رواية بلا رقيب -38
ملاك :اسمعي نروح معك بالشرط اذا مسكتنا الأداره بنرمي كل البلا على راسك وحنا نطلع منها ..
وعد :اوكي توها سنه جديد وسجلي نظيف ..
طلعنا معها وبدت تفرفر فينا بين الفصول ..
سارا :يالله وين الشي اللي بتورينا ..
وعد :مو هنا بمبنى الثانوي ..
ملاك :الا تعالي هاللحين شهـد وبقيت القروب مايهاوشونهم ادارتكم اذا جو هنا ..
وعد :الا اذا شافوهم بس خواتك ماهن هينات تربيتـي ..
قلت لها بحقـد ..
سارا :مافيها شك يالحرامـيه ..
وعد :امشي بس وانتي ساكته لأوديكم للأداره اللحين ..
سارا :يمه خوفتيني ..
وعد :بنات ناظرن تحـــــت ..
وقفنا على الدربزين وشفنا تحت وحده شكلها معلمه او مشرفه واقفه ومعطيتنا ظهـرها .. لو لفت على طول بتشوفنا ..
شفت وعد تحذف عليها قوطي عصير بقوه وتختفي .. وانا وملاك جامـدات بمحلنا ..
المشـرفه :انزززززلن ياقليلات الأدب ..
ملاك :وشوووووووو ..
المشرفه :ياقليلة الأدب انزلي لأجي انا انزلك بالعصـــا ..
ملاك :والله ماهو حنااااا..
يمه حنا وش سوينا وعد هي اللي ظربتها ..
المشرفه :انتي ماتسمعين انزززززززززلن ..
سارا :ياويلنا ملاك وش نسوي ..
ملاك :الله يلع .. ها الحيوانـه وعد قسم انها خبيثه ..
جلست تلفت ادورها مالقيتها ..
سارا :خلينا نرجع لمخبأنا ..
ملاك :لا امشي بنشوف وش أخرتها معها ذي فضحتنا شوفي الناس كيف تجمعت عليها ..
صادقه ملاك كل اللي بالأداره طلعــوا ..
ياويلنا من اول يومنا شكلنا بنأخذ تهزيء محترم وفضيحه علنيه نزلنا وحنا نسحب رجولنا سحب.. وطول الطريق نسب بوعـدوووه هين والله لأوريها ..
استقبلنا صوت ابله عطــوف ياويلي عرفتنا ..
ابله عطوف :ياهلا والله اسفرت وانورت واستهلت وامـطرت شرفتنا بنات مبــــارك ..
ملاك :منوره بوجــودك ابله عواطــف ... بس قسم بالله انا ماسوينا شــي ..
ابله عطوف:ماسويتن شي استحن على وجيهـكن اطول مني واهاوشكن انتن اللي كبركن متخرجات من الكليه ..انا مادري وشلون قبلتكن بمدرستي ..
سارا :ابله مدرسة الحكــومه مو مدرستك ..
صرخت علي ..
ابله عواطف :بلاا قلة ادب والمدرسه مدرستي اقبل اللي ابي فيها واطرد اللي ماأبي منها ..
شفت المشرفه اللي ظربتها وعدوه بالقوطي تناظرنا بقهر يمه شكلها يخرع لاولابسه بلوزه صفراء مولعه وصابغه شعرها اصفر وهي سمـــراء وطالعه كأنها عامل بلديه ..
ملاك :اكيد ابله مافيه شك المدرسه مدرسته ويخسى اللي يقول غير كذا ..
وغمزلي ووطت على رجلي وكن محد يشوفها مادرت ان كل اللي بالأداره شافوها ..
ساارا :صادقه ملاك المدرسه مدرستك ولو تبين نطلع منها اللحين شلنا قشنا وطلعنا من المدرسه كلها ..
ملاك :ايه ابله بس انتي امري فديتك انا ياحبيلك ..
ابله عواطف :بدون كلام زايد ويالله اعتذروا من ابله قمـر ..
وشو قمـــر .. وجلست اتلفت ادور ابله قمــــر ..
ملاك :وينها ابله قمــــر ..
ابله عواطف بغيض :هذا اللي قدامك ..
واشرت على ام بلوزه صفرا ..يممممممامي لايكون هذي ابله قمر يالهوي .. هذي شهاب نيزك شمس قبر مو قمــــــرر ..
ملاك :آسفين ابله قمــــااار مع انه والله انه مو حنا اللي رمينا علينا القوطي وقسم بالله ان اللي رمته عليك وحده قليلة تربيه ماعندها ابو يربيها وامها راميتها ورايحه تزوج ..
ابله عطوف :وانتي يالله اعتذري ...
يمه وش فيها تطالعني كذا اللهم رد كيدهم في نحورهم ..
سارا :وانا بعد آسفه مع انه قسم بالله انه مو حنا اللي رمينا القوطي و..
المشرفه قمر :بس خلاص يالله على فصلكم واسفكم غير مقبول ..ولاتسون فيها خفيفات دم ..
ابله عطوف :اذا كررتنها تعهد مباشره ..
يالناس ودي اسطرها هالقمااار .. مالت عليك وعلى ام جابتها ..
طلعنا من الأداره وبدينا نتطنز بأبله قماار..
ملاك :ولاتسون فيها خفيفات دم ..
سارا :ابله قماااار ..
ملاك :يعع كرهتني بالأسم ..
سارا :ياعيني على الأصفر يالناس خطير .. تصدقين جتني فكره ..
ملاك بحماس :وش هي ..
سارا :ودنا نضمن هالقمر ونحطها بصفنا شكلها شخصيه ..
ملاك :كيف ..
سارا :بنسوي انفسنا معجبات فيها ..
ملاك :لاتكفين تصدق عمرها .. وبعدين هالحركات ماعاد تمشي عليهم ..
سارا :ليش لااا خليها تصدق .. نكسب فيها اجر .. نعطيها ثقه بنفسها ..
ملاك :دايم السالفه فيها اجر ليش لا ..
سارا :اجل اتفقنا ..
ملاك :اتفقنا .. امشى اللحين للفصل ..
سارا :ووعد ..
ملاك :يالخبله بتأخذن حقك منها هنا خليها حسابها بالبيت ..
وعلى هالأتفاق رحنا الفصل .. واخذلنا تهزيئه محترمه لأنا دخلنا وحنا نسولف وجلسنا من غير مانستأذن من الأبله .. ماأدري وين فاكرين انفسنا عايشين ..
((3))
(.. القلب القاسـي ..)
ضحـى
صحيح مدرسه جديده بس الطالبات نفسهم هم العامل المشترك بين كل المدارس نفس قلة الحيا نفس الأهمال نفس الكره للمدرســـه والدراسه ..
اليوم البنات بغوا ينتحــرون ماهم مصدقين اني جالسه اشرح لهم رياضيات اول حصــه بأول يوم دراســـي .. كان بيقلون ادبهــم ويناقشون بس بعـد صرختين وكذا شتميـه سكتوا واخذوا فكره صغيـره عن المعلـمه اللي جالسين يتعاملون معها ..
كنت جالسه على اعصابي اليوم كل بعد دقيقتين اقول بستأذن ورح اخذ شدن من مدرستها .. آآه ودي اتطمن عليها بأول يوم مدرسي لها .. ان شاءالله شدن ماراح تخيب ظني فيهــا بس خايفه انها تجـيب العيد بتعاملها مع الطالبات والمعلمـات مايحتاج اقولكم ان خواتي معطياتها شهاده بطولة اللسان ..
بروح استأذن من المديره شكلها حبوبه ..ويمكن هذي الحسنه الوحيده لنقلــي للمدرسه هذي كان ودي اظل بالمدرسه اللي فيها خواتي عشان تكون عيني عليهم ..
قبل ماأطلع من غرفة المعلمــات دق جوالي وكان استاذ عســاف مالت بس ..
رديت عليه بدون نفس ..
ضحى :خيـر ..
عساف :السلام عليكم ..
ضحى :وعليكم ..
عساف:مريت على مدرسة شدونه واخذتها تبين امر عليك ..
ضحى :لاشكـراً ..
وفكرت شوي ..
ضحى :مر علي وحده وقت الصرفه ..
عساف:من عيوني ..تأمرين على شــي ياقلبي ..
ولاكلفت نفسي ارد عليـــــه قفلت بوجهه ..
ورجعت للمكتبي بغرفة المعلمات وان اغلي من القهر اوووووف خرب علي الطلعه ..
اللحين ماعندي عذر اني اطلع .. ماشاءالله من متى هو مهتم بالشدن .. كل اللي يسويه عشان يقهرني .. دق جوالي بنغمة رساله عرفت انها منه قبل ماأفتحها طايح بهالحركه كل ماقهرته وكسحته ارسل علي رساله مثل وجــهه .. يقالي طيب ونيتي صافيه مالت بس ..
لاوسمعوا وش كاتب هنا .."دورت لك في خاطـري شي يكــــــرهك .. لقيت حتى المكره فيني يحبك !.."
ياملقــه يالناس .. اللحين هذا من وين يعـرف الحــب .. غيــر نفسه مأتوقع يحـــب .. الأناني يبغاني انســى اللي سواه .. اصلاً سواياه للحين ماتشفع له بنته اللي هي بنته مالان قلبه لهــا ويبني اسامحه والين قلبي له ..
ولد عم مبارك ماراح بعيــــــد ..
نغمــة رساله جديده .. مأدري ليش اقرأ رسايله مع اني اقدر احذفه بدون مافتحهـا بس انا كذا احــب اتسـلى بقرايتها ..
فتحتها وياليتنــي مافتحتهــــا ..
الحقيــــر عليه مسجات كلها قلة حيــا .. حذفته بدون مافكر ..
ادري تبون تعرفون وش كان فيـــــه حفظته قبل مأحذفه عشان اقوله لكم ..
"..حان الآن موعد بوستي
حسب توقيت الشوق لشفايفك.."
((4))
(..خلف و التضاريس..)
ميشــو
ضحكت كثيراً حينما ايقظتني سارا وطلبت مني الأشراف على المنزل في غيابها لأنها لاتثق في هند وشوق ..لأصدق انهما ستعودان حقاً للمقاعد الدراســـــه ..
انها العاشـره لم اكن انوي ابداً الذهـاب للجامعه في هذا اليوم ولكـن بسبب الحاح ريدا قررت الذهاب ..
هند :ميشووووو لا تشربي من هذا ..
ميشو :ولماذا ..؟!
هند :هذا شاي سبيشل من اختراعاتي يمكن مايعجبك ..
ميشو :حسناً دعيني اجربه ..
هند :لا لااا ..
ميشو :ولماذا ..
هند :كذا كيفي هذا شاي سبيشبل لي ..
ميشو :توقفي عن الأنانيه ودعيني اجربه ..
هند :اوووووف ماراح يعجبك ..
ميشو :دعيني اتذوقه وسأحكــــم ..
وبأصرار تجرعت منه جرعه واحده فقط ارجعتها بالسرعه حينما لسعني الطعم اللاذع ..
ميشو :ماهذا ...
صاحت فيني ..
هند :شفتي قلت لك ماراح يعجبك ..
ميشو :حسناً توقفي عن الصراخ .. لما تعكسين المواقف .. اليس من الواقعيه ان اصرخ انا فيك ..
سحبت الكأس من يدي وهي تردد انها حره بما تفعــل ..
ميشو :هل حقاً ستشربينه ..
هند :اكيد اجل ليش مسويته عشان اصور معه ..
توقفت عن مجادلتها وخرجت من المطــبخ بعد ان كرهت تذوق أي شيء بعد ذالك الشاي الخرافي ..
بدأت ارتداء ملابسي بكل ارتياح وبدلتها عدت مرات ...
كنت استمتع بماأفعلـــه .. حتى رن هاتفي الجوال بنغمه كنت قد خصصتها لريدا .. حسناً انا قادمــه .. القيت نظره خاطفه على ساعة يدي انه الحاديه عشـر يألهي ستمزقني ريدا ارباً ..
ميشو :مرحباً ماذا هناك ..
ريدا:ميشو حبي لاتجينا على الكليه حنا بالفيصليه بنفطر هناك .. انتي وين برسلك السواق..
ميشو :انا مازلت بالمنزل ..
ريد :خلاص برسله لك على البيت ..
ميشو :حسناً انا بأنتظاره ..
بعجل بدأت بتغير ملابسي وارتديت ملابس مناسبه .. وضعت روبي في سله مناسبه .. حملت حقيبة يدي وخرجــت ..
في الأسفل وجدت شوق وهند امام التلفاز يتلذذن بعصــير الليمون ..
ميشو :اسكبي لي كأس ..
واردفت بالسرعه ..
ميشو :من صنعه ..
شوق :عصير سبيشل انا مسويته ..
بدأت اتحسس من كلمة سبيشل ..
هند :لاتخافين مو مثل الشاهي حقي ..
ميشو :ياعزيزتي لأتوقع انه يوجد شـيء بالكون مثل شايك ..
هند :ادري من زينه ..
كان العصـير لذيذ جداً ولكن لم استطع اكماله لأن السائق وصــل .. خرجت وانا احمي عيناي بنظاره شمسيه..
بادرني منيــر الذي كان يقف مع شقيقه الأخرق قيس بالتحيــه ..
منيــــر :هااي ميشو ..
ميشو :مرحـبا ..
صعدت الى السياره وان اشعــر بنظرات قيس تلاحقني ماباله الم يسمع بفتاة سعوديه تتحدث الفصحـى من قبل ..
هل تعلمــــــون لقد خطب فتاة جميله صغيـره تدعى وديان .. لأتحدث عن قيس ..
المقصود هنا خلف ..
هل سأدعه يعيش حياته .. بالتأكيد لااا هناك خطه قادمه في طور التنفيذ .. اقسم لكم بأغلظ الأيمان اني لن ادع هذا الزواج يتم بأذن الله ..
لايمكنه ان يفعــل ذالك ..
هل سيتوقف عن حبي من اجل فتاة تافهه اسمها وديان.. يألهي هل وصل عشق والدها لتضاريس أن يطلق على ابنته هذا الأسم ..
هل نساني بهذه السهـوله ولكني لم انساه ولن انساه ليعيش حياته بالسعاده ..
سوسو صديقتي العزيزه لاتتوقف عن تزويدي بأخر اخبار شقيقها .. وكم اتسلى انا بذالك ..
((5))
(.. خيـــانـــه ..)
واقف وبيده جوريه للجوريه .. شمهااا .. وضحك على نفسه .. وش يشم فيها ..
اتسعت ابتسامه يوم شافها مقلبه عليه وعيونها تدور بكل مكان تأكد ان محد يشوفها ..
غنى :عمري ماتمنيت شي كثر ماتمنيت اشوفك ..
:سلاااام ..
:هلا وعليكم السلام هلا بملاكــي ..
ومد لها الورده ..
بضحكـه :يسلموو ..
:الله يسلمك ياحياتي ..
كانت مستحيه ومثل عادتها تحفر الأرض برجلها من التوتر ..
:يالله حياتي متى بتشيلين هاللثام انتي قلتي المره الجايه وهذي المره الجايه جت ..
:لاا ولودي ماأقدر ..
:ليش ماتقدرين لو تحبيني شيليه ..
:لااا مأقدر حرام مأقدر ..
:قولي انك ماأنتي واثقه مني ..
ولف يطالع بالفيلا اللي على جنب .. لاحقت نظراته ..للحين يعني ماتاب ..
:وش تناظر ..؟!
:أي شي غيرك .. وش اناظر فيك اصلا كلك اسود بأسود ..
مسكت يده :وليد تكفى لاتزعل ..
:ماتبغيني ازعل سوي اللي اقولك عليه .. انا اجي مشتاق لك واعد الدقايق والثواني عشان اقابلك وانتي ولاهمك وتفننين بالتنكيد علي ..
:حرام عليك لاتقول كذا اصلاً انا مأجي هنا الا عشانك ..
:تحبينـــــي ..
قالت بقهر :ماأدري اسأل نفسك ..
:أحبك وميــــت فيك ..
:لو تحبني صدق طلقتها ..
:آآه ياحياتي لاتحاسبيني على شـي صار قبل مأعرفك ..
سمعوا صوت ارعبهم هم الأثنين ..
:خلاص ملااك روحي انتبهي لأحد يشوفك ..
لفت عنه بالسرعه :باااي ..
وهو ابتعــد عنها ..
ورد على جواله اللي من بداية المقابله يدق بس هو حاطه على الصامت الهزاز .. ومبسوط على كل دقه منه وهو عارف ان اللي وراه تحترق وهي تشوف اللقاء الغرامي اللي يتم تحت شباك غرفتها ..
الوليد :خيــــر ..
:ليش الوليد ليش ..؟!
الوليد :وش تبين ..
:حرام عليك ليش تسوي فيني كذا .. حرام والله اللي تسويه فيني حرام ..
:واللي كنتي تسوينه فيني مو حرام ..
:بس انا احــبك ..
:وانا كنت احبك ..
بلهجه قريبه للأستجداء كررت جمله:كنت واللحين ..؟!
تحياتي للجميع
عاشقة ديرتها
الحلقه السادسه والثلاثون
((1))
ميشـو
زماني يازماني يازماني
حبيب الروح في الآخر نساني
اعلمه الرمايه كل يومً
وحين اشتد ساعده رماني ...
صرخـت بأندهاش ..
ميشو :رائعه انتي ريدا ..
كريمـه :ريدا ليش ماتشركين بالستار اكاديمـي اضمن لك الستار ..
ردت علينا ريدا وهي تعيد العزف على العـود الذي تحتضنه ..
ريدا:تسلمن يالغاليات بس والله ماتليق علي الشهره ..
كراميل :انتي جربي قبل بعدين تعالي قولي تليق عليك اولا بعدين حنا نبي نشتهر عن طريقك عندك مانع ..
ريدا :انا لااا .. ميشو عندك مانع ..
ضحكت كثيراً على طريقتها بطرح السؤال ..
ميشو :وماشأني انا ..
ريدا :يقولون انك خويتي ..
ميشو :ومن قال ذالك بالتأكيد لم يعرف حقيقتنا ..
كراميل :عاد بدت فيلسوفة الشله تبدع بالهرج ..
ريدا :حلوه الهرج كثريلي منها .. كراميل ابي اعدل ميزاجي ..
ميشو :هاقد بدأنا بالمحظور ..
ريد :طيب جربي بعدين احكمي ..
ميشو :كلا ياعزيزتي دعيني بعيــده .. لست مستعده بعد للأدمان ..
كراميل :دقي على خوينا خليه يجيب ..
ريدا :أي واحد اللي الأول يقولون انه مقبوض عليه ..
كراميل :والله ماقال لي متعــب ..
ريدا :تدرين ان متعب هذا بيوديك بالداهيه ..
كراميل :مافيه شي اسمه داهيه بقاموسـي .. بعدين ياهلا بالداهيه اللي بيوديني لها توتي ..
ريدا :بهذي صدقتي ..
ميشو :آآآه توقفا عن ذالك ..
ريدا :تكلمت عدوة الرجال ..
ميشو :يألهي لو تعرفن كيف ينظر أليكن الرجال ماتحدثتنا عنهم بهذه الطريقه ..
كراميل :ايه ميشو لاتلبعين بعقولنا ..
ميشو :هل اصبحت انا من العب بعقولكن .. لقد لعب بها الرجال اشواط واشواط ..
ريدا :بس لعبهم محترف وعلى مستوي ولعبك انتي يغث ويسد النفس ..
ميشو :رائع رائع ايتها الخائنه هل تبيعين رفقة عمر من اجل رجل ..
كراميل :هيي ريدا احترمي حالك واعتذري من ميشو .. ماهي ميشو اللي ينقال لها هالكلام .. بعدين انتي كيف تأمنين على نفسك تقولين لها هالكلام وبيدها كوب قهوه .. نسيتي ان لها سوابق ..
يال الهول هل يسخرن مني .. على حين غفله منهن تسللت لخارج الغرفه ومن ثم خارج الشقه بعد انا انتزعت المفتاح من بابها واقفلت به الباب من الخارج وانا كلي ثقه ان هذا هو المفتاح الوحيد ولاتملك أي منهن في الداخل مفتاح ..
وصلني صراخ احداهن من خلال الجوال بعد نصف ساعه :ميشو يامجنونه ..
ولكني كافئتها بأغلاق الخط ..
ملاك :وش فيك ياجميل جالس لحالك ..
ميشو :لاتخاطبيني بلهجة الذكور ..
ملاك :ايه صح صح نسيت انك آنسه ..
ميشو :توقفي عن التهريج واخبريني ماذا تفعلين بغرفتي ..
ملاك :ولاشي بس كنت ماره قلت اطل عليك متي حييتي كذا يعني اشوف اخر اخبارك الحيويه ..
كررت خلفها ..
ميشو :الحيويه ..
ملاك :ايه الحيويه ولاتقولين ماتعرفينها هذي كلمه اخذناها اليوم بالعلوم ...
ميشو :آآه .. فهمت .. فهمت .. المدرسه ..
ملاك :يه وخري هنا ياراعية الجامعه ترى كل اللي بينا 6سنوات ..
ميشو :جيد .. ياصاحبة الطموح .. 6سنوات جميله اتمناها لك في دهاليز المدرسه ...
صاحت بي بخوف وكأن دعوتي مستجابه لا محاله ..
ملاك:فال الله وفالك انا قصدي ثلاث سنوات بالثانوي وثلاث بالجامعه ..
وبلحضات لم تكد فيها الكلمات ان تصل لدماغي .. صاحت بأنفعال ..
ملاك :ايييه نسيت مأدري وش ادخل علمي او ادبي بروح اسأل سارا ..
وخرجت من عندي وهي تنادي على سارا ..
كم اتمنى لو احيا حياة ملاك او سارا ..
حياه هادئه مليئه بالحيويه .. والأهم بعيده عن الأنتقام الذي يثقل كاهلي ..ويتعب تفكيري المتعب منذُ ولادتي ..
((2))
منير
طلعت من البيت اركض .. حرب اللي داخل حرب .. ليه يتهاوشون حرااام عليهم انا احسهم شوي ويذبحون بعض
.. ليش يمـه ليش .. ليش ياقيس ..؟!
من قال ان سارا محتاجه له .. ليه امي تظن ان سارا ماراح تزوج بعد مانفصخت خطوبتها
.. تحسب يعني ان زواجها من قيس هو الحـــــــل ..
ليش الناس تفكيرها غبي .. قيس وسارا كيف ..
انا خايف على سارا خايف ..
قيس مجنون ماهو طبيعي تو كان بيذبح اللي قدامه من الأنفعال .. وجابر ليش يتدخل ليش يكره قيس ليش يشب النار بين قيس وبين امي ..
شفت قيس يطلع شبه جري من البيت ويركب سيارته اللي حركها بالسرعه تطحن اللي تمر عليه ..
اول ماشفت جابر ركضت له بعرف منه وش صار مع اني كنت مقهور منه الحقير ..
منير :وش صار ..
جابر :ماودعته .. خلاص امي طردته من البيت ..
وجلس يضحك .. مبسوط هو ووجه الحيوان ..
منير :وليش طردته ..
جابر:تقول مافيه رجعه لين يرضى يتزوج بنت الأصل والفصل سويره ..
بعدت عنه لين صار مايقدر يمسكني ..
منير :بنت اصل وفصل غصب عنك يالحقيرررررر ..تفــوو عليك ياشراااب الدخاااااان يااااتاررك الصلااااه ..
وحطيت رجلي وهربت .. لأني كنت متأكد لو طحت بيده كان بيذبحني .. مالت عليه وعلى الشينه زوجته وععععع ...
اصلاً هو مقهور لأنه ماتزوج سارا اكيد مقهور .. تفوووووووعليه ..
وعد :اوب اوب .. اوب كل هذي عصبيه ..
اووووه هذي وش جابها الجنيه ..
لفيت عليها وانا ودي ازنطها ..
منير :خير انتي وش تبين ..
وعد :وش ابي يعني امش نلعب كوره ..
منير :مالي خلق نواف وينه ..
وعد :راقد ..
راقد غريبه وش عنده الدب ..
منير:وانتي وش عندك طالعه من غيره ..
طالعتني بنص عين وراحت تمشي وخلتني ..
لحقتها .. جلست تركض ..
منير :وعدوووه تعالي ياحماره ..
ناظرت فيني .. وهي تضحك .. وجلست تصارخ ..
وعد :اتحداك تلحقني ... الوعد عند دوار الورد ..
منير :لايالخبله بعيد هذا بتطلعينا من الحاره ..
وعد :بعيد ولاماتقدر يادب خايق اني اهزمك ..
جلست اركض وراها وهي تدخل مع شوارع الحاره يقالها بتختصر الطريق مادرت انها كذا تطوله وانا استمريت بالنفس الشارع ..
وبعد ماأنقطع نفسي وصلت عند الدوار بمعجزه من السيارات ووقفت وسطه ادورها مالقيتها.. اووووف وين راحت ذي صدق غبيه غبيه غبيه ...
جلست اناديها يمكن هي على الرصيف وانا ماني قادر اشوف الرصيف من زحمة السيارات ..
منير :وعععععععععد .. ياوعععععععععععععععد ..
سمعت صوتها .. ترد علي ..
وعد :تعال منير انت ووجهك خلاااص فزت تعاااال ..
وش فيه صوتها كنها خايفه .. ياليت والله وعدوه تخاف خخخخخخخخخخ ..
قطعت الشارع بالسرعه ولقيتها جالسه على الرصيف كنها شحاده جيت جلست جنبها ..
منير :وش فيك ليه ماجيتي هناك ...
وعد :مالي خلق خفت تصدمني سياره واروح ضحية التهور وأكون عبره ..
منير :وش فيك صايره فهيمه اليوم ..
وعد :خخخخ اقشر فهامه اللي بتلقاها عندي بس اليوم اخذين درس عن الحوادث المروريه وجمعت لي كلمتين منه وجيت اتفيلح فيهم قدامك .. منيررر شوووف هناااك ..
لفيت اشوف وين ماده اصبعها وانصدمت هذا فادي ايه هذي سيارته .. بــــس من هذي اللي معه .. سويت نفسي مافهمت قصدها ..
منير :وين هناك السيارات قصدك ..
وعد :اصلاً انت شفته اخوك فاديووه الفاسد لاوراكب سياره كشخه من وين جايبها ..
منير :وانا وش دراني عنه ..
وعد :انت ليه كل أخوانك كذا اغبياء وفاسدين ...
هييي وش تقول الهبلا ذي ..
منير :احترمي حالك من زينك انتي وخواتك ..
وعد :احلى منك على الأقل حنا عندنا وحده عاقله .. انتم البيت كله منتهيه صلاحيتكم ..
منير :هع جدديها .. وهين تشوفين دوري احد يشتريلك من الدكان ..
وعد :يمه خفت عاد انا اشتري ..
منير :ومن وين لك فلوس ..
وعد :ادبر نفسي ..
منير :كيف بتدبرين نفسك يعني .. بتسرقين ..
قلتها بأستهبال ..
وعد :ايه اسرق ليه لااا ..
طالعتها احسبها استهبل .. بس كانت نظراتها تثبت صدق حكيها ..
منير :انتي تسرقين ..
وعد :ايه اقولك ماتفهم انت ..
منير :بس ليه ..؟
وعد :يعني ليه الناس تسرق ..
منير :مأدري الناس تسرق عشان اشياء كثيره ..
وعد :خلاص انا مثل هالناس ..
منير :وانتي مصدقه انك من الناس ..
عصبت وحواجبها نطت بنص جبهتها ..
وعد :احترم حالك وش قصدك يعني انا حيوانه ..
ههههههههههههههههههههه ياليتكم بس تشوفون وجها وهي تكلم ..
بتردد جيت بسألها باللي افكر فيه .. وكنت احسبها تفهم وتعرف تفكر ..
منير :وعد بسألك سؤال بس لاتفهمين خطأ ..
ردت علي بأسلوب ابله ..
وعد :بأختصار وش تبغى اسرق لك ..
منير :هذا اللي كان ناقص اطلب منك تسرقين لي ليش مالي يد ..
وعد :اجل وش تبي ..
منير :اصلاً انا الغلطان اللي كنت بقولك شي ..
نطت بلقافه وشوي وتجي بحظني ياخي هالبنت ملقوفه بشكل ..
منير :لاتعالي اجلسي هنا احسن ..
وعد :اقول انقلع ياقليل الأدب .. مالت بس اخو قيس وجابر من وين بتجيب الذرابه ..
وقامت مأدري وين بتروح ..
منير :تعالي يالذربه وين بتروحين ..
وعد :بروح الصين انتي شكو ..
منير :تعااااالي يالخبله تعاااالي بشتريلك اسكريم ..
لفت علي بالسرعه ..
وعد:احلف ..
منير :بتجين ولاشلون ..
وعد :لاخلاص بجي بس ياويلك لو تكذب والله لأفلقك ببلكه ..
صدق اني غبي يوم فكرت اخبر هالبزر عن حبي لشوق ... آآآآه ياحياتي يالشوق ..
((3))
سارا
يالناس آآهه هههههههههههههههههه ماني قادره اوقف ضحك ياربي من المهبوله ذي ملاك .. هبلت بأبو جد الأبله مسكينه بتطلع من الفصل على طول لشهار ..
تعرفون انا وملاك عدونا الأنجليزي والمشكله بهالأبله شايفه حالها بقوه .. عاد ملاك ماتحملت وبدت بأساليب التطفيش حقتها تصوروا من بدت الحصه وهي كل مالفت الأبله على السبوره جلست تقلد صوت مره صوت رجال مره صوت حصان مره صوت مطر ابداع ابداع .. والمعلمه منهبله ووالفصل كلهم مو دارين من اللي يسوي هالحركات ..
سارا :خلاص ملاك والله بتكشفك .. خليها للحصه الجايه ..
ملاك :اوكي بس شوفي وش بسوي ..
وجلست تقلد صوت غراب بصوت قوي ... انا خفت منه ..
الأبله :قلة ادب اللي جالس يصير قمة السخافه ..
المفرروض اللي جالسه تسوي هالحركات وواضح انها ماتبي تحضر الحصه توقف وتقول ماأبي احضر وانا احب ماعلى قلبي اني اسمح لها تطلع برى لأني مستغنيه عن مثل هالأشكال ..
ملاك بهمس لي ..
ملاك :ياحبها لنكد ..
سارا :ولاكأنك مسويه شي ..
ملاك :أنا اعوذبالله وش سويت ..
سارا :ولاشي حياتي انا اللي سويت ..
ملاك :اقول اسكتي العله تطالع فينا ..
سكتنا شوي لين لفت على السبوره ..
ملاك :اووووف وبعدين مع ابو العله هذي ..
سارا :ابوها شكو ..
ملاك :مأدري عنه ..
سارا :ملاك انتي مسخنه ..
ملاك :لابس شوي واصير محمومه مو مسخنه بس من هالعله ..
سارا:اللحين انا ودي افهم الحصه خمس واربعين دقيقه ولا خمس واربعين ساعه ..
تثاوبت ملاك وحطت راسهاعلى الطاوله وهي تقول ..
ملاك :انام ابرك لي من مقابل هالعله ..
قبل مارد عليها دق الجرس وقمنا كلنا مره وحده ومانتبهنا ان الأبله للحين تشرح وماعندها نيه تطلع .. لين قالت ..
الأبله :خير خير ليه واقفين ..
ملاك :يووه انتي للحين فيه خلاص دق الجرس ..
الأبله :ايش ..
سحبت ملاك اجلسها وانا ابتسم للأبله ابتسامه بلها ..
سارا :ولاشي بس كنا نحسبك بتطلعين ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك