رواية تحملت كثير يا قلبي -43
بدر بصوت واطي : يالبى قلبها .. يلا فمان الله ..
طلع بدر من البيت وغيدا تكلم هيفا .. جا مشاري واخذ ليلى من بيت عايشه ..
مشاري : خلاص ..
ليلى تبتسم : ايه خلاص ..
مشاري : احــم .. شخبارها ..
ليلى : الحمد لله بخير .. أ أ أ تسلم عليك ..
مشاري : الله يسلم قلبها يارب ..
ليلى : مشاري ..
مشاري : هاه ..
ليلى : مو ناوي تتزوج ..
مشاري : لا مو الحين ..
ليلى : ليه ..
مشاري : بس .. مابي الحين ..
ليلى : طيب ..
مشاري : فكرتي بمنصور ..
ليلى : أ أ أ مدري عطني فرصه تراني ما اعرف عنه شي غير انه خويكم كلكم ..
مشاري : ههههههههههههه .. كلنا مين يعني ..
ليلى : انت وعيال عماني ..
مشاري : ايه فديته صديقنا كلنا ..
ليلى : الله يكتب اللي فيه الخير ..
مشاري : امين .. بس كان تبين رايي .. يعني مو عشانه خويي .. بس الصراحه ماينرد ..
ليلى : بعد بستخير ..
مشاري : اوكي ..
ليلى : مشاري بسألك ..
مشاري : هلا ..
ليلى : امممممممممممم .. مين اللي دقت عليك اليوم وقت الغدا ..
مشاري ابتسم لها : ليه ..
ليلى : بس ..
مشاري : وحده ..
ليلى : وحده من خالاتي يعني ..
مشاري : لا ..
ليلى : اجل ........... خويتك ..
مشاري : ايه ..
ليلى : من متى ..
مشاري : من فتره .. بس ليش تسألين ..
ليلى : بس كذا .. ما اخبرك تكلم بنات ..
مشاري : مدري بس هذي جت بفتره كنت محتاج انسى فيها تهاني .. بس حتى يوم كلمتها ما قدرت اشيل تهاني من بالي ..
ليلى : ليه تكلمها طيب ..
مشاري : بس كذا ..
ليلى : تحبها ..
مشاري : ليلى انتي تعرفيني .. ماحبيت ولا راح احب غير وكثر تهاني .. مستحيل احد يدخل قلبي غيرها ..
ليلى : بس الحين تهاني تعتبر متزوجه ..
مشاري : الله يوفقها خلاص قفلي الموضوع .. وليلى لو ادري ان احد درى بالموضوع بيصير شي ماتحبينه ..
ليلى : لاخلاص توبه ..
مشاري : ههههههههههههه .. خلك كذا .. شطوره ..
? ? ? ? ? ? ? ? ? ? ? ? ? ? ?
????…¤_¤… يوم الاربعاء ( يوم طلعة البر ) …¤_¤…????
الفجر الساعه ½,6 بعد صلاة الفجر .. كان عبد العزيز ببيت ابوه عشان بيآخذه هو وامه ويروحون مع بعض .. كانت الجده جالسه بالحوش مع هدى ورغد .. والرجال توهم يجيون من الصلاة ..
الجده : يلا مشينا ..
حمد : جاهزه يمه ..
الجد : من امس وهي جاهزه .. بس تحتري احد يوديها ..
الجده : بسم الله علي الرحمن الرحيم .. لاتنحتني بس ..
الجد : بسم الله عليك .. يلا يلا ..
ركب ابو عبد العزيز وام عبد العزيز وهدى مع عبد العزيز .. وحمد معاه سلطان ورغد والخدامه ..
كان فارس هو اللي مجهز كل شي .. يعني هو اللي حجز المخيم ورتب كل شي وجاب كل الاغراض المطلوبه .. كان فيه 7 خيام .. وحده للرجال , ووحده للحريم , ووحده للبنات , ووحده للشباب , ووحده للخدامات , ووحده للعمال من غير المطبخ والحمامات ( الله يكرمكم ) .. وصل عبد العزيز على الساعه تقريبا 8 .. وصل ولقى فارس موجود بلحاله مع العمال وسواقه .. وامل وجوري ورائد بيجيبهم ريان بسيارته .. على الساعه تقريبا ½,10 .. كان الكل موجود .. ومجتمعين الحريم بخيمتهم والرجال بخيمتهم ..
الجده : لولو .. قومي امي جيبي لي مويه ..
لولو : مدري يمه اذا فيه ولا لا ..
امل : الا فيه تلقين بالمطبخ ..
لولو : طيب .. وحده تجي معاي ..
ابرار : ليه تخافين ..
لولو : تصدقين ايه ..
ابرار : يلا بنات وحده تقوم تجسّرها ..
ليلى : لاتطاالعيييني .. انا تعبانه ابي احط راسي وانام مواصله من امس ..
تهاني : هههههههههههه حطت عينها علي .. استريحي ماراح اقوم ..
ولاء : اعوذ بالله منة الله ولا منة خلقه .. انا بروح معاك ..
لولو : انتي احسن انسانه بالكون ..
ولاء : ههههههههه ياحبيلك .. بس قديمه دوري غيرها ..
لولو : وحنا رايحين بقولك يلا امشي ..
مشت لولو وولاء وراحو لخيمة المطبخ لقو الخدامات جالسين ..
ولاء : وين المويه ؟.؟
ادورا : ما ادري مافيه جيب .. يمكن عند رجال ..
لولو : خالتي امل تقول فيه ..
ادورا : انا يروه يشوف دقيقه سوي ..
ولاء : طيب ..
لولو : مره حلو المطبخ ..
ولاء : تحسينه مرتب ..
لولو : بقوه .. حتى مو صغير .. اذكر يوم نروح مع عماني كان المطبخ مايكفي الا شخص واحد بس ..
ولاء : هههههههههههههه حمام مو مطبخ ..
لولو : ههههههههههههههههههههه ..
راحت الخدامه ووقفت عند باب خيمة الرجال ..
ريان : نعم ادورا ..
ادورا : ماما لولو يبقى مويه ..
رائد : شوفيه بشنطة الجمس .. ريان قم عطها الكرتون ..
ريان : تروح هي تآخذه ..
رائد : طيب قم افتح لها السياره ..
حمد : شكله بردان .. هات المفتاح ..
ريان : لا مو بردان .. بس المفروض انت تجيبه لان خطيبتك هي اللي تبي ..
حمد يبتسم : ايه بقوم عشانها عندك مانع ..
ريان : لا ..
قام حمد واخذ الكرتون من السياره وعطاه الخدامه وراحت للمطبخ ..
لولو : شكراااااااااان ادورا ..
ادورا : ابوااان ..
ولاء : يختي عليهم لغه ..
لولو : ههههههههههه امشي بس امشي ..
راحوا للخميه معهم المويه .. وكل وحده اخذت لها ..
الجده : بارد ..
ولاء : جايبينه من السياره يمه ..
الجده : حتى لو بارد .. جيبولي حار ..
ولاء : روحي جيبي حار مافيني اروح برد ..
لولو : احد يجي معاي طيب ..
الكل : ههههههههههههههههههههههههه ..
اميره : ترى نهار .. اجل وش بتسوين بالليل ..؟..
لولو : مدري .. يلا بسرعه ..
جوري : يلا انا بروح ..
قامت معها جوري وراحوا للمطبخ ..
جوري : ادورا سوي مويه حاره ..
ادورا : انساء الله ..
لولو : الله يا جوري ..
جوري ابتسمت : وشو ..
لولو : بتصيرين حماتي ..
جوري : هههههههههههههههههههه الحمد لله والشكر .. وش طرى على بالك ..
لولو : مدري .. بس جد .. بتصيرين زوجة اخو زوجي .. وانا بصير زوجة اخو زوجك ..
جوري : ههههههههههههههههههه ياحبيلك ..
لولو : لين الحين تحبين فهد زي اول صح ..
جوري : لا ..
لولو انصدمت : ليه ..
جوري : ما ادري .. بس ماعاد صار زي اول .. يعني مدري كيف اوصف لك بس مو زي مكانته عندي اول ..
لولو : طيب يعني اعلى شوي ..
جوري ابتسمت : لا طبعا .. اقل من اول كثيييييييييييييييييير ..
لولو : ليه يا جوري ..
جوري : مو عارفه ..
لولو : بس هو يحبك ..
جوري : ادري وربي ادري .. بس انا ماعاد اقدر احبه زي اول ..
لولو : الله يهديك .. طيب .....
جوري قاطعتها : تكفين لولو قفلي الموضوع ترى مره يضايقني ..
لولو : اوكي خلاص براحتك ..
جوري : آآآآهـ ... يلا ادورا ..
اخذو منها المويه وودوها للجده ..
الجده : حاره مره ..
لولو : يمه هذا اللي تبينه ..
الجده : لا زوديها بارد ..
هيفا بصوت واطي : ترى خلاص قلق مره بارد ومره حار .. اشربي وخلاص ..
ولاء ونوره اللي كانوا جنبها : هههههههههههههههههههههههه ..
هيفا : والله تقهر ..
تهاني : مين ..
هيفا تأشر بعيونها على جدتها وترفع حواجبها ..
تهاني : ههههههههههه تبي تشرب مويه وش عليك انتي ..
هيفا : مدري بس انا انقلقت .. حار بارد جيبي ودي ..
تهاني : لوها طلبت منك قولي كذا ماطلبت منك خلاص انطمي ..
هيفا : اسكتي بس اسكتي تكفين .. خالتي امووووووووووووله ..
امل : سمي يا عيون خالتك ..
هيفا : وه بس يالبى هالصوت .. اقول خالتوا حبيبتي .. وين خيمتنا المصون ابي اريّح شوي احس فيني نوم ..
ليلى : وانا وانا ..
امل : الخميه اللي ورا هذي على طول ..
هيفا : طيب .. يلا اللي بتقوم تنام ..
جوري : انا ..
ليلى : وانا ..
اميره : وانا ..
تهاني : كلنا ..
قاموا البنات وراحوا للخيمه ..
ابرار : الله مره واسعه ..
ليلى : فديت عمي والله ..
جوري : ايه والله فديت باباتي ..
هيفا : تهاني .. السليب باق حقي وينه ..
تهاني : مدري عنك .. انتي مركبته بالسياره ..
هيفا : معطيته نايف يركبه ..
تهاني : مدري دقي على نايف قوليله ..
هيفا : فيه شبكه ..
تهاني : مدري شوفي ..
هيفا : ايه بس 4 شرطات ..
تهاني : طيب دقي ..
دقت على نايف ولا رد عليها ..
هيفا : ماصخ مايرد ..
جوري : انا بدق على ريان .. " دقت وعلى اخر شي رد " ..
ريان : هممممممم ..
جوري : نايم ..
ريان : ايه نايمين .. وش تبين ..
جوري : وين نايف هيفا تبيه ..
ريان : نايف نايم ..
جوري : يوووووووه .. طيب حبيبي انت تروح بس تشوف بسيارة خالي عبد الله فيه سليب باق ولا لا ..
ريان : لا مافيه شي .. كل شي منزلينه ..
جوري : متأكد ..
ريان : ايه انا ونايف نزلنا كل شي .. ليه تهاني ولا هيفا اللي مامعها ..
جوري : لا هيفا ..
ريان : هالانسانه دايم قلق ..
جوري : ماعليك ..
ريان : اصبري شوي وادق عليك ..
جوري : طيب يلا .. " سكرت منه " .. يقول مافيه ..
هيفا : لااااااااااااا .. انا وشلون انام طيب ..
جوري : تعالي معاي ..
هيفا : لا وين ماراح يكفينا ..
جوري : طيب اصبري شوي ريان بيدبر لك ..
هيفا : وه فديته ..
جوري : انتي تتفدينه وهو يقول انك قلق ..
هيفا : قلق بعينه ..
? عــنـد .. ريانـ .. ?
ريان : شباب احد معاه سليب باق زايد ..
بدر : انا معاي ليه ..
ريان : شكل القلقه هيفا نست حقها ..
بدر : طيب اروح اجيب اللي بالسياره اجل ..
قام بدر وراح سيارته وطلعه ودق على غيدا ..
غيدا : هلا وغلا ..
بدر : اهلين .. وينك ..
غيدا : بالخيمه حقتنا بننام ليه ..
بدر : تعالي عندي عند السياره ..
غيدا : ليه شعندك ..
بدر : خذي سليب باق لهيفا ..
غيدا : وانت شدراك انها تبي ..
بدر : ريان يقوله بتجين ولا اروح دايخ فيني النووووم ..
غيدا : لا لا خلاص جيت ..
بدر : يلا استناك ..
سكر منها وراح فتح السياره وطلع منها عطره وفتح السليب باق وعطره لييييييييين تملّى .. وعلى طول صفطه وخلاه زي ماكان .. كانت ريحته خياااااااال .. جته غيدا ووقفت معاه شوي تسولف .. كانت واقفه شبه قدام الخيمه .. بس مايشوفون الا شكلها من ورى الجلال .. قامت تسوي حركات تجنن وترقص شوي .. ورائد كان يطالعها يدري انها غيدا يعني مستحيييييييييييييل تكون مشاعل .. << هههههههههه .. المهم .. اخذت السليب باق وراحت فيه للخميه وبدر رجع عند الشباب وناموا ..
غيدا : يلا يا ست هيفا .. هذا لك ..
هيفا : فدييييييييييييييييييييييييتك .. من وين ..
غيدا تغمز لها : جبت لك ..
هيفا : تسلمين بس من وين ..
غيدا : من سيارة بدر حاطه احتياط .. يلا امسكي ..
هيفا : لا مابي . خذي حقه وعطيني حقك ..
غيدا : لا مابي ما استغني عن حقي .. يلا امسكي ولا نامي على الارض ..
هيفا : لا عطييينييييي حقك ..
غيدا : خلاص برجعه لبدر اجل .. وانت دبري حالك ..
هيفا : لا لا خلاص .. امري لله وش اسوي .. هاتيه ..
عطتها غيدا وكل وحده فرشت حقها ودخلت فيه ونامت .. هيفا اول مافتحته طلعت منه ريحة العطر وابتسمت .. تذكرت ريحته يوم يجي لبيتهم ويقرب لها ويقبصها مع خدها .. كانت نفس الريحه .. انسدحت وسكرته على نفسها وغطت وجهها وابتسمت ..
هيفا "ريحته تدوخ حسبي الله على بليسه " ..
? عــنـد .. البناتـ .. ?
ولاء : الله ابي اروح ..
جوري : وناسه ابي اروح العب ..
امل : اذا راحوا روحوا انتم ..
لولو : لا بيصر ظلما ..
امل : عادي وش فيها ..
لولو : لايمه نخاف ..
ولاء : انتي بس تخافين ..
هيفا : ياربييييييييييييييه لولو تخاااااااف ..
لولو : ايه اخاف فيها شي ..
هيفا : ياقلبوووو تخافيييين .. اغغغغغغغغغغو ..
الكل : ههههههههههههههههههههههه ..
لولو : ياسخفيييييييييييييييي ..
هيفا : هههههههههه ادريييييييييي ..
ابرار : خلاص هي انتي وياها .. يلا دوروا لنا شي نسويه ..
امل : تعالي هيفا ابيك شوي برى .. وانتي رغد فديت روحك تعالي ..
قامت امل وطلعت برى ..
جوري : وشو ..
هيفا : مدري .. وش السالفه ..
ساره : فديتها اكيد بتسوي لنا شي روحو روحو ..
هيفا : تعالي رغد ..
طلعوا عند امل وراحوا الخيمه حقت البنات ..
امل : وينكم ..
هيفا : هنا .. بس ندورك ..
امل : طيب يلا .. ابي اسوي شي حلو بس مو اليوم بكرى ..
هيفا : وشو ..
امل : ابي اسوي قراوه بارتي ..
هيفا : ههههههههههههههه هنا ..
امل : هههههههه ايه هنا بيطلع جنان ..
هيفا : والله عليك افكار .. اوكي طيب بس من وين نجيب ..
امل : هههههههههه يا حليلك مآخذه احتياطاتي كل شي معاي .. المهم الحين ابي كاميرا ..
هيفا : ماجبت ..
امل : ادري .. محد جاب .. بس رغد روحي للشباب وقوليلهم من عنده كاميرا .. بس هاه لاتقولين لهم وش نبي فيها .. قولي ان خالتي امل تبيها وبس ..
رغد ضحكت : ان شاء الله ..
راحت تركض لخيمة الرجال ..
امل : بس لازم كم وحده .. ماينفع اناوياك ..
هيفا : نوره وولاء ..
امل : لا بنقول لهم كلهم بنشوف كل وحده وش بتسوي بروحها .. والاكسسوارات الزياده معاي ..
هيفا : هههههههههههههههههههه وناسه ..
امل : هههههههههه .. طيب الحين شوفي دام لولو تخاف لازم اسوي شي انا ما اقدر اعيش كذا ..
هيفا : ههههههههههههههههههه يقولون على مين طالعه ..
امل طقتها على كتفها : ههههههههههههه شقصدك ..
هيفا : ههههههههههههههههه ياحبيلك ماقصدي شي .. يلا يلا ..
امل : لا لا خلاص هونت اخاف يصير بعقلها شي حمد يتورط بعدين ..
هيفا : هههههههه ماعلييييييييك .. يلا تكفين تكفين ..
امل : طيب اسمعي ..
? عــنـد .. رغد ?
راحت خيمة الرجال ..
عبد العزيز : هلا بأمي تعالي حبيبتي ..
رغد : بابا ابي كاميرا ..
عبد العزيز : من وين اجيب لك كاميرا ..
رغد : مدري ..
بدر : انا عندي بالسياره ..
ريان : ماشاء الله كل شي عندك ..
بدر : لا اله الا الله ..
عبد العزيز : وش تبين بالكاميرا طيب ..
غيدا : مو انا ابيها .. خالتي اموله تبيها ..
فارس : وش تبي فيها ..
رغد ابتسمت : مدري ..
رائد : لا تدرين يلا قولي ..
رغد : هههههه مابي قالت لاتعلمين ..
فارس : هههههههههههههه اكيد ناويه على شي .. لا لا قولي ولا ماراح نعطيك اياها ..
رغد : مابي بعدين تزعل ..
فارس : ماتزعل يلا قولي ..
ابراهيم : خلاص لاتحرجونها .. ماتبي تقول يجينا الخبر بعدين ..
فيصل : بدر قم جب لها الكاميرا ..
بدر : ان شاء الله .. تعالي ..
راحت معاه رغد وعطاها الكاميرا ..
بدر : انتبهي لها لاتطيح ..
رغد : ان شاء الله ..
اخذتها وودتها لامل ..
امل : شوووووووووووكران .. من عطاك اياها ..
رغد : بدر ..
امل : الله يعطيه العااااااافيه .. امممممم طيب ماعنده شريط جديد ..
رغد : مدري ..
امل : فديتك روحي اساليه ..
راحت له رغد : بدر ..
بدر : هلا ..
رغد : تقول خاله اموله عندك شريط جديد ..
بدر : ايه فيه .. تعرفين تفتحين سيارتي ..
رغد : ايه ..
بدر : طيب تلقينه بالتّكَّايه ..
رغد : طيب ..
راحت وحاولت تفتح السياره ماقدرت رجعت عند امل ..
رغد : يقول عنده بالسياره بس ماعرفت افتحها ..
امل : هيفا روحي افتحيها ..
هيفا : انا ..
امل : ايييه روحي ..
هيفا : طيب ..
راحت رغد وهيفا السياره وفتحتها هيفا ..
هيفا : يلا جيبيه ..
رغد : يقول بالتّكَّايه ..
هيفا : طيب طلعيه يلا ..
دخلت رغد السياره وطلعت الشريط ..
رغد : هذا هو ..
هيفا : بسرعه وديه طيب ..
راحت رغد تركض لامل .. وهيفا واقفه عند باب السياره .. جا بدر وشافها .. كانت الدنيا مظلمه شوي ..
بدر : عاجبتك السياره يعني ..
هيفا : بســــــم اللــــه الرحمـــــــن الرحيــــــــم .. وجع انشاااااااااااء الله ..
بدر : ههههههههههه خوفتك ..
هيفا : وجع ..
بدر : لاتدعين علي .. اهون عليك ..
هيفا : ايه تهون ومن تكون ..
بدر : اعلمك من اكون ..
هيفا : درينا بدر بن فيصل الــ...... .. خلاص غثيتنا ..
بدر : هههههههههههه دام تدرين ليه تقولين من تكون ..
هيفا : بس كذا ..
بدر : طيب ش تسوين هنا ..
هيفا : كنت اخذ الشريط ..
بدر : بس انا قلت لرغد ماقلت لك انتي ..
هيفا : ماعرفت تفتح السياره فيها شي ..
بدر : لا مافيها شي بس شوي شوي لاتطقيني ..
هيفا : ابعد بروح ..
بدر : وين بدري ..
هيفا : خير وش تبي .. ابعد ..
بدر : مبعد وين ماقربت لك اصلا ..
هيفا : اقصد ابعد بروح ..
بدر : روحي من ماسكك ..
هيفا : طيب ابعد عن طريقي ..
بدر : هههههههههه لاحوووووول ..
هيفا : افففففف يلا وخر ..
بدر : نمتي زين ..
هيفا : وش عليك ..
بدر : سؤال بس .. شفيك ..
هيفا : ايه نمت زين ..
بدر : ادري عشان السليب باق حقي .. ويوم شميتي عطري ماقدرتي على طول دختي ونمتي ..
هيفا : يوووووووه مآخذ مقلب .. ياربيه ..
بدر : هههههههههه بالله مو حلو ..
هيفا : حلو بس ابعد ..
بدر : ادري .. يلا روحي ..
راحت عنه هيفا وهو ركب السياره وشغلها ومشى .. شغل المسجل على اغنية راشد ( غمض عيونك ) .. ووقف عند خيمة الرجال وركب معاه مشاري وراحوا ..
? عــنـد .. املـ .. ?
امل : وينك ..
هيفا : موجوده ..
امل : طولتي ..
هيفا : معليش ماقدرت اسكر السياره .. يلا ..
امل : يلا البسي ..
? عــنـد .. اللي بالخيمهـ .. ?
طلعوا الحريم وجلسوا برى وشبوا لهم نار وجلسوا حولها .. والبنات بالخيمه .. دخلت امل ..
امل : ليش ماطلعتوا معهم ..
لولو : مانبي ..
ولاء : خايفه خايفه ..
لولو : لاعاد مو لهالدرجه ..
امل : اهااا ..
طلعت امل واشرت لهيفا وورتها مكان لولو .. راحت هيفا وطقت المكان من ورى الخيمه ..
راحت امل جهت الطبلون .. وطفته البنات قاموا يصرخون .. قامت ابرار وولعت نور جوالها .. وهيفا دخلت عليهم وكانت لابسه ابيض وصارت تسوي حركات مره تخوف .. وعلى طول طلعت .. صفرت وامل على طول ولعت الطبلون وراحت جلست .. بعدين قامت للبنات ..
امل : بسم الله عليكم خفتوا ..
جوري : يمه وش ذا طبلون خايس بيجلس يطفى كل شوي ..
امل : مدري بعدين اول مره يطفى عادي ..
جوري : لا يمكن يصير كل شوي ..
التفتت على لولو .. كانت مغطيه وجهها بيدينها وحاطه راسها بحظن ساره .. دخلت عليهم هيفا ..
هيفا : طفى الكهرب وانا بالحمام ..
ولاء : هههههههههههه فضيحه ..
هيفا تطالع لولو : وش فيها ذي ..
ساره : هههههههههههههههه خايفه ..
لولو : رجعوووووووووووووووووني .. رجعوني رجعوني الحين ..
امل : هههههههههههههههه بسم الله عليك شفيك .. عادي ..
لولو : مابي خالتي امول خل يرجعوني تكفين اجلس بالبيت الحالي ولا اشوف اللي شفته ..
امل : ليه وش شفتي ..
لولو : مدري بس شفت شي يمشي قبل شوي ..
امل جتها الضحكه : كيف يعني شي يمشي ..
ولاء انتبهت لها وهي تغمز لهيفا : انا ماشفت شي متى ..
لولو : والله والله فيه شفت ..
هيفا : بسم الله عليك يمكن من الخوف ماقدرتي تركزين .
امل : وحده تقوم تجيب لها مويه .. قومي جواهر ..
قامت جواهر وراحت المطبخ ولحقوها نوره وولاء ..
ولاء : ههههههههههه تدرون اللي دخلت قبل شوي مين ..
نوره : مين ..
ولاء : هيفا ..
جواهر : ههههههههههههههه تستهبلين ..
ولاء : والله انا شفت خالتي امل تغمز لهيفا ..
نوره : يعني كله تخطيط ..
ولاء : ايه ..
جواهر : شف عشان يروعون اختي ..
ولاء : جتني فكره .. انا بروح اطفي الطبلون وانتم ادخلوا عليهم وروعوهم ..
نوره : ههههههههههههههههههههههههه نردها لهم يعني ..
جواهر : ههههههههههههه احسن ..
ولاء : بس ما اعرف اطفيه ..
جواهر : انا اعرف ..
ولاء : خلاص انتي روحي طفيه وانا ونوره بنروح ..
نوره : يلا ..
راحت جواهر وطفته .. ودخلوا ولاء ونوره الخيمه بجلالات وراحوا كل وحده جهه راحت ولاء لهيفا ونغزتها مع خصرها بعدين راحت لامل .. وكلهم قاموا يصرخون .. وعلى طول طلعوا وراحوا المطبخ وجواهر ولعت الطبلون وانحاشت للمطبخ لانها سمعت صوت جاي ..
ولاء : ههههههههههههههههههههههه .. فاتكم صرخت هيفا ..
نوره : ههههههههههههههههه غيدا وجوري بغوا يموتون ..
ولاء : بيان اختي تحمد ربها الي ماجت عشان مايجي عقلها شي ..
نوره : ههههههههههههههههههههه اتخيلها ..
ولاء : ههههههههههههههههههههههههههههه آآهـ بطني ..
جواهر : يلا يلا نرجع لايشكون ..
اخذوا المويه ورجعوا بسرعه ..
جوري : يمااااااااااه ..
امل : وش اسوي طيب خربان ..
جوري : زينوه مابي ..
لولو : رجعوني رجعوني رجعوني رجعوني ... مالي شغل .. مابي اجلس اخاف اخااااااف ..
الكل : ههههههههههههههههههههه ..
اميره : ياربيه النعومه مقطعتك انتي .. عادي واذا طفى وش بيصر ...
هيفا : بنات يا سخيفااااااات .. من اللي نغزني قبل شوي ..
جوري : محد جنبك اصلا عشان ينغزك ..
هيفا : والله فيه احد نغزني والله ..
امل : هههههههههههههههههه ..
هيفا : انتي ..
امل : لا والله مو انا ..
هيفا : ميييييييييين .. يمه والله فيه احد نغزني ..
امل : بتروعين لولو روعوك ..
لولو : نـــــعــــم ..
هيفا : ايه انا اللي دخلت عليكم لابسه ابيض وخالتي امل هي اللي طفت الطبلون .. بس قبل شوي مو حنا ..
امل : ترى حتى انا حسيت بشي على كتف مدري وشو .. يمآآه ..
الكل : هههههههههههههههه ..
هيفا : ياربيه يخوف ..
امل : هههههههههههههههه انقلب السحر على الساحر ..
دخلوا عليهم ..
ولاء : يمه ماقلنا لكم خربان هالطبلون ..
لولو : ياربيه لازم يصلحونه انا ما اقدر كذا برجع ..
امل : طيب تعالوا اطلعوا برى عشان لو طفى يكون فيه نار تنور علينا ..
قاموا كلهم وطلعوا ..
? عــنـد .. الرجالـ .. ?
حمد : مافيه شي .. مليان بانزين ..
رائد : اجل وش سالفته كل شوي يطفى ..
حمد : يمكن التماس بس ..
ماهر : يمكن ..
رائد : الساعه كم الحين ..
ماهر : الساعه الحين يا طوييل العمر .. امممم .. ½,11 ..
عبد العزيز : سلطان .. رح قل لامك وين العشى ..
سلطان : ان شاء الله ..
قام سلطان وقالهم يحطون العشا .. وقاموا البنات حطو لهم العشا .. وعلى الساعه 12 تعشوا الرجال ودخلو ينامون وباقي الشباب جالسين برى .. والحريم بعد ناموا .. باق البنات .. لولو عيت تنام تقول مستحيل انام هنا ..
لولو : مابي والله ما انام هنا ..
ابرار : بلا حركات بزران .. يلا اشوف ..
لولو : قلت لكم مااااااااابي .. ياربيه ارحموني اخاااف ..
ابرار : لولو بلا دلع .. يعني هذي حالتك كل ما طلعنا بر ..
لولو : وش اسوي اخاف ..
قامت رغد وراحت لحمد وقالت له بإذنه ..
رغد : حمد لولو خايفه ماتبي تنام بالخيمه ..
حمد : هههههههههههههه طيب تعالي ..
قام حمد معها : وينها الحين ..
رغد : جوى ..
حمد : طيب قوليلها يقولك حمد تعالي نامي بسيارتي ..
رغد : طيب .. عطني المفتاح ..
حمد : لا انا بروح افتحها وبخلي المفتاح جواتها .. انتي بس قوليلها ..
رغد : طيب ..
راحت رغد للخيمه وقالت للولو بإذنها ..
رغد : يقولك حمد تعالي نامي بسيارتي ..
لولو حمر وجهها : وش دراه ..
رغد : هههههههه انا قلت له ..
تهاني : ههههههههههههههههههههه روحي روحي نامي ..
لولو : وش تبون انتم .. كيفي خطيبته ..
رغد : ايه زوجت المستقبل ..
البنات : ههههههههههههههه ..
لولو : احد يجي معاي ..
البنات : هههههههههههههههههههههه بعد تخافين ..
لولو : لو اموت مانمت الحالي .. يلااااا .. اميره تعالي ..
اميره : طيب .. يلا ..
اخذوا فرشهم وراحوا السياره وركبوها وناموا ..
غيدا : ياربيه احس فيه شي ..
هيفا : وين ..
غيدا : مدري .. يمه .. شي يمشي ..
جوري : لاتوسوسين شتا مافيه حشرات ..
غيدا : اقولك احس فيه شي شفيك ..
قامت ونفضت السليب باق حقها ولقت جنبه ثعبان قامت تصرخ .. والبنات كلهم قاموا .. الشباب سمعوا صراخهم ..
حمد : الله يصجهم الناس نايمين ..
ريان : ياخي صراخ من قلب ..
رائد : رح سلطان شف وش السالفه ..
راح سلطان ورجع لهم يركض : ثعبان بخيمة البنات جنب غيدا ..
مشاري : وش جابه قم قم ..
بدر قام وراح يركض هو ومشاري
بدر : ياولد ..
غيدا : بدر تعااااال ..
دخل بدر ومعاه حجر ومشاري معاه عصى وطقوه لييييين مات ..
مشاري : من اللي جابته معها تعترف ..
نوره : ماندري هو كان فيه ..
بدر : ابي اعرف من وين طلع ..
غيدا : ما انام هنا مابي مابي ..
بدر : طيب تعالي نامي بالسياره ..
مشاري : دلع ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك