رواية بلا رقيب -37

رواية بلا رقيب -37

ظرب راسه وهو يسمع اللي معه على تلفون وش يقــول ..

:عاد حنا ماسكتنا دقينا عليهم بس كد هجت تعرف الشحادات ماأسرع منهن لاوالمصيبه بالسرعه يختفن ..

قيس :لااا ..

:وش فيك استاذ قيس فيه حاجـه ..

قيس بلع ريقه وهو يلعن الساعه اللي فكر فيها يستأذن ومايروح الدوام :انت متأكد انها خويتنا ...

:ابصم بالعشره انها هي ..

قفل منه وهو يهز راسه ماهو مصدق حظه الشين ..شوشو ترجــع ومن سوء حظه مايكون موجـود ويشوفها .. لازم بكره تجي لازم بكره يشوفها .. خلاص مايقدر يتحمل اكثر ..

بس الحمدالله انها كانت بخير وماصابها أي مكروه كان من الممكن انها تعرض له ..

انفتح الباب عليه بطريقه نقزته ..

منير :امي تبيك تعااال ..

قيس بصرخه :انت اللي تعااال ..

ارتجف من صرخته بس سوى نفسه قوي بطريقه طايح فيها هاليومين :وليش اجي وش سويت ..

قيس بقهر :تعال هنا وانت ساكت ..

وقف بمكانه ينتظره لين جاء عنده وصار واقف بين يديه عطاه كف .. وطلع لصاله وين ماأمه تنتظره بعد مافش خلقه شووي ..

وبعد ماجلس واخذ له فنجال قهــوه .. فاتحته بالموضوع اللي جايبته عشانه ..

قيس :لااايمه لاا قلت ماأبي ..

منيره :وليه ماتبي ..

قيس :منيره الله يخليك لاتدخلين ..قلت لكم ماأبي اتزوج ماتفهمون الاغصب بتزوجوني ..

ام كايد :ياولدي ابي افرح فيك ..

قيس :وماتفرحين فيني لين اتزوج .. تكفيك فرحتك بجابر .. ولازوجي الكبير وافرحي فيه يمكن يعقل ..

تندم على كلمته اللي طلعت وسط انفعاله يوم شاف نظرة الأنكسار بعين امه على اكبر عيالها ..

قام من عندهم وهو الندم يأكله على كلامه اللي تسبب بضيق امه ..

عند باب الشـارع لقى منير واقف على باب الشارع كان بيهزأه بس تذكر انه قبل شوي ظربه رحمه وطلع ..

ورجع تفكيره لها .. ظرب على الدريكسون هي وهي وهي .. دايم ساكنه تفكيره .. بكل مكان يلقاها متى بيريح نفسه من هالخبال اللي يسويه غباء تفكيره فيها غباء ..

مشرده غبيه شحاده ليش ماينساها ويطلعها من باله .. تكلم بصوت مسموع لأجزاء سيارته :ليه ماداومت ليه .. غبي غبي غبي كيف فرطت بالفرصه .. ليه فاتتني آآآآآآآآآآآآآآآآآه آآآآآآآآآآآآآآآآآآآآآآآآآآآآآآآآه ..

وقف سيارته بقوه وهو يشوف الحادث اللي صار قدامــه غمض عيونه وهو يشوف الطفل اللي صدمته السياره يطير بالهواء .. نزل بالسرعه حتى باب السياره ماقفله ..

حفظ رقم السياره بذاكرته وراح يركض لللمكان اللي طاح فيه الطفل ..

:لاله الا الله .. يارب استـــر ..

رددها شايب كبير بالسن كان واقف قريب من الطفل ..

قيس :ولدك ياعم ..

الرجال صد والدموعه تنزل :لاا .. يالله تحفظه يارب ..

قيس جلس على ركبه قدام الطفل كان حجمه مايعطيه عمر اكبر من ست سبع سنين ..

جسمه مستحيل يتحمل ذيك الصدمه الا بلطف رب العالمين فيه ..

طلع جواله يدق على الأسعاف وهو يفكر بالرجال اللي يبكي على ولد مو ولده ولايعرفه ..

الرجال :حسبنا الله ونعم الوكيل على اللي مايخافون ربهم .. وش فادتهم السرعه فيه ..

قفل جواله ووقف يطالع بمنظر الطفل قدامـه ينزف وكان فاقد الوعي كلياً ولايمكن مات ماهو قادر يقرب منه وش يقدر يسوي له ..

اغلب الناس الماره نزلوا من سياراتهم وجوا يتفرجون على ايش مايدري ..

ليش تصورها يوم شاف الحادث شافها مكان الطفل مايستغرب لو يصير لها كذا .. وهذا اللي مخوف عليها ..بس خلاااص ياقيس ريح دماغك من هالأفكار اللحين بين يديك طفل يموت وانت كل تفكيرك بشحـــاده ..

((4))

وعــد

اليوم بيتنا مو بيت لا ساحة حرب من كثر الصراخ اللي فيــه والضجـه .. ضح ضح مريضـه بس ماتبغى تروح للمستشفى .. اوووف كأنها بزر .. واللي قاهرني ان خواتي يعاملنها كذا كنها بزر .. وبس يحاولن يقنعها تروح للمستشفى وخصوصاً ملاك وشوق صجنا الا تروح للمستشفى ..

وفيه شي ثاني اليوم الخميس تعرفون وش يعني الخميس .. وانا بعد لااا .. مأدري وش عندها الدنيا بتذبح بعض شهــد قفلت على نفسها بالغرفه اللي بالسطوح زي ماكنا نسوي لجت امي بتأخذنا .. وسارا جالسه عند بابها تقول تخاف انها تهرب .. يعني الصراحه بيتنا اليوم موصاحين ابد حتى نواف بس جالس على باب الشارع ومعه العجرا يقول بيكسر فيها وجه خلف ..

ملاك :وععععععد ..

اوف هذي وش تبي بعـد رحت اركض لها قبل ماتنزل وتعمل فيني شورما صيخ ...

وعد :جايييه .. هاه وش تبين ..؟!

مدت علي الطاسه اللي معها ..

ملاك :حطي فيها مويا وثلج ..

وعد :هذي ثالث مره اغيرها حشى مو راس هذا صخانه ..

قطيت كلمتي وهربت قبل مايوصلن لي .. عبيتها مويا وثلج ورجعت حطيتها عند الباب وهربت لأن نظراتهن ماكانت تطمــن ..

اووووف وش هالملل ماعندي احد اسولف معه كلن ماله خلقي ونفسه بطرف خشمـه

وكنه مضيع مية ريال ..

((5))

ملاك

خلاص ماني قادره اتحمل كذا فجأه صار كل شي مسئولتي وعلى راسي .. ضحى مريضه وميشو لها يومين مارجعت البيت ووو مبارك عسى مامبارك داق علينا اليوم الصبح يقول جهزوا مجلس رجال .. ياربي وش يارررب وش بيدي انا اسويه واسويه ..

طالعتني شوق وهي تغير الكماده من على راس ضحى ..

شوق :لاازم نوديها المستشفى ..

ملاك :بس هي حلفت ..

شوق :اجل نتركها تموووت .. والله حالتها خطره كذا ..

ملاك :ماأدري نشوف بعد ساعه اذا ماتحسنت ..

شوق :ماراح تحسن ..

ياررربي ..وش اسوي انا محتااره .. ماأدري وش صح وش اللي لازم اسويه ..

ملاك :انا بروح اشوف شهد ..

قلت هالكلام عشان اطلع ابغى اشغل بالي بأي شـي ..

كانت ضحى من امس بالليل وهي على هالحاله نايمه تصحى شوي وتكلم باشياء غير مفهومه وترجع تناام ..

رقيت لفوق لقيت سارا متسنده على باب الغرفه اللي ساجنه فيها شهد نفسها وتسولف معها ..

سارا :وانا مابكيت لأني كنت متعوده على طقــه .. بس يوم دخلت البيت رحت تخبيت عن ملاك وجلست ابكي عشان ماتضحك على وتقول لي صياحــه ..

كانت سارا تبكي وهي تكلم مع شهـد عن ذكرياتها مع الوحش .. ياآآه حتى الوحش تغير وماعاد وحش كل الدنيا تغيرت ماعدا مبارك مازال مبارك سبب تعاستنا بالأرض ..

مسحة دمعتي اللي صاير نزولها هاليومين امر روتيني ..

سويت حركه عشان تنتبهلي سارا وماتسمعني شهد ...

سارا :انا بروح اشرب ماء ..

قالتها لشهد وجتلي ..

ملاك :ردت عليك ..

سارا :لا بس قلت لها شي يضحك وضحكة وهي تبكي ..

وحنا متى ماضحكنا وبداخلنا مانبكي .. موطول حياتنا نضحك والدمع بعيونا ..

آآآه ياربي ..

تمر الدقايق علي الساعات الثقال وكانها أيام وضحى على نفس حالها .. لين قبل المغرب بعشر دقايق كنا كلنا بغرفة ضحى مجتمعين حتى شهد انزلت بعد مادرت عن حالة ضحى وانها بوضع صعب .. على اعصابنا جالسين اصغرنا شدن مافتحت فمها بكلمــه .. شيئين قرب حصولهم جيت مبارك ومعه نهاية وحده منا .. والخطر اللي بتوصل له حالة ضحى ..

لين دخلت علينا .. كنت ببكي يوم شفتها ..

ميشو :ماذا حدث هل تحسنت حالتها ..

ماكنت ميشو تدري عن حالة ضحـى .. كيف درت ..؟!

وبنظره لوجه شهد المقلوب ..

ميشو :لا بأس لاتقلقي انتهى الموضوع ..

ونظرت بوعد ..

ميشو :اطلبي من الطبيبه التي تنتظر بالأسفل ان تصعــد الى هنا .. وانتن اخرجن من هنا ..

وناظرت فيني ..

ميشو :لن اسامحك على عدم ابلاغي بهذا ..

ملاك :تتركين البيت وتقولين ماني ماسمحتك وماأدري ايش انتي الغلطانه ..

ميشو :دعيك من هذا واخرجي من هنا ..

ملاك :بطلع بس مو عشانك عشان ضحى مو ناقصه هوشه على راسها ..

طلعت واللي صاربينا ماأثر على اني حبيت تصرفها.. اللي ماقدرت اسويه بيومين سوته ميشو بالدقيقه فعلاً انا ماني قد المسئوليه ...

جاني صوت سارا من وراي ..

سارا :قلت لك خلينا نتصل عليها شوفي ايش سوت حنا ولافكرنا بهالحل ..

ملاك :وش الفايده لصحت ضحى بتزعل ..

سارا :انتي خليها تصحي بالأول ضحى حالتها صعبه ..

ملاك :انا ماابي ازعلها ماتفهمين انتي اووووووف ..

سارا :ومليوون اووووووف انتي ليه ماتفهمين البنت مو بوعيها ..

ملاك :خلاص سارا خليني بحالي والله راسي مو ناقص صراخك ..

سارا :خلاص لاتنفخين ترى مو انتي وحدك بهالموقف كلنا بمركب واحد ...

تجاهلتها هذا اللي كان ناقصني سارا تفلسف علي بس من قال سارا تسكت ..

سارا :بس اموووت واعرف كيف حلتها ميشو .. انا كلي يوم يزيد اعجابي فيها واقول عنها داهيه ..

ملاك :روحي بس شوفي وش صار عليها ..

سارا :اووه مالي خلق احتك بميشو هذي مالها صاحب اخاف تقلب علي تحسبني انتي ..

ملاك :اوووووووف ..

سارا :طيب خلاص بروح وامري لله ..

معقوله بكل سهـوله بتنتهي الأزمه اللي نعيشها .. يعني بس تدخل علينا ميشو وتقول خلاص ويصير فعلاً خلاص .. ياليت هذا اللي يصير ياليته ..

((6))

ميشو

لم اتوقف عن قضم اظفاري الوقت يجري وانا اقف داخل الدوامه بأنتظار اتصال سوسو المبشر او المدمر ..

سألتني الطبيبه التي احضرتها لضحى انها بحاجه لنقلها للمستشفى .. ولكن ضحى التي عادت لوعيها منذ دقائق رفضت ذالك معلله انها بخير ولاتحتاج سوى لراحه ..

بعد ان مسحت عرق وهمي من جبيني اجبتها بأنا لانستطيع فعل ذالك .. اجابتني الطبيبه بأنها ستفعل ماتستطيعه لمساعدتها على الشفاء من هذا المرض ولكن الله هو الشافي ..

عدت لهواجيسي وانا ارى الطبيبه تغرس ابرتها بذراع شقيقتي .. هيا سوسو مالذي تنتظرينه اريد اتصالك اريده حتى لو دمرني فهو الفاصل لقلقي ...

وعدت لقضم اظافري بتوتر .. آآه يأهلي لقد شوهت منظرها .. لكن لبأس هيا سوسو .. وانطلق جهازي الجوال برنين متواصل ...

ميشو :حسناً ماذا حدث ..

سوسو :لااا ميشو مش معئول اللي عملتــــيه بخلف ..

ميشو :آآه سوسو لأحب مقدماتك السخيفه اخبريني ماذا حدث ..

سوسو :اللي حصل ان خلف جنن عمي مبارك وأمي يقول مايبي لاشهد ولاغيــرها .. وبعد حرب طويله اعترف انه ماراح يتزوج اختك ويحرم نفسه من فرصة انه يتزوجك بيوم من الأيام ..

آآه ياليتك شفتي وجه امي بعد كلامــه شكلها تلقت صدمة عمرها طلعت السلم وهي اللي ماعمرها طلعت فيه يمكن من عشر سنين وعمي مبارك طلع من البيت وهو يصفق كف بكف .. ميشو خلف شايفك صح اكيد شايفك مستحيل يكون هالولع من فراغ ..

تنهدت بالسخريه واجبتها ..

ميشو :لقد حطمتيني ياصغيرتي كنت اظنه عشق وهاأنت تحطمين احلامي بقولك انه مجرد ولع ..

ساد الصمت على الطرف الأخر تبعته ضحكـه مقهقه لاتليق بشفتي سوسو الناعمــه ..

سوسو :ههههههههههههههههههههههههههههههههههههه .. ميشو انتي مجنونه مش معئوله ..

ميشو :وهل يعجبك جنوني ..

سوسو :انا مجنونه فيه .. ميشو كراميل رجعت وريدا على وصول وأريد نسوي لهم حفلة استقبال تليق بمقامنا ..

ميشو :لابأس ولكن اعتبريني بأجازه لمدة يومين بعدها سأرى ماسنفعل بهذه المناسبه ..

انهيت ذالك الأتصال وانا احاول رسم ابتسامة النصر على وجهي ولكنها لم تكن لتخــرج .. آآه يال لأحباط لأعلم مالذي اصابني رغم ان الأمور جميعها تجري بصالحي هأنا اليوم اوجه لأبي العزيز وزوجته سارقة احلام الطفوله ظربه موجعه من خلال ابنهما العزيز لما لأشعر بالسرور .. آآه اجل اعلم انه ذالك الضمير هاقد عاد ليستنشق اكسجين الحياه على حساب اعصابي ...

عند الثالثه صباحاً كانت حرارة ضحى قد عادت طبيعــيه بعد ان اخبرتها خلال الليل بأن الأمور استقرت وخلف قد ذهب يبحـث له عن عروس اخرى بعيــد عنا ..

ولكن بداخلى اتسأل هل سيعــود ..؟!

((7))

ضحـى

صحيت من النوم وانا حاسه جسمـي مكسر .. آآه ياشين الصخنـه ..احس كبدي لايعه والدنيا ضباب .. آآه اكيد هذا من الجوع ..فكرت اخذ لي دش بس تراجعت لأني احس بدوخه وخفت اطيح بالحمام .. قلت انزل اسويلي قهوه تعدل راسي بعدها اروح اخذ لي دش بالرواقه .. نزلت السلم بخطوات متأنيه خايفه لأطيح لأن طيحتي الأولى للحين احس بوجعها .. كانت الساعه قبل الست صبح .. دخلت المطبخ وبعد بحث متعب عن الدله

اللي عجزت اتذكر وين بالعاده تنحط .. اللحين مواعين البيت عجزت اتذكر محلاتها ياخوفي هالصخنه تكون نستني كل اللي درسته بالرياضيات ..

شفت الدله تفوح قدامــي وبنفس اللحضه التفت على خصري يد تضمني .. صرخة من الروعــه ..

:ههه خفتــي ..

لفيت بقوه وماني مصدقه الصوت اللي سمعته وتمنيت يكون هذا بالذات من اثر الصخونه ..

ضحى :أنت ..

شد على يده اللي ماسكتني ..

عساف :تصوري ..

ضحى :ليش ..

عساف :اشتقت لك ..

ضحى :انت اتكلم جد ..

ابعدت عنه وانا مستسخفه حركته ...

عساف:وانا اتكلم جد وبعدين ليش توخرين لحضه ماسلمت عليك ..

ضحى بضيق:مأبي سلامك .. ليه رجعــت وبدون اجوبه غبيه..

عساف :جاوبت عليك بس انتي شكلك مو واثقه بنفسك ..

ضحى :ومتى بتسافر ..

ضحك بقوه خوفتني..

عساف :لهدرجه مستعجله على فراقي .. والله ياحياتي ماعاد فيه سفر الا ورجلي على رجلك ..

صرخت بوجهه ..

ضحى :انت وش تبي وش رجعك ماكان هذا اتفاقنا ..

عساف ابتسم :طيب وانتي ليه معصبه انا ماقلت بنسافر بكرره .. اذا سافرت ويمكن ماعاد اسافر ..

هذا وش جالس يخرف كيف ماعاد يسافر وشغلـه ..

ضحى :وشغلك ..

مد يده لكتفي بس انا ابعدت عنه خطوه بعد وادخل بالفرن ..

عساف :ليش مبعده قربي وشغلي استقلت منــه .. وش رايك بالمفاجئه ..

مستحيل استقال كيف وليش انجـــن هذا ..

ضحى :خبل انت ليش تستقيل من شغلك ..

عساف :ماعاد يصلح لي ..

ضحى :كيف ماعاد يصلح لك بعد عشر سنين اكتشفت انه ماعاد يصلح لك ..

عساف :وانتي ليه معصبه لاتخافين ماراح اخليك تموتين من الجوع بتوظف لو عامل بلديه ..

ضحى :تستخف دمك ..

عساف :لا كيف مايصير نسيتي ان دمي ثقيل ..

اربكتني نظراته حسيت برعشه بأطرافي وبرد .. سألته اول شي طرى على بالي ..

ضحى :كيف دخلت ..

طالعني بنظره طويله ..

عساف :مع الباب ..

ضحى :تستخف دمك ..

وحسيت بدوخــه قويه ..

عساف :وانتي ماعندك غير اللي تستخف دمك .. ضحـــــــــــى ..

آآآآه ماأدري وش صار فيني حسيت الأرض بعيده وانا أطيح من فووووق ..

((8))

عسـاف

ماصدقت يوم دخلـت وشميـت ريحة القهـوه عرفت انها صاحيـه .. رغم انها عطله بعد صاحيه بدري .. طرت علي فكرت اني اجي هنا اول مالقيت مفاتيحها حقت البيت .. ماأدري ليش جيت هنا مع اني توقعتها نايمه وجيتي مامنها فيده ورغم ارهاقي جيت بس مجرد احساسي اني ممكن اشوفها يخليني ماأشعر بالشـي غير الشوق ثم الشوق ثم الشوق .. وداعنا ماكنا على هواي .. ماقدرت استحمل اصبر اسبوع عنها استقلت وجيـت بعت وظيفتي وغربتي اللي كنت افضلها واشتريت قرب وحده بايعتنــي..

اول ماشفتها واقفه عرفتها هي مستحيل أخطي فيها ضميتها ضمه ماأششفت غليلي وهي بالسرعه وخرت عني بالطريقه تجرح عديم الأحساس ..

كنت اتكلم معها وانا مو معها اشتقت لهــا حيييل كنت اشوفها تتكلم ومأبيها تتكلم ماأبي كلامها يخرب الصوره ..

آآآه يالنـــــــاس ليه احبهـــا ..

شكلها ماكان عاجبني من البدايه فيها شي احسها ضعفانه مع ان كل اللي غبته مايجي اسبوع ووجها اصــفر شاحب .. واللي اكد شكوكي يوم بدت تترنح بوقفتها ومالت على الفرن ..

لحقتها قبل ماتطيح على الدله الفايحه وتحرقها ..

جلست على ركبي وان ماسكها راسها بحظني وباقي جسمها ممد على الأرض هزيتها ..

عساف :ضحى ضحــآآآى ..

فتحت عيونها وسكرتها وكأنها نعسانه ..آآه ياربي وش فيها انا كنت حاس انها مو طبيعيه ..

عساف :ضحى حياتي وش فيك ..

هزيتها .

ضحى :اخ راسي لاتهزني راسي ..

عساف :حياتي وش فيك ... قومي اوديك المستشفى ..

وقومتها معي وهي تمشي وتترنح وماأدري وش تقول ..

ضحى :فكني ..

وحاولت تسحب نفسها بس انا كانت ماسك فيها بقوه اخذت عباه معلقه عند الباب وبالقوه لبستها ..

ضحى :فكني وين ماأخذيني ..

عساف :وين ماأخذك يعني بخطفك ..

ضحى :آآآه ياربي فكني ..

عساف :ضحى بلا خبال امشي بوديك المستشفى ..

حسيتها رجعت تدوخ من عنفها ليش تجر نفسها مني بهالطريقه ..

ضميت كتوفها بقوه لي ومشيتها بهدوء .. كان ودي اشيلها بس ماأبي اضايقها بحركاتي ..

طول الطريق بالسياره وهي هاديه اسألها ماترد علي بس اذا اصريت بسؤالي ردب بـ اممممم .. كنت اسأل عشان اتطمن اذا هي صاحيه اولا ..

بعد دوخه طويله عريضه بالمستشفــى .. وبعد ماأكتشفت انها مريضه لها ايام عطوها مغذي ساعتين وبعدها طلوعها بعد ماصرفوا لها ادويه للحراره ..

اول مافتحت باب البيت ودخلتها ..

نواف :ياااااحقيــــــررررررررررررررررررررررررررر ..

وعد :حيوووااان حقيرررر مجنون .. ليه تخطف اختي ياغبـــــي ..

نواف :انت ماعندك احساس كيف تأخذ اختي بدون ماتخبرنا متخلف انت ماتفكر ..

ضحى :خير وش فيكم ..

ملاك :وينك ضحى خفنا عليك ..

ضحى :ليه بزر قدامك ام ست سنوات ..

ملاك :ضحى ..

ضحى :بس ولاكلمه ..

حلو واخيـراً شفتها تهاوش مع خواتها مابغـت ..

عساف :اللحين انتي وياها تشوفن اختكن مريضه وتعاندنها لاومسويات فيها حريصات عليها وانتن المستشفى ماوديتنها ليه ..

وعد :انت مالك خص يامتخلف وش رجعك ياعساك غرقان في عبارة السلام ..

عساف :ضحى بمرك العصـر جهزي حالك ..

ولفيت عنهم وطلعت قبل مايسمع ردها اعرف تسويها وتكسحني قدام خواتها ..

((9))

صحى من النوم بحماس اصلاً مايدري اذا هو نام وكان يحلم فيها ولاكان يهوجس فيها لين طلع الصبح .. واقف قدام المرايه يمشط شعره .. وقف فجأه يناظر بشكله ليش يحس نفسه متغيــر .. فيه شي غيــر .. دقت اجراس الخطر داخله تأخررر رمى المشط اللي بيده واخذ شماغه ومفاتيح سيارته وطلع يجري تذكر جواله ومحفظته بس مارجع يأخذهم .. كل تفكيره انه بيروح هناك وبيلقاها مافكر لو واحد بالميه انها ماراح تجــــــــي ..

تحياتي للجميع

عاشقة ديرتها

الحلـقه الخامسه والثلاثون

(.. على مقاعد الدراسه ..)

ملاك

ياويلي من هالقميص ساعتين عشان اصك ازراره اووووف .. اووووف هذي من بدايته ياربي اوووووووف ماأبي اروح للمدرسه ماأبي ..

سمعت سارا تناديني استعجلت بلبس جزمتـــي ..وزاد ارتباكــي يوم سمعت وعد تنادينا من تحــت ..

وعد :ملاااااااااك ساراا بالسرعه الباص بيمشـــي ..

خطفت شنطتــي ورحت اركض تحــت وبيدي جزمه والبيد الثانيه الشنطــه كنت بصقع بالسارا اللي طالعه تستعجلني ..

سارا :يالله ملوكـه ..

ملاك :طيب اووف .. شوفي حتى جزمتي مالبستها ..

سارا :البسيها أي كلام .. يالله خوذي العباه البسيها ..

اخذت منها العباه ورميت عليها الشنطــه اللي فارغه الا من دفتر من سنة جدي ..

ودخلت رجلي بالجزمه أي كــلام ..

طلعنا نركــض للباص اللي تحرك اول ماحطيت رجلي فيــــه ..

ظربتني وعـد اللي واقفه وراي مع كتفــي ..

وعد :ساعه يعني عشان تركبــون .. والله الشايب كان بيسفهكن ويمشـي ..

ملاك :لاتظربيني واحسن ليته سافهنا ورايح ماهو من حبي للمدرسه ..

وسفهتها وجلست اطالع بالناس اوووووف .. ليه ياضحــى ليه .. والله اكره الدراسه ومستحيل اعطي فيها ..والله لو ماكنت مهددتنا بقطع علاقتنا بخالتي ماكنا رضينا نرجع للدراســــه .. ولو ماترجتني سارا بعـد اللي صايره مجنونة خالتي حتـــى بعد مافسخ جوادوه ياعسـاه للي ماني قايله خطوبته لها .. آآآآآه الحقــير ياعسى ربي يأخذه .. بعداللي صار كرهت خالتي والساعه اللي عرفناها فيها بس سارا بعكسـي ماكرهت خالتي لأنها كانت خلاص تعلقت فيهــا وانا عشان سارا اسوي أي شـي ومن هالأشياء ان ظليت اتظاهر انه ماصار شــي رغم ان اللي بقلبي حاجه ثانيـه ..

تسألون ليش فصخ خطـــوبتها .. ماأدري ليش آآه بس لو ادري .. بس سارا تدري وماهي راضيه تخبــــرني ..

نواف :اقول انزلي يالخبله لايخطفك الشايب ..

ناظرت مالقيت الا انا ونواف اللي واقف بينزل ..

ملاك :هع هع ياملقك ..

اول مادخلنا المدرسه وجيت انزل عباتي حسيت بخنقـــــه وملل..

وجاني صوت من وراي :يالله بالسرعه ساعه تنزلن عبيكن ..يالله طوابيـــــــــر .. تحركن.

وجع ان شاءالله وش هالصوت مركبه مايكرفون ذي عمى بعينها ياربي وعععع كيف بتحمل ادرس من جديد مديره ومشرفات ومدرسات وغثاء ياكبدي ..

نواف :اسفهنها ذي ماعندها الا تصـارخ ..

شهـد :اقول تحركي بس لتوقفك قدام الطوابير وتهزاك عطــوف قدام خلق ربي وتصـير افتتاحيه يحبها قلبك ..

سارا :ايييه فتحتيها فتوى انتي ..

وعد :انا بروح اهجـــــول بين الفصول ..

نواف :خذيني معك ..

سارا :وين بيطسن ذولي مو قالوا طوابير ..

شهد :ذولي عمرهن حظرن طوابيــر ..

ملاك :يالله امشي وين طوابيركم ..

شهد :امشي بالساحه الداخليــه .. عاد انا بروح لفصلي وانتن دبرن حالكن.. انتبهن لاتصيحــن هع ..

سارا :ياملقك اصلاً انتي وش مدرسك ..

شهد :على راسك انا ..

ملاك :كل خواتك غايبات ..

شهد :احسن اصلاً انا ابي اتحرر منهن بعيداً لو غبت انا من يجيب لنا الجدول ..

ملاك :اوووووف وخري يادحيحــه ..

:تحركن انتن ماتفهـــــن يالله كل وحده على طابورها ..

كنت بلف اعطيها من القوي .. بس جرتني شهــد ..

شهد :تعالي يالخبله ماتعرفين ذي والله تصكك كف ولاتسأل عنك ..

سحبتني سارا معها ..

سارا :امشي بندور طابورنا ..

ملاك :اووووووف والله ان يدي تحكني ودي اسطـرها ..

سارا :خبله انتي وش تسطرينها ترىحنا مو بالبيت ..

ملاك :هييييي انتي وياها وش فيكن خبله وخبله بديت اشك انا اسمي خبله مو ملاك ..

وجينا نصف بالطابورنا .. بس والله حسيت اشكـالنا خطأ البنات قصار وصغيــرين وحنا وسطهم خطأ ههههههههههه ..

سارا :ماتلاحظين انا صايرين طماشه للي رايح واللي جاي ..

ملاك:اكيد ذابحهم حلااي وجاااي يشوفوني ..

سارا :اممممووت انا بالواثقين ..

جيت برد عليها بس سمعت نواف يصفر لــي .. لفيت على الطابور اللي عن يمينا شفت نواف ووعــد يأشرون لنا ..

وعــد :تحضرون الأولى ولابتهربون معنا ..

يخرب بيتها بتخـربنا توها ماحضرت ولاحصه بتهـــرب والنعم الخــوات والله ..

عطـوف :ووووعد مبارك بدون كلااااااام ...

اشوى انها ماسمعتها بس ..

عطوف :يالله النشـــــيد الوطنـي ..

ملاك :

سارعي للمجد والعلياء

مجّدي لخالقِ السماء

وارفعي الخفاق أخضر

يحمل النور الـمسطر

رددي الله أكبر

يا موطني

موطني عشت فخر المسلمين

عاش المليك..للعلم والوطن

صوتي انا وسارا غطى على الكل ولايوم خلصنا جلسنا نصفق ... هههههههههههههههههههههه..

((2))

(.. سارا والمعجبيـن ..)

سارا

بسيطرت ضحــى وتسلطها اللي تعودنا عليها اجبرتنا نرجع للدراســه .. وهذا اول يوم دراســي لنا .. واللحين الحصه الثالثه تصدقون ثلاث حصص مرت ماحسيت فيها اني بمدرســه .. رمونا علينا هالكتب وراحـو طيب طلعونا لبيتونا ليش حاجزينا عندكم من زود المحبـه يعني ...

عطتني ملاك بكوعها ..

سارا :وجع وش تبين ..

ملاك :طالعي بذيك البنت اللي قدام شكلها معجبـه ..

لفيت ميه وثمانين درجــــه من الحماس ..

سارا :وينها ..

بس ملاك تطالع بالسقف وتصفــــر ومطنشتني..

سارا :ملاااك ..

ردت علي وهي للحين تطالع فوق ..

ملاك :ولعنـــه ..

سارا :وجع اكلمك انا ..

ملاك :اقول انثبري يالفضيحه ..

سارا :فضيحه بعينك وش قلت انا ..

ملاك :مايحتاج تقولين الناس كلها درت انا نتكلم عن البنت ..

سارا :احلفي وش دراهم ..

ملاك :ومن غير حظرتك .. خلاص انثبري بعد شوي كلميني ..

سارا :طيب نزلي عيونك صورتي السقف تصوير ..

ملاك :ماهو شغلك ..

اخخخخ يالقهر وش اسوي انا اقووم سطرها قدام الله وخلقــه ..

لفيت عنها وانا مبرطمــه مادريت الا القى وحـده جايه تجلس على طاولتي والأبتسـامه من الأذن للأذن ..

طالعت بملاك لقيتها تطالع فيني بأستغراب ..

البنت :هاااي .. ممكن اتعرف عليكم .. شكلكم جديدين بالمدرسه .. توأم صح ..

ملاك :تبين سلف ماعندنا ...

سارا :تبين دين ماعندنا ..

ملاك :تبين قروض ماعندنا ..

سارا:تبين فلوس وبعدين ترجعينها ماعندنا ..

طالعتنا البنت بالدهشه .. جت بتكلم ثواني بس وقامت ..

وانا وملاك طالعنا بعـض وضحكنا ضحكه هزت الفصـــــل ..

بالفسحــه جتنا شهـد واخذتنا لمخبأهم السري على قولتهــــم .. بس والله كان مخبأ على مستوى راقــي .. حاطين له فيه سجاده نظيفه وتكايات ووسايد يعني اللي يبي ينام اللي يبي يجلس لا وترمس شاهي قسم بالله ماهن صاحيات ..

قلت لشهد وانا اشر على ترمس الشاي ..

سارا :هذا من وين جايبينه ..

شهد :من عند الخالات .. الترمس لنا بس هم يسوون لنا الشاهي البركه بوعــد وحده من الخالات تموت عليها وعلى هبالها وماترد لها طلـب ..

نواف :ياهلا منورين مطرحكــــــم ومكانكم تفضلوا ..

ورمى اكياس البطاطس والعصــير اللي معه ..

وعد :ياحياالله من جانا لو علمت الدار من زارها لتفتحــت ازهارها ..

ورمــت الشكولتات اللي معها ..

ملاك :وجعععع من وين لكن كل هذا ..

قال نواف .. اللي جلس بكل اريحـيه واخذا له عصـير وفتحه يشربه ...

نواف :سرقناه من المقصف ..

صرخنا انا وملاك ...

ملاك &سارا :اييييييييش ..

شهد :اعصابكم ماهي اول مره ذولي مايتعاملن الا بالسرقه ...

صرخت عليها ..

سارا :وانتم تأكلونـــــه .. تأكلووون حررراااااااااام ..

قالت وعد بكل برود ..

وعد :وش نسوي يوم ماقدرنا نأكل بالحلال ...

سارا :بس ضحى تعطيكم مصروف ..

نواف :ماكان يكفينا واللحين خلااااص تعودنا حتى لو تعطي كل واحد منا مية ريال بنرجع نســرق ..

كملت وعد كلامه بتلذذ ..

وعد :يآآآآه يازين الأكل المسروق ...

وش فيه ذولي من صدقهم يأكلون مال حــــرام .. ياويلي ملااك بعد تأكل معهم .. صرخت عليها ..

سارا :ملاك تأكلين أكل مسروق ..

ملاك :عادي وش فيها اجلسي يابنت هذا أكل الحكــومه حلال حلال ..

سارا :وشوووووو ..؟!

ردت علي وهي ماهي قادره تكلم من فمها المليان بطاطس ..

ملاك :اقول اجلسي لايفوتك اللحين نمر المقصف ونرمي عليه قيمة اللي اكلنا وانقول اشتريناه ونسينا ندفع حقــه ..

جلست معها بتردد .. ياويلي حراام هذا ..

ملاك :اجلسي ماعليك الحكومه بتحللنا ..

سارا :تهقيـن يعني ..

ملاك :اكيد اجلسي بس بعدين حنا بنروح ندفع حقــه ..

مديت يدي واخذت جالكسي بالكراميل .. والله كنت متردده بس لاتلوموني مااقاومه حلال حرام المهم جالكســــي ..

وبعد هالفطور المحترمـه ختمناها بكوب شـاهي بالنعناع والله انا خطيـرين ..

بعد ماخلصت قمت ببراءه وقلت ..

سارا :يالله ملاك شكل الفسحـه بتخلص ..

مادريت الا المكان يهتز تحتي من ضحكـهم ..

ساار :وجع وش فيكم ..

وعد :ههههههههههههههههههههههههههههههه هههههههههههه..

نواف :ياااااهههههههههههههههههاههيهيهيهههههههههههههههههه هههههههههههههههههههههههههههههههههههههههههههههههه..

شهد :يالخبله اللحين الحصه الرابعه بتخلص وانتي تقولين شكل الفسحه خلصت ..

انصدمت كيف يعني فاتتنا حصه ..

سارا :ياويلي يعني حنا اللحين يطلق علينا هاربين من الحصــه ..

ملاك :وحرامــيه بعد ..

وعد :بنات امشن بوريكن شي خطيـــر ..

طالعتها بالشك ..

سارا :لاا انا ماراح اروح معك انتي خربانه بتخربيني معك ..

وعد :احلى يالمؤدبه ..

سارا :اكيد مؤدبه اجل وش تحسبين ..

ملاك :اسمعي نروح معك بالشرط اذا مسكتنا الأداره بنرمي كل البلا على راسك وحنا نطلع منها ..

وعد :اوكي توها سنه جديد وسجلي نظيف ..

طلعنا معها وبدت تفرفر فينا بين الفصول ..

سارا :يالله وين الشي اللي بتورينا ..

وعد :مو هنا بمبنى الثانوي ..

يتبع ,,,,,

👇👇👇

تعديل المقال