رواية تحملت كثير يا قلبي -33

رواية تحملت كثير يا قلبي -33

ولاء : من اللي جاي يخطب ..

غيدا : أ أ أ .. صديقتي .. عندهم ضيوف جايين يخطبون اختها ..

ولاء : وش صار بالدنيا .. كل العالم بدو يخطبون ..

اميره : ليه من اللي انخطب بعد ..

ولاء : هذي الانسانه ومسويه ثقل لين الحين ماردت ..

البنات كلهم التفتوا على ساره وهي نزلت راسها ..

البنات : ســـآآآآآآرآآآآآآآآهـ ..

ساره : نعم ..

اميره : انخطفتي ..

ساره : بسم الله علي فال الله ولا فالك .. وجع ..

لولو : تقصد انخطبتي ..

اميره : قالت لك اياها المترجمه ..

لولو : عن الطنازه ..

اميره : اجل لغات وترجمه على الفاضي ..

لولو : على بالي بعد ..

اميره : ومنهو سعيد الحظ ..

ولاء : لو اقولك مين بتنصدمين ..

اميره : مين ..

ولاء : واحد اسمه ناصر .. يصير ولد جيرانكم ..

ابرار على طول طالعت فساره .. ساره انصدمت ..

اميره : ناصر ناصر ماغيره ..

ولاء : ايه تصدقيييين ..

اميره : اييييييييييييييه اشوف ابتسام الله يهديها صرعتني بساره ..

ولاء : اييييييييه الله يسلمها حاطه عينها على اختي المزيونه بتآخذها لاخوك ..

اميره : الله الله يا سوير والله وبتصيرين جنبنا ..

ساره : لين الحين ماوافقت ..

اميره : اقووووووول .. والله لو ماتوافقين بذبحك .. الرجال ونعم فيه وفأخلاقه والله ماينرد .. وبعدين لازم توافقين عشان تجين جنبنا ..

ساره : ومن قالك اذا وافقت بسكن عند اهله ..

اميره : اخته ابتسام تقول مسوين له قسم فوق بالدور الثالث ..

نوره : ههههههههههههههههه بالسطح يعني ..

البنات : هههههههههههههههههههههههههههههههههههههه ..

ساره : وجع انشاااااااااااااء الله .. وشو بالسطح ..

اميره : ماعليك منها .. هم بيتهم كبير ماشاء الله .. فسطحهم فوق بالدور الرابع يعني انتي مو سطح دور كامل لك بلحالك ..

ساره : لا ولو مو حلو .. ابي بيت بلحالي ..

هيفا : انتي وافقي اول ..

ساره ابتسمت : صح ..

ولاء : لاخلاص وافقت .. دام قالت ابي بيت بلحالي فهي موافقه .. يلا بنات زغرووووووطه ..

كللللووووووووووووووووووووووش ..

البنات : هههههههههههههههههههههه ..

ساره : بلا هبل ..

ولاء : الا الا خلاص .. اميره قولي لولد جيرانكم ان خلاص العروس وافقت ..

اميره : خلاص اقول من جد ..

ساره : بذبحك لو تقولين ..

ابرار : الا الا قولي .. صدقيني بتوافق ..

ساره : وش اللي خلاك واثقه كذا ..

ابرار تغمز لها : انا اللي ادري ..

ساره : طيب اسكتي ..

هيفا : هـآآآآآآآآآآآآآه بينكم اسرار ..

ساره : اي اسرار الله يهديك ..

ليلى : لافيه غمز ولمز .. وش السالفه ..

ساره : لا سالفه ولا شي عادي ..

ابرار : خلاص بتوافق اميره .. خذيها مني ..

اميره : طيب .. " دق جوال اميره " .. هـه اخت العريس ..

ابرار : ردي وافتحي سبيكر ..

اميره : طيب .. " ردت " هلا وغلا ..

ابتهال : هلا وغلا ومليوووون صحن حلا .. يؤ يا ويلي لو سمعني ناصر ..

اميره : هههههههههههه صايره تسرقين كلمات ..

ابتهال : وش اسوي .. اعجبتني .. اليوم سمعته يقولها لامي ..

اميره : يوووه .. اكيد يتدلع "وتطالع ساره" ..

ابتهال : ياربيه يا اميره ياربيه .. قد ما اقولك مقرف بالدلع مقرف .. يع مره يقههههههر ..

اميره : على قولت آلاء اختك .. لانك ماحصلتي دلعه ..

ابتهال : المشكله ياليته البكر عشان يتدلع .. لا قبله فيه ناس .. وه بس ..

اميره : هههههههههههههههههههه ..

ابتهال : احــم احــم .. وينك ..

اميره : ببيت جدتي ليه ..

ابتهال : بقولك خبر طاااازج .. توني سامعه فيه ..

اميره غمزت لساره : وشو ..

ابتهال : لقينا وحده لنصور اخوي ..

اميره : اخيييييييييييييرا ..

ابتهال : شفتي ..

اميره : ومنهي تعيسة الحظ .

ابتهال : المشكله اني حبيتها وماتهون علي .. بس وش اسوي نصيب ..

اميره : ههههههههههههههههه .. ومنهي هالمقروده ..

ساره تأشر لها : اوريك ..

اميره : ايوه ابتهال ..

ابتهال : بنت خالك .. ساره ..

اميره : لاعاد سوير ماغيرها ..

ابتهال : ما اسمح لك .. اسمها ساره .. سارونه .. على قولت ناصر يوم سال امي وش اسمها .. قالت ساره .. قال يوووه .. سوسو .. سارونتي ..

البنات طالعوا ساره اللي حمرة خدودها وضحكوا .. وسكتتهم اميره ..

اميره : ايوه .. حركات من الحين يدلع ..

ابتهال : ياربيه يا اميره .. اول مره اشوفه متحمس على خطبه .. مدري ليه .. وش سالفته ..

اميره : وش تبين فيه انتي خليه ينبسط بياخذ بنت خالي تراه مو اي احد ..

ابتهال : ايه فديتها تجنن .. المهم .. اقولك .. يوم درى ياسر .. قال يلا اول ما يوافقون بخطب ..

اميره : آهـآ .. وياسر يبي يتزوج بعد .. حركات والله اخوانك اذا بيتزوجون ما يلعبون لازم بالجمله ماينفع مفرق .. كل واحد سنه ..

ابتهال : ههههههههههههههه . عاد لو تدرين ياسر وش مسوي بامي مهبل فيها .. يمه ابخطب ابخطب .. كل ماراحت مكان راح وراها وقال ابخطب ..

اميره : اجل صار اردى من ناصر ..

ابتهال : ههههههههههه شوي بس مو كثير ..

اميره : ومنهي اللي يبيها ..

ابتهال "اوريك يا اميروه والله لا العب باعصابك " : يمكن نآخذ له العنود ..

اميره انصدمت : العنود مين ..

ابتهال : العنود ماغيرها .. بنت ام راشد .. بنت جيراننا .. نسيتيها .

اميره : لا وين انساها .. ايه .. الله يوفقه .. تستاهل والله ..

ابتهال : ايه والله فديتها .. المهم ..

اميره : وشو .؟.

ابتهال : وش اخبار المزيون ..

اميره : اي مزيون ..

ابتهال : اي مزيون بعد .. ماعندكم الا مزيون واحد بالعائله .. رائد رائد وش اخباره ..

اميره نست السبيكر : والله تمام الحمد لله ..

ابتهال : وه بس يازينه .. ايوه وش اخباره بعد الحادث .. والله انك عورتي قليبي ..

اميره : تمام الحمد لله توني شايفته بخير وعافيه ..

ابتهال : متى بيفكون الجبس .

اميره : بعد شهرين تقريبا ..

ابتهال : لاعاااااااااااد .. ليييييييييه ..

اميره : بس .. لانه تحرك الله يهديك وتضاعف الكسر ..

ابتهال : ياااااااابعدي والله .. مايشوف شر ان شاء الله ..

اميره : تسلمين ..

ابتهال : يلا خلصنا من الاخو الاول باقي الثاني ..

اميره : منهو الاول ومنهو الثاني ..

ابتهال : لا لا نسيتي ..

اميره : وشو ..

ابتهال : مو قلنا .. رائد وماهر احبهم حب اخوي وعفيف وطاهر وعذري وشريف ..

اميره : ههههههههههههههههههههههه اسكتي تكفين ..

ابتهال : ليييييييييه ..

اميره : بس .. ايوه .. وش كنتي بتقولين ..

ابتهال : ماهر ماهر اخوي اليوم شفته طالع بالشنطه وين سافر ..

اميره : بسم الله وين شفتيه ..

ابتهال : وشو وين شفته ... كنت طالعه انا وناصر اليوم بيوديني موعد اسنان عشان البريسز .. وشفته وهو طالع وسلم عليه ناصر وبس ..

اميره : وماقالك ناصر وين مسافر ..

ابتهال : الا يدري .. بس النحيس عيا يعلمني .. بس عادي مو مشكله .. المهم .. انا لازم اقفل الحين .. واسمعي .. دوري وحده من بنات خوالك وخليها تحب رائد .. يختي حرام هالزين يطلع من العائله ..

اميره سكرت السبيكر وقامت دخلت الغرفه ..

ابرار : ههههههههههههههههههههههههههههههههههههههههههههههه .. مهب صاحيه ذا البنت ..

جوري : وربي اني شكيت انها تحبه ..

لولو : ماسمعتيها تقول حب اخوي ..

ليلى : بس بداية كلامها ماقالت كذا .. حتى اناوالله حسيت نفس الاحساس ..

دق جوال بيان وراحت تكلم ..

ساره : قاهرتني اربع وعشرين ساعه تكلم ..

ولاء : وش تبين فيها بالطقاق ..

جوري : انا بنزل اجيب كيك من تحت .. تبون ..

البنات : ايه ..

نزلت جوري وراحت المطبخ .. طلعت كيك وحطته بصحن كبير وجابت صحون صغيره وملاعق وحطتها بصينيه واخذت عصير وقالت للخدامه تساعدها .. وهي طالعه سمعت فيه احد بالصاله يتكلم ..

فهد : ههههههههه .. فديتك والله .. اووووكي حبي .. يلا لازم اقفل بروح للشباب بالملحق .. موجودين .. ايه ايه .. خلاص اوكي .. برجع اكلمك اذا فضيت .. هههههههه فديت قلبك .. اوكيك عمري .. اقول اقول .... احم احم .. احبك .. هههههههههه .. هلا مع السلامه ..

سكر جواله وطلع ..

جوري " ياربيه ليه كذا تسوي يا فهد .. ومسوي تحبني بعد " .. رقت هي والخدامه فوق وحطت الكيك وراحت على طول دخلت غرفه من الغرف وقفلت الباب وجلست تصيح ..

نوره : وش فيها ..

هيفا : مدري .. توها وش زينها ..

جواهر : يمكن فيه احد ضايقها ..

هيفا : كلنا هنا مافيه احد نزل وراها ..

ولاء : وجوالها هنا يعني لو كان معها بنقول احد دق عليها وقالها كلام بس جوالها هنا ..

هيفا : ابروح اشوفها ..

راحت وطقت الباب بس جوري ماترد عليها .. بعد ربع ساعه طلعت وكأن مافيها شي .. طلعت تبتسم ..

لولو : شفيك ..

جوري : مافيني شي .. ليه مبين ان فيني شي ..

ولاء : ايه قبل شوي وجهك كنك متضايقه .

جوري ابتسمت : لاعادي ..

طالعت فبيان بعدين جلست ..

بيان " وش تبي هذي ليه تطالع كذا " ..

دق جوال جوري : هلا وغلا والله ..

طلال : اهليييييييييين .. كيفك قلبو ..

جوري : بس يوم سمعت صوتك صرت بخير ..

طلال : افا والله . من اللي مضايق وردتي بذبحه ..

جوري :هههههه فديتك والله محد مضايقني .. بس يعني صرت احسن من قبل يوم سمعت صوتك ..

طلال : آهـــآآ .. فديتك انا ياناس .. طيب قلبو .. انزلي بشوفك لاني بمشي ..

جوري : وين خالي ..

طلال : بروح خلاص وراي بكرى دوام وقومه من الصبح ..

جوري : طيب الحين نازله .. عندك احد ..

طلال : لا بس ريان ..

جوري : اوكي .. شفت امي ..

طلال : ايه توها داخله ..

جوري : يلا جيت ..

قفلت منه ..

هيفا : خالك طلال ..

جوري : ايه .. بروح اسلم عليه قبل لا يروح ..

هيفا : ليه بيسافر ..

جوري : لا ماراح يسافر .. بس بيروح لبيته ..

هيفا : تــــزوووووج ..

جوري : لاااااااا .. بس الله يسمع منك ..

هيفا : اجل وشو بيته ..

جوري : اذا جيت افهك .

نزلت جوري عند خالها وسلمت عليه .. وبعدين رقت عند البنات ..

هيفا : هاه راح ..

جوري : ايه ..

دخلت تهاني عليهم .. لانها قبل ماجت توها تجي .. سلمت عليهم ويوم جت تسلم على ليلى سلمت عليها بسرعه وبعدت كل هذا عشان ماتصيح .. وبعدها راحت جلست بين هيفا وجوري ..

هيفا : شف مفرق الجماعات وهادم اللذات ..

تهاني : كيفي احبكم ..

جوري : ياناس فديييتها .. حبتك العاافيه ..

تهاني : شوفي الاسلوب انتي تعلمي ..

هيفا : كيفي دفشه ..

تهاني تطالع اميره : ايه مارحتي بعيد طالعه على بعض .. الناس ..

اميره : ابي كيك ..

تهاني : ههههههههههه تصرفين يعني ..

اميره : اصرِّف ايش ..

تهاني : مدري ..

اميره : ياحبيلي انواع النعومه فيني ..

البنات : هههههههههههه باااااين ..

اميره : والله انكم ماتعرفوني ..

لولو : عارفينك اكثر من انفسنا ..

اميره : طيب طيب .. تهاني ليه توك تجين ..

تهاني : والله يا عمري كنت بالسوق .. جالسه اجهز عشان الملكه ..

ليلى انقهرت منها مره ... والبنات قاموا يطالعون ليلى بعدين حولوا على تهاني ..

ابرار : وكيف التجهيز ..

تهاني : يع .. انتي وشلون جهزتي .. مره غباء ماعرفت ..

هيفا : قلت لك اصبري اروح انا وياك بس ماتسمعين الكلام ..

تهاني : لا انتي تقولين الاسبوع الجاي .. وماراح اصبرلين الاسبوع الجاي .. ابي اخلص بسرعه مالي خلق اشيل هم .. فوق اللي شايلتهم ..

نزلت راسها .. جوري لفت على ليلى وعطتها نظره ..

ابرار : يلا ان شاء الله كل شي يطلع على خير ..

تهاني : ان شاء الله ..

وعلى الساعه 11 حطوا العشاء وكلهم تعشوا بعدين طلعوا على الساعه 1 .. ومابقى احد غير رائد وفهد ..

? ? اليـــومـ .. الـليـ .. بعـــــدهـ .. ? ?

.

.

.

دق حمد على فهد وقاله انهم وصلوا .. وعلى طول سكر ماكان يبي فهد يساله اي شي ..

ماهر : وش قالك ..

حمد : ماقال شي بس شكل فيه النوم وانا اكلمه ..

محمد : يلا شباب لايفوتنا الموعد حق المستشفى ..

حمد : يلا .. الله يستر ..

محمد : مافيه الا العافيه .. يلا ..

حمد : الله يسمع منك ..

طلعوا الثلاثه وراحوا على المستشفى وقابلوا الدكتور وطلب منهم شوي اشاعات وراحو وسواها ..

الدكتور: لازم العمليه نسويها لك بدري ..

محمد : حنا ليه جايين الا عشان العمليه ..

الدكتور : اوكي اجل ان شاء الله بعد بكرى ..

حمد : بــعــد بــكـــرى .. قريييب ..

ماهر : متى تبيها انت .. عسى السنه الجايه .. لا خلاص بعد بكرى .

محمد : اوكي مو مشكله ..

الدكتور : اوكي خلاص اجل بكرى يجينا الصباح وهو ما افطر عشان نسوي له تحاليل وكل شي .. ويتنوم عندنا ..

ماهر : ان شاء الله .. بس الساعه كم يجي ..

الدكتور : الساعه 9 الصباح ..

محمد : ان شاء الله ..

طلعوا وحمد مانطق ولاقال ولاحرف من اول ماطلعوا لين وصلوا الفندق ..

محمد : حمد الله يهديك وش فيك ..

حمد : بعد بكرى ..

محمد : توكل على ربك ان شاء الله كل شي بيكون اوكي .. توكل على الله ..

حمد : ونعم بالله .. ونعم بالله .. ابي اكلم اهلي ..

ماهر : العالم نايمه الحين من تكلم ..

حمد : افففففففففففف ابي اكلمهم اقولك ..

ماهر : اقولك نايمين لاتروعهم .. حمد اعقل ..

حمد : طيب ابي اجلس بلحالي شوي ..

طلعوا محمد وماهر من الغرفه وجلسوا برى ..

محمد : شكله خايف مره ..

ماهر : لو مو خايف كان سوى العمليه من بدري ..

محمد : الله يعينه ..

حمد انسدح على السرير وجلس يفكر بأهله واحد واحد .. عقبها طرت على باله لولو قام اخذ جواله وطلع رقمها وكتب لها رساله بس كان متردد يرسلها ولا لا .. بس اخيرا ارسلها ..

كانت لولو نايمه وقومها صوت طق الباب ..

لولو : نعم نعم خير وش تبين .. الواحد مايعرف ينام يعني ..

جواهر : قومي تقول امي يكفي نوم .. مو عوايدك ..

لولو : تعبانه ابي انام ..

جواهر : طيب ..

طلعت جواهر ولولو رجعت سكرت الباب وقفلته ورجعت انسدحت اخذت جوالها بتظبط المنبه ولقت رساله ويوم فتحتها تفاجأت انها من حمد ....

( ودي انقل لك شعوري واستريح ...

من وجع في القلب تاعبني معاه ...

" لـــــو "

تجرب ( شـــــــــوقي ) مره من صحيح ...

كان قلبك

(( ضـــــــــمني ))

داخل حشاااااااه..!! ............ حمد )

لولو قرت المسج مليون مره .. مره انبسطت يوم قرته قامت ارسلت له ..

لولو ( الحمدلله على السلامه متى وصلتوا ) ..

حمد ( الله يسلمك .. وصلنا قبل 4 ساعات تقريبا ) ..

لولو ( آهــآآ .. خالي يدري انكم وصلتوا .. ؟ .. )

حمد ( ايه يدري ) ..

ارسلها هالمسج واول ما استلم التقرير جلس شوي ودق عليها .. لولو ارتبكت يوم شافت رقمه بعدين اخر رنه ردت ..

حمد : مابغيتي تردين ..

لولو : ............. ..

حمد : آسف لاني دقيت ..

لولو : ...........

حمد : لولو ..

لولو : هلا ..

حمد : تسمعيني ..

لولو : ايه ..

حمد : زين ليه ماتردين ..

لولو : مدري وش اقول ..

حمد : ههههههههههههه طيب خلاص لاتقولين انا اللي بقول ..

لولو : قل ..

حمد : وش اخباركم من دوننا ..

لولو " مو حلوه الرياض بدونك والله " : عايشين ..

حمد : معنى عايشين يعني ان الرياض ماتسوى بدوني .

لولو : يعني ..

حمد : هههههههههههه وشو يعني ..

لولو : مدري مدري ..

حمد : توك قايمه من النوم انتي ..

لولو : ايه ليه ..

حمد : ايه اشوفه منربط لسانك ..

لولو : لاعادي .. بســ ....

حمد : مستحيه ..

لولو : تقدر تقول كذا ..

حمد : هههههههههههههههههه .. لولو ..

لولو : هلا ..

حمد : ورب البيت اني آسف لاني ارسلت لك ودقيت بس لاشعوري قسم بالله .. كنت متضايق شوي مالقيت نفسي غير اني اكتب لك المسج وارسله ..

لولو استحت ماتدري وش تقول : لاعادي ..

حمد : يعني مو متضايقه ..

لولو : لا ..

حمد : متأكده ..

لولو : ايه ..

حمد : زين الله يريحك .. وش اخبار الجماعه ..

لولو : الحمد لله تمام ..

حمد : رايحين اليوم بيت امي اللولو ..

لولو : ان شاء الله .. العشا بيجيبه فيصل رجل خالتي مشاعل ..

حمد : جزاه الله خير .. وماصار شي جديد ..

لولو : لا وين يصير توك مسافر امس مالحق يصير شي ..

حمد : ايه صح .. الله يقطع الغربه اففف احسن اني مسافر سنه مو يوم حتى مابعد كملت اليوم ..

لولو : تهون ان شاء الله ..

حمد : ان شاء الله .. يلا اخليك تبين شي ..

لولو : سلامتك ..

حمد : الله يسلمك .. لولو ..

لولو : سم ..

حمد : سم الله عدوك .. ادعيلي يالغلا ..

لولو : ليه شفيك ..؟..

حمد : مافيني شي .. بس ادعي ربي يسهل علي شغلي .. ابي ارجع بسرعه ..

لولو : ان شاء الله .. الله يسهل عليك ويوفقك ويحقق لك اللي تتمناه ...

حمد : آآآمين تسلمين .. يلا فمان الله ...

قفل منها وارتاح شوي .. بعدين قام تروش وغير وطلع لهم برى لقاهم جالسين جلس معهم ..

حمد : ماتبون نطلع ..

ماهر : تعدل الموود ..

حمد يهز راسه : يب .. يلا نطلع انا جووووعاااان ..

!??ٍ??? فبيتـ سليمان ??????

كانوا كلهم جالسين يفطرون .. ليلى تطالع فمشاري من تحت لتحت .. وهو معتبرها مو موجوده ابدا ..

خلود : الحين انتم شفيكم ..

نوره : مين يمه ..؟..

خلود : اقصد مشاري وليلى ..

مشاري + ليلى : ..........

خلود : شفيكم .. مشاري

مشاري : سمي ..

خلود : سم الله عدوك .. وشفيك انت واختك ..

مشاري رفع راسه عليها وعطاها نظره ورجع يطالع امه : مافيه شي اذا عندها الجرأه تقولك خل تقول ..

ليلى : وليه مايكون عندي جرأه اللي سويته مو غلط ولا جريمه ..

مشاري : قلت لك لاتكلميني تسمعييييييييييين ..

ليلى : .............

خلود : خير وش صاير ..

مشاري : اذا تقدر تقول خل تقول ..

سليمان : ليلى تكلمي وش مسويه ..

ليلى : ماسويت شي ..

خلود : الا تكلمي ..

نوره : يمكن عشانها ماتكلم تهاني بنت عمتي عايشه ..

مشاري : فديتك نواري ..

سليمان : وليه ماتكلمينها ..

ليلى : بس ما ابي احاكيها ..

خلود : كل هذا عشانها انخطبت ..

ليلى : ايه ..

سليمان : ليلى وش هالعقليه يعني عشان بنت عمتك بتتزوج ماعاد تحاكينها ..

ليلى : هي تدري لييه ما احاكيها ..

خلود : بس البنت مالها شغل ..

ليلى : احسن ..

سليمان : وش السالفه ..

خلود : مشاري كان يبي تهاني وتهاني انخطبت ووافقوا وبنتك زعلانه عشان كذا ولا تحاكيها ..

سليمان : بس عشان كذا .. وانت ليه ماتكلمت من قبل ..

مشاري : كنت بقول بعد مانرجع من السفر بعدين صارت كم شغله وانشغلت وماحصل فرصه .. لين خطبها ولد عمها ..

سليمان : هذي نتيجة اللي يماطل .. لما اقولك تزوج ماتسمع كلامي .. وهذي النتيجه البنت اللي تبيها راحت منك ..

مشاري : الله يوفقها ..

سليمان : وانتي هي .. حطي عقلك براسك .. ولد العم احق ببنت عمه .. واذا ابوها وافق هي ماتقدر ترفض ..

ليلى : ياسلااااام .. يعني اذا جاني احد وانت ومشاري وافقتوا وانا ما ابيه ما اقدر ارفض ..

سليمان ابتسم : لو ماتبينه بنقوله الله يوفقك مع غيرها .. بس لا تعصبين ..

ليلى : على بالي بتغصبوني بعد ..

مشاري : اذا كان واحد كفو اكيد بتآخذينه ..

ليلى : مو على كيفك ..

مشاري : نشوف ..

دق جوال مشاري : هلا وغلا مرررررررررحبا ..

منصور : اهلين غلاي كيفك ..

مشاري : تمامو انت كيفك ..

منصور : والله بخير ونعمه الحمد لله ... احـم اقدر اشوفك اليوم ..

مشاري : خير صاير شي ..

منصور : لا مو صاير شي .. بس ابي اكلمك بموضوع ..

مشاري : اوكي وين ..

منصور : بالمكان اللي تحبه وتبيه ..

مشاري : هههههههههه فديتني شكل الموضوع مهم عشان كذا بتدلع عليك ..

منصور : تدلع زي ماتبي ..

مشاري : خلاص اوكي .. اممممممممم ستاربكس طريق الملك عبد الله ..

منصور : اووووكيك .. خلاص الساعه 7 المغرب ..

مشاري : خلاص اوكي ..

منصور : اوكي حبيبي .. يلا تامر بشي ..

مشاري : سلامتك ..

منصور : يلا سلم على الوالد ..

مشاري : يوصل ..

منصور : يلا فمان الله ..

عقب ماسكر ..

سليمان : مين .؟.

مشاري : فديته منصور .. يسلم عليك ..

سليمان : ونعم .. الله يسلمه ..

مشاري : انا بروح الشركه .. يلا فمان الله ..

سليمان : مع السلامه ..

طلع مشاري وهم قاموا كلهم .. سليمان غسل وطلع الشركه .. والبنات مع امهم بالصاله ..

نوره : يمه نبي نطلع اليوم ..

خلود : مافيه اليوم فيه عشا ببيت جدتك ..

ليلى : امس كان فيه ..

خلود : ايه اليوم زوج عمتك مشاعل جايب العشا عشان رائد ..

نوره : طيب يمه ابي اروح السوق شوي بس ..

خلود : وش عندك بالسوق ..

نوره : ابي ارجع بنطلون شريته وماطلع مقاسي ..

ليلى : اكيد طلع ضيق ..

نوره : لا والله طلع واااااسع ..

خلود : خلاص طيب .. يلا قومي الحين بنروح وبنمر بيت اهلي ..

ليلى : ابي اروح ..

خلود : يلا طيب بسرعه ..

قاموا كلهم وتجهزو وطلعوا ..

!??ٍ??? فبيتـ عايشه ??????

هيفا : يعني ماراح تروحين ..

تهاني : لا مابي .. تعباااانه ..

هيفا : بلا سخافه يلا خلصي لك كم شغله ..

تهاني : هيفا اقولك تعبانه ماتفهمين ..

نايف : يختي بكيفها يلا امشي ..

هيفا : طيب .. ترانا بنمر ساره وولاء ..

نايف استانس : اوكي يلا اجل ..

هيفا : تبيني اجيب لك شي ..

تهاني : اي شي حلو ويعجبك جيبيه ..

هيفا : طيب ..

طلعت هيفا ونايف وراحوا لبيت خالهم ابراهيم .. دخلت هيفا تسلم على مرة خالها وتنادي البنات ..

فوزيه : الله يعينها .. وماخلصت شي لين الحين ..

هيفا : الا بس اشياء بسيطه ..

فوزيه : يلا الله يعينها .. بناااااااااااااات .. يلا ..

ولاء تنزل ركض : جيت جيت .. هاي ..

هيفا تسلم عليها : وعليكم الهاي .. وين ساره ..

ساره : انا هنا يلا ..

فوزيه : بيان ماراح تروح ..

ساره : تقول بتمر عليها هند وبتروح معها ..

فوزيه : زين .. يلا الله يحفظكم ..

طلعوا البنات وركبوا السياره ومشوا راحوا صحارى بلازا ..

هيفا : نايف غير هالطعس اللي يغني ..

نايف : لو سمحتي خالد مو طعس ..

ولاء : اذا خالد مو طعس من الطعس ..

نايف : راشد ..

ولاء : والله انت الطعس مو راشد ..

نايف : شوفي اذا وقفتك ونزلتك بنص الشارع لاتقعدين تصيحين ..

ولاء : مو على كيفك .. انا اكبر منك ..

نايف : واذا اكبر مني .. اكبر مني بالعمر اما بالعقل الله يخلف ..

هيفا وساره : هههههههههههههههههههه ..

ولاء : خير انت وش تحس فيه .. بعدين وش قالوا لك تفكيري بزر .. نايف مثلا ..

نايف : لا تلوموني اذا نزلتها الحين ..

ساره : ولاؤوه اسكتي خلاص ..

ولاء : ماتشوفينه وش يقول مالت عليه ..

نايف : مالت علي اغصان الجنه ان شاء الله ..

ولاء : وانا بعد ..

ساره وهيفا : ههههههههههههههههه ..

وصلوا السوق ونزلوا .. هيفا دخلت محل وساره محل وولاء جالسه تفتش شنطتها تدور الجوال ..

ولاء : اففففففففف ..

نايف : شفيك ..

ولاء : مالقيت جوالي ..

نايف : يمكن طاح بالسياره ..

ولاء : طيب رح جبه ..

نايف : ما اعرف شكله .. تعالي انتي دوريه ..

ولاء : طيب يلا ..

طلعوا الاثنين برى .. وركبت ولاء السياره تدوره .. نايف ركب وشغل السياره ..

ولاء : ليه شغلت السياره ..

نايف : ماتشوفيني موقف غلط .. سكري سكري الباب ..

ولاء ماتدري وش السالفه .. سكرت الباب .. ونايف اول ما سكرت الباب رجع السياره شوي بعدين مشى .. ولاء مشغوله تدور الجوال ولا انتبهت انه مشى .. مادرت الا موقف .. رفعت راسها لقته موقف عند الاشاره .. انهبلت ..

ولاء : نايفووووووووووه ..

نايف : هههههههههههههه خير ..

ولاء : خير ان شاء الله رجعني السوق ..

نايف : ماودي ..

ولاء : بلا سخافه رجعني ..

نايف سفهها ولعت الاشاره ومشى .. لف على ستار بكس .. وقف عنده ونزل ..

نايف : ماتبيين تنزلين ..

ولاء : لا .. رجعني السوق اقولك ..

نايف : مابي ابي افطر مافطرت .. بسرعه ولا والله لا اخليك .. ترى مليان هنود هنا ..

ولاء : احسن .. ماراح انزل ..

نايف : اقولك هنود .. ولا احسن بعد .. براحتك اجلسي يلا باي ..

ولاء خافت : ناااااااايف لاتروح وتخليني ..

ابتسم لها نايف ووقف لين نزلت وراحت معاه دخلو قسم العائلات .. طلب لهم وراحوا جلسوا ..

ولاء : انت بأي حق تجيبني هنا ..

نايف : انتي ليه ما ترحميني ..

ولاء : وليه ارحمك ان شاء الله ..

نايف : أ أ أ لاني جوعان وما افطرت .. بس اباكل شوي ونطلع ..

ولاء : طيب كان اكلت بالسوق مو ضروري هنا ..

نايف : بس انا احب هنا ..

ولاء : بسرعه اخلص ..

راح نايف وجاب الطلب وجلس ياكل وولاء تطالع في الاكل ..

نايف : ليه ماتاكلين ..

ولاء : ما اشتهي ..

نايف : خلاص وانا بعد ماراح اكل ..

ولاء : اففففف خلاص خلاص بآكل بس انت خلص ..

اخذت كروسونه وقطعت منها واكلت وجلست تشرب .. ونايف كل شوي يرفع عينه يطالعها ..

نايف " الله يهديك لو انك اصغر مني بس " : آآآهـ الحمد لله ..

ولاء : صحه وعافيه .. يلا ياخي تأخرنا ..

نايف ابتسم : الله يعافيك ..

ولاء : يلا ..

نايف : اصبري شوي بس ..

ولاء وقفت : يكفي انك خطفتني .. بعد تبي نجلس شوي ..

نايف : لاتعصبين لاتعصبين .. خلاص يالمتوحشه بنطلع ..

ولاء : المتوحش انت .. يلا اخلص علي ..

طلعوا ورجعوا السوق .. اول ما دخلوا دقت هيفا على نايف ..

التفت نايف على ولاء : ههههههه لو انها داقه قبل خمس دقايق وش بتسوين ..

ولاء : ماراح اسوي شي بقول اخوك خطفني ..

نايف : من زينك عاد .. هلا هيفا ..

هيفا : وينكم ..

نايف : موجودين ..

هيفا : وينكم ندوركم من زمان .

نايف : والله موجودين تحت حنا .. انتم اللي اختفيتوا فجأه ..

هيفا : طيب ولاء معاك ..

نايف التفت على ولاء وابتسم لها : ايه المتوحشه معاي ..

ولاء : كلن يتكلم عن نفسه .

هيفا : خلاص لا تتهاوشون .. يلا بنطلع ..

نايف : نطلع ..

ولاء : لاوالله مابي .. توني ماشريت شي ..

هيفا : وعمتي ليه ماشرت ..

نايف : مدري عنها ما عجبها شي .. خلاص يلا باي ..

قفل بوجهها ..

ولاء : كله منك .. والله لو نطلع قسم بالله ماتلوم الا نفسك ..

نايف : طيب اعصابك ماراح نطلع لين تخلصين بس يلا ..

جتهم ساره : هاه ماشريتي شي ..

ولاء : لا ......

نايف : اختك ذوقها صعب .. خلونها نروح صحارى الثاني ..

ولاء : ايه احسن ..

ساره : اوكي بس هيفا وينها ..

نايف : هذاهي طايره بأكياسها ..

جتهم هيفا : يلا ..

ساره : ولاؤوه ماعجبها شي هنا .. بنروح صحارى ..

هيفا : يوه انا تعبت ..

ساره : حتى انا .. بس وش اسوي ..

نايف : خلاص انتم اجلسوا بالسياره ..

ولاء : لا ينزلون معاي .

يتبع ,,,,

👇👇👇

تعديل المقال