
ابرار : لا خلاص .. غيروا ..
هيفا : اوكي يلا ..
قامت هيفا لفة القاروره .. وطلعت على تهاني واميره .. عاد اميره انواع الاستلعان ..
اميره : جاك الموت يا تارك الصلاة ..
تهاني : لا ما ابي .. غيروها .. يا نحيسه يا هيفا ..
هيفا : هههههههههه حظك طاح بيدها ..
تهاني : افففففففففففف ..
اميره : امر ولا صراحه ..
تهاني : اممممممممم .. صراحه ..
اميره : طيب .. وش يعنيلك مشاري ..
تهاني : يا تفهك غيريه ..
اميره : يلا جاوبي ..
تهاني : كل شي ..
اميره : كل شي يعني ايش لازم تفسرين ما يصلح كذا ..
البنات : هههههههههههههههههه ..
تهاني وحمرة خدودها : يعني احبه وبس خلاص ..
اميره : بلا بياخه انتي وذا الخشه .. يلا اشوف ..
تهاني : اففففففف .. يعني ...قلبي وعمري .. وروحي وحبي ودنيتي وكل شي بحياتي .. ارتحتي ..
اميره بوصت عالي : ايوااااااااااا .. وينك يا مشاري تسمع الشعر اللي ينقال فيك ..
تهاني : فضحتينا .. اسكتي ..
اميره : خخخخخخخخ .. يلا انا بلف القاروره ..
لفتها اميره وطلعت على غيدا وولاء ..
غيدا : يمه ياويلي ..
ولاء : خخخخخخخخ شايفه جني ..
غيدا : لا بس نظراتك تخوف ما ابي ..
ولاء : بسرعه .. صراحه ولا امر ..
غيدا : لا مافيني تطلعين لي امر خرافي .. صراحه ..
لولو : ليييييييييييييييه .. هبلا ..
غيدا : ما ابي .. بتسوي فيني شي مو زين ..
لولو : هبلا هبلا .. الله يعينك على السؤال ..
غيدا : يووووه لا تحسسيني بالذنب .. ابي امر خلاص ..
ولاء : لا خلاص اخترتي ما تغيرين ..
غيدا : مابي مابي ..
ولاء : مافيه .. خلاص ..
ليلى : حرام رحمتك ..
ولاء : امممممممممممممممممم .. ايه .. ليش كل الصياح اللي صحتيه امس ..
غيدا تسوي نفسها غبيه : اي صياح ..
ولاء : تستغبيييييييين .. يوم سالفة رائد ..
غيدا : عادي مره كنت خايفه وطبيعي اصيح ..
ولاء تغمز لها : متأكده ..
البنات : هههههههههههههههههه ..
غيدا : ايه ليه شفتي شي ما يعجبك مثلا ..
ولاء : ايه .. شفت انه عصب عليك بالسياره .. بغى يكفخك ..
غيدا : ادري حتى انا حسيت .. عشان كذا سكتت ..
ولاء : طيب .. خلاص .. اللي بعدوا .. بس ترى ما اقنعتيني ..
غيدا : ههههههههههههههههه شلون تقتنعين انتي ..
ولاء : مدري ..
لفوا القاروره وطلعت على نوره وولاء ..
نوره : هااااااع دوري .. خخخخخخخخخ ..
ولاء : ياويلااااه ..
نوره : امر ولا صراحه بسرعه ..
ولاء : صراحه .. لا لا امر .. لا خلاص صراحه .
البنات : ههههههههههههههه ..
نوره : هههههههه ثبتي ..
ولاء : صراحه صراحه ..
نوره : امممممممممممم .. ماعندي سؤال .. بس اصبري .. فيه شي قهرني امس ..
ولاء : وشو .؟.
نوره : ايييييييييييييه .. ليه نايف امس قال .. خل تسبني من اليوم لبكرى .. مقبوله منها .. يوم تتهاوشون بالصاله ..
ولاء : وش دراني انا ..
نوره : لااااااااااا .. علينا .. طيب وش قالك بالسياره وحنا جايين من مكه .. يوم تلفين علي ووجهك احمر ..
ولاء : لا ما يصلح سؤال واحد بس ..
جوري : خلاص سؤال واحد بس ..
نوره : طيب .. خلاص ..
لفوها .. وطلعت على لولو وغيدا ..
غيدا : ماطلعت الا عليك ..
لولو : حظك .. يلا ..
غيدا : وش تبين امر ولا صراحه ..
لولو : مافيني على اسإلتكم تخوف .. ابي امر ..
غيدا : اممممممممممممم .. قومي بوسيني ..
البنات : ههههههههههههههههههههههههههههههههههههههههه ..
قامت لولو وباستها وجلست .. غيدا ماكانت تقصد .. وحمر وجهها ..
غيدا : ماكنت اقصد وربي ..
لولو : خلاص .. مو حسافه فيك .. يلا اللي بعدو ..
لفوها وطلعت على جوري وولاء ..
جوري : هههههههههههه يلا امر ولا صراحه ..
ولاء : ما ابي ابي صراحه ..
جوري : اووووووووكي ..
ولاء : لا لا امر امر غلطت غلطت ..
جوري : هههههههههههه مالي شغل ..
ولاء : اففففففففف ..
جوري : جاوبي على سؤال نوره قبل شوي ..
البنات : هههههههههههههه
نوره : فديتك والله ..
ولاء : وش تبين انتي .. ماراح اجاوب ..
هيفا : جاوبي يلا بلا بياخه ..
ولاء : بجاوب .. بس ياويلكم تعلقون والله لا فضحكم كلللللللللكم ..
البنات : طيب يلا جاوبي ..
ولاء : قلت له خير مضيع شي بوجهي .. قال مضيع القمر ولقيته .. اففففففففففف .. كلاب انتم والله ..
البنات : ياهووووووووووووووووووووووووووه ..
هيفا : ايا الصايع .. يغازل اكبر منه ..
ولاء : اخوك هذا قليل ادب ..
تهاني : فديته والله يعرف يغازل مين ..
ولاء : على تراب ..
قامت ولاء وتركتهم ..
ساره : ههههههههه عصبت ..
العصر اجتمعو الحريم .. وجلسوا يتغدون حتى الرجال .. وبعدها الشباب كلهم طلعوا راحوا يتمشون .. وعلى المغرب رجعوا وكانوا مجهزين كل شي على اساس يطلعون يجلسون على الكرنيش .. ركبوا الاغراض وركبوا ومشوا .. راحوا الكرنيش وفرشوا لهم وجلسوا الحريم بعيد عن الرجال والشباب والبنات بعد بعيد عنهم .. دقت اميره على ابتهال .. ووصفت لها مكانهم .. راحت اميره وقالت لامها انهم بيجون .. وجت ابتهال .. مع امها وخواتها واخوانها .. جلست الام مع الحريم .. وابتهال وخواتها ابتسام وآلاء .. جلسوا مع اميره والبنات ..
اميره : حياالله بنات حارتنا ..
الخوات : الله يحييك ..
ابتهال بصوت واطي لاميره : احم وينه ..
اميره : تبيني انفجر ضحك انتي .. اركدي شوي .. بعيد شوي هو ..
ابتهال : وينه فيه قومي وريني اياه ..
مر من قدامهم مشاري وماهر ..
اميره : طالعوا طالعوا القمر يمشي ..
تهاني : اي قمر .. اي واحد تقصدين ..
اميره : اخوي .. لا يروح تفكيرك بعيد ..
تهاني : ايه اشوى ..
اميره : بغيت اموت يا ابتهال .. بغت تذبحني تهاني ..
ابتهال : عادي ..
البنات : هههههههههههههههههههههههه ..
اميره : ابيك عون طلتي فرعونه ..
ابتهال : فرعونه ..
اميره : ايه مو انا عبول ..
آلاء : ايه صح على طاري عبول .. يسلمون عليك البنات كللللللهم ..
اميره : متى شفتوهم ..
ابتسام : يا حليلك .. سوو لنا حفله ودعونا فيها .. بغينا نصيح .. مره مره حركه ..
اميره : خيانه ..
ابتهال : ماعليك منها .. العنود تقول اول ما ترجع اميره بنسوي لها حفله .. تقول راحت بسرعه ما امدانا نسوي لها شي .. لازم نسويلها شي .. فديييتها ..
اميره : يا حبيلكم والله .. شفتوا شفتوا ..
ابرار : ايه وشو ..
اميره : يا حبيلهم والله ..
ابرار : انتي اذا تركتي اللقافه بنسوي لك حفله "تأشر بيدينها كنها نونو" مره كبيييييره ..
البنات : هههههههههههههههههه ..
مر من قدامهم فهد ورائد ..
اميره : طالعي طالعي .. هذا رائد ..
ابتهال : واللي لابس برمودا جنز مين ..
اميره : هذا فهد .. قمر صح ..
ابتهال : الصراحه .. كلهم حلوين ماتقدرين تحددين من احلى ..
جوري : اخوي احلا ..
هيفا : غرييييييييييييييييييييييبه ..
جوري : ههههههههه ايه وشو اخوي احلى ..
اميره : غريبه ما قالت فهد ..
جوري : اقولك اخوي تقولين فهد ..
مر من قدامهم فهد ورائد ومشاري وماهر كانوا راجعين .. نادت اميره ماهر وراحت له تكلمه وهو يضحك .. والشباب راحوا عند الباقين ..
هيفا : اكيد فضيحه ..
ساره : فضيحة ايش ..
هيفا : مدري بس احسها تفتن علينا ..
جت اميره : بااااااااااك ..
آلاء وابتهال : ولكموووووو ..
اميره : هههههههه .. ابتهال آلاء ابتسام .. يسلم عليكم ماهر ..
ابتسام واآلاء : الله يسلمه ..
ابتهال : يؤ يؤ يؤ ..
اميره : وشو ..
ابتهال : بغوا يتصاقعون ..
اميره : وين ..
ابتهال : الدبابات اللي بالبحر ..
اميره : يووووووو .. اقولك ماهر يسلم عليكم تقولين بغوا يتصاقعون ..
ابتهال : يؤ استحيت .. الله يسلمه .. وش اخباره اخوي الثاني ..
اميره : خخخخخخخخخخخ نفس الكلمه اللي قالها .. وش اخبار اختي ..
ابتهال : ههههههههه توارد خواطر ..
اميره : جا ناصر ..
ابتهال : ايه .. افففففف قارفني ..
اميره : ليه ..
ابتهال : مدري .. يختي .. بس دلوووووووووع .. يغث .. ماكنه بيصك الثلاثين بعد 3 سنوات ..
البنات : هههههههههههههههههههههههههه .
اميره : ههههههههههههه وش حارك .. خليه يتهنى بشبابه ..
ابتهال : يتهنى .. بس مو كذا .. ياربيه احس ودي اكفخه دايم اذا قام يتدلع على امي .. ياسر وهو ياسر اللي اصغر منه بسنه .. ما يتدلع كثره .. يمه سويلي .. يمه حطيلي .. يمه جيبيلي .. يمه بنام على رجلك .. يمه امسحي على راسي .. يمه مدري ايش .. خلاص خلاص حامت كبدي ..
آلاء : هههههههههه عشان لو انتي توسين كذا .. كان رفستك امي ..
البنات : هههههههههههههههههههههههههههههههههههههههههههههههه ..
ابتهال : ههههههههههههه لا ياقلبي .. بس ولد ما ينفع يتدلع .. يروح يتدلع على زوجته مو على امنا ..
اميره : خطب ..
ابتهال : ياليييييييييييييييييييت .. نفتك على الاقل ..
ابتسام : حرام عليك .. صح يغث بس حبوب ..
ابتهال : شوفي حبوب اوكي .. طيوب اوكي .. حنون نبلعها .. بس يققققققهر ..
آلاء : كل هذا شايلته بقلبك عليه ياربيه بس ..
ابتهال : يقهرني .. ماقلت ما احبه عشان تقولين كذا ..
آلاء : انا بعلمه اليوم ..
ابتهال : فتينه اوريك ..
البنات : ههههههههههههههههههههه ..
اميره : ايوه .. وياسر عسى ما يتدلع بس ..
آلاء : لا فديته رجال .. يا حبيله والله ..
اميره : ايه من مدحه .. مامدحه غير آلاء ..
آلاء : ليه وش فيني ..
اميره : لا بس انتي شكلك تموتين فترابه ..
آلاء : اخوي وحلو ويحقلي ..
اميره : الله يعين زوجته ..
آلاء : لا ياحبيل زوجته بس .. انا اموت فيها .. وطبيعي هي تعرف شعوري اتجاهه وماراح تغار عليه مني ..
اميره : من زينك تغار عليه منك ..
ابتسام : وش فيك عصبتي ..
اميره : ماعصبت ولا شي .. بس اختك الله يهديها مره مآخذه مقلب بعمرها .
آلاء : وليه مآخذه مقلب .. هو بنفسه يقول .. اني اغلى وحده عليه من خواتي ..
اميره : ايه طيب .. صدقتك ..
آلاء : وربي يقول .. مو صح ابتسام .. ابتهال ..
ابتسام و ابتهال : ايه صح ..
ابتهال : لو تسمعين شلون يتغزل فيها .. احيانا اغار انا ..
البنات : ههههههههههههههههههههههههههه ..
اميره : اييييييييه .. ايوه .. بنات خوالك كلهم هنا ..
ابتهال " تغيرين السالفه هاه " : ايه كلهم ..
اميره : ياحليلكم .. مآخذين شقق ولا شاليهات ..
ابتهال : وين بتكفينا معه الشقق .. لا مآخذي شاليهين جنب بعض ..
اميره : كشخه ..
مر من قادامهم ناصر اخوهم وهو يكلم بالجوال ويضحك ويأشر ويتلفت ..
آلاء : هذا نصوري اخوي الدلوع ..
التفتوا البنات عليه .. ساره تشوفه انصدمت .. لفت على ابرار ونغزتها ..
ساره : ابرار طالعي ..
شافته ابرار وهمست لها : مو هذا ناصر اللي تكلمينه بالمسن ..
ساره : ايه ايه هو .. يمه من ويطلع ..؟..
ابرار : صدف سبحان الله ..
ساره : يااااه .. شكله كذا احلى من صورته اللي قد وراني اياها ..
ابرار : اكيد احيانا الصوره تخرب الشكل ..
جت رغد من بعيد ونادت ساره .. والتفتت لها ساره ..
ساره : طيب .. فضحتني ..
ابرار : روحي روحي ..
قامت ساره وناصر كان يطالع فيها بس بدون محد يحس .. على طول جت فباله اللي يكلمها بالمسن .. راح عنهم وجلس مع اخوه ياسر وماهر وحمد ..
حمد : بس القطاع العام احسن ..
ياسر : لا انا نفسي اشتغل بشركه .. مدري بس ودي ..
حمد : انت متخرج تجاره صح ..
ياسر : ايه .. وبتقدير ممتاز بعد ..
حمد : ياخي شغل الشركات متعب حتى يداومون خميس ..
ناصر : اخوي اعرفه يدور الشقى لنفسه وين ماكان ..
ياسر : مدري بس ودي اجرب ..
حمد : لاوالله لاتجرب .. غثى وتعب وعوار راس ودوام زفت .. ما ينفع .. خلك بالحكومي احسن لك ..
ياسر : قولك ..
حمد : ايه والله .. انا اشتغل بشركة اهلي .. يالله يالله طلعنا هالاجازه عشان نسافر فيها .. ونداوم الخميس بعد .. وانواع القلق ..
ياسر : الله يعين بس ..
ناصر : يلا نمشي ..

ياسر : يلا ..
فهد : بدري تو الناس ..
ناصر : بدري من عمرك .. خلاص جينا وازعجناكم ..
ماهر : افا ياناصر مامنكم ازعاج ..
ناصر : تسلم يالغالي .. انت بس خلك على مواعيد عرقوب هاه ..
ماهر : هههههههههههه . وش اسوي ياخي ماجت فرصه والله ..
ناصر : ياكثر الفرص اللي جتك وضيعتها .. على العموم ترى الكل يستناك ..
ماهر : تسلم ياخوي .. ولايهمكم .. جايكم بعد السفر ..
قام ياسر ودق على ابتهال .. وناصر يكلم ماهر ..
ابتهال : هلا ..
ياسر : يلا خلاص عاد ..
ابتهال : يوه .. يلا بنات ..
اميره : لا اجلسوا ..
ابتهال : سمعة طويلة اللسان وش تقول .. تقول اجلسوا ..
ياسر : والله ودي بس خلاص اذيناهم قوموا يلا ..
ابتهال : اميروه يقول ياسر .........
ياسر : بكفخك يا ابتهال .. بركبك على التنده ..
ابتهال : خلاص يمه خفت .. يلا انتم ..
اميره : وش ذا ما جلستوا ..
ابتهال : وش اسوي فيه ..
اميره : يعني ما يعرف يصبر شوي ..
ابتهال : تعرف تصبر ..
ياسر : لو ما اعرف اصبر .. كان ماصبرت كل هالمده عليها .. يلا قومي ..
ابتهال : وش قصدك ..
ياسر : اقصد كان ما صبرت على حبها كل هالمده يلا يختي قومي ..
ابتهال : الله الله الله ايه الكلام الكبير ده ..
قاموا البنات وسلموا عليهم وراحوا .. جلسوا عقبها ليييييييييييين الساعه 11 بالليل .. تعشوا و قاموا وراحوا الشاليه .. الحريم والرجال من التعب على طول ناموا .. والبنات جلسوا يطالعون التلفزيون وبعدها رقوا فوق وتسدحوا وناموا بعضهم وبعضهم يسولفون .. والشباب جلسوا على البحر يسولفون بعدين راحوا ينامون .. رقوا رائد وفهد فوق ودخلوا الغرفه وتسدحوا بينامون وقاموا يسولفون .. غيدا كانت جوعانه .. نزلت تحت المطبخ وفتحت النور وطلعت مويه وحطتها ببريق وحطتها على النار تتحمى .. وراحت طلعت كيسة اندومي وفكتها وحطتها بمقلاة .. شالة ابريق المويه وصبته بالمقلاة وانكب على يدها وهو مرررررررررره يغلي .. على طول حطة البريق وراحت غسلت يدها واخذت عسل وحطته عليها .. وجلست بالمطبخ تصيح .. اخذت جوالها ماتدري على مين تدق ولا شعوري دقت على رائد .. رائد كان توه غفيان .. وحتى فهد .. دق جواله وقام اول ما شاف الرقم رد ..
رائد : هلا ..
غيدا كانت تصيح : رائد ..
رائد : بسم الله الرحمن الرحيم .. شفيك ..
فهد انتبه بس ما فتح عيونه .. وجالس يسمع ..
غيدا : رائد يعور ..
رائد : وشو اللي يعور .. وش فيك ..
غيدا : انكبت علي المويه الحار ..
رائد : نعااااااام .. وينك انتي الحين ..
غيدا : تحت .. بالمطبخ ..
رائد : غيدا صارلها شي يدك ..
غيدا : مدري .. مره تعورني ..
رائد : اوكي البسي عبايتك .. بوديك المستشفى ..
هي سكرت منه ورقت فوق .. دخلت الغرفه بشوي شوي .. واخذت عبايتها بدون محد يحس لانهم كلهم كانوا نايمين .. اخذت العبايه ونزلت جلست تستناه بالصاله .. قام رائد وعلى طول لبس ونزل تحت
وراح لماهر .. يقومه بيآخذ منه المفتاح حق السياره ..
رائد بصوت واطي عشان محد يسمعه : ماهر ماهر ..
ماهر : همممم ..
رائد : مفتاح السياره وينه ..
ماهر : هناك على الطاوله ..
راح على طول اخذه وراح الصاله ..
رائد : يلا قومي ..
قامت معاه وركبت السياره ومشوا للمستشفى وطول الطريق وهي تصيح ... ورائد يطالع بيدها ..
رائد : تعورك مره ..
غيدا : تحرقني ..
رائد : الله يهديك .. وش مقومك بهالليل ومدخلك المطبخ ..
غيدا : كنت جوعانه ..
رائد : طيب كان اكلتي اي شي مافيه توليعت نار ..
غيدا : ماكنت ادري ..
رائد : قدر الله وما شاء فعل .. يلا انزلي ..
نزلت وعلى طول دخلوها طوارئ وشافو يدها وعالجوها وحطولها كريم ولفولها اياها .. طلعت الممرضه من عندها ودخل عليها رائد .. هي نست لا تتغطى من الالم .. ماكانت رايقه ..
رائد : سلامتك ..
غيدا وهي منزله راسها : الله يسلمك ..
رائد : يعني غصب تقلديني حتى نفس اليد .. بس انا فوق وانتي تحت ..
ضحكة غيدا : هههههه شفت ..
رائد : ايوه كذا اضحكي .. مو حلو شكلك وانتي تصيحين قبل شوي ..
رفعت راسها له وتنح فيها كانت عيونها عذاب وهي مليانه دموع .. وحمرا .. ابتسم رائد ومسك الطرحه وغطى وجهها ..
رائد ابتسم لها : ما ابي اشوفه الحين ابي اشوفه بعدين وعلى راحتي .. يلا قومي ..
غيدا من الدلاخه مافهمت قصده .. ابتسمت وقامت .. راحوا وخلصوا كل شي وركبوا السياره .. ومشوا ..
رائد : من وين تبين تآكلين ..
غيدا : خلاص ما اشتهي ..
رائد : لا لازم ..
مروا واخذو لهم شي خفيف واكلوه وراحوا الشاليه .. دخلو جوى .. هي طلعت الغرفه .. وهو راح المطبخ .. شاف الاندومي والمويه .. ابتسم وشرب مويه وطلع فوق الغرفه .. بدل ملابس وانسدح .. لف عليه فهد ..
فهد : وش صار فيها ..
رائد : بسم الله الرحمن الرحيم ..
فهد : ههههههههه بسم الله عليك .. شكلك سرحان ..
رائد : سرحان .. فمين .. ؟؟
فهد : مدري .. وش صار بيد غيدا ..
رائد : وش دراك انت ..
فهد : سمعتك وانت تكلمها ..
رائد : اها ..
قاله رائد وش فيها وغمض عيونه .. قام فهد وراح عنده وجلس على حافة سريره ..
فهد : قم بحاكيك ..
رائد : وش تبي .. فيني النوم ..
فهد : وش بينكم يا رائد ..
رائد جلس : مابيننا شي ..
فهد : الا .. تكلم ..
رائد : غصب يعني ..
فهد : شف .. من وين لك رقمها وهي من وين لها رقمك ..
رائد : ............... ( مايدري وش يقول )
فهد : شفيك سكت ..
قاله السالفه رائد من اولها لييييين آخرها ..
فهد : يعني انت تكلمها الحين ..
رائد : ايه ..
فهد : ومن وراي يا خاين ..
رائد : هههههههه هذاك دريت ..
فهد : ليه ماقلت من اول ..
رائد : ما ادري .. ياخي انت فضيحه ..
فهد : ياخي منب فضيحه بس تغثوني احيانا .. كشخه .. تقولها كلام حب يعني ..
رائد : اعقل .. ماقد قلت لها غير فديتك .. ووووو ..
فهد : وايش .. ايوه ..
رائد : اممممممممممم بس .. يعني اذكر اقوى كلمه قلتها لها فديتك بس ..
فهد : باااااااااس ..
رائد : هههههههه ايه .. تبيني اتغزل اربع وعشرين ساعه وقدام امة محمد بعد زي بعض الناس ..
فهد نزل راسه : غصبن علي ما اقدر ..
رائد : هههههههههههه .. " طقه مع كتفه " .. طيب قم خلني انام تعبااااان .. ويدي تعورني حيييييييل ..
وخر فهد وراح فراشه انسدح .. وناموا الاثنين ..
? ? اليـــومـ .. الـليـ .. بعـــــدهـ .. ? ?
.
.
.
قاموا وجلسوا بالحديقه .. وجلسوا يفطرون كلهم .. والبنات قايمين من الصباح وجالسين يفطرون بغرفة الاكل ..
ساره : غيدا ماقامت ..
لولو : ايه .. انا بروح اقومها ..
رقت لولو فوق وهي تغني .. وكان حمد توه طالع من الغرفة يقوم فهد ورائد .. شافها وهي تغني ومنسجمه نزل راسه وتنحنح .. على طول تغطت وسكتت .. مشت ودخلت الغرفه على طول وهو ضحك ونزل .. ونزلوا بعده فهد ورائد وراحوا المطبخ .. دخلت لولو الغرفه وصكت الباب ورمت جلالها بالارض وراحت لغيدا سحبت لحافها وانفجعت يوم شافت يدها ملفوفه .. جلست جنبها وصارت تطالع فيها .. قومتها وقامت جلست .. ولولو تأشر على يدها ..
لولو : شفيها ..
قالت لها غيدا السالفه ..
غيدا : والحين انا متورطه اذا قالو لي من اللي وداك مدري وش اقول ..
لولو : صح .. وش بتقولين ..
غيدا : مافيه الا ادق على رائد واقوله وش اقولهم ..
لولو : ايه احسن عشان يصير كلامكم واحد ..
دقت على رائد وكان جنبه فهد .. طالع فهد رائد وهو يطالع الجوال سحبه منه وطالع الاسم .. ورماه عليه ..
فهد : رد رد ..
رائد : غصبن عليك برد .. بعدين اترك اللقافه ما يمدحونها ترى ..
قام رائد وراح يرد ..
فارس : من اللي دق عليه ..
فهد : خويه .
فارس يغمز له : خويه هاااااااهـ ..
فهد : هههههههههه ياعمي تشك بولدك ..
فارس : طريقتك تو تشكك الواحد غصب ..
فهد : ماعليك مني انا اسوي حركات بس .. ابقهره ..
? عــنـد .. رائد .. ?
رائد : هلا وغلا ..
غيدا : هلا فيك .. صباح الخير ..
رائد : صباح الورد واليد المحروقه من الطفاقه ..
غيدا : ههههههه حرام عليك ..
رائد : هههههههههههههههه يلا تستاهلين السلامه ..
غيدا : الله يسلمك .. اقول رائد ..
رائد : آمري .. لاتقولين ..
غيدا : مايامر عليك عدو ..
نغزتها لولو وقالت لها افتحي السبيكر بشوف شلون يكلمك .. وفتحت لها السبيكر ..
غيدا : وش اقولهم لو سألوني عن يدي ..
رائد : مممممممممم .. قولي لهم كنت اسوي لي اكل بالمطبخ وانكبت المويه الحاره على يدي عادي ..
غيدا : طيب اذا سألوني من اللي وداك ..
رائد : اووو .. مصيبه هنا .. اممممممم .. قولي لهم .. اممممممممم .. ايه انا كنت تحت وسمعتك تصيحين واخذتك ووديتك المستشفى ..
غيدا : طيب ..
رائد : شلونها الحين ..
غيدا : تعورني شوي ..
رائد : لا تفكرين فيها كثير انسيها .. ان شاء الله فتره وتطيب .. ولا تنسين عندك موعد تغيرينها اليوم ..
غيدا : ايه مانسيت ..
رائد : زين افطرتي ..
غيدا : لا ..
رائد : طيب انا بجيب لي فطور بجيب لك معاي ..
غيدا : مايحتاج .. الحين انزل وآكل اي شي ..
رائد : لا عشان تحرقين يدك الثانيه .. بعدين انتي تعبانه لازم ندلعك .. يلا بجيب لك وبحطه تحت بالملحق وبدق عليك اذا جبته ..
غيدا : لا لا تدق ارسل مسج ..
رائد : اوكيك .. يلا يالغلا .. خلك فوق لاتزلين لين اجي .. عشان اقدر اتكلم اذا شافوك ..
غيدا : طيب ..
سكرت منه والتفتت على لولو ..
لولو : يووووووووووه اول مره ادري انه حنين لهالدرجه ..
غيدا : ووش اللي علقني فيه غير انه حنون ..
لولو : يااااااااي وناسه .. ترى نص فطورك بآكله مالي شغل ..
غيدا : لا مافيه .. بعطيك شي بسيط ..
لولو : هههههههه مو على كيفك ..
غيدا : ايه صح .. تعالي .. ذكرت ..
لولو : وشو ..
غيدا : امس قالي كلام مافهمته ..
لولو : وشو ..
غيدا : انا امس ما كنت متغطيه بالمستشفى وهو دخل وانا مو متغطيه .. رفعت وجهي له وطالعني بعدين غطى وجهي .. وقالي ما ابي اشوفه الحين ابي اشوفه بعدين وعلى راحتي .. وش قصده ..
مسكتها لولو : تستهبلين قالك كذا ..
غيدا : ايه والله شفيك ..
لولو : ياحليله شكله طاح طيحه محدش سمى عليه ..
غيدا : هههههههههههه وش قصدك ..
لولو : انتي متأكده انه ما يحبك ..
غيدا : مدري .. بس اذا زعلت راضاني .. وكل يوم يدق علي وانتي شفتي مسجاته .. مدري والله حيرانه ..
لولو : يعني ماتدرين وش يقصد بهالكلمه ..
غيدا : لا .. وش يقصد وقفتي قلبي ..
لولو : انه ما يبي يشوفك الحين بيشوفك على راحته يعني يبيك يا غيدا ...
غيدا تنحت : يبيني .. شلون يعني ..
لولو : شلون يعني .. انتي فسريها ..
غيدا : لوووووولوووووووو ..
لولو : هههههههههههههه يعني يبيك .. يوه شلون اشرح لها هذي .. يعني يبيك ..
غيدا : لاتستهبلييييييييين .. يبيني يعني .......
لولو : ايه ايه ..
غيدا : تستهبلين .. كذا معناتها ..
لولو : ايه افهمي ..
ضمتها غيدا : فديتك لولو .. فديتك ..
لولو : هههههههههههههههه .. وش دخلني انا ..
غيدا : مدري .. بس فديتك ..
ارسل لها رائد مسج ..
(( لكـ .. بسمةٍ لو وزعتـ .. للمخاليقـ .. كانـ .’,’. انطفى حزنـ .. القلوبـ .. ونكدها .. )) (( انزلي خذي فطورك .. ))
غيدا : ماقلت لك احبك ..
لولو : مو لي تقوليينها قوليها له .. امشي ننزل يلا ..
نزلو الثنتين وراحوا غرفة الاكل ومنها على الملحق .. اخذت المفطور وراحوا غرفة الاكل وجلست غيدا تآكل وعطت لولو غصبن عليها .. اول ما خلصوا جتهم رغد وقالت ان الحريم يقولون لهم تعالوا برى .. وراحت عنهم ..
غيدا : احس اني خايف ..
لولو : ليه .. امشي بس هو بيتصرف ..
راحوا ولبسوا جلالاتهم وطلعوا جلسوا معهم .. جلسوا جنب امل .. رفعت امل جلال غيدا وطلعت يدها ..
امل : وشو هذا .. ؟؟ ..
مشاعل : بسم الله عليك من وين لك هذا ..
رائد : امس وانا نازل ابآكل لي شي .. سمعتها بالمطبخ تصيح .. كانت المويه الحاره مكبوبه على يدها اخذتها ووديتها للمستشفى ..
مشاعل : فديتك يا رائد مشكور يا قلبي ..
فهد يهمس له : يعني هي مادقت عليك ..
رائد يبتسم له : لا مادق .. هههههههه .. اعقل .. موقايل لك انك فضيحه ..
فهد : لا بس ابصحح المعلومه ..
رائد : محد طلب منك ..
فارس : وش عندكم انتم ..
رائد : ماعندنا شي يبه .. بس اقول يعني ودي اروح اسبح بالبحر ..
عبد العزيز : ليه نسيت يدك ..
رائد : يوووووووه صح .. نسيت والله ..
فهد : هههههههههههه ياشين اللي بيرقع ومايعرف شلون ..
رائد : هههههههه كله منك .. اسكت تكفى ..
جاه مسج وسحب فهد الجوال وسحبه منه رائد وكل واحد يسحب الجوال مره .. لين سحبه فارس منهم .. جا بيفتحه بس فيه رمز قفل ..
فارس : حسافه .. فيه رمز قفل ..
رائد : الحمد لله امس حطيته .. عشان اللقافه الزايده عند بعض الناس ,,
فهد : وش قصدك ..
رائد : اللبيبُ بالاشارةِ يفهمُ ..
فهد : طيب .. هين ..
اخذ رائد الجوال وقرى المسج ..
مشاري : ودي ابتسم ..
ماهر وحمد : اللــه حتى انا ودي ..
رائد : مو لازم ..
فهد : طيب انا ودي ..
رائد : لا ما يصلح .. مسج كبار هذا ..
فارس : يلا طيب هات اقراه ..
رائد : يبه .. عادي مو مكتوب شي ..
فارس : طيب ليه تبتسم ..
رائد : بس كذا ..
فارس : بسرعه وش مكتوب ..
رائد : مشكور .. بس ..
فارس : بااااااااااس .
رائد يبتسم : بس ..
فارس : سخافه .. على ايش مشكور ..
رائد : يبه عمر مرسل مشكور .. مدري نسيت سالفته ..
فارس : اييييييه ..
فهد بهمس : عمر هاه ..
رائد : تشويتك حلال ..
فهد : خخخخخخخ لا لا شكرا ..
ابراهيم : وش هالروحه اللي كلها اصابات ..
عبد العزيز : هههههههههههه والله اني مدري يا خوي .. الله يستر .. اول من بدى فيه سلطان .. جته نزله .. وبعده رائد .. وبعده غيدا .. والله يستر من الجاي ..
الجده : ورى مانرجع للرياض ..
فهد : تونا بدري ..
عبد العزيز : وين توكم .. صار لكم اسبوع ..
حمد : مبسوطين يبه ..

ابراهيم : الشغل ينتظركم ..
مشاري : لاحقين على الشغل يا عمي .. والله ما تهنينا ..
رائد : وهم صادقين والله ما تهنينا نبي نجلس شوي بعد ..
فارس : لا انت آخر واحد يتكلم عشان ما تخلي احد هنا الا وتطاقيت معاه .. وبعدين لا تنسون ابوي وسليمان بالرياض خلاص يكفي ..
ولاء : عمي .. توكم جايين لازم تتهنون بالعطله وش معجلكم الله يهديكم بس..
فهد : ياربييييه .. اول مره تقول كلام زي الناس .. شكرا على احساسك يا ولاء ..
ولاء : ليه استاذ فهد ماكان يعجبك كلامي اول ..
فهد : لا ..
ولاء : بعد ..
فهد : ايه ماعجبتك ..
ولاء تقلده : لا ..
الكل : ههههههههههههههه ..
رائد : خالتي مشاعل .. ترى اليوم عند غيدا موعد تغيير اللفه حقة يدها ..
مشاعل : متى اي وقت ..
رائد : المغرب تقريبا ..
فارس : خلاص انا بوديها ..
فهد التفت على رائد وابتسم له وهمس له : راحت عليك ياشاطر ..
رائد : معليش تسكت .. بس عنادا فيك محد راح يوديها غيري وتشوف .. يبه .. مايحتاج اوديها انا وجوري ..
فارس : دام انت وجوري مو مشكله ..
رائد : افا يبه وش قصدك ..
فارس : ولا شي .. ( ابتسم ) ..


يتبع ,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -