رواية تحملت كثير يا قلبي -27

رواية تحملت كثير يا قلبي -27

كان السبت طبعا .. والكل قام وراح دوامه من الصباح .. وكانوا الشباب مره مره متضايقين وماودهم يروحون بس غصب عليهم .. وطبعا الحريم كل وحده رجعة لعادتها .. هدى قامت وجلست مع رغد وسلطان بالبيت .. وخلود ياتروح لاهلها يا وحده من خواتها تجيها .. وفوزيه جالسه بالبيت مع بناتها وتغير بالبيت اشياء وتشيل وتحط .. وشيخه راحت تقعد عند امها .. وعايشه عند الجيران .. وامل اخذت جوري وريان وراحوا يفطرون برى .. وحصه مع اميره عند الجيران .. وطبعا مشاعل من بيت لبيت ما تقعد .. اما البنات .. ليلى ونوره مع امهم خلود .. وساره وولاء بالبيت وبيان عند خوالها مارجعت .. وتهاني جالسه تكلم ساره بالجوال وهيفا نايمه .. ابرار راحت المستشفى ولولو مع امها عند جدتها وجواهر كالعاده بسابع نومه .. وغيدا كانت نايمه .. يعني كلن رجع للروتين اللي قبل .. مافيه جديد ..

? فــيـ .. الشركهـ .. عند .. رائد .. وفهد .. ?

كانوا جالسين مع بعض ويسولفون ..

فهد : يوه خلاص غير الموضوع ..

رائد : يلا انت طلع موضوع جديد يالفالح ..

فهد : امممممممم .. دق دق على غيدا ..

رائد : ليه ان شاء الله ..

فهد : بس كذا ودي اسمعك وانت تكلمها ..

رائد ابتسم له : ليه طيب ..

فهد مسك الجوال وقام يدور اسمها : بس كذا .. وش اسمها ذي عندك ..

رائد : عندها اسم ما ينادونها ذي ..

فهد : هههههههههههه طيب وش اسمها ..

رائد ابتسم : غيدا ..

فهد : باللهِ عليييييك ..

رائد : ههههههههههه والله .. لا لا امزح .. اسمها (غلاك بداخلي مزروع) ..

فهد : قوي والله .. ماراح اعلق المهم يلا هـه دقيت ..

رمى عليه الجوال واخذه رائد وجلس يستناها ترد عليه بس ماردت ..

رائد : خخخخ نايمه ..

فهد : ارس لها مسج طيب ..

رائد : لا متى بتشوفه ..؟..

فهد : على الاقل اول ما تقوم تشوف مسد كول منك ومسج يلا خلصنا ارسل ..

رائد : وش ارسل طيب ..

فهد : انا بعطيك اصبر ..

طلع له فهد مسج حلو من عنده وارسله له ..

رائد : كووووووشخه من وين لك هالمسج ..

فهد : ههههههههه اعجبك والله تجيني مسجات من ارقام غريبه عادي ..

رائد : احد قالك حط رقمك مميز ..

فهد : انا مميز لازم رقمي مميز ..

ارسلها رائد الرساله ..

((صبـآآح ريحته قهوه ..,’,.. وطعمه بالحلا معقود

صبـآآح نغمته تغريد ..,’,.. وصوته ينعش المجهود

صبـآآح الخير يالغاليه ..,’,.. وغلاك يحطم المعهود

صبـآآح يبتدي منك ..,’,.. لانك نوره اللي تسود

صبـآآح الكلمه الحلوه ..,’,.. صبـآآح الحب بليا حدود ))

ما جلس خمس دقايق الا جاه مسج .. فتحه وابتسم سحب منه فهد الجوال وقرى المسج ..

(( صباح الخير من قلب مشتاق وولهان ...

إلى أغلى انســآآن ...

أحبه حب ما انذكر من قديم الزمان ...

لا بتاريخ الإنس ولا بقصص الجان ...

هو الغلا وكل ما في ها الكون من أشجان ... ))

فهد : طيب صاحيه ليه ماترد عليك ..

رائد : يمكن عندها احد .. وش دراك انت ..

فهد : الله يعافيك من بيكون عندها عسى عمتي مشاعل اللي تلقاها من بيت لبيت الحين .. ولا ابوها الي من الفجر بدوامه ..

رائد : مدري ..

دقت عليه غيدا ..

رائد : هـه دقت .. هــلآآآ ..

غيدا : اهلين .. صباح الخير ..

رائد : صباح النوووور والسروووور .. وينك قبل شوي ادق عليك ماتردين ..

غيدا : معليه بس ماكنت عند الجوال كنت تحت جالسه افطر ..

رائد : بالعااااافيه ..

غيدا : الله يعافيك .. هاه داومت ..

رائد : اييييييه الله يعين ..

غيدا : ههههههههه شكلك مره محبط ..

رائد : بقوه بعد احلى اسبوع ارجع اداوم .. والله قرف ..

غيدا : الله يعينك .. جالس بلحالك الحين صح ..

رائد : ايه ماعندي احد (ويبتسم لفهد) ..

فهد بصوت واطي : انا جدار ولا كرسي ولا طاوله هنا ..

رائد : هههههه اسكت .. ليه مارديتي امس بالليل ..

غيدا : كان اخوي عندي ماقدرت ..

رائد : اخوك .. ليه رجع من السفر ..

غيدا : ايه يوم جينا لقيناه موجود ..

رائد : الحمد لله على سلامته .. قرة عينك ..

غيدا : الله يسلمك .. بوجه نبيك .. لحظه .. ادخل .. هلا جيت .. طيب .. الو جوري ..

رائد : هههههههههه صرت جوري ..

فهد بصوت واطي : لك الشرف ..

رائد قام يأشر له اصبر علي : هلا ..

غيدا : ابكلمك بعدين طيب ..

رائد : اوكيك ..

سكرت منه وجلست مع اخوها .. رائد حط الجوال على المكتب .. وقام يطالع فهد ..

رائد : وش قلت قبل شوي ..

فهد يبتسم : ماقلت شي ..

رائد : ايه مره ماقلت شي ..

? فــيـ .. مركز .. الشرطهـ .. ?

كان ماهر توه مقفل من حمد على اساس يآخذ منه اوراقه واشعته ويوديها لابرار بالمستشفى .. راح واخذ اذن وطلع .. اخذ الاوراق من حمد وراح المستشفى .. سأل عن مكتب ابرار ودلوه وراح لها .. طق الباب ودخل ..

ماهر : السلااام عليييكم ..

ابرار : هلا ماهر وعليكم السلام ..

ماهر : هلا فيك .. اسمعي انا بدخل بالموضوع على طول لان لازم ارجع المركز ..

ابرار : اوكي .. جبت الاشعه ..

ماهر : ايه ..

مد لها الظرف اللي فيه الاشعه .. فتحته وطلعتهم قامت تطالع فيه ..

ابرار : طيب ابغى التقرير حقه ..

ماهر تردد قبل لا يعطيها التقرير عشان فيه اسم حمد بس اخر شي قال صحته اهم وعطاها الورقه .. اخذت الورقه وجلست تقرى وقرت الاسم وشهقة ..

ابرار : ماهر .. حمد ..

ماهر : ابرار بلييييييييييز ما ابي احد يدري ..

ابرار دمعة عيونها : بس ..

ماهر : تكفين يا ابرار الرجال مأمني ما اقول لاحد وانتي لازمم تدرين ابي اسوي له اي شي بس يشفى ..

ابرار : ليه ما تكلم من قبل ليه الحين .. مايحس هالانسان .. ماعنده مشاعر ..

ماهر : انا قلت لها نفس الكلام .. يقول كنت خايف ..

ابرار : خوفه بيموته ..

ماهر : وش اسوي فيه طيب توني داري نفس اليوم اللي قلت لك فيه .. شوفي له حل طيب الله يعافيك ..

ابرار : ولا يهمك .. بحاول قد ما اقدر اساعده .. لازم يجي المستشفى ..

ماهر : قلت له تعال معاي ما رضى ..

ابرار : مايصير لازم يجي يسوي اشعه من جديد ..

ماهر : اوكي بحاول فيه ..

ابرار : خلاص ماهر انا راح اروح الحين للدكتور تقدر تمشي انا بتصرف بالموضوع ..

ماهر : اوكي مشكوره واذا فيه اي جديد .. هذا رقم جوالي دقي علي ..

ابرار : اوكي ..

اخذت رقمه وطلع ماهر ورجع المركز ..

ابرا جلست تطالع الاوراق وصاحت .. قامت ومسحة دموعها وعدلت عيونها وطلعت معها الاوراق .. راحت لدكتور جراح ومالقته .. بالصدفه وهي طالعه قابلة سعود بوجهها ..

ابرار : دكتور ..

سعود : هلا ..

ابرار : ابي منك خدمه ..

سعود : امري ..

ابرار : معليه نجلس بمكان مو قادره اوقف ..

سعود : ليه سلامتك ..

ابرار : ما ادري وش فيني .. ابي اجلس ..

قالها سعود تجي مكتبه لانه قريب .. دخلو وجلسوا طلعت له الاوراق وورته كل التقارير والاشعه ..

سعود : طيب هذا ورم حميد ..

ابرار : بس ممكن تتطور حالته ويكون خبيث ..

سعود : صح ممكن .. طيب من وين لك هالاشعه .. هذا مو عندنا هنا بالمستشفى ..

ابرار : هذا ولد خالي ..

سعود : لا حول ولا قوة الا بالله .. هو عطاك التقارير ..

ابرار : لا هو ما يدري اني دريت .. ولد خالتي الثاني هو اللي جاب لي التقارير حقته ..

سعود : اوكي ابي اشوفه لازم ..

ابرار : اوكي اعطيك رقمه تدق عليه ..

سعود يبتسم : ليه عندك رقمه ..

ابرار : لا ماعندي بس اجيبه ..

سعود : اوكي هاتيه ..

دقت ابرار على لولو : الو لولو ..

لولو : هلا وغلا ..

ابرار : لولو بليز ارسلي لي رقم حمد بطاقة اعمال ..

لولو : لا .. وش تبين فيه ..

ابرار : يلا رسليه استناك ..

لولو : لا اغار .. ما ابي ..

ابرار : بلا هبل ارسليه بسرعه ابغاه ..

لولو : طيب لا تعصبين يمه .. وش تبين فيه صاير شي ..

ابرار : لا مو صاير شي .. بس ابيه .. انتي لا تكثرين اساله وارسليه ولا بدق على ولاء تعطيني اياه ..

لولو : لا خلاص برسله بس ترى بعرف السالفه ..

ابرار : طيب بتعرفينها ارسليه بس .. اف طفشتيني ..

لولو : طيب يلا ..

سكرت منها وارسلت لها الرقم . وعطته سعود ..

سعود يبتسم لها : انتي على طول كذا عصبيه ..

ابرار بتقهره : ايه ..

سعود يستفزها : يوووووه عاد تصدقين امووووووت انا بالعصبيه ..

ابرار : دكتور ..

سعود : هههههههههه مره جاده انتي ..

اخذ الرقم ودق على حمد واخذ له موعد على اساس يجي له .. وقاله يجي العصر ..

? عــنـد .. حمد .. بالمكتبـ .. ?

اول ما سكر منه ..

مشاري : مين ..

حمد : واحد ..

مشاري : ادري واحد بس مين ..

حمد : واحد اسمه سعود .. ايوه كمل سالفتك .

مشار ي : وش يبي منك هذا سعود ..

حمد : يبي يشوفني .. يلا كمل لا تكثر اسإله لاني منب مجاوبك ..

مشاري : ليه فيه شي ..

حمد : لا ما فيه شي .. بس كذا .. يلا كمل لا تقهرني ..

مشاري : وانت بعد لا تقهرني قلي سالفة سعود هذا ..

حمد : ماعنده سالفه .. يوه .. غصب هو ..

مشار ي: لااااااا دام عصبت فيها ان السالفه ..

حمد : تدري .. ما ابيك تكمل السافه .. اطلع خلني اشتغل ..

مشاري : شفييييييييييك ..

حمد : مافني شي طفشتني بتكمل ولا اطلع خلني اشتغل ..

مشاري : لا بطلع .. واشتغل على راحتك ..

عصب مشاري وقام وطلع .. رمى حمد الجوال على الطاوله بقهر ورجع راسه ورى واخذ نفس طوييييييييييل وطلعه بحراره ..

حمد : الله يستر بس .. الله يستر ..

الظهر كلن رجع من دوامه وتغدى وراح ينام .. وقاموا على العصر .. دق ماهر على حمد وراح معاه المستشفى .. وابرار كانت موجوده .. وشافتهم وحمد ارتبك يوم شافها .. مايبيها تعرف ..

ماهر : هلا ..

ابرار : اهلين .. خير عسى ماشر ..

ماهر : الشر ما يجيك .. بس جاي لدكتور هنا ابيه بسالفه ..

ابرار : عسى ماشر ..

ماهر : لا ابد الشر ما يجيك . بس شوي تعب ..

ابرار : اهــآآ .. يلا سلامات .. اي دكتور ..

ماهر : الدكتور سعود ..

ابرار : اووو خطيبي ..

ماهر : لا يا شيخه ..

ابرار مستحيه : والله ..

ماهر : كشخه يعني بيتوصى فيني ..

ابرار : اكيد .. قله من طرف ابرار وشف وش بيسوي لك ..

ماهر : آهــآآ يعني لك خاطر عنده ..

ابرا : خلاص لا تدقق .. يلا رح .. تلقاه بالدور الثاني .. قسم جراحة المخ والاعصاب ..

ماهر : اوكي مشكوره ..

مشت عنهم وطلعوا بالمصعد لفوق ..

ماهر : شفيك ما تكلمت ولا كلمه ..

حمد : ما ادري .. مره ارتبكت يوم شفتها .. خلنا نغير الدكتور تكفى ..

ماهر : لا يا حمد وش فيك انت مو واثق .. بعدين تخاف يوصلها الخبر ..

حمد : . .................. .

ماهر : يكون بعلمك .. تراها درت ..

حمد : تستهبل انت .. ليه ومن قالها ..

ماهر : حمد .. طلبت تقاريرك وعطيتها وقرت اسمك .. وبعدين هي دكتوره يا حمد .. ولا تنسى انها جالسه تدرس نفس التخصص .. حمد .. انا قلت لها الموضوع ما يطلع .. صدقني ما راح يطلع ..

حمد : ياخوفي الكل يدري ..

ماهر : خلاص يا حمد هد اعابك ..

حمد : الله يعين ..

ماهر : تخاف توصل الخبر للولو ..

حمد لف عليه وابتسم : وش دخل لولو بالسالفه ..

ماهر : ما ادري احسها تهمك كثير ..

حمد : لا بس خلك بنفسك ..

ماهر : هههههههههه طيب ..

وصلو مكتب الدكتور ودخلو وسلموا عليه وجلسوا .. طلب منه الدكتور اشعه جديده راح وسواها ورجع له .. شافها سعود ..

سعود : المكان مو ذاك الخطوره .. بس لازم نشيله لان حجمه شوي كبير وهذا بيأثر عليك .. بيسبب لك صداع قوي ..

حمد : صحيح انا معاي صداع مره قوي وبعد آخذ مسكنات قويه ..

سعود : اوكي لازم اجل تشيله بأسرع وقت عشان صحتك ..

حمد : بس كم بيصير نسبة نجاح العمليه ..

سعود : انت الحين خلك من نسبة نجاح العمليه .. وشف مصلحتك .. اذا ماشلتها بيلازمك صداع قوي .. ومع الاهمال ممكن بنسبه كبيره تتحول لورم خبيث يعني افضل حل انك تتوكل على ربك وتشيله ..

حمد : مافيه حل ثاني ..

سعود : للأسف .. لازم تنشال ..

حمد : طيب لو ارسل تقاريري برى بيقولون نفس الكلام ..

سعود : ايه .. نفس الكلام اللي انقال لك هنا بينقالك برى .. هاه وش قلت ..

ماهر : بيشيله طبعا ..

حمد : والله ما ادري ..

ماهر : حمد .. توكل على ربك ..

سعود : اذا خايف من نسبة النجاح .. اقدر ارسل انا تقاريرك برى لطبيب ممتاز جراح ويشوفها ..

ماهر : اوكي دكتور توكل على الله ..

سعود : طيب بيسويها برى ولا هنا ..

حمد : لا برى ..

سعود : اوكي .. الله يوفقك ..

حمد : آمين ..

قام سعود وارسل التقارير لجراح بالمانيا .. طلعوا الاثنين من عنده وراحوا يتمشون ..

حمد : خايف وربي ..

ماهر : انت بزر تخاف ..

حمد : ماهر افهم .. هذي عمليه مو بسيطه ..

ماهر : انت توكل على ربك وهو بيسهلها لك ..

حمد : الله يعين ..

????…¤_¤… بعد اسبوعين …¤_¤…????

تمت خطوبة ابرار على الدكتور سعود وحددو الملكه تكون على آخر شهر 7 .. وحمد تحددت عملية بعد الملكه بيومين لازم يكون بألمانيا .. وطبعا ماقال لأحد وماهر هو اللي بيروح معاه .. تهاني خطبها ولد عمها ووافق ابوها بدون ما يشاورها وطبعا محد انحرق قلبه بالسالفه كلها غير مشاري .. حس انه انظلم .. حاول يتكلم بس محد سمعه يقولون البنت لولد عمها يعني هو اولا فيها .. وهي طبعا ماتبي غيره كانت طول وقتها بغرفتها تصيح .. انقطعت علاقتها بليلى ماعد تكلمها مثل اول .. غيدا ورائد علاقتهم مثل ماهي ماتغيرت .. بس غيدا ماصارت تكلمه مثل اول بسبب انشغالها بوجود اخوها .. فهد على حاله وحبه لجوري ماتغير بالعكس كل ماله ويزيد .. ولاء فيه تطور علاقه بينها وبين نايف بس طبعا هي ماتعطيه وجه كثير بس هو غصب يتلزق .. ريان على حاله .. نوره وجواهر ماتغير شي .. لولو كل ماله قلبها يتعلق بحمد اكثر ( الله يعينك ) .. اميره درت بحب ياسر لها وخففت اتصاات على ابتهال وروحات لبيتهم وهذا اثار استغرابهم .. سره لازالت بعلاقه مع اخو ابتهال ناصر بالمسن .. بس بدون ما تقوله اني اعرفك .. امل طلعت حامل بالشهر الثاني وفارس مبسوط لآآآخر حد .. بيان حبها لفهد معمي عيونها .. تحبه وتبيه وتبي تتخلص من جوري بأي طريقه .. ماتدري وش تسوي معها عشان تزيحها من طريقها .. كان فيه اجتماع للعايله كلهم ببيت الجد يوم الاربعاء .. وطبعا الجد عزم بدر على اساس ولد زوج بنته وبحسبة حفيده وبرضوا يتعرف على الشباب ويدخل معهم .. كانوا كلهم مجتمعين وجالسين يسولفون .. مشاري باين عليه الحزن بعيون ماعاد يضحك ويسولف زي اول .. وحمد شايل هم العمليه مره ما بقي عليها غير اسبوعين .. فهد وماهر ورائد ونايف وريان وسلطان ماعليهم الدنيا ماشيه معهم اوكي .. عند البنات .. كانوا منقسمين نصين .. لولو وتهاني وهيفا وجوري وغيدا وبيان مع بعض .. وليلى وساره وابرار واميره ونوره وولاء وجواهر مع بعض .. والحريم ملاحظين هالانقسام بس ما حكو شي .. ما يبون يتدخلون بينهم ..

لولو : تراكم طفشتوني .. معليش تسولفون ..

غيدا : طلعي موضوع ونسولف فيه ..

لولو : سجلتوا ..

غيدا : ايه ..

لولو : وين ..

غيدا : فنون ..

لولو : اخيرا استقريتي ..

غيدا : ايه ..

لولو : وانت بيان ..

بيان : انا تربيه خاصه ..

تهاني : وليه مو مع بعض ..

بيان : هي ما تبي تربيه خاصه وانا ما ابي فنون ..

جوري : بس كنتوا تبون مع بعض ..

بيان : كل شي يتغير بهالدنيا مافيه شي يتم على حاله ..

غيدا : وش تقصدين يعني ..

بيان : لا ولا شي .. عن اذنكم بروح اقعد مع البنات هناك .. الجو هنا مو حلو مخنوق ..

هيفا : الله معك .. تنفسين عننا شوي ..

اول ما قامت بيان .. ضحكت جوري ..

غيدا : ما اسمح لكم ..

هيفا : اسكتي بس .. سمعتي وش قالت تو .. ترى تقصدك ..

غيدا : عادي تمون ..

لولو : تدرين عجبتيني يوم دخلتي اللي تبينه .. مو لازم تكونون مع بعض .. اهم شي ميولك ..

غيدا : ادري قالي بدر ..

هيفا : بدر .. اخوك ..

غيدا : ايه ..

هيفا : يوه ما عمري شفته ..

غيدا : تشوفينه ان شاء الله ..

هيفا : ههههههه وين يا حسره ..

غيدا : مدري .. اهم شي بيجيك يوم وتشوفينه ..

تهاني : طفشت ابي اروح اجلس معاهم ..

لولو : روحي من ماسكك ..

تهاني : ليلى .. ما ابي اشوفها احس نظراتها كلها عتب . ما اقدر احط عيوني بعيونها ..

هيفا : انتي ما سويتي شي غلط .. الكل يدري ان ابوي هو اللي وافق والكل يدري انك تبين مشاري .. مو بيدك يا تهاني كم مره اقولك ..

تهاني : هيفا ما سمعتي كلامها لي يوم درت .. وربي تمنيت الارض تنشق وتبلعني ولا اسمع هالكلام .. احس خلاص مالي داعي بهالدنيا كلها ..

لولو : استغفري ربك يا تهاني .. وش هالكلام يا بنت الناس .. وبعدين من جد انتي مو بيدك ..

تهاني : حاولت اكلم ابوي بس ما رضى ما طاعني .. يقول ولد عمك اولى فيك من الغريب ..

جوري : صار مشاري غريب ..

تهاني : مشاري ما كلم ابوي يا جوري ..

جوري : اجل يستاهل .. لو مكلمه كان ماصار اللي صار ..

تهاني : بس انتم تدرون انه كان ناوي يكلمه وقريب بعد .. سمعتوه يوم يقول لجدتي ذيك المره بعد شهر او شهرين ..

جوري : الحكي ما يجيب ولا يودي .. ابوك ماراح يقتنع غير بولد عمك ..

تهاني خنقتها العبره : بس انا ما ابي غير مشاري والله ما ابي اغيره ..

راحت لها هيفا وضمتها وجلست تهاني تصيح .. وهيفا تسكت فيها .. كانت عايشه واقفه ورى الباب وكانت تسمع كل اللي دار بينهم .. حز بخاطرها ان بنتها تبي ولد خالها وتصيح عشانه وان ابوها غصبها .. قالت لازم انهي الموضوع .. راحت ونادت مشاري .. وجلسوا برى بالملحق حق الحريم ..

عايشه : مشاري .. تدري ان تهاني خطبها ولد عمها ..

مشاري نزل راسه : ايه ادري ..

عايشه : طيب تدري ان تهاني ما تبيه ..

مشاري ماقال ولا حرف ..

عايشه : تدري انها تبيك انت وما تبي ولد عمها .. وانا داريه انك انت بعد تبيها ,,

طالعها مشاري ( طيب داريه ليه ماتتكلمين .. شوفي لي حل تعبت والله ) ..

عايشه : مشاري .. اذا من جد تبي تهاني وشاريها .. رح الحين كلم ابوها ..

مشار ي : الحين ..

عايشه : ايه .. الحين .. يا مشاري انا اشوف بنتي كل يوم تنتهي قدام عيوني .. ما اقدر اسوي شي .. اربع وعشرين ساعه قافله على نفسها غرفتها وتصيح ما تسكت الاكل ماتاكله .. النوم ما تنام مثل العالم والناس .. اربع وعشرين ساعه دمعتها على خدها ..

قام مشاري وترك عمته بالملحق .. دخل مجلس الرجال ..

مشاري : عمي عبد الله بغيتك شوي الله لا يهينك ..

عبد الله : ان شاء الله ..

قام عبد الله وراح مع مشاري وجلسوا بالحديقه عند النخل .. جلس مشاري يتكلم بس مو عارف وش يقول مو قادر يضبط كلامه .. بس اخر شي عبد الله فهم انه يبي تهاني ..

عبد الله : بس تدري ان ولد عمها خطبها ..

مشاري : يا عمي ادري .. وربي كنت ناوي اخطبها بس قلت اصبر شوي .. كنت ناوي يا هالشهر او اللي عقبه .. وربي وربي كنت ابي وما زلت ابيها ومتمسك فيها ..

عبد الله : بس انا عطيت اخوي كلمه ..

مشاري : بس اسمحلي ياعمي .. عطيته كلمه بدون ما تشاور بنتك ..

عبد الله : انا داري ان تهاني بتوافق وماراح تقول لا ..

مشاري ( والله تبيني ما تبي ولد اخوك والله ) : ......................... ..

عبد الله : على العموم انا راح اسالها اذا تبيك ولا تبي ولد عمها .. مع اني داري انها ما ترد ولد عمها ..

مشار ي : اللي تشوفه ..

قاموا ويرجعوا جلسوا ولا كنه صاير شي ..

فهد : قم بدر افرجك على قرية جدي ..

بدر : اي قريه ..

فهد : هذي اللي هم ساكنين فيها ..

رائد : الله يفشلك اسمه بيت مو قريه ..

فهد : ايه من كبره مدري اسميه قريه ولا بيت ولا مزرعه ولا فله ولا قصر ولا شقه .....

قاطعه حمد : ولا الى اخره .. قم رح بس ..

فهد : هههههههههههه .. يلا بدر ..

قام بدر .. وراح معاه وقاموا يدورون لين وصلوا قسم الحريم .. دخلوا وصاروا يدورون وماكنه احد بالبيت .. فهد يعلق على كل شي وبدر ميت ضحك عليه .. دق جوال فهد وقال لبدر لا تتحرك خلك مكانك بجيك الحين بس اشوف امي وش تبي .. راح عنه وبدر واقف ما تحرك << مطيع .. مشى شوي ووقف عند الورد وقام يشمه .. ريحته فضيعه .. مشى عنه وقام يدور بلحاله .. ووصل عند المدخل الرئيسي حق الحريم .. كان واقف والمدخل على يده اليمين وهو يطالع بالمراجيح قدامه .. بدون ما يحس انفتح باب المدخل وطلعت منه وحده تركض وصقعت فيه وطاحت عليه .. هو مسكها ورجع وقفها .. قام يطالع فيها وهي منتحه تطالع فيه .. اخر شي استوعبت وتركته وركضت جوى .. هو كان يطالع فيها وماشال عينه عنها الا لما سكرت الباب .. ( ياربي وش هالقمر اللي طلع علي فجأه ) .. رجع مكانه ووقف وجاه فهد ...

فهد : طولت عليك ..

بدر : لا عادي .. ( ياليتك متأخر زياده ) ..

فهد : يلا تعال اوريك الباقي ..

راحوا يتمشون ووصلوا نفس المكان الي كان فيه بدر وابتسم .. وفهد مالاحظه كان لاهي بالتعليقات .. عقبها رجعوا وجلسوا مع الباقين .. عند البنات .. اجتمعوا كلهم بالصاله غصبن عليهم طبعا بتخطيط من ساره واميره .. كانت تهاني تتجنب تشوف ليلى .. وليلى بعد ماكانت تبي تشوف تهاني ولا تبي تجلس معها بس غصبن عليها .. كانت هيفا جالسه وساكته كلهم مستغربين سكوتها ..

اميره : مالها الست هيفا .. الؤط بلع لسانك ..

هيفا : لاءه مابلعهوش بس بغى يبلعوه ..

ابرار : هههههههههههه ايوى يختي بغى يبلعوه ..

البنات : هههههههههههههههه ..

هيفا : اجل وش اقول ما لقيت كلمه تناسب ..

اميره : اسكتي احسن لا تقعدين تخرفين لغه من عندك ..

هيفا : ماعليك ..

لولو : ليه احس وجهك مخطوف مسويه شي غلط انتي ..

هيفا : هههههههه اسوي شي غلط ببيت جدتي عشان اندفن هنا ..

البنات :هههههههههـــههههههههه ..

جتهم خلود ونادتهم على العشا .. وجلسوا كلهم يتعشون .. وبعد العشا على الساعه 1 بالليل كلهم راحوا وقررو البنات ينامون عند الجده بدون ما يدرون الشباب .. والشاب كذلك بينامون بدوم ما يدرون البنات .. اللي راح بس .. تهاني راحت بيتهم .. وبيان .. ورغد .. وابرار عشان دوامها .. والباقين كلهم جلسوا .. والشباب كلهم جلسوا مشاري ماكان بينام بس بعد اقناع وافق .. وحت بدر .. كان مستحي مره .. بس ماحسسوه انه غريب بالعكس يعاملونه كنهم يعرفونه من زمان .. جوري وهيفا وغيدا وولاء وجواهر ونوره كاوا مخططين من قبل وجايبين بجاماتهم .. ولولو واميره وساره وليلى ماجابوا شي .. راحوا ولبسوا من قمصان جدتهم زز طلعت اشكالهم نكته .. لولو لبست واحد لونه احمر وفيه ورود صغييييره خضرا .. وليلى لبست كحلي ونفس الورود .. وساره لبست عنابي بورود ورديه .. واميره لبست واحد اسود وفيه ورود برتقاليه طلع عليها شكل يموت من الضحك .. والبنات ماغير يتطنزون فيهم .. نزلوا كلهم على اساس ما فيه احد وراحوا طلعوا بالحوش واخذوا معهم فرشه وراحوا قسم الرجال عشنه اكبر وفيه ملعب .. راحوا فرشوا فرشتهم بالملعب وجلسوا يسولفون ..

اميره : يوووووه الجو بدا يبرد ..

لولو : ايه والله .. ابي اي شي اتغطي فيه مره ثلجت ..

هيفا : اجل لو ارميك وسط المسبح وش بتسوين ..

لولو : عادي اموت ..

البنات : هههههههههههههههه ..

غيدا : عادي ..

لولو : لا مو عادي .. بس بسرعه اموت .. يعني وش بسوي ..

غيدا : ايه اشوى ..

جوري :جااانيييي النووووووووووم ..

ولاء : انا قد قلت لك انك دجاجه بس متى ما ادري .. ذكريني ..

البنات : هههههههههههههههه ..

ليلى : لولو فصلتوا لملكة ابرار ..

لولو : ايه باقي فستاني بيخلص بعد 5 ايام .. ولا جواهر خلاص طلع ..

ولاء : وشلون فستانك جواهر ..

جواهر : مفاجأه ..

نوره : بلا بياخه .. يلا قولي ..

جواهر : تركواز ..

نوره : واااااو .. انا فستاني ذهبي ..

ولاء : انا رمادي ..

ليلى : وانتي لولو ..

لولو : انا بيج نيلي وفضي ..

ليلى : وناسه .. بيطلع عليك حلو .. انا فوشي ..

ولاء : وناسه بيطلع عليك خطير خاصه انك بتطقمين انتي وخدودك ..

البنات : هههههههههههههههه ..

لولو : هيفا فصلتي ولا جاهز ..

هيفا : لا اكيد فصلت بس ما طلع ..

لولو : وشلونه ..

هيفا : اخضر واسود ..

ساره : واو رزه ..

لولو : وانتي ساره ..

ساره : انا تفاحي فاااااتح ..

لولو : اول مره تفصلين هالون ..

ساره : ايه ومره خايفه يطلع مو حلو علي ..

لولو : لا ان شاء الله .. وانتي جوري ..

جوري : انا معروف .. احمر ناري ..

اميره : احمر ناري وانتي بيضا وش خليتي .. بيطلع عليك جناااااان ..

جوري : ادري ان الاحمر حلو علي عشان كذا فصلته احمر ..

نوره : يااااواااااااااثقه انتي ..

جوري : هههههه امي تقوله ..

نوره : يعني مو انتي ..

جوري : لا ..

نوره : ايه اشوى .. والآنسه غيدا وشلون فستانك ..

غيدا : عنابي وفضي ..

لولو : واو ... وانتي اميرووه ..

اميره : طبعا بخليه مفاجأه ..

لولو : لا تستهبلين يلا قولي ..

اميره : لا والله جد بخليه مفاجأه .. اول مره افصل هالون ..

ساره : يعني مو اسود ..

اميره :هههههههه لا ..

ساره : زين ريحتيني ..

البنات : هههههههههههه ..

ساره : ابرار وشلون فستانها عسى مو زي وحده مثلنا ..

لولو : لا .. ابرار بيج وذهبي مطفي ..

ليلى : حلو طالع .؟.

جواهر : مره طالع تحفه عليها .. عشانها بيضا طالعه باربي فيه ..

هيفا : وناسه نفسي اشوف شكلها ..

نوره : بنات .. خلونا نروح نطالع التلفزيون نشوف فلم ..

هيفا : مافيه شي نشوفه ..

ولاء : يا حليلك .. جايبه الدي في دي حقها .. وجايبه افلا من عندي ومن عندها ..

هيفا : فالينها اجل ..

ولاء : اكيييييد .. يلا قوموا ..

لولو : خلاص انتم روحوا فوق .. وحنا بنروح نسوي لنا شي ناكله ..

اميره : انا بروح معهم مافيني على المطبخ ..

ساره وليلى : حتى انا ..

جوري وهيفا : حتى انا ..

لولو : نوره جواهر ..

نوره : لا بنرقى فوق ..

غيدا ابتسمت : مافيه غيري وغيرك .. بنبدع لهم ..

لولو : ههههههههه لو جاهم تسمم مالنا شغل ..

قاموا البنات واخذوا فرشتهم ودخلوا داخل .. غيدا ولو دخلوا المطبخ .. والباقين طلعوا فوق ..

هيفا : يوووووه وين جوالي ..

جوري :يمكن نسيتيه بالثيل ..

هيفا : ياربيه ..

راحت ونزلت تحت طلعت ووصلت للثيل ومعها جوال جوري تدق على جوالها .. لين لقته يوم لقته اخذته ومسكته وحظنته وقامت تبوسه وكان شكلها يموت ضحك ..

هيفا : فديت يا ناس ما اقدر اعيش من دونك يا حبيب قلبي انت .. والله من غيرك اضيع ما احب الدنيا وانت مو فيها .. فديتك يا جوالي فديتك ..

راحت وهي تغني لقيت روحي بعد ما انا لقيتك .. بعد اللقا ارجوك لا لا تغيب .. .. .. كانت طربانه وتغني وماتدري انه فيه عيون تراقبها .. لين اختفت ودخلت داخل ..

? عــنـد .. الشبابـ .. ?

كاوا جالسين يسولفون بكل هدوء ..

مشاري : بدر وينه ..

فهد : مدري دق جواله وراح يكلم ..

ماهر : لا يكون زي بعض الناس مخاوي .. ولا يا رائد ..

رائد : وش تبي انت .. انا الحين مخاوي ..

فهد : ابد ابد .. شف البراءه مسويه فيضان بعيونك ..

راد : انت الحين ليه ما تسكت ..

فهد : لسناني يحكني يا اخي ودي احكي ..ودي افتن على اي احد ..

حمد : هههههههه يعني السالفه فيها ان ..

فهد : ان واخواتها وكان واخواتها ..

رائد : ياربيه بس .. ياربيه .. وش تحس فيه انت الحين ..

فهد : آآآآآهـ احس اني قوي ..

رائد : ياخي ورى ما تسكت ..

فهد : خلاص لا تاكلني ..

دخل عليهم بدر : السلام ..

الشباب : وعليكم السلام ..

حمد : لا تقول تكلم وحده يكفينا رائد ..

رائد طير عيونه على حمد ..

بدر : لا والله اكلم ولد خالي ..

حمد : زين ريحتني .. لا تنحرف زي بعض الناس ..

رائد : يا سلام عليكم .. على طول قررتوا اني اكلم ..

حمد : ايه .. واكبر دليل كلام فهد ..

فهد : انا تعرفني احب امزح بهالامور ما اقصد شي ..

ماهر : يا سلام عليك ما تقصد ووجهه انقلب وعصب عليك ..

فهد : هههههههههههه عادي حلاله ..

رائد : قالكم مزحه ..

ماهر : ماتقنعني ..

حمد : ولا انا ..

رائد : بكيفكم شي راجع لكم .. انا جوعان ..

حمد : حتى انا ..

فهد : وانا احس اني بهلك من الجوع ..

ماهر : انت اكثر واحد اكل من العشا ..

فهد : اولا قل لا اله الا الله .. ثانيا .. ما اكلت زين وربي ..

ماهر : ههههههههه لا اله الا الله . اي ما اكلت زين يا رجال ..

فهد : يوووووه . خلاص ماكل التبسي كله لو تبي ..

الشباب : هههههههههههههه ..

ماهر : ايه لازم تعترف بالحقيقه ..

فهد : اقول ضف وجهك بس ..

الشباب : ههههههههههههههه ..

قام ماهر مع رائد وراحوا المطبخ .. دخلوا ولقوا فيه احد على طول طلعوا ..

رائد : من فيه جوى ..

ماهر : مدري ..

رائد : يا ولد . فيه احد جوى ..

غيدا يوم سمعة صوته تجمدت مكانها .. ولولو انبهت لها وضحكة ..

لولو : ايه فيه انا وغيدا ..

رائد : طيب نبي ندخل نآكل لنا شي جوعانين ..

لولو : مين انتم ..

رائد : كلنا الشباب ..

لولو : كلكم ..

رائد : ايه كلنا ..

لولو : كلكم كلكم ..

رائد : ههههههههه ايه شفيك ..

غيدا بشجاعه : يعني تقصد انت وحمد وفهد ومشاري وماهر ..

رائد : ايه واخوك بدر بعد ..

غيدا : بدوري موجود ..

رائد يقلدها : هههه ايه موجود ..

لولو : طيب الحين نسوي لكم ونحطه وانتم تعالوا خذوه ..

رائد : طيب اوكي .. مشكوريييين .. تكسبون فينا اجر ..

رجعوا للملحق ..

فهد : وييييييين الاكل .

ماهر : الآآنسـات لولو و غيدا بيسوون لنا ..

حمد : لولو وغيدا .. ليه هم موجودين ..

رائد : ايه شكل الشله كلها موجودين .. اسمع اصوات قبل شوي بالصاله فوق ..

فهد : يا سلام عليهم .. حنا مالنا شغل بننام فوق ..

حمد : طيب لا تموت بننام فوق ..

الشباب : هههههههه ..

جلسوا شوي بعدين دقت لولو على الملحق ورد رائد وعلى طول حطت السماعه بإذن غيدا .. ارتبكت غيدا ماتدري وش تقول .. رائد كان يشوف رقم تحويلة الصاله ..

رائد : الوووو ..

يتبع ,,,,,

👇👇👇

تعديل المقال