أقسام الوصول السريع ( مربع البحث )

بداية

رواية تحملت كثير يا قلبي -32

رواية تحملت كثير يا قلبي - غرام

رواية تحملت كثير يا قلبي -32

نوره : مره "عدلت جلستها" تخيلي يا ليلى .. الانسان اللي مره بالقصه احس ماله مره ذاك الاهميه .. هو اللي صار حظه يجنن .. اما الاثنين اللي مره ادوارهم خقاق هم اللي راحوا فيها .. مره اكثر واحد رحمته تركي .. مره احبه .. تدرين لو اعرف منهو ويجي يخطبني والله لا اتزوجه واعوظه عن غاده ..
ليلى : ههههههههههههههههههههههههههه . نووووروووووه ..
نوره : وشو ..
ليلى : ترى روايه مو صدق ..
نوره : حتى لو .. حبيته كيفي .. اذا ما تزوجت تركي .. بسمي ولدي تركي اجل ..
ليلى : هههههههههه يازين نعمة العقل ..
نوره : بسرعه هنا من هو البطل .. عشان ادقق ..
ليلى : هو من بداية القصه بتكتب عن البطل عاد انتي بتعرفين .. بعدين لو قريتيها .. صح فيه بطلين بس كل اللي بالقصه ابطال .. مدري بس مره خطيره ..
نوره : حمستيني .. ابجيب جوالي تنقليينها عليه ..
نطت نوره من السرير وراحت جابت جوالها واخذت الروايه من لابتوب ليلى ..
نوره : يووووه ليلوه تقولين مو طويله ..
ليلى : بتنشدين ولا بتحسين انها طويله ..
نوره : طيب امي وينها ..
ليلى : راحت عند خالتي خوله ..
نوره : ليه ماقومتني ..
ليلى : وش دراني ..
نوره : يعني بالبيت مافيه الا انا وانتي ..
ليلى : ايه ..
نوره : اففففففففففف ..


! ??ٍ??? فبيتـ عايشه ( ام نايف ) ??????
كانت هيفا تكلم جوري .. وتهاني جالسه عندها .. ونايف وامه عند رائد .. تهاني كانت تفكر بمشاري .. ومن ضيقة الصدر دمعة عيونها ..
هيفا : جوجو دقيقه بس .. تهاني تصيح ..
جوري : اوكي ..
تركت هيفا السماعه وراحت لتهاني وضمتها .. تهاني قامت تصيح بصوت شوي عالي ..
هيفا : تكفييين خلاص .. الله يعافيك قطعتي قلبي ..
تهاني : ليلى ما تحاكيني .. اللي كانت اقرب لي من روحي واكثر وحده احبها الحين ما ترفع السماعه علي وماترد علي اذا دقيت .. ولا حتى تطالع فينيي .. وربي مو بيدي .. كله من ابوي ..
هيفا : خلاص يا تهاني .. خلاص .. صدقينيي هذي ردة فعل طبيعيه عشان اخوها .. فتره وبتتأقلم وبترجع لك .. لا تسوين كذا الله يعافيك ..
تهاني : بس انا هالوقت محتاجه لها اكثر من اي وقت ثاني .. والله محتاجه لها ..
هيفا : خلاااااااااااص انسيها .. اللي باعك بيعيه .. ماتبي تكلمك بكيفها .. هي حره .. براحتها انتي لا تسوين كذا عشانها ..
تهاني : افهمي يا هيفا افهمي .. اقولك محتاجه لها الحين بذات مابي احد غيرها يوقف معاي .. بس تركتني علشان شي انا مالي ذنب فيه ..
هيفا : تهاني خلاص لاتسوين بروحك كذا .. لا تكرهيني فيها بسبت اللي تسوينه فنفسك ..
تهاني : لا خلاص .. بس لا تكرهينها .. "قامت" .. انا بطلع غرفتي انام ..
هيفا : نامي مو تصيحين ..
تهاني ابتسمت : طيب ..
طلعت تهاني غرفتها وهي كاتمه الصيحه .. اول ما وصلت غرفتها قفل الباب وانسدحت على السرير وانفجرت صياح .. هيفا رجعت تكلم جوري اللي سمعت كل شي ..
هيفا : الو ..
جوري : هلا .. هاه سكتت ..
هيفا : ايه رقت تنام .. الله يهديها ليلى ..
جوري : آمين .. المهم بتجوني اليوم ولا لا ..
هيفا : مدري والله ابشوف عن امي ..
جوري : خلاص انا بروح ادق على غيدا واشوف ..
هيفا : لاتنسين ولاء ترى بتموتك لو مادقيتي ..
جوري : هههههههههههههه وانا اقدر ..
هيفا : اوكي يالغلا يلا بقفل بروح آكل لي شي .. من قمت ما اكلت ..
جوري : اوكيشن ..
هيفا : انتي متى بتعقلين ..
جوري : ههههههههههه سوري والله سوري ..
هيفا : اوكيشن يلا اذلفي .. اقولك ..
جوري : هلا ..
هيفا : وش اخبار اخوك ..
جوري : مدري ابوي قالي لاتروحيين كله شباب ومدري كيف هو بكرى بيطلع وبيجي البييت واشوفه ..
هيفا : آآهــآآ .. اوكي يلا باي ..
جوري : هلا والله مع السلامه ..
! ??ٍ??? فبيتـ الجد ??????
الجده درت وقلبت الدنيا عليهم ليه ماقالوا لها من زمان .. وحلفت رائد مايرجع بيتهم يجي ينام عندها لين يفك الجبس ..
فارس : الله يهديك يمه من بيقوم فيه هنا .. عندنا بالبيت فيه الله ثم امه وجوري هم اللي بيطالعونه ..
الجده : ماعليك .. انا بحطه بعيوني .. فارس .. والله لو ماجاني لا ازعل زعل ما ارضى بعده .. وانت بكيفك .. يلا خذ ابوك ..
فارس : يمـــه ..
الجد : هلا فارس ..
فارس : هلا يبه ..
الجد : خلاص قالت لك جبه هنا جبه .. وهذا بيت جده مو بيت احد غريب .. جاي عند امه وابوه ..
فارس : فيكم البركه يبه .. بســ ..
الجد : لا بس ولاشي .. خلاص بكرى من المستشفى لبيتنا ..
فارس : خلاص اللي تشوفونه ..
الجد : زين ..
فارس : يلا يبه تآمر شي ..
الجد : سلامتك .. وسلم على رائد واللي عندكم ..
فارس : ان شاء الله ..
قفل منه : هاه ارتحتي بيجي ..
الجده : ايه بعد ناوي ما يجيبه ..
الجد : انا اللي اقنعته عشان سواد عيونك بس ..
الجده : لا وتغازل بعد .. لو اني ماقلت له اني بزعل كان ماجابه .. لا تسوي راعي فضل ..
الجد : ههههههههههههههه مايبين بعينك انتي ..
الجده : خلني اقوم اقولهم يرتبون له غرفه ابرك ..
قامت الجده وابو عبد العزيز يطالعها لين دخلت ..
الجد : الله يخليك لنا ..


? فــيـ .. المستشفى .. ?
عقب ما سكر فارس من ابوه ..
فارس : امي عيت الا تروح لها ..
رائد : اروح بيت جدي ..
فارس : ايه ..
رائد : بس ..
فارس : هذي امي انامالي شغل .. وقالت لو ماجا .. بزعل زعل ما ارضى عقبه ..
رائد : يووووووو ..
مشاري : احسن عشان نجي ننام عندك ..
فارس : حتى ببيتنا تقدرون تجون ..
مشاريي : لا ياعمي .. بس ببيتكم ماراح نآخذ راحتنا . ببيت جدتي اريح ..
ريان : ياحسافة ترتيبة الملحق ..
رائد : ليه ..
ريان : رتبته لك اليوم وضبطته .. على اساس تجي وتجلس فيه على عشان اخوياك ..
رائد : فدييييييتك .. يلا مره ثانيه ..
ريان : خلاص اجل بستغله ..
فارس : ايه هذا اللي تبيه ..
دخل عليهم منصور سلم عليهم وجلس عند مشاري ..
فارس : امداك تنام ..
منصور : ايه يا عم .. يكفي 4 ساعات ..
عبد العزيز : وين فهد عنك .. لو قام بكرى العصر زين ..
منصور : هههههههههه .. لا والله توه داق علي يقول متى بتروح .. قلتله اني بالمستشفى قال شوي وبجي ..
عبد العزيز : امداه ينام .. مواصل من امس الظهر ..
منصور : قلت له ينام .. قالي خلاص يكفي ..
حمد : غريبه والله ..
ماجلسوا الا عشر دقايق الا وفهد داخل عليهم وبيده علبة ورد مره حلوه وجوات الورد فيه علبة شوكولاته من باتشي ..
فهد : مرحبااااا .. السلام عليكم ..
الكل : وعليكم السلام ..
فارس : شكرا فهودي .. وش دراك اني جوعان ..
فهد : عمي الله يهديك .. حقتك محفوظه هذي لرائد خلنا ندلعه شوي .. مكسر مسيكين ..
فارس : ههههههههههههه دام حقتي محفوظه خلاص ..
ابراهيم : وانا وانا ابي ..
سليمان : انا ابي باتشي ..
عبد العزيز : وانا وانا ..
الكل : هههههههههههههههههههههههههههه ..
مشاري : اشتغلوا الشيبان ..
فهد : يووووه شكلي بغبيه ..
الكل : ههههههههههههه ..
طلعوا الرجال يصلون ودخلوا عليه عماته وامه جلسوا معاه شوي لين ما رجعوا الرجال من صلاة العشا .. بعدين على الساعه 9 كلهم طلعوا ما بقى غير الشباب .. ( منصور-حمد-فهد-بدر-ماهر-مشاري-ريان-نايف ) .. دخلوا عليهم عيال خوال رائد ..
رائد : هلااااااااااا ..
نواف : اهلن اهلن .. لا تتحرك فديتك .. خلك ..
ناصر : ياقلللليييبي ..
معاذ : بسم الله عليييييييييك ..
رائد : هههههههههههه تتطنزون ..
معاذ : لا حشى بس شوي نتشمت ..
رائد : خليتوا فيها شوي انتم ..
سلموا على بعض وجلسوا ..
نواف : هاه الغلا كيفك الحين ..
رائد : والله تمام .. انت شخبارك وين الناس ..
نواف : تدري اشغال ..
رائد : يعني لو ماسويت حادث كان ماشفتكم ..
ناصر : انت اللي غايص ما يندرى فيك ..
رائد : والله انا اروح بيت خوالي بس ما القى احد ..
معاذ : يا حليلك بيت خوالي صار موضه قديمه .. صرنا نتجمع بشقة عمي طلال ..
رائد : لا ياشيخ ..
معاذ : والله .. ماتدري انه اخذ له شقه ..
رائد : لا والله توني ادري .. ليه طلع من بيتهم ..
ناصر : ياخي دوامه بعيد عن بيت جدتي .. ويضرب مشوار كل يوم .. عاد يجيي ينام ببيتهم بالويك اند ..
رائد : اها .. يعني شقه بس وسط الاسبوع ..
ناصر : علييييك نوووووووور ..
رائد : زين خفت ..
نواف : ماتبي تروح تجلس عنده كم يوم .
رائد : لا تكفى .. جدتي حالفه اني اروح عندها اول ما اطلع ..
نواف : من امي حصه .. ؟ ..
رائد : لا امي لولو ..
نواف : آآآآ .. يعني بتطلع من هنا على بيت عمانك ..
رائد : يب ..
نواف : الله يساعدك ..
رائد : آمين ..
معاذ يوقف : يلا شباب ..
فهد : وين بدري ..
ناصر : بدري من عمرك .. جايين نتطمن عليه .. وعشان ما يغثنا بعدين ماجيتوا لي بالمستشفى ..
فهد : من ناحيت يغث فهو يغث .. بس غصب علينا نتحمله .. دلوعنا هذا ..
رائد : نصها مدحه ونصها سبه ..
ناصر : ههههههههههههههه لاحظت ..
نواف : بس ترى الغلا باين من عيونه .. لا يغرك اذا سبك ..
فهد : فديتك انت ..
الكل : هههههههههههههههههههههههه ..
نواف : يلا حنا نستأذن .. وما تشوف شر يالغالي ..
رائد : تسلمون لي والله .. ما قصرتوا ..
معاذ : شو هيدا الحتسي ولو خيو .... يلا فمان الله ..
طلعوا الشباب ..
مشاري : يلا شباب خلونا نروح .. عشان يرتاح ..
رائد : تونااااا ..
منصور : حبيبي انت .. ارتاح شوي .. عشان الصبح بتطلع ..
رائد : خلكم شوي ..
ماهر : الساعه 10 الحين .. يلا بيجون يطردونا غصب .. بعدين انا وحمد ورانا سفر بكرى لازم نروح نرتاح ..
حمد : يوووووووووه تصدق نسيييييت ..
ماهر : المفروض انت بذّات ما تنسى ..
حمد يبتسم : خلاص آسف ..
فهد : خلاص روحوا انا بجلس عنده ..
ماهر : بس انت يا فهد مانمت زي العالم ..
فهد : عادي مايهم .. اذا طلع بكرى بروح معاه بيت جدتي وبصكها نومه ..
حمد : ههههههههههههههههه ايه تحتري روحة بيت جدتي عشان محد يزعجك ..
فهد : يازين اللي يفهمها على الطاير ..
طلعوا الشباب من عندهم .. وفهد جاب الكرسي الثاني .. ورفع رجلينه وحطهم على الكرسي .. ورائد يطالع فيه ..
رائد : ودك يدخل عمي ابراهيم الحين ..
فهد : هههههههههههه هذاك اول ابخاف وانزل رجليني .. الحين لا ..
رائد : ههههههههه تكفى يا شجاع انت ..
فهد يغني : خلنا مني وطمني عليك .. ما انام الليل من خوفي عليك .. انت طيب هذا هو اللي يهم انت طيب وغير هذا مايهم ... اخبارك ..
رائد : ايوااا يا مطربني .. الحمد لله تمام بشوفتك ..
فهد : دوم وكل يوم ان شاء الله .. اخبار الحبايب ..
رائد : اي حبايب ..
فهد : وفيه غيرها بنت عمتك .. غيدا ..
رائد : اسكت بس .. فجأه انقطعت مدري وش سالفتها ..
فهد : طفشت يمكن .. " جته الضحكه يوم شاف شكل رائد " ..
رائد : طفشـــــت .. وش تقصد .. يعني تلعب فيني ..
فهد : يمكن ..
رائد : مو على كيفها .. عقب ما علقتني تتركني .. بذبحها وربي ..
فهد : اعصابك اعصابك ..
رائد : وش اعصابي انت بعد ..
فهد : ههههههههههههههه امزح معاك وربي ..
رائد : فهد لو سمحت ..
فهد : بسم الله عليك لا ينط لك عرق ابتلش فيك .. انا اقول يمكن انشغلت مع اخوها .. تدري من زمان عنه .. وبعدين يمكن هو معها اربع وعشرين ساعه ..
رائد : تهقى ..
فهد : اتوقع .. ليه مادقيت عليها انت ..
رائد : ما ادري اخاف ادق تطلع علي عمتي ولا بدر واتورط ..
فهد : صح .. طيب ارسل لها رساله الحين ..
ما امداه يكمل جملته الا جا لرائد مسج ..
( مساء الخير .. الحمد لله على سلامتك .. كيفك الحين .. ان شاء الله احسن .. ابي ادق عليك الحين ابي احاكيك ) ..
فهد : مين ..
رائد ابتسم : هي .. هـه .. دقت ..
فهد : خخخخخخخخ حركات رد طيب ..
رائد : مابي بحرق اعصابها ..
فهد : حرام عليك ..
رائد : احسن .. واللي سوته شويه .. اسبوع مادقت علي .. ولا حتى ارسلت لي مسج ..
فهد : الله يهديك يارائد .. لا تقعد تتشره .. هـه زين قفلت ..
كتب لها رائد مسج وارسله ..
( توك تجي تسأل عني وعن احوالي .. وانا عليك اسأل يا مشغلن بالي ..
الحمد لله انا بخير ماله داعي تدقين مشكوره ) ..
فهد : شفيه وجهك انقلب .. هات الجوال ..
اخذ منه فهد الجوال وقرى المسج ..
فهد : وش هالاسلووووب ..
رائد : مقهووور منها .. توها تسأل عمتي ..
فهد : بس مو كذا وربي تحطيييم ..
رائد : خل تحس ..
دق الجوال مره ثانيه وكانت غيدا ..
فهد : رد عليها حرام .. رد ..
اخذ رائد الجوال ورد وجلس ساكت وغيدا بعد ساكته .. كان رائد ما يسمع الا صوت نفسها ..
غيدا : رائد ..
رائد : نعم ..
غيدا : زعلان ..
رائد : شرايك ..
غيدا : آآسفه ..
رائد : على ايش .. ماله داعي الاسف .. تراني مجرد ولد خالك يعني مافيه شي غيره ..
غيدا : لا مو بس ولد خالي ..
رائد ابتسم : اجل ايش ..
غيدا : عندك احد ..
رائد بصوت واطي لفهد : اطلع برى بسرعه ..
فهد يغمز له : بدينا غزل .. اوكي انا بنزل متى ما تخلص دق علي ..
رائد : اوكي ..
طلع فهد وراح ستار بكس اللي برى ..
غيدا : الوووو ..
رائد : هلا معاك ..
غيدا : معاك احد بالغرفه ..
رائد : لا بلحالي ..
غيدا : انت بالجامعي صح ..
رائد : ايه ..
غيدا : آآهــآآ .. طيب اي دور ..
رائد : الدور الثاني .. تبين رقم الغرفه بعد ..
غيدا : ههههههه ياليييت ..
رائد : **** ..
غيدا : شكرا ..
رائد : العفو .. شي ثاني بعد ..
غيدا : لا سلامتك .. يلا لازم اقفل .. تبي شي ..
رائد : بس .. داقه على شان تآخذين رقم الغرفه .. يلا على العموم مشكوره ماتقصرين انك دقيتي وارسلتي مسج .. زين انك تذكرتيني .. مشكوره مابي منك شي .. يلا باي ..
غيدا ابتسمت : باي ..
قفلت ورائد انقهر منها مرررررررررره .. رمى الجوال وصقع بالجبس ..
رائد : آآآي .. طيب يا غيدا اوريك ..
جلس شوي بعدين انطق الباب ..
رائد : تعال فهد خلاص ..
دخلت عليه غيدا ومعاها ورد .. حطته قدامه وسحبت الكرسي بعيد شوي عنه .. ووقفت عنده ..
رائد كان يطالعها بجمود .. وهي كانت خايفه ..
غيدا : الحمد لله على سلامتك ..
لف رائد وجهه : الله يسلمك ..
غيدا : رائد لاتزعل ..
رائد : هـه .. ومن قالك اني زعلان ..
غيدا : محد قالي .. انا اقول انك زعلان .. تكفى رائد خلاص .. والله ماعاد اكررها .. انا بصير ادق عليك كل يوم بزعجك باتصالاتي .. بس لاتزعل ..
رائد لف عليها : ووش اللي ييضمن لي ..
غيدا : كلامي لك الحين .. خذه وعد مني .. صدقني ماراح اخليك ..
ابتسم رائد : متأكده وعد ..
غيدا استحت : متأكده ..
رائد لاشعوري : فديتك والله ..
غيدا هنا خلاص ماتت من الحيا : أ أ أ أ .. لازم اروح قايله لامي بطلع المكتبه ..
رائد : بدري .. توك جايه ..
غيدا : وش اسوي ..
رائد : اوكي خلاص ..
غيدا : يلا تآمرني بشي ..
رائد : سلامت روووحك .. انتبهي لنفسك بس ..
غيدا : ان شاء الله .. يلا فمان الله ..
رائد : الله معاك ..
طلعت غيدا وسكرت الباب ووقفت عنده شوي وراحت على طول .. فهد كان جاي وشافها يوم طلعت ..
فهد : ايا الملاعييييييين .. هين يا رائد انت وياها ..
راح فهد وفتح الباب بقوه .
فهد : ماشااااااء الله .. لا ذوق الانسانه .. جايبه لك ورد بعد ..
رائد : ههههههههههههههههههههههه .. وش تبي انت ..
فهد : انت اللي قلت لها تعالي ..
رائد : لا وربي مادريت الا طاقه الباب وداخله .. انا يوم طقت الباب على بالي انت قلت ادخل فهد خلاص ..
فهد : ياعييييييييني .. لا وفيه كرت بعد ..
رائد : عطني ابقراه ..
فهد : لا اول انا ..
طلع فهد الكرت .. وفتحه ..
( ياصاحبي ابعتذر عن جفايا .. وعسى العذر يكون صادق ومقبول .. اقسم بمن يعلم بكل الخفايا..
ماصدني عنكم جفا بس مشغول .. والا انتم ادري بالمحبه وفايا .. ظروف تحكمني وماني عن الوقت مسئول..؟ ...... الحمد لله على سلامتك يالغلا كله .. ? .. غيدا .. ? .. )
فهد : الله الله ايه الحب دا كلو ..
رائد : فهد عطني اقرى ..
فهد : وش تعطيني لو عطيتك البطاقه ..
رائد : فهااااااااد بلا سخافه ..
فهد : قلي وش تعطيني .. تعطيني الورد ..
رائد : لو تموت .. هات الكرت ..
فهد : مابي ..
رائد : فهوووووود .. بلا هبال .. عطني اياها اقولك ..
فهد : طيب خلاص لاتموت ..
عطاه فهد الكرت بعد ماهبل فيه .. اول ماقراه انجن عليه ..
فهد : خلاص قريتها .. هاتها ..
رائد : فهد بلا مصاخه .. ابحطه فبوكي ..
فهد : ليه طيب .. من زينها ..
رائد : من الغاليه اكيد ابيه وابي راعيته بعد ..
فهد : بعااااااااد .. تطورنا بعد صرنا نحب .. تذكر يا رائد هذيك الايام يوم كنت تقول انا مستحيل اعلق رقبتي بيد حرمه واحبها واخليها تركب فوق راسي ..
رائد : وش اسوي غصبن علي هالانسانه اخذت قلبي قبل عقلي ..
فهد : وش عنده صاير شاعر بعد ..
رائد : ومنكم نستفيد ..
جلسوا الاثنين سوالف لين الصبح .. ويوم صارت الساعه 10 الصباح .. طلع رائد وراح بيت جدته .. واستقبلته الجده بدموع وصياح .. دخلته الغرفه وانسدح بالسرير بمساعدة فهد طبعا .. وبعدها تغطى .. راح فهد وسكر النور والباب وجا انسدح جنب رائد على السرير وتغطى معاه ..
رائد : بتنام عندي ..
فهد : ايه سرير نفرين بتنام فيه بلحالك .. لا ياقلبي بنام عندك .. انا صار لي كم يوم مانمت ..
رائد : هههههههههه نوم العوافي نم نم لا تآكلني بس ..
حطو روسهم الاثنين وناموا ..


! ??ٍ??? فبيتـ الجد ( ابو عبد العزيز) ??????
العصر .. كانوا الاثنين توهم قايمين .. قاموا وتغدوا وجلسوا بالحوش مع الجد والجده .. وبعد ربع ساعه تقريبا .. دخلو عيالهم واحد ورى الثاني .. لين تجمعوا كلهم ..
الجده : ياحيالله من جانا ..
عيالها : الله يحييك يمه ..
فهد : يبه حمد راح ..
عبد العزيز : ايه ..
فهد : يوووه ماسلمت عليه ..
مشاري : يسلم عليكم كلللللكم .. وخاصه امي لولو ..
الجده : فديت قبله .. ورى ما مر علي ..
مشاري : خاف تفوته الطياره .. يمه يقولك ادعي لي ..
الجده : الله يوفقه ويسهل له طريقه .. ويقضي حاجته اللي هو رايح لها .. ويرجعه لنا بالسلامه .. ويخليه لعين ترجيه ..
الكل : آآمـيـن ..
دق جوال بيان ودخلت جوى ..
مشاري : بدر وينه ..
فهد : دقيت عليه اليوم على اساس يجي .. قالي انه بيروح لجدته .. يقول من زمان ماشافها ..
مشاري : اها .. طيب انت ماتبي تروح معاي الحين ..
رائد : مافيه .. بتخلوني بلحالي ..
مشاري : ماراح نطول نص ساعه بس ..
رائد : ولااااا دقيييقه ..
مشاري : بلا دلع اعقل .. شوي ونجي ..
رائد : مافيه ..
فهد : احسن لك ترى لو رحنا .. شي انت بتستانس عليه ..
رائد : قل والله ..
مشاري : ههههههههههههه ياربه عقليه رهيبه الصراحه ..
رائد : وش قصدك ..
مشاري : سلامت روحك .. يلا فهد ..
فهد : طيب بس اقوم ابدل ..
قام فهد ودخل جوى يغير ملابسه ..
مشاري : تبي تروح معنا ..
الجده : لا وين يروح .. مكسر ..
مشاري : عادي يمه ..
الجده : ماعليك منه لا اخليك تجلس معاه الحين ..
مشاري : ههههههههههههه لا تكفين .. اثرك شريره يمه ..
الجده : الشرير انت ..
الكل : ههههههههههههههههههههههه ..
ضحكوا على طريقتها وهي تقول شرير كانت مره تجنن ..
الجده : قومي يا جوري غسلي هالبيالات ..
اخذت جوري البيالات ودخلت جوى .. غسلتهم وطلعت من المطبخ .. تذكرت انها ناسيه جوالها بالمطبخ وحطت الصينيه على طاولة الصاله ورجعت المطبخ .. اخذت جوالها .. وهي طالعه .. شافت فهد يطلع من الغرفه وقفت شوي هو ما انتبه .. ويوم طلع كان يبتسم .. هي وقفت تطالع شكله .. كان مره حلو .. هو طلع من الفله وهي واقفه جوى .. بس اللي صدمها وجمدها مكانها وماقدرت تتحرك .. يوم شافت بيان تطلع من نفس الغرفه ووجها كان احمر .. هنا ماقدرت تمسك نفسها جلس على الكرسي .. مو قادره تقوم ..
جوري " وش يسوي هو وبيان بالغرفه .. مو قايل راح يبدل .. ليه طلع يبتسم وهي وجهها احمر ومستحيه .. آآهـ ياقلبي لايكون اللي كنت خايفه منه صار " .. مسكت نفسها وقامت شالت الصينيه وطلعت لهم برى .. حطتها وجلست جنب هيفا ..
هيفا : كل هذا بيالات ..
جوري : ..........
هيفا : جوري ..
جوري : ...........
هيفا : جوجو .. " هزتها " .. جووووري ..
جوري : هاه ..
هيفا : فيك شي ..
جوري : لا تعبانه شوي بقوم ارتاح ..
قامت جوري ودخلت جوى ولحقتها هيفا ..
مشاري : يلا ..
فهد : ايه يلا ..
طلعوا الاثنين .. وقام رائد بمساعدة ريان نايف وراحوا الملحق .. والبنات دخلو جوى .. والرجال وابوهم جلسوا بالحوش .. والحريم دخلو جوى بالمجلس .. والخوات جلسوا مع اخوانهم ..


نهاية الجزء 14 ..
انتظروني بالجزء 15




الجزء (( 15 ))



? بــ .. سيارة .. مشاريـ.. ?
مشاري : فهد ..
فهد : هاه ..
مشاري : ياخي حمد خوفني عليه ..
فهد : ليه ..
مشاري : ياخي كلامه قبل لا يمشي مره كان يخوف .. كنه واحد يودع ..
فهد : وجع .. فال الله ولا فالك .. عندك شي زين بتقوله قله اما كذا لا تتكلم يرحم اهلك ..
مشاري : لا والله من جد اتكلم .. قالي .. انتبه لنفسك وسلم لي على اهلي .. وقال قل لفهد يترك الطفاقه ويكلم ابوي بموضوعه .. وقال بعد قل لسلطان يخليي رغد بحالها .. وسلم لي على امي لولو وقلها تدعي لي .. ويوم قلت له وش هالكلام وزي كذا قال الدنيا مو امان ..
فهد : لا تخوفني ..
مشاري : انت بس لو شفت شكله يوم قالها .. قسم بالله ماتخليه يسافر ..
فهد : اففففففففففففف .. خوفتني عليه ياخي ..
مشاري : ان شاء الله مافيه الا العافيه ..
فهد : انا اموت واعرف وش هالشغل اللي رايح له هو وماهر وخَوِيْ ماهر ..
مشاري : ليه ماتدري ..
فهد : لا .. ليه هو قالك ..
مشاري : لا ماقالي ..
فهد : طيب ليش رايح ..
مشاري : مدري .. علمي علمك .. انا على بالي انك تدري ولا قايلك شي ..
فهد : لا الله يهديه ماقالي ..
وصلو محل كبير .. دخلوه واخذوا كرسي متحرك الكتروني .. وطلعوا .. لان الدكتور قايل ان رائد بيبقى الجبس فيه 2شهرين .. لانهم حركوا الكسر وصار مضاعف ..
رجعوا البيت ودخلو .. ومعاهم الكرسي .. كان فهد راكب فيه ويمشي ..
فهد : طريييييق طريييييييييق ..
اول ما دخل الملحق ضحكوا عليه اللي موجودين كانوا فيه اخوياهم ..
( منصور - عمر - خاله طلال - نواف - معاذ - ناصر - زيد ) وطبعا نايف وريان ..
منصور : ههههههههههههه وش ذا ..
فهد : هذا حق رؤوودي .. حياتي شهرين ماراح يمشي .. وانا منب فاضي له ..
رائد : قم اطلع برى ..
الكل : هههههههههههههههههههههههه ..
سلموا عليهم مشاري وفهد وجلسوا ..
طلال : ليه ثلاث شهور عاد ..
فهد : عمي رائد الله يسلمه .. وهو مكسر قام يتحرك لين صار مضاعف ..
طلال : الله يهديك انت ووجهك ..
رائد : وش اسوي يا خالي .. يعور ..
فهد : احسن .. عشان مره ثانيه اذا قلت لك ابوديك تقول انشاااااااء الله ..
رائد : انشاااااااااااااء الله ..
الكل : ههههههههههههههههه ..
جلسوا يسولفون ويضحكون .. جا مسج لرائد ..
فهد : احــم احـــم ..
رائد : تبي مويه ..
فهد : لا شكرا خفيفه ..
( برفع قضيه على الدنيا ومافيها
وأول قضيه بأرفعها على حالي
خلاص ماني مكحلها أبعميها
وأحوسها وأقلب الأول على التالي
لاتقول ماتقدر تسويها
صدقني أسويها
وأقول
أشتقتلك
حيــــــــل
يالغالي....) ..... وكانت غيدا طبعا ..
فهد : هاه تبي مسج ..
رائد : فديتك بس واحد ..
فهد : المسج الواحد بـ50 ريال .. هات 100 وخذ مسجين والثالث مجاني ..
نواف : هههههههههههه الصراحه عرض مغري ..
فهد : هههههههههههههههه ايه مانلعب حنا .. اذا سويت عروض سويت ..
رائد : بتعطيني ولا لا ..
مشاري : منة الله ولا منة خلقه .. خذ جوالي وخذ اللي تبيه .. بس اعرف اول لمين ..
فهد : ههههههههههههههههههههه الخمسين ابرك صح ..
رائد : وااااااااااجد ..
الكل : هههههههههههههههههههههههه ..
اخذ رائد جوال فهد وطلع مسج حلو وارسله لغيدا ..
? عــنـد .. البناتـ.. ?
غيدا كانت جالسه بين لولو وبيان .. ويوم جاها المسج التفتت على لولو وابتسمت .. البنات لاحظوها ..
(مــتى نـلتقـي واعلــمــكـ كـيف تشـتاق
وابيـن غــلاكـ اللـي ساكــن داخــل أعمـاقـي ..,,..
واخـلي اللـقاء بس :
ضـــــــــــــــــم
و
دفــــــــــــــــا
و
عنــــــــــــاق
واذا قلـت لـي : ... يكــفي
قلــت لكـ : لا بعــد
...بـــاقـي )
غيدا اول ما قرتها حمر وجهها مرررررررررره .. واستحت .. ضحكة عليها لولو .. واخذت الجوال .. يوم قرتها بعد استحت ..
لولو : خير وش تحس فيه ..
غيدا : ماعليك .. هاتي الجوال ..
اخذت منها الجوال .. وارسلت له رساله ..
(وين أودي شوق قلبي والوله
لو غديت بعيد عني ماأسمعك
تملك احساسي وفكري تشغله
ترحل طيوفك وفكري يجمعك
هاك قلبي ..
هاك ليتك تقبله
خذ سنين العمر أوخذني معك
انت تالي العمر وانت أوله
من يقول اني نسيتك يخدعك... )
فهد : وبعديييييييييييييييين ..
رائد : هههههههههههههههههه ..
قام ارسل لها ..
(تطمن وأرقد وآمن..
وخلك واثق وضامن..
مكانك بالحشا آمن..
{{وصعبه يسكنـــــه ثاني}}
أبحفظ حبك بصدري،،
لآخر يوم في عمري،،....... الملحق مليان شباب بعدين اكلمك .. ) .....
وصلها المسج اول ماقرته سكرت الجوال على طول ..
لولو : خييييييير ..
غيدا : ولا شي عندها ضيوف ..
لولو : اها .. صرفتك يعني ..
غيدا : ماتصرف ... اقولك عندها ضيوف .. ناس جايين يخطبون ..
لولو : ههههههههههههههههههههه ..
ولاء : من اللي جاي يخطب ..
غيدا : أ أ أ .. صديقتي .. عندهم ضيوف جايين يخطبون اختها ..
ولاء : وش صار بالدنيا .. كل العالم بدو يخطبون ..
اميره : ليه من اللي انخطب بعد ..
ولاء : هذي الانسانه ومسويه ثقل لين الحين ماردت ..
البنات كلهم التفتوا على ساره وهي نزلت راسها ..
البنات : ســـآآآآآآرآآآآآآآآهـ ..
ساره : نعم ..

يتبع ,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -