رواية تحملت كثير يا قلبي -28

رواية تحملت كثير يا قلبي -28

حمد : لولو وغيدا .. ليه هم موجودين ..

رائد : ايه شكل الشله كلها موجودين .. اسمع اصوات قبل شوي بالصاله فوق ..

فهد : يا سلام عليهم .. حنا مالنا شغل بننام فوق ..

حمد : طيب لا تموت بننام فوق ..

الشباب : هههههههه ..

جلسوا شوي بعدين دقت لولو على الملحق ورد رائد وعلى طول حطت السماعه بإذن غيدا .. ارتبكت غيدا ماتدري وش تقول .. رائد كان يشوف رقم تحويلة الصاله ..

رائد : الوووو ..

غيدا : .......

فهد : يستهبلون ..

رائد : لا الصاله .. الووووو ..

غيدا : الو ..

رائد : هــلآآ ..

غيدا : ماتبون تآكلون ..

رائد : هههههه وعليكم السلام طيب ..

غيدا : سوري . السلام عليكم ..

رائد : هلا وعليكم السلام .. هاه خلصتوا ..

غيدا : ايه ..

رائد : طيب اجي آخذه ولا اخوك اللي يجي ..

غيدا : براحتك ..

رائد : خلاص اجل .. امممممم .. تبين اخوك يعني ..

غيدا : ايه ..

رائد : قولي من اول .. اوكي وينك ..

غيدا : عند المدخل ..

رائد : اوكيك .. يلا باي .. *سكر منها* .. بدر الله لا يهينك .. اختك عند الباب جب منها الاكل ..

بدر : من عيوووني ..

الشباب : سالمه عيونك ..

راح بدر ..

حمد : ماتحس انك زودتها شوي ..

فهد : وش سويت ..

حمد : يا خي خلني ارتاح بجلستي كل شوي ناغزني مع جهه .. ذبحتني يا اخي ..

فهد : والله وش اسوي انت اللي منقلب ما علي منك جالس عند رجليني تقولي بجلس زين غير مكانك ..

حمد : ياخي رجلينك طوال وش ذا الحاله ..

فهد : مو اطول من رجولك ..

حمد : الطول عز ..

فهد : مو على كل حال .. احيانا .. الطول طول نخله والعقل عقل تيس او صخله مدري اختر الاجابه الصحيحه ..

حمد : هههههههههههههه والله هالمثل ما ينطبق الا عليك ..

دخل بدر شايل بيده صينيه فيها همبرجرات وعصير .. قام له مشاري وشال معاه وجلسوا بعدها يتعشون ..

ماهر : ماشاء الله عليهم .. اول مره ادري ان بالعايله طباخات ..

فهد : كله قلي ..

ماهر : لا هم سووه ..

حمد : وش دراك ..

ماهر : داخلين عليهم بالمطبخ انا ورائد ..

حمد : ماشاء الله عليييييييكم .. عشان كذا طولتوا ..

ماهر : اي الاخ رائد ساعه يسولف معهم ..

رائد : ماسولفت ..

ماهر : ايه طيب ..

جلسوا يتعشون .. وبعدها قاموا وراحوا دخلوا البيت .. تنحنحوا ورقوا.. والبنات تغطوا .. دخلوا واحد من الاقسام .. اللي فيه 3 غرف .. اول ما دخلوا رموا البنات الشراشف ..

ليلى : مين هذا لا يكون اخوك يا غيدا ..

غيدا : ايه هذا بدوري شفتيه يا هيفا ..

هيفا كان متجمده (ياربيه هذا اللي صقعت فيه وطحت عليه .. ياربيه فشيله)..

غيدا : هيفااا ..

جوري : ههههههه ذابت فأخوك شكلها .. هيفاااا ..

هيفا : نعم ..

جوري : وين رحتي ..

هيفا : وين بروح وين يعني ..

غيدا : مدري .. شفتي اخوي طيب ..

هيفا : وينه ..

غيدا : الا توه جا مع الشباب ..

هيفا : ماشفته ..

غيدا : يووووووووه خلاص بعدين شوفين ..

ليلى : بنات انا شبعت بقوم انام ..

ساره : حتى انا ..

قاموا البنات ينامون وما بقى بالصاله غير هيفا وجوري .. التفتت جوري على هيفا وقامت تطالعها ..

جوري : فيك شي ..

هيفا : لا ..

جوري : شفيك تنحتي بالرجال قبل شوي ..

هيفا : ماتنحت عادي ..

جوري : طيب شرايك فيه ..

هيفا : آآآآهـ ياجوري لوتدرين وش صار ..

جوري : وش صار ..

هيفا :: تخيلي يوم ولاء تلحقني طلعت برى اركض ............... قالت لها السالفه ..

جوري : احـــــلــــــــــــــفــــــــــــي ..

هيفا : والله .. مدري وش اسوي يا جوري خايفه يقول لغيدا .. ياربيه فشيله من الرجال بغيت اسدحه بالارض ..

جوري : ههههههههههه اتخيلك وربي ..

هيفا : اففففففففف يا كرهك ..

جوري : حياتي انتي والله .. شفتي شكل فهد قبل شوي .. خقااق طالع

هيفا : ايه صح بقولك شي .. بس لا تزعلين ..

جوري : وشو .؟.

هيفا : فيه وحده تحب فهد ..

جوري : تحب فهد ..؟.. ومين هالوحده هذي ..

هيفا : بقولك بس لا تسوين شي تكفين ..

جوري : ماراح اسوي شي قولي مين ..

هيفا : وحده من بنات خوالي ..

جوري : بعاااااااد .. قولي قولي مين ..

هيفا : لا تعصبين ولا ترى منب قايله ..

جوري : لاتفورين اعصابي قولي ..

هيفا : خلاص هونت ..

جوري : بلا بياخه يلا قولي ..

هيفا : طيب بقول ..

جوري : يلا اشوف ..

هيفا : بيان ..

جوري : بيان بيان ..

هيفا : ايه بيان ..

جوري : تستهبليييييين ..

هيفا : والله انا سمعتها تقول لغيدا ..

جوري : وغيدا وش قالت .. قولي السالفه بالضبط ..

هيفا : كنت ماره وسمعتها تقول لغيدا .. والله احبه وهذي ما راح تتركنا بحالنا .. قالت لها غيدا بس تدرين انهم يحبون بعض اطلعي من بينهم .. قالت بيان .. لا انا احب فهد وابخليه يحبني غصب .. قالت لها غيدا بتسحرينه مثلا كبري عقلك الرجال يحبها وهي تحبه ومافيه شي بيفرقهم غير الموت ..

جوري كانت مصدومه من كلام ماتوقعت يوم من الايام ان بيان تحب فهد .. وجالسه تتخيل لو ان فهد حب بيان من جد وش بيصير فيها ووش بيكون مصيرها .. نزلت دموع جوري غصبن عنها شهقت هيفا وضمتها ..

هيفا : والله ما كنت اقصد اضايقك قسم بالله لو ادري انك بتسوين كذا بنفسك والله ما اقولك .. بس قهرتني لاني ادري انتي قد ايش تحبين فهد وهو يحبك ..

جوري : هيفا ما ابي ابيه .. ما ابي يروح لغيري والله احبه ..

ضمتها هيفا بقوه وجلست تسكتها .. كان فهد واقف بالجهه الثاني وماسمع غير اخر كلام جوري وسمع صياحها .. كان الكل نايم مافيه غير هم الثلاثه صاحين .. طلع فهد عليهم وبدون ما يحسون حتى غطى ما تغطو وقف قدام جوري وهيفا .. اشر براسه على جوري ..

فهد : ليه تصيح .. ؟ ..

هيفا : تعبانه ..

فهد : لو تعبانه ما صاحة هالكثر .. جوري شفيك قلبي ..

جوري : احبك يا فهد والله ..

فهد : وانا احبك اكثر مما تحبيني .. حياتي انتي لا تصيح ..

جوري : بس بيان ..

فهد : شفيها بيان ..

جوري : تحبك وبتآخذك مني ..

فهد : مستحيل احد يآخذك مني انتي لي انا وبس .. خلاص قومي غسلي وجهك وحطي راسك ونامي ولا تفكرين باي شي .. تأكدي اني لك وانتي لي ما راح اسمح لاي اي مين ما كان يبعدك عني ..

ارتاحت جوري من كلامه وقامت هي وهيفا وراحوا ينامون .. هيفا مره انبسطت من كلام فهد وجوري حست نفسها طايره من الفرح .. فهد مره ارتاح .. رجع للغرفه وحط راسه وراح بساااااابع نومه ..

? ? اليـــومـ .. الـليـ .. بعـــــدهـ .. ? ?

.

.

.

الصبآح .. كانت الجده مع لولو وليلى وساره جالسين يفطرون بالحوش .. جاهم الجد ابو عبد العزيز وجلس جنب الجده ..

الجده : زين والله .. كان ما قمت الله يعافيك ..

الجد : والله لو عندي احد سنع يقومني كان قمت .. بس ما فيه الشكوى لله يابنت الحلال ..

الجده : وش قصدك يعني انا منب سنعه .؟.

الجد : لآحووووووووووول . ومن اللي قاله الحين انك منتب سنعه ..

الجده : انت ..!!!!..

الجد : انــآ.!!!!!!!.

الجده : اجل وش قصدك بلو عندك احد سنع ..؟..

الجد : اعوذ بالله من الشيطان الرجيم بس .. ماقصدي شي .. زلة لسان ..

الجده : ليه تتعوذ من الشيطان وش شايفني انت ..

الجد : انتي تبيني اقوم الحين ..

الجده : لا بس وش هالكلام اللي تقوله ..

الجد : وش انا قايل الحين .. انتي اللي تفهمين غلط ..

الجده : طيب انت فهمني عشان ما افهم غلط ..

الجد : خلاص سكري الموضوع .. ماعندك الا الهواش اعوذ بالله ..

الجده : الحين انا اللي ابي اتهاوش ولا انت ..

الجد : خلاص خلاص ..

الجده : ايه .. سوير صبي لجدك قهوه خليه يتقهوى ..

البنات من اول ما بدوا وهم يضحكون عليهم .. وضحكوا لما قالت صبي لجدك ..

ليلى بصوت واطي للولو : الحين وصلت بينهم لين وين وآخرتها صبي لجدك خل يتقهوى ..

لولو : فديت امي اللولو قلبها طيب ما تشيل على احد .. انا طالعه عليها ..

ليلى : بااااااااااين ..

الجده : خير وش هالصوت .. اركدي ..

ليلى : ان شاء الله يمه ..

الجد : وين الشباب ..

الجده : ليه نايمين هنا ..

الجد : ايه ..

الجده : مادريت ..

جاهم رائد وفهد : صباح الخييييييييير ..

الكل : صباح النووووور ..

الجده : هلا وغلا ومرحبا .. تعالوا تعالوا افطروا .. قوموا انتم ..

ساره : اذا حظر الماء بطل التيمم يعني ..

الجده : ايه .. اذا حظرت الملائكه .. ذهبت الــــ.... ماله داعي اكمل قوموا خلهم يجلسون ..

رائد : ماله داعي يقومون حنا نجلس هنا ..

جلسوا من جهة جدهم .. صاروا مقابلين البنات .. صبت لهم لولو قهوه وجلسوا يسولفون .. بعدها جت هيفا مع ولاء وجواهر وجلسو معهم ..

الجده : يالله ان تحييهم .. وين باقيكم ..

ولاء : نايمين يمه .

الجده : هـه لها لحزه اعوذ بالله ..

لولو : تونا يمه الساعه 9 ..

الجده : هذا البلا انها الساعه9 .. روحي قوميهم يا ولاء ..

ولاء : يمه تكفين افطر بس واقوم اقومهم ..

الجده : اقول قومي لا بهالعصى ..

ولاء وهي تقوم : يعني مافيه غير ولاء بهالبيت كله .. ياربيه بس دايم مضطهده ومغلوب على امري .. والله اني مسكينه انرحم .. انا رحمت نفسي واهلي ما رحومني ياربيه بس وش اسوي بدنيتي انا .. يارب ارحمني يارب .. اففففففففففف ..

كل هذا الكلام كانت تمشي وتقوله .. ومرت من عند حمد وبدر وماهر اللي كانوا بالصاله جالسين ..

حمد:ههههههههههههههه ..

ماهر : وش تخربط ..

حمد : شكلهم امروها بشي ومتعيجزه تسويه ..

ماهر : هههههههههه قوموا شكلهم برى جالسين ..

طلعوا الثلاثه وراحوا لهم ..

الجده : هلا وغلا بعيالي .. يا مرحبا يا مرحبا ..

ماهر : هلا فيك يمه ..

حمد : صبحك الله بالخير يالغاليه ..

الجده : صبحت بالنور فديتك .. تعال ابوي اجلس هنا .. قومي لولو روحي هناك ..

لولو : افااا ..

قامت وراحت عند ليلى .. وجلس حمد عند جدته .. وبدر جلس عند فهد وماهر جنبه ..

ساره : واخيرا انطردتي يا لولو ..

لولو : تمون امي لولو تمون ..

الجده : افطرت يا ابوي ..

حمد : لا ..

الجده : بدر ماهر .. افطرتوا .

بدر وماهر : لا ..

الجده : قوموا انتم هيه روحوا جيبوا فطور زي العالم والناس ..

هيفا : صرنا هيه يمه .. هانت العشره ..

الجده : قومي بس .. انتي اول من بيقوم .. يلا اشوف .. انتي وليلوه ..

ليلى : افا يمه ليلوه مره وحده .. وش مسويه لك انا ..

الجده : اذا تعلمتوا السنع ذاك الساعه اناديكم زي العالم ..

قاموا هيفا وليلى وراحوا يجيبون الفطور .. نزل مشاري من فوق وهو لابس كان بيطلع ..

ليلى : وين مشاري ..

مشاري : بطلع .. ليه ..

ليلى : ماتبي تفطر ..

مشاري : ما اشتهي يلا باي ..

طلع وتركها .. راحت ليلى لهيفا بالمطبخ ..

ليلى : ياربيه ..

هيفا : وش فيك ..

ليلى : يعني ما تدرين .. شوفي اخوي شلون صار .. كله من تهاني ..

هيفا : لو سمحتي ليلى .. اختي مالها شغل ..

ليلى : قولي والله .. محد سوى فيه كذا غير اختك ..

هيفا : ليلى افهمي .. ابوي ما شاورها .. على طول وافق وعطى عمي كلمه ..

ليلى : تقدر تروح تكلم ابوك .. تروح تقوله ما ابي ولد عمي .. هذا اذا كانت من جد تبي مشاري ..

هيفا : ليلى لا تقولين كلام تندمين عليه .. انتي اقرب وحده لتهاني وانتي اكثر وحده تعرف قد ايش تهاني تموت بمشاري ..

ليلى : ياربيه يا هيفا .. المشكله اني ادري .. اخوي جالس يعذب نفسه وانا ساكته اشوفه يتألم ما اعرف وش اسوي وربي ما ادري كيف اتصرف .. ليه ماكلمت ابوك ليه ..

هيفا : ابوي ما راح يعطيها وجه .. خلاص كلم عمي ليه ما تفهمين ..

ليلى : يعني خلاص .. ليلى راح يآخذها ولد عمك ..

هيفا : للأسف .. انا ماودي ولا امي ولا هي .. ابوي هو اللي يبي ..

ليلى : ياربيه بس ..

سكتوا الثنتين وجهزوا الفطور وطلعوا ولقوا مشاري برى جالس معهم .. عيت عليه جدته يطلع .. وجلسته بالغصب .. حطوا الفطور وجلسوا .. بدوا الشباب يفطرون والبنات يسولفون شوي شوي .. والجد قام وراح للنخل كالعاده .. جت ولاء وجوري وغيدا واميره ..

البنات : السلام عليكم ..

الكل : وعليكم السلام ..

الجده : كان ما جيتوا .. وانتي اقولك تقومينهم تنامين معهم ..

ولاء : يمه عذبوني لين قاموا وش اسوي طيب .. ترى بصيح الحين ..

الكل : ههههههههههههه ..

فهد : لا تكفين مالنا خلق بزران ..

ولاء : عشان انا مو رايقه ولا لي خلق اتطاق مع احد ماراح ارد ..

فهد : تكفين ردي .. ابيك تردين بشوف وش بتقولين بس ..

ولاء : اللهم طولك يا روح ..

فهد : امين ان شاء الله ..

حمد : خلاص فهد ..

فهد : لا مو خلاص .. ايوه ولاء ..

ولاء : ...................

فهد : ايه بعد على بالي تردين على عمانك ..

ولاء : عماني .. ايه طيب ..

فهد : وش قصدك يعني .. تتطنزين انتي وذا الخشه ..

ولاء : ياربيه بس وش قلت انا الحين ..

فهد : اسألي نفسك وش قلتي ..

ولاء : الشرهه على اللي يجلس معاك ..

قامت وتركتهم .. وجدتهم ماكنت معاهم كانت لاهيه برادوها ..

فهد :هههههههههههههههههه .. طرطعت ..

ماهر : هههههههههههه حرام عليك بتجيب لها العقده انت ..

فهد : هههههههههههههههه احب انرفزها .. عادي الحين ترضى ..

حمد : زودتها هالمره حرام عليك ..

فهد : ماعليكم .. انا وياها نتفاهم .. هي مثل اختي .. امون عليها ..

رائد : على طول عطيت نفسك حق الميانه انت ..

فهد : لا عادي هي تمون علي وانا امون عليها وانا امون عليها وهي تمون علي والميانه تمون علينا وحنا نمون على الميانه .. وكلنا نمون على بعض ..

الكل : هههههههههههههههههههههههههههههه ..

ماهر : ههههههههههههههه تكفى اسكت .. لحست مخي ..

فهد : هههههههه حتى انا مدري وش اقول ..

رائد : يلا خلصوا .. عشان بنروح النادي .. فيه ناس بكسر راسهم بالبلياردوا اليوم ..

فهد بدى يغني : انا صاحي لهم .. وعيني عنهم مش غافله ..دارس طبعهم .. وفاهم قصدهم واتجاهله .. واغظ الطرف عن العذال بالعاني .. ماقربتهم الا لهدف ثاني وحققته بقربي منهم .. انـــآ صـآآآآحي لهم .. تسمع صاحي لهم صااااحي ..

رائد : هههههههههههه يعني تدري اني اقصدك .. عارف نفسك اني بكسر راسك اليوم ..

فهد : نشوف من اللي بيكسر راس الثاني . يلا قوموا .. باقي شوي وتآكلون الصحون ..

اميره : لا اله الا الله .. محمد رسول الله .. ماشاء الله تبارك الرحمن .. قل اعوذ برب الفلق .. بسم الله عليهم ..

الكل : ههههههههههههههههههه ..

فهد : اعصابك .. ما قلت شي هذا الواقع ..

اميره : اخوي احبه ما ابي يصيرفيه شي ماعندي غيره ..

غيدا : حتى انا ابي اخوي .. ما صدقت يجي ..

فهد : الله يا ماهر ويا بدر .. لكم زباين .. خلف الله علينا ..

حمد : مشاري ليه ما افطرت ..

مشاري : بس ما اشتهي ..

حمد : بتطلع معنا ولا بتروح شغلك ..

رائد : لا بيطلع معنا ..

مشاري : لا بروح عندي شغل ..

فهد : لا ما فيه .. بتروح معنا .. وين شغل الخميس ..

حمد : لا تنسى انهم قالوا لنا لاتجون اليوم ..

مشاري : مو بالشركه .. برى الشركه ..

حمد : اهــآآ ..

قام مشاري وطلع ..

فهد : ياربيه بس .. شكله مهموم ..

حمد : انا ابشوفه بعدين .. الله يعينه بس .. يلا قوموا ..

قاموا كلهم وراحوا بسيارة ماهر (جيب انفينيتي ) .. جلسوا البنات ساكتين ..

جوري : لا تنكدون علينا قوموا نلعب ..

هيفا : وش تلعبين .

جوري : نلعب غميمه ..

هيفا : ما لي خلق ..

جوري : يوووووووووووووه .. بلا بياخه .

لولو بتغير الجو : انا بلعب .. يلا ..

قاموا جوري وليلى .. وقاموا معها نوره وجواهر وولاء وساره .. وبعد طقاق قامت هيفا ..

اميره : ماتبي تقومين ..

ليلى : مالي خلق ..

اميره : الين متى ..

ليلى : مدري .. خلاص بتروحين تلعبين معهم روحي ..

اميره : يختي خلاص اللي الله كاتبه بيصير .. توكلوا على الله .. يلا قومي ..

ابتسمت لها ليلى .. قاموا ولحقوهم راحوا يلعبون معهم .. على العصر رجعوا الشباب طبعا بعد ما تغدوا برى .. كل واحد اخذ اخته وراحوا .. مشاري اخذ ليلى ونوره قبل ما يجون الشباب .. ورائد اخذ جوري واخذوا معهم هيفا .. وبدر اخذ غيدا .. وماهر اخذ اميره .. ولولو وساره وجواهر وولاء .. راحوا مع سواق جدتهم ..

! ??ٍ??? فبيتـ عايشه ( ام نايف ) ??????

دخل عبد الله البيت ونادى تهاني وراحت له .. دخلت عنده بالغرفه ..

تهاني : سم يبه ..

عبد الله : تعالي اجلسي هنا ..

راحت وجلست جنبه على الكنبه ..

عبد الله : تدرين ان عمك خطبك لسعود ولده وانا وافقت ..

تهاني : ايه ..

عبد الله : امس جاني مشاري ولدخالك وقال انه يبيك .. وانا خلاص قلت لعمك اننا موافقين ..

تهاني ما تدري وش تقول تبي تقول لا ابوها ما ابي سعود ابي مشاري بس خافت : .............

عبد الله : انا عطيت كلمه لعمك وما اقدر ارجع فيها .. يرضيك اروح واقوله خلاص حنا مو موافقين .. ولد خالها يبيها ..

تهاني ساكته خنقتها العبره : .........

عبد الله : يا بنتي ماراح تلاقين احسن من ولد عمك .. هاه وش قلتي .

تهاني ( انت تركت لي مجال اتكلم ):............

عبد الله : السكوت علامة الرضا .. الف مبروك .. والله يوفقك ويسعدك يا رب ..

رفعت تهاني راسها لابوها وهي تبي تقوله انها ما تبيه تبي مشاري .. بس يوم جت بتتكلم دق جوال ابوها ورد وجلس يسولف وكان المتصل اخوه ابو سعود .. وقاله انهم خلاص لازم يحددون كل شي .. هي انسحبت من الغرفه وطلعت .. سكرت غرفتهم ووقفت على الباب وصاحت .. مر من جنبها نايف ..

نايف : شفيك تهاني .. ليه تصيحين ..

تهاني : مافيني شي ..

نايف : قوليلي يمكن اقدر اساعدك ..

تهاني : محد يقدر يساعدني ..

تركته وراحت غرفتها .. نزل نايف لامه وقالها ان تهاني كانت تصيح .. طلعت عايشه وطقت الباب على تهاني ويالله يالله فتحت لها .. وهي ميته صياح .. مسكتها امها وحضنتها وجلست معاها على السرير ..

عايشه : وش فيك ياقلبي ..

تهاين : يمه ما ابيه والله ما ابي ..

عايشه : ابوك سالك قبل شوي ..

تهاني : ايه .. توني جايه بقوله ما ابي سعود .. قالي السكوت علامة الرضا باركلي ودق عمي على جواله ورد وقاموا يحددون كل شي .. يمه بموت ما ابييييييييه ..

عايشه : بسم الله عليك الرحمن الرحيم من هالطاري .. هدي بالك .. انا بروح اكلمه ..

تهاني : يمه خلاص ما ينفع .. اصلا ابوي شكله ملزم على الموضوع ..

عايشه : انا بروح اكلمه ..

قامت وراحت دخلت الغرفه ولقت جالس يكلم .. استنته لين سكر والتفت لها وهو يبتسم ..

عبد الله : بيجون بكرى يحددون كل شي ..

عايشه : بس البنت ما تبيه ..

عبد الله عصب : وش ماتبيه ..وش عقبه .. عقب ما كلمت اخوي وقلت له انها خلاص موافقه . عقب ما حددنا موعد انهم يجون بكرى .. مافيه .. كلمتي ما تتثني يا عايشه .. البنت مالها الا ولد عمها ..

عايشه : عبد الله لا تعصب .. انت ما عطيتها فرصه تقول رايها .. على طول وافقت .. وعقب ما وافقت تجي تآخذ رايها .. وش هالكلام ..

عبد الله : قلت لك كلمتي ما تتثنى .. وولد عمها بتآخذه يعني بتآخذه ..

قام عبد الله وطلع من البيت كله ..

! ??ٍ??? فبيتـ اخو عبد الله ??????

اول ما سكر التفت على زوجته ..

محمد : خلاص بكرى تروحون لهم ..

ام مشعل : ان شاء الله .. الله يقدم اللي فيه الخير ..

نزل مشعل من فوق : السلام عليكم ..

الكل : وعليكم السلام ..

محمد : على وين ..

مشعل : بروح النادي يبه تبي شي ..

محمد : لا سلامتك .. بس بقولك .. ترى بنت عمك موافقه وبكرى اهلك بيروحون يتفاهمون معهم ..

مشعل : يبه .. انا قايلك تهاني ما ابيها ليش تجبروني عليها ..

محمد : بس انا ابيها ..

مشعل : الله يهديك يبه .. انا اللي بتزوجها وبعيش معها طول عمري .. مو انتم ..

محمد : ايه بعد الزواج بترتاح مولازم الحين تبيها .. بعد ما تتزوجون ان شاء الله بتكتشف انك ماتقدر تستغني عنها ..

مشعل : ياربييييييييييييييييه بس .. يعني انا مالي رآي بزواجي .. وش ذا الحاله ..

محمد بعصبيه : مشعــــــــــــــــل ..

مشعل : خلاص يبه خلاص .. اللي تشوفه .. مو اول مره يصير لي كذا .. حياتي كلها تمشيها على كيفك .. عمرك ما خليتني آخذ قراري بنفسي .. بس انتم اللي راح تندمون لو صار شي ما كنتوا تتوقعونه ..

محمد : وش قصدك يعني ..

مشعل : ما قصدي شي .. انا بطلع تبون شي ..

ام مشعل : سلامتك .. الله معاك .. انتبه لعمرك ولا تسرع ..

! ??ٍ??? فبيتـ حصه ( ام ماهر ) ??????

كانت حصه لا بسه عبايتها وبتروح الجيران .. وتحاول فأميره انها تروح بس هي ماطاعت .. عاد راحت وخلتها .. جلست بالصاله وجلست تقلب بالقنوات .. جاها ماهر وجلس معها وقاموا يسولفون .. دق التلفون وردت اميره ..

اميره : نعم ..

ابتهال : طيب لا تطقيني ..

اميره : ههههههههههه هلا وغلا ..

ابتهال : وين الغلا هذا اللي تتكلمين عنه .. امك تجينا وانتي ما تجين .. ما شفنا من هالغلا شي ..

اميره : معليش يا قلبي .. ماكان لي مزاج اجي ..

ابتهال : اميروووه .. انتي فيك شي .. ترى صار لك فتره ما طبيتي بيتنا .. وش صاير .. حنا مضايقينك بشي ..

اميره : لا والله .. بس مدري ..

ابتهال :زين .. عندك احد ..

اميره :ايه ..

ابتهال :مين .

اميره : ماهر ..

ماهر :هلا ..

اميره :هههههه اجرب اسمك بس ..

ماهر : لا تحشون فيني اهم شي ..

ابتهال : قوليله على اجر ان شاء الله لو حشينا ..

اميره : تقولك ابتهال على اجر لو حشينا ..

ماهر : ايه ابتهال .. لو قلت لها لا تحشين غصب بتحش ..

ابتهال : يازينه ساكت ..

اميره :هههههههههههههههه .. ايه ليه تسألين ..

بتهال : لا ولا شي .. بس كنت بجيك اشوف وش السالفه ..

اميره : عادي اطلعه من البيت وتعالي ..

ابتهال : لا ياقلبي خلاص .. بيقول طردتني من بيتنا وش بيفكني من لسان اخوك بعدين ..

اميره : ماعليك منه بس .. يلا شيلي قشك وتعالي ..

ابتهال : لا خلاص هونت .. بس يمكن يمكن اجيك المغرب ..

اميره :حلو .. عشان يمديني اجهز شي كذا ..

ابتهال : ايه جهزي كل شي .. امي وخواتي بيطلعون ومالي خلق اروح معهم ..

اميره : وليه وما تروحين ..

ابتهال : ماودي ... بيروحون يشوفون وحده مدحتها خالتي عشان ندور لنصور الدلووع ..

اميره : اخيرا بيتزوج ..

ابتهال : ايه اخيرا .. العقبال ياسر ..

اميره : امين .. يلا تقلعي روحي تجهزي ..

ابتهال : تدرين انك ما تنعطين وجه .. روحي بس روحي اطبخي لي شي جوعانه ..

اميره : طيب يلا بلا طولة لسان .. بنات اخر زمن ..

قفلت منها وراحت اميره المطبخ ولحقها ماهر ..

ماهر : وش بتسوين ..

اميره : بسوي كيك ..

ماهر يبتسم لها : ابسويه معاك ..

اميره تنحت : من جدك ..

ماهر : ايه .. فاضي ما عندي شي ابي اساعدك ..

اميره : طيب ..

طلعت اميره المقادير وخلته هو اللي يحطهم ويخلط العجينه .. وحطها بالقوالب وهي راحت فتحت الفرن وجاب الصينيه ودخلها وسكره ..

ماهر : هذا وجهي اذا ما دختوا عليها .. بتصيرون تترجوني اسوي لكم كيك ..

اميره : الا الله يعافيك قل هذا اذا ما تسممنا ..

ماهر : لا وين تتسممون وانا موجود .. بعدين تشكين في قدراتي يعني ..

اميره : مدري .. منتب طالع ..

ماهر : لا .

اميره : بس ابتهال بتجيني المغرب ..

ماهر : يووه .. طيب خلاص يعني اطلع ..

اميره : ياليت ..

ماهر : طيب الشكوى لله ..

دق التلفون وطلع ماهر يرد .. اول ما رد سمع ضحك .. وسكت ما تكلم ..

عبير : ههههههه .. يعني اني بتخوفيني .. يا حليلك ما اخاف الا من ربي .. ههههههههه ابعدي والله لاارفسك .. ههههههههه عهووووود .. الووو .. وينها ذي ما ترد .. الووووو ..

ماهر : هلآآآ ..

عبير سكتت : .......

ماهر : ههههههههههه وينه الصراخ وصوتك اللي قبل شوي ..

عبير تنحت : ................ أ أ أ أ .. مو جوده اميره ..

ماهر : ايه اميره موجوده .. ليه تبينها ..

عبيره ( ياشيخ يعني ابيك انت ايه ابيها ) : ايه الله لا يهينك ..

ماهر : آآهــآآآآ ..

جلس ساكت .. << يستهبل عليها ..

عبير : الوو ..

ماهر ابتسم : هلآآ ..

عبير : ممكن تنادي اميره ابي اكلمها ..

ماهر : آآهـــآ تبيني اناديهاااااااا ..

عبير طفشت منه ولا شعوري قلدته : ايييييييييه ابيك تناديهاااااا ..

ماهر ماقدر يستحمل : هههههههههههههههههههه .. طيب طيب ..

راح المطبخ ونادى اميره : اميروه التلفون ..

اميره : مين ..؟..

ماهر : مدري وحده تبيك ماقلت مين ..

اميره : مين ..؟.

ماهر : اقولك مدري .. روحي كلميها ..

راحت اميره واخذت السماعه وجلس جنبها ماهر .. التفتت عليه وابتسمت ورجع لها الابتسامه بإبتسامه اغبى ..

اميره : خير حبيبي تبي شي ..

ماهر بغباء : لا سلامتك ..

اميره : طيب .. تقدر تقوم ..

ماهر بلعانه : لا والله مرتاح هنا .. عاجبني مكاني ..

اميره : اففففففففف . الوو ..

عبير : هلا ..

اميره : هلاوين .. وش فيك .

عبير : مافيني شي .. المهم ..كيفك ..

اميره : تمام يا قلبي .. انتي كيفك ..

عبير : نحمدو .. طالعه اليوم ..

اميره : لا .. ليه ..

عبير : طفشانه ابي اجيك اوسع صدري ..

اميره : حيااااااااااك ابتهال بتجي بعد شوي .. تعالي وسعي صدرك معنا ..

عبير : اوكيك .. يلا اجل بقول للعله عهود ونجيك ..

اميره : استناكم

سكرت منها والتفتت على ماهر ولقته يطالع السقف كنه ما سوى شي ..

اميره : يلا برى ..

ماهر : وين برى .. خير تطرديني من بيتنا ..

اميره : مو توك بتطلع عشان بتجيني ابتهال ..

ماهر : لا خلاص هونت ..

اميره : بلا عبط ..

ماهر : اصلا ابتهال اختي من الرضاع ..

اميره : يا سلااااااااام .. تراك اكبر منها بـ 5 سنوات ..

ماهر : ايه ادري بس بعد اختي من الرضاع ..

اميره : شلون طيب فهمني ..

ماهر : انا وياها شاربين نفس الحليب .. يعني انا وياها كلنا حليب قواطي .. هي بروجرس وان بروجرس يعني حنا اخوان بالحليب .. فهمتي يا ذكيه ..

اميره : هههههههههههههههههههههههههههههههه .. يلا برى بس برى ..

ماهر : اهون علييييييييييك ..

اميره : تهون ونص ..

ماهر : ما ابي اطلع وش بتسوين ..

اميره :بدق على ابوي يطلعك غصب ..

ماهر : ياشيييييييييييييخه خفت انا ..

اميره : تستخف بابوي يعني ..

ماهر : ما قلت كذا ..

اميره : اجل وش قلت ..؟..

ماهر : خلاص خلاص .. ايوه وش عندك من علوووم ..

اميره : انقلع بس .. مطول عمي .. يلا عاااااااااد اطلع يا اخي ..

ماهر : طيب خلاص لا تجوعين وتآكليني الحين .. بروح اول شي اتحمم .. بعدييين . هااهـ .. هآآهـ .. هـآآهـ ..

اميره : يوووووووووووووه ..

ماهر : ههههههههههههههههههههه .. خلاص بروح بروح .. اول شي بروح اتحمم .. بعدييين . هااهـ ..

اميره : مااااااهر ..

ماهر : ههههههههههههه .. خلاص وربي خلاص ..

قام ماهر وطلع غرفته جلس على التلفزيون .. ويوم بقي 10 دقايق على الاذان دخل يتحمم .. اول ما طلع .. لبس ملابسه وتكشخ .. لبس بدله وتعطر ونزل تحت .. وهو نازل كان يسمع اصوات جايه من غرفة الحريم ..

ماهر : احــم ياااولـــد .

جته اميره : يا سلااااااام انت لين الحين هنا ..

ماهر : طيب وش اسوي .. جالس اتروش .. يعني اصير وصخ على شانك انتي لا والله ..

اميره : يلا طيب اطلع ..

ماهر : طيب خلاص .. اف ..

راح ماهر ووصلته اميره لين الباب ودخلت .. طلع وجا بيركب السياره .. تذكر ان مفتاحه نساه فوق ..

ماهر : يووووووووه الله يعيننا عليك يا اميره ..

دخل وراح رقى فوق ونزل بسرعه عشان يطلع قبل لا تشوفه .. اول ماجا بيطلع صدمت فيه عبير ..

عبير بدون قصد ولا عرفت انه هو : اي وجع ..

ماهر : بسم الله علي .. يوجع العدو ..

عبير رفعت راسها وتنحت فيه : ماهر .

ماهر يبتسم : لا خياله .. ( طالع فيها بعدين ابتسم ) .. بطلع يا حلوه تبين شي ..

عبير : لا ..

ماهر : يلا باي ..

طلع ماهر ورجعت عبير ولا تكلمت ولا قالت شي ..

? ? اليـــومـ .. الـليـ .. بعـــــدهـ .. ? ?

.

.

.

! ??ٍ??? فبيتـ شيخه ( ام ابرار ) ??????

الصبح الساعه 9 ونص .. كانت ابرار جالسه مع لولو بالغرفه يسولفون .. ابرار قالت ماراح تروح المستشفى لان ملكتها بعد اسبوع وماتبي تشوف سعود ..

ابرار : والله اني ما ادري وين افصله .. اففففففففف ..

لولو : هبلا روحي يا دبي يا لبنان جيبي فستان ..

ابرار : يختي هنا فيه مصمم مره حلو يمدحونه زميلاتي ..

يتبع ,,,,

👇👇👇

تعديل المقال