رواية تحملت كثير يا قلبي -31
حمد : اسكت يرحم والديك .. انواع الخوف والتوتر ..
ماهر : كل شي بيكون تمام .. محمد خويي بيروح معنا ..
حمد : مين محمد ..
ماهر : واحد معاي من الثنويه .. قلت له اني بسافر علاج .. وقلت له السالفه وحلف يروح معنا .. يقول اخوه كان مسوي نفس العمليه ويعرف دكاتره مره شاطرين هناك وزي كذا .. يقول بروح معكم ..
حمد : جزاه الله خير ..
يوم خلصت .. جوا ووقفوا عند الجده ..
مشاري : يمه وش تبينها تغني عشان ترقصين ..
الجده : مابي ارقص ابي اروح انام ..
مشاري : خلاص انا بوديك ...
الجده : لا اجلس بيوديني فهد ..
فهد : يمه طيب اجلسي شوي وبوديك ..
الجده : مافيك خير انت .. يلا يا مشاري ..
مشاري : امممممممم ..
جاهم رائد : يمه .. يقول ابوي ما تبين تطلعين عشان تريحين ..
الجده : الا الله يجزاه خير .. مالي الا ولدي انتم ماتنفعون ..
مسكها فهد ورائد وطلعوها .. بعدين دخلوا لقوا كلهم يرقصون مع عايشه وشيخه وحصه ومشاعل .. رقوا عندهم .. بعد الاغنيه وقفوا شوي .. رائد جته دوخه ومسك يد فهد ..
فهد : شفيك ..
رائد : ما اقدر اوقف .. ابي اجلس ..
مسكه فهد ونزله وجلسه على الكرسي ..
فهد : رياااان ..
ريان : هاه .
فهد : عطني مويه ..
جاب له ريان مويه : شفيك رائد ..
رائد : مافيني شي .. ابي اروح البيت مره تعبان ..
فهد : الله يهديك قايل لك من بدري رح بس ماتسمع الكلام .. يلا قم خلني اوديك ..
رائد : لا انا بروح بلحالي انت خلك ..
فهد : لا مستحيل اخليك تروح بلحالك ..
رائد : فهد خلاص مافيني شي .. ابعد بمشي ..
جت امل وهي متغطيه : شفيك رائد ..
رائد : مافيني شي يمه .. شفيكم ..
امل : شكلك مره تعبان .. لا وعليك حراره بعد ..
فهد : خلاص خالتي انا بوديه الحين ..
رائد : انت مع وين تفهم .. قلت لك انا بروح بلحالي .. اعرف اسوق ترى ..
فهد : وانا قلت انا اللي بوديك .. شف شكلك انت ..
رائد : وش فيه شكلي ..
فهد : تعبااان ..
رائد : مو تعبان ولا شي .. يلا فمان الله ..
وقف رائد ورجع قعد ..
فهد : لااااااااا وتبيني اخليك تروح بلحالك ..
رائد : لاحووووووووول .. ابعد بس .. مالي خلق ..
قام وثبت نفسه ومشى لين طلع من القاعه ركب سيارته ومشى .. وفهد واقف يطالع فيه "الله يستر عليك يا رائد اففففففف عنيييييييييد" .. رجع ودخل عندهم .. وكانت الطقاقه تلم اغراضها .. جت له امل ..
امل : ليه مارحت معاه ..
فهد : وربي ماقدرت .. ركب وقفل البيبان ومشى .. ماقدرت حتى الحقه ..
امل : ياربيه هالانسان بيموتني قبل يومي ..
مشاعل : هدي مافيه الا العافيه .. يلا خلونا نمشي ..
راحت امل ومشاعل عند البنات ..
جوري : يمه شفيه رائد ..
امل : تعبان مره .. مدري وش فيه ..
جوري : طيب وينه الحين ..
امل : راح البيت ..
جوري : بلحــآلــه ..
امل : ايه . لحقه فهد بس مشى .. يلا قموموا بنمشي ..
رنا تهمس لأبرار : ماقلت لك انك نحيسه ..
ابرار : ترى بصدق ..
رنا : ههههههههههههه يلا هادا مهند دق علي .. لازم اطلع ..
ابرار : يلا اوصلك ..
رنا : اش توصليني قرّي مكانك اعرف اطلع بلحالي ..
سفهتها ابرار وسحبتها ووقفوا برى وهي تلبس عبايتها لين طلعت .. يوم جت بترجع شافت مشاري وحمد .. حمد بارك لها وراح ..
مشاري : الف مبروك واخيرا بتفكينا منك ..
ابرار : الحمد لله اللي يسمعك يقول قاعده على راسك .. قاعده ببيت ابوي انا .
مشاري : يلا راح هم باقي الهم الاكبر ..
ابرار : اي هم اللي باقي ..
مشاري : هم زواجك ..
ابرار : يلا العقبالك ..
مشاري نزل راسه : ماظنتي ..
ابرار : الله كريم .. هذا نصيبكم ومحد يقدر يمنع القدر .. مقدر ومكتوب ..
مشاري : الله يعين .. ياليتني ما حبيتها ..
ابرار : مشاري الله يهديك وش هالكلام ... مهمى كان بنت عمتك .. بعدين الله يعوظك خير منها ..
مشاري : وين بلقى احد يحبني واحبه كثر تهاني ..
ابرار : صدقني بتلقى اللي بتحطك بعيونها .. وتكون انت نور عيونها وهي نور عيونك .. بس انت انسى اللي صار وابدى حياتك من جديد ..
مشاري : الله يعين ..
ابرار : امين ..
طلع مشاري وجت ليلى ..
ليلى : وش تسوين انتي واخوي ..
ابرار : جالسه اغازله ..
ليلى : اعلم سعود ..
ابرار : اذا قدرتي توصلين له علميه ..
ليلى : ههههههههههههههههه واثقه ..
ابرار : اكييييد .. بعدين هي انتي .. ليه ماتكلمين تهاني ..
ليلى : يختي سكري الموضوع مالي خلق اتكلم فيه ..
ابرار : تراها بنت عمتك .. وانتي تدرين لو مشاري درى وش بيسوي فيك ..
ليلى : المشكله اني ادري ..
نوره : يلا ليلى امي طلعت ..
ليلى : يلا ياعروس .. باي ..
ابرار : باي بس ترى ما خلصت كلامي ..
ليلى : يصير خير ..
طلعت وخلتها ورجعت ابرار وطلعت فوق تلم اغراضها مع خواتها ..
امل : يلا ريان ..
فهد : خالتي انا بوصلكم ..
امل : جزاك الله خير .. يلا اجل ..
طلعوا كلهم ومحد بقى بالقاع غير شيخه بناتها وطلعوا على الساعه 3 ..
? بــ .. سيارة .. فهد .. ?
امل : ياربيه هالآدمي .. قفل جواله ..
فهد : يمكن ما يبي يكلم احد ..
امل : المشكله ادق قبل شوي ما يرد يوم دقيت الحين قفل الجوال ..
جوري : يمه يمكن تعبان ..
فهد "فديت هالصوت" ..
امل : الله يعين ..
دق جوال فهد : هلا والله مع وين طالع القمر ..
منصور : يقولون مع وين طالعه الشمس ..
فهد : لا وين شمس حنا بالليل الحين ..
منصور : طيب لاتكثر حكي .. وينك ..
فهد : رايح بيت عمي فارس ليه ..
منصور : ليه ..
فهد : الاهل معاي ..
منصور : طيب ابيك بموضوع مره ضروري ..
فهد : خير ..
منصور : قل ايه ولا لا .. لا تبين شي ..
فهد : اوكي وشو ..
منصور : معك ام وابو رائد ..
فهد : الاول ايه والثاني لا ..
منصور : طيب .. اخوانه معاك ..
فهد : ايه .. وش صاير ..
منصور : ولاشي.. انا بالمستشفى الحين ..
فهد : منصوووور ..
منصور : هد اعصابك .. قلت لك لا تبين عند اهله يرحم امك .. هو مسوي حادث خفيف ..
فهد : وانت وش دراك ..
منصور : دقوا علي .. لانه داق علي اخر واحد .. وهم دقوا على اخر رقم .. وانا الحين عنده ..
فهد : طيب وش اخباره الحين ..
منصور : الحين نايم .. بس عنده كسر بالكتف والرجل .. بليز فهد اهله لا يدرون .. انت تعال المستشفى وتطمن عليه ..
فهد : اوكي اوكي .. يلا شوي واجي ..
منصور : فهووود .. لا تسرع مافيني يصير لك شي انت بعد ..
فهد : خلاص منب مسرع .. يلا باي ..
سكر منه وهو متوتر ..
ريان : شفيك ..
فهد : ولاشي ..
امل : فهد .. رائد فيه شي ..
فهد : لا ياخالتي مافيه شي .. ليه ..
امل : مدري عنك .. شف شكلك وش صار فيه عقب المكالمه ..
فهد : لا ولاشي عادي ..
وصلوا بيتهم ونزلوا واول ما نزلوا وفتحوا الباب مشى فهد بسرعه لين وصل المستشفى .. دخل وراح سأل عن رائد .. راح له ولقى منصور جالس برى ..
فهد : منصور وينه ..
منصور : هههههههههههه شفيك .. مافيه شي وربي ..
فهد : طيب ابي اتأكد ..
منصور : لهالدرجه تحبه ..
فهد : هذا اخوي قبل لا يصير ولد عمي .. وينه ..
منصور : الله يخليكم لبعض .. هو الحين نايم .. او بالاصح تحت تأثير البنج .. يعني ماراح تستفيد شي لو دخلت ..
فهد : شفيك انت اقولك بشوفه ..
منصور : هههههههههه طيب لا تطقني ادخل ادخل ..
دخل فهد عليه وجلس عنده مسك يده .. انتفض رائد .. وفتح عيونه ..
فهد : الحمد لله على السلامه ..
رائد بإبتسامه ولسان ثقيل : الله يسلمك ..
فهد : تدري ما احبك ..
رائد : ولا انا ..
فهد : اكرهك ..
رائد : وانا اكثر ..
فهد : ليه ماخليتني اوديك ..
رائد : مابي اموت انا وياك سوى ..
فهد : يقطع اوم السخافه ..
رائد : من قالك اني بالمستشفى ..
فهد : منصور ..
رائد : منصور .. ومنصور وش دراه .
فهد : مو انت اخر واحد دقيت عليه منصور ..
رائد : ايه ..
فهد : ايه الشرطه اخذوا اخر رقم صادر ودقوا عليه وطلع منصور ..
رائد : ووينه الحين هو ..
منصور يدخل راسه : تسأل على مييين ..؟..
رائد : هلا وغلا ..
منصور جاله وسلم عليه وجلس جنبه : الحمد لله على السلامه يالغالي ..
رائد : الله يسلمك ..
منصور : خوفت فهدوي عليك جاي يرتجف ..
فهد : لا بتالغ ..
منصور : انا اللي اشوفك .. انت ماتحس بنفسك .. ياليتني مصور وجهك وانت تسألني عنه ..
رائد : فديت روحه .. ادري اني غالي .. اصلا كل العالم يحبوني ..
فهد : ياشين اللي يآآخذ مقلب بسرعه ..
رائد : ههههههههههه ..
على سواليف وضحك .. لين اذن الفجر ..قاموا وصلوا .. بعدين دق ريان على فهد ..
فهد : هذا ريان اخوك .. هلا ريان ..
ريان : هلا فهد ..
فهد : اهلين ..
ريان : عسى منتب نايم ..
فهد : لا عادي مصحصح .. ليه ..
ريان : رائد وينه ليين الحين مارجع ..
فهد : وينك انت الحيين ..
ريان : انا بغرفتي ..
فهد : اهلك وينهم ..
ريان : كلهم ناموا ..
فهد : امك امك وينها ..
ريان : ياخي ذبحتني .. وش فيك .. امي نايمه ..
فهد : هههههههههههههه طيب لا تطقني .. رائد بالمستشفى ..
ريان : وش يسوي بالمستشفى ..
فهد : ياخذ صوره تذكاريه ويوقع للمعجبين .. وش يسوي انت ووجهك بعد .. سوى حادث والحين جالس فالمستشفى ..
ريان : حـــــآآآدث .. متى ..
فهد : يوم يدق علي منصور ..
ريان : يعني يوم يدق منصور كان يتكلم عن رائد ..
فهد : ايه ..
ريان : طيب وشلونه الحين ..
فهد : لا الحمد لله .. كنه قرد ماصار فيه شي ..
رائد : بسم الله علي الرحمن الرحيم ..
ريان : طيب دام مافيه شي ليه منوم ..
فهد : والله هو مو مافيه شي .. لا والله فيه ..
ريان : يوووووووه ياخي اثبت على كلمه وترت اعصابي ..
فهد : هد اعصابك .. مافيه الا العافيه .. بس كسرين .. واحد بالكتف وواحد بالساق ..
ريان : بس ..
فهد : ايه ..
ريان : طيب ابجي الحين .. هو اي مستشفى ..
فهد : بلا هبل .. وخلك مكانك .. هو يا اليوم يطلع او بكرى . ماله داعي تجي .. بعدين اذا جيت وش بتسوي .. بتعالجه مثلا بيجبر عظمه ..
ريان : ودي اشوفه طيب ..
فهد : من زينه وش تبي فيه هو وخشمه ما يستاهل الواحد يتعنى له ..
ريان : لا يستاهل .. اخوي فديته ..
فهد : بلا فديته بلا هم .. يلا رح اخمد والعصر تعال له ..
ريان : طيب .. سلم لي عليه .. ولا عطني بكلمه ..
فهد : لا بعدين يلا رح نم ..
ريان : طيب .. يلا مع السلامه ..
سكر منه فهد وضحك ..
رائد : خير ..
فهد : ياخي اخوك يجنن ..
رائد : طالع على اخوه ..
فهد : منصور .. حلال لو كسرت يده ورجله الثانيات ..
منصور : انا عني اسمح لك ..
فهد : عليه اجل ..
قاموا الاثنين ومسكوه واحد مع رجل والثاني مع يده الثانيه ..
رائد : هههههههههههههههههههههه .. ابعدوا عني ترى بصرخ ..
منصور : قل اتوب اصير مغرور ..
رائد : ههههههههههههههههههههههه اتوب اتوب ..
منصور : خلاص فهد ..
جلسوا عنده فهد ومنصور وماراحوا ..
نهاية الجزء 13 ..
الجزء (( 14 ))
! ??ٍ??? فبيتـ عبد العزيز (ابو حمد ) ??????
الساعه 10 الصباح .. كانوا توهم قايمين .. يوم خميس وقايلين لهم مافيه دوام عشان ملكة ابرار ..
نزل حمد وجلس مع اهله بالصاله ..
حمد : فهد متى طلع ..
عبد العزيز : ليه مو بغرفته ..
حمد : لا ..
سلطان : انا مواصل من امس هو مارجع للبيت اصلا ..
عبد العزيز : وين راح ..
حمد : مدري .. مو بغرفته وفراشه مرتب .. مانام هنا ..
عبد العزيز : دق عليه شف وينه ..
هدى : لا يكون صار فيه شي ..
حمد : لا يمه ان شاء الله مافيه الا الخير ..
دق حمد على فهد وعلى طول رد ..
حمد : فهد ..
فهد : هلا شفيك متخرع ..
حمد : وينك .. ليه مو نايم بالبيت ..
فهد : خخخخخخخخ نايم عند زوجتي ..
حمد : بلا خفة دم وينك الحين ..
فهد : ههههههههههههههههههه .. لا تطقني طيب ..
حمد : فـهـد ..
فهد : هاه ..
حمد : وينك ..
فهد : بالمستشفى ..
حمد : وش تسوي بالمستشفى ..
هدى : وش فيه اخوك .؟.
حمد : مدري يمه اصبري ..
فهد : يووه امي عندك ..
حمد : ايه امي وابوي بعد ..
فهد : الله يفضحك ..
حمد : ليه وش صاير .. وش تسوي بالمستشفى .؟.
فهد : جالس انا ورائد ومنصور ..
حمد : وش تسوون انت ورائد ومنصور بالمستشفى ..
فهد : ولا شي .. سواليف وضحك وقهوه طالعه وشكلاته داخله وانواع الفله ..
رائد : فقاااااااااش ..
فهد : اسكت انت لا اكسرك زياده على التكسر اللي فيك ..
حمد : فهد .. لا تستخف دمك .. شفيكم ..
فهد : مافينا الا العافيه .. بس رائد امس سوى حادث وانا جالس عنده .. بس ..
حمد : ووشلونه الحين ..
فهد : اصحى مني ومنك .. كنه قطو بسبع ارواح ..
رائد : لاحووووووووول .. يعني لازم اموت ..
منصور : بآخذ لك من عقبه لا يجيك شي ..
رائد : تسوي خير ..
حمد : طيب وش صار ليه لين الحين بالمستشفى دام مافيه شي ..
فهد : لا بس شوي مكسر .. بيجلس لين بكرى .. على كلام الدكتور ..
حمد : عسى الكسور مو قويه ..
فهد : لا الحمد لله .. واحد بالكتف وواحد بالساق ..
حمد : الله يعينه .. وبأي مستشفى ..
فهد : بالجامعي ..
حمد : اها طيب . بجي انا وابوي ..
فهد : حمد ماله داعي الحين .. تعالوا العصر ..
حمد : ليه ..
فهد : بس خلاص تعالوا العصر هو مانام .. بنخليه ينام وتعالوا العصر ..
حمد : خلاص اوكي .. قلتوا لعمي فارس طيب ..
فهد : لا قلت لريان عاد مدري اذا قال لابوه ولا لا ..
حمد : اهااا طيب خلاص سلم عليه وعلى منصور .. يلا فمان الله ..
عبد العزيز : رائد وش فيه ..
حمد : مسوي حادث ..
عبد العزيز : ايه اكيد ساق وهو تعبان كان شكله امس مره مريض ..
حمد : ايه حاول فيه فهد انه يوصله بس راسه يابس الا بيروح بلحاله ..
عبد العزيز : الله يهديه هالادمي .. عنيد على مين مدري ..
هدى : على ولدك .. حمد ..
حمد : احــم .. يبه ترى طيارتي بكرى المغرب ..
عبد العزيز : الله يوصلك بالسلامه .. وكم بتقعدون ..
حمد : مدري والله على حسب متى ما يخلص شغلنا ..
عبد العزيز : خلاص زين الله يوفقكم ..
! ??ٍ??? فبيتـ فارس ( ابو رائد ) ??????
امل : انا خايفه ..
فارس : من ايش ..
امل : على رائد .. ياخي لين الحين ماجا ..
ريان : يمه مافيه شي .. اليوم كلمت فهد يقول انه مافيه شي .. هو معاه ..
امل : ووينهم الحين ..
ريان : بالمستشفى ..
فارس : وش يسوون بالمستشفى ..
ريان : مو رائد تعبان ..
فارس : ايوه ..
ريان : ايه بس راح المستشفى والحين هم يعطونه مغذي وبيجي ان شاء الله ..
فارس : متأكد ..
ريان : ايه يبه متأكد ..
امل : رييانوه تكلم اخوك فيه شي ..
ريان : لا مافيه شي .. يمه شفيك ..
امل : ولا شي ..
جوري : يمه التلفون ..
قامت امل وراحت للتلفون ..
فارس : اخوك شفيه ..
ريان : مسوي حادث ومنوم بالمستشفى ويقول فهد انه يا اليوم او بكرى بيطلع ..
فارس : وتقول مافيه شي بعد ..
ريان : يبه ماودي اقول لامي ..
فارس : زين بأي مستشفى ..
ريان : مدري عن فهد .
فارس : لاحول ولا قوة الا بالله ..
دق فارس على فهد : هلا فهد .
فهد : هلا عمي ..
فارس : هلا فيك .. شلون رائد الحين ..
فهد : الحمدلله مافيه الا العافيه ..
فارس : عسى ماصار فيه شي ..
فهد : كسور بسيطه بس .. بكرى بيطلع ان شاء الله ..
فارس : ان شاء الله .. هو باي مستشفى ..
فهد : بالجامعي .. بس يا عمي لاتجون الحين .. لانه نايم ..
فارس : ومتى بيقوم ..
فهد : مدري والله .. بس تعالو العصر .. بيكون اكيد صاحي ..
فارس : خلاص ان شاء الله .. مشكور يالغالي ..
فهد : ولو ياعمي هذا اخوي قبل لا يكون ولد عمي ..
فارس : ماتقصر والله ..
سكر منه وجت امل وجلست .. وجوري طلعت غرفتها .. وريان راح للملحق يرتبه عشان رائد اذا جا بكرى اكيد بيجلس بالملحق عشان اخوياه ..
امل : هذي ندى اختي .. تسلم عليك ..
فارس : الله يسلمك ويسلمها .. شعندها ..
امل : الصراحه .. تبي جوري لنواف ولدها ..
فارس : والله نواف ما يينرد .. بس مو وقته الحين شوي ..
امل : ليه مو وقته وش صاير ..
فارس : رائد مسوي حادث ومنوم بالمستشفى ..
امل : انا قايله ولدي فيه شي .. ليه ماتقولون .. وشلونه الحين ..
فارس : الحين نايم .. اذا جا العصر ان شاء الله بروح له ..
امل : ابروح معاك ..
فارس : لا انتي تعالي المغرب ..
امل : ليه ..
فارس : بس خلاص تعالي المغرب .
امل : شفيك متوتر .. رائد فيه شي ..
فارس : لا يابنت الحلال .. بس كسور خفيفه ..
امل : اجل وش فيك ..
فارس : ما ادري ..
! ??ٍ??? فبيتـ حصه ( ام ماهر ) ??????
اميره : يمه بروح ..
حصه : لاء .. افهمي ..
اميره : لا بروح ..
حصه : وبعديييييييييييييييين ..
اميره : ياربييه ليه طيب .. بيت جدتي مو بيت احد غريب ..
حصه : الجيران بيجوني وانتي تروحين بيت امي ..
اميره : قلت لك مابي اجلس معهم مو غصب ..
حصه : بناتهم بيجون عيب تروحين وتخليينهم ..
اميره : انا ماقلت لهم يجون ..
حصه : بس انا قلت لهم .. يلا اطلعي بدلي ملابسك الحين بيجون ..
اميره : افففففففففففف ..
طلعت فوق ولقت ماهر ...
ماهر : شفيييييييك .. ليه مبوزه ..
اميره : مالي خلقك ترى ..
ماهر : حتى انا .. الحين مشغول بس اذا رجعت بجلس لك جلسه لين تطلعن اللي بقلبك كله ..
اميره : طيب يلا رح .. اقول اقول .. وين بتروح ..
ماهر : وراي شغل بعدين بروح المستشفى رائد مسوي حادث بروح اشوفه ..
اميره : لا ياشيخ .. وشلونه الحين ..
ماهر : والله .. الحمد لله مافيه الا العافيه .. يلا مع السلامه ..
اميره : باي ..
نزل ماهر وطلع .. اميره بسرعه بدلت ملابسها ونزلت ..
اميره : يمه يمه ..
حصه : خير من اللي قارصك ..
اميره : تدرين ان رائد ولد خالي فارس مسوي حادث ..
حصه : متى ..
اميره : مدري يمكن امس يوم يطلع من القاعه تعبان ..
حصه : يا قلييييييبي ..
اخذت التلفون ودقت على امل تتحمد لها على سلامته .. وعقب ماسكرت جوها الجيران مع بناتهم .. الحريم دخلوا المجلس الرئيسي والبنات المجلس الثاني ..
العنود : والله انك خايسه ..
اميره : ليه ..
العنود : فجأه انقطعتي عنا .. ليه اميره .. تتغلين ..
اسماء : والله انك غاليه ..
اميره : تسلمون والله بس ظروف ..
ابتهال : اي ظروف هذي اللي تخليك حتى سماعة التلفون ما ترفعينها تشوفين حنا حيين ولا ميتين ..
اميره : يوووووووه خلاص ترى بصيح ..
راحت لها العنود وضمتها : والله وحشتيني ..
اميره : وانتي اكثر ..
ساره : ياشينكم بتصيحوني الحين ..
اميره تهمس لإبتهال : المزيون سوى حادث ..
ابتهال شهقت وكل البنات التفتوا عليها ..
ابتهال : مـــــتـــــى ..
اميره : ههههههههههههههههه اعصابك ..
العنود : وش فيها طلعت عيونها ..
اميره : شفتوا المزيون ابو شماغ ..
البنات : ايوه ..
اميره : سوى حادث امس بالليل ..
البنات : حراااااااااااام ..
اميره : ههههههههههههههههه استغفر الله .. وشو حرام ..
العنود : يا بعدي .. عسى ماصار فيه شي ..
اميره : لا الحمدلله ..
ابتهال : العنود .. الحقوق محفوظه ..
العنود : اخاف تصدقين بس ..
ابتهال : حب اخوّه هذا وش فيك ..
البنات : هههههههههههههههههههههههه ..
البنات : الحمد لله على سلامته ..
اميره : الله يسلمكم ..
-=-=-=-=-=-=-=-=-=-=-=-=-=-=-=-
انتشر الخبر .. كل واحد من الشباب دق على الثاني وقاله ان رائد بالمستشفى ومسوي حادث و... الخ .. والعصر الشباب راحوا له كلهم وعمانه ..
-=-=-=-=-=-=-=-=-=-=-=-=-=-=-=-
فارس : خلاص الله يعطيكم العافيه روحوا ارتاحوا .. من متى وانتم موجودين ..
فهد : والله ياعمي انا صار لي تقريبا 28 ساعه مانمت .. فبروح اريح وبرجع اجيله ..
فارس : فديتك والله تسلم .. وانت منصور ابوي ماقصرت روحوا ارتاحوا ..
منصور : ولو يا عم رائد اخوي ..
فارس : الله يعطيك العافيه ..
راح فهد هو ومنصور ..
فهد : مشكور يالغالي ما قصرت ..
منصور : ولو يا فهد .. ترى رائد مو بس غالي عليك وعلي انا بعد ..
فهد : تسلم والله ..
كل واحد ركب سيارته ومشى ..
! ??ٍ??? فبيتـ شيخه ( ام ابرار ) ??????
كانت لولو جالسه تكلم غيدا بالجوال .. وخواتها جالسين يطالعون التلفزيون ..
لولو : يعني من متى بالضبط ..
غيدا : اقولك من زمان .. يمكن من كم اسبوع ما ادري عنه ..
لولو : ولا ترسل لك مسجات زي قبل ..
غيدا : لا تخيلي .. لولو وش اسوي ..
لولو : مدري والله دقي عليها اليوم ..
غيدا : خايفه ..
لولو : ليه خايفه ..
غيدا : مدري .. بس اخاف مايرد علي .. واذا رد مدري وش اقوله ..
لولو : قوليلها اللي بقلبك عادي ..
غيدا : لولو .. اقوله اني مشتاقه له واني احبه وين قويه ..
لولو : عادي .. قولي اللي بقلبك ..
غيدا : لا لا مابيي .. لحظه .. سمي يمه ..
مشاعل : انا بروح الحين اذا بغيتي شي دقي علي ..
غيدا : وين بتروحين يمه ..
مشاعل : بيمرني بدر اخوك بروح اشوف رائد ..
غيدا وقف قلبها : ليه وش فيه ..
مشاعل : سوى حادث بروح اشوفه .. يلا مع السلامه ..
طلعت مشاعل وغيدا تطالع فيها لين راحت ..
غيدا : لوووولووووووو ..
لولو : بسم الله عليك ..
غيدا : لولو رائد مسوي حادث ..
لولو : كذابه ..
غيدا : والله امي راحت تشوفه ..
لولو : ومتى ..
غيدا : مدري والله .. لا يكون صار فيه شي .. والله بموت ..
لولو : هديي اعصابك لو صار شي كان دريتي من امك ..
غيدا : ياربيه بموت قلبي بيوقف ابي ادق عليه ..
لولو : وش تدقين (بصوت واطي) تلقين العالم كلهم عنده ماينفع بعدين ماراح يرد عليك ..
غيدا خنقتها العبره : طيب وش اسوي .. ابي اسمع صوته ابي اتطمن عليه ..
لولو : استني لين الساعه 11 بعدين دقي ..
غيدا : 11 ايش ..
لولو : 11 المغرب .. 11 بالليل طبعا ..
غيدا : يوووووووه بعيد ..
قامت لولو من عند خواتها وطلعت الحوش عشان تآخذ راحتها ..
لولو : اصبري شوي .. اذا حسيتي ان امك وصلت دقي عليها ودوري لك سالفه ومنها اسالي عليه وتطمني ..
غيدا : ياربيه الله يصبرني بس .. ابي ارسل له مسج ..
لولو : قلت لك مو الحين ..
غيدا : طيب ..
لولو : حياتي انتي امي تناديني شوي وارجع ادق عليك ..
غيدا : اوكي .. لولو لا تخليني تكفين ..
لولو : فديييييييييتك .. خلاص وربي بدق ..
دخلت لولو البيت : سمي يمه ..
شيخه : وش تسوين برى ..
لولو : كنت اكلم غيدا .. يمه ما دريتي ..
شيخه : عن ايش .؟.
لولو : رائد سوى حادث وهو بالمستشفى الحين ..
ابرار : وانتي من قالك ..
لولو : خالتي مشاعل قالت لغيدا وغيدا قالت لي ..
شيخه : بأي مستشفى طيب ..
لولو : مدري والله بس دقي على خالي فارس يقولك .
شيخه : فديت عمره ..
اخذت التلفون ودقت على فارس .. وبعدها قامت ولبست عبايتها وطلعت هي وابرار وراحوا المستشفى .. ولولو رجعت تكلم غيدا لانها وعدتها تدق عليها ..
! ??ٍ??? فبيتـ سليمان ( ابو مشاري ) ??????
كانت ليلى جالسه تقرى روايه وخلود طالعه .. ونوره توها قايمه .. وطبعا مشاري وسليمان عند رائد .. جت نوره عند ليلى وجلست على السرير جنبها وصارت تقرى معها ..
نوره : كم مره قريتيها ..
ليلى : مدري اكثر من مره ليه ..
نوره : ماتملين ..
ليلى : لا هذي احلى روايه قريتها بحياتي كله ..
نوره : شمعنى ..
ليلى : يمكن لانها اول روايه قريتها .. ومره حبيتها ..
نوره : اصلا من العنوان غصب عنك تنشدين لها ..
ليلى : من جد .. ((.......اسم الروايه.......)) .. من جد ابداااااع ..
نوره : طيب طويله ..
ليلى : شوي ..
نوره : اذا خلصتي منها عطيني ابقراها ..
ليلى : وروايتك اللي تقرينها ما خلصتيها ..
نوره : الا ياليلى مره تصيح ..
ليلى : هههههههههههههه وش اسمها ..
نوره : ((........اسم الروايه.........)) .. انا خلاص حبيت تركي وحبيت خالد الله يرحمه وحبيت سعود ..
ليلى : هههههههههه بسم الله عليك مره متاثره ..
نوره : مره "عدلت جلستها" تخيلي يا ليلى .. الانسان اللي مره بالقصه احس ماله مره ذاك الاهميه .. هو اللي صار حظه يجنن .. اما الاثنين اللي مره ادوارهم خقاق هم اللي راحوا فيها .. مره اكثر واحد رحمته تركي .. مره احبه .. تدرين لو اعرف منهو ويجي يخطبني والله لا اتزوجه واعوظه عن غاده ..
ليلى : ههههههههههههههههههههههههههه . نووووروووووه ..
نوره : وشو ..
ليلى : ترى روايه مو صدق ..
نوره : حتى لو .. حبيته كيفي .. اذا ما تزوجت تركي .. بسمي ولدي تركي اجل ..
ليلى : هههههههههه يازين نعمة العقل ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك